Teesari Timaahi Mein Reliance Life Ka Munaafa Chaar Guna Huaa

Teesari Timaahi Mein Reliance Life Ka Munaafa Chaar Guna Huaa

Breaking »

Nai Delhi: Niji kshetr ki pramukh beema company Reliance life inshyoreins ka December mein samaapt teesari timaahi ka shuddh laabh chaar guna hokar 40 karod rupaye par pahunch gaya hai. Company ke utpaad portfolio aur vitran aadhaar mein sudhaar se usaka shuddh laabh badha hai. Isse pichhle vittavarsh ki samaan timaahi mein company ka shuddh laabh 10 karod rupaye raha tha. Timaahi ke dauraan Reliance life ka kul premium 930 karod rupaye raha. Vaheen 31 December, 2012 ko samaapt timaahi mein company ke prabandhan ke tahat parisampattiyaan 17 feesadi badhkar 19,366 karod rupaye par pahunch gain. Reliance life inshyoreins ke mukhya kaaryakaari unoop raau ne kaha, hamaari paulisiyon ki sankhya ab badhi hai. . . Hamein vishvaas hai ki bhavishya mein hamaara laabh aur badhega. Company ka 80 pratishat kaarobaar paramparaagat paulisiyon aur baaki 20 pratishat unit linkd paulisiyon par aadhaarit hai. Pichhle chhah maah mein kapanni ne teen vaikalpik vitran vyavasthaaen shuroo ki hai. Inmein face too face, life plaaja aur career agent ki vyavastha shaamil hai. Company ne bikri badhaane ke liye 5,000 se adhik logon ko vitran network mein joda hai.


'Zardari Ke Khilaaf Bhrashtaachaar Ke Maamale Naheen Kholeinge Swiss Adhikaari

'Zardari Ke Khilaaf Bhrashtaachaar Ke Maamale Naheen Kholeinge Swiss Adhikaari

Breaking »

Islamabad: Pakistan ke kaanoon mantri Faruk naaik ne kaha hai ki Switzerland ke adhikaari Supreme court ke ek aadesh ke tahat desh ke raashtrapati Asif Ali Zardari ke khilaaf bhrashtaachaar ke maamale naheen khol sakte. TV channelon ne naaik ke havaale se kaha ki Switzerland ke adhikaariyon ne is saptaah Pakistan sarkaar ko bheje ek patra mein apni sthiti bataai hai. Pakistani soochana mantri evam Zardari ke najadeeki sahayogi kamar jamaan kaira ne kaha ki Switzerland ke adhikaariyon ke is nirnaya ne Pakistan sarkaar ki or se apanaae gaye rukh ka samarthan kiya hai. Pakistan sarkaar ne Supreme court ke dabaav mein gat varsh November mein Switzerland ke adhikaariyon ko patra bhejkar bhrashtaachaar ke maamalon ko fir se kholne ka aagrah kiya tha. Haalaanki patra mein yah bhi spasht kiya gaya tha ki maamalon ko is shart ke saath khola ja sakta hai ki raashtrapati ko samvidhaan aur Pakistani evam antararaashtreeya kaanoonon ke tahat chhoot praapt hai. Bhrashtaachaar ke maamalon ko lekar Switzerland ke adhikaariyon se sampark karne ko lekar sarkaar aur Supreme court ke beech gatirodh ki keemat poorv pradhaanamantri Yusuf raja gilaani ko gat varsh apna pad ganvaakar chukaani padi thi.


Afzal Guru Ko Faansi Kashmir Ghaati Mein Doosare Din Bhi Curfew

Afzal Guru Ko Faansi Kashmir Ghaati Mein Doosare Din Bhi Curfew

Breaking »

Shreenagar: Sansad par hamle ke doshi mohammad Afzal guru ko shanivaar ko Delhi ke tihaad jail mein faansi diye jaane ke baad Kashmir mein ravivaar ko doosare din bhi curfew jaari hai. Aadhikaarik sootron ne bataaya ki ghaati mein ravivaar subah logon ki gatividhiyon par pratibandh sakht kar diya gaya, kyonki shanivaar ko curfew ke kai ullanghan hue the. Afzal guru ko shanivaar ko faansi ke fande se latakaae jaane ke baad samoochi ghaati mein pradarshanakaariyon aur kaanoon pravartan agencyon ke beech sangharsh mein 23 policekarmiyon sahit kam se kam 36 log ghaayal ho gaye the. Sootron ne bataaya ki kaanoon-vyavastha ki sthiti kaayam rakhane ke liye ghaati ke sabhi samvedansheel sthaanon par policekarmiyon aur CRPF karmi ki bhaari sankhya mein tainaati ki gayi hai. Unhonne bataaya ki shanivaar ko jin sthaanon par pradarshan hue the, vahaan suraksha balon ki sankhya badha di gayi hai. Sootron ne bataaya ki ghaati mein aaj hinsa ki koi taaja ghatna naheen hui hai. Baharahaal, ehatiyaati kadam ke tahat aaj doosare din bhi mobile Internet seva band rahi tatha samaachaar channelon ka prasaaran bhi kebal TV oparetar naheen kar rahe hain. Vaheen, curfew ke chalte aaj dukaanon tak akhbaar naheen pahunch paae. Shanivaar ko Jammu-Kashmir ke mukhyamantri umar abdulla subah Jammu se shreenagar pahunche aur Afzal ko faansi diye jaane se kuchh hi der pehle unhonne ek uchchastareeya baithak mein kaanoon-vyavastha ka jaayaja liya. Jaise hi Afzal ki faansi ki khabar faili, mukhyamantri ne raajya ki janta se shaanti kaayam rakhane ka anurodh kiya. Jammu-Kashmir police aur ardhasainik balon ke javaanon ki tainaati tadke 4 baje se shuroo ho gayi thi. Police mahaanideshak ashok prasaad ne is sambandh mein mukhyamantri ke saath yojana banaai thi aur sabhi 10 jilon mein subah 5 baje tak poori tarah balon ko tainaat kar diya gaya. Hurriyat ke naramapanthi dhade ne chaar din ke shok ki ghoshana ki hai. Sopor mein jaahageer, uttar Kashmir ke baaraamoola-uri raajamaarg par puraana baaraamoola aur khaanapura mein tatha dakshin Kashmir ke loar munda mein curfew ki paabandiyon ka ullanghan karne ka prayaas kiya gaya.


