Vishv Ethaletiks Final Mein Pahunche Gowda

Vishv Ethaletiks Final Mein Pahunche Gowda

Breaking »

Moscow: Bhaarat ke vikaas Gowda vishv ethaletiks championship ki chakka feink spardha ke final mein pahunch gaye hain. Gowda (30) ne pehle prayaas mein 63.64 meter doori naapate hue qualify kiya. Gowda ke agale do prayaas haalaanki kaaragar naheen rahe aur vah kramash: 62.59 aur 62.67 meter doori hi naap sake. Pehle prayaas mein naapi gayi unki 64.64 meter ki doori unhein final mein pahunchaane ke liye kaafi saabit hui. Raashtramandal khelon mein svarn jeetne vaale Gowda group-A mein chauthe aur kul saatavein sthaan par rahe. Germany ke raabart haartig ne qualifying mein sabse adhik 66.62 meter doori naapi. Mangalvaar ko final mein 12 ethaleeton ke beech padakon ki hod lagegi.


Shaheed Ki Antyeshti Mein Shaamil Na Hone Par Mantri Ne Kaha, 'Kya Fark Padta Hai

Shaheed Ki Antyeshti Mein Shaamil Na Hone Par Mantri Ne Kaha, 'Kya Fark Padta Hai

Breaking »

Patna: Jammu-Kashmir ke punchh mein Pakistani sainikon ki madad se ghaat lagaakar ghuspaithiyon dvaara kiye gaye hamle mein shaheed javaan premanaath Singh ki antyeshti mein apne shaamil naheen hone ke baare mein Bihar ke vigyaan evam praudyogiki mantri Gautam Singh ne kaha 'Kya fark padta hai'. Shaheed javaan premanaath Singh ki antyeshti saaran jila ke maanjhi thaana antargat unke Patrick gaanv samhauta mein gat aath August ko ki gayi thi. Shaheed javaanon ko lekar Bihar ke do mantriyon bheem Singh aur Narendra Singh dvaara ki gayi tippani ke baad maanjhi vidhaanasabha kshetr se vidhaayak Gautam Singh ka shaheed javaan premanaath Singh ki antyeshti mein na shaamil hone ke baare mein Yeh kaha jaana ki isse kya fark padta hai mukhyamantri neeteesh Kumar aur unki party jadayoo ke liye mushkilein badha di hain. Sena ki tukadi saat daanaapur rejimeint mein 1972 se 1980 tak kaaryarat rahe Gautam Singh ne Yeh sveekaara ki jab vah chhapra mein the tab premanaath Singh sahit Bihar ke anya teen javaanon ke shaheed hone ki soochana unhein gat mangalvaar ko mili thi par unhein ems mein apne bhaai ke ilaaj ke liye Delhi jaana tha aur usi raatri train se vahaan ke liye ravaana ho gaye the. Mukhyamantri aavaas par aayojit janta darbaar ke dauraan samvaadadaataaon se Gautam ne kaha ki Delhi se lautane par gat nau August ko vah shaheed javaan premanaath Singh aur raghunandan Singh ke parijanon se mulaakaat karne gaye the. Gautam ne kaha ki unke jaane ke poorv in shaheed javaanon ke ghar par do mantri Narendra Singh aur avadhesh Kushwaha gaye the. Ullekhaneeya hai ki shaheed javaan premanaath Singh ke gaanv jaane par mukhyamantri ke aane ki maang ko lekar graameenon ne Gautam Singh ko kareeb do ghanton tak bandhak banaae rakha tha.


Shikhar Dhavan Ne Dakshin Africa 'A Ke Khilaaf Match Mein Dohara Shatak Jada

Shikhar Dhavan Ne Dakshin Africa 'A Ke Khilaaf Match Mein Dohara Shatak Jada

Breaking »

Pritoriya: Bhaarateeya cricket ki nai sanasani shikhar dhavan ne 248 run ki behatareen paari khelkar list A maichon mein Bhaarat ki taraf se sarvaadhik vyaktigat paari khelne ka naya record banaaya, lekin vah vishv record se 20 run peechhe rah gaye. Salaami ballebaaj dhavan ne Bhaarat 'A' ki taraf se dakshin Africa 'A' ke khilaaf trikoneeya ek-divseeya shrunkhala ke match mein Yeh dhuaandhaar paari khelkar Virendra Sehwag ke vest Indies ke khilaaf 8 December, 2011 ko Indore mein banaae gaye 219 run ke record ko toda. Sehwag ke naam ek-divseeya antararaashtreeya cricket mein ek paari mein sabse adhik run ka record barkaraar hai, lekin list A mein ab Bhaarat ki taraf se sabse badi vyaktigat paari ka rikaard dhavan ke naam darj ho gaya hai. Baaen haath ke is ballebaaj ne apni paari mein 150 geindon ka saamana kiya tatha 30 chauke aur saat chhakke lagaae. Dhavan ke paas England ke Alistair brown ke 268 run ke record ko todne ka sunahara mauka tha, lekin vah 45vein over mein out ho gaye. Brown ne 2002 mein sarre ki taraf se glemorgan ke khilaaf Yeh dhamaakedaar paari kheli thi. Dhavan list A maichon mein ek paari mein sarvaadhik run banaane vaale ballebaajon ki soochi mein doosare number par hain. Dhavan list A maichon mein dohara shatak jadne vaale 12vein ballebaaj hain. Brown ne do dohare shatak lagaae hain aur is tarah se list A mein 13veen baar kisi ballebaaj ne dohara shatak jamaaya. Dhavan haalaanki sachin Tendulkar aur Sehwag ke baad list A maichon mein dohara shatak jadne vaale teesare bhaarateeya ballebaaj hain. Tendulkar aur Sehwag ne antararaashtreeya maichon mein Yeh kaarnaama kiya hai. Dhavan ne apni paari mein 30 chauke lagaae aur is tarah unhonne brown ke ek paari mein sarvaadhik chaukon ke record ki baraabari ki. Bhaarat A team ne teen wicket par 433 run banaae, jo kisi bhi bhaarateeya team ka list A maichon mein sarvaadhik score hai.


