Manarega Mein Doosari Harit Kraanti Laane Ki Poori Kshamata Soniya

Manarega Mein Doosari Harit Kraanti Laane Ki Poori Kshamata Soniya

Breaking »

Nai Delhi: Delhi ke vigyaan bhavan mein aathavein manarega diwas ke mauke par aayojit samaaroh mein UPA adhyaksh soniya Gandhi aur pradhaanamantri Manmohan Singh ne is yojana ki upalabdhiyaan ginaain. Is mauke par soniya Gandhi ne kaha ki doosari harit kraanti mein manarega ki bhoomika aham hogi, saath hi ismein aadhunik takaneek ke jariye sudhaar laaya jaaega. Desh ke vikaas mein manarega ki bhoomika ko aham maanate hue soniya ne kaha ki isse krushi utpaadan ki kshamata mein badotari hogi. Soniya ne kaha, mera maanana hai ki manarega mein krushi utpaadan mein badhotri karne ki jabardast kshamata hai, jiska ki humne aaj ki taarikh mein poori tarah dohan naheen kiya hai. Ismein bahut saari sambhaavnaaen hain. Ismein na sirf gaavon mein saamudaayik sampatti ke srujan ki prachur sambhaavana hai, balki ismein laghu evam madhyam kisaanon ko sinchaai suvidha upalabdh karaane, bhoomi viksit karne aur krushi ko badhaava dene ki bhi bahut sambhaavana hai. Unhonne kaha ki krushi mein aadhunik praudyogiki ke istemaal ke saath is yojana ko jodkar kisaanon ki upaj ko gayi guna badhaaya ja sakta hai. Ismein koi shak naheen ki doosari harit kraanti ke hamaare sapane ko poora karne mein manarega ek badi bhoomika nibha sakti hai. Is mauke par pradhaanamantri Manmohan Singh ne apne udghaatan bhaashan mein is yojana ko aur jyaada kaaragar banaane par jor dete hue bataaya ki is yojana ke tahat manjoor kaamon ki soochi mein 30 nae kaam jode gaye hain. Inmein se jyaadaatar ka jor graameen kshetron mein roji-roti upalabdh karaane par hai. Pradhaanamantri ne manarega ko duniya ki sabse badi yojana bataate hue kaha ki isse aath karod logon ko rojagaar mila hai, jismein mahilaaon ki bhaageedaari 47 feesadi hai. Pradhaanamantri ne kaha ki manarega se na sirf logon ka gaanvon se palaayan thama hai, balki sookhe ilaake mein krushi ke vikaas ke liye maahaul bana hai. PM ne kaha ki manarega se samaaj ke SC, ST aur doosare kamjor tabake ko faayda mila hai aur mahilaaon ko bhi purushon ke baraabar majadoori milti hai. Pradhaanamantri ka maanana hai ki agar saari yojanaaon ko ek saath jod diya jaae, to vikaas ki raftaar tej ho sakti hai. Manarega diwas par is vishesh samaaroh mein panchaayaton se jude logon ko sammaanit bhi kiya gaya.


John Keri Ne America Ke Videshamantri Pad Ki Shapath Li

John Keri Ne America Ke Videshamantri Pad Ki Shapath Li

Breaking »

Washington: Ameriki raajaneeti ke manjhe hue khilaadi aur Bhaarat ke saath majaboot rishton ka samarthan karne vaale John keri ne Hillary Clinton ki jagah par America ke videshamantri pad ki shapath li. Keri (69) ko niji kaaryakram mein America ke Supreme court ki nyaayaadheesh Elena kaagan ne shapath dilaai. Keri ne media se kaha, main shapath lekar bahut sammaanit mahasoos kar raha hoon aur kaam karne ko lekar behad utsuk hoon. Is dauraan unki patni teresa heinj, unki beti vanessa, bhaai Cameron aur unke senate ke karmachaari maujood the. Keri Bhaarat aur Pakistan ke beech shaanti baatcheet ke prabal samarthak rahe hain, jabki unka drudh vishvaas hai ki kuchh aise sambandh hain, jo 21veen sadi mein nai Delhi ke saath Washington ke rishton ke liye behad mahatvapoorn hain. Keri ka pichhle teen dashak ke saarvajanik jeevan ka career behad shaanadaar raha hai. Pichhle chaar saal se vah senate ki behad shaktishaali maani jaane waali videshi maamalon ki samiti ke adhyaksh the.


Arthavyavastha Mein Chhah Pratishat Vruddhi Ki Ummeed Rangaraajan

Arthavyavastha Mein Chhah Pratishat Vruddhi Ki Ummeed Rangaraajan

Breaking »

Chennai: Pradhaanamantri aarthik salaahakaar parishad ke adhyaksh si rangaraajan ne ummeed jataai hai ki sarkaar ke vibhinn faisalon ke chalte January se March tak ki avadhi mein vinirmaan ko teji milne se is vittavarsh mein desh ki arthavyavastha mein kareeb chhah pratishat ki vruddhi ho sakti hai. Rangaraajan ne agale vittavarsh ke baare mein poochhe jaane par kaha, mujhe ummeed hai ki kuchh kaaranon aur nivesh dhaarana mein parivartan ke chalte vitteeya varsh 2013-14 vitteeya varsh 2012-13 se behtar hoga. Rangaraajan Hindustan chamber of Commerce ko sambodhit kar rahe the. Audyogik utpaadan soochakaank ke aankadon ke anusaar November, 2012 mein vinirmaan kshetr mein 0.3 pratishat ki vruddhi hui.