Mahakumbh Mauni Amaavasya Par Teen Karod Shraddhaaluon Ki Dubaki Lagaane Ki Sambhaavana

Mahakumbh Mauni Amaavasya Par Teen Karod Shraddhaaluon Ki Dubaki Lagaane Ki Sambhaavana

Breaking »

Allahabad: Mauni amaavasya ke avsar par ravivaar ko laakhon shraddhaaluon ne Mahakumbh mein sangam mein pavitra snaan kiya. Vibhinn akhaadon ke saadhuon ne bhi doosra shaahi snaan kiya. Adhikaariyon ke mutaabik, sooryodaya ke baad se dopahar tak 20 lakh se jyaada logon ne sangam mein dubaki lagaai aur antim aankada teen karod tak hone ki ummeed jataai ja rahi hai. Pavitra mauni amaavasya ke kaaran shanivaar raat se hi shraddhaaluon ka ganga ke ghaaton par jutana shuroo ho gaya. 12 saal mein ek baar aane vaale Mahakumbh mein mauni amaavasya par sabse jyaada bheed umadne ki sambhaavana jataai ja rahi hai aur prashaasan ne is saal kareeb teen karod logon ke pahunchane ke liye intajaam kiye hain. Suraksha vyavastha ke sakht intajaam kiye gaye hain aur aaiteebeepi, CRPF, BSF aur raif jaise ardhasainik balon ke 15,000 se jyaada javaanon ko tainaat kiya gaya hai. Iske alaava, uttar pradesh police aur iski praanteeya sashastr ikaai aur aatankavaadarodhi shaakha bhi kadi najar rakhe hue hain. Din ka khaas aakarshan akhaadon ka shaahi snaan hai, jiski shuruaat aadi shankaraachaarya ne ki thi. Ismein yamuna aur pauraanik sarasvati nadi ke sangam mein snaan ke liye akhaadon ke bhavya juloos nikalte hain.


Mahakumbh Mein Shaayad Naheen Jaaenge Narendra Modi

Mahakumbh Mein Shaayad Naheen Jaaenge Narendra Modi

Breaking »

Ahmedabad: Gujarat ke mukhyamantri Narendra Modi sambhavat: Suraksha kaaranon se 12 February ko Allahabad mein Mahakumbh mein shaayad naheen jaaenge. Isse pehle, sootron ne sanket diya tha ki Modi 12 February ko Allahabad jaaenge aur vahaan ganga mein dubaki lagaaenge. Unhonne kaha, ab mukhyamantri ki Allahabad yaatra par savaaliya nishaan hai. Aisa lagta hai ki yah punarvichaar suraksha kaaranon se hai.


HIL Wizards Ko Haraakar Rhinos Final Mein

HIL Wizards Ko Haraakar Rhinos Final Mein

Breaking »

Ranchi: New Zealand ke star khilaadi nick Wilson aur mandeep Singh ke do-do shaanadaar goalon ki madad se Ranchi rhinos ne shanivaar ko astro turf stadium mein khele gaye pehle semifinal mein uttar pradesh wizards ko 4-2 se haraakar hero hockey India league (HIL) ke final mein jagah bana li hai. Final mein rhinos ka saamana Delhi waveriders aur JP Punjab Warriors ke beech hone vaale doosare semifinal ke vijeta se hoga. Yah match shanivaar raat aath baje se isi maidaan par khela jaaega. Wizards ke liye nitin thimaiyya ne 15vein aur 54vein minute mein gol kiya jabki rhinos ke liye mandeep Singh ne chauthe tatha 65vein aur nick Wilson ne 30vein tatha 63vein minute mein gol daage. Mandeep ne badi chaalaaki se match ka khaata khola. Is khilaadi ne goli ki taraf badhaai gayi ek geind ko us tak pahunchane se pehle hi apne kabje mein kar liya. Goli ki susti ke kaaran wizards ko kaafi nuksaan uthaana pada kyonki mandeep ne bina koi galati kiye apni team ko 1-0 se aage kar diya. Wizards ne haalaanki 11 minute ke baad hi iska javaab diya. Haulaind ke diggaj aur tournament ke sabse anubhavi khilaadi teun day nuijar ne thimaiyya ke liye ek aasaan mauka taiyaar kiya, jis par gol karke thimaiyya ne sthaaneeya darshakon ko hataprabh kar diya. Stadium mein chaaron or sannaata pasar gaya. Rhinos ne apne ghareloo darshakon ki niraasha ko bhaanpate hue hamla tej kar diya. Iska faayda use 30vein minute mein mila. Rhinos ke khilaadiyon ne sammilit prayaas ke dam par ek gol kiya lekin wizards ne is par refaral ki maang ki. Umpire aaravi raghu prasaad ke is faisale par anguli uthi lekin teesare Umpire ne raghunaath ke faisale ko sahi thaharaaya aur rhinos ko ek gol se aage kar diya. Rhinos ke liye yah gol nick Wilson ne kiya. Wizards ke khilaadi is faisale se niraash aur hairaan jaroor the lekin unhonne haar naheen maani thi. Chauthe quarter ka khel shuroo hone ke saath hi thimaiyya ne ek baar fir kamaal kiya aur ek kareebi rebound ke saath apni team ko 2-2 ki baraabari par la diya. Stadium mein ek baar fir sannaata pasar gaya. Jo darshak samajh rahe the ki khel khatm hone se 16 minute pehle hue is gol ki madad se ab wizards aage ki ladaai jeet sakte hain ve kaafi niraash the lekin rhinos ne unki soch ko ulata saabit karte hue 63vein minute mein ek shaanadaar gol ke jariye fir se badhat kaayam kar li. Yah gol Wilson ne akele dam par kiya. Midfeeld se akele geind lekar di-area tak pahunche Wilson ne ek behatareen graaundar ke jariye gol ko anjaam diya. Stadium ek baar fir naaron se goonj utha. Mejabaan team ke samarthak ek baar fir khushi se galabahiyaan karte najar aane lage. Apne prashansakon ki khushi aur hausalaaafajaai ke beech rhinos ne 65vein minute mein ek aur jordaar hamla kiya. Mandeep ko ek lamba scoop mila, jise rokakar ve di-area mein pahunch gaye. Iske baad unhonne goli ke sir ke oopar se geind ko scoop karke apni team ko 4-2 se aage kar diya. Iske baad mandeep vaheen letakar apni safalta ka jashn manaane lage. Yah mandeep ka 10vaan gol hai. Darshakon ki khushi dekhne laayak thi.


NCR Mein Pipe Ke Jariye Milne Waali Gas Mahangi

NCR Mein Pipe Ke Jariye Milne Waali Gas Mahangi

Breaking »

Nai Delhi: Delhi aur raashtreeya rajdhani kshetr Noida, Ghaziabad mein gharon mein seedhe pipe ke jariye pahunchane waali gas mahangi kar di gayi hai. In kshetron ke 3.7 lakh parivaaron ko ab pipe gas ke liye dedh se chaar rupaye prati ghanameetar tak adhik chukaana hoga. CNG aur pipe ke jariye gharon mein praakrutik gas pahunchaane waali company indraprasth gas limited ne Delhi mein pipe gas ka daam pratyek do maheene mein 30 ghanameetar tak ki khapat par dedh rupaye badhaakar 23.50 rupaye prati ghanameetar kar diye hain jabki 30 ghanameetar se adhik khapat par bhi itni hi vruddhi kar ise 35.50 rupaye prati ghanameetar kar diya gaya hai. Company ke anusaar Noida, greater Noida aur Ghaziabad mein vait athva anya kar alag hone ki vajah se daam pratyek do maheene mein 30 ghanameetar tak ki khapat ke liye 25 rupaye prati ghanameetar kar diye gaye hain. Pehle yah 23.50 rupaye ghanameetar par the. Isi prakaar 30 ghanameetar se adhik ki khapat hone par ab in kshetr ke ghareloo upabhoktaaon ko 34 rupaye ki bajaay 38 rupaye prati ghanameetar ki dar se bhugataan karna hoga. Company ka kehna hai ki pichhli baar usane September 2011 mein daam mein sanshodhan kiya tha tab se rupaye ki vinimay dar mein kaafi badlaav huaa hai aur laagat badhi hai. Isliye daam badhaae gaye hain.