Iran Ne Teesari Baar Kiya Asiaee Baasketabaul Par Kabja

Iran Ne Teesari Baar Kiya Asiaee Baasketabaul Par Kabja

Breaking »

Manila: Asiaee baasketabaul tournament ke final mein Iran ne apna dabadaba kaayam rakhate hue mejabaan filipeens ko 85-71 se maat de di. Iran ne pichhle chhah varshon mein teesari baar Asiaee baasketabaul khitaab haasil ki hai. Samaachaar agency shinhuaa ke anusaar, Iran ke kaptaan haamed haddaadi ne final match mein apni team ke liye sarvaadhik 29 ank arjit kiye. Iske alaava unhonne 16 ribaaund bhi lagaae. Haddaadi ko tournament ka sarvashreshth khilaadi bhi chuna gaya. Haddaadi ke alaava Iran ke liye samad nikkaah baharami ne 19 ank arjit kiye. Upavijeta filipeens ka haalaanki Yeh 1985 ke baad sarvashreshth pradarshan hai, aur final mein pahunchane ke kaaran use agale varsh Spain mein hone vaale feeba vishwacup mein sthaan pakka ho gaya hai.


July Mein Niryaat 11.6 Pratishat Badha, 25.83 Arab Dollar Raha

July Mein Niryaat 11.6 Pratishat Badha, 25.83 Arab Dollar Raha

Breaking »

Nai Delhi: Desh ka niryaat July maah mein 11.64 pratishat ki jordaar badhotri ke saath 25.83 arab dollar par pahunch gaya. Is tarah niryaat mein pichhle do maheene mein aa rahi giraavat ka silsila tham gaya. Africa, aasiyaan tatha sudoor poorv ki maang se niryaat mein ijaafa hua. Vaheen July mein aayaat 6.2 pratishat ghatkar 38.1 arab dollar par aa gaya, isse maah ka vyaapaar ghaata 12.2 arab dollar raha. Pichhle saal July mein vyaapaar ghaata 17.47 arab dollar raha tha. July mein sone aur chaandi ka aayaat ghatkar 2.9 arab dollar rah gaya, jo July, 2012 mein 4.4 arab dollar raha tha. Vaanijya sachiv esaaar Rao ne kaha ki Africa, aasiyaan tatha sudoor poorv ke kshetron ko niryaat badha hai jisse desh ke kul niryaat mein badhotri hui hai. Chaaloo vitt ke pehle chaar maheenon - April se July mein niryaat 1.72 pratishat ke ijaafe se 98.2 arab dollar tak pahunch gaya hai. Vaheen is dauraan aayaat 2.82 pratishat ki badhotri ke saath 160.7 arab dollar ka raha. Is avadhi mein vyaapaar ghaata 62.4 arab dollar raha. July mein kachche tel ka aayaat 8 pratishat ghatkar 12.7 arab dollar, jabki April se July avadhi mein Yeh 2.65 feesadi ijaafe se 54.5 arab dollar ka raha.


BCCI Ko RTI Ke Tahat Laane Ka Prastaav

BCCI Ko RTI Ke Tahat Laane Ka Prastaav

Breaking »

Nai Delhi: Kendra sarkaar ne somvaar ko bataaya ki bhaarateeya cricket control board (BCCI) samet vibhinn khel sanghon aur parisanghon ko soochana ke adhikaar adhiniyam ke tahat laae jaane ka prastaav hai. Khel mantri Jitendra Singh ne Loksabha mein sadasyon ke savaalon ke likhit javaab mein Yeh jaankaari dete hue bataaya ki sarkaar ne April, 2010 mein hi sarkaar se ek saal mein 10 lakh rupaye ya usase adhik ka anudaan haasil karne vaale raashtreeya khel sanghon ko RTI ki dhaara 2 H ke tahat lok praadhikaar ghoshit kar diya tha. Lekin BCCI khud ko lok praadhikaar ke roop mein ghoshit kiye jaane se is aadhaar par inkaar karta aaya hai ki vah sarkaar se kisi prakaar ka vitteeya anudaan haasil naheen karta. Unhonne bataaya ki BCCI ko RTI adhiniyam ke tahat laane ka maamala keindreeya soochana aayog (seeaaisi) ke samaksh lambit hai aur sarkaar pehle hi BCCI ko RTI ke tahat laane ki appeal karte hue apna javaab seeaaisi ko saunp chuki hai. Haalaanki Madras High Court ne 24 July, 2013 ko is prakriya par sthaganaadesh jaari kar diya tha. Khelamantri ne bataaya ki sarkaar ne sabhi raashtreeya khel sanghon aur BCCI ko RTI adhiniyam ke tahat laane ke liye raashtreeya khel vikaas vidheyak, 2013 ka masauda taiyaar kar liya hai. Choonki is masale par vibhinn mantraalayon aur vibhaagon ke beech vaarta karna shaamil hai, isliye vidheyak ke laagoo hone ki koi nishchit samay seema naheen bataai ja sakti. Unhonne iske saath hi bataaya ki BCCI ek svaayatt ikaai hai. Haalaanki use sarkaar dvaara maanyata naheen di gayi hai, lekin antararaashtreeya cricket parishad (ICC) BCCI ko Bhaarat mein cricket ko protsaahan pradaan karne ke liye sheersh raashtreeya sangh maanati hai.


Narendra Modi Par I Fekoo Express Website

Narendra Modi Par I Fekoo Express Website

Breaking »

Narendra Modi ko lekar ek nai website fekuexpress. Com shuroo hui hai. Is website ke ek sekshan Feku Claims mein Narendra Modi ke 13 daavon ka jikr kiya gaya hai, jabki website ke mutaabik asaliyt kuchh aur hi hai. Feku Claims sekshan ke alaava website par kaheen bhi Narendra Modi ke naam ka istemaal naheen kiya gaya hai. Lekin twitter par Narendra Modi ke liye fekoo aur Rahul Gandhi ke liye pappoo shabd ka istemaal lambe samay se kiya ja raha hai, isliye Yeh samajhna kisi ke liye bhi mushkil naheen hai ki website kiska jikr kar rahi hai. Website par 'Pridikt aind vin' ka batan hai, jis par klik karne par laug-in karne ka opshan aata hai. Is par Facebook aur twitter ke jariye bhi laug-in kiya ja sakta hai. Laug-in karne ke baad ek pej khulata hai. Ismein un 13 baaton mein se kisi ko chunana rahata hai aur us par beting karni hoti hai. Aapko Yeh chunana rahata hai ki Yeh baat kahi jaaegi ya naheen. Aapko daanv par lagaane ke liye '10000 fekings' milte hain. Website Yeh daava karti hai ki agar aapne sahi anumaan lagaaya, to aapko chennai express film ke 2 tikt mileinge. Somvaar subah Bhaarat ke top twitter treind mein #fekuexpress dikha. Isse pehle Narendra Modi aur Rahul Gandhi ka majaak udaane waali kai vebasaaits ban chuki hain, jinmein rahulgandhiachievements. Com aur narendramodiplans. Com pramukh hain.


