Mumbai Kemikl Factory Mein Lagi Bheeshan Aag

Mumbai Kemikl Factory Mein Lagi Bheeshan Aag

Breaking »

Mumbai: Mumbai ke kareeb bhivandi ilaake me ek kemikl factory mein aag lagne se bhaari nuksaan ki aashanka hai. Aag ke baad mauke par chhah fire briged gaadiyaan bheji gain hain. Aag par paanch ghante baad kaaboo pa liya gaya hai lekin is beech chhah godaam jalakar raakh ho gaye. Hataahat ki filhaal koi khabar naheen hai.


Kya Ho Kishor Ki Umr, Gruh Mantraalaya Ne Shuroo Ki Charcha

Kya Ho Kishor Ki Umr, Gruh Mantraalaya Ne Shuroo Ki Charcha

Breaking »

Nai Delhi: Delhi saamoohik balaatkaar kaand mein kishor dvaara sabse adhik barbarata karne ke pariprekshya mein kishoron ki sanjnyaa mein aane vaalon ki aayu 18 se ghataakar 16 saal karne ki maang ke beech gruh mantraalaya ne is mudde par sambaddh pakshon se charcha shuroo kar di hai. Kishor nyaaya kaanoon ke sabhi praavadhaanon par vichaar kiya ja raha hai. Gruh mantraalaya ne kaanoon mantraalaya, mahila evam baal vikaas mantraalaya aur raashtreeya baal adhikaar sanrakshan aayog se pichhle kuchh dinon mein salaah mashavira kar kishoron ki aayuseema kam karne ko lekar unke sujhaav maange. . Kendreeya gruh mantraalaya ke ek adhikaari ne bataaya ki abhi praarambhik charcha chal rahi hai. Is samvedansheel mudde par koi bhi antim najariya taiyaar karne se pehle aane vaale hafton mein aur vichaar-vimarsh kiya jaaega. Delhi mein 16 December ko chalti bas mein chhaatra ke saath balaatkaar ki ghatna mein shaamil chhah aaropiyon mein se ek kishor hai aur ummeed hai ki vah kade dand se bach jaaega kyonki us par kishor nyaaya kaanoon ke tahat mukadama chalega. Ullekhaneeya hai ki kai baal adhikaar samooh aur gair sarkaari sangathan kishoron ki aayu kam karne ke khilaaf hain. Adhikaari ne kaha ki kishoron ki aayu kam karne ke faisale ke choonki dooragaami parinaam honge isliye poori satarkata se is mudde par vichaar kiya ja raha hai.


Mahilaaon Ke Khilaaf Aparaadh Ke Doshi Javaanon Par Kathor Kaarravaai Antony

Mahilaaon Ke Khilaaf Aparaadh Ke Doshi Javaanon Par Kathor Kaarravaai Antony

Breaking »

Bengaluru: Sashastr bal visheshaadhikaar kaanoon (afaspa) ke tahat aane vaale surakshaabalon ke karmiyon ko mahilaaon ki suraksha sambandhi adhyaadesh ke daayare se baahar rakhe jaane par ho rahe virodh ke beech raksha mantri AK Antony ne kaha ki aise maamale mein sashastr balon ke karmiyon sahit vibhinn logon ke khilaaf sarkaar 'Kathor' kaarravaai karegi. Antony ne kaha, 'Hamaari sarkaar mahilaaon ki suraksha ko lekar chintit aur gambhir hai. Ham aise logon ke khilaaf sakht kaarravaai kareinge jo mahilaaon ke liye samasyaaen paida karte hain. Adhyaadesh sansad mein laaya ja raha hai. Iske baad ham aise logon ke khilaaf sakht kaarravaai kar sakeinge. Yah sashastr balon par bhi laagoo hota hai. ' Antony se afaspa ke tahat aane vaale sashastr balon ke karmiyon ko adhyaadesh ke daayare se baahar rakhe jaane par mahila kaaryakartaaon ke virodh par pratikriya maangi gayi thi. Unhonne kaha ki sashastr balon ko dishaanirdesh jaari kar diye gaye hain ki mahilaaon ke khilaaf aparaadhon ko raksha mantraalaya katai naheen bardaasht karega. Antony ne kaha, 'Main aashvast karta hoon ki humne sashastr balon ko nirdesh diye hain ki mahilaaon ke khilaaf aparaadhon ke sambandh mein, hamaari neeti katai bardaasht naheen karne ki hogi. Ham sakht aur jald kaarravaai kareinge. '


Sanyukt Sansadeeya Baithak Mein Raashtrapati Ke Abhibhaashan Se 21 Ko Shuroo Hoga Bajat Satr

Sanyukt Sansadeeya Baithak Mein Raashtrapati Ke Abhibhaashan Se 21 Ko Shuroo Hoga Bajat Satr

Breaking »

Nai Delhi: Sansad ka bajat satr is maheene ki 21 taareekh ko Loksabha aur Rajyasabha ki sanyukt baithak mein raashtrapati Pranab mukharji ke sambodhan se shuroo hoga. Vitt mantri pi Chidambaram 28 February ko aam bajat pesh kareinge. Sansad sachivaalaya ki or se jaari vigyapti ke anusaar, '15veen Loksabha ka terahavaan satr aur Rajyasabha ka 228vaan satr 21 February, 2013 se shuroo hoga. ' Saat saptaah se adhik tak chalne vaale is satr mein 22 March se 22 April tak avakaash hoga. Satr ka samaapan 10 May ko hoga. Rel bajat 26 February ko pesh hoga aur aarthik sameeksha 27 February sansad mein pesh ki jaaegi.


