Syria Ne Suraksha Parishad Se Kaha, Israel Ke Havaai Hamle Ki Ninda Karein

Syria Ne Suraksha Parishad Se Kaha, Israel Ke Havaai Hamle Ki Ninda Karein

Breaking »

Moscow: Syria ke videsh mantraalaya ne sanyukt raashtra suraksha parishad (UNSC) ko patra likhkar damishk ke sameep sainya anusandhaan kendra par hue Israeli havaai hamle ki ninda karne ke liye kaha hai. Sarkaari samaachaar agency saana ke mutaabik mantraalaya ne apne patra mein aagrah kiya hai, "Ek samprabhu raashtra ke kshetr mein Israel ke khule hamle, sanyukt raashtra prastaav, antararaashtreeya kaanoon 1974 ke anaakraman sandhi aur sanyukt raashtra suraksha parishad ke sambaddh prastaavon ki Israel dvaara ki gayi avhelna par parishad ek spasht ninda jaari kare. " Agency ke mutaabik Syria ke videsh mantraalaya ne sanyukt raashtra mahaasachiv ko bhi aisa hi patra bheja hai. Saana ne isse pehle ki report mein sena ke general command ka havaala dete hue kaha tha ki hamle mein kam se kam do log maare gaye hain. Pashchim ki media mein khabar di gayi hai ki Israeli jet ne shiya aatankvaadi giroh hijbullaah ke liye hathiyaar le ja rahe kaafile par bamabaari ki hai. Media ne yah bhi kaha hai Lebanon se Israel par rocket daaga gaya tha. March 2012 mein Israel ke haaretj dainik ne khabar di thi ki Syria hijbullaah ko aadhunik vimaan bhedi prakshepaastr pranaali ki aapoorti kar raha hai aur use chalaane ka prashikshan bhi day raha hai. Is kadam se kshetr mein Israeli havaai sarvochchata ko khatra ho sakta hai. Varsh 2007 mein Israel ne Syria par havaai hamle kiye the. Usane kaha tha ki yah hamla ek parmaanu reactor ko nishaana banaane ke liye kiya gaya hai. Usane 1981 mein ek Iraqi parmaanu reactor ko bhi bamabaari kar tabaah kar diya tha.


Andhra Congress Neta Ki Giraftaari Kaise Hui, Hogi Jaanch

Andhra Congress Neta Ki Giraftaari Kaise Hui, Hogi Jaanch

Breaking »

Hyderabad: Andhra pradesh ke poorv mantri aur sattaadhaari Congress party ke vidhaayak, shankar Rao ko bhoomi hadapne ke ek maamale mein police ne jis tareeke se hiraasat mein liya, usaki vyaapak taur par aalochna hui hai. Is aalochna ke baad mukhyamantri N kiran Kumar Reddy ne shukravaar ko maamale ki ek uchchastareeya jaanch ke aadesh diye. Mukhyamantri ne police mahaanideshak vi dinesh Reddy ko nirdesh diya ki atirikt police mahaanideshak Krishna prasaad dvaara maamale ki jaanch karaai jaae. Mukhyamantri ne yah aadesh tab jaari kiya, jab upamukhyamantri Damodar Rajnarsimha aur anya mantriyon ne unase mulaakaat ki aur dalit neta ke saath police dvaara kiye gaye vyavahaar par naaraajagi jaahir ki. Police ke vyavahaar ki na keval mantriyon ne ninda ki, balki kai dalit sangathanon ne bhi ninda ki. Inmein se kuchh ne raajya maanavaadhikaar aayog se sampark kar maamale ki jaanch karaane ki maang ki. Dalit sangathan, maala mahaanaadu ke kaaryakartaaon ne Rao ki giraftaari ke virodh mein raajya sachivaalaya ka gheraav karne ki koshish ki. Police ne un sabhi ko giraftaar kar liya. Rao ke saale aur Congress saansad ji vivek ne keindreeya gruhamantri susheel Kumar shinde se nai Delhi mein mulaakaat ki aur raajya sarkaar ke ravaiye ki shikaayat ki. Vivek ne aarop lagaaya ki mukhyamantri N kiran Kumar Reddy unhein isliye nishaana bana rahe hain, kyonki Rao ne mukhyamantri ke khilaaf laal chandan lakdi se sambandhit ghotaale mein jaanch ke liye nyaayaalaya ka darvaaja khatkhataaya hai. Is beech ek police adhikaari ne Hyderabad mein spasht kiya ki shankar Rao kapde naheen badalna chaahate the aur vah police ke saath lungi mein hi chal diye. Rao ko police ne unke aavaas se guruvaar shaam bhaari draame ke beech hiraasat mein liya tha. Secundarabad ke naredamet police thaane mein seene mein dard ki shikaayat ke baad unhein sarkaari Gandhi aspataal le jaaya gaya. Mantriyon va dalit sangathanon dvaara Rao ko hiraasat mein liye jaane ke taur-tareeke ki ninda kiye jaane ke baad police adhikaariyon ne spasht kiya hai ki Rao ko giraftaar naheen kiya gaya hai, vah aspataal se kaheen bhi jaane ke liye svatantr hain. Rao ke paarivaarik sadasya guruvaar raat unhein ek niji aspataal le gaye. Chikitsakon ne shukravaar subah kaha ki Rao (65) ki sehat sthir hai, lekin 24 ghante tak unhein nigraani mein rakha jaaega. Chikitsakon ke anusaar, ho sakta hai ki uchch raktachaap ke kaaran Rao ke mastishk ko nuksaan pahuncha ho. Rao ke svasur aur poorv keindreeya mantri ji Venkatswamy, kraanteekaari baalaadeer gadar aur kai anya log aspataal pahunche. Sabhi ne police kaarravaai ki ninda ki. Venkatswamy ne kaha ki police ne Rao ke saath durvyavahaar kiya aur unhein vaahan mein jabaran kheench liya, unhein kapde tak naheen badalne diya. Raajya vidhaanasabha mein Secundarabad cantonment kshetr ka pratinidhitv karne vaale Rao mukhyamantri ke ek kattar aalochak hain. Rao ko pichhle varsh January mein us samay mantrimandal se hata diya gaya tha, jab unhonne raajya ki gruhamantri sabita indra Reddy ke khilaaf bhrashtaachaar ke aaropon ki jaanch ke liye nyaayaalaya mein yaachika daayar kar di thi, jisse sarkaar ki kaafi kirkiri hui thi.


