Asabhya Tippani Ke Baad Aap Ne Maangi Maafi

Asabhya Tippani Ke Baad Aap Ne Maangi Maafi

Breaking »

Nai Delhi: gruhamantri ke khilaaf kathit roop se asabhya tippani ke baad TV prastota aur aam aadmi party ki or se chunaav prachaar kar rahe Rajiv Lakshman ne maafi maangi hai. Lakshman ne tippaniyon ke liye maafi maangate hue kaha ki Yeh durbhaagyapoorn hai. Lakshman ne RK puram vidhaanasabha kshetr se aap ummeedavaar shaajiya ilmi ke liye prachaar karte hue ek janasabha mein shinde ke khilaaf kathit taur par asabhya bhaasha ka istemaal kiya tha. is ghatna ke prakaash mein aane par aap pasopesh mein pad gayi kyonki Yeh party saaf suthari raajaneeti karne ka daava karti hai. baad mein jaari kiye gaye maafeenaame mein Arvind Kejriwal neet party ne kaha ki aap apne netaaon ya sadasyon dvaara kisi bhi asansadeeya bhaasha ko badhaava naheen deti hai. Lakshman ko apni galati ka ehsaas ho chuka hai aur apni tippaniyon ke liye unhonne maafi maang li hai. Unhonne Yeh bhi spasht kiya ki aap ka in tippaniyon se koi lena-dena naheen aur Yeh unki galati thi. aap ne kaha ki vah apne sadasyon ya samarthakon dvaara kisi tarah ki asabhya bhaasha ke istemaal ke khilaaf hai.


Shivraaj Aur Digvijya Ne Ek Doosare Par Taani Talavaarein

Shivraaj Aur Digvijya Ne Ek Doosare Par Taani Talavaarein

Breaking »

Bhopal: Madhya Pradesh ki jang ab raajya ke do diggajon ki bhidant ke taur par bhi dikh rahi hai. Raajya ke mukhyamantri shivraaj Singh chauhaan ne poorv mukhyamantri digvijya Singh par taana kasa hai aur kaha ki unhein gambheerta se lene ki zaroorat naheen hai. iske javaab mein digvijya Singh ne kaha ki shivraaj Singh chauhaan pehle apne oopar lag rahe aaropon ka javaab dein.


Sanra Suraksha Parishad Ke Sarvatha Yogya Hai Bhaarat Cameron

Sanra Suraksha Parishad Ke Sarvatha Yogya Hai Bhaarat Cameron

Breaking »

Kolkata: british pradhaanamantri David Cameron ne guruvaar ko kaha ki Bhaarat sanyukt raashtra suraksha parishad ki sthaayi sadasyata paane ke sarvatha yogya hai. Cameron ne yahaan bhaarateeya praudyogiki sansthaan ke chhaatron ke saath 40 minute tak chali apni charcha ke dauraan kaha, 'Hamein aadhunik suraksha parishad chaahiye. Sanyukt raashtra suraksha parishad mein ek sthaayi sadasya ke roop mein Bhaarat ko shaamil kiya jaana chaahiye. ' Cameron ne kaha, 'Sanyukt raashtra sampoorn naheen hai, lekin duniya mein is tarah ka sangathan hona achha hai. Hamein nishchit roop se sanyukt raashtra ka samarthan karna chaahiye. '


Bihar Mein Namak Bika 100 Rupaye Kilo

Bihar Mein Namak Bika 100 Rupaye Kilo

Breaking »

Patna: mahangaai ko lekar log kitne pareshaan ho gaye hain, iska andaaja uttar Bihar mein namak ki keematon mein vruddhi ki afavaah udne ke baad ki sthiti ko dekhkar lagaaya ja sakta hai. Uttar Bihar ke shahar aur graameen kshetron mein afavaah ke kaaran namak ki keemat 100 rupaye tak pahunch gayi thi. yahi naheen, log badhi keematon par bhi badi maatra mein namak khareedte najar aae. Idhar, raajya ke khaadya evam upabhokta mantri shyaam rajak ne haalaanki ise poori tarah afavaah bataate hue kaha ki kaheen bhi namak ki killat naheen hai. rajak ne guruvaar ko kaha ki poore Bihar mein kaheen bhi namak ki killat naheen hai, Yeh sab afavaah hai. Unhonne logon se afavaah par dhyaan naheen dene ki appeal karte hue kaha ki kaalaabaajaar se naheen khareede. Unhonne kaha ki afavaahon ka faayda uthaate hue dukaanadaar adhik keemat par namak bech rahe hain. Unhonne kaha ki sambandhit jilon ke jila adhikaariyon ko afavaahon ki jaanch karne aur doshi logon ke khilaaf kaarravaai karne ka nirdesh de diya gaya hai. Unhonne namak ke krutrim sankat paida karne ki afavaah failaane ka aarop Bihar ke vipakshi dal bhaarateeya janta party (bhaajapa) par lagaaya hai. Rajak ne kaha ki Yeh afavaah raajya sarkaar ko badnaam karne ke liye bhaajapa dvaara failaaya ja raha hai. idhar, samasteepur ke vibhinn ilaakon mein Budhvaar ko namak ki keemat mein vruddhi ki udi afavaah ke kaaran log aanan-faanan mein dukaan tak pahunche aur thok mein namak ki khareedaari ki. Pratyek vyakti adhik se adhik maatra mein namak khareed kar rakhana chaah raha tha. dukaanadaaron ne namak ki badhti maang ko lekar namak ki keemat mein vruddhi kar di jisse 10 se 15 rupaye prati kilo bikne vaale namak ki keemat 50 se 60 rupaye tak pahunch gayi. idhar, samasteepur ke jilaadhikaari naveen chandr jha ne bataaya ki namak ki badhi hui keemat ki khabar maatr afavaah hai. Unhonne bataaya ki kuchh logon ne namak ki kaalaabaajaari ki neeyat se ise jama kar rakha hai. Aise logon ko khilaaf kaanooni kaaravaai karne aur abhiyaan chalaane ka nirdesh anumandal padaadhikaari ko diya gaya hai. idhar, darabhanga jile ke beneepur, biraul, haayaaghaat, kusheshvarasthaan, aleenagar prakhandon mein bhi namak ki keematon mein vruddhi ko lekar afavaah ki vajah se log gharon se nikle aur 60 se 70 rupaye mein prati kilogram ki dar se namak ki khareedadaari ki. Kai sthaanon par to namak ki keemat 100 rupaye kilogram tak pahunch gayi hai. kusheshvar sthaan ke badri Yadav ne kaha "Sabhi khaadya padaarth ki keemat mein vruddhi ho gayi hai namak ke bhi daam badh gaye to khaaenge kya? Isliye 20 kilogram namak khareed liye hain. " seetaamadhi jile ke bhi kai kshetron mein namak ke daamon mein vruddhi dekhi gayi.


