Delhi Naabaalig Naukaraani Ko Chaakoo Se Godane Waali Maalakin Giraftaar

Delhi Naabaalig Naukaraani Ko Chaakoo Se Godane Waali Maalakin Giraftaar

Breaking »

Ghaayal peedita ki tasveer Ghaayal peedita ki tasveer Nai Delhi: Delhi ke vasant kunj mein ek ghar mein kaam karne waali 15 saal ki bachchi ke saath amaanaveeyata ke maamale mein police ne aaropi mahila ko giraftaar kar liya hai. Police ke mutaabik, is bachchi ke shareer par na keval maarapeet balki chaakoo godane ke bhi nishaan mile hain. Police ne bataaya ki jis ghar mein Yeh bachchi kaam karti thi, usamein do mahilaaen rahati hain, jinmein se ek Noida ki ek private company mein badi adhikaari hai. Bachchi ke mutaabik, vah Jharkhand ki rahane waali hai aur kareeb ek saal pehle usaki ek rishtedaar ne use yahaan kaam par lagavaaya tha. Bachchi ne bataaya ki ghar mein use na keval har roj peeta jaata tha balki use koi chhutti bhi naheen di jaati thi. Filhaal peedita aspataal mein bharti hai.


Himachal Javaan Ki Dileri Se Bachi Nadi Ke Oopar Latake Paanch Bachchon Ki Jaan

Himachal Javaan Ki Dileri Se Bachi Nadi Ke Oopar Latake Paanch Bachchon Ki Jaan

Breaking »

Deharaadoon: Himachal pradesh ke chanba mein somvaar ko rassi se latake jhoole se raavi nadi paar karte samay paanch schooli bachchon ki jaan par ban I. Har roj ki tarah ye bachche jab nadi paar karne ke liye is jhoole ka prayog kar rahe the to usi dauraan jhoole ki rassi toot gayi aur ye bachche beech nadi ke oopar hava mein latak gaye. Haadasa kariya panchaayat ke taadagraam gaanv ke paas hua. Ye bachche kareeb chaar ghante tak hava mein latake rahe iske baad aaspaas ke gaanv ke log vahaan jute aur bachchon ko bachaane ki koshishein shuroo ho gayi, is dauraan prashaasanik amla bhi mauke par pahunch gaya. Bachchon ko bachaane ke liye kai tarakeebein lagaai gain, lekin koi kaamayaab naheen ho pai. Is beech homeguard mein bataur driver kaam karne vaala naresh Singh aage aaya aur apni jaan jokhim mein daalkar rassi se latak kar bachchon tak pahunche aur unhein bacha liya. Gaanv ke logon ne naresh Kumar ki jamkar prashansa ki aur prashaasan se nadi ke oopar pul banaane ki maang ko doharaaya.


Sanjaya Datt Ko Jail Se 14 Din Ki Chhutti Mili, Ghar Ke Liye Ravaana

Sanjaya Datt Ko Jail Se 14 Din Ki Chhutti Mili, Ghar Ke Liye Ravaana

Breaking »

Mumbai: Avaidh hathiyaar rakhane ke maamale mein jail ki saja kaat rahe sanjaya datt ko jail se do hafte ki chhutti mil gayi hai. Sanjaya Pune ke yaravada jail se baahar aa chuke hain. Jail mainyool ke mutaabik, Yeh niyam hai ki agar koi kaidi do saal tak jail mein hai to use 14 din ki chhutti di jaati hai. Sanjaya isi chhutti par jail se 14 din ke liye riha hue hain. 16 May se sanjaya datt Pune ki yaravada jail mein the. Unhein paanch saal ki saja sunaai gayi hai, jismein se dedh saal ki saja sanjaya pehle hi kaat chuke the baaki bachi hui saade teen saal ki saja sanjaya abhi kaat rahe hain. Gaurtalab hai ki 1993 bam dhamaake mein sanjaya aarms act ke tahat doshi hain. Supreme court ne unhein paanch saal ki saja sunaai hai.


Rajasthan High Court Ne Aasaaram Ki Jamaanat Yaachika Khaarij Ki

Rajasthan High Court Ne Aasaaram Ki Jamaanat Yaachika Khaarij Ki

Breaking »

Aasaaram ka file photo Aasaaram ka file photo Jaipur: Yaun shoshan ke aarop mein ghire Aasaaram Bapu ki jamaanat arji ko Rajasthan High Court ne khaarij kar diya hai. Mashahoor vakeel Ram Jethmalani ne unki pairavi ki thi. Isse pehle somvaar ko nichli adaalat se bhi unhein raahat naheen mili thi. Daraasal sthaaneeya adaalat ne Aasaaram aur unke sahaayak shiva ki nyaayik hiraasat 11 October tak ke liye badha di thi. Jila evam satr nyaayaadheesh ne anya mukhya aaropi shilpi ki police hiraasat bhi teen aur din ke liye badha di. Gaurtalab hai ki is maamale mein Aasaaram ko 1 September ko aur uske kuchh din baad unke sahayogi shiva ko giraftaar kiya gaya tha. Shilpi ne pichhle saptaah ko adaalat mein aatmasamarpan kiya tha. Shilpi par 16 saal ki ladki ko manaai aashram bhejane ka intajaam karne ka aarop hai jahaan Aasaaram ne August mein kathit roop se usaka yaun utpeedn kiya tha.


Narendra Modi Ne 'Brand Bhaarat Ko Vishv Mein Le Jaane Ko Kaha

Narendra Modi Ne 'Brand Bhaarat Ko Vishv Mein Le Jaane Ko Kaha

Breaking »

Modi bhaashan ke dauraan Modi bhaashan ke dauraan Mumbai: Bhaajapa ke pradhaanamantri pad ke ummeedavaar Narendra Modi ne sheersh vigyaapan gurooon, brand rananeetikaaron aur prabandhakon se 'Brand Bhaarat' ko vishv mein le jaane ka aagrah karte hue aaj kaha ki samay ki jaroorat prabhaavit karna naheen prerit karna hai. Modi ne yahaan ek vaishvik vipnan sammelan mein kaha, kuchh swayam nirmit samasyaaon ke chalte ham brand Bhaarat ko vishv ke saamane pesh karne mein asafal rahe hain. Modi sammelan ke raatri bhoj satr mein atithi vakta the, jiska aayojan international edavartaaijing association ne kiya tha. Unhonne kaha, Bhaarat ko logon ko keval prabhaavit karne ki bajaay unhein prerit karna chaahiye.