Kishtavaad Hinsa Par Ghire Sajjaad Kichloo Ka Isteefa

Kishtavaad Hinsa Par Ghire Sajjaad Kichloo Ka Isteefa

Breaking »

Nai Delhi. . Kishtavaad mein hinsa bhadkaane ke aarop mein ghire Jammu-Kashmir ke gruh raajya mantri sajjaad Ahmad kichloo ne isteefa de diya hai. Unhonne apne oopar lage aaropon ko galat bataate hue kaha ki meri antararaatma mujhe ab is pad par bane rahane ki ijaajat naheen de rahi. Press conference mein apne isteefe ki ghoshana karte hue unhonne godhara dangon ko lekar Gujarat ke mukhyamantri Modi ka naam lete hue BJP ko ghera. Vaheen, mukhyamantri umar abdulla ne bhi godhara dangon ke liye Modi par unguli uthaai. Idhar, kichloo ka isteefa mukhyamantri umar abdulla ne sveekaar kar liya aur raajyapaal ke paas bhej diya hai. Gaurtalab hai ki sansad mein kishtavaad mein hui hinsa par bolte hue BJP neta arun jetali ne is hinsa bhadkaane ke liye mantri par aarop lagaaya tha, haalaanki unhonne kisi ka naam naheen liya. Kichloo ne kaha ki vah BJP ke varishth neta arun jetali dvaara apne oopar lagaae gaye aaropon ke chalte isteefa de rahe hain. Gaurtalab hai ki jetali ko ravivaar ko kishtavaad jaane se rok diya gaya tha. Sansad mein aaj apne bhaashan ke dauraan jetali ne kaha ki sarkaar par aarop lagaaya ki kishtavaad mein faili saampradaayik hinsa ko rokane mein sarkaar naakaam rahi. Unhonne hinsa bhadkaane ke liye mantri ko doshi bataaya. Kichloo ne press conference mein kaha ki unke oopar lage aarop galat hain. Vah hinsa mein shaamil naheen hain. Jetali ke aaropon par unhonne savaal kiya ki kya godhara mein dangon ke baad kya Modi ne isteefa de diya tha? Is par mukhyamantri umar abdulla ne bhi Modi par unguli uthaai hai. Umar ne kuchh der pehle twitter par kaha ki kya jetali sansad ko Yeh bataaenge ki 2002 mein dangon ke baad kya Gujarat ke gruh raajya mantri ne isteefa diya tha ya isteefe ki peshakash ki thi.


Kishtavaad Mein Hinsa Par Sansad Mein Hangaama

Kishtavaad Mein Hinsa Par Sansad Mein Hangaama

Breaking »

nai Delhi. . Jammu Kashmir mein hinsa sahit alag-alag muddon par vibhinn dalon ke sadasyon ke hangaame ke kaaran sansad mein bhaari hangaama hua aur kaaryavaahi baadhit hui. Rajyasabha mein aaj bhi prashnakaal naheen ho saka aur ek baar ke sthagan ke baad baithak dobaara sthagit hui. Sadan ki baithak shuroo hote hi BJP aur BSP ke sadasyon ne Jammu Kashmir ke kishtavaad mein hui hinsa ka mudda uthaaya. BJP ke M. Venkaiya Naidu ne kaha ki kishtavaad mein jo kuchh hua vah chintaajanak hai. Unhonne kaha ki vipaksh ke neta ko Jammu Kashmir sarkaar ne kishtavaad ka daura karne ki anumati naheen di. Naidu ne kaha ki jetali kishtavaad mein hui hinsa par ek bayaan dena chaahate hain. BSP ke Narendra kashyap ne bhi kishtavaad ka mudda uthaate hue kaha ki agar samay rahate dhyaan naheen diya gaya to sthiti gambhir ho jaaegi. Isi beech, teedeepi sadasya pruthak telangaana raajya ke gathan ka virodh karte hue poster le kar aasan ke samaksh aa gaye. Left paartiyon ke sadasya bhi Kerala ke saur panel ghotaala ka mudda uthaate hue poster le kar aasan ke samaksh aa pahunche. Sabhaapati ne sadasyon se apne sthaanon par laut jaane aur sadan mein poster na dikhaane ko kaha. Unhonne sadan mein vipaksh ke neta aur BJP sadasya arun jetali ko bolne ke liye kaha. Lekin hangaame ke kaaran jetali apni baat naheen rakh paae. Hangaama thamate na dekh sabhaapati ne baithak shuroo hone ke mahaj teen minute ke bheetar hi ise 15 minute ke liye sthagit kar diya. Udhar, kishtavaad hinsa par Jammu Kashmir sarkaar ne nyaayik jaanch ke aadesh diye hain. Haai court ke retired judge is maamale ki jaanch kareinge. Gaurtalab hai ki Jammu ke 8 jilo mein aaj bhi curfew jaari hai.


Pehla Svadeshi Eyarakraaft Career Neval Ship INS Vikraant Launch

Pehla Svadeshi Eyarakraaft Career Neval Ship INS Vikraant Launch

Breaking »

Nai Delhi. . Bhaarat ne svadeshi eyarakraaft career neval ship INS vikraant ko samandar mein utaar diya hai. Is mauke par raksha mantri A. Ke. Antony bhi maujood the. 40 hajaar tan ke is vimaan vaahak pot ko 2018 mein navy ke bede mein shaamil kiya jaaega. Raksha mantri A. Ke. Antony ne INS vikraant ki launching ko meal ka patthar bataate hue kaha, 'Yeh lambi yaatra ke liye uthaaya gaya pehla aur behad mahatvapoorn kadam hai. ' INS vikraant pehla aisa eyarakraaft career nelav ship hai, jo Bhaarat mein hi taiyaar hua hai. Iske saath hi Bhaarat un chuninda deshon ki list mein shaamil ho gaya hai, jo is kshamata ke yuddhapot bana sakta hai. Abhi America, Britain, roop aur France ne hi aise neval ship taiyaar kiye hain. Saal 2018 mein INS vikraant ko poori tarah se navy mein shaamil kiya jaaega. Iske saath hi Indian navy is sthiti mein aa sakegi ki vah cheen ke badhte varchasv ko takkar de sake. Is tarah ka eyarakraaft kairiyr neval ship hona kisi bhi desh ke liye bahut jaroori hai. Apni jameen se door kaheen yuddh ladna pade, to un haalaat mein INS vikraant kaafi madadgaar saabit hoga. America ne isi tarah ke neval ships ki badaulat apni jameen se door Iraq aur Afghanistan mein ladaaiyaan ladeen aur kaamayaabi bhi haasil ki. Vishaalakaaya INS vikraant mein itni kshamata hai ki vah ekasaath 36 faaitar plane kairi kar sakta hai. Iske saath hi jaroorat padne par sainikon ki poori palatan aur doosari aayudh saamagri bhi kairi kar sakta hai. INS vikraant ko 2016 mein kai saare test dene honge, jinhein paas karne ke baad hi ise navy mein shaamil jaaega.


