FDI Neeti Ka Aur Adhik Udaareekaran Hoga Chidambaram

FDI Neeti Ka Aur Adhik Udaareekaran Hoga Chidambaram

Breaking »

Nai Delhi: Vittamantri pi Chidambaram ne Budhvaar ko kaha ki sarkaar videshi nivesh neeti ka aur adhik udaareekaran karegi aur usamein aur spashtata laaegi. Vittamantri ke roop mein ek saal poora karne ke mauke par samvaadadaata sammelan ko sambodhit karte hue Chidambaram ne kaha ki sarkaar poori shiddat se pratyaksh videshi nivesh (FDI) neeti ke udaareekaran par vichaar kar rahi hai. Unhonne ek August 2012 ko vitt mantraalaya ka jimma sambhaala tha. Unhonne kaha ki sarkaar jald hi bahubraand retail mein pratyaksh videshi nivesh (FDI) niyamon mein spashtata laaegi, jisse desh mein nivesh jutaane mein madad milegi. Vitt mantri ne kaha, "Vaanijya mantraalaya neeti mein spashtata laane ke antim charan mein hai. " unhonne saath hi kaha ki guruvaar ko mantrimandal ki baithak mein prastaav pesh kiya ja sakta hai. Sarkaar ne pichhle saal bahubraand retail kshetr mein 51 feesadi tak FDI ko anumati di thi. Abhi tak haalaanki is kshetr mein koi pratyaksh videshi nivesh naheen hua hai. Chidambaram ne ummeed jataai ki neeti mein spashtata ke baad videshi companiyaan bhaarateeya bahubraand kshetr mein pravesh kar sakti hain. Unhonne kaha, "Kuchh bade savaalon ke kaaran bahu brand retail mein FDI ruki hui hai. " Chidambaram ne kaha ki chaaloo khaata ghaata kam karne ke liye sarkaar kai kadam utha rahi hai, jo sakal ghareloo utpaad ke rikaard 4.8 feesadi tak pahunch gaya hai. Unhonne kaha ki sarkaar tel aur sone ke alaava gair jaroori mahange saamaanon ke aayaat ghataane par vichaar kar rahi hai. Vitt mantraalaya ne ummeed jataai ki chaaloo khaata ghaata ki bharpaai kar li jaaegi. Rupaye ke baare mein Chidambaram ne kaha ki rupaye mein haal mein hua avmoolyan apratyaashit hai. Unhonne kaha, "Rupaye ka koi star tay naheen kiya ja sakta hai, ham bas sthir mudra chaahate hain. " rupaya Budhvaar ko dollar ke mukaabale 61.18 ke star par pahunch gaya, isi maheene ke shuroo mein rupaye ke rikaard nichle star 61.21 ke atyadhik kareeb hai.


'Raadiya Ke Phone Tape Ke Kuchh Pahaloo Pareshaan Karne Vaale

'Raadiya Ke Phone Tape Ke Kuchh Pahaloo Pareshaan Karne Vaale

Breaking »

Nai Delhi: Sarvochch nyaayaalaya ne Budhvaar ko kaha ki poorv corporate lobbyist neera raadiya ke phone tape ki kai baatein pareshaan kar dene waali hain, aur CBI ne kaha hai ki unamein se kuchh ki jaanch jaroori hai. Sarvochch nyaayaalaya ke nyaayamoorti GS singhavi aur nyaayamoorti vi gopaal gauda ki peeth ne kaha, "CBI ne kai nishkarsh nikaale hain aur is pratilipi mein sambhaavit parinaam kai cheejon ko ujaagar karte hain. Ismein kai cheejein pareshaan kar dene waali hain. " Jaanch agency ne kaha ki ismein ek praarambhik jaanch (peei) shuroo kiye jaane aur pratilipi se sambandhit kuchh muddon par anya agencyon ke saath mil kar jaanch karne ki jaroorat hai. 5800 telephone vaartaaon vaale raadiya ke tepon ki jaanch par aadhaarit apni report mein agency ne Yeh baatein kahi hai, jise sarvochch nyaayaalaya ne sveekaar kar liya hai. CBI ne 15 July ko sarvochch nyaayaalaya ke rajistri ko raadiya ke tape ki jaanch se sambandhit apni report saunpi thi. Raadiya ke phone ko aayakar vibhaag ne tab nigraani ke daayare mein le liya tha, jab vitt mantraalaya ko ek anaam patra mila tha, jismein aarop lagaaya tha ki mahaj kuchh hi varshon mein is mahila ne 300 karod rupaye ka vyaapaarik saamraajya khada kar liya hai. Shikaayat mein raadiya ke videshi sampark hone ke bhi aarop lagaae gaye the. Iske baad uske phone par pahara lagaaya gaya. Aayakar vibhaag ne 2008-09 ke beech teen baar 60-60 dinon ke liye phone ko nigraani par rakha. Tape ko saarvajanik kiye jaane ki maang ko lekar ek gair-sarkaari sangathan dvaara daayar yaachika par adaalat sunavaai kar rahi hai. Tape mein kuchh gair-kaanooni ya aaparaadhik tathya shaamil hain. Maamale ki sunavaai guruvaar ko bhi jaari rahegi.


Andhra Ki Nai Rajdhani Ko Hyderabad Ke Samaan Viksit Karavaae Kendra Chandrabaaboo

Andhra Ki Nai Rajdhani Ko Hyderabad Ke Samaan Viksit Karavaae Kendra Chandrabaaboo

Breaking »