Ameriki Dollar Ke Mukaabale Rupaya 11 Paise Majaboot

Ameriki Dollar Ke Mukaabale Rupaya 11 Paise Majaboot

Breaking »

Mumbai: Niryaatakon dvaara dollar ki bikvaali kiye jaane se aaj antar-bank videshi mudra baajaar mein dollar ki tulana mein rupaya 11 paise ki badhat ke saath 62.49 rupaye prati dollar par khula. Faureks deelaron ne kaha ki sthaaneeya share baajaar ke majabooti ke saath khulne aur videsh mein dollar mein narami ke rukh se rupaya ki dhaarana majaboot hui. Somvaar ko rupaya 9 paise ki giraavat ke saath ek saptaah ke nichle star 62.60 prati dollar par band hua tha. Is beech Mumbai share baajaar ka Sensex 58.95 ank ke sudhaar ke saath 19,438.72 ank par khula.


Manmohan Aur Shareef Ki Vaarta Sakaaraatmak Sanket America

Manmohan Aur Shareef Ki Vaarta Sakaaraatmak Sanket America

Breaking »

Washington: America ne aaj kaha ki Bhaarat aur Pakistan ke pradhaanamantriyon ke beech New York mein sanyukt raashtra mahaasabha ki baithak se itar aayojit mulaakaat ek sakaaraatmak kadam hai aur isse donon deshon ke beech dwipaksheeya sambandh sudhareinge. Haalaanki Obama prashaasan ne pradhaanamantri Manmohan Singh aur Pakistan ke pradhaanamantri navaaj shareef ke beech vaarta ke parinaamon ka saarvajanik moolyaankan karne se parahej kiya. America donon deshon ke beech shaanti prakriya ko bahaal karne ke liye protsaahit karta raha hai. Videsh mantraalaya ki pravakta jen psaaki ne apne dainik samvaadadaata sammelan mein kaha, ham Bhaarat aur Pakistan ke beech uchch stareeya vaarta ka svaagat karte hain. Isse unke dwipaksheeya sambandhon mein sudhaar hoga. Psaaki ne kaha, jaisa ki (America ke) raashtrapati (Barack) Obama ne pichhle saptaah kaha tha ki donon deshon ke beech shaantipoorn dhang se tanaav kam hone mein hamaara hit hai. Ham unke dwipaksheeya sambandhon ke sabhi pahaluon mein sudhaar ke liye Bhaarat aur Pakistan ke prayaason ko samarthan dena jaari rakhate hain aur ham aagaami vaarta ko protsaahit karte hain. Singh ne shareef ke saath ek ghante tak chali baatcheet mein Pakistani sarjameen se paida hone vaale aatankvaad ke mudde ko uthaaya tatha Islamabad se kaha ki vah seema paar aatankvaad ko khatm karne ke liye aur adhik kadam uthaae. Singh aur shareef ki mulaakaat ke parinaam ke baare mein poochhe jaane par pravakta ne kaha, moolyaankan karna hamaara kaam naheen hai ,lekin donon deshon ke beech baatcheet ek sakaaraatmak kadam hai aur ham ise protsaahan dena jaari rakheinge. Kashmir se jude ek prashn par pratikriya dete hue unhonne kaha ki is masale par America ke rukh mein koi parivartan naheen hua hai. Videsh mantraalaya ki pravakta ne kaha, Kashmir par hamaara rukh naheen badla hain. Hamaara ab bhi maanana hai ki Kashmir par Bhaarat aur Pakistan ki vaarta ki gati, daayare aur charitra ka nirdhaaran karna donon deshon ka kaam hai aur ham is vaarta ko protsaahit karna jaari rakheinge.


Mammi Mere Kaam Se Ab Tak Naaraaj Hain Soha Ali

Mammi Mere Kaam Se Ab Tak Naaraaj Hain Soha Ali

Breaking »

Soha Ali ka file photo Soha Ali ka file photo Mumbai: Abhinetri soha Ali Khan ne oksaford vishvavidyaalaya se snaatak degree haasil karne ke baad apni maan abhinetri sharmila Tagore ki tarah abhinay ko apna career chuna. Lekin vah kehti hain ki unki maan unke peshe ke chunaav se khush naheen hain, sharmila chaahati theen ki unki beti vakeel bane. Soha ne London school of ikaunaumiks end paulitikl science se paraasnaatak ki degree bhi haasil ki hai. Unhonne 2004 mein film 'Dil maange mor' se hindi film jagat mein kadam rakha. Unki jyaadaatar filmein box office par achha pradarshan naheen kar paain, lekin 'Rang de basanti' aur 'Saahab, beevi aur gangster ritrn‍aas' jaisi filmon mein unke kaam ko saraaha gaya. Soha ne bataaya, meri maan ab tak mere kaam se khush naheen hain. Yahaan tak ki har ravivaar vah mujhe phone karti hain aur kehti hain ki tum ab bhi vakeel ban sakti ho, jyaada der naheen hui hai. Tumhein Harvard vishvavidyaalaya jaana chaahiye, tumane itni padhaai ki aur usaka upayog naheen kar rahi ho. Soha ne kaha, mujhe unhein samajhaana padta hai ki main jo kar rahi hoon, usamein khush hoon. Lekin ek maan hone ke naate vah apne bachche ke liye hamesha pareshaan rahati hain. Unhein is baat ki fikr hai ki main agale 10-20 saalon baad kya kar rahi hooongi. Sharmila bhale hi soha ke career ko lekar behad sashankit vichaar rakhati hon, lekin abhineta kunaal khemoo ke saath unke liv-in rileshanaship ko lekar befikr aur aashvast hain. Soha ne hindi filmon se itar 'Antaramahal' aur 'Iti shreekaanta' jaisi baangla filmon mein bhi kaam kiya hai. Vah kehti hain ki log kshetreeya bhaasha ki filmon ko pasand karte hain kyonki kahaani mein imaandaari hoti hai. Soha ki film 'Vaar chhod na yaar' 11 October ko cinemagharon mein aa rahi hai, jismein unhonne abhineta sharaman Joshi aur jaaved Jaffrey ke saath kaam kiya hai.


