Sensex Mein 20 Ankon Ki Giraavat

Sensex Mein 20 Ankon Ki Giraavat

Breaking »

Mumbai: Desh ke share baajaaron mein Budhvaar ko milaajula rukh raha. Pramukh soochakaank Sensex 20.10 ankon ki giraavat ke saath 19,639.72 par aur Nifty 2.30 ankon ki teji ke saath 5,959.20 par band huaa. Mumbai stock exchange (BSE) ka 30 sheyaron par aadhaarit samvedi soochakaank Sensex 77.95 ankon ki teji ke saath 19,737.77 par khula aur 20.10 ankon yaani 0.10 feesadi ki giraavat ke saath 19,639.72 par band huaa. Din ke kaarobaar mein Sensex ne 19,767.25 ke oopari aur 19,611.27 ke nichle star ko chhuaa. National stock exchange (NSE) ka 50 sheyaron par aadhaarit samvedi soochakaank Nifty 31.15 ankon ki teji ke saath 5,988.05 par khula aur 2.30 ankon yaani 0.04 feesadi ki teji ke saath 5,959.20 par band huaa. Din ke kaarobaar mein Nifty ne 5,990.90 ke oopari aur 5,953.15 ke nichle star ko chhuaa. BSE ke midcap aur smallcap soochakaankon mein teji darj ki gayi. Midcap soochakaank 1.60 ankon ki teji ke saath 6,865.30 par aur smallcap 16.79 ankon ki teji ke saath 6,952.46 par band huaa. BSE ke 13 mein se 7 sectoron mein teji darj ki gayi. Realty (0.78 feesadi), soochana praudyogiki (0.62 feesadi), praudyogiki (0.60 feesadi), tej khapat upabhokta vastuen (0.32 feesadi) aur dhaatu (0.29 feesadi) mein sarvaadhik teji darj ki gayi.


Baap Ki Haivaaniyt Ki Shikaar Bikaner Ki Maasoom Bachchi Ne Toda Dam

Baap Ki Haivaaniyt Ki Shikaar Bikaner Ki Maasoom Bachchi Ne Toda Dam

Breaking »

Jaipur: Bikaner mein jis paanch maheene ki bachchi ke honth aur naak uske baap ne sharaab ke nashe mein chaba daale the, usaki maut ho gayi hai. Jaipur ke sarkaari aspataal mein 1 February ko uske chehare ki pehle daur ki plastic surgery ki gayi thi aur agale maheene usaki doosari surgery ki jaani thi. Rajasthan baal adhikaar aayog ke adhyaksh deepak Kalra ne bataaya ki bachchi ko saans lene mein takaleef hone lagi thi aur use ventilator par rakha gaya tha, lekin tamaam koshishon ke baavajood Doctor use bacha naheen sake. Police ke mutaabik ab bachchi ke baap par hatya ka aarop bhi darj kiya jaaega. Baal aayog ne kaha hai ki vah bachchi ke parivaar ko madad jaari rakhega aur aaropi pita ko kadi se kadi saja dilaane ki koshish karega. NDTV ke darshak mahila aur usaki betiyon ko aarthik madad dene ki peshakash pehle hi kar chuke hain. Bikaner ke kai logon ne bhi bachchi ke naam par trast ki sthaapana ki hai. Gaurtalab hai ki 26 January ki raat mein bachchi ke baap ne us par hamla kar diya tha aur uske honth aur naak ke kuchh hisse chaba daale the. Bachchi ki maan ki shikaayat par us shakhs ko giraftaar kar liya gaya tha. Isse naaraaj hokar sasuraal vaalon ne ukt mahila ko hi ghar se nikaal diya tha, jiske baad mahila apni do betiyon ke saath apne 70 saal ke pita ke ghar aa gayi thi.


Kumbh Pahunche Rajnath Ne Lagaai Dubaki, Hindutv Mudde Par Aage Badhne Ki Taiyaari

Kumbh Pahunche Rajnath Ne Lagaai Dubaki, Hindutv Mudde Par Aage Badhne Ki Taiyaari

Breaking »

Allahabad / nai Delhi: Hindutv ke mudde par BJP, vishv hindu parishad ke saath kadamataal karne ko taiyaar dikh rahi hai. BJP ke adhyaksh Rajnath Singh ne Budhvaar ko na sirf sangam mein dubaki lagaai, balki Ram mandir aur Narendra Modi ko pradhaanamantri pad ki ummeedavaari par prastaav paas karaane ki taiyaari kar rahe vishv hindu parishad aur santon ke saamane haajari bhi lagaane ja rahe hain. Narendra Modi ko lekar Kumbh mein kaafi halachal hai. Haalaanki Rajnath Singh ne sangam mein dubaki lagaane ke baad patrakaaron se kaha ki party ne pradhaanamantri pad ke ummeedavaar ko lekar abhi faisala naheen liya hai aur unhonne kal ki tarah doharaaya ki pradhaanamantri pad ke ummeedavaar ka faisala BJP sansadeeya board ki baithak mein hoga. Udhar, vihip ki aaj ek aham baithak hone ja rahi hai, jismein ayodhya ke Ram mandir ko lekar prastaav ko antim roop diya ja sakta hai. Is prastaav par dharm sansad mein saadhu-sant muhar lagaaenge. Maana ja raha hai ki is baithak mein sant samaaj Narendra Modi ko pradhaanamantri pad ka ummeedavaar ghoshit karne ki maang ko lekar bhi prastaav paas kar sakte hain. Haalaanki BJP ne santon se kaha hai ki vivaad se bachane ke liye ve aise kisi prastaav ko paas na karein. Narendra Modi khud 12 February ko Kumbh mein dubaki lagaane aaenge.


