Jald Naino Ka CNG Sanskaran Pesh Karegi Tata Motors

Jald Naino Ka CNG Sanskaran Pesh Karegi Tata Motors

Breaking »

Nai Delhi: Chhoti car naino ki bikri ghatne se chintit tata motors ne apni bikri badhaane ke liye is saal ki pehli chhamaahi tak naino ka ek poori tarah naya sanskaran aur iska CNG vikalp pesh karne ki yojana banaai hai. Ullekhaneeya hai ki company ne abhi diesel sanskaran ki aaranbhik kaarein pesh karne ki koi samay seema naheen nishchit ki hai, haalaanki yah car bankar taiyaar ho chuki hai. Tata motors ke prabandh nideshak kaarl slim ne kaha, ''Naino ki bikri mein giraavat darj ki gayi hai. Ham fir se iski bikri badhaane ke liye kaam kar rahe hain. Haalaanki yah kaafi lamba raasta hai, lekin pehli chhamaahi mein ham is vaahan 2013 model pesh kareinge. '' unhonne bataaya, iske saath hi ham jaldi ki naino ka CNG sanskaran pesh kareinge. Diesel se chalne waali aaranbhik kaaron ki peshakash ke baare mein poochhane par unhonne kaha, ''Bhavishya mein ham nishchit roop se is prakaar ki kaarein pesh kareinge, lekin abhi humne iski koi tithi nishchit naheen ki hai. Haalaanki is prakaar ke vaahan taiyaar ho chuke hain. '' Ullekhaneeya hai ki is saal ke January maah mein tata ki naino ki bikri ghatkar 1,504 ikaai rah gayi. Jabki pichhle saal ke isi maah ke dauraan company ne kul 7,723 naino bechi theen.


Madhya Pradesh Mein Jeeja-saale Ne Kiya Dalit Mahila Se Balaatkaar

Madhya Pradesh Mein Jeeja-saale Ne Kiya Dalit Mahila Se Balaatkaar

Breaking »

Bhopal: Bhopal jile ki bairasiya tahaseel mukhyaalaya mein jeeja-saale ne milkar ek dalit mahila ke ghar mein ghuskar uske saath balaatkaar kiya. Police ke anusaar ghatna ke samay mahila ke parijan sarvajaateeya vivaah sammelan mein gaye hue the. Parijanon ke lautane par mahila ne ghatna ki shikaayat bairasiya police se ki. Police ne jeeja-saale ke khilaaf saamoohik balaatkaar ka prakaran darj kar donon ko giraftaar kar liya. Bairasiya thaana police ne bataaya ki manakhyaai jod mein rahane waali 25-varsheeya ek dalit mahila gat shukravaar shaam ghar mein akeli thi aur uske parijan bairasiya mein ho rahe vivaah sammelan mein gaye hue the. Isi beech shaam lagbhag chhah baje pados mein rahane vaala ek shakhs apne saale ke saath mahila ke ghar mein ghus gaya. Donon ne mahila ke haath-pair baandh diye aur uske saath balaatkaar kiya. Ghatna ke baad donon faraar ho gaye. Jab mahila ke parijan laute, vaise hi usane unhein ghatna ki jaankaari di. Mahila ne parijanon ke saath bairasiya thaane pahunch ghatna ki shikaayat darj karaai. Police ne shanivaar ko donon aaropiyon ko giraftaar kar court mein pesh kiya, jahaan se unhein jail bhej diya gaya hai.


Sashakt Mahila Charitra Ko Jeena Hai Meri Pasand Maahi Gil

Sashakt Mahila Charitra Ko Jeena Hai Meri Pasand Maahi Gil

Breaking »

Nai Delhi: Abhinetri maahi gil aagaami film 'Saaheb, beebi aur gangster return' mein ek khurraat, satta ke bhookhe aur mahaatvaakaankshi neta ke roop mein darshakon par ek baar fir se jaadoo karne ki taiyaari mein hain. Abhinetri maahi gil ko March mein release hone ja rahi is film se kaafi ummeed hai jismein unki bhoomika ek mahatvaakaankshi aur sattaalolup raajaneetijnya ki hai. Unhonne kaha ki is sashakt mahila charitra ko jeena unke liye ek vishesh anubhav tha. Nirdeshak tigmaanshu Dhulia isse pehle film 'Saaheb, beebi aur gangster' bana chuke hain jiski safalta ke baad unhonne iska sikval banaaya hai. Maahi ne bataaya, ''Haalaanki is sikval mein meri bhoomika pehle ke kirdaar ki nirantarata hai lekin ismein mere kirdaar ko pehle ke mukaabale kaheen adhik satta ke bhookhe aur pehle ke mukaabale kaheen adhik khatarnaak roop mein darshaaya gaya hai. '' unhonne kaha, ''Nirdeshak tigmaanshu Dhulia ne ek majaboot aur mahatvaakaankshi mahila charitra ka taana baana buna hai jiski shuruaat aam insaanon ki tarah hoti hai lekin apne aaspaas ki sthitiyon ke prabhaav mein aakar vah behad khatarnaak rukh akhtiyaar kar leti hai. Mere liye is tarah ke majaboot charitra ki bhoomika nibhaana kaafi manoranjan anubhav saabit huaa. '' Iske alaava maahi ne tigmaanshu ki hi ek aur film ''Bulet raaja'' mein bhi ek ''Item number'' kiya hai jo ek behad glaimaras aur majedaar charitra hai. Iske item gaane ki koriyograafi ganesh aachaarya ne ki hai. Film ''Bulet raaja'' ke is gaane ke baare mein maahi ne kaha ki vah aam taur par is baat ka khyaal naheen rakhati ki vah kaisi dikhaai day rahi hain, lekin film ke charitra ki maang ke anuroop mujhe poori saaj sajja ka dhyaan rakhana tha aur mera kirdaar kuchh is tarah ka hai jo har cheej ko baareeki aur kareene se rakhana pasand karti hai. Maahi, apoorv lakhiya ke nirdeshan mein ban rahi film 'Janjeer' mein bhi kaam kar rahi hain jise Amitabh Bachchan ki isi naam ki hit film ka reemek maana ja raha hai. Is film mein unki bhoomika pehli film ki 'Mona daarlig' ki hai. Is film mein unke sah kalaakaaron mein prakaash raaj (ajit), Priyanka Chopra (jaya), dakshin ke prasiddh film sitaare chiranjeevi ke bete raamacharan (Amitabh) shaamil hain. Hindi aur telugu mein banane waali is film ke May June mein release hone ki sambhaavana hai. Maahi ne kaha ki Bollywood mein unhein kaafi sammaan mila hai aur vah aage do tarah ki filmon 'Action' aur 'Comedy' ko vishesh roop se aajmaana chaaheingi. Unhonne kaha ki vah har saal ek punjabi film bhi karna chaahati hain aur pichhle varsh unki ek punjabi film 'Kairi on jatta' kaafi hit rahi thi. Ullekhaneeya hai ki haal ki hit film 'Paan Singh tomar' mein abhineta Irfan Khan ke saath unki kemistri ko darshakon ne bharpoor saraaha tha. Maahi ki pasandeeda abhinetriyon mein vaheeda Rahman, shreedevi aur rekha hain jinki kramash: 'Guide', 'Chaalabaaj' aur 'Khoobsoorat' unhein behad pasand hain.


