Guwahati Vishaakt Bhojan Khaakar 300 Log Beemaar

Guwahati Vishaakt Bhojan Khaakar 300 Log Beemaar

Breaking »

Guwahati: Guwahati ke nikat khetari ke ek school mein sarasvati pooja ka prasaad khaane ke baad bachchon samet kam se kam 300 log beemaar pad gaye hain. Adhikaariyon ne kaha ki 20 chhaatron ki haalat gambhir hai aur unhein ilaaj ke liye Guwahati medical college aspataal sthaanaantarit kiya gaya hai. Adhikaariyon ne bataaya ki khaadya vishaaktata ke kaaranon ka filhaal pata naheen chala hai. Chhaatron aur unke abhibhaavakon ne shukravaar ko khetari mein durung haai school mein sarasvati pooja samaaroh mein hissa liya tha. Unhein prasaad ke taur par khichdi aur kuchh anya cheejein di gayi theen. Unhonne bataaya ki ab tak 100 se adhik logon ko khetari aspataal mein bharti karaaya gaya hai jabki 53 anya ka sonaapur aspataal mein ilaaj chal raha hai. Takareeban 20 gambhir maamalon ko ilaaj ke liye Guwahati medical college sthaanaantarit kiya gaya hai.


Ponti Maamala Naamadhaari Sahit 22 Logon Ke Khilaaf Aarop-patra Daayar

Ponti Maamala Naamadhaari Sahit 22 Logon Ke Khilaaf Aarop-patra Daayar

Breaking »

Nai Delhi: Pichhle saal 17 November ko sharaab kaarobaari ponti chaddha aur uske bhaai haradeep ki hatya ke maamale mein uttaraakhand alpasankhyak aayog ke poorv adhyaksh esaes naamadhaari sahit 22 logon ke khilaaf hatya, aaparaadhik saajish aur apaharan ke aaropon mein aarop-patra daayar kiya gaya. Delhi police ne atirikt mukhya metropolitan magistrate mukesh Kumar ki adaalat mein aarop-patra daayar kiya. Police ne adaalat ko bharosa dilaaya tha ki vah 15 February tak aarop-patra daayar kar degi lekin jab aisa naheen huaa to magistrate ne police ko kadi fatkaar lagaate hue 16 February ke dopahar teen baje tak aarop-patra daayar karne ka aadesh diya tha. Adaalat ne aarop-patra ka sanjnyaaan liya aur Delhi police ki aparaadh shaakha ko nirdesh diya ki vah naamadhaari aur giraftaar kiye gaye 10 anya aaropiyon ko 19 February ko adaalat mein pesh kare. Takareeban 1000 se bhi jyaada pannon ke aarop-patra mein police ne naamadhaari aur 21 anya par IPC ke tahat hatya, hatya ki koshish, aaparaadhik saajish, apaharan, gair-kaanooni tareeke se bandhak banaakar rakhane aur saboot mitaane ke aarop lagaae hain. Delhi police ne aaropiyon ko shastr kaanoon ki dhaaraaon ke tahat bhi doshi maana hai.


Rahul Ne Pradesh Pramukhon Se Kaha, Daftar Se Baahar Niklein

Rahul Ne Pradesh Pramukhon Se Kaha, Daftar Se Baahar Niklein

Breaking »

Nai Delhi: Congress upaadhyaksh Rahul Gandhi ne party ke pradesh pramukhon ke liye samayabaddh lakshya tay karte hue yah spasht kiya ki puraskaar unke pradarshan se juda hoga aur tikt sirf unheen ko milega jo tay maanak ko poora kareinge. Agale Loksabha chunaav se pehle Congress ko chust durust banaane ke uddeshya se party ke pradesh adhyakshon evam Congress vidhaayak dal ke netaaon ke saath apni do divseeya baithak ke samaapan par Rahul ne pradesh adhyakshon se kaha ki ve maheene mein kam se kam das din party ke raajya mukhyaalayon se baahar niklein aur jila evam prakhandon mein jaaen tatha paarteejanon ki shikaayaton ko sunein evam party ko majaboot karein. Unhonne pradesh netaaon ko sabhi jila evam prakhand samitiyon ke punargathan ko sunishchit karne ke liye do maheene ka samay diya aur kaha ki iske baad isi ke aadhaar par vah pradesh Congress pramukhon ke pradarshan ki sameeksha kareinge. Rahul ne yah bhi tay kiya ki vah har do teen maheene mein ek baar rajdhani mein pradesh pramukhon aur vidhaayak dal ke netaaon ke saath baithak kareinge. Unhonne pradesh pramukhon se isi tarah ki kavaayad jila pramukhon ke saath karne ki bhi salaah di. Unhonne pradesh ke netaaon ke saath Internet aur phone ke jariye niyamit roop se sampark mein rahane ke liye koi tantr viksit karne ka bhi bharosa diya aur kaha ki samvaad ki koi kami naheen rahani chaahiye.


