Badminton Ranking Saina Doosare Kram Par Barkaraar

Badminton Ranking Saina Doosare Kram Par Barkaraar

Breaking »

Nai Delhi: London olympic mein kaansya padak jeetne waali desh ki sarvochch vareeyata praapt mahila badminton khilaadi Saina Nehwal ne vishv badminton mahaasangh (BWF) ke vishv vareeyata kram mein doosra sthaan barkaraar rakha hai. Purush ekal mein Bhaarat ke paaroopalli kashyap ne bhi apne career mein ab tak ka sabse ooncha nauvaan kram banaae rakha hai. Kashyap London olympic mein quarter final tak pahunche the. Mahila varg mein Hyderabad ki PV sindhu ne 16vaan kram banaae rakha hai.


America Mein Niji Kshetr Ki Naukri Mein Vruddhi Ka Rujhaan

America Mein Niji Kshetr Ki Naukri Mein Vruddhi Ka Rujhaan

Breaking »

Washington: America mein niji kshetr mein January mein February ke mukaabale nai naukariyon ki sankhya badhi. Automatic data processing (ADP) aur Moody'S analytics dvaara sanyukt roop se Budhvaar ko jaari pramukh audyogik report 'National employment report' ke mutaabik America mein niji companyon ki naukariyon ki sankhya mausami samaayojit aadhaar par January mein 1,92,000 badhi, jabki February mein ismein 1,85,000 ki vruddhi hui thi. Report ke havaale se samaachaar agency sinhuaa ne kaha ki rojagaar vruddhi mein mukhya yogadaan chhote aur majhole udyamon ka raha, jinki naukariyon ki sankhya aalochya maheene mein 1,94,000 badhi, jabki isi avadhi mein badi companyon mein 2,000 naukriyaan ghati. Kshetravaar tareeke se yadi dekha jaae to seva kshetr mein 1,77,000 nai naukri paida hui. Vastuon ka utpaadan karne vaale kshetron mein 15,000 nai naukriyaan paida huin, jismein sarvaadhik vruddhi nirmaan kshetr mein hui. Moody'S analytics ke mukhya arthashaastri mark jaandi ne kaha, "Naukariyon ka baajaar dheeme-dheeme sahi, lekin lagaataar behtar ho raha hai. Nirmaan mein teji aa rahi hai aur yah vinirmaan mein giraavat ki tulana mein adhik prabhaavi hai. "


Raakaampa Jald Se Jald Pruthak Telangaana Raajya Ka Gathan Chaahata Hai Sharad Pawar

Raakaampa Jald Se Jald Pruthak Telangaana Raajya Ka Gathan Chaahata Hai Sharad Pawar

Breaking »

Nai Delhi: Alag telangaana raajya ke gathan ki jordaar vakaalat karte hue raakaampa pramukh sharad Pawar ne guruvaar ko pradhaanamantri Manmohan Singh se kaha ki is maamale mein vilamb madadgaar naheen hoga. Raakaampa pramukh ne aaj kaha ki unhonne pradhaanamantri ke samaksh is mudde ko uthaaya. Raakaampa samprag ka pehla ghatak dal hai jisne telangaana par sheegra faisale ka khule taur par samarthan kiya hai aur is sambandh mein sheegra samprag ki baithak hone ki ummeed kar raha hai. Samvaadadaataaon se baatcheet mein Pawar ne jor diya ki Congress ''Aam taur par telangaana samarthak' hai. Pawar ne kaha, ''Savaal (alag raajya ka gathan) samay ki baat hai. Ham yathaasheeghr telangaana ka gathan chaahate hain. Ismein vilamb hamaare liye madadgaar naheen hoga. '' keindreeya krushi mantri ne kaha ki unki party lambe samay se alag telangaana raajya ka samarthak hai aur usane kuchh saal pehle TRS pramukh ke chandrashekhar Rao ke saath rally bhi ki thi. Pawar ne kaha ki agar Vidarbh kshetr bhi ek alag raajya ban jaata hai to raakaampa ko koi aapatti naheen hai. Unhonne kaha, ''Ham raah mein naheen aaenge. ''


Hit End Run Maamala Salman Par Chalega Gairiraadatan Hatya Ka Maamala

Hit End Run Maamala Salman Par Chalega Gairiraadatan Hatya Ka Maamala

Breaking »

Mumbai: Bollywood abhineta Salman Khan ko jordaar jhatka dene vaale ek faisale mein Mumbai ki ek magistrate adaalat ne Maharashtra sarkaar ke aavedan ko guruvaar ko sveekaar kar liya ki 2002 ke ''Hit end run'' maamale mein Khan ke khilaaf bhaarateeya dand sanhita ki dhaara 304 (do) (gairiraadatan hatya) ke tahat sunavaai ki jaani chaahiye. Is maamale mein abhi Khan (47 saal) ke khilaaf dhaara 304 (1) ke tahat sunavaai ho rahi hai jo laaparavaahi se gaadi chalaane se sambaddh hai aur ismein adhiktam do saal tak ki saja ho sakti hai. Doosari or dhaara 304 (do) ke tahat adhiktam 10 saal tak ki saja ho sakti hai. Magistrate ne aaj ke aadesh ke baad yah maamala sunavaai ke liye satr adaalat ko saunp diya kyonki yah gambhir aarop hai. Unke vakeel dipesh Mehta ne kaha ki Salman ko 11 February ko satr adaalat mein pesh hona hoga. Gaurtalab hai ki 28 September 2002 ko Salman Khan ki toyota land cruiser ne ek upanagareeya kshetr Bandra mein ek bakery mein takkar maar di thi. Is ghatna mein ek vyakti ki maut ho gayi thi jabki chaar anya ghaayal ho gaye the. Gaadi kathit taur par Salman chala rahe the. Bandra magistrate adaalat mein is maamale ki sunavaai 2006 mein hui thi. Mehta ne kaha ki Salman aaj ke aadesh ko uchch nyaayaalaya mein chunauti deinge. (input PTI se bhi)


