Mumbai Mein Ek Karod Ki E-banking Dhokhaadhadi Mein Ek Shakhs Giraftaar

Mumbai Mein Ek Karod Ki E-banking Dhokhaadhadi Mein Ek Shakhs Giraftaar

Breaking »

Mumbai: Mumbai police ne ek niji company ke nideshak ke bank khaate se electronic antaran ke maadhyam se ek karod rupaye ki kathit heraaferi ka maamala sulajha lene ka daava karte hue ek vyakti ko giraftaar kiya hai. Atirikt police aayukt (poorvi kshetr) kaisar khaalid ne kaha, is maamale mein ek aaropi ko giraftaar kiya gaya hai aur ham kuchh aur logon ki talaash kar rahe hain. Aaropiyon ne ek khaate se kuchh nakadi nikaali hai, jinmein ek karod rupaye ka antaran huaa tha. Haalaanki is police adhikaari ne aaropi ka naam naheen bataaya, kyonki poori raashi ab tak naheen mili hai aur jaanch mahatvapoorn charan mein hai. Guruvaar ko shikaayatakarta ankur koraane ko kai sandesh mile aur unhein bataaya gaya ki unke bank khaate se nakad electronic tareeke se anya khaate mein antarit kar diya gaya. 45 minute mein 12 len-den ke maadhyam se ek karod rupaye unke khaate se gaayab kar diye gaye.


Gujarat Mein Mahilaaon Ke Liye Mobile Phone Helpline

Gujarat Mein Mahilaaon Ke Liye Mobile Phone Helpline

Breaking »

Gandhinagar: Gujarat sarkaar ne mahilaaon ke liye mobile phone helpline shuroo ki hai. ''Sahaayata aapaat madad bachaav terminal (heart)'' ke jariye mahilaaen police ki fauran madad maang sakeingi. Atirikt mukhya sachiv, gruh, SK nanda ne bataaya ki helpline 8 March ko shuroo hogi. Shurooaat mein yah praayogik star par Ahmedabad mein chalaai jaaegi tatha iske anubhavon ke baad ise raajya ke anya hisson laagoo kiya jaaega. Is nishulk helpline number ki ghoshana bhi usi din ki jaaegi. Raajya ne is pariyojana ke liye doorasanchaar seva pradaata ke saath karaar kiya hai.


Tendulkar Ke Mumbai Indians Ki Kaptaani Sambhaalne Ki Sambhaavana

Tendulkar Ke Mumbai Indians Ki Kaptaani Sambhaalne Ki Sambhaavana

Breaking »

Chennai: Senior ballebaaj sachin Tendulkar ke teen April se shuroo hone vaale Indian Premier league ke chhathe satr ke liye Mumbai Indians ke kaptaan ke taur par vaapasi ki sambhaavana hai. IPL sootron ke anusaar Tendulkar ko Harbhajan Singh ki jagah team ki kaptaani saunpi jaaegi, jisse Michael Clark ka sabse lokapriya freinchaaiji ki aguvaai karne ka mauka khatm ho jaaega. Tendulkar ne pichhle satr mein yah kehte hue kaptaani se hatne ka faisala kiya tha ki vah apni ballebaaji par dhyaan lagaana chaahate hain. Harbhajan ne champions league ti-20 mein team ki safal aguvaai ki thi lekin ve Mumbai ko IPL mein jeet naheen dila sake. Tendulkar shuroo se hi Mumbai Indians team mein maujood hain, vah keval IPL ke shurooaati charan mein chot ke kaaran pehle saat match naheen khel sake the. IPL 2012 mein Harbhajan ki aguvaai mein Mumbai Indians ne knock-out tak pravesh kiya tha lekin ve eliminator mein chennai Superkings se haar gaye the. Aisi atkalein lagaayi ja rahi theen ki Clark ko team kaptaani ki jimmedaari le sakte hain.


Pooja Kaaryakram Ke Dauraan Manch Toota, Baal Baal Bache Laaloo

Pooja Kaaryakram Ke Dauraan Manch Toota, Baal Baal Bache Laaloo

Breaking »

Chhapra: Bihar ke saaran jile mein garakha kshetr mein yagya ke dauraan shanivaar ko ek asthaai manch ke toot jaane se haadase mein raajad supreemo laaloo prasaad baal baal bach gaye. Party sootron ne bataaya ki laaloo prasaad garakha mein mahaarudr yagya karaane ke liye madhurup pahunche the. Jaise hi vah party ke raashtreeya mahaasachiv Ramkripal Yadav ke saath manch par pahunche kshamata se adhik logon ke us par pahunchane ke kaaran manch toot gaya. Unhonne bataaya ki baad mein laaloo aur Ramkripal ko vahaan ke surakshaakarmiyon ne baahar nikaala. Ghatna ke baad afra-tafari mach gayi. Baad mein surakshaabalon ne kshetr ko suraksha ghere mein le liya. Laaloo ne phone par kaha, ''Main kushal hoon. Mujhe kisi prakaar ki chot naheen lagi hai. '' baad mein laaloo prasaad ne toote hue manch se hi kaaryakram ko sambodhit kiya. Laaloo saaran sansadeeya kshetr se Loksabha sadasya hain.


Soniya, Rahul Ne Delhi Gang-rape Peedita Ke Parijanon Se Mulaakaat Ki

Soniya, Rahul Ne Delhi Gang-rape Peedita Ke Parijanon Se Mulaakaat Ki

Breaking »