Saja-A-maut Ki Taameel Ke Khilaaf Veerappan Ke Saathiyon Ki Arji Khaarij

Saja-A-maut Ki Taameel Ke Khilaaf Veerappan Ke Saathiyon Ki Arji Khaarij

Breaking »

Nai Delhi: Uchchatam nyaayaalaya ne saja-A-maut ki taameel ke khilaaf chandan taskar veerappan ke chaar saathiyon ki yaachika par tatkaal sunavaai karne se inkaar kar diya. Kaha ja raha hai ki chaaron doshiyon ko maut ki saja ke liye 17 February ki taareekh tay ki gayi hai lekin sheersh adaalat ne kaha ki is baare mein koi saboot naheen hai. Pradhaan nyaayaadheesh altamas kabeer ke kaaryaalaya ke ek adhikaari ne sampark kiye jaane par bataaya ki pradhaan nyaayaadheesh ke saamane yah maamala rakha gaya lekin unhonne is par sunavaai naheen ki. Pradhaan nyaayaadheesh ke aavaas par yah maamala pesh karne vaale varishth adhivakta Colin gonasaalves ne kaha ki pradhaan nyaayaadheesh ne is aadhaar par shaam ko is maamale par sunavaai naheen ki ki is baat ke koi saboot naheen hain ki maut ki saja par ravivaar ko amal kiya jaana hai. Unhonne kaha ki altamas kabeer ne unase kaha hai ki is maamale mein tay prakriya ke anusaar gaur kiya jaaega. Gonasaalves aur unke sahayogi adhivakta sameek Narayan ne kaha ki unhonne sheersh adaalat ka rukh isliye kiya kyonki unhein soochana mili hai ki mrutyudand par ravivaar ko amal hona hai. Unhonne kaha ki ab hamein aasha hai ki ravivaar ko faansi ki saja naheen di jaaegi. Unhonne kaha ki vah somvaar ko adaalat ke saamane is maamale ko fir se rakheinge. Varsh 1993 mein Karnataka ke palaar mein baaroodi surang visfot maamale mein veerappan ke bade bhaai jnyaaanaprakaash, simon, meesekar madaiya aur bilaavendran ko varsh 2004 mein maut ki saja sunaai gayi thi. Is hamle mein 22 policekarmi maare gaye the. Raashtrapati Pranab mukharji ne 13 February ko unki daya yaachikaaen khaarij kar di theen. Chaaron doshi Karnataka ke belagaam ki ek jail mein band hain. Varsh 2001 mein Mysore ki ek taada adaalat ne unhein aajeevan kaaraavaas ki saja sunaai thi lekin sheersh adaalat ne saja ko badhaakar mrutyudand kar diya. Giroh ka saragana veerappan October 2004 mein Tamil Nadu police ke saath muthabhed mein maara gaya tha.


Mumbai Desh Ki Pehli Monorel Ka Hua Safal Trial

Mumbai Desh Ki Pehli Monorel Ka Hua Safal Trial

Breaking »

Mumbai: Mumbai mein mono rel ka safal trial run kiya gaya. Teen dibbon waali monorel vadaala se chainboor tak chalaai gayi. Is yaatra ki avadhi 15 minute rahi. Desh ki is pehli mono rel ka trial dekhne ke liye logon ki kaafi bheed juti. Emaemaaaradeee ki is pariyojana ke tahat Mumbai ke cheinboor ilaake se vadaala tak pehli mono rel aane vaale kuchh maheene mein chalne lagegi. Monorel pariyojana 2460 karod rupaye ki hai. Yeh cheinboor se vadaala tak ki sava aath kilometer ki doori mahaj 15 minute mein tay karegi. Kareeb 568 yaatriyon ki kshamata waali monorel ki adhiktam raftaar 80 kilometer prati ghanta rahegi.


Bhadkaaoo Bhaashan Maamala Akbaruddin Ovaisi Jail Se Riha

Bhadkaaoo Bhaashan Maamala Akbaruddin Ovaisi Jail Se Riha

Breaking »

Aadilaabaad: Bhadkaaoo bhaashan dene ke do maamalon mein aaropi MIM vidhaayak Akbaruddin ovaisi aadilaabaad jila jail mein 38 din bitaane ke baad aaj jamaanat par riha kar diye gaye. 'Bhadkaaoo bhaashan' dene ki vajah se deshdroh aur desh ke khilaaf jang chhedne ke aaropon ka saamana kar rahe ovaisi ko do alag-alag adaalaton ne shukravaar ko jamaanat di thi. Ovaisi ke khilaaf ek maamala aadilaabaad ke nirmal ilaake aur doosra Nizamabad mein darj hai. Rihaai ke turant baad Hyderabad ravaana hue ovaisi ke samarthan mein saikadon ki taadaad mein unki party ke kaaryakartaaon ne jail ke baahar naarebaaji ki. Ovaisi ki rihaai ke maddenajar Andhra pradesh police ne Hyderabad ki or jaane vaale raashtreeya raajamaarg par suraksha ke kade intajaam kar rakhe hain. Jail ke ek adhikaari ne bataaya ki jamaanat milne ke baavajood ovaisi ko riha naheen kiya ja saka tha kyonki kuchh aupachaariktaaen poori naheen ki gayi theen.


Savita Ki Maut Ki Jaanch Report Leek, Chikitsak Upachaar Mein Hue The Naakaam

Savita Ki Maut Ki Jaanch Report Leek, Chikitsak Upachaar Mein Hue The Naakaam

Breaking »

London: Ireland mein ek aspataal mein chikitsakon ki or se garbhapaat naheen karne ke baad maut ki shikaar bani bhaarateeya mahila savita halappanavaar ke maamale ki jaanch report leek ho gayi hai. Ismein kaha gaya hai ki savita ki maut chikitsakon ki naakaami se hui aur is bhaarateeya mahila ki jindagi bachaai ja sakti thi. Aayarish svaasth mantraalaya ki jaanch report mein is baat ka khulaasa huaa hai ki 31 saal ki savita ka upachaar kar rahe chikitsak us sankraman ka pata lagaane evam upachaar karne mein naakaam rahe jiske kaaran maut hui. Savita ki beete saal 28 October ko gailave university aspataal mein maut hui thi. 21 October ko unhein peeth mein dard ke baad aspataal mein daakhil karaaya gaya tha. Us vakt vah 17 hafte ke garbh se theen. Postmortem mein paaya gaya tha ki savita ki maut ki vajah poore shareer mein sankraman ke failana (septiseemiya) tha. 'Helth service ekjakyootiv' ki leek hui report ko british samaachaar patra 'The indipeindeint' ne prakaashit kiya hai.


