Bank Of Baroda Ka December Timaahi Mein Laabh 21 Pratishat Ghata

Bank Of Baroda Ka December Timaahi Mein Laabh 21 Pratishat Ghata

Breaking »

Mumbai: Bank of Baroda (BOB) ka shuddh laabh December 2012 ko samaapt timaahi mein 21.5 pratishat ghatkar 1,011.62 karod rupaye rah gaya. Isse poorv vitt varsh 2011-12 ki isi timaahi mein bank ka shuddh laabh 1,289.85 karod rupaye raha tha. BOB ne Mumbai share baajaar ko di soochana mein kaha ki saarvajanik kshetr ke is bank ne chaaloo vitt varsh 2012-13 ki October-December timaahi ke dauraan 9,685.51 karod rupaye ki kamaai ki, jo isse poorv varsh ki isi timaahi mein 8,821.32 karod rupaye rahi thi. Aalochya timaahi mein bank ka fansa karj (NPA) badhkar 1.12 pratishat raha, jo isse pichhli timaahi mein 0.51 pratishat par tha. Moolya ke hisaab se yah raashi December, 2012 ko samaapt timaahi mein 3,363.23 karod rupaye rahi, jo isse poorv varsh ki isi timaahi mein 1,325.27 karod rupaye par thi.


Romance Ke Baad Ab Action Karti Dikheingi Sani Leon

Romance Ke Baad Ab Action Karti Dikheingi Sani Leon

Breaking »

Mumbai: Film abhinetri sani Leon pehli baar 'Tina end lolo' mein abhinay se action filmon mein kadam rakheingi. Nirdeshak devaang dholakiya ka kehna hai ki iske liye unhein shooting se pehle ek khaas prashikshan lena hoga. 'Three nights 4 days' aur 'Marega saala' jaisi filmein bana chuke devaang ne kaha, sani is vakt apne doosare kaamon mein vyast hain. Jaise hi vah apni filmon ki shooting poori karti hain, iske baad unhein meri film ke liye khaas prashikshan lena hoga. Unhonne aage kaha, is film mein ek vishesh stunt drushya hain. Main abhi film ke baare mein jyaada khulaasa naheen karna chaahata, lekin sani apne kaam ke prati kaafi samarpit hain, mujhe ummeed hai ki vah is kirdaar ko achhi tarah se nibhaaengi. Film ki shooting ki taareekh ke baare mein devaang ne kaha, ham April ke ant mein film ki shooting shuroo kareinge. Yah film vibhinn sthaanon par shoot ki jaaegi aur sabse bada hissa Bhaarat mein shoot kiya jaaega.


Nols Ki Beti Ne Bolna Seekha

Nols Ki Beti Ne Bolna Seekha

Breaking »

Loss Angeles: Gaayika Beyonce nols ki 13 maheene ki beti blue IV Carter ne abhi-abhi bolna seekha hai. Nols kehti hain ki yah unki jindagi ka sabse khoobsoorat kshan hai. Website 'S-showbiz dot kaam' ke anusaar nols ne kaha, "Usane abhi bolna shuroo kiya hai. Yah duniya ki sabse khoobsoorat baat hai. Yah meri jindagi ka sabse sukhad daur hai jab main apne bachche ko har din kuchh naya karte aur naya seekhate dekh rahi hoon. " Nols ne ameriki rapper J Z se vivaah kiya hai. Vah kehti hain, "J Z unka bahut sahayog karte hain. Vah ek adbhut insaan hain. "


IPL Idi Ne Rajasthan Royals Par Lagaaya Kareeb 100 Karod Jurmaana

IPL Idi Ne Rajasthan Royals Par Lagaaya Kareeb 100 Karod Jurmaana

Breaking »

Nai Delhi: Pravartan nideshaalaya (idi) ne IPL team Rajasthan Royals ko apne vyavasaaya sanchaalan mein videshi mudra vinimay kaanoon ke ullanghan ke aarop mein lagbhag 100 karod rupaye jurmaane ka notice diya hai. Sootron ne bataaya ki fema ke tahat do saal ki jaanch ke baad idi ne notice jaari kiye hain. Royals IPL freinchaaiji ko teen alag-alag notice jaari kiye gaye hain, jo kul 98.5 karod rupaye ke hain. Isse pehle bhi isi tarah ke kuchh aur notice jaari kiye gaye the. Rajasthan Royals ke maalik Jaipur IPL cricket private limited (JIPL) aur iske nideshakon ko 50 karod rupaye jabki Mauritius ke EM sporting holding aur iske nideshakon ko 34 karod rupaye ka notice jaari kiya gaya hai. Naveenatam notice Britain ke Messers ND investments aur iske nideshakon ko 14.5 karod rupaye ka diya gaya hai. Teenon paksh fema ke appeal praadhikran mein in jurmaane ke notice ke khilaaf appeal kar sakte hain. Is aadesh mein IPL team ko 45 din ke andar raashi jama karaane ko kaha gaya hai.


Vishvaroopam Vivaad Ban Ke Khilaaf Daayar Yaachika Vaapas Leinge Hassan

Vishvaroopam Vivaad Ban Ke Khilaaf Daayar Yaachika Vaapas Leinge Hassan

Breaking »

Chennai: Tamil Nadu mein apni film vishvaroopam par ban ke khilaaf court ki sharan mein gaye kamal Hassan ne daayar mukadama vaapas lene ka faisala kiya hai. Shanivaar ko kamal Hassan aur film ke kuchh scene ka virodh kar rahe logon ke beech samjhauta ho gaya tha. Tamil Nadu mein jilaadhikaariyon ne ravivaar ko kamal Hassan ki vivaadit film 'Vishvaroopam' par lagaaya pratibandh hata diya, jisse raajya mein film ke pradarshan ka raasta saaf ho gaya. Shanivaar ko film ke abhineta aur nirdeshak kamal aur iska virodh kar rahe muslim samoohon ke beech samjhauta ho gaya tha. Sarkaari sootron ne bataaya ki jilaadhikaariyon ki nishedhaagya ko hata diya gaya hai, haalaanki unhonne vistrut byora naheen diya. Gaurtalab hai ki sachivaalaya mein gruh sachiv aar Rajgopal ki maujoodagi mein shanivaar ko chhah ghante tak chali baatcheet ke baad Hassan ne kaha ki ve kuchh audio hisse hataane ko raaji ho gaye hain. Unhonne film par pratibandh ke khilaaf High Court mein daayar mukadama vaapas lene ka bhi prastaav diya tha. Is film ka virodh karne vaale kuchh muslim sangathanon ka aarop tha ki ismein kuchh aise drushya hain, jinse unki dhaarmik bhaavanaaen aahat hoti hain. Hassan ne kaha ki ve kuchh audio hisse hataane ko raaji ho gaye hain. Unhonne ummeed jataai ki ab jald hi film par lagi paabandi hata li jaaegi. Kareeb 100 karod rupaye ki laagat se banaai gayi is film ke abhineta Hassan ne samvaadadaataaon se kaha, vichaar-vimarsh ke turant baad ham release ki taareekh ghoshit kar deinge. Ham apni takaneeki team se bhi vichaar-vimarsh kareinge.