HIL Warriors Ko Hara Waveriders Final Mein, Rhinos Se Hogi Bhidant

HIL Warriors Ko Hara Waveriders Final Mein, Rhinos Se Hogi Bhidant

Breaking »

Ranchi: Hero hockey India league (HIL) ke pehle sanskaran ka final Delhi waveriders aur Ranchi rhinos teemon ke beech khela jaaega. Waveriders ne shanivaar ko astro turf stadium mein khele gaye doosare semifinal match mein JP Punjab Warriors ko 3-1 se haraaya. Pehle semifinal mein rhinos ne uttar pradesh wizards ko 4-2 se maat di thi. League star par 12 mein se sirf ek match ganvaane waali waveriders team ke liye Andres meer bail ne 13vein, rupindar paal Singh ne 33vein aur nauris jons ne 68vein minute mein gol kiye jabki Warriors ke liye kaptaan Jamie Dwyer ne 34vein minute mein gol kiya. Rupindar ne apni team ke liye shaanadaar kaam karte hue 13vein minute mein haasil penalty corner par ek you-turn khela, jis par bail ne badi teji se pratikriya karte hue gol kar diya. Iske baad rupindar ne 33vein minute mein khud gol karne ka shreya haasil kiya. 32vein minute mein haasil penalty corner par rupindar ne chaarjar dvaara diflekt ki gayi geind ko teji se Warriors ke goalpost ke daaen kinaare par daal diya. Abhi waveriders ka doosra gol hue ek minute bhi naheen beeta tha ki Warriors ke kaptaan Dwyer ne teji se pratikriya karte hue baikahaindar ke jariye ek behad tej gati ka gol kiya. Score 1-2 ho chuka tha. Iske baad donon teemon ke beech jordaar pratispardha dekhi gayi. Dwyer ki kaptaani mein Warriors ne behad stareeya khel dikhaaya lekin vah sardaar Singh ki kaptaani mein pehle hi match se asaradaar khel dikhaane waali waveriders ki chunauti ke aage naheen tik saki. Waveriders ne is pratispardha mein khud ko avval saabit karte hue apna teesara gol 68vein minute mein kiya. Raub Hammond aur sardaar Singh ne midfeeld mein shaanadaar moov banaaya aur geind ko nauris ko paas kar diya. Nauris ne Warriors ke goalkeeper jaap Stockman ko akele paakar gol karne se naheen chooke. Us samay Warriors ke defenderon ka kaheen pata naheen tha. Isse pehle, rhinos ne New Zealand ke star khilaadi nick Wilson aur mandeep Singh ke do-do shaanadaar goalon ki madad se pehle semifinal mein wizards ko 4-2 se haraaya tha. Wizards ke liye nitin thimaiyya ne 15vein aur 54vein minute mein gol kiya jabki rhinos ke liye mandeep Singh ne chauthe tatha 65vein aur nick Wilson ne 30vein tatha 63vein minute mein gol daage. Khitaabi mukaabala ravivaar ko raat aath baje se Ranchi mein hi khela jaaega jabki teesare aur chauthe sthaan ke liye hone vaale mukaabale mein wizards aur Warriors ki bhidant hogi. Yah match shaam paanch baje se khela jaaega.


Fal Kaarobaar Mein Commission Agent Ka Kaam Karta Tha Afzal

Fal Kaarobaar Mein Commission Agent Ka Kaam Karta Tha Afzal

Breaking »

Nai Delhi: Sansad par hamle ka doshi Afzal guru Delhi vishvavidyaalaya se raajaneeti vigyaan mein snaatak tha aur varsh 2001 mein jis vakt use sansad par hamle ke maamale mein giraftaar kiya gaya tha, tab vah fal kaarobaar mein commission agent ke taur par kaam kar raha tha. Uttar Kashmir ke sopor ka nivaasi Afzal transport aur lakdi ka vyavasaaya karne vaale habeebulla guru ka beta tha. Pita ki maut ke samay Afzal bahut chhota tha. Afzal ko subah aath baje faansi di gayi aur tihaad jail parisar mein dafnaaya gaya. Is poori kaarravaai ko gupt rakha gaya. Afzal ne 1988 mein apna naam emabeebeees ki padhaai ke liye Jhelum valley medical college mein likhaaya tha lekin padhaai poori naheen kar paaya. Delhi mein vah apne rishte ke bhaai shaukat guru ke saath rahata tha. Shaukat ne sikh dharm ki afashaan navajyot se shaadi ki thi jisne baad mein islaam apna liya tha. Afzal ki patni tabassum ne apne pati ke liye tatkaaleen raashtrapati epeeje abdul kalaam se daya ki appeal ki thi. Vah ab apne ikalaute bete gaalib ke saath ghaati mein rahati hai. Afzal kuchh dinon ke liye Jammu Kashmir liberation frant (jekeelaef) mein bhi sakriya raha. Use jaanane vaale logon ke mutaabik padhaai ke maamale mein Afzal aage rahata tha aur anya itar gatividhiyon mein bhi sakriya rahata tha.


Bahaaduri Ke Liye Padak Se Naavaaja Gaya Kutta

Bahaaduri Ke Liye Padak Se Naavaaja Gaya Kutta

Breaking »

Moscow: Roos mein dakshini saaiberiya ke ek bujurg police kutte ko bahaaduri, samarpan aur peshevararaana andaaj mein kaam karne ke liye padak se navaaja gaya. Samaachaar agency RIA novosti ne aadhikaariyon ke havaale se khabar di hai ki jaasmeen naamak kutte ko udaaharaneeya evam nishthaapoorn tareeke se apna daayitv nibhaane ke liye sammaanit kiya gaya. Roos ke ashaant uttari kaakeshas kshetr mein jaasmeen ne behtar kaarya kiya tha. Jaasmeen ke liye taiyaar kiye gaye prashastiptr mein kaha gaya hai ki is jantu ne darjanon insaanon ki jaan bachaai aur utkrusht seva rikaard kaayam rakhate hue 10 varsho tak anvarat seva ke baad is varsh January mein sevaanivrutti praapt ki. Prashastiptr ke anusaar, "Varsh 2012 mein uttari kaakeshas kshetr ke ek kasbe mein aatankvaadiyon ke khilaaf chalaae gaye vishesh abhiyaan ke dauraan jaasmeen ne sadak kinaare chhipaakar rakhe gaye ek shaktishaali bam ko dhoodh nikaala tha. "


Shaheedon Ke Parijan Padak Vaapas Lene Ko Taiyaar

Shaheedon Ke Parijan Padak Vaapas Lene Ko Taiyaar

Breaking »

