IOB Ko Teesari Timaahi Mein 116.50 Karod Ka Shuddh Laabh

IOB Ko Teesari Timaahi Mein 116.50 Karod Ka Shuddh Laabh

Breaking »

Nai Delhi: Saarvajanik kshetr ke Indian overseas bank ko 31 December 2012 mein samaapt timaahi ke dauraan 116.50 karod rupaye ka shuddh laabh huaa hai, jo isse pichhle saal ki isi timaahi se 7.60 feesadi adhik hai. Isse pichhle vittavarsh ki teesari timaahi mein bank ne 108.27 karod rupaye ka munaafa kamaaya tha. Aalochya timaahi mein bank ki kul aay bhi badhkar 5,846.98 karod rupaye par pahunch gayi, jo isse pichhle saal ki samaan timaahi mein 5,015.33 karod rupaye thi. December mein samaapt teesari timaahi ke dauraan bank ki byaaj se hone waali aay bhi 16 feesadi badhkar 5333.14 karod rupaye par pahunch gayi, jo pichhle saal ki isi timaahi mein 4,604.26 karod rupaye thi. Chaaloo vittavarsh ki teesari timaahi mein bank ki gair-nishpaadit astiyaan (NPA) bhi 2.33 feesadi badh gaya, jabki isse pichhle saal ki isi timaahi mein bank ka NPA 1.23 feesadi tha.


Kaanda Ki Company Ka Casino Vaala Jahaaj Hoga Neelaam

Kaanda Ki Company Ka Casino Vaala Jahaaj Hoga Neelaam

Breaking »

Panaji: Haryana ke poorv mantri gopaal kaanda ki company ke casino (juaaghar) vaale jahaaj ko agar jaldi hi mandovi nadi se sthaanaantarit naheen kiya gaya to Goa sarkaar use neelaam kar degi. Is jahaaj ke license ki avadhi khatm ho chuki hai. Goa ke mukhyamantri manohar parrikar ne aaj vidhaanasabha ko yah jaankaari di. Sadan ko bataaya gaya ki golden globe hotels private limited ke svaamitv vaale jahaaj M vi leela ko raajya sarkaar ek laavaaris jahaaj maankar apne adhikaar mein le legi. Parrikar ne kaha, ham paryatan kaanoon ke tahat is jahaaj ko apne adhikaar mein leinge air ise neelaam kar deinge, kyonki iske license ki avadhi khatm ho chuki hai. Bhaajapa ke netrutv waali sarkaar pehle hi is jahaaj ko ek company se doosari company ko sthaanaantarit karne ka adhikaar haasil kar chuki hai. Unhonne kaha, agar yah jahaaj kisi doosari company ko bech bhi diya jaata hai to bhi raajya sarkaar ise juaaghar chalaane ka license naheen degi. Mukhyamantri ne kaha ki raajya ke kul chhah juaagharon mein se do (kaanda ka ek juaaghar bhi shaamil) juaaghar band ho chuke hain, kyonki unhonne shulk ka bhugataan naheen kiya. Unhonne kaha, ham in donon juaagharon ke badle kisi aur juaaghar ko chalaane ki anumati naheen day rahe hain. Iska matlab yah hai ki ab raajya mein sirf chaar hi juaaghar honge.


Kamal Quraan Ke Shabd Hataane Ko Taiyaar, Court Ne Barkaraar Rakha Ban

Kamal Quraan Ke Shabd Hataane Ko Taiyaar, Court Ne Barkaraar Rakha Ban

Breaking »

Chennai: Nirdeshak-abhineta kamal Hassan apni mega bajat film 'Vishvaroopam' mein se Quraan shareef se jude kuchh vivaadaaspad shabdon ko hataane par sahamat ho gaye hain, lekin Madras High Court ki badi bench ne film par Tamil Nadu sarkaar dvaara lagaae gaye pratibandh ko barkaraar rakhane ka faisala suna diya hai. High Court ke faisale ke khilaaf kamal Hassan guruvaar ko Supreme court mein appeal daayar kar sakte hain. Dopahar baad kamal Hassan ne kaha, mere muslim bhaaiyon ne mujhse baat ki, aur humne maamala shaantipoorvak nipta liya hai. Ab mere aur muslim bhaaiyon ke beech koi matabhed naheen rah gaye hain. Unhonne yah bhi kaha ki ab yah raajya sarkaar ki jimmedaari hai ki vah sunishchit kare ki kisi ka bhi nusasaan na ho. Lekin iske baavajood 'Vishvaroopam' Tamil Nadu mein release naheen ki jaaegi, kyonki Madras High Court ki singal-judge bench dvaara mangalvaar ko diye gaye pratibandh hata dene ke faisale ko raajya sarkaar ki appeal par badi bench ne palat diya hai. Gaurtalab hai ki film par vivaad se aahat kamal Hassan ne din mein kaha tha ki agar unhein insaaf naheen mila to vah desh tak chhod sakte hain.