Olympic Khelon Ka Bahishkaar Kare Bhaarat Geeta Fogat

Olympic Khelon Ka Bahishkaar Kare Bhaarat Geeta Fogat

Breaking »

Nai Delhi: Olympic khelon mein bhaag lene waali Bhaarat ki pehli mahila pahalavaan geeta fogat ne kaha ki sarkaar ko 2020 mein olympic khelon mein kushti ko shaamil karavaane ke liye gambheerta se kadam uthaane chaahiye. Unhonne kaha ki agar kushti ko olympic khelon se hataae jaane ka faisala barkaraar rakha jaata hai, to Bhaarat ko olympic ke bahishkaar karne ki ghoshana kar deni chaahiye. Delhi mein April mein hone waali Asiaee kushti aur mangoliya mein March mein hone waali vishwacup kushti championship ke liye Patiala ke enaaaies mein taiyaariyon mein juti geeta ne kaha, yah khabar Bhaarat ke kushti jagat ke liye bahut hi dukhad hai aur khaaskar mahila pahalavaanon ke liye to yah unke sapanon par paari firne jaisa hi hai, kyonki 2004 Athens olympic se hi mahila pahalavaani ko shaamil kiya gaya tha aur mujhe 2012 London khelon ke liye qualify hone se olympic mein desh ka pratinidhitv karne waali pehli pahalavaan banane ka mauka mila tha. Bhaarat ne London olympic mein jeete chhah mein se do padak kushti (susheel Kumar aur yogeshvar datt) se haasil kiye the. Raashtramandal khelon ki svarn padak vijeta geeta ne kaha, olympic khel hone ki vajah se hi yuva mahila pahalavaanon ne jyaada ruchi leni shuroo kar di aur abhi to yah khel aage aana hi shuroo huaa hai, isliye sarkaar ko gambheerta se kuchh kadam uthaane chaahiye. Lekin agar kushti ko olympic se hataae jaane ka faisala barkaraar rakha jaata hai, to Bhaarat ko olympic ka bahishkaar karne ki ghoshan kar deni chaahiye.


Gambhir Ki Anupasthiti Australia Ke Liye Achhi Hayden

Gambhir Ki Anupasthiti Australia Ke Liye Achhi Hayden

Breaking »

Melbourne: Poorv cricketer Matthew Hayden ko lagta hai ki Australia ke khilaaf pehle do test ke liye bhaarateeya team se Gautam gambhir ka baahar hona mehmaan team ke liye sakaaraatmak cheej hai. Varsh 2001 mein Hayden ka Bhaarat daura achha raha tha, unhonne kaha ki gambhir aur Virendra Sehwag ki salaami jodi kaafi majaboot thi aur is baayein haath ke khilaadi ka team se baahar hona Australiaee geindabaajon ke liye raahat ki baat hai. Gambhir ne shanivaar ko Australia ke khilaaf abhyaas match mein Bhaarat-A ki taraf se shatak jada tha. Hayden ne kaha, ''Bhaarat ne Gautam gambhir ko team se baahar kar diya, yah Australia ke liye sakaaraatmak kadam hai. '' Hayden ne kaha, ''Vah jab bhi Australia ke khilaaf khelta hai, achha karta hai. Usaki aur Virendra Sehwag ki salaami jodi kaafi taakatavar hai. Bhaarat ka gambhir ko baahar rakhana hairaani bhara faisala hai. '' Is Australiaee ne Bhaarat ke 2001 tour ke dauraan 110 ke ausat se 549 run banaae the. Unhonne kaha, ''Jab Bhaarat jaate hain to hamesha hi unke spinron ka jikr hota hai. Mujhe naheen lagta ki hamein ise jyaada tavajjo deni chaahiye. Ismein geind spin hoti hai, lekin yah 165 kimi prati ghante ki raftaar se naheen aaegi. ''


Misr Ke Raashtrapati Ke Bete Ne 133 Dollar Maheene Ki Naukri Ke Liye Aavedan Diya

Misr Ke Raashtrapati Ke Bete Ne 133 Dollar Maheene Ki Naukri Ke Liye Aavedan Diya

Breaking »

Kaahira: Misr ke raashtrapati mohammad murasi ke bete ne ek company mein 133 dollar prati maah ki naukri ke liye aavedan diya hai. Havaai addon ke prabandhan ki jimmedaari sambhaalne waali is company ne un khabaron ko niraadhaar bataaya hai ki umar murasi ne jis naukri ke liye aavedan diya hai, usamein shuruaati vetan 5,000 dollar prati maah hai. Company ke pramukh captain magadi abdul hadi ne kaha ki umar ne uchit prakriyaaon ke tahat aavedan diya hai. Is naukri ke liye vigyaapan nikaala gaya tha. Unhonne kaha ki is naukri ke liye shuruaati vetan 133 dollar prati maah hoga aur chhah maheene baad yah vetan 180 dollar prati maah ho jaaega.


