Advani Ka Isteefa NDA Ki Sehat Ke Liye Theek Naheen Sharad Yadav

Advani Ka Isteefa NDA Ki Sehat Ke Liye Theek Naheen Sharad Yadav

Breaking »

Nai Delhi: BJP ke sabhi padon se party ke sabse varishth neta Lal Krishna Advani ke isteefe par raashtreeya janataantrik gathabandhan yaani NDA ke aham sadasya JDU ne apni pratikriya mein kaha hai ki yah gathabandhan ke sehat ke liye theek naheen hai. NDA ke sanyojak aur JDU ke adhyaksh sharad Yadav ne kaha hai ki Advani ke isteefe ke baad unhein bhi apni party ki baithak bulaani hogi, kyonki Goa ki baithak mein diye gaye kai bayaanon se JDU ittefaak naheen rakhati. Unhonne kaha ki atalaji aur Advani ne NDA ka gathan kiya tha. Advani NDA ke adhyaksh hain.


Rupaye Ko Lekar 'Bevajah Ghabaraahat Vitt Mantraalaya

Rupaye Ko Lekar 'Bevajah Ghabaraahat Vitt Mantraalaya

Breaking »

Nai Delhi: Dollar ke mukaabale rupaye ki viniym dar bhaari giraavat ke beech vitt mantraalaya ne somvaar ko kaha ki baajaar mein bevajah ghabaraahat hai aur kuchh samay mein sab kuchh shaant ho jaaega. Aarthik maamalon ke sachiv Arvind maayaaraam ne ek kaaryashaala ke dauraan samvaadadataaon se alag se kaha, ''Yadi aap dollar ke mukaabale sabhi pramukh mudraaon ki kamjori par dhyaan dein to us liyaah se rupaya bhi aprabhaavit naheen hai. Lekin mujhe baajaar mein ghabaraah bebuniyaad lagti hai. '' Gaurtalab hai ki videshi viniym baajaar mein aaj dopahar tak ameriki dollar ke mukabale rupaya gir kar 57.77 tak chala gaya tha jo sthaaneeya mudra ki ab tak ki nyoonatam dar hai. Maayaaraam ne kaha ki yah sab ameriki keindreeya bank ke adhyaksh ben barnaanke ke rin aasaan neeti se jude bayaan ka anupayukt arth nikaalne se shuroo huaa. Vitt sachiv ne kaha, '' ve (ameriki Federal reserve) ab spasht kar chuke hain ki nakadi pravaah badhaane ki maujooda neeti mein badlaav na to abhi hone ja raha hai aur na hi yah bahut jaldi hoga. Mujhe lagta hai ki yah kuchh samay mein sthir ho jaaega. Hamein iske baare mein chintit naheen hona chaahiye lekin ham sthiti par baraabar nigaah rakhe hue hain. '' Is mauke par maujood aarthik salaahakaar raghuraam raajan ne kaha ki rupaye mein yah kamjori asthaai ghatna ho sakti hai. Unhonne kaha, ''Bhaarat ka chaaloo khaate ka ghaata bahut adhik hai aur jin ubharate baajaaron ka chaaloo khaate ka ghaata bahut adhik hai unki mudra mein apekshaakrut adhik giraavat hui hai. Yah asthaayi ghatna ho sakti hai. Lekin main ek baat fir se kehna chaahata hoon ki sarkaar rupaye mein kamjori ka samarthan naheen karti hai. Ham ismein jyaada sthirta chaahate hain. '' Unhonne haalaanki kaha ki sarkaar ne rupaye ke liye koi nishchit star tay naheen kar rakha hai. Pichhle saptaah vitt mantraalaya pi Chidambaram ne bhi kaha tha ki darane ki koi jaroorat naheen hai aur ghareloo mudra jaldi hi sthirta ka star praapt kar legi. Dollar ki maang badhne aur ameriki rojagaar ke aankade ummeed se behtar hone ke kaaran videsh mein dollar ki majabooti ke kaaran rupaya aaj ke kaarobaar mein dollar ke mukaabale 71 paise ludhkakar 57.77 ke star par pahunch gaya. Pichhle saal June mein rupaye ne 57.32 ka nyoonatam star chhuaa tha.


Lal Krishna Advani Ko Jo Milna Chaahiye Tha, Naheen Mila Digvijya

Lal Krishna Advani Ko Jo Milna Chaahiye Tha, Naheen Mila Digvijya

Breaking »

Nai Delhi: Congress mahaasachiv digvijya Singh ne somvaar ko bhaajapa adhyaksh Rajnath Singh ko Gujarat ke mukhyamantri ke khilaaf yah kehkar chetaaya ki Narendra Modi ne hamesha unheen haathon ko 'Kaata' hai jinhonne unhein aage badhaaya. Congress neta digvijya Singh ne kaha ki Advani ko bhaajapa mein vo naheen mila, jiske vah hakdaar the. Singh ne kaha, ''Yah spasht hai ki Modi ne hamesha unheen haathon ko kaata hai jinhonne unhein aage badhaaya. Isliye ham Rajnath Singh ko saavdhaan karna chaaheinge. '' Congress mahaasachiv ne bhaajapa ke varishth neta Lal Krishna Advani ke prati sahaanubhooti jataai, jo Goa ke adhiveshan mein shaamil hone naheen gaye. Isi adhiveshan mein Modi ko party ki prachaar samiti ka pramukh banaaya gaya. Advani ke adhiveshan mein bhaag na lene par Singh ne kaha, ''Vah (Advani) ek aise vyakti hain jinhonne varsh 1984 mein bhaajapa ki jeeti seaton ki sankhya ko 2 se 182 par pahuncha diya tha. Aisa vyakti yadi kuchh aur samay ki maang karta hai aur kuchh samay intajaar ke liye kehta hai ya fir bhaajapa ke poorv adhyaksh nitin gadkari ki adhyakshata waali ek samiti samet kul do samitiyon ke gathan ki maang bhi karta hai to kuchh vakt rookane mein kya pareshaani thi? Aakhir jaldi kya thi? Unka koi vimaan to chhoot naheen raha tha. '' Varishth Congressi neta digvijya Singh ne is vichaar ko sire se khaarij kar diya ki Modi unki party ke liye koi khatra ban sakte hain. Singh ne kaha, ''Vah kabhi bhi Congress party ke liye khatra naheen rahe. Ham unhein gambheerta se naheen lete. '' Congressi neta ne in daavon ko bhi nakaar diya ki agale Loksabha chunaav mein Rahul ka seedha mukaabala Modi se hoga. Singh ne kaha, ''Ham chunaav siddhaanton ke aadhaar par ladte hain na ki vyaktitvon ke aadhaar par. '' kal Modi ki niyukti par ek tarah se upeksha ka bhaav jataate hue party ke pravakta shakeel Ahmad ne kaha ki unka prabhaav Gujarat tak hi seemit hai. ''Humne Karnataka mein unke abhiyaan mein khokhalaapan dekh hai. Vah sirf unheen logon ke beech prasiddh hain jinhein saampradaayik raajaneeti aur saampradaayik vyaktitv pasand hain. Lekin is tarah ki raajaneeti Bhaarat ke lokaachaar ke khilaaf hai. Aam janta Modi jaise logon ki saampradaayik raajaneeti ko pasand naheen karti. ''