Nai Delhi: Congress pramukh soniya Gandhi evam upaadhyaksh Rahul Gandhi ne Delhi saamoohik balaatkaar peedita ke parijanon se shanivaar ki shaam mulaakaat ki. Yah mulaakaat sarkaar dvaara balaatkaariyon ko kathor dand ke praavadhaan vaala adhyaadesh jaari kiye jaane ke ek din baad hui hai. Soniya Gandhi evam Rahul peedita ke parivaar se milne gaye aur parijanon ke saath unhonne ek ghante se adhik samay tak samay bitaaya. Pichhle saal December mein 23 varsheeya paramedical chhaatra ke saath saamoohik balaatkaar karne ke baad us par nrushansata se hamla kiya gaya. Kuchh dinon baad Singapore ke ek aspataal mein usaki maut ho gayi. Ladki ke abhibhaavakon ne Congress netaaon se kaha ki mahilaaon ke khilaaf aparaadh se nipatne ke liye prastaavit kaanoon aise hone chaahiye taaki is tarah ki ghatnaaon ki punaraavrutti naheen ho. Ladki ke donon bhaai bhi is mulaakaat ke dauraan maujood the. Congress adhyaksh ladki ki maan se gale mili. Abhibhaavak jab ladki sahit apne bachchon ko shiksha dilaane ke liye kiye jaane vaale apne sangharsh ko bayaan kar rahe the us samay donon Congress neta kaafi dhyaan se unki baat sun rahe the. Rahul Gandhi ne donon bhaaiyon se baat ki jinmein se ek baarahaveen aur doosra dasveen paas hai. Is baatcheet ke dauraan Rahul ne unhein apna phone number bhi diya. Soniya evam Rahul ke unke aavaas par jaane se pehle ladki ke pita ne do din poorv Congress adhyaksh soniya ne mulaakaat ka samay maanga tha. Ladki ke pita yah mulaakaat isliye karna chaahate the taaki nyaayamoorti varma samiti ki sifaarishon par aadhaarit mahilaaon ke khilaaf aparaadh sambandhit kaanoon ke maamale mein jald kadam uthaae jaane par jor daala ja sake. Sootron ne bataaya ki parijanon ki or se koi maang naheen ki gayi. Parijanon ne adhyaadesh jaari karne ke sarkaar ke faisale ke liye donon netaaon ko dhanyavaad diya. Kareeb 70 minute tak chali is mulaakaat mein Congress pravakta Renuka chaudhari tatha pashchimi Delhi ka pratinidhitv karne vaale party saansad mahaabal mishra bhi maujood the.


Doosare Set Ka Tie-breaker Turning Point Raha Leander Pace

Doosare Set Ka Tie-breaker Turning Point Raha Leander Pace

Breaking »

Nai Delhi: Bhaarat ke sheersh yugal khilaadi Leander pace ne Davis cup tennis Asia osiyaana group ek match mein poorav raaj ke saath milkar dakshin Korea ke khilaaf mejabaan team ko yugal mukaabale mein jeet dilaane ke baad kaha ki doosare set ka tie-breaker match ka turning point raha jiske baad unki jodi haavi ho gayi. Pace aur poorav apni service ganvaane ke baad doosare set mein 5-6 se pichhad rahe the aur Koreai jodi set ke liye service rah rahi thi lekin bhaarateeya jodi ne unki service break karke match tie-breaker mein kheench diya. Bhaarateeya jodi ne iske baad ji sung naim aur yong kyoo lim ki jodi ko 6-4, 7-6, 6-2 se haraaya. Pace ne match ke baad kaha, ''Doosare set ka tie-breaker match ka turning point raha. 5-5 ke score par mere service ganvaane ke baad ham mushkil mein the lekin humne unki service tod di. Iske baad tie-breaker mein bhi ham 0-3 se pichhad gaye lekin humne baraabari haasil ki aur fir haavi ho gaye. '' Pehli baar poorav raaja ke saath jodi banaakar khel rahe anubhavi pace ne apne is nae jodeedaar ki taareef ki. Unhonne kaha, ''Poorav kaafi achha khela. Ham pichhle do saal se abhyaas kar rahe the jiska aaj faayda mila. Hamaari shuruaat kaafi achhi rahi. Humne shuroo mein hi 3-0 ki badhat bana li thi. Poorav ko poora shreya jaata hai. Yah usaka pehla match tha. Uske return aur service donon kaafi achhi rahi. '' Bhaarat abhi mukaabale mein 1-2 se pichhad raha hai aur ravivaar ko ulat ekal mein daaromadaar Ranjit viraali murugesan aur vijayant malik par hoga. Malik ko shukravaar ko apne pehle ekal mein maansapeshiyon mein khinchaav ke kaaran mukaabale se hatna pada tha lekin Bhaarat ke gairkhiladi kaptaan SP mishra ne kaha ki vah kal ke match ke liye fit honge. Mishra ne kaha, ''Kal pehla mukabala Ranjit ko khelna hai lekin vijayant bhi fit hai. Vah khinchaav se kal hi ubar gaya tha lekin thoda dard tha aur ab vah theek hai. Usane aaj abhyaas bhi kiya. '' Vijayant ki chot par pace ne kaha, ''Vijayant isliye chotil naheen huaa ki vah fit naheen tha balki isliye huaa kyonki use isse pehle is tarah ke haalaat mein khelne ka anubhav naheen tha. Main hamesha se kehta aaya hoon ki hamein Davis cup ke liye badi team chunani chaahiye jisse ki yuva khilaadiyon ko aagaami chunauti ke liye taiyaar kiya ja sake. '' Unhonne kaha, ''Poorav ne kabhi naheen socha hoga ki vah Davis cup mein Bhaarat ke liye khelega. Ek din main bhi chala jaaunga isliye yuvaaon ko taiyaar karna jaroori hai. Ghareloo mukaabalon ke liye hamein saat se aath khilaadiyon ko team mein shaamil karna chaahiye. '' pace ne kal ekal mukaabalon ke baare mein kaha, ''Kal kaafi mushkil hoga. Ham 1-2 se pichhad rahe hain aur kal hamein apna sarvashreshth pradarshan karna hoga. Unke ekal khilaadi kaafi achhe hain. Do din humne achha khel dikhaaya lekin haalaat unke khilaadiyon ke adhik anukool hain. Ve kaafi fit hain. '' ATP ranking mein duniya ke saatavein number ke yugal khilaadi pace ne kaha, ''Kal nateeja kuchh bhi ho lekin Bhaarat ke ye khilaadi maidaan par utarakar pehle hi jeet gaye hain kyonki inhonne apne desh aur iske logon ko sabse aage rakha hai. '' pace un 11 bhaarateeya khilaadiyon ke sandarbh mein bol rahe the jinhonne apni kuchh maangon ko lekar khud ko is mukaabale ke liye anupalabdh rakha hai. Match ke dauraan lin ke saath tanaatani par pace ne kaha, ''Kabhi kabhi doosare khilaadi ko aapko usi jubaan mein javaab dena hota hai jaise vah day raha hai. '' pace ne saath hi kaha ki court dheema hone ke kaaran vah apna saamaanya khel naheen kar paae aur unhein apne khel mein badlaav karna pada. Is beech poorav apne pradarshan se khush dikhe. Unhonne kaha, ''Yah mere jeevan ka sabse bada din tha. Main yugal match jeetkar khush hoon lekin kul score se niraash hoon. Mujhe khushi hai ki mujhe desh ke liye khelne ka mauka mila. '' Korea ke lim ne kaha ki unhonne achha khel dikhaaya lekin virodhi jodi adhik majaboot thi. Unhonne kaha, ''Yah achha match tha. Humne kadi takkar di. Ham pehle do ekal jeetkar aage the isliye ham yugal ko lekar adhik chintit naheen the''. Kal mukaabala 2-2 se baraabar hone ki sthiti mein apne ulat ekal mein utarane ki sambhaavana par lim ne kaha, ''Mujhe naheen pata ki aisa hoga ya naheen. Yah faisala kaptaan ko karna hoga. ''


