Sainya Adhikaari Hone Ke Naate General Musharraf Ki Taareef Karoonga VK Singh

Sainya Adhikaari Hone Ke Naate General Musharraf Ki Taareef Karoonga VK Singh

Breaking »

Nai Delhi: Bhaarateeya sena poorv pramukh general VK Singh ne Pakistani sena ke poorv pramukh general Parvez musharraf ki taareef ki hai ki Kargil yuddh se pehle unhonne bhaarateeya seema mein kareeb 11 kilometer andar aakar ek raat gujaari thi. 1999 ki is ghatna par bolte hue general Singh ne kaha, 'Ek sena ka adhikaari hone ke naate main general musharraf ki taareef karna chaahoonga ki vah dushman ke kshetr mein 11 kilometer bheetar tak aae aur apne sainikon ke saath raat gujaari. Yah unki bahaaduri ka ek pramaan hai. Vaheen, doosari or hamaari taraf se kya huaa yah aap sabhi jaante hain. Aakhir humne unhein bheetar kyon aane diya? Hamaari or se bhi kai kamiyaan theen. ' Gaurtalab hai ki Pakistani sena ke poorv adhikaari Colonel Ashfaq husain ne haal hi mein daava kiya ki March 1999 mein, yaani Kargil yuddh se pehle, general musharraf ek helicopter se niyantran rekha ke us paar gaye aur jikriya mustaakar naamak jagah par raat gujaari thi. Colonel husain ne yah saari baatein apni kitaab 'Witness too blunder : Kargil story unfolds' mein kahi hai. Ek TV sho mein bhi Colonel ne saari baatein doharaai hain. Kargil yuddh ke samay sena pramukh rahe general VP malik ne NDTV se kaha ki sena ke paas report thi ki pehli Pakistani nigraani tukadi ne niyantran rekha tab paar ki thi jab February mein bhaarateeya pradhaanamantri atal bihaari Vajpayee aur navaaj shareef Lahore mein shaanti prakriya ke tahat vaarta kar rahe the. Is vaarta ke liye Vajpayee bas dvaara Lahore gaye the. General malik ka kehna hai ki Kargil yuddh ki yojana bana chuke general musharraf ne is samay ko iseeliye niyantran rekha ko paar karne ke liye uchit samjha. Isi ke saath general musharraf ne sainikon ko yah bhi aashvaasan diya ki yojana ke tahat hi kaarravaai hogi. Yah sambhav hai ki March 1999 mein musharraf ne Kargil seema par gaye hon, lekin niyantran rekha ko paar kiya ki naheen, yah main kah naheen sakta. ' Apni kitaab mein Colonel husain ne kaha ki Kargil yuddh ki yojana major general jaaved hassan, general Mehmood aur general ajeej ne banaai thi. In teenon ne baad mein apni yojana ke liye general Parvez musharraf se manjoori bhi le li. Vaheen jiyo TV ko diye ek saakshaatkaar mein general musharraf ne kaha ki Kargil yuddh mein Pakistani sena ko bhaari kaamayaabi mili thi. Unka kehna hai ki agar tatkaaleen pradhaanamantri navaaj shareef America mein na jaate aur ameriki raashtrapati bill Clinton ke dabaav mein na aate to ham Bhaarat ka 300 varg meal kshetr Pakistan mein mila chuke hote.


Ab Raashtrapati Se 'Hindi Mein Roobaroo Hon

Ab Raashtrapati Se 'Hindi Mein Roobaroo Hon

Breaking »

Nai Delhi: Duniya ke sabse bade lokatantr ke pratham naagrik raashtrapati ke baare mein ab tamaam jaankaari hindi mein upalabdh hogi. Raashtrapati bhavan sachivaalaya ne Bhaarat ke raashtrapati se judi website hindi mein pesh ki hai. Raashtrapati ke press sachiv venu raajamani ne kaha ki Bhaarat ke raashtrapati se judi website guruvaar ko hindi mein shuroo ki gayi jismein raashtrapati bhavan se lekar vartamaan evam poorv raashtrapati ke baare mein tamaam jaankaari hindi mein upalabdh hai. Unhonne kaha ki abhi tak raashtrapati ke baare mein hindi mein website upalabdh naheen thi aur angreji ki website se hi log jaankaari praapt karte the. Raashtrapati pranav mukharji ki pahal par hindi mein website shuroo ki gayi hai. Ismein ek vishesh khand ''Raashtrapati ko likhein' joda gaya hai jisse log apni baat raashtrapati tak pahuncha sakte hain. Raashtrapati bhavan sachivaalaya ka hindi prakoshth is website ko update kar raha hai jise raashtreeya soochana vigyaan kendra ne taiyaar kiya hai. Hindi mein website ko kaafi aakarshak banaaya gaya hai aur ismein vartamaan raashtrapati Pranab mukharji ka jeevanavrut pesh kiya gaya hai. Iske saath hi ismein raashtrapati ke abhibhaashan press vigyapti, samaaroh, chitradeergha dikhaayi padti hai. Website mein hindi mein video veethika bhi jodi gayi hai jismein raashtrapati se jude vividh kaaryakramon aadi ko upload kiya gaya hai. Raajamani ne kaha ki raashtrapati se judi hindi ki website mein ve tamaam khoobiyaan hain jo angreji ki website mein hai. Hindi ki website mein raashtrapati bhavan ke baare mein vistrut jaankaari aur sinhaavalokan prastut kiya gaya hai. Ismein mugal garden aur aushadheeya garden ke baare mein bhi jaankaari di gayi hai. Website par raashtrapati bhavan ke shapath grahan samaaroh aur change of guard ke baare mein bhi jaankaari muhaiya karaai gayi hai. Ismein raashtrapati angarakshak aur army guard ke baare mein bhi jaankaari di gayi hai. Hindi ki website par poorv raashtrapati aur raashtrapati ki parisampattiyon ke baare mein jaankaari di gayi hai. Website par bataaya gaya hai ki raashtrapati bhavan ke bhraman ke liye kis prakaar anurodh kar sakte hain. Bhaarat ke raashtrapati se judi website par helpline portal taiyaar kiya gaya hai. Hindi ki is website ko you tube aur Facebook se bhi joda gaya hai.