Raashtramandal Kalmadi Tatha Anya Ke Khilaaf Aaj Honge Aarop Tay

Raashtramandal Kalmadi Tatha Anya Ke Khilaaf Aaj Honge Aarop Tay

Breaking »

Nai Delhi: Raashtramandal khelon se jude bhrashtaachaar ke ek maamale mein Delhi ki ek adaalat dvaara raashtramandal aayojan samiti ke barkhaast adhyaksh suresh Kalmadi tatha anya ke khilaaf somvaar ko aarop tay kiye jaane ki sambhaavana hai. In logon par dhokhaadhadi, saajish tatha sarkaari khajaane ko 90 karod rupaye se adhik ka nuksaan pahunchaane ke sambandh mein aarop tay kiye jaaenge. Vishesh CBI nyaayaadheesh Ravindra Kaur ne 10 January ko aarop tay karne ke liye 4 February ki taareekh tay ki thi. Is maamale mein aayojan samiti ke mahaasachiv lalit bhanot bhi ek aaropi hain. Adaalat ne 21 December 2012 ko bhaarateeya dand sanhita tatha bhrashtaachaar nivaaran adhiniyam ki vibhinn dhaaraaon ke tahat Kalmadi tatha nau anya aaropiyon ke khilaaf aarop tay karne ke aadesh diye the. Dhokhaadhadi aur saajish ke alaava aaropiyon par IPC ke tahat farjeevaade tatha bhrashtaachaar nivaaran adhiniyam ke tahat sarkaari karmachaariyon ke aaparaadhik kadaachaar ke bhi aarop tay kiye jaaenge. CBI ne aaropiyon par varsh 2010 ke raashtramandal khelon ke liye timing, scoring tatha result (TSR) lagaane ke liye Swiss time company ko anaap shanaap daron par theka dene ka aarop lagaaya hai jisse sarkaari khajaane ko 90 karod rupaye ka nuksaan hua. Kalmadi aur bhanot ke alaava maamale ke anya aaropiyon mein aayojan samiti ke poorv mahaanideshak vi ke varma, poorv mahaanideshak (khareed) surajeet laal, poorv sanyukt mahaanideshak (khel) ASV prasaad tatha poorv koshaadhyaksh M jayachandran aadi hain. Ye log filhaal khel ikaai se naheen jude hain. Adaalat ne yeh bhi kaha tha ki aayojan samiti ke chhah poorv adhikaariyon ke khilaaf sarkaari padon ka durupayog karne ke thos aarop lagaae gaye hain. Ye poorv mein lok sevak the. In chhah logon ke alaava, do vinirmaan companiyon ke do promoter, Faridabad sthit jem international ke peedi aarya tatha AK madaan aur Hyderabad sthit AKR construction KAK Reddy bhi is maamale mein aaropi hain. Is maamale mein Swiss timing omega bhi ek aaropi hai. Adaalat ne aaropiyon ke khilaaf aarop tay karne ka aadesh dete hue kaha tha ki uchit tareeke se saman diye jaane ke baavajood Swiss timing omega adaalat mein pesh naheen ho rahi hai isliye uske maamale ki sunavaai alag ki jaati hai. Aarop hai ki company ko anaap-shanaap keematon par gairkaanooni roop se theka diya gaya. CBI ne aarop lagaaya tha ki Kalmadi tatha anya ne Spanish company MSL ki kaheen adhik kam keemat ki 62 karod rupaye ki nivida ko naamanjoor kar diya tha aur Swiss timing Omega ko theka diya jisse khajaane ko 90 karod rupaye ka nuksaan hua. Kalmadi ne haalaanki adaalat mein kaha tha ki usane bataur aayojan samiti ke adhyaksh ke saunpe gaye kaam ko kiya aur poori prakriya mein kuchh bhi galat naheen kiya.


Raajaneetik Anishchitta Ke Beech Karnataka Vis Ka Satr Aaj

Raajaneetik Anishchitta Ke Beech Karnataka Vis Ka Satr Aaj

Breaking »

Bengaluru: Karnataka mein BS yediyurappa ki party se nishtha rakhane vaale bhaajapa ke 13 vidhaayakon ke tyaagapatr ke baad raajaneetik anishchitta ke beech raajya vidhaanamandal ka sanyukt satr aaj Bengaluru mein hoga. Karnataka ke mukhyamantri jagadeesh shettaar ne bhaajapa chhodkar Karnataka janta party ka gathan karne vaale yediyurappa ki or se apni sarkaar ko koi khatra ki baat khaarij kiya hai. Shettaar ne jor dekar kaha ki unke paas ab bhi bahumat hai aur vah ise vidhaanasabha mein saabit kar sakte hain. Raajyapaal HR Bhardwaj ne ravivaar ko kaha ki vah kal bajat satr ke pehle din vidhaanamandal ko sambodhit kareinge. Bhardwaj ne Karnataka vidhaanasabhaadhyaksh KG bopaiya se yahaan Rajbhavan mein mulaakaat karne ke baad samvaadadaataaon se kaha, ''Main kal sadan aahoot karoonga aur use sambodhit karoonga. '' Bhardwaj ne ek prashn ke uttar mein kaha ki yediyurappa se nishtha rakhane vaale 13 bhaajapa vidhaayakon ke tyaagapatr ke baad kisi bhi party ne abhi tak unase shettaar mantrimandal se bahumat saabit karne ke liye kehne ki maang naheen ki hai. Unhonne kaha, ''In logon ne abhi tak mujhse sampark naheen kiya hai. Yeh sab Rajbhavan ke baahar ho raha hai. '' Bhardwaj ne gat 26 January ko kaha tha ki jagadeesh shettaar sarkaar ko abhi bhi bahumat praapt hai, bhaajapa vidhaayak dal ke neta ke taur par vidhaayakon ke tyaagapatr ke mudde par kaarravaai karne ka kaam unka hai. 224 sadasyeeya vidhaanasabha mein bhaajapa ke paas vidhaanasabhaadhyaksh ko chhodkar 117 sadasya hai tatha bahumat ke liye 113 sadasyon ki aavashyakta hai. Yadi ye tyaagapatr sveekaar kar liye jaate hain to sadan mein bhaajapa ke sadasyon ki sankhya vidhaanasabhaadhyaksh sahit 104 rah jaaegi. Bhaajapa ke paas saat nirdaleeyon mein se ek ka samarthan praapt hai jo mantri hai. Bhaajapa ke vidhaayakon ke tyaagapatr ke chalte 14 pad rikt hone ke kaaran sadan ka prabhaavi sankhya haalaanki 210 hai. Congress sadasyon ki sankhya 71 aur janta dal secular ki 26 hai. Sadan mein chhah sadasya nirdaleeya hain. Yediyurappa ke bhaajapa chhodne aur Karnataka janta party gathit karne ke baad se hi shettaar sarkaar par anishchitta ke baadal mandara rahe hain. Bhaajapa ke poorv diggaj yediyurappa ka daava hai ki unhein 20-30 bhaajapa vidhaayakon ka samarthan praapt hai tatha vah yeh daava karke bhaajapa sarkaar ko chetaavani dete rahe hain. Unki party sarkaar ko giraane ke liye poorv mein do baar samayaseema tay kar chuki hai lekin ve koi bada dhamaaka naheen kar paaye. Shettaar ne in chetaavaniyon ko khaarij karke gat saptaah jor dekar kaha tha ki vidhaayakon ke tyaagapatr ke baavajood unki sarkaar ko bahumat haasil hai aur vipaksh yadi avishvaas prastaav laata hai to vah usaka saamana karne ko taiyaar hain.