Vivek Oberoi-Priyanka Ke Ghar Huaa Bete Ka Janm

Vivek Oberoi-Priyanka Ke Ghar Huaa Bete Ka Janm

Breaking »

Mumbai: Bollywood star vivek Oberoi ki patni Priyanka alva ne Budhvaar ko ek behad khoobsoorat bete ko janm diya. Maan aur bete donon hi svasth aur tanduroost hain. Vivek ne micro blaaging website twitter par iski jaankaari di. Unhonne kaha, aaj mere jeevan ka sabse vishesh din hai. Priyanka aur mainne hamaari duniya mein ek behad sundar, svasth Rajkumar ka svaagat kiya. Unhonne kaha, aapke pyaar, duaaon, praarthanaaon aur aasheervaad ke liye main aap sabhi ko tahedil se shukriya ada karta hoon. Hamaara beta sachmuch Bhagwan ka aarsheevaad hai. Abhineta ritesh Deshmukh ne vivek aur unki patni ko badhaai dete hue tweet kiya, bhaai badhaai ho. Priyanka aur aapke poore parivaar ko dher saara pyaar. Bollywood abhinetri aur ritesh Deshmukh ki patni jeneliya disooja ne kaha, badhaai ho vivek. Mujhe poora vishvaas hai ki yah aapka ab tak ka sabse vishesh din hai. Main is chhote se Rajkumar ko dekhne ke liye besabr hoon.


America Mein Sikh Parivaar Ke Chaar Sadasyon Ki Rahasmayi Maut

America Mein Sikh Parivaar Ke Chaar Sadasyon Ki Rahasmayi Maut

Breaking »

Washington: America ke Atlanta mein ek sikh parivaar ke chaar sadasya rahasyamayi sthitiyon mein mrut paae gaye. Do bachchon samet chaar logon ki maut ko police 'Hatya-aatmahatya' karaar day rahi hai. Police ke anusaar sarataaj (12) aur guratej (paanch) ki gardan par tej dhaar vaale hathiyaar se kiye gaye vaar se maut hui, jabki unki maan damanajeet Kaur (47) ko sir par jor se prahaar ke kaaran chot I, jisse unki maut ho gayi. Police ko jauns creek sthit ghar se parivaar ke mukhiya Shivendar Singh Grover (52) ka bhi shav baraamad huaa hai. Jauns creek police ke pramukh aid deinsamor ne bataaya, yah bahut hi bura hai. Jab bachchon ki maut hoti hai, to yah hrudaya vidaarak hota hai. Police pramukh ne kaha ki abhi jaanch chal rahi hai aur is ghatna ke peechhe ke kaaranon ka pata lagaana hai. Shivendar Grover ne Michigan vishvavidyaalaya se padhaai ki thi aur iske baad Atlanta mein ek company mein adhikaari the.


24 Arab Dollar Mein Bikkar Private Company Ho Jaaegi Dale

24 Arab Dollar Mein Bikkar Private Company Ho Jaaegi Dale

Breaking »

New York: Computer company Dale ke sansthaapak, mukhya kaaryaadhikaari Michael Dale tatha praudyogiki nivesh company silver lek, Dale ke sabhi baaki share khareedkar ise niji (private) company banaaenge. Yah sauda lagbhag 24.4 arab dollar ka hoga. Dale dvaara jaari bayaan ke anusaar, khareedaar Dale ke un sabhi sheyaron ko khareedeinge, jo ki filhaal Michael Dale ya prabandhan ke kuchh aur sadasyon ke paas naheen hain. Bayaan mein kaha gaya hai ki samjhaute ki sharton ke tahat Dale ke sheyaradhaarak har share ke liye 13.65 dollar nakad paaenge. Dale ne kaha, mera maanana hai ki is saude se Dale, hamaare graahakon aur team sadasyon ke liye nae adhyaaya ki shuruaat hogi. Is saude ke vittavarsh 2014 ki doosari timaahi ke aakhir tak poora hone ki ummeed hai.


Gujarat Vafaadaari Saabit Karne Ke Liye Voteron Ne Khaulate Tel Mein Daale Haath

Gujarat Vafaadaari Saabit Karne Ke Liye Voteron Ne Khaulate Tel Mein Daale Haath

Breaking »

Bayaad (Gujarat): Uttari Gujarat mein bayaad taaluka ke deraai gaanv mein panchaayat chunaav ke ummeedavaar ko is baat ka yakeen dilaane ke liye 15 logon ne apne haath khaulate tel mein haath daal diye, ki unhonne usi ke paksh mein vote daale the. Girish paramaar naam ke is haare hue pratyaashi ko police ne hiraasat mein le liya hai. Bayaad taaluka ke deraai gaanv mein hui is ghatna ke baare mein jile ke SP chiraag koraadiya ne kaha ki chunaav mein haare apne jaati ke pratyaashi ke prati vafaadaari saabit karne ke liye in logon ne khaulate tel mein haath daala tha. Humne pratyaashi ke khilaaf shikaayat darj kar use hiraasat mein le liya hai, lekin jakhmi logon mein se koi uske khilaaf shikaayat darj karaane ke liye aage naheen aaya hai.