Jet Airways Ke Pilot Naheen Kareinge Virodh Pradarshan

Jet Airways Ke Pilot Naheen Kareinge Virodh Pradarshan

Breaking »

Nai Delhi: Jet Airways ke piloton ne bakaaya vetan bhugataan mein deri ko lekar shukravaar ko baithak ki. Haalaanki piloton ne agale saptaah prabandhan ke saath baithak se pehle kisi prakaar ka virodh pradarshan naheen karne ka nirnaya kiya. Piloton ne yah nirnaya aise samay kiya hai, jab company apni hissedaari bechne ke liye etihaad Airways ke saath saude ko antim roop day rahi hai. Sootron ne bataaya ki kareeb 100 piloton ki chaar ghante chali baithak ke baad yah nirnaya kiya gaya ki agale saptaah mangalvaar ko prabandhan ke saath baithak se pehle virodh pradarshan naheen kiya jaaega. Us baithak ke baad guruvaar ko Mumbai mein fir se milne ka nirnaya kiya gaya hai. Jet Airways ke takaneeshiynon ne prabandhan ki taraf se 7 February ko baatcheet ka nyauta diye jaane par apna virodh pradarshan vaapas le liya hai. Ye karmachaari kathit taur par vetan vruddhi roke jaane ko lekar kaali patti baandhakar pichhle saptaah se virodh kar rahe the.


Saarvajanik Kshetr Ke Teen Aur Bankon Ne Loan Sasta Kiya

Saarvajanik Kshetr Ke Teen Aur Bankon Ne Loan Sasta Kiya

Breaking »

Nai Delhi: Saarvajanik kshetr ke agrani bankon - bank of Baroda, bank of India aur Canara bank ne apni pradhaan udhaari daron mein 0.25 pratishat tak ki katauti ki, jisse in bankon se aavaas rin, vaahan rin aur corporate rin lena thoda sasta ho jaaega. Bank of Baroda ne Mumbai share baajaar ko di soochana mein bataaya ki aadhaar dar va benchmark pradhaan udhaari dar (BPLR) 0.25-0.25 pratishat tak ghata di gayi hai, jo 9 February se prabhaavi hogi. Isi tarah se, bank of Baroda ki aadhaar dar aur BPLR kramash: 10.25 pratishat aur 14.50 pratishat ho gayi hai. Bank of India aur Canara bank ne bhi apni aadhaar dar aur BPLR mein 0.25 pratishat tak ki katauti ki hai. Donon bankon ki aadhaar dar aur BPLR ab kramash: 10.25 pratishat aur 14.50 pratishat ho gayi hai. Bank of Baroda aur bank of India ki nai darein 9 February se prabhaavi hongi, jabki Canara bank ki nai darein 4 February se prabhaavi hongi. Ullekhaneeya hai ki reserve bank dvaara 29 January ko maudrik neeti ki sameeksha mein repo dar aur CRR mein katauti kiye jaane ke baad SBI, PNB aur HDFC bank sahit kai bankon ne apni udhaari darein ghataai hain.


PM Pad Ki Ummeedavaari Ke Liye Narendra Modi Ka Naam Sabse Aage Kalaraaj

PM Pad Ki Ummeedavaari Ke Liye Narendra Modi Ka Naam Sabse Aage Kalaraaj

Breaking »

Lucknow / nai Delhi: BJP mein pradhaanamantri pad ke ummeedavaar ke naam ko lekar aavaajein uthani band naheen ho rahi hain. Bhale hi party adhyaksh Rajnath Singh ne saaf kar diya hai ki sansadeeya samiti hi ummeedavaar ka naam tay karegi, lekin party ke bheetar Modi ke naam par golbandi jaari hai. Yashavant sinha ke baad party ke varishth neta kalaraaj mishr ne bhi kaha hai ki Narendra Modi ka naam BJP ke pradhaanamantri pad ke ummeedavaaron mein sabse aage hai. Haalaanki unhonne yah bhi kaha hai ki BJP aur RSS netaaon ki baithak mein PM pad ke ummeedavaar ke taur par koi naam tay naheen kiya gaya hai. Gaurtalab hai ki kuchh din pehle BJP mein dabe-chhipe uth rahi maangon ko aavaaj dete hue party neta yashavant sinha ne Gujarat ke mukhyamantri Narendra Modi ko pradhaanamantri pad ka daavedaar banaane ki khulkar vakaalat ki thi, jis par NDA ke pramukh ghatak dal JDU ne saaf taur par naakhushi jataai thi. Yashavant sinha ne kaha tha, "Gambheerta se vichaar karne ke baad mainne mahasoos kiya hai ki agar BJP Modi ko apna pradhaanamantri pad ka daavedaar ghoshit karti hai, to BJP ko chunaav mein bade star par faayda hoga. Matadaataaon par iska vyaapak asar padega. Mujhe ismein koi sandeh naheen hai. " Poorv videshamantri sinha ne kaha tha ki pradhaanamantri pad ke ummeedavaar ke baare mein nirnaya party ko lena hai, lekin kaaryakartaaon aur janta ki bhaavana yahi hai. Unhonne kaha tha ki haaliya sarvekshanon mein Modi ko pradhaanamantri pad ke anya sabhi daavedaaron se kaafi aage bataaya gaya hai aur unhein is tarah pesh karne ka yah sahi vakt hai.


Pakistan Mein Check Post Par Taalibaan Ka Hamla, 20 Ki Maut

Pakistan Mein Check Post Par Taalibaan Ka Hamla, 20 Ki Maut

Breaking »

Islamabad: Pakistan ke ashaant pashchimottar praant mein shanivaar ko taalibaan ladaakuon ne suraksha balon ki ek jaanch chauki par hamla kar diya, jismein 12 aatankvaadi aur ardhasainik bal ke aath javaan maare gaye hain. Suraksha bal ke javaanon ne bheeshan sangharsh ke baad khabar pakhtunakhva praant ke lucky maaravaat jile ke seraai noraang ilaake mein sthit is jaanch chauki par kiye gaye hamle ko vifal kar diya. Aatankvaadiyon ne atyaadhunik hathiyaaron ki madad se subah kareeb chaar baje bheeshan hamla kiya. Ek suraksha adhikaari ne kaha, 12 aatankvaadi maare gaye hain. Chaar aatankvaadiyon ke shav suraksha balon ke kabje mein hain, jinmein se do aatmaghaati jacket pahane hue the. Is hamle mein frontier constrabulary ke chhah javaan maare gaye hain aur aath anya ghaayal ho gaye hain. Adhikaari ne bataaya ki ghaayalon ko baannoo aur peshaavar mein sena ke aspataalon mein le jaaya gaya hai. Tahareeke taalibaan ke pravakta ahasanulla ahasan ne is hamle ki jimmedaari li hai. Usane daava kiya ki is hamle mein chaar aatmaghaati bam hamlaavar shaamil the. Usane kaha ki ameriki drone hamle ke virodh mein yah hamla kiya gaya hai jismein Pakistani sena madad kar rahi hai.


