Mahilaaon Par Vivaadit Bayaan Aazmi Ne Kiya Maafi Maangane Se Inkaar

Mahilaaon Par Vivaadit Bayaan Aazmi Ne Kiya Maafi Maangane Se Inkaar

Breaking »

Nai Delhi: Mahilaaon ke baare mein apne bayaan ko lekar ghire SP neta abu aazmi ne maafi maangane se inkaar kiya aur kaha ki lokatantr mein har kisi ko apni baat rakhane ka hak hai. Samaajavaadi party ke neta abu aazmi ne apne bayaan par maafi maangane se inkaar kiya hai. Aazmi ne kaha tha ki mahilaaon ko apne pati, pita ya bhaai ke saath hi baahar jaana chaahiye, haalaanki unke bayaan par unke bete ne maafi maangi thi, lekin aazmi ka kehna hai ki lokatantr mein har kisi ko apni baat rakhane ka hak hai.


Maut Aur Aayakar Se Bacha Naheen Ja Sakta Amitabh Bachchan

Maut Aur Aayakar Se Bacha Naheen Ja Sakta Amitabh Bachchan

Breaking »

Mumbai: Bollywood abhineta Amitabh Bachchan ko Supreme court ne aayakar bhugataan ke maamale mein saman bheja hai. Bollywood ke mahaanaayak kahe jaane vaale big bi ne kaha hai ki vah nyaayaalaya ke aadeshon ka paalan kareinge. Aayakar vibhaag ne yaachika daakhil ki hai, jismein big bi ko saal 2001-02 mein apne TV kaaryakram 'Kaun banega karodpati' ke liye 1.66 karod ki aayakar raashi ka bhugataan karne ko kaha gaya hai. Amitabh ne kaha, jeevan mein do baatein avashyambhaavi hain, maut aur aayakar. Khair, main nyaayaalaya ke niyamon ka paalan karoonga. Amitabh film 'Jolly LLB' ki pratham jhalak ke anaavaran ke avsar par maujood the. Film bhaarateeya nyaaya vyavastha ke baare mein hai. Amitabh ne kaha ki saubhaagya se unhein kabhi bhi is tarah ki mushkilon ka saamana naheen karna pada hai. Film mein Amitabh ke alaava abhineta Arshad vaarasi, amruta Rao va boman Irani bhi mukhya bhoomika mein hain.


Shaheedon Ke Shav Jammu Pahunche, Pakistan Ne Aaropon Ko Bataaya Galat

Shaheedon Ke Shav Jammu Pahunche, Pakistan Ne Aaropon Ko Bataaya Galat

Breaking »

Islamabad: Pakistan ki amaanaveeya kartoot se shaheed hue laansanaayak sudhaakar Singh aur laansanaayak Hemraj ke shav Jammu laae gaye hain. Postmortem ke baad in shaheedon ke shavon ko Delhi laaya jaaega aur yaheen se shavon ko unke prutak nivaas par bheja jaaega. Udhar, Pakistan ne Bhaarat ke aaropon ko galat bataaya hai. Is silsile mein Bhaarat aur Pakistan ke sainya operations ke mahaanideshakon ki baithak hui, jiske baad Pakistan ne Bhaarat ke in aaropon ko khaarij kar diya ki Pakistan ke javaanon ne niyantran rekha ko paar kar kisi bhaarateeya sainik ko maara hai. Pakistan ne kaha hai ki jameen par haalaat ka jaayaja lene aur jaanch ke baad Bhaarat ke aarop sahi naheen paae gaye hain. Pakistan ne ise bhaarateeya fauj ka dushprachaar karaar diya hai.


Pak Ne Niyantran Rekha Paarakar Hamla Karne Ka Khandan Kiya

Pak Ne Niyantran Rekha Paarakar Hamla Karne Ka Khandan Kiya

Breaking »

Islamabad: Pakistan ki sena ne Budhvaar ko Bhaarat ke us daave ko khaarij kar diya, jismein usane kaha tha ki Pak sainikon ne Bhaarat ke ek gashti dal par hamla kar do sainikon ki hatya kar di. Usane daava kiya ki usane jameeni pushti ki hai aur paaya hai ki is tarah ka kuchh bhi naheen huaa tha. Pakistani paksh ne yah baat donon pakshon ke sainya abhiyaan mahaanideshakon (DGMO) ke beech telephone par baatcheet ke dauraan kahi. Pakistani sena ke ek adhikaari ne naam naheen bataane ki shart par kaha ki Pakistani ke DGMO major general Ashfaq nadeem ne apne bhaarateeya samakaksh vinod Bhatia se hotline par baatcheet ki aur niyantran rekha ko paarakar Pakistani sainikon dvaara kisi bhaarateeya javaan ke hatya ke bhaarateeya sena ke aarop ko khaarij kar diya. Sainya adhikaari ne kaha, bhaarateeya adhikaariyon ko soochit kiya gaya hai ki Pakistan ne jameeni pushti ki, jaanch ki aur paaya ki is tarah ka kuchh bhi naheen huaa, jaisa ki Bhaarat ne aarop lagaaya hai.