Karodon Dollar Ke Antararaashtreeya Kredit Card Ghotaale Ke Taar Bhaarat Se Jude

Karodon Dollar Ke Antararaashtreeya Kredit Card Ghotaale Ke Taar Bhaarat Se Jude

Breaking »

New York: Vishv mein 20 karod dollar ka kredit card farjeevaada karne ke doshi paae gaye 18 logon mein kam se kam paanch log bhaarateeya mool ke hain. Is ghotaale mein ye log kaarobaariyon evam vitteeya farmon ko dhokha dene ke liye hajaaron ki sankhya mein farji pehchaan ka istemaal karte the aur karodon dollar Pakistan aur Bhaarat pahunchaate the. America mein ab tak ke sabse bade kredit card ghotaale mein logon ne kredit card haasil karne ke liye apni pehchaan chhipaai aur in kaardon se jude khareedaari aur udhaar ki seema badhaane ke liye sambandhit kredit-report mein heraaferi ki. Ameriki etaarni paul fishmain ne kaha ki iske baad, inhonne is card ke jariye jitna ho saka kharch kiya aur udhaar liya aur kaarobaariyon va vitteeya sansthaanon ko 20 karod dollar se adhik ka choona lagaaya. FBI se kaanoon pravartan adhikaariyon ne 13 vyaktiyon ko giraftaar kiya aur nyoojarsi, New York, penasilveniya aur Connecticut mein inke thikaanon par chhaape maare. Bank ke saath dhokhaadhadi karne ke doshi paae gaye logon mein baabar kuraishi, ijaaj bat, raghabeer Singh, mohammad Khan, sat varma, vijay varma, tarasem laal aur vinod dadalaani shaamil hain. Inmein se pratyek ko laukhon dollar ka jurmaana bharna pad sakta hai aur 30 saal tak ki kaid ki saja ho sakti hai.


UP Mein Mantri Ka Bhrashtaachaar Ujaagar Karne Vaale Police Adhikaari Ka Tabaadala

UP Mein Mantri Ka Bhrashtaachaar Ujaagar Karne Vaale Police Adhikaari Ka Tabaadala

Breaking »

Gonda: Uttar pradesh mein ek mantri ka bhrashtaachaar ujaagar karne ke liye sting operation karne vaale police adhikaari ka raajya sarkaar ne tabaadala kar diya hai, jisse yah sanket jaata hai ki ukt adhikaari ko dandit kiya gaya hai. Gonda ke police adheekshak navaneet raana ne raajya mein mantri ka darja paae cheeni nigam ke adhyaksh KC paandeya ke khilaaf phone par hui baatcheet ko record kar liya tha, jismein paandeya ne police ko apne ek kareebi sahayogi se ek lakh rupaye ki rishvat lene ke liye kaha tha. Paandeya ne yah rishvat maasik roop se lene ki baat kahi thi aur badle mein pashuon ki taskari ki chhoot dene ke liye kaha tha. Paandeya, jo sattaaroodh samaajavaadi party ke raashtreeya sachiv bhi hain, ne haalaanki ab in aaropon se inkaar kiya hai, lekin is baat par tippani karne se inkaar kar diya hai ki phone ke jariye record ki gayi aavaaj unki hai ya naheen. Police ne is maamale mein sthaaneeya adaalat se paandeya ke khilaaf gairajamaanati warrant jaari karne ka anurodh kiya hai, jis par jald faisala aa sakta hai.


Maiksiko Nau Saal Ki Umr Mein Maan Bani Ladki

Maiksiko Nau Saal Ki Umr Mein Maan Bani Ladki

Breaking »

Maiksiko city: Maiksiko mein nau saal ki ek ladki ne ek ladki ko janm diya hai. Yeh jaankaari sthaaneeya adhikaariyon aur parijanon ne di hai. Jailisko raajya mein ladki ki maan daifane ne sthaaneeya adhikaariyon ko bataaya, jab ladki garbhavati hui thi to us samay usaki umr mahaj aath saal ki thi, aur is navajaat ladki ka pita ek 17-varsheeya ladka hai, jo hamein naheen mila hai, kyonki vah bhaag gaya hai. Raajya abhiyojan kaaryaalaya ke George vilaasenar ne kaha, ham bhi us yuvak ko talaash kar rahe hain, taaki usaka paksh jaana ja sake, kyonki ladki yeh naheen samajhti ki kya hua hai. Yeh balaatkaar ya baal yaun utpeedn ka maamala hai. Bachchi ka janm 27 January, 2013 ko jokipaan aspataal mein hua tha aur janm ke samay usaka vajan 2.7 kilo tha. Jachcha-bachcha ko svaasthya theek hone ke chalte saptaahaant ke dauraan aspataal se chhutti de di gayi thi, parantu doctoron ke anusaar donon ka achhi tarah dhyaan rakhana hoga, kyonki maan banane waali bachchi ki umr kaafi kam hai.