Raajaneeti Ka Mijaaj Samajhne Mein Maahir Hain Sanjaya Singh

Raajaneeti Ka Mijaaj Samajhne Mein Maahir Hain Sanjaya Singh

Breaking »

vivek vikram Singh, amethi amethi ki raajaneeti ke nabj ko samajhne ke maahir samajhe jaate hain Congress ke sulataanapur se saansad dau0 sanjaya Singh. Amethi raajaparivaar aur Nehru Gandhi parivaar ka 1926 se hi gahra rishta raha hai. Lekin bofors maamale mein Rajiv Gandhi ki sarkaar ghiri tab Dr. Sanjaya Singh ne bhi Congress ka saath chhod diya tha aur amethi se vidhaan sabha chunaav lada tha. Yeh alag mat hai ki Congress mein rahakar jahaan vo sabhi vipakshi paartiyon ki jamaanat jabt kara dete the, vaheen Congress se alag hokar jeet naheen darj kara sake. Baad mein vo Rajyasabha ke liye chune gaye. 1989 mein kendra mein VP Singh ki sarkaar bani, lekin vo apna kaaryakaal poora naheen kar saki. Sarkaar girne ke baad chandrashekhar ki sarkaar Congress ke samarthan se bani thi. Us sarkaar mein unhein pehli baar kendreeya mantri ka darja mila tha aur vo svatantr prabhaar raajyamantri ke taur par sanchaar mantraalaya ke mantri bane. Iske baad kendra mein narasimha Rao ke netrutv mein Congress ki sarkaar bani. Is sarkaar ke baad pehli baar Dr. Sanjaya Singh ne BJP ka daaman thaama tha aur Loksabha ka chunaav amethi se lada tha jismein 1998 Loksabha chunaav mein unhonne Congress ke Dr. Sateesh sharma ko shikast di thi. Us samay bhi ye kayaas lagaae ja rahe the ki NDA sarkaar mein unhein jagah milegi lekin aisa naheen hua. 1999 mein soniya Gandhi khud sakriya raajaneeti mein aa gain. Sanjaya Singh ne chunaav ladne aur jeetne mein koi kasar baaki naheen rakhi, iske baavajood unhein haar ka saamana karna pada. Bofors prakaran aur uske baad hue tamaam jaanchon ke dauraan Dr. Sanjaya Singh ke bayaan kaafi charchit rahe the. Unki patni ameeta Singh jila panchaayat adhyaksh theen. Pad se isteefa dekar unhonne vidhaanasabha chunaav lada aur BJP-BSP gathabandhan sarkaar mein unhein raajyamantri darja mil gaya. Iske baad BJP jaise-jaise raajya mein pichhdati gayi, sanjaya Singh party se kinaara karne lage. 2004 mein jab UPA ki sarkaar I, tabhi se unka jhukaav Congress ki taraf bada aur varsh 2009 ke Loksabha chunaav mein vah sulataanapur se Congress ke tikt par lade. 2009 mein Loksabha chunaav mein SP aur Congress ke beech gathabandhan ki baat chal rahi thi. SP Congress ko 21 seat dena chaahati thi par Congress 25 par adi thi. Aise mein donon ke beech gathabandhan naheen ho saka aur sanjaya Singh ko Congress se tikt mil gaya. Chunaav mein unhonne jeet darj ki. Lekin is baar fir aisa lagta hai ki Gandhi parivaar va amethi ka raajaparivaar ek baar fir aamne-saamane aa gaye hain. Inaset yoon to sulataanapur se chune gaye Congress saansad sanjaya Singh usi samay se ghutan mahasoos kar rahe the jab unhein UPA mein mantri naheen banaaya gaya tha. Uske baad 2012 ke vidhaanasabha chunaav mein jab unki patni raani ameeta Singh amethi mein vidhaanasabha chunaav haar gain. Ek vajah aur hai, jo behad mahatvapoorn samajhi ja rahi hai. Sulataanapur kshetr se varun Gandhi ke chunaav ladane ki baat saamane I hai. Varun Gandhi ki kor committee ki team lagaataar yahaan kaam kar rahi hai. Aise mein saansad sanjaya Singh ko lagta hai ki varun Gandhi se haarne ke bajaay Rahul Gandhi ke khilaaf chunaav ladkar haarna unke liye jyaada faayademand saabit hoga, kyonki Rahul Congress ke sabse bade neta ke taur par praujekt kiye gaye hain. Sootron ke mutaabik sanjaya Singh ne pehle fatehapur Loksabha kshetr se chunaav ladane ka prayaas kiya tha, lekin sahamati naheen bani to bagaavat ke alaava koi upaaya naheen tha. Congress hui satark raajakaran aur raajapati ko lekar hui chintit sanjaya Singh ke janmadin par aayojit janasabha mein poorv saansad raajakaran Singh aur gaureeganj ki vidhaayak raajapati devi ki upasthiti Gandhi parivaar ke liye chinta ka sabab ban gayi. Ab Congress ko kai jhatke jhelne pad sakte hain. 10 janapad aur Rahul Gandhi ke kaaryaalaya se jude sootron ke mutaabik Congress ab aur satark ho gayi hai apne sabhi blauk adhyakshon ye poochha hai ki aur kaun se aise log hain, jo party ke saath bagaavat kar sakte hain. Gandhi parivaar party se bagaavat karne vaalon se saath shuruaat se hi sakhti se niptata raha hai. 1999 ke Loksabha chunaav ke dauraan bhetuaa blauk ke ek booth par jab Priyanka Gandhi pahunchi, to unhonne amethi ke Congress vidhaayak Ram harsh Singh ko sanjaya Singh ke saath baithe dekha. Isse khafa hokar 2002 ke vidhaanasabha chunaav mein unka tikt kaat diya gaya. Sanjaya Singh ke prabhaav ko dekhte hue Priyanka Gandhi ne pradesh ke tatkaaleen mukhyamantri kalyaan Singh se nishpaksh chunaav karaane ke liye madad tak maangi thi.


News Channel Naheen Seeriyl Dekhein Kaaryakarta SP

News Channel Naheen Seeriyl Dekhein Kaaryakarta SP

Breaking »

pankaj shaah, Lucknow media se pareshaan najar aa rahe samaajavaadi party ke neta aur raashtreeya mahaasachiv raamagopaal Yadav ne party kaaryakartaaon se kaha hai ki ve news channel na dekhein balki TV seeriyl dekh lein. Bataaya jaata hai ki unhonne Narendra Modi aur BJP par aarop lagaaya hai ki ve Modi ko naishanal hero ke taur par pesh karne ke liye media ko paisa de rahe hain. Isse ye atkalein tej ho gayi hain ki SP is baat se dar rahi hai ki kaheen uske kaaryakarta UP mein Akhilesh sarkaar ki kharaab imej pesh karne waali TV riporton se gumaraah na ho jaaen. Yahi naheen haal hi mein Modi ki railiyon mein bhaari bheed ke maddenajar bhi SP chinta mein hai.