Pakistan Ke Quetta Shahar Mein Visfot, 47 Ki Maut

Pakistan Ke Quetta Shahar Mein Visfot, 47 Ki Maut

Breaking »

Islamabad: Pakistan ke Quetta shahar ke shiya bahul ilaake mein hue visfot mein kam se kam 47 logon ki maut ho gayi aur kam se kam 200 log ghaayal ho gaye. Maare gaye logon mein kai bachche shaamil hain. Adhikaariyon ne bataaya ki yeh visfot Quetta ke nikat kiraani road ilaake mein hua. Yeh ek shiya bahul ilaaka hai. Visfot ke samay ilaake mein bhaari bheed thi. Bolaan medical kaampaleks aur civil aspataal ke adhikaariyon ne bataaya ki ab tak 13 shav baraamad kiye gaye hain. Unhonne kaha ki maare gaye logon mein do mahilaaen aur kai bachche shaamil hain. Adhikaariyon ka kehna hai ki hamle mein 12 log ghaayal hue hain. Ghaayalon mein kuchh ki haalat gambhir hai. Visfot se khidkiyon, kai aavaaseeya imaaraton aur dukaanon ko nuksaan pahuncha hai. Suraksha balon ne ilaake ko gher liya aur logon ko ghatnaasthal ki or jaane se rok rahe hain. Kisi sangathan ne is hamle ki jimmedaari naheen li hai.


Pranab Ne Thukara Di Thi Cricket Board Ka Adhyaksh Banane Ki Peshakash

Pranab Ne Thukara Di Thi Cricket Board Ka Adhyaksh Banane Ki Peshakash

Breaking »

Nai Delhi: Raashtrapati Pranab mukharji ne is tathya ka khulaasa kiya ki 1980 ke dashak mein unhein bhaarateeya cricket niyantran board ke adhyaksh pad ki peshakash ki gayi thi, lekin unhonne choonki kabhi balla pakadkar dekha tak naheen tha isliye unhonne yah peshakash thukara di aur is pad ke liye enakepi saalve ka naam sujhaaya. Raashtrapati bhavan mein pehle enakepi saalve smaarak vyaakhyaan mein mukharji ne yaad kiya ki unke kuchh kareebi logon ne 1982 mein BCCI ke adhyaksh pad ke liye unke naam ki peshakash ki thi, lekin unhonne isse inkaar kar diya kyonki unhonne kabhi cricket khela naheen tha aur vah is khel ke baare mein jyaada jaante bhi naheen the. Unhonne yah pad sveekaar na karne ki vajah bataate hue kaha, 'Haalaanki mainne cricket par kuchh saahitya padha tha aur kuchh match dekhe the, mainne kabhi cricket ka balla uthaaya tak naheen tha. ' Mukharji ne kaha ki unhonne is pad ke liye apne dost aur Congress ke saathi neta saalve ka naam sujhaaya aur unke sujhaav ko maan liya gaya. Saalve 1982 se 1985 tak BCCI ke adhyaksh rahe aur isi dauraan 1983 mein Bhaarat ne pehla vishv cup jeeta. 1987 mein cricket vishv cup Bhaarat aur Pakistan mein laane mein bhi unhonne aham bhoomika nibhaai. Donon deshon ne us saal milkar vishv cup cricket ki mejabaani ki thi. Cricket se gahra lagaav aur prashaasak ke taur par khel ki behatari mein yogadaan dene ke alaava saalve 2002 tak do baar Loksabha ke liye aur chaar baar Rajyasabha ke liye chune gaye.


Olympic Mein Kushti Par Ekajut Honge America, Roos Aur Iran

Olympic Mein Kushti Par Ekajut Honge America, Roos Aur Iran

Breaking »

Washington: Iran ki parmaanu aankaakshaaon ko lekar bhale hi pichhle kuchh samay mein teenon deshon America, roos aur Iran ke sambandhon mein tanaatani chal rahi ho, lekin teenon deshon ne haal hi mein olympic se kushti ke nishkaasan ke khilaaf aavaaj buland karne ke liye haath mila liya hai. Samaachaar enjesi RIA novosti ke anusaar America kushti ke kaaryakaari reech baindar ne kaha, "Ham sabhi binduon ko lekar ekajut honge. Roos ke sheersh kushti adhikaari jaurji byroosov aur Iran kushti federation ke kuchh adhikaariyon se unhonne is baare mein baatcheet ki hai. Baindar somvaar ko Tehran ke liye ravaana honge, jahaan par chal rahe free style kushti vishv cup-2013 ke mukaabalon mein America ke khilaadi pratispardha kareinge. Is dauraan ve doosare deshon ki kushti fedareshanon ke adhikaariyon ke saath is maamale mein agali kaarravaai ke liye yojana ke baare mein charcha kareinge. Baindar ne kaha, "Free style kushti vishv cup-2013 ke dauraan kai kushti federation vahaan ekatrit hongi. Mujhe aasha hai is maamale ko lekar ham sabhi jald hi ekajut ho jaaenge. Daraasal, isi saptaah aaiosi ke kaaryakaari board ne 2020 mein hone vaale greeshmakaaleen olympic mein kushti ko shaamil na karne ki sifaarish ki thi. Agar yah prastaav September mein aaiosi dvaara paarit kiya jaata hai to kushti ko olympic mein shaamil naheen kiya jaaega. Baindar ka maanana hai ki pichhle teen dashakon se America, Iran aur roos ke sambandh achhe naheen rahe hain. Soviyt union ke patan ke baad America aur roos ke sambandhon mein aur giraavat dekhne ko mili hai. Donon desh ke beech Syria mein gruhayuddh aur Tehran dvaara parmaanu kshamata ka vistaar ke baare mein pratikriya karne ko lekar matabhed khulkar saamane aae hain. Vaheen, roos kushti sangh ke pehle upaadhyaksh se is baare mein koi pratikriya naheen mil paai hai. Lekin federation ne ek vaktavya jaari karte hue kaha ki sabhi fedareshanon ko olympic mein kushti ke sthaan ko bachaane ke liye ek jut hona padega. Aaiosi ke adhyaksh Jacques rog ne kaha ki ve isi saptaah fila ke sheersh adhikaariyon aur kushti ki antararaashtreeya gavarning baudi se khel ke bhavishya ke baare mein charcha kareinge.


