Trinidad Tobago Mein Paanch Teevrata Ka Bhookamp

Trinidad Tobago Mein Paanch Teevrata Ka Bhookamp

Breaking »

Port-O-Spain: Trinidad aur Tobago mein kaarnivaal fostivl ke dauraan paanch teevrata ka bhookamp aaya. Abhi tak kisi prakaar ke nuksaan ya kisi ke ghaayal hone ki khabar naheen hai. Bhookamp madhyaraatri ke turant baad aaya tha. Bhookamp ke jhatke Grenada aur Venezuela ke caribbean tat par bhi mahasoos kiye gaye.


Allahabad Bhagadad Maamale Mein Upr Sarkaar Ne Diya Jaanch Ka Aadesh

Allahabad Bhagadad Maamale Mein Upr Sarkaar Ne Diya Jaanch Ka Aadesh

Breaking »

Lucknow: Uttar pradesh sarkaar ne Allahabad railway station par machi bhagadad ke maamale mein jaanch ka aadesh diya hai aur railway se Mahakumbh ke mauke par deshbhar se aane vaale teerthayaatriyon ki aavaajaahi sugam karne ke liye uchit bandobast karne ko kaha hai. Allahabad mein Mahakumbh ke mauke par sangam mein dubaki lagaane hajaaron ki sankhya mein aae yaatri apne-apne gantavyon par jaane ke liye badi sankhya mein Allahabad railway station par pahunch rahe the aur shaam ko bhagadad ki sthiti machne se kam se kam 20 logon ki maut ho gayi aur anya kai ghaayal ho gaye. Sapa pravakta aur pradesh sarkaar ke mantri raajeindr chaudhari ne kaha, 'Raajya sarkaar ne ghatna ke maamale mein jaanch ka aadesh diya hai. Kumbh mein snaan bina kisi samasya ke sampann ho gaya. Durbhaagyapoorn ghatna railway station par hui. Mukhyamantri Akhilesh Yadav ne jaanch ka aadesh day diya hai. ' Sthaaneeya prashaasan ka bachaav karte hue chaudhari ne kaha ki usaki or se koi dheel naheen barati gayi aur yah railway ki naakaami hai jise bheed ko sambhaalne ke liye adhik trainein chalaani chaahiye thi. Unhonne kaha ki mukhyamantri ne kendra sarkaar se aur adhik trainein chalaane ke liye kaha hai.


Bhaarat Ki Deerghakaalik Vruddhi Ko Lekar Aashaavaan Hain Mukesh Ambani

Bhaarat Ki Deerghakaalik Vruddhi Ko Lekar Aashaavaan Hain Mukesh Ambani

Breaking »

Nai Delhi: Reliance industries limited ke Chairman mukesh Ambani ne desh ki deerghakaalik vruddhi ko lekar aashaavaadita dikhaate hue kaha ki iski ek arab ki janta apni mahatvaakaankshaaon ke saath sampannta sunishchit karegi. Ambani ne Bhaarat ke gunjaayamaan lokatantr mein apni aastha ko bhi doharaaya. Unhonne ek television ko saakshaatkaar mein kaha, 'Main Bhaarat ko lekar bahut aashaavaan hoon kyonki yah desh ke ek arab logon ki hai tatha hamaari vaastavik mahatvaakaanksha hai jahaan har koi mahatva rakhata hai. Kuchh desh hain jahaan ek hi vyakti ka mahatva hai, kuchh deshon mein polit bureau ya 12 log mahatva rakhate hain. ' Ambani ne kaha ki Bhaarat ki ek arab aabaadi mein har koi mahatva rakhata hai aur unki mahatvaakaankshaaen hain. Unhonne kaha, 'Ham deerghakaalik vruddhi ki raah par hain aur yah vruddhi keval GDP aankadon mein naheen hai, yah to vaastav mein pratyek bhaarateeya ki bhalaai mein hai. ' Haalaanki Ambani ne yah bhi kaha ki ve na keval Bhaarat balki cheen, Europeeya sangh tatha America jaisi doosari arthavyavasthaaon ko lekar bhi aashaavaan hain. Unhonne kaha, 'Mere vichaar mein cheen sthir vruddhi kar raha hai, yah ghat naheen rahi hai. Europe ne khud ka sankraman path dhoondh liya hai aur meri rai mein ve saamaanya tareeke se ise tay kareinge. Bhaarat ki vruddhi kuchh naram rahi. Lekin, Bhaarat ko lekar main bahut aashaavaan hoon. '


BCCI Ne 'Galat Aacharan Ke Liye Praveen Kumar Ko Nilambit Kiya

BCCI Ne 'Galat Aacharan Ke Liye Praveen Kumar Ko Nilambit Kiya

Breaking »

Nai Delhi: Tej geindabaaj praveen Kumar ko haal mein corporate trophy match mein galat aacharan ke liye BCCI dvaara jaari kiye gaye kaaran bataao notice ke baad aagaami antararaajyeeya vijay hajaare trophy maichon mein khelne se nilambit kar diya gaya hai. Bhaarateeya cricket board (BCCI) ki vigyapti ke anusaar, praveen Kumar ko board dvaara kaaran bataao notice jaari kiya gaya. Unhein aagaami antararaajyeeya vijay hajaare trophy maichon mein bhaag lene se nilambit kar diya gaya hai. Praveen ko vijay hajaare trophy ke liye uttar pradesh ki 15-sadasyeeya team mein shaamil kiya gaya tha, lekin ab unhein team se baahar kar diya gaya hai. Is geindabaaj ko BCCI ne shanivaar ko patra jaari kar poochha tha ki pichhle hafte Raipur mein board ki corporate trophy mein hui ghatna par unka paksh kya hai, jismein vah ONGC ke liye khel rahe the. Praveen ne inkam tax team ke ajitesh argal ko short pitch geind feinki thi aur tab is ballebaaj ne anpaayar se poochha tha ki kya yah no baul thi, jiske baad praveen ne unhein apashabd kehna shuroo kar diya. Praveen ne maidaani anpaayar Kamlesh sharma aur ajit dataar se asantosh vyakt karna jaari rakha, jinhonne is ghatna ki report match raifari dhananjaya Singh ko ki thi. Match raifari ne praveen ko maanasik roop se unfit karaar kiya tha, kyonki usane apna aapa kho diya tha aur is ghatna ki report BCCI ko ki. Isse pichhle match mein bhi praveen darshakon se bhid gaye the aur sthaaneeya cricket adhikaariyon ko maidaan mein kadi suraksha pradaan karni padi thi.