Obama Ne Pesh Kiye Aavrajan Sudhaar, Sansad Ki Manjoori Ka Intajaar

Obama Ne Pesh Kiye Aavrajan Sudhaar, Sansad Ki Manjoori Ka Intajaar

Breaking »

Washington: Ameriki raashtrapati Barack Obama ne lambe samay se prateekshit aavrajan sudhaar pesh kiye hain. Isse 1.1 karod bina dastaavejon vaale aavrajakon ko kaanooni darja mil sakega. In sudhaaron mein rojagaar shreni mein kisi desh ki saalaana seema ko samaapt kiye jaane ka bhi praavadhaan hai. Isse badi sankhya mein Bhaarat ke praudyogiki kshetr se jude logon aur peshevaron ko faayda hoga. Loss Vegas mein neetiyon par ek vruhad sambodhan mein Obama ne sansad se aagrah kiya ki vah unke prastaavon par kaaryavaahi kare. Obama ne kaha, ''Isse hamaara kaaryabal yuva rahega, hamaara desh takaneeki morche par aage rahega aur duniya mein sabse behtar aarthik engine ke roop mein aage aa sakega. Aakhir aavrajakon ne hi Google aur Yahoo jaise kaarobaar shuroo kiye hain. Unhonne ek naya udyog taiyaar kiya jisse rojagaar ka srujan huaa aur hamaare naagrikon ko nai samruddhi mili. '' Vruhad sudhaar yojana ke anya prastaavon mein vigyaan, praudyogiki, engineering aur ganit (stem) ke diploma, ameriki vishvavidyaalayon se Ph. D. Aur master ki degree haasil logon ko natthi green card pradaan karna hai. Raashtrapati ne iske saath hi rojagaar srujan karne vaale udyamiyon ke liye shuruaati visa dene ka bhi prastaav kiya hai. In prastaavon se ameriki niveshakon aur graahakon se vitt aur raajasv aakarshit karne vaale videshi udyamiyon ko America mein kaarobaar shuroo karne aur pragati karne ki anumati mil sakegi. Yadi unki companiyaan aur aage badh jaati hain to unhein yahaan sthaayi taur par rahane ki anumati milegi. Isse ameriki logon ke liye rojagaar ke avsar upalabdh honge aur arthavyavastha ko raftaar milegi. White house ke bayaan mein kaha gaya hai ki puraane pad chuke kaanooni aavrajan kaaryakram mein sudhaar kiya ja raha hai jisse vibhinn shreniyon mein saalaana visa seema mein chhoot dekar maujooda aur bhavishya ki maang poori ki ja sake. Obama ne iske saath hi parivaar praayojit aavrajan pranaali mein lambit maamalon ko khatm karne ka prastaav kiya hai. Iske tahat bina istemaal vaale visa vaapas liye jaaenge aur asthaayi taur par saalaana visa sankhya badhaai jaaegi. Parivaar praayojit aavrajan pranaali mein vibhinn deshon ki maujooda seema ko 7 se badhaakar 15 feesad kiye jaane ka bhi prastaav hai. Obama ne kaha, ''Haal ke barso mein chaar high-tech shuruaati companiyon ki sthaapana America mein doosare desh ke naagrikon dvaara ki gayi. Chaar nae chhote kaarobaar ke maalikon mein se ek aavrajak hai. '' Ameriki raashtrapati ne kaha ki sabhi jaante hain ki aaj jo aavrajak pranaali hai vah puraani ho chuki hai. Yah pranaali hamaari arthavyavastha ko aage badhne mein madad karne ke bajaay ise rok rahi hai. Anya baaton ke alaava Obama ke prastaavon mein rojagaar srujan karne vaale udyamiyon ke liye shuruaati visa, niveshak visa mein avsaron ke vistaar, sangheeya raashtreeya suraksha vigyaan aur takaneeki prayogashaala kshetr ke liye nai visa shreni banaana shaamil hai. Bina dastaavejon par 1.1 karod aavrajakon ka ullekh karte hue Obama ne kaha ki unhonne haalaanki niyam tode hain lekin unhein vaapas bhej paana asambhav hai. Inmein se 2,40,000 se adhik bhaarateeya hain. Obama ne kaha, ''Ye 1.1 karod purush aur mahilaaen yahaan hain. Inmein se kaafi log barso se yahaan hain. Ye log hamaare liye samasya naheen hain, balki samudaaya mein yogadaan kar rahe hain. '' ameriki raashtrapati ne kaha ki desh ke madhyam varg ko majaboot karne aur rojagaar ke avsaron ke srujan ke liye pranaali mein badlaav jaroori hain.