Pakistan Mein Aatankiyon Ne Apahrut Sikh Ka Sir Kalam Kiya

Pakistan Mein Aatankiyon Ne Apahrut Sikh Ka Sir Kalam Kiya

Breaking »

Islamabad: Pakistan ke kabeelaai khabar agency mein ek aatanki samooh ne ek maheene pehle pratidvandvi gut ke liye jaasoosi karne ke aarop mein apahrut mohindar Singh naam ke sikh ka sir kalam kar diya hai. Media ki khabaron mein Budhvaar ko 40-varsheeya mohindar Singh ki hatya ki khabarein prasaarit hui hain. Pichhle saal 20 November ko agyaat bandookdhaariyon ne Singh ko khabar agency ke tabbi gaanv sthit unki dukaan se agava kar liya tha. Singh ayurvedik davaaon ke vikreta the, jo pashchimottar Pakistan mein sikhon ka aam pesha hai. 'Don' akhbaar ne naam ujaagar kiye bagair adhikaariyon ke havaale se khabar di hai ki aatankiyon ne mangalvaar ko Singh ka sir dhad se alag kar aur kshat-vikshat karne ke baad ek bore mein daalkar khabar agency ke jaakhaakhel baajaar mein feink diya. Adhikaariyon ne bataaya ki tauhidul islaam naam ke ek aatanki samooh ne is hatya ki jimmedaari li hai. Mohindar Singh ke shav ke saath rakhe ek patra mein kaha gaya hai ki unhein pratidvandvi aatanki samooh lashkar-A-islaam ke liye jaasoosi karne ke kaaran maara gaya. Singh ke bhaai daasavant Singh ne unke shav ki pehchaan ki aur kaha, hamaari kisi se koi dushmani naheen thi aur chhah dashak se bhi adhik samay se khabar agency mein shaantipoorvak rah rahe hain. Unhonne bataaya ki unke bhaai ke nau bachche hain, jinmein ek beta poliograst hai. Unhonne sarkaar se alpasankhyakon ki raksha aur parivaar ke liye muaavaje ki maang ki.


10 Saal Mein Pehli Baar Rel Kiraayon Mein Badhotri Ka Ailaan, 21 January Se Laagoo

10 Saal Mein Pehli Baar Rel Kiraayon Mein Badhotri Ka Ailaan, 21 January Se Laagoo

Breaking »

Nai Delhi: Rel kiraayon mein 10 saal mein pehli baar badhotri ki gayi hai. Saadhaaran rel kiraaye mein 2 se 4 paise prati kilometer ki badhotri ki gayi hai, jabki sleeper class mein yah vruddhi 6 paise prati kilometer hogi. Badhe hue rel kiraaye 21 January se laagoo ho jaaenge. Rel mantri pavan Kumar bansal ne kiraaye badhaane ko majaboori bataate hue yah bhi ghoshana ki ki ab rel bajat mein kiraaye naheen badhaae jaaenge. Saadhaaran dviteeya shreni upanagareeya mein do paise prati kilometer, saadhaaran dviteeya shreni mein teen paise tatha mel express trainon ke saadhaaran dviteeya shreni ke kiraayon mein chaar paise prati kilometer ki vruddhi ki gayi hai. Iske alaava AC three tier aur AC chair car ke kiraayon mein 10 paise prati kilometer tatha AC too tier ke kiraayon mein 15 paise prati kilometer ki vruddhi ki gayi hai. AC first class shreni ke kiraayon mein yah vruddhi 30 paise prati kilometer hogi.


Delnaz Irani 'Big Boss Ke Ghar Se Baahar

Delnaz Irani 'Big Boss Ke Ghar Se Baahar

Breaking »

Mumbai: TV reality sho 'Big boss' ka chhatha season shuroo se hi hairaan kar dene waali ghatnaaon se labarej raha hai, aur aisi hi ek ghatna mein mangalvaar aadhi raat ko Delnaz Irani ko big boss ke ghar se baahar jaane ke liye kah diya gaya. Mangalvaar ki raat ko big boss ne bache hue sabhi chhah pratiyogiyon ko garden area mein ikattha kiya aur bataaya ki unamein se ek ko baahar bheja ja raha hai. Iske baad Delnaz aur unke poorv pati Rajiv paul ko alag-alag do stoolon par khada kar diya gaya, aur ghoshana ki gayi ki choonki Delnaz ko sabse kam vote haasil hue hain, isliye unhein nikaala ja raha hai. Delnaz ka is sho se baahar jaana sabhi ko hairaan kar gaya hai, kyonki vah October mein sho ki shuruaat se hi kaafi narami se pesh aati rahi hai. Darshakon mein pehle hi sho se baahar ja chuki abhinetri aashka goraadiya ke kaafi kareeb raheen Delnaz ke vijeta banane ki atkalein bhi lagaai ja rahi theen. Ab big boss ke ghar mein paanch pratiyogi - sana Khan, Rajiv paul, urvashi dholakiya, imaam Siddiqui aur niketan madhok - bache hain, jinke beech 50 lakh rupaye ki inaami raashi ke liye mukaabala jaari rahega. Sho ka finale shanivaar ko hoga.