Delhi Mein Surakshit Naheen Mahasoos Karateen Mahilaaen Sheela Dixit

Delhi Mein Surakshit Naheen Mahasoos Karateen Mahilaaen Sheela Dixit

Breaking »

Nai Delhi: Delhi ki mukhyamantri sheela Dixit ne Budhvaar ko kaha ki rajdhani mein mahilaaen surakshit mahasoos naheen karateen. Mukhyamantri ne laajapat nagar mein rape mein vifal rahane par ladki ke gale mein sariya ghused diye jaane ki ghatna ke sandarbh mein sheela Dixit ne kaha ki dakshin Delhi mein is vaaradaat ke baad mahilaaon mein dar aur badh gaya hai. Gaurtalab hai ki somvaar ki raat ko dakshini Delhi ke laajapat nagar ilaake mein dil dahala dene waali ek vaaradaat mein 19-varsheeya ek ladki se rape mein naakaam hone par aaropi sthaaneeya bijli vitran company ke karmachaari ne use chup karaane ke liye uske munh mein lohe ka sariya ghusa diya, aur ghaayal kar bhaag gaya. Ladki ka ol India medical Institute of medical saainsej (ems) mein ilaaj chal raha hai, aur usaki haalat gambhir bataai ja rahi hai. Police ne aaropi 25-varsheeya anil Kumar ko balaatkaar ke prayaas tatha hatya ke prayaas ke aarop mein giraftaar kar liya hai.


Delhi Rape Mein Asafal Rahane Par Yuvati Ke Munh Mein Lohe Ki Chhad Ghusedi

Delhi Rape Mein Asafal Rahane Par Yuvati Ke Munh Mein Lohe Ki Chhad Ghusedi

Breaking »

Nai Delhi: Rajdhani Delhi mein dil dahala dene waali ghatna mein ek sthaaneeya bijli vitran company ke karmachaari ne kathit taur par ek yuvati ke ghar par usaka balaatkaar karne ki koshish ke dauraan uske munh mein lohe ki chhad ghused di. Yuvati ka ilaaj jaari hai aur usaki haalat gambhir bataai ja rahi hai. Police ne 25-varsheeya anil Kumar ko hatya ka prayaas aur balaatkaar ka prayaas ke aaropon mein giraftaar kiya hai. Yah ghatna somvaar ki raat hui, jab peedit laajapat nagar sthit apne ghar mein akeli thi. Police se mili jaankaari ke anusaar anil bijli ka maasik shulk lene gaya tha aur use jaanane ke kaaran yuvati ne use ghar mein daakhil hone diya. Police ne bataaya ki usane yuvati ko ghar mein akela paakar unke saath balaatkaar ki koshish ki aur virodh karne par uske munh mein chhad ghused di. Dakshin poorvi Delhi jila ke atirikt police aayukt Ajay chaudhari ne bataaya, uske munh mein jakhm hai aur gala ghotane ki koshish ke kaaran poori gardan par nishaan hain. Unhonne kaha ki anil mahila ko jaanta tha aur laajapat nagar ke jal vihaar ilaake mein rahata hai. Chaudhari ne bataaya, aage ki jaanch se pata chala ki anil ke maama Faridabad ke ismaailapur gaanv mein rahate hain aur vah vahaan chhip sakta hai. Is soochana par police ne ghar par chhaapemaari kar mangalvaar subah saadhe chaar baje anil ko giraftaar kiya.


Narendra Modi Aaj Shreeraam College Of Commerce Ke Chhaatron Ko Kareinge Sambodhit

Narendra Modi Aaj Shreeraam College Of Commerce Ke Chhaatron Ko Kareinge Sambodhit

Breaking »

Nai Delhi: Gujarat ke mukhyamantri Narendra Modi aaj nai Delhi mein pratishthit shreeraam college of Commerce ke chhaatron ko sambodhit kareinge. BJP ke kuchh netaaon ne pradhaanamantri pad ke ummeedavaar ke taur par Modi ki daavedaari ka samarthan kiya hai. Modi pehle shri Ram memoriyl oreshan ko sambodhit kareinge. Iski shuruaat Delhi vishvavidyaalaya ke shreeraam college of Commerce ke sansthaapak ki yaad mein ki gayi hai. Is kaaryakram ke saath business kaunaklev-2013 ka samaapan hoga. Gujarat sarkaar ki or se jaari ek vaktavya mein kaha gaya ki college ne kainpas mein ek sarvekshan ke baad Modi ko aamantrit kiya hai. Sarvekshan mein chhaatron ne unhein sunane ki ichha ka sanket diya. Apni dinbhar ki Delhi yaatra ke dauraan Modi chauthi baar Gujarat ka mukhyamantri nirvaachit hone ke baad pehli baar pradhaanamantri Manmohan Singh se mileinge. Modi 12 February ko Mahakumbh mein hissa lene ke liye Allahabad bhi jaaenge. Haal ke hafton mein Modi ko pradhaanamantri pad ka ummeedavaar ghoshit karne ke liye party mein maang tej hoti ja rahi hai.