Karnataka Mein Ek Aur Vidhaayak Ka Isteefa

Karnataka Mein Ek Aur Vidhaayak Ka Isteefa

Breaking »

Bengaluru: Karnataka mein 4 February ko shuroo ho rahe bajat satr se pehle mukhyamantri jagadeesh shettaar sarkaar ko sankat mein daalne ki koshish mein shukravaar ko ek aur vidhaayak ne isteefa day diya. Bengaluru se lagbhag 250 kilometer uttar sthit taarikere vidhaanasabha kshetr ka pratinidhitv karne vaale DS suresh ne yahaan samvaadadaataaon se kaha, "Mainne vidhaanasabha ki sadasyata se isteefa dene ke liye apna tyaagapatr vidhaanasabhaadhyaksh KG bopaiya ke kaaryaalaya ko saunp diya hai. " Suresh ne kaha, "Mainne anurodh kiya hai ki isteefa jald se jald sveekaar kar liya jaae. Isteefa sveekaar hote hi main bhaajapa se isteefa day doonga aur KJP (Karnataka janta party) mein shaamil ho jaaoonga. " Suresh ke isteefe saath bopaiya ke paas ab do vidhaayakon ka isteefa lambit ho gaya hai. Bopaiya ne naagaataana seat ka pratinidhitv karne vaale vittal katakadonda ka isteefa pichhle mangalvaar se hi takaneeki aadhaar par rok rakha hai. Yadi bopaiya ne suresh aur katakadonda ka isteefa vidhaanasabha ka bajat satr shuroo hone (somvaar) se pehle sveekaar kar liya, to shettaar sarkaar ka bhavishya nirdaleeyon par nirbhar ho jaaega. In do isteefon ke saath vidhaanasabha mein bhaarateeya janta party (bhaajapa) ka sankhya bal vidhaanasabhaadhyaksh sahit 104 rah jaaega. Party ko ek nirdaleeya vidhaayak ka bhi samarthan praapt hai, jo sarkaar mein mantri hai. Karnataka vidhaanasabha ki kul kshamata 225 sadasyon ki hai, jismein ek naamit sadasya hota hai.


CSK IPL Neelaami Mein Videshi Khilaadiyon Ko Naheen Legi Fleming

CSK IPL Neelaami Mein Videshi Khilaadiyon Ko Naheen Legi Fleming

Breaking »

Chennai: Chennai Superkings (CSK) ke coach Stefan fleming ne shukravaar ko sanket diya ki unki team ravivaar ko chennai mein hone waali IPL neelaami mein videshi khilaadiyon ko naheen legi kyonki unhein lagta hai ki isse unke prashansakon mein team ki lokapriyta kam ho sakti hai. Chennai Superkings team mein maujooda khilaadiyon ke saath jaari rakhane ke baare mein poochhane par fleming ne kaha, ''Ham maujooda khilaadiyon ke saath jaari rakhana chaaheinge. Ham in stareeya khilaadiyon ke saath jude hain aur apni rananeeti ke mutaabik unka istemaal kareinge. Jab aap naye videshi khilaadiyon ko shaamil karte ho to yah khatarnaak haalaat ho jaate hain kyonki isse prashansakon mein team ki lokapriyta kam ho jaaegi. '' New Zealand ke poorv kaptaan ne kaha ki team sthaaneeya geindabaaj lena chaahegi. Unhonne kaha, ''Ham sthaaneeya geindabaaj ke vikalp ke baare mein soch rahe hain. Hamaari team mein koi bhi sheersh sthaaneeya geindabaaj naheen hai. Ham aagaami satr mein is kami ko poora karne ki koshish kareinge. Ham yuva geindabaaj ki talaash kar rahe hain jo hamaari yojana mein fit ho jaae. ''


Tendulkar Ne Uthaaya Putting Aur Driving Ka Lutf

Tendulkar Ne Uthaaya Putting Aur Driving Ka Lutf

Breaking »

Ahmedabad: Cricket star sachin Tendulkar ne shukravaar ko Ahmedabad mein Kensville golf evam country club ka daura karke putting aur driving mein haath aajmaaye. Tendulkar ka Kensville golf evam country club mein ghar hai. Ve golf course gaye aur unhonne khilaadiyon se baatcheet ki. Khilaadi, prashansak, adhikaari aur Kensville ke sadasya is senior cricketer se milne ke liye umad pade. Tendulkar ko bhi khilaadiyon aur prashansakon ke beech achha lag raha tha. Tendulkar ne Shiv Kapoor, Gaganjeet bhullar, rich beam, raahil gangaji aur rees Davis jaise antararaashtreeya khilaadiyon ke saath driving aur putting mein haath aajmaaye. Tendulkar ne kaha, ''Main kai golf course par gaya hoon aur yahaan tak kuchh avsaron par mainne ismein haath bhi aajmaae lekin jab koi tournament chal raha ho tab golf course ka daura karna naya anubhav hai. Mainne vaastav mein iska lutf uthaaya aur golf course shaanadaar hai. Mainne anya course bhi dekhe hain lekin mujhe vaastav mein yah pasand hai. '' Is star ballebaaj se poochha gaya ki kya vah bhavishya mein golf ko gambheerta se leinge, unhonne kaha, ''Mujhe racket se jude khel pasand hain aur golf naheen khel sakta. Abhi mera poora dhyaan cricket par hai. Ho sakta hai ki bhavishya mein kabhi golf ki taraf dhyaan doon. '' Course mein unhein kya khaas laga, is par Tendulkar ne hansate hue kaha, ''Mujhe bankers achhe lage. Ve bahut achhe dikhte hain lekin unamein jaana sahi naheen. Vah green hai jismein aapko khelna chaahiye. '' Tendulkar ne lagbhag 25 se 30 geind ko hit kiya aur ek baar bhi unki hit kharaab naheen hui. Unhonne kaha, ''Mujhe kuchh shot ki dhvani achhi lagi. '' Sachin ne putting chunauti mein bhi bhaag liya jismein Shiv Kapoor aur Gaganjeet bhullar aur Shiv Kapoor unke saathi the. Unki virodhi team mein rich beam, raahil gangaji aur rees Davis the. Kensville golf living ne Tendulkar ke charitable trast ko ek lakh rupaye ka check diya.