Narendra Modi Par Likhe Justice Kaatajoo Ke Lekh Par Bifri BJP

Narendra Modi Par Likhe Justice Kaatajoo Ke Lekh Par Bifri BJP

Breaking »

Nai Delhi: Gujarat ke mukhyamantri Narendra Modi ke baare mein ek angreji dainik mein Justice maarkandeya kaatajoo ke likhe lekh se naaraaj BJP ne maang ki hai ki ya to Justice kaatajoo press kaaunsil of India ke Chairman pad se isteefa dein ya unhein hata diya jaae. Kaatajoo ne lekh mein Narendra Modi ki aalochna karte hue desh ke logon se appeal ki hai ki ve soch-samajhakar pradhaanamantri chunein. BJP ke neta arun jetali ne khule patra mein kaha hai ki Justice kaatajoo ki yah appeal raajaneetik hai aur ye kisi Congressi neta se bhi jyaada Congressi hai. Jetali ne kaha ki kaatajoo ka bayaan poorvaagrah se grasit hai. Ullekhaneeya hai ki kaatajoo ne haal hi mein Bihar ke mukhyamantri neeteesh Kumar par bhi hamla karte hue kaha tha ki Bihar mein press ki aajaadi naheen hai.


Return Naheen Bharne Ke Chalte 2,171 Pratyaashiyon Ke Chunaav Ladne Par Rok

Return Naheen Bharne Ke Chalte 2,171 Pratyaashiyon Ke Chunaav Ladne Par Rok

Breaking »

Nai Delhi: Svatantr evam nishpaksh chunaav sunishchit karaane aur dhanabal ke istemaal par rok lagaane ki kavaayad ke tahat chunaav aayog ne sansad evam vidhaanasabh chunaav ladne ke dauraan hue kharch ka byaura naheen dene ke maddenajar 2,171 pratyaashiyon ko ayogya thahara diya hai. In ummeedavaaron par aayog ki or se ayogya thaharaaye jaane ki tithi se teen varshon tak rok lagi rahegi aur yah paabandi adhiktam January, 2016 tak rahegi. Yah kadam chunaav aayog ke vitteeya paaradarshita kaayam karne aur chunaav prakriya mein javaabadehi tay karne ke prayaas ka hissa hai. Is soochi mein Maharashtra se sabse adhik 260 ummeedavaaron ko aayogya thaharaaya gaya hai, jabki Chhattisgarh se 259, Haryana se 197, Orissa se 188 aur madhya pradesh se 179 pratyaashiyon ko ayogya thaharaaya gaya hai. Uttar pradesh se 159, Jharkhand se 118 aur Tamil Nadu se 97 pratyaashiyon ke chunaav ladne par rok lagaai gayi hai. Sansadeeya seaton ke lihaaj se uttar pradesh se sabse adhik 158 ummeedavaaron ke chunaav ladne par rok lagaai gayi hai, jabki raajya vidhaanasabha ke lihaaj se Chhattisgarh se sabse adhik 240 ummeedavaaron ke chunaav ladne par rok lagaai gayi hai. Chunaav parinaam ghoshit hone ke 30 dinon ke bheetar chunaavi kharch ka byaura naheen dene ke maddenajar in sabhi ummeedavaaron ko jan pratinidhitv kaanoon 1951 ki dhaara 8e tatha 11e (2) aur 10 A ke tahat ayogya thaharaaya gaya. Inmein se adhiktar ummeedavaar gambhir pratyaashi naheen the, jabki kuchh pratyaashiyon ne chunaavi kharch ka byaura jama kiya, lekin yah upayukt praaroop mein naheen tha.


Chunaav Se Pehle PM Pad Ka Ummeedavaar Pesh Kare Congress Jogi

Chunaav Se Pehle PM Pad Ka Ummeedavaar Pesh Kare Congress Jogi

Breaking »

Nai Delhi: Congress ke ek varishth neta ne ravivaar ko kaha ki party ko vidhaanasabha chunaavon se pehle neta ka naam pesh na karne ki aam pravrutti ab tyaag dena chaahiye. Chhattisgarh ke poorv mukhyamantri ajit jogi ne kaha ki Congress ko yah ehsaas hona chaahiye ki ek raashtreeya party ko raashtreeya aur kshetreeya donon mahatvaakaankshaaen poori karni hai. Unhonne kaha 'Ek raashtreeya party hone ke naate pratyek raajya mein ham santulan banaae bina safal naheen honge. ' jogi chaahate hain ki Congress bhi 15 maah baad hone ja rahe Loksabha chunaavon se pehle pradhaanamantri pad ka ummeedavaar ghoshit kar day. Yah poochhe jaane par ki kya Congress ko vidhaanasabha chunaavon se pehle neta pesh karna chaahiye, unhonne kaha 'Yah meri niji rai hai ki nirnaya raajyavaar liya jaana chaahiye aur ek aam niyam ka paalan naheen karna chaahiye. ' jogi ne kaha 'Pratyek raajya mein paristhitiyon ke anusaar, hamein neta ki ghoshana karna chaahiye ya naheen karna chaahiye. Humne Himachal pradesh mein neta pesh kiya aur parinaam bhi mila jabki pehle ham neta ko pesh naheen karte the fir bhi hamein nateeje milte the. ' 67 varsheeya neta ne kaha ki party mein neta ko pesh na karna aam chalan raha hai. Nirvaachit vidhaayakon ki rai lene ke baad paryavekshak bheje jaate hain aur fir antim nirnaya Congress adhyaksh dvaara kiya jaata hai. Haaliya varshon mein yah pehla mauka hai jab kisi Congress neta ne is mudde par khul kar bola hai. Kareeb ek dashak pehle Madhya Pradesh se alag ho kar jab Chhattisgarh astitv mein aaya tha to jogi is raajya ke pehle mukhyamantri bane the. Is saal ke aakhir mein Chhattisgarh, Madhya Pradesh, Rajasthan aur Delhi mein vidhaanasabha chunaav hone hain. Jogi se poochha gaya ki kya Congress ko pradhaanamantri pad ke ummeedavaar ki ghoshana karni chaahiye. Is par unka javaab sakaaraatmak tha. Unhonne kaha 'Hamein kehna chaahiye ki desh ka agala neta Nehru Gandhi parivaar se hoga. Yah meri niji rai hai. ' unhonne kaha 'Congress mein jyaadaatar logon ko lagta hai ki samay aa gaya hai aur unhein desh ka netrutv karna chaahiye aur sab kuchh parivaar ki pasand par nirbhar hoga. Agar vah chaahein, to log unhein haathonhaath leinge. Agar ve na chaahein to aap kuchh naheen kar sakte. ' Jogi ne kaha ki telangaana mudde par jald nirnaya atyant mahatvapoorn hai kyonki Congress ke liye Andhra Pradesh ek pramukh raajya hai. Jab Congress vipaksh mein thi to jogi iske raashtreeya pravakta the. Unase bhavishya mein gathabandhan ke baare mein poochhane ke saath-saath savaal kiya gaya ki kya Congress ko sabhi poorv party sadasyon ko vaapas aane ke liye kehna chaahiye. Lekin unhonne javaab taal diya. Jogi ne kaha ki party upaadhyaksh Rahul Gandhi ne varishth neta AK Antony ki aguvaai mein ek samiti banaai hai jo is maamale par vichaar kar rahi hai. Samiti hi chunaav poorv aur chunaav ke baad ke sahayogiyon ke baare mein faisala karegi aur antim manjoori ke liye Congress upaadhyaksh tatha adhyaksh ko ise saunpegi. Party mein charcha hai ki chunaav poorv gathabandhan keval Maharashtra, Tamil Nadu, Kerala aur Jharkhand sahit kuchh ginechune raajyon mein hi hoga. Jogi ko lagta hai ki agar Gujarat ke mukhyamantri Narendra Modi pradhaanamantri pad ke ummeedavaar ghoshit kiye jaate hain to Congress ko koi khatra naheen hoga. Unhonne kaha 'Meri rai mein Modi raashtreeya neta naheen hain. Bhaarat samarthakon mein unki sveekaaryata naheen hai. Jabki hamaara netrutv hakeekat mein akhil bhaarateeya neta ki haisiyat rakhata hai, chaahe vah soniya Gandhi hon ya Rahul Gandhi, ve poore desh ke neta hain, kisi raajya ya kshetr ke naheen. ' jogi ne kaha 'Modi Gujarat ke neta ke taur par dekhe jaate hain. Unhein anya raajyon mein abhi sveekaaryata haasil karni hai. Varsh 2002 ke dange desh ko unhein sveekaarane ki anumati kabhi naheen deinge. ' Unhein yah bhi lagta hai ki agale Loksabha chunaavon mein Congress ko faayda hoga kyonki bhaajapa mein sab kuchh vyavasthit naheen hai. Jogi ne kaha 'Ve apne neta, neetiyon aadi par nirnaya karne ki sthiti mein naheen hain, party mein khuli bagaavat ho rahi hai aur vah ek ek kar raajyon mein haarati ja rahi hai. . Uttaraakhand, Himachal pradesh, Jharkhand. . Karnataka mein vah haarne vaale hain kyonki vahaan unki haalat bahut kharaab hai. Mujhe gambheerta se lagta hai ki ham pratispardhi naheen hain. '