Rahul Gandhi Ne Padaadhikaariyon Se Kaha, Imaandaari Baratein

Rahul Gandhi Ne Padaadhikaariyon Se Kaha, Imaandaari Baratein

Breaking »

Nai Delhi: Congress ke navaniyukt upaadhyaksh Rahul Gandhi ne pehli baar Congress ke mahaasachivon aur akhil bhaarateeya Congress committee (AICC) ke varishth sadasyon ki baithak li. Shukravaar ko bhi yah baithak jaari rahegi. Bataaya ja raha hai ki baithak mein party ne funding par ek committee banaai hai. Ambika soni is committee ki pramukh hongi. Chunaav sudhaar par bhi ek committee banaai gayi hai. Is baithak mein 18 padaadhikaariyon ne apni baat rakhi. Rahul Gandhi ne bhi is baithak ko sambodhit kiya. Baithak mein Rahul ne padaadhikaariyon ne imaandaari baratne ki baat kahi. Baithak mein gulaam nabi aajaad ne kaha ki ek vyakti ke paas ek pad hona chaahiye. Gaurtalab hai ki Rahul Gandhi ko haal hi mein Jaipur mein sampann chintan shivir mein 19 January ko party ka upaadhyaksh niyukt kiya gaya. Unhonne 23 January ko party ke mahaasachivon aur padaadhikaariyon ke saath anaupachaarik baithak ki thi.


Cinematograph Kaanoon Mein Punarvichaar Ke Liye Banegi Samiti Tivaari

Cinematograph Kaanoon Mein Punarvichaar Ke Liye Banegi Samiti Tivaari

Breaking »

Nai Delhi: Kamal Hassan ki film 'Vishvaroopam' ko lekar uthe vivaad ke beech soochana prasaaran mantri maneesh tivaari ne guruvaar ko kaha ki cinematograph kaanoon par punarvichaar kiya jaaega. Unhonne iske liye ek samiti ka gathan karne ka faisala kiya hai. Tivaari ne kaha ki kaanoon par punarvichaar ki aavashyakta hai taaki kisi aisi film ko lekar anishchitta ki sthiti ko samaapt ki ja sake, jise kendreeya film pramaanan board ki manjoori mil chuki ho. Unhonne kaha ki soochana prasaaran sachiv se kaha gaya hai ki vah samiti banaaen, jo kaanoon par punarvichaar kare aur dekhe ki sanshodhan ki aavashyakta hai ya naheen. Tivaari ne kaha ki samiti vichaar karegi ki kya kaanoon ke vaidhaanik ya niyaamak svaroop ko adhik pusht karne ki aavashyakta hai taaki sunishchit ho sake ki kendreeya film pramaanan board ke faisalon ka kaaryaanvayan ho. Samvidhaan ki saataveen anusoochi ke mutaabik kendra ko adhikaar hai ki vah kisi film ko pradarshan ke liye yogya ya ayogya pramaanit kare. Tivaari ne kaha ki kendra sarkaar kendreeya film pramaanan board ke jariye in adhikaaron ka istemaal karti hai. Ek baar board kisi nishchit nishkarsh par pahunchata hai ki ummeed ki jaati hai ki raajya sarkaarein us faisale ko laagoo kareingi kyonki yah maamala vishesh roop se kendra ke adhikaarakshetr mein aata hai. Jayalalita ke netrutv waali Tamil Nadu sarkaar dvaara Hassan ki film ke pradarshan par pratibandh ke pariprekshya mein tivaari ne yah pratikriya di. Is film ko haalaanki kendreeya film pramaanan board ki manjoori mil chuki hai.


Lokpal Vidheyak Mein Apne Sujhaav Sveekaar Naheen Hone Se Bhaajapa Naaraaj

Lokpal Vidheyak Mein Apne Sujhaav Sveekaar Naheen Hone Se Bhaajapa Naaraaj

Breaking »

Nai Delhi: Bhaajapa ne is baat par naaraajagi jataai ki cabinet ki or se guruvaar ko manjoor kiye gaye Lokpal vidheyak mein usaki or se diye gaye sujhaavon ko shaamil naheen kiya gaya hai. Party ke pravakta ravishankar prasaad ne kaha ki CBI ko svatantr nikaaya banaae jaane ke bhaajapa ke sujhaav ko sveekaar kiya jaana chaahiye tha. Unhonne bataaya ki Lokpal ko prabhaavi banaane ke liye bhaajapa ne sujhaav diya tha ki CBI ko svatantr nikaaya banaaya jaae aur uske nideshak ka kaaryakaal surakshit hone ke saath hi retire hone ke baad usaki anya jagah niyukti naheen ho. Bhaajapa pravakta ne kaha ki CBI nideshak ko nishpaksh hokar kaam karne dene ke liye jaroori hai ki na uske kaaryakaal par talavaar lataki ho aur na hi use retire hone ke baad kaheen aur niyukti ho sakane ka laalach ho. Unhonne savaal kiya ki sarkaar ne pravar samiti ke is sujhaav ko kyon naheen maana ki Lokpal ke maamalon ki jaanch kar rahe CBI adhikaari ka sthaanaantaran Lokpal ki manjoori se hi kiya ja sakega. Unhonne kaha ki Lokpal ki niyukti paaradarshi hone ke liye use sarkaar ke niyantran se baahar hona chaahiye. Prasaad ne kaha ki sarkaar ne is sujhaav ko naheen maan kar spasht kar diya hai ki vah CBI ko svaayatt ikaai banaane ke prati gambhir naheen hai. Unhonne kaha ki Lokpal ko prabhaavi banaane ke liye bhaajapa aur pravar samiti dvaara diye gaye kai achhe sujhaavon ko naheen maan kar sarkaar ne apne iraade saaf kar diye hain ki vah bhrashtaachaar se nipatne ke prati gambhir naheen hai.