Korea Open Badminton Saaina, Sindhu Aur Kashyap Doosare Daur Mein

Korea Open Badminton Saaina, Sindhu Aur Kashyap Doosare Daur Mein

Breaking »

Nai Delhi: Victor Korea open-2013 badminton pratiyogita mein hissa le rahe teenon bhaarateeya-saaina Nehwal, PV sindhu aur paaroopalli kashyap apne-apne match jeetkar doosare daur mein pahunch gaye hain. Saaina ne Budhvaar ko khele gaye mahila ekal varg ke pehle daur ke mukaabale mein Thailand ki saapseeri taaeratenaachaai ko 17-21, 21-9, 21-19 se paraajit kiya. Teesari vareeyata praapt Saina ne yah match 58 minute mein jeeta. Saaina aur saapseeri ke beech yah chautha mukaabala tha. Isse pehle bhi teenon baar Saina vijayi rahi hain. Agale daur mein saaina ka saamana Singapore ki mingatiyaan foo se hona hai. Foo aur Saina ke beech ab tak teen baar bhidant hui hai aur teeno hi baar Saina jeeti hain. Mahila varg mein hi sindhu ko apna mukaabala jeetne mein koi dikkat naheen hui. Sindhu ne Indonesia ki udaaveni faanetri ko 22-20, 21-16 se haraaya. Gair-vareeyata praapt sindhu ne yah match 42 minute mein apne naam kiya. Donon ke beech yah teesara mukaabala tha. Sindhu do baar vijayi rahi hain jabki udaaveni ne ek baar baaji maari hai. Sindhu ka doosare daur mein Thailand ki pornatip buraanaapraatesuk se saamana hona hai. Sindhu aur pornatip ke beech ab tak do mukaabale hue hain, jinmein sindhu ki jeet hui hai. Purush varg mein kashyap ko bhi England ke Rajiv aausep ko haraane mein dikkat pesh naheen I. London olympic mein quarter final tak ka raasta tay kar chuke kashyap ne yah match 21-19, 21-16 se jeeta. Kashyap ne yah match 37 minute mein jeeta. Vishv ke 32vein vareeya Rajiv aur 14vein vareeyata praapt kashyap ke beech yah teesara match tha. Do baar kashyap jeete hain jabki ek baar Rajiv ne jeet haasil ki hai. Kashyap doosare daur mein Hongkong ke you hoo se bhideinge. Hoo ko saataveen vareeyata di gayi hai. Hoo aur kashyap ke beech ab tak ek baar bhidant hui hai, jismein hoo ki jeet hui hai.


Himachal Ke Faraar Vidhaayak Ramkumar Ne Kiya Surrender

Himachal Ke Faraar Vidhaayak Ramkumar Ne Kiya Surrender

Breaking »

Chandigarh: Hatya ke maamale mein kai hafton se faraar Himachal pradesh ke navanirvaachit Congressi vidhaayak Ram Kumar chaudhari ne mangalvaar ko panchakula ki ek adaalat mein aatmasamarpan kar diya. Haryana sarkaar ne is faraar vidhaayak ki soochana dene vaale ko do lakh rupaye ka inaam dene ki ghoshana ki thi. Hariyaan police ke atirikt mahaanideshak KK sharma ne bataaya ki vidhaayak ne aaj panchakula ke mukhya nyaayik dandaadhikaari ke samaksh aatmasamarpan kiya. Chaudhari ko baad mein panchakula ki ek adaalat mein pesh kiya gaya jahaan se chaudhari ko chhah din ki nyaayik hiraasat mein bhej diya gaya hai. Himachal pradesh Congress samiti ke mahaasachiv chaudhari ko haal hi mein doon vidhaanasabha kshetr se jeet haasil hui hai. Gaurtalab hai ki panchakula mein 22 November ko Punjab ke Hoshiarpur ki jyoti naam ki ladki mrut paai gayi thi aur Haryana police isi maamale mein chaudhari ki talaash kar rahi thi. Ladki ki postmortem report mein sir mein jakhm ke kaaran maut hone ki baat saamane I aur uske mobile phone ki jaanch se police ko chaudhari par shak huaa. Ladki ke pita booti Ram ne Haryana police mein darj karaai shikaayat mein aarop lagaaya hai ki chaudhari ka unki beti se najadeeki sambandh tha aur hatya mein usaki bhoomika ho sakti hai.


Delhi Ki Saamoohik Balaatkaar Peedita Ke Liye London Mein Pradarshan

Delhi Ki Saamoohik Balaatkaar Peedita Ke Liye London Mein Pradarshan

Breaking »