Chairiti Ke Liye Andaragaarameint Daan Kiye Kaaramain Ilektra Ne

Chairiti Ke Liye Andaragaarameint Daan Kiye Kaaramain Ilektra Ne

Breaking »

London: Dilkash model aur abhinetri kaaramain ilektra ne apne ant: Vastron (under gaarameints) sahit kai poshaakein chairiti ke liye daan kar di hain. Daily star online ki khabaron ke mutaabik, 40-varsheeya poorv plebauya sundari ne under gaarameints ke alaava apne ivaning gaauns, kot aur joote 'Klojets for kaujej' naamak sangathan ko daan kar diye hain, taaki in kapadon ko neelaam kar loss Angeles (California, America) mein kutton ke liye kaam karne waali sanstha 'Haaunds of hope' ke liye dhan jutaaya ja sake. 'Haaunds of hope' ke nideshak sheli maik ne kaha hai ki nirdosh jaanvaron ki jaan bachaane ki khaatir kaaramain ilektra dvaara diye gaye sahayog ke liye ham log kaafi aabhaari hain.


Punjab Aatanki Balavant Raajoaana Ko Aaradeeeks Taskari Mein 10 Saal Ki Saja

Punjab Aatanki Balavant Raajoaana Ko Aaradeeeks Taskari Mein 10 Saal Ki Saja

Breaking »

Chandigarh: Patiala ki adaalat ne Punjab ke poorv mukhyamantri beant Singh ki hatya mein shaamil rahe babbar khaalasa ke aatankvaadi balavant Singh raajoaana ko 10 saal ki saja sunaai hai. 1995 mein raajoaana ke paas se bhaari maatra mein aaradeeeks jabt kiya gaya tha, jiski court mein sunavaai chal rahi thi. Beant Singh ki hatya ke maamale mein raajoaana ko pehle hi faansi ki saja sunaai ja chuki hai. Use pichhle saal 31 March ko faansi di jaani thi, lekin 28 March ko gruh mantraalaya ne shiromani gurudvaara prabandhak committee ki or se daayar ki gayi daya yaachika ke baad usaki faansi ko sthagit kar diya tha.


Karan Jauhar Ki 'Bombay Taukeej Mein Randeep Hudda Se Ishk Ladaaengi Raani Mukharji

Karan Jauhar Ki 'Bombay Taukeej Mein Randeep Hudda Se Ishk Ladaaengi Raani Mukharji

Breaking »

Mumbai: Bollywood abhinetri raani mukharji aur Randeep hudda pehli baar ek saath kaam karne ja rahe hain, aur ve karan jauhar ki nai film 'Bombay taukeej' mein najar aaenge, jo 3 May ko filmodyog ke 100 saal poore hone vaale din hi release hogi. 'Saaheb beevi aur gangster', 'Jannat 2' tatha 'Heroine' ke baad nirmaataaon aur nirdeshakon ki pehli pasand bane hue Randeep hudda ne kaha, haan, main raani mukharji ke saath karan jauhar ki laghu film 'Bombay taukeej' karne ja raha hoon. ' Haalaanki Randeep ne laghu film 'Bombay taukeej' ki kahaani aur usamein apni bhoomika ke baare mein kuchh naheen bataaya. Is film mein 'Mujhse fraindaship karoge' ke abhineta saakib Siddiqui bhi kaam kar rahe hain. Udhar, raani mukharji ki film 'Talaash' bhi haal hi mein release hui thi. Vah isse pehle varsh 2006 mein karan jauhar ke saath 'Kabhi alvida na kehna' ke atirikt kai filmon mein kaam kar chuki hain.


Sehwag Pet Mein Gadbad Ke Kaaran Irani Cup Se Baahar

Sehwag Pet Mein Gadbad Ke Kaaran Irani Cup Se Baahar

Breaking »

Mumbai: Mumbai ke khilaaf Irani cup match shuroo hone se pehle shesh Bhaarat ekaadash ko karaara jhatka laga, kyonki kaptaan Virendra Sehwag pet mein gadbad ke kaaran team se baahar ho gaye. Sehwag ki jagah of spinner Harbhajan Singh kaptaani kar rahe hain. Kharaab form se joojh rahe Sehwag ke liye Australia ke khilaaf test series se pehle yah match form mein lautane ka sunahara mauka tha. Shesh Bhaarat ekaadash ko Mumbai ne toss jeetkar ballebaaji ke liye bheja hai.