Darshakon Ki Prashansa Paane Ke Liye Kaam Karte Hain Imran Khan

Darshakon Ki Prashansa Paane Ke Liye Kaam Karte Hain Imran Khan

Breaking »

Nai Delhi: Bollywood abhineta Imran Khan kehte hain ki yah cinema jagat ka hissa banane ke liye sabse umda vakt hai, jab film jagat mein itne pratibhaashaali nirmaata aur majaboot kahaaniyaan maujood hain. Imran ne kaha, kai saare yuva pratibhaashaali nirdeshak, nirmaata aur kahaani lekhak din pratidin film jagat se jud rahe hain. Aaj ke samay mein jis tarah ki filmein ban rahi hain aur jis tarah se darshakon ka sahayog cinema ko mil raha hai, ham usase jyaada ki ummeed naheen kar sakte. Imran ne bataaya, chaahe film 'Matru ki bijli ka mandola' ho ya 'Delhi belly', yadi aaj se 10-15 saal pehle is tarah ki filmein banti to box office par aundhe munh girteen. Imran ko filmon mein aae chaar saal hue hain. Unhonne apni abhinay kshamata se swayam ko cinema jagat mein saabit kiya hai. Vah kehte hain ek kalaakaar darshakon ka samarthan aur prashansa paane ki chaahat rakhata hai aur apni filmon ke maadhyam se unki bhi koshish yahi rahi hai. Imran ne kaha, ek abhineta hamesha yah chaahata hai ki vah kuchh alag kare. Ham darshakon ki prashansa ke liye hi kaam karte hain. Ham chaahate hain ki darshak filmon mein hamaare kaam ko pasand karein hamaari bhoomikaaon ko yaad karein. Har kalaakaar isi baat ki koshish karta hai. Imran ne 2008 mein film 'Jaane too ya jaane na' se Bollywood mein kadam rakha tha. Baad mein vah 'Kidnap', 'Luck', 'I het love story', 'Delhi belly', 'Mere brother ki dulhan' aur haal mein 'Matru ki bijli ka mandola' mein najar aae. Vah kehte hain ki vah aisi filmein chunate hain, jinke baare mein unhein lagta hai ki ek darshak ke roop mein unhein yah film pasand aaegi. Unhonne kaha, main khud se yah savaal poochhata hoon ki kya main darshak hota to yah film dekhne jaana pasand karta, yadi mujhe aisa lagta hai to main film ke liye haan kar deta hoon. Imran jald hi film 'Vans upon A time in Mumbai-2' mein ek mahatvapoorn bhoomika mein najar aaenge. Haalaanki filmon ke vyavasaaya karne ke tareeke mein ab vyaapak badlaav aa chuka hai, pehle jahaan film ki safalta cinemagharon mein usaki rajat jayanti aur svarn jayanti manaane se tay ki jaati thi. Vaheen aajkal film pradarshit hone ke teen dinon mein hi film ki safalta ka andaaja lag jaata hai. Imran kehte hain, 20 se 25 saal pehle tak filmon ki sirf 300 pratiyaan pradarshit ki jaati theen. Aaj koi chhoti film bhi 600 pratiyon ke saath pradarshit ki jaati hai aur badi filmein to 2500 se 3000 cinemagharon mein pradarshit ki jaati hain. Aisa isliye naheen hai ki sirf samay badla hai, balki aaj cinema ke paas darshak jyaada hain.


Yaun Aparaadh Adhyaadesh Mahila Sangathan Kareinge Virodh Pradarshan

Yaun Aparaadh Adhyaadesh Mahila Sangathan Kareinge Virodh Pradarshan

Breaking »

Nai Delhi: Jaane-maane mahila sangathanon ne mahilaaon ke khilaaf yaun aparaadhon par adhyaadesh ko sarkaar mein janta ke bharose ke saath poorn vishvaasaghaat karaar diya aur raashtrapati se is par hastaakshar naheen karne ki appeal ki thi. Baavajood iske raashtrapati Pranab mukharji ne adhyaadesh ko manjoori dekar kaanoon bana diya. Iske virodh mein somvaar ko mahila sangathan jantar-mantar par pradarshan kareinge. Mahila adhikaar kaaryakarta vrunda Grover ne kaha, ''Yah adhyaadesh janta ke saath vishvaasaghaat hai. Sarkaar adhyaadesh ko aapaat upaaya ke roop mein prastaavit karne evam paaradarshita naheen dikhaane ko lekar ham bhaunchakke hain. '' Jaagori, aipava aur partners for law end development samet kai mahila sangathanon ki pratinidhiyon ne sarkaar ki is baat ke liye aalochna ki ki mahaj teen saptaah baad sansad ka satr shuroo hone se pehle hi vah adhyaadesh lekar aa gayi aur unhonne raashtrapati se is par hastaakshar naheen karne ki appeal ki. Samooh ne kaha, ''Ham is baat se bhaunchakke hain ki sarkaar ne paaradarshita naheen dikhaai. Ham raashtrapati se aise adhyaadesh par hastaakshar naheen karne ki aahvaan karte hain. '' Ol India progressive women'S association (aipava) ki sachiv kavita Krishnan ne is adhyaadesh ko nyaayamoorti varma samiti ki sifaarishon ka upahaas karaar diya. Unhonne kaha, ''Ham adhyaadesh dekhkar bhauchakke hain kyonki ismein samiti ki kai sifaarishein najaraandaaj kar di gayeen. Sarkaar ne adhyaadesh ko chori chhipe laaya aur ise logon ke saath saajha naheen kiya, us par charcha naheen karaai. Sabhi prabhaavi sifaarishein shaamil naheen ki gayi hain. '' Keindreeya mantrimandal ne ravivaar ki raat is adhyaadesh ko manjoori di jismein kathor dand ka praavadhaan hai. Ismein kaha gaya hai ki balaatkaar ke baad yadi peedita ki maut ho jaati hai ya vah coma mein chali jaati hai to us sthiti mein mrutyudand ho sakta hai. Kavita ne kaha ki mahila sangathan sarkaar ke kadam ke khilaaf somvaar ko pradarshan kareinge. Vibhinn sangathanon ka pratinidhitv karne vaale is samooh ne kaha ki raajya ki abhiyojyata, adhikaariyon ko dand, sainyakarmiyon ko aaparaadhik kaanoon ke daayare mein laane jaisi kai aham sifaarishein adhyaadesh mein shaamil naheen ki gain.