BJP Mein Kalah Charam Par, Advani Ne Diya Party Ke Sabhi Padon Se Isteefa

BJP Mein Kalah Charam Par, Advani Ne Diya Party Ke Sabhi Padon Se Isteefa

Breaking »

Nai Delhi: Bhaarateeya janta party (BJP) ke varishthatam neta Lal Krishna Advani ne party mein apni anadekhi kar Gujarat ke mukhyamantri Narendra Modi ko chunaav samiti ka adhyaksh banaae jaane se naaraaj hokar party ke sansadeeya board, raashtreeya kaaryakaarini tatha chunaav samiti samet sabhi padon se isteefa day diya hai. Haalaanki party adhyaksh Rajnath Singh ne 85-varsheeya Lal Krishna Advani ko manaane ke liye unke aavaas par jaakar unase mulaakaat bhi ki, lekin Advani ne vaheen unhein tyaagapatr thama diya. Rajnath Singh ko diye is patra mein Lal Krishna Advani ne likha hai, "Ab mujhe naheen lagta, BJP vaisi aadarshavaadi party rah gayi hai, jaisi shyaamaaprasaad mukharji, deenadayaal upaadhyaaya, naanaaji Deshmukh tatha atal bihaari Vajpayee ne banaai thi, jinki sabse badi chinta desh aur usaki janta huaa karte the, lekin aajkal adhiktar BJP neta apne niji ejeindon ki hi chinta mein lage rahate hain. " Unhonne patra mein yah bhi likha hai, "Mere liye ab party ke kaamkaaj ke saath taalamel bithaana mushkil hota ja raha tha, aur us disha se bhi main sahamat naheen tha, jismein ab BJP jaati dikhaai day rahi hai. " is khabar par pratikriya dete hue RSS ne kaha hai ki yah durbhaagyapoorn hai. Haalaanki Rajnath Singh ne Advani ka isteefa manjoor naheen kiya hai. Vaheen, shaam paanch baje party ki or se Venkaiya Naidu ek samvaadadaata sammelan ko sambodhit kareinge. Ullekhaneeya hai ki Lal Krishna Advani BJP chunaav prachaar samiti ke adhyaksh ke roop mein Narendra Modi ko chunaavi kamaan saunpane ke sakht khilaaf the aur vah Goa mein sampann hui party ki aham baithak mein shirkat karne bhi naheen pahunche the, lekin Advani ki aapattiyon ko najaraandaaj karke BJP ne ravivaar ko Narendra Modi ko hi chunaav samiti ka adhyaksh banaaya, jiske baad Advani ne apratyaashit roop se BJP ke 12-sadasyeeya sansadeeya board, raashtreeya kaaryakaarini tatha chunaav samiti samet sabhi padon se isteefa day diya. Daraasal, asvasthata ke bahaane apni naaraajagi se paarteejanon ko avagat karaane vaale Advani ne ravivaar ko apne blog par kai roopakon ke jariye logon ko apni bhaavanaaon se do-chaar karaane ki koshish bhi ki thi. Advani ke blog par 9 June ko ki gayi pravishtiyon mein kai aitihaasik aur mithkeeya paatron, jaise Germany ke taanaashaah edolf hitlar, Italy ke taanaashaah benito musolini, sharashaiya par lete bheeshm pitaamah aur mahaayoddha arjun ka ullekh kiya gaya tha. Udhar, Narendra Modi ke kattar samarthak maane jaane vaale Goa ke mukhyamantri manohar paarrikr ne bhi pichhle saptaah hi raajanetaaon ke sannyaas lene ki umr 65 hone ki ichha jataate hue ek tippani ki thi, jise 85-varsheeya Advani ke sandarbh mein hi dekha ja raha tha. Iske alaava unhonne isse pehle bhi varishth netaaon ke liye 'Sade hue achaar' shabd ka istemaal kiya tha.


Uttari 24 Paragana Jile Mein Ladki Se Saamoohik Balaatkaar Evam Usaki Hatya

Uttari 24 Paragana Jile Mein Ladki Se Saamoohik Balaatkaar Evam Usaki Hatya

Breaking »

Kolkata: Pashchim Bengal ke uttari 24 paragana jile mein ek ladki se saamoohik balaatkaar ke baad usaki hatya kar di gayi jiske baad bheed ne peedita ko bachaane mein police ki kathit nishkriyta ke khilaaf sadak jaam kar diya evam sattaaroodh Trinamool Congress ke ek saansad ki car ko nuksaan pahunchaaya. Sootron ne bataaya ki ladki ka shav keertipur mein ek jalaashaya ke sameep mila. Sanket hai ki balaatkaar ke baad usaki hatya kar di gayi hai. Shukravaar ki shaam jab vah college se naheen lauti tab uske abhibhaavak ne police ko soochana di. Sootron ne bataaya ki aisa sandeh hai ki guruvaar ko jab yah yah ladki ghar jaane ke liye bas se utari tab use kuchh badmaashon ne agava kar liya. Is ghatna ke silsile mein ek vyakti ko giraftaar kiya gaya hai jabki do hiraasat mein liye gaye hain. Sthaaneeya logon ne aarop lagaaya hai ki yadi police ne shikaayat milne ke baad samay par kaarravaai ki hoti to ladki ki jaan bachaai ja sakti thi. Sootron ke mutaabik naaraaj logon ki bheed ne baaraasaat mein khaareebaari-raajarahat sadak kai ghante tak jaam kar diya aur do police jeep samet kai vaahanon par patharaav kiya. Bheed ne Trinamool saansad nurool islaam ka gheraav kiya aur unki car ko nuksaan pahunchaaya. Jab ilaake mein khaadya mantri jyotipriya malik pahunche tab unke saamane bhi pradarshan kiya. Khaadyamantri ne ilaake mein uchit police vyavastha evam police shivir lagaane ka vaada kiya. Unhonne yah bhi kaha ki ladki ke parivaar ke ek sadasya ko sarkaari naukri di jaaegi.