Madhya Pradesh Mein Faurest Officer Ke Ghar Chhaapemaari Mein Karodon Ki Sampatti Mili

Madhya Pradesh Mein Faurest Officer Ke Ghar Chhaapemaari Mein Karodon Ki Sampatti Mili

Breaking »

Bhopal: Madhya pradesh mein sarkaari adhikaariyon aur karmachaariyon ke ghar lokaayukt ke chhaape jaari hain. Ujjain lokaayukt police ki ek team ne beeke Singh naam ke ek faurest officer ke Bhopal aur ujjain sthit gharon par chhaape maare. Aaranbhik jaankaari ke mutaabik is chhaapemaari mein faurest officer ke paas 23 karod se jyaada ki sampatti ka pata chala hai. Police ko beeke Singh ke paas madhya pradesh ke seehor, budhani aur uttar pradesh ke jaunapur mein 400 beegha jameen ke kaagajaat mile hain. Iske alaava uttar pradesh mein hi mairij garden ke alaava 10,000 square feet ka makaan, Varanasi mein hotel investameint, seehor mein firm house aur anya sampattiyon ke kaagajaat bhi mile hain. Police ko inke donon gharon se saat lakh rupaye cash aur laakhon ke gahane bhi mile hain.


HDFC, Beeoem Aur Vijaya Bank Ne Karj Par Byaaj Dar Ghataai

HDFC, Beeoem Aur Vijaya Bank Ne Karj Par Byaaj Dar Ghataai

Breaking »

Nai Delhi: Saarvajanik kshetr ke do bankon vijaya bank aur bank of Maharashtra ke alaava aavaas vitt company HDFC ne apni benchmark udhaari dar mein 0.25 feesad tak ki katauti ki hai. HDFC ne benchmark rin dar mein 0.1 feesad ki katauti ki hai. HDFC ne ek bayaan mein kaha ki 30 lakh rupaye tak ke aavaas rin par byaaj dar ghatkar 10.15 pratishat ki gayi hai, jabki 30 lakh rupaye se adhik ke rin par 10.40 feesad ka byaaj liya jaaega. Vijaya bank ne apni aadhaar dar 0.25 feesad ghataakar 10.20 feesad kar diya hai. Bank of Maharashtra ne apni benchmark rin dar ko 0.25 pratishat ghataakar 10.25 feesad kar diya hai. Bank of Maharashtra ne Mumbai share baajaar ko bheji soochana mein kaha hai ki bank ki aadhaar dar ko 10.50 pratishat se ghataakar 10.25 feesad kiya gaya hai. Nai darein 9 February se prabhaavi hongi. Bhaarateeya reserve bank dvaara maudrik neeti ki timaahi sameeksha mein apne maudrik rukh ko naram kiye jaane ke baad se bhaarateeya state bank, Punjab national bank, bank of India, bank of Baroda aur IDBI bank apni rin daron ko ghata chuke hain.


Sardaar Kareinge Vishv Hockey League Mein Bhaarat Ka Netrutv

Sardaar Kareinge Vishv Hockey League Mein Bhaarat Ka Netrutv

Breaking »

Nai Delhi: Hero hockey vishv league ke doosare charan mein 18 sadasyeeya bhaarateeya hockey team ka netrutv sardaar Singh kareinge. Yah match 18 se 24 February ke beech yahaan ke major dhyaanachand stadium mein khele jaaenge. Bhaarateeya hockey team ke chayanakarta Sayyed Ali, mukhya coach Michael naubs tatha abhyaas maichon ke fijiyolaujist jaisan konarauth tatha sarkaar ki taraf se niyukt paryavekshak harabindar Singh ne milkar bhaarateeya hockey team tatha chhah standbyes ka chunaav kiya hai. Inka chunaav is samay chal rahe hockey India league mein unke pradarshan ko dekhte hue kiya gaya hai. VR raghunaath ko team ka upakaptaan chuna gaya hai. Aayojan ki mejabaani karne waali bhaarateeya team ko aayojan ke dauraan Ireland, cheen, omaan, Bangladesh tatha fiji se mukaabala karna hai. Bhaarateeya team ke mukaabalon ki shuruaat 18 February se fiji ke khilaaf hogi. Iske baad 20 February ko omaan se, 21 February ko Ireland se, 23 February ko cheen se tatha 24 February ko banglaadesh se Bhaarat ke match hain. Bhaarateeya hockey team : Goalkeeper-PR shreejesh tatha peeti Rao VR raghunaath, rupindarapaal Singh, Harbir Singh, bireindar laakada, Manpreet Singh, kothaajeet Singh khadangabam, sardaar Singh (kaptaan), gurajindar Singh, daanish mujtaba, neeteen thimaiya, mandeep sih, malik Singh, evi suneel, cheengalenasaana Singh kangujam, dharamaveer sih, Gurvinder Singh chaandi. Atirikt khilaadi : Sushaant tirki (goalkeeper), sandeep Singh, emabi ayappa, guramel Singh, Akashdeep Singh, Imran Khan.