Ponting, Clark Ko IPL Neelaami Mein Sarvaadhit Base-price

Ponting, Clark Ko IPL Neelaami Mein Sarvaadhit Base-price

Breaking »

Chennai: Australia ke poorv kaptaan Ricky ponting aur maujooda kaptaan Michael Clark ko chennai mein ravivaar ko hone waali 101 IPL khilaadiyon ki neelaami ke liye sarvaadhik base-price chaar lakh dollar (kareeb do karod das lakh rupaye) mili hai. Soochi mein ponting aur Clark ke alaava dakshin Africa ke harfanmaula johaan botha aur bhaarateeya tej geindabaaj RP Singh aham khilaadiyon mein shaamil hain. Inhein ek lakh dollar (53.3 lakh rupaye) base-price mila hai. Singh ko pichhle saal Mumbai Indians ne chhah lakh dollar mein khareeda tha lekin vah 11 maichon mein 10 wicket hi le sake. Iske baad freinchaaiji ne unhein chhod diya. Clark pehle Pune Warriors ke saath the jabki ponting ne Kolkata night Riders ke liye khela tha. Botha ko teen lakh dollar (ek karod 60 lakh rupaye) ka base-price mila hai. Soochi mein saat bhaarateeya, do english khilaadi aur Ireland ke kevin Obrien shaamil hain. Clark do saal pehle ti-20 cricket ko alvida kah chuke hain jabki ponting ki ginti bhi ti-20 cricket ke sarvashreshth khilaadiyon mein naheen hoti hai. Pichhle saal ti-20 vishwacup jeetne waali West Indies team ke kaptaan rahe Darren saimi pehli baar bikri ke liye upalabdh honge. Unki base-price ek lakh dollar hai. Anya antararaashtreeya khilaadiyon mein England ke Matt praayar aur ravi bopaara shaamil hain jo pichhle satr mein bik naheen sake the. Unhein kramash: Ek lakh aur do lakh dollar base-price mila hai. Soochi mein sitaara khilaadiyon ke naheen hone se neelaami mein utani raunak naheen rahegi. Ek freinchaaiji ke adhikaari ne ESPN cricinfo se kaha, ''Is baar koi badi neelaami naheen ho rahi hai. Sabhi teemein ikke dukke khilaadiyon ki kami poori kareingi. Khilaadiyon ke karaar 2013 satr ke baad khatm honge lihaaja kisi bade khilaadi ko khareedna is baar mumkin naheen hai. ''


Dhoni Ne Apne Naam Ka '7 Bye MS Dhoni 'Perfume Launch Kiya

Dhoni Ne Apne Naam Ka '7 Bye MS Dhoni 'Perfume Launch Kiya

Breaking »

Dubai: Bhaarateeya cricket kaptaan Mahendra Singh Dhoni ne dubai mein apne naam ka 'Sevan bye MS Dhoni' antararaashtreeya perfume launch kiya jisse vah Roger Federer aur David Beckham ki jamaat mein shaamil ho gaye. Dhoni apne naam ke perfume ko launch karne vaale pehle bhaarateeya cricketer hain aur unhonne apne bhaagyashaali number '7' ko iske naam mein istemaal kiya hai. Beeti raat yahaan ek kaaryakram mein bhaarateeya kaptaan ne chhah spray evam perfume launch kiye. In chhah khushbuon ke naam 'Intes', 'Power', 'Action', 'Kanekt', kool aur 'Enarji' hain jo unki pasand ki khushbuon par aadhaarit hain. Dhoni ne is mauke par kaha, ''Main 7 July 1981 ko paida huaa hoon, meri jersey ka number saat hai isliye saat number mere liye vishesh hai. Mujhe saat number pasand hai. '' yah poochhane par ki agar unke perfume ke naam cricket shot par hote to Dhoni ne javaab diya, ''Aap helicopter shot ko naheen bhool sakte, log mujhe isi shot se jodte hain lekin mujhe lagta hai ki jyaadaatar khushboo 'Stret drive' ya 'Kavar drive' mein hoti, lekin ismein se ek 'Helicopter' shot hoti. '' Dhoni ka kaam dekhne waali riti khel prabandhan ne dubai ki 'Beauty contact' ke saath milkar vaishvik baajaar mein ye purush perfume range launch ki hai. Beauty contact peris Hilton, Jessica Simpson, peri Alice, Maria shaaraapova, Alfred sang, Hummer aur Bob maiki ke perfume launch kar chuki hai.