Delhi Mein Sheela Va Harshavardhan Ne Naamaankan Bhare

Delhi Mein Sheela Va Harshavardhan Ne Naamaankan Bhare

Breaking »

Nai Delhi: Delhi ki mukhyamantri sheela Dixit aur unke pratidvandvi evam bhaajapa ke mukhyamantri pad ke ummeedavaar harshavardhan ne guruvaar ko 4 December ko hone vaale vidhaanasabha chunaav ke liye apne naamaankan patra daakhil kiye. teen baar se mukhyamantri sheela Dixit apne gadh nai Delhi kshetr se dobaara chune jaane ki raah dekheingi jabki chaar baar se vidhaayak rahe harshavardhan Krishna nagar seat ke liye ladeinge. mukhyamantri ne naamaankan daakhil karne ke baad patrakaaron ko bataaya, "Mujhe poora yakeen hai ki Congress Delhi ki satta mein dobaara aaegi. " vaheen, nai Delhi sansadeeya kshetr se bhaajapa neta vijeindr gupta ne bhi apna naamaankan daakhil kiya. Aam aadmi party neta Arvind Kejriwal ne bhi ghoshana ki ki vah bhi isi nirvaachan kshetr se ladeinge. sheela Dixit dopahar kareeb ek baje madhya Delhi sthit jaamanagar house mein sanbhaageeya aayukt kaaryaalaya pahuncheen. Yahaan badi taadaad mein unke samarthak jute the. bheed itni ki sheela Dixit ke liye patrakaaron aur apne samarthakon ke beech se nikalkar kaaryaalaya tak pahunchana kathin tha. Naamaankan prakriya poori karne mein unhein poora ek ghanta laga. is dauraan unke raajaneetik sachiv pavan khera, saansad bete sandeep Dixit aur beti latika unke saath maujood the.


Zaheer, Sehwag Aur Harbhajan BCCI Soochi Se Baahar

Zaheer, Sehwag Aur Harbhajan BCCI Soochi Se Baahar

Breaking »

Mumbai: tej geindabaaj Zaheer Khan, dhurandhar ballebaaj Virendra Sehwag aur tarbanetar ke naam se prachalit spin geindabaaj Harbhajan Singh ko bhaarateeya cricket control board (BCCI) ne 2013-14 ke liye apni karaar soochi se hata diya hai. vartamaan samay mein apna vidaai test khel rahe mahaan ballebaaj sachin Tendulkar ko haalaanki group-A mein barkaraar rakha gaya hai. BCCI ki is soochi mein pichhle varsh jahaan 37 khilaadi the, vaheen is varsh 25 khilaadiyon ko hi soochi mein sthaan diya gaya hai. Tendulkar ke alaava kaptaan Mahendra Singh Dhoni, viraat Kohli, Ravichandran Ashwin aur suresh raina ko group-A mein rakha gaya hai. In sabhi khilaadiyon ko BCCI ek karod rupaye prativrsh ka bhugataan karegi. Yuvraj Singh aur kharaab daur se gujar rahe Gautam gambhir ko BCCI ki soochi mein rakha to gaya hai, par unhein group-bi mein kar diya gaya hai. Is group ke khilaadiyon ko BCCI 50 lakh rupaye prativrsh degi. Yuvraj aur gambhir ke saath group-bi mein shaanadaar form mein chal rahe shikhar dhavan, cheteshvar pujaara, Ravindra jadeja, bhuvaneshvar Kumar aur rohit sharma ko bhi rakha gaya hai. dinesh kaartik, amit mishra aur ajinkya rahaane ko group-si mein rakha gaya hai, jiske tahat unhein 25 lakh rupaye prati varsh diye jaaenge. BCCI ke sachiv sanjaya Patel ne guruvaar ko jaari ek vaktavya mein kaha, "Is soochi mein jin khilaadiyon ke naam shaamil naheen hai, tatha yadi ve diye gaye satr ke dauraan raashtreeya team ki taraf se antararaashtreeya maichon mein hissa lete hain to unhein group-si mein samjha jaaega. "


PM To Manmohan, Lekin Sarkaar Soniya Chalaati Hain Advani

PM To Manmohan, Lekin Sarkaar Soniya Chalaati Hain Advani

Breaking »

Advani ki file tasveer Advani ki file tasveer Ashokanagar/sivni (madhya pradesh): desh mein Loksabha ke chunaav agale April-May mein hone ki sambhaavana jataate hue bhaajapa ke varishth neta Lal Krishna Advani ne kaha hai ki desh aaj anirnaya ki sthiti se gujar raha hai, kyonki pradhaanamantri to Manmohan Singh hain, lekin sarkaar soniya Gandhi chalaati hain. madhya pradesh mein 25 November ko hone vaale vidhaanasabha sabha chunaav ke liye ashokanagar jile ke mungaavali mein party pratyaashi desharaaj Singh tatha sivni jila mukhyaalaya ki seat par pratyaashi naresh divaakar ke paksh mein ek chunaavi sabha ko sambodhit karte hue Advani ne kaha, aane vaale April-May mein Loksabha ke chunaav bhi ho sakte hain, jiske liye janta taiyaar rahe. unhonne kaha ki Congress jis tarah se lokatantr ke saath halkepan se vyavahaar karti hai, usase usaki vishvasaneeyata kam hui hai. Desh aaj anirnaya ki sthiti se gujar raha hai, kyonki pradhaanamantri Manmohan Singh hain, lekin sarkaar, soniya Gandhi chalaati hain. Desh mein koi sarkaar kaam kar rahi hai, iska ehsaas bhi janta ko naheen ho raha hai. Advani ne kaha ki desh ki aarthik pragati aur suraksha ki drushti se kendra mein raajaneetik parivartan laana hai aur vah janta jaroor karegi. Unhonne logon ka aahvaan kiya ki ve jaagrukta ka parichay dekar desh se Congress ko alvida kar dein.


Mudraasfeeti Mein Jald Hoga Sudhaar Montek Singh Ahluwalia

Mudraasfeeti Mein Jald Hoga Sudhaar Montek Singh Ahluwalia

Breaking »

Nai Delhi: October ki thok mudraasfeeti mein vruddhi ko takaleefadeh karaar dete hue yojana aayog ke upaadhyaksh montek Singh Ahluwalia ne kaha ki mudraasfeeti mein jald sudhaar hoga, kyonki Yeh mausami kaaranon se hai. Ahluwalia ne kaha, mujhe lagta hai ki oonchi khaadya mudraasfeeti ki vajah se Yeh spasht roop se takaleefadeh star par hai. Mukhya mudraasfeeti ab bhi bahut kam hai. Mujhe lagta hai ki khaadya mudraasfeeti ghatani chaahiye. unhonne kaha, mujhe ummeed hai ki sarkaar dvaara ekatrit bhandaar se khaadya jinson ki baajaar mein bikri ke faisale se aapoorti sthiti sudharegi. Kuchh utpaadon mein mausam vishesh mein hone waali moolyavruddhi ki sthiti mein bhi sudhaar hoga. sabjiyon samet manhage khaadya utpaadon ke kaaran thokamoolya mudraasfeeti October mein badhkar saat pratishat ho gayi. September maah mein Yeh 6.46 pratishat rahi thi, jabki October, 2012 mein Yeh 7.32 pratishat par thi.


