Yoonitek Ka Teesari Timaahi Mein Shuddh Laabh 52 Feesadi Badha

Yoonitek Ka Teesari Timaahi Mein Shuddh Laabh 52 Feesadi Badha

Breaking »

Nai Delhi: Pramukh reeyal estate company yoonitek ka ekeekrut shuddh laabh December, 2012 ko samaapt timaahi mein 52.43 pratishat badhkar 84.17 karod rupaye ho gaya. Company ka kehna hai ki oonchi briki tatha kam vitt laagat se aalochya timaahi mein usaka pradarshan achha raha. Company ne ek saal poorv ki avadhi mein 55.22 karod rupaye ka shuddh laabh kamaaya tha. Aalochya timaahi mein company ki kul parichaalan aay 25 pratishat badhkar 644.72 karod rupaye ho gayi, jo poorv varsh mein 514.22 karod rupaye thi. Isi tarah, 31 December, 2012 tak yoonitek ka ekeekrut shuddh ghaata 5,421 karod rupaye raha.


Veerappan Ke Chaar Sahayogiyon Ki Daya Yaachikaaen Raashtrapati Ne Ki Khaarij

Veerappan Ke Chaar Sahayogiyon Ki Daya Yaachikaaen Raashtrapati Ne Ki Khaarij

Breaking »

Chennai: Ek maanavaadhikaar sangathan ne kaha ki varsh 1993 ke baaroodi surang visfot mein adaalat se maut ki saja paae chandan taskar ke chaar sahayogiyon ki daya yaachikaaen raashtrapati Pranab mukharji ne asveekaar kar di hain. People'S union for civil librteej ke Tamil Nadu ke mahaasachiv baalaagurugan ne kaha, 'Parivaar ke sadasyon ko belagaanv jail prashaasan se soochana mili hai ki chaaron ki daya yaachikaaen raashtrapati ne asveekaar kar di hain. ' unhonne bataaya ki belagaanv jail mein band in chaaron ke parivaaron ne unhein raashtrapati ke faisale se avagat karaaya. Raashtrapati ka yah faisala sansad hamle ke abhiyukt Afzal guru ki daya yaachika asveekaar karne aur use faansi par chadhaane ke kuchh samay baad aaya hai. Varsh 1993 mein Karnataka ke palaar mein veerappan giroh ne baaroodi surang visfot kiya tha jismein 22 policekarmi maare gaye the. Uchchatam nyaayaalaya ne is kaand mein jnyaaanaprakaash, simon, meesaai maadiyaan aur peelaaveindran ko maut ki saja sunaai thi.


Aatanki Sangathanon Ne Khaai Afzal Ko Faansi Ka Badla Lene Ki 'Kasam

Aatanki Sangathanon Ne Khaai Afzal Ko Faansi Ka Badla Lene Ki 'Kasam

Breaking »

Islamabad: Pakistan mein lashkar-A-taiyaba aur jaish-A-mohammad sahit kai aatankvaadi sangathan ne sansad hamle ke doshi Afzal guru ko faansi diye jaane ka 'Badla' lene aur Jammu-Kashmir mein 'Jehaad' tej karne ki kasam khaai hai. In sangathanon ne yahaan ke national press club mein ek sammelan aayojit kar iska ailaan kiya. Aayojan United jehaad kaaunsil ki or se kiya gaya tha. Yahaan lashkar, jaish, al badr mujaahideen, jameeyat ul mujaahideen, harkat ul mujaahideen tatha United jehaad kaaunsil ke 'Netaaon' ne yahaan Bhaarat ke khilaaf naare lagaae tatha bhadkaau bhaashan diye. Beete chaar saal mein yah pehla mauka tha jab Pakistan ki rajdhani Islamabad mein aatankvaadi sangathanon ne saarvajanik sabha ki hai. Isse pehle tak ye log Rawalpindi aur Lahore mein sabhaaen aayojit karte the. Jaish ke 'Varishth neta' mufti ashagar ne kaha ki usaka sangathan Afzal ko faansi diye jaane ka badla Bhaarat sarkaar aur bhaarateeya suraksha balon se lega. Usane kaha, 'Ham jaante hain ki kaise badla lena hai. Ham badla leinge. ' United jehaad kaaunsil ke saragana Sayyed salaahuddeen ne daava kiya ki Afzal ko faansi diye jaane aur Kashmir mein ho rahe ghatnaakram ko lekar Pakistan khaamosh hai.


Sahaara Prakaran SEBI Ne Diya Subrat Roy Ka Khaata Seal Karne Ka Aadesh

Sahaara Prakaran SEBI Ne Diya Subrat Roy Ka Khaata Seal Karne Ka Aadesh

Breaking »

Mumbai: Share baajaar niyaamak SEBI ne sahaara samooh ki do companiyon ke khilaaf niveshakon ka paisa lautaane ke charchit maamale mein sakht kadam uthaate hue in companiyon aur samooh ke pramukh subrat rai samet kuchh sheersh adhikaariyon ke khaaton par rok lagaane tatha achal sampatti ki kurki ke aadesh diye. Uchchatam nyaayaalaya ne in companiyon ko niveshakon ka 24,000 karod rupaye se adhik ka dhan vaapas karne ka aadesh day rakha hai. Iska anupaalan SEBI ko karaane ka nirdesh diya gaya hai. Nyaayaalaya ne pichhle saptaah nirdesh diya tha ki yadi sahaara samooh ki companiyaan niveshakon ka paisa naheen lautaane ke liye SEBI ke paas paisa jama naheen karti hain to baajaar niyaamak uske khaaton par rok lagaane tatha sampatti kurk karne ko svatantr hai. SEBI ne sahaara housing inavestameint Corporation li. Aur sahaara India reeyal estate Corporation li. Ke khilaaf do alag-alag aadesh jaari karte hue kaha ki in companiyon ne baandadhaarakon se kramash: 6,380 karod rupaye tatha 19,400 karod rupaye jutaae the. Dhan jutaane mein 'Anek aniymittaaen' barati gain. Idhar, sahaara samooh ne apne spashteekaran mein kaha hai ki usaki poori uttaradeyata 5,120 karod rupaye se jyaada naheen hai aur is raashi ko vah pehle SEBI ke paas jama kar chuka hai. Samooh ne apne spashteekaran mein yah bhi kaha ki SEBI ka aakalan puraane tathyon ke aadhaar par hai jabki tab se kai niveshakon ka paisa lautaaya ja chuka hai. Golden forest jaisi kuchh aur companiyon ke naam ka havaala dete hue samooh ki or se kaha gaya hai ki in companiyon ne Supreme court ke aadesh ke baavajood niveshakon ka koi dhan naheen lautaaya hai jabki sahaara samooh lagaataar dhan vaapas karne ki prakriya mein laga huaa hai.