Asia Ka Sabse Bada Air Sho Bengaluru Mein Shuroo

Asia Ka Sabse Bada Air Sho Bengaluru Mein Shuroo

Breaking »

Bengaluru: Asia ki sabse badi eyarospes pradarshani ka udghaatan karte hue rakshaamantri AK Antony ne kaha ki desh raksha ke kshetr mein aatmanirbharata haasil karne par apna dhyaan keindrit kar raha hai. Eyaro India 2013 pradarshani mein sena aur naagrik vimaanan ke kshetr mein antararaashtreeya star par sarvottam praudyogikiyon ko pradarshit kiya ja raha hai. Saath hi, ismein raksha evam eyarospes kshetron mein raadaar ko bhi pradarshit kiya ja raha hai. Yelahaanka eyarabes par dvivaarshik kaaryakram ko sambodhit karte hue Antony ne kaha, raksha kshetr mein aatmanirbharata hamaara lakshya hai. Unhonne kaha, ham desh mein ek majaboot raksha udyog ka aadhaar taiyaar karna chaahate hain. Is kaaryakram mein sarkaar ke sheersh adhikaariyon, udyog pratinidhiyon, pradarshani companiyon aur desh-videsh se pratinidhiyon ne hissa liya. Rakshaamantri ne kaha ki Bhaarat ne raksha utpaadan neeti ke roop mein ek rooparekha banaai hai aur sarkaar is tarah ke prayaason mein sakriya bhaageedaar banane ke liye desh ke saarvajanik aur niji udyogon ko protsaahit kar rahi hai. Antony ne kaha, Bhaarat mein nae gathabandhan karne va bhaarateeya companiyon ki saajheedaari mein desh mein apna aadhaar banaane ke liye pramukh antararaashtreeya eyarospes companiyon ke liye bhaari avsar maujood hain.


Mantri Ne Kiya Mahila Jilaadhikaari Ki 'Khoobsoorti Ka Bakhaan

Mantri Ne Kiya Mahila Jilaadhikaari Ki 'Khoobsoorti Ka Bakhaan

Breaking »

Lucknow: Raajaneetik netaaon ke khuleaam mahilaaon ke baare mein ochhi tippani karne ke taaja maamale mein uttar pradesh ke khaadi evam graamodyog mantri raajaaraam paandeya ne pichhle dinon sultaanapur mein aayojit ek samaaroh mein vahaan ki jilaadhikaari ki 'Khoobsoorti' ka bakhaan kiya aur aisa karke vah apni hi party ke kuchh netaaon ke nishaane par aa gaye hain. Sultaanapur ke prabhaari mantri paandeya gat somvaar ko kamala Nehru praudyogiki sansthaan mein aayojit berojgaari bhatta vitran samaaroh mein achaanak jilaadhikaari ke. Dhanalakshmi ki 'Khoobsoorti' ke kaseede padhne lage, jo us vakt vahaan maujood theen. Paandeya ne kaha ki vah khushkismat hain ki unke prabhaar vaale jile ki jilaadhikaari mahila hain. Pichhli baar bhi jab vah sulataanapur ke prabhaari mantri the tab kaamini chauhaan jilaadhikaari theen. Unhonne kaha 'Mujhe lagta tha ki unase (kaamini chauhaan) sundar mahila jilaadhikaari naheen ho sakti, par is baar jab main prabhaari mantri hoon to jilaadhikaari unase bhi adhik sundar hain. ' mantri ne jilaadhikaari dhanalakshmi ko behad mrudubhaashi tatha saksham prashaasak bhi karaar diya. Haalaanki mantri ki is tippani par vahaan maujood sapa kaaryakartaaon ke baahulya waali bheed ne jamkar taaliyaan bajaayeen lekin jilaadhikaari ke. Dhanalakshmi kaafi asahaj najar aain. Is beech, sapa ke ek varg ne paandeya ke bayaan ko ashobhaneeya karaar dete hue unase saarvajanik maafi ki maang ki hai. Sapa ke varishth neta tatha vidhaayak ravidaas meharotra ne kaha ki paandeya ke aise bartaav se logon ke beech party tatha sarkaar ko lekar galat sandesh jaaega.


Modi Ko Bulaane Par Esaaaraseesi Ke Baahar Chhaatron Ne Kiya Pradarshan

Modi Ko Bulaane Par Esaaaraseesi Ke Baahar Chhaatron Ne Kiya Pradarshan

Breaking »

Nai Delhi: Raashtreeya rajdhani Delhi mein chhaatron ke ek samooh ne Gujarat ke mukhyamantri Narendra Modi ko aamantrit karne ke virodh mein shreeraam college of Commerce ke baahar pradarshan kiya. Vaamapanthi dalon evam anya raajaneetik dalon se sambaddh unionon ke pradarshanakaariyon ne Modi aur sansthaan ke khilaaf naarebaaji ki. Is shikshan sansthaan ne chhaatron ko sambodhit karne ko lekar Modi ko aamantrit kiya tha. Democratic student union ke sadasyon ne Modi ki Delhi vishvavidyaalaya mein aane ke khilaaf kala sankaaya se shreeraam college of Commerce tak March kiya.