London: Delhi ki saamoohik balaatkaar peedita ke liye nyaaya ki maang karte hue London mein saikadon logon ne bhaarateeya uchchaayog ke baahar pradarshan kiya. Haathon mein takhtiyaan pakade ye log peedita ke liye nyaaya ki maang kar rahe the. Is pradarshan ka aayojan London ke moolanivaasi alpasankhyak mahila adhikaar samooh 'Saauthahaal black sistars' ne kiya tha. Pradarshan mein vibhinn prushthabhoomi ke purush aur mahilaaen shaamil theen. Gaurtalab hai ki nai Delhi mein gat 16 December ki raat chalti bas mein 23 varsheeya paramedical chhaatra se saamoohik balaatkaar kar use gambhir roop se ghaayal kar diya gaya tha. 29 December ko ladki ki Singapore ke aspataal mein maut ho gayi thi. Pradarshan mein british Asiaee film nirmaata gurindar chadda tatha unke lekhak pati paul maayeda berjes bhi the. Gurindar ne kaha, main isliye yahaan I hoon, kyonki is aparaadh ne mujhe gahre tak hila diya hai. Bhaarat kai maayanon mein bahut hi achha desh hai, jahaan aam janta anyaaya ke khilaaf poori taakat se aavaaj uthaati hai, lekin jab tak sarkaar unki ummeedein poori naheen karti tab tak ladaai poori naheen hogi. Madhya London mein India house ke aaspaas yaataayaat vyavastha ko suchaaroo rakhane aur bheed ko aniyantrit hone se rokane ke liye police adhikaari maujood the. Pradarshanakaari 'Vi want Justice' aur 'Halla bol' jaise naare laga rahe the. Takhtiyon par likha tha ki Bhaarat sarkaar doshiyon ko kadi se kadi saja day. Teen ghante tak chala yah pradarshan shaantipoorn tha. London school of economics ke chhaatron ne bhi pradarshan mein hissa liya. Inmein se 21 varsheeya ek chhaatr ne kaha, is ghatna ko lekar ekajutata dikhaana mahatvapoorn hai. Balaatkaar vishvavyaapi samasya hai aur stabdh kar dene waali yah ghatna bataati hai ki kam se kam ab to thos kadam utha hi lena chaahiye. LSE gender sansthaan ling aadhaarit hinsa ke mudde par London mein hone waali ek baithak ka samarthan kar raha hai. Baithak ka aayojan 23 January ko uske hi parisar mein vibhinn mahila sangathan kar rahe hain. 'Saauthahaal black sistars' ki raahila gupta ne kaha, Bhaarat mahaashakti banana chaahata hai, lekin usaki mahatvaakaanksha par aisi ghatnaaen asar daal sakti hain. Ham chaahate hain ki hamesha mahilaaon par tootane vaale is kahar ko roka jaae. Bhaarat ke paas balaatkaar sambandhi kaanoon hai aur sabse badi jaroorat iske kaaragar tareeke se kaaryaanvayan ki hai. Britain ke vibhinn sangathanon. . 'End violence against woman national koelishn', 'Nyoohaim asian woman'S project' aur 'South Asia saulideriti' aadi ne 'Saauthahaal black sistars' ki is pahal ka samarthan kiya hai. 'South Asia saulideriti' ne yahaan ganatantr diwas par bhi pradarshan ki yojana banaai hai. Peedit ki 29 December ko Singapore mein maut ki khabar aane ke baad se vibhinn dakshin Asiaee samoohon dvaara shokasabhaaon tatha mombatti juloos ka aayojan jaari hai.


Jharkhand Mukhyamantri Arjun Munda Ne Raajyapaal Ko Saunpa Isteefa

Jharkhand Mukhyamantri Arjun Munda Ne Raajyapaal Ko Saunpa Isteefa

Breaking »

Nai Delhi: Jharkhand mein mukhyamantri arjun munda ne raajyapaal ko isteefa saunpakar vidhaanasabha bhang karne ki sifaarish ki hai. Gaurtalab hai ki Jharkhand mukti morcha (jhaamumo) ke gathabandhan se baahar aane ke saath hi somvaar ko raajya mein bhaajapa neet arjun munda sarkaar alpamat mein aa gayi aur mukhyamantri ki adhyakshata mein hui cabinet ki baithak mein vidhaanasabha bhang karne ki sifaarish karne ka faisala liya gaya. Isse poorv bhaajapa aur jhaamumo ke beech satta hastaantaran ko lekar vivaad paida ho gaya tha. Jhaamumo pramukh shiboo soren ne kaha tha ki humne arjun munda sarkaar se samarthan vaapas le liya hai. Ham mangalvaar ko raajyapaal se mulaakaat kareinge aur samarthan vaapasi ka patra saunpeinge. Unhonne kaha ki bhaajapa ke saath dosti ki koi sambhaavana naheen hai. Jhaamumo supreemo shiboo soren ke bete aur raajya ke upamukhyamantri hemant soren ne kaha tha, "Humne aaj (somvaar ko) sarkaar se samarthan vaapas le lene ka faisala liya. " Gaurtalab hai ki gathabandhan mein daraar tabhi se dikhne lagi thi jab 3 January ko arjun munda ne jhaamumo ko likhit uttar mein donon dalon ke beech 28 maah baad satta hastaantarit karne ka koi samjhauta hone se inkaar kar diya. 28 maah ki avadhi 10 January ko poori ho jaaegi. Munda sarkaar mein upamukhyamantri hemant soren samet jhaamumo ke paanch mantri hain. September 2010 ko jhaamumo ke 18 vidhaayakon ke samarthan se bhaajapa neet munda sarkaar ka gathan huaa tha. 82 sadasyeeya raajya vidhaanasabha mein bhaajapa ke bhi 18 vidhaayak hain. Iske alaava party ko akhil Jharkhand chhaatr sangh (aajsoo) ke chhah aur jadayoo ke do vidhaayakon ka samarthan haasil hai. Vidhaanasabha mein Congress ke 12, Jharkhand vikaas morcha-prajaataantrik ke 11, raajad ke chhah aur anya chhote dalon va nirdaleeya vidhaayak hain. Jhaamumo ab Congress ke samarthan se sarkaar gathan ke prayaas mein hai. Somvaar ko pradesh Congress adhyaksh pradeep baalamuchu ne Congress adhyaksh soniya Gandhi se mulaakaat ki thi.


Sensex 51 Ankon Ki Teji Ke Saath Band

Sensex 51 Ankon Ki Teji Ke Saath Band

Breaking »