India Cements Ke Upaadhyaksh Bane Mahendra Singh Dhoni

India Cements Ke Upaadhyaksh Bane Mahendra Singh Dhoni

Breaking »

Chennai: Bhaarateeya cricket team ke kaptaan Mahendra Singh Dhoni ko India cements ka upaadhyaksh banaaya gaya hai. Is company ke maalik BCCI adhyaksh N shreenivaasan hai. Haal hi mein air India se isteefa dene vaale Dhoni BCCI corporate traafi mein apne nae niyokta ke liye khel sakte hain. Vaise unhonne Australia ke khilaaf series se pehle break lene ke sanket diye the. India cements IPL freinchaaiji chennai super kings ki maalik hai jismein Dhoni 2008 se kaptaan hai. Shreenivaasan is company ke prabandh nideshak aur upaadhyaksh hain. Dhoni ke company se judne ki baat tab saamane I jab kuchh din pehle India cements team mein unka naam shaamil kiya gaya. Chennai super kings ke ek adhikaari ne company mein unke ohade ki pushti ki. 1 se 8 February tak hone waali corporate traafi mein Dhoni ka naam India cements team mein hone se sabhi ko hairaani hui thi. Vaise hiton ke takaraav ke aadhaar par is kadam ki aalochna hona tay hai. Samjha jaata hai ki Dhoni par shreenivaasan ka varadahast hai. Lagaataar test haarne ke baad Dhoni ko kaptaani se hataane ke chayanakartaaon ke faisale par unhonne rok laga di thi. Corporate traafi ke match Pune, Nagpur, Indore aur Raipur mein honge.


Shinde Ka Bahishkaar Karne Ka Bhaajapa Kor Group Ne Kiya Faisala

Shinde Ka Bahishkaar Karne Ka Bhaajapa Kor Group Ne Kiya Faisala

Breaking »

Nai Delhi: Bhaajapa aur raashtreeya swayamsevak sangh ke varishth netaaon ke beech hui baithak ke doosare din shukravaar ko party ke kor group ki baithak hui, jismein gruhamantri susheel Kumar shinde ka bahishkaar karne ka nirnaya huaa. Baithak mein bhaajapa aur sangh par kathit hindu aatanki prashikshan shivir chalaane ka aarop lagaane vaale shinde ka bahishkaar karne ka nirnaya karte hue kaha gaya ki bhale hi gruhamantri Loksabha ke neta ke roop mein vipaksh ki baithak kyon naheen bulaaen, usamein naheen jaaya jaaega. Shinde ka tab tak bahishkaar karne ka nirnaya kiya gaya jab tak ki vah apne bayaan ke liye maafi naheen maangate. Rajnath Singh ne baithak ke baad yah jaankaari dene ke saath hi kaha ki bhaajapa aisa karte hue haalaanki sansad ke bheetar shinde ka bahishkaar naheen karegi aur na hi gruh mantri ke sansad mein kuchh kehne par sadan ki kaaryavaahi baadhit karegi. Unhonne bataaya ki shinde ke Advani, Sushma ya jetali kisi se milne ke aagrah ko bhi thukaraaya jaaega. Vah desh mein jahaan bhi jaaenge party kaaryakarta unhein kaale jhande dikhaaenge. Party ne haalaanki shinde ke mudde par kuchh narami ka rukh dikhaate hue unka isteefa maangane par jor naheen dene aur samprag adhyaksh soniya Gandhi tatha pradhaanamantri Manmohan Singh se gruhamantri par maafi maangane ke liye dabaav naheen dene ka bhi sanket diya. Pichhle saptaah naatkeeya ghatnaakram mein nitin gadkari ki bajaay Rajnath Singh ke apratyaashit roop se bhaajapa ka adhyaksh banane ke baad uske kor group ki is pehli baithak mein desh ki vartamaan raajaneetik sthiti ke maddenajar 2014 mein hone vaale Loksabha chunaav ki rananeeti ke baare mein charcha ki gayi. Rajnath Singh ki adhyakshata mein hui is baithak mein poorv adhyaksh nitin gadkari bhi shaamil hue. Baithak mein Lal Krishna Advani, Sushma Swaraj, Arun jetali aur anant Kumar aadi bhi upasthit the.


Sangh Ke Saath 'Rananeeti Satr Ke Baad BJP Kor Group Ki Aham Baithak

Sangh Ke Saath 'Rananeeti Satr Ke Baad BJP Kor Group Ki Aham Baithak

Breaking »

Nai Delhi: Aaj Delhi mein BJP kor group ki baithak honi waali hai. Guruvaar ko BJP aur raashtreeya swayamsevak sangh (RSS) ke varishth netaaon ke beech baithak hui thi, jiske maddenajar aaj ki baithak ko kaafi aham maana ja raha hai. Sootron ke mutaabik is baithak mein Rajnath Singh ki nai team aur agenda ko lekar vistaar se baat hui. Vaheen vishv hindu parishad ne Ram mandir mudde ko fir se khada karne ko lekar baithak mein ek byorevaar report pesh ki. VHP ki is report mein UPA sarkaar ke saampradaayik hinsa vidheyak ka bhi jikr tha. 7 taareekh ko VHP Kumbh mein santon ki baithak karne ja rahi hai, jismein RSS ke bade neta bhi shaamil honge. Vahaan Narendra Modi ko pradhaanamantri pad ka ummeedavaar banaane ka prastaav rakha jaaega. Haalaanki BJP filhaal in donon muddon par khaamosh hai. NDTV ko mili jaankaari ke mutaabik BJP kor group ki baithak mein 2014 ke chunaavon ko lekar taiyaar kiye gaye roadmap par charcha hogi. Sootron ke mutaabik 2014 chunaavon mein BJP ek baar fir hindutv aur Ram mandir ke mudde ko apne abhiyaan se jod sakti hai. Iske alaava Kumbh mein hone vaale santon ke sammelan par bhi party ke aala neta koi faisala le sakte hain.