Mahila Vishwacup West Indies Ka Sapana Choor, Australia Bana Chhathi Baar Champion

Mahila Vishwacup West Indies Ka Sapana Choor, Australia Bana Chhathi Baar Champion

Breaking »

Mumbai: Brabourne stadium mein ravivaar ko khele gaye mahila vishv cup (50 over) ke final mukaabale mein paanch baar ki champion Australiaee cricket team ne West Indies ko 114 run se paraajit kar diya. Is tarah Australia ne pehli baar final mein pahunchi West Indies ki team ka champion banane ka sapana chakanaachoor kar diya. Jes Cameron ko 75 ranon ki shaanadaar paari khelne ke liye player of the match chuna gaya jabki player of tournament New Zealand ki sooji baits ko chuna gaya. Toss jeetkar pehle ballebaaji karne utari Australiaee team ne nirdhaarit 50 overon mein saat wicket ke nuksaan par 259 run banaae. Iske javaab mein ballebaaji karne utari West Indies ki team 43.1 over mein 145 run hi bana saki. Is tarah use 114 ranon se haar jhelni padi. West Indies ki shuruaat kharaab rahi aur 15 overon ke khel mein 41 ranon ke kul yog par usane teen wicket ganva diye the. Kairebiyaai team ne shuruaati teen wicket kaaisa night (17), nataasha maikleen (13) aur stefaane Taylor (5) ke roop mein ganvaae. Iske baad West Indies ki koi ballebaaj Australiaee geindabaajon ke saamane tik naheen saki. Kaptaan merisa egveliyera 23 aur deindra dotin hi 22 run bana saki aur kaaisona night 21 ranon par naabaad lauti. Baaki ballebaaj 20 ka aankada bhi paar naheen kar saki. Australia ki or se elisi peri ne teen jabki megan sat, leesa thaalekar aur erin aasavorn ne do-do wicket jhatke. Jooli hantar ko ek safalta mili. Toss jeetkar pehle ballebaaji karne utari Australiaee team ne nirdhaarit 50 overon mein saat wicket ke nuksaan par 259 run banaae. Jes Cameron ne Australia ke kul yog mein sarvaadhik 75 ranon ka yogadaan diya. Cameron ne apni paari mein aath chauke aur do chhakke lagaae. Australia ki paari ki shuruaat achhi rahi. Meg lening aur raachel hens ki salaami jodi ne 52 run jode. Lening 31 run banaakar stefeni Taylor ki geind par kaayashona night ko catch thama baithi. Hens bhi 116 ke kul yog par shaakuaana kuinataaine ki geind par night ke haathon catch huin. Unhonne chhah chaukon ki madad se 52 run banaae. Teesare number par ballebaaji karne aain Alex Blackwell teen run banaakar pavilion laut gain. Vah tremaayane smart ki geind par catch hui. Unke baad ballebaaji karne aain lisa sthaalekar 12 ranon ke niji yog par kuinataaine ka shikaar bani. Anya ballebaajon mein saara koyate aur erin osaborn saat-saat run banaakar out huin. Jodi Fields 36 aur elise pairi 25 run banaakar naabaad lauteen. West Indies ki or se kuinataaine ne teen wicket chatakaae, jabki aneesa mohammad, Chanel dele, smart aur Taylor ko ek-ek safalta mili.