Har Bhaarateeya Ko Sachin Tendulkar Par Garv Hai Narendra Modi

Har Bhaarateeya Ko Sachin Tendulkar Par Garv Hai Narendra Modi

Breaking »

Kaavardha (Chhattisgarh): apna aakhiri test khel rahe sachin Tendulkar ki unke athak parishram aur pratibaddhata ke liye prashansa karte hue Narendra Modi ne kaha ki har bhaarateeya ko is cricketer par garv hai. bhaajapa ke pradhaanamantri pad ke ummeedavaar Modi ne kaha, aaj har bhaarateeya ki najarein Mumbai par hai, jahaan sachin cricket ko alvida kehne ja rahe hain. Desh ko un par garv hai. Unhonne kaha, har bhaarateeya ko sachin ka naam lekar garv hota hai. Apni kadi mehnat, pratibaddhata, samarpan aur athak prayaason ke dam par sachin ne khel mein nae record banaae hain.


Bihar Ko Mile 8,101 Karod Rupaye Ke Nivesh Prastaav

Bihar Ko Mile 8,101 Karod Rupaye Ke Nivesh Prastaav

Breaking »

Nai Delhi: Bihar mein udyogon ko protsaahan diye jaane aur ekal khidki manjoori suvidha shuroo hone ke baad se vibhinn audyogik kshetron mein 8,101 karod rupaye ke 767 nivesh prastaav praapt hue hain. raajya ki udyog mantri renu kumaari ne 33vein bhaarateeya antararaashtreeya vyaapaar mele (aaiaaiteeef 2013) ke udghaatan samaaroh ke dauraan Yeh jaankaari di. Unhonne kaha ki raajya mein varsh 2006 mein udyogon ko ekal khidki manjoori suvidha upalabdh karaae jaane ke baad raajya mein audyogik gatividhiyon mein teji I hai. Bihar ko vyaapaar mele mein bhaageedaar raajya banaaya gaya hai. Raashtrapati Pranab mukharji ne vyaapaar mele ka udghaatan kiya. Renu kumaari ne kaha ki raajya mein audyogik protsaahan ki anek yojanaaen shuroo ki gayi hain. Raajya sarkaar ki taraf se nai ikaaiyon ko kai tarah ke protsaahan diye ja rahe hain. Iske baad gat paanch saal ke dauraan 189 nai ikaaiyaan kaam kar raheen hain aur 184 ikaaiyon mein kaarya pragati par hai. Unhonne kaha ki raajya mein khaadya prasanskaran kshetr sahit kul milaakar 767 nivesh prastaav praapt hue, jinmein 8,101 karod rupaye ke nivesh ka anumaan hai. Ismein se ab tak raajya mein 1,212 karod rupaye ka nivesh ho chuka hai. renu kumaari ne is avsar par kaha ki raajya mein krushi kshetr ko bhi badhaava diya ja raha hai aur alag krushi mantrimandal ka alag gathan kiya gaya hai. Varsh 2011-12 ke liye raajya ko 'Krushi karman' puraskaar bhi praapt hua hai. Yahi vajah hai ki iske chalte pichhle teen saal se raajya ki vruddhi dar 13 pratishat se adhik rahi hai. Aaiaaiteeef 2013 mein Bihar mandap mein krushi, svaasthya, nagar vikaas, oorja, soochana evam praudyogiki, udyog tatha paryatan vibhaag ki aur se samaaveshi vikaas ko behtar dhang se dikhaaya gaya hai.


Iraq Mein Aatmaghaati Hamle Mein 30 Logon Ki Maut

Iraq Mein Aatmaghaati Hamle Mein 30 Logon Ki Maut

Breaking »

Baakuba (Iraq): Iraq ki rajdhani Baghdad ke uttar mein guruvaar ko shiya samudaaya ke logon ko nishaana banaakar kiye gaye aatmaghaati visfot mein kam se kam 30 logon ki maut ho gayi. suraksha adhikaariyon ne bataaya ki Yeh visfot shiya bahul ilaake saadiya mein kiya gaya. Yahaan badi sankhya mein log muharram maheene ki 10veen taareekh (aashura) ke mauke par jama hue the. Unhonne kaha ki is visfot mein 65 log ghaayal bhi hue hain. aashura ke din shiya samudaaya ke logon ko nishaana banaakar kiya gaya Yeh teesara hamla tha. Police aur chikitsa sootron ne kaha ki Baghdad ke dakshini ilaake haafriyaah mein hue visfoton mein nau logon ki maut ho gayi, jabki kirkuk mein hue dohare dhamaakon mein paanch log ghaayal ho gaye.


Darshakon, Media Aur Kairebiyaai Team Ne Sachin Ko Kiya Sailyoot

Darshakon, Media Aur Kairebiyaai Team Ne Sachin Ko Kiya Sailyoot

Breaking »

Mumbai: sachin Tendulkar jab apan antim test match ke liye ballebaaji karne aae to Wankhede stadium mein maujood har ek darshak, mediakarmi aur kairebiyaai team ke sadasyon ne unhein khade hokar sammaan diya. murali vijay ka wicket girne ke saath sachin ke wicket par aane ki baari I. Kisi ko murali ka wicket girne ka gam naheen tha. Har koi sachin ke wicket par aane ko lekar khush tha. Yeh sirf sachin ko vidaai dene ke utsaah mein hi ho sakta hai. Sachin ki is paari ko dekhne ke liye unka poora parivaar aur guru ramaakaant aacharekar Wankhede stadium mein maujood the. sachin ne seedhiyaan utarate hue maidaan ka rukh kiya aur maidaan mein ghusate hi aasmaan ki taraf dekhkar aankh band kar liya. Iske baad vah wicket ki or chal pde. Yeh vah kshan tha, jab stadium mein maujood sabhi log apne sthaan par khade hokar sachin ko sammaan de rahe the. Kairebiyaai team ne sachin ko guard of onar diya aur sachin unke beech se hote hue wicket par pahunche. Media kaksh mein maujood 200 se adhik patrakaar bhi apne sthaan par khade hokar sachin ko sammaan de rahe the. vaise to poore stadium mein sachin ke pravesh par utsaah tha, lekin press box ke daahine or sthit sachin Tendulkar stand mein Yeh utsaah kuchh adhik tha, kyonki yahaan sachin ka sabse bada prashansak sudheer Kumar Gautam cricket ke is devata ke liye tiranga laharaate hue shankhanaad kar raha tha. poora stadium 'Sachin-sachin' ke naare laga raha tha. Jo log sachin ki batting dekhne ke liye Dhoni ke pehle geindabaaji ke faisale ko kos rahe the, ab ve apne sthaan par chipk chuke the aur naare laga rahe the. Sachin pehli baar apni maan Rajni ki maujoodagi mein khel rahe hain. Yeh match dekhne ke liye sachin ka poora parivaar aur guroo ramaakaant aacharekar pehli baar ek saath stadium aae hain. Sachin is test ke baad cricket ko alvida kah deinge.