Mumbai Se Draw Khelkar Shesh Bhaarat Ne Irani Trophy Barkaraar Rakhi

Mumbai Se Draw Khelkar Shesh Bhaarat Ne Irani Trophy Barkaraar Rakhi

Breaking »

Mumbai: Mumbai ke salaami ballebaaj vaseem jaafar ne pratham shreni cricket mein 48vaan shatak jada, lekin shesh Bhaarat ki team draw hue paanch divseeya match mein pehli paari ki 117 run ki badhat ke aadhaar par Irani trophy jeetne mein safal rahi. Shesh Bhaarat ne tournament ke 51vein saal mein 26veen baar khitaab jeeta. Team ka khitaab jeetna shanivaar ko hi sunishchit ho gaya tha, jab usane doosari paari mein chaar wicket par 296 run ke score ke saath kul 413 run ki badhat bana li thi. Harbhajan Singh ki aguvaai vaale shesh Bhaarat ne ravivaar ko apni badhat ko 506 run tak pahunchaane ke baad paanch wicket par 389 run ke score par paari ghoshit ki. Ambati raayudoo ne naabaad 156 run banaae. Unhonne chhah ghante se adhik ballebaaji ki aur apni paari mein 12 chauke aur chaar chhakke maare. Mumbai ne iske baad apni doosari paari mein chaar wicket par 160 run banaae. Australia ke khilaaf aagaami test series ke liye ek baar fir najaraandaaj kiye gaye vaseem jaafar ne naabaad 101 run banaae, jiske baad antim ghante mein teesara anivaarya over feinke jaane ke baad donon kaptaanon ki sahamati se match draw ghoshit kar diya gaya. Shesh Bhaarat ne is tarah Irani trophy barkaraar rakhi, jo usane pichhle saal Bengaluru mein Rajasthan ko paari aur 79 run se haraakar jeeti thi.


Pramukh Companiyon Ke Paas Pade 500 Karod Rupaye Ke Laabhaansh Ke Daavedaar Naheen

Pramukh Companiyon Ke Paas Pade 500 Karod Rupaye Ke Laabhaansh Ke Daavedaar Naheen

Breaking »

Nai Delhi: Reliance industries, ITC, echayooel tatha tata steel sahit desh ki 50 pramukh yaani bloochip companiyon ke paas pade kam se kam 530 karod rupaye ke laabhaansh ka koi daavedaar naheen hai. Companiyon dvaara apne niveshakon ke liye ghoshit laabhaansh ka bhugataan ghoshana ke 30 din mein karna hota hai. Agar is dauraan bhugataan naheen hota hai to ukt laabhaansh ko 'Daavedaar naheen vaale laabhaansh khaate' mein agale saat din mein daalna hota hai. Isi tarah is khaate mein saat saal tak bina daave ke padi raashi ko baad mein niveshak shiksha evam sanrakshan kosh (aaiipeeef) mein daalna hota hai. Desh ki 50 pramukh (blue chip) companiyon ki saalaana rapaton ke vishleshan se pata chalta hai ki 35 companiyon ke khaaton mein beete vitt varsh ke aakhir tak is mad mein lagbhag 530 karod rupaye pade the. Baaki 15 companiyon ne us laabhaansh ki raashi naheen bataai hai jiska koi daavedaar saamane naheen aaya. Alag-alag companiyon ko dekha jaae to Reliance industries limited ke paas bina daavedaar vaale bina bhugataan kiye laabhaansh ki kul 31 March 2012 ko 129 karod rupaye ki raashi padi thi. ITC ke paas is mad mein 80.76 karod rupaye, echayooel ke paas 53.07 karod rupaye, tata steel ke paas 45.81 karod Ru, hero Motocorp ke paas 43.09 karod rupaye the. Companiyaan apne saalaana laabhaansh ki ghoshana saalaana aam baithakon mein karti hain aur niveshakon ko iska bhugataan uske baad 30 din mein karna hota hai.


Europeeya Sansad Mein Hissa Lene Ka Aamantran Mila Modi Ko

Europeeya Sansad Mein Hissa Lene Ka Aamantran Mila Modi Ko

Breaking »

Ahmedabad: Gujarat ke mukhyamantri Narendra Modi ka kareeb ek dashak se jaari bahishkaar samaapt karne ke baad Europeeya sangh ke saansadon ne unhein November mein brusels mein Europeeya sansad mein hissa lene ke liye aamantrit kiya hai. Yah jaankaari unke blog se mili hai. Modi ke blog par likha gaya hai ki, 'Saansadon ne Modi ko is varsh November mein brusels mein Europeeya sansad mein hissa lene ke liye aamantrit kiya hai. Sansad mein 27 se adhik deshon ke pratinidhi hissa leinge. Iske saath hi is varsh baad mein Europeeya kaarobaari baithak mein bhi hissa lene ka nimantran hai. ' Blog ke anusaar, mukhyamantri ki Europeeya saansadon se online charcha hui jo Bengaluru mein 10vein Bhaarat corporate sanskruti aur adhyaatmikta sammelan mein hissa le rahe hain. Saansadon ne Gujarat ke vikaas ki saraahana ki aur raajya ko sashakt banaane ke liye Modi ko badhaai di. Blog ke anusaar, baatcheet ke dauraan Modi ne paryaavaran sanrakshan ke liye Gujarat sarkaar ki or se uthaae gaye vibhinn kadamon ke baare mein jaankaari di.


Allahabad Railway Station Par Bhagadad, 36 Logon Ki Maut

Allahabad Railway Station Par Bhagadad, 36 Logon Ki Maut

Breaking »

Allahabad: Allahabad railway station par ravivaar shaam ko machi bhagadad mein kam se kam 36 logon ki maut ho gayi aur kai ghaayal ho gaye. Bhagadad ke samay station par hajaaron ki sankhya mein shraddhaalu maujood the jo Mahakumbh se pavitra snaan karke laut rahe the. Ek varishth police adhikaari aur sheersh star ke sootron ne bataaya ki bhagadad mein 26 logon ki maut ho gayi. Yah bhagadad shaam kareeb saat baje machi. Us vakt platform number paanch aur chhah par badi sankhya mein log jama the. Chashmadeedon ke anusaar bhagadad us samay mach gayi jab platform number chhah ki or jaane vaale ovarabrij ki railing toot gain. Ghatna ke teen ghante baad platform par 10 logon ke shav dekhe gaye the. Pratyakshadarshiyon ne bataaya ki station par ek train ke aane ki ghoshana hote hi achaanak se yaatri platform ki or umadne lage. Adhikaariyon ne platform chhah ko seal kar diya hai. Kuchh pratyakshadarshiyon ne bataaya ki police ki or se laathi chaarj ki gayi, haalaanki mandal railway prabandhak harindar Rao ne isse inkaar kiya hai. Shuruaati khabaron mein kaha gaya ki ek futabrij ki railing ke tootane ke baad bhagadad machi, lekin rel mantri pavan Kumar bansal ka kehna hai ki aisa kuchh naheen huaa hai. Bansal ne kaha ki pletafaarmon par bahut adhik bheed hone se bhagadad machi. Ek police adhikaari ne bataaya ki station ke us sthaan par kareeb chaar hajaar log maujood the jahaan bhagadad machi.