Hyderabad: Telagoo desham party ne kendra se tatkaal visheshagyon ki ek samiti ka gathan karne ko kaha hai taaki telangaana raajya ka gathan karne ke baad Andhra pradesh ki nai rajdhani ko viksit karne ke liye jaroori dhan ka aakalan kiya ja sake. Tedepa pramukh N chandrabaaboo Naidu ne kaha, ''Mote taur par hamaare aakalan ke anusaar nai rajdhani aur jaroori aadhaarbhoot sanrachana ke nirmaan ke liye chaar se paanch lakh karod rupaye ki jaroorat hogi. Nai rajdhani ko Hyderabad ke samaan viksit kiya jaana chaahiye. '' Naidu ne kendra ke samaksh telangaana raajya ke gathan se sambandhit aupachaariktaaen poori karne ke pehle kai maangein rakheen. Naidu ne kaha, ''Kendra ko nai rajdhani ke nirmaan ke liye poorn vitteeya sahaayata pradaan karni chaahiye. Kai keindreeya peeesayoo, shodh kendra aur agrani shaikshanik sansthaan Hyderabad mein hai. Usi tarah ke sansthaanon ka nirmaan (nae) Andhra pradesh mein kiya jaana chaahiye taaki us kshetr ke logon ko rojagaar ke avsar upalabdh hon. '' Naidu ne kaha, ''Iske atirikt kendra ko jal bantavaare, bijli, raajasv bantavaare aur rojagaar se sambandhit muddon ka samaadhaan karna chaahiye. In saari baaton ko raajya punargathan vidheyak mein shaamil kiya jaana chaahiye taaki samooche kshetr ke logon ko koi takaleef na ho. '' Naidu ne kaha ki visheshagya samiti ko in sabhi muddon ka adhyayan karna chaahiye. Iske aadhaar par kendra ko samayabaddh kaaryayojana aur nai rajdhani nagari ke vikaas ki uttam yojana ke saath aage aana chaahiye. Poorv mukhyamantri ne kaha ki keindreeya bajat filhaal 15 lakh karod rupaye ka hai aur vah agale 10 varshon mein 25 lakh karod rupaye pahunch jaaega. Isliye, dhan ki samasya naheen honi chaahiye. Unhonne kaha ki saath hi niji nivesh ke saath-saath aadhaarbhoot sanrachana ke vikaas aur rojagaar paida karne ke liye udyog sthaapit karne ke liye niji nivesh aakarshit karna chaahiye. Tedepa pramukh ne kaha ki unki party telangaana ke logon ki bhaavanaaon ka sammaan karti hai aur uske anusaar hi raajya ke bantavaare ke mudde par apna rukh jaahir kiya. Unhonne kaha, ''Ham hamesha apne rukh par kaayam hain. '' Naidu ne kaha ki yadyapi raajya aparihaarya paristhitiyon mein vibhaajit ho jaaega lekin sabhi telagoo bhaashiyon ko bina kisi durbhaavana ke ekajut rahana chaahiye. Apni party ke kuchh netaaon dvaara 'Hyderabad ko Bhaarat ki doosari rajdhani' banaane ki maang par tedepa adhyaksh ne kaha ki beeaar anbedakar ne varshon pehle Yeh sujhaav diya tha. Unhonne kaha, ''Dekhte hain cheejein kaisa roop leti hain. ''


Aaj Aadhi Raat Se Petrol 70 Paise, Diesel 50 Paise Hua Mahanga

Aaj Aadhi Raat Se Petrol 70 Paise, Diesel 50 Paise Hua Mahanga

Breaking »

Nai Delhi: Tel companiyon ne aaj aadhi raat se petrol ke daam mein 70 paise prati liter mahanga karne ka ailaan kiya hai. Saath hi diesel ke daam bhi 50 paise prati liter mahanga kiya gaya hai. Badhe hue daam Budhvaar aadhi raat se laagoo ho jaaenge. Gaurtalab hai ki antararaashtreeya mudra baajaar mein dollar ke mukaabale rupaye ki keemat mein lagaataar giraavat se tel companiyon par daam badhaane ka kaafi dabaav tha. Nai keematon ke saath Delhi mein petrol ki keemat 71.14 rupaye prati liter ho gaya hai. Mumbai mein petrol ki nai keemat 78.43 rupaye prati liter ho gayi hai, vaheen, Kolkata petrol ki nai ki mat 78.46 rupaye aur chennai petrol ki nai keemat 74.30 rupaye prati liter hogi. Ullekhaneeya hai ki is badhe hue daam ka asar badhi hui mahangaai par dikhaai dega.


Raajya Punargathan Aayog Fir Se Gathit Ho BJP

Raajya Punargathan Aayog Fir Se Gathit Ho BJP

Breaking »

Nai Delhi: BJP adhyaksh Rajnath Singh ne telangaana raajya banaane mein vilamb karne ke liye samprag ki aalochna karte hue Budhvaar ko kaha ki nae raajyon ke gathan ki maangon par vichaar karne ke liye raajya punargathan aayog ka fir se gathan kiya jaana chaahiye. Singh ne kaha, ''Kaash, jin yuvaaon ne pruthak telangaana raajya ke liye apni kurbaani di ve bhi iske gathan ko dekh paate. Hamein iska dukh hai. Aisa isliye hua kyonki Yeh nirnaya samay par naheen kiya gaya. '' Vibhinn samoohon dvaara vibhinn pruthak raajya banaae jaane ki maangon ke baare mein poochhe jaane par Singh ne kaha ki nae raajya punargathan aayog ka fir gathan hona chaahiye jo saamaajik-aarthik sthiti par vistrut report de. Unhonne kaha ki sabhi raajaneetik dalon se baat karke kendra ko raajya punargathan aayog gathan karne ke baare mein nirnaya karna chaahiye. BJP ke varishth neta Lal Krishna Advani ne mangalvaar ko kaha tha, ''Jahaan tak hamaara sambandh hai, hamaari party ka sambandh hai, agar hamaare dvaara teen raajya gathit kiye jaate samay telangaana raajya naheen ban saka to isliye ki humne apne gathabandhan sahayogi ka sammaan kiya. Anyatha humne tab hi aisa kar diya hota. '' Unka aashay telangaana raajya banaane ko lekar telagu desham party ke virodh se tha jo us samay raajag sarkaar ka samarthan kar rahi thi. Party ki anya varishth neta uma bhaarati ne bhi yahaan maang ki ki raajya punargathan aayog ka fir se gathan karke 'Bundelakhand raajya' sahit pruthak raajya banaane ke sabhi prastaavon par vichaar kiya jaae. Uma ne kaha, ''Raajya punargathan aayog ko fir se banaaya jaae aur alag raajya banaane ke jitne bhi anya prastaav faisale se vanchit rah gaye hain, un par bhi vichaar kiya jaae. '' Unhonne kaha ki inmein Madhya Pradesh aur uttar pradesh ke bundelakhand kshetron ko milaakar use pruthak raajya banaane aur uttar pradesh ko chaar raajyon mein baantane ke basapa pramukh maayaavati ke prastaav sahit aisi sabhi maangon par vichaar ho. Maayaavati ki maang ko haalaanki unhonne ''Raajaneeti se prerit'' bataate hue kaha ki jab chunaav kareeb hote hain, tabhi vah aisi maang uthaati hain. Loksabha chunaav kareeb aata dekh unhonne Yeh maang ki hai aur isse pehle UP ke apne shaasan ke antim dinon mein unhonne uttar pradesh ko 'Poorvaanchal, pashchim pradesh, avadh pradesh aur bundelakhand' mein baantane ka prastaav paarit karaaya tha. BJP neta ne kaha, baharahaal jis bhi uddeshya se pruthak raajyon ki maang ki gayi hon, achha yahi hoga ki raajya punargathan aayog ka fir se gathan ho aur usamein alag raajyon ke sabhi prastaavon par vichaar ke baad sansad mein un par vyaapak charcha se antim faisala kiya jaae. Telangaana raajya banaane ke samprag ke nirnaya par uma ne kaha, ''Is faisale se BJP ko prasannata ke saath shanka aur chinta bhi hai, kyonki ek to Congress mein hi ise lekar foot hai aur doosare Yeh ki is mudde par Yeh party baar-baar dhokhaadhadi karti I hai.