Sarkaar Sthir Hai, Aur Isteefon Ki Aashanka Naheen Shettaar

Sarkaar Sthir Hai, Aur Isteefon Ki Aashanka Naheen Shettaar

Breaking »

Bengaluru: Poorv mukhyamantri BS yediyurappa samarthak aur mantriyon evam vidhaayakon ke isteefe dene ke khatre ke beech Karnataka ke mukhyamantri jagadeesh shettaar ne Budhvaar ko kaha ki unki sarkaar sthir hai tatha unhein aur isteefon ki aashanka naheen hai. Shettaar ne yahaan kaha,''Main sabhi bhaajapa vidhaayakon ke sampark mein hoon. Ve vidhaanasabha ki sadasyata se isteefa naheen dene ja rahe. '' udhar, apni raajaneetik daavapeinch se bhaajapa sarkaar ke liye sankat khadi karne vaale yediyurappa ne shettaar ko chunauti di yadi 'Unke paas bahumat hai to ve bajat pesh karein. ' Bijapur jile ke Indy mein samvaadadaataaon se baatcheet mein yediyurappa ne kaha, ''Kuchh aur mantriyon evam vidhaayakon ke isteefe ka intajaar keejiye. Main kisi par isteefe ke liye dabaav naheen daal raha. '' haalaanki kal 12 vidhaayakon ke isteefe ke baad bilkul maamooli bahumat se apni sarkaar chalaane vaale shettaar ne mangalvaar ko aarop lagaaya tha ki in vidhaayakon ne dabaav mein isteefa diya. Unhonne kaha,''Sarkaar sthir hai aur main (8 February ko) bajat pesh karoonga. '' unhonne is aarop ka khandan kiya ki vidhaanasabhaadhyaksh ke ji bopaiya ne vidhaayakon ke tyaagapatr sveekaarane mein deri kar raajaneeti ki hai. Upamukhyamantri evam pradesh bhaajapa adhyaksh ke S ishvarappa ne kaha ki yadi Congress avishvaas prastaav laati hai to sarkaar usaka mukaabala karne ko taiyaar hai. Ishvarappa ne 4 February se shuroo ho rahe bajat satr se pehle is sankat aur usase nibatne ke taur tareekon par shettaar, bhaajapa mahaasachiv anant Kumar evam raashtreeya swayamsevak sangh ke neta santosh samet sheersh netaaon ke saath baatcheet ki hai. Kal 13 asantusht bhaajapa vidhaayak raajya sachivaalaya mein vidhaanasabhaadhyaksh se unke kaaryaalaya mein mile the aur unhonne vidhaanasabha ki sadasyata se apna isteefa unhein saunpa tha. Kai ghante baad isteefe manjoor kiye gaye the. Ek vidhaayak vittaala katakadonda ka isteefa takaneeki kaaranon se asveekaar kar diya gaya. Baarah asantusht vidhaayakon ke isteefe ke baad vidhaanasabha mein bhaajapa ke paas 105 sadasya, Congress ke paas 71 tatha janta dal secular ke paas 26 sadasya hain jabki saat nirdaleeya vidhaayak evam vidhaanasabhaadhyaksh hain. Ek nirdaleeya vidhaayak sarkaar ka samarthan kar rahe hain.


Vishvaroopam Par Bole Shinde, Ham Pata Lagaaenge Ki Kya Huaa Hai

Vishvaroopam Par Bole Shinde, Ham Pata Lagaaenge Ki Kya Huaa Hai

Breaking »

Nai Delhi: Bhaari bharakam bajat ki film 'Vishvaroopam' ke release ko lekar dikkaton ka saamana kar rahe filmstar kamal Hassan ke samarthan mein aate hue kendra ne Budhvaar ko kaha ki desh mein har kisi ko abhivyakti ki svatantrata hai aur kalaakaaron ko apni pasand ka kaam karne ki poori aajaadi hai. Kendreeya gruhamantri susheel Kumar shinde ne kaha, '' hamaara svatantr samaaj hai jahaan abhivyakti ki aajaadi hai. Kalaakaaron ko aajaadi hai. Hamaara apna ek samvidhaan hai. '' unase kamal Hassan ke us bayaan par savaal kiya gaya tha ki Tamil Nadu sarkaar naheen chaahati ki vah raajya mein rahein aur vah raajya chhodkar ja sakte hain aur desh ya videsh mein koi dharmanirpeksh jagah talaashakar vahaan raheinge. Vishvaroopam ke release ki raah mein aa rahi dikkaton ke baare mein poochhane par shinde ne kaha ki kuchh raajyon mein kuchh dikkatein hain aur vah ise dekheinge (ki kya dikkat hai). ''Ham dekheinge. Ham pata lagaaenge ki kya huaa hai. ''


Modi Ko Ummeedavaar Ghoshit Kare Bhaajapa Muslim Sangathan

Modi Ko Ummeedavaar Ghoshit Kare Bhaajapa Muslim Sangathan

Breaking »