BJP Mein Narendra Modi Ke Promotion Par Jald Javaab Degi Jadayoo Neeteesh Kumar

BJP Mein Narendra Modi Ke Promotion Par Jald Javaab Degi Jadayoo Neeteesh Kumar

Breaking »

Patna: Bhaarateeya janta party mein varsh 2014 mein hone vaale aam chunaavon ke liye chunaavi samiti ke adhyaksh pad ke liye Gujarat ke mukhyamantri Narendra Modi ka naam ghoshit hone ke baad somvaar ko Bihar ke mukhyamantri neeteesh Kumar ne kaha hai ki janta dal United is poore maamale par vichaar karke apna javaab deinge. Unhonne kaha ki party ke bheetar is mudde par vichaar-vimarsh kiya ja raha hai aur party jald hi is mudde par nirnaya par pahunchegi. Bhaajapa adhyaksh Rajnath Singh ke unase phone par baatcheet ke mudde par unhonne kaha ki raajanaathi Singh ji se koi baatcheet naheen hui aur na hi koi phone aaya. Bihar mein mahaaraajaganj mein hue upachunaav mein party ko mili haar par bolte hue neeteesh Kumar ne kaha ki booth leval par hui voting ka party vishleshan kar rahi hai. Unhonne kaha ki prabhunaath Singh ke party badalne ke baad bhi jadayoo ka mat pratishat naheen gira hai. Unhonne kaha ki yah seat pehle bhi jadayoo ke paas naheen thi.


IPL Sattebaaji Maamale Mein Raaj Kundra Ko BCCI Ne Nilambit Kiya

IPL Sattebaaji Maamale Mein Raaj Kundra Ko BCCI Ne Nilambit Kiya

Breaking »

Nai Delhi: Sankat mein ghiri Rajasthan Royals aur vivaadon mein ghire iske sah maalik raaj kundra ko beeseebeeaai ne suspend kar diya hai. BCCI ne jaanch poori hone tak ke liye raaj kundra ko nilambit kar diya hai. Raaj kundra ko na sirf IPL se balki cricket ki kisi bhi gatividhi se nilambit kar diya gaya hai. Delhi mein chal rahi BCCI ki varking committee ki baithak mein yah faisala liya gaya hai. Vaheen, kuchh der pehle sootron ke havaale se khabar thi ki BCCI is baithak mein raaj kundra ke khilaaf jyaada kathor kaarravaai naheen karegi kyonki kundra ke khilaaf paaristhitik saboot ke alaava kuchh bhi naheen hai. Isliye maana ja raha hai ki unapar sakht kaarravaai naheen ki jaaegi. Gaurtalab hai ki board ki antarim vyavastha ke pramukh jagamohan daalamiya ko yah baithak bulaane ke liye baadhya hona pada kyonki Delhi police ne daava kiya ki Rajasthan Royals ke hissedaar kundra ne IPL maichon ke dauraan sattebaaji ki baat kabooli hai. BCCI IPL ki saakh barkaraar rakhane ke liye kadi kaarravaai karne ke dabaav mein thi. BCCI ke ek sheersh adhikaari ne kaha tha, ''Raaj kundra ke poore maamale par lambi charcha ki jaaegi. Sadasya yah bhi sifaarish kar sakte hain ki unhein jaanch poori hone tak nilambit kar diya jaae. Agar vah doshi paaye jaate hain to kaarravaai ki jaaegi. Agar unhein clean chit milti hai to vah apne sthaan par vaapasi kar sakte hain. '' Agar aarop saabit ho jaate hain to Rajasthan Royals ko IPL se baahar kiya ja sakta hai, isse bachane ke liye freinchaaiji ne kundra se doori banaani shuroo kar di hai. Balki freinchaaiji ko bachaane ke liye team kundra ko baahar karne ko taiyaar hai, jisne kaha hai ki yah vyavasaayi team ke parichaalan mein shaamil naheen hai aur agar unhein doshi paaya jaata hai to nilambit kar diya jaaega. Rajasthan Royals ne ghoshana ki ki kundra ko agar kisi bhi niyam ke ullaghann ka doshi paaya jaata hai to freinchaaiji mein unke share jabt kar liye jaaenge. Freinchaaiji samjhaute ki 11.3 (si) dhaara ke anusaar agar koi maalik khel ko badnaam karta hai to team ko tournament se baahar kiya ja sakta hai. Kundra aur unki patni Shilpa Shetty ke Rajasthan mein kukki nivesh ke jariye 11.7 pratishat ki hissedaari hai. Suresh chelaaraam aur parivaar (tresko international limited) ke sabse jyaada share 44.2 pratishat hain jabki manoj badaale (emarjing media) ki 32.4 pratishat ki hissedaari hai. Laalachan madrok (blue vaatar estate limited) ke 11.7 pratishat share hain. Baithak mein sanjaya Patel ke naye maanad sachiv pad par niyukti ki bhi pushti ki jaane ki ummeed hai. Patel sanjaya jagadaale ki jagah leinge jinhonne spot fixing prakaran ke baad isteefa day diya tha. BCCI koshaadhyaksh ka pad bhi bharne par bhi vichaar karegi, jo Ajay shirke ke isteefe ke baad khaali huaa. Is pad ke liye Karnataka raajya cricket sangh ke koshaadhyaksh ti vekantesh ka naam sambhaavit ummeedavaar ke roop mein chal raha hai. Bhaarateeya test khilaadi S shreesant samet Rajasthan ke teen khilaadiyon ki giraftaari se spaat fixing vivaad shuroo huaa jiske baad board adhyaksh N shreenivaasan ke daamaad guroonaath mayappan ko kathit sattebaaji ke aarop mein giraftaar kiya gaya. Board ne mayappan ko sabhi cricket gatividhiyon se nilambit kar diya jo abhi jamaanat par baahar hain. Company India cements ke maalik shreenivaasan ko bhi iske liye aalochna jhelni padi aur unhonne bhi BCCI ki aantarik jaach tak adhyaksh pad se kinaara kar liya. Lekin chennai Superkings aur Rajasthan ek si hi sthiti mein kyonki mayappan chennai ke team principle the. Team ne bhi freinchaaiji ko bachaane ke liye daava kiya ki mayappan team ke maalik naheen the.