Madhya Pradesh Jail Se Faraar Hue Simi Ke Chhah Sandigdh Aatanki, Ek Kaidi Pakada Gaya

Madhya Pradesh Jail Se Faraar Hue Simi Ke Chhah Sandigdh Aatanki, Ek Kaidi Pakada Gaya

Breaking »

Bhopal: Madhya pradesh ki khandava jail se faraar hue saat khatarnaak kaidiyon mein se ek ko pakad liya gaya hai, jabki simi ke chhah sandigdh aatanki abhi tak pahunch se baahar hain. Udhar, madhya pradesh ke gruhamantri ne bataaya hai ki saatavein kaidi ko pakad liya gaya hai, vah ek sthaaneeya aparaadhi hai, jo chori ke maamale mein jail mein band tha, lekin chhah aatanki abhi bhi faraar hain. Bataaya ja raha hai ki in aatankiyon ne jail mein maujood do surakshaakarmiyon ko ghaayal kiya aur raat 3 baje ke aaspaas ye sabhi bathroom ki deevaar todakar bhaag nikle. In kaidiyon ki talaash jaari hai.


America Bajat Ko Manjoori Naheen, Chhutti Par Bheje Gaye Saat Lakh Karmachaari

America Bajat Ko Manjoori Naheen, Chhutti Par Bheje Gaye Saat Lakh Karmachaari

Breaking »

Washington: America mein 17 saalon mein pehli baar sarkaari kaamabandi ho gayi hai. America ke kai sarkaari daftaron mein taale lagne shuroo ho gaye hain. Iski badi vajah Yeh hai ki ameriki sarkaar ke paas kharch chalaane ke liye paisa naheen hai. Kharch ki seema badhaane ki samay seema khatm ho chuki hai, jiske chalte saat lakh se jyaada sangheeya sarkaari karmachaariyon ko avaitanik chhutti par bheja ja raha hai aur unhein tab tak tanakhvaah naheen milegi jab tak Yeh mudda hal naheen ho jaata. Is kaamabandi ke chalte raashtreeya park aur Washington myoojiym band ho gaye hain. Bujurgon ko milne vaale check deri se mileinge aur visa va passport ki arjiyaan thap raheingi. 17 saalon mein pehli baar aae is sankat ka pramukh kaaran Yeh hai ki ameriki mein bajat ko vahaan ki sansad yaani senate se manjoori naheen mili hai, jiske chalte sarkaari kharchon par sankat paida ho gaya hai. Is raajanaitik adachan ki mukhya vajah helthakeyar kaanoon hai, jise Obama keyar bhi kaha jaata hai. Obama ise paas karavaane par tule hain, lekin unke virodhi ise kharcheela maanate hain. Is sankat par ameriki raashtrapati Barack Obama ne kaha ki "Mainne katai haar naheen maani hai. . . Mujhe lagta hai, main aane vaale do-teen dinon mein netaaon se is baare mein baat karoonga. . . Lekin iska ek seedha-saada aur aasaan upaaya hai. . . Chhote vakt ke raajanaitik laabhon ko darakinaar karte hue lambe samay mein hone vaale laabhon ke baare mein sochana hoga. . . Yahaan sabse zaroori hai ki pratyek vyakti apni jimmedaari ko samajhe, aur vahi kare, jo ameriki janta ke liye uchit ho. . . "


Laaloo Ko Bachaane Ke Liye PM Ne Daala Tha Dabaav Jogindar

Laaloo Ko Bachaane Ke Liye PM Ne Daala Tha Dabaav Jogindar

Breaking »

vishesh samvaadadaata, nai Delhi 1996 mein chaara ghotaale mein laaloo prasaad Yadav ki giraftaari ka aadesh dene vaale tatkaaleen CBI director jogindar Singh ne bataaya hai ki laaloo ko arest na karne ke liye un par pradhaanamantri ka dabaav tha. Unhonne Yeh bhi kaha ki dabaav ke saamane jhukane se inkaar karne par unka tabaadala kar diya gaya tha. Laaloo ko doshi karaar diye jaane ke baad Singh ne kaha ki case ke sabooton ko dekhne ke baad unhonne laaloo ko giraftaar karne ka faisala kar liya tha. Laaloo ki party ke sadasya Indra Kumar gujaraal un dinon pradhaanamantri the. Singh ke mutaabik, ek din mujhe pradhaanamantri kaaryaalaya se bulaava aaya. Pradhaanamantri ne mujhe chai pilaai aur barfi khilaai. Iske baad unhonne mujhse kaha ki laaloo ji hamaari party ke mukhiya hain, isliye unka khyaal rakhiyega. Mainne pradhaanamantri se kaha ki giraftaari na karne ka aadesh likhit mein de deejiye. Unhonne likhit aadesh naheen diya. Unhonne kaha ki vah pradhaanamantri hain. Mainne javaab diya ki beshak vah pradhaanamantri hain, lekin mujhe likhit aadesh chaahiye. Mainne apne office aate hi laaloo ki giraftaari ka order jaari kar diya. Singh ne bataaya ki giraftaari ka aadesh dene ke baad unhonne press ko bhi bata diya. Unke mutaabik, iska maksad Yeh tha ki sarkaar giraftaari rokane ki haalat mein hi na rahe. Aakhirkaar laaloo ko arest kiya gaya. Tatkaaleen hom sekretari padmanaabhaiya mere baichamet aur dost the. Unhonne mujhse kaha ki tumhein hataaya jaaega. Mainne paravaah naheen ki. Main France chala gaya. Vahaan se vaapas aane par airport par mujhe pata chala ki mera tabaadala kar diya gaya tha. Mujhe hom ministri mein special sekretari bana diya gaya. Main CBI mein number van tha aur hom ministri mein number teen bana diya gaya tha. Iske baavajood mera maanana hai ki mainne sahi faisala kiya tha. Singh ne bataaya ki chaara ghotaale mein Supreme court ke aadesh par CBI ne 27 March 1996 ko case darj kiya tha. Isse pehle 20 February ko Yeh case Bihar ke chaaibaasa police station mein darj kiya gaya tha. 23 June 1997 ko is case ki chargesheet 56 mulajimon ke khilaaf daayar ki gayi thi.