Pakistan Ke Quetta Shahar Mein Visfot, 79 Ki Maut, 180 Ghaayal

Pakistan Ke Quetta Shahar Mein Visfot, 79 Ki Maut, 180 Ghaayal

Breaking »

Islamabad: Pakistan ke Quetta shahar ke shiya bahul ilaake mein hue visfot mein kam se kam 79 logon ki maut ho gayi aur kam se kam 180 log ghaayal ho gaye. Maare gaye logon mein kai bachche shaamil hain. Adhikaariyon ne bataaya ki yah visfot Quetta ke nikat kiraani rod ilaake mein huaa. Yah ek shiya bahul ilaaka hai. Visfot ke samay ilaake mein bhaari bheed thi. Bolaan medical kaampaleks aur civil aspataal ke adhikaariyon ne bataaya ki ab tak 13 shav baraamad kiye gaye hain. Unhonne kaha ki maare gaye logon mein do mahilaaen aur kai bachche shaamil hain. Adhikaariyon ka kehna hai ki hamle mein 12 log ghaayal hue hain. Ghaayalon mein kuchh ki haalat gambhir hai. Visfot se khidkiyon, kai aavaaseeya imaaraton aur dukaanon ko nuksaan pahuncha hai. Suraksha balon ne ilaake ko gher liya aur logon ko ghatnaasthal ki or jaane se rok rahe hain. Kisi sangathan ne is hamle ki jimmedaari naheen li hai.


Bhookamp Se Hila Madhya Italy

Bhookamp Se Hila Madhya Italy

Breaking »

Rom: Madhya Italy mein ravivaar ko 4.8 teevrata ka bhookamp mahasoos kiya gaya. Isse imaaratein hil gain aur logon mein dahashat fail gayi. Italy ke bhoobhautiki sansthaan ke anusaar bhookamp rajdhani rom aur dakshini shahar nepals ke beech fronsinon mein mahasoos kiya gaya jo 10.7 kilometer ki gaharaai par keindrit tha . Ismein jaanmaal ke nuksaan ki koi khabar naheen hai. Bhookamp se aabrujo kshetr mein dahashat ka maahaul paida ho gaya aur aapaatkaaleen sevaaon ko phone aane lage.


Motor Beema Premium Ke Liye 1 April Se Mahanga

Motor Beema Premium Ke Liye 1 April Se Mahanga

Breaking »

Nai Delhi: Badhti mudraasfeeti aur beema daava niptaan ke itihaas ko dekhte hue beema niyaamak irada ne 1 April se motor beema ka premium daron ko doguna tak badhaane ka prastaav kiya hai jiske kaaran ab iske premium mahanga hona tay hai. Beema niyaamak evam vikaas praadhikaar (irada) ke masaude ke anusaar thard party ke beema kavar ke shulk dopahiya vaahanon, yaatri kaaron aur vaanijyik vaahanon ke liye badhega. Ek hajaar CC ke kam kshamata ke engine waali kaaron ke liye 'Thard party' premium ko 85.30 pratishat badhaakar 1,453 rupaye prati varsh karne ka prastaav kiya gaya hai jabki 350 CC kshamata se adhik ke dopahiya vaahanon ka premium 108.14 pratishat badhaakar 1,415 rupaye prati varsh karne ka prastaav kiya gaya hai. Tiphiya vaahanon ko chhodkar 40,000 kigra se adhik bhaar vaale maal dhone vaale vaahanon ka premium 313.45 pratishat badhaakar 53,832 rupaye prati varsh karne ka prastaav kiya gaya hai. Isse poorv yah vruddhi March 2012 mein ki gayi thi jispar traansaportaron ke sangh ne irada aur general inshyors ke saath Calcutta uchch nyaayaalaya mein kaanooni ladaai ladi. Aath maheene ke kaanooni ladaai ke baad adaalat ne shulk vruddhi ke paksh mein apna faisala sunaaya.


Pakistan Ke Quetta Shahar Mein Visfot, 65 Ki Maut, 200 Ghaayal

Pakistan Ke Quetta Shahar Mein Visfot, 65 Ki Maut, 200 Ghaayal

Breaking »

Islamabad: Pakistan ke Quetta shahar ke shiya bahul ilaake mein hue visfot mein kam se kam 65 logon ki maut ho gayi aur kam se kam 200 log ghaayal ho gaye. Maare gaye logon mein kai bachche shaamil hain. Adhikaariyon ne bataaya ki yah visfot Quetta ke nikat kiraani rod ilaake mein huaa. Yah ek shiya bahul ilaaka hai. Visfot ke samay ilaake mein bhaari bheed thi. Bolaan medical kaampaleks aur civil aspataal ke adhikaariyon ne bataaya ki ab tak 13 shav baraamad kiye gaye hain. Unhonne kaha ki maare gaye logon mein do mahilaaen aur kai bachche shaamil hain. Adhikaariyon ka kehna hai ki hamle mein 12 log ghaayal hue hain. Ghaayalon mein kuchh ki haalat gambhir hai. Visfot se khidkiyon, kai aavaaseeya imaaraton aur dukaanon ko nuksaan pahuncha hai. Suraksha balon ne ilaake ko gher liya aur logon ko ghatnaasthal ki or jaane se rok rahe hain. Kisi sangathan ne is hamle ki jimmedaari naheen li hai.


Mahila Vishwacup Final Mein Australia Se Bhidegi West Indies

Mahila Vishwacup Final Mein Australia Se Bhidegi West Indies

Breaking »