Puruliya Sadar Deben Mahato Aspataal Mein 13 Bachchon Ki Maut

Puruliya Sadar Deben Mahato Aspataal Mein 13 Bachchon Ki Maut

Breaking »

Puruliya (pashchim Bengal): Pashchim Bengal ke puruliya sadar deben mahato aspataal mein gat shukravaar se lekar ab tak 13 bachchon ki maut ho chuki hai. Aspataal ki adheekshak neelaanjana sen ne kaha ki adhiktar bachche shoonya se 11 maheene tak ki umr ke the. Shukravaar ko aath mautein huin. Shanivaar ko teen aur ravivaar ko do bachchon ki maut hui. Adheekshak ne bataaya ki in bachchon ko blauk star ke aspataalon se sadar aspataal laaya gaya tha. Ye bachche kam vajan, kuposhan, paani ki kami aur meninjaaitis jaisi samasyaaon se grast the. Is tarah ke mareejon ke ilaaj mein sadar aspataal ki kathinaaiyon ka havaala dete hue adheekshak ne kaha ki navajaat shishu ikaai mein keval 10 bistar hain jinhein badhaae jaane ki aavashyakta hai. Unhonne bataaya ki blauk star ke aspataalon se har roj ausatan 15-20 bachche sadar aspataal refar kiye jaate hain.


Jaya Aain BJP Ke Kareeb, Patanaayak Door Hi Raheinge

Jaya Aain BJP Ke Kareeb, Patanaayak Door Hi Raheinge

Breaking »

Nai Delhi. . BJP chunaav prachaar samiti ki kamaan Narendra Modi ko milte hi jayalalita ne unhein apna dost bataate hue badhaai di hai. Doosari taraf Orissa ke mukhyamantri aur Biju janta dal (beejedi) naveen patanaayak ne doharaaya hai ki unki party BJP aur Congress, donon se samaan doori banaae rakhegi. Iske saath hi patanaayak ne kaha ki raajaneeti mein Rahul Gandhi ka koi bhavishya naheen hai. Eaaiedeeemake ki supreemo aur Tamil Nadu ki mukhyamantri jayalalita ne BJP ke aur kareeb aane ke sanket diye hain. Unhonne Modi ko badhaai dete hue kaha ki vah mere achhe dost hain aur main unka sammaan karti hoon. Haalaanki, sootron ka kehna hai ki jayalalita Loksabha chunaav akele ladna chaahati hain, chunaav ke baad BJP ke saath alaayans kar sakti hain. Modi aur jayalalita ke beech sambandh kaafi achhe hain. San 2011 mein jayalalita jab Tamil Nadu mein chunaav jeeti theen, to uske baad unke shapath grahan samaaroh mein bhaag lene ke liye Modi chennai gaye the. Iske javaab mein 2012 mein Modi ke shapath grahan samaaroh mein shaamil hone ke liye jayalalita Ahmedabad gayi theen. Doosari taraf hamaare sahayogi akhbaar ikanaumik times ko diye interview mein naveen patanaayak ne kaha, 'Mujhe naheen lagta ki raajaneeti mein Rahul Gandhi ka koi bahut achha bhavishya hai. Aap dekh sakte hain ki uttar pradesh aur Bihar mein vah kis tarah se nishprabhaavi rahe. ' Gujarat ke vikaas ka shreya Modi ko dene se inkaar karte hue unhonne kaha,'Gujarat ke log pehle se hi doosare praanton ke logon ki tulana mein jyaada sampann the. Iske liye agar koi shreya ka hakdaar hai to vah Gujarat ki janta hai.


Police Ki Aparaadh Shaakha Ke Saamane Pesh Hue Chennai Ke Hotel Maalik

Police Ki Aparaadh Shaakha Ke Saamane Pesh Hue Chennai Ke Hotel Maalik

Breaking »

Chennai: Shahar ke hotel vyavasaayi vikram Agrawal somvaar ko Tamil Nadu police ki aparaadh shaakha seeaaidi ke saamane pesh hue. Unhein IPL sattebaaji maamale mein samman jaari kiya gaya tha. Vah pehle seebi seeaaidi ke saamane pesh naheen hue the jiske baad unhein shukravaar ko naya samman jaari kiya gaya. Agrawal par IPL sattebaaji se jude hone ka aarop hai. Unhonne kuchh satoriyon ko apne hotel se kaam karne ki anumati di thi. Maamala prakaash mein aane ke baad chennai mein unke donon hotelon par chhaape maare gaye.


Gopaneeya Soochanaaen Leek Karne Ke Maamale Mein America Ne Shuroo Ki Aaparaadhik Jaanch

Gopaneeya Soochanaaen Leek Karne Ke Maamale Mein America Ne Shuroo Ki Aaparaadhik Jaanch

Breaking »