Canberra Ekadivseeya 39 Run Se Jeeta Australia, Shrunkhala Par Kabja

Canberra Ekadivseeya 39 Run Se Jeeta Australia, Shrunkhala Par Kabja

Breaking »

Canberra: Sthaaneeya menuka stadium mein Budhvaar ko khele gaye teesare ekadivseeya match mein Australiaee team ne ekajut pradarshan karte hue West Indies ko 39 ranon se hara diya. Is jeet ke baad Australiaee team paanch maichon ki shrunkhala mein 3-0 se aage ho gayi hai aur usane shrunkhala bhi apne naam kar li hai. Shatakeeya paari khelne vaale salaami ballebaaj Shane Watson (122) ko main of the match chuna gaya. Toss jeetkar pehle ballebaaji karte hue Australiaee team ne Watson aur Phillip Hughes (86) ki shaanadaar paari ki badaulat nirdhaarit 50 overon mein saat wicket ke nuksaan par 329 run banaae. Iske javaab mein West Indies team 47.3 overon mein 290 ranon par simat gayi. 330 ranon ke lakshya ka peechha karne utari West Indies team ki salaami jodi ne sadhi hui shuruaat ki aur usaka pehla wicket 54 ranon ke kul yog par dven Thomas ke roop mein gira. Vah 19 ranon ke niji yog par klint maike ki geind par Phillip Hughes ke haathon catch hue. Salaami ballebaaj keran Powell bhi 81 ranon ke kul yog par glen Maxwell ki geind par Matthew wed ko catch thama baithe. Powell ne apni 49 geindon ki paari mein chhah chauke jamaae. Unke out hone ke baad Darren Bravo aur dven Bravo ki jodi ne samajhadaari aur sanyamabhara khel dikhaaya. Donon ke beech 114 ranon ki mahatvapoorn saajhedaari hui. West Indies team 200 ranon se paanch hi run door thi ki 35vein over mein James Faulkner ne Darren Bravo (86) ko bold kar diya. Unhonne 96 geindon mein saat chaike aur ek chhakka lagaaya. Unke out hone ke baad ballebaaji karne aae aakraamak ballebaaj kris Gale mahaj do run banaakar Faulkner ki geind par bold hokar pavilion laut gaye. Paanchava wicket dven Bravo ke roop mein gira. Vah 51 ranon ke niji score par Michelle Stark ki geind par bold ho gaye. Andre Russel 43 run banaakar maike ka shikaar bane. Keran Pollard bhi nau ranon ke niji score par run out hokar pavilion chalte bane. Anya ballebaajon mein Ramnaresh saravan (12), Darren saimi (8), suneel naren ne ek run ka yogadaan diya, vaheen kemar roch ek run par naabaad laute. Australia ki or se Faulkner ne chaar, maike ne do wicket chatakaae, jabki Stark, glen Maxwell aur Michelle Johnson ko ek-ek safalta mili. Isse pehle, Watson aur Aaron finch ki salaami jodi ne Australiaee team ko badhiya shurooaat di. Paari ke 16vein over mein 89 ranon ke kul yog par finch ke roop mein pehla wicket gira. Finch 38 run banaakar saimi ki geind par Thomas ko catch thama baithe. Unke baad teesare number par ballebaaji karne aae Hughes ne shaanadaar khel ka pradarshan kiya aur Watson ke saath milkar 112 ranon ki mahatvapoorn saajhedaari ki. Watson 201 ke kul yog par roch ka shikaar bane. Unhonne 111 geindon par 12 chaike aur ek chhakka lagaaya. Australiaee team ko teesara jhatka kaptaan Michael Clark ke roop mein laga. Clark 15 run banaakar keran Pollard ki geind par unheen ko catch day baithe. 46vein over mein 284 ranon ke kul yog par Hughes bhi saimi ki geind par wicket ke peechhe khade Thomas ke haathon catch hue. Unhonne apni paari mein 10 chaike aur ek chhakka lagaaya. Paanchave number par ballebaaji karne aae George belly ne bhi 22 geindon par 44 ranon ki aakarshak paari kheli. Unhonne apni paari mein chhah chaike aur ek chhakka jada. Anya ballebaajon mein Maxwell (4), Faulkner (2), wed (naabaad 4) aur Johnson ne naabaad 8 ranon ka yogadaan diya. West Indies ki or se saimi aur suneel naren ne do-do wicket chatakaae, jabki Pollard, roch aur Bravo ne ek-ek wicket haasil kiya.


Manmohan Se Mile Modi, Gujarat Par Charcha Ki

Manmohan Se Mile Modi, Gujarat Par Charcha Ki

Breaking »