Nai Delhi: Bhaajapa mein Gujarat ke mukhyamantri Narendra Modi ko pradhaanamantri pad ka ummeedavaar ghoshit kiye jaane ki maang ko lekar chhidi bahas ke beech pramukh muslim sangathan jameeyat ulema-A-hind ne kaha hai ki party ko Modi ke naam ka ailaan kar dena chaahiye aur fir desh ki janta faisala kar degi ki kathit 'Saampradaayik vyakti' ko desh ki sabse oonchi kursi par baithna chaahiye ya naheen. Jameeyat pramukh maulaana Arshad madani ne Budhvaar ko kaha, ''Ham to kah rahe hain ki bhaajapa Modi ko pradhaanamantri pad ka ummeedavaar ghoshit kar de aur fir desh ki avaam faisala kar degi ki S vyakti ko desh ka pradhaanamantri banana chaahiye ya naheen. '' unhonne kaha, ''Desh ka mijaaj dharmanirpeksh hai aur hamein poora bharosa hai ki janta sahi faisala karegi. '' Gujarat mein Modi ko kai sthaanon par muslim mat milne ki or dhyaan dilaane par madani ne kaha, ''Vidhaanasabha chunaav apni jagah hota hai, jahaan log sthaaneeya muddon ko dekhkar matadaan karte hain. Sansadeeya chunaav mein sthiti poori tarah alag hoti hai. '' Ullekhaneeya hai ki bhaajapa mein yashavant sinha aur Ram Jethmalani sareekhe neta Modi ko pradhaanamantri pad ka ummeedavaar ghoshit karne ki khulkar pairavi kar rahe hain. Isko lekar in dinon bahas chhidi hui hai.


Kabhi Apni Gati Se Samjhauta Naheen Karoonga Shami Ahmad

Kabhi Apni Gati Se Samjhauta Naheen Karoonga Shami Ahmad

Breaking »

Nai Delhi: Bhaarat ke ubharate hue tej geindabaaj shami Ahmad ka maanana hai ki vah kabhi apni gati mein kami karne ke vikalp par vichaar naheen kareinge. Unki najar mein haalaanki line aur leinth tej geindabaaji ka aham hissa hai. Shami ne kaha, ''Mere liye gati aur swing meri geindabaaji ke do sabse aham pahaloo hain. Mujhe pata hai ki line aur leinth kaafi aham hai lekin main apni teji se kabhi samjhauta naheen karoonga kyonki yah meri geindabaaji ka sabse majaboot hissa hai aur mujhe is star par pahunchaane ka aham kaaran hai. '' Pakistan ke khilaaf padaarpan van-de mein lagaataar chaar maiden over feinkakar bhaarateeya record banaane vaale shami ne kaha, ''Main us kshetrarakshan ke hisaab se geindabaaji karne ka prayaas kar raha tha jo mere kaptaan ne mere liye sajaaya tha. Aap is tarah ki cheejon ki yojana naheen bana sakte lekin mere saath aisa huaa aur main khush hoon. Mujhe hamesha apni kshamata par bharosa tha aur kadi mehnat karne ko taiyaar hoon. '' Shami ne kaha ki Pakistan ke khilaaf kam score vaale match mein padaarpan match mein unhonne geindabaaji karte hue kaptaan Mahendra Singh Dhoni ke nirdeshon ka paalan kiya. Unhonne kaha, ''Dhoni bhaai ne mujhe sirf itna kaha tha ki nervous mat hona aur rananeeti se mat bhatakna. '' Bhaarateeya team ke saath ek maheena bitaane aur paanch ekadivseeya match khelne ke baad shami ko nishchit taur par ehsaas ho gaya hoga ki unamein lambe samay tak team India ka hissa banane ka dam hai. Unhonne kaha, ''Dhoni, Gautam gambhir, viraat Kohli aur Yuvraj Singh jaise khilaadiyon ko dekhkar aap kaafi kuchh seekhate hain. Aisa naheen hai ki ve aapko coaching deinge lekin ve aapko chhoti chhoti aham baate bataate hain jo aapko samajhni hoti hain. ''


Satta Mein Aane Par Retail Mein FDI Ka Faisala Vaapas Hoga Rajnath

Satta Mein Aane Par Retail Mein FDI Ka Faisala Vaapas Hoga Rajnath

Breaking »

Brahmapuri: Bhaajapa ke raashtreeya adhyaksh Rajnath Singh ne ek baar fir doharaaya ki agar 2014 mein unki party satta mein I to khudara kshetr mein pratyaksh videshi nivesh (FDI) ko anumati dene sambandhi samprag sarkaar ke faisale ko vaapas le liya jaaega. Rajnath ne kisaanon ki ek rally ko sambodhit karte hue kaha ki agar unki party 2014 mein satta mein I to khudara kshetr mein FDI ki anumati ke us faisale ko vaapas le liye jaaega jisse desh ke laakhon vyaapaariyon aur kaarobaariyon ke hiton ko nuksaan ho raha hai. Is dauraan manch par party ke poorv pramukh nitin gadkari bhi maujood the. Rajnath ne samprag sarkaar dvaara FDI ko anumati dene ki ghoshana kiye jaane ke turant baad pichhle saal September mein ise vaapas lene ki baat ki thi. Unhonne kaha ki agar unki party satta mein I to mahaatma Gandhi raashtreeya graameen rojagaar guaranty yojana ko krushi se joda jaaega aur urvarakon, beej tatha mitti ki jaanch mein kisaanon ki madad ke liye har jile mein prayogashaalaaen sthaapit ki jaaengi. Iske alaava ek niyaamak praadhikaar beejon aur urvarakon ki keematon evam gunavatta par niyantran karega. Rajnath ne fasal aay beema yojana laagoo naheen karne ke liye samprag sarkaar ki aalochna ki. Rajnath Singh jab kendra mein krushi mantri the, usi samay unhonne is sambandh mein vichaar pesh kiya tha. Vidarbh kshetr mein kisaanon ki aatmahatya ka jikr karte hue Rajnath ne aarop lagaaya ki raajya sarkaar sinchaai pariyojanaaon ko poora naheen kar saki hai. Unhonne kaha ki kisaanon ko apne utpaadon ka paryaapt daam milna chaahiye.