TV Reality Sho Mein Najar Aaengi Pistoriys Ki Premika

TV Reality Sho Mein Najar Aaengi Pistoriys Ki Premika

Breaking »

Johannesburg: Oscar pistoriys ki premika reeva steenakainp ka poorv mein rikaardid seleebriti TV sho unki maut ke do din baad shanivaar ko dakshin Africa mein dikhaaya jaaega. Dakshin Africa ke pairaalinpik svarn padak vijeta pistoriys par aarop hai ki unhonne apni premika ki goli maarkar hatya ki. Olympian pistoriys ke ghar mein 29 varsheeya reeva ko valentine de ke din tadke chaar goli maari gayi. Vah 'Tropika aailaind of trejar' mein najar aaengi.


Helikauptar Sauda CBI Jaanch Dal Somvaar Ko Hoga Italy Ravaana

Helikauptar Sauda CBI Jaanch Dal Somvaar Ko Hoga Italy Ravaana

Breaking »

Nai Delhi: CBI aur raksha mantraalaya ke adhikaariyon ka ek sanyukt dal 3600 karod rupaye ke VVIP helikauptar saude mein rishvatakhori ke aaropon ki jaanch ke liye somvaar ko Italy ravaana hoga. Aadhikaarik sootron ne bataaya ki antim samay mein kuchh aupachaariktaaon ki vajah se dal ki ravaanagi mein vilamb huaa. Jaanch ke uddeshya se videsh ravaana hone ke pehle in aupachaariktaaon ko poora kiya jaana jaroori tha. Unhonne kaha ki dal maamale ke vivranon ka pata lagaane ke liye itaalavi abhiyojakon se milega. Sootron ne bataaya ki dal mein CBI ke ek deeaaiji, agency ka ek vidhi adhikaari, raksha mantraalaya ka ek sanyukt sachiv star ka adhikaari aur videsh mantraalaya ke ek adhikaari shaamil hain. Unhonne kaha ki CBI ne yah faisala isliye kiya kyonki vah maamale mein 362 karod rupaye ki kathit rishvatakhori ke sambandh mein raksha mantraalaya se kuchh aadhikaarik soochana paane mein vifal rahi.


Pruthvi Ke Sabse Kareeb Se Hote Hue Gujar Gaya 150 Fut Ka Kshudragrah

Pruthvi Ke Sabse Kareeb Se Hote Hue Gujar Gaya 150 Fut Ka Kshudragrah

Breaking »

Nai Delhi: Football maidaan se lagbhag aadhe aakaar ka ek kshudragrah pruthvi ke bahut kareeb se gujar gaya. Is kshudragrah ki pruthvi se doori mausam ka haal bataane aur doorasanchaar sevaaon ke liye prayog kiye ja rahe sthaapit upagrahon se bhi kam thi. '2012 deee 14' naamak ek kshudragrah 16 February ko raat baarah bajkar 10 minute par pruthvi se 27 hajaar 700 kilometer ki doori se gujara. 45 meter chaudi is antiriksheeya chattaan ki gati 7.8 kilometer prati second hai. Ameriki antariksh agency naasa ke vaigyaaniko ne kaha tha ki pruthvi ke itihaas mein yah pehli baar hai ki koi kshudragrah iske itne kareeb se gujarega. Is kshudragrah ki khoj 23 February 2012 ko Spain mein hui thi. Pruthvi se chandrama ki doori ki seema ke bheetar hi kaheen gujarane vaale is kshudragrah se pruthvi par koi khatra naheen tha. Iske baad yah 15 February 2019 ko pruthvi ke sabse jyaada najadeek hoga. Tab iski pruthvi se doori 6,91,64,078 kilometer hogi. Pichhli baar yah 16 February 2012 ko pruthvi ke najadeek aaya tha. Tab iski pruthvi se doori 26,06,840 kilometer thi. Yah kshudragrah ko nagn aankhon se to naheen dekha ja saka, lekin doorabeen ki madad se ise dekha gaya. Pruthvi aur is kshudragrah ki kareebi ko dekhne ka sabse behtar sthaan Indonesia tha. Poorvi Europe, Asia aur Australia bhi ise dekhne ke liye behtar sthaan the.


Arun Jaitley Ki Call Ditels Maangane Ke Aarop Mein Kaunsatebal Giraftaar

Arun Jaitley Ki Call Ditels Maangane Ke Aarop Mein Kaunsatebal Giraftaar

Breaking »

Nai Delhi: BJP neta aur Rajyasabha mein vipaksh ke neta Arun Jaitley ki call ditel record nikaalne ke maamale mein Delhi police ke ek constable Arvind dabaas ko giraftaar kiya gaya hai. Yeh constable nai Delhi special staaf mein tainaat tha. Us par aarop hai ki usane mobile company ke paas E-mel bheja aur ek number ke call deetels maange, jo number Jaitley ka tha. Yaani vah yeh jaanane ki koshish kar raha tha ki Arun Jaitley kab aur kisase phone par baat kar rahe hain. Aarop yeh bhi hai ki usane apne senior (ACP) ke naam se E-mel bheja, taaki kisi ko shak na ho. Sootron ke havaale se khabar yeh bhi aa rahi hai ki paunti chaddha murder case mein jaanch ke dauraan police ko yeh mobile number naamadhaari ke seedeeaar se mila tha. Paunti chaddha case mein crime branch aur ACP operation sel (south) ne bhi Jaitley ka call ditels maanga, jinhein call ditels mil gaya tha. Iske alaava Delhi police ki special sel ke mutaabik Arvind dabaas ka kehna hai ki vah niji istemaal ke liye call ditels paana chaah raha tha.