Delhi Balaatkaar Kaand Soniya Se Milega Peedit Parivaar

Delhi Balaatkaar Kaand Soniya Se Milega Peedit Parivaar

Breaking »

Baliya: Delhi balaatkaar kaand ke pramukh abhiyukt ko kishor nyaaya board dvaara naabaalig ghoshit kiye jaane ke baad use maamooli saja milne se aashankit peedit parijan ab Congress adhyaksh soniya Gandhi se milkar apna paksh rakheinge. Pichhle saal 16 December ko Delhi mein chalti bas mein chhah logon ki darindagi ka shikaar bani ladki ke pita ne bataaya ki Congress adhyaksh se mulaakaat ka samay maanga hai aur vah unase milkar naabaalig ghoshit kiye gaye abhiyukt ko uske gunaah ko durlabhatam maanate hue niyamon ko shithil karke kadi se kadi saja dilaane ki gujaarish kareinge. Unhonne kaha ki unka parivaar kishor nyaaya board ke faisale se aahat aur aashankit hai. Parijan naheen chaahate ki unki beti ke saath sabse jyaada darindagi karne vaala gunahagaar maamooli saja paakar chhoot jaae. Ladki ke pita ne kaha ki vah adaalat se appeal kareinge ki vah Delhi balaatkaar kaand mein shaamil naabaalig ghoshit abhiyukt ke maamale ko apavaad prakaran ki tarah le. Udhar, ladki ke bhaai ne kaha ki jis tarah Delhi balaatkaar kaand ke baad desh mein janaandolan huaa tha. Vaisa hi gubaar naabaalig ghoshit kiye gaye abhiyukt ko faansi ki saja dilaane ke liye uthana chaahiye. Unhonne kaha ki kendra sarkaar agar chaahe to kaanoon mein badlaav karke us kathit naabaalig darinde ko uske asal anjaam tak la sakti hai.


Film Mein Thoda Sex Jaroori Hai Tigmaanshu Dhulia

Film Mein Thoda Sex Jaroori Hai Tigmaanshu Dhulia

Breaking »

Mumbai: Film nirdeshak tigmaanshu Dhulia ka kehna hai ki film mein thoda sex zaroori hai aur unki aane waali film 'Saahab beevi aur gangster returns' mein anupaat mein kaamukata hai. Dhulia ne guruvaar ko film ke pehle poster ke release par kaha, "Film mein kaamukata hai lekin bahut kam. Mujhe lagta hai ki kaamukata kam hone par hi prabhaavi hoti hai. " Film ke sanskaran ke baare mein unhonne kaha ki pehli film mein hi unhonne is sanskaran ke beej bo diye the. Is film mein kahaani ko aage le jaaya gaya hai. Is film ke kalaakaaron ka kehna hai ki tigmaanshu apne kalaakaaron se set par taiyaari ke saath aane ki ummeed naheen karte. Jimmy sherigl ka kehna hai, "Main tigmaanshu ko 'Haasil' se jaanta hoon. Aap taiyaari ke saath set par naheen ja sakte. Main to bas andhe ki tarah unka anusaran karta hoon. " Irfaan Khan ka kehna hai, "Tigmaanshu ne mere kirdaar ke saath prayog karne ki koshish ki hai. Unhonne mujhe ve samvaad naheen diye jiski main ummeed karta tha. Main logon ki pratikriya ka intajaar kar raha hoon. ' soha Ali Khan ka kehna hai ki film mein bahut saare rahasya hain. Saahab beevi aur gangster returns mein Jimmy sherigl, maahil gil, Irfan Khan aur soha Ali Khan hain. Film 8 March ko release hogi.


Petrolium Kshetr Mein Deerghakaalik Neeti Apnaane Ki Jaroorat FICCI

Petrolium Kshetr Mein Deerghakaalik Neeti Apnaane Ki Jaroorat FICCI

Breaking »

Nai Delhi: Desh ke pramukh vaanijya evam udyog mandal FICCI ne petrolium (hydrocarbon) kshetr ki maujooda sthiti par chinta vyakt karte hue kaha hai ki tel khoj aur petrolium padaarthon ke vipnan kshetr mein sarkaar ko deerghakaalik neeti apnaane ki aavashyakta hai. FICCI hydrocarbon samiti ke Chairman aur ONGC ke poorv adhyaksh evam prabandh nideshak RS sharma ne shukravaar ko kaha ''Samooche oorja kshetr mein vibhinn mantraalayon ke beech behtar samanvaya aur deerghakaalik soch apnaaye jaane ki aavashyakta hai. Tadarth aadhaar par nirnaya lena kshetr ke liye theek naheen hoga. '' Tel vipnan companiyon ki bhaari subsidy ke mudde par sharma ne kaha ki sarkaar ko iske liye ''Behtar pranaali taiyaar karni chaahiye. '' unhonne kaha ki Indian Oil, Bhaarat petrolium aur Hindustan petrolium soocheebaddh companiyaan hain inke nuksaan ki bharpaai ke liye samuchit pranaali taiyaar kiye jaane ki aavashyakta hai. Sharma ne petrolium padaarthon ke aayaat par badhti nirbharata kam karne par bhi jor diya. Unhonne kaha ki ghareloo kshetr mein tel khoj evam utpaadan gatividhiyon mein nivesh karne waali companiyon ko protsaahan diya jaana chaahiye. ''Desh mein upalabdh hydrocarbon ki khoj aur uske utpaadan mein nivesh karne waali companiyon ko jyaada se jyaada protsaahan diye jaane ki aavashyakta hai. '' diesel ke daam mein har maheene maamooli vruddhi kiye jaane ke sarkaar ke haal ke nirnaya ke baare mein poochhe jaane par sharma ne kaha yah sahi disha mein uthaaya gaya kadam hai. Isse bhaari nuksaan jhel rahi tel companiyon ko sahaara milega. Thok graahakon ko baajaar moolya par diesel dene ke faisale par sharma ne kaha ''Shuruaat mein kai tarah ki adchanein aa sakti hain, isse nipatna hoga, lekin bade bade mall, generator set aur doosare vyaavasaayik kaaryon ke mein istemaal hone vaale diesel ke liye baajaar moolya vasoola jaana uchit hai. ''


America Ke Liye Atyant Mahatvapoorn Hai Bhaarat White House

America Ke Liye Atyant Mahatvapoorn Hai Bhaarat White House

Breaking »