Hotel Manager Ne Dakshin Koreai Paryatak Se Rape Karne Ka Jurm Kaboola

Hotel Manager Ne Dakshin Koreai Paryatak Se Rape Karne Ka Jurm Kaboola

Breaking »

Bhopal: Madhya pradesh ke umariya jile ke Bandhavgadh baagh sanrakshit van kshetr mein sthit ek resort ke manager ne dakshin Korea ki 23-varsheeya chhaatra ke saath balaatkaar karne ki baat kabool kar li hai. Deepak vishvakarma naam ke is manager ne police ko bataaya ki usane gat 14 January ko ukt ladki ke saath rape kiya tha. Tourist visa par Bhaarat I is chhaatra ne aarop lagaaya tha ki uske drink mein behoshi ki dava mila di gayi thi, jiske baad vah behosh ho gayi aur fir uske saath balaatkaar kiya gaya. Vah jis resort mein thahari thi, usaka maalik BJP ke ek vidhaayak ka beta hai. Ladki ne do hafte ke baad Maharashtra ke Aurangabad mein police mein shikaayat darj karaai. Police inspector prakaash Kulkarni ne bataaya ki balaatkaar ke baad ladki sadme mein thi aur tatkaal report darj karaane mein jhijhak rahi thi. Police ukt chhaatra ke saath shukravaar raat ko Bandhavgadh pahunchi aur resort ke manager ko giraftaar kar liya. Balaatkaar ki pushti ke liye aaj chhaatra ka medical test karaaya jaaega. Inspector Kulkarni ne bataaya ki case ko madhya pradesh police ke havaale kar diya gaya hai.


IPL Neelaami Mein Clark Aur Ponting Raheinge Aakarshan Ke Kendra

IPL Neelaami Mein Clark Aur Ponting Raheinge Aakarshan Ke Kendra

Breaking »

Chennai: Australiaee kaptaan Michael Clark aur poorv kaptaan Ricky ponting ko Indian Premier league ke chhathe satr ke liye ravivaar ko hone waali khilaadiyon ki neelaami mein sabse jyaada keemat milne ki ummeed hai. Neelaami mein 101 khilaadi shaamil honge. Clark aur ponting ko chaar lakh dollar base price (kareeb do karod 10 lakh rupaye) waali shreni mein rakha gaya hai. Mumbai Indians jaisi team ki ruchi Clark mein hai, jinhein vah bhaavi kaptaan ke roop mein dekh raha hai. IPL sootron ke anusaar Mumbai Indians maujooda Australiaee kaptaan par bhaari rakam laga sakta hai. Clark ne pichhle IPL satr mein chhah match sahaara Pune warriors ke liye khele the. Clark Pune warriors ke liye bhi achha vikalp ho sakte hain, agar Yuvraj Singh kaptaani chhodkar sirf ballebaaji par dhyaan keindrit karne ka faisala karte hain. Warriors ke paas 30 lakh dollar se adhik hain, jinhein vah Clark par laga sakte hain. Vaise ek adhikaari ne kaha hai ki paisa hone ka matlab yah naheen hai ki use kharch hi kiya jaae. IPL ke pehle satr mein Kolkata night Riders ke liye chaar match khelne vaale ponting ne big bash league mein hobart Hurricanes ke liye khela. Unhonne Sydney sixers aur Sydney thunders ke khilaaf ardhashatak jamaae.


Manarega Bank Khaate Cash Subsidy Yojana Mein Madadgaar Pradhaanamantri

Manarega Bank Khaate Cash Subsidy Yojana Mein Madadgaar Pradhaanamantri

Breaking »

Nai Delhi: Pradhaanamantri Manmohan Singh ne kaha hai ki mahaatma Gandhi raashtreeya graameen rojagaar guaranty adhiniyam (manarega) ne gaanvon mein vitteeya samaavesheekaran mein teji laai hai aur iske tahat khole gaye bank khaaton se sarkaar ki nakad subsidy hastaantaran yojana mein madad milegi. Pradhaanamantri ne manarega varshagaanth samaaroh mein kaha ki yojana ke tahat bankon mein chaar karod se adhik khaate khole gaye hai, saath hi daak gharon mein bhi badi sankhya mein khaate khole gaye hain. Pradhaanamantri ne kaha, ye khaate nakad subsidy hastaantaran yojana ke kaaryaanvayan mein bhi madad kareinge. Manarega duniya mein gareebi mitaane ki sabse badi yojanaaon mein se ek hai. UPA adhyaksh soniya Gandhi ne apne sambodhan mein kaha ki yojana ke tahat dhan ki heraaferi ki kuchh shikaayatein mili hain, jis par rok lagaane ki jaroorat hai. Soniya ne kaha ki samay-samay par saamaajik lekhaapareekshan kiye jaane ki jaroorat hai. Unhonne kaha, manarega mein krushi utpaadan badhaane ki kshamata hai aur yah doosari harit kraanti ke sapane ka saakaar kar sakti hai.