Khudara Niveshakon Ki Livaali Se Sensex Majaboot

Khudara Niveshakon Ki Livaali Se Sensex Majaboot

Breaking »

Mumbai: Asiaee baajaaron mein majaboot rukh ke beech sansthaagat aur khudara niveshakon ki livaali se Mumbai share baajaar ka Sensex aaj kareeb 121 ank ki teji ke saath khula. Tees sheyaron vaala Mumbai share baajaar ka Sensex 121.41 ank ya 0.61 pratishat ki teji ke saath 19,902.60 ank par khula. Isse pehle, pichhle do satron mein ismein kareeb 224 ank ki giraavat darj ki gayi thi. Vaahan tatha banking sheyaron ki aguvaai mein sabhi khandavaar soochakaank sakaaraatmak rahe. National stock exchange ka Nifty bhi 39.60 ank ya 0.66 pratishat ki giraavat ke saath 6,038.50 ank par band huaa. Kaarobaariyon ke anusaar, America mein rojagaar tatha vinirmaan aankade behtar rahane se vahaan ka share baajaar shukravaar ko paanch saal ke uchch star par pahunch gaya, jiska Asiaee baajaaron par sakaaraatmak asar pada.


Gaayan Ko 'Gair Islaami Karaar Diya Mufti-A-aajam Ne

Gaayan Ko 'Gair Islaami Karaar Diya Mufti-A-aajam Ne

Breaking »

Shreenagar: Kashmir mein ladkiyon ke ek rock band ke liye umade samarthan ke beech Jammu-Kashmir ke mufti-A-aazam basheeruddeen Ahmad ne gaayan ko 'Gair islaami' karaar diya. Mufti-A-aajam ne ek fatwa jaari kiya aur gaana gaane ko gair-islaami bataaya. Unhonne bataaya, 'Mainne kaha hai ki gaayan islaami shiksha ke anuroop naheen hai. ' unhonne kaha ki unki taraf se band ki sadasyon ko gaayan 'Chhod dene' ki salaah di ja chuki hai kyonki yah islaami shikshaaon ke khilaaf hai aur unhein samaaj mein kuchh sakaaraatmak bhoomika nibhaane mein madad naheen karega.


'Main Sirf Un Utpaadon Ka Prachaar Karta Hoon, Jinka Istemaal Karta Hoon

'Main Sirf Un Utpaadon Ka Prachaar Karta Hoon, Jinka Istemaal Karta Hoon

Breaking »

Mumbai: Bollywood abhineta Salman Khan ka kehna hai ki vah sirf un utpaadon ke liye prachaar karte hain jinka vah khud istemaal karte hain. Salman ko antararaashtreeya vigyaapan sangh ke pehle brand endorser of the iyar award se sammaanit kiya gaya hai. Salman ne shanivaar shaam ko IAA leadership award samaaroh mein kaha, ''Main sirf un utpaadon ka prachaar karta hoon jinka khud istemaal karta hoon. ' Salman ne kai utpaadon ke liye prachaar kiya hai. Saath hi vah kai companiyon ke brand Ambassador bhi hain. Unhonne kaha, 'Jab main kisi utpaad ke liye prachaar karta hoon to usaka matlab hai ki aap ise pahaniye, istemaal keejiye ya khaaie. Yadi main kisi utpaad ka istemaal naheen karta hoon, to uske liye prachaar bhi naheen karta. '


Bhaarateeya Baajaar Mein Pravesh Ke Liye Wall-Mart Ki Lobbying Jaari

Bhaarateeya Baajaar Mein Pravesh Ke Liye Wall-Mart Ki Lobbying Jaari

Breaking »

Washington/nai Delhi: Ameriki company Walmart dvaara Bhaarat mein pravesh ke liye lobbying kiye jaane ke mudde ki jaanch shuroo hone ke baavajood yah company is mudde par ameriki saansadon tatha anya ke saath lobbying gatividhiyon ko jaari rakhe hue hai. Company ne 2012 ke dauraan is mad par lagbhag 61.3 lakh dollar kharch kiye. Ameriki sansad mein lobbying sambandhi khulaase ki nai report mein yah jaankaari saamane I hai. Iske anusaar ameriki Walmart stores ne 31 December 2012 mein vibhinn muddon par lobbying ke liye 14.8 lakh dollar (lagbhag aath karod rupaye) kharch kiye. Ismein Bhaarat mein FDI se jude mudde par vichaar-vimarsh par kharch shaamil hai. Aankadon ke anusaar company ne 2012 mein kul milaakar is mad mein 61.3 lakh dollar (lagbhag 33 karod rupaye) kharch kiye. America mein companiyon dvaara lobbying mad mein kiye jaane vaale kharch ka khulaasa karna jaroori hai. Ullekhaneeya hai ki Bhaarat sarkaar ne is baat ki jaanch shuroo ki hai ki Walmart ne bhaarateeya baajaar mein pravesh ke liye America mein kis tarah ki lobbying ki. Is mudde ko lekar Bhaarat mein khaasa vivaad huaa tha. Walmart barso se Bhaarat mein super market kholne ke liye anumati ka intajaar kar rahi hai aur vah is mudde par 2008 se hi lobbying kar rahi hai. Tab se lekar ab tak lobbying gatividhiyon par usaka kul kharch 3.40 karod dollar (180 karod rupaye) se oopar nikal gaya hai. Haalaanki, Walmart ke lobbying kharch mein varsh 2011 ke mukaabale kami I hai aur is dauraan yah 78 lakh 40 hajaar dollar se ghatkar 2012 mein 61 lakh 30 hajaar dollar rah gaya. Isse pehle company ne 2010 mein kul 73 lakh 90 hajaar dollar lobbying par kharch kiye the.


Delhi Dushkarm Maamala Soniya Ka Aana Pita Ko 'Sapana Laga

Delhi Dushkarm Maamala Soniya Ka Aana Pita Ko 'Sapana Laga

Breaking »

Nai Delhi: Delhi mein kroorataapoorvak dushkarm ka shikaar hone waali ladki ke pita ne kaha hai ki jab unhonne Congress adhyaksh soniya Gandhi ko apne bete Rahul Gandhi ke saath dekha tab unhein laga ki shaayad ve koi sapana dekh rahe hain. 53 varsheeya pita ne ravivaar ko kaha ki shanivaar ko Congress saansad mahaabal mishr ne shanivaar ki shaam baar-baar phone kar unase kaha ki ek 'Bahut bade neta' unke ghar aane ki yojana bana rahe hain. Indira Gandhi havaai adde ke ghareloo terminal par kuli ke roop mein kaam karne pita ne bataaya ki jab pehla call aaya tab ve aspataal gaye hue the. Unhein bukhaar aa gaya tha. Ve andaaja naheen laga paae ki yah 'Bada neta' kaun ho sakta hai. Unhonne bataaya, "Main shaam kareeb 5: 15 baje ghar lauta. . Kareeb 45 minute baad mere darvaaje par dastak hui aur darvaaja khola to baahar Soniaji, Rahulji aur Renukaji (Renuka chaudhari) khadi theen. " unhonne bataaya, "Mainne socha main koi sapana dekh raha hoon. " unhonne kaha ki unhein vishvaas naheen huaa ki viptti ke maare is parivaar ko dekhne vaastav mein Congress adhyaksh pahunchi hain. Tang gali jahaan badi gaadiyaan naheen ja sakateen, aise hi ilaake mein sthit ek makaan ke do kamron ki tang jagah mein soniya ne ek ghante se bhi jyaada samay gujaara.