Sanshodhit Khaadya Suraksha Vidheyak Bajat Satr Mein Pesh Hoga

Sanshodhit Khaadya Suraksha Vidheyak Bajat Satr Mein Pesh Hoga

Breaking »

Nai Delhi: Sarkaar ki koshish bajat satr ke dauraan sansad mein sanshodhit khaadya suraksha vidheyak ko prastut karne ki hai taaki is par vichaar karke ise paarit kiya ja sake jisse jald se jald logon tak iska laabh pahunche. Adhikaar aadhaarit tareeke se khaadya suraksha muhaiya karaane vaale is vidheyak ko sansad ki sthaayi samiti ki sanstutiyon ke prakaash mein antim rup diya ja raha hai. Is vidheyak ko antim rup diye jaane se poorv raajyon ke saath antim daur ke paraamarsh mein upabhokta maamalon, khaadya aur saarvajanik vitran mantri pro. Kevi Thomas ne yah baat kahi. Unhonne kaha ki is aitihaasik path pradarshak pahal mein raajyon ki bhoomika kaafi mahatvapoorn hai unhonne lakshit jan vitran pranaali ko sudrudh karne ke liye unase aagrah kiya. Saath hi, unhonne is adhiniyam ke safalataapoorvak kaaryaanvayan ke liye sabhi staron par samuchit bhandaaran suvidha ki baat bhi kahi. December 2011 mein lok sabha mein raashtreeya khaadya suraksha vidheyak ko prastut kiya gaya tha aur iske baad sansad ki sthaayi samiti dvaara is par vichaar kiya gaya. Sthaayi samiti ki sanstutiyon ke anusaar vidheyak par antim paraamarsh ke liye kendra dvaara raajya ke khaadya mantriyon ki baithak bulaai gayi. Mantri ne kaha ki lakshit jan vitran pranaali laagoo karne mein raajya aur kendra shaasit pradesh hamaare saajhedaar hain aur khaadya surakshit kaanoon laagoo karne mein unki bhoomika kaafi adhik hai. Unhonne yah bhi kaha ki vidheyak ke pareekshan ke dauraan sthaayi samiti ne vibhinn logon aur sangathanon se vistrut charcha ki taaki alag-alag maton se parichit huaa ja sake. Samiti ne vibhinn prakaar ki rai jaanane ke liye raajyon ka daura bhi kiya. Unhonne kaha ki samiti ki sanstutiyon mein adhiniyam ke kriyaanvayan ke liye ise saraleekrut karne par bal diya gaya hai. Ismein raajyon/kendrashaasit pradeshon ki vibhinn chintaaon par bhi gaur kiya gaya hai. Kul milaakar samiti dvaara prastut kiya gaya drushtikon vyavahaarya, saral aur kaaryaanvayan mein aasaan hai. Kintu fir bhi kuchh aise pahaloo hai jis par antim rai se poorv charcha karni aavashyak hai. Unhonne kaha ki jaisa ki khaadya sachiv ne kaha ki sthaayi samiti ne bahut si sanstutiyaan di hai. Ismein se lakshit jan vitran pranaali, laabhaarthiyon ki pehchaan, khaadyaann praapt karne ke adhikaari aur uske liye moolya ka nirdhaaran mahatvapoorn pahaloo hain jis par dhyaanapoorvak vichaar karna hoga.


Vivaah Bandhan Mein Bandhe Cheteshvar Pujaara

Vivaah Bandhan Mein Bandhe Cheteshvar Pujaara

Breaking »

Rajkot: Bhaarat ke madhyakram ke ballebaaj cheteshvar pujaara apni mahila mitr pooja paabari ke saath parinya sootr mein bandh gaye. Teen din tak chalne vaala vivaah samaaroh mangalvaar raat sangeet sandhya ke saath shuroo huaa. Shaadi ki rasmein shaam ko poori hui. Bruhaspativaar ko risepshan hoga. Pooja Gujarat ke jaamanagar jile ki rahane waali hain aur management mein graduate hai. Cheteshvar ke pita Arvind pujaara ne kaha, 'Poori bhaarateeya team aur BCCI adhikaariyon ko nyauta diya gaya hai. ' Pujaara ke saathiyon ka haalaanki risepshan mein pahunchana mushkil hai kyonki ve Australia ke khilaaf shrunkhala ki taiyaariyon mein jute hain. Pujaara shaadi ke kaaran hi Mumbai ke khilaaf Irani cup match mein naheen khele the. Vah board adhyaksh ekaadash ki taraf se bhi Australia ke khilaaf naheen khele the. Unhein apni patni ke saath samay bitaane ka adhik samay naheen milega kyonki vah 15 February ko bhaarateeya team se jud jaaenge. Pujaara ne ab tak Bhaarat ki taraf se nau test match mein 58 ki ausat se 761 run banaae hain.


Helicopter Saude Ko Lekar Aarop-pratyaaropon Ka Daur Shuroo

Helicopter Saude Ko Lekar Aarop-pratyaaropon Ka Daur Shuroo

Breaking »

Nai Delhi: Bhaajapa ne VVIP helicopter khareed maamale mein kathit rishvat dene ke aaropon mein Congress adhyaksh soniya Gandhi aur pradhaanamantri Manmohan Singh ko nishaane par lete hue company ke itaalavi mool ke hone ke pahaloo ko hava di jabki vibhinn raajaneetik dalon 3600 karod rupaye ke is saude ko radd karne ki maang ki. Raajaneetik dalon ne kaha ki ve is mudde ko sansad ke aagaami bajat satr mein uthaaenge. Unhonne kaha ki itaalavi abhiyojan ne jis rishvat aur dalaali diye jaane ki baat ko sveekaar kiya hai, use kin kin logon ko diya gaya, iska khulaasa hona chaahiye. Baharahaal, Congress ne bhaajapa par palatavaar karte hue kaha ki vah dushprachaar kar rahi hai. Mukhya vipakshi dal is mudde par sansad ko usi tarah baadhit karne ki yojana bana raha hai jaisa ki 2ji aur anya muddon par poorv mein kiya gaya tha. Congress ne kaha ki sarkaar ne tatparata se CBI jaanch ke aadesh diye. Party ne yah bhi kaha ki samuchit jaanch ke bina kisi ko bhi faansi par naheen latakaaya ja sakta.