Washington: America ke nyaaya vibhaag ne gopaneeya electronic nigraani kaaryakramon ke baare mein khufiya jaankaari leek karne ke maamale ki aaparaadhik jaanch shuroo kar di hai. In gopaneeya electronic nigraani kaaryakramon ke tahat ameriki naagrikon ke phone call aur America ke baahar videshiyon ke Internet istemaal sambandhi jaankaari ekatr ki jaati hai. Nyaaya vibhaag ki pravakta nanda chitre ne kaha, ''Adhikrut pahunch vaale ek vyakti dvaara gopaneeya soochana ke baare mein anadhikrut khulaasa kiye jaane ke maamale mein nyaaya vibhaag ki jaanch praarambhik charan par hai. '' unhonne kaha, ''Vibhaag ki puraani neeti evam prakriya ka paalan karte hue aur imaandaar jaanch ke liye hamein is baare mein aur tippani naheen karni chaahiye. '' America ki yah tippani aise samay par I hai jab kuchh hi ghanton pehle Britain ke samaachaarapatr 'The gaarjiyn' ne 29 varsheeya edvard snoden ke saath video saakshaatkaar jaari kiya tha. Snoden ne America ki national sikyoriti agency (NSA) ki khufiya kaaryapranaali ke baare mein jaankaari leek karne ki jimmedaari li hai. Usane samaachaarapatr se kaha, ''Main aisi duniya mein naheen rahana chaahata, jahaan main jo bhi karta hoon ya kehta hoon vah record kiya jaata hai. '' Snoden ne kaha ki usane jaanakaariyaan isliye leek ki hain kyonki vah agency ki nigraani kaaryapranaali se asahamat hai. Samaachaar-patra ke anusaar snoden CIA ka poorv takaneeki sahaayak hai aur NSA ke liye pichhle chaar varshon se kaam kar raha hai. Vah abhi Hongkong mein hai. Agency ke nideshak ke kaaryaalaya ne kal kaha tha ki abhi is baat ka pata lagaaya ja raha hai ki snoden ke khufiya jaankaari leek karne se raashtreeya suraksha ko kitna khatra huaa hai. Kaaryaalaya mein saarvajanik maamalon ke nideshak shaun turner ne kaha, ''Humne 'The gaarjiyn' ki taaja report dekhi hai jismein ek aise vyakti ke baare mein bataaya gaya hai jisne ati gopaneeya khufiya kaaryakramon ke baare mein haal ke dinon mein jaankaariyon ka khulaasa karne ka daava kiya hai. '' Snoden ne apne saakshaatkaar mein kaha, ''Main keval ek hi kaam kar sakta hoon ki main yahaan baithakar ummeed karoon ki Hongkong sarkaar mujhe desh se baahar na bheje. '' is beech Republican party ke saansad Peter King ne kaha, ''America ko yah sunishchit karna chaahiye ki koi sarkaar use (snoden ko) sharan na day. '' Snoden ne 'The Washington post' ko diye ek saakshaatkaar mein aarop lagaaya tha ki America ke raashtrapati Barack Obama paaradarshita ke apne vaade ko poora naheen kar paae. Usane the post ko likhe ek patra mein kaha, ''Mera ekamaatr maksad logon ko yah jaankaari dena hai ki unke naam par kya kiya gaya hai aur unke khilaaf kya kiya gaya hai. '' usane patra ke saath leek kiya gaya pehla dastaavej bhi bheja.


Auto Chaalakon Ki Maang Ke Samarthan Mein Kejriwal Ka Jantar-mantar Par Pradarshan

Auto Chaalakon Ki Maang Ke Samarthan Mein Kejriwal Ka Jantar-mantar Par Pradarshan

Breaking »

Nai Delhi: Aam aadmi party ke neta Arvind Kejriwal somvaar ko Delhi ke auto chaalakon ke saath jantar−mantar par pradarshan kareinge. Yah pradarshan Delhi sarkaar ke us aadesh ke khilaaf kiya jaana hai jismein Delhi sarkaar ne aadesh diya hai ki auto riksha par vigyaapan naheen lagaae ja sakte hain. Sarkaar ne auto par lage vijnyaaapanon ko hataane ki bhi baat kahi hai. Aam aadmi party ne kaha hai ki auto chaalakon ki or se ki ja rahi hai vijnyaaapanon ko na hataane ki maang jaayaj hai. Pichhle hafte Kejriwal ne Delhi vidhaanasabha chunaav mein mukhyamantri sheela Dixit ke chunaav kshetr se hi chunaav ladane ki ghoshana ki thi. Saath hi unhonne kaha tha ki agar sheela chunaav kshetr badalti hain to Kejriwal bhi chunaav kshetr badaleinge.


IPL Mein Sattebaaji Idi Ne Shuroo Ki Apni Jaanch

IPL Mein Sattebaaji Idi Ne Shuroo Ki Apni Jaanch

Breaking »

Nai Delhi: IPL mein sattebaazi se jude maamale mein pravartan nideshaalaya ne bhi jaanch shuroo kar di hai. Delhi police ne is silsile mein pravartan nideshaalaya ko chitthi bheji thi. Bataaya ja raha hai ki Mumbai se Delhi laae gaye sattebaaz ramesh vyaas ne police ko kai aham jaanakaariyaan di hain. Ramesh vyaas ke mutaabik aaipeeel ke har match mein sattebaazi ho rahi hai aur 100 karod se 150 karod tak ka havaala len-den ho raha hai. Vyaas ka kehna hai ki Bhaarat mein logon ka bhugataan kar dene ke baad baaki rakam Dawood ki company ko pahuncha di jaati hai. Delhi police ne iski jaanch ke liye idi se kaha tha. Use ummeed hai ki is jaanch ke baad uske paas sattebaazon ke khilaaf aham saboot honge. Is sambandh mein idi ne Delhi police se status report maangi hai taaki jaanch ko aage badaaya ja sake.


Mumbai Mein Moosalaadhaar Baarish Se Janajeevan Ast-vyast

Mumbai Mein Moosalaadhaar Baarish Se Janajeevan Ast-vyast

Breaking »

Mumbai: Mumbai aur tateeya Maharashtra mein lagaataar doosare din somvaar ko ho rahi bhaari baarish ki vajah se ilaake mein janajeevan ast-vyast ho gaya hai. Bruhanamumbai mahanagar paalika ki aapada niyantran ikaai ke adhikaariyon ne bataaya ki somvaar ko mumbai evam iske upanagareeya ilaake mein paani jam jaane aur kuchh ilaakon mein baadh ki sthiti utpann ho jaane se logon evam vaahanon ki aavaajaahi prabhaavit hui hai. Malad, andheri, varsova, daadar, parel, chembur, poorvi upanagar ke pramukh elabeees maarg ke vibhinn hisse aur marol-saaki naaka ilaake mein baadh jaisi sthiti utpann ho gayi hai. Malad aur andheri ke do bhoomigat maargo mein teen fut paani jam jaane se yah baadhgrast ho gaya hai jisse poorab se pashchim ki taraf yaataayaat baadhit ho gaya hai. Lokal trens nirdhaarit samay se deri se chal rahi hain. Madhya railway ki gaadiyaan 20 minute ki deri, pashchimi railway ki 15 minute aur haarbar line ki gaadiyaan 30 minute ki deri se chal rahi hain. Is deri se subah-subah yaatriyon ko asuvidha ka saamana karna pad raha hai. Ravivaar subah 5.30 baje se somvaar subah 5.30 baje tak dakshini mumbai mein 9.04 seinteemeetar baarish darj ki gayi hai jabki upanagareeya ilaakon mein is dauraan 18.01 seinteemeetar baarish hui hai. Mausam vibhaag ne mumbai sahit tateeya ilaake ke kai hisson mein somvaar aur mangalvaar ko tej havaaon ke saath atyadhik bhaari baarish hone ki sambhaavana vyakt ki hai aur machhuaaron ko arab saagar na jaane ki salaah di hai. Shanivaar raat se ho rahi moosalaadhaar baarish se istarn express highway, western express highway, jogeshvari-vikroli link rod aur mahatvapoorn sadkon par gaadiyaan reing rahi hain. Mumbaivaasiyon ne saptaahaant ka maja jahaan daavat aur piknik ke saath liya vaheen somvaar ko ho rahi bhaari baarish se unhein mushkilon ka saamana karna pad raha hai, yahaan garmi ki chhuttiyon ke baad somvaar ko school khul gaye hain. Monsoon raajya ke anya ilaakon mein bhi pravesh kar gaya hai, jisse paani ki kami aur garm havaaon se logon ko raahat mili hai. Ab tak, is monsoon mein 11 logon ki maut ho chuki hai.