Mahila Samoohon Ne Rape Kaanoon Par Adhyaadesh Ko Khaarij Kiya

Mahila Samoohon Ne Rape Kaanoon Par Adhyaadesh Ko Khaarij Kiya

Breaking »

Nai Delhi: Mahila adhikaar samoohon ne rape kaanoonon par kendra sarkaar ke adhyaadesh ko khaarij karte hue kaha hai ki ismein Justice varma aayog ki chuninda sifaarishon ko hi shaamil kiya gaya hai. Unhonne ek sanyukt bayaan mein kaha ki sarkaar ne poori tarah se paaradarshita ki kami barati aur ham raashtrapati se aagrah karte hain ki vah aise adhyaadesh par hastaakshar naheen karein. Is samooh mein mahila adhikaaron ke liye kaam karne waali vakeel vrunda Grover, jaagori ki suneeta dhar, ol India progressive women'S association ki kavita Krishnan aur partners for law end development ki madhu Mehra shaamil theen. Ullekhaneeya hai ki sarkaar ne shukravaar ko mahilaaon ke khilaaf aparaadhon ke liye kaanoon ko sakht banaane aur sanshodhan ke liye adhyaadesh ko manjoori day di, jismein behad gambhir maamalon mein maut ki saja tak ka praavadhaan kiya gaya hai, lekin vaivaahik balaatkaar aur vivaadaaspad armed forces special powers act (AFSPA) par Justice varma aayog ki sifaarishon ko najaraandaaj kar diya hai. Adhyaadesh mein yaun aparaadhon ka saamana kar rahe raajanetaaon ko chunaav ladne se rokane sambandhi varma aayog ki sifaarish par bhi kuchh naheen kaya gaya hai. Justice varma aayog ne sujhaav diya tha ki vaivaahik balaatkaar ko aparaadh maana jaae, jo ki mahila adhikaar kaaryakartaaon ki pramukh maangon mein se ek hai. Sarkaar ne sashastr bal visheshaadhikaar kaanoon par varma samiti ki yah sifaarish naamanjoor kar di ki yadi sashastr bal ke javaan mahila ke khilaaf aparaadh ke aaropi paae jaate hain, to kisi manjoori ki jaroorat naheen hogi. Lekin sarkaar ne is kaanoon ko mahilaanmukhi banaate hue yah sujhaav diya hai ki yaun aparaadh ki peedit ka bayaan keval mahila police adhikaari hi legi. Ullekhaneeya hai ki keindreeya mantrimandal ne mahilaaon ke khilaaf aparaadhon par ankush lagaane ke liye kathor sifaarishon ko sheegra laagoo karne ke prayaas ke tahat shukravaar raat ko is sambandh mein ek adhyaadesh ko manjoori di. Nyaayamoorti J S varma samiti ki sifaarishon par aadhaarit aur usase bhi aage jaakar is adhyaadesh mein 'Balaatkaar' shabd ke sthaan par 'Yaun hinsa' rakhane ka prastaav hai, taaki uske daayare mein mahilaaon ke khilaaf sabhi tarah ke yaun aparaadh shaamil hon. Ismein mahilaaon ka peechha karne, darshanarati, tejaab feinkane, shabdon se ashleel baatein karne, anupayukt sparsh jaise mahilaaon ke khilaaf anya aparaadhon ke liye saja badhaane ka prastaav hai. Iske daayare mein vaivaahik balaatkaar ko bhi laaya gaya hai. Keindreeya mantrimandal ne sansad ke bajat satr se teen saptaah pehle hi vishesh roop se aayojit apni baithak mein varma samiti ki sifaarishon se aage badhkar us sthiti ke liye mrutyudand ka praavadhaan kiya hai, jahaan balaatkaar ki peedita ki maut ho jaati hai ya vah coma mein chali jaati hai. Aise maamalon mein nyoonatam saja 20 saal ki jail ki saja hogi jise uske praakrutik jeevanaavadhi tak badhaaya ja sakta hai ya fir mrutyudand diya ja sakta hai. Adaalat apne vivek ke aadhaar par nirnaya karegi.


Delhi Gang-rape Mein Aarop Tay, Saabit Hone Par Ho Sakti Hai Maut Ki Saja

Delhi Gang-rape Mein Aarop Tay, Saabit Hone Par Ho Sakti Hai Maut Ki Saja

Breaking »

Nai Delhi: Delhi mein 16 December, 2012 ko 23-varsheeya paira-medical chhaatra ke saath chalti bas mein hue gang-rape ke maamale mein paanch aaropiyon par gang-rape, hatya sahit 13 alag-alag dhaaraaon ke tahat aarop tay kar diye gaye hain. Jin aaropon ke tahat mukadama chalega, usamein adhiktam maut ki saja ho sakti hai. Maamale ki sunavaai 5 February se shuroo hogi. In aaropiyon par gang-rape, hatya sahit 13 alag-alag dhaaraaon ke tahat aarop lagaae gaye the aur inheen par court ne faisala kiya. Isse pehle, aaropiyon ke vakeelon ka kehna tha ki paanch mein se do aaropiyon ne apne jurm isliye kaboole hain, kyonki police ne unhein custody ke dauraan dhamakaaya. Iske alaava is maamale ke chhathe aur naabaalig aaropi ki sunavaai anya aaropiyon ke saath karaae jaane ki maang ko lekar bhi ek yaachika Supreme court mein daayar ki gayi hai. Is yaachika mein kaha gaya hai ki is aaropi ke aparaadh ko dekhte hue iske maamale ko bhi fast track court mein chalaaya jaae. Isse pehle juvenile Justice board ne chhathe aaropi ko naabaalig karaar diya tha. Ullekhaneeya hai ki 16 December ki raat rajdhani mein ek chalti bas mein 23-varsheeya yuvati ke saath chhah darindon ne saamoohik dushkarm kiya tha aur uske saath barbar vyavahaar kiya tha. Uske purush mitr ki bhi buri tarah pitaai ki gayi thi. Ghatna ke 13 dinon baad yuvati ne Singapore ke ek aspataal mein dam tod diya tha. Sabhi aaropiyon ko 17 se 21 December ke beech giraftaar kar liya gaya tha. Is ghatna ko lekar deshbhar mein teekhi pratikriya hui thi.