'Klinikl Trial Maikenijm Ke Bina Na Ho

'Klinikl Trial Maikenijm Ke Bina Na Ho

Breaking »

Supreme court ne diya aadesh pramukh samvaadadaata . Nai Delhi Supreme court ne kaha ki jab tak klinikl trial ko maunitr karne ke liye maikenijm naheen ban jaata tab tak usaki ijaajat naheen di jaani chaahiye. Adaalat ne kaha ki jin logon par klinikl trial kiya jaata hai unako protekt karne liye maikenijm banaae jaane ke bina trial naheen ho. Court ne kaha ki logo ki life ko protekt karne ke liye system banaaya jaana jaroori hai aur use saamane rakha jaae. Kendra ne Supreme court ke saamane bharosa dilaaya ki vah un 162 davaaon ke klinikl trial ki ijaajat naheen degi jinke liye vah pehle ijaajat de chuka hai. Supreme court ne kendra sarkaar se kaha hai ki vah tamaam pakshon ke sujhaav par vichaar karein taaki sahi tarah se maikenijm par kaam ho sake aur kisi par bhi iska gambhir aur pratikool asar na ho. Isse pehle Supreme court ne kaha tha ki jin davaaon ka pareekshan naheen hua hai unke klinikl trial ke liye kuchh standard maanak tay hone chaahiye aur usaka paalan hona chaahiye. Kendra se Supreme court ne kaha tha ki vah maikenijm banaae taaki klinikl trial par maunitring ho sake. Court ne Yeh bhi kaha tha ki bina niyam ke klinikl trial kiye jaane se dar ka maahaul paida hua hai. Court ne kaha tha ki klinikl trial keindreeya helth sekretari ki aguvaai mein hona chaahiye. Adaalat ne sarkaar ko aadesh diya tha ki vah emaenasi dvaara davaaon ke klinikl trial ke regyuleshan ke liye kaanoon banaane ke maksad se sabhi raajyon ke cheef sekretari va helth sekretari ki ek baithak bulaae. Kendra ne ek efidevit mein sveekaar kiya tha ki 2005 se lekar 2012 ke beech 475 nai davaaon ke klinikl trial ke dauraan 2,644 logon ki maut hui thi. Adaalat ne ek NGO ki or se daakhil yaachika par sunavaai ke dauraan sarkaar ko Yeh nirdesh jaari kiye.


Sarabajeet Ke Vakeel Ne Pak Chhoda

Sarabajeet Ke Vakeel Ne Pak Chhoda

Breaking »

PTI, Lahore Pakistani vakeel oves shekh jo ki bhaarateeya kaidi sarabajeet Singh ki or se pairavi kar rahe the, desh chhodkar parivaar samet sveedan chale gaye hain. Vahaan unhein sharan mil gayi hai. Pakistan mein unhonne apni jindagi ko khatra bataaya tha. Unke kaleegs ke mutaabik, shekh sarabajeet ke murder ke baad se kaafi apaset the.


Ab Maujooda CM Par Faisala Aana Hai BJP

Ab Maujooda CM Par Faisala Aana Hai BJP

Breaking »

vis, nai Delhi : BJP ne kaha hai ki chaara ghotaale mein somvaar ko aae faisale mein Bihar ke do poorv mukhyamantriyon ke baare mein aitihaasik faisala aa chuka hai aur ab ek maujooda CM par faisala aana hai. Party ko ummeed hai ki maujooda CM ke maamale mein bhi CBI agali taareekh par apna javaab de degi. BJP pravakta Rajiv prataap rudi ke mutaabik jis chaara ghotaale mein laaloo Yadav ko doshi karaar diya gaya hai. Usi se jude 900 karod rupaye ke ek maamale mein ab maujooda CM par bhi faisala aana hai. Unke mutaabik is maamale mein ek janahit yaachika daayar ki gayi thi, jise loar court ne khaarij kar diya tha. Baad mein yaachikaakarta ne ise lekar High Court mein appeal ki. Us appeal par High Court ne ab CBI samet sambandhit pakshon se javaab talab kiya hai. Rudi ka kehna hai ki BJP ko ummeed hai ki isi tarah se tooji, seedablayooji, kolaget aur relaget mein bhi jald faisale aaenge. Unhonne digvijya Singh ko bhi unke bayaan ke liye aade haath liya ki is maamale mein laaloo Yadav ko fansaaya gaya hai. Rudi ne kaha ki Congress ke is senior neta ko Yeh bhi bataana chaahiye ki agar laaloo Yadav ko fansaaya gaya hai to kisne fansaaya neeteesh Kumar ne ya fir Congress ne.


Chaare Se 'Bechaare Hue Laaloo

Chaare Se 'Bechaare Hue Laaloo

Breaking »