Nae 197 Helikauptaron Ki Khareed Ka Nirnaya Tala

Nae 197 Helikauptaron Ki Khareed Ka Nirnaya Tala

Breaking »

Nai Delhi: Nivida prakriya se vichlan ke aaropon ke beech 197 halke helikauptaron ki khareed ke faisale ko taal diya gaya. Yah kadam itaalavi company agasta vestalaind se 12 VVIP helikauptaron ki khareed mein rishvatakhori ka maamala saamane aane ki prushthabhoomi mein uthaaya gaya hai. Sootron ne bataaya ki raksha mantri AK Antony ki adhyakshata waali raksha mantraalaya ki raksha khareed parishad ne 1.5 arab dollar (takareeban 8000 karod rupaye) ki anumaanit laagat se sena aur vaayu sena ke liye halke helikauptaron ki khareed ke prastaav par vichaar kiya jaana tha lekin is mudde par vichaar naheen kiya. Sootron ne daava kiya ki is mudde par deeesi ne vichaar naheen kiya kyonki sena pramukh general bikram Singh Japan ki yaatra par hain. Halke helikauptaron ki khareed ka prastaav un aaropon ke baad jaanch ke ghere mein aa gaya jismein kaha gaya ki do vikretaaon yooropiyn yoorokauptar aur roosi kaamov ne anurodh prastaav ki sharton ka paalan naheen kiya. Deeesi ko vishesh takaneeki paryavekshan samiti ki report par vichaar karna tha jisne do vikretaaon mein se ek dvaara anurodh prastaav ki sharton ka paalan naheen kiye jaane ki jaanch ki thi. Agasta vestalaind ne mukhya roop se aarop lagaaya tha ki vikretaaon mein se ek ne babal balj ko jodkar apne helikauptar ke dhaanche mein badlaav kiya hai. Babal balj ko strechar par ghaayal sainikon ko le jaane ke liye joda gaya hai. Sootron ne bataaya ki pratispardha mein shaamil roosi helikauptar ke engine ke pramaanit naheen hone ke bhi aarop hain.


Afzal Guru Ke Parivaar Ke Vakeelon Ne Vaapas Liye Apne Naam

Afzal Guru Ke Parivaar Ke Vakeelon Ne Vaapas Liye Apne Naam

Breaking »

Nai Delhi: Tihaad jail prashaasan se sansad hamle ke abhiyukt Afzal guru ka shav uske parivaar ko saunpane ki maang karne ke agale hi din do vakeelon ne bataur unke vakeel apne naam vaapas le liye. Vakeel ND pancholi aur nandita haskar ne do prushthon ke ek bayaan mein kaha, 'Ab anuchit vivaad khade ho gaye hain aur ham us charcha ka hissa naheen banana chaahate hain. Ham us mukhya mudde se bhi dhyaan hataana naheen chaahate hain jin par humne apna rukh bilkul saaf kar diya tha. ' Donon vakeelon ne mangalvaar ko Afzal ke parivaar ki or se tihaad ki mahaanideshak vimla Mehra ko patra bheja aur unase uske saamaan tatha shav uske parivaar ko saunpane ki maang ki thi. Unhonne uske parivaar ke liye Delhi aane par tihaad mein usaki kabr par faatiha padhne dene ki bhi ijaajat maangi thi. Donon ne apne bayaan mein kaha, 'Hamein is baat se udaas hain ki bhaarateeya janta aur Kashmiri janta ke beech setu banaane ke hamaare sabhi prayaason ko bhaarateeya prashaasan ne lagaataar kamjor banaaya aur usane hamaare prayaason ko raashtravirodhi karaar dekar ninda ki. Udhar, Kashmir mein kuchh raajaneetik dal ekajutata evam dosti ke in prayaason ko sandeh ki drushti se dekhte hain. ' unhonne apne is faisale ke taatkaalik kaaran naheen bataae.


Tel Companiyon Ne Ki Petrol, Diesel Ke Daam Fir Badhaane Ki Taiyaari

Tel Companiyon Ne Ki Petrol, Diesel Ke Daam Fir Badhaane Ki Taiyaari

Breaking »

Nai Delhi: Sootron ke havaale se khabar aa rahi hai ki tel companiyon ne ek baar fir petrol aur diesel ki keematon ko badhaane ka faisala liya hai. Khabaron ke mutaabik isi hafte petrol−diesel ki keematon mein ijaafa ho sakta hai. Sootron ke mutaabik petrol ke daam ek rupaye prati liter tak bad sakte hain aur diesel ke daam 50 paise prati liter bad sakte hain.


Bhaarat Mein Vaayu Pradooshan Paanchavaan Sabse Bada 'Hatyaara

Bhaarat Mein Vaayu Pradooshan Paanchavaan Sabse Bada 'Hatyaara

Breaking »

Nai Delhi: America sthit ek svaasthya sansthaan ke adhyayan mein daava kiya gaya hai ki vaayu pradooshan Bhaarat mein paanchavaan sabse bada hatyaara hai, jo har varsh chhah lakh bees hajaar logon ki jaan le leta hai aur Delhi desh ke sabse gambhir pradooshit kshetron mein se ek hai. Anya chaar sabse adhik pradooshit kshetron mein Ghaziabad, gvaaliyr, Jharkhand mein pashchimi sinhabhoom jila aur Raipur ka naam liya gaya hai. Adhyayan mein daava kiya gaya hai ki Bhaarat mein vaayu pradooshan se judi beemaariyon ki chapet mein aakar har varsh chhah lakh 20 hajaar logon ki maut hoti hai. Varsh 2000 ke mukaabale is sankhya mein chhah guna ijaafa hua hai. Adhyayan ke anusaar uchch raktachaap, ghareloo vaayu pradooshan, tanbaakoo dhoomrapaan aur kuposhan ke baad hatyaaron ki soochi mein vaayu pradooshan ka naam liya ja sakta hai. Global bardan of dijeej jise America sthit hailth ifekt Institute ne taiyaar kiya hai, mein vaayu pradooshan ko duniya ke sheersh das hatyaaron ki soochi mein aur dakshin Asia mein ise chhatha sabse khatarnaak hatyaara kaha gaya hai.