Rahul Engri Yang Main Hain Ya Saamaajik Kaaryakarta Sushma Swaraj

Rahul Engri Yang Main Hain Ya Saamaajik Kaaryakarta Sushma Swaraj

Breaking »

Madhya pradesh ke chunaavi daure ke dauraan: bhaajapa neta Sushma Swaraj ne kaha hai ki soniya Gandhi mere desh ki pradhaanamantri naheen ban sakateen. NDTV ki group editor barakha datt se baat karte hue Sushma Swaraj ne kaha ki soniya Gandhi se mere saamaanya rishte hain, lekin mujhe unase ek hi dikkat hai, vah mere desh ki pradhaanamantri naheen ban sakateen. Sushma Swaraj ne ye bhi kaha ki BJP Rahul Gandhi ko gambheerta se naheen leti aur unhein lagta hai ki media bhi unhein gambheerta se naheen leta. Sushma ne savaal kiya ki Rahul engri yang main hain ya saamaajik kaaryakarta. . . Unhonne desh ka pradhaanamantri hone ki kaabiliyt dikhaai hi kahaan hai. . .


Share Baajaar Mein Giraavat Thami, Sensex 205 Ank Chadha

Share Baajaar Mein Giraavat Thami, Sensex 205 Ank Chadha

Breaking »

Mumbai: banking tantr mein nakadi badhaane ke nae upaayon ki reserve bank ki ghoshana evam ameriki Federal reserve dvaara aarthik protsaahan jaari rakhane ki nayi ummeedon se Mumbai share baajaar mein saat din se jaari giraavat aaj tham gayi aur Sensex 205 ank chadh gaya. pichhle saat din mein 1,045 ank ganvaane vaala Sensex aaj 205.02 ank ke sudhaar ke saath 20,399.42 ank par band hua. Kaarobaar ke dauraan Yeh din ke uchch star 20,568.99 ank par pahunch gaya tha. isi tarah, national stock exchange ka Nifty bhi 66.55 ank upar 6,056.15 ank par ja tika, jabki emaseeeks stock exchange ka esaeks. 40 soochakaank 117.27 ank majaboot hokar 12,119.39 ank par band hua. tata motors, ICICI bank, L, HDFC bank, tata steel aur mahindra end mahindra ke sheyaron mein livaali se Sensex ko badhat haasil karne mein madad mili. nomoora ki vishleshak sonal varma ne kaha ki aisa prateet hota hai ki baajaar ne thok moolya soochakaank aadhaarit mudraasfeeti ke aankadon ko najaraandaaj kiya. Mudraasfeeti October mein badhkar 7 pratishat par pahunch gayi jo September mein 6.5 pratishat thi. Unhonne kaha ki mudraasfeeti ke aankade aamtaur par baajaar ke anumaan ke mutaabik rahe.


Sannyaas Ke Baavajood Gred 'A Mein Anubandhit Kiye Gaye Sachin Tendulkar

Sannyaas Ke Baavajood Gred 'A Mein Anubandhit Kiye Gaye Sachin Tendulkar

Breaking »

Mumbai: master blaastar sachin Tendulkar bhale hi Mumbai ke Wankhede stadium mein vest indeej ke khilaaf khele ja rahe test match ke baad sannyaas ki ghoshana kar chuke hain, lekin varsh 2013-14 ke liye anubandhit khilaadiyon ki bhaarateeya cricket niyantran board (BCCI) ki soochi se unhein ab bhi baahar naheen kiya gaya hai, jabki visfotak salaami ballebaaj kahe jaate rahe Virendra Sehwag, of-spinner Harbhajan Singh tatha teinj geindabaaj jheer Khan ko kisi bhi gred ke liye anubandhit naheen kiya gaya hai. apne 24 saal tak chale antararaashtreeya career ka 200vaan test match khel rahe sachin Tendulkar 'A' gred ke khilaadiyon mein shaamil hain, aur is list mein unke alaava bhaarateeya team ke kaptaan Mahendra Singh Dhoni, viraat Kohli, suresh raina tatha Ravichandran Ashwin ko rakha gaya hai. In paanchon khilaadiyon ko ek karod rupaye ki ritenar fees di jaati hai. 'Bi' gred mein 50 lakh rupaye ki ritenar fees paane vaale khilaadiyon ki soochi mein 11 khilaadiyon - Gautam gambhir, Yuvraj Singh, pragyaan ojha, Ishaant sharma, murali vijay, shikhar dhavan, Umesh Yadav, cheteshvar pujaara, Ravindra jadeja, bhuvaneshvar Kumar tatha rohit sharma - ko anubandhit kiya gaya hai. 'Si' gred ki soochi mein nau khilaadi shaamil kiye hain, jinhein 25 lakh rupaye ki ritenar fees di jaaegi. Ye khilaadi hain - dinesh kaartik, amit mishra, riddhimaan saaha, ajinkya rahaane, ambaati raayudoo, vinaya Kumar, mohammad shaami, jayadev unaadakat tatha mohit sharma. in teenon gred ki soochiyon mein maujood khilaadiyon ke alaava yadi koi bhi khilaadi saal ke dauraan kisi bhi vakt Bhaarat ki or se test, ek-divseeya antararaashtreeya athva tventi-20 antararaashtreeya match khelta hai, to vah niymaanusaar svat: Gred 'Si' mein shaamil ho jaata hai.


UP Rape Ka Virodh Karne Par Naabaalig Ladki Ko Jalaaya

UP Rape Ka Virodh Karne Par Naabaalig Ladki Ko Jalaaya

Breaking »

Prataapagadh: uttar pradesh ke prataapagadh jile mein kathit roop se balaatkaar ka virodh karne par ek naabaalig ladki ko mitti ka tel chhidkakar jala diya gaya. Use gambhir haalat mein aspataal mein bharti kiya gaya hai. police sootron ne guruvaar ko bataaya ki laalaganj kotavaali kshetr mein 16-varsheeya ek ladki Budhvaar raat apne ghar mein so rahi thi, tabhi sthaaneeya nivaasi vipin ghar mein ghus gaya aur uske saath dushkarm ki koshish ki. Virodh karne par usane ladki par mitti ka tel chhidkakar aag laga di. Is vaaradaat mein ladki gambhir roop se jhulas gayi. Use aspataal mein bharti karaaya gaya hai. sootron ke mutaabik vipin us ladki se kaafi dinon se chhedchhaad kar raha tha. Police ne maamala darj kar aaropi ki talaash shuroo kar di hai.