Nai Delhi/Jaipur: Sansad par hamle ke doshi Afzal guru ko faansi dene mein hui deri ke kaaran padak lautaane vaale shaheed javaanon ke parijanon ne kaha ki nyaaya hone ke baad ve padak lene ko taiyaar hain. Shaheedon ke parijanon ne bhaavuk hote hue kaha ki ve vyaktigat roop se raashtrapati Pranab mukharji se milkar unhein Afzal ki daya yaachika khaarij karne ke liye dhanyavaad deinge jiske chalte shanivaar subah use faansi di gayi aur 11 saal ka intajaar khatm huaa. 13 December ko sansad bhavan ki suraksha mein duty par tainaat maatabar Singh negi ke putr Gautam ne Afzal ko faansi diye jaane par kaha, 'Der aae durust aae. ' Gautam negi ne kaha, 'Sarkaar ka yah achha faisala hai aur yah kadam un aatankvaadi sangathanon ko kada sandesh bhejega jo Bhaarat mein samasya paida karne ki soch rahe hain. ' Parijanon ne kaha ki ve sarkaar dvaara shaheed javaanon ke sammaan mein diye gaye bahaaduri padakon ko sveekaar kar leinge jo unhonne 2006 mein nyaaya mein deri ke virodh svaroop lauta diye the. 13 December, 2001 ko aatankvaadiyon ke saath goleebaari mein shahaadat dene vaale Rajyasabha ke sahaayak suraksha adhikaari JP Yadav ki patni prem aur maan simli devi ne kaha ki TV se sansad par hamle ke doshi mohammad Afzal guru ko faansi dene ki khabar se man ko tasalli pahunchi aur khushi hui. Prem ne kaha, 'Aaj ka din mere aur mere parivaar ke liye khushiyaan lekar aaya hai kyonki sansad par hamle ke doshi Afzal guru ko der se hi sahi lekin faansi day di gayi. '


Afzal Ko Faansi Dene Ke Khilaaf Pradarshan

Afzal Ko Faansi Dene Ke Khilaaf Pradarshan

Breaking »

Nai Delhi: Sansad par hamle ke doshi Afzal guru ko faansi diye jaane ke virodh mein Delhi mein jantar-mantar par virodh pradarshan kiya gaya. In pradarshanakaariyon mein saamaajik kaaryakarta, jeenayoo evam kuchh anya vishvavidyaalayon ke chhaatr tatha kai saamaajik sangathanon ke kaaryakarta shaamil the. Roochika naamak pradarshanakaari ne kaha, 'Ham kisi ko bhi maut ki saja diye jaane ke khilaaf hain. Ham Afzal ko faansi diye jaane ka virodh karne ke liye jama hue hain. '


America Mein Barfeele Toofaan Ka Kahar, Hajaaron Gharon Ki Bijli Gul

America Mein Barfeele Toofaan Ka Kahar, Hajaaron Gharon Ki Bijli Gul

Breaking »

Boston: Barfeele toofaan ke kaaran poorvottar America mein 650,000 se jyaada gharon mein kadaake ki sardi mein bhi bijli gul ho gayi hai, hajaaron udaanein radd kar di gayi hain aur logon ko sadkon par naheen nikalne ki salaah di gayi hai. New York se Boston tak barf ki kai fut moti chaadar bichh chuki hai aur jan jeevan poori tarah ast-vyast ho gaya hai. National weather service (enadablyooen) ke mutaabik shanivaar subah tak barfeele toofaan ke kaaran ek vyakti ki maut ho chuki thi aur new England aur laang aailaind mein har jagah kareeb do feet barf ki moti parat jam gayi thi. Connecticut mein kai jagahon par 20 inch barf ki parat jama ho gayi. Pougahakeepsiye mein police ne bataaya ki barfabaari ke kaaran 18 varsheeya ek yuvati apne car par niyantran naheen rakh paai aur sadak ke kinaare tahal rahe 74 varsh ke ek bujurg ko takkar maar di. Bujurg ki aspataal mein ilaaj ke dauraan maut ho gayi. Samaachaar patra New York times ke mutaabik, bhaari barfabaari ke ek din baad paanch praanton -New York, mesaachusets, Connecticut, new haimpashaayar aur rode aailaind mein aapaat sthiti ki ghoshana kar di gayi hai. Toofaan shukravaar subah New York ke kuchh hisse se shuroo huaa tha. Toofaan ke kaaran poorvi tat tatha aantarik hisse mein kuchh 60 havaai addon par hajaaron udaanein radd huin tatha sarkaar ne vaahan chaalakon ko sadak par na aane ka nirdesh diya hai. Shaam dhalte-dhalte pramukh raajamaarg poori tarah soonasaan ho gaye aur barf tatha toofaan se ghira Boston ek bhutaha shahar mein tabdeel ho gaya. New York ke mayor Michael aar. Bloomberg ne logon ko gharon mein rahane ke liye kaha hai, tatha ghabaraakar jaroorat se adhik petrol khareedne se mana kiya hai aur unhonne kaha hai paryaapt maatra mein petrol upalabdh hai. Lekin October ke saindi toofaan ki yaad taaja rahane ke kaaran logon ne khoob petrol sangrah karne shuroo kiye aur kai store khaali ho gaye. Samaachaarapatr Boston heraald ke mutaabik mesaachusets mein 1,75,000 se adhik ghar aur kaarobaari pratishthaanon mein bijli gul hai. Toofaan ke shanivaar dopahar tak samaapt hone ki sambhaavana hai. Mesaachusets ke Governor deval paitrik ne vaahanon ke sadak par nikalne ko avaidh karaar diya aur kaha ki agale aadesh tak yahi vyavastha rahegi. Governor ke ek adhikaari ne kaha ki is kaanoon ka ullanghan karne vaale ko ek saal ki jail ya jurmaana ho sakta hai.


Afzal Ke Parivaar Ne Jail Adhikaariyon Se Aakhiri Rasm Ki Anumati Maangi

Afzal Ke Parivaar Ne Jail Adhikaariyon Se Aakhiri Rasm Ki Anumati Maangi

Breaking »

Nai Delhi: Delhi ki tihaad jail mein shanivaar ko faansi par latakaae gaye sansad par hamle ke doshi Afzal guru ke parivaar ne prashaasan se Afzal ki aakhiri rasm dhaarmik parampara ke anusaar poori karne ki anumati maangi hai. Adhikaariyon ke mutaabik Afzal ke shav ko jail parisar mein hi dafna diya gaya. Jail ki mahaanideshak vimla Mehra ko likhe patra mein Afzal ki patni tabassum ne kaha ki uske pati ki aakhiri rasm sammaanajanak tareeke se honi chaahiye. Patra ka masauda Afzal ke vakeel ND pancholi ne taiyaar kiya. Tabassum ke patra mein kaha gaya hai, agar aap hamein yah jaankaari day sakein ki parivaar ke sadasya kab 'Namaaj-A-janaaja' ada kar sakte hain, to ham aapke shukragujaar honge. Patra mein likha hai, ham naheen chaahate ki pehle se garamaae maahaul mein ise ek raajaneetik mudda banaaya jaae, lekin Bhaarat ke naagrik hone ke naate parivaar ke sadasyon ko jo hak hai, vo unhein ada karne diya jaae.