Helicopter Sauda BJP Ne Poochha, Kis Parivaar Ko Di Gayi 200 Karod Ki Rishvat

Helicopter Sauda BJP Ne Poochha, Kis Parivaar Ko Di Gayi 200 Karod Ki Rishvat

Breaking »

Nai Delhi: BJP ne sarkaar se poochha hai ki vah kaun 'Parivaar' hai, jise VVIP helicopter saude mein 200 karod rupaye bataur rishvat dene ki baat Italy ki adaalat mein daakhil aarop patra mein kahi gayi hai. Party ne helicopter khareed ghotaale ki tahakeekaat vishesh jaanch dal (esaaaiti) se ya uchchatam nyaayaalaya ki nigraani mein karaane ki maang karte hue Bhaarat ke ek 'Parivaar' ko rishvat diye jaane ke raaj se parda uthaane ki maang ki. BJP pravakta prakaash jaavadekar ne is ghotaale ke sandarbh mein party ki or se sarkaar ke saamane chhah savaal rakhate hue unka javaab dene ko kaha. In savaalon mein pramukh hai, Italy ki adaalat mein daakhil aarop patra mein do jagah parivaar (the faimili) ko takareeban 200 karod rupaye ka bhugataan karne ka jikr kiya gaya hai. Desh jaanana chaahata hai ki yah parivaar kaun hai? Savaalon mein yah bhi hai ki helicopter saude ko antim roop kisne diya aur us par hastaakshar kisne kiye, rishvat kisne praapt ki, haishke aur emaar emajeeef mein kya sambandh hai, aaideees India ki is ghotaale mein kya bhoomika hai aur kya sarkaar ne ghotaale ke baare mein jaankaari haasil karne ke liye Italy sarkaar ko patra likha hai. BJP ke ek anya neta Venkaiya Naidu ne Hyderabad mein kaha ki ya to uchchatam nyaayaalaya ki ya fir sansadeeya samiti ki nigraani mein vishesh jaanch dal gathit karke poore maamale ki jaanch karaai jaae. Unhonne kaha, Congress bhedabhaavapoorn tareeke se jaanch ka ant karne ke uddeshya se CBI ke durupayog ke liye 'Kukhyaat' hai, iseeliye BJP ko CBI jaanch sveekaarya naheen hai. CBI ki koi vishvasaneeyata naheen hai aur sarkaar ke iraade bhi sandehapoorn hain. Naidu ne samvaadadaataaon se kaha, yah mudda varsh 2011 mein sansad mein uthaaya gaya tha aur rakshaamantri ko ek patra bhi likha gaya tha. Iske baavajood sarkaar ne ab tak koi kaarravaai naheen ki. Unhonne kaha ki jab is mudde par Italy mein maamala darj huaa aur bhaarateeya bichauliyon ko bhi rishvat diye jaane ke khulaase hone lage, tab sarkaar ne CBI jaanch ki baat ki.


Helicopter Saude Ka Audit Kar Raha Hai Kaig Vinod Rai

Helicopter Saude Ka Audit Kar Raha Hai Kaig Vinod Rai

Breaking »

Mumbai: Ogasta vestalaind VVIP helicopter khareed saude mein kathit taur par rishvat diye jaane ko lekar mache bavaal ke beech niyantrak evam mahaalekha pareekshak (kaig) vinod rai ne kaha ki is vivaadaaspad saude ki oditing ki ja rahi hai aur iski report jald hi jaari ki jaaegi. Bainkaron ki ek sangoshthi ke dauraan savaal-javaab satr mein unhonne kaha, kaig raksha mantraalaya ka audit karta hai aur humne is maamale (ogasta vestalaind saude) mein bhi yah kiya hai. Yah jald hi aapke sanjnyaaan mein aa jaaega. Audit report ki sthiti ke baare mein rai ne kaha, audit chal raha hai, lekin naheen maaloom ki yah kab poora hoga. Audit ke charan ke baare mein mujhe jaankaari naheen hai. Aisa aarop lagaaya gaya hai ki company ne helicopter aapoorti ka theka haasil karne ke liye kareeb 362 karod rupaye rishvat di hai. Bhrashtaachaar ke mudde par rai ne kaha ki cheejein badli hain aur bejubaan janta ko kuchh logon dvaara jyaada dinon tak gumaraah naheen kiya ja sakta. Janta hamesha hi chup rahati hai, kyonki oopar baithe kuchh logon ko lagta hai ki unhein janaadesh mila hai aur ve is janaadesh ka upayog kar rahe hain.