Aaiosi Se Faisale Par Punarvichaar Ki Appeal Kareinge Khel Mantraalaya, Aaioe

Aaiosi Se Faisale Par Punarvichaar Ki Appeal Kareinge Khel Mantraalaya, Aaioe

Breaking »

Nai Delhi: Bhaarat ke khel mantraalaya aur antararaashtreeya olympic samiti (aaiosi) se maanyata praapt bhaarateeya olympic sangh (aaioe) ne Budhvaar ko aasha jataai ki aaiosi apne faisale par punarvichaar karte hue kushti ko 2020 ke olympic khelon mein shaamil kar lega. Khel mantraalaya ne aaiosi ke is faisale ko durbhaagyapoorn karaar diya hai. Mantraalaya ne apne bayaan mein kaha, "Aaiosi ka yah faisala behad durbhaagyapoorn aur hairaan karne vaala hai. Kushti ki lokapriyta ko dekhte hue sarkaar ne is maamale par bhaarateeya kushti mahaasangh ke saath charcha karne ka faisala kiya hai. " Sarkaar bhi chaahati hai ki vah un deshon ke saath aaiosi ke is faisale ka virodh karein aur use punarvichaar par vivsh karein, jahaan kushti lokapriya khel hai. Bayaan ke mutaabik, "Khel evam yuva mantraalaya is maamale par un deshon se charcha karega, jahaan kushti lokapriya hai. Is maamale ko aaiosi ke saamane bhi uthaaya jaaega aur koshish ki jaaegi ki vah apne faisale par punarvichaar kare. Mantraalaya ko ummeed hai ki aaiosi ki kaaryakaarini apne faisale par vichaar karte hue kushti ko mukhya khelon ki soochi mein shaamil kar lega. " Aaioe ke kaaryakaari adhyaksh vijay Kumar malhotra ne kaha ki vah is maamale mein bhaarateeya kushti mahaasangh ke saath hain aur saath hi saath vah vishv kushti sangh ko bhi apna samarthan dete hain. Aaioe chaahata hai ki kushti ki olympic khelon mein vaapasi ho. Malhotra ne kaha, "Kushti mein haal ke dinon mein bhaarateeya khilaadiyon ne saraahaneeya pradarshan kiya hai. Olympic mein safalta milne se is khel ko lekar desh mein utsaah hai aur hajaaron ki sankhya mein yuva ise career ke roop mein dekh rahe hain. Aaiosi ke is faisale se aise hajaaron yuva niraash hain. Ham aasha karte hain ki khel ki behatari ke liye aaiosi apne faisale par punarvichaar karega aur kushti fir se olympic abhiyaan ka hissa banegi. " Ullekhaneeya hai ki aaiosi ki kaaryakaarini ne mangalvaar ko 2020 olympic ke liye jin 25 pramukh spardhaaon ke naam jaari kiye, unamein kushti naheen hai. Aaiosi kaaryakaarini ne 25 mukhya khelon ke naam par sahamati jataai aur kaha ki inheen khelon ke naam 2020 mein hone vaale khelon ke liye saat se 10 sitmbar tak Argentina ke shahar byoonas aayars mein hone vaale aaiosi ke 125vein vaarshik satr mein sveekruti ki khaatir pesh kiye jaaenge. Kushti ki jagah kaun sa khel olympic ka hissa banega, iska faisala May mein hoga. Yah khel haalaanki 2016 mein Rio di jeneriyo mein hone vaale olympic khelon ka hissa rahega. Ye khel hain : Ethaletiks, roing, badminton, baasketabaul, kainoing, saaikaling, ikvestreeyan, feinsing, football, jimnaastik, bhaarottolan, haindabaul, hockey, judo, tairaaki, maardan peintaathalan, taaikvaando, tennis, table tennis, nishaanebaaji, teerandaaji, traayathalan, naukaayan aur vaaleebaul. Kaaryakaarini ne kaha ki international federation of associated reshaling staails (efaaaielae) dvaara sanchaalit kushti ko in khelon mein mukhya spardha ke roop mein shaamil naheen kiya jaaega. Kushti ko saat anya khelon-besabaul, karaate, rolar sports, sport klaainbing, squash, vekaboding aur vushoo ke saath un khelon ki soochi me rakha gaya hai, jinhein atirikt khel ke taur par 2020 olympic mein jagah banaane ke liye jaddojahad karni hogi. Aadhunik olympic khel 1896 mein shuroo hue the. 1900 ke sanskaran mein kushti ko baahar kar diya gaya tha lekin tab se lekar 2016 ke sanskaran tak kushti in khelon ka hissa rahi hai. Kushti Bhaarat ke alaava roos, Iran, ujbekistaan, mangoliya, Japan aur cheen mein bhi kaafi lokapriya hai. Bhaarat ne kushti mein 1952 ki helasinki aur 2008 ki Beijing olympic mein kaansya padak haasil kiya tha. 2008 ki Beijing olympic mein susheel Kumar ko kaansya padak mila tha aur 2012 ki London olympic mein susheel ne rajat aur yogeshvar datt ne kaansya padak haasil kiya.


'Bihar Mein Media Par Sarkaar Ka Dabaav, Virodh Ki Khabaron Ko Naheen Milti Jagah

'Bihar Mein Media Par Sarkaar Ka Dabaav, Virodh Ki Khabaron Ko Naheen Milti Jagah

Breaking »

Nai Delhi: Bihar mein raajya sarkaar ke dabaav ke kaaran sarkaar ke khilaaf khabaron ko sahi jagah naheen di jaatee… yah kehna hai press kaaunsil of India ka jisne Bihar mein media ki haalat par report jaari ki hai. Doosari or, raajya sarkaar ne is report ko ektarfa bataaya hai. Sarkaar ka kehna hai ki is report ko jaari karne se pehle sarkaar ka paksh jaanane ki kabhi koshish naheen ki gayi balki jisne jo bhi aarop lagaaya use sach maankar report mein jagah day di gayi hai.


Loksabha Chunaav Ke Liye Raajoo Shreevaastav Kanpur Se Sapa Pratyaashi

Loksabha Chunaav Ke Liye Raajoo Shreevaastav Kanpur Se Sapa Pratyaashi

Breaking »

Lucknow: Samaajavaadi party (sapa) ne aagaami Loksabha chunaav ke liye Budhvaar ko apne teen ummeedavaaron ke naamon ki ghoshana ki. Party ki taraf se isse pehle Loksabha chunaav ke liye 64 ummeedavaaron ke naamon ka ailaan kiya ja chuka hai. Samaajavaadi party ke raashtreeya mahaachiv evam pravakta Ram gopaal Yadav ne Budhvaar shaam ek press not jaari kar is faisale ki jaankaari di. Press not ke mutaabik mashahoor haasya kalaakaar raajoo shreevaastav Kanpur Loksabha kshetr se samaajavaadi party ke ummeedavaar honge. Iske alaava baal Kumar Patel mirjaapur se aur raadhemohan Singh Gazipur se samaajavaadi ke pratyaashi honge. Raajoo shreevaastav ki Kanpur mein chunaavi takkar keindreeya koyala mantri shreeprakaash jaayasavaal se honi lagbhag pakki hai. Filhaal jaayasavaal Kanpur se saansad hain.