Tennis Ki Bagaavat Khatm, Indonesia Mukaabale Ke Liye Sabhi Khilaadi Upalabdh

Tennis Ki Bagaavat Khatm, Indonesia Mukaabale Ke Liye Sabhi Khilaadi Upalabdh

Breaking »

Nai Delhi: Tennis ka paanch hafte lamba sankat tab samaapt ho gaya jab sabhi 11 baagi khilaadiyon ne Indonesia ke khilaaf Davis cup mukaabale ke liye khud ko upalabdh rakha. Isse pehle shukravaar ko akhil bhaarateeya tennis mahaasangh (AITA) ne Davis cup mein khelne ke haalaat ke sandarbh mein sabhi aashvaasan khilaadiyon ko likhit mein diye the. AITA sootr ne kaha, 'Haan, khilaadiyon ne AITA ko patra likha hai aur khud ko Indonesia ke khilaaf April mein hone vaale mukaabale ke liye upalabdh rakha hai. ' Somadev Devburman ki aguaai mein khilaadiyon ne chennai open ne pehle raashtreeya mahaasangh ke samaksh maangon ki soochi rakhi thi. AITA ne inmein se adhikaansh maange maan li thi lekin khilaadiyon ne Korea ke khilaaf Davis cup mukaabale mein khelne se inkaar kar diya kyonki unhein likhit mein aashvaasan naheen mila tha. Shukravaar ko AITA ne likhit aashvaasan diye aur khilaadiyon ne ummeed ke mutaabik bagaavat samaapt kar di. AITA Davis cup inaami raashi mein khilaadiyon ka hissa badhaane, sahaayak staaf mein badlaav aur aayojan sthal tatha satah ki pasand mein unke saath salaah ko taiyaar ho gaya hai.


Beete Saptaah Mein Share Baajaar Fisle, Upabhokta Tikaaoo Vastu Paanch Feesadi Neeche

Beete Saptaah Mein Share Baajaar Fisle, Upabhokta Tikaaoo Vastu Paanch Feesadi Neeche

Breaking »

Mumbai: Desh ke share baajaaron ke pramukh soochakaankon mein gat saptaah lagbhag 1.5 feesadi giraavat darj ki gayi. Is dauraan BSE ke midcap aur smallcap soochakaankon mein teen feesadi se adhik giraavat rahi aur upabhokta tikaaoo vastu soochakaank paanch feesadi se adhik ludhka. Mumbai stock exchange (BSE) ka 30 sheyaron par aadhaarit samvedi soochakaank Sensex gat saptaah 1.50 feesadi ya 296.42 ankon ki giraavat ke saath 19,484.77 par band huaa. National stock exchange (NSE) ka 50 sheyaron par aadhaarit samvedi soochakaank Nifty bhi is dauraan 1.59 feesadi ya 95.40 ankon ki giraavat ke saath 5,903.50 par band huaa. BSE ke midcap aur smallcap soochakaankon mein is dauraan teen feesadi se adhik giraavat rahi. Midcap 3.04 feesadi ya 211.49 ankon ki giraavat ke saath 6,756.01 par tatha smallcap soochakaank 3.72 feesadi ya 262.34 ankon ki giraavat ke saath 6,794.14 par band huaa. Aalochya avadhi mein Sensex ke saat sheyaron mein teji rahi. TCS (5.71 feesadi), HDFC (3.85 feesadi), san pharma (3.37 feesadi), HDFC bank (1.48 feesadi) aur Wipro (0.90 feesadi) mein sarvaadhik teji rahi. Sensex mein giraavat vaale sheyaron mein pramukh rahe starlight industries (9.56 feesadi), Cipla (7.92 feesadi), bhel (7.48 feesadi), ONGC (5.72 feesadi) aur NTPC (5.58 feesadi). BSE ke 13 mein se sirf do sector soochana praudyogiki (1.73 feesadi) aur praudyogiki (0.68 feesadi) mein teji rahi. Giraavat vaale sectoron mein pramukh rahe upabhokta tikaaoo vastu (5.16 feesadi), saarvajanik companiyaan (4.67 feesadi), dhaatu (4.35 feesadi), bijli (4.25 feesadi) aur tel evam gas (3.82 feesadi). Gat saptaah ke pramukh ghatnaakramon mein guruvaar ko keindreeya saankhyiki sangathan (CSO) ne maujooda kaarobaari saal ke liye agrim anumaan jaari kar kaha ki sakal ghareloo utpaad mein paanch feesadi vruddhi rahegi. 2011-12 mein yah vruddhi dar 6.2 feesadi thi. " Sarkaari anumaanon ke mutaabik is sust vikaas dar ka pramukh kaaran krushi, vinirmaan aur seva kshetr ka kharaab pradarshan hai. Yah vikaas dar pichhle ek dashak mein sabse kam hai. Isse pehle 2002-03 mein vikaas dar chaar feesadi rahi thi. Taaja aankadon ke mutaabik krushi aur sahaayak gatividhiyon ki vikaas dar 1.8 feesadi rahegi, jo 2011-12 mein 3.6 feesadi. Sarkaar aur bhaarateeya reserve bank ne maujooda kaarobaari saal mein vikaas dar kramash: 5.9 feesadi aur 5.5 feesadi rahane ka anumaan jataaya tha. Pradhaanamantri ke aarthik salaahakaar samiti ke adhyaksh si. Rangaraajan ne haalaanki aankadon par niraasha jataate hue kaha ki vaastavik aankada behtar rah sakta hai. Aankadon ke mutaabik krushi, vaaniki aur matsya kshetr ki vikaas dar 1.8 feesadi (pichhle kaarobaari saal mein 3.6 feesadi), vinirmaan kshetr ki vikaas dar 1.9 feesadi (pichhle kaarobaari saal mein 2.7 feesadi) aur gas evam jalaapoorti kshetr mein 4.9 feesadi (pichhle kaarobaari saal mein 6.5 feesadi) rah sakti hai. Khanan kshetr vikaas dar 0.4 feesadi (pichhle kaarobaari saal mein 0.6 feesadi giraavat) rahane ka anumaan hai. Vyaapaar, hotel, parivhan aur sanchaar jaise seva kshetr mein vikaas dar 5.2 feesadi rahane ka anumaan hai, jismein pichhle kaarobaari saal mein 7.00 feesadi vikaas dar rahi thi. Vitt, beema, real estate aur vyaavasaayik seva jaise kshetron mein vikaas dar 8.6 feesadi rahane ka anumaan hai, jismein pichhle kaarobaari saal mein vikaas dar 11.7 feesadi rahi thi. Ullekhaneeya hai ki maujooda kaarobaari saal ki pehli chhamaahi mein vikaas dar 5.4 feesadi rahi hai. Vaishvik arthavyavastha aur ghareloo star par neetigat avarodh ke kaaran haalaanki haal ki timaahi mein vikaas dar ghati hai. CSO ke aankadon ke mutaabik desh ki prati vyakti aay 31 March ko samaapt hone vaale maujooda kaarobaari saal mein pichhle kaarobaari saal ki tulana mein 2.9 feesadi badhkar 39,143 rupaye ho sakti hai. Pichhle kaarobaari varsh mein yah 38,037 rupaye thi. Keindreeya vitt mantri pi. Chidambaram ne guruvaar ko hi kaha ki vikaas mein teji laane ke liye sarkaar aur adhik kadam uthaaegi. Chidambaram ne CSO dvaara jaari aankadon par pratikriya dete hue kaha, "Vitt mantraalaya mein hamalog jo anumaan laga rahe the usase nishchit roop se CSO ki anumaanit vikaas dar kam hai. " Vitt mantri ne ek bayaan mein kaha, "Ham sthiti par najar rakhe hue hain, ham vikaas mein teji laane ke liye pehle bhi kadam uthaate rahe hain aur aage bhi uthaate raheinge. " Chidambaram ne kaha ki sarkaar ne aarthik sudhaar ke kai kadam uthaae hain aur vaastavik vikaas dar isse behtar rah sakti hai. Chidambaram ne bataaya ki yah poorvaanumaan November 2012 tak ke aankadon par aadhaarit hain. Iske baad pramukh soochakaankon mein kaafi sudhaar huaa hai.