Melbourne Ekadivseeya Australia Ne Kiya West Indies Ka Soopada Saaf

Melbourne Ekadivseeya Australia Ne Kiya West Indies Ka Soopada Saaf

Breaking »

Melbourne: Australia cricket team ne West Indies ke saath kheli gayi paanch ekadivseeya maichon ki shrunkhala par 5-0 se kabja kar liya. Sthaaneeya Melbourne cricket maidaan par ravivaar ko khele gaye paanchavein aur antim match mein West Indies team ko salaami ballebaaj Johnson Charles (100) ki shaanadaar paari ke baavajood 17 ranon se haar ka saamana karna pada. West Indies team poori shrunkhala ke dauraan apne rang mein najar naheen aain, haalaanki Canberra ekadivseeya mein usane Australia ko achhi takkar di. Australia ke Michelle stars ko unke shaanadaar pradarshan ke liye player of the series chuna gaya, vaheen Adam vogs main of the match bane. Toss haarakar pehle ballebaaji karne utari Australiaee team ne vogs (naabaad 112) ki shaanadaar paari ki badaulat nirdhaarit 50 overon mein paanch wicket ke nuksaan par 274 run banaae. Iske jabaav poori West Indies team 49.5 overon mein 257 ranon par simat gayi. Lakshya ka peechha karne utari West Indies team ki paari ki shuruaat achhi naheen rahi aur usaka pehla wicket saat ranon ke kul yog par keran Powell ke roop mein gira. Powell do ranon ke niji yog par Michelle Johnson ki geind par Aaron finch ko catch day baithe. Iske baad ballebaaji karne aae Darren Bravo ne Charles ke saath milkar team ko shuruaati jhatke se ubaara. Donon ke beech 106 ranon ki mahatvapoorn saajhedaari hui. Darren Bravo 113 ke kul yog par Xavier Dorothy ki geind par James Faulkner ke haathon catch hue. West Indies ko teesara jhatka 129 ke kul yog par dven Bravo (13) ke roop mein laga. Vah Johnson ki geind par bold ho gaye. 37vein over mein Charles ke out hone ke baad Australia ne match par apni pakad majaboot kar li aur West Indies ke shesh ballebaajon ko dabaav mein rakha. Charles ko klint maike ki geind par ben cutting ne catch out kiya. Unhonne 121 geindon par aath chauke lagaae. Keran Pollard bhi 45 ranon ke niji yog par Faulkner ka shikaar banein. Anya ballebaajon mein devan Thomas (19), Darren saimi (23) aur narasinh devanaaraayan ne chaar ranon ka yogadaan diya, jabki suneel naren aur tino best apna khaata bhi naheen khol sake. Kemar roch do run banaakar naabaad rahe. Australia ke liye Johnson aur maike ne teen-teen wicket chatakaae, jabki Dorothy, Faulkner aur cutting ne ek-ek wicket chatakaaya. Isse pehle, Australia team ki paari ki shuruaat achhi naheen rahi aur uske donon salaami ballebaaj Shane Watson aur finch do ranon ke kul yog par pavilion laut gaye. Watson apna khaata bhi naheen sakein aur finch ne ek run banaaya. Donon ke wicket tino best ne chatakaae. Iske baad Phillip Hughes (29) aur shaun marsh (40) ne samajhadaari se khelna shuroo kiya. Donon ke beech 61 ranon ki saajhedaari hui. Hughes 63 ke kul yog par dven Bravo ki geind par Pollard ko catch day baithe. Unke kuchh der baad marsh bhi dven Bravo ki geind par pavilion chalte bane. Vogs aur braid haidin ke beech hui 111 ranon ki mahatvapoorn saajhedaari ne team ko majboot sthiti mein pahunchaaya. Vogs ne 106 geindon par 10 chauke aur do chhakke lagaae. Haidin 43 ranon ke niji yog par kemar roch ki geind par Powell ko catch thama baithe. Unke out hone ke baad aae Faulkner ne bhi vogs ka bakhoobi saath nibhaaya aur team ke kul yog ko 250 ke paar pahunchaane mein aham bhoomika nibhaai. Vogs aur Faulkner ke beech bhi 81 ranon ki saajhedaari hui. Faulkner 31 run banaakar naabaad laute. West Indies ki or se best aur dven Bravo ne do-do wicket chatakaae, jabki roch ko ek safalta mili.


Bhaarat-Pak Seema Par Tanaav Kam Lekin Sthiti Saamaanya Naheen Antony

Bhaarat-Pak Seema Par Tanaav Kam Lekin Sthiti Saamaanya Naheen Antony

Breaking »

Kojhikod: Raksha mantri AK Antony ne kaha hai ki Bhaarat-Pakistan seema par tanaav mein kami I hai, lekin sthiti abhi saamaanya naheen hui hai aur yah Pakistan ki kaarravaai par nirbhar karti hai. Antony ne kaha ki Bhaarat yuddh unmaadi desh naheen hai aur sthiti saamaanya prakriya mein thoda samay lagega. Unhonne is baat par jor diya ki sthiti saamaanya hona poori tarah vishvaas bahaali ke upaayon aur mukhya roop se Pakistan ki kaarravaai par nirbhar karta hai. Raksha mantri ne kaha, 'Donon deshon ke raksha adhikaariyon ke beech telephone par hui charchaaon ke baad seema par tanaav mein kami I hai. Baharahaal, sthiti saamaanya naheen hui hai. ' unhonne kaha, 'Main sthiti ko saamaanya banaane ko lekar koi samayaseema naheen bata sakta, lekin yah Pakistan ke rukh aur kaarravaaiyon par nirbhar karta hai. ' Pichhle dinon sangharsh viraam ke ullanghan ke kaaran niyantran rekha par tanaav ki sthiti paida ho gayi thi. Pakistani sainikon ne Bhaarat ke do javaanon ki nirmam hatya kar di thi.