raajesh chaudhari, nai Delhi laaloo Yadav ko jin dhaaraaon ke tahat doshi karaar diya gaya hai, unamein agar 2 saal ya usase jyaada ki saja di jaati hai to unki sansad sadasyata to jaaegi hi, saath hi vah kabhi bhi chunaav naheen lad paaenge. Supreme court ke edavoket Arvind jain bataate hain ki jan pratinidhitv kaanoon ki dhaara-8 ke sab sekshan se saaf hai ki agar koi shakhs danga-fasaad bhadakaane ka kaam karta hai ya fir maadak padaarth nirodhak kaanoon, taada ya aatankvaad nirodhak kaanoon, rape ya fir dahej prataadana kaanoon se sambandhit maamale mein doshi ho to use chunaav ladane ke liye ayogya maana jaaega. Jain ke mutaabik, Yeh bhi praavadhaan hai ki agar kisi bhi maamale mein 2 saal ya usase jyaada saja sunaai jaati hai to bhi use ayogya maana jaaega aur vah shakhs chunaav naheen lad sakta. Iske saath hi agar vah saansad ya emaelae hai to usaki sadasyata khatm ho jaaegi. Saja ke 6 saal baad tak ayogya is maamale mein appeal ke ground par apni sadasyata bachaane ka praavadhaan tha jise Supreme court ultra virus karaar de chuka hai. Aise mein jab maujooda vakt mein Supreme court ka jajameint prabhaavi hai aur is tarah 2 saal ya usase jyaada saja sunaae jaane ke baad laaloo Yadav ki sadasyata khatm ho jaaegi aur saath hi unke chunaav ladane par bhi paabandi lag jaaegi. Edavoket jain bataate hain ki jan pratinidhitv kaanoon kehta hai ki agar aisa shakhs jail kaatne ke baad jab chhootata hai to uske 6 saal baad tak vah ayogya hi rahata hai. Laaloo ke sabhi raaste band? Delhi haai court ke poorv Justice aar. S. Sodhi bataate hain ki ek baar do saal ya usase jyaada saja hote hi saari sambhaavnaaen khatm ho jaaengi. Jahaan tak appeal ka savaal hai to is maamale mein CBI ke special court ke khilaaf haai court aur fir Supreme court mein appeal kiye jaane ka praavadhaan hai. Haalaanki, Supreme court ke jajameint mein jis tarah se us praavadhaan ko khatm kiya gaya hai jismein appeal ke ground par sadasyata bachati thi, lekin ab Supreme court dvaara praavadhaan khatm kiye jaane ke baad appeal daakhil hone aur us par sunavaai ke dauraan bhi koi fark naheen padega. Agar oopari adaalat ne nichli adaalat ke faisale ko khaarij kar diya to uske baad hi ayogyata khatm hone aur laaloo ke chunaav ladane ka raasta saaf ho sakta hai. Milegi jamaanat? Kaanooni praavadhaan ke mutaabik, 3 saal tak kaid ki saja hone ki sthiti mein nichli adaalat se hi jamaanat diye jaane ka praavadhaan hai taaki bail ke dauraan appeal daakhil ki ja sake. Lekin isse jyaada saja hone par haai court se case ki merit par hi jamaanat milti hai. Jaankaar bataate hain ki chaahe bail ya na mile, 2 saal ya usase jyaada saja hone par ayogyata tay hai.


Laaloo Ki Giraftaari Se BJP Ki Chintaaen Badheen

Laaloo Ki Giraftaari Se BJP Ki Chintaaen Badheen

Breaking »

Gulashan rai khatri nai Delhi. . Chaara ghotaale mein laaloo Yadav ko doshi karaar diye jaane ka BJP bhale svaagat kar rahi ho, lekin use ab Bihar ke raajaneetik sameekaranon ki bhi chinta sataane lagi hai. Chinta Yeh hai ki laaloo Yadav ke jail jaane ke baad neeteesh Kumar majaboot na ho jaaen. Agar neeteesh majaboot hote hain to usaka nuksaan BJP ko hoga. BJP sootron ka kehna hai ki agar BJP-JDU gathajod abhi bhi barkaraar hota to shaayad BJP ko laaloo ke doshi karaar diye jaane par jyaada khushi hoti. Aise mein gathabandhan tootane ke baad se laaloo Yadav ka kamjor hona BJP ke liye faayademand saabit naheen hone ja raha hai. BJP isi vajah se ab Yeh bhi chaahati hai ki jis maamale mein laaloo ko doshi karaar diya gaya hai, usi tarah ke maamale mein neeteesh Kumar ke khilaaf bhi adaalat mein maamala gaya hai. Isliye vah Yeh bhi chaahati hai ki neeteesh Kumar ka kamjor hona jaroori hai. BJP pravakta Rajiv prataap rudi ka kehna hai ki BJP ko ummeed hai ki neeteesh Kumar maamale mein bhi jald hi CBI apni report pesh karegi. (poori khabar padhein : 'Laaloo, jagannaath ke baad ab neeteesh ki baari') laaloo ke liye sauft corner BJP ka rukh laaloo ke liye isliye sauft ho sakta hai, kyonki agar laaloo Yadav ka vote bank barkaraar rahata hai to usase BJP ko koi nuksaan naheen hoga. Ulata iska asar JDU aur Congress par padega. Party sootron ke mutaabik, laaloo Yadav ko pichhadon aur musalmaanon ka vote badi taadaad mein milta hai aur in donon hi vargon mein BJP ki jyaada paith naheen hai. Alabatta Yeh jaroor hai ki in vargon ke vote ki ummeed JDU aur Congress bhi lagaae rahate hain. Aise mein agar laaloo Yadav ka vote bank barkaraar rahata hai to isse BJP virodhi vote Congress, JDU aur laaloo Yadav ki party mein banteinge. Iska faayda seedhe BJP ko milega. Padhein: Laaloo jail bheje gaye, saja ka ailaan 3 October ko haalaanki abhi bhi BJP behad sadhe andaaj mein Bihar ke sameekaranon par najar rakhe hue hai. Khud roodi ka kehna hai ki ab raajya mein jo haalaat ban rahe hain, usase saaf hai ki BJP Loksabha chunaav mein to faayde mein rahegi hi, saath hi vidhaanasabha chunaav mein bhi vah apne dam par sarkaar bana sakti hai.


Mulaayam Meri Hatya Karva Sakte Hain Beni Prasaad Varma

Mulaayam Meri Hatya Karva Sakte Hain Beni Prasaad Varma

Breaking »