'Special 26 Ki Bhoomika Chunauteepoorn Thi Akshay Kumar

'Special 26 Ki Bhoomika Chunauteepoorn Thi Akshay Kumar

Breaking »

Nai Delhi: Apni haasya aur action bhoomikaaon se alag 'Khilaadiyon ke khilaadi' Akshay Kumar apni aagaami film 'Special 26' mein ek gambhir bhoomika nibha rahe hain aur unhonne kaha ki vah khud ko badalkar bahut khush hoon. Jeevan ke 45 basant dekh chuke Akshay Kumar is film mein farji CBI adhikaari ki bhoomika nibha rahe hain. Unhonne kaha ki is film mein unki bhoomika pehle nibhaai gayi unki bhoomika se alag hai jo unke liye ek chunauti thi. Unhonne kaha, ''Dhokha dene vaale kalaakaar ki bhoomika ka pehle kabhi unhein prastaav naheen mila tha. Main is avsar ko paakar bahut khush hoon. Main apni bhoomika ke saath bahut santusht hoon aur yah ek chunauti tha. Lekin khud ko naye tareeke se pesh karne ka avsar paakar main bahut khush hoon. ''


Poorti Samooh Maamala IT Vibhaag Ne Ki Gadkari Se Poochhataachh

Poorti Samooh Maamala IT Vibhaag Ne Ki Gadkari Se Poochhataachh

Breaking »

Nagpur: Aayakar adhikaariyon ne pooti samooh mein sandigdh nivesh ke aaropon ki jaanch ke silsile mein guruvaar ko bhaajapa ke poorv adhyaksh nitin gadkari se chaar ghante se adhik samay tak poochhataachh ki. Sootron ne bataaya ki gadkari ko pehle 1 February ko pesh hona tha. Aayakar (anusandhaan) nideshak geeta Ravichandran ne madhya Nagpur ke sadar kshetr mein sthit kaaryaalaya mein unase poochhataachh ki. Poorti samooh aur kuchh anya companiyon mein nivesh aur unke niji lenaden se sambandhit savaalon ke javaab mein bhaajapa neta ke pratinidhi ne 25 prushthon ka dastaavej pehle hi saunpa tha. Gadkari ne kisi gadbadi ke aarop se inkaar kiya hai aur kaha ki unhonne kuchh samay pehle hi poorti samooh se isteefa day diya tha. Aayakar vibhaag ne is maheene ke doosare pakhavaade mein pesh hone ke liye gadkari ko saman jaari kiya tha. Aayakar adhikaari unki companiyon aur unke khilaaf kar vanchana ke aaropon ki jaanch kar rahe hain. Aayakar vibhaag un vibhinn companiyon ki jaanch kar raha hai jinhonne gadkari ki company poorti power end sugar li. Mein nivesh kiye hain. Sootron ke anusaar vibhaag ne kathit taur par 30 companiyon ka pata lagaaya hai jinka poorti power end sugar li. Se ''Lenaden'' hai. Aayakar adhikaariyon ne 22 January ko Mumbai mein 11 parisaron ki jaanch ki thi jo poorti samooh se kathit taur par judi companiyon se sambaddh the. Bataae gaye paton par aisi in companiyon ke koi chinh naheen the. Gadkari ke niji sahaayak manoj vaadekar ne kaha ki bhaajapa neta aaj hi aayakar adhikaariyon ke samaksh pesh hue kyonki kal unka Delhi mein ho rahi party ki kor samiti ki baithak mein shaamil hone ka kaaryakram hai. (input bhaasha se bhi)


Tahavvur Raana Tak Pahunch Ki America Se Maang Karega Bhaarat

Tahavvur Raana Tak Pahunch Ki America Se Maang Karega Bhaarat

Breaking »

Nai Delhi: Bhaarat ne guruvaar ko kaha ki vah America se doshi thaharaae gaye aatankvaadi David Headley ke saathi tahavvur raana tak pahunch muhaiya karaane ki maang karega. Saath hi usane kaha ki vah Mumbai par hue aatankvaadi hamle ke maamale mein apni kaanooni prakriya ko aage badhaane ke liye Headley aur raana ke pratyarpan ke liye apni maang par kaayam rahega. Videsh mantraalaya ke aadhikaarik pravakta ne kaha ki 26 November ke hamle ke shadyantrakaariyon ko nyaaya ke daayare mein laane ka kaarya pragati par hai jise Bhaarat uske taarkik anjaam tak le jaana chaahata hai. Unhonne kaha ki sarkaar ek baar fir raana tak pahunch muhaiya karaane ke liye ameriki sarkaar se samarthan maangegi aur saath hi jaroorat padne par Headley tak aur pahunch ki bhi maang karegi. Pravakta se Hillary Clinton ke us haaliya bayaan par Bhaarat ki rai jaahir karne ko kaha gaya tha jismein unhonne kaha tha ki Headley ko sarvashreshth sambhav saja mili hai. Isse unhonne sanket diya tha ki Headley ka Bhaarat ko pratyarpan naheen kiya jaaega. Pravakta ne kaha, ''Hamaara lakshya hai ki Mumbai par aatankvaadi hamle ke sambandh mein vishesh NIA adaalat mein aarop patra daayar kiye jaane se shuroo hui prakriya aage badhe aur vahi hamaara lakshya hai. '' Unhonne kaha, ''Inmein se do aarop patra Headley aur raana ke khilaaf hain. America ab tak apne kaanoon ke daayare mein madadgaar raha hai. Usane Headley tak hamein pahunch muhaiya karaai hai. Hamaare adhikaariyon ne usase saat din tak poochhataachh ki hai. ''


Kings Eleven Punjab Ke Nae Coach Bane Leeman

Kings Eleven Punjab Ke Nae Coach Bane Leeman

Breaking »