Afzal Guru Ka Saamaan Uske Parivaar Ko Lauta Diya Jaaega

Afzal Guru Ka Saamaan Uske Parivaar Ko Lauta Diya Jaaega

Breaking »

Nai Delhi: Tihaad jail ke adhikaari Afzal guru ka saamaan jaise kitaabein, kapde, chashma aur radio uske parivaar ko lauta deinge. Sansad par hamle ke aaropi Afzal ko shanivaar ko behad gopaneeya tareeke se tihaad jail mein faansi day di gayi. Tihaad jail ke ek varishth adhikaari ne kaha, 'Ham is sambandh mein jail ke niyamon ka paalan kareinge. ' unhonne bataaya ki jail ke niyamon ke anusaar maut ki saja taameel hone ke baad marne vaale ka saamaan uske parivaar ke havaale kar diya jaata hai. 43 varsheeya Afzal ke paas kitaabon ka 'Achha' sangrah tha aur vah apna jyaadaatar samay ya to akele ya fir apni kitaabon ke saath gujaarata tha. Jail number teen ki 16 fut lambi aur 12 fut chaudi kothari mein Afzal ke paas ek radio bhi tha aur usapar vah niyamit roop se efaem ke channel sunata tha. Uttari Kashmir mein sopor ke rahane vaale Afzal ne medical ki padhaai beech mein hi chhod di thi. Use shanivaar ko tihaad jail mein faansi dene ke baad jail parisar mein hi dafna diya gaya. Is poore ghatnaakram ko ekdam gupt rakha gaya. Afzal ko 13 December 2001 ko sansad par hamla karne vaale aatankvaadiyon ko panaah dene aur hamle ki saajish rachane ka doshi paaya gaya. Hamle mein nau logon ki maut hui thi. Ek vishesh adaalat ne Afzal ko December 2002 mein uske is aparaadh ke liye maut ki saja sunaai, jis par chaar August 2005 ko uchchatam nyaayaalaya ne bhi muhar laga di. Afzal ki daya yaachika ko teen February ko raashtrapati Pranab mukharji ne naamanjoor kar diya tha.


Mamata Ne Fir Khoya Aapa, Patrakaaron Ko Di Thappad Maarane Ki Dhamaki

Mamata Ne Fir Khoya Aapa, Patrakaaron Ko Di Thappad Maarane Ki Dhamaki

Breaking »

Panaagadh: Surakshaakarmiyon ko kode maarane ka sujhaav dekar vivaadon mein I pashchim Bengal ki mukhyamantri mamata Bannerjee ne dobaara apna aapa kho diya aur chhaaya patrakaaron ko thappad maarane ki dhamaki di. Mamata ne yah vivaadaaspad bayaan vardhamaan jile mein shanivaar ko ek mahotsav ke udghaatan ke dauraan diya. Maati utsav ke dauraan kaaryakram sthal par mamata ka photo kheenchne ke liye ekadoosare ko dhakel rahe fotograafaron ko unhonne kaha, 'Asabhya logon, main tumhein thappad maaroongi. Aapko dikhaai naheen day raha hai ki yahaan khaana banaaya ja raha hai. ' Yah footage ravivaar ko TV channelon par baar-baar dikhaaya gaya.


Afzal Guru Ke Parivaar Ne Kaha, Faansi Ke Baare Mein Hamein Koi Jaankaari Naheen Di Gayi

Afzal Guru Ke Parivaar Ne Kaha, Faansi Ke Baare Mein Hamein Koi Jaankaari Naheen Di Gayi

Breaking »

Sopor: Afzal guru ke parivaar ne sarkaar ke us daave ka khandan kiya hai, jismein kaha gaya tha ki Afzal ko faansi diye jaane ke baare mein unhein soochana di gayi thi. Afzal ke parivaar ne kaha ki unhein media ke jariye faansi ki jaankaari mili. Sopor mein Afzal ke chachere bhaai yaaseen guru ne NDTV se kaha, hamein sarkaar dvaara koi soochana naheen di gayi. Hamein TV channelon aur social media ke jariye faansi ke baare mein jaankaari mili. Delhi mein hamaare vakeelon aur doston ko bhi is baare mein kuchh pata naheen tha. Gaurtalab hai ki sansad par hamle ke doshi Afzal guru ko shanivaar subah tihaad jail mein faansi day di gayi. Sarkaar ki taraf se kaha gaya tha ki Afzal guru ki faansi ke baare mein uske ghar vaalon ko speed post ke jariye jaankaari bheji gayi thi, lekin parivaar ne aisi koi chitthi milne se inkaar kiya. Yaaseen Ahmad ne kaha ki kam se kam maanaveeya aadhaar par Afzal ke parijanon ko usase aakhiri baar milne ya baat karne ka mauka diya jaana chaahiye tha. Yah nishchit taur par durbhaagyapoorn hai. Afzal ke parivaar ne antim sanskaar ke liye uske shav ki maang ki hai. Shanivaar ko Afzal guru ki patni tabbasum ne apne vakeel ND pancholi ke jariye tihaad jail ke mahaanideshak ko khat likhkar maang ki ki uske pati ki aakhiri rasm sammaanajanak tareeke se honi chaahiye. Patra ka masauda Afzal ke vakeel ND pancholi ne taiyaar kiya. Tabassum ke patra mein kaha gaya hai, agar aap hamein yah jaankaari day sakein ki parivaar ke sadasya kab 'Namaaj-A-janaaja' ada kar sakte hain, to ham aapke shukragujaar honge. Patra mein likha hai, ham naheen chaahate ki pehle se garamaae maahaul mein ise ek raajaneetik mudda banaaya jaae, lekin Bhaarat ke naagrik hone ke naate parivaar ke sadasyon ko jo hak hai, vo unhein ada karne diya jaae.