HIL Jeet Ki Raah Par Laute Wizards

HIL Jeet Ki Raah Par Laute Wizards

Breaking »

Lucknow: Uttar pradesh wizards ne hockey India league (HIL) mein lagaataar chaar paraajayon se bejaar shanivaar ko haar ka silsila todte hue mahatvapoorn mukaabale mein Mumbai Magicians ko 2-0 se hara diya. Wizards ne kaafi sudhara huaa khel dikhaate hue Magicians ko apne aakraman tatha rakshan se bebas kar diya. Is tarah uttar pradesh ki team ne Mumbai se mili pichhli haar ka badla bhi le liya. Pehle quarter ke aathavein minute mein wizards ke pradeep mor ne jeron hartsabarjar ke paas par Magicians ki rakshaapakti aur goalkeeper ko chhakaate hue gol karke team ko badhat dilaai. Pehla quarter wizards ke naam raha. Doosare quarter ke chauthe minute mein wizards ko pehla penalty corner mila. Tushaar Khandekar ke paas par kaptaan vi raghunaath ne shot maara jo Matthew batarni ke ghutne mein laga. Doosare prayaas mein Alexander Bart ne koshish ki lekin unka shot goalpost se oopar se nikal gaya. Doosare corner mein raghunaath ka shot Magicians ke sandeep Singh ne stick adaakar vifal kar diya. Doosare quarter ke 15vein minute mein Magicians ko pehla penalty corner mila to sandeep Singh collect naheen kar sake. Iske baad Mumbai ne ek achha moov banaaya lekin sarvanajeet Singh chook gaye. Half time tak wizards 1-0 se aage rahe. Is dauraan donon teemon ke beech jabardast takkar dikhi lekin wizards apne pratidvandvi ke mukaabale behtar dikhe. Chauthe quarter mein Magicians ne kai hamle kiye lekin wizards ki rakshaapankti ne unki ek naheen chalne di. Quarter ke paanchave minute mein siddhaarth shankar ne daain taraf se shaanadaar maidaani gol daagakar wizards ki badhat 2-0 kar di. Uske baad to wizards ne pratidvandvi par dhaava hi bol diya. Is dauraan nitin timaiya ne geind hit ki lekin vah goalpost ke oopar se nikal gayi. Aathavein minute mein galat tareeke se Magicians ke glen turner ka raasta roke jaane par Mumbai ki team ko ek aur penalty corner mila. Haalaanki unke prayaas ko wizards ki rakshaapankti ne naakaam kar diya. Wizards ne match mein vaapasi ki bharsak koshish ki lekin ve asafal rahe. Chauthe quarter ke 12vein minute mein Magicians ko ek aur penalty corner mila lekin wizards ne use naakaam kar diya. Aakhiri minute mein Magicians ko penalty corner mila lekin drag flicker sandeep Singh ka shot ooncha jaane ke saath hi match samaapt ho gaya.


Tamaam Upalabdhiyaan Mileen Lekin Ve Doshamukt Naheen Ven Jiyaabaao

Tamaam Upalabdhiyaan Mileen Lekin Ve Doshamukt Naheen Ven Jiyaabaao

Breaking »

Beijing: Ek dashak tak cheen ke pradhaanamantri rahane ke baad March mein pad chhod rahe ven jiyaabaao ne shanivaar ko kaha ki unke kaaryakaal mein desh ne tamaam upalabdhiyaan haasil ki hain lekin ve doshamukt naheen hain kyonki unki kuchh neetiyon se logon ko takaleef pahunchi hai. Unhonne apni galatiyon ke liye logon se maafi maangi hai. Ven ne logon se baatcheet ke dauraan kaha, ''Pichhle 10 varshon mein desh mein sudhaar aur vikaas ke kshetr mein mahatvapoorn upalabdhiyaan haasil hui hain lekin kuchh aise mauke bhi aae jab logon mein asantosh paida huaa hai. '' Aadhikaarik media ke anusaar pradhaanamantri ka kehna hai, ''In trutiyon ke liye main swayam ko jimmedaar maanata hoon. '' unhonne kaha, ''Haal ke varshon mein main logon ki bhalaai ke liye kaam karta raha aur kuchh mahatvapoorn upalabdhiyaan bhi haasil keen, lekin vah logon ki daya ke pratidaan ke liye kaafi naheen tha. Mainne apni or se poori koshish ki hai lekin mujhe lagta hai ki main trutiheen naheen raha. '' Ven ne kaha, ''Mujhe dukh hota hai aur main aksar sarkaar ke kaaryon mein hui galatiyon ke liye swayam ko jimmedaar maanata hoon. Aasha karta hoon ki aap mujhe iske liye maaf kareinge. ''


Pakistan Bhrashtaachaar-nirodhi Jaanchakarta Ka Shav Kabr Se Nikaala

Pakistan Bhrashtaachaar-nirodhi Jaanchakarta Ka Shav Kabr Se Nikaala

Breaking »