Chhote Niveshak Ko Aakarshit Karne Ko Gadbadi Rokein Share Baajaar Chidambaram

Chhote Niveshak Ko Aakarshit Karne Ko Gadbadi Rokein Share Baajaar Chidambaram

Breaking »

Mumbai: Vitt mantri pi. Chidambaram ne share baajaaron ko spasht sandesh dete hue kaha ki chhote niveshakon ko yadi poonji baajaar mein vaapas laana hai to unhein share saudon ko saral banaana hoga aur chori chhipe bhed jaankaar kiye jaane vaale kaarobaar par ankush lagaana hoga. Chidambaram ne kaha 'Yah jaroori hai ki ham share baajaar kaarobaar ke baare mein jo ek rahasya bana huaa hai use door karein. Hamein yah sunishchit karna hoga ki baajaar mein bhediya kaarobaar jaisi gadbadiyon ko rokana hoga. Tabhi badi sankhya mein chhote aur khudara niveshak share baajaar se judeinge. ' Vitt mantri yahaan nae stock exchange emaseeeks-esaeks ka udghaatan karne ke avsar par bol rahe the. Emaseeeks-esaeks naya share baajaar hai aur ismein somvaar se khareed-farokht shuroo hogi. National stock exchange yaani NSE aur Mumbai share baajaar yaani BSE ke baad emaseeeks-esaeks teesara pramukh share baajaar hoga. Vitt mantri ne sabhi share baajaaron ko saavdhaan karte hue kaha ki unhein is baat ka dhyaan rakhana chaahiye ki sabhi vitteeya utpaad saral hone chaahiye jisse ki saamaanya niveshak ko bhi unhein samajhne mein aasaani ho. Chidambaram ne is baat ko sveekaar kiya ki duniya ke doosare share baajaaron ki tarah bhaarateeya share baajaaron mein bhi gadbadi aur bura vyavahaar hota hai lekin unhonne is baat par khed bhi jataaya ki inmein se kuchh ko humne khoj nikaala lekin kisi ko bhi dandit naheen kar paae. Poonji baajaar niyaamak SEBI ko satark karte hue unhonne kaha ki niyaamak ko share kaarobaar mein saathagaanth karne vaalon se nipatne ke liye nae tareeke khojane ke maamale mein ek kadam aage hona chaahiye. Unhonne kaha 'Sachchaai yah hai ki varsh 2008 mein jo sankat huaa usase yah maana ja sakta hai ki nae tareekon aur khaamiyon ka laabh uthaane vaale vaastav mein niyaamak se ek kadam aage chal rahe the. America mein unka maanana hai ki niyaamak kaam ke prati aakhein moonde hue the. ' Vitt mantri ne kaha ki emaseeeks-esaeks yaani malti kamoditi exchange-stock exchange ke share baajaaron ki shreni mein aane se kshetr mein pratispardha badhegi.


Sooryanelli Maamale Mein Poorv Judge Ne Kaha, Naheen Huaa Tha Rape

Sooryanelli Maamale Mein Poorv Judge Ne Kaha, Naheen Huaa Tha Rape

Breaking »

Kochchi: Kerala uchch nyaayaalaya ke ek poorv nyaayaadheesh ne sooryanelli saamoohik balaatkaar maamale mein yah kehkar 35 aaropiyon ko bari karne ke apne faisale ka bachaav karke vivaad shuroo kar diya ki peedita ka baal veshyaavrutti mein istemaal kiya gaya tha aur uske saath balaatkaar naheen huaa tha. Rajyasabha ke upasabhaapati PJ kuriyan par is maamale mein kathit roop se shaamil hone ke aarop hain. Nyaayamoorti aar basant ko malayalam television channel par yah kehte hue dikhaaya gaya, 'Yah saabit karne ke paryaapt saboot the ki ladki ka istemaal baal veshyaavrutti mein kiya gaya jo ki balaatkaar naheen hai. ' nyaayamoorti basant us do nyaayaadheeshon waali peeth mein shaamil the jisne varsh 2005 mein is maamale ke aaropiyon ko bari kiya tha. Vivaad shuroo hone ke baad nyaayamoorti basant ne baad mein kaha ki unka bayaan chhupe camere ka istemaal karke rikaard kiya gaya. Nyaayamoorti basant ne kaha ki unhonne camere par television patrakaar se baat karne se inkaar kar diya tha lekin vahaan par koi chhupa camera tha. Unhonne kaha, 'Main usamein fans gaya. Mujhe pata hai ki mainne kya kaha hai. Main yahi kah sakta hoon ki faisale ko dekhiye. ' unhonne kaha ki vah keval faisale se uddhrut kar rahe the aur yah ek anaupachaarik baatcheet thi.


Afzal Ka Shav Parivaar Ko Saunpane Ki Maang Ko Lekar Malik Bhookh Hadtaal Par

Afzal Ka Shav Parivaar Ko Saunpane Ki Maang Ko Lekar Malik Bhookh Hadtaal Par

Breaking »

Islamabad: Bhaarat ke sansad bhavan par varsh 2001 mein hue hamle ke maamale mein doshi Afzal guru ki faansi ke baad uske shav ko uske parivaar ko saunpane ke liye bhaarateeya adhikaariyon par dabaav banaane ke liye jekeelaef pramukh yaaseen malik ne 24 ghanton ki bhookh hadtaal shuroo kar di hai. Afzal ko nai Delhi ki ek jail mein faansi dene ke baad vaheen dafna diya gaya. Afzal ki patni aur beti se milne ke liye ek niji daure par aae malik aur Jammu-Kashmir liberation frant (jekeelaef) aur jamaat-ud-daava ke sadasyon ne Islamabad ke beecho-beech sthit national press club ke baahar bhookh hadtaal shuroo ki. Jekeelaef ke varishth neta amaanulla Khan ne bhi virodh mein hissa liya. Malik ne kaha, 'Afzal guru ka shav uske parivaar ko saunpa jaana chaahiye, isi maang ko lekar 24 ghanton ki shaantipoorn bhookh hadtaal ki ja rahi hai. Parivaar ko usaki faansi ke sambandh mein jaankaari bhi nahi di gayi hai. ' Aisa maana ja raha hai ki Afzal ke parivaar ne adhikaariyon se aagrah kiya tha ki subah nai Delhi ke tihaad jail mein faansi dene ke baad Afzal ka antim sanskaar islaami tareeke se karne ki anumati dein. Malik ne kaha, 'Afzal raajaneeti ka shikaar huaa hai jo aagaami chunaav (Bhaarat mein agale varsh hone vaale Loksabha chunaav) ko dhyaan mein rakhakar kiya ja raha hai. ' unhonne kaha ki Afzal ko faansi dene jaisi ghatnaaen virodh ke ahinsak tareekon ko apna chuke Jammu-Kashmir ke yuvakon ko krodhit karega. Malik ne kaha ki vah kisi ke liye bhi faansi ki saja ka samarthan naheen karte hain. Unhonne kaha ki ham poori tarah se maut ki saja ke khilaaf hain. Ham kabhi bhi sarabajeet ya kisi aur ko faansi dene ki maang naheen kareinge.