Shatrughn Sinha Ko Yashavant Ka Sujhaav, Uma Ka Taana

Shatrughn Sinha Ko Yashavant Ka Sujhaav, Uma Ka Taana

Breaking »

Nai Delhi/ hajaareebaag: BJP neta shatrughn sinha ke neeteesh ki taareef karne ke ek din baad party ke anya varishth neta yashavant sinha ne 'Bihaari babu' ko hidaayat di hai ki is tarah ke bayaan se bachein. Mangalvaar ko hi shatrughn sinha ne kaha tha ki neeteesh Kumar mein PM banane laayak sabhi gun hain aur vah pad sambhaalne ke liye poor tarah saksham hain. Yashavant sinha ne kaha ki aise samay jab party ke JDU ke saath sambandh nimnatam star par hain, tab 'Bihaari babu' is prakaar ke bayaan se bachana chaahiye. Uma ne savaalon ke javaab mein kaha, ''Shatrughn sinha itna jyaada 'Shoot' karte hain ki unki or se ki jaane waali prashansa ya aalochna ka koi mahatva naheen bacha hai. '' unhonne kaha, ''Shatrughn aur digvijya Singh ko sabse bada dand dena Yeh hoga ki unki baaton par pratikriya hi naheen ki jaae. '' Bhaajapa ke pravakta shaahanavaaj husain ne kaha, ''Party Yeh jaroor chaahati hai ki usaka har neta anushaasan mein rahe aur use jo kuchh kehna hai party ke manch par hi kahe. '' Neeteesh Kumar ko pradhaanamantri maiteeriyl bataane ki sinha ki tippani par unhonne kaha ki samvidhaan kehta hai ki jo Loksabha mein 272 saansad juta lega vah pradhaanamantri ban jaaega aur ''Shatrughn sinha jis party mein hain keval usi mein Yeh sankhya jutaane ka dam hai. ''(input bhaasha se bhi)


Pak Sainik Ne Kholi Apni Sarkaar Ke Jhoothe Daavon Ki Pol

Pak Sainik Ne Kholi Apni Sarkaar Ke Jhoothe Daavon Ki Pol

Breaking »

nai Delhi. . Kargil vaur mein shaheed hue captain saurabh kaaliya aur unke paanch saathiyon par Pakistan ke jhooth ki pol uske hi ek sainik ne khol di hai. Is Pakistani sainik ne peeteevi ke ek program mein bataaya ki captain kaaliya aur unke saathi daraasal unki hi goliyon se maare gaye the. Captain kaaliya aur unke paanch saathiyon ko Pak sainakon ne bandhak banaakar amaanaveeya yaatanaaen di theen aur unke ang bhang kar shav Bhaarat ko saunpe gaye the. Pakistan apne sainikon ki is kartoot par ab tak parda daalata aaya hai. Pakistan ke tatkaaleen gruh mantri Rahman malik ne Bhaarat daure ke dauraan kaha tha ki koi jaroori naheen hai ki captain kaaliya aur unke saathiyon ki maut Pakistani sainikon ki goli se hui ho. Ve mausam ki vajah se bhi maare gaye ho sakti hain. Lekin ab Pakistan sainik ne hi unke is jhooth se parda utha diya hai. You-tube par aae is vidiyo mein Pakistan ka ek sainik poori ghatna ko silsilevaar dhang se bata raha hai. Yeh sainik kehta tha, 'Dushman ka ek ataik hamaare oopar 13 May ko aaya. Ve hamaari post par kabja karna chaahate the. Leftinet kaaliya ke saath unke 6 bande hamaara shikaar karne ke liye aae the aur khud shikaar ho gaye. Humne unki soochana captain Ali Akhtar ko di aur unhonne kaha ki unhein paas aane diya jaae. Ve tab tak LOC paar kar chuke the. Jab ve najadeek aae to humne unhein kaid karne ki koshish ki, lekin ve bhaagane lage. Is baad humne un par fire karva diya. Humne 6 laashon ko unhein vaapas le jaane ko kaha,lekin kisi ne himmat naheen aaya. Humne iske baad dastoor ke mutaabik lieutenant kaaliya ke saath paanch laashon ko vaapas kar diya. ' haalaanki Pakistan sainik ne yahaan captain kaaliya aur unke saathiyon par aadha-adhoora sach hi saamane rakha hai. Unke ang-bhang ki baat vah badi safaai se pacha gaya. Udhar, us vidiyo se shaheed captain saurabh ko insaaf dilaane ke liye 13 saal se lad rahe unke retired saaintist pita N. Ke. Kaaliya ko ummeed ki kiran najar I hai. Ve ab is vidiyo ko adaalat mein saakshya ke taur par pesh karne ki taiyaari mein hain. N. Ke. Sarkaar se is maamale ko intaranaishanal judishl forum mein uthaane ki maang ko lekar kaanooni ladaai lad rahe hain. 22 dinon tak di theen amaanaveeya yaatanaaen: 4 jaat rejimeint mein kamishn milne ke theek baad captain saurabh kaaliya ko Kargil mein posting di gayi thi. May 1999 mein captain saurabh kaaliya apne 5 saathiyon arjun Ram, bhanvar laal, bheekhaaraam, moola Ram va naresh Singh ke saath gasht par gaye the. 15 May, 1999 ko Pak sena ne inhein bandi bana liya tatha 22 dinon tak amaanaveeya yaatanaaen Dean. Yahaan tak ki in veeron ke ang-bhang kar daale tatha shareer ko garm sariye va sigret se daaga gaya. Pakistan ne 9 June, 1999 ko in shaheedon ke shav bhaarateeya adhikaariyon ko saunpe.