Mumbai Mein Ghotaale Ko Ujaagar Karne Vaale Bildar Ki Goli Maarkar Hatya

Mumbai Mein Ghotaale Ko Ujaagar Karne Vaale Bildar Ki Goli Maarkar Hatya

Breaking »

Mumbai: Mumbai mein shanivaar subah ek bildar ki goli maarkar hatya kar di gayi. Bataaya ja raha hai ki bildar ko chhah goliyaan lagi theen. Subah bildar par chhah hamlaavaron ne firing ki aur jab ve bhaagane lage, to logon ne ek hamlaavar ko pakad liya. Bataaya ja raha hai ki bildar suneel Kumar ki navi Mumbai mein efaesaaai skaim ujaagar karne mein aham bhoomika thi. Suneel Kumar ne RTI ke tahat jaankaari maangi thi ki navi Mumbai ke paamabeech rod par navi Mumbai mahaanagarapaalika ne jo efaesaaai manjoor ki thi, kya uske mutaabik kaam huaa hai. Iske baad efaesaaai ghotaale ki jaanch mein pata chala ki ilaake ki lagbhag 650 imaaraton mein 1000 karod rupaye se adhik ka efaesaaai ghotaala huaa hai. Jaanch ke baad navi Mumbai ke ek DCP, navi Mumbai myoonisipl kauraporeshan ke kuchh adhikaariyon aur kuchh bildaron ke khilaaf FIR bhi darj hui thi. Akele paam beech rod par 23 bildigon ki jaanch mein 21 mein animiytataaon ki baat khud mukhyamantri pruthveeraaj chavhaan ne vidhaanasabha mein sveekaari thi.


Helicopter Sauda Kathit Bichauliye Ban Sakte Hain Sarkaari Gavaah Sootr

Helicopter Sauda Kathit Bichauliye Ban Sakte Hain Sarkaari Gavaah Sootr

Breaking »

Milan / nai Delhi: Sootron ne NDTV ko bataaya hai ki VVIP helicopter saude ke do kathit bichauliye - gyodo haishke aur krishchiyn Michael jail ki saja se bachane ke liye Italy ke adhikaariyon ke saath sarkaari gavaah banane ke baare mein baatcheet kar sakte hain. Donon filhaal faraar hain. Italy ke abhiyojakon ko lagta hai ki ye donon ogasta vestalaind case ke alaava kai anya raksha saudon ke baare mein jaankaari day sakte hain. Sootron ke mutaabik ye sabhi case England, Switzerland aur dubai se jude hue ho sakte hain. Kaha ja raha hai ki ye donon bichauliye Bhaarat mein 12 veeveeaai heleekauptaron ke saude ko lekar helicopter company aur poorv vaayusena pramukh air cheef maarshal SP tyaagi ke rishtedaaron ke beech madhyasth ke roop mein kaam kar rahe the. Tyaagi ko kathit taur par unke rishtedaaron - jooli, sandeep aur doska tyaagi ke maarfat ghoos di gayi. Haalaanki tyaagi ne in aaropon ko sire se khaarij kiya hai. Ogasta vestalaind ki mool company finmekaanika par aarop lagaaya gaya hai ki Bhaarat ke saath helicopter saude ke liye usane bichauliyon ke maarfat 30 million Euro yaani kareeb 217 karod rupaye ki ghoos di. Is beech, Bhaarat sarkaar ne ogasta vestalaind company ke saath 12 VVIP heleekauptaron ke saude ko radd karne ki prakriya shuroo karne ki or kadam badhaae hain. Iske liye sarkaar ne na sirf Italy sarkaar se fir se jaankaari maangi hai, balki ogasta vestalaind ko chitthi likhkar dalaali ke aaropon par safaai maangate hue ek hafte ke bheetar javaab dene ko kaha hai. Is maamale ki jaanch kar rahi CBI ki ek team Italy ja rahi hai.


UP Jeep-truck Ki Takkar Mein Paanch Teerthayaatriyon Ki Maut

UP Jeep-truck Ki Takkar Mein Paanch Teerthayaatriyon Ki Maut

Breaking »

Jaunapur: Uttar pradesh ke jaunapur jile ke jalaalapur thaana kshetr mein shukravaar raat ek jeep aur truck ki takkar mein Kumbh mele se laut rahe madhya pradesh ke paanch teerthayaatriyon ki maut ho gayi aur nau anya ghaayal ho gaye. Police adheekshak manjil saini ne shanivaar ko bataaya ki yah ghatna us samay hui jab Mahakumbh se teerthayaatriyon ko banaaras le ja rahi ek jeep ovaratek karne ke chakkar mein ijari gaanv ke paas truck se takara gayi. Paanch logon ki ghatnaasthal par hi maut ho gayi, jinmein teen mahilaaen shaamil hain. Unhonne bataaya ki is ghatna mein truck driver samet nau anya ghaayal ho gaye, jinhein jila aspataal mein bharti kara diya gaya hai. Saini ne bataaya ki mrutakon ki shinaakht naheen ho saki hai, lekin sabhi madhya pradesh ke ujjain jile ke nivaasi hain.


PCB Ko Ummeed, August Mein Pak Se Khelega Bhaarat

PCB Ko Ummeed, August Mein Pak Se Khelega Bhaarat

Breaking »

Karachi: Pakistan cricket board (PCB) ne ummeed jataai hai ki usaki vitteeya sthiti sudhaarane ke liye BCCI is saal August mein Pakistan ke saath kam se kam tatasth sthaan par khelne ke liye taiyaar ho jaaega. PCB sootr ne kaha, bhavishya ke daura kaaryakram ke anusaar Bhaarat ko August mein Pakistan ka daura karna hai. Hamein ummeed hai ki bhale hi ve suraksha kaaranon se yahaan ka daura naheen karein, lekin unhein kam se kam tatasth sthaan par khelna chaahiye, kyonki hamein ghareloo shrunkhala se haasil hone vaale raajasv ki sakht jaroorat hai. Unhonne bataaya ki poorv adhyaksh ejaaj Ahmad ne 2011 mein jab apna pad chhoda tha, tab PCB ke khaate mein chaar arab 20 karod rupaye the. Sootr ne kaha, is raashi ka mukhya srot ICC vishwacup ke liye ICC ki taraf se mili ek karod 50 lakh dollar ki muaavaja raashi thi. Unhonne kaha ki iske baad PCB ke kharche badhte gaye, lekin antararaashtreeya teemon ke Pakistan daure par naheen aane ke kaaran kamaai kam ho gayi.