Uttejak Lagne Ka Matlab Ang Pradarshan Naheen Sani Leon

Uttejak Lagne Ka Matlab Ang Pradarshan Naheen Sani Leon

Breaking »

Mumbai: apni aagaami film 'Jaikapaut' mein kuchh uttejak drushya dene vaaleen bhaarateeya mool ki Canadai abhinetri sani Leon kehti hain ki uttejak lagne ka aashay ang pradarshan se naheen hai. Budhvaar ko yahaan 'Jaikapaut' ke trelar launch ke mauke par 32 varsheeya Leon ne kaha, mera pratyek antarang drushya uttejak aur khoobsoorat hai. Durbhaagya ki baat hai ki kabhi-kabhi uttejak hone ko is baat se jodkar dekha jaata hai ki kitna ang pradarshan kiya gaya hai. unhonne kaha, meri najar mein uttejak lagana aapke abhinay aur aapne kaise paridhaan pahane hain is par jyaada nirbhar karta hai. Leon ne film 'Jism 2' ke jariye bhaarateeya film jagat mein kadam rakha tha. Unhonne film mein apne sahakalaakaar Randeep hudda aur arunodaya Singh sang kai antarang drushya filmaae the. agar khabaron ki maani jaae to Leon ne 'Raagini emaemaes 2' aur 'Tina end lolo' sareekhi apni aagaami filmon mein bhi antarang drushya kiye hain. kaijaad gustaad ke nirdeshan mein bani 'Jaikapaut' mein sachin Joshi aur naseeruddeen shaah ne bhi kaam kiya hai. Film 13 December ko pradarshit honi hai.


Delhi Chunaavon Mein Jaati Ban Sakti Hai Nirnaayak Mudda

Delhi Chunaavon Mein Jaati Ban Sakti Hai Nirnaayak Mudda

Breaking »

Nai Delhi: aam aadmi party (aap) ke liye 'Janta samarthak' aur 'Bhrashtaachaar virodhi' naaron ke jariye Delhi mein matadaataaon ko lubhaana aasaan naheen hoga, jahaan matadaan karne se pehle ve jaati aur party ke prati nishtha rakhate hain. baahari aur graameen Delhi ke kareeb 20 nirvaachan kshetron mein jaati nirnaayak factor ho sakta hai, kyonki in ilaakon ke baashinde anya cheejon se prabhaavit hone ki bajaay apne samudaaya ke ummeedavaaron ko praathamikta dete hain. Delhi ke 364 gaanvon mein se kareeb 225 gaanvon mein jaat samudaaya ka dabadaba hai, jabki 70 gaanv mein gurjaron ka bolabaala hai. 35 gaanvon mein yaadavon ki sankhya bhi achhi khaasi hai. maharauli, mundaka, rithaala, naangaloi, matiyaala, najafagadh aur bijvaasan sahit kam se kam aath nirvaachan kshetron mein jaat samudaaya ka vote nirnaayak hoga. Kul voteron mein samudaaya ki 10 pratishat hissedaari hai, jabki gurjaron ki sankhya saat pratishat hai. Anusoochit jaati samudaaya 17 pratishat aur 12 pratishat muslim hain. Voteron mein kul nau pratishat punjabi hain. Sikh samudaaya ki hissedaari 4 pratishat hai, jabki vaishya samudaaya ki hissedaari 8 pratishat hai. badarapur, tugalakaabaad, sangam vihaar, gonda, gokulapuri, karaaval nagar aur okhala mein gurjar samudaaya ka vote kaafi maayane rakhega. Poorvi Delhi ki jhuggiyon se lekar lutiyn ke bangalo kshetr tak jaati ek mahatvapoorn kaarak ho sakta hai aur bhaajapa tatha Congress ko iska faayda mil sakta hai, kyonki in donon dalon ne apne adhiktar ummeedavaar jaateeya sameekaranon ko dhyaan mein rakhate hue maidaan mein utaare hain. Delhi ke kai ardhashahari gaanvon mein se ek, dakshin Delhi mein kastooraba nagar nirvaachan kshetr (AC number 42) ke tahat gurjar bahul ward Kotla mubaarakapur mein doosari samasyaaon ke saath hi paani jama hone, drenej aur malaba niptaan ki samasya vyaapt hai, iske baavajood matadaan ke samay jaati ka factor bhaari pad sakta hai. Kotla mubaarakapur mein rah rahe kaarobaari Rajkumar kehte hain, aam chunaavon mein vote karte samay har koi kaam jaroor dekhta hai, lekin vidhaanasabha aur nigam chunaavon ke dauraan aur cheejon ke saath jaati bhi dekhte hain aur parivaar tatha doston ki taraf se bhi apni jaati vaale ko vote dene ke liye dabaav rahata hai. Jaati ke saath hi party ke prati nishtha bhi ummeedavaaron ke chunaav mein ek mahatvapoorn kaarak saabit ho sakta hai, kyonki 'Aap' ko Congress athva bhaajapa ke prati nishthaavaan voteron ko apni or aakarshit karna hoga. 'Aap' bhrashtaachaar mukt sarkaar, bijli dar 50 pratishat kam karne aur har parivaar ko rojaana 700 liter paani muhaiya karaane ke vaadon ke saath chunaav lad rahi hai. Kotla mubaarakapur mein kapde ki dukaan chalaane vaale kaarobaari ramesh chandra Congress ko vote dete rahe hain. Unhonne kaha, main Congress ka samarthak hoon aur party ke prati nishthaavaan hoon. mundaka ke nivaasi jagajeet Singh ne kaha, ham 'Aap' ke agende ka samarthan karte hain, lekin, mujhe naheen lagta ki vah sarkaar bana paaegi, isliye, main 'Aap' ko vote naheen doonga. Bhaajapa ki aguvaai vaale dakshin Delhi nagar nigam ki mayor sarita chaudhari ne aarop lagaaya hai ki sattaaroodh Congress keval vaade karna jaanti hai. Chaudhari ne kaha, is chunaav mein mahangaai, bhrashtaachaar aur anaadhikrut kauloniyaan pramukh mudde hain. Apne 'Ghar ghar bhaajapa' abhiyaan ke jariye neta aur party kaaryakarta logon se ghar-ghar jaakar sampark kar rahe hain. Dixit ki aguvaai waali sarkaar ko baikafut par laane ke liye bhaajapa drenej aur paani jamaav jaisi samasyaaon ko bhi utha rahi hai. Unhonne kaha, vartamaan sarkaar ka is sambandh mein koi thos yojana naheen hai. Jaise hi ham satta mein aaenge logon ki samasyaaon ko door karne ke liye nae drenej system ke liye emaseedi, deedeee aur peedablyoodi ko saath lekar ek sanyukt committee banaaenge. Shahar mein kul 1,14,88,752 matadaata hain, jismein se 63,68,694 purush aur 51,19,517 mahila hain. Kul matadaataaon mein yuva matadaataaon ki bhaageedaari 3.04 pratishat hai.