Uttaraakhand Kedaaranaath Mein Esadeeem Nadi Mein Bahe

Uttaraakhand Kedaaranaath Mein Esadeeem Nadi Mein Bahe

Breaking »

Deharaadoon: Uttaraakhand ke ek esadeeem nadi mein bah gaye hain. Bataaya ja raha hai ki kedaaranaath ilaake mein Yeh haadasa hua hai. Jaankaari ke anusaar esadeeem ka naam Ajay aroda hai aur vah almoda mein tainaat the. Vistrut khabar ka intajaar hai. . . .


Aaiees Durga Shakti Naagapaal Ko Mil Sakti Hai Chargesheet

Aaiees Durga Shakti Naagapaal Ko Mil Sakti Hai Chargesheet

Breaking »

Lucknow: Kendra sarkaar ne nilambit aaiees adhikaari durga shakti naagapaal ko lekar UP sarkaar se report maangi hai. Vaheen, sootron ka kahan hai ki raajya sarkaar ne nilanban vaapas lene ke bajaay esadeeem ko chargesheet dene ka man bana liya hai aur javaab talab kiya jaaega. Sootron ka kehna hai ki niymaanusaar yadi chargesheet ke javaab se sarkaar santusht naheen hui tab aage ki kaarravaai ki jaaegi. Is maamale mein keindreeya mantri naaraayanasaami ne kaha hai ki durga ka paksh bhi sarkaar jaanegi. Naaraayanasaami ne kaha hai ki agar durga par galat kaarravaai hui hai tab kendra dakhal dega. UP sarkaar ne greater Noida mein tainaat aaiees durga shakti naagapaal ko suspend kar diya. Sarkaar ne vajah bataai ki ek masjid ki deevaar giraane mein durga ne laaparavaahi barati, jabki vipakshi dalon ka kehna hai ki durga ko ret maafiya ke dabaav mein suspend kiya gaya kyonki vah ret maafiya ke khilaaf kaarravaai kar rahi theen. Idhar, durga shakti ke nilanban par ab raajaneeti bhi tej ho gayi hai. Maayaavati ne UP ki Akhilesh sarkaar par hamla bolte hue kaha ki UP mein gunda aur maafiya raaj hai. Unhonne kaha ki maaining maafiya ki pol kholne ki saja ek imaandaar aaiees afsar durga shakti naagapaal ko jhelni pad rahi hai. Congress aur BJP ne bhi durga ke nilanban ko galat bataate hue unhein fir se bahaal karne ki maang ki hai. Vaheen, UP sarkaar ke varishth mantri shivpaal Yadav ka kehna hai ki durga ke nilanban ka maaining maafiya se koi lena−dena naheen hai. Unhonne kaha ki Yeh kehna galat hoga ki unhein imaandaari ki saja mili hai.


Lucknow Muslim Samudaaya Ke Do Guton Mein Jhadap Ke Baad Tanaav

Lucknow Muslim Samudaaya Ke Do Guton Mein Jhadap Ke Baad Tanaav

Breaking »

Lucknow: Uttar pradesh ki rajdhani Lucknow mein Budhvaar ko ramajaan juloos nikaalne ke dauraan muslim samudaaya ke do guton mein jhadap ke baad patharaav, todfod aur aagajaani hui. Ghatna mein do logon ke ghaayal hone ki khabar hai. Poore ilaake mein tanaav vyaapt hai. Puraane Lucknow ke nakkhaas ilaake mein raamajaan juloos ke dauraan do guton mein kisi baat ko lekar vivaad ho gaya, jo dekhte hi dekhte hinsak ho gaya. Donon pakshon ne ek-doosare par patharaav kiya. Dukaanon aur vaahanon mein tod-fod aur aagajani ki gayi. Haalaat ko kaaboo mein karne ke liye police ko laatheechaarj karna pada. Lucknow ke police pravakta aalok paathak ne bataaya ki filhaal haalaat poori tarah se niyantran mein lekin tanaavapoorn hain. Ise dekhte hue poore ilaake mein bhaari police bal ke saath praanteeya sashastr bal (PAC) ki tainaati ki gayi hai. Ghatna ke baad pados ke ilaakon jaise chauk, nakkhaas, kaisarabaag bhi tanaav ki chapet mein hai. Vahaan bhi atirikt police bal lagaaya gaya hai. Paathak ne kaha ki pata lagaaya ja raha hai ki aakhir vivaad kis baat ko lekar hua.


Pehli Timaahi Mein ICICI Bank Ka Munaafa 25 Pratishat Badha

Pehli Timaahi Mein ICICI Bank Ka Munaafa 25 Pratishat Badha

Breaking »

Nai Delhi: Niji kshetr ke ICICI bank ka ekal shuddh munaafa 30 June, 2013 ko samaapt timaahi ke dauraan 25 pratishat badhkar 2,274.21 karod rupaye ho gaya. Aisa byaaj se hone waali aay (enaaaiaai) mein badhotri ke kaaran hua. Desh ke niji kshetr ke sabse bade bank ka ekal shuddh munaafa vittavarsh 2012-13 ki April-June ki timaahi mein 1,815.05 karod rupaye tha. Chaaloo vittavarsh ki June ki timaahi mein bank ki shuddh byaaj aay (enaaaiaai) 20 pratishat badhkar 3,820 karod rupaye ho gaya, jabki kul aay 13 pratishat badhkar 12,905 karod rupaye ho gayi. Bank ki gair nishpaadak aastiyaan (NPA) pehli timaahi ke ant tak badhkar 0.69 pratishat ho gain, jo pichhle saal ki isi timaahi mein 0.64 pratishat theen. NPA ke liye is timaahi mein dhan ka praavadhaan badhaakar 593 karod rupaye kar diya gaya, jabki pichhle saal ki isi timaahi mein Yeh 466 karod rupaye tha. Haalaanki shuddh byaaj margin pehli timaahi ke ant tak badhkar 3.27 pratishat ho gaya, jabki pichhle saal ki isi avadhi mein Yeh 3.01 pratishat tha. June ki timaahi mein kul rin 12 pratishat badhkar 3,01,370 karod rupaye ho gaya. Ekeekrut aadhaar par ICICI bank ka shuddh munaafa pehli timaahi mein 32 pratishat badhkar 2,747 karod rupaye ho gaya. Pichhle vittavarsh ki pehli timaahi mein bank ko 2,077 karod rupaye ka ekeekrut shuddh munaafa hua tha.