Washington: White house ne Bhaarat ko America ke liye atyadhik mahatvapoorn desh bataaya hai, aur kaha hai ki raashtrapati Barack Obama apne doosare kaaryakaal mein nai Delhi aur America ke rishte ko pragaadh banaane ki anvarat koshish karte raheinge. White house ke pravakta J kaanre ne guruvaar ko kaha ki Obama yadi apne doosare kaaryakaal ke ant tak America tatha Bhaarat ke rishte ko maujooda sthiti se behtar bana paae, to ise vah apni safalta samjheinge. Unase poochha gaya tha ki bhavishya mein America aur Bhaarat ke rishte aur bhaarateeya mool ke amerikiyon ke baare mein ameriki neeti kya hai. Gaurtalab hai ki haal ke raashtrapati chunaav mein bhaarateeya mool ke ameriki matadaataaon ne Obama ke liye badh-chadh kar matadaan kiya tha. Kaanre ne kaha, "Raashtrapati ke vichaar donon hi maamalon mein naheen badle hain. Bhaarateeya amerikiyon ke mahatva aur Bhaarat ke saath viksit hue sambandh ke mahatva ke baare mein. " Obama ne Bhaarat aur America ke sambandh ko 21veen sadi ko paaribhaashit karne vaala rishta kaha tha. Obama ne apne prashaasan mein bhaaratavanshiyon ko ab tak ke kisi bhi raashtrapati se adhik jagah di hai. Kaarne ne kaha, "Bhaarat sirf ek kshetr mein hi naheen, balki poori duniya mein atyadhik mahatvapoorn desh hai, aur raashtrapati kshetr sahit duniya bhar mein samaan lakshyon par kaam karne ke liye Bhaarat ke saath sambandhon ko majaboot karte rahane par dhyaan dena chaahate hain. " Karne ne kaha, "Mere khyaal se aap yah ummeed kar sakte hain ki yadi vah apne kaaryakaal ke ant mein Bhaarat-America ke rishte ko aaj ki tulana mein adhik majaboot kar paaen, to ise vah apni safalta maaneinge. "


Engine Band Hone Se Roosi Rocket Ka Prakshepan Vifal

Engine Band Hone Se Roosi Rocket Ka Prakshepan Vifal

Breaking »

Moscow: Doorasanchaar upagrah ko le ja rahe roosi rocket ke engine ka pratham star motor achaanak band ho jaane se prakshepan ke kuchh hi der baad vah prashaant mahaasaagar mein gir gaya. Roosi space Corporation RKK Energia ne yah jaankaari di. RKK Energia ke pramukh vitaale lopota ne kaha ki Janet-3esael rocket Intelsat-27 (IS-27) upagrah le ja raha tha. Unhonne kaha, "Yah ek gadbadi ke kaaran huaa. Prakshepan ke kareeb 50 second baad hi pehle star ka motor achaanak band ho gaya. " Energia neet si launch consortium ne antararaashtreeya jal mein vishuat rekha par tairate platform odisi se rocket ko prakshepit kiya tha. Prakshepan Moscow ke samayaanusaar subah 10: 56 par huaa tha. Platform se thodi doori par rocket gira, lekin is vifal prakshepan se platform ko koi nuksaan naheen huaa. Janet-3esael samekit prakshepan vaahan ek taral pranodak rocket hai jismein teen star aur ek antariksh upakaran ikaai hota hai.


Syria Ne Suraksha Parishad Se Kaha, Israel Ke Havaai Hamle Ki Ninda Karein

Syria Ne Suraksha Parishad Se Kaha, Israel Ke Havaai Hamle Ki Ninda Karein

Breaking »

Moscow: Syria ke videsh mantraalaya ne sanyukt raashtra suraksha parishad (UNSC) ko patra likhkar damishk ke sameep sainya anusandhaan kendra par hue Israeli havaai hamle ki ninda karne ke liye kaha hai. Sarkaari samaachaar agency saana ke mutaabik mantraalaya ne apne patra mein aagrah kiya hai, "Ek samprabhu raashtra ke kshetr mein Israel ke khule hamle, sanyukt raashtra prastaav, antararaashtreeya kaanoon 1974 ke anaakraman sandhi aur sanyukt raashtra suraksha parishad ke sambaddh prastaavon ki Israel dvaara ki gayi avhelna par parishad ek spasht ninda jaari kare. " Agency ke mutaabik Syria ke videsh mantraalaya ne sanyukt raashtra mahaasachiv ko bhi aisa hi patra bheja hai. Saana ne isse pehle ki report mein sena ke general command ka havaala dete hue kaha tha ki hamle mein kam se kam do log maare gaye hain. Pashchim ki media mein khabar di gayi hai ki Israeli jet ne shiya aatankvaadi giroh hijbullaah ke liye hathiyaar le ja rahe kaafile par bamabaari ki hai. Media ne yah bhi kaha hai Lebanon se Israel par rocket daaga gaya tha. March 2012 mein Israel ke haaretj dainik ne khabar di thi ki Syria hijbullaah ko aadhunik vimaan bhedi prakshepaastr pranaali ki aapoorti kar raha hai aur use chalaane ka prashikshan bhi day raha hai. Is kadam se kshetr mein Israeli havaai sarvochchata ko khatra ho sakta hai. Varsh 2007 mein Israel ne Syria par havaai hamle kiye the. Usane kaha tha ki yah hamla ek parmaanu reactor ko nishaana banaane ke liye kiya gaya hai. Usane 1981 mein ek Iraqi parmaanu reactor ko bhi bamabaari kar tabaah kar diya tha.


Andhra Congress Neta Ki Giraftaari Kaise Hui, Hogi Jaanch

Andhra Congress Neta Ki Giraftaari Kaise Hui, Hogi Jaanch

Breaking »