Ashwin Ne Sabse Teji Se 100 Wicket Lekar Prasanna Ka Record Toda

Ashwin Ne Sabse Teji Se 100 Wicket Lekar Prasanna Ka Record Toda

Breaking »

Mumbai: of spinner Ravichandran Ashwin ne aaj yahaan West Indies ke kaptaan Darren saimi ko out karke apna 100vaan test wicket liya. Vah ab sabse kam maichon mein is mukaam par pahunchane vaale bhaarateeya ban gaye hain. Ashwin ne narasinh devanaaraayan ke roop mein apna 99vaan wicket liya aur iske baad saimi ko pavilion bheja, jinhonne unki geind hava mein lahara di thi. Ashwin ka Yeh 18vaan test match hai aur vah Bhaarat ki taraf sabse kam maichon mein 100 wicket lene vaale geindabaaj ban gaye hain. Isse pehle ka record iraapalli prasanna ka tha, jinhonne 20 maichon mein Yeh upalabdhi haasil ki thi. Vishvabhar ke geindabaajon mein Ashwin sabse kam maichon mein 100 wicket lene vaalon ki soochi mein paanchavein sthaan par kaabij ho gaye hain. England ke George lohaman ne keval 16 test mein Yeh mukaam haasil kiya tha, jabki Australia ke Charlie turner aur kleri grimet tatha England ke Sydney barn‍aas ne apne 17vein test match mein 100 wicket le liye the. Inmein se keval grimet hi spinner the. Ashwin ne do saal pehle West Indies ke khilaaf hi Delhi mein test cricket mein padaarpan kiya tha. Unhonne ab tak nau baar paari mein paanch ya isse adhik wicket aur do baar match mein das ya isse adhik wicket liye hain. Vah Bhaarat ki taraf se test maichon mein 100 wicket lene vaale 19vein geindabaaj aur 13vein spinner hain. Bhaarat ki taraf se 25 ya isse kam maichon mein 100 wicket lene vaale geindabaajon ki soochi is prakaar hai- Ashwin (18 match), prasanna ( 20 match) anil Kumble : (21 match), subhaash gupte, bhagavat? Chandrashekhar aur pragyaan ojha ( teenon 22 match), veenoo maankad (23 match) tatha Kapil Dave aur Harbhajan Singh (donon 25 match) shaamil hain.


Narendra Modi Se Milna Achha Rahega British Pradhaanamantri

Narendra Modi Se Milna Achha Rahega British Pradhaanamantri

Breaking »

Nai Delhi: Britain ke pradhaanamantri David Cameron ko Gujarat ke mukhyamantri Narendra Modi se milne mein koi gurej naheen hai aur samay aane par vah unase mileinge. Cameron ne yahaan Bhaarat ke vyavasaayiyon se baatcheet ke dauraan kaha, humne Gujarat aur uske pratham mantri (mukhyamantri) se uchit sampark shuroo kiya hai. Hamaare videsh mantraalaya ke mantri unase mile hain. . Sampark hai. Mera maanana hai ki sampark jaari rahana chaahiye. Colombo mein chogam ki baithak mein hissa lene se pehle Bhaarat ki sankshipt yaatra par aae Cameron ne yahaan pradhaanamantri Manmohan Singh se mulaakaat ki aur donon deshon ke beech vyaapaar tatha dwipaksheeya sambandhon ko aur sudhaarane ke baare mein unase vichaar-vimarsh kiya. Yeh poochhe jaane par ki kya vah nikat bhavishya mein Modi se bheint kareinge, Britain ke pradhaanamantri ne kaha, haan, samay aane par. Milna achha hota hai. Hamaara drushtikon sabhi raajaneetikon aur netaaon se milne ka hai. Antat: Yeh Bhaarat ke logon ko tay karna hai ki kise chuna jaae, lekin main nirvaachit netaaon se milne ko taiyaar hoon. Cameron aaj Kolkata jaane par vahaan pashchim Bengal ki mukhyamantri mamata Bannerjee se mileinge. unhonne kaha, jaisa ki mainne kaha, Yeh sankshipt yaatra hai, isliye Bhaarat ki Yeh yaatra sarkaar se sarkaar ke beech hai, jahaan meri pehli praathamikta aapke pradhaanamantri se milne ki hai. Kolkata vah shahar hai jahaan main pehle kabhi naheen gaya. . Main vahaan jaane ki baat joh raha hoon. pichhle teen saal mein teesari baar Bhaarat yaatra par aane vaale Cameron ne Bhaarat ke pradhaanamantri ke saath aur baithakein tatha anaupachaarik vichaar-vimarsh ki vakaalat ki. Unhonne kaha ki Bhaarat aur Britain ke beech bahut kuchh saajha hai aur saath hi vyaapaar mein bhi donon achhe saajhedaar hain. Unhonne kaha, ham sabse puraane lokatantr mein se ek hain. . Ham donon ke saamane aatankvaad se ladne ki chunauti hai aur ham donon is vaishvik aarthik daud mein safal hona chaahate hain, jismein ham shaamil hain. Hamaare puraane sambandh hain . . Itihaas hai, bhaasha hai aur sanskruti hai. Lekin Yeh bhavishya hai jo mujhe utsaahit karta hai, jis baare mein Britain aur Bhaarat milkar kaam kar sakte hain. Cameron ne pradhaanamantri Manmohan Singh se mulaakaat ki aur dwipaksheeya hiton se jude sambandhon tatha anya muddon par charcha ki.