Mumbai: Mumbai ke Brabourne stadium mein ravivaar ko hone vaale mahila vishv cup ke final mein paanch baar ki champion Australia ka saamana West Indies se hoga. San 1973 mein shuroo hue mahila vishv cup ka yah dasavaan sanskaran hai aur Bhaarat iski teesari baar mejabaani kar raha hai. Tournament ke final mein pahunchi donon teemon ne hi visham paristhitiyon mein shaanadaar pradarshan karte hue final ka raasta tay kiya hai. Tournament ke itihaas mein ab tak ki sabse safalatam team Australia ne jahaan ek or tournament mein apne antim super league mukaabale mein haar ke alaava sabhi maichon mein jeete hain, vaheen, vesteeindeej ne Australia ko haraakar final mein apni jagah pakki ki. Isse pehle, kairebiyaai mahila khilaadiyon ne super-6 maichon ke sabhi teen pramukh mukaabale jeetne se pehle super-6 mein apni jagah banaane ke liye keval group star par ek hi mukaabala jeeta tha. West Indies ne apne antim league mukaabale mein Australia par jeet darj kar pichhli champion England aur New Zealand ko tournament se baahar ka raasta dikhaaya tha. Australia ke final tak ke safar ke dauraan sabhi khilaadiyon ne behatareen pradarshan ka mujaahira kiya. Australiaee pesar maigan ne khaaskar kaabiletaareef pradarshan kiya hai. Unhonne aur anya shrubasol ne tournament mein sabse jyaada 13 wicket jhatke hain. Australia ki diggaj spinner lisa sthaalekar aur unki saathi ireen osaborn ne paari ke madhyam overon mein sadhi aur kasi hui geindabaaji ki hai. Lekin vaheen Australia ki ballebaaji poore tournament ke dauraan apeksha ke anukool naheen rahi. Baaki khilaadiyon ko chhodkar reechel heyans ne chhah maichon mein do arddhashatakon ke saath sabse jyaada 221 run banaae hain. Vaheen, pehli baar vishv cup final mein jagah banaane waali vesteeindeej ki team par group star mukaabalon mein England se haarne ke baad tournament se baahar hone ka khatra mandara gaya tha. Lekin vesteeindeej ne baad ke mukaabalon mein shaanadaar pradarshan karte hue final mein jagah banaai. Vesteeindeej ki kaptaan marisa engyoolira ne kaha ki yah tournament unke liye kaafi utaar-chadhaav bhara raha. Heyaradresar se cricket khilaadi bani is kairebiyaai khilaadi ne kaha, "Poore tournament ke dauraan kaafi utaar-chadhaav dekhne ko mile, lekin sahi maayane mein yahi hamaari khel bhaavana ko darshaata hai. " Purush twenty-20 vishv cup mein West Indies ko mili jeet se mahila khilaadiyon ko kaafi prarena mili hai. Vesteeindeej ki taraf se poore tournament ke dauraan stefani Taylor aur deeedra dotin ne shaanadaar pradarshan kiya hai. Taylor ne tournament mein harfanmaula pradarshan karte hue 309 run aur chhah wicket lekar yah bata diya ki maujooda samay mein unhein yoon hi naheen saal ki sarvashreshth khilaadi chuna gaya hai. Vaheen, madhyam tej geindabaaj dotin bhi 204 run aur nau wicket jhatke hain.


Kejriwal Ne Paani Ghotaale Ka Aarop Lagaaya, Dijbo Ne Nakaara

Kejriwal Ne Paani Ghotaale Ka Aarop Lagaaya, Dijbo Ne Nakaara

Breaking »

Nai Delhi: Aam aadmi party ke sanyojak Arvind Kejriwal ka aarop hai ki Delhi sarkaar ne niji companiyon ke saath milkar shodhit kiye jaane vaale paani aur barbaad hone vaale paani ki badhi hui maatra dikhaai taaki paani ka shulk badhaaya ja sake aur shahar mein paani ki paaipalaain badalne ki 520 karod roopae ki pariyojana ko laagoo kiya. Kejriwal ne samvaadadaataaon se kaha, company (jo shodhit jal ki aapoorti karti hai) aur sheela Dixit sarkaar ke beech seedhi saanthagaanth hai. ' Kathit 'Ghotaale' ka byaura dete hue unhonne poochha ki soniya vihaar jal shodhan sanyantr se har din 140 emajeedi paani ke shodhan ka daava kis aadhaar par kiya jaata hai, jabki France ki company degaremont dvaara sthaapit is sanyantr ko Delhi sarkaar dvaara har din 48 emajeedi paani hi diya jaata hai. Kejriwal ne kaha, 'Vah nakali tareeke se utpaadan badha rahe hain, kyonki jab vah utpaadan badhaaenge to vah daava kar sakte hain 140emajeedi paani ka utpaadan huaa. 48 emajeedi ki aapoorti hui aur baaki barbaad ho gaya. . . Upabhokta usaka bill naheen day rahe hain. Unhonne kaha ki Delhi sarkaar ne bina raajasv vaale, vah paani jo soniya vihaar sanyantr se barbaad ho jaata hai ki maatra mein kami laane ke liye maalaveeya nagar mein maujooda paainalaain ko badalne ki 520 karod rupaye ki pariyojana taiyaar ki. 'Aur yah pariyojana usi company ke havaale kar di gayi aur ab maalaveeya nagar ke logon par poori pariyojana ka vitteeya bojh ek lakh saath hajaar rupaye prati vyakti hoga. Ham asahaaya hain kyonki agar iske khilaaf adaalat mein jaate hain to faisala aane mein barso lageinge aur tab tak logon ko apne gaadhe paseene ki kamaai dete rahana padega. '


Guwahati Vishaakt Bhojan Khaakar 300 Log Beemaar

Guwahati Vishaakt Bhojan Khaakar 300 Log Beemaar

Breaking »

Guwahati: Guwahati ke nikat khetari ke ek school mein sarasvati pooja ka prasaad khaane ke baad bachchon samet kam se kam 300 log beemaar pad gaye hain. Adhikaariyon ne kaha ki 20 chhaatron ki haalat gambhir hai aur unhein ilaaj ke liye Guwahati medical college aspataal sthaanaantarit kiya gaya hai. Adhikaariyon ne bataaya ki khaadya vishaaktata ke kaaranon ka filhaal pata naheen chala hai. Chhaatron aur unke abhibhaavakon ne shukravaar ko khetari mein durung haai school mein sarasvati pooja samaaroh mein hissa liya tha. Unhein prasaad ke taur par khichdi aur kuchh anya cheejein di gayi theen. Unhonne bataaya ki ab tak 100 se adhik logon ko khetari aspataal mein bharti karaaya gaya hai jabki 53 anya ka sonaapur aspataal mein ilaaj chal raha hai. Takareeban 20 gambhir maamalon ko ilaaj ke liye Guwahati medical college sthaanaantarit kiya gaya hai.


Ponti Maamala Naamadhaari Sahit 22 Logon Ke Khilaaf Aarop-patra Daayar

Ponti Maamala Naamadhaari Sahit 22 Logon Ke Khilaaf Aarop-patra Daayar

Breaking »

Nai Delhi: Pichhle saal 17 November ko sharaab kaarobaari ponti chaddha aur uske bhaai haradeep ki hatya ke maamale mein uttaraakhand alpasankhyak aayog ke poorv adhyaksh esaes naamadhaari sahit 22 logon ke khilaaf hatya, aaparaadhik saajish aur apaharan ke aaropon mein aarop-patra daayar kiya gaya. Delhi police ne atirikt mukhya metropolitan magistrate mukesh Kumar ki adaalat mein aarop-patra daayar kiya. Police ne adaalat ko bharosa dilaaya tha ki vah 15 February tak aarop-patra daayar kar degi lekin jab aisa naheen huaa to magistrate ne police ko kadi fatkaar lagaate hue 16 February ke dopahar teen baje tak aarop-patra daayar karne ka aadesh diya tha. Adaalat ne aarop-patra ka sanjnyaaan liya aur Delhi police ki aparaadh shaakha ko nirdesh diya ki vah naamadhaari aur giraftaar kiye gaye 10 anya aaropiyon ko 19 February ko adaalat mein pesh kare. Takareeban 1000 se bhi jyaada pannon ke aarop-patra mein police ne naamadhaari aur 21 anya par IPC ke tahat hatya, hatya ki koshish, aaparaadhik saajish, apaharan, gair-kaanooni tareeke se bandhak banaakar rakhane aur saboot mitaane ke aarop lagaae hain. Delhi police ne aaropiyon ko shastr kaanoon ki dhaaraaon ke tahat bhi doshi maana hai.