Oil India Ke Sheyaron Ki Bikri Shuroo, Share Ludhka

Oil India Ke Sheyaron Ki Bikri Shuroo, Share Ludhka

Breaking »

Mumbai: Oil India mein sarkaar ki 10 feesad hissedaari share baajaar mein bikri peshakash ke jariye bechne ki prakriya shukravaar ko shuroo hui. Bikri peshakash ke jariye share bikri ki prakriya apaharan teen bajkar 30 minute par band hogi aur yadi poorn abhidaan praapt ho jaata hai, to isse sarkaari khajaane mein 3,065 karod rupaye aaenge. Sarkaar ne Oil India ki 10 feesad hissedaari bechne ke liye nyoonatam moolya 510 rupaye prati share tay kiya hai, jo pichhle band ke star se 5.41 feesadi kam hai. Is beech, Mumbai stock exchange mein shuruaati kaarobaar mein company ka share 1.34 feesadi ludhak kar 532 rupaye prati share par pahunch gaya. Oil India ki bikri peshakash ke jariye sarkaar ko munaafe mein chal rahi sarkaari companiyon ki share bikri se vinivesh ke liye tay 30,000 karod rupaye ke lakshya ki disha mein aage badhne mein madad milegi. Chaaloo vittavarsh ki yah teesari vinivesh peshakash hai. Sarkaar dvaara tay 510 rupaye prati share ke aadhaar par 6.01 karod sheyaron ki bikri se sarkaari khajaane mein 3,065 karod rupaye aaenge. Sarkaar ki is company mein 78.43 feesadi hissedaari hai aur vinivesh ke baad uske paas 68.43 feesadi hissedaari bach jaaegi. March, 2012 tak Oil India ki chukta poonji 601 karod rupaye thi. Sarkaar ne vinivesh ke jariye chaaloo vittavarsh mein ab tak 6,900 karod rupaye jutaae hain.


Dil Tootane Ke Baavajood Pyaar Mein Bharosa Hai Mauli King

Dil Tootane Ke Baavajood Pyaar Mein Bharosa Hai Mauli King

Breaking »

London: Asafal prem sambandh ke chalte dil toot jaane ke baavajood gaayika mauli King ab bhi pyaar mein bharosa karti hain, kyonki unke daada-daadi ke beech sambandhon mein saalon baad bhi prem aur khushahaali barkaraar hai. Website contactmusic. Com ke mutaabik 25-varsheeya mauli King ne 'Cosmopolitan' patrika se kaha, "Main sveekaar karti hoon ki main jab badi ho rahi thi, pariyon ki kahaaniyon jaisi kalpanaaen kiya karti thi, aur aise sambandhon ke liye deevaani thi. Lekin fir main mere daada-daadi ke vishay mein sochane lagi. Vah is duniya ka mera pasandeeda joda hai. Unki umr lagbhag 87 saal ke aaspaas hai aur mainne kabhi kisi jode ko pyaar mein itna dooba huaa naheen dekha. " Ullekhaneeya hai ki mauli King jab sirf aath saal ki theen, tabhi unke maata-pita bhi alag ho gaye the, lekin vah is baat se khushi mahasoos karti hain ki ve sab apne matabhedon ko darakinaar karte hue khaas dinon par ek saath hote hain.


Baap Ki Haivaaniyt Ki Shikaar Bachchi Ko Chaahiye Aapki Madad

Baap Ki Haivaaniyt Ki Shikaar Bachchi Ko Chaahiye Aapki Madad

Breaking »

Jaipur: Apne pita ke julm ki shikaar hui Bikaner ki bachchi ka Jaipur ke sarkaari aspataal mein safal operation kiya gaya hai. Is bachchi ke pita ne sharaab ke nashe mein bachchi ke honth aur naak chaba liye the. Doctoron ka kehna hai ki bachchi ko abhi do hafte aspataal mein rakha jaaega aur uske baad use chhutti de di jaaegi, lekin ek maheene baad usaki final surgery hogi. Gaurtalab hai ki mahila ko apni ghaayal beti ke saath ambulance mein 400 kilometer ka safar tay kar Jaipur isliye aana pada tha, kyonki uske gaanv ke paas Bikaner mein jo aspataal hai, vahaan plastic surgeon naheen hai. Mahila ko bachchi ke ilaaj ke bina Jaipur se lauta diye jaane ke baad ghar pahunchane par Rajasthan baal adhikaar aayog ne maamale mein dakhal diya aur Jaipur ke SMS aspataal ke plastic surgeon se usaki mulaakaat tay karavaaya aur uske liye nurse ka bhi intajaam karavaaya gaya. Bachchi ki madad ke liye uske pita ke gharwaalon ki or se koi bhi saamane naheen aaya. Ye log bechaari maan santosh kanvar ko hi doshi bata rahe hain, kyonki usane apne haivaan pati ko police ke hatthe chadha diya. Ab vah akeli aur bebas hai aur Jaipur mein do maasoom bachchiyon ke saath usaka sangharsh jaari hai. Santosh ki shaadi 14 saal ki umr mein hi kar di gayi thi aur shuruaat se hi usaka pati use maarta-peetata tha. 26 January ki raat nashe ki haalat mein santosh ke pati ne sharaab ke nashe mein apni betiyon par hamla kar diya aur teen saal ki beti ki peeth mein kaata aur paanch maah ki beti ke naak aur honth chaba daale. Pati ki is harkat ke khilaaf santosh ne himmat dikhaai aur police mein rapat likhva di aur use giraftaar karva diya. Isse naaraaj hokar sasuraal vaalon ne santosh ko hi ghar se nikaal diya. Sasuraal vaalon ki berukhi ke baavajood santosh ab sarkaar ki madad se bachche ka ilaaj kara rahi hai. Is poori jaddojahad mein santosh ke pita hanumaan Singh usaka saath de rahe hain. Hanumaan Singh ka kehna hai ki ab beti ke sasuraal vaalon ka kehna hai ki pehle bete ko police se mukt karaao, tab ve samjhauta kareinge. Ilaaj ke liye paise naheen hain, lekin sarkaar se kuchh madad kaam aa rahi hai. Bachchi ki plastic surgery par aane vaale kharch ka vahan sarkaar karegi, lekin ab santosh beghar hai aur uske paas aamdani ka koi jariya naheen hai. . . Yadi aap is parivaar ki madad karna chaahate hain, to neeche diye gaye vivran ke mutaabik apna check ya demand draft bhejein. The hope trast Bank ka naam : Syndicate bank Khaata sankhya : 90492010067832 Branch ka pata : Number 2, kaushalya park, hauj khaas, nai Delhi - 110016chek nimnalikhit pate par bhi bheja ja sakta hai - The hope trast 207, okhala industrial estate, Phase-3, nai Delhi - 110020 Phone number : 011 - 46176300onalaain transaction ke liye atirikt jaankaari : IFSC code (IFSC Code) : SYNB0009049 MICR code (MICR Code) : 110025019 Branch code (Branch Code) : 009049not : Yeh samaachaar / jaankaari sahaj vishvaas ki bhaavana se prerit hokar prakaashit kiya gaya hai, tatha iska koi vyaapaarik uddeshya naheen hai. Daan paane ke ichhuk dvaara kiye gaye daavon ki sachchaai ko NDTV pramaanit naheen karta hai. Na hi NDTV iski guaranty deta hai ki daan mein praapt ki gayi raashi ka prayog daan paane ke ichhuk vyakti dvaara usi uddeshya ke liye kiya jaaega, jiska zikr daan paane ke ichhuk vyakti ne kiya hai. Aapse anurodh hai ki daan karne se pehle svatantr roop se aap sampark maadhyamon tatha anya jaankaariyon ko satyaapit kar lein. Daan ke baad kisi bhi paristhiti ke liye NDTV tatha / athva uske kisi karmachaari ka koi uttaradaayitv naheen hoga.