Nai Delhi. . Keindreeya mantri beni prasaad varma ne samaajavaadi party pramukh mulaayam Singh Yadav se apni jaan ko khatra bataaya hai. Unako dar hai ki mulaayam kisi bhi vakt unki hatya karva sakte hain. Beni ne uttar pradesh ke mujaffaraganar mein hue saampradaayik dangon ke liye SP cheef mulaayam Singh Yadav par hamla bola. Iske saath hi unhonne apni jaan ko khatra hone ka daava kiya. Beni ne kaha ki vah ekamaatr Congressi neta hain, jo mulaayam ke khilaaf bol rahe hain. Unhonne kaha, 'Uttar pradesh jal raha hai. BJP aur SP ne haath mila liya hai. Kendra kya kar raha hai. Mulaayam Singh Yadav kisi bhi vakt meri hatya kara sakte hain. Mulaayam Singh Yadav ke khilaaf mere sivaaya Congress ka koi neta naheen bol raha hai. ' mulaayam ke poorv mitr aur saathi rah chuke beni prasaad varma pichhle kuchh maheene se lagaataar mulaayam par hamla bol rahe hain. Unke kai bayaan Congress ko bhi pareshaani mein daal chuke hain, kyonki SP baahar se UPA sarkaar ko samarthan de rahi hai. Beni ne Yeh kehkar vivaad khada kar diya tha ki mulaayam Singh pradhaanamantri aavaas mein jhaadoo lagaane laayak bhi naheen hain. Ispar party ne bhi unhein fatkaar lagaai thi. 'SP ne fix kar liye hain Congress neta' uttar pradesh mein hinsa ko rokane ke liye Congress se apni jimmedaari nibhaane ko kehte hue varma ne aarop lagaaya ki uttar pradesh mein kuchh Congress netaaon ko bhi sattaaroodh samaajavaadi party ne fix kar liya hai, lekin unhonne kisi ka bhi naam lene se inkaar kar diya. Varma ne kaha, 'Main unka naam naheen loonga. Soniya Gandhi ne bhi kaha hai ki Congress hi Congress ko haraati hai. ''Mulaayam ne Advani se ki thi seting' beni ne kaha ki mulaayam Singh Yadav ne isse pehle baabari masjid giraane ke liye BJP ke senior leedar Lal Krishna Advani se saathagaanth ki thi aur godhara kaand ke baad Gujarat mein hue chunaav mein Narendra Modi ki jeet mein madad ki thi. Unhonne kaha ki SP ne Gujarat mein alpasankhyak bahul kshetron mein apne ummeedavaar utaare the, taaki secular vote bant jaaen aur Modi ko faayda ho.


BJP Ko To Siyaasi 'Chaare Ki Chinta

BJP Ko To Siyaasi 'Chaare Ki Chinta

Breaking »

Gulashan rai khatri nai Delhi. . Chaara ghotaale mein laaloo Yadav ko doshi karaar diye jaane ka BJP bhale svaagat kar rahi ho, lekin use ab Bihar ke raajaneetik sameekaranon ki bhi chinta sataane lagi hai. Chinta Yeh hai ki laaloo Yadav ke jail jaane ke baad neeteesh Kumar majaboot na ho jaaen. Agar neeteesh majaboot hote hain to usaka nuksaan BJP ko hoga. BJP sootron ka kehna hai ki agar BJP-JDU gathajod abhi bhi barkaraar hota to shaayad BJP ko laaloo ke doshi karaar diye jaane par jyaada khushi hoti. Aise mein gathabandhan tootane ke baad se laaloo Yadav ka kamjor hona BJP ke liye faayademand saabit naheen hone ja raha hai. BJP isi vajah se ab Yeh bhi chaahati hai ki jis maamale mein laaloo ko doshi karaar diya gaya hai, usi tarah ke maamale mein neeteesh Kumar ke khilaaf bhi adaalat mein maamala gaya hai. Isliye vah Yeh bhi chaahati hai ki neeteesh Kumar ka kamjor hona jaroori hai. BJP pravakta Rajiv prataap rudi ka kehna hai ki BJP ko ummeed hai ki neeteesh Kumar maamale mein bhi jald hi CBI apni report pesh karegi. (poori khabar padhein : 'Laaloo, jagannaath ke baad ab neeteesh ki baari') laaloo ke liye sauft corner BJP ka rukh laaloo ke liye isliye sauft ho sakta hai, kyonki agar laaloo Yadav ka vote bank barkaraar rahata hai to usase BJP ko koi nuksaan naheen hoga. Ulata iska asar JDU aur Congress par padega. Party sootron ke mutaabik, laaloo Yadav ko pichhadon aur musalmaanon ka vote badi taadaad mein milta hai aur in donon hi vargon mein BJP ki jyaada paith naheen hai. Alabatta Yeh jaroor hai ki in vargon ke vote ki ummeed JDU aur Congress bhi lagaae rahate hain. Aise mein agar laaloo Yadav ka vote bank barkaraar rahata hai to isse BJP virodhi vote Congress, JDU aur laaloo Yadav ki party mein banteinge. Iska faayda seedhe BJP ko milega. Padhein: Laaloo jail bheje gaye, saja ka ailaan 3 October ko haalaanki abhi bhi BJP behad sadhe andaaj mein Bihar ke sameekaranon par najar rakhe hue hai. Khud roodi ka kehna hai ki ab raajya mein jo haalaat ban rahe hain, usase saaf hai ki BJP Loksabha chunaav mein to faayde mein rahegi hi, saath hi vidhaanasabha chunaav mein bhi vah apne dam par sarkaar bana sakti hai.


Abhi Bhi Kingamekar Ban Sakte Hain Laaloo

Abhi Bhi Kingamekar Ban Sakte Hain Laaloo

Breaking »