October Mein Thok Mudraasfeeti Badhkar 7 Feesadi, Chaaloo Vittavarsh Ka Uchchatam Star

October Mein Thok Mudraasfeeti Badhkar 7 Feesadi, Chaaloo Vittavarsh Ka Uchchatam Star

Breaking »

Nai Delhi: sabji samet vibhinn khaadya utpaadon ke mahanga hone se thok mudraasfeeti October maheene mein badhkar 7 pratishat par pahunch gayi. Yeh chaaloo vittavarsh mein iska uchchatam star hai. Thok moolya soochakaank (dablyoopeeaai) par aadhaarit mudraasfeeti is varsh September mein 6.46 pratishat aur pichhle saal October mein 7.32 pratishat thi. Guruvaar ko jaari sarkaari aankadon ke mutaabik khaadya utpaadon ki mudraasfeeti October mein 18.19 pratishat rahi. isi saptaah, jaari aankadon ke anusaar October mein khudara moolya soochakaank (CPI) par aadhaarit mudraasfeeti badhkar 10.1 pratishat par pahunch gayi, jo saat maheene ka uchchatam star hai. Is saal April se hi thok mudraasfeeti badh rahi hai. October mein sabjiyon ki thok keematein ek saal pehle ki tulana mein 78.38 pratishat oonchi rahi, jabki pyaaj 278.21 pratishat mahanga raha. Anda, maans aur machhali jaise proteenayukt khaadya utpaadon ki mahangaai dar October mein 17.47 pratishat rahi, jabki isse pichhle maah is varg ki manhagaai dar 13.37 pratishat thi. October mein mote anaajon va chaaval ke thok bhaav thode naram hue. October mein gehoon 7.88 pratishat ooncha bika, jabki September mein iski keemat saalaana aadhaar par 5.9 pratishat oonchi thi. Is baar October mein vinirmit utpaadon ki mudraasfeeti 2.5 pratishat rahi, jabki September mein Yeh 2.03 pratishat thi. Reserve bank ne mudraasfeeti par lagaam lagaane ke liye maudrik neeti ki pichhli do sameekshaaon mein repo dar mein do baar badhotri ki. Repo vah dar hai, jis par keindreeya bank vaanijyik bankon ko ek din ke liye paisa udhaar deta hai.


America Ke Liye Bhaarat Ke Saath Raksha Sambandhi Saajhedaari Aham

America Ke Liye Bhaarat Ke Saath Raksha Sambandhi Saajhedaari Aham

Breaking »

Washington: ameriki vaayusena ke ek sheersh general ne kaha hai ki Bhaarat aur America ke beech raksha saajhedaari keval America ke liye hi aham naheen hai, apitu Yeh Bhaarat ke liye bhi laabhadaayak hai. ameriki vaayusena ke cheef of staaf general mark velsh ne defence raaitars group ki ek baithak ke dauraan Bhaarat aur America ke beech raksha sambandhon par tippani karte hue kaha, mujhe lagta hai ki Yeh saajhedaari hamaare desh ke liye mahatvapoorn hai aur saath hi mera Yeh bhi maanana hai ki Yeh Bhaarat ke liye bhi laabhakaari hai. Velsh ne varsh ki shuruaat mein apne bhaarateeya samakaksh air cheef maarshal enaeke brown ki mejabaani ki thi aur unki kaafi prashansa ki thi. Velsh ne ummeed jataai ki aagaami kuchh maheenon mein unki America mein brown se jald mulaakaat hogi. unhonne kaha, mujhe bhaarateeya vaayusena pramukh ke saath baithak ke dauraan bahut aanand aaya tha. Vah shaanadaar aur bahut hi saksham insaan hain. Velsh ne kaha ki unki Bhaarat jaane ki yojana hai, lekin iski tithi abhi tay naheen hui hai. unhonne kaha, mujhe lagta hai ki majaboot saajhedaari ko viksit karne ki prakriya jaari rakhane ke liye hamaare paas bhaarateeya vaayusena se vaarta karne ka mauka hai aur Yeh saajhedaari samay ke saath bahut majaboot ho sakti hai. Mujhe lagta hai ki paisifik air forses aur ameriki paisifik command ki is saajhedaari ko banaane aur is par dhyaan dena kaafi dilchaspi hai.


Congress Ne Gareebon Ki Thaali Se Roti Chheen Li Narendra Modi

Congress Ne Gareebon Ki Thaali Se Roti Chheen Li Narendra Modi

Breaking »

Bemetara (Chhattisgarh): Chhattisgarh ke bemetara mein ek chunaavi rally mein pradhaanamantri pad ke bhaajapa ke ummeedavaar Narendra Modi ne ek baar fir Congress par jamkar nishaana saadha aur kaha ki Congress ne gareebon ki thaali se roti chheen li hai. Modi ne Congress pramukh soniya Gandhi aur Congress upaadhyaksh Rahul Gandhi par nishaana saadhate hue kaha ki ve yahaan aakar kehte hain ki humne Chhattisgarh ko itna rupaya diya. . . Kya Chhattisgarh vaale bheekh ka katora lekar khade hain. Yeh Chhattisgarh ki janta ka apamaan hai. Modi ne Congress par nishaana saadhate hue kaha ki aap maalik naheen ho, aapke man mein ahankaar bhara pada hai. Hindustan par raaj kaun kar raha hai, sarkaar kiski hai. . . Chhatteesadh Hindustan mein hai to Congress ka vigyaapan aata hai ki 'Congress laao, Chhattisgarh bachaao', jo saabit karta hai ki Delhi mein baithi sarkaar ne Chhattisgarh ko apna naheen maana hai. Modi ne kaha ki Congress vaadaakhilaafi karne mein mashahoor hai. Pehle UPA sarkaar Congress shaasit raajyon mein vaade poore kare, yahaan jhoothe vaade kyon karti hai. Congress apne shaasan vaale ek raajya mein 24 ghante bijli dekar dikhaae. . . Unhein Chhattisgarh mein jhoothe vaade karne ka hak naheen hai. Modi ne kaha ki Loksabha chunaavon ke dauraan 100 din mein mahangaai kam karne ka vaada kiya tha, lekin aaj tak mahangaai ruki naheen hai, balki din-b-din badhti hi ja rahi hai. Maaovaadi hinsa ka jikr karte hue Modi ne kaha ki Delhi sarkaar mein maaovaadiyon se mukaabale ki himmat naheen hai, isliye Yeh samasya badhti ja rahi hai. Chhattisgarh mein nirdosh logon ko bachaane ke liye raman Singh lad rahe hain, jabki Delhi mein aisi sarkaar hai, jo Chhattisgarh ka bhala dekhne ko taiyaar naheen hai. Modi ne aasmaan chhooti mahangaai ka jikr karte hue kaha ki aaj 26 rupaye mein 300 gram pyaaj aaega aur soniya ji kehti hain ki 26 rupaye kamaane vaala gareeb naheen hai. Unke liye gareeb insaan naheen hai, vah sirf unke liye vote ka tukada hai. raman Singh sarkaar ki taareef karte hue Modi ne kaha, Chhattisgarh bahut tej gati se aage badh raha hai. Congress sarkaar ke varishth mantri usaki taareef kar chuke hain. Raashtrapati aur vittamantri taareef kar chuke hain, lekin aap ne (Congress) Chhattisgarh ko bhramit kiya hai. Thoda homework karke aaie ki aapki sarkaar ne Chhattisgarh ko award diye hain, taareef ki, thoda to padhkar aaie. Raman Singh ne Chhattisgarh ko vipreet paristhiyon mein aage badhaaya hai. Delhi mein 10 saal tak rode atkaane waali sarkaar ke baavajood raman Singh ne Chhattisgarh ka vikaas kiya hai, main unako badhaai deta hoon.