Gambhir Ko Ek Achhi Paari Ki Darkaar Rajput

Gambhir Ko Ek Achhi Paari Ki Darkaar Rajput

Breaking »

Chennai: Senior ballebaaj Gautam gambhir ko lagaataar lachar pradarshan ke kaaran Australia ke khilaaf pehle do test maichon ki team se baahar kar diya gaya, lekin Bhaarat 'A' ke coach laalachand rajput ka maanana hai ki ek achhi paari se baaen haath ke is ballebaaj ka aatmavishvaas laut aaega. Senior team se baahar kiye gaye gambhir Australia ke khilaaf shanivaar se shuroo ho rahe teen divseeya abhyaas match mein Bhaarat 'A' team ki aguvaai kar rahe hain. Rajput ko ummeed hai ki Delhi ka yah ballebaaj is mauke ka poora faayda uthaaega. Unhonne kaha, vah achha khilaadi hai, jisne is star par achha pradarshan kiya hai. Yah keval ek achhi paari ka masala hai. Yah sahi hai ki jab aap run naheen banaate, to log aapke khilaaf likhte hain, lekin isi Gautam ne pehle dheron run banaae hain. Rajput ne kaha, yah keval crease par samay bitaane aur mauke ka faayda uthaane se juda hai. Ek baar jab vah crease par paryaapt samay bita lega, to sab kuchh sahi ho jaaega. Gautam ise jaanta hai aur vah is match mein achha pradarshan karne ke liye betaab hai. Unhonne kaha, usane isse pehle bhi achha pradarshan kiya hai, isliye vah fir se aisa kar sakta hai. Vah crease par jitna samay bitaaega, utane jyaada shot khelega. Pichhle kuchh samay se vah one-day match khel raha hai, isliye use apne khel mein kuchh badlaav karne honge. Vah jaanta hai ki lambi avadhi ke maichon mein vah kaise out ho raha hai aur use un shot ko khelne se bachana hoga.


Sooryanelli Rape Case Court Ne Kaha, Dharmaraajan Ko Bhugatani Hogi Umrakaid Ki Saja

Sooryanelli Rape Case Court Ne Kaha, Dharmaraajan Ko Bhugatani Hogi Umrakaid Ki Saja

Breaking »

Kottaayam: Kottaayam ki ek adaalat ne 1996 ke sooryanelli gang-rape case ke ikalaute doshi dharmaraajan ke baare mein kaha hai ki use trial adaalat dvaara di gayi aajeevan kaaraavaas ki saja bhugatani hogi. Dharmaraajan aath saal se faraar tha aur use kal Karnataka ke saagar mein giraftaar kiya gaya. Kuchh din pehle dharmaraajan ne agyaat sthaan se ek malayalam TV channel se baatcheet mein kaha tha ki maamale mein Rajyasabha ke up sabhaapati PJ kuriyan shaamil hain, jaisa ki peedit ne aarop lagaaya hai. Maamala idukki jile ke sooryanelli mein 1996 mein 16 saal ki ek ladki ke kathit apaharan aur uske saath balaatkaar se juda hai. Maamale ki sunavaai karne waali vishesh adaalat ne 2002 mein dharmaraajan ko umrakaid ki aur 35 anya ko alag-alag kaid ki saja sunaai theen. Haalaanki Kerala High Court ne 2005 mein 35 logon ko bari kar diya aur dharmaraajan ki umrakaid ko kam karke paanch saal ki kaid mein tabdeel kar diya. Usane usi saal jamaanat haasil kar li aur tab se hi faraar tha. Is maamale mein kuriyan ka naam 35 aaropiyon mein shaamil naheen hai, lekin peedit ladki ne ek niji shikaayat daakhil kar baad mein un par yaun utpeedn ke maamale mein shaamil rahane ka aarop lagaaya tha. Haalaanki Supreme court ne kuriyan ki aaropamukt karne ki yaachika ko manjoor kar liya tha. Udhar, dharmaraajan ne daava kiya tha ki maamale mein mukhya jaanchakarta ne kuriyan ki sanliptata ke baare mein naheen bolne ka dabaav us par banaaya tha. Haalaanki kuriyan ne dharmaraajan ke aaropon ko khaarij karte hue kaha tha ki kisi doshi ke bayaan ki koi kaanooni vaidhata naheen hoti. Haal hi mein kooriyn ka naam is maamale mein fir aaya, jab peedit ladki ne apne vakeel se uchchatam nyaayaalaya mein sameeksha yaachika daakhil karne ki sambhaavana ka pata lagaane ko kaha, taaki unke khilaaf nae sire se jaanch ki maang ki ja sake. Haalaanki kuriyan ne doharaaya ki unhein uchchatam nyaayaalaya dvaara is aarop se mukt kiya ja chuka hai.


Ek Saptaah Baad Kashmir Ghaati Se Curfew Hataaya Gaya

Ek Saptaah Baad Kashmir Ghaati Se Curfew Hataaya Gaya

Breaking »