Lagaataar Paanchavi Baar Beejad Adhyaksh Chune Gaye Naveen Patanaayak

Lagaataar Paanchavi Baar Beejad Adhyaksh Chune Gaye Naveen Patanaayak

Breaking »

Bhuvaneshvar: Orissa ke mukhyamantri naveen patanaayak nirvirodh roop se lagaataar paanchavi baar sattaarudh Biju janta dal (beejad) ke adhyaksh chune gaye. Raajya ke peethaaseen adhikaari prabhaat tripaathi aur beejad ke vhip nein kaha, 'Adhyaksh pad ke liye chunaav karaane ki koi jaroorat naheen hai kyonki kisi anya ne naamaankan daakhil naheen karaaya. ' Tripaathi ne bataaya ki naamaankan patron ki chhaanabeen hui aur party ne apne adhyaksh pad ke liye patanaayak ke naam ki aupachaarik ghoshana ki hai. Gaurtalab hai ki varsh 1997 mein pita Biju patanaayak ke nidhan ke baad naveen ne beejad ka gathan kiya aur party mein har teen saal ke baad chunaav hote hain. Is mauke par naveen ne kaha, 'Mujhe paanchavi baar beejad ka adhyaksh chunane ke liye main sabhi ka aabhaari hoon. ' saath hi unhonne kaha ki party ne logon ka vishvaas aur bharosa haasil kiya hai. Adhyaksh chune jaane ke baad naveen ne nau upaadhyakshon ke saath 81 sadasyeeya kaaryapaalak samiti ki ghoshana ki. Pehle upaadhyakshon ki sankhya chaar thi. Inke alaava 10 mahaasachiv aur 10 sachiv honge.


Vivaahita Ne Kiya Premi Sang Vivaah, Bhaaiyon Ne Le Li Jaan

Vivaahita Ne Kiya Premi Sang Vivaah, Bhaaiyon Ne Le Li Jaan

Breaking »

Munger: Bihar ke munger jile ke Khadagpur thaana kshetr mein somvaar ko ek vivaahit mahila ko apne premi ke saath vivaah kar lene se naaraaj uske hi bhaaiyon ne kathit taur par usaki peetakar jaan le li. Police ke anusaar gobadda gaanv ki rahane waali poonam kumaari ka vivaah teen varsh poorv belahar thaana ke dolaband gaanv nivaasi Gautam ke saath huaa tha. Parantu kuchh hi dinon ke baad pati-patni ke beech man-mutaav ho gaya. Iske baad poonam apne maayake mein rahane lagi. Police ne bataaya ki poonam ne gupchup tareeke se kareeb ek maheene poorv apne premi Lakshmipur thaana ke dobhaachak gaanv nivaasi guddoo se vivaah kar liya. Iski jaankaari hone ke baad poonam ke parijan kaafi naaraaj hue aur uske hi do bhaaiyon shivkaant aur chhotoo ne somvaar ki subah poonam ki jamkar pitaai kar di. Atyadhik pitaai hone se usaki ghatnaasthal par hi maut ho gayi. Is hatya ko aatmahatya ka maamala banaane ke liye shav ke gale mein funda daalkar kamre ki chhat se lataka diya gaya. Khadagpur ke thaana prabhaari mukesh Kumar ne bataaya ki shav ko postmortem ke liye aspataal bhej diya gaya hai tatha poore maamale ki chhaanabeen ki ja rahi hai. Ghatna ke baad se donon bhaai faraar bataae ja rahe hain.