Rahul Ne Pradesh Pramukhon Se Kaha, Daftar Se Baahar Niklein

Rahul Ne Pradesh Pramukhon Se Kaha, Daftar Se Baahar Niklein

Breaking »

Nai Delhi: Congress upaadhyaksh Rahul Gandhi ne party ke pradesh pramukhon ke liye samayabaddh lakshya tay karte hue yah spasht kiya ki puraskaar unke pradarshan se juda hoga aur tikt sirf unheen ko milega jo tay maanak ko poora kareinge. Agale Loksabha chunaav se pehle Congress ko chust durust banaane ke uddeshya se party ke pradesh adhyakshon evam Congress vidhaayak dal ke netaaon ke saath apni do divseeya baithak ke samaapan par Rahul ne pradesh adhyakshon se kaha ki ve maheene mein kam se kam das din party ke raajya mukhyaalayon se baahar niklein aur jila evam prakhandon mein jaaen tatha paarteejanon ki shikaayaton ko sunein evam party ko majaboot karein. Unhonne pradesh netaaon ko sabhi jila evam prakhand samitiyon ke punargathan ko sunishchit karne ke liye do maheene ka samay diya aur kaha ki iske baad isi ke aadhaar par vah pradesh Congress pramukhon ke pradarshan ki sameeksha kareinge. Rahul ne yah bhi tay kiya ki vah har do teen maheene mein ek baar rajdhani mein pradesh pramukhon aur vidhaayak dal ke netaaon ke saath baithak kareinge. Unhonne pradesh pramukhon se isi tarah ki kavaayad jila pramukhon ke saath karne ki bhi salaah di. Unhonne pradesh ke netaaon ke saath Internet aur phone ke jariye niyamit roop se sampark mein rahane ke liye koi tantr viksit karne ka bhi bharosa diya aur kaha ki samvaad ki koi kami naheen rahani chaahiye.


Saja-A-maut Ki Taameel Ke Khilaaf Veerappan Ke Saathiyon Ki Arji Khaarij

Saja-A-maut Ki Taameel Ke Khilaaf Veerappan Ke Saathiyon Ki Arji Khaarij

Breaking »

Nai Delhi: Uchchatam nyaayaalaya ne saja-A-maut ki taameel ke khilaaf chandan taskar veerappan ke chaar saathiyon ki yaachika par tatkaal sunavaai karne se inkaar kar diya. Kaha ja raha hai ki chaaron doshiyon ko maut ki saja ke liye 17 February ki taareekh tay ki gayi hai lekin sheersh adaalat ne kaha ki is baare mein koi saboot naheen hai. Pradhaan nyaayaadheesh altamas kabeer ke kaaryaalaya ke ek adhikaari ne sampark kiye jaane par bataaya ki pradhaan nyaayaadheesh ke saamane yah maamala rakha gaya lekin unhonne is par sunavaai naheen ki. Pradhaan nyaayaadheesh ke aavaas par yah maamala pesh karne vaale varishth adhivakta Colin gonasaalves ne kaha ki pradhaan nyaayaadheesh ne is aadhaar par shaam ko is maamale par sunavaai naheen ki ki is baat ke koi saboot naheen hain ki maut ki saja par ravivaar ko amal kiya jaana hai. Unhonne kaha ki altamas kabeer ne unase kaha hai ki is maamale mein tay prakriya ke anusaar gaur kiya jaaega. Gonasaalves aur unke sahayogi adhivakta sameek Narayan ne kaha ki unhonne sheersh adaalat ka rukh isliye kiya kyonki unhein soochana mili hai ki mrutyudand par ravivaar ko amal hona hai. Unhonne kaha ki ab hamein aasha hai ki ravivaar ko faansi ki saja naheen di jaaegi. Unhonne kaha ki vah somvaar ko adaalat ke saamane is maamale ko fir se rakheinge. Varsh 1993 mein Karnataka ke palaar mein baaroodi surang visfot maamale mein veerappan ke bade bhaai jnyaaanaprakaash, simon, meesekar madaiya aur bilaavendran ko varsh 2004 mein maut ki saja sunaai gayi thi. Is hamle mein 22 policekarmi maare gaye the. Raashtrapati Pranab mukharji ne 13 February ko unki daya yaachikaaen khaarij kar di theen. Chaaron doshi Karnataka ke belagaam ki ek jail mein band hain. Varsh 2001 mein Mysore ki ek taada adaalat ne unhein aajeevan kaaraavaas ki saja sunaai thi lekin sheersh adaalat ne saja ko badhaakar mrutyudand kar diya. Giroh ka saragana veerappan October 2004 mein Tamil Nadu police ke saath muthabhed mein maara gaya tha.


Mumbai Desh Ki Pehli Monorel Ka Hua Safal Trial

Mumbai Desh Ki Pehli Monorel Ka Hua Safal Trial

Breaking »

Mumbai: Mumbai mein mono rel ka safal trial run kiya gaya. Teen dibbon waali monorel vadaala se chainboor tak chalaai gayi. Is yaatra ki avadhi 15 minute rahi. Desh ki is pehli mono rel ka trial dekhne ke liye logon ki kaafi bheed juti. Emaemaaaradeee ki is pariyojana ke tahat Mumbai ke cheinboor ilaake se vadaala tak pehli mono rel aane vaale kuchh maheene mein chalne lagegi. Monorel pariyojana 2460 karod rupaye ki hai. Yeh cheinboor se vadaala tak ki sava aath kilometer ki doori mahaj 15 minute mein tay karegi. Kareeb 568 yaatriyon ki kshamata waali monorel ki adhiktam raftaar 80 kilometer prati ghanta rahegi.