Chandigarh: Australia ke poorv cricketer Darren leeman ko guruvaar ko chhathe Indian Premier league ke liye kings eleven Punjab ka coach niyukt kiya gaya. Leeman isse pehle Hyderabad ki Deccan Chargers ke coach the jinhein pichhle satr mein anubandh ki sharton ka ullanghan karne ke kaaran BCCI ne barkhaast kar diya tha. Hyderabad ki nai freinchaaiji sunrisers ne leeman ko coaching ka prastaav naheen diya aur unke sthaan par poorv Australiaee all-rounder Tom moodi ko niyukt kiya. Kings eleven Punjab ke promoteron ne bayaan mein kaha, ''Ham Darren leeman ko apni team ka coach niyukt karke bahut khush hain. Darren kaafi anubhavi hain aur unhein khel tatha ti-20 praaroop ka achha anubhav hai. '' Leeman ne kaha ki unhein is saal IPL mein kings eleven Punjab ko coaching dene ka mauka milega aur vah sammaanit mahasoos kar rahe hain.


Samay Ka Sahi Prabandhan Hi Safalta Hai Hritik Roshan

Samay Ka Sahi Prabandhan Hi Safalta Hai Hritik Roshan

Breaking »

Mumbai: Adhiktar logon ke liye safalta ka matlab hota hai, naam aur prasiddhi, lekin abhineta Hritik roshan kehte hain ki safalta ka matlab hai samay ka sahi tareeke se prabandhan karna, jisse aap apne har din ki dincharya mein apni pasand ke kaam kar sakein. Mangalvaar ko designer ghadiyon ke brand Rado ke launch par Hritik (39) ne kaha, apne anubhavon ke jariye mainne safalta ko bilkul alag najariye se samjha hai. Mere anusaar, safalta ka matlab shoharat ya daulat naheen hai. Yah kisi tarah ki prashansa naheen hai. Safalta ka matlab hai ki aap apne samay ka prabandhan kaise karte hai. Yah ek kala hai. Unhonne kaha, yadi aap un sabhi kaamon ke liye samay nikaal lete hain, jo aap karna chaahate hain to aap safal insaan hain. Yah poochhe jaane par ki unki jaankaari mein sabse jyaada samay ke paaband kaun hain, unhonne kaha, mere pita meri jindagi ke sabse jyaada samay ke paaband insaan hain.


Sensex Mein Aaj Kamjori Ka Rukh

Sensex Mein Aaj Kamjori Ka Rukh

Breaking »

Mumbai: Derivative khand mein maasik niptaan se pehle aaj Mumbai share baajaar ka Sensex 23 ank ki giraavat ke saath khula. Kamjor Asiaee rukh se bhi baajaar prabhaavit huaa. Shuruaati kaarobaar mein Sensex 22.72 ank ya 0.11 pratishat ki giraavat ke saath 19,982.28 ank par aa gaya. Tel evam gas, poonjeegat saamaan tatha vaahan companiyon ke sheyaron mein giraavat ka rukh tha. Budhvaar ko Sensex mein 14.10 ank ki badhat rahi thi. Isi tarah national stock exchange ka Nifty 4.30 ank ya 0.07 pratishat ke nuksaan se 6,051.45 ank par aa gaya.


Bhaarat-Pakistan Hain Duniya Ke Sabse Khatarnaak Ilaake Poorv Ameriki Videshamantri

Bhaarat-Pakistan Hain Duniya Ke Sabse Khatarnaak Ilaake Poorv Ameriki Videshamantri

Breaking »

Washington: Raashtrapati Reagan ke prashaasan mein videshamantri rah chuke America ke poorv sheersh kootneetigya George Schultz ne kaha hai ki Bhaarat aur Pakistan duniya ke sabse khatarnaak ilaake hain. Varsh 1982 se 1989 tak videsh mantri rahe George Schultz ne videsh-sambandh parishad ke saamane gat mangalvaar ko kaha, is samay duniya ke sabse khatarnaak ilaake, mere khyaal se, Bhaarat-Pakistan hain. Unhonne kaha, aap aur ve aasaani se kalpana kar sakte hain ki kuchh dusht giroh ek doosra Mumbai hamla kar sakte hain aur Bhaarat jyaada saavdhaan naheen hoga. Fir achaanak sthiti aapke niyantran se baahar ho jaaegi aur agale din Kashmir mein ek-doosare par goleebaari hone lagegi. Vah daraasal parmaanu hathiyaaron ke durupayog ki aashanka aur Iran ke aakraamak ravaiye ke baare mein poochhe gaye savaal ka javaab day rahe the usi ke sandarbh mein unhonne Bhaarat-Pakistan ke beech tanaav ka jikr kiya. Unhonne kaha, yah bahut khatarnaak kshan hai aur agar Iran parmaanu hathiyaar haasil kar leta hai aur iska aur adhik prasaar karta hai to aapko yah karna hoga ki aap aanavik saamagri par pakad banaakar rakhein. Aanavik saamagri paana sabse mushkil hissa hai. Agar aapke paas hathiyaar star ka Uranium hai to ise Plutonium se nikaalkar banaane ki tulana mein yah (bam banaana) bahut aasaan hoga. America ke is poorv sheersh kootneetigya ne ameriki raashtrapati Barack Obama ki is baat ke liye taareef ki ki parmaanu hathiyaaron ke durupayog ko rokane ke liye unhonne pahal ki. Unhonne kaha, mujhe lagta hai ki raashtrapati Obama ne ek sabse achha kaam yah kiya ki unhonne aanavik saamagri par behtar niyantran ke liye 40 raashtraadhyakshon ka ek samooh banaaya. Aage unhonne kaha, iske baad unhonne sol mein baithak karaai aur mujhe lagta hai ki kareeb 50 raashtraadhyakshon ne is par kaam kiya.