Narendra naath nai Delhi. . 90 ke dashak mein bhaarateeya raajaneeti mein kingamekar ki bhoomika nibhaane vaale laaloo prasaad Yadav pichhle kuchh saalon mein raajaneeti ke haashiye par jaate dikh rahe the. Pichhle dinon aise sanket bhi milne lage the ki vah damadaar vaapasi ki raah par hain, magar court ki saja ne achaanak unke raajaneetik bhavishya par savaal khade kar diye. Kya laaloo ka raajaneetik safar khatm hone vaala hai? Daraasal Supreme court ke nae aadesh ke baad ab unhein chunaavi raajaneeti se door rahana pad sakta hai. Haalaanki, jaankaaron ke anusaar laaloo abhi bhi Bihar ki raajaneeti ke jariye raashtreeya star par kingamakar ki bhoomika nibhaane ka maadda rakhate hain lekin ab unke liye aisa karna katai aasaan naheen hoga. Uttaraadhikaari kaun? Laaloo ke saamane sabse badi chunauti hai apni party ka uttaraadhikaari khojane ki. Laaloo do dashak se akele hi party chalaate rahe, lekin ab unhein ek aise neta ki jaroorat hogi jo unki raajaneetik viraasat ko aage badha sake. Unke bete tejasvi ki party par abhi tak pakad naheen bani hai. Doosare neta abdul baari siddheeki, raghuvansh prasaad Singh aur Ram krupaal Yadav unke vikalp ho sakte hain, lekin unke paas laaloo jaisa karishma naheen hai. Aise mein 'Laaloo ke baad kaun' ka savaal party ke liye sabse badi chinta ka sabab hai. Sootron ke anusaar raabadi devi ko is baar shaayad party ki kamaan sambhaalne ko na mile. Haalaanki, laaloo ke najadeekiyon ke anusaar raabadi ko saamane laane se sahaanubhooti vote mil sakte hain, isliye is vikalp ko turant khaarij naheen kiya ja sakta hai. Raashtreeya raajaneeti par asar laaloo par court ke faisale ka asar raashtreeya raajaneeti par ho sakta hai. Pichhle ek dashak se Congress ke sabse bharosamand saathi ke roop mein laaloo hamesha khade rahe. Ab is maamale ke baad laaloo ka Congress se mohabhang ho sakta hai. Vaheen Congress ne bhi laaloo se raasta alag karne ke sanket de diye hain. Bihar ki 40 Loksabha seaton mein laaloo ek aham factor hain aur akele chunaav ladne par BJP khud ko laabh mein pa rahi hai kyonki party ka maanana hai ki neeteesh,laaloo aur Congress ke alag-alag chunaav ladne se BJP virodhi vote bant jaaega. Agar laaloo muslim, Yadav vote paane mein safal rahe to abhi vah doosaron ka game bigaadne saath apna raajaneetik game bana bhi sakte hain. Vaheen raashtreeya raajaneeti mein laaloo prasaad gair Congressi aur gair BJP raajaneeti mein apni jagah talaash sakte hain. Vote share kam naheen hue bhale hi laaloo Bihar mein satta se baahar rahe hon, lekin unka vote share kam naheen hua. Pichhle vidhaanasabha chunaav mein bhi aarajedi ke kharaab pradarshan karne ke baavajood party ka vote share kareeb 28 feesadi raha, jo katai kam naheen kaha ja sakta. Beete maheene mahaaraajaganj Loksabha upachunaav mein neeteesh Kumar ki kadi koshish ke baavajood seat jeetkar laaloo ne vaapasi ke sanket diye. Neeteesh ke khilaaf anti inakanbeinsi factor ne laaloo ko raajaneetik gati paane mein madad ki. Laaloo ne Bihar mein kuchh din pehle raajaneetik yaatra ki jismein logon ki bheed umadi thi. Jaankaaron ke anusaar, agar koi neta lokapriyta ke daur mein hai to aksar aise maamalon ke baad ya to bada jhatka lagta hai ya fir use sahaanubhooti vote ka laabh milta hai.


Chaara Ghotaale Se Judi 5 Aham Baatein

Chaara Ghotaale Se Judi 5 Aham Baatein

Breaking »

jaaniye, chaara ghotaale se judi 5 khaas baatein: Kya hai maamala? Yeh case 90 ki dashak ki shuruaat mein Bihar ke chaaibaasa ke sarkaari khajaane se farji bill lagaakar 37.7 karod rupaye nikaalne se juda hua hai. Us vakt laaloo prasaad Yadav raajya ke CM the. 1996 mein Yeh maamala saamane aaya. CBI ki jaanch mein laaloo ka naam aane ke baad unhonne 1997 mein CM post se isteefa de diya tha. Khatm hua maamala? 950 karod rupaye ke chaara ghotaale ka Yeh maamala abhi khatm naheen hua hai. Is ghotaale se jude 53 keson mein se 44 mein vishesh adaalatein apna faisala suna chuki hain. 45vein case mein laaloo ko doshi karaar diya gaya hai. Abhi bhi kuchh keson mein faisala sunaaya jaana baaki hai. Laaloo 5 maamalon mein aaropi hain. Kaun-kaun hain aaropi? Kul 56 aaropi, jinmein raajaneta, adhikaari aur chaara saplaayar tak shaamil hain. Trial ke dauraan 7 ki maut ho chuki hai. 2 sarkaari gavaah ban chuke hain, 1 ne gunaah kabool kar liya jabki 1 ko bari kiya ja chuka hai. Aaropi raajaneta- Bihar ke poorv CM jagannaath mishr ke alaava vidyaasaagar nishaad, aar ke raana, dhruv bhagat aaropi adhikaari- aaiees adhikaari mahesh prasaad, foolachand Singh, bek jooliys, ke aramoogam aur inakam tax adhikaari A si chaudhari. Kab shuroo hui jaanch? 11 March 1996 ko Patna haai court ne Yeh case CBI ko traansafar karne ka aadesh diya tha. Kya hua trial ke dauraan? CBI ne 5 April 2000 ko sabhi aaropiyon ke khilaaf aarop tay kiye. December 2000 tak 47 gavaahon ke bayaan darj hue. 2 January 2012 tak prauseekyooshan ki or se 350 gavaah pesh hue. Laaloo prasaad is maamale se jude judge ko badalne ki maang ko lekar pehle Jharkhand haai court, fir baad mein Supreme court gaye. Donon hi adaalaton ne unki arji thukara di.


Sarkaari Bangalon Mein Avaidh Roop Se Rah Rahe Hain 36 Poorv Mantri

Sarkaari Bangalon Mein Avaidh Roop Se Rah Rahe Hain 36 Poorv Mantri

Breaking »