Nai Delhi: Gujarat ke mukhyamantri Narendra Modi ne Budhvaar ko pradhaanamantri Manmohan Singh se mulaakaat kar Gujarat se sambandhit muddon par hastakshep ki maang ki. Modi ne pradhaanamantri se saat race course maarg sthit unke sarkaari aavaas par mulaakaat ki. Mulaakaat kareeb 45 minute chali. Pichhle saal December mein Gujarat vidhaanasabha chunaav mein jeet ke baad Modi ki pradhaanamantri se yah pehli mulaakaat thi. Modi ne mulaakaat ko achha bataaya. Pradhaanamantri se mulaakaat ke baad unhonne samvaadadaataaon se kaha, "Pradhaanamantri ne mujhe aashvast kiya hai ki vah Gujarat ke logon ki madad ke liye har sambhav sahaayata muhaiya karaaenge. Humne vibhinn muddon par charcha ki. " Gujarat sarkaar ki or se jaari ek bayaan mein kaha gaya hai ki pradhaanamantri ne Modi ko apne nae kaaryakaal aur Gujarat mein pragatisheel vikaas ke liye badhaai di. Modi ne pradhaanamantri se Delhi, mumbai aur Gujarat mein gas ki alag-alag keemat par bhi charcha ki. Unhonne kaha, "Ham kendra ke saath vaidhaanik ladaai lad rahe hain. Delhi, mumbai va Gujarat mein gas ki keematein alag-alag hain. Ham adaalat gaye aur vahaan hamein jeet mili. Lekin kendra sarkaar sarvochch nyaayaalaya chali gayi. Vaastav mein adaalati aadesh ke kriyaanvayan mein deri karne ki koshish ki ja rahi hai. " unhonne kaha, "Pradhaanamantri ne mujhe sabhi muddon ki padtaal swayam karne tatha nirnaya jald lene ki koshish karne ka aashvaasan diya hai. " Modi ne pradhaanamantri ko sardaar sarovar baandh se sambandhit muddon par gyaapan bhi diya, jismein iski oonchaai badhaane sahit anya muddon par pradhaanamantri se hastakshep karne ki maang ki gayi hai. Gujarat sarkaar ke pravakta ne bataaya ki Modi ne beeti kapaas ke beejon ki keemat ke niyman jaise mudde bhi uthaae, jo Gujarat mein kisaanon ko prabhaavit karte hain. Saath hi unhonne bijli utpaadan ke liye najadeeki western kol Fields se koyala aavantan ka mudda bhi uthaaya.


Mumbai Kemikl Factory Mein Lagi Bheeshan Aag

Mumbai Kemikl Factory Mein Lagi Bheeshan Aag

Breaking »

Mumbai: Mumbai ke kareeb bhivandi ilaake me ek kemikl factory mein aag lagne se bhaari nuksaan ki aashanka hai. Aag ke baad mauke par chhah fire briged gaadiyaan bheji gain hain. Aag par paanch ghante baad kaaboo pa liya gaya hai lekin is beech chhah godaam jalakar raakh ho gaye. Hataahat ki filhaal koi khabar naheen hai.


Kya Ho Kishor Ki Umr, Gruh Mantraalaya Ne Shuroo Ki Charcha

Kya Ho Kishor Ki Umr, Gruh Mantraalaya Ne Shuroo Ki Charcha

Breaking »

Nai Delhi: Delhi saamoohik balaatkaar kaand mein kishor dvaara sabse adhik barbarata karne ke pariprekshya mein kishoron ki sanjnyaa mein aane vaalon ki aayu 18 se ghataakar 16 saal karne ki maang ke beech gruh mantraalaya ne is mudde par sambaddh pakshon se charcha shuroo kar di hai. Kishor nyaaya kaanoon ke sabhi praavadhaanon par vichaar kiya ja raha hai. Gruh mantraalaya ne kaanoon mantraalaya, mahila evam baal vikaas mantraalaya aur raashtreeya baal adhikaar sanrakshan aayog se pichhle kuchh dinon mein salaah mashavira kar kishoron ki aayuseema kam karne ko lekar unke sujhaav maange. . Kendreeya gruh mantraalaya ke ek adhikaari ne bataaya ki abhi praarambhik charcha chal rahi hai. Is samvedansheel mudde par koi bhi antim najariya taiyaar karne se pehle aane vaale hafton mein aur vichaar-vimarsh kiya jaaega. Delhi mein 16 December ko chalti bas mein chhaatra ke saath balaatkaar ki ghatna mein shaamil chhah aaropiyon mein se ek kishor hai aur ummeed hai ki vah kade dand se bach jaaega kyonki us par kishor nyaaya kaanoon ke tahat mukadama chalega. Ullekhaneeya hai ki kai baal adhikaar samooh aur gair sarkaari sangathan kishoron ki aayu kam karne ke khilaaf hain. Adhikaari ne kaha ki kishoron ki aayu kam karne ke faisale ke choonki dooragaami parinaam honge isliye poori satarkata se is mudde par vichaar kiya ja raha hai.


Mahilaaon Ke Khilaaf Aparaadh Ke Doshi Javaanon Par Kathor Kaarravaai Antony

Mahilaaon Ke Khilaaf Aparaadh Ke Doshi Javaanon Par Kathor Kaarravaai Antony

Breaking »