Lahore: Pradhaanamantri raaja Parvez Ashraf aur anya netaaon ke khilaaf bhrashtaachaar ke aaropon ki jaanch karne vaale bhrashtaachaar-nirodhi jaanchakarta ke shav ko Pakistan ke forensic visheshagyon ne shanivaar ko kabr se khod kar baahar nikaala. Unki pichhle maheene sandigdh avastha mein maut ho gayi thi. National accountability bureau ke adhikaari Kamran Faizal ke shav ko forensic jaanch ke baad fir se unke kabr mein dafna diya gaya. Unhein Punjab praant ke khaanevaal jile ke kabragaah mein dafnaaya gaya hai. Visheshagyon ne kuchh namoone bhi liye hain jinka upayog ve Faizal ki maut ke kaaranon ka pata lagaane ki koshish kareinge. Faizal ki maut ko lekar sandeh hai ki yah aatmahatya thi ya hatya. Punjab forensic science agency ke chhah sadasyeeya team ki nigraani mein shav ko kabr se baahar nikaala gaya. Faizal ke pita abdul hamid ne badi anichha se shav ka pareekshan karne ki anumati di thi. Faizal ki maut par vivaad hone ke kaaran unke shav ko fir se pareekshan ke liye kabr se baahar nikaala gaya tha.


Ameriki Kaarobaariyon Ne Pichhle Varsh 22 Lakh Rojagaar Paida Kiye Obama

Ameriki Kaarobaariyon Ne Pichhle Varsh 22 Lakh Rojagaar Paida Kiye Obama

Breaking »

Washington: Ameriki raashtrapati Barack Obama ne shanivaar ko kaha ki America mein companiyon ne pichhle saal 22 lakh rojagaar ka srujan kiye. Unhonne kaha ki Congress ko ghaata kam karne aur aarthik vruddhi ko protsaahit karne va rojagaar srujan karne mein ek santulit rukh apnaane par milkar kaam karna chaahiye. Raashtra ko apne saaptaahik sandesh mein Obama ne kaha ki ''Agar desh ki raajaneeti roda naheen banti hai'' to desh ki arthavyavastha 2013 mein teji ki raah par badhne ko taiyaar hai. Raashtrapati ne kaha ki is saal ki shuruaat mein arthashaastriyon aur udyogapatiyon ne kaha ki desh 2013 mein vikaas ki raah par badhne ko taiyaar hai. ''Aur is pragati ke vaastavik sanket mil rahe hain. Aavaaseeya ikaaiyon ke daam fir se badhne lage hain. Kaaron ki bikri paanch saal ke uchch star par hai. Vinirmaan kshetr fir se patari par laut raha hai. '' Obama ne apne sambodhan mein kaha, ''Hamaare kaarobaariyon ne pichhle saal 22 lakh naukaariyaan paida ki. Hamein pata chala hai ki hamaari arthavyavastha ne pichhle kuchh maheenon ke dauraan arthashaastriyon ke anumaan se adhik rojagaar paida kiye hain. ''


Mahila Samoohon Ne Rape Kaanoon Par Adhyaadesh Ko Khaarij Kiya

Mahila Samoohon Ne Rape Kaanoon Par Adhyaadesh Ko Khaarij Kiya

Breaking »

Nai Delhi: Mahila adhikaar samoohon ne rape kaanoonon par kendra sarkaar ke adhyaadesh ko khaarij karte hue kaha hai ki ismein Justice varma aayog ki chuninda sifaarishon ko hi shaamil kiya gaya hai. Unhonne ek sanyukt bayaan mein kaha ki sarkaar ne poori tarah se paaradarshita ki kami barati aur ham raashtrapati se aagrah karte hain ki vah aise adhyaadesh par hastaakshar naheen karein. Is samooh mein mahila adhikaaron ke liye kaam karne waali vakeel vrunda Grover, jaagori ki suneeta dhar, ol India progressive women'S association ki kavita Krishnan aur partners for law end development ki madhu Mehra shaamil theen. Ullekhaneeya hai ki sarkaar ne shukravaar ko mahilaaon ke khilaaf aparaadhon ke liye kaanoon ko sakht banaane aur sanshodhan ke liye adhyaadesh ko manjoori day di, jismein behad gambhir maamalon mein maut ki saja tak ka praavadhaan kiya gaya hai, lekin vaivaahik balaatkaar aur vivaadaaspad armed forces special powers act (AFSPA) par Justice varma aayog ki sifaarishon ko najaraandaaj kar diya hai. Adhyaadesh mein yaun aparaadhon ka saamana kar rahe raajanetaaon ko chunaav ladne se rokane sambandhi varma aayog ki sifaarish par bhi kuchh naheen kaya gaya hai. Justice varma aayog ne sujhaav diya tha ki vaivaahik balaatkaar ko aparaadh maana jaae, jo ki mahila adhikaar kaaryakartaaon ki pramukh maangon mein se ek hai. Sarkaar ne sashastr bal visheshaadhikaar kaanoon par varma samiti ki yah sifaarish naamanjoor kar di ki yadi sashastr bal ke javaan mahila ke khilaaf aparaadh ke aaropi paae jaate hain, to kisi manjoori ki jaroorat naheen hogi. Lekin sarkaar ne is kaanoon ko mahilaanmukhi banaate hue yah sujhaav diya hai ki yaun aparaadh ki peedit ka bayaan keval mahila police adhikaari hi legi. Ullekhaneeya hai ki keindreeya mantrimandal ne mahilaaon ke khilaaf aparaadhon par ankush lagaane ke liye kathor sifaarishon ko sheegra laagoo karne ke prayaas ke tahat shukravaar raat ko is sambandh mein ek adhyaadesh ko manjoori di. Nyaayamoorti J S varma samiti ki sifaarishon par aadhaarit aur usase bhi aage jaakar is adhyaadesh mein 'Balaatkaar' shabd ke sthaan par 'Yaun hinsa' rakhane ka prastaav hai, taaki uske daayare mein mahilaaon ke khilaaf sabhi tarah ke yaun aparaadh shaamil hon. Ismein mahilaaon ka peechha karne, darshanarati, tejaab feinkane, shabdon se ashleel baatein karne, anupayukt sparsh jaise mahilaaon ke khilaaf anya aparaadhon ke liye saja badhaane ka prastaav hai. Iske daayare mein vaivaahik balaatkaar ko bhi laaya gaya hai. Keindreeya mantrimandal ne sansad ke bajat satr se teen saptaah pehle hi vishesh roop se aayojit apni baithak mein varma samiti ki sifaarishon se aage badhkar us sthiti ke liye mrutyudand ka praavadhaan kiya hai, jahaan balaatkaar ki peedita ki maut ho jaati hai ya vah coma mein chali jaati hai. Aise maamalon mein nyoonatam saja 20 saal ki jail ki saja hogi jise uske praakrutik jeevanaavadhi tak badhaaya ja sakta hai ya fir mrutyudand diya ja sakta hai. Adaalat apne vivek ke aadhaar par nirnaya karegi.