Bhadkaaoo Bhaashan Maamala Akbaruddin Ovaisi Jail Se Riha

Bhadkaaoo Bhaashan Maamala Akbaruddin Ovaisi Jail Se Riha

Breaking »

Aadilaabaad: Bhadkaaoo bhaashan dene ke do maamalon mein aaropi MIM vidhaayak Akbaruddin ovaisi aadilaabaad jila jail mein 38 din bitaane ke baad aaj jamaanat par riha kar diye gaye. 'Bhadkaaoo bhaashan' dene ki vajah se deshdroh aur desh ke khilaaf jang chhedne ke aaropon ka saamana kar rahe ovaisi ko do alag-alag adaalaton ne shukravaar ko jamaanat di thi. Ovaisi ke khilaaf ek maamala aadilaabaad ke nirmal ilaake aur doosra Nizamabad mein darj hai. Rihaai ke turant baad Hyderabad ravaana hue ovaisi ke samarthan mein saikadon ki taadaad mein unki party ke kaaryakartaaon ne jail ke baahar naarebaaji ki. Ovaisi ki rihaai ke maddenajar Andhra pradesh police ne Hyderabad ki or jaane vaale raashtreeya raajamaarg par suraksha ke kade intajaam kar rakhe hain. Jail ke ek adhikaari ne bataaya ki jamaanat milne ke baavajood ovaisi ko riha naheen kiya ja saka tha kyonki kuchh aupachaariktaaen poori naheen ki gayi theen.


Savita Ki Maut Ki Jaanch Report Leek, Chikitsak Upachaar Mein Hue The Naakaam

Savita Ki Maut Ki Jaanch Report Leek, Chikitsak Upachaar Mein Hue The Naakaam

Breaking »

London: Ireland mein ek aspataal mein chikitsakon ki or se garbhapaat naheen karne ke baad maut ki shikaar bani bhaarateeya mahila savita halappanavaar ke maamale ki jaanch report leek ho gayi hai. Ismein kaha gaya hai ki savita ki maut chikitsakon ki naakaami se hui aur is bhaarateeya mahila ki jindagi bachaai ja sakti thi. Aayarish svaasth mantraalaya ki jaanch report mein is baat ka khulaasa huaa hai ki 31 saal ki savita ka upachaar kar rahe chikitsak us sankraman ka pata lagaane evam upachaar karne mein naakaam rahe jiske kaaran maut hui. Savita ki beete saal 28 October ko gailave university aspataal mein maut hui thi. 21 October ko unhein peeth mein dard ke baad aspataal mein daakhil karaaya gaya tha. Us vakt vah 17 hafte ke garbh se theen. Postmortem mein paaya gaya tha ki savita ki maut ki vajah poore shareer mein sankraman ke failana (septiseemiya) tha. 'Helth service ekjakyootiv' ki leek hui report ko british samaachaar patra 'The indipeindeint' ne prakaashit kiya hai.


Pakistan Ke Quetta Shahar Mein Visfot, 47 Ki Maut

Pakistan Ke Quetta Shahar Mein Visfot, 47 Ki Maut

Breaking »

Islamabad: Pakistan ke Quetta shahar ke shiya bahul ilaake mein hue visfot mein kam se kam 47 logon ki maut ho gayi aur kam se kam 200 log ghaayal ho gaye. Maare gaye logon mein kai bachche shaamil hain. Adhikaariyon ne bataaya ki yeh visfot Quetta ke nikat kiraani road ilaake mein hua. Yeh ek shiya bahul ilaaka hai. Visfot ke samay ilaake mein bhaari bheed thi. Bolaan medical kaampaleks aur civil aspataal ke adhikaariyon ne bataaya ki ab tak 13 shav baraamad kiye gaye hain. Unhonne kaha ki maare gaye logon mein do mahilaaen aur kai bachche shaamil hain. Adhikaariyon ka kehna hai ki hamle mein 12 log ghaayal hue hain. Ghaayalon mein kuchh ki haalat gambhir hai. Visfot se khidkiyon, kai aavaaseeya imaaraton aur dukaanon ko nuksaan pahuncha hai. Suraksha balon ne ilaake ko gher liya aur logon ko ghatnaasthal ki or jaane se rok rahe hain. Kisi sangathan ne is hamle ki jimmedaari naheen li hai.


Pranab Ne Thukara Di Thi Cricket Board Ka Adhyaksh Banane Ki Peshakash

Pranab Ne Thukara Di Thi Cricket Board Ka Adhyaksh Banane Ki Peshakash

Breaking »

Nai Delhi: Raashtrapati Pranab mukharji ne is tathya ka khulaasa kiya ki 1980 ke dashak mein unhein bhaarateeya cricket niyantran board ke adhyaksh pad ki peshakash ki gayi thi, lekin unhonne choonki kabhi balla pakadkar dekha tak naheen tha isliye unhonne yah peshakash thukara di aur is pad ke liye enakepi saalve ka naam sujhaaya. Raashtrapati bhavan mein pehle enakepi saalve smaarak vyaakhyaan mein mukharji ne yaad kiya ki unke kuchh kareebi logon ne 1982 mein BCCI ke adhyaksh pad ke liye unke naam ki peshakash ki thi, lekin unhonne isse inkaar kar diya kyonki unhonne kabhi cricket khela naheen tha aur vah is khel ke baare mein jyaada jaante bhi naheen the. Unhonne yah pad sveekaar na karne ki vajah bataate hue kaha, 'Haalaanki mainne cricket par kuchh saahitya padha tha aur kuchh match dekhe the, mainne kabhi cricket ka balla uthaaya tak naheen tha. ' Mukharji ne kaha ki unhonne is pad ke liye apne dost aur Congress ke saathi neta saalve ka naam sujhaaya aur unke sujhaav ko maan liya gaya. Saalve 1982 se 1985 tak BCCI ke adhyaksh rahe aur isi dauraan 1983 mein Bhaarat ne pehla vishv cup jeeta. 1987 mein cricket vishv cup Bhaarat aur Pakistan mein laane mein bhi unhonne aham bhoomika nibhaai. Donon deshon ne us saal milkar vishv cup cricket ki mejabaani ki thi. Cricket se gahra lagaav aur prashaasak ke taur par khel ki behatari mein yogadaan dene ke alaava saalve 2002 tak do baar Loksabha ke liye aur chaar baar Rajyasabha ke liye chune gaye.