2-ji Ghotaala CBI Ne Kaha, Naheen Maaloom, Kisne Record Ki Baatcheet

2-ji Ghotaala CBI Ne Kaha, Naheen Maaloom, Kisne Record Ki Baatcheet

Breaking »

Nai Delhi: Desh ke sabse bade ghotaalon mein se ek 2-ji spectrum maamale mein ek naya vivaad uth khada huaa hai, aur CBI ke abhiyojak aur ghotaale ke mukhya abhiyukton mein se ek - jameen-jaayadaad se judi company yoonitek ke emadi sanjaya chandra - ke beech baatcheet ka kathit tape saamane aaya hai, jiske baad CBI ne apne abhiyojak ko nikaal diya hai. Udhar, 2-ji spectrum aavantan ghotaale ki jaanch kar rahi sanyukt sansadeeya samiti (JPC) ki baithak ke dauraan vipaksh ke sadasyon ne CBI ke nideshak se abhiyojan paksh ke vakeel ko hataae jaane ke baare mein javaabatalab kiya hai. Samjha jaata hai ki CBI nideshak Ranjit sinha ne samiti se kaha ki jaanch agency ke abhiyojak AK Singh aur sanjaya chandra ke beech baatcheet ke kathit tape ki satyata abhi saabit honi hai. Bataaya gaya hai ki jab sinha 2-ji spectrum aavantan mein kathit aniyamitataon ki jaanch kar rahi JPC ke samaksh pesh hue, to vipakshi sadasyon ne unase AK Singh ko hataae jaane ke baare mein savaal kiye. Udhar, jaankaari mili hai ki CBI ke kaaryaalaya mein agyaat roop se pahunchaai gayi is tape mein rikaurdid kathit baatcheet mein CBI ke abhiyojak AK Singh kaanooni rananeeti ko lekar sanjaya chandra ko salaah dete sunaai day rahe hain. Is kathit tape ke saamane aane ke baad CBI ne AK Singh ko nikaal diya hai, jabki sanjaya chandra ne in aaropon ka khandan kiya hai. CBI ne maamale ko lekar donon se somvaar ko poochhataachh ki thi. Baatcheet ke kathit tape ko lekar CBI ke nideshak Ranjit sinha ne NDTV ko mangalvaar ko jaankaari di ki abhi is baat ka pata naheen chal paaya hai ki yah baatcheet kisne record ki thi, jo CBI ke kaaryaalaya mein agyaat roop se bheji gayi. CBI ka kehna hai ki in tepon ki faurensik jaanch karavaai ja rahi hai, lekin vah aashvast hai ki uske dvaara ki gayi vistrut jaanch aur ekatr kiye gaye pukhta sabooton ke kaaran is tape kaand se maamale ki sunavaai par koi asar naheen padega. Udhar, somvaar raat ko jaari kiye gaye ek bayaan mein yoonitek ne kaha hai ki sanjaya chandra katai saaf kar dena chaahate hain ki vah 2-ji maamale ke abhiyojak se kabhi bhi adaalat ke baahar naheen mile hain, aur na hi kabhi phone par unase baat ki hai. Chandra is baat se bhi inkaar karte hain ki tape mein sunaai day rahi aavaaj unki hai. Bayaan ke mutaabik kisi ne jaanboojhkar aavaaj banaakar rikaurding ki hai aur CBI ko bheji hai. Chandra se judi yah kathit rikaurding unhein badnaam karne aur nuksaan pahunchaane ke maksad se ki gayi hai. Chandra ne kaha hai ki unhonne apni baat saaf-saaf CBI ke saamane rakh di hai. Ullekhaneeya hai ki varsh 2008 mein tatkaaleen doorasanchaar mantri A raaja ke jariye galat tareeke se mobile network license haasil karne ke liye dhokhaadhadi aur aaparaadhik shadayantr rachane ke aaropon ke tahat sanjaya chandra anya pramukh aaropiyon ke saath varsh 2011 ke dauraan lagbhag aath maheene jail mein bita chuke hain.


Jammu Sabak Yaad Na Hone Par Imaam Ne 11 Saal Ke Bachche Ko Press Se Jalaaya

Jammu Sabak Yaad Na Hone Par Imaam Ne 11 Saal Ke Bachche Ko Press Se Jalaaya

Breaking »

Shreenagar: Jammu ke rajauri mein ek madarase mein bachchon ko padhaane vaale imaam ne ek bachche ko press se jala diya. 11 saal ke mohammad musharraf ko sabak yaad naheen tha, sirf itni-si khata par imaam ne bachche ke paanv mein jalata huaa press rakh diya. Apni kartoot ko chhipaane ke liye aaropi ne bachche ko aath din tak madarase mein hi rakha. Bachche ke maama jab unase milne aae to imaam ke bedardi se use jalaane ki baat saamane I. Maama bachche ko aspataal le gaye aur aaropi ke khilaaf report darj karaai. Police ne is maamale mein kaarravaai karte hue bachche ke bayaan ke aadhaar par Anwar aur jameel naam ke do imaamon ko giraftaar kar liya hai.


IIP Ke Aankadon Se Pehle Sensex Majaboot

IIP Ke Aankadon Se Pehle Sensex Majaboot

Breaking »

Mumbai: Mumbai share baajaar mein aaj aath din se jaari giraavat ka silsila thamata dikha aur Sensex shuruaati kaarobaar mein 50 ank ki majabooti ke saath khula. Audyogik utpaadan ke aankadon se pehle koshon tatha ritelaron ki livaali se baajaar mein teji I. Asiaee baajaaron ke majabooti ke rukh se bhi yahaan dhaarana ko bal mila. Tees sheyaron wala Sensex shuruaati kaarobaar mein 50.20 ank ya 0.26 feesadi ki badhat ke saath 19,510.77 ank par pahunch gaya. Pichhle aath satron mein Sensex ne 545 ank ganvaae hain. Isi tarah national stock exchange ka Nifty 9.65 ank ya 0.16 feesadi ki badhat ke saath 5,907.50 ank par pahunch gaya.


'Murder-3 Ki Safalta Ke Liye Jacqueline Farnaandis Ne Di Shubhakaamanaaen

'Murder-3 Ki Safalta Ke Liye Jacqueline Farnaandis Ne Di Shubhakaamanaaen

Breaking »

Mumbai: Charchit film 'Murder-2' se surkhiyon mein chhaain abhinetri Jacqueline farnaandis ne isi shrunkhala mein bhatt camp ki teesari film 'Murder-3' ki safalta ke liye shubhakaamanaaen di hain. Vishesh films ke banner tale bani 'Murder-3' ke sah-nirmaata mahesh tatha mukesh bhatt hain. Haal hi mein Mumbai mein 'Hailo classic darbi race' dekhne I is shreelankaai sundari ne kaha, meri dili ichha hai ki yah film behtar pradarshan kare, kyonki 'Murder-2' mere career ke liye kai maayanon mein faayademand saabit hui thi. Mere liye bhatt camp bahut bada brand hai. Main dil se vishesh films, bhatt parivaar. . . Sabhi ko shubhakaamanaaen deti hoon. Unke saath kaam karna bahut badi baat hai, ve sabhi gajab ke insaan hain. Imran Hashmi tatha Jacqueline farnaandis abhineet 'Murder-2' ka nirdeshan jahaan mohit soori ne kiya tha, vaheen 'Murder-3' ke nirdeshan ki baagdor vishesh bhatt ke haathon mein saunpi gayi hai. 'Murder-3' mein Randeep hudda, aditi Rao Hydari tatha saara lauren ne abhinay kiya hai, aur yah 15 February ko cinemagharon mein release hone ja rahi hai.