Delhi Mein Pyaaj Ki Keematein 60 Rupaye Prati Kilo Tak Pahunchi

Delhi Mein Pyaaj Ki Keematein 60 Rupaye Prati Kilo Tak Pahunchi

Breaking »

Nai Delhi: Utpaadak kshetron se kam aavak ke beech raashtreeya rajdhani ke khudara baajaaron mein pyaaj ke bhaav 60 rupaye prati kilo tak pahunch gaye hain. Sthaaneeya khudara kaarobaari yahaan pyaaj 55-60 rupaye prati kilo ke bhaav se bech rahe hain, jabki sangathit khudara kaarobaar mein Yeh bhaav kam hai. Raashtreeya rajdhani kshetr ke madar dairy ke 350 safal storon mein pyaaj 45 rupaye prati kilo hai. Vaheen mor khudara store par iske bhaav 50 rupaye prati kilo hain. Raashtreeya baagavaani anusandhaan evam vikaas foundation ke aankadon ke anusaar, Delhi mein pyaaj ki aapoorti ghatkar 6000 quintal rah gayi hai, jo das din pehle 11,480 quintal thi. Aajaadapur mandi mein pyaaj vyaapaariyon ki association ke adhyaksh sureindr buddhiraaj ne kaha, pyaaj ki thok keemat 40-45 rupaye prati kilo ho gayi hai. Beete 8-10 din mein utpaadak raajyon se pyaaj ki aavak ghati hai. Unhonne kaha ki Tamil Nadu, Andhra Pradesh, Karnataka se nai fasal ki aavak September-October tak aane ki sambhaavana hai. Ullekhaneeya hai ki keematon mein badhotri se chintit Delhi sarkaar ne 350 storon par pyaaj ki briki uchit daam par pehle hi shuroo kar di hai. Is beech laasalagaanv mein pyaaj ke daam badhkar 31.50 rupaye prati kilo ho gaye hain, jo 31 July ko 24 rupaye prati kilo the. Punjab Haryana va Chandigarh mein pyaaj ki khudara keemat badhkar 50-55 rupaye prati kilo ho gayi hai.


State Bank Ka Munaafa Pehli Timaahi Mein 13.6 Pratishat Ghata

State Bank Ka Munaafa Pehli Timaahi Mein 13.6 Pratishat Ghata

Breaking »

Mumbai: Bhaarateeya state bank (SBI) ka ekal shuddh laabh 30 June, 2013 ko samaapt vitt varsh ki pehli timaahi mein 13.6 pratishat ghatkar 3,241.08 karod rupaye rah gaya. Gair-nishpaadit aastiyon ke liye adhik praavadhaan ki vajah se bank ke munaafe mein Yeh giraavat I. Desh ke sabse bade vaanijyik bank SBI ko pichhle vitt varsh ki isi avadhi mein 3,752 karod rupaye ka ekal shuddh laabh hua tha. Sameekshaadheen timaahi mein bank ki kul aay haalaanki badhkar 36,192.62 karod rupaye par pahunch gayi, jo beete vitt varsh ki isi avadhi mein 32,415 karod rupaye rahi thi. State bank ki sakal gair-nishpaadit aastiyaan yaani NPA is avadhi mein badhkar 5.56 pratishat par pahunch gain, jo beete saal isi avadhi mein 4.99 pratishat par rahi theen. Mumbai share baajaar mein dopahar satr ke dauraan state bank ka share 2.65 pratishat neeche 1,617.35 rupaye par kaarobaar kar raha tha. Ekeekrut aadhaar par, bank ka shuddh laabh 30 June, 2013 ko samaapt timaahi mein 12 pratishat ghatkar 4,298.56 karod rupaye raha, jo beete vitt varsh ki isi avadhi mein 4,874.7 karod rupaye raha tha. Samekit aadhaar par bank ki kul aay badhkar 52,502.29 karod rupaye pahunch gayi, jo beete saal ki isi avadhi mein 46,839 karod rupaye rahi thi. Moolya ke sandarbh mein aalochya timaahi mein bank ki sakal NPA raashi badhkar 60,891.46 karod rupaye (rinon ka 5.56 pratishat) rahi hai, jo beete saal isi avadhi mein 47,156.38 karod rupaye (4.99 pratishat) rahi thi. Bank ka shuddh NPA badhkar 29,989.84 karod rupaye (2.83 pratishat) raha hai, jo beete saal isi avadhi mein 20,324.01 karod rupaye (2.22 pratishat) raha tha.


Bete Se Milne Roos Jaaenge Edward Snoden Ke Pita

Bete Se Milne Roos Jaaenge Edward Snoden Ke Pita

Breaking »

Washington: America ki gopaneeya soochanaaon ko saarvajanik karne vaale Edward snoden ke pita laun snodan ne apne bete se milne roos jaane ke liye aavashyak dastaavejon ka bandobast kar liya hai. Laun snoden aur unke vakeel brus fein ne Yeh jaankaari di hai. Samaachaar agency sinhuaa ke anusaar, Yeh rahasyodghaatan shanivaar ko ABC network ke kaaryakram 'Dis week' mein ek saakshaatkaar ke dauraan unhonne kiya. Unhonne roos mein poorv raashtreeya suraksha agency ke thekedaar snoden ke baare mein koi jaankaari dene se inkaar kar diya. Unhonne roos yaatra ke baare mein bhi koi jaankaari dene se inkaar diya, lekin fein ne kaha ki Yeh yaatra 'Bahut sheegra hogi. Roos mein Edward snoden ke vakeel enaatoli kucherena ne pichhle saptaah kaha tha ki roos daure ke liye unhonne laun snoden ko aavashyak aamantran bheja tha. Unhonne ummeed jataai ki aane vaale dinon mein hi yaatra hogi. Ullekhaneeya hai ki snoden Moscow ke sheremetayev havaai adde par chhah hafte tak pade rahe. Washington ne unka passport radd kar diya tha. Prijm naamak jaasoosi kaaryakram ke baare mein rahasyodghaatan karne ke aarop mein America mein snoden jaasoosi ke aaropon ka saamana kar rahe hain. Roos ne 1 August ko snoden ko ek varsh ka asthaai visa dene ki ghoshana ki, iske baad vah havaai adde se baahar nikal sake.