Spain Rel Durghatana Durghatana Ke Vakt Phone Par Vyast Tha Chaalak

Spain Rel Durghatana Durghatana Ke Vakt Phone Par Vyast Tha Chaalak

Breaking »

Madrid: Spain ki ek adaalat ne pichhle saptaah hue rel haadase maamale ki sunavaai ke dauraan Yeh nishkarsh nikaala ki relagaadi ke patari se utarane ke dauraan chaalak phone par baatein kar raha tha. Is ghatna mein 79 logon ki maut ho gayi thi. 25 July ko Yeh relagaadi yooropiyn rel traffic management system ki seema se kuchh sau meter ki doori par patari se utar gayi thi. Samaachaar agency sinhuaa dvaara mangalvaar ko di gayi jaankaari ke mutaabik, jaanchakartaaon ne bataaya ki chaalak fraansisko jos gaarjan ko us dauraan rel company renafe se phone aaya tha, jismein relamaarg ki disha par charcha ho rahi thi. Adaalat ne Yeh nishkarsh relagaadi ke aankade ke rikaardar ka vishleshan kar nikaala, jo relagaadi ki chaal, doori aur anya aakande ko darj karta hai. Us dauraan relagaadi 192 kilometer prati ghante ki raftaar se daud rahi thi jabki usaki nirdhaarit raftaar 80 kilometer prati ghanta tha. Chaalak ko laaparavaahi ke kaaran maanav hatya ka aaropi banaaya gaya hai. Gaarjan (52) ke sahakarmiyon ne use anubhavi relakarmi bataaya hai, jisne lagbhag 30 saalon tak renafe ke saath kaam kiya tha. Yeh Spain mein pichhle 40 saalon mein hua ab tak ka sabse bada rel haadasa tha.


Aayakar Return Jama Karaane Ki Antim Tithi Ab 5 August

Aayakar Return Jama Karaane Ki Antim Tithi Ab 5 August

Breaking »

Nai Delhi: Sarkaar ne aaj aayakar return jama karaane ki antim tithi paanch din badhaakar 5 August kar di. Vitt mantraalaya ne kaha, aayakar return jama karaane ki antim tithi aaj yaani 31 July thi. Ilektraanik tareeke se aayakar return mein bharne vaalon ki sankhya mein vruddhi ko dekhte hue antim tithi badhaai gayi hai. Kardaataaon ki suvidha ke maddenajar aayakar return jama karaane ki antim taareekh 31 July, 2013 se badhaakar 5 August, 2013 kar di gayi hai. Keindreeya pratyaksh kar board (seebeedeeti) ke anusaar, electronic return mein abhootapoorv vruddhi hui hai. 30 July tak kul 92 lakh return E. Faailing tareeke se daakhil kiye gaye hain. Yeh pichhle saal ki isi avadhi ki tulana mein 46.8 pratishat adhik hai.


Iraq Mein Hinsa, 22 Logon Ki Maut

Iraq Mein Hinsa, 22 Logon Ki Maut

Breaking »

Baghdad: Iraq mein hue silsilevaar hamlon mein 22 log maare gaye hain, jinmein saat policekarmi bhi shaamil hain. Al Qaeda se jude ek sangathan ne in hamlon ki jimmedaari li hai. Saal 2008 mein jaateeya hinsa se ubarane ke baad se Iraq sabse bheeshan hinsa ka saamana kar raha hai. Sanyukt raashtra mahaasachiv baan ki moon ne somvaar ko Iraqi netaaon ka aahvaan kiya ki ve desh ko vaapas patari par laaen. Doosari or Iraqi gruh mantraalaya ne desh mein gruh yuddh ki aashanka jataai hai. Iraq ke vibhinn hisson mein mangalvaar ko hue hamlon mein 22 logon ki maut ho gayi. Al Qaeda se jude sangathan 'Islaamik state of Iraq end levaant' ne daava kiya hai ki ye hamle usane kiye hain.


2015 Mein Bhi Vishwacup Jeet Sakta Hai Bhaarat Kapil Dave

2015 Mein Bhi Vishwacup Jeet Sakta Hai Bhaarat Kapil Dave

Breaking »

Melbourne: Varsh 1983 mein Bhaarat ke liye pehli baar cricket vishwacup jeetne vaale kaptaan Kapil Dave ko lagta hai ki maujooda bhaarateeya khilaadiyon ka aatmavishvaas badh raha hai, aur vah videshi sarjameen par lagaataar jeet darj kar sakte hain. Kapil Dave ke anusaar, Australia-New Zealand mein varsh 2015 mein hone ja rahe cricket vishwacup mein team India apne khitaab ko barkaraar rakh sakti hai. Bhaarateeya team haal mein ghareloo aur videshi maidaanon par champion ki tarah kheli, lekin Kapil Dave ko lagta hai ki England mein is saal chaimpiyns trophy mein mili jeet varsh 2015 mein hone vaale cricket vishwacup ke liye aham saabit ho sakti hai. Kapil Dave ne Melbourne mein mangalvaar ko cricket vishwacup 2015 ke kaaryakram ki ghoshana ke mauke par kaha, mujhe lagta hai ki haal mein Yeh ho raha hai, team ne khud par vishvaas karna shuroo kar diya hai, aur yahi aatmavishvaas hai. . . Unhonne kaha, mujhe lagta hai ki chaimpiyns trophy ko jeetne se unke aatmavishvaas mein kaafi badhotri hui. . . Ham sirf itni ummeed kar rahe hain ki ve jis tarah se khel rahe hain, us laya ko jaari rakhein. . . Kapil Dave ne kaha ki antararaashtreeya khilaadiyon ke Bhaarat mein IPL khelne se cricketeron ke beech vichaaron ke aadaan-pradaan se bhaarateeya khilaadiyon ki sochane ki pravrutti ko badalne mein madad mili hai. Unhonne kaha, mujhe lagta hai ki vichaaron mein bhi badlaav hua hai aur Yeh bhaarateeya team ke liye achhi cheej hai.