Davis Cup Korea Ne Bhaarat Ko 4-1 Se Haraaya

Davis Cup Korea Ne Bhaarat Ko 4-1 Se Haraaya

Breaking »

Nai Delhi: Ranjit viraali murugeshan aur vijayant malik ki haar ke saath ravivaar ko Davis cup mein Bhaarat ki chunauti samaapt ho gayi. Ranjit aur malik dakshin Korea ke saath khele gaye Asia oceania group-1 ke pehle daur mein ekal mukaabale ganvaane ke baad ulat ekal mukaabalo mein bhi haar gaye. Bhaarat ko 1-4 se haar mili. Bhaarat ne yugal match jeeta tha. Ranjit aur malik shukravaar ko haar gaye the. Bhaarat pehle din ki samaapti ke baad 0-2 se peechhe tha lekin shanivaar ko Leander pace aur poorab raaja ne yugal match jeetkar Bhaarat ke liye vaapasi ki ummeed jagaai thi lekin ulat ekal mukaabalon mein Ranjit aur malik ki haar ke saath Bhaarat ko antat: Buri haar mili. Teji se ubhar rahe Ranjit khud se oonchi vareeyata vaale suk-yang jayong ke khilaaf naheen tik paae. Shukravaar ko pehle ekal match mein sharmanaak haar ka saamana karne ke baad 511 veen vareeyata praapt khilaadi Ranjit ne 321veen vareeyata praapt khilaadi jyong ko kaante ki takkar di, lekin do ghante 23 minute tak chale is mukaabale mein unhein 4-6,4-6,2-6 se haar ka saamana karna pada. Paanchavein aur antim mukaabale mein malik ko naam ne 6-2, 6-4 se haraaya. Malik ne jayong ke khilaaf jordaar sangharshashakti ka parichay diya tha lekin apne antim match mein mein bhi un par maansapeshiyon mein khinchaav ka asar dikha. Isi chot ke kaaran vah jayong ke khilaaf achha khelte hue bhi mukaabale se hatne ke liye majaboor hue the. Doosare ekal mukaabale mein malik ne jayong ke khilaaf jordaar sangharsh kiya lekin vah bhi 4-6, 5-7, 0-2 se haar gaye the. Baaen pair mein dard ke kaaran malik yah mukaabala poora naheen kar sake the lekin is yuva khilaadi ne bhavishya ke prati ek nai ummeed jagaai. Bhaarat ko ab pehle daur ke playoff mukaabale mein Bhaarat ka saamana Indonesia se hoga. Indonesia ko Japan ne buri tarah paraajit kiya. Playoff mukaabale 5-7 April ke beech khele jaane hain. Doosare daur ke mukaabalon mein Korea ka saamana Japan ke saath hoga. Ullekhaneeya hai ki somadev Devburman, mahesh bhoopati, rohan bopanna aur yuki bhaambari jaise khilaadiyon dvaara apni maange naheen maane jaane ke kaaran khelne se inkaar ke baad akhil bhaarateeya tennis sangh (AITA) ne Korea ke khilaaf bilkul nai team utaarane ka faisala kiya.


'Vishvaroopam Par Jilaadhikaariyon Ka Lagaaya Pratibandh Hataaya Gaya

'Vishvaroopam Par Jilaadhikaariyon Ka Lagaaya Pratibandh Hataaya Gaya

Breaking »

Chennai: Tamil Nadu mein jilaadhikaariyon ne ravivaar ko kamal Hassan ki vivaadit film 'Vishvaroopam' par lagaaya pratibandh hata diya, jisse raajya mein film ke pradarshan ka raasta saaf ho gaya. Shanivaar ko film Ke abhineta aur nirdeshak kamal aur iska virodh kar rahe muslim samoohon ke beech samjhauta ho gaya tha. Sarkaari sootron ne bataaya ki jilaadhikaariyon ki nishedhaagya ko hata diya gaya hai, haalaanki unhonne vistrut byora naheen diya. Gaurtalab hai ki sachivaalaya mein gruh sachiv aar Rajgopal ki maujoodagi mein shanivaar ko chhah ghante tak chali baatcheet ke baad Hassan ne kaha ki ve kuchh audio hisse hataane ko raaji ho gaye hain. Unhonne film par pratibandh ke khilaaf High Court mein daayar mukadama vaapas lene ka bhi prastaav diya. Is film ka virodh karne vaale kuchh muslim sangathanon ka aarop tha ki ismein kuchh aise drushya hain, jinse unki dhaarmik bhaavanaaen aahat hoti hain. Hassan ne kaha ki ve kuchh audio hisse hataane ko raaji ho gaye hain. Unhonne ummeed jataai ki ab jald hi film par lagi paabandi hata li jaaegi. Kareeb 100 karod rupaye ki laagat se banaai gayi is film ke abhineta Hassan ne samvaadadaataaon se kaha, vichaar-vimarsh ke turant baad ham release ki taareekh ghoshit kar deinge. Ham apni takaneeki team se bhi vichaar-vimarsh kareinge.


Yaun Aparaadhon Se Ladne Sambandhit Adhyaadesh Ko Raashtrapati Ki Manjoori

Yaun Aparaadhon Se Ladne Sambandhit Adhyaadesh Ko Raashtrapati Ki Manjoori

Breaking »

Nai Delhi: Raashtrapati Pranab mukharji ne yaun aparaadh virodhi kaanoonon mein badlaavon ko prabhaavi banaane ke liye aaparaadhik kaanoon (sanshodhan) adhyaadesh-2013 ko ravivaar ko apni manjoori day di. Yah adhyaadesh nyaayamoorti JS varma ki report par jyaadaatar aadhaarit hai, aur ise keindreeya mantrimandal ne shukravaar ko manjoori day di thi. Is adhyaadesh mein mahilaaon ke khilaaf aparaadhon ke maamalon mein jaghanya aparaadh ke liye mrutyudand sahit dand badhaae jaane ke prastaav hain. In aparaadhon mein dushkarm, tejaab hamle, taakajhaank aur taskari shaamil hain. Mahila sangathanon ne adhyaadesh ke khilaaf somvaar ko jantar mantar par virodh pradarshan aayojit karne ki yojana banaai hai. Mahila sangathanon ka maanana hai ki mahila aparaadhon se nipatne ke lihaaj se yah adhyaadesh dantaviheen hai aur sangathanon ne raashtrapati se aagrah kiya tha ki vah is par hastaakshar na karein.