Saeed Ke Sir Ek Karod Dollar Ka Inaam Naheen America

Saeed Ke Sir Ek Karod Dollar Ka Inaam Naheen America

Breaking »

Washington: Varsh 2008 mein Mumbai mein aatankvaadi hamlon ki saajish rachane mein mahatvapoorn bhoomika nibhaane vaale lashkar-A-taiyaba ke sansthaapak haafij mohammad Saeed ke Pakistan mein bekhauf ghoomane ki khabaron par America ne kaha hai ki ek karod dollar ki puraskaar raashi uske khilaaf soochanaaen muhaiya karaane ke liye hai, na ki yah uske sir inaam rakha gaya hai. Videsh vibhaag ki pravakta Victoria nulaind ne kaha, "Jaisa ki humne us samay bhi kaha tha ki inaam nyaayik prastaavon ke liye hai, na ki uske sir par koi inaam hai. " Noolaind ne kaha, "Main kisi vistrut javaab ke saath saakshaatkaar ko mahima mandit naheen karne ja rahi hoon. " unhonne aage kaha, "Inaam aisi soochana ke liye hai, jisse usaki giraftaari sambhav ho sake aur adaalat mein use doshi thaharaaya ja sake. "


Afzal Guru Ko Faansi Ke Baad Mumbai Mein Alert

Afzal Guru Ko Faansi Ke Baad Mumbai Mein Alert

Breaking »

Mumbai: Sansad par hamle ke doshi Afzal guru ko tadke rajdhani Delhi mein faansi dene ke maddenajar mumbai police ne mumbai mahanagar mein alert jaari karke vyaapak suraksha kadam uthaae. Police ne bataaya ki gasht badhaae jaane ke baavajood shahar ke sabhi police thaanon ko alert par rahane ko kaha gaya hai. Police ne kaha, 'Up police aayukton ko apne apne kshetron mein maujood rahane ko kaha gaya hai. ' police ne bataaya ki samvedansheel aur alpasankhyak bahul ilaakon mein police ki maujoodagi badha di gayi hai. Iske saath hi tvarit pratikriya dal, danga niyantran ikaaiyon aur bam ka pata lagaane aur use nishkriya karne vaale daston ko alert par rakha gaya hai. Police ne bataaya ki railway stationon par suraksha jaanch badha di gayi hai. Varsh 2001 ke sansad hamla maamale mein doshi karaar diye gaye jaish-A-mohammad aatankvaadi Afzal guru ko subah tihaad jail mein faansi day di gayi. Raashtrapati Pranab mukharji ne paanch din pehle usaki daya yaachika khaarij kar di thi aur usaki faansi dene ki prakriya ko poori tarah se gupt rakha gaya.


Sansad Par Hamle Ke Doshi Afzal Guru Ko Faansi Ke Baad Jail Mein Hi Dafnaaya Gaya

Sansad Par Hamle Ke Doshi Afzal Guru Ko Faansi Ke Baad Jail Mein Hi Dafnaaya Gaya

Breaking »

Bhaarateeya sansad par varsh 2001 mein hue hamle mein apni bhoomika ke liye doshi karaar diye gaye Afzal guru ko aaj subah tihaad jail mein faansi de di gayi. Afzal guru ko tihaad mein jail number teen mein haai security ward mein rakha gaya tha aur isi ward se 10-20 meter ki doori par sthit faansi ghar mein use faansi di gayi. Gruh mantraalaya ke sootron ne bataaya ki Afzal ke shav ko jail ke niyamon ke tahat jail mein hi dafan kar diya gaya. Tihaad jail ke sheersh adhikaari ne bataaya ki Afzal subah saadhe saat baje faansi ke takht ki or tahalate hue badha aur kaafi shaant dikh raha tha. Ek poorv fal vyaapaari Afzal guru ko Delhi vishvavidyaalaya ke professor esaeaar gilaani aur shaukat husain ke saath maut ki saja sunaai gayi thi. Husain ki patni ko bari kar diya gaya tha. Gilaani ko haalaanki High Court ne 2003 mein bari kar diya tha, jabki Afzal guru aur shaukat husain ki saja ko barkaraar rakha gaya tha. Supreme court ne Afzal ki saja ko barkaraar rakha tha, jabki husain ke maamale mein 10 varsh jail ki saja sunaai gayi. Gruhamantri susheel Kumar shinde ne kaha ki Afzal guru ke maamale ko 2011 mein bheja gaya, jab nae raashtrapati bane aur ek nae gruhamantri ne padabhaar sambhaala. Raashtrapati ne file gruh mantraalaya ko bheja. Unhonne kaha, humne raashtrapati ko 21 January, 2013 ko file bheja tha aur 3 February ko raashtrapati ne daya yaachika khaarij kar di thi. Mainne 4 February ko hastaakshar kar diya aur faansi diye jaane ke liye vibhaag ko bhej diya. Unhonne kaha, niyat prakriya ka paalan kiya gaya aur iske baad yeh nirnaya kiya gaya ki 9 February ko 8 baje faansi di jaaegi. Afzal guru ko faansi par chadhaae jaane ke baad raashtreeya rajdhani mein suraksha vyavastha kadi kar di gayi hai, taaki koi apriya ghatna na ho. Police sootron ne bataaya ki sabhi police thaanon ko haai alert par rakha gaya hai. Unhonne kaha ki Delhi ke alpasankhyak bahul ilaakon mein atirikt police bal tainaat kiya gaya hai. Suraksha vyavastha sakht karne ke kadam ke tahat bheedbhaad vaale ilaakon, railway stationon aur bas terminalon mein gasht badha di gayi hai. Afzal guru ko faansi par latakaae jaane ka raajaneetik dalon ne svaagat kiya hai, vaheen BJP ne mrutyudand mein deri par savaal uthaaya hai. Congress aur BJP donon dalon ne kaha ki jaish-A-mohammad ke aatankvaadi Afzal guru ko faansi diye jaane se aatanki guton ko yeh sandesh jaaega ki Bhaarat aatank bardaasht naheen karega. Congress pravakta Rashid alvi ne kaha, kaanoon ne apna kaam kiya hai. Sansad hamle ke doshi ko faansi par latakaaya gaya. Congress ke ek anya pravakta sandeep Dixit ne kaha, kaanoon ne apna kaam kiya. Nyaaya kiya gaya hai. Afzal guru ko faansi mein deri par savaal uthaate hue BJP ne kaha ki yeh pehle hi ho jaana chaahiye tha, kyonki uchchatam nyaayaalaya ne 2005 mein hi mrutyudand par muhar laga diya tha. Party ke mukhya pravakta ravishankar prasaad ne kaha, bhaarateeya sansad par 12 saal pehle 2001 mein hamla hua tha. Yeh Bhaarat par hamla tha. Guru ko faansi dene mein itna vilamb kyon kiya gaya, jabki desh ki janta chaahati thi ki is jaghanya aparaadh ke doshi ko jald se jald faansi ke fande par latakaaya jaae. Gaurtalab hai ki 13 December, 2001 ko bhaari hathiyaaron se lais paanch aatankvaadi sansad parisar mein ghus gaye the aur andhaadhundh goleebaari kar nau logon ko maar daala tha. Marne vaalon mein Delhi police ke paanch karmi, keindreeya reserve police bal (CRPF) ki ek mahila karmachaari, sansad ke vaach end ward staaf ke do karmi aur ek maali shaamil tha. Hamle mein ghaayal ek patrakaar ki baad mein maut ho gayi thi. Paanchon aatankvaadiyon ko bhi maar giraaya gaya tha. Afzal ko hamle ke kuchh ghante ke bheetar hi raashtreeya rajdhani mein ek bas se giraftaar kar liya gaya tha.