'Vishvaroopam Ban Samjhaute Ke Liye Baatcheet Mein Aaj Shaamil Ho Sakte Hain Kamal Hassan

'Vishvaroopam Ban Samjhaute Ke Liye Baatcheet Mein Aaj Shaamil Ho Sakte Hain Kamal Hassan

Breaking »

Chennai: Tamil Nadu mein 'Vishvaroopam' ka virodh kar rahe guton ke logon aur film nirmaataaon ke beech shukravaar ko hui baatcheet mein koi hal naheen nikalne ke baad aaj kamal Hassan khud baatcheet mein shaamil ho sakte hain. Kamal Hassan film ke hindi sanskaran ki release ke silsile mein Mumbai gaye hue the aur aaj vah chennai laut rahe hain. Shukravaar ko hui baatcheet ke dauraan kamal Hassan ke bhaai chandra hasan ne Tamil Nadu ke gruhasachiv aur muslim samoohon ke saath baatcheet mein shirkat ki thi, lekin baad mein yah baatcheet sthagit karni padi, kyonki muslim samoohon ke logon ne baithak mein kamal Hassan ke shaamil hone ki maang ki. 'Vishvaroopam' ke sah-nirmaata chandra hasan ne pehli daur ke salaah-mashavire ke baad bataaya ki unase film se nau minute ke drushyon ko hataane ka aagrah kiya gaya tha. Sootron ne bataaya ki chandra hasan ne muslim pratinidhiyon se kaha ki vah takaneeki aur naitik roop se film kaatne mein saksham naheen hain, isliye yah faisala kamal Hassan ke chennai lautane par hi ho sakta hai. Isse pehle, kamal Hassan ne guruvaar ko NDTV se kaha tha ki vah naheen samajhte ki film mein kaat-chhaant ki jaroorat padegi, main apne muslim bhaaiyon se baatcheet karoonga. 'Vishvaroopam' par paabandi ko lekar uthe vivaad par mukhyamantri jayalalita ne guruvaar ko kaanoon−vyavastha ka havaala dete hue apne faisale ko sahi bataaya tha. Jayalalita ne kaha tha ki kamal Hassan muslim sangathanon ke saath baatcheet karke is gatirodh ko door kar sakte hain. Unhonne kaha tha ki 500 se jyaada cinemagharon par suraksha bandobast karna raajya sarkaar ke liye kaafi mushkil hai. Unhonne yah bhi kaha ki paabandi ke faisale ke peechhe koi raajaneeti naheen hai aur na hi unki kamal Hassan se dushmani hai. Jayalalita ne kaha ki kamal Hassan muslim sangathanon se baat karein aur vivaadaaspad scene hataaen, to film release ho sakti hai.


Delhi Gang-rape Soniya Se Milna Chaahata Hai Peedit Ka Parivaar

Delhi Gang-rape Soniya Se Milna Chaahata Hai Peedit Ka Parivaar

Breaking »

Baliya: Delhi gang-rape ke pramukh abhiyukt ko juvenile Justice board dvaara naabaalig ghoshit kiye jaane ke baad use maamooli saja milne se aashankit peedit parijan ab Congress adhyaksh soniya Gandhi se milkar apna paksh rakheinge. 16 December ko Delhi mein chalti bas mein chhah logon ki darindagi ka shikaar bani ladki ke pita ne kaha ki Congress adhyaksh se mulaakaat ka samay maanga hai aur vah unase milkar naabaalig ghoshit kiye gaye abhiyukt ko uske gunaah ko durlabhatam maanate hue niyamon ko shithil karke kadi se kadi saja dilaane ki gujaarish kareinge. Unhonne kaha ki unka parivaar juvenile Justice board ke faisale se aahat aur aashankit hai. Parijan naheen chaahate ki unki beti ke saath sabse jyaada darindagi karne vaala gunahagaar maamooli saja paakar chhoot jaae. Ladki ke pita ne kaha ki vah adaalat se appeal kareinge ki vah Delhi balaatkaar kaand mein shaamil naabaalig ghoshit abhiyukt ke maamale ko apavaad prakaran ki tarah le. Udhar, ladki ke bhaai ne kaha ki jis tarah Delhi balaatkaar kaand ke baad desh mein jana aandolan huaa tha, vaisa hi gubaar naabaalig ghoshit kiye gaye abhiyukt ko faansi ki saja dilaane ke liye uthana chaahiye. Unhonne kaha ki kendra sarkaar agar chaahe, to kaanoon mein badlaav karke us kathit naabaalig darinde ko uske asal anjaam tak la sakti hai.


Tendulkar Ne Uthaaya Golf Aur Driving Ka Lutf

Tendulkar Ne Uthaaya Golf Aur Driving Ka Lutf

Breaking »

Ahmedabad: Cricket star sachin Tendulkar ne shukravaar ko Ahmedabad mein Kensville golf evam country club ka daura karke putting aur driving mein haath aajmaaye. Tendulkar ka Kensville golf evam country club mein ghar hai. Ve golf course gaye aur unhonne khilaadiyon se baatcheet ki. Khilaadi, prashansak, adhikaari aur Kensville ke sadasya is senior cricketer se milne ke liye umad pade. Tendulkar ko bhi khilaadiyon aur prashansakon ke beech achha lag raha tha. Tendulkar ne Shiv Kapoor, Gaganjeet bhullar, rich beam, raahil gangaji aur rees Davis jaise antararaashtreeya khilaadiyon ke saath driving aur putting mein haath aajmaaye. Tendulkar ne kaha, ''Main kai golf course par gaya hoon aur yahaan tak kuchh avsaron par mainne ismein haath bhi aajmaae lekin jab koi tournament chal raha ho tab golf course ka daura karna naya anubhav hai. Mainne vaastav mein iska lutf uthaaya aur golf course shaanadaar hai. Mainne anya course bhi dekhe hain lekin mujhe vaastav mein yah pasand hai. '' Is star ballebaaj se poochha gaya ki kya vah bhavishya mein golf ko gambheerta se leinge, unhonne kaha, ''Mujhe racket se jude khel pasand hain aur golf naheen khel sakta. Abhi mera poora dhyaan cricket par hai. Ho sakta hai ki bhavishya mein kabhi golf ki taraf dhyaan doon. '' Course mein unhein kya khaas laga, is par Tendulkar ne hansate hue kaha, ''Mujhe bankers achhe lage. Ve bahut achhe dikhte hain lekin unamein jaana sahi naheen. Vah green hai jismein aapko khelna chaahiye. '' Tendulkar ne lagbhag 25 se 30 geind ko hit kiya aur ek baar bhi unki hit kharaab naheen hui. Unhonne kaha, ''Mujhe kuchh shot ki dhvani achhi lagi. '' Sachin ne putting chunauti mein bhi bhaag liya jismein Shiv Kapoor aur Gaganjeet bhullar aur Shiv Kapoor unke saathi the. Unki virodhi team mein rich beam, raahil gangaji aur rees Davis the. Kensville golf living ne Tendulkar ke charitable trast ko ek lakh rupaye ka check diya.