Haryana Ke Congressi Saansad Ne Kaha, Robert Vaadra Jameen Saude Ki Ho Jaanch

Haryana Ke Congressi Saansad Ne Kaha, Robert Vaadra Jameen Saude Ki Ho Jaanch

Breaking »

Nai Delhi: Congress ki mushkilein kam hone ka naam naheen le rahi hain. Taaja maamala Robert vaadra jameen vivaad se juda hua hai. Haryana mein Congress ke neta Rao indrajeet Singh ne Gurgaon jameen khareed vivaad mein raajya sarkaar ko jimmedaar thaharaaya hai. Unka kehna hai ki maamala Robert vaadra ka naheen hai, raajya sarkaar ne kai netaaon ko aur unke rishtedaaron ko faayda pahunchaaya hai. Is maamale ki jaanch honi chaahiye aur jo bhi doshi ho use saja milni chaahiye. Gaurtalab hai ki aaiees adhikaari ashok khomaka ne aarop lagaaya hai ki Robert vaadra ne Gurgaon mein 3.53 ekad jameen ke dastaavejon mein farjeevaada kiya aur vaanijyik kaaloni ke license par bada munaafa haasil kiya. Vaadra-deeelaef saude ki jaanch ke sandarbh mein pichhle varsh October mein Haryana sarkaar ki or se gathit ki gayi teen sadasyeeya jaanch samiti ke samaksh khemaka ne vistrut javaab pesh kiya tha. (inputs bhaasha se bhi) (chitr parichay : Robert vaadra ka file photo)


Isharat Case Peepi Pande Ki Agrim Jamaanat Yaachika SC Mein Khaarij

Isharat Case Peepi Pande Ki Agrim Jamaanat Yaachika SC Mein Khaarij

Breaking »

Nai Delhi: Supreme court ne isharat jahaan muthabhed maamale mein Gujarat ke varishth IPS adhikaari peepi Pande ki agrim jamaanat yaachika khaarij kar di hai. Isse poorv High Court se bhi unki agrim jamaanat yaachika khaarij ho chuki hai. Daraasal, Pande is maamale mein aaropi banaae jaane ke baad se hi faraar hain aur nichli adaalat unhein bhagoda tak ghoshit kar chuki hai. Is maamale mein CBI ka daava hai ki peepi Pande hi is enakaauntar ke master maaind the. Vaheen doosari taraf Gujarat police CBI ki madad se poore raajya mein peepi Pande ke talaashi abhiyaan mein lagi hai. Gaurtalab hai ki Gujarat police ne isharat, jaaved shekh urf pranesh pillai, amajad Ali raana aur jeeshaan jauhar ko 15 June 2004 ko kathit muthabhed mein maar giraaya tha. Us samay Pande Ahmedabad ke sanyukt police aayukt ke roop mein aparaadh shaakha ka netrutv kar rahe the. Vah 1982 baich ke IPS adhikaari hain. Police ne tab daava kiya tha ki chaaron aatankvaadi the aur ve Gujarat ke mukhyamantri Narendra Modi ki hatya ke mission par the, haalaanki, CBI dvaara pichhle maheene daayar kiye gaye aaropapatr ke anusaar, Gujarat police aur guptachar bureau dvaara sanyukt roop se anjaam di gayi muthabhed farji thi.


Saur Ghotaala Kerala Ke Mukhyamantri Ke Khilaaf Jabaradast Pradarshan

Saur Ghotaala Kerala Ke Mukhyamantri Ke Khilaaf Jabaradast Pradarshan

Breaking »

Tiruvanantapuram: Kerala ke mukhyamantri oman chaandi ke isteefe ki maang ko lekar somvaar ko vaamapanthi pradarshanakaariyon ne hajaaron ki sankhya mein raajya sachivaalaya ka gheraav kiya. Pradarshanakaariyon ne sachivaalaya ke chaar mein se teen dvaaron ko avaruddh kar diya. Vipakshi vaamapanthi dalon ne saur oorja ghotaala maamale mein chaandi ke isteefe tak somvaar se kisi ko bhi sachivaalaya mein pravesh na karne dene ki ghoshana ki hai. Vaamapanthi dalon ne sabhi chaar dvaaron ko jaam karne ki ghoshana ki thi, lekin aisa naheen ho saka. Sirf teen dwaar hi avaruddh ho paae, aur chaandi evam unke mantrimandaleeya sahayogi aapaat baithak ke liye chauthe dwaar se subah saat baje yahaan pahunche. Mantrimandal ki baithak ke baad chaandi sachivaalaya se nikle aur kuchh pradarshanakaariyon ne unhein raaste mein rokane ki koshish ki, lekin maark‚Äćaasavaadi communist party (maakapa) ke varishth netaaon kodiyeri baalaakrushnan aur elaamaaram kareem ne pradarshanakaariyon ko shaant kiya. Svaasthya mantri VS shivkumaar ko roka gaya aur vah sachivaalaya laut gaye. Vaamapanthiyon ne is virodh pradarshan ka aayojan saur oorja ghotaale ke baad kiya hai, jismein sarita Nair aur unke liv in paartanar biju Radhakrishnan ne kathit taur par kai logon ke saath vitteeya dhokhaadhadi ki thi. Inhonne graahakon ko bhari chhoot ke saath saur oorja upakaran ki peshakash ki thi. Aaropiyon ne graahakon se bhaari dhanaraashi ki thagi karne mein kathit roop se mukhyamantri kaaryaalaya se apni saanthagaanth ka istemaal kiya tha. Is dauraan sthiti par niyantran karne ke liye keindreeya reserve police bal (CRPF) ki 20 tukadiyaan aur Bhaarat-Tibet seema police (aaiteebeepi) mauke par pahunch gayi hai aur police bhi mauke par maujood hai. Maakapa ke poorv mantri Thomas isaak ne kaha, hamein ummeed hai ki somvaar shaam tak gheraav ke liye hamaare lakh se adhik samarthak yahaan pahunch jaaenge. Ham chaandi ke isteefe tak yahaan se naheen hateinge. Poorv pradhaanamantri echadi devegauda aur maakapa ke mahaasachiv prakaash karaat ke sachivaalaya ke mukhya dwaar par subah 11 baje pahunchane ke baad prastaavit pradarshan aadhikaarik roop se shuroo hua. Chaandi aaj raajyapaal se bhi mulaakaat kareinge, jise unke niyamit daure ka hissa bataaya ja raha hai.