Shreenagar: Lagbhag ek saptaah ke baad Kashmir ghaati mein laga curfew shanivaar ko hata liya gaya. Sansad hamle ke doshi mohammad Afzal guru ko pichhle saptaah hui faansi ke baad ghaati mein curfew laga diya gaya tha. Pichhle shanivaar band ki gain Internet sevaaen bhi shukravaar der shaam bahaal kar di gain. Sevaaon ki bahaali se ghaati ke paanch lakh Internet upabhoktaaon ko raahat mili hai. Internet sevaaon ko ek rakshaatmak kadam ke tahat rok diya gaya tha, taaki pareshaani paida karne vaale tatv afavaahein failaane ke liye social networking maadhyamon ka durupayog na kar sakein. Police ke ek pravakta ne kaha, ghaati ke sabhi 10 jilon se curfew hata liya gaya hai. Haalaanki curfew hatne ke baad bhi saamaanya janajeevan prabhaavit hi raha, kyonki hurriyat conference ke neta Sayyed Ali shaah gilaani ne guru ki faansi ke virodh mein aur uske shav ko parivaar ko lautaane ki maang ke liye ki ja rahi hadtaal ko ek din aur badha diya hai. Band ke aahvaan ke chalte dukaanein aur anya vyavasaayik pratishthaan band rahe, jabki saarvajanik vaahan sadkon se gaayab rahe. Haalaanki kuchh niji vaahan shreenagar samet ghaati ke anya bade kasbon ki sadkon par chalte rahe. Police ke ek pravakta ne kaha ki ghaati mein haalaat shaantipoorn hain aur kisi apriya ghatna ki khabar naheen I hai.


ICC One-day Ranking Mein Bhaarat Sheersh Par Barkaraar

ICC One-day Ranking Mein Bhaarat Sheersh Par Barkaraar

Breaking »

Dubai: Bhaarat ne shanivaar ko jaari ICC one-day ranking mein sheersh sthaan barkaraar rakha hai, jabki viraat Kohli aur suresh raina ti-20 ballebaaji ranking mein neeche khisak gaye hain. Kohli do paayadaan khiskakar aathavein sthaan par aa gaye hain, jabki raina nauvein sthaan par hain. Yuvraj Singh ek paayadaan neeche 14vein sthaan par hai, jabki Gautam gambhir 17vein sthaan par hain. Ti-20 geindabaaji ranking mein aar Ashwin ekamaatr bhaarateeya hain, jo do paayadaan khiskakar 18vein sthaan par aa gaye hain. Ol raaundaron ki soochi mein Yuvraj Singh 337 ank lekar teesare sthaan par bane hue hain. One-day team ranking mein Bhaarat ke 119 ank hain, jabki England aur Australia uske peechhe hain. England ke paas number van ki ranking fir haasil karne ka mauka hai, jab vah ravivaar se New Zealand ke khilaaf shuroo ho rahi teen maichon ki shrunkhala khelega. England ke Bhaarat ke samaan 119 ank hain, lekin dashamlav ke baad ki ginti ke aadhaar par vah Bhaarat se peechhe hai. England yadi teenon match jeet leta hai, to vah sheersh par pahunch jaaega. Ti-20 ranking mein England ke Alex hels aur steven fin ke alaava vest Indies ke suneel naren ne career ki sarvashreshth ranking haasil ki hai. Hels ballebaajon ki ranking mein nau paayadaan ki chhalaang lagaakar paanchavein sthaan par hain, jabki naren chhah paayadaan chadhkar teesare sthaan par pahunch gaye hain. Fin 20 paayadaan chadhkar chhathe sthaan par aa gaye hain.


Ogasta Vestalaind Ek Anya Helicopter Vivaad Mein

Ogasta Vestalaind Ek Anya Helicopter Vivaad Mein

Breaking »

Nai Delhi: VVIP logon ke liye 12 heleekauptaron ke saude ke liye ogasta vestalaind dvaara ghoos dene ke maamale ki jahaan CBI jaanch jaari hai, vaheen NDTV ke haath aae kuchh dastaavejon se pata chalta hai ki ogasta vestalaind ne Delhi police ko heleekauptaron aur uske kal-purjon ki aapoorti ke saude ke liye ek company ko commission dene ka prastaav bhi diya tha. Haalaanki yah sauda naheen huaa aur NDTV apne star se in dastaavejon ki praamaanikta ki pushti naheen kar sakta hai. Delhi police ke commissioner neeraj Kumar ne NDTV se kaha ki August, 2009 mein jab tathaakathit saude par hastaakshar hue, us vakt vah ek senior adhikaari ke roop mein prashaasan aur suraksha ke inchaarj the aur ogasta vestalaind ke saath kisi saude par vichaar naheen kiya gaya. Is 'Intaranal engreemeint', prabhaavi roop se ek salaahakaareeya samjhaute par ogasta vestalaind ke pramukh broono spaaganolini ke hastaakshar hain, jo VVIP helicopter saude ko lekar Italy mein najaraband hain. Is engreemeint mein New York aadhaarit gainatan limited company ko heleekauptaron ki bikri ke liye aath pratishat aur kal-purjon ke liye 15 pratishat commission ke prastaav ka jikr hai. Is company ke pratinidhi ke roop mein kaam karne vaale Abhishek varma hathiyaaron ke vivaadit saude ke aarop mein jail mein hain. Dastaavej ke mutaabik commission tabhi laagoo hota, jab antim roop se sauda tay ho jaata. Gainatan ke adhyaksh edamand Allen pichhle saal ki shuruaat se Bhaarat sarkaar ko Abhishek varma ke avaidh aur bhrasht kaaranaamon ke baare mein chitthi likhte rahe hain. Varma kabhi Allen ke business sahayogi the. Gainatan aur ogasta vestalaind ne filhaal is baare mein tippani karne ke aagrah par koi pratikriya naheen di hai. Sarkaar ka kehna hai ki choonki yah deal amal mein I hi naheen, isliye ogasta vestalaind ya iske heleekauptaron ko lekar doosare kisi ghotaale ki aashanka naheen hai. Lekin agar ye dastaavej praamaanik hain to yah saaf taur par jaahir karta hai ki desh mein jahaan raksha saudon ko bina bichauliye aur bina commission ke aadhaar par kiya jaana chaahiye, vaheen ye saude kai baar niji paartiyon ke beech aghoshit samjhaute ke ird-gird bhi ghoomate rahate hain.