Yuvak Ne Liv-in Paartanar Ko Diya Dhokha, Rape Ka Case Darj

Yuvak Ne Liv-in Paartanar Ko Diya Dhokha, Rape Ka Case Darj

Breaking »

Nai Delhi: Delhi police ne bachapan ki mitr se shaadi karne ke bahaane kathit roop se paanch saal liv-in rileshanaship (sahajeevan) bitaane aur shaareerik sambandh banaane vaale yuvak ke khilaaf us ladki se balaatkaar ke aarop mein adaalat mein aarop patra daakhil kiya hai. Metropolitan magistrate jyoti kleyar ki adaalat mein daakhil aarop patra mein police ne kaha hai ki bahuraashtreeya company mein kaaryarat rohan apni bachapan ki mitr se saath rahate hue 2007 se hi balaatkaar kar raha tha. Adaalat ne aarop patra par sanjnyaaan lete hue rohan ko 21 February ko vyaktigat roop se pesh hone ke liye saman jaari kiya hai. Is maamale mein giraftaari ke turant baad hi rohan ko jamaanat mil gayi thi. Aarop patra ke anusaar rohan aur yah ladki ek-doosare ko bachapan se jaante the. Donon Meerut jile mein padosi the. Donon ne ek saath hi emabeee kiya tha aur fir ve naukri ke liye 2007 mein Delhi aa gaye the. Delhi mein September, 2012 tak ve sahajeevan vyateet kar rahe the. Isi beech, yuvak ke kaaryaalaya ne usaka tabaadala Rajasthan kar diya, lekin ek baar fir Delhi lautane par ve ek saath rahane lage the. Police ke anusaar saath saath rahane ke dauraan yuvak ne is ladki ke saath vivaah karne ke bahaane jabaradasti shaareerik sambandh sthaapit kar liye the. Yah ladki niji kshetr ke ek bank mein kaaryarat hai. Aarop patra ke anusaar ladki rohan ko apna pati maanati thi, lekin vah us samay stabdh rah gayi, jab ladke ne kaha ki vah usase vivaah naheen kar sakta, kyonki uske maata-pita is rishte ke khilaaf hain. Police ke anusaar ladki ne rohan ke parivaar ke sadasyon se bhi milne ka prayaas kiya, lekin unhonne use apne ghar mein hi naheen aane diya. Yahi naheen unhonne kaha ki vah unke bete se shaadi naheen kar sakti. Iske baad jaise hi ladki ko pata chala ki rohan apne maata-pita ki pasand ki kisi ladki se shaadi karne ja raha hai, to usane 28 September, 2012 ko police mein shikaayat darj kara di. Ladki ne apni shikaayat mein kaha ki rohan aur uske parivaar ne usaka maanasik aur shaareerik roop se shoshan kiya hai.


Tuition Teacher Ne Bistar Geela Karne Par Bachche Ko Chimte Se Jalaaya

Tuition Teacher Ne Bistar Geela Karne Par Bachche Ko Chimte Se Jalaaya

Breaking »

Kanpur: Kanpur ke ashok nagar ilaake mein saat saal ke ek maasoom bachche ko chimte se jalaane ke maamale mein ek mahila tutor aur usaki beti ko giraftaar kiya gaya hai. Tutor ne sirf is baat par bachche ko chimte se jala diya ki usane padhaai ke dauraan bistar par peshaab kar diya tha. Bachche ke maan-baap ki shikaayat par najeeraabaad thaane mein tutor aur usaki beti ke khilaaf mukadama darj kar unhein giraftaar kar liya gaya hai. Police pravakta ne bataaya ki ashok nagar mein nursery mein padhna vaala saat varsheeya bachcha pados mein hi rahane waali tutor ke ghar tuition padhne jaata tha. Mahila tutor Kanpur vikaas praadhikran (kedeee) mein chaturth shreni karmachaari hai aur ghar mein bachchon ko tuition padhaane ka kaam karti hai. Usaki beti ek niji school mein shikshak hai. Najeeraabaad thaane mein darj praathamiki ke mutaabik 6 February ki shaam bachcha tuition padhne mahila ke ghar gaya tha. Is dauraan usane vahaan bistar par peshaab kar diya. Bistar geela dekhkar maan aur beti bahut naaraaj ho gain. Beti ne us bachche ko pakada aur mahila ne lohe ka chimta garm kar use kai jagah se jala diya. Bachche ke pita ne pehle use ek niji aspataal mein bharti karaaya. Baad mein vah najeeraabaad thaane pahunche, jahaan unhonne police ko saari baat bataai. Police ne bachche ko ilaaj aur chikitsa jaanch ke liye sarkaari aspataal bheja. Jaanch mein uske shareer par jalne ke chhote bade 17 nishaan paae gaye.


Audyogik Utpaadan Aur Mudraasfeeti Aankadon Se Tay Hogi Baajaar Ki Disha

Audyogik Utpaadan Aur Mudraasfeeti Aankadon Se Tay Hogi Baajaar Ki Disha

Breaking »

Nai Delhi: Audyogik utpaadan aur mudraasfeeti jaise mahatvapoorn aarthik aankadon par najar rakhate hue niveshakon dvaara saptaah ke dauraan satarkata barte jaane ki ummeed hai. Iske alaava pramukh companiyon ke teesari timaahi kaaryaparinaam bhi baajaar ki disha tay karte raheinge. Saptaah ke dauraan ONGC, tata power, tata steel, tata motors aur bhaarateeya state bank jaisi pramukh companiyon ke timaahi parinaam aane ki sambhaavana hai. Iske alaava mangalvaar ko December ke audyogik utpaadan soochakaank (IIP) aankade tatha guruvaar ko thok moolya soochakaank (dablyoopeeaai) aankade par niveshakon ki najar hogi. Aaditya trading saulyooshans ke sansthaapak vikaas jain ne kaha, is saptaah bhaarateeya baajaar mein seemit ghat-badh ho sakti hai, kyonki agrim GDP anumaan mein anaapekshit giraavat ko dekhte hue niveshakon dvaara audyogik utpaadan soochakaank evam mudraasfeeti aankade aane se pehle satarkata barte jaane ki ummeed hai. Unhonne kaha ki February mein Nifty mein kareeb do pratishat ka takaneeki sudhaar huaa hai aur bajat satr se pehle aur munaafaavasooli gatividhiyaan dekhne ko mil sakti hain. Unhonne kaha ki nigmit companiyon ke kaaryaparinaam ke mausam mein stock vishesh mein utaar-chadhaav dekhne ko milega, lekin baajaar ki antanirhit dhaarana mein mandi ka rukh rahega. Baajaar visheshagyon ne kaha ki ek baar kaaryaparinaamon ka mausam samaapt ho jaae to baajaar aur niveshakon ki nigaah varsh 2013-14 ke keindreeya bajat se apekshit ummeedon par ja tikeingi. Bonanza portfolio ke varishth upaadhyaksh Rakesh Goyal ne kaha, kamjor GDP aankadon ne baajaar ki dhaarana mein mandi la di hai, haalaanki vaishvik baajaar se koi sakaaraatmak sanket sudhaar mein madadgaar ho sakte hain. Aane vaale satron mein Nifty aur soochakaank ke liye nikat bhavishya mein 5,900 ank ka star mahatvapoorn nirnaayak pahaloo saabit honge. Is ank se neeche baajaar mein aage aur bikvaali dekhne ko mil sakti hai. Seeenaaai research ke seeemadi kishor pi ostavaal ke anusaar, bajat pesh hone mein mushkil se do saptaah rah gaye hain. Jaisa ki kaha gaya tha ki 5,950 ka star todne ke baad baajaar ne ek baar fir se neeche mein 5,900 ke star ko bhi toda. Nifty somvaar ko 5,850 ank ke star ko bhi chhoo sakta hai. Agar somvaar ko baajaar 5,950 ke star ko laangh jaata hai, to yah ek baar fir se 6,020 ank ke star tak chadh sakta hai. CSO ke agrim anumaan ke anusaar desh ka aarthik vikaas dar varsh 2012-13 mein ghatkar dashak ke nimnatam star paanch pratishat rah sakta hai. Iska kaaran vinirmaan, krushi aur seva kshetron ka pradarshan kharaab hona hai. Keindreeya saankhyiki sangathan (CSO) ne pichhle saptaah kaha tha ki varsh 2011-12 mein vikaas dar 6.2 pratishat se ghatkar paanch pratishat rah jaaega, jo bhaarateeya reserve bank aur anya agencyon dvaara vyakt anumaanon se kaheen kam hai.