Bengaluru: Sashastr bal visheshaadhikaar kaanoon (afaspa) ke tahat aane vaale surakshaabalon ke karmiyon ko mahilaaon ki suraksha sambandhi adhyaadesh ke daayare se baahar rakhe jaane par ho rahe virodh ke beech raksha mantri AK Antony ne kaha ki aise maamale mein sashastr balon ke karmiyon sahit vibhinn logon ke khilaaf sarkaar 'Kathor' kaarravaai karegi. Antony ne kaha, 'Hamaari sarkaar mahilaaon ki suraksha ko lekar chintit aur gambhir hai. Ham aise logon ke khilaaf sakht kaarravaai kareinge jo mahilaaon ke liye samasyaaen paida karte hain. Adhyaadesh sansad mein laaya ja raha hai. Iske baad ham aise logon ke khilaaf sakht kaarravaai kar sakeinge. Yah sashastr balon par bhi laagoo hota hai. ' Antony se afaspa ke tahat aane vaale sashastr balon ke karmiyon ko adhyaadesh ke daayare se baahar rakhe jaane par mahila kaaryakartaaon ke virodh par pratikriya maangi gayi thi. Unhonne kaha ki sashastr balon ko dishaanirdesh jaari kar diye gaye hain ki mahilaaon ke khilaaf aparaadhon ko raksha mantraalaya katai naheen bardaasht karega. Antony ne kaha, 'Main aashvast karta hoon ki humne sashastr balon ko nirdesh diye hain ki mahilaaon ke khilaaf aparaadhon ke sambandh mein, hamaari neeti katai bardaasht naheen karne ki hogi. Ham sakht aur jald kaarravaai kareinge. '


Sanyukt Sansadeeya Baithak Mein Raashtrapati Ke Abhibhaashan Se 21 Ko Shuroo Hoga Bajat Satr

Sanyukt Sansadeeya Baithak Mein Raashtrapati Ke Abhibhaashan Se 21 Ko Shuroo Hoga Bajat Satr

Breaking »

Nai Delhi: Sansad ka bajat satr is maheene ki 21 taareekh ko Loksabha aur Rajyasabha ki sanyukt baithak mein raashtrapati Pranab mukharji ke sambodhan se shuroo hoga. Vitt mantri pi Chidambaram 28 February ko aam bajat pesh kareinge. Sansad sachivaalaya ki or se jaari vigyapti ke anusaar, '15veen Loksabha ka terahavaan satr aur Rajyasabha ka 228vaan satr 21 February, 2013 se shuroo hoga. ' Saat saptaah se adhik tak chalne vaale is satr mein 22 March se 22 April tak avakaash hoga. Satr ka samaapan 10 May ko hoga. Rel bajat 26 February ko pesh hoga aur aarthik sameeksha 27 February sansad mein pesh ki jaaegi.


Vivek Oberoi-Priyanka Ke Ghar Huaa Bete Ka Janm

Vivek Oberoi-Priyanka Ke Ghar Huaa Bete Ka Janm

Breaking »

Mumbai: Bollywood star vivek Oberoi ki patni Priyanka alva ne Budhvaar ko ek behad khoobsoorat bete ko janm diya. Maan aur bete donon hi svasth aur tanduroost hain. Vivek ne micro blaaging website twitter par iski jaankaari di. Unhonne kaha, aaj mere jeevan ka sabse vishesh din hai. Priyanka aur mainne hamaari duniya mein ek behad sundar, svasth Rajkumar ka svaagat kiya. Unhonne kaha, aapke pyaar, duaaon, praarthanaaon aur aasheervaad ke liye main aap sabhi ko tahedil se shukriya ada karta hoon. Hamaara beta sachmuch Bhagwan ka aarsheevaad hai. Abhineta ritesh Deshmukh ne vivek aur unki patni ko badhaai dete hue tweet kiya, bhaai badhaai ho. Priyanka aur aapke poore parivaar ko dher saara pyaar. Bollywood abhinetri aur ritesh Deshmukh ki patni jeneliya disooja ne kaha, badhaai ho vivek. Mujhe poora vishvaas hai ki yah aapka ab tak ka sabse vishesh din hai. Main is chhote se Rajkumar ko dekhne ke liye besabr hoon.


America Mein Sikh Parivaar Ke Chaar Sadasyon Ki Rahasmayi Maut

America Mein Sikh Parivaar Ke Chaar Sadasyon Ki Rahasmayi Maut

Breaking »

Washington: America ke Atlanta mein ek sikh parivaar ke chaar sadasya rahasyamayi sthitiyon mein mrut paae gaye. Do bachchon samet chaar logon ki maut ko police 'Hatya-aatmahatya' karaar day rahi hai. Police ke anusaar sarataaj (12) aur guratej (paanch) ki gardan par tej dhaar vaale hathiyaar se kiye gaye vaar se maut hui, jabki unki maan damanajeet Kaur (47) ko sir par jor se prahaar ke kaaran chot I, jisse unki maut ho gayi. Police ko jauns creek sthit ghar se parivaar ke mukhiya Shivendar Singh Grover (52) ka bhi shav baraamad huaa hai. Jauns creek police ke pramukh aid deinsamor ne bataaya, yah bahut hi bura hai. Jab bachchon ki maut hoti hai, to yah hrudaya vidaarak hota hai. Police pramukh ne kaha ki abhi jaanch chal rahi hai aur is ghatna ke peechhe ke kaaranon ka pata lagaana hai. Shivendar Grover ne Michigan vishvavidyaalaya se padhaai ki thi aur iske baad Atlanta mein ek company mein adhikaari the.