Mulaayam Singh Ne Kaha, Ghamand Na Karein Kaaryakarta

Mulaayam Singh Ne Kaha, Ghamand Na Karein Kaaryakarta

Breaking »

Lucknow: Samaajavaadi party (sapa) pramukh mulaayam Singh Yadav ne sapa kaaryakartaaon ko satta ka ghamand naheen karne ki hidaayat dete hue party ke lakshya-2014 ko bhedane ke liye sarkaar ki neetiyon ke kriyaanvayan mein sakriya bhoomika nibhaane ke nirdesh diye. Yadav ne kaha ki aagaami Loksabha chunaav mein teesare morche ko hi bahumat milega. Sapa ko is baat ke liye hoshiyaar rahana hoga ki uske vote mein seindh na lagne paae. Vidhaanasabha chunaav mein sapa ko sabhi jaatiyon aur vargon ne vote dekar bahumat dilaaya hai isliye kaaryakarta ghamand naheen karein aur janta ke beech jaakar unki samasyaaen sunakar unka nivaaran karaaen. Unhonne kaha ki sapa padaadhikaari aur kaaryakarta sarkaar ki yojanaaon mein sakriya bhoomika nibhaaen. Yah dekhein ki koi paatr vyakti ya ladki berojgaari bhatta evam kanya vidyaadhan se vanchit na rahe. Kaaryakartaaon ko anushaasan mein rahane ki hidaayat dete hue sapa pramukh ne kaha ki unhein lokataantrik samaajavaad mein vishvaas hai. Party mein 'Dabi mutthi, khuli jabaan' ki neeti hai, yaani yahaan anushaasan ke saath bolne ki aajaadi hai. Yadav ne kaha ki sapa kaaryakarta bhrashtaachaar par nigaah rakhein kyonki party ki sarkaar mein beimaani ke liye koi jagah naheen hai. Unhonne kaha 'Aagaami Loksabha chunaav bahut mahatvapoorn hain. Uttar pradesh vidhaanasabha chunaav mein sapa ki jeet par vipakshi paartiyon ke anek raashtreeya netaaon ko jalan tatha aashcharya hai, lekin isse party ka sammaan bahut badha hai. Ab hamein kendra mein apni poori taakat se pahunchana hai. '


Iran Ne Antariksh Mein Bheja Bandar

Iran Ne Antariksh Mein Bheja Bandar

Breaking »

Tehran: Iran ne svadeshi takaneek se nirmit pishgaam rocket ke jariye antariksh mein ek jeevit bandar bheja hai. Press TV dvaara somvaar ko jaari rapat ke anusaar, bandar ko lekar antariksh yaan ne antariksh ke liye prasthaan kiya aur baad mein yaan surakshit laut aaya. Samaachaar agency sinhuaa ne Tehran sthit arabi bhaasha ke al-alam channel ke havaale se kaha ki Iran ki antariksh agency ne is pariyojana ka adhyayan kiya aur ise sampann kiya. Samaachaar agency faars ke anusaar, pishgam rocket ke jariye antariksh yaan ko Irani raksha mantraalaya ke antariksh vibhaag dvaara ek poorv nirdhaarit kaksha ke liye chhoda gaya. Antariksh yaan ki antariksh mein maujoodagi ki avadhi ke baare mein koi rapat naheen saamane I hai. Iske pehle antariksh mein bandar bhejane ki Iran ki ek koshish vifal saabit hui thi.


Loksabha Adhyaksh Ki Laapata Rishtedaar Railway Station Par Mili

Loksabha Adhyaksh Ki Laapata Rishtedaar Railway Station Par Mili

Breaking »

Kanpur: Loksabha adhyaksh meera Kumar ki rishte ki bhateeji ko Kanpur police ne railway station se baraamad kar liya. Vah apni buaa meera Kumar se milne Delhi gayi thi, lekin vahaan tak pahunchi naheen aur pichhle do din se usaka kuchh ata-pata naheen tha. Somvaar raat vah Kanpur police ko achaanak railway station par mil gayi. Kanpur police ke SSP yashasvi Yadav ne bataaya ki kidvainagar mein rahane vaale Hemnath Loksabha adhyaksh meera Kumar ke mamere bhaai hain. Is naate meera Kumar unki 22 varsheeya beti Priyanka ki buaa huin. Priyanka Kumar 26 January ko apne computer center Juhi jaane ke liye nikli, lekin laut kar nahi I. Tab gharwaalon ne 27 January ko is maamale ki FIR Juhi police station mein likhvaai. Unhonne bataaya ki maamala choonki Loksabha adhyaksh ka tha isliye police ne pehle to is maamale ko gumshudgi mein likha baad mein ise apaharan ka maamala maankar Priyanka ko dhoondhane ke liye nau police teemein banaai gain aur maamala bahut gupt rakha gaya. Priyanka ke photo sabhi railway station aur bas addon ko to bheje hi gaye saath hi Allahabad mein chal rahe Kumbh mele ki police ko bhi photo bheje gaye. Police teemon ne shahar ke sabhi hotelon, dharmashaalaaon aur anek sthaanon par talaashi abhiyaan chalaaya. Raat mein railway station par tainaat Anwarganj ki police team ko Delhi ki train se ek ladki utarati dikhi jiski shakl Priyanka Kumar se milti julati thi police ne turant use apne sanrakshan mein le liya aur usase poochh-taachh ki to usane apna naam Priyanka Kumar bataaya aur apne ko meera Kumar ki bhateeji bataaya.