Kingfisher Karmachaariyon Se Mile Mallya, Bankon Ki Baithak Pakhavaade Bhar Mein

Kingfisher Karmachaariyon Se Mile Mallya, Bankon Ki Baithak Pakhavaade Bhar Mein

Breaking »

Mumbai: Sankatagrast vimaanan company Kingfisher airlines ki punaruddhaar yojana ke adhar mein latakane ke beech company ke pramukh rinadaata state bank ne kaha ki pakhavaade bhar mein bankon ki baithak hogi aur dhan vasooli ki bhaavi prakriya tay kareinge, jabki vimaanan company ke adhyaksh vijay Mallya ne apni yojana ke baare mein aashvast karne ke liye shanivaar ko karmachaariyon se mulaakaat ki. Bhaarateeya state bank ke adhyaksh prateep chaudhari ne kaha, bankon ki agale 15 din mein baithak hogi. Parismaapan ya bank jo bhi tay karte hain, us par tabhi sahamati banegi, jabki company ke paas vishvasaneeya yojana ho. Kingfisher ne pichhle saal January se SBI ke 1,600 karod rupae ke rin ka byaaj naheen chukaaya hai. Isse pehle, Mallya ne karmachaariyon se mulaakaat ki. Kingfisher karmachaariyon ne company ko band karne ki appeal karne ke liye nyaayaalaya jaane ki dhamaki di thi. Samjha jaata hai ki Mallya ne unase kaha ki vah bankon aur niyaamak DGCA se baat karne ki koshish kar rahe hain, taaki vimaanan company ko fir se shuroo kiya ja sake. Sootron ne bataaya ki haalaanki, Mallya ne karmachaariyon ki 10 maheene se bakaaya tanakhvaah ada karne ke sambandh mein kisi tarah ki pratibaddhata naheen jataai aur kaha ki vah company ka parichaalan dobaara shuroo karne ka bharsak prayaas kar rahe hain. Divaaliyaapan ke kaagaar par pahunch chuki Kingfisher ke vimaan pichhle saal October se hi khade hain aur tab se Mallya ki apne karmachaariyon ke saath yah pehli mulaakaat hai. Abhi tak karmachaariyon ki ashaanti evam anya mudde Kingfisher ke CEO sanjaya Agrawal sanbhaal rahe the. Sootron ne kaha ki malya DGCA aur 17 bankon ke samooh se anaapatti pramaan patra haasil karne ka prayaas kar rahe hain. In bankon ka Kingfisher par 7,000 karod rupaye bakaaya hai. Gaurtalab hai ki bankon ka samooh 12 February ko baithak kar raha hai, jismein vasooli ki kaarravaai par nirnaya kiye jaane ki sambhaavana hai. Bhaarateeya vimaanapattan praadhikran (eeaai) ne bhi kaha hai ki vah prabandhan ke khokhale vaadon par bharosa naheen karega aur DGCA dvaara company ko udaan ki anumati dene se pehle bakaae ka bhugataan kiya jaana chaahiye. Sootron ne kaha ki agar company ko greeshmakaaleen satr ke liye parichaalan bahaal karna hai, to use is maheene ke ant tak udaan ka license kisi bhi haalat mein haasil karna hoga.


Mahila Vishwacup England Ki Dakshin Africa Par Badi Jeet

Mahila Vishwacup England Ki Dakshin Africa Par Badi Jeet

Breaking »

Cuttack: Madhyam gati ki geindabaaj aanya shrubasobe ne apne career ki sarvashreshth geindabaaji ki, jisse England ne ICC mahila vishwacup ke super six match mein dakshin Africa ko 243 geind shesh rahate hue saat wicket se hara diya. Pichhle match mein Australia se do run se haarne vaale England ko final ki daud mein bane rahane ke liye bade antar se jeet ki darkaar thi aur vah ismein safal raha. Dakshin Africa ki team pehle ballebaaji ka nyota milne par 29.3 over mein 77 run par dher ho gayi. England ne keval 9.3 over mein teen wicket par 81 run banaakar super six mein apni pehli jeet darj ki. England ki is jeet ki naayika shrubasobe rahi, jinhonne 17 run dekar paanch wicket liye. Unhein denili vaat ka bhi achha sahayog mila. Vaat ne nau geind par saat run dekar teen wicket haasil kiye. Dakshin Africa ki chaar ballebaaj denavaan neekark (17), shameem ismaail (16), maarijen kaip (13) aur saandre fritj (10) hi dohare ank mein pahunch paai. England ki bhi 10 wicket se jeet darj karne ki ichha poori naheen ho paai, lekin eren brindal ne 16 geind par chhah chaukon ki madad se naabaad 28 aur Lydia greenway ne 19 geind par paanch chaukon ki madad se naabaad 25 run banaakar team ko 10 over ke andar jeet dila di.