Uttar Korea Ne Teesari Baar Parmaanu Pareekshan Ki Pushti Ki

Uttar Korea Ne Teesari Baar Parmaanu Pareekshan Ki Pushti Ki

Breaking »

Sol: Uttar Korea ne aaj apna sarvaadhik shaktishaali parmaanu pareekshan kiya. Uttar Korea ki is kaarravaai se uske ekamaatr pakshadhar cheen sahit vaishvik shaktiyaan hataprabh hain aur is kaarravaai ko unki avajnyaa maana ja raha hai. Is bhoomigat pareekshan ki sanyukt raashtra ne kadi ninda karte hue ise 'Bhartsaneeya' bataaya aur kaha ki yah suraksha parishad ke prastaavon ka spasht ullanghan hai. Unhonne yah bhi kaha ki yah 'Ukasaave ki kaarravaai se bachane ke vishv samudaaya ke anurodh ki bhi avajnyaa hai. Saamyavaadi desh ne kaha hai ki usane bhoomigat visfot kar teesara safal pareekshan kiya hai. Usaka daava hai ki yah safalta use nanhe upakaran se mili. Isse pata chalta hai ki vah bailistik misaail mein parmaanu aayudh lagaane ki disha mein ek kadam aur aage badh gaya hai. Uttar Korea ki samaachaar agency keseeenae ke pareekshan ki pushti karne se kareeb teen ghante pehle bhoogarbh visheshagyon ne cheen ki seema ke sameep desh ke pangaye. . Ri parmaanu pareekshan sthal mein ek tej asaamaanya jhatke ka pata laga liya tha. Yah uttar Korea ka teesara parmaanu pareekshan hai. Isse pehle vah varsh 2006 aur varsh 2009 mein parmaanu pareekshan kar chuka hai. In pareekshanon ke baad us par sanyukt raashtra ne kai pratibandh bhi lagaae. Pyongayaang ko sanyukt raashtra suraksha parishad ne kai baar chetaavani di lekin vah uchch stareeya parmaanu pareekshan karne ki dhamaki deta raha hai. Teesare pareekshan ke baad suraksha parishad ki New York mein jald hi aapaat baithak hogi. Isse na sirf ameriki raashtrapati Barack Obama ke doosare kaaryakaal ke shuroo mein hi suraksha aur kootaneetik chunauti khadi hogi balki kshetreeya padosiyon. . Cheen, Japan aur dakshin Korea ke liye bhi samasya hogi. In deshon mein ya to naya netrutv aa chuka hai ya aane vaala hai. Sanyukt raashtra ke ek raajanayik ne bataaya ki is pareekshan ke baad ameriki ya cheeni netaaon ki tatkaal pratikriya naheen I lekin Beijing ne pyongayaang mein yuva neta kim jong un ke shaasan ke samaksh apni naakhushi saaf jaahir kar di hai. Is raajanayik ne bataaya ki cheen ko jab laga ki uttar Korea aisa pareekshan jaroor karega tab usane pyongayaang ko parmaanu pareekshan karne ke khilaaf spasht aur kadi chetaavani di thi. Raajanayik ne is pareekshan ko cheen ke liye badi chunauti karaar diya. Japan aur sanyukt raashtra mahaasachiv baan ki moon ne is pareekshan ki kadi ninda ki hai. Baan ki moon ke pravakta ne ek bayaan mein kaha hai ki 'Yah bhartsaneeya hai ki pyongayaang ne ukasaave ki kaarravaai se bachane ke antararaashtreeya samudaaya ke aahvaan ki avajnyaa ki. Bayaan mein kaha gaya hai ki sanyukt raashtra mahaasachiv kshetreeya sthirta ko asthir karne waali aur parmaanu aprasaar ke vaishvik prayaason ko kamjor karne waali is kaarravaai ke nakaaraatmak prabhaavon ko lekar chintit hain. Pravakta ke anusaar, baan ne uttar Korea se aage kadam na badhaane tatha Koreai praaya: Dweep ko parmaanu khatre se mukt karne ki disha mein kaam karne ka aagrah kiya hai. Baan ne yah vishvaas bhi jataaya hai ki sanyukt raashtra suraksha parishad ekajut rahegi aur samuchit kaarravaai karegi. Uttar Korea ke is teesare pareekshan se duniya hataprabh rah gayi hai. White house se koi tvarit pratikriya naheen mili hai, lekin sheersh ameriki khufiya nikaaya ne kaha ki use uttar Korea mein visfot ke kaaran hui bhoogarbheeya halachal ki jaankaari hai. Is beech viyna sthit samagr pareekshan pratibandh sandhi sangathan (kamprehensiv test ban treeti organaaijeshan. . Seeteebeeteeo) ne kaha hai ki use aisi asaamaanya bhoogarbheeya halachal ka pata chala hai, jo parmaanu pareekshan ke kaaran hone waali halachal jaisi hai.


Aayakar Vibhaag Ki Return Daakhil Na Karne Vaale PAN-card Dhaarakon Par Sakhti

Aayakar Vibhaag Ki Return Daakhil Na Karne Vaale PAN-card Dhaarakon Par Sakhti

Breaking »

Nai Delhi: Aayakar naheen bharne vaalon ke khilaaf sakht kaarravaai ka sanket dete hue aayakar vibhaag ne aaj kaha ki vah pehle charan mein return daakhil naheen karne par 35,170 PAN-card dhaarakon ko patra bhej raha hai aur is sambandh mein uchit kaarravaai ki jaaegi. Vibhaag ne kaha ki kareeb 12 lakh pain dhaarak hain, jinhonne aayakar return daakhil naheen kiya hai. Aise maamalon ki nigraani ke liye ek prakoshth banaaya gaya hai. Vibhaag ne kaha, pehle charan mein aaparaadhik jaanch aur khufiya nideshaalaya dvaara 35,170 painadhaarakon ko chitthi bheji ja rahi hai. Online nigraani vyavastha bhi hogi, taaki iske baad ki lakshit is varg ki return daakhil karne aur kar bhugataan par najar rakhi ja sake. Saalaana soochana return (AIR), keindreeya soochana shaakha (CIB) ke aankade aur teedeees-TCS return se judi jaankaari ke aadhaar par kaarravaai ke liye praathamikta tay ki ja rahi hai. Ismein vitteeya jaanch ikaai (FIU)-Bhaarat, nakadi hastaantaran rapat (CTS) ko bhi dhyaan mein rakha jaaega. Vibhaag ne kaha ki usane 4.7 karod soochana rikaard se jude 12,19,832 return daakhil naheen karne vaalon ki pehchaan ki hai. Jin 35,170 painadhaarakon ko chitthi bheji gayi hai, unamein vitteeya len-den ki jaankaari bhi di gayi hai aur ek firm bhi bheja ja raha hai taaki pata lag sake ki ukt vyakti ne aayakar return daakhil kyon naheen ki.