Brazil Agnikaand Mein Mrutakon Ki Taadaad 235 Pahunchi

Brazil Agnikaand Mein Mrutakon Ki Taadaad 235 Pahunchi

Breaking »

Santa Maria: Dakshini Brazil mein pichhle saptaah hue agnikaand mein marne vaalon ki sankhya badhkar 235 ho gayi hai, jabki 143 anya ab bhi aspataal mein bharti hain. Adhikaariyon ne Budhvaar ko yah jaankaari di. Brazil ke pichhle 50 saalon mein sabse bheeshan agnikaand se marne vaalon ki sankhya lagaataar badh rahi hai. Agnikaand ke shikaar hue logon mein se jinhein shuruaat mein chikitsa ki jyaada jaroorat naheen padi thi, unhein saans ke jariye jahareela dhuaan shareer ke andar chale jaane se ab svaasth sambandhi mushkilein aa rahi hain. Mangalvaar ko 22 logon ko saans ki dikkaton ki vajah se aspataal mein bharti karaana pada. Svaasthya adhikaariyon ke mutaabik, 75 log ab bhi gambhir roop se ghaayal hain. Ghatna ki shuruaati jaanch ke baad bataaya gaya tha ki club ke sangeet band ke ek sadasya ke dvaara club ke bheetar aatishbaaji karne se aag bhadki aur band kshetr mein jahareela dhuaan bhar gaya. Police ne somvaar ko chaar logon ko hiraasat mein liya hai, jinmein do club ke maalik aur do sangeet band ke sadasya hain.


Fitness Samasyaaon Se Joojh Rahe Pakistan Ka Saamana Dakshin Africa Se

Fitness Samasyaaon Se Joojh Rahe Pakistan Ka Saamana Dakshin Africa Se

Breaking »

Johannesburg: Pakistan duniya ki number ek team dakshin Africa se shukravaar ko pehle test mein aamne-saamane hoga to salaami ballebaaj taufeek umar ki kami use khalegi, jo chot ke kaaran baahar hai. Abhi tak 43 test mein 2943 run bana chuke umar maansapeshiyon mein chot ke kaaran daure se baahar hain. Umar aur mohammad hafeej Pakistan ke liye lagaataar 18 test mein paari ki shuruaati kar chuke hain, jo Pakistani record hai. Dakshin Africa ki tej pichon par bhi Pakistan is jodi se achhi shuruaat chaahata tha. Umar ki jagah naasir Jamshed test cricket mein padaarpan kar sakte hain. Unhonne dakshin Africa aamantran ekaadash ke khilaaf abhyaas match mein ardhashatak jamaaya jo draw par khatm huaa. Teen maichon ki shrunkhala mein Pakistan ke liye kaamayaabi ki kunji ballebaaji hogi. Dakshin Africa ke geindabaajon ne do test maichon ki shrunkhala mein New Zealand ka safaaya kar diya tha. Dale sten aur vernon Philander ke roop mein dakshin Africa ke paas do khatarnaak tej geindabaaj hain, jo ICC geindabaaji ranking mein sheersh do sthaanon par hain. Morne Morkel aathavein sthaan par hai. Of spinner Saeed Ajmal teesare number par hain. Aamantran ekaadash ke khilaaf Pakistan ka madhyakram vifal ho gaya tha. Pakistan ko dakshin Africa ke khilaaf achha score banaana hoga. Pakistan ke liye Ajmal ko achha pradarshan karna hoga. Swing geindabaaj junaid Khan, mohammad Irfan tej aakraman ki kamaan sambhaalenge.


Antariksh Mein Paida Hui Sabjiyon Ko Roosi Vaigyaaniko Ki Sveekruti

Antariksh Mein Paida Hui Sabjiyon Ko Roosi Vaigyaaniko Ki Sveekruti

Breaking »

Moscow: Antararaashtreeya antariksh kendra (ISS) mein ugi sabjiyon ko khaane se bhojan vishaaktata ka khatra naheen hai. Roosi vaigyaaniko ne in sabjiyon ko apni sveekruti bhi day di hai. Samaachaar agency RIA novosti ke anusaar, beete kuchh varshon se vaigyaanik misuna ya Japani gobhi sahit antariksh mein ugaai gayi sabjiyon ka adhyayan kar rahe hain. Moscow sthit Institute of medical end biological problems ke pravakta ne bataaya, gobhi ke namoonon ko pruthvi par laaya gaya tha. Unhonne kaha, hamein antariksh se laai gayi gobhi aur pruthvi par ugi gobhi ki jaiv bhaar sanrachana mein kisi tarah ka koi antar naheen mila. Ek vaigyaanik ne bataaya, sookshmajeev vigyaani pariprekshya ke anusaar yah namoone khaane ke liye bilkul surakshit hain. Sookshmajeev vigyaani suraksha antariksh yaatriyon ke aahaar ka nirdhaaran karne ka ek mahatvapoorn paimaana hai. Roosi vaigyaaniko ne in parinaamon ka istemaal lambi avadhi ke antariksh missiono ke dauraan kheti ke liye upayukt paudhon ki soochi taiyaar karne ke sambandh mein karne ki yojana banaai hai.