Bijli Dar Mudde Par Kejriwal Ke Aarop Ka Sheela Ne Kiya Khandan

Bijli Dar Mudde Par Kejriwal Ke Aarop Ka Sheela Ne Kiya Khandan

Breaking »

Nai Delhi: Aam aadmi party (aap) ke neta Arvind Kejriwal ne shukravaar ko raashtreeya rajdhani mein bijli ki dar naheen ghataae jaane ki vajah Delhi sarkaar va bijli vitran companiyon ke beech saanthagaanth hona bataaya, vaheen mukhyamantri sheela Dixit ne is aarop ka khandan karte hue ise saraasar jhooth karaar diya. Sheela ne kaha, "Unka aarop niraadhaar aur poori tarah jhooth hai. NDPL aur DERC ne bhi iska khandan kiya hai. Yah maamala nyaayaalaya ke vichaaraadheen hai. " Kejriwal ne kaha ki kaha ki aam aadmi par bojh badhaakar bijli companiyon ne 3,577 karod rupaye ka munaafa kamaaya hai. Bijli ki jo maujooda dar hai, usase 23 feesadi kam honi chaahiye. Unhonne aarop lagaaya ki bijli vidyut niyaamak aayog (DERC) ke adhyaksh peedi sudhaakar bijli companiyon ke agent ke roop mein kaam kar rahe hain. Kejriwal ne yah bhi kaha ki DERC ke poorv adhyaksh Vrijendra Singh ne 2010 mein jab bijli ki dar ghataane ka prayaas kiya tha, tab bijli companiyaan Delhi sarkaar se guhaar lagaane chali gayi thi. Unhonne Delhi ki mukhyamantri ka naam lete hue kaha, "Sheela Dixit ne aadesh diya tha ki bijli ki dar naheen ghataai jaae. " Kejriwal ne sarkaar ke aadesh ki pratiyaan bhi media ko upalabdh karaai.


Davis Cup Bhaarateeya Yuvaaon Ne Kiya Niraash, Korea 2-0 Se Aage

Davis Cup Bhaarateeya Yuvaaon Ne Kiya Niraash, Korea 2-0 Se Aage

Breaking »

Nai Delhi: Bhaarat ne dakshin Korea ke saath jaari Davis cup Asia oceania group-1 ke pehle daur ke mukaabalon ke pehle din shukravaar ko niraashaajanak pradarshan kiya. Yuva khilaadiyon se saji bhaarateeya team pehle din khele gaye donon ekal mukaabale haar gayi. Is tarah Korea ne 2-0 ki badhat haasil kar li hai. RK khanna stadium mein khele gaye pehle ekal mukaabale mein jahaan Bhaarat ke Ranjit viraali murugesan ne mehmaan khilaadi ke saamane aasaani se ghutne tech diye vaheen doosare mukaabale mein vijayant malik ne achha sangharsh kiya. Ranjit ko dakshin Korea ke min hayok cho ne paraajit kiya. Ranjit ko 1-6, 0-6, 1-6 se haar mili. Ranjit aur min ke beech 83 minute tak bhidant chali. Somadev Devburman ke netrutv mein aath senior khilaadiyon dvaara Korea ke khilaaf khelne se inkaar kiye jaane ke baad Ranjit sahit kai nae khilaadiyon ko bhaarateeya team mein shaamil kiya gaya, lekin Ranjit is mauke ko bhuna naheen sake. Din ke doosare ekal mukaabale mein vijayant malik ne suk yong jeyong ke khilaaf jordaar sangharsh kiya lekin vah bhi 4-6, 5-7, 0-2 se haar gaye. Baaen pair mein dard ke kaaran vijayant yah mukaabala poora naheen kar sake lekin is yuva khilaadi ne bhavishya ke prati ek nai ummeed jagaai. Ab Bhaarat ko yugal aur ulat ekal mukaabalon ke maadhyam se vaapasi ki ummeed hai. Yugal mein Leander pace kheleinge, jo bhaarateeya team mein ekamaatr senior khilaadi hain. Pace yuva khilaadi poorab raaja ke saath yugal mukaabalon mein Bhaarat ke liye chunauti pesh kareinge. Mahesh bhoopati, rohan bopanna aur yuki bhaambari jaise khilaadiyon dvaara apni maange naheen maane jaane ke akhil bhaarateeya tennis sangh (AITA) ne Korea ke khilaaf bilkul nai team utaarane ka faisala kiya. Yugal mukaabala shanivaar ko khela jaaega, jabki ulat ekal mukaabale ravivaar ko honge. Ismein Ranjit ka saamana jeyong se hoga jabki malik min se bhideinge.


Videshi Mudra Bhandaar Badhkar 295.75 Arab Dollar Huaa

Videshi Mudra Bhandaar Badhkar 295.75 Arab Dollar Huaa

Breaking »

Mumbai: Desh ka videshi mudra bhandaar 25 January ko samaapt saptaah mein 7.76 karod dollar dollar badhkar 295.75 arab dollar raha. Isse pichhle saptaah kul mudra bhandaar 58 karod dollar ghatkar 295.67 arab dollar rah gaya tha. Reserve bank ki taraf se shukravaar ko jaari aankadon ke anusaar aalochya saptaah mein videshi mudra parisampattiyaan 7.93 karod dollar badhkar 261.71 arab dollar rahi. Svarn bhandaar 25 January ko samaapt saptaah ke dauraan 27.22 arab dollar par sthir raha.