Hyderabad: Andhra pradesh ke poorv mantri aur sattaadhaari Congress party ke vidhaayak, shankar Rao ko bhoomi hadapne ke ek maamale mein police ne jis tareeke se hiraasat mein liya, usaki vyaapak taur par aalochna hui hai. Is aalochna ke baad mukhyamantri N kiran Kumar Reddy ne shukravaar ko maamale ki ek uchchastareeya jaanch ke aadesh diye. Mukhyamantri ne police mahaanideshak vi dinesh Reddy ko nirdesh diya ki atirikt police mahaanideshak Krishna prasaad dvaara maamale ki jaanch karaai jaae. Mukhyamantri ne yah aadesh tab jaari kiya, jab upamukhyamantri Damodar Rajnarsimha aur anya mantriyon ne unase mulaakaat ki aur dalit neta ke saath police dvaara kiye gaye vyavahaar par naaraajagi jaahir ki. Police ke vyavahaar ki na keval mantriyon ne ninda ki, balki kai dalit sangathanon ne bhi ninda ki. Inmein se kuchh ne raajya maanavaadhikaar aayog se sampark kar maamale ki jaanch karaane ki maang ki. Dalit sangathan, maala mahaanaadu ke kaaryakartaaon ne Rao ki giraftaari ke virodh mein raajya sachivaalaya ka gheraav karne ki koshish ki. Police ne un sabhi ko giraftaar kar liya. Rao ke saale aur Congress saansad ji vivek ne keindreeya gruhamantri susheel Kumar shinde se nai Delhi mein mulaakaat ki aur raajya sarkaar ke ravaiye ki shikaayat ki. Vivek ne aarop lagaaya ki mukhyamantri N kiran Kumar Reddy unhein isliye nishaana bana rahe hain, kyonki Rao ne mukhyamantri ke khilaaf laal chandan lakdi se sambandhit ghotaale mein jaanch ke liye nyaayaalaya ka darvaaja khatkhataaya hai. Is beech ek police adhikaari ne Hyderabad mein spasht kiya ki shankar Rao kapde naheen badalna chaahate the aur vah police ke saath lungi mein hi chal diye. Rao ko police ne unke aavaas se guruvaar shaam bhaari draame ke beech hiraasat mein liya tha. Secundarabad ke naredamet police thaane mein seene mein dard ki shikaayat ke baad unhein sarkaari Gandhi aspataal le jaaya gaya. Mantriyon va dalit sangathanon dvaara Rao ko hiraasat mein liye jaane ke taur-tareeke ki ninda kiye jaane ke baad police adhikaariyon ne spasht kiya hai ki Rao ko giraftaar naheen kiya gaya hai, vah aspataal se kaheen bhi jaane ke liye svatantr hain. Rao ke paarivaarik sadasya guruvaar raat unhein ek niji aspataal le gaye. Chikitsakon ne shukravaar subah kaha ki Rao (65) ki sehat sthir hai, lekin 24 ghante tak unhein nigraani mein rakha jaaega. Chikitsakon ke anusaar, ho sakta hai ki uchch raktachaap ke kaaran Rao ke mastishk ko nuksaan pahuncha ho. Rao ke svasur aur poorv keindreeya mantri ji Venkatswamy, kraanteekaari baalaadeer gadar aur kai anya log aspataal pahunche. Sabhi ne police kaarravaai ki ninda ki. Venkatswamy ne kaha ki police ne Rao ke saath durvyavahaar kiya aur unhein vaahan mein jabaran kheench liya, unhein kapde tak naheen badalne diya. Raajya vidhaanasabha mein Secundarabad cantonment kshetr ka pratinidhitv karne vaale Rao mukhyamantri ke ek kattar aalochak hain. Rao ko pichhle varsh January mein us samay mantrimandal se hata diya gaya tha, jab unhonne raajya ki gruhamantri sabita indra Reddy ke khilaaf bhrashtaachaar ke aaropon ki jaanch ke liye nyaayaalaya mein yaachika daayar kar di thi, jisse sarkaar ki kaafi kirkiri hui thi.


Karnataka Mein Ek Aur Vidhaayak Ka Isteefa

Karnataka Mein Ek Aur Vidhaayak Ka Isteefa

Breaking »

Bengaluru: Karnataka mein 4 February ko shuroo ho rahe bajat satr se pehle mukhyamantri jagadeesh shettaar sarkaar ko sankat mein daalne ki koshish mein shukravaar ko ek aur vidhaayak ne isteefa day diya. Bengaluru se lagbhag 250 kilometer uttar sthit taarikere vidhaanasabha kshetr ka pratinidhitv karne vaale DS suresh ne yahaan samvaadadaataaon se kaha, "Mainne vidhaanasabha ki sadasyata se isteefa dene ke liye apna tyaagapatr vidhaanasabhaadhyaksh KG bopaiya ke kaaryaalaya ko saunp diya hai. " Suresh ne kaha, "Mainne anurodh kiya hai ki isteefa jald se jald sveekaar kar liya jaae. Isteefa sveekaar hote hi main bhaajapa se isteefa day doonga aur KJP (Karnataka janta party) mein shaamil ho jaaoonga. " Suresh ke isteefe saath bopaiya ke paas ab do vidhaayakon ka isteefa lambit ho gaya hai. Bopaiya ne naagaataana seat ka pratinidhitv karne vaale vittal katakadonda ka isteefa pichhle mangalvaar se hi takaneeki aadhaar par rok rakha hai. Yadi bopaiya ne suresh aur katakadonda ka isteefa vidhaanasabha ka bajat satr shuroo hone (somvaar) se pehle sveekaar kar liya, to shettaar sarkaar ka bhavishya nirdaleeyon par nirbhar ho jaaega. In do isteefon ke saath vidhaanasabha mein bhaarateeya janta party (bhaajapa) ka sankhya bal vidhaanasabhaadhyaksh sahit 104 rah jaaega. Party ko ek nirdaleeya vidhaayak ka bhi samarthan praapt hai, jo sarkaar mein mantri hai. Karnataka vidhaanasabha ki kul kshamata 225 sadasyon ki hai, jismein ek naamit sadasya hota hai.


CSK IPL Neelaami Mein Videshi Khilaadiyon Ko Naheen Legi Fleming

CSK IPL Neelaami Mein Videshi Khilaadiyon Ko Naheen Legi Fleming

Breaking »

Chennai: Chennai Superkings (CSK) ke coach Stefan fleming ne shukravaar ko sanket diya ki unki team ravivaar ko chennai mein hone waali IPL neelaami mein videshi khilaadiyon ko naheen legi kyonki unhein lagta hai ki isse unke prashansakon mein team ki lokapriyta kam ho sakti hai. Chennai Superkings team mein maujooda khilaadiyon ke saath jaari rakhane ke baare mein poochhane par fleming ne kaha, ''Ham maujooda khilaadiyon ke saath jaari rakhana chaaheinge. Ham in stareeya khilaadiyon ke saath jude hain aur apni rananeeti ke mutaabik unka istemaal kareinge. Jab aap naye videshi khilaadiyon ko shaamil karte ho to yah khatarnaak haalaat ho jaate hain kyonki isse prashansakon mein team ki lokapriyta kam ho jaaegi. '' New Zealand ke poorv kaptaan ne kaha ki team sthaaneeya geindabaaj lena chaahegi. Unhonne kaha, ''Ham sthaaneeya geindabaaj ke vikalp ke baare mein soch rahe hain. Hamaari team mein koi bhi sheersh sthaaneeya geindabaaj naheen hai. Ham aagaami satr mein is kami ko poora karne ki koshish kareinge. Ham yuva geindabaaj ki talaash kar rahe hain jo hamaari yojana mein fit ho jaae. ''


Tendulkar Ne Uthaaya Putting Aur Driving Ka Lutf

Tendulkar Ne Uthaaya Putting Aur Driving Ka Lutf

Breaking »