Zimbabwe Ke Khilaaf Chauthe Van-de Mein Team Mein Ferabadal Kar Sakta Hai Bhaarat

Zimbabwe Ke Khilaaf Chauthe Van-de Mein Team Mein Ferabadal Kar Sakta Hai Bhaarat

Breaking »

Bulaavaayo: Shrunkhala mein 3-0 ki vijayi badhat banaane ke baad team India Zimbabwe ke khilaaf guruvaar ko chauthe van-de mein apni bench streinth ko aajama sakti hai. Teesare van-de mein saat wicket se mili jeet se Bhaarat ne shrunkhala mein 3-0 ki badhat bana li lihaaja ab baaki do match aupachaarikta maatr bache hain. Team prabandhan aise mein team sanyojan mein prayog kar sakta hai. Bhaarateeya team se pramukh khilaadiyon ko aaraam dekar cheteshvar pujaara, Parvez rasool, mohit sharma aur ajinkya rahaane ko mauka diya ja sakta hai. Rahaane ko paari ki shuruaat ka aur pujaara ko madhyakram ko majabooti dene ka jimma saunpa ja sakta hai. Vaheen Jammu-Kashmir ke harfanmaula Parvez rasool ko harfanmaula Ravindra jadeja ya amit mishra ki jagah utaara ja sakta hai. Tej geindabaaj mohit ke liye team mein jagah banaana mushkil hoga, kyonki jayadev unaadakat, mohammad shami ne achha pradarshan kiya hai. Ab dekhna Yeh hai ki kaptaan viraat Kohli kharaab firm mein chal rahe aar vinaya Kumar ki jagah mohit ko mauka dete hain ya naheen. Kohli aur shikhar dhavan ne sarvaadhik run banaae hain, jabki Ambati raayudoo ne teen van-de mein 101 run jode hain. Rohit sharma abhi tak teen maichon mein 35 run bana sake hain. Unki najarein apna form haasil karne par hogi. Geindabaaji mein amit mishra ne nau wicket liye hain.


Britain Mein Bollywood Ki Sabse Badi Release Hogi 'Chennai Express

Britain Mein Bollywood Ki Sabse Badi Release Hogi 'Chennai Express

Breaking »

London: Bollywood superstar Shahrukh Khan ki film 'Chennai express' Britain mein release hone waali bhaarateeya filmon mein ab tak ki sabse badi release hogi. Haasya aur mauj-masti se bharpoor film mein abhineta ke saath unki sah-kalaakaar deepika Padukon hain aur film ka nirdeshan rohit Shetty ne kiya hai. Yeh film Eid ke mauke par duniya bhar mein agale shukravaar ko release hogi. Prachaar ke liye aae Shahrukh Khan ne kaha, main is baat se bahut khush hoon ki film itne bade star par release ho rahi hai. Britain ke darshak to bahut hi shaanadaar hain. Mujhe naheen lagta ki abhinetaaon ki koi kshetreeya appeal hoti hai, lekin mujhe Yeh bhi sveekaar karna hoga ki yahaan ke darshakon mein meri lokapriyta thodi kam hai. Madhya London ke kortahaaus hotel mein samvaadadaataaon se baatcheet mein Shahrukh ne kaha, main unase poori vinmrata ke saath ye aagrah karoonga ki ve meri filmein yoon hi dekhte rahein. Ye film bahut masti se bhari hai. Is tarah ki film mainne isse pehle naheen ki thi. Shahrukh ki is film ke Britain mein 125 cinemagharon mein aur 170 screen par release hone ki sambhaavana hai, jo Britain mein ab tak ki sabse badi release film hogi. Stoodiyoj for dijni UTV ke prabandh nideshak, sah nirmaata aur film ke vitrak siddhaarth Roy Kapoor ne kaha, choonki is film mein Shahrukh hain aur Yeh ek vyaavasaayik manoranjak film hai, to iska itne bade star par release hona laajimi tha. Maarketing ke lihaaj se bhi humne poori koshish ki hai. Ham bas Yeh nishchit karna chaahate the ki is tyohaari season mein logon ki pehli pasand yahi film ho.


Dubai Ke Jameen Jaayajaad Baajaar Mein Bhaarat Sabse Bada Niveshak

Dubai Ke Jameen Jaayajaad Baajaar Mein Bhaarat Sabse Bada Niveshak

Breaking »

Dubai: Dubai ke jameen jaayajaad ke baajaar mein Bhaarat is samay sabse bada niveshak ban gaya hai. Ek rapat ke anusaar, 2013 ki pehli chhamaahi mein bhaarateeyon ne vahaan 132.6 arab rupaye se adhik ke saude kiye. Dubai ke bhoomi vibhaag dvaara jaari chhamaahi rapat ke anusaar, reeyal estate baajaar mein 877.5 arab rupaye ka nivesh hua. Pehle chhah maheenon mein bhaarateeyon ne yahaan ki jameen jaayajaad mein 132 arab rupaye se adhik ki sampatti khareedi. Pichhle poore saal mein vahaan ki sampatti baajaar mein bhaarateeyon ka nivesh 149 arab rupaye tha. America ke bhoomi vibhaag ke nideshak ne kaha ki dubai ka jameen jaayajaad baajaar ooncha faayda dene vaala hai aur ismein sthaayitv hai.


Somadev Ne City Open Mein Gat Champion Ko Haraaya

Somadev Ne City Open Mein Gat Champion Ko Haraaya

Breaking »

Washington: Bhaarat ke somadev Devburman ne gat champion alekjeindar dolgopolov ko city open tennis mein 6-3, 7-6 se haraakar quarter final mein pravesh kar liya. Ukren ke nauveen vareeyata praapt dolgopolov ranking mein somadev se 104 paayadaan oopar hain. Vishv ranking mein 129vein sthaan par kaabij somadev ne oonchi ranking vaale pratidvandvi ke khilaaf nau S lagaae. Somadev ne sirf ek baar dabalafaalt kiya jabki uske pratidvandvi ne aath baar dabalafault kar daale. Qualifier ke jariye yahaan tak pahunche somadev ka saamana guruvaar ko America ke aathaveen vareeyata praapt jaan isaner se ho sakta hai. Somadev ne kaha, main bahut khush hoon. Yeh kathin pratidvandvi tha. Mainne achha khela. Shuruaat mein ki gayi usaki galatiyon ka mainne faayda uthaaya. Delhi raashtramandal khelon ke svarn padak vijeta somadev ne cheen mein 2010 Asiaee khelon mein purush ekal aur yugal donon mein peela tamaga jeeta tha.