24 Arab Dollar Mein Bikkar Private Company Ho Jaaegi Dale

24 Arab Dollar Mein Bikkar Private Company Ho Jaaegi Dale

Breaking »

New York: Computer company Dale ke sansthaapak, mukhya kaaryaadhikaari Michael Dale tatha praudyogiki nivesh company silver lek, Dale ke sabhi baaki share khareedkar ise niji (private) company banaaenge. Yah sauda lagbhag 24.4 arab dollar ka hoga. Dale dvaara jaari bayaan ke anusaar, khareedaar Dale ke un sabhi sheyaron ko khareedeinge, jo ki filhaal Michael Dale ya prabandhan ke kuchh aur sadasyon ke paas naheen hain. Bayaan mein kaha gaya hai ki samjhaute ki sharton ke tahat Dale ke sheyaradhaarak har share ke liye 13.65 dollar nakad paaenge. Dale ne kaha, mera maanana hai ki is saude se Dale, hamaare graahakon aur team sadasyon ke liye nae adhyaaya ki shuruaat hogi. Is saude ke vittavarsh 2014 ki doosari timaahi ke aakhir tak poora hone ki ummeed hai.


Gujarat Vafaadaari Saabit Karne Ke Liye Voteron Ne Khaulate Tel Mein Daale Haath

Gujarat Vafaadaari Saabit Karne Ke Liye Voteron Ne Khaulate Tel Mein Daale Haath

Breaking »

Bayaad (Gujarat): Uttari Gujarat mein bayaad taaluka ke deraai gaanv mein panchaayat chunaav ke ummeedavaar ko is baat ka yakeen dilaane ke liye 15 logon ne apne haath khaulate tel mein haath daal diye, ki unhonne usi ke paksh mein vote daale the. Girish paramaar naam ke is haare hue pratyaashi ko police ne hiraasat mein le liya hai. Bayaad taaluka ke deraai gaanv mein hui is ghatna ke baare mein jile ke SP chiraag koraadiya ne kaha ki chunaav mein haare apne jaati ke pratyaashi ke prati vafaadaari saabit karne ke liye in logon ne khaulate tel mein haath daala tha. Humne pratyaashi ke khilaaf shikaayat darj kar use hiraasat mein le liya hai, lekin jakhmi logon mein se koi uske khilaaf shikaayat darj karaane ke liye aage naheen aaya hai.


Karodon Dollar Ke Antararaashtreeya Kredit Card Ghotaale Ke Taar Bhaarat Se Jude

Karodon Dollar Ke Antararaashtreeya Kredit Card Ghotaale Ke Taar Bhaarat Se Jude

Breaking »

New York: Vishv mein 20 karod dollar ka kredit card farjeevaada karne ke doshi paae gaye 18 logon mein kam se kam paanch log bhaarateeya mool ke hain. Is ghotaale mein ye log kaarobaariyon evam vitteeya farmon ko dhokha dene ke liye hajaaron ki sankhya mein farji pehchaan ka istemaal karte the aur karodon dollar Pakistan aur Bhaarat pahunchaate the. America mein ab tak ke sabse bade kredit card ghotaale mein logon ne kredit card haasil karne ke liye apni pehchaan chhipaai aur in kaardon se jude khareedaari aur udhaar ki seema badhaane ke liye sambandhit kredit-report mein heraaferi ki. Ameriki etaarni paul fishmain ne kaha ki iske baad, inhonne is card ke jariye jitna ho saka kharch kiya aur udhaar liya aur kaarobaariyon va vitteeya sansthaanon ko 20 karod dollar se adhik ka choona lagaaya. FBI se kaanoon pravartan adhikaariyon ne 13 vyaktiyon ko giraftaar kiya aur nyoojarsi, New York, penasilveniya aur Connecticut mein inke thikaanon par chhaape maare. Bank ke saath dhokhaadhadi karne ke doshi paae gaye logon mein baabar kuraishi, ijaaj bat, raghabeer Singh, mohammad Khan, sat varma, vijay varma, tarasem laal aur vinod dadalaani shaamil hain. Inmein se pratyek ko laukhon dollar ka jurmaana bharna pad sakta hai aur 30 saal tak ki kaid ki saja ho sakti hai.


UP Mein Mantri Ka Bhrashtaachaar Ujaagar Karne Vaale Police Adhikaari Ka Tabaadala

UP Mein Mantri Ka Bhrashtaachaar Ujaagar Karne Vaale Police Adhikaari Ka Tabaadala

Breaking »

Gonda: Uttar pradesh mein ek mantri ka bhrashtaachaar ujaagar karne ke liye sting operation karne vaale police adhikaari ka raajya sarkaar ne tabaadala kar diya hai, jisse yah sanket jaata hai ki ukt adhikaari ko dandit kiya gaya hai. Gonda ke police adheekshak navaneet raana ne raajya mein mantri ka darja paae cheeni nigam ke adhyaksh KC paandeya ke khilaaf phone par hui baatcheet ko record kar liya tha, jismein paandeya ne police ko apne ek kareebi sahayogi se ek lakh rupaye ki rishvat lene ke liye kaha tha. Paandeya ne yah rishvat maasik roop se lene ki baat kahi thi aur badle mein pashuon ki taskari ki chhoot dene ke liye kaha tha. Paandeya, jo sattaaroodh samaajavaadi party ke raashtreeya sachiv bhi hain, ne haalaanki ab in aaropon se inkaar kiya hai, lekin is baat par tippani karne se inkaar kar diya hai ki phone ke jariye record ki gayi aavaaj unki hai ya naheen. Police ne is maamale mein sthaaneeya adaalat se paandeya ke khilaaf gairajamaanati warrant jaari karne ka anurodh kiya hai, jis par jald faisala aa sakta hai.