Mahakumbh 2013 Rahul Ko 'Shiv Aur Sonia Ko 'Lakshmi Baai Banaaya Gaya

Mahakumbh 2013 Rahul Ko 'Shiv Aur Sonia Ko 'Lakshmi Baai Banaaya Gaya

Breaking »

Sangam (Allahabad): Teertharaaj prayaag mein chal raha duniya ka sabse bada dhaarmik samaagam ab raajaneeti ka akhaada banta ja hai. Mahakumbh mele mein aayojit sant samaagam mein Gujarat ke mukhyamantri Narendra Modi ka naam pradhaanamantri pad ke liye aage karne ki atkalon ke beech javaabi kaaravaai karte hue Congress ke sthaaneeya kaaryakartaaon ne mangalvaar ko Kumbh kshetr mein Congress adhyaksh Sonia Gandhi ko Jhansi ki raani 'Lakshmi baai' aur upaadhyaksh Rahul Gandhi ko Bhagwan 'Shiv' ke roop mein pradarshit karne vaale hording laga diye. Sangam kshetr mein pravesh karte hi akhaadon ke praveshadvaar par Allahabad ke sthaaneeya kaaryakartaaon ne ek hording lagaaya hai, jismein Rahul Gandhi ko Bhagwan Shiv ka roop diya gaya hai. Ismein ek taraf Rahul najar aate hain to doosari taraf Bhagwan Shiv ki tasveer hai. Unke maathe par teesari aankh banaai gayi hai. Unke gale ke hisse ko neele rang se darshaate hue unki tulana 'Neel kanth' Bhagwan se ki gayi hai. Tasveeron ke theek neeche likha gaya hai- "Satta mein jahar hai, theek hai aur jo jahar peeta hai vahi neelakanth hota hai. " aage likha hai- "Utha le halaahal aur shankar ho ja. " Is hording ko lagaane vaale Congress ke sthaaneeya neta Baba abhaya avasthi ka kehna hai ki jis tarah se bina matlab ke pichhle teen din se bhaajapa ke log dharm kshetr ko raajaneetik akhaade mein tabdeel kar rahe hain, usi tarah ham bhi chaahate hain ki Rahul Gandhi jan kalyaan ke liye pradhaanamantri ka pad sveekaar karein aur yahaan Kumbh kshetr mein aaen. Congressi kaaryakartaaon ne ek aur chhota hording mela kshetr mein lagaaya hai. Ismein Sonia ko Jhansi ki raani ke roop mein dikhaaya gaya hai. Unke peechhe ek bachcha bandha hua hai. Ismein Rahul ki tasveer lagaai gayi hai. Hordig ki doosari taraf veerata ko darshaane waali kuchh laainein likhi gayi hain- "Khoob ladi mardaani vah to das Janpath waali raani hai. " poster lagaane vaale Congressi kaaryakarta ise Congress ke prati apni nishtha bata rahe hain. Gaurtalab hai ki Mahakumbh mein Congress ke Yuvraj Rahul Gandhi aur Congress adhyaksh Sonia Gandhi ke jald hi aane ki charcha hai. Is beech, khabar aa rahi hai ki Budhvaar se vishv hindu parishad (vihip) ki taraf se aayojit kiye ja rahe sant samaagam mein bhaarateeya janta party (bhaajapa) adhyaksh Rajnath Singh to hissa leinge lekin Narendra Modi ismein shirkat naheen kareinge. Kaha ja raha hai ki vah mauni amavasya ke baad 12 February ko Mahakumbh aaenge.


HIL Waveriders Ka Ajay Kram Barkaraar, Warriors Ko 3-2 Se Haraaya

HIL Waveriders Ka Ajay Kram Barkaraar, Warriors Ko 3-2 Se Haraaya

Breaking »

Jalandhar: Hero hockey India league (HIL) mein Delhi waveriders team ka Ajay kram barkaraar hai. Sardaar Singh ke preranaadaayi netrutv mein khel rahi is team ne mangalvaar ko khele gaye league ke 27vein match mein JP Punjab Warriors ko 3-2 se paraajit kiya. 11 mukaabalon mein waveriders ko aath jeet mili hai jabki uske do mukaabale dra rahe hain. Semifinal mein pehle hi sthaan bana chuki waveriders ke liye rupindar paal Singh ne chhathe, dekar ne nauvein aur oscar deke ne 22vein minute mein gol kiya. Warriors ke liye malaak Singh ne 18vein aur kris krilo ne 69vein minute mein gol kiya. Madhyaantar tak vijeta team 3-1 se aage thi. HIL mein apna chhatha gol karne vaale rupindar ne chauthe minute mein mile penalty corner par safalataapoorvak gol kiya. Unka flick kaafi tej tha, jis par Warriors ke goalkeeper ne bharpoor prayaas kiya lekin geind uske joote se deflect hokar goalpost mein chali gayi. Iske baad nauvein minute mein daanish mujtaba ne dekar ke liye ek shaanadaar moov banaaya, jis par dekar ne circle ke oopari chhor par se tej hit lekar gol kar diya. Score waveriders ke paksh mein 2-0 ho chuka tha. Malaak Singh ne 18vein minute mein haalaanki Warriors ke liye gol karke score ko 1-2 kar diya. Malaak ne dharmaveer Singh ke cross ko shaanadaar tareeke se deflect kiya aur ek behatareen gol ko anjaam diya. Deke ne haalaanki malaak ke is prayaas ki khushi ko jyaada der naheen tikne di aur 22vein minute mein rivers shot par gol karke waveriders ko ek baar fir do gol ki antar dila di. Deke ke gol ki madad se waveriders 3-1 se aage ho chuke the. Aisa laga ki apne ghar mein khel rahi Warriors team ko haar manjoor naheen thi. Isi kaaran usane lagaataar hamla jaari rakha aur 69vein minute mein mile penalty corner par safalataapoorvak gol karke score 2-3 kar diya. Yah gol kris krilo ne kiya. Krilo ne geind ko safalataapoorvak goalpost ke daaen kinaare mein daal diya. Paanch teemon ki taalika mein waveriders 49 ankon ke saath pehle sthaan par hain jabki Ranchi rhinos ke 36 ank hain. Vah doosare sthaan par hai. JP Punjab warriors (29) teesare, uttar pradesh wizards (22) chauthe aur magicians (14) paanchavein sthaan par hai.