Haafij Ke Saath Manch Saajha Karne Ki Khabar Par Yaaseen Malik Ne Di Safaai

Haafij Ke Saath Manch Saajha Karne Ki Khabar Par Yaaseen Malik Ne Di Safaai

Breaking »

Shreenagar: Afzal ke maamale mein virodh ki aavaaj uthaane vaale alagaavavaadi neta yaasin malik par kaarravaai ki maang tej ho gayi hai. Yaaseen malik aur Mumbai hamlon ke aaropi haafij Saeed ek saath ek manch par najar aae the. Is beech poore maamale par yaaseen malik ne NDTV se baatcheet mein kaha hai ki faansi ke virodh mein ham log shaantipoorn Gandhivadi tareeke se bhookh hadataal kar rahe the aur haafij ko vahaan bulaaya naheen gaya tha, balki khud kuchh der ke liye vah vahaan pahuncha tha. Yaaseen malik ne yah bhi kaha ki unhonne pehle bhi kai baar haafij Saeed se mulaakaat ki hai aur shaanti prakriya ko aage badhaane ki vakaalat kar chuke hain. Aise mein ab ek manch par un donon ki maujoodagi ko bevajah tool diya ja raha hai. Gaurtalab hai ki Pakistan gaye yaaseen malik ne faansi ke virodh mein Islamabad mein 24 ghante ki bhookh hadataal ki, jahaan 8 jagahon par unhein haafij Saeed ke saath dekha gaya. Is maamale mein keindreeya gruhamantri susheel Kumar shinde ne kaaryavaahi ka sanket dete hue kaha hai ki vah is maamale par gaur kareinge. Desh ke gunaahagaar haafij Saeed ke saath ek manch par dikhne ke maamale mein ab raajaneeti bhi tej ho gayi hai. BJP ne turant yaaseen malik ka passport jabt kar unhein giraftaar karne ki maang ki hai. Is maamale mein RSS ke pravakta raamamaadhav ne kaha hai ki yaaseen malik hamesha Bhaarat virodhi gatividhiyon mein lipt rahe hain, vaheen is maamale mein BJP pravakta mukhtaar Abbas nakavi ka kehna hai ki alagaavaadiyon ki bhoomika hamesha sandehaaspad rahi hai. Is maamale mein kendreeya soochana evam prasaaran mantri ne kaha ki haafij ki Mumbai aatanki hamle mein kai baar saboot day chuka hai, lekin ab tak kaarravaai naheen hui. Ab yaaseen ka haafij ke saath dikhna gambhir maamala hai.


December, 2012 Mein Audyogik Utpaadan 0.6 Pratishat Ghata

December, 2012 Mein Audyogik Utpaadan 0.6 Pratishat Ghata

Breaking »

Nai Delhi: Desh ka audyogik utpaadan December maah mein pichhle saal ke isi maheene ke mukaabale 0.6 feesadi kam raha. Mangalvaar ko keindreeya saankhyiki evam kaaryakram kaaryaanvayan mantraalaya dvaara jaari aankadon ke mutaabik, audyogik utpaadan soochakaank mein December maheene mein 0.6 feesadi giraavat rahi. Aalochya avadhi mein khanan (4.0 feesadi) aur vinirmaan kshetron (0.7 feesadi) mein bhi giraavat rahi. Bijli utpaadan (5.2 feesadi) mein haalaanki teji rahi. April se December maah ki avadhi ke liye audyogik utpaadan soochakaank mein haalaanki 0.7 feesadi ki maamooli teji rahi. Is avadhi mein khanan mein 1.9 feesadi giraavat rahi, jabki vinirmaan aur bijli utpaadan mein kramash: 0.7 feesadi tatha 4.6 feesadi teji rahi.


Pehle Test Ke Liye Fit Ho Jaaoonga Michael Clark

Pehle Test Ke Liye Fit Ho Jaaoonga Michael Clark

Breaking »

Sydney: Maansapeshi mein chot se joojh rahe Michael Clark ka doosare abhyaas match mein khelna sandigdh hai, lekin Australiaee kaptaan ko yakeen hai ki vah 22 February se Bhaarat ke khilaaf shuroo ho rahe pehle cricket test tak fit ho jaaenge. Apne 89 test ke career mein Clark kabhi bhi chot ke kaaran test se baahar naheen rahe hain. Unhonne kaha ki unke paas chot se ubarane ka paryaapt samay hai aur vah teen divseeya abhyaas match bhi khelna chaahate hain, lekin physio Alex kontooris ke faisale ko maaneinge. Clark ne Bhaarat ravaana hone se pehle patrakaaron se kaha, main behtar mahasoos kar raha hoon. Mere paas rikvari, rihaibiliteshan aur fijiyothairepi ke liye chaar din hain. Mujhe yakeen hai ki samay rahate main sau feesadi fit ho jaaoonga. Unhonne kaha, poori team ki tarah hi Bhaarat ke haalaat mein jyaada se jyaada taiyaariyon ki mujhe bhi jaroorat hai. Main teen divseeya abhyaas match khelna chaahoonga, lekin physio Alex ki salaah par amal karoonga. Filhaal to mera iraada teen divseeya match khelne ka hai. Clark ne kaha, abhi kaafi samay hai aur ismein koi shak naheen ki main pehle test tak fit ho jaaoonga. Mujhe Alex se baat karni hogi aur dekhna hoga ki taiyaari ka sarvottam tareeka kya hoga. Chot ke kaaran West Indies ke khilaaf ravivaar ko aakhiri van-de naheen khel sake Clark ne kaha ki vah bhaarateeya haalaat ke anukool dhalane ke liye kuchh samay vahaan bitaana chaahate hain. Clark ne kaha, mujhe lagta hai ki bhaarateeya haalaat mein khud ko dhaalane ke liye mujhe vah match khelna chaahiye. Ballebaaji aur geindabaaji hi naheen balki kaptaani ke liye bhi kyonki Bhaarat ke haalaat Australia se ekdam alag hain. Unhonne kaha, lekin main visheshagyon ki rai maanoonga. England ne pichhle saal 28 baras mein pehli baar Bhaarat mein test shrunkhala jeeti. Uske do spinron greem svaan aur monti panesar ne ismein aham bhoomika nibhaai, lekin Clark ne kaha ki abhi yah tay naheen hai ki Australia bhi yahi rananeeti apanaaega ya naheen. Unhonne kaha, ham Bhaarat ke alag hisson mein khel rahe hain. Hamein wicket ko dekhkar hi koi faisala lena hoga. Hamaare paas achhe tej geindabaaj aur spinner hai. Mujhe bhi Bhaarat mein geindabaaji mein maja aata hai, lekin dekhte hain ki aage kya hota hai. Maaik hasi ke sannyaas aur Shane Watson ke visheshagya ballebaaj ke roop mein utarane ke kaaran pehle test ke liye abhi unhonne ballebaaji kram bhi tay naheen kiya hai. Unhonne kaha, humne 17 khilaadiyon ko teen alag-alag charanon mein vahaan bheja taaki haalaat ke anukool khud ko dhaal sakein. Abhyaas maichon ki bhoomika aham hogi.