Punjab Bas-truck Ki Takkar Mein Chhah Logon Ki Maut, 31 Ghaayal

Punjab Bas-truck Ki Takkar Mein Chhah Logon Ki Maut, 31 Ghaayal

Breaking »

Moga: Punjab mein ludhiyaana-moga raashtreeya raajamaarg par aaj ek bas aur truck ke beech aamne saamane ki takkar hone par bas mein savaar chhah logon ki maut ho gayi, jabki 31 anya ghaayal ho gaye. Upaayukt arshadeep Singh ne bataaya ki niji bas ludhiyaana se moga ja rahi thi tabhi subah kareeb paune 10 baje Yeh durghatana hui. 31 ghaayal logon mein 29 ko sthaaneeya sadar aspataal le jaaya gaya jabki shesh do ko yahaan se 35 kilometer door jagaraanv sthit sadar aspataal bheja gaya. Upaayukt ne ghaayalon ka muft ilaaj kiye jaane ki ghoshana ki hai.


Kishtavaad Hinsa BJP Par Umar Ka Palatavaar, Modi Ka Jikr Kiya

Kishtavaad Hinsa BJP Par Umar Ka Palatavaar, Modi Ka Jikr Kiya

Breaking »

Nai Delhi / shreenagar: Kishtavaad hinsa ki goonj aaj sansad mein bhi sunaai di aur bhaarateeya janta party (BJP) ne apne varishth neta arun jetali ko ravivaar ko kishtavaad jaane se roke jaane ko lekar Jammu-Kashmir sarkaar ki aalochna ki aur hinsa ko lekar umar abdulla sarkaar par nishaana saadha. Vaheen is maamale ko lekar aarop lagaae jaane ke baad Jammu-Kashmir ke gruh raajyamantri sajjaad kichloo ne apne pad se isteefa de diya. BJP ne aarop lagaaya tha ki kichloo ne kishtavaad hinsa ko badhaava di. Haalaanki kichloo ne BJP ke aaropon ko niraadhaar bataaya. Kichloo ke isteefe ke baad Jammu-Kashmir ke mukhyamantri umar abdulla ne tweet kiya hai. . . Kya BJP 2002 yaad karegi. . . Kya jetali sansad ko Yeh bataane ka kasht kareinge ki 2002 mein kya Gujarat ke gruhamantri ya gruh raajya mantri ne isteefa dene ki peshakash bhi ki thi ya naheen. . . BJP aisa naheen kar sakti, kyonki unke PM banane ke ummeedavaar ne kai dinon tak sena ko bulaane ka intajaar kiya tha aur ab tak maafi naheen maangi hai. Kishtavaad hinsa ke maamale par Rajyasabha mein vipaksh ke neta arun jetali ne kaha, Yeh kaafi gambhir maamala hai. Vahaan saamudaayik rishte kaafi sauhaardapoorn the. Pichhle kuchh dinon mein kishtavaad mein raashtravirodhi gatividhiyaan badheen. Unhonne kaha ki asahaaya log madad ki guhaar laga rahe the aur police mookadarshak bani rahi. Jila prashaasan ne bhi koi kadam naheen uthaaya. Saikadon dukaanon mein aag laga di gayi, gharon mein todfod ki gayi aur log jakhmi hue. Jetali ne kaha ki sena bulaane mein jaanboojhkar deri ki gayi aur haalaat ko bigadne diya gaya. Unhonne kaha ki Jammu-Kashmir raajya kisi ek parivaar ki jaageer naheen hai. Yeh Bhaarat ka abhinn ang hai aur aapko tay karna hoga ki yahaan kaise shaasan chalaaya jaana hai. Kishtavaad jaane se khud ke roke jaane par arun jetali ne kaha ki agar BJP ki raajya sarkaarein Congress netaaon ko apne raajyon mein jaane se rokane lage, to kya hoga. . . Jetali ne kaha ki poore maamale ki gahan jaanch jaari hai aur Yeh sirf do samudaaon ke beech sangharsh ka maamala bhar naheen hai. Vaheen, maayaavati ki party BSP ne raajya ki umar abdulla sarkaar ko barkhaast karne ki maang ki. Is beech, gruh raajyamantri aarapeeen Singh ne bataaya ki kendra ne Jammu-Kashmir sarkaar se kishtavaad mein hui jhadap ke baare mein report maangi hai. Vaheen, Jammu-Kashmir ke mukhyamantri umar abdulla ne kishtavaad jhadap ki nyaayik jaanch ke aadesh diye hai. Umar ne ghoshana ki ki uchch nyaayalaya ke sevaanivrutt nyaayaadheesh is jaanch ka netrutv kareinge aur samay seema ke andar jaanch poori hogi.


Narendra Modi Ke Roop Mein BJP Ko Mila Hai Majaboot Neta Pruthveeraaj Chavhaan

Narendra Modi Ke Roop Mein BJP Ko Mila Hai Majaboot Neta Pruthveeraaj Chavhaan

Breaking »

Pankaj tyaagi nai Delhi. . Abhi tak to BJP aur usaki sahayogi paartiyon ke neta hi Gujarat ke mukhyamantri Narendra Modi ki taareef karte aae the, magar ab Congress ek bade neta ka naam bhi is list mein jud gaya hai. Maharashtra ke mukhyamantri pruthveeraaj chavhaan ne Narendra Modi ko Vajpayee ke baad BJP ka sabse majaboot neta bataaya hai. Unhonne kaha ki Advani bhi bade neta hain, lekin ve is star tak naheen uth paae the. Maharashtra ke CM pruthveeraaj chavhaan ravivaar shaam rajdhani mein patrakaaron se baatcheet kar rahe the. Chavhaan se savaal kiya gaya tha ki desh mein Narendra Modi ke paksh mein ban rahe maahaul par vah kya sochate hain? Iske javaab mein pruthveeraaj chavhaan ne kaha, 'Desh majaboot neta chaahata hai. Narendra Modi ke roop mein BJP ko pradhaanamantri atal bihaari Vajpayee ke baad pehli baar koi majaboot neta mila hai. Advani ji bade neta ban gaye the, lekin vah is star tak naheen uth paae the. ' chavhaan ne Modi ki aalochna bhi ki. Unhonne kaha ki Narendra Modi Gujarat ke logon ki mehnat ka kredit khud le rahe hai. Unhonne kaha, 'Agar Modi ko pradhaanamantri banana hai to apni party ke liye bahumat laana hoga, magar shivsena aur akaali dal ko chhodkar koi party Modi ke saath naheen aaegi. ' chavhaan ne Yeh bhi kaha ki behtar hoga agar Modi apni Pakistan paulisi bhi logon ke saamane rakhein. Shivraaj ne sardaar Patel se ki Modi ki tulana madhya pradesh ke mukhyamantri shivraaj Singh chauhaan ne Narendra Modi ki tulana sardaar vallabh bhaai Patel se ki hai. Chauhaan ne twitter par kaha, 'Shri Narendra Modi ke kad aur kaaryon ki tulana sirf sardaar Patel se ki ja sakti hai. ' chauhaan ne Yeh tweet Hyderabad mein ravivaar ko Modi ki vishaal rally se ek din pehle kiya tha. Congress pravakta Rashid alvi ne shivraaj ke is tweet ko sardaar Patel ka anaadar bataaya hai. Unhonne kaha, sardaar Patel ne is desh ki svatantrata ke liye jailon mein apna jeevan bitaaya. Vah na sirf ek mantri aur up pradhaanamantri the balki bade svatantrata senaani the. Is tarah ki tulana behad durbhaagyapoorn hai. '