Mumbai: Desh ke share baajaaron mein mangalvaar ko teji rahi. Pramukh soochakaank Sensex 51.10 ankon ki teji ke saath 19,742.52 par aur Nifty 13.30 ankon ki teji ke saath 6,001.70 par band huaa. Mumbai stock exchange (BSE) ka 30 sheyaron par aadhaarit samvedi soochakaank Sensex 10.04 ankon ki giraavat ke saath 19,681.38 par khula aur 51.10 ankon ya 0.26 feesadi teji ke saath 19,742.52 par band huaa. National stock exchange (NSE) ka 50 sheyarone par aadhaarit samvedi soochakaank Nifty 4.95 ankon ki giraavat ke saath 5,983.45 par khula aur 13.30 ankon ya 0.22 feesadi teji ke saath 6,001.70 par band huaa. Nifty ne dinbhar ke kaarobaar mein 6,007.05 ke oopari aur 5,964.40 ke nichle star ko chhuaa. BSE ke midcap aur smallcap soochakaankon ka milaajula rukh raha. Midcap 4.61 ankon ki teji ke saath 7,336.11 par aur smallcap 22.54 ankon ki giraavat ke saath 7,634.80 par band huaa. BSE ke 13 mein se saat sectoron mein teji rahi. Realty (1.22 feesadi), tej khapat waali upabhokta vastu (1.07 feesadi), svaasthya seva (0.73 feesadi), bijli (0.63 feesadi) aur banking (0.13 feesadi) mein sabse adhik teji rahi.


Mesi Record Chauthi Baar FIFA Ke Sarvashreshth Footballer Bane

Mesi Record Chauthi Baar FIFA Ke Sarvashreshth Footballer Bane

Breaking »

Zurich: Pichhle saalabhar behatareen pradarshan karne vaale Argentina ke striker liyonel mesi ne record lagaataar chauthi baar FIFA ke sarvashreshth khilaadi ka puraskaar jeeta. Mesi ne is daud mein Barcelona ke apne saathi Andres Iniesta aur reeyaal Madrid ke Christiano Ronaldo ko pachhaada. Mesi ko 41.60 pratishat vote mile jabki Ronaldo ko 23.68 aur Iniesta ko 10.91 pratishat vote pade. Mesi aur France ke Michael plaatini hi akele khilaadi the jo lagaataar teen baar yah puraskaar jeet chuke hain. Holland ke johaan kraf aur Marco vaan Basten ko teen baar yah puraskaar mila hai. Spain ke Vincent Dale bosk ko varsh 2012 ka sarvashreshth coach chuna gaya. Unhonne reeyaal Madrid ke jos morinho aur Barcelona ke poorv coach Joseph Guardiola ko pachhaada. Mesi ke liye yah saal behatareen raha jinhonne la liga mein sarvaadhik 25 gol kiye. Unhonne ek calendar varsh mein sarvaadhik gol ka gard moolar ka 40 saal puraana record bhi toda. Mesi ne beete saal har spardha mein milaakar kul 91 gol kiye. Mesi ne kaha, ''Ek baar fir puraskaar jeetkar achha laga. Har puraskaar khaas hai. Yahaan koi yah sochakar naheen aata ki use hi puraskaar milega. ' Mesi ne kaha, 'Main yah puraskaar Barcelona ke apne saathiyon khaaskar Andres ke saath baantana chaahoonga. '' unhonne kaha, ''Mujhe fakhr hai ki mujhe uske saath khelne ka mauka mila. Main Argentina team ke apne saathi khilaadiyon ko bhi yaad karoonga. Mere liye jinhonne bhi vote kiya, un sabhi kaptaanon aur coachon ko bhi dhanyavaad. '' Pichhle saal November mein pita bane mesi ne kaha, ''Mere parivaar, doston, patni aur bete ko bhi dhanyavaad. ' Portugal ke kaptaan Ronaldo ne bhi 2008 mein yah puraskaar jeeta hai. Iniesta ko is baat se santosh karna hoga ki vah ek vishwacup aur do Euro cup jeet chuke hain jabki antararaashtreeya star par mesi ko utani kaamayaabi naheen mili hai. Football panditon ka maanana hai ki jab tak vah Argentina ke liye badi upalabdhi haasil naheen karte, unki tulana pele ya Diego Maradona se naheen ho sakti. Fairplay puraskaar Uzbekistan football mahaasangh ko mila jabki FIFA adhyaksh ka ek vishesh puraskaar Germany ke mahaan khilaadi freinj Beckenbauer ko diya gaya.


Priyanka Chopra Meri Pasandeeda Abhinetri Arjun Kapoor

Priyanka Chopra Meri Pasandeeda Abhinetri Arjun Kapoor

Breaking »

Mumbai: Abhineta arjun Kapoor anuraag Basu ki 'Barfi' mein Priyanka Chopra ka abhinay dekhkar na sirf unke kaayal ho gaye hain, balki vah ab unki pasandeeda abhinetri ban gayi hain. 28varsheeya arjun ne ji cine award ke mauke par kaha, is saal ki sarvashreshth abhinetri Priyanka hain, unhonne 'Barfi' mein gajab ka abhinay kiya hai isliye vah 2012 ki meri pasandeeda abhinetri hain. 'Barfi' mein Priyanka ne ek autistic ladki ki bhoomika nibhaai hai aur is kirdaar ke liye unki kaafi saraahana hui thi. Pasandeeda gaane ke baare mein poochhe jaane par arjun ne kaha, mera pasandeeda gaana 'Agnipath' ka 'Deva shreeganesha' raha hai. Main roj vyaayaam karte samay ye gaana sunata hoon. Arjun ne 2012 mein film 'Ishaqzaade' ke liye 40-50 kilo vajan kam kiya tha aur in dinon vah Ali Abbas Jaffrey ki film 'Gunde' ke liye shooting kar rahe hain.