2014 Ke Chunaavon Ki Rananeeti Par BJP-RSS Ki Aham Baithak

2014 Ke Chunaavon Ki Rananeeti Par BJP-RSS Ki Aham Baithak

Breaking »

Nai Delhi: Varsh 2014 mein hone vaale Loksabha chunaav ko lekar rananeeti taiyaar karne ke liye BJP aur raashtreeya swayamsevak sangh (RSS) ke varishth netaaon ne aaj baithak ki. Baithak mein BJP ke nae adhyaksh Rajnath Singh, varishth neta Lal Krishna Advani tatha Loksabha mein vipaksh ki neta Sushma Swaraj ke atirikt RSS ki or se bhaiyaaji Joshi aur suresh soni maujood the. Sootron ke mutaabik baithak mein BJP ki raajanaitik yojana aur chunaav tak ke maheenon ke liye rananeeti par charcha ki gayi. Daraasal yah baithak isliye bhi mahatvapoorn maani ja rahi thi, kyonki party ki or se pradhaanamantri pad ke ummeedavaar ko lekar party aur raashtreeya janataantrik gathabandhan (NDA) ke sahayogi dalon mein charchaaen aajkal joron par hain. NDA ke pramukh ghatak shivsena ne bhi saaf shabdon mein kah diya hai ki 2014 ke aam chunaav ke liye gathabandhan ke ummeedavaar ka naam jald tay karna hoga. Uddhav Thackeray ne kaha ki BJP ne jo galati raashtrapati chunaav ke dauraan ki thi, use na doharaae. Uddhav ne yah bhi kaha ki pradhaanamantri pad ke liye shivsena ke divangat neta baala saaheb Thackeray ki pasand Sushma Swaraj theen, lekin agar BJP ke paas koi naam hai, to vah use saamane laae. Uddhav ke bayaan se saaf hai ki Narendra Modi ko unka samarthan haasil naheen hai, jinke naam ki charchaaen sabse jyaada ho rahi hain. NDA ke ek aur ghatak dal JDU ka bhi Modi ki taraf aisa hi ravaiya hai.


Rape Aur Sadak Haadase Ke Shikaaron Ke Ilaaj Mein Na Ho Deri Delhi High Court

Rape Aur Sadak Haadase Ke Shikaaron Ke Ilaaj Mein Na Ho Deri Delhi High Court

Breaking »

Nai Delhi: Delhi High Court ne sarkaar ko aadesh diya hai ki vah yah sunishchit kare ki sarkaari aur niji svaamitv vaale sabhi aspataalon mein rape peediton aur sadak haadason mein jakhmi hue logon ko turant ilaaj upalabdh ho. Adaalat ne kaha ki aspataalon ko yah jaroor kaha jaae ki vah aise haalaaton mein ilaaj ke liye mana naheen kar sakta hai. Adaalat ka yah aadesh Delhi gang-rape ki us barbar ghatna ke maddenajar aaya hai, jismein 23-varsheeya chhaatra ke saath chhah logon ne chalti bas mein gang-rape karne ke baad use uske saathi samet sadak par feink diya tha. Chhaatra ki maut ke baad uske saathi ne kaha tha ki jab ve donon sadak kinaare lahuluhaan aur nagn haalat mein pade hue the, to mauke par pahunche policewaalon ne yah tay karne mein aham vakt barbaad kar diya ki maamala kis police kshetr mein darj kiya jaae aur kaun se najadeeki sarkaari aspataal mein unhein le jaaya jaae.


'Vishvaroopam Ki Mushkilein Kam Naheen, UP Mein Bhi Lag Sakti Hai Rok

'Vishvaroopam Ki Mushkilein Kam Naheen, UP Mein Bhi Lag Sakti Hai Rok

Breaking »

Nai Delhi: Uttar pradesh mein sattaaroodh samaajavaadi party (sapa) ke raashtreeya mahaasachiv Ram aasare Kushwaha ne kaha ki vivaadaaspad film 'Vishvaroopam' agar kisi dharm, jaati ya varg ki bhaavanaaon ko thes pahunchaati hai to raajya mein usaka pradarshan naheen hone diya jaaega. Kushwaha ne bataaya, Tamil Nadu mein kamal Hassan ki film 'Vishvaroopam' ke pradarshan par rok lagaai gayi hai. Mujhe laga ki is film mein aisa kuchh jaroor hai, jo kisi dharm, jaati ya varg ki bhaavanaaon ko thes pahunchaata hai. Unhonne kaha, uttar pradesh mein choonki sapa sarkaar hai aur kaanoon vyavastha theek banaae rakhana usaki jimmedaari hai, lihaaja hamaare adhikaari pehle us film ko dekheinge. Yadi yah mahasoos kiya gaya ki us film se kisi ki bhaavanaaon ko thes naheen lagegi to uske pradarshan ki ijaajat di jaaegi. Agar naheen, to kaanoon vyavastha theek rakhane ke liye film ke pradarshan par rok lagaai jaaegi. Gaurtalab hai ki abhineta aur nirmaata-nirdeshak ki aatankvaad ke vishay par aadhaarit film 'Vishvaroopam' ke kuchh drushyon par kai muslim sangathanon ne etaraaj jataaya hai, jiske baad Tamil Nadu sarkaar ne uske pradarshan par rok laga di hai.