Rajasthan Mein Vasundhara Raaje Ko BJP Bana Sakti Hai CM Ummeedavaar

Rajasthan Mein Vasundhara Raaje Ko BJP Bana Sakti Hai CM Ummeedavaar

Breaking »

Nai Delhi: Kai dinon se Rajasthan BJP mein chala aa raha jhagada khatm ho sakta hai. Rajasthan BJP ki pradesh ikaai mein bade badlaav ka ailaan aaj ho sakta hai. Sootron ke mutaabik vasundhara raaje ko mukhyamantri pad ka ummeedavaar banaaya ja sakta hai. Saath hi unhein pradesh adhyaksh bhi banaaya ja sakta hai. Idhar, vasundhara ke virodhi maane jaane vaale gulaab chand kataariya ko vipaksh ka neta banaaya ja sakta hai. BJP adhyaksh Rajnath Singh ke ghar is vakt baithak chal rahi hai, jismein Sushma Swaraj, arun jetali, vasundhara raaje, kaptaan Singh solanki, arun chaturvedi jaise neta maujood hain.


Dakshin Africa Ke Khilaaf 49 Run Par Simti Pak Ki Pehli Paari

Dakshin Africa Ke Khilaaf 49 Run Par Simti Pak Ki Pehli Paari

Breaking »

Johannesburg: Tej geindabaaj Dale sten ki aath run mein chhah wicket ki shaanadaar geindabaaji se dakshin Africa ne shanivaar ko pehle test ke doosare din Pakistan ko uske nyoonatam test score 49 run par samet diya. Sten ke yah chhah wicket test maichon ke itihaas mein teesara sabse shaanadaar pradarshan hai jisse dakshin afreeki team pehli paari mein 204 run ki badhat banaane mein safal rahi. Din ke pehle do over mein Pakistan ke teen wicket haasil karne vaale sten ne antim teen wicket ek bhi run diye bina haasil kiye. West Indies ke Germaine laasan ne 2002 mein Bangladesh ke khilaaf teen run dekar chhah wicket haasil kiye the jo test cricket mein pichhle 89 saal mein sabse kam run dekar chhah wicket praapt kar sake hain. Sten ke alaava varnon Philander aur Jacques Kallis ne do-do wicket chatakaae. Dakshin afreeki kaptaan greem smith ne follow-on dene ke bajaay doosari paari mein khelne ka faisala kiya. Pakistan ne kal dakshin Africa ko pehli paari mein 253 run par sametakar sanket diya tha ki vah duniya ki sarvashreshth test team ko chunauti degi lekin team ne aaj pehle satr mein 40 run ke andar saat wicket kho diye the. Azhar Ali 13 run banaakar sheersh scorer rahe. Pakistan ka yah test maichon ki paari mein nyoonatam score bhi hai, isse pehle team 11 October 2002 mein Australia ke khilaaf shaarajaah mein 53 run par simat gayi thi.


LACCFED Ghotaala Do Poorv Mantriyon Ki Jamaanat Yaachika Khaarij, Jail Bheje Gaye

LACCFED Ghotaala Do Poorv Mantriyon Ki Jamaanat Yaachika Khaarij, Jail Bheje Gaye

Breaking »

Lucknow: Uttar pradesh ki rajdhani Lucknow ke karodon rupaye ke shram evam nirmaan sahakaari mahaasangh (LACCFED) ghotaala maamale ke aaropi poorvavarti maayaavati sarkaar ke mantriyon ranganaath mishr tatha chandradev Ram Yadav ki jamaanat arjiyaan shanivaar ko satr adaalat ne khaarij kar Dean. Saath hi maamale ke ek anya aaropi praveen Singh ki bhi jamaanat yaachika nirast kar di gayi. Jila evam satr nyaayaadheesh KK sharma ki adaalat ne ye aadesh teenon aaropiyon ki jamaanat arjiyon par diya. Isse pehle poorv mantriyon mishr tatha Yadav ko nyaayaalaya ne shukravaar tak ke liye antarim jamaanat pradaan ki thi. In donon aaropiyon ke jamaanat maamale mein adaalat ne sunavaai ke baad unhein jamaanat par riha karne se inkaar kar diya. Sunavaai ke dauraan donon poorv mantri bhi nyaayaalaya mein pesh hue jinhein jamaanat arji khaarij hone ke baad giraftaar karke jail bhej diya gaya. Is maamale mein pehle se hi jail mein band teesare aaropi praveen Singh ki lambit jamaanat arji par sunavaai multavi kiye jaane ka aagrah kiya gaya. Aaropi ki is gujaarish ko adaalat ne naamanjoor karke Singh ki jamaanat arji bhi khaarij kar di. Yah maamala rajdhani ke Hussainganj thaana kshetr se sambandhit hai jismein mishr, Yadav tatha Singh evam anya aaropiyon ke khilaaf LACCFED ke jariye nirmaan kaarya karaane ke naam par karodon rupaye ke gaban ka aarop hai. (input bhaasha se bhi)


Poorvi Delhi Mahila Paarshad Ne Kiya Sheela Ke Kaaryakram Mein Hangaama

Poorvi Delhi Mahila Paarshad Ne Kiya Sheela Ke Kaaryakram Mein Hangaama

Breaking »