BJP Ne Afzal Guru Ki Faansi Ka Svaagat Kiya

BJP Ne Afzal Guru Ki Faansi Ka Svaagat Kiya

Breaking »

Nai Delhi: Bhaarateeya janta party (BJP) ne sansad par hamle ke doshi Afzal guru ko shanivaar subah faansi day diye jaane ka svaagat karte hue ise ek sahi kadam thaharaaya. BJP pravakta Rajiv prataap roodi ne kaha, ham is kadam ka svaagat karte hain. Yadyapi ismein deri hui, lekin yah sahi kadam hai. Vipaksh aur poora desh Afzal ko faansi diye jaane ke baare mein baat kar raha tha. Unhonne kaha, poore desh ko iska intajaar tha. Raashtrapati Pranab mukharji dvaara sansad par hamle ke doshi Afzal ki daya yaachika khaarij kar diye jaane par use shanivaar subah faansi day di gayi. Gruhasachiv RK Singh ne patrakaaron se kaha, Afzal ko subah aath baje faansi day di gayi. Afzal ko sarvochch nyaayaalaya ne 2004 mein faansi ki saja sunaai thi. Use October, 2006 mein faansi di jaani thi, lekin usaki patni dvaara daya yaachika daayar kiye jaane ke baad is par rok laga di gayi thi. 13 December, 2001 ko paanch hathiyaarband Pakistani aatankvaadi sansad parisar mein ghus aae the aur uske baad unhonne goleebaari shuroo kar di thi. Is ghatna mein nau logon ki jaan chali gayi thi. Is goleebaari mein sabhi aatankvaadi bhi maare gaye the.


Afzal Ko Faansi Narendra Modi Ne Kaha, Der Aae, Durust Aae

Afzal Ko Faansi Narendra Modi Ne Kaha, Der Aae, Durust Aae

Breaking »

Nai Delhi: Sansad par hamle ke doshi karaar Afzal guru ko faansi diye jaane ke faisale ka Gujarat ke mukhyamantri Narendra Modi ne svaagat kiya hai. Delhi sthit tihaad jail mein aaj Afzal ko faansi diye jaane ki kendra sarkaar ki ghoshana ke baad Modi ne twitter par likha, der aae, durust aae. Saal 2001 mein sansad par hue hamle ke doshi mohammad Afzal guru ko gopaneeya abhiyaan ke tahat Delhi ke tihaad jail mein subah aath baje faansi day di gayi. 43-varsheeya guru ki daya yaachika kuchh din pehle raashtrapati Pranab mukharji ne khaarij kar di thi, jise 2002 mein vishesh adaalat ne maut ki saja sunaai thi aur 2004 mein uchchatam nyaayaalaya ne is saja ko barkaraar rakha tha. Mumbai par aatanki hamle mein ekamaatr jeevit aatanki Ajmal kasaab ko faansi diye jaane ke baad mukhya vipakshi party BJP ne Afzal guru ko faansi diye jaane ki maang tej kar di thi.


Faansi Se Pehle Afzal Ne Namaaj Ada Ki Thi Tihaad Jail Adhikaari

Faansi Se Pehle Afzal Ne Namaaj Ada Ki Thi Tihaad Jail Adhikaari

Breaking »

Nai Delhi: Sansad par hamle ke doshi jaish-A-mohammad ke aatankvaadi Afzal guru ko shanivaar subah jab faansi par latakaane ke liye le jaaya ja raha tha, us samay uske chehare par pashchaataap ka koi bhaav naheen tha. Afzal ki faansi ki poori taiyaari se vaakif tihaad jail ke varishth adhikaariyon ne bataaya, antim kshanon ke dauraan vah behad shaant aur sthir tha. Uske chehare par pachhataave ka koi bhaav naheen dikh raha tha. Tihaad jail ke ek varishth adhikaari ne bataaya, antim kshanon mein vah kaafi shaant aur sthir tha. Vah kaafi sthirchitt dikh raha tha. Adhikaari ne bataaya ki Afzal ko jail number 3 mein rakha gaya tha. Use shukravaar shaam hi faansi ke baare mein soochit kar diya gaya tha. Uske baad vah kuchh bechain dikh raha tha. 43-varsheeya Afzal guru ko subah 8 baje jail number teen mein gopaneeya dhang se faansi day di gayi. Faansi ke dauraan ek magistrate, ek Doctor aur jail ke varishth adhikaari maujood the. Ek anya adhikaari ne bataaya ki guru ko subah kareeb 5 baje jagaaya gaya aur chai di gayi. Guru ne jagane ke turant baad namaaj ada ki. Use saadhe saat baje faansi ke takhte ki or le jaaya gaya. Yah poochhe jaane par ki kya antim kshanon mein use koi pachhataava tha, jail mahaanideshak vimla Mehra ne kaha, vah khush aur svasth tha. Yah aapke savaal ka javaab hai. Guru ko faansi ke takhte ki or le jaane ke poorv ek Doctor ne uske svaasthya ka pareekshan kiya. Mehra ne kaha ki faansi mein saamaanya prakriya ka paalan kiya gaya. Jail ke ek anya adhikaari ne bataaya ki faansi ke baad uske shav ko jail parisar mein hi dhaarmik rivaajon ka paalan karte hue dafna diya gaya. Jail adhikaariyon ne usaki aakhiri ichha ya uske aakhiri shabd aadi ke baare mein koi jaankaari dene se inkaar kar diya. Poorv fal vyavasaayi guru ko sansad par hamla karne vaale aatankvaadiyon ko panaah dene aur shadayantr rachane ka doshi thaharaaya gaya tha. Ek vishesh adaalat ne use 2002 mein faansi ki saja di thi, jise baad mein uchchatam nyaayaalaya ne 2005 mein sahi thaharaaya tha. Raashtrapati Pranab mukharji ne pichhle dinon guru ki daya yaachika ko naamanjoor kar diya tha. Guru ke sopor mein rah rahe parivaar ko sarkaar ke faisale ke baare mein soochit kar diya gaya tha ki usaki daya yaachika ko khaarij kar diya gaya hai.