Ahmedabad: Cricket star sachin Tendulkar ne shukravaar ko Ahmedabad mein Kensville golf evam country club ka daura karke putting aur driving mein haath aajmaaye. Tendulkar ka Kensville golf evam country club mein ghar hai. Ve golf course gaye aur unhonne khilaadiyon se baatcheet ki. Khilaadi, prashansak, adhikaari aur Kensville ke sadasya is senior cricketer se milne ke liye umad pade. Tendulkar ko bhi khilaadiyon aur prashansakon ke beech achha lag raha tha. Tendulkar ne Shiv Kapoor, Gaganjeet bhullar, rich beam, raahil gangaji aur rees Davis jaise antararaashtreeya khilaadiyon ke saath driving aur putting mein haath aajmaaye. Tendulkar ne kaha, ''Main kai golf course par gaya hoon aur yahaan tak kuchh avsaron par mainne ismein haath bhi aajmaae lekin jab koi tournament chal raha ho tab golf course ka daura karna naya anubhav hai. Mainne vaastav mein iska lutf uthaaya aur golf course shaanadaar hai. Mainne anya course bhi dekhe hain lekin mujhe vaastav mein yah pasand hai. '' Is star ballebaaj se poochha gaya ki kya vah bhavishya mein golf ko gambheerta se leinge, unhonne kaha, ''Mujhe racket se jude khel pasand hain aur golf naheen khel sakta. Abhi mera poora dhyaan cricket par hai. Ho sakta hai ki bhavishya mein kabhi golf ki taraf dhyaan doon. '' Course mein unhein kya khaas laga, is par Tendulkar ne hansate hue kaha, ''Mujhe bankers achhe lage. Ve bahut achhe dikhte hain lekin unamein jaana sahi naheen. Vah green hai jismein aapko khelna chaahiye. '' Tendulkar ne lagbhag 25 se 30 geind ko hit kiya aur ek baar bhi unki hit kharaab naheen hui. Unhonne kaha, ''Mujhe kuchh shot ki dhvani achhi lagi. '' Sachin ne putting chunauti mein bhi bhaag liya jismein Shiv Kapoor aur Gaganjeet bhullar aur Shiv Kapoor unke saathi the. Unki virodhi team mein rich beam, raahil gangaji aur rees Davis the. Kensville golf living ne Tendulkar ke charitable trast ko ek lakh rupaye ka check diya.


India Cements Ke Upaadhyaksh Bane Mahendra Singh Dhoni

India Cements Ke Upaadhyaksh Bane Mahendra Singh Dhoni

Breaking »

Chennai: Bhaarateeya cricket team ke kaptaan Mahendra Singh Dhoni ko India cements ka upaadhyaksh banaaya gaya hai. Is company ke maalik BCCI adhyaksh N shreenivaasan hai. Haal hi mein air India se isteefa dene vaale Dhoni BCCI corporate traafi mein apne nae niyokta ke liye khel sakte hain. Vaise unhonne Australia ke khilaaf series se pehle break lene ke sanket diye the. India cements IPL freinchaaiji chennai super kings ki maalik hai jismein Dhoni 2008 se kaptaan hai. Shreenivaasan is company ke prabandh nideshak aur upaadhyaksh hain. Dhoni ke company se judne ki baat tab saamane I jab kuchh din pehle India cements team mein unka naam shaamil kiya gaya. Chennai super kings ke ek adhikaari ne company mein unke ohade ki pushti ki. 1 se 8 February tak hone waali corporate traafi mein Dhoni ka naam India cements team mein hone se sabhi ko hairaani hui thi. Vaise hiton ke takaraav ke aadhaar par is kadam ki aalochna hona tay hai. Samjha jaata hai ki Dhoni par shreenivaasan ka varadahast hai. Lagaataar test haarne ke baad Dhoni ko kaptaani se hataane ke chayanakartaaon ke faisale par unhonne rok laga di thi. Corporate traafi ke match Pune, Nagpur, Indore aur Raipur mein honge.


Shinde Ka Bahishkaar Karne Ka Bhaajapa Kor Group Ne Kiya Faisala

Shinde Ka Bahishkaar Karne Ka Bhaajapa Kor Group Ne Kiya Faisala

Breaking »

Nai Delhi: Bhaajapa aur raashtreeya swayamsevak sangh ke varishth netaaon ke beech hui baithak ke doosare din shukravaar ko party ke kor group ki baithak hui, jismein gruhamantri susheel Kumar shinde ka bahishkaar karne ka nirnaya huaa. Baithak mein bhaajapa aur sangh par kathit hindu aatanki prashikshan shivir chalaane ka aarop lagaane vaale shinde ka bahishkaar karne ka nirnaya karte hue kaha gaya ki bhale hi gruhamantri Loksabha ke neta ke roop mein vipaksh ki baithak kyon naheen bulaaen, usamein naheen jaaya jaaega. Shinde ka tab tak bahishkaar karne ka nirnaya kiya gaya jab tak ki vah apne bayaan ke liye maafi naheen maangate. Rajnath Singh ne baithak ke baad yah jaankaari dene ke saath hi kaha ki bhaajapa aisa karte hue haalaanki sansad ke bheetar shinde ka bahishkaar naheen karegi aur na hi gruh mantri ke sansad mein kuchh kehne par sadan ki kaaryavaahi baadhit karegi. Unhonne bataaya ki shinde ke Advani, Sushma ya jetali kisi se milne ke aagrah ko bhi thukaraaya jaaega. Vah desh mein jahaan bhi jaaenge party kaaryakarta unhein kaale jhande dikhaaenge. Party ne haalaanki shinde ke mudde par kuchh narami ka rukh dikhaate hue unka isteefa maangane par jor naheen dene aur samprag adhyaksh soniya Gandhi tatha pradhaanamantri Manmohan Singh se gruhamantri par maafi maangane ke liye dabaav naheen dene ka bhi sanket diya. Pichhle saptaah naatkeeya ghatnaakram mein nitin gadkari ki bajaay Rajnath Singh ke apratyaashit roop se bhaajapa ka adhyaksh banane ke baad uske kor group ki is pehli baithak mein desh ki vartamaan raajaneetik sthiti ke maddenajar 2014 mein hone vaale Loksabha chunaav ki rananeeti ke baare mein charcha ki gayi. Rajnath Singh ki adhyakshata mein hui is baithak mein poorv adhyaksh nitin gadkari bhi shaamil hue. Baithak mein Lal Krishna Advani, Sushma Swaraj, Arun jetali aur anant Kumar aadi bhi upasthit the.


Sangh Ke Saath 'Rananeeti Satr Ke Baad BJP Kor Group Ki Aham Baithak

Sangh Ke Saath 'Rananeeti Satr Ke Baad BJP Kor Group Ki Aham Baithak

Breaking »

Nai Delhi: Aaj Delhi mein BJP kor group ki baithak honi waali hai. Guruvaar ko BJP aur raashtreeya swayamsevak sangh (RSS) ke varishth netaaon ke beech baithak hui thi, jiske maddenajar aaj ki baithak ko kaafi aham maana ja raha hai. Sootron ke mutaabik is baithak mein Rajnath Singh ki nai team aur agenda ko lekar vistaar se baat hui. Vaheen vishv hindu parishad ne Ram mandir mudde ko fir se khada karne ko lekar baithak mein ek byorevaar report pesh ki. VHP ki is report mein UPA sarkaar ke saampradaayik hinsa vidheyak ka bhi jikr tha. 7 taareekh ko VHP Kumbh mein santon ki baithak karne ja rahi hai, jismein RSS ke bade neta bhi shaamil honge. Vahaan Narendra Modi ko pradhaanamantri pad ka ummeedavaar banaane ka prastaav rakha jaaega. Haalaanki BJP filhaal in donon muddon par khaamosh hai. NDTV ko mili jaankaari ke mutaabik BJP kor group ki baithak mein 2014 ke chunaavon ko lekar taiyaar kiye gaye roadmap par charcha hogi. Sootron ke mutaabik 2014 chunaavon mein BJP ek baar fir hindutv aur Ram mandir ke mudde ko apne abhiyaan se jod sakti hai. Iske alaava Kumbh mein hone vaale santon ke sammelan par bhi party ke aala neta koi faisala le sakte hain.