Maayaavati Ne Fir Ki Uttar Pradesh Ko Chaar Hisson Mein Baantane Ki Maang

Maayaavati Ne Fir Ki Uttar Pradesh Ko Chaar Hisson Mein Baantane Ki Maang

Breaking »

Lucknow: Pruthak telangaana raajya ke gathan ki taiyaariyon ke beech bahujan samaaj party (basapa) pramukh maayaavati ne aaj Vidarbh evam gorakhaalaind ke gathan ke saath-saath uttar pradesh ko bhi chaar hisson mein baantane ki maang doharaai. Maayaavati ne yahaan samvaadadaata sammelan mein kaha, hamaari party telangaana raajya sthaapit karne ki maang ka shuroo se hi samarthan karti aa rahi hai. Ab telangaana raajya banane ja raha hai. Aisi sthiti mein basapa ki maang hai ki kendra desh ke anya bade raajyon ka punargathan karne ke saath-saath Vidarbh aur gorakhaalaind ko bhi gathit kare. Saath hi uttar pradesh ko bhi chaar raajyon mein baantane ki prakriya jald se jald poori ki jaae taaki vikaas aur saamaajik nyaaya ka maarg prashast ho sake. Unhonne kaha, uttar pradesh ke jo log kendra mein mantri hain, unhein raajya punargathan ke maamale mein havaai bayaanbaaji karne ke bajaay is par kendra ki muhar lagavaane ke liye dabaav banaana chaahiye. Maayaavati ne kaha ki basapa Dr. Bheemaraav ambedakar ki maanavataavaadi soch ke mutaabik, desh mein chhote raajyon aur anya chhoti prashaasanik ikaaiyon ki prabal samarthak rahi hai taaki janta ko behtar aur aasaani se suvidha mil sake. Unhonne kaha ki isi avadhaarana ko amali jaama pahanaate hue unki pichhli sarkaaron ne na sirf anek nai tahaseelein, jile, mandal aur police range banaae, balki uttaraakhand banane ke baavajood uttar pradesh ko chaar alag-alag bhaagon poorvaachal, bundelakhand, pashchimi pradesh tatha avadh pradesh mein baantane ka prastaav vidhaanasabha se paarit karaakar 23 November 2011 ko kendra ko bheja gaya. Maayaavati ne kaha, lekin dukh ki baat Yeh hai ki abhi tak Yeh maamala kendra ke samaksh lambit hai. Haalaanki samvidhaan ki dhaara teen ke tahat nae raajyon ka praavadhaan sansad ke dvaara kendra mein nihit hai.


Echaseeel Teknolaujeej Ka Chauthi Timaahi Ka Munaafa 41.6 Pratishat Badha

Echaseeel Teknolaujeej Ka Chauthi Timaahi Ka Munaafa 41.6 Pratishat Badha

Breaking »

Nai Delhi: Bhaarat ki chauthi sabse badi software seva niryaatak echaseeel teknolaujeej ka munaafa 30 June 2013 ko samaapt timaahi mein 41.6 pratishat badhkar 1,209.6 karod rupaye ho gaya. Echaseeel ne Mumbai share baajaar ko aaj Yeh jaankaari di. Company ko pichhle saal ki isi timaahi mein 854.1 karod rupaye ka munaafa hua tha. Company ne bataaya ki sameekshaadheen avadhi mein company ki samekit aay 17.3 pratishat badhkar 6,9442.2 karod rupaye ho gayi, jo pichhle saal ki isi avadhi mein 5,919.1 karod rupaye thi.


Delhi Jeenayoo Mein Ladki Par Jaanleva Hamla, Hamlaavar Ne Ki Khudakushi

Delhi Jeenayoo Mein Ladki Par Jaanleva Hamla, Hamlaavar Ne Ki Khudakushi

Breaking »

Nai Delhi: Rajdhani Delhi ke pratishthit Jawahar laal Nehru vishvavidyaalaya (jeenayoo) parisar sthit school of laingvej ki doosari manjil par chal rahi ek class ke dauraan Budhvaar ko lagbhag 11: 30 baje ek ladke ne ek ladki par kulhaadi se jaanleva hamla karte hue use gambhir roop se ghaayal kar diya. Is vaaradaat ke baad hamlaavar ladke aakaash ne jahar kha liya aur khud ka gala kaat liya. Use gambhir haalat mein ems trauma center mein bharti karaaya gaya tha, jahaan ilaaj ke dauraan usaki maut ho gayi. Ghaayal ladki ka aspataal mein ilaaj jaari hai. Ladke ki umr 23 saal, jabki ladki ki umr 22 saal bataai gayi hai. Police maamale ki jaanch kar rahi hai aur is sambandh mein jeenayoo prashaasan se bhi poochh-taachh ki gayi hai. Haalaanki hamle ke peechhe ki asli vajah kya hai, is baare mein abhi kuchh naheen bataaya gaya hai.


Bhaarati Airtel Ka Munaafa Pehli Timaahi Mein 9.6 Pratishat Gira

Bhaarati Airtel Ka Munaafa Pehli Timaahi Mein 9.6 Pratishat Gira

Breaking »

Nai Delhi: Doorasanchaar kshetr ki pramukh company bhaarati Airtel ka munaafa 30 June, 2013 ko samaapt timaahi ke dauraan 9.6 pratishat girkar 688.9 karod rupaye rah gaya. Company ko pichhle vittavarsh ki isi timaahi mein company ko 762.2 karod rupaye ka munaafa hua tha. Company ke liye Yeh lagaataar 14veen timaahi hai, jabki usaka timaahi nateeja gira hai. Sameekshaadheen avadhi mein Airtel ki aay 9.3 pratishat badhkar 20,299.5 karod rupaye ho gayi, jabki pichhle saal ki isi timaahi mein company ko 18,570.3 karod rupaye ki aamdani hui thi. Company ke adhyaksh suneel bhaarati mittal ne ek bayaan mein kaha, is timaahi ke nateeje se parichaalan mein sthirta dikhti hai aur vruddhi ki sambhaavana dikhti hai. June, 2013 ki timaahi mein company ki desh bhar mein prati mobile upabhokta se hone waali ausat aay (eaarapeeyoo) badhkar 200 rupaye ho gayi, jo pichhle saal ki isi avadhi mein 16 rupaye thi. Is timaahi mein derivative aur vinimay dar mein utaar-chadhaav ke kaaran hone vaala nuksaan 534 karod rupaye raha, jabki pichhle saal ki isi timaahi mein 160 karod rupaye ka laabh hua tha.