Maruti Ki Kul Bikri January Mein Ek Feesadi Ghati

Maruti Ki Kul Bikri January Mein Ek Feesadi Ghati

Breaking »

Nai Delhi: Desh ki sabse badi car nirmaata Maruti Suzuki India ki kul bikri January 2013 mein 1.06 feesadi ghatkar 1,14,205 ikaai rah gayi. Maruti ne ek bayaan mein kaha ki company ne pichhle saal ke isi maah mein 1,15,433 vaahan beche the. Pichhle saal January mein Maruti ne ghareloo baajaar mein rikaard 1,03,026 vaahan beche the, jo iske pichhle saal ke mukaabale 1.96 feesadi adhik tha. Sameekshaadheen avadhi mein Maruti ka niryaat haalaanki 22.29 feesadi girkar 11,179 ikaai rah gaya, jo pichhle saal ki isi avadhi mein 14,386 ikaai tha. Ghareloo baajaar mein kul savaari car ki bikri aanshik roop se ghatkar 88,557 ikaai rah gayi jo January 2012 ki isi avadhi mein 88,377 ikaai thi. Company ki Maruti 800, A-star, Alto aur wagon aar samet chhoti kaaron ki bikri January 2013 mein 10.68 feesadi ghatkar 46,479 ikaai rah gayi, jo pichhle saal January mein 52,036 ikaai thi. Idhar, estilo, swift aur rij kaaron ke compact khand mein company ke kaaron ki bikri 6.79 feesadi ghati.


'Race-2 Meri Sabse Jyaada Kamaai Karne Waali Film Jacqueline Fernandez

'Race-2 Meri Sabse Jyaada Kamaai Karne Waali Film Jacqueline Fernandez

Breaking »

Mumbai: Abhinetri Jacqueline Fernandez film 'Race 2' ki box office par ho rahi jabaradast kamaai se behad khush hain. Jacqueline ne ek saakshaatkaar ke dauraan kaha, yah meri sabse jyaada kamaai karne waali film hai aur main aasha karti hoon ki ye kamaai jaari rahegi. Yah ek safal film hai aur ise pasand kiya ja raha hai. Isse main bahut khush hoon. Abbas-mastaan nirdeshit 'Race 2' ne pehle hafte mein 51.35 rupaye kamaae hain. 60 karod ki laagat se bani yah film 3,200 cinemagharon mein pradarshit hui thi. 'Race-2' ko videsh mein bhi achhi kamaai hui hai. Videsh mein isne ab tak 3.5 million dollar kamaaya hai. Yah 2008 mein pradarshit hui 'Race' ka agala sanskaran hai.


Mamata Bannerjee Ne Police Ko Mujhe Kolkata Aane Se Rokane Ko Kaha Tha Rushdi

Mamata Bannerjee Ne Police Ko Mujhe Kolkata Aane Se Rokane Ko Kaha Tha Rushdi

Breaking »

Nai Delhi: Prasiddh lekhak Salman rushdi ne kaha hai ki unki Kolkata yaatra pashchim Bengal ki mukhyamantri mamata Bannerjee ke aadesh par radd ki gayi. Rushdi ne twitter par likha ki mamata Bannerjee ne police ko unhein Kolkata pahunchane se rokane ke liye aadesh diye the. Unhonne kaha ki Kolkata mein saahitya sammelan ke aayojak jhooth bol rahe hain ki unhein (rushdi ko) nimantrit naheen kiya gaya tha. Rushdi ne kaha ki apne daave ke samarthan mein unke paas aayojakon ke E-mel aur unke dvaara bheje gaye havaai tikt maujood hain. Rushdi ki yah tippani Trinamool Congress ke saansad saugat Roy ke us bayaan ke baad aaya hai, jismein Roy ne NDTV se kaha tha ki lekhak ko Kolkata na aane ke baare mein raajya sarkaar se koi aadesh naheen diya gaya tha. Gaurtalab hai ki apni kitaab 'Midnights children' par film banaane waali deepa Mehta ke saath rushdi ko Kolkata mein ek press conference ko sambodhit karna tha. Lekin ain mauke par film ka vitran karne waali company PVR cinemas ne kaha ki film ke promotion se jude press conference ke liye jagah naheen upalabdh ho paai.