Kamal Hassan Se Dushmani Naheen, Film Mein Badlaav Karein, Release Hone Deinge Jaya

Kamal Hassan Se Dushmani Naheen, Film Mein Badlaav Karein, Release Hone Deinge Jaya

Breaking »

Chennai: Tamil Nadu ki mukhyamantri jayalalita ne tamil film 'Vishvaroopam' par lage pratibandh se sambandhit vivaad par apni chuppi todte hue kaha ki yadi muslim sangathan aur abhineta kamal Hassan sahamati banaaen to unki sarkaar is maamale ke hal mein madad kar sakti hai. Muslim sangathanon ke virodh ke maddenajar film par lagaae gaye do saptaah ke pratibandh ko lekar chaaron or se hamle ka saamana kar raheen jayalalita ne apni sarkaar ke nirnaya ka yah kehte hue bachaav kiya ki yah faisala sambhaavit hinsa ki guptachar soochanaaon par aadhaarit tha. Unhonne spasht kiya ki unki Hassan ke khilaaf koi 'Niji shatruta' ya film par pratibandh lagaane mein koi 'Niji hit' naheen hai. Unhonne kaha ki abhivyakti ki svatantrata ka daman karne ka koi savaal hi naheen hai. Unhonne sheersh adhikaariyon ke saath baatcheet karne ke baad kaha, is star par bhi yadi muslim sangathan aur kamal Hassan baithakar baatcheet ke jariye kisi sauhaardapoorn samjhaute ko taiyaar hon to Tamil Nadu sarkaar ismein madad dene ko taiyaar hai.


Bhaarat Daure Ke Liye Dorothy, Henricks Australiaee Test Team Mein

Bhaarat Daure Ke Liye Dorothy, Henricks Australiaee Test Team Mein

Breaking »

Melbourne: Cricket Australia (CA) ne Bhaarat ke saath hone waali chaar maichon ki test series ke liye 17 sadasyeeya test team ki ghoshana kar di hai. Is team mein harfanmaula khilaadi Xavier Dorothy aur moesis Henricks ko bhi jagah di gayi hai. Chotil David vaarnar ko bhi team mein shaamil kiya gaya hai, lekin unke Bhaarat daure ko lekar sanshaya hai. Perth mein Budhvaar ko abhyaas ke dauraan vaarnar ke angoothe mein gambhir chot lag jaane ke baad unke chayan ko lekar asamanjas ki sthiti bani hui thi, lekin chayanakartaaon ne is ummeed ke saath unhein team mein jagah di ki vah samay rahate fit ho jaaenge. Is daure par team ki kamaan Michael Clark ke haathon mein hogi jabki Shane Watson ko upakaptaan banaaya gaya hai. Glen Maxwell, usmaan khwaaja aur steven smith ko bhi team mein shaamil kiya gaya hai. Australia aur Bhaarat ko kul chaar test match khelne hain. Series ka pehla mukaabala 22 se 26 February tak chennai mein, doosra mukaabala do se chhah March tak Hyderabad mein, teesara mukaabala 14 se 18 March tak Mohali mein aur chautha match 22 se 26 March tak Delhi mein khela jaaega. CA ne apne bayaan mein kaha hai ki vaarnar ke Bhaarat ke khilaaf khelne ke achhe aasaar hain aur unki sthiti par najar rakhi ja rahi hai. Pehla test shuroo hone mein abhi vakt hai aur aise mein team prabandhan vaarnar ki maujoodagi ko lekar kaafi had tak aashvast dikh raha hai. Vaarnar is chot ke kaaran West Indies ke saath hone vaale paanch maichon ki ekadivseeya series mein naheen khel paaenge. Australiaee team : Michael Clark (kaptaan), Jackson bird, Xavier Dorothy, usmaan khwaaja, glen Maxwell, Peter sidl, Michelle Stark, David vaarnar, Shane Watson (upakaptaan), Ed kovan, moesis Henricks, Michelle jaanasan, Nathan Leon, James Pattinson, steven smith, Matthew wed.


Bhaarateeya Sainikon Ne Naheen Kaate Pakistani Javaanon Ke Sir Antony

Bhaarateeya Sainikon Ne Naheen Kaate Pakistani Javaanon Ke Sir Antony

Breaking »

Nai Delhi: Raksha mantri AK Antony ne bhaarateeya sainikon dvaara niyantran rekha (LOC) par Pakistani javaanon par atyaachaar karne va unke sir kaatne ki report ko khaarij karte hue ise bebuniyaad bataaya hai. Bhaarateeya sena dvaara is report ko galat va atkalon par aadhaarit bataae jaane ke agale din guruvaar ko raksha mantri ne bhi yahi baat kahi. Antony ne yahaan ek kaaryakram se itar patrakaaron se kaha ki ye aarop 'Poori tarah se bebuniyaad' hain. Ek samaachaar patra ne Budhvaar ko report di thi ki Pakistan ne sanyukt raashtra mein apna virodh jataate hue bhaarateeya sainikon par aarop lagaaya hai ki unhonne LOC par Pakistani javaanon par atyaachaar kiye aur 1998 se ab tak kam se kam 12 Pakistani sainikon ke sir kaate hain. LOC par 6 January ko bhaarateeya sena dvaara ek Pakistani javaan ko maar giraae jaane aur iske do din baad Pakistani javaanon dvaara do bhaarateeya sainikon ki hatya kiye jaane ke baad se donon deshon ke beech tanaav ki sthiti hai. Pakistani javaan maare gaye bhaarateeya sainikon mein se ek ka sir kaatkar apne saath le gaye the, jabki doosare sainik ka shav bhi kshat-vikshat haalat mein mila. Ghatna ke baad upaje tanaav ko door karne ke liye donon deshon ke sainya sanchaalan mahaanideshakon (DGMO) ke beech LOC par 2003 se jaari yuddhaviraam aage bhi jaari rakhane par sahamati bani thi.