Pruthvi-2 Ka Safal Pareekshan

Pruthvi-2 Ka Safal Pareekshan

Breaking »

baaleshvar, Orissa. . Parmaanu aayudh le jaane mein saksham svedashi misaail pruthvi 2 ka somvaar ko safalataapoorvak pareekshan kiya. 350 kilometer doori tak ki maarak kshamata waali is misaail ka pareekshan raksha balon ke upayog ke uddeshya se kiya gaya tha. Raksha sootron ne bataaya ki satah se satah par maar karne waali is misaail ko Orissa mein baaleshvar jile ke chaandeepur mein intigreted test range (ITR) range ke launch complex-3 se ek mobile launchar se chhoda gaya. Unhonne is pareekshan ko safal bataate hue kaha ki is misaail ka pareekshan raksha sevaaon ki stretarjik fors command (esaefasi) ne apne opareshanal abhyaas ke tahat kiya tha. Iski nigraani raksha anusandhaan aur vikaas sangathan (deeaaradeeo) ne ki. Deeaaradeeo dvaara viksit pruthvi do misaail ko pehle hi bharateeya sainya balon mein shaamil kiya ja chuka hai. Pruthvi do Bhaarat ke pratishthit ekeekrut nirdeshit prakshepaastr vikaas kaaryakram (aaijeeemadeepi) ke tahat viksit ki gayi pehli misaail hai. Yeh misaail 500 se 1000 kilogram aayudh le jaane mein saksham hai. Yeh taral indhan vaale do injanon se sanchaalit hoti hai. Ise sahi path par le jaane ke liye ek unnat nirdeshit pranaali ismein lagi hai. Sootron ne bataaya ki isse pehle pruthvi do ka pareekshan 20 December 2012 mein isi adde se safalataapoorvak kiya gaya tha. 350 kilometer doori tak ki maarak kshamata waali is misaail ka pareekshan raksha balon ke upayog ke uddeshya se kiya gaya tha.


48 Ghanton Mein Pak Ne Paanchaveen Baar Toda Seejafaayar

48 Ghanton Mein Pak Ne Paanchaveen Baar Toda Seejafaayar

Breaking »

Nai Delhi. . Pakistan apni harkaton se baaj aata naheen dikh raha hai. Ravivaar der raat ek baar fir Pakistan ne punchh mein bhaarateeya chaukiyon par firing ki. Pichhle 48 ghanton mein Yeh paanchavaan mauka hai, jab Pakistan ne 2003 mein hua seejafaayar toda hai. Sena ki uttari command ke pravakta lieutenant Colonel aar. Ke. Kaaliya ne bataaya ki Pakistan ki taraf firing chhote aur otomaitik hathiyaaron se ki gayi, jiska Bhaarat ne bhi javaab diya. Yeh firing somvaar subah saadhe teen baje tak jaari rahi. Isse pehle ravivaar ko din mein Pakistani sena ne aadha darjan bhaarateeya chaukiyon par firing ki. LOC se lage kanaachak area mein Pak ki taraf se achaanak hui firing mein BSF ka ek javaan jakhmi ho gaya. Ek doosari ghatna mein meindhar mein Pakistan sainikon ne machine gan aur 82mm mortar se hamla kiya. Javaab mein bhaarateeya sainikon ne bhi firing ki. Yeh firing subah 10 baje se lekar dopahar 3 baje tak jaari rahi. Is firing mein kisi tarah ke nuksaan ki khabar naheen hai. 6 August ko chakkaan da baag mein LOC par Pakistani sainikon aur aatankvaadiyon ne 5 bhaarateeya sainikon ki hatya kar di thi. Is ghatna ke baad se hi intaranaishanal border aur LOC par tanaav bana hua hai. Shukravaar raat ko bhi chakkaan da baag mein Bhaarat aur Pak ke beech firing hui thi, jo ki kai ghanton tak jaari rahi. Is beech pichhle hafte Kashmir ke saanba jile mein Pakistani firing mein jakhmi hue BSF ke ek javaan ne ravivaar ko dam tod diya. Donon deshon ke beech seejafaayar ke ullanghan ko dekhte hue sena ne javaanon ko border par saavadhaani se aiktiviti karne aur khule area mein jaane se bachane ki salaah di hai.


Poorv Keindreeya Mantri Devendr Prasaad Yadav Ka Nidhan

Poorv Keindreeya Mantri Devendr Prasaad Yadav Ka Nidhan

Breaking »

Nai Delhi. . Poorv keindreeya mantri evam Bihar se Congress ke varishth neta devendr prasaad Yadav ka dil ki beemaari ke chalte beeti raat yahaan ek aspataal mein nidhan ho gaya. 76 varsheeya Yadav ko dil mein kuchh samasya hone ke baad shahar ke ek aspataal mein 22 June ko bharti karaaya gaya tha. Unki chaar betiyaan aur do bete hain. Bihar ki munger sansadeeya seat se Yadav teen baar sansad sadasya rahe. Vah indira Gandhi ke mantrimandal mein 1971-77 ke beech shiksha raajya mantri rahe. Vah Rajiv Gandhi ke kaaryakaal ke dauraan Congress kaaryasamiti ke bhi sadasya rahe, jo party ki nirnaya lene waali sheersh ikaai hai. Yadav aarthik neeti par Congress samiti ke sadasya the aur isse pehle ifko tatha central school aargenaaijeshan ke adhyaksh bhi rah chuke the. Ranchi sthit Bihar university se vigyaan mein snaatkottar ki upaadhi haasil karne vaale Yadav raajaneeti mein aane se pehle prafesar aur kanishth vaigyaanik the. Vibhinn akaidamik aur shodh sangathanon se kareebi taur par jude Congress neta ne graasaroot planning, daayanaamiks of development aur Uranium end biyond sahit kai pustakein likhi hain. Yadav ke bade bete shubheindu ne bataaya ki unki antyeshti unke gruh shahar munger mein hogi.