Maiksiko Nau Saal Ki Umr Mein Maan Bani Ladki

Maiksiko Nau Saal Ki Umr Mein Maan Bani Ladki

Breaking »

Maiksiko city: Maiksiko mein nau saal ki ek ladki ne ek ladki ko janm diya hai. Yeh jaankaari sthaaneeya adhikaariyon aur parijanon ne di hai. Jailisko raajya mein ladki ki maan daifane ne sthaaneeya adhikaariyon ko bataaya, jab ladki garbhavati hui thi to us samay usaki umr mahaj aath saal ki thi, aur is navajaat ladki ka pita ek 17-varsheeya ladka hai, jo hamein naheen mila hai, kyonki vah bhaag gaya hai. Raajya abhiyojan kaaryaalaya ke George vilaasenar ne kaha, ham bhi us yuvak ko talaash kar rahe hain, taaki usaka paksh jaana ja sake, kyonki ladki yeh naheen samajhti ki kya hua hai. Yeh balaatkaar ya baal yaun utpeedn ka maamala hai. Bachchi ka janm 27 January, 2013 ko jokipaan aspataal mein hua tha aur janm ke samay usaka vajan 2.7 kilo tha. Jachcha-bachcha ko svaasthya theek hone ke chalte saptaahaant ke dauraan aspataal se chhutti de di gayi thi, parantu doctoron ke anusaar donon ka achhi tarah dhyaan rakhana hoga, kyonki maan banane waali bachchi ki umr kaafi kam hai.


Delhi Mein Surakshit Naheen Mahasoos Karateen Mahilaaen Sheela Dixit

Delhi Mein Surakshit Naheen Mahasoos Karateen Mahilaaen Sheela Dixit

Breaking »

Nai Delhi: Delhi ki mukhyamantri sheela Dixit ne Budhvaar ko kaha ki rajdhani mein mahilaaen surakshit mahasoos naheen karateen. Mukhyamantri ne laajapat nagar mein rape mein vifal rahane par ladki ke gale mein sariya ghused diye jaane ki ghatna ke sandarbh mein sheela Dixit ne kaha ki dakshin Delhi mein is vaaradaat ke baad mahilaaon mein dar aur badh gaya hai. Gaurtalab hai ki somvaar ki raat ko dakshini Delhi ke laajapat nagar ilaake mein dil dahala dene waali ek vaaradaat mein 19-varsheeya ek ladki se rape mein naakaam hone par aaropi sthaaneeya bijli vitran company ke karmachaari ne use chup karaane ke liye uske munh mein lohe ka sariya ghusa diya, aur ghaayal kar bhaag gaya. Ladki ka ol India medical Institute of medical saainsej (ems) mein ilaaj chal raha hai, aur usaki haalat gambhir bataai ja rahi hai. Police ne aaropi 25-varsheeya anil Kumar ko balaatkaar ke prayaas tatha hatya ke prayaas ke aarop mein giraftaar kar liya hai.


Delhi Rape Mein Asafal Rahane Par Yuvati Ke Munh Mein Lohe Ki Chhad Ghusedi

Delhi Rape Mein Asafal Rahane Par Yuvati Ke Munh Mein Lohe Ki Chhad Ghusedi

Breaking »

Nai Delhi: Rajdhani Delhi mein dil dahala dene waali ghatna mein ek sthaaneeya bijli vitran company ke karmachaari ne kathit taur par ek yuvati ke ghar par usaka balaatkaar karne ki koshish ke dauraan uske munh mein lohe ki chhad ghused di. Yuvati ka ilaaj jaari hai aur usaki haalat gambhir bataai ja rahi hai. Police ne 25-varsheeya anil Kumar ko hatya ka prayaas aur balaatkaar ka prayaas ke aaropon mein giraftaar kiya hai. Yah ghatna somvaar ki raat hui, jab peedit laajapat nagar sthit apne ghar mein akeli thi. Police se mili jaankaari ke anusaar anil bijli ka maasik shulk lene gaya tha aur use jaanane ke kaaran yuvati ne use ghar mein daakhil hone diya. Police ne bataaya ki usane yuvati ko ghar mein akela paakar unke saath balaatkaar ki koshish ki aur virodh karne par uske munh mein chhad ghused di. Dakshin poorvi Delhi jila ke atirikt police aayukt Ajay chaudhari ne bataaya, uske munh mein jakhm hai aur gala ghotane ki koshish ke kaaran poori gardan par nishaan hain. Unhonne kaha ki anil mahila ko jaanta tha aur laajapat nagar ke jal vihaar ilaake mein rahata hai. Chaudhari ne bataaya, aage ki jaanch se pata chala ki anil ke maama Faridabad ke ismaailapur gaanv mein rahate hain aur vah vahaan chhip sakta hai. Is soochana par police ne ghar par chhaapemaari kar mangalvaar subah saadhe chaar baje anil ko giraftaar kiya.