Aasaaram Bapu Ne Shraddhaalu Ko Laat Maari

Aasaaram Bapu Ne Shraddhaalu Ko Laat Maari

Breaking »

Vidisha: Sant Aasaaram Bapu ek baar fir vivaadon mein aa gaye hain. Is baar vivaad ki vajah ek shraddhaalu ko laat maarana hai. Shraddhaalu ne Bapu ka aasheervaad paane ke liye charan sparsh kiya tha, magar Bapu ne use aasheervaad dene ki bajaay laat laga di. Aasaaram Bapu somvaar ko satsang mein hissa lene aae the. Pravachan ke baad Bapu bhakton ke beech the, tabhi bujurg aman Singh daangi ne charan sparsh karne ki koshish ki, tabhi Bapu ne daangi ko aasheervaad dene ki bajaay laat maar di. Aman ka kehna hai ki vah Bapu ka aasheervaad lene gaye the, magar unhein laat maare jaane se vah aahat hain. Is vajah se beeti raat unhein neend naheen I. Vah samajh naheen pa rahe hain ki Bapu ne aisa kyon kiya, jabki vah kai varshon se Bapu ke bhakt hain.


Panchaayat Ne Sunaaya Hukka-paani Band Ka Farmaan, Maamala Darj

Panchaayat Ne Sunaaya Hukka-paani Band Ka Farmaan, Maamala Darj

Breaking »

Kishnaganj: Kishnaganj jile ke bahaaduraganj thaana kshetr mein ek panchaayat ne mahaadaliton ko hukka-paani band karne ka farmaan sunaaya hai. Idhar, police ne is maamale mein 15 logon ke khilaaf maamala darj karte hue poore maamale ki jaanch praarambh kar di hai. Police ke anusaar pichhle saptaah desiyaatola gram panchaayat ke janapratinidhiyon ne ek farmaan mein mahaadalit parivaaron ko raashan-paani dene vaale dukaanadaaron ko raashan na dene ka farmaan sunaaya tha. Aisa na karne par dukaanadaaron par jurmaana lagaane ka bhi nirnaya liya gaya tha. Iske baad mahaadalit parivaar ke kai logon ne sambandhit thaane mein aavedan dekar nyaaya ki guhaar lagaai thi. Police ke ek adhikaari ne bataaya ki is maamale ki ek praathamiki thaane mein darj kar li gayi, jismein mukhiya Anwar aalam sahit 15 logon ko aaropi banaaya gaya hai. Unhonne kaha ki police poore maamale ki jaanch kar rahi hai tatha gaanv mein police tainaat kiya gaya hai. Idhar, mukhiya ne panchaayat dvaara aise kisi farmaan ko jaari karne se inkaar kiya hai.


HIL Maijishinyas Ko Haraakar Wizards Semifinal Mein

HIL Maijishinyas Ko Haraakar Wizards Semifinal Mein

Breaking »

Mumbai: Uttar pradesh wizards team ne mangalvaar ko Mahendra hockey stadium mein khele gaye hero hockey India league (HIL) ke 28vein match mein mumbai maijishinyas ko 1-0 se haraakar semifinal mein pahunchane ka adhikaar haasil kiya. Delhi waveriders, Ranchi rhinos aur JP Punjab Warriors pehle hi antim-4 daur mein pahunch chuke hain. Wizards taalika mein chauthe sthaan par hain. Semifinal mein unka saamana Delhi waveriders se hoga jabki doosare semifinal mein Ranchi rhinos ka saamana JP Punjab Warriors ke saath hoga. Antim-4 daur mein jagah banaane ke liye magicians ko apna 11vaan aur fir 12vaan match har haal mein jeetna tha. 10vein match ke baad uske khaate mein 14 ank the jabki wizards ke khaate mein 22 ank the lekin ab wizards ke khaate mein 27 ank hain jabki magicians ke khaate mein 15 ank rah gaye hain. Match ka ekamaatr gol wizards ke kaptaan aur drag flicker VR raghunaath ne kiya. Raghu ne 33vein minute mein ek shaanadaar dami aajamaai, jis par Luke Doerner ne ek shaanadaar gol kiya. 38vein minute mein wizards ko ek penalty stroke mila, jis par gol karke vah apni badhat ko 2-0 kar sakte the lekin joren hatrjabargar ke is prayaas ko maijishyans ke goalkeeper PR shreejesh ne bekaar kar diya. Magicians ko 68vein minute mein score ko baraabar karne ka ek behatareen mauka mila lekin mejabaan team iska faayda naheen utha saki. Harbir Singh ne magicians ke penalty corner par gol karne ke is prayaas ko shot liye jaane se pehle hi bekaar kar diya. Paanch teemon ki taalika mein waveriders 49 ankon ke saath pehle sthaan par hain jabki Ranchi rhinos ke 36 ank hain. Vah doosare sthaan par hai. JP Punjab warriors (29) teesare, uttar pradesh wizards (27) chauthe aur magicians (15) paanchavein sthaan par hai.