Constable Tomar Ki Maut Amit, Kailash The Metro Station Par

Constable Tomar Ki Maut Amit, Kailash The Metro Station Par

Breaking »

Nai Delhi: Delhi police ke constable subhaash tomar ki maut ke maamale mein pakade gaye aaropiyon mein se do amit Joshi aur Kailash Joshi ghatna ke vakt India gate par naheen, Rajiv chauk metro station par the. Bata dein ki Delhi police ne inhein subhaash tomar ki hatya ka aaropi bataakar inke khilaaf 302 ka case darj kiya tha. Crime branch ne metro prashaasan se CCTV footage baraamad kar liya hai. Ab police India gate par hui ghatna aur metro ke footage ke samay ka Milan kar rahi hai. In donon ne Patiala house court mein appeal ki thi ki ve ghatna ke samay rohini se Connaught plate tak metro mein safar kar rahe the. Police ne jab inhein rohini court mein pesh kiya tha tab inhonne bataaya tha ki police inhein jabaradasti fansa rahi hai. Inka kehna hai ki donon hi Rajiv chauk metro station par the.


England Se Haar Ka Badla Lene Ke Liye Achha Khelna Hoga Yuvraj Singh

England Se Haar Ka Badla Lene Ke Liye Achha Khelna Hoga Yuvraj Singh

Breaking »

Nai Delhi: Bhaarateeya cricketer Yuvraj Singh ne kaha ki England ke khilaaf aagaami ekadivseeya shrunkhala mein bhaarateeya team ke paas test maichon mein mili haar ka badla chukta karne ka sunahara mauka rahega. Is all-rounder ne kaha, England ne haal mein test shrunkhala mein hamein haraaya. Unki team achhi hai. Hamein unhein haraane aur apni haar ka badla chukta karne ke liye achha khelna hoga. Yuvraj apni form se santusht hain aur unhein ummeed hai ki vah paanch maichon ki shrunkhala mein badi paari khelne mein safal raheinge. Unhonne kaha, main achhi tarah se geind khel raha hoon aur abhi tukadon mein achha pradarshan kar raha hoon. Main ti-20 mein achhi form mein hoon aur ummeed hai ki shrunkhala mein lambi paari khelne mein safal rahoonga. England ke ballebaaj kevin Peterson ne kaha ki bhaarateeya line-ap mein Yuvraj khatarnaak khilaadi hain. Unhonne kaha, vah bhaarateeya line ap mein sabse vidhvansak ballebaaj hai. Hamein use jaldi out karna hoga naheen to vah hamaare haath se match chheen lega. Peterson ne kabhi Yuvraj ko 'Paai chakar' kah diya tha. Is bhaarateeya ballebaaj ke saath apne sambandhon ke baare mein unhonne kaha, ham maidaan par pratidvandvi hain, lekin maidaan ke baahar achhe dost. Lekin maidaan par vah mujhe out karne ki koshish karega aur main bhi aisa karoonga. Bhaarat aur England ke beech pehla ekadivseeya match 11 January ko Rajkot mein khela jaaega.


Apni Trophy Bhaarat Mein Hi Bhool Gaye Jamshed Naasir

Apni Trophy Bhaarat Mein Hi Bhool Gaye Jamshed Naasir

Breaking »

Karachi: Bhaarat ke khilaaf haal mein samaapt hui ekadivseeya shrunkhala mein do shatak jadne vaale Pakistan ke star ballebaaj naasir Jamshed main of the series ki apni trophy saath laana bhool gaye. Pehle do maichon mein shatak jadne vaale Jamshed aur Pakistani team ka Karachi mein shaanadaar svaagat kiya gaya. Pakistan ne yah shrunkhala 2-1 se jeeti thi. Jamshed ne kaha, havaai adda pahunchane ki jaldabaaji mein main apni trophy bhool gaya, lekin team prabandhan ne kaha hai ki vah mujhe jald hi mil jaaegi. Unhonne kaha, lekin hamaara jo svaagat huaa hai vah vaastav mein dil ko chhoone vaala hai. Isse pata chalta hai ki hamaare liye yah series jeetni kitni mahatvapoorn thi. Jamshed ne kaha ki shrunkhala mein unhonne jo do shatak lagaae usase unka aatmavishvaas badhega. Unhonne kaha, lekin main apni ballebaaji mein sudhaar ke liye fir se Inzamam-ul-hak aur Saeed Anwar se tips loonga.


Niyantran Rekha Ullanghan Par Pakistan Ne Jataaya Virodh

Niyantran Rekha Ullanghan Par Pakistan Ne Jataaya Virodh

Breaking »

Islamabad: Pakistan ne somvaar ko Bhaarat ke saamane apna virodh darj karaaya jismein usane bhaarateeya sena par Kashmir mein sthit ek Pakistani post par akaaran goleebaari karne ka aarop lagaaya hai. Bhaarat ne aaropon ka khandan kiya hai. Bhaarat ke upauchchaayukt gopaal baagle ko videsh mantraalaya bula kar virodh patra thamaaya gaya. Jeeo news ne yah report di hai. Pakistan ne kaha hai ki ravivaar ko Hajipeer sector mein post par hamla niyantran rekha (LOC) ka ullanghan hai. Yah rekha Kashmir ko Bhaarat aur Pakistan ke beech baantati hai. Videsh mantraalaya ke ek bayaan mein kaha gaya hai ki Bhaarat sarkaar se bhavishya mein is prakaar ki ghatna naheen hone dene ka upaaya karne ke liye kaha gaya hai. Pakistan ne bhaarateeya sena par ravivaar ke hamle mein ek Pakistani sipaahi ko maar giraane ka aarop lagaaya hai. Bhaarat ne Pakistan ke aaropon ka yah kehte hue khandan kiya hai ki pehle Pakistani sena ne niyantran rekha ke sameep bhaarateeya naagrik par mortar se gole daage. Bhaarateeya adhikaari ne Pakistani rangeron par uri sector ke Hajipeer ilaake mein bhaarateeya morche par akaaran mortar se gola daagane ka aarop lagaaya hai. Shreenagar mein ek raksha pravakta ne IANS ko bataaya, "Hamaari tukadi ne jordaar javaabi kaarravaai ki jiske baad Pakistan ki or se ho rahi golaabaari thami. " Pravakta ne kaha ki Pakistani golaabaari ka maksad Pakistan se Kashmir ghaati mein ghuspaith karne vaale aatankvaadiyon ki madad karna tha, lekin bhaarateeya tukadi ne unki mansha par paani fer diya.