Nai Delhi: Delhi ke mayoor vihaar fez−3 mein sheela Dixit ki sabha mein hangaama ho gaya. Poorvi Delhi ke kondali ilaake mein ek saamudaayik bhavan ke udghaatan ke dauraan sthaaneeya paarshad Priyanka Gautam ne jamkar hangaama kiya. Bataaya ja raha hai ki jaise hi sheela Dixit bhaashan dene uthi Priyanka stage par chad gayi aur udghaatan board mein naam na hone ki shikaayat ki. Iske baad Priyanka ke samarthakon ne mukhyamantri sheela Dixit ko kaale jhande bhi dikhaae. Hangaame ke baad jaldabaaji mein unka kaaryakram khatm kar diya gaya. Is dauraan sthaaneeya saansad sandeep Dixit aur Delhi vidhaanasabha ke dipti speaker Amrish Gautam bhi maujood the.


Chayan Maamalon Mein Kabhi Hastakshep Naheen Kiya Leander

Chayan Maamalon Mein Kabhi Hastakshep Naheen Kiya Leander

Breaking »

Nai Delhi: Star yugal khilaadi Leander pace ne shanivaar ko kaha ki unhonne team ke chayan maamalon mein hastakshep naheen kiya aur agar London olympic mein Bhaarat ki sarvashreshth team jaati to padak jeetne ka behtar mauka hota. Pichhle saal London olympic aur ab dakshin Korea ke khilaaf khilaadiyon se jude vivaad ke kaaran Bhaarat ko chayanakartaaon ki pasand ke itar teemein chunane ke liye baadhya hona pada. Pace ne kaha, ''Mere liye desh ka pratinidhitv karna aur desh ke jhande ke liye khelna sabse badhkar hai. Main kabhi chayan maamalon mein hastakshep naheen karta hai. Mujhe jo bhi saathi milega main uske saath kheloonga. Mujhe agar mahesh (bhoopati), rohan (bopanna) ya som (somadev Devburman) ke saath khelne ke liye kaha jaaega to main unke saath bhi kheloonga. '' Unhonne kaha, ''London olympic se pehle bhi mainne kabhi chayan maamalon mein hastakshep naheen kiya. Main kabhi team ke sanchaalan ya chayan mein shaamil hone ki koshish naheen karta. Mere 23 baras ke anubhav ke aadhaar par mujhse poochha gaya tha ki kaun ki jodi sarvashreshth hogi aur mainne apna najariya rakha. '' Duniya ke sabse safal Davis cup khilaadi pace ne kaha, ''Lekin meri pasand ki team naheen bani. Uske baad London olympic mein jo huaa sabko pata hai. Agar behtar team chuni jaati to achhe nateeje mil sakte the. '' Bhoopati aur bopanna ne olympic se pehle pace ke saath jodi banaane se inkaar kar diya tha aur apni jodi banaane ki baat kahi thi. Baad mein AITA ko jhukna pada aur bhoopati tatha bopanna ko ek saath khelne ka mauka mila jabki pace ko vishnu vardhan ke saath jodi banaani padi.


Adhyaadesh Mein Vaivaahik Balaatkaar Ke Liye Kadi Saja Ka Praavadhaan

Adhyaadesh Mein Vaivaahik Balaatkaar Ke Liye Kadi Saja Ka Praavadhaan

Breaking »

Nai Delhi: Kendra dvaara prastaavit adhyaadesh mein vaivaahik balaatkaar ke liye bhi kadi saja ka praavadhaan hai. Kendreeya mantrimandal dvaara shukravaar ko manjoor prastaavit adhyaadesh ke anusaar alagaav ke dauraan kisi pati ke patni ke saath usaki ichha ke bagair yaun sambandh banaane par saat saal tak ki jail hogi. Nyaayamoorti JS varma samiti ne sifaarish ki thi ki bhaarateeya dand sanhita ki dhaara-376 A (alagaav ke dauraan pati dvaara patni se yaun sambandh banaana) ko samaapt kiya jaae. Is samay is aparaadh ke liye adhiktam do saal ki jail ki saja ka praavadhaan hai. Sarkaar ne is aparaadh ke liye jail ki saja ko do saal se badhaakar adhiktam saat saal kar diya hai. Gruhamantraalaya ke ek adhikaari ne bataaya ki humne dand badha diya hai, lekin tay kiya hai ki pati-patni ko sulah karne ka mauka dene vaala praavadhaan barkaraar rahega. Ab tak dhaara '376 A' asangyeya aparaadh tha lekin prastaavit adhyaadesh ise sanjnyaeya aparaadh banaata hai. Kai mahila sangathanon ne dhaara-376 A ko hataane ki maang ki thi, jaisa varma samiti ne sifaarish ki hai. Ab in mahila sangathanon ne raashtrapati se yah appeal karne ka iraada kiya hai ki vah prastaavit adhyaadesh par dastakhat na karein. Mahilaaon ke khilaaf aparaadh ko rokane ke liye aaparaadhik kaanoonon ko aur adhik kada banaane ke uddeshya se kendreeya mantrimandal ne kal raat adhyaadesh laane ke prastaav ko manjoori di. Ismein yadi balaatkaar ki shikaar ki maut hoti hai ya vah coma jaisi sthiti mein aati hai to balaatkaari ko saja-A-maut bhi ho sakti hai.