Dakshin Koreai Paryatak Ke Saath Madhya Pradesh Mein Balaatkaar

Dakshin Koreai Paryatak Ke Saath Madhya Pradesh Mein Balaatkaar

Breaking »

Aurangabad: Dakshin Korea ki ek mahila paryatak ne police thaane mein shikaayat darj karaai hai ki gat 14 January ko madhya pradesh ke ek hotel mein uske saath kathit taur par balaatkaar kiya gaya. Maharashtra ke Aurangabad ke kraanti chauk thaane mein darj karaai gayi apni shikaayat mein 23 saal ki is yuvati ne kaha hai ki Madhya Pradesh ke umariya jile ke Bandhavgadh baagh sanrakshit van kshetr mein sthit ek hotel mein ek waiter ne uske saath gat 14 January ko balaatkaar kiya. Police ke anusaar, yuvati ne kaha ki vah madhya pradesh ke kuchh paryatan sthalon ki yaatra karne ke baad Bandhavgadh pahunchi. Usane ek hotel mein waiter se apne kamre mein beer mangaai. Usaka aarop hai ki waiter ne shaayad us beer mein behoshi ki dava ya kuchh aur mila diya, jisse vah use peete hi behosh ho gayi . Iske baad waiter ne kathit taur par uske saath balaatkaar kiya . Yuvati ne kaha ki vah Bhaarat paryatan ke liye I thi aur usane desh mein kai jagahon par bhraman kiya. Usane apni shikaayat mein yah bhi kaha ki Aurangabad railway station ilaake mein kisi ne usaka ek bag bhi chura liya jismein camera , cellphone aur nakad mudra thi. Usane bataaya ki usane apne saath ghati ghatna ek paryatak guide ko bataai, jisne use police mein shikaayat darj karaane ki salaah di. Aurangabad ke police upaayukt naresh megharaajaani ne bataaya ki yuvati ko police suraksha mein madhya pradesh ke sambaddh thaane le jaaya jaaega taaki is maamale ki aage jaanch ki ja sake.


Balaatkaar Ke Aarop Mein Japan Ke Poorv Olympian Ko Jail

Balaatkaar Ke Aarop Mein Japan Ke Poorv Olympian Ko Jail

Breaking »

Tokyo: Olympic mein do baar svarn padak jeetne vaale judo khilaadi ko ek chhaatra ke balaatkaar ke aarop mein jail ki saja sunaai gayi hai. Isse kuchh din pehle hi Japani judo olympionon ne mukhya coach par laathiyon se peetane ka aarop lagaaya tha. Masaato ushiba ko college ke judo club ki ek sadasya ke saath balaatkaar ke aarop mein paanch saal ki saja sunaai gayi hai. Masaato us club ka coach tha. Athens olympic 2004 aur Beijing olympic 2008 mein svarn padak jeetne ke baad 34-varsheeya masaato Japan mein star ban gaya tha. Abhiyojan paksh ne kaha ki usane September, 2011 mein us ladki se balaatkaar kiya, jab kyooshoo university of nursing end social welfare ka mahila judo club tokyo ke daure par tha.


Perth Van-de Australia Ne West Indies Ko Nau Wicket Se Haraaya

Perth Van-de Australia Ne West Indies Ko Nau Wicket Se Haraaya

Breaking »

Perth: Glen Maxwell (naabaad 51) aur Michelle Stark (20/5) ke shaanadaar pradarshan ki badaulat Australia ne western Australia cricket sangh (vaaka) maidaan par shukravaar ko khele gaye pehle ekadivseeya mukaabale mein West Indies ko nau wicket se hara diya. Is jeet ke saath mejabaan team ne paanch maichon ki shrunkhala mein 1-0 ki badhat haasil kar li hai. Stark ko main of the match ghoshit kiya gaya. West Indies ko maatr 70 ranon par sametane ke baad Australia ne Aaron finch (10) ka wicket ganvaakar 9.2 overon mein lakshya haasil kar liya. Maxwell ne 35 geindon ki paari mein nau chauke aur do chhakke lagaae. Usmaan khwaaja aath ranon par naabaad laute. Ekamaatr safalta, apna pehla match khel rahe Jason holder ko mili. West Indies ke kaptaan Darren saimi to yah kehkar Australia pahunche the ki unki team mejabaan team ko kadi takkar degi, lekin pehle hi match mein unhein buri tarah munh ki khaani padi. Saimi ne sveekaar kiya ki mejabaan un par bhaari pade, lekin vah agale match mein jordaar vaapasi ki taiyaari kareinge. Isse pehle, Stark ki career ki shreshth geindabaaji aur klink maike (10/3) ke umda pradarshan ki badaulat Australia ne toss jeetkar pehle ballebaaji karne utari mehmaan team ko 23.5 overon mein hi pavilion ki raah dikha di. Saimi ne sabse adhik 16 ranon ka yogadaan diya, jabki dven Bravo aur keron Powell ne 11-11 run banaae. Shesh koi bhi ballebaaj dahaai tak bhi naheen pahunch saka. Mejabaan team ki or se apna pehla ekadivseeya match khel rahe James Faulkner ne bhi do wicket liye. West Indies ki or se dhurandhar salaami ballebaaj kris Gale (4), Ramnaresh saravan (0), Darren Bravo (0), keran Pollard (0), dven Thomas (3), Jason holder (7), suneel naren (0) dahaain score ka bhi munh naheen dekh sake. Ekadivseeya maichon mein West Indies ka yah ab tak ka teesara nyoonatam score hai. Isse pehle usane 2004 mein dakshin Africa ke khilaaf 54 aur 2011 mein chatagaanv mein Bangladesh ke khilaaf 61 run banaae the.


Bhaarati Airtel Ka Shuddh Munaafa 72 Feesadi Ludhka

Bhaarati Airtel Ka Shuddh Munaafa 72 Feesadi Ludhka

Breaking »

Nai Delhi: Bhaarati Airtel ka shuddh munaafa uchch byaaj dar, videshi mudra mein utaar-chadhaav aur kar ke liye dhan ki vyavastha ke kaaran December 2012 ko samaapt timaahi ke dauraan 72 feesadi ludhkakar 284 karod rupaye rah gaya. Yah lagaataar 12veen timaahi hai jabki company ka sanchayi munaafa ghata hai. Bhaarati Airtel ne ek bayaan mein kaha ki December 2011 ki timaahi mein company ka shuddh munaafa 1,011 karod rupaye ka tha. Bhaarati Airtel ke Chairman evam prabandh nideshak suneel bhaarati mittal ne kaha, byaaj daron mein badhotri, videshi mudra mein utaar-chadhaav ke kaaran nuksaan aur kar ke liye dhan ki vyavastha aadi ke kaaran company ka sanchayi laabh prabhaavit huaa. Bhaarati Airtel ka share Mumbai stock exchange mein shuruaati kaarobaar mein 2.71 feesadi girkar 330.20 rupaye par pahunch gaya. October se December 2012 ki timaahi mein company ki kul aay 9.5 feesadi badhkar 20,239 karod rupaye par pahunch gayi, jo pichhle saal ki isi timaahi mein 18,477 karod rupaye thi. Mittal ne kaha, moolya ke dabaav aur kachche maal ki badhti laagat ke kaaran haal ki timaahiyon mein baajaar sthitiyaan chunauteepoorn raheen jisse doorasanchaar kshetr aur uske margin par asar huaa. Unhonne kaha ki aisa lagta hai ki bura daur khatm ho gaya hai. Mobile telephone, telemedia aur digital seva milaakar company ke kul graahakon ki sankhya 26.22 karod hai.