Himaanshi dhavan nai Delhi. . Bhale hi netaaon ki vichaaradhaaraaen alag-alag hon, magar kuchh maamalon mein ve ek jaise hote hain. S. M. Krishna, laal Krishna Advani, sharad Yadav, pavan Kumar bansal aur dayaanidhi maaran vaise to alag-alag paartiyon se hain, magar inmein ek baat kauman hai. Shahari vikaas mantraalaya ke mutaabik ye sabhi log anaadhikrut roop se mantriyon vaale bangalon mein rah rahe hain. Ek RTI ke mutaabik 36 poorv keindreeya mantri aise hain, jo apna pad chhod chuke hain magar unhonne bangala naheen chhoda hai. Mantriyon vaale bangalon mein avaidh roop se rah rahe netaaon mein Congress ke mukul vaasanik, Ambika soni, Ajay maakan, subodh kaant sahaaya, saifuddeen soj, CP Joshi, pavan bansal aur S. M. Krishna bhi shaamil hain. BJP ki baat karein to Advani, arun jetali, Sushma Swaraj, vekaiya Naidu aur ravi shankar prasaad bhi aisa hi kar rahe hain. Inke alaava DMK ke dayaanidhi maaran, MK alaagiri, ti. Aar. Baaloo aur Trinamool Congress ke saugat rai aur si. M. Jauta bhi mantriyon vaale bangale mein rah rahe hain. Aarajedi ke raghuvansh prasaad Singh bhi isi kaitigri mein aate hain. Yeh jaankaari RTI aiktivist S. Si. Agrawal ki taraf se file ki gayi ek RTI mein mili hai. Agrawal ne urban divelapameint ministri se jaankaari maangi thi ki aise kaun se saansad hain jinhonne pad chhodne ke baavajood apna bangala naheen chhoda. Ministri se mili jaankaari ke mutaabik saansadon ko rihaayash alaut karne ki jimmedaari lok sabha aur Rajyasabha ke sachivaalayon ki hoti hai. Gaaidalaains ke mutaabik agar koi saansad keindreeya mantri pad chhodta hai, to vah tab tak mantriyon vaale bangale mein rah sakta hai, jab ki use sachivaalaya ki committee ki taraf se nai rihaayash alaut naheen kar di jaati. Dipaartameint ne Yeh bhi bataaya hai usane lok sabha aur Rajyasabha sachivaalayon se kaha hai ki ve in logon ko unki paatrata ke hisaab se rihaayash alaut kare. Anaotharaaijd roop se rah rahe logon ki list mein poorv naishanal sikyauriti adavaaijar vijay lata Reddy, BSF ke director general you. Ke. Bansal aur yoopeeesasi ke poorv sadasya ka naam bhi shaamil hai.


Congress Neta Rasheed Masood Ki Saza Ka Ailaan Aaj

Congress Neta Rasheed Masood Ki Saza Ka Ailaan Aaj

Breaking »

File photo. File photo. Nai Delhi: Emabeebeees seat alautameint ghotaale mein doshi karaar diye gaye Congress neta rasheed masood ko aaj saza sunaai jaaegi. Delhi ki tees hazaari court masood ki saza ka ailaan karegi. Yeh maamala 1990−91 ka hai, jab rasheed masood VP Singh sarkaar mein svaasth mantri the. Unhein central pool se tripura ke liye alaut ki gayi seaton par ayogya kaindidets ko naamit karne ka doshi thaharaaya gaya hai. Saza ke ailaan ke baad rasheed masood ki saansad ki kursi bhi chali jaaegi kyonki haal hi mein Supreme court ne us kaanoon ko khatm kar diya tha jismein saansadon aur vidhaayakon ko tatkaal ayogya thaharaae jaane ke niyam mein imyooniti haasil thi.


Laaloo Ki Gairamauzoodagi Mein Raabadi Sanbhaaleingi Party Ki Kamaan

Laaloo Ki Gairamauzoodagi Mein Raabadi Sanbhaaleingi Party Ki Kamaan

Breaking »

Patna: Laaloo ko chaara ghotaale mein doshi karaar diye jaane ke baad unki patni raabadi devi ne kaha hai ki vah apne bete ke saath milkar party ki kamaan sanbhaaleingi. Raabadi ne kaha ki vah theek usi tarah party sanbhaaleingi jaise soniya Gandhi aur Rahul Gandhi milkar Congress sanbhaalate hain. Saath hi, raabadi devi ne kaha ki laaloo Yadav vipaksh ke shadayantron ka shikaar hue hain. Unhonne kaha ki chaara ghotaale mein laaloo pehle bhi jail ja chuke hain lekin party ekajut rahi hai. Unhonne vishvaas jataaya ki party aage badhati rahegi. Raabadi devi ne Yeh bhi kaha ki unke aur unke rishtedaaron ke ghar par CBI ne chhaape bhi maare lekin jaanch agency ko kabhi kuchh naheen mila.


Rajasthan Ke Poorv Mantri Babulal Naagar Congress Se Nilambit

Rajasthan Ke Poorv Mantri Babulal Naagar Congress Se Nilambit

Breaking »

Nai Delhi: Congress ne Rajasthan ke poorv mantri Babulal naagar ko party se nilambit kar diya. Naagar par 35 saal ki ek mahila ke saath balaatkaar karne ka aarop hai. Mahila ne apni praathamiki mein naagar par apne sarkaari bangale mein 11 September ko uske saath balaatkaar evam maarapeet karne ka aarop lagaaya hai. Mahila ke anusaar naagar use naukri dilaane ka jhaansa dekar apne bangale mein le gaye the. Mahila dvaara praathamiki darj karaane ke baad naagar ne dairy, khaadi evam graameen udyogon ke mantri pad se isteefa de diya tha. Akhil bhaarateeya Congress samiti (AICC) ke Rajasthan maamalon ke prabhaari evam mahaasachiv guroodaas kaamath ne kaha, 'Babulal naagar ko tatkaal prabhaav se Congress se nilambit kiya jaata hai. ' unhonne kaha ki AICC ne Rajasthan pradesh Congress samiti ko likhit mein iski jaankaari di. 53 varsheeya naagar ne aaropon se inkaar karte hue kaha tha ki unke raajaneeti virodhi raajya mein hone vaale vidhaanasabha chunaav se pehle unhein 'Fansaane' ki koshish kar rahe hain. Maamale ko lekar shanivaar ko Jaipur ke SMS aspataal mein naagar ki chikitsa jaanch ki gayi.


Meerut Ke Varishth Police Adheekshak Deepak Kumar Hataae Gaye

Meerut Ke Varishth Police Adheekshak Deepak Kumar Hataae Gaye

Breaking »

Lucknow: Uttar pradesh shaasan ne mujaffaranagar dange mein vidhaayak sangeet som par lagaae gaye raasuka ko hataane ki maang ko lekar hui mahaapanchaayat mein hinsa ki ghatna ko gambheerta se lete hue Meerut ke varishth police adheekshak deepak Kumar ko hata diya. Gruh vibhaag ke anusaar baliya ke SSP omkaar Singh ko Meerut ka naya SSP banaaya gaya hai. Meerut se hataae gaye SSP deepak Kumar ko police mukhyaalaya par Lucknow se sambaddh kiya gaya hai jabki raajoo babu Singh ko baliya ka naya SSP banaaya gaya hai.