Bhaarateeya Spinron Se Nipatne Ki Rananeeti Banaane Mein Jute Maxwell

Bhaarateeya Spinron Se Nipatne Ki Rananeeti Banaane Mein Jute Maxwell

Breaking »

Perth: Bhaarat ke khilaaf test cricket mein padaarpan karne ki taiyaari mein jute Australiaee harfanmaula glen Maxwell ne bhaarateeya spinron ke khilaaf rananeeti bana li hai. Unka maanana hai ki bhaarateeya haalaat mein khelne ka thoda anubhav milte hi vah laya mein aa jaaenge. Maxwell ko Australia ki 17 sadasyeeya team mein spinner harfanmaula ke roop mein shaamil kiya gaya hai. Unhonne kaha, ''Mainne is baare mein socha hai ki vahaan bhaarateeya spinron ka saamana kaise karoonga. '' vah center of excellence team ke saath 2010 mein Bhaarat aa chuke hain. Iske alaava pichhle IPL satr mein Delhi Daredevils ke liye khele the. Unhonne kaha, ''Main khushkismat hoon ki vahaan kuchh match khel chuka hoon. Vahaan meri rananeeti seedhi hogi. Spinron ke khilaaf footwork ka istemaal karna hoga. '' Maxwell ne shukravaar ko West Indies par van-de match mein mili nau wicket se jeet mein 35 geind mein nau chaukon aur do chhakkon ke saath naabaad 51 run banaae. Unhonne kaha ki Shane vaarn ke saath kuchh samay bitaakar unhonne spin geindabaaji ke maanasik pahaloo ko samjha hai aur unhein achhe pradarshan ka yakeen hai.


Mahilaaon Ke Khilaaf Yaun Hinsa Ko Kam Karne Mein Bhaarat Asafal HRW

Mahilaaon Ke Khilaaf Yaun Hinsa Ko Kam Karne Mein Bhaarat Asafal HRW

Breaking »

New York: Vaishvik maanavaadhikaar samooh 'Maanavaadhikaar nigraani (HRW)' ne Bhaarat par mahilaaon ke khilaaf yaun hinsa ke maamale kam karne mein asafal rahane aur abhivyakti ki svatantrata ko 'Pratibandhit' karne ka aarop lagaaya hai. HRW ka kehna hai ki Bhaarat mein abhi bhi badi sankhya mein maanavaadhikaar ullanghan ho raha hai. Bhaarat mein maanavaadhikaaron ke ullanghan ki apni sameeksha mein HRW ne kaha hai ki Bhaarat mein 'Unnatisheel civil society hai, svatantr media aur ek svatantr nyaayapaalika hai. ' haalaanki sangathan ka kehna hai ki 'Lambe samay se chal rahe is utpeedn ki pratha, bhrashtaachaar aur saajish karne vaalon ki jimmedaari tay karne mein ho rahi kami ke kaaran maanavaadhikaar ullanghan ho rahe hain. ' Apni 665 pannon ki 'World report 2013' mein kharaab kriyaanyavan ke kaaran sarkaar ki sabhi koshishein jaise. . Police sudhaar, shiksha va svaasthya sevaaon ke kshetr mein sudhaar aadi kaafi kamjor saabit ho rahi hain. HRW ka kehna hai, ''Bhed-bhaav vaale vyavahaar se nipatne ki sarkaari adhikaariyon ko sahi prashikshan dene mein sarkaar ki asafalata ke kaaran mahilaaon, bachchon, daliton, aadivaasi samudaayon, dhaarmik alpasankhyakon, ashakt log aadi abhi bhi haashiye par hain aur unke saath bhed-bhaav ho raha hai. '' Bhaarat jis tarah se mahilaaon ke khilaaf hinsa ki samasya se nibat raha hai usaki aalochna karte hue samooh ne kaha hai ki varsh 2012 mein bhi mahilaaon aur ladkiyon ke khilaaf hinsa jaari hai. Yaun utpeedn ki khabaron mein lagaataar vruddhi ho rahi hai. Sirf itna hi naheen ashakt logon ke saath bhi yah samasya aa rahi hai.


Drone Hamlon Ko Rokana Pak Sarkaar Ka Farj Adaalat

Drone Hamlon Ko Rokana Pak Sarkaar Ka Farj Adaalat

Breaking »

Lahore: Pakistan mein ameriki drone hamlon ke khilaaf jamaat-ud-daava pramukh haafij Saeed ki yaachika ki sunavaai karte hue ek Pakistani adaalat ne kaha ki vah America ke khilaaf yuddh ka aadesh naheen day sakta. Haalaanki Lahore uchch nyaayaalaya ke mukhya nyaayaadheesh umar ata bandiyaal ne kal kaha ki CIA dvaara sanchaalit khufiya vimaanon se kabeelaai ilaakon mein kiye jaane vaale drone hamlon ko rokane ki jimmedaari Pakistan sarkaar ki hai. Bandiyaal ne Saeed ki yaachika par sunavaai karte hue kaha, ''Ameriki drone hamle Pakistan ki neeti ke khilaaf hain lekin adaalat America ke khilaaf yuddh ke aadesh jaari naheen kar sakti. '' unhonne paaya ki adaalat samvidhaan ke anuroop hi aadesh jaari kar sakti hai. Mukhya nyaayaadheesh ne sangheeya sarkaar ki or se darj karaai kai pratikriya par naaraajagi jaahir karte hue is maamale ko 21 February tak ke liye sthagit kar diya. Unhonne ek dipti attorney general se agali sunavaai mein sarkaar ka najariya bataane ke liye kaha. Saeed ke vakeel AK dogaar ne daava kiya ki sangheeya sarkaar ne drone hamlon ke khilaaf sansadeeya prastaav ka kriyaanvayan naheen kiya hai. Unhonne daava kiya ki ameriki sarkaar lagaataar kehti rahati hai ki drone hamle Pakistan ke kisi bhi hisse mein kiye ja sakte hain. Apni yaachika mein Saeed ne adaalat se aagrah kiya tha ki vah sangheeya sarkaar ko America ke saath hui har 'Gupt sandhi' ki jaankaari saarvajanik karne ke aadesh day kyonki aise maamalon ki soochana ko jaanane ka adhikaar har Pakistani naagrik ko hai. Saeed ne adaalat se yah ghoshana karne ke liye kaha ki videshi mulkon dvaara kiye jaane vaale ye drone hamle antararaashtreeya kaanoonon ke tahat sveekaarya naheen hain.