Arthashaastriyon Ne Chidambaram Ko Ameeron Par Jyaada Kar Lagaane Ka Sujhaav Diya

Arthashaastriyon Ne Chidambaram Ko Ameeron Par Jyaada Kar Lagaane Ka Sujhaav Diya

Breaking »

Nai Delhi: Desh ke pramukh arthashaastriyon ne sarkaar ko bade ameeron par adhik kar lagaane, laghu bachat yojanaaon ko protsaahan dene aur mudraasfeeti dar ko chaar se paanch pratishat par laane ke liye har sambhav prayaas karne ko kaha hai. Vittamantri pi. Chidambaram ke saath bajat poorv charcha mein bhaag lete hue arthashaastriyon ne sarkaar ka raajasv badhaane tatha raajakosheeya ghaate par ankush lagaane ke liye viraasat kar ki shuruaat karne aur kar aadhaar ka vistaar karne par bhi jor diya. Chidambaram ne isse pehle arthashaastriyon se bajat ke baare mein sujhaav aamantrit karte hue kaha ki Euro-kshetra aur America mein hue aarthik ghatnaakram aur raajeenatik uthaapatak se vishv arthavyavastha par asar pada hai. Unahonne kaha ki baharahaal, sarkaar dvaara uthaae gaye kadamon ki badaulat baajaar dhaarana mein kuchh badlaav aaya hai aur America mein raajakosheeya sankat ka samaadhaan hone se bhi baajaar dhaarana par sakaaraatmak asar pada hai. Chidambaram ne kaha ki mushkil daur nikal chuka hai aur ab sarkaar ka dhyaan uchch aarthik vruddhi haasil karne par hai. Arthashaastriyon ke saath baithak ke baad jaari aadhikaarik vigyapti mein kaha gaya hai ki sarkaar ko bade ameeron par adhik kar lagaana chaahiye. Kar aadhaar ka vistaar hona chaahiye aur kar kaanoonon ka sakhti se paalan kiya jaana chaahiye. Aay chhupaane vaale aur adhik aay hone ke baavajood kam kar ka bhugataan karne vaalon ko dandit kiya jaana chaahiye. Pradhaanamantri ki aarthik salaahakaar parishad ke adhyaksh si rangaraajan ne bhi haal hi mein bade dhanaadhyon par adhik kar lagaane ka sujhaav diya hai. Unhonne kaha ki ek seema se adhik kamaai karne vaalon par oonchi dar se kar lagaaya jaana chaahiye.


8veen Manjil Se Bachcha Gira, Barf Ke Kaaran Bachi Jaan

8veen Manjil Se Bachcha Gira, Barf Ke Kaaran Bachi Jaan

Breaking »

Kiwi: Ukraine ke khaarakov shahar mein teen varsheeya ek bachcha 8veen manjil se gir gaya, lekin neeche barf ke vishaal dher ke kaaran vah surakshit bach gaya. Aantarik mantraalaya ne yah jaankaari di hai. Samaachaar agency RIA novosti ke anusaar, bachcha apni maan ki anupasthiti mein kamre ki khidki kholkar neeche jhaank raha tha, aur isi dauraan vah khidki se neeche gir gaya. Mantraalaya ne kaha, bachcha khidki ke neeche barf ke vishaal dher par gir pada. Vah jeevit tha aur use turant aapaatkaaleen chikitsa aspataal le jaaya gaya. Chikitsakon ne kaha ki bachche ki haalat gambhir hai, lekin sthir hai.


CCTV Mein Kaid Hisaar Mein Ladki Se Chhedchhaad, Bachaane Vaale Ki Pitaai

CCTV Mein Kaid Hisaar Mein Ladki Se Chhedchhaad, Bachaane Vaale Ki Pitaai

Breaking »

Hisaar: Delhi mein hue gang-rape ke chalte deshbhar logon mein gussa hai lekin, iske baavajood aisi vaaradaat thamane ka naam naheen le rahi hai. Haryana ke hisaar mein do log sareaam raah chalti ladki ko chhed rahe hain aur unhein is baat ka bhi andaaza naheen hai ki unki ye harkat CCTV camere mein kaid ho rahi hai. CCTV ki tasveeron mein saaf dekha ja sakta hai ki ladki apne college se nikal rahi hai aur do yuvak usaka peechha kar rahe hain. Iske baad ye us ladki ka haath pakadate hain, fir mobile chheente hain aur jab paas ka ek dukaanwala ladki ko inke changul se chhudaane ki koshish karta hai to usaki buri tarah pitaai kar dete hain. CCTV par poora maamala hone ke baavajood police abhi tak kisi ko giraftaar naheen kar paai hai. Police ne kai dhaaraaon ke tahat aaropiyon ke khilaaf maamala darj kar liya hai.