Khudara Mudraasfeeti January Mein Badhkar 10.79 Pratishat

Khudara Mudraasfeeti January Mein Badhkar 10.79 Pratishat

Breaking »

Nai Delhi: Khudara mudraasfeeti lagaataar chauthe maheene badhte hue January,2013 mein 10.79 pratishat par pahunch gayi. December,12 mein yah 10.56 feesadi thi. Sabji, khaadya tel, mote anaaj aur doodh, maans aur aisi proteen waali khaadya vastuon ke khudara daamon ke apekshaakrut ooncha rahane se mudraasfeeti badhi hai. Gat November aur October mein yah khudara bhaavon par aadhaarit mudraasfeeti kramash: 9.90 pratishat aur 9.75 pratishat thi. Aaj jaari upabhokta moolya soochakaank ke anusaar, January mein sabjiyon ke daam ek saal pehle ki tulana mein 26.11 feesadi oonche rahe. Khaadya tel va chiknaai ke bhaav saalaana aadhaar par ausatan 14.98 pratishat tatha maans, machhali aur ande 13.73 pratishat tej rahe. Isi tarah anaaj aur dalahan kramash: 14.90 pratishat aur 12.76 pratishat mahange hue. Cheeni 12.95 pratishat oonchi rahi. Kapde aur joote chappal ki keematon mein bhi is dauraan 11 pratishat ki vruddhi hui. Shahari kshetron ke upabhoktaaon se sambandhit khudara mudraasfeeti January mein badhkar 10.73 pratishat ho gayi, jo pichhle maheene 10.42 pratishat thi. Graameen aabaadi sambandhi upabhokta moolya soochakaank (CPI) isi dauraan badhkar 10.88 pratishat ho gaya, jo December,12 mein 10.74 pratishat thi. Thokabikri moolya soochakaank (dablyoopeeaai) aadhaarit mudraasfeeti ke January aankade guruvaar ko jaari kiye jaane hain. December,12 mein thokabikri moolya soochakaank par aadhaarit mudraasfeeti 7.24 pratishat thi. Reserve bank paanch se chhah pratishat ke adhik ki thok moolya mudraasfeeti ko sahaj sthiti ke vipreet maanata hai. Bhaarateeya reserve bank ne lagaataar teen timaahi tak sakht neeti apnaane ke baad pichhle maheene apne maudrik neeti ki timaahi sameeksha mein pramukh neetigat byaaj daron mein chauthaai (0.25) pratishat ki katauti ki thi aur bankon ki aarakshit nakadi par 0.25 pratishat ki dheel dekar bankon ke paas 18,000 karod rupaye ki atirikt nakadi sulabh karaane ke kadam uthaae the. Iska uddeshya arthik kriyaaon ko gati pradaan karne mein madad karna hai. Reserve bank ka anumaan hai ki is varsh March ke ant tak thok moolya soochakaank aadhaarit mudraasfeeti 6.8 pratishat hogi. Nirantar mudraasfeeti ko lekar chintit reserve bank ne April 2012 ke baad se pramukh byaaj daron ko aparivrtit rakha tha, jabki January 2013 mein ise kam kiya. Is beech audyogik utpaadan December 2012 mein 0.6 pratishat sikud gaya, jabki pichhle varsh isi maah audyogik utpaadan 2.7 pratishat badha tha.


Sooryanelli Maamala Kooriyn Ne Soniya Gandhi Aur Raas Ke Sabhaapati Ko Likha Khat

Sooryanelli Maamala Kooriyn Ne Soniya Gandhi Aur Raas Ke Sabhaapati Ko Likha Khat

Breaking »

Tiruvanantapuram: Rajyasabha ke upasabhaapati PJ kuriyan ne sooryanelli saamoohik balaatkaar maamale mein apni sthiti spasht karte hue Congress adhyaksh soniya Gandhi aur Rajyasabha ke sabhaapati haamid Ansari ko patra likha hai. Sootron ne kaha ki kuriyan ne Rajyasabha ke upasabhaapati pad se unke isteefe ki vipaksh ki maang ke maddenajar party adhyaksh soniya Gandhi aur Rajyasabha ke sabhaapati Ansari ke samaksh apni sthiti spasht ki hai. Samjha jaata hai ki unhonne apne patra mein is maamale mein vibhinn adaalaton ke faisalon ka jikr kiya hai, jismein unhein is maamale mein dosh mukt kiya gaya tha. Sampark kiye jaane par kuriyan ne kaha ki vah apne aur Congress adhyaksh ke beech kisi patraachaar ke baare mein media se baat naheen kar sakte. Saal 1996 ke sooryaanelli maamale mein kuchh naye tathya saamane aane ke baad vaamamorcha aur anya vipakshi dalon ne kuriyan ko Rajyasabha ke upasabhaapati pad se hataane ki maang tej kar di hai. Kerala mein kuriyan ke sahayogi aur Congress pravakta PC chaako ne ravivaar ko kaha tha ki party sansad ke bajat satr ki shuruaat se pehle Rajyasabha ke upasabhaapati kuriyan ko hataane ke mudde par faisala karegi. Haalaanki is bayaan ke ek hi din baad hi Congress ne chaako ke bayaan se palla jhaad liya. Party pravakta sandeep Dixit ne yahaan party mukhyaalaya mein samvaadadaataaon se baatcheet ke dauraan kaha ki chaako ne jo kuchh bhi kaha hai yah unki vyaktigat rai hai.