Parmaanu Hathiyaar Ja Sakte Hain Kattarpanthiyon Ke Haathon Mein Pak Vaigyaanik

Parmaanu Hathiyaar Ja Sakte Hain Kattarpanthiyon Ke Haathon Mein Pak Vaigyaanik

Breaking »

London: Pakistan ke ek vaigyaanik ne chetaavani di hai ki desh ki sena mein badhte kattarpanth ki vajah se parmaanu hathiyaar kattarpanthi islaami logon ke haathon mein ja sakte hain. Apni kitaab 'Kanfranting the bam' ke vimochan ke liye London aae Pakistani vaigyaanik Parvez hudabhoya ne do took shabdon mein kaha ki Pakistan ke parmaanu hathiyaaron ki suraksha bahut badi chinta ka vishay hai. Unhonne kaha ki sena ke androoni thikaanon par hue hamle bataate hain ki sena ke andar kattarpanth badh raha hai aur isse parmaanu hathiyaaron ke kattarpanthiyon ke haathon mein jaane ka khatra hai. Parmaanu bhautiki ke vaigyaanik aur raksha vishleshak hudabhoya ne kaha ki Pakistan ke paas Bhaarat ki tarah hi kareeb 120 se 130 aayudh hain. Unhonne kaha, poorv mein aise hathiyaar keval pratirodhak upaayon ke taur par dekhe jaate the, lekin sabse khatarnaak baat aise hathiyaaron ki saamagri ki badhti khoj hai, jisse parmaanu yuddh ka naya pahaloo saamane aa gaya hai. Iska matlab hai ki hathiyaaron ki sankhya mein teji se badhottri ho rahi hai.


Mahila Vishv Cup Sri Lanka Ke Saamane 239 Ranon Ka Lakshya

Mahila Vishv Cup Sri Lanka Ke Saamane 239 Ranon Ka Lakshya

Breaking »

Mumbai: Jenny gun (52) ki paari ki badaulat England mahila team ne shukravaar ko Brabourne stadium mein jaari ICC mahila vishv cup (50 over) mukaabale mein Sri Lanka cricket team ke saamane 239 ranon ka lakshya rakha hai. Toss haarne ke baad pehle ballebaaji karne utari England team ne nirdhaarit 50 overon mein aath wicket ke nuksaan par 238 run banaae. England ka pehla wicket sherlot Edward ke roop mein gira. Unhein nau ranon ke niji score par eshaani kaushalya ne bold kar diya. Doosra wicket 26 ranon ke kul yog par Daniel vyaat (15) ke roop mein gira. What ko chaamani senevirtne ne pagbaadha kar diya. Abhi kul yog mein teen hi run aur jude the ki senevirtne ne Lydia greenway (2) ko pagbaadha kar english team ko teesara jhatka diya. Arane brindale ke roop mein England ko chautha jhatka laga. Unhein 31 ranon ke niji score par shreepaali veeraakoddi ne run out kar diya. Iske baad paanchave number par ballebaaji karne I Heather night bhi 38 ranon ke niji score par saindaamali dolaavaate ki geind par bold ho gain. English team ka chhatha wicket 197 ke kul yog par gun ke roop mein gira. Gun ne apni paari mein 71 geindon ka saamana karte hue chaar chauke lagaae. Kul score mein 41 ranon ka yogadaan dene waali Amy jons ke roop mein saatavaan wicket gira. Unhein shashikla shreevardhane ne bold kar diya. Cathrine brant (12) ke roop mein England ka aathavaan wicket gira. Unhein bhi shreevardhane ne pavilion ka raasta dikhaaya. Sri Lanka ki or se kaushalya, senevirtne, shreevardhane ne do-do wicket chatakaae, jabki dolaavaate ko ek safalta mili.


Kargil Yuddh Se Pehle Bhaarateeya Seema Mein Ghuse The General Musharraf Pak Colonel

Kargil Yuddh Se Pehle Bhaarateeya Seema Mein Ghuse The General Musharraf Pak Colonel

Breaking »

Nai Delhi / Islamabad: Pakistani sena ke ek retired Colonel ne yah kehkar khalabali macha di hai ki Pakistan ke poorv senaadhyaksh aur Kargil hamle ke sootradhaar Parvez musharraf jang se pehle line of control paarakar Bhaarat ki seema mein 11 kilometer andar tak aae the. Itna hi naheen Bhaarat ki seema mein aane ke baad musharraf ne Pakistani sainikon ke saath ek raat bhi bitaai. Yah khulaasa retired Colonel Ashfaq husain ne ek TV interview mein kiya. Isse pehle vah apni kitaab 'Witness tu blunder' mein bhi is baat ka jikr kar chuke hain. Ashafaaf husain ke mutaabik musharraf ek helicopter se bhaarateeya seema mein ghuse the. Doosari or, Parvez musharraf ne 1999 ke Kargil abhiyaan ko sainya drushti se badi safalta karaar dete hue kaha hai ki agar tatkaaleen pradhaanamantri navaaj shareef ameriki daure par naheen jaate, to Pakistani sena Bhaarat ke 300 vargameel kshetr ko apne kabje mein kar leti. Isse pehle lieutenant general (sevaanivrutt) Shahid ajeej ne khulaasa kiya tha ki Kargil ke abhiyaan ke mukhya sootradhaar Parvez musharraf hi the. Ajeej ki or se yah bhi daava kiya gaya ki musharraf ne is abhiyaan ke baare mein sheersh sainya adhikaariyon ko andhere mein rakha tha. Is par musharraf ne kaha, iske baare mein sabhi ko bataana jaroori naheen tha. Unhonne daava kiya ki ajeej 'Asantulit vyaktitv' hain aur is adhikaari ne in aaropon ke jariye unka charitra hanan kiya hai. Musharraf ne kaha, ham Kargil yuddh haar gaye, to sirf navaaj shareef ki vajah se.