Share Baajaaron Mein Teji Ka Rukh

Share Baajaaron Mein Teji Ka Rukh

Breaking »

Mumbai: Desh ke share baajaaron mein somvaar ko kaarobaar mein teji dekhi gayi. Pramukh soochakaank Sensex lagbhag 9.24 baje 86.26ankon ki teji ke saath 19,515.49 par aur Nifty bhi lagbhag isi samay 32.15 ankon ki teji ke saath 5,913.15 par kaarobaar karte dekhe gaye. Mumbai stock exchange (BSE) ka 30 sheyaron par aadhaarit samvedi soochakaank Sensex 101.12 ankon ki teji ke saath 19,530.35 par, aur national stock exchange (NSE) ka 50 sheyaron par aadhaarit samvedi soochakaank Nifty 26.90 ankon ki teji ke saath 5,907.90 par khula.


Bhaajapa Ka 'Chehara Bane 'Achhe Mitr Modi Ko Jaya Ne Di Badhaai

Bhaajapa Ka 'Chehara Bane 'Achhe Mitr Modi Ko Jaya Ne Di Badhaai

Breaking »

Chennai: Tamil Nadu ki mukhyamantri jayalalita ne apne 'Achhe mitr' aur Gujarat mein apne samakaksh Narendra Modi ko varsh 2014 mein hone vaale Loksabha chunaav ke liye bhaajapa ki chunaav prachaar samiti ka pramukh banaae jaane par somvaar ko badhaai di lekin is ghatnaakram par unhonne koi pratikriya dene se yah karte hue inkaar kar diya ki yah party ka androoni maamala hai. Modi ko varsh 2014 mein hone ja rahe Loksabha chunaav ke liye kal Goa mein hue adhiveshan mein bhaajapa ki chunaav prachaar samiti ka pramukh banaae jaane par jayalalita se jab pratikriya poochhi gayi to unhonne kaha ki yah bhaajapa ka androoni maamala hai aur unke liye is par tippani karna uchit naheen hoga. Jayalalita ne kaha 'Raajaneetik roop se main naheen sochati ki doosari party mein jo kuchh huaa, us par tippani karna mere liye uchit hoga. Lekin niji taur par Modi mere bahut achhe mitr hain aur ek yogya prashaasak ke taur par unhein main bahut sammaan deti hoon. Chaahe vah Gujarat mein chunaav jeetein ya party mein uncha sthaan praapt karein, meri shubhakaamanaaen hamesha unke saath hain. Unke liye main bahut khush hoon. ' varsh 2013-14 ke liye raajya ki saalaana yojana ke baare mein yojana aayog ke upaadhyaksh montek Singh Ahluwalia se mil kar charcha karne ke liye vah nayi Delhi ja rahi hain. Modi un ginechune netaaon mein se ek hain jo varsh 2011 mein jayalalita ke mukhyamantri pad ki shapath lene ke liye hue samaaroh mein shaamil hue the. Jab pichhle saal Modi ne teesari baar Gujarat vidhaanasabha chunaav jeeta to annaadramuk pramukh bhi unke shapath grahan samaaroh mein shaamil hui theen.


Spot Fixing 'Jaanch Report Mein Shreesant, Chaandeela, Chavhaan Par Ban Ki Sifaarish

Spot Fixing 'Jaanch Report Mein Shreesant, Chaandeela, Chavhaan Par Ban Ki Sifaarish

Breaking »

Nai Delhi: BCCI dvaara spot fixing ke liye gathit ravi savaani samiti ne antarim jaanch report saunp di hai. Sootron ka kehna hai ki samiti ne aaropi khilaadiyon par umr bhar ke liye paabandi lagaane ka sujhaav diya hai. Yah ban shreesant, ajit chaandeela aur ankit chavhaan par laagoo karne ki baat kahi gayi hai. Sootr ka kehna hai ki samiti ne yah bhi sujhaav diya hai ki straitejik time out khatm kiya jaae. Iske alaava cheeyaraleedars par bhi rok ki baat kahi gayi hai.


Dollar Ke Mukaabale Nyoonatam Star Par Pahuncha Rupaya, Lagaataar Paanchave Saptaah Giraavat

Dollar Ke Mukaabale Nyoonatam Star Par Pahuncha Rupaya, Lagaataar Paanchave Saptaah Giraavat

Breaking »

Nai Delhi: Antararaashtreeya baajaar mein bhaarateeya rupaya ab tak ke nyoonatam star par pahunch gaya hai. Jaankaari ke anusaar subah 57.32 rupaye ka ek dollar huaa jo baad mein aur girkar din ke nyoonatam star 57.54 paise tak pahuncha aur fir thodi der mein kuchh sanbhalakar 57.47 par aaya aur fir girkar 57.77 tak pahunch gaya. May ke aarambh se ab tak rupaye mein 5.71 pratishat ki giraavat darj ki gayi hai. Dollar ki yah teji America mein nae aarthik aankadon ke jaari hone ke baad dekhi ja rahi hai. Iska asar keval bhaarateeya not par naheen balki anya ubharati arthavyavasthaaon mein bhi dekha ja raha hai. Kaha ja raha hai ki ek se do dinon mein rupaye ki tulana mein dollar abhi aur majaboot hoga. Rupaye ki is giraavat ka asar petrol-diesel ki keemat par padega. Donon indhan ki keemat badhne ke aasaar ban rahe hain. Saath hi baajaar mein sone chaandi ki keemat mein bhi badhotri ki ummeed hai. Lagaataar paanch hafton se rupaye ki sthiti mein giraavat darj ki ja rahi hai. Isse poore Asiaee baajaar mein kisi bhi currency mein yah sabse buri sthiti mein hai. Dollar ke mukaabale rupaye mein is bhaari giraavat ke peechhe ka kaaran yah bataaya ja raha hai ki baajaar mein lagaataar RBI se byaaj daron mein katauti ki ummeed ki ja rahi thi, lekin aisa naheen hone ki vajah se aise haalaat ban gaye hain. Doosari vajah yah bhi bataai ja rahi hai ki RBI ne abhi tak rupaye ki girti sthiti ko sudhaarane ke liye koi thos kadam naheen uthaaya hai jiski vajah se yah giraavat lagaataar jaari hai. Teesari sabse aham vajah yah bataai ja rahi hai ki dabaav mein niryaatakon mein dollar khareedne ki hod jyaada badh gayi hai.