Pita-putr Ne Saath Milkar Vimaan Udaaya, Itihaas Racha

Pita-putr Ne Saath Milkar Vimaan Udaaya, Itihaas Racha

Breaking »

Vadodara: Vaayusena mein do piloton- pita evam putr ne AN-32 vimaan udaakar parivaar ke liye ek itihaas racha jismein lagaataar teen peedhiyaan vaayusena mein hain. Gujarat ke vadodara mein vaayusena station par air officer commanding air commodore RS sodhi aur unke bete flight lieutenant angad sodhi ne yahaan se vimaan udaaya. Angad filhaal Agra vaayusena station par squadron 12 mein tainaat hain. RS sodhi Chandigarh ke rahane vaale hain aur unke parivaar ki teen peedhiyaan vaayusena mein rah chuki hain. Angad ke daada 85 varsheeya bhoopeindar Singh sodhi sevaanivrut vig commander hain. Vah November 1949 mein prashaasan evam kaanooni shaakha mein jude the. Bhoopeindar Singh ke donon bete pita ke padachahnon par chalte hue vaayusena mein shaamil hue. Bhoopeindar Singh ke bade bete air Commodore PS sodhi medical adhikaari ke roop mein vaayusena mein shaamil hue aur vah jorahat ke 5 vaayusena aspataal mein commanding hain. Chhote bete RS sodhi ko June, 1979 mein ladaakoo pilot ke roop mein vaayusena mein commission mila tha. Flight lieutenant angad June, 2010 mein bataur pilot vaayusena mein shaamil hue. Bhoopeindar sodhi ne kaha, 'Main apne bete aur pote ke vaayusena mein shaamil hone se garv mahasoos kar raha hoon. '


Bhaarat, Bangladesh Ne Pratyarpan Sandhi Par Kiye Hastaakshar

Bhaarat, Bangladesh Ne Pratyarpan Sandhi Par Kiye Hastaakshar

Breaking »

Dhaaka: Keindreeya gruh mantri susheel Kumar shinde ke do divseeya Bangladesh yaatra ke pehle din donon deshon ne somvaar ko ek pratyarpan sandhi sahit do mahatvapoorn samjhauton par hastaakshar kiye. Daily star ki rapat ke anusaar, Bangladesh ke gruh mantri muhiuddeen Khan aalamgeer aur shinde ne apne-apne desh ke pratinidhi ke roop mein samjhauton par hastaakshar kiye. Iske pehle apni mulaakaat ke baad donon mantriyon ne ek sanyukt samvaadadaata sammelan mein samjhauton ki ghoshana ki. Report mein kaha gaya hai ki aatankvaad se nipatne ke lihaaj se taiyaar ki gayi is pratyarpan sandhi mein kuchh inkaar ke praavadhaan bhi hain. Bangladesh ke gruh mantraalaya ke ek adhikaari ke havaale se kaha gaya hai ki yadi kisi vyakti ka pratyarpan raashtreeya suraksha ke liye khatra paida karta hoga, to sambandhit desh pratyarpan anurodh ko khaarij kar sakta hai. Donon pakshon ne ek nai visa vyavastha par bhi hastaakshar kiye, jiska sheershak 'Revised travel arrangement' (RTA) hai. Visa samjhaute ke anusaar, donon deshon ke vyaapaariyon ko paanch varsheeya bahupravesh visa diya jaaega. Jo log chikitsakeeya aadhaar par yaatra karna chaaheinge, unhein do varsh ka bahupravesh visa diya jaaega, jise atirikt ek varsh tak badhaaya ja sakta hai. Chikitsakeeya uddeshya ke maamale mein kisi mareej ke saath teen timaaradaar bhi visa paane ke hakdaar honge. Mulaakaat ke dauraan Bangladesh ki pradhaanamantri ke antarraashtreeya maamalon ke salaahakaar gauhar rijvi, gruh raajya mantri shamasul hak tukoo, Bhaarat mein Bangladesh ke uchchaayukt taarik A. Kareem aur dhaaka mein bhaarateeya uchchaayukt pankaj saran maujood the.


HIL Rhinos Jeete, Magicians Ki Saataveen Haar

HIL Rhinos Jeete, Magicians Ki Saataveen Haar

Breaking »