Britain Mein Neelaam Hone Vaala Hai Mahaatma Gandhi Ka Durlabh Patra

Britain Mein Neelaam Hone Vaala Hai Mahaatma Gandhi Ka Durlabh Patra

Breaking »

London: Mahaatma Gandhi ki or se varsh 1943 mein british adhikaariyon ko likha gaya ek durlabh patra neelaami ke liye rakha gaya hai. Gandhiji ne is patra mein apni najarabandi par sarkaar ki or se ki ja rahi fijoolakharchi ke sambandh mein likha hai. Najarabandi ke dauraan Pune ke aaga Khan pailes se type kiye gaye is patra par mahaatma Gandhi ke hastaakshar hain. Shropashaayar ke ludalau mein 14 February ko hone waali is neelaami mein patra se 10,000-15,000 pound milne ki sambhaavana hai. Is patra mein Gandhiji ne british adhikaariyon ko kaaran bataate hue apne tatha apne kaaryakartaaon ki rihaai ki maang ki hai. 'Daily mel' ki khabar ke anusaar, visheshagya is patra ko vishv itihaas ka behad mahatvapoorn dastaavej maanate hain, kyonki yah Bhaarat ke liye svatantrata praapt karne vaale ke taur par Gandhi ko dikhaata hai. Is patra ki neelaami ka kaaryabhaar sanbhaal rahe neelaami ghar 'Mulauk' ke richrd Westwood-bruks ka kehna hai ki yah patra unhein mahaatma Gandhi ke saath svatantrata senaani rahe ek bhaarateeya vyakti se mila hai.


Soniya Gandhi Ne Svaasthya Kaaranon Se Tripura Daura Radd Kiya

Soniya Gandhi Ne Svaasthya Kaaranon Se Tripura Daura Radd Kiya

Breaking »

Agartala: Congress adhyaksh soniya Gandhi ne svaasthya kharaab hone ke kaaran apna tripura daura radd kar diya hai. Unhein ravivaar ko raajya mein do chunaavi sabhaaon ko sambodhit karna tha. Akhil bhaarateeya Congress samiti ke mahaasachiv luijino faleriyo ne bataaya ki 14 February ko hone vaale chunaav se pehle soniya ko Agartala aur kumaaraghaat mein janasabhaaon ko sambodhit karna tha, lekin unka svaasthya kharaab hone ke kaaran yah daura radd ho gaya hai. Isse pehle, pradhaanamantri Manmohan Singh ne bhi apni yaatra radd kar di thi. Unhein shanivaar ko ambaasa aur dhalaai jilon mein logon ko sambodhit karna tha. Tripura ke party prabhaari faleriyo ne bataaya ki Congress upaadhyaksh Rahul Gandhi somvaar ko party ummeedavaaron ke paksh mein prachaar ke liye raajya mein chaar janasabhaaon ko sambodhit kareinge. Rahul uttari tripura jile ke dharmanagar, khayarapur, sipaaheejaala jile ke sonamura aur dakshini tripura jile ke shaanteerabaajaar mein railiyon ko sambodhit kareinge. Faleriyo ne kaha ki vipakshi Congress 12 February ko ek janasabha karegi. Is rally ko Congress ke ek bade keindreeya neta sambodhit kareinge, lekin unka naam tay kiya jaana baaki hai.


Australia Series Ke Liye Team India Ka Ailaan, Gambhir Baahar, Harbhajan Ki Vaapasi

Australia Series Ke Liye Team India Ka Ailaan, Gambhir Baahar, Harbhajan Ki Vaapasi

Breaking »

Mumbai: Pichhle teen saal aur 46 paariyon se test maichon mein shatak lagaane mein naakaam rahe salaami ballebaaj Gautam gambhir ko Australia ke khilaaf pehle do maichon ke liye bhaarateeya team mein naheen chuna gaya, lekin of spinner Harbhajan Singh vaapasi karne mein safal rahe. Gambhir lambe samay se lagaataar mauke milne ke baavajood achha pradarshan naheen kar paae the aur sandeep Patil ki aguvaai waali chayan samiti ne baaen haath ke is ballebaaj ko baahar karne ka kada faisala kiya. Unki jagah Delhi ke baaen haath ke ek anya ballebaaj shikhar dhavan ko Mahendra Singh Dhoni ki aguvaai waali 15-sadasyeeya team mein shaamil kiya gaya hai. Zaheer Khan, Umesh Yadav aur Irfan pathaan ke chotil hone ke kaaran uttar pradesh ke yuva tej geindabaaj bhuvaneshvar Kumar ko ek-divseeya maichon mein achha pradarshan karne ka inaam diya gaya. Ishaant sharma tej geindabaaji vibhaag ki aguvaai kareinge, jismein ashok dinda bhi shaamil hain. Suresh raina shesh Bhaarat ki taraf se Ranji champion Mumbai ke khilaaf shatak jamaane ke baavajood vaapasi karne mein naakaam rahe. Is tarah se number chhah par Ravindra jadeja ya Ajinkya rahaane mein se kisi ek ko utaara jaaega. Gambhir ki anupasthiti mein Virendra Sehwag ke saath dhavan ya murali vijay mein se kisi ek ko paari ka aagaaj karne ka jimma saunpa jaaega. Madhyakram ki jimmedaari anubhavi sachin Tendulkar ke alaava yuva cheteshvar pujaara aur viraat Kohli par rahegi. Team mein saat ballebaaj, jadeja ke roop mein ek all-rounder, wicket-keeper ke taur par Dhoni, teen spinner aur teen tej geindabaaj rakhe gaye hain. Australia ke khilaaf hamesha achha pradarshan karne vaale Harbhajan ne pichhle saal England ke khilaaf Mumbai mein aakhir test match khela tha. Iske baad unhein chauthe match se team se baahar kar diya gaya tha. Harbhajan ne ab tak 99 test maichon mein 408 wicket liye hain. Of spinner Ravichandran Ashwin aur baaen haath ke spinner pragyaan ojha fir se spin vibhaag ki aguvaai kareinge. Australia ke khilaaf pehla test match 22 February se chennai mein aur doosra test match 2 March se Hyderabad mein khela jaaega. Is beech, chayanakartaaon ne gambhir ko vaapasi ka mauka bhi diya hai. Unhein Australia ke khilaaf 16 se 18 February ke beech Australia ke khilaaf chennai mein hone vaale abhyaas match ke liye Bhaarat 'A' team mein shaamil kiya gaya hai. Gambhir is match mein Bhaarat 'A' ki aguvaai kareinge. Team is prakaar hai - Mahendra Singh Dhoni (kaptaan), Virendra Sehwag, shikhar dhavan, cheteshvar pujaara, sachin Tendulkar, viraat Kohli, Ravindra jadeja, Harbhajan Singh, Ravichandran Ashwin, Ishaant sharma, ashok dinda, bhuvaneshvar Kumar, pragyaan ojha, Ajinkya rahaane aur murali vijay. Paanch maichon ki is shrunkhala ka pehla test match 22 se 26 February ke beech chennai mein khela jaaega. Delhi ke hisse ab chautha test match aaya hai. Yah match pehle chennai mein hona tha. Delhi aur chennai ke alaava doosra test match Hyderabad mein aur teesara test match Mohali mein khela jaaega. Delhi ke Ferozshah Kotla stadium hi donon deshon ke beech border-Gavaskar trophy ke tahat October 1996 mein pehla test match khela gaya tha. Kaaryakram is prakaar hai : Pehla test : 22-26 February, chennai Doosra test : 2-6 March, Hyderabad Teesara test : 14-18 March, Mohali Chautha test : 22-26 March, nai Delhi