Oil India Ke Sheyaron Ki Bikri Shuroo, Share Ludhka

Oil India Ke Sheyaron Ki Bikri Shuroo, Share Ludhka

Breaking »

Mumbai: Oil India mein sarkaar ki 10 feesad hissedaari share baajaar mein bikri peshakash ke jariye bechne ki prakriya shukravaar ko shuroo hui. Bikri peshakash ke jariye share bikri ki prakriya apaharan teen bajkar 30 minute par band hogi aur yadi poorn abhidaan praapt ho jaata hai, to isse sarkaari khajaane mein 3,065 karod rupaye aaenge. Sarkaar ne Oil India ki 10 feesad hissedaari bechne ke liye nyoonatam moolya 510 rupaye prati share tay kiya hai, jo pichhle band ke star se 5.41 feesadi kam hai. Is beech, Mumbai stock exchange mein shuruaati kaarobaar mein company ka share 1.34 feesadi ludhak kar 532 rupaye prati share par pahunch gaya. Oil India ki bikri peshakash ke jariye sarkaar ko munaafe mein chal rahi sarkaari companiyon ki share bikri se vinivesh ke liye tay 30,000 karod rupaye ke lakshya ki disha mein aage badhne mein madad milegi. Chaaloo vittavarsh ki yah teesari vinivesh peshakash hai. Sarkaar dvaara tay 510 rupaye prati share ke aadhaar par 6.01 karod sheyaron ki bikri se sarkaari khajaane mein 3,065 karod rupaye aaenge. Sarkaar ki is company mein 78.43 feesadi hissedaari hai aur vinivesh ke baad uske paas 68.43 feesadi hissedaari bach jaaegi. March, 2012 tak Oil India ki chukta poonji 601 karod rupaye thi. Sarkaar ne vinivesh ke jariye chaaloo vittavarsh mein ab tak 6,900 karod rupaye jutaae hain.


Dil Tootane Ke Baavajood Pyaar Mein Bharosa Hai Mauli King

Dil Tootane Ke Baavajood Pyaar Mein Bharosa Hai Mauli King

Breaking »

London: Asafal prem sambandh ke chalte dil toot jaane ke baavajood gaayika mauli King ab bhi pyaar mein bharosa karti hain, kyonki unke daada-daadi ke beech sambandhon mein saalon baad bhi prem aur khushahaali barkaraar hai. Website contactmusic. Com ke mutaabik 25-varsheeya mauli King ne 'Cosmopolitan' patrika se kaha, "Main sveekaar karti hoon ki main jab badi ho rahi thi, pariyon ki kahaaniyon jaisi kalpanaaen kiya karti thi, aur aise sambandhon ke liye deevaani thi. Lekin fir main mere daada-daadi ke vishay mein sochane lagi. Vah is duniya ka mera pasandeeda joda hai. Unki umr lagbhag 87 saal ke aaspaas hai aur mainne kabhi kisi jode ko pyaar mein itna dooba huaa naheen dekha. " Ullekhaneeya hai ki mauli King jab sirf aath saal ki theen, tabhi unke maata-pita bhi alag ho gaye the, lekin vah is baat se khushi mahasoos karti hain ki ve sab apne matabhedon ko darakinaar karte hue khaas dinon par ek saath hote hain.


Baap Ki Haivaaniyt Ki Shikaar Bachchi Ko Chaahiye Aapki Madad

Baap Ki Haivaaniyt Ki Shikaar Bachchi Ko Chaahiye Aapki Madad

Breaking »

Jaipur: Apne pita ke julm ki shikaar hui Bikaner ki bachchi ka Jaipur ke sarkaari aspataal mein safal operation kiya gaya hai. Is bachchi ke pita ne sharaab ke nashe mein bachchi ke honth aur naak chaba liye the. Doctoron ka kehna hai ki bachchi ko abhi do hafte aspataal mein rakha jaaega aur uske baad use chhutti de di jaaegi, lekin ek maheene baad usaki final surgery hogi. Gaurtalab hai ki mahila ko apni ghaayal beti ke saath ambulance mein 400 kilometer ka safar tay kar Jaipur isliye aana pada tha, kyonki uske gaanv ke paas Bikaner mein jo aspataal hai, vahaan plastic surgeon naheen hai. Mahila ko bachchi ke ilaaj ke bina Jaipur se lauta diye jaane ke baad ghar pahunchane par Rajasthan baal adhikaar aayog ne maamale mein dakhal diya aur Jaipur ke SMS aspataal ke plastic surgeon se usaki mulaakaat tay karavaaya aur uske liye nurse ka bhi intajaam karavaaya gaya. Bachchi ki madad ke liye uske pita ke gharwaalon ki or se koi bhi saamane naheen aaya. Ye log bechaari maan santosh kanvar ko hi doshi bata rahe hain, kyonki usane apne haivaan pati ko police ke hatthe chadha diya. Ab vah akeli aur bebas hai aur Jaipur mein do maasoom bachchiyon ke saath usaka sangharsh jaari hai. Santosh ki shaadi 14 saal ki umr mein hi kar di gayi thi aur shuruaat se hi usaka pati use maarta-peetata tha. 26 January ki raat nashe ki haalat mein santosh ke pati ne sharaab ke nashe mein apni betiyon par hamla kar diya aur teen saal ki beti ki peeth mein kaata aur paanch maah ki beti ke naak aur honth chaba daale. Pati ki is harkat ke khilaaf santosh ne himmat dikhaai aur police mein rapat likhva di aur use giraftaar karva diya. Isse naaraaj hokar sasuraal vaalon ne santosh ko hi ghar se nikaal diya. Sasuraal vaalon ki berukhi ke baavajood santosh ab sarkaar ki madad se bachche ka ilaaj kara rahi hai. Is poori jaddojahad mein santosh ke pita hanumaan Singh usaka saath de rahe hain. Hanumaan Singh ka kehna hai ki ab beti ke sasuraal vaalon ka kehna hai ki pehle bete ko police se mukt karaao, tab ve samjhauta kareinge. Ilaaj ke liye paise naheen hain, lekin sarkaar se kuchh madad kaam aa rahi hai. Bachchi ki plastic surgery par aane vaale kharch ka vahan sarkaar karegi, lekin ab santosh beghar hai aur uske paas aamdani ka koi jariya naheen hai. . . Yadi aap is parivaar ki madad karna chaahate hain, to neeche diye gaye vivran ke mutaabik apna check ya demand draft bhejein. The hope trast Bank ka naam : Syndicate bank Khaata sankhya : 90492010067832 Branch ka pata : Number 2, kaushalya park, hauj khaas, nai Delhi - 110016chek nimnalikhit pate par bhi bheja ja sakta hai - The hope trast 207, okhala industrial estate, Phase-3, nai Delhi - 110020 Phone number : 011 - 46176300onalaain transaction ke liye atirikt jaankaari : IFSC code (IFSC Code) : SYNB0009049 MICR code (MICR Code) : 110025019 Branch code (Branch Code) : 009049not : Yeh samaachaar / jaankaari sahaj vishvaas ki bhaavana se prerit hokar prakaashit kiya gaya hai, tatha iska koi vyaapaarik uddeshya naheen hai. Daan paane ke ichhuk dvaara kiye gaye daavon ki sachchaai ko NDTV pramaanit naheen karta hai. Na hi NDTV iski guaranty deta hai ki daan mein praapt ki gayi raashi ka prayog daan paane ke ichhuk vyakti dvaara usi uddeshya ke liye kiya jaaega, jiska zikr daan paane ke ichhuk vyakti ne kiya hai. Aapse anurodh hai ki daan karne se pehle svatantr roop se aap sampark maadhyamon tatha anya jaankaariyon ko satyaapit kar lein. Daan ke baad kisi bhi paristhiti ke liye NDTV tatha / athva uske kisi karmachaari ka koi uttaradaayitv naheen hoga.