Sasti Yaatra Va Khareedaari Se Cheen Ki Or Aakarshit Hue Bhaarateeya Paryatak

Sasti Yaatra Va Khareedaari Se Cheen Ki Or Aakarshit Hue Bhaarateeya Paryatak

Breaking »

Beijing: Bhaarateeya paryatakon ke liye cheen dheere-dheere pasandeeda gantavya ke roop mein ubhar raha hai, jo bajat tour package tatha sasti khareedaari ke vikalpon ke chalte yahaan aana pasand kar rahe hain. Ek tour oparetar ne bataaya ki vahaneeya samooh tour package ka laabh uthaate hue pichhle saal 6 lakh se adhik bhaarateeyon ne cheen ki yaatra ki. Beijing ninbas international service company ke mahaaprabandhak yaaofeing liyaang ne kaha, kisi bhi pramukh cheeni shahar ka naam lein, aap paaenge ki bhaarateeya paryatak samooh Beijing, shaangahaae, guaangajou, shiyaan sahit tamaam shaharon mein aa rahe hain. Aisa maana jaata hai ki paryatakon ko lubhaane ka 'Rahasyapoorn cheen' abhiyaan rang la raha hai jabki 'Atulya Bhaarat' abhiyaan yahaan itna asar naheen dikha paaya hai. Aadhikaarik aankadon ke anusaar, 2012 mein keval 1.5 lakh cheeni paryatakar Bhaarat gaye bhale hi Yeh sankhya poorv varsh ki tulana mein 9.5 pratishat adhik ho. Vaheen Bhaarat ke sevaanivrutt tatha dhani logon ke liye cheen pasandeeda gantavya ke roop mein ubhar raha hai, jo yahaan ke vikhyaat mall mein shaaping karna chaahate hain. Log yahaan se saste iPad, touch phone, ghadiyaan tatha sardi ke kapde aadi khareedte hain aur pramukh paryatak gantavyon ko jaate hain.


Ghareloo Baajaar Mein Kaaron Ki Bikri Saat Pratishat Ghati

Ghareloo Baajaar Mein Kaaron Ki Bikri Saat Pratishat Ghati

Breaking »

Nai Delhi: July mein ghareloo baajaar mein kaaron ki bikri 7.4 pratishat ghatkar 1,31,163 ikaaiyon ki rahi, jo beete saal August mein 1,41,646 ikaaiyon ki thi. Society of Indian aatomobaail mainyufaikchars (siyaam) ke aankadon ke mutaabik, beete maah motorcyclon ki bikri bhi 1.52 pratishat ghatkar 8,09,312 ikaaiyon ki rahi, jabki beete saal August mein desh mein 8,21,821 motorcyclon ki bikri darj ki gayi thi. July, 2013 mein kul dopahiya vaahanon ki bikri 0.06 pratishat ghatkar 11,31,992 vaahanon ki rahi, jo beete saal August mein 11,32,696 ikaaiyon ki thi. Siyaam ne kaha ki beete maah vaanijyik vaahanon ki kul bikri 14.93 pratishat ghatkar 55,301 ikaaiyon ki rahi. August, 2012 mein desh mein 65,008 vaanijyik vaahanon ki bikri hui thi. Beete maah vibhinn vargon mein vaahanon ki kul bikri 2.08 pratishat ghatkar 14,15,102 ikaaiyon ki rahi. Beete saal August mein kul vaahanon ki bikri 14,45,112 ikaaiyon ki rahi thi.


BJP Ne Sansad Mein Uthaaya Kishtavaad Hinsa Ka Masala, Raajya Sarkaar Par Nishaana

BJP Ne Sansad Mein Uthaaya Kishtavaad Hinsa Ka Masala, Raajya Sarkaar Par Nishaana

Breaking »

Nai Delhi: Kishtavaad hinsa ki goonj aaj sansad mein bhi sunaai di aur bhaarateeya janta party (BJP) ne apne varishth neta arun jetali ko ravivaar ko kishtavaad jaane se roke jaane ko lekar Jammu-Kashmir sarkaar ki aalochna ki. Is mudde par hangaame ke kaaran donon sadanon ki kaaryavaahi baadhit hui. Is beech, Jammu-Kashmir ke mukhyamantri umar abdulla ne kishtavaad jhadap ki nyaayik jaanch ke aadesh diye hai. Umar ne ghoshana ki hai ki uchch nyaayalaya ke sevaanivrutt nyaayaadheesh is jaanch ka netrutv kareinge aur samay seema ke andar jaanch poori hogi. Jammu-Kashmir ke gruhamantri sajjaad Ahmad kichloo par kathit roop se aarop lag rahe hain ki unhonne kai ghantein tak kaarravaai naheen ki aur hinsa ko bhadkane diya. Arun jetali ne NDTV se baatcheet mein kaha, chhah-saat ghanton tak hinsa kyon hoti rahi? Kisi na kisi ko jimmedaari leni hogi. Raajya ke gruhamantri vahaan kya kar rahe the? Collector aur SSP kya kar rahe the? Jetali ne savaal kiya ki haalaat par kaaboo paane ke liye sena bulaane mein deri kyon gayi? Rajyasabha mein BJP ke Venkaiya Naidu ne kaha ki kishtavaad mein jo kuchh hua, vah chintaajanak hai. Naidu ne kaha ki jetali kishtavaad mein hui hinsa par ek bayaan dena chaahate hain. Isi beech, tedepa sadasya pruthak telangaana raajya ke gathan ka virodh karte hue poster lekar aasan ke samaksh aa gaye. Vaam dalon ke sadasya bhi Kerala ke saur panel ghotaala ka mudda uthaate hue poster lekar aasan ke samaksh ja pahunche. Sabhaapati ne sadasyon se apne sthaanon par laut jaane aur sadan mein poster na dikhaane ko kaha. Unhonne sadan mein vipaksh arun jetali ko bolne ke liye kaha, lekin hangaame ke kaaran jetali apni baat naheen rakh paae. (chitr parichay : Karfyoograst ilaake mein tainaat surakshaakarmi)