HIL Delhi Waveriders Ne Mejabaan Ranchi Rhinos Ko 5-2 Se Raunda

HIL Delhi Waveriders Ne Mejabaan Ranchi Rhinos Ko 5-2 Se Raunda

Breaking »

Ranchi: Delhi waveriders ne hockey India league ke shukravaar ki raat Ranchi mein hue ektarfa match mein mejabaan Ranchi rhinos ko 5-2 se raund diya. Mejabaan Ranchi rhinos apne gruh maidaan par apna naisargik khel naheen dikha sake. Delhi webriders ne chaar field gol kiye aur penalty corner ki madad se paanchava gol daaga jabki Ranchi rhinos ne ek field gol kiya aur doosra gol penalty corner ki madad se kiya.


Bhaarat Series England Ke Geindabaajon Ka Pradarshan Dekh Rahe Australiaee Spinner

Bhaarat Series England Ke Geindabaajon Ka Pradarshan Dekh Rahe Australiaee Spinner

Breaking »

Melbourne: Bhaarat ke khilaaf aagaami chaar test maichon ki series se pehle Australia ke spinner Nathan lyon aur Xavier Doherty England ke spinron ka shaanadaar pradarshan dekh rahe hain jinhonne pichhle saal December mein team ko Bhaarat mein aitihaasik jeet darj karne mein madad ki thi. Bhaarateeyon ko spin khelne mein maahir maana jaata hai lekin England ke greem svaan aur monti panesar ne pichhle saal December mein test series mein bhaarateeya khilaadiyon ko kaafi pareshaan kiya. Doherty ne 'Sydney morning heraald' se kaha, ''Mainne Bhaarat England series darshak ke bajaay shodhakarta ki tarah dekhi. '' unhonne kaha, ''Lekin jis tarah se unhonne geindabaaji ki, uske footage main dobaara dekhoonga. Svaan aur panesar ne unke aakraman ki aguvaai ki aur England ne series jeet li. ''


Jeev Aathavein Sthaan Par, Chaurasiya Ne Kat Mein Pravesh Kiya

Jeev Aathavein Sthaan Par, Chaurasiya Ne Kat Mein Pravesh Kiya

Breaking »

Dubai: Bhaarateeya golfer jeev milkha Singh ne paanch under 67 ke card se shukravaar ko omega dubai dessert classic golf tournament ke doosare round ke baad sheersh 10 mein pravesh jagah bana li. Pehle round mein 68 ka card banaane vaale jeev ka kul score nau under 135 ka ho gaya hai aur vah sheersh par chal rahe Richard Stern se mahaj teen shot peechhe hain. Bhaarateeya golfer SSP chaurasiya ne do under 70 ka card khelkar kat mein pravesh kiya. Pehle round mein 69 round ka card banaane vaale chaurasiya apne kul paanch under 139 ke score se sanyukt 42vein sthaan par hain.


Rahul Ne Diye Congress Mein 'Vyaapak Aur Tikaaoo Badlaav Ke Sanket

Rahul Ne Diye Congress Mein 'Vyaapak Aur Tikaaoo Badlaav Ke Sanket

Breaking »

Nai Delhi: Rahul Gandhi ne shukravaar ko Congress ke kaamkaaj mein vyaapak aur tikaaoo badlaav laane ki yojanaaon ka sanket diya taaki party poori taakat se Loksabha sahit vibhinn chunaavon mein mukaabale ke liye taiyaar rahe. Bataur Congress upaadhyaksh Rahul Gandhi ki AICC sachivon ki samasyaaon ko dhairyapoorvak sunane ke baad tippani thi ki sangathan mein kaamkaaj ke baare mein koi bhi khush najar naheen dikh raha aur hamein ise sudhaarana hoga. Netaaon ne Rahul ka havaala dete hue bataaya ki do ghante ki baithak mein unhonne kaha ki system ke baare mein koi khush najar naheen dikh raha, kyonki unka maanana hai ki koi niyam kaanoon naheen hai aur isliye anishchitta hai. Hamein sthiti ko sudhaarana hoga. Ek padaadhikaari ka kehna tha ki Rahul ne sujhaav diya hai ki vah vyaapak aur tikaaoo badlaav ke paksh mein hain. Unka kehna tha ki filhaal praathamikta Karnataka sahit vibhinn raajyon mein tatkaal hone vaale chunaavon ka saamana karna hai aur uske baad samagr samasyaaon ko durust karna hoga. Gandhi ne yah tippani tab ki jab ek sachiv ne party mein system ki kami aur badhte asamanjas ki baat karte hue kaha ki kisi ko naheen pata ki doosra kya kar raha hai. Iske alaava sachiv ne kaha ki sarkaar aur sangathan ke beech koi samanvaya naheen hai kyonki sarkaari samitiyon mein niyuktiyaan karne se pehle party ko vishvaas mein naheen liya jaata. Aaj ki baithak mein kai logon ko apni baat kehne ka mauka naheen mil saka lihaaja Rahul Gandhi somvaar ko ek baar fir unke saath baithak kareinge. Rahul Gandhi ne guruvaar ko akhil bhaarateeya Congress committee (AICC) ke padaadhikaariyon ke saath baithak ki thi. Baithak mein baatcheet poori naheen ho saki isliye yah baithak aaj bhi hui. Jaipur ke chintan shivir mein party ke upaadhyaksh pad ki jimmedaari saunpe jaane ke baad party padaadhikaariyon ke saath yah unki pehli aupachaarik baithak thi.