Jeet Ke Saath Nae Satr Ki Shuruaat Karna Chaahegi Saaina Nehwal

Jeet Ke Saath Nae Satr Ki Shuruaat Karna Chaahegi Saaina Nehwal

Breaking »

Nai Delhi: Beete saal kai safalataaen arjit karne ke baad saaina Nehwal nae saal ki shuruaat sol mein shuroo ho rahi Korea super series mein jeet ke jariye karna chaahegi. Saaina ne pichhle saal London olympic mein kaansya padak jeeta, jo badminton mein Bhaarat ka pehla olympic padak hai. Ab usaki najarein ol England aur vishv championship khitaab par hai. Duniya ki teesare number ki khilaadi saaina ko Korea open mein achha draw mila hai. Use pehle daur mein Thailand ki sepasiri taaeraattanaachaai se khelna hai. Quarter final mein usaki takkar chhathi vareeyata praapt retchaanok intaanon se ho sakti hai. Use haraane par unka saamana semifinal mein olympic champion aur duniya ki number ek khilaadi cheen ki li shurooi se hoga. Anya khilaadiyon mein duniya ke 14vein number ke khilaadi pi kashyap ki takkar England ke Rajiv osef se hogi. Rajiv ne 2010 raashtramandal khelon ke semifinal mein kashyap ko haraaya tha. Kashyap ne haalaanki 2011 China masters mein badla chukta kar diya. Sayyed Modi tournament jeet chuke kashyap achhe form mein hain. Bhaarat ki udeeyamaan khilaadi PV sindhoo ka saamana pehle daur mein lindaaveni faanetri se hoga. Doosare daur mein vah li shurooi se bhid sakti hain.


Kaig Ke Poorv Adhikaari Singh Fir JPC Ke Samaksh Haajir Honge

Kaig Ke Poorv Adhikaari Singh Fir JPC Ke Samaksh Haajir Honge

Breaking »

Nai Delhi: Niyantrak evam mahaalekha pareekshak (kaig) mein poorv mahaanideshak (audit) RP Singh 15 January ko 2-ji ghotaale par sanyukt sansadeeya samiti (JPC) ke samaksh haajir honge. Singh ne aarop lagaaya tha ki un par 2-ji spectrum ki neelaami mein hue nuksaan ke baare mein vivaadaaspad rapat par hastaakshar karne ke liye dabaav tha. Samiti ke samaksh Singh ki yah doosari peshi hogi. Bhaajapa ke sadasyon ne haal hi mein unhein Singh ko dubaara samiti ke samaksh bulaane ki maang ki thi. Singh ne kaha tha ki unhonne apni masauda rapat mein kabhi bhi 1.76 lakh karod rupaye ke aankada pesh naheen kiya. Singh ke dobaara samiti ke samaksh aane se 1.76 lakh karod rupaye ka anumaanik ghaata aankada fir charcha mein aa sakta hain.


Scooters India Ke Liye 200 Karod Ru Ke Package Par Vichaar Karegi Sarkaar

Scooters India Ke Liye 200 Karod Ru Ke Package Par Vichaar Karegi Sarkaar

Breaking »

Nai Delhi: Sarkaar aagaami bruhaspativaar ko sankatagrast saarvajanik company scooters India ke liye 200 karod rupaye ke punaruddhaar package par vichaar kar sakti hai. Sootron ne kaha ki sarkaar dvaara scooters India mein apni poorn hissedaari bechne ki yojana taalane ke baad bhaari udyog vibhaag ne company ke punaruddhaar ke liye 200 karod rupaye se adhik ka package dene ka prastaav kiya tha. Unhonne kaha, ''Mantrimandal bruhaspativaar ko scooters India ke punaruddhaar ke liye prastaav par charcha kar sakta hai. '' vaahan company scooters India mein kareeb 1,200 niyamit karmachaari hain aur yah company 2002-03 se hi ghaate mein chal rahi hai. March, 2009 mein company ko sankatagrast ghoshit kiya gaya tha. Varsh 1972 mein sthaapit scooters India ghareloo baajaar mein liye vijay super brand naam se scooter ka vinirmaan karti rahi hai, jabki videshi baajaaron ke liye vah lambretta brand naam se scooter banaati rahi hai.


Delhi Mein Ek Aur Gang-rape Car Mein Ek Yuvati Se Paanch Logon Ne Kiya Rape

Delhi Mein Ek Aur Gang-rape Car Mein Ek Yuvati Se Paanch Logon Ne Kiya Rape

Breaking »

Nai Delhi: Delhi mein gang-rape ke ek naya maamala saamane aaya hai. Ye maamala 1 January ka hai jab paanch logon ne ek shaadeeshuda mahila ko agava karke uske saath saamoohik balaatkaar kiya. Medical report mein mahila ke saath balaatkaar pushti ho gayi hai. Police ne teen aaropiyon ko giraftaar bhi kiya hai jabki do aaropi abhi bhi faraar hain. Delhi police ne ab tak case ko dabaakar rakha tha. Ab jab Delhi police ne teen logon giraftaar kiya hai tab jaakar police ne yah jaankaari media ko di hai. Rahul, suneel aur Yogendra ko police ne giraftaar kiya hai. Police ka kehna hai ki peedit ladki kai aaropiyon ko jaanti hai. Bataaya ja raha hai ki peedita Agra ki rahane waali hai. Vah apne mitr ke ghar Delhi mein I thi. Ladki ka kehna hai ki paanch ladkon ne use ek car mein agava kiya. Baahari Delhi ke Alipur ilaake ki ghatna hai.