Maruti Ki Kul Bikri January Mein Ek Feesadi Ghati

Maruti Ki Kul Bikri January Mein Ek Feesadi Ghati

Breaking »

Nai Delhi: Desh ki sabse badi car nirmaata Maruti Suzuki India ki kul bikri January 2013 mein 1.06 feesadi ghatkar 1,14,205 ikaai rah gayi. Maruti ne ek bayaan mein kaha ki company ne pichhle saal ke isi maah mein 1,15,433 vaahan beche the. Pichhle saal January mein Maruti ne ghareloo baajaar mein rikaard 1,03,026 vaahan beche the, jo iske pichhle saal ke mukaabale 1.96 feesadi adhik tha. Sameekshaadheen avadhi mein Maruti ka niryaat haalaanki 22.29 feesadi girkar 11,179 ikaai rah gaya, jo pichhle saal ki isi avadhi mein 14,386 ikaai tha. Ghareloo baajaar mein kul savaari car ki bikri aanshik roop se ghatkar 88,557 ikaai rah gayi jo January 2012 ki isi avadhi mein 88,377 ikaai thi. Company ki Maruti 800, A-star, Alto aur wagon aar samet chhoti kaaron ki bikri January 2013 mein 10.68 feesadi ghatkar 46,479 ikaai rah gayi, jo pichhle saal January mein 52,036 ikaai thi. Idhar, estilo, swift aur rij kaaron ke compact khand mein company ke kaaron ki bikri 6.79 feesadi ghati.


'Race-2 Meri Sabse Jyaada Kamaai Karne Waali Film Jacqueline Fernandez

'Race-2 Meri Sabse Jyaada Kamaai Karne Waali Film Jacqueline Fernandez

Breaking »

Mumbai: Abhinetri Jacqueline Fernandez film 'Race 2' ki box office par ho rahi jabaradast kamaai se behad khush hain. Jacqueline ne ek saakshaatkaar ke dauraan kaha, yah meri sabse jyaada kamaai karne waali film hai aur main aasha karti hoon ki ye kamaai jaari rahegi. Yah ek safal film hai aur ise pasand kiya ja raha hai. Isse main bahut khush hoon. Abbas-mastaan nirdeshit 'Race 2' ne pehle hafte mein 51.35 rupaye kamaae hain. 60 karod ki laagat se bani yah film 3,200 cinemagharon mein pradarshit hui thi. 'Race-2' ko videsh mein bhi achhi kamaai hui hai. Videsh mein isne ab tak 3.5 million dollar kamaaya hai. Yah 2008 mein pradarshit hui 'Race' ka agala sanskaran hai.


Mamata Bannerjee Ne Police Ko Mujhe Kolkata Aane Se Rokane Ko Kaha Tha Rushdi

Mamata Bannerjee Ne Police Ko Mujhe Kolkata Aane Se Rokane Ko Kaha Tha Rushdi

Breaking »

Nai Delhi: Prasiddh lekhak Salman rushdi ne kaha hai ki unki Kolkata yaatra pashchim Bengal ki mukhyamantri mamata Bannerjee ke aadesh par radd ki gayi. Rushdi ne twitter par likha ki mamata Bannerjee ne police ko unhein Kolkata pahunchane se rokane ke liye aadesh diye the. Unhonne kaha ki Kolkata mein saahitya sammelan ke aayojak jhooth bol rahe hain ki unhein (rushdi ko) nimantrit naheen kiya gaya tha. Rushdi ne kaha ki apne daave ke samarthan mein unke paas aayojakon ke E-mel aur unke dvaara bheje gaye havaai tikt maujood hain. Rushdi ki yah tippani Trinamool Congress ke saansad saugat Roy ke us bayaan ke baad aaya hai, jismein Roy ne NDTV se kaha tha ki lekhak ko Kolkata na aane ke baare mein raajya sarkaar se koi aadesh naheen diya gaya tha. Gaurtalab hai ki apni kitaab 'Midnights children' par film banaane waali deepa Mehta ke saath rushdi ko Kolkata mein ek press conference ko sambodhit karna tha. Lekin ain mauke par film ka vitran karne waali company PVR cinemas ne kaha ki film ke promotion se jude press conference ke liye jagah naheen upalabdh ho paai.