Share Baajaar Agale Saptaah Timaahi Parinaamon Par Rahegi Najar

Share Baajaar Agale Saptaah Timaahi Parinaamon Par Rahegi Najar

Breaking »

Mumbai: Share baajaar ke niveshakon ki nigaah agale saptaah jahaan companyon ke timaahi parinaamon par bani rahegi, vaheen ve bada faisala karne se pehle bajat tak ka intajaar kar sakte hain. Agale saptaah kai pramukh companiyaan 2012-13 ki teesari timaahi ke liye apne parinaamon ki ghoshana kareingi. Niveshak parinaamon ke saath board sadasyon aur vishleshakon ki rai se bhavishya mein company ki aay ka anumaan lagaane ki koshish kareinge. Somvaar ko jubilant foodworks, Kingfisher airlines, bank of Baroda, taaj GVK hotels, shri adhikaari brothers apne parinaam ghoshit karne waali pramukh companiyaan hongi. Mangalvaar ko kaamat hotels, jindal hotels, NHPC, UCO bank, United bank aur wheels India parinaam ghoshit karne waali pramukh companiyaan hongi. Budhvaar ko Apollo tyres, Cipla, Dunlop India, Godrej industries, Gujarat hotels, JK lakshmi cement, manaappuram finance, mukta Arts aur tech mahindra parinaam ghoshit karne waali pramukh companiyaan hongi. Guruvaar ko Apollo aspataal, NDTV aur TVS electronics parinaam ki ghoshana karne waali pramukh companiyaan hongi. Shukravaar ko GMR infra, Hindalco industries, mahindra end mahindra, san pharma aur tata chemicals parinaam ghoshit karne waali pramukh companiyaan hongi. Shanivaar ko indraprasth gas limited, Reliance media works aur shri asht vinaayak parinaam ghoshit karne waali pramukh companiyaan hongi. Niveshak agale saptaah koi bhi faisala karne se pehle aagaami bajat ko bhi dhyaan mein rakh sakte hain aur lambi avadhi ke nivesh ka faisala karne se pehle thoda intajaar kar sakte hain.


HIL Wizards Ko Haraakar Waveriders Ne Barkaraar Rakha Ajay Kram

HIL Wizards Ko Haraakar Waveriders Ne Barkaraar Rakha Ajay Kram

Breaking »

Lucknow: Semifinal mein sthaan bana chuki Delhi waveriders team ne ravivaar ko major dhyaanachand stadium mein khele gaye hero hockey India league (HIL) ke 25vein mukaabale mein uttar pradesh wizards ko 3-0 se haraakar apna Ajay kram barkaraar rakha hai. Wizards ke khaate mein aath jeet aur do draw hain. Yahi ek team hai, jo ab tak ek bhi match haari naheen hai. Waveriders ke liye Andres meer bail ne 10vein, Simon child ne 17vein aur Gurvinder Singh chaandi ne 30vein minute mein gol kiye. Waveriders team 44 ankon ke saath tournament ke pehle hi din se sheersh par kaayam hai. Wizards ke liye yah match jeetna behad jaroori tha kyonki is match mein jeet ke saath ve semifinal ki daud mein khud ko banaae rakh sakte the. Yah match jeetkar wizards kam se kam mumbai magicians ko khud ko ankon ke lihaaj se chhoone ka mauka naheen dete lekin ab magicians ke paas bhi apan agale sabhi match jeetkar semifinal mein pahunchane ka mauka hai aur wizards ko antim-4 daur ke liye ab nae sire se prayaas karna hoga. Baharahaal, chunauti yah thi ki wizards shaanadaar firm mein chal rahi waveriders team ka vijay kram tod paate hain ya naheen. Is kram mein shuruaati 10 minute mein maidaan mein jordaar chahalakadami dikhi lekin safalta waveriders ko hi mili. Bail ne 10vein minute mein haasil penalty corner par ek jordaar flick liya, jo goalpost ke ekdam kinaare ki or ravaana hui. Wizards ke goalkeeper ne ise rokane ki bharpoor koshish ki lekin geind itni tej thi ki vah safal naheen ho sake. Iske baad 17vein minute mein oscar deke ne circle ke sheersh par se ek jordaar hit liya. Deke goalpost ko saaf dekh rahe the aur is lihaaj se unka hit kaafi prabhaavashaali saabit huaa. Unki is hit par child ne bas apni stick laga di. Geind badi teji se wizards ke goalpost mein ghus gayi. Teesara gol chaandi ne kiya. Shaanadaar firm mein chal rahe chaandi ne circle ke baain chhor se goalpost ko nishaana saadhakar hit liya, jo seedhi goalpost mein jaati dikhi. Wizards ke goalkeeper apna saara prayaas karne ke baavajood geind ko naheen rok sake. Chaandi ka yah gol match ka shreshth gol saabit huaa. Paanch teemon ki taalika mein waveriders 44 ankon ke saath pehle sthaan par hain jabki Ranchi rhinos ke 31 ank hain. Vah doosare sthaan par hai. JP Punjab warriors (27) teesare, uttar pradesh wizards (22) chauthe aur magicians (14) paanchavein sthaan par hai.


'Support Maai School Telethon Se NDTV Ne Jutaae 13.6 Karod Rupaye

'Support Maai School Telethon Se NDTV Ne Jutaae 13.6 Karod Rupaye

Breaking »

Nai Delhi: Dinbhar chali NDTV-koka kola ki 'Support maai school' muhim se 13.6 karod rupaye jutaae gaye. Jutaae gaye is dhan se 272 schoolon ko madad pahunchaai jaaegi. NDTV par chalaae gaye is khaas kaaryakram mein samaaj ke har kshetr ke kai mashahoor logon ne bhaag liya. Inmein Aishwarya rai, sachin Tendulkar, anil Kapoor, Rahul Bose, geetkaar prasoon Joshi, rauni Screwwala aadi pramukh the. Inke alaava, baal gaayak ajmat, rimsha, priyaanshi aur deeparaaj ne samaan baandh diya. Divangat yash Chopra ki patni Pamela Chopra, raajaneta shashi tharoor ne bhi is muhim mein saath diya. Kaaryakram ke antim bhaag mein gaayak Kailash kher aur jaaved ne mehfil ko roshan kar diya.


'American Snipr Ke Lekhak Ki Poorv Marine Ne Hatya Ki

'American Snipr Ke Lekhak Ki Poorv Marine Ne Hatya Ki

Breaking »

Houston: America mein navy seal ke saath kaam kar chuke kris kaaile ek sangharsh mein maare gaye hain. Bahucharchit pustak 'Ameriki snipr' ke lekhak 38 saal ke kaaile ki hatya shanivaar ko Texas ke rough creek lodge mein ki gayi. Sthaaneeya media ke anusaar erath County ke police adhikaari Tommy Bryant ne kaaile ke maare jaane ki pushti ki. Kaaile ke saath poorv marine Eddy re raauth ka vivaad ho gaya. Isi vivaad mein maanasik beemaari ka upachaar kara chuke raauth ne kaaile ki goli maarkar hatya kar di.