Cheen Kai Durghatanaaon Mein 49 Ki Maut

Cheen Kai Durghatanaaon Mein 49 Ki Maut

Breaking »

Beijing: Cheen mein tyauhaaron ke mausam mein beete do dinon ke dauraan hui durghatanaaon mein kam se kam 49 log maare gaye hain. Taaja haadasa Guizhou praant mein huaa. Yaatriyon se bhare ek rel ka dibba palat jaane se 14 log maare gaye aur 21 ghaayal ho gaye. Isi praant ki kongajiyaang County mein shukravaar raat bas palat gayi thi. Ismein bhi 14 logon ke maare jaane ki pushti hui hai. 31 log ghaayal hue hain. Ghaayalon ko nikat ke aspataalon bharti karaaya gaya hai.


Maang Ke Abhaav Mein Sona-chaandi Mein Giraavat Jaari

Maang Ke Abhaav Mein Sona-chaandi Mein Giraavat Jaari

Breaking »

Nai Delhi: Maujooda uchchastar par maang kamjor padne se Delhi sarraafa baajaar mein shanivaar ko lagaataar doosare din sone chaandi mein giraavat darj ki gayi. Sone ke bhaav 20 rupaye toot kar 30,800 rupaye prati das gram aur chaandi ke bhaav 50 rupaye ki giraavat ke saath 58,700 rupaye prati kilo bole gaye. Baajaar sootron ke anusaar maujooda uchchastar par maang kamjor padne se sone chaandi ki keematon mein giraavat I. Ghareloo baajaar mein sona 99.9 aur 99.5 shuddh ke bhaav 20 rupaye ki haani ke saath kramash: 30,800 rupaye aur 30,600 rupaye prati das gram band hue. Ginni ke bhaav poorvastar 25,300 rupaye prati aath gram aparivrtit band hue. Chaandi taiyaar ke bhaav 50 rupaye toot kar 58700 rupaye kilo band hue. Jabki satoriyaan livaali ke chalte chaandi saaptaahik delivery ke bhaav 540 rupaye ki teji ke saath 58420 rupaye kilo band hue. Chaandi sikka ke bhaav 2000 rupaye ki teji ke saath 82000: 83000 rupaye prati saikada band hue.


Naabaalig Baalika Ka Shav Khet Se Baraamad

Naabaalig Baalika Ka Shav Khet Se Baraamad

Breaking »

Baalaaghaat: Jile ke vaaraasivni police thaana antargat gram maajapur tola mein shukravaar ki raat se gaayab ek naabaalig ladki ka shav shanivaar ko ek khet se baraamad huaa hai. Police sootron ke anusaar maajapur tola gaanv ki 14 varsheeya ladki jineshvari kal raat se laapata thi. Usaki talaash ki gayi lekin usaka pata naheen chal saka. Aaj subah usaka shav ek khet se baraamad huaa. Shav ke gale mein nishaan dekhte hue lagta hai ki usaka gala dabaakar hatya ki gayi. Sootron ne is aashanka se inkaar naheen kiya ki hatya ke poorv ladki ke saath balaatkaar kiya gaya hoga. Unhonne kaha ki postmortem report ke baad hi sahi sthiti pata lagegi. Police maamale ki jaanch kar rahi hai.


Nau Din Mein Bachchi Se Dushkarm Aur Hatya Ke Aaropi Ko Mili Maut Ki Saja

Nau Din Mein Bachchi Se Dushkarm Aur Hatya Ke Aaropi Ko Mili Maut Ki Saja

Breaking »

Katihaar: Bihar ke katihaar jila ki ek adaalat ne saadhe teen saal ki ek bachchi ki dushkarm ke baad hatya maamale ke ek abhiyukt ko shanivaar ko saja-A-maut sunaai. Police adheekshak kim ne bataaya ki jila judge BN paandeya ne baraari thaana ke bhains diyaara gaanv nivaasi saadhe teen saal ki ek bachchi ki dushkarm ke baad hatya maamale ke abhiyukt sanjaya rishi ko aaj saja-A-maut sunaai. Kim ne bataaya ki gat 23 January ko apne pados ki saadhe teen saal ki ek bachchi ki dushkarm ke baad rishi dvaara hatya kiye jaane par agale din police ne use giraftaar kar liya aur 24 ghante ke bheetar aaropapatr prastut karne ke baad adaalat se maamale ke tvarit nishpaadan ka anurodh kiya tha. Unhonne bataaya ki is maamale mein adaalat dvaara gat 28 January ko sanjnyaaan liye jaane ke baad usaki tvarit sunavaai karte hue ghatna ke maatr nau dinon ke bheetar maamale ka nishpaadan kar diya.


Harvard Ne Nakal Ke Maamale Mein Chhaatron Ke Khilaaf Kaarravaai Ki

Harvard Ne Nakal Ke Maamale Mein Chhaatron Ke Khilaaf Kaarravaai Ki

Breaking »

Boston: Duniya ke sabse pratishthit shikshan sansthaanon mein shaamil Harvard vishvavidyaalaya ki pareeksha mein nakal ke maamale mein 60 se adhik chhaatron ko sansthaan se baahar jaane ke liye majaboor hona pada hai, jabki kai chhaatron ke khilaaf anushaasanaatmak kaarravaai ki gayi hai. Harvard ke 'Faculty of Art end science' ke deen Michael smith ne kaha ki prashaasanik board ki or se 125 se adhik maamalon ki sunavaai ki gayi hai. Smith ne kaha ki kareeb aadhe chhaatron ko kuchh samay ke liye sansthaan se baahar kiya gaya hai, jabki shesh ko anushaanaatmak kaarravaai ka saamana karna pada hai. Beete saal August mein saamane aae jaalsaaji ke maamale ne is pratishthit sansthaan ko hilaakar rakh diya tha. Yah maamala 'Introduction too Congress' paathyakram se juda haaa hai. Vishvavidyaalaya ne is maamale ki jaanch August mein shuroo ki thi. Is dhokhaadhadi ki jaanch us samay shuroo hui, jab ek shiksha sahaayak ne under graduate star ke sarkaari kakshaaon mein is samasya ki pehchaan ki. Ismein chhaatron ka javaab saajha karna shaamil hai. Smith ne kaha ki school ke academic ekajutata board ne dhokhaadhadi jaanch se jude sabhi maamalon ka niptaara kar liya hai. Unhonne kaha ki aadhe se adhik maamalon mein shaamil chhaatron ko ek samayaseema ke liye college se jaana hoga.