'Enaseeteesi Par Aage Ki Disha Mein Koi Kadam Naheen

'Enaseeteesi Par Aage Ki Disha Mein Koi Kadam Naheen

Breaking »

bhaasha . Nai Delhi : Sarkaar ne naishanal kaauntar terarijm center (enaseeteesi) ke liye kaanoon banaane ki gair Congressi mukhyamantriyon ki maang ko khaarij kar diya hai. Gruh mantri susheel Kumar shinde ka kehna hai ki unka mantraalaya is maksad se sansad mein bill laane ke vikalp par vichaar naheen kar raha hai. Jab shinde se bill laane ke baare mein poochha gaya to unhonne kaha, naheen, hamaara aisa koi prastaav naheen hai. Is savaal par ki kya sarkaar enaseeteesi ke gathan ke liye aadesh jaari karne ki yojana bana rahi hai, shinde ne kaha ki abhi ham kuchh naheen kar rahe hain.


Goa Ke Baad Kya Modi Ke Liye Godhara Bhi Laki Saabit Hoga

Goa Ke Baad Kya Modi Ke Liye Godhara Bhi Laki Saabit Hoga

Breaking »

Ahmedabad. . Gujarat ke mukhyamantri aur BJP ki kainpen committee ke navaniyukt Chairman Narendra Modi ke liye kya Goa ki tarah godhara bhi 'Laki' saabit hoga? Yah isliye kyonki itihaas gavaah hai ki gujaraatiyon ke liye pradhaanamantri pad ka raasta vaaya godhara hote hue hi gaya hai. Desh ke pehle gairakaangresi pradhaanamantri moraaraji Desai bhi Gujarat se the aur unka theek Modi ki hi tarah vivaadit godhara kanekshan tha. (padhein: Do din tak kya-kya huaa BJP ki Goa baithak mein) godhara ke baad hue Gujarat dangon ke bhoot ne abhi tak Narendra Modi ka peechha naheen chhoda hai. Aisa hi kuchh moraaraji Desai ke saath bhi tha. Aajaadi se pehle godhara mein 1927-28 mein dange hue the. Us samay moraaraji Desai godhara ke depyuti collector the. Unhein dangon ke dauraan hinduon ke prati narami dikhaane ka doshi paaya gaya tha. Iske baad May 1930 mein Desai ko depyuti collector ke pad se isteefa dena pada tha. Desai iske baad mahaatma Gandhi ke netrutv mein aajaadi ke aandolan mein kood gaye the. Samay ka pahiya ghooma. 1977 mein desh mein janta party ki pehli gairakaangresi sarkaar bani aur moraaraji Desai desh ke chauthe pradhaanamantri bane. Desai 1977 se 1979 tak pradhaanamantri rahe. Ittefaak dekhiye ki Modi ke saamane kuchh vaise hi haalaat hain. Godhara se bhi unka kuchh-kuchh vaisa hi rishta hai. Godhara kaand ke baad Gujarat mein hue dangon se 2002 mein unki mukhyamantri ki kursi jaate-jaate bachi thi. Tab Goa mein hui BJP ki raashtreeya kaaryakaarini ki baithak mein Vajpayee ko unhein hataane ka faisala Advani ke virodh ke baad vaapas lena pada tha. Goa is baar bhi Modi ke liye laki raha. Party mein tamaam virodh ke baad bhi Goa mein 'Mission 2014' ki kamaan Modi ko saunpi gayi. Modi ne maana bhi ki Goa inke liye fir laki raha hai. Lekin asli savaal yahi hai ki kya godhara bhi unke liye 'Laki' rahega? (padhein khabar: Modi bole, jab bhi Goa mein aasheervaad mila, kaamayaabi mili hai) udhar, Delhi ki flight pakadne ko taiyaar Modi Gujarat ki kursi ke liye party ki senior leedar aanandeeben Patel ko nikhaarane mein lage hain. Modi ki cabinet mein 70 varsheeya Patel number 2 maani jaati hain. Vah paulitiks mein aane se pehle school principle theen. Patel 90 ke dashak ke aakhir mein Modi ke kharaab daur mein unke saath khadi rahi theen. 2001 mein Modi ne keshubhaai Patel ko kinaare kar jab vaapasi ki to aanandeeben Patel ko iska inaam mila bhi.


Sri Lanka Mein Monsoon Ka Kahar, 27 Ki Maut, Kai Laapata

Sri Lanka Mein Monsoon Ka Kahar, 27 Ki Maut, Kai Laapata

Breaking »

Colombo: Sri Lanka mein toofaani monsoon ke kaaran kam se kam 27 logon ki maut ho gayi hai aur 35 log ghaayal ho gaye hain. Adhikaariyon ne ravivaar ko bataaya ki marne vaalon mein jyaadaatar machhuaare hain. Dakshin-pashchimi monsoon ke kaaran gat shukravaar se uth rahi badi laharon aur lagaataar ho rahi vashra se kharaab mausam mein mrutakon mein kam se kam 26 machhuaare shaamil hain. Aapada prabandhan adhikaariyon ne bataaya ki filhaal 37 machhuaare aur machhali maarane waali 43 naukaaen laapata hain. Matsya vibhaag ke upamantri sarath Kumar gunaratne ne kaha, ''Maare gaye machhuaaron ke parivaaron ko sarkaar sahaayata muhaiya karaaegi. '' aapada prabandhan kendra ke pravakta sarath laal Kumar ne bataaya ki is mausam se 772 parivaar (1,446log) prabhaavit hue hain. Kumar ne kaha, ''Humne unke liye paanch raahat kendra khole hain. '' shukravaar se hi shreelankaai nausena aur vaayusena dakshin-pashchimi tatavarti ilaakon mein laapata hue machhuaaron ko bachaane ke prayaas mein juti hui hai. Kharaab mausam ke sambandh mein machhuaaron ko samay par chetaavani naheen dene ke kaaran mausam vibhaag bhi sarkaar ke kop ka bhaajan ban raha hai. Raashtrapati mahinda raajapakshe ke kaaryaalaya ne bataaya ki raashtrapati ne aapada prabandhan mantri ko aadesh diya hai ki vah mausam vibhaag ki sambhav laaparavaahi ki jaanch kare.