'Australia Hall Of Fame Mein Shaamil Honge McGraw Aur Charlie Turner

'Australia Hall Of Fame Mein Shaamil Honge McGraw Aur Charlie Turner

Breaking »

Melbourne: Poorv tej geindabaajon glen McGraw aur Charlie turner ko is saal ke Allen border padak samaaroh mein Australiaee cricket hall of fame mein shaamil kiya jaaega. Is samiti ke adhyaksh David kro ne kaha ki McGraw aur turner is saal ke liye chayan samiti ki nirvirodh pasand hain. Kro ne kaha ki glen McGraw aur Charlie turner apne-apne daur ke laajavaab tej geindabaaj rahe hain. Donon ke careeron mein ek sadi se adhik samay ke antaraal ke baavajood unamein kaafi kuchh samaan hai. Unhonne kaha ki donon hi lambe, daaen haath ke tej geindabaaj aur New South vels ke rahane vaale hain. Donon ka shaanadaar record unke daur mein unke dabadabe ko darshaata hai. McGraw ne 14 saal ke test career mein 124 match khele aur 21.64 ki ausat se 563 wicket liye, jo tej geindabaaj dvaara sabse jyaada wicket aur kul milaakar Shane vaarn, muthaiya muraleedharan aur anil Kumble ke baad chauthe sthaan par hain. Unhonne one-day career mein 381 wicket jhatke, jo itihaas mein chhathe sarvaadhik hain. Varsh 2007 vishwacup mein McGraw ka jaadoo sir chadhkar bola aur unhonne 26 wicket liye aur vah main of the tournament rahe.


Main Kabhi Film Naheen Dekhta Annu Kapoor

Main Kabhi Film Naheen Dekhta Annu Kapoor

Breaking »

Bhopal: Bhale hi yah sunane mein kuchh ajeeb lage par charitra abhineta Annu Kapoor ka kehna hai ki vah kabhi filmein nahi dekhte. Kai filmon mein apni bhoomika ke liye prashansa haasil kar chuke Annu Kapoor ne kaha ki vah kabhi bhi hindi aur angreji ki filmein ya theater naheen dekhte. Unhonne kaha ki aisa karne ke peechhe koi vishesh kaaran naheen hai par vah in sabse bor ho jaate hain. Jab unase yah poochha gaya ki kya film jagat mein unke saath kaam karne vaalon ko yah pata hai ki vah filmein naheen dekhte, Annu ne kaha ki unako is baare mein koi jaankaari naheen hai. Unhonne kaha ki vah aise insaan naheen hain, jo logon se jaakar unki rai poochhe ya doosaron par apni rai ko thopane ki koshish karein. Annu Kapoor ne bahut saari filmon mein kaam kiya hai. Unki pramukh filmon mein 'Mistar India' bhi hai, jismein unhonne ek akhbaar ke sampaadak ki bhoomika nibhaai hai aur film ki heroine shreedevi ek reporter hai. Iske alaava Amitabh Bachchan ki film 'Main aajaad hoon' aur pankaj paraashar ki 'Chaalabaaj' mein bhi Annu Kapoor ne mahatvapoorn bhoomika nibhaai hai. Charitra abhineta ne kaha ki unhein is baat par garv hai ki vah bahut saal pehle television par aane vaale mashahoor sangeet sho 'Antaakshari' ke sah-mejabaan the. Is sho ki khaasiyat yah rahi ki Annu lagaataar iske purush mejabaan rahe, jabki mahila mejabaan badalti rahi. Annu ne kaha ki is sho ko band hue lagbhag aath saal ho gaye hai par abhi tak yah logon ke dilon mein basata hai. Unhonne kaha ki unhein is baat ki khushi hai ki aajkal jitne bhi sangeet sho TV par aa rahe hain, un sabko prerana ek tarah se 'Antaakshari' se hi mili hai. Annu ne kaha ki samay badalne ke saath hindi filmon mein bhi badlaav aaya hai aur ab pruthveeraaj Kapoor aur Balraj saahani jaise kalaakaar naheen rahe, jo samaaj ke prati pratibaddh the.


IPL Neelaami Mein Maxwell Ki Balle-balle, Ajanta Mendis Bhi Mahange Bike

IPL Neelaami Mein Maxwell Ki Balle-balle, Ajanta Mendis Bhi Mahange Bike

Breaking »