Har Maheene 40-50 Paise Badheinge Diesel Ke Daam Veerappa Moili

Har Maheene 40-50 Paise Badheinge Diesel Ke Daam Veerappa Moili

Breaking »

Nai Delhi: Diesel ki bikri par sarkaari tel companiyon ko ho rahe ghaate ki bharpaai ke liye iski keematein har maah 40 se 50 paise prati liter badhaai jaaengi. Desh mein petrolium utpaadon mein sabse jyaada khapat diesel ki hi hoti hai. Petrolium mantri M veerappa moili ne patrakaaron se kaha, aage kisi anya aadesh tak tel vipnan companiyaan diesel ke daamon mein har maah 40-50 paise prati liter ki badhotri kar sakti hain. Ullekhaneeya hai ki sarkaar ne diesel ki keematon ko sarkaari niyantran se mukt karne ka nirnaya 17 January ko hi le liya tha. Is nirnaya ke tahat saarvajanik kshetr ki tel companiyon diesel ki keematon mein tab tak pratimaah thodi-thodi vruddhi karne ki chhoot di gayi hai jab tak ki unka ghaata poora na ho jaae. Filhaal, diesel par unhein aayaat moolya ke hisaab se 10.80 rupaye prati liter ka ghaata ho raha hai. Tel companiyon ne 17 January ko prati liter dealer mein 45 paise ki badhotri ki thi. Delhi mein is samay diesel ka bhaav 47.65 rupaye prati liter ho gaya tha. Iske saath hi thok graahakon ke liye moolya vruddhi das rupaye prati liter ki vruddhi ho gayi hai. Moili ne bataaya ki diesel ki keematon mein prati maah maamooli badhotri karne ka nirnaya agala aadesh jaari hone tak laagoo rahega. Haalaanki unhonne yah naheen bataaya ki tel companiyaan dobaara kab diesel ki keematein badhaaengi. Diesel ka daam badhaane se is kadam se sarkaar dvaara di jaane waali subsidy ki kareeb 12,907 karod rupaye saalaana ki bachat hogi. Par kuchh thok graahakon ne petrol pumpon se khudara grahaakon ki tarah diesel khareedne ka nirnaya liya hai. Moili ne kaha, ki unhonne suna hai ki Gujarat aur Tamil Nadu jaise raajyon ne kaha hai ki unke raajya sadak parivhan nigam ab diesel thok mein khareedne ke bajaay apni bason ke liye tel sthaaneeya petrol pumpon se khareedeinge. Filhaal ye nigam apne niji upayog ke liye seedhe tel companiyon se indhan khareedte hain. Moili ne kaha, hamein is masale par fir se vichaar karne ki aavashyakta hai. Humne bhi yah baat suni hai. Ham is par gaur kar rahe hain. Unhonne ne bason ko petrolpump se diesel bharvaane ke nirdesh dene ke bajaay raajya sarkaaron ko diesel par vait aur sales tax kam karna chaahiye, taaki vah sasta ho sake.


Audyogik Karmachaariyon Ke Liye Khudara Mudraasfeeti Badhkar 11.17 Pratishat Pahunchi

Audyogik Karmachaariyon Ke Liye Khudara Mudraasfeeti Badhkar 11.17 Pratishat Pahunchi

Breaking »

Nai Delhi: Audyogik karmachaariyon ke liye khudara mudraasfeeti December mein badhkar 11.17 pratishat par pahunch gayi. Is dauraan, khaadya vastuen, bijli aur dava sahit anya pramukh vastuen mahangi huin. Ek aadhikaarik bayaan mein kaha gaya ki maasik upabhokta moolya soochakaank. Audyogik karmachaari ke sandarbh mein khudara mudraasfeeti December, 2012 mein 11.17 pratishat rahi, jo isse pichhle maheene 9.55 pratishat aur December, 2011 mein 6.49 pratishat thi. Sameekshaadheen maah mein khaadya vastuon ki mudraasfeeti 13.53 pratishat rahi, jo isse pichhle maheene yaani November 2012 mein 10.85 pratishat thi.


Lokpal Par Sarkaar Ne Dhokha Diya Anna Hajaare

Lokpal Par Sarkaar Ne Dhokha Diya Anna Hajaare

Breaking »

Nai Delhi: Lokpal bill par anna hajaare ne kaha hai ki sarkaar ne cabinet ke saamane jo draft rakha hai, vah hamaara naheen hai. Unhonne kaha ki sarkaar ne Janlokpal par jo bhi aashvaasan diye, ve poore naheen kiye. Sarkaar ne hamein dhokha diya hai. Anna ne aage kaha ki CBI aur CVC Lokpal ke daayare mein aane chaahiye. Unhonne savaal kiya ki Lokpal ko lekar joint committee banaai gayi thi, usaka kya huaa. Unhonne apni maang dobaara doharaai ki sarkaar ko sashakt Lokpal lekar aana chaahiye. Anna ne kaha ki unhonne soniya Gandhi ko karaara javaab dete hue kaha ki satta ek jahar naheen, nasha hai.


Cheen Mein Pul Kshatigrast Hone Se 26 Logon Ki Maut

Cheen Mein Pul Kshatigrast Hone Se 26 Logon Ki Maut

Breaking »

Beijing: Madhya cheen mein ek pul ke kshatigrast ho jaane se kam se kam 26 logon ki maut ho gayi. Pul par se pataakhe lekar ja rahe ek truck mein visfot ho gaya, jisse pul aur kai vaahan bhi kshatigrast ho gaye. Madhya cheen ke henaan praant mein bana yah pul aanshik roop se kshatigrast huaa hai. China national radio ki khabar mein kaha gaya hai ki haadase mein kam se kam 26 logon ki maut ho gayi. Sarkaari samaachaar agency shinhuaa ki khabar mein kaha gaya hai ki miyaanchi kasbe mein bane is pul par sthaaneeya samayaanusaar subah aath baj kar 52 minute par visfot huaa, jisse kai vaahan kshatigrast hokar neeche gir gaye. Visfot ke kaaran pul ka 80 meter lamba bhaag dhvast ho gaya. Malabe se chhah vaahanon ko nikaala gaya hai. Yah pul liyaanyugaang khoragaaj expressway ka hissa hai.