Dakshin Koreai Paryatak Ke Saath Madhya Pradesh Mein Balaatkaar

Dakshin Koreai Paryatak Ke Saath Madhya Pradesh Mein Balaatkaar

Breaking »

Aurangabad: Dakshin Korea ki ek mahila paryatak ne police thaane mein shikaayat darj karaai hai ki gat 14 January ko madhya pradesh ke ek hotel mein uske saath kathit taur par balaatkaar kiya gaya. Maharashtra ke Aurangabad ke kraanti chauk thaane mein darj karaai gayi apni shikaayat mein 23 saal ki is yuvati ne kaha hai ki Madhya Pradesh ke umariya jile ke Bandhavgadh baagh sanrakshit van kshetr mein sthit ek hotel mein ek waiter ne uske saath gat 14 January ko balaatkaar kiya. Police ke anusaar, yuvati ne kaha ki vah madhya pradesh ke kuchh paryatan sthalon ki yaatra karne ke baad Bandhavgadh pahunchi. Usane ek hotel mein waiter se apne kamre mein beer mangaai. Usaka aarop hai ki waiter ne shaayad us beer mein behoshi ki dava ya kuchh aur mila diya, jisse vah use peete hi behosh ho gayi . Iske baad waiter ne kathit taur par uske saath balaatkaar kiya . Yuvati ne kaha ki vah Bhaarat paryatan ke liye I thi aur usane desh mein kai jagahon par bhraman kiya. Usane apni shikaayat mein yah bhi kaha ki Aurangabad railway station ilaake mein kisi ne usaka ek bag bhi chura liya jismein camera , cellphone aur nakad mudra thi. Usane bataaya ki usane apne saath ghati ghatna ek paryatak guide ko bataai, jisne use police mein shikaayat darj karaane ki salaah di. Aurangabad ke police upaayukt naresh megharaajaani ne bataaya ki yuvati ko police suraksha mein madhya pradesh ke sambaddh thaane le jaaya jaaega taaki is maamale ki aage jaanch ki ja sake.


Balaatkaar Ke Aarop Mein Japan Ke Poorv Olympian Ko Jail

Balaatkaar Ke Aarop Mein Japan Ke Poorv Olympian Ko Jail

Breaking »

Tokyo: Olympic mein do baar svarn padak jeetne vaale judo khilaadi ko ek chhaatra ke balaatkaar ke aarop mein jail ki saja sunaai gayi hai. Isse kuchh din pehle hi Japani judo olympionon ne mukhya coach par laathiyon se peetane ka aarop lagaaya tha. Masaato ushiba ko college ke judo club ki ek sadasya ke saath balaatkaar ke aarop mein paanch saal ki saja sunaai gayi hai. Masaato us club ka coach tha. Athens olympic 2004 aur Beijing olympic 2008 mein svarn padak jeetne ke baad 34-varsheeya masaato Japan mein star ban gaya tha. Abhiyojan paksh ne kaha ki usane September, 2011 mein us ladki se balaatkaar kiya, jab kyooshoo university of nursing end social welfare ka mahila judo club tokyo ke daure par tha.


Perth Van-de Australia Ne West Indies Ko Nau Wicket Se Haraaya

Perth Van-de Australia Ne West Indies Ko Nau Wicket Se Haraaya

Breaking »

Perth: Glen Maxwell (naabaad 51) aur Michelle Stark (20/5) ke shaanadaar pradarshan ki badaulat Australia ne western Australia cricket sangh (vaaka) maidaan par shukravaar ko khele gaye pehle ekadivseeya mukaabale mein West Indies ko nau wicket se hara diya. Is jeet ke saath mejabaan team ne paanch maichon ki shrunkhala mein 1-0 ki badhat haasil kar li hai. Stark ko main of the match ghoshit kiya gaya. West Indies ko maatr 70 ranon par sametane ke baad Australia ne Aaron finch (10) ka wicket ganvaakar 9.2 overon mein lakshya haasil kar liya. Maxwell ne 35 geindon ki paari mein nau chauke aur do chhakke lagaae. Usmaan khwaaja aath ranon par naabaad laute. Ekamaatr safalta, apna pehla match khel rahe Jason holder ko mili. West Indies ke kaptaan Darren saimi to yah kehkar Australia pahunche the ki unki team mejabaan team ko kadi takkar degi, lekin pehle hi match mein unhein buri tarah munh ki khaani padi. Saimi ne sveekaar kiya ki mejabaan un par bhaari pade, lekin vah agale match mein jordaar vaapasi ki taiyaari kareinge. Isse pehle, Stark ki career ki shreshth geindabaaji aur klink maike (10/3) ke umda pradarshan ki badaulat Australia ne toss jeetkar pehle ballebaaji karne utari mehmaan team ko 23.5 overon mein hi pavilion ki raah dikha di. Saimi ne sabse adhik 16 ranon ka yogadaan diya, jabki dven Bravo aur keron Powell ne 11-11 run banaae. Shesh koi bhi ballebaaj dahaai tak bhi naheen pahunch saka. Mejabaan team ki or se apna pehla ekadivseeya match khel rahe James Faulkner ne bhi do wicket liye. West Indies ki or se dhurandhar salaami ballebaaj kris Gale (4), Ramnaresh saravan (0), Darren Bravo (0), keran Pollard (0), dven Thomas (3), Jason holder (7), suneel naren (0) dahaain score ka bhi munh naheen dekh sake. Ekadivseeya maichon mein West Indies ka yah ab tak ka teesara nyoonatam score hai. Isse pehle usane 2004 mein dakshin Africa ke khilaaf 54 aur 2011 mein chatagaanv mein Bangladesh ke khilaaf 61 run banaae the.


Bhaarati Airtel Ka Shuddh Munaafa 72 Feesadi Ludhka

Bhaarati Airtel Ka Shuddh Munaafa 72 Feesadi Ludhka

Breaking »

Nai Delhi: Bhaarati Airtel ka shuddh munaafa uchch byaaj dar, videshi mudra mein utaar-chadhaav aur kar ke liye dhan ki vyavastha ke kaaran December 2012 ko samaapt timaahi ke dauraan 72 feesadi ludhkakar 284 karod rupaye rah gaya. Yah lagaataar 12veen timaahi hai jabki company ka sanchayi munaafa ghata hai. Bhaarati Airtel ne ek bayaan mein kaha ki December 2011 ki timaahi mein company ka shuddh munaafa 1,011 karod rupaye ka tha. Bhaarati Airtel ke Chairman evam prabandh nideshak suneel bhaarati mittal ne kaha, byaaj daron mein badhotri, videshi mudra mein utaar-chadhaav ke kaaran nuksaan aur kar ke liye dhan ki vyavastha aadi ke kaaran company ka sanchayi laabh prabhaavit huaa. Bhaarati Airtel ka share Mumbai stock exchange mein shuruaati kaarobaar mein 2.71 feesadi girkar 330.20 rupaye par pahunch gaya. October se December 2012 ki timaahi mein company ki kul aay 9.5 feesadi badhkar 20,239 karod rupaye par pahunch gayi, jo pichhle saal ki isi timaahi mein 18,477 karod rupaye thi. Mittal ne kaha, moolya ke dabaav aur kachche maal ki badhti laagat ke kaaran haal ki timaahiyon mein baajaar sthitiyaan chunauteepoorn raheen jisse doorasanchaar kshetr aur uske margin par asar huaa. Unhonne kaha ki aisa lagta hai ki bura daur khatm ho gaya hai. Mobile telephone, telemedia aur digital seva milaakar company ke kul graahakon ki sankhya 26.22 karod hai.