Yaadon Mein Rafi 'Tum Mujhe Yoon Bhula Na Paaoge. . .

Yaadon Mein Rafi 'Tum Mujhe Yoon Bhula Na Paaoge. . .

Breaking »

Nai Delhi: 'Tum mujhe yoon bhula na paaoge. . . ' Yeh geet sunate hi aaj bhi mohammad rafi ka chehara aankhon ke aage aa jaata hai. . . Ya doosare chhor se dekhein, to mohammad rafi ka naam yaad aate hi yahi geet sabse pehle antar mein bajne lagta hai. . . Aaj 31 July ko Bollywood ke sabse mashahoor rahe paarshvagaayak mohammad rafi saahab ko gujre hue 33 varsh beet gaye hain, lekin chaahe romantic gaane hon, dardabhare nagame, shaadi-byaah ka maahaul, deshbhakti geet ya bhajan unke gaae geeton ka jaadoo aaj bhi barkaraar hai. . . Punjab ke Kotla sultaan Singh gaanv mein 24 December, 1924 ko ek madhyamavargeeya muslim parivaar mein janme rafi saahab bachapan mein ek fakeer ke gaae geeton ko bahut dhyaan se suna karte the, aur unheen se prerana lekar aakhirkaar vah suron aur aavaaj ki duniya ke betaaj baadshah bane. . . Bachapan mein unhein apne parivaar se bhi shauk ko poora karne mein sahayog aur madad mili, aur unhonne Lahore mein ustaad abdul vaahid Khan se sangeet ki shiksha leni shuroo kar di. . . Iske alaava rafi saahab ne gulaam Ali Khan se bhaarateeya shaastreeya sangeet bhi seekha. . . Apne samay ke prasiddhatam abhinetaaon ko aavaaj dene vaale rafi saahab sanbhavat: Hindustan ke ekamaatr gaayak hain, jinhonne kisi anya paarshvagaayak ke liye bhi geet gaae. . . Film 'Raagini' mein 'Man mora baavara. . . ' aur 'Sharaarat' mein 'Ajab hai daastaan teri Yeh jindagi. . . ' kishor ke aise geet hain, jinhein mohammad rafi ne kishor Kumar ke liye gaaya. . . Vaise mohammad rafi ne apna pehla filmi geet varsh 1944 mein bani punjabi film 'Gul baloch' ke liye gaaya tha, jiske sangeet nirdeshak shyaam sundar the, lekin pehla hindi filmi geet gaane ka avsar unhein naushaad ne film 'Pehle aap' mein diya. . . Varsh 1946 mein Mumbai aakar bas gaye rafi saahab ne varsh 1949 mein naushaad ke hi sangeet nirdeshan mein 'Dulaari' film ke geeton se safalta ki oonchaaiyon ko chhuaa, aur uske baad ka lamba arasa hindi film jagat mein 'Rafi ka yug' kaha jaata hai. . . Vaise bataaya jaata hai ki rafi ne apna pehla saarvajanik pradarshan 13 saal ki umr mein tab kiya tha, jab vah apne bade bhaai ke saath ek kaaryakram mein gaye the, aur bijli chale jaane ke kaaran keel sahagal saahab ne gaane se inkaar kar diya. . . Kehte hain, isi kaaryakram mein shyaamasundar maujood the, aur unhonne hi rafi ko Mumbai aane ka bulaava bheja tha. . . Lagbhag 700 filmon ke liye 26,000 se bhi zyaada geet gaane vaale rafi saahab ne vibhinn bhaarateeya bhaashaaon ke alaava angreji aur anya Europeeya bhaashaaon mein bhi geet gaae. . . Unhein chhah baar filmafeyar puraskaar se sammaanit kiya gaya, aur varsh 1965 mein Bhaarat sarkaar ne unhein padmashri se navaaja. . . Apne sakriya kaal ke dauraan Bollywood ke lagbhag har bade abhineta ko apni aavaaj se amar kar dene vaale rafi ka 31 July, 1980 ko nidhan ho jaane ke baad bhaari baarish ke beech bhi Mumbai ki sadkon par hajaaron ki bheed ikatthi ho gayi thi, kyonki unke beech se gujr raha tha, us aavaaj ka janaaja, jisne saalon tak unke dilodimaag par chhaae rahakar unhein sukoon bakhsha tha. . .


Sarkaar Ka Chunaavi Tohafa, Gaanvon Mein Baante Jaaenge Muft Mobile

Sarkaar Ka Chunaavi Tohafa, Gaanvon Mein Baante Jaaenge Muft Mobile

Breaking »

Nai Delhi: Chunaav poorv lok-lubhaavan upaayon mein sashaktikran ke uddeshya se shuroo kiye ja rahe ek nae kaaryakram ke tahat pratyek graameen parivaar ke us ek sadasya ko mobile phone muft mein mil sakta hai, jisne mahaatma Gandhi raashtreeya graameen rojagaar guaranty kaanoon (manarega) ke tahat poore 100 din kaam kar liya hai. Adhikaariyon ne kaha ki 'Bhaarat mobile skeem' ke tahat prati parivaar ek mobile phone upalabdh karaaya ja sakta hai, jismein mahilaaon ko tarajeeh diye jaane ki sambhaavana hai. Unhonne kaha ki ye haindaset teen saal ki vaaranti ke saath diye jaaenge. Manarega kaamagaaron ko diye jaane vaale mobile phone kisi aur ko naheen diye ja sakte, kyonki in mobile phone ko cash subsidy traansafar jaise vibhinn sarkaari kaaryakramon ke laabh antaran ke liye istemaal mein laaya jaaega. Adhikaari ne kaha ki Yeh kaaryakram vichaaraadheen hai aur yojana ke byore ko antim roop diya jaana abhi baaki hai. Aaranbhik prastaav ke mutaabik, chayanit doorasanchaar oparetaron ko mobile phone upalabdh karaane ko kaha jaaega. Inka vitran seva pradaataaon dvaara jila prashaasan ke samanvaya mein kiya jaaega. Sootron ne bataaya ki mobile number pehchaan ke pratham stareeya pramaan ke taur par kaam kar sakte hain aur iske jariye yojana laabhaarthi ko soochit kiya ja sakta hain. Ullekhaneeya hai ki 2012-13 mein kareeb 5 karod parivaaron ko manarega ke tahat rojagaar upalabdh karaaya gaya hai.