Chennai: Australia ke ubharate all-rounder glen Maxwell Indian Premier league ki khilaadiyon ki neelaami mein ek million dollar (paanch karod 30 rupaye) ki badi dhanaraashi mein Mumbai Indians se jud gaye, jabki Abhishek Nair aur RP Singh ki boli bhi kaafi oonchi lagi. Mumbai Indians aur nai freinchaaiji Hyderabad sunrise ke beech 24-varsheeya Maxwell ko khareedne ke liye kadi pratispardha dekhne ko mili. Is all-rounder ke alaava kuchh anya khilaadiyon mein hi freinchaaiji ne itni dilchaspi dikhaai. Kul 108 khilaadiyon ki boli lagaai gayi, jinmein se adhiktar bike naheen, jabki kai khilaadi apne aadhaar moolya se aage naheen badh paae. Mumbai Indians ki maalik neeta Ambani ne keval aath one-day aur nau ti-20 antararaashtreeya match khelne vaale Maxwell par badi dhanaraashi lagaane ke baare mein kaha, vah udeeyamaan khilaadi hai. Vah ballebaaji kar sakta hai, geindabaaji kar sakta hai aur main samajhti hoon ki vah behatareen kshetrarakshak hai. Humne yahaan aane se pehle kuchh khilaadiyon ko apne dimaag mein rakha tha aur vah unamein se ek tha. Abhi West Indies ke khilaaf one-day series mein khel rahe Maxwell par jab freinchaaiji boli laga rahi thi, to vah Perth mein pehli geind par bold ho gaye. Maxwell ka aadhaar moolya do laukh dollar tha. Ghareloo satr mein lagaataar achha pradarshan karne vaale Mumbai ke all-rounder Abhishek Nair ko Pune warriors ne chhah lakh 75 hajaar dollar (3.5 karod rupaye) mein khareeda. Unka aadhaar moolya ek lakh dollar tha. Dakshin Africa ke all-rounder yohaan botha ko Delhi Daredevils ne chaar lakh 50 hajaar dollar (2.3 karod rupaye) mein khareeda. Australia ke kaptaan Michael Clark aur unke poorvavarti Ricky ponting mein freinchaaiji ne adhik dilchaspi naheen dikhaai. Donon apni base prize chaar lakh dollar (2.1 karod rupaye) mein bike. Ponting ko Mumbai ne, jabki Clark ko Pune warriors ne khareeda. Vest Indies ke kaptaan Darren saimi ki kshamata ka haalaanki freinchaaiji ne poora sammaan kiya. Unka aadhaar moolya ek lakh dollar tha aur sunrisers ne unhein chaar lakh 25 hajaar dollar (do karod 25 lakh rupaye) mein khareeda. IPL ke liye khud ko New Zealand team ki taraf se khelne ke liye upalabdh naheen rakhane vaale JC rider do lakh 60 hajaar dollar (ek karod 40 lakh rupaye) mein Delhi Daredevils se jude. Jin anya khilaadiyon ke cheharon par aaj IPL ke kaaran muskaan dikhaai degi, unamein Maxwell ke hamavatan Luke Pomersbach bhi shaamil hain. Sharaab ki lat se pareshaan is khilaadi ko kings eleven Punjab ne teen lakh dollar (1.5 karod rupaye) mein khareeda. Is 28-varsheeya khilaadi ka aadhaar moolya 50 hajaar dollar tha. Freinchaaiji teemon ne all-rounder mein adhil dilchaspi dikhaai aur inmein se adhiktar ko achhi keemat bhi mili, lekin wicketkeeperon mein kisi ki ruchi naheen thi. Neelaami mein koi bhi wicket-keeper naheen bika. Bhaarateeya khilaadiyon mein jayadev unaadakat aur aur pankaj Singh bhi achha laabh kamaane vaalon mein rahe. Jayadev ko Bangalore ne paanch lakh 25 hajaar dollar (2.7 karod rupaye) mein khareeda, jo unke aadhaar moolya ek lakh dollar se kaheen adhik hai. Isi freinchaaiji ne pankaj ko ek lakh 50 hajaar dollar mein khareeda, jabki unka aadhaar moolya 50 hajaar dollar tha. Ek anya bhaarateeya tej geindabaaj Manpreet goni ko kings eleven Punjab ne paanch lakh dollar (2.6 karod rupaye) mein khareeda. Australia ke dark naanes ko chhah lakh dollar mein chennai Superkings ne apni team se joda. Spinron mein Sri Lanka ke rahasyamayi spinner ajanta Mendis ko saat lakh 25 hajaar dollar mein Pune warriors ne apna hissa banaaya. Dakshin Africa ke varnon Philander aur harshal Gibbs, vest Indies ke Darren Bravo, England ke ravi bopaara, Australia ke James hopes, Matthew wed aur tim pen un mahatvapoorn khilaadiyon mein shaamil hain, jin par koi boli naheen lagi. Is baar ki neelaami mein keval is satr ke liye anubandh diya jaaega. Agale saal sabhi khilaadiyon ki neelaami hogi. Neelaami aage badhne ke saath kuchh hairatangej nateeje dekhne ko mile. Jaise ki ajanta Mendis aur Australiaee tej geindabaaj naanes par moti keematein lagaai gain. Vest Indies ke tej geindabaaj fidel Edwards ko Rajasthan Royals ne do lakh 10 hajaar dollar (ek karod 10 lakh rupaye) mein khareeda, jo unke aadhaar moolya ek lakh dollar se kaafi behtar hai. Bhaarat ke tej geindabaaj sudeep tyaagi aur New Zealand ke spinner Nathan McCollum ko Hyderabad sunrisers ne unke aadhaar moolya ek lakh dollar mein khareeda. Bina bike khilaadiyon ki soochi bhi lambi hoti gayi tatha Australiaee Doug Bolliinger aur Sri Lanka ke rangana heraath jaise khilaadiyon ka naam bhi ismein juda. Neelaami mein khareedaari ki ajeebogareeb sthiti aage bhi bani rahi. Sri Lanka ke of spinner sachitra senaanaayake ko Kolkata Knightriders ne teen karod 30 lakh rupaye mein khareedkar sabhi ko hairaan kar diya. Unka aadhaar moolya 50 hajaar dollar tha. Australiaee tej geindabaaj Nathan koltar ka aadhaar moolya ek lakh dollar tha, lekin Mumbai Indians ne Rajasthan Royals ko peechhe chhodkar unhein chaar lakh 50 hajaar dollar mein khareeda. Is 25-varsheeya khilaadi ne abhi tak antararaashtreeya match naheen khela hai. Sabse adhik hairaani to Australia ke 21-varsheeya tej geindabaaj ken Richardson ko mili keemat se hui. Unka aadhaar moolya 10 hajaar dollar tha, lekin Pune warriors ne unhein khareedne ke liye saat lakh dollar (3.7 karod rupaye) kharch kar diye. New Zealand ke anubhavi Scott Styris aur Jacob oram, Australia ke tej geindabaaj client maikaaya, Ireland ke ballebaaj kevin O Brian, Australia ke ballebaaj trevis brit aur Sri Lanka ke all-rounder faaraveej maharoof ko koi khareedaar naheen mila.


Share Baajaar Mein Is Saptaah Majabooti Ki Ummeed Visheshagya

Share Baajaar Mein Is Saptaah Majabooti Ki Ummeed Visheshagya

Breaking »

Nai Delhi: Is saptaah share baajaar mein kuchh majabooti dekhne ko mil sakti hai. Visheshagyon ke anusaar niveshakon ki nigaahein companiyon ke timaahi vitteeya nateeje par hain, jo kaarobaari dhaarana ke rukh ko tay kareinge. Iske alaava niveshakon ki najar vitteeya parinaam ke saath prabandhan ke bayaanon par bhi hogi. Isse vishisht prakaar ke sheyaron mein teji dekhne ko mil sakti hai. Is saptaah jin mahatvapoorn companiyon ke vitteeya nateeje aane hain, unamein bank of Baroda, United sprits, Cipla, tech mahindra, ACC, Ambuja cement, Aurobindo pharma, Cadila aur Hindalco industries shaamil hain. Bonanza portfolio ke varishth upaadhyaksh Rakesh Goyal ne kaha, timaahi vitteeya nateeje ke alaava baajaar ki nigaah vaishvik baajaaron ke sanketon par bhi hogi. Isse bhi baajaar ka rukh tay hoga. Nikat avadhi mein 6,100 ank ka star Nifty ke liye ek mahatvapoorn pratirodh star hai aur soochakaank mein aagaami satron mein majabooti dekhne ko mil sakti hai. Unhonne kaha ki is saptaah 5,940 ank ka star nikat bhavishya mein nirnaayak mahatvapoorn star hoga aur is star ke neeche baajaar mein bikvaali dekhne ko mil sakti hai. Reserve bank dvaara nae bank licenson ke disha nirdeshon ke praaroop aur byaaj daron mein katauti ke baavajood kuchh badi companiyon ke kaarobaar ke kamjor parinaam ke kaaran pichhle saptaah kaarobaari dhaarana prabhaavit hui. Mumbai share baajaar ka soochakaank pichhle saptaah kareeb 300 ank girkar 19,781.19 ank par band huaa. Reserve bank ke masauda maanadand ke anusaar punargathit karjon ke maamale mein praavadhaan ki shartein paanch pratishat kar diye jaane ke kaaran baajaar dhaarana prabhaavit hui hai. DSP meril linch India ke shodh vishleshak Rajiv varma ne ek report mein kaha, SBI ko chhodkar kai sarkaari bank isse prabhaavit honge. Pichhle saptaah Oil India ke sheyaron ki bikri ke baad baajaar ka dhyaan ab agale 8-9 dinon mein hone vaale pramukh bijli company NTPC ki hissedaari bikri par hogi.