Cheen Mein Bird Flu Ke 131 Maamale, 39 Ki Maut

Cheen Mein Bird Flu Ke 131 Maamale, 39 Ki Maut

Breaking »

Beijing: Cheen mein echa7ena9 bird flu ke kul 131 maamale saamane aae hain jabki is se grast 39 logon ki maut ho chuki hai. Sinhuaa ne ravivaar ko national helth end femili planning commission ke havaale se bataaya ki echa7ena9 ke kul 78 mareejon ko vibhinn aspataalon mein ilaaj ke baad chhutti day di gayi hai. Anya 14 mareejon ka ab bhi ilaaj chal raha hai. Commission ne apni report mein yah bhi kaha hai ki maanav se maanav mein echa7ena9 virus ke sankraman ke sanket naheen mile hain.


Modi Ki Takkar Ka Neta Naheen, Varishthata Ke Naate Liya Advani Ka Naam Sinha

Modi Ki Takkar Ka Neta Naheen, Varishthata Ke Naate Liya Advani Ka Naam Sinha

Breaking »

Nai Delhi: Gujarat ke mukhyamantri Narendra Modi ko bhaajapa ki chunaav prachaar samiti ka adhyaksh banaae jaane ke baad varishth party neta yashavant sinha ne kaha ki unhein Modi ke naam se koi dikkat naheen hai aur Advani ke haath mein netrutv dene ki salaah unhonne unki varishthata ko dekhte hue di thi. Goa mein party ki raashtreeya kaaryakaarini ki baithak mein shaamil naheen hue sinha ne ek bayaan mein kaha ki vah Modi ke samarthan mein sabse pehle bolne vaale bhaajapa ke netaaon mein se hain jiski vajah yah hai ki kaaryakarta aisa chaahate hain, log aisa chaahate hain. Sinha ke mutaabik, 'Congress party mein ya kaheen bhi unki takkar ka neta naheen hai lekin Bhaarat mein hamaari sanskruti, hamaari paramparaaen aur hamaare moolya hamein sikhaate hain ki hamaare bujurgon ke prati sarvochch sammaan aur aadar dikhaaen. ' unhonne kaha ki unke man mein yahi baat thi. Hamaare samaaj mein yah parampara hai jiski vajah se unhonne media se kaha ki agar Advani swayam netrutv ke liye taiyaar hote hain, yadi sansadeeya board unke paksh mein faisala karta hai aur agar raajag mein sahamati banti hai to netrutv ki charcha ko antim roop diya ja sakta hai. Sinha ne kaha ki media ke ek varg ne unke bayaan ka yah matlab nikaala ki unhonne apna rukh badal diya hai aur Modi ke bajaay vah Advani ka samarthan kar rahe hain.


Shreeshaant Ki Giraftaari Kerala Ke Fains Ke Liye Dukhad Tharoor

Shreeshaant Ki Giraftaari Kerala Ke Fains Ke Liye Dukhad Tharoor

Breaking »

kochchi. . Keindreeya echaaaradi raajyamantri aur Kerala nivaasi shashi tharoor ne kaha hai ki fast baular S. Shreeshaant ki spot fixing mein giraftaari Kerala ke cricket premiyon ke liye 'Kaafi dardanaak' hai. Yah poochhane par ki kya Delhi police dvaara shreeshaant aur 24 anya ke khilaaf makoka lagaana sahi tha to tharoor ne kaha ki is par faisala karna adaalat ka kaam hai. Unhonne yahaan ek kaaryakram ke dauraan kaha ki IPL spot fixing skaindal ke kaaran yuva fains ke utsaah mein kami naheen aani chaahiye. Tharoor ne kaha ki Rajasthan Royals ki or se khelne vaale Kerala ke 18 varsheeya sanjoo Samson ek star ban gaye hain aur IPL episode cricket ke liye 'Dhakka' naheen hona chaahiye.


Samaaj Ki Sanak Ne Li Pyaar Ki Kurbaani

Samaaj Ki Sanak Ne Li Pyaar Ki Kurbaani

Breaking »

Kaartik S chennai. . Divya Nagrajan guruvaar ko chennai haai court mein mushkil se pairon par khadi ho pa rahi theen. Pichhle saat maheene mein mile kadve anubhavon jinmein bahaaduri se premi sang bhaagna, intar kaast mairij aur raajaneeti se bhari jaatigt hinsa shaamil hai, unke kandhon ko jhuka diya hai. Vanniyaar samudaaya mein janmeen 22 saal ki divya ne ek dalit yuvak se shaadi ki thi. Is baat par unke pita ne aatmahatya kar li aur unke samudaaya ne is baat se naaraaj hokar daliton ki naatham colony mein kareeb 300 gharon mein todfod ki. Yah ilaaka Tamil Nadu ke dharmapuri jile mein padta hai aur yah ghatna pichhle saal November mein hui thi. Teeenaen ke saath baatcheet mein divya ne kaha ki mere pati aur main bhaari preshar mein hain. Mainne apne pyaar va shaadi ko is sanaki samaaj aur apni maan ke liye kurbaan karne ka faisala kiya hai. Guruvaar ko adaalat mein bhaari drama huaa kyonki ab tak apne pati ko na chhodne ki jid par adi divya apni maan ki or se daakhil hebias kaurapas yaachika (bandi ki adaalat mein peshi) ke liye guruvaar ko adaalat mein pesh huin. Unhonne kaha ki mere saamane jo chauis upalabdh hain, unhein lekar main kanafyoojd hoon. Main abhi apni maan ke saath rahana pasand karoongi. Divya ke is bayaan se court mein maujood log hairaan rah gaye kyonki isse pehle ki peshi mein unhonne pati ke saath rahane ki ichha jataai thi. Adaalat ke mutaabik divya ne bataaya tha ki vah apni marji se maan ka haalachaal lene gayi theen, unhein kisi ne agava naheen kiya tha. Unke sasuraali paksh ne aisa aarop lagaaya tha. Adaalat ne kaha ki agar vah chaahein to khud ko mili police suraksha ko badhaane ko kah sakti hain. Divya ke pati ke vakeel ne kaha ki mere muvakkil apni patni se milna chaahate hain. Is par judgeon ne kaha ki divya ne milne se mana kar diya hai.