RIL Fir Bani Sabse Moolyavaan Company

RIL Fir Bani Sabse Moolyavaan Company

Breaking »

Mumbai: Reliance industries ne desh ki sabse moolyavaan company ka khitaab shukravaar ko fir se ONGC se chheen liya. Ghareloo baajaar poonjeekaran soochi mein RIL ke fir se avval company banane se ONGC bahut kam samay ke liye hi avval company rah saki. ONGC ne guruvaar ko Reliance industries ko peechhe chhodte hue avval company ka tamaga haasil kiya tha. Aaj kaarobaar ke ant mein RIL ka baajaar poonjeekaran 2,89,078 karod rupaye raha, jabki ONGC ka baajaar poonjeekaran 2,84,427 karod rupaye raha. Jahaan RIL ka share 0.78 pratishat upar 893.45 rupaye ke bhaav par band huaa, vaheen ONGC 2.12 pratishat tootakar 332.45 rupaye par aa gaya.


Davis Cup Ranjit Haare, Korea Ko 1-0 Ki Badhat

Davis Cup Ranjit Haare, Korea Ko 1-0 Ki Badhat

Breaking »

Nai Delhi: Bhaarat ke yuva khilaadi Ranjit viraali murugesan ko Davis cup tennis Asia osiyaana group A ke pehle match mein min hiyok cho ke haathon ektarfa mukaabale mein 6-1, 6-0, 6-1 se shikast ka saamana karna pada, jisse Korea ne 1-0 ki badhat bana li. Duniya ke 511vein number ke khilaadi Ranjit ke paas ATP chart mein bina ranking vaale Koreai khilaadi ka koi javaab naheen tha aur unhein ek ghante aur 23 minute mein shikast ka saamana karna pada. Bhaarateeya khilaadi poore match ke dauraan sirf ek baar apni service bacha paaya, jabki sirf ek baar virodhi ki service todi. Min hiyok chot ne apne damakham aur behtar fitness se virodhi khilaadi ko koi mauka naheen diya. Unhonne match ke dauraan nau baar Ranjit ki service todi aur sirf ek baar apni service ganvaai. Davis cup mein apna pehla match khel rahe Ranjit ko RK khanna stadium ke hard court par laya haasil karne ke liye joojhna pada. Bhaarateeya khilaadi ki service kaafi kamjor rahi aur pehle do set mein to vah apni service par ek bhi game naheen jeet paae. Unke forehand aur backhand shot mein lambi railiyon ke liye jaroori damakham naheen tha, jabki unhonne apne kai shot net par ulajhaane ke alaava baahar bhi maare, jiska faayda saaf taur par min hiyok cho ko mila.


Mahila Vishwacup Australia Ne Pakistan Ko 91 Ranon Se Haraaya

Mahila Vishwacup Australia Ne Pakistan Ko 91 Ranon Se Haraaya

Breaking »

Cuttack: Australia mahila cricket team ne shukravaar ko baaraabati stadium mein khele gaye ICC mahila vishwacup (50 over) mukaabale mein Pakistan ko 91 ranon se hara diya. Pakistan ke nau khilaadi dahaai ka aankada bhi naheen chhoo sake. Saara koyate ko naabaad 35 run banaane aur teen wicket chatakaane ke liye 'Player of the match' chuna gaya. Toss jeetkar pehle ballebaaji karne utari Australia team ne 46.1 overon mein 175 run banaae. Iske javaab mein ballebaaji karne utari Pakistan team 33.2 overon mein 84 run hi bana saki. Pakistan ki or se Bismah maaroof ne sarvaadhik 43 run banaae. Unhonne apni paari mein 95 geindon ka saamana karte hue chhah chauke lagaae. Pakistan ki paari ki shuruaat achhi naheen rahi aur nau ranon ke kul yog par sana meer ke roop mein usaka pehla wicket gira. Salaami ballebaaj meer do run banaakar megan skat ki geind par bold hui. Unke kuchh der baad hi naahida Khan bhi elise pairi ki geind par jes Cameroon ko catch thama baithi. 39 ranon ke kul yog par nain aabidi ke roop mein Pakistan ko teesara jhatka laga. Vah saara koyate ki geind par pagbaadha ho gayi. Paanchave number par khelne I jaaveriya Khan bhi team ko mushkilon se naheen ubaar saki aur maatr paanch run banaakar pavilion laut gayi. Iske baad Pakistan ka koi bhi khilaadi crease par naheen tik saka. Srida ameen ne ek, betul Fatima ne chaar aur sumaiya Siddiqui ne ek run ka yogadaan diya. Vaheen asmaaviya Iqbal, kaneeta jaleel aur saadiya Yusuf apna khaata bhi naheen khol saki. Australia ki or se koyate ne teen wicket chatakaae, jabki pairi, lisa sathaalekar, holi ferlig ko do-do aur megan skat ko ek safalta mili. Isse pehle, Australia ki paari ki shuruaat bhi achhi naheen rahi thi. Usaka pehla wicket aathavein over mein 28 ranon ke kul yog par meg lening ke roop mein gira. Unhein Siddiqui ne pagbaadha out kiya. Unke baad teesare number par ballebaaji karne I Cameroon bhi jyaada der tak naheen tik sakeen. Vah saat ranon ke niji score par run out ho gain. Chauthe number par ballebaaji karne I Alex Blackwell bhi 83 ranon ke kul score par pavilion laut gain. Unhein Iqbal ne 18 ranon ke niji score par pagbaadha kar diya. Australia ko raachel hens ke roop mein chautha jhatka laga. Hens ne kul yog mein 41 ranon ka sarvaadhik yogadaan diya. Unhonne apni paari mein teen chauke lagaae. Unke baad jodi Fields bhi ek run banaakar Iqbal ki geind par pagbaadha ho gain. Jodi ke baad pairi bhi bina koi run banaae pavilion laut gayi. Sathaalekar ke roop mein Australia ka saatavaan wicket gira. Unhein 32 ranon ke niji score par saadiya Yusuf ne bold kar diya. Koyate ne naabaad 36 ranon ka yogadaan diya. Iske alaava skat apna khaata bhi naheen khol sakeen aur ferlig ne paanch ranon ka yogadaan diya. Pakistan ki or se Yusuf ne sarvaadhik teen wicket chatakaae, jabki Iqbal ko do aur Siddiqui ko ek safalta mili.