Figr Naheen, Mahilaaon Ke Daanton Ki Khoobsoorti Par Marate Hain Mard

Figr Naheen, Mahilaaon Ke Daanton Ki Khoobsoorti Par Marate Hain Mard

Breaking »

London: Mahilaaon aur yuvatiyon ko is baat par gaur karna chaahiye ki mard khoobsoorat figr ki bajaay motiyon se chamakate daanton waali mahilaaon ki or adhik aakarshit hote hain. Ek nae shodh mein yeh baat saamane I hai ki purush kisi mahila mein pehli cheej jo dekhte hain, vah hain uske daant. Shodh mein yeh baat bhi saamane I hai ki kisi nai mahila mitr ki khoj mein lage purush ke maapadandon mein aakarshak daant pehli vareeyata par hote hain. Shodh mein bhaag lene vaale 58 feesadi logon ne kaha ki ve mahilaaon ke daanton ki or adhik dhyaan dete hain. Iske baad baaki cheejein aati hain. Isi prakaar, 71 feesadi mahilaaon ne kaha ki ve kisi purush mein jo pehli cheej dekhti hain, vah unke daant hote hain. 'Daily mel' mein yeh khabar prakaashit hui hai.


Censor Board Ne Diya 'Murder-3 Ko You-A Pramaan Patra

Censor Board Ne Diya 'Murder-3 Ko You-A Pramaan Patra

Breaking »

Mumbai: 'Murder' shrunkhala ki teesari film 'Murder-3' ko 'You-A' pramaan patra mil gaya hai. Film ke nirdeshak vishesh bhatt ne is film mein bold scene se jyaada kahaani par jor diya hai. 2004 mein I 'Murder' mein Imran Hashmi aur mallika sheraavat ne bhoomika nibhaai thi. Iske baad 'Murder-2' mein Imran ka saath diya tha Jacqueline Fernandez ne. 'Murder' aur 'Murder-2' ko kaamuk drushyon ki vajah se censor board dvaara 'A' sertifiket jaari kiya gaya tha. Vishesh bhatt ne bataaya, mujhe lagta hai ki bold vishay ka matlab sirf kaamuk drushya hi naheen hai. Bold vishay ka matlab usaki naatakeeyata aur usaki vishay vastu ko lekar hai. Unhonne yah bhi kaha ki vishesh film mein ham jo bana rahe hain, us par ham sharminda naheen hain.


America Mein Barfeele Toofaan Se 10 Ki Maut, Saat Lakh Gharon Mein Bijli Gul

America Mein Barfeele Toofaan Se 10 Ki Maut, Saat Lakh Gharon Mein Bijli Gul

Breaking »

New York: Uttar-poorvi America aur Canada mein aae bheeshan barfeele toofaan mein 10 log maare gaye hain. Kuchh ilaake teen teen fut barf mein dab gaye hain tatha saat lakh gharon mein bijli gul hai. Portalaind aur maayane mein record barfabaari hui, jahaan gharon ke baahar 32 inch tak barf ki moti chaadar jam gayi hai. Connecticut mein teen fut barf giri hai, jiske chalte jindagi poori tarah thahar gayi hai. Bheeshan barfabaari ke kaaran sadkein avarooddh ho gayi hain, havaai adde band hain, bijli aapoorti thap hai aur paanch lakh log bina bijli ke bhayankar thand mein rahane ko majaboor hain. Inmein se maisaachusets mein chaar lakh, rohad aayalaind mein ek lakh 86 hajaar tatha Connecticut mein kareeb 39 hajaar log bina bijli ke hain. Connecticut ke Governor denel pi meloya ke havaale se sthaaneeya media mein bataaya gaya hai ki is toofaan ne pichhle saare record tod diye hain. Unhonne bataaya ki ilaakon mein se barf hataane mein kai din ka samay lagega. Unhonne saath hi bataaya ki jin ilaakon mein bijli naheen hai, vahaan heeting center sthaapit kiye ja rahe hain. Flaaitaeveyar ke anusaar shanivaar ko 2200 udaanon ko radd kar diya gaya aur pichhle do dinon mein 5800 udaanon ko radd kar diya gaya hai. Aaj bhi kai udaanon ko radd kiye jaane ki aashanka hai. Boston ke logaan international airport tatha Connecticut ke braadale international airport ko band rakha gaya hai. Akele America mein toofaan ke kaaran ek 11-varsheeya bachche samet saat log maare gaye hain. Canada ke aantoriyo mein teen logon ki maut ho gayi.


Afzal Guru Ki Faansi Par Umar Abdulla Ne Uthaae Savaal

Afzal Guru Ki Faansi Par Umar Abdulla Ne Uthaae Savaal

Breaking »

Shreenagar: Jammu-Kashmir ke mukhyamantri umar abdulla ne sansad par hamle ke doshi Afzal guru ki faansi par savaal uthaae hain. Unhonne kaha hai ki kaanooni prakriya ka sahi tarah paalan naheen kiya gaya. NDTV se khaas baatcheet mein unhonne kaha ki is faansi se Kashmiri logon ki yah dhaarana aur badegi ki unhein insaaf naheen milta. Umar abdulla ne kaha ki is baat par bhi savaal utheinge ki jin logon ko pradhaanamantri aur mukhyamantri ko maarane ke liye maut ki saja sunaai ja chuki hai, Afzal guru ko unase pehle faansi par kyon lataka diya gaya. Umar ne yah bhi kaha ki Afzal guru ke parivaar vaalon ko maut se pehle usase milne naheen dena amaanaveeya hai. Afzal guru ko faansi diye jaane ke baad Jammu−Kashmir ke kai jilon mein shanivaar se hi curfew jaari hai. Kai shaharon mein suraksha ke kade intajaam hain. Shreenagar ki sadakon par shanivaar se hi sannaata pasara hai. Sadakon par sirf suraksha bal aur police ke javaan gasht laga rahe hain. Curfew ki vajah se yahaan ke logon ko khaasi pareshaani ka saamana karna pad raha hai.