Bhaajapa Saansad Bundela Bole, Mere Joote Khule Hain

Bhaajapa Saansad Bundela Bole, Mere Joote Khule Hain

Breaking »

Chhatarapur: Madhya pradesh me bhaarateeya janta party (bhaajapa) ke netaaon ke betuke bol thamane ka kram jaari hai. Ab is kram mein khajuraaho sansadeeya kshetr se saansad Jitendra Singh bundela bhi shaamil ho gaye hain. Unhonne patavaariyon ko sakht lahaje mein chetaavani dete hue kaha, "Mere joote khule hue hain. " Raajya ke anya hisson ki tarah chhatarapur mein bhi somvaar ko baarish hui hai, is baarish se fasal ko bhi nuksaan hua hai. Bhaajapa ke saansad bundela mangalvaar ko prabhaavit kisaanon ka haal jaanane pahunche aur bharosa dilaaya ki sarkaar ki or se unki har sambhav madad dilaaenge. Isi dauraan kuchh kisaanon ne kaha ki muaavaja dilaane ke badle mein patavaari ghoos maangate hain, to saansad bhadak uthe. Unhonne patavaariyon ko chetaavani dete hue kaha ki ve joote kholkar aae hain. Patavaari ghoos maangeinge to vah sabak sikhaane se naheen chookeinge.


PM Ne Kaha, Kai Uchch Shikshan Sansthaan Naheen Hain Stareeya

PM Ne Kaha, Kai Uchch Shikshan Sansthaan Naheen Hain Stareeya

Breaking »

Nai Delhi: Vishv ke sheersh 200 vishvavidyaalayon ki soochi mein ek bhi bhaarateeya sansthaan ke naheen hone par afsos jataate hue pradhaanamantri Manmohan Singh ne kaha ki bhaarateeya shikshan sansthaan teevr badlaavon ke saath kadamataal karne mein vifal rahe. Pradhaanamantri ne is baat par jor diya ki in sansthaanon mein lacheelaapan laae jaane ki jaroorat hai taaki achhe shikshak unki or aakarshit ho sakein aur shikshan star ooncha ho kyonki uchchatar shiksha sansthaanon ki aksar is baat ke liye aalochna ki jaati hai ki yah shikshakon aur chhaatron donon ke liye anaavashyak sakht hai. Unhonne keindreeya vishvavidyaalayon ke kulapatiyon ke sammelan mein kaha, 'Hamein yah sveekaar karna chaahiye ki hamaare kai shikshan sansthaan upayukt star tak naheen pahunche hain. Unamein se kai ne haal ke varsh mein hamaare aaspaas hue teevr badlaavon ke anusaar apne ko naheen dhaala, ve bas aise snaatak paida kar rahe hain jinki naukariyon ke baajaar mein koi jaroorat naheen hai. ' Unki chinta is baat se bhi hai ki duniya ke sheersh 200 vishvavidyaalayon mein ek bhi bhaarateeya vishvavidyaalaya naheen hai.


Gujarat Mein 'Ped News Ke 400 Se Jyaada Maamale Chunaav Aayog

Gujarat Mein 'Ped News Ke 400 Se Jyaada Maamale Chunaav Aayog

Breaking »

Nai Delhi: Chunaav aayog ne haal hi mein sampann Gujarat vidhaanasabha ke chunaavon ke dauraan 'Ped news' ke 400 se jyaada pusht maamalon ka pata lagaaya hai. Chunaav aayog ke ek sheersh adhikaari ne bataaya ki aayog ne 'Ped news' ke kam se kam 414 maamale paae hain aur aaropi ummeedavaaron ke khilaaf kaarravaai shuroo ki jaane waali hai. Aaropi ummeedavaaron ke chunaavi kharch mein vah kharch bhi shaamil kiya jaaega jo unhonne paise dekar apne paksh mein khabarein chhapavaane ke liye kiya. Adhikaari ne bataaya, 'Vibhinn media pramaanan evam nigraani samitiyon ki jaanch mein pata chala ki pichhle saal Gujarat mein hue vidhaanasabha chunaavon ke dauraan ped news ke kul 414 pusht maamale paae gaye. Chunaav aayog ne jila evam raajya star par aise maamalon ka pata lagaane ke liye media pramaanan evam nigraani samitiyon ka gathan kiya tha. Raajya ke chunaav adhikaariyon ne in maamalon par kya kaarravaai ki hai usaki report ka intajaar hai. ' Aayog ki or se Gujarat mein gathit vibhinn media pramaanan evam nigraani samitiyon ne 'Ped news' ke roop mein chihnit kareeb 500 maamalon mein notice jaari kiya tha.