Ranchi: Ranchi rhinos team ne astro turf stadium mein somvaar ko khele gaye hero hockey India league (HIL) ke 17vein mukaabale mein mumbai magicians team ko 2-1 se hara diya. Magicians ko lagaataar saataveen haar mili hai. Rhinos ke liye Ashley Jackson ne 29vein aur Manpreet Singh ne 49vein minute mein gol kiya. Magicians ke liye sandeep Singh ne pehle minute mein gol daaga. Yah sandeep ka 10vaan gol hai. Donon teemon ke beech jordaar takkar ki ummeed thi aur huaa bhi yahi. Magicians ne match ke pehle hi minute mein haasil penalty corner ko gol mein badalkar apne iraade jaahir kar diye. Sandeep ne HIL mein apna 10vaan gol kiya. Unhonne rhinos ke goalkeeper ke shareer ke oopar se geind ko uchhaala. Goalkeeper ne prayaas kiya lekin tab tak der ho chuki thi. Sandeep ka jordaar drag goalpost mein ghus chuka tha. Rhinos ke liye yah penalty corner kaafi bhaari pada kyonki match ke pehle hi minute se uske khilaadi dabaav mein aa gaye. Rhinos ke khilaadiyon ko is dabaav se nikalne aur baraabari ka gol karne mein 28 minute lage. 29vein minute mein Jackson ne penalty corner par kiye gaye gol ka badla theek usi tarah chukta kiya aur apni team ko 1-1 ki baraabari par la diya. Iske baad donon teemon ke beech fir se aage nikalne ki hod shuroo ho gayi lekin is baar safalta mejabaan team ko mili. Rhinos ki or se Manpreet ne badhat vaala gol kiya. Manpreet ne akele dam par yah gol kiya. Is jeet ne paanch teemon ki taalika mein rhinos ko aur majabooti di hai. Usane saat mein paanch match jeete hain jabki use do maichon mein haar mili hai. Rhinos ke khaate mein 27 ank hain. Itne hi ank Delhi waveriders ke khaate mein bhi hain lekin usane ye ank chhah maichon se jutaae hain. Taalika mein waveriders pehle, rhinos doosare, JP Punjab warriors (20) teesare, uttar pradesh wizards (17) chauthe aur magicians (7) paanchavein sthaan par hai. Magicians ka ab tak jeet ka khaata bhi naheen khula hai.


Pitaai Se Hui Bhaarateeya Kaidi Ki Maut Vakeel

Pitaai Se Hui Bhaarateeya Kaidi Ki Maut Vakeel

Breaking »

Lahore: Pakistan ke ek vakeel ne kaha hai ki bhaarateeya kaidi chambel Singh ki maut jail karmachaariyon ke haathon hui pitaai ke kaaran hui. Doosari or, ek anya vakeel ne kaha hai ki maamale ki jaanch ki maang ko lekar vah Lahore uchch nyaayaalaya ka darvaaja khatkhataaenge. Beeti 15 January ko Lahore ke jinna aspataal ke chikitsakon ne chambel Singh ko mrut ghoshit kiya tha. Jaasoosi ke maamale mein paanch saal ki saja paae Singh kot lakhapat jail mein band the. Jaalsaaji ke maamale mein kot lakhapat jail mein 42 maheene ki saja kaatkar baahar aae isaai vakeel tahaseen Khan ne daava kiya ki jail karmachaariyon dvaara buri tarah peete jaane ke kaaran Singh ki maut hui. Unhonne pehle bhi yah daava kiya tha. Khan ne kaha, 'Beete 15 January ko mainne jail ke teen karmachaariyon ko chambel Singh ki pitaai karte dekha. Use kai baar peeta gaya. Mera maanana hai ki usaki maut pitaai ki vajah se hui. ' Jail ke adhikaariyon ne Khan ke daave ko khaarij karte hue kaha hai ki Singh ki maut dil ka daura padne ke kaaran hui maaloom padti hai.


Beti Ka Balaatkaar Karne Vaale Baap Ko Umrakaid

Beti Ka Balaatkaar Karne Vaale Baap Ko Umrakaid

Breaking »

Coimbatore: Tamil Nadu ke Coimbatore mein beti ka balaatkaar kar use do baar garbhavati banaane vaale 50 varsheeya vyakti ko umrakaid ki saja sunaai gayi. Mahila adaalat ke nyaayaadheesh MP subrahmaniym ne abhiyukt autorickshaw driver palaanisaami ko saat saal ke kathor kaaraavaas ki saja bhi sunaai. Usane beti ko is aparaadh ka pardaafaash karne par dushparinaam ki dhamaki di thi. Donon saja saath-saath chalegi. Abhiyojan ke anusaar palaanisaami varsh 2007 se hi 17 varsheeya apni beti ka balaatkaar kar raha tha. Ladki ki maan ek niji factory mein kaam karti thi aur usaki aksar raat ki duty lagti thi. Jab vah kaam par chali jaati thi tab vah usaka balaatkaar karta tha. Pita ki ghinauni harkat se aajij aakar ladki ne 2009 mein police mein shikaayat darj ki aur kaha ki usaka ek baar garbhapaat ho gaya aur doosari baar operation kar bhroon nikaala gaya.


Congress Neta Shankarabhaai Baaghela Bhaajapa Mein Shaamil

Congress Neta Shankarabhaai Baaghela Bhaajapa Mein Shaamil

Breaking »

Ahmedabad: Varishth Congress neta evam poorv vidhaayak shankarabhaai vaaghela bhaajapa mein shaamil ho gaye. Vah 2012 mein unki party dvaara vidhaanasabha chunaav ka tikt na diye jaane se naaraaj the. Vaaghela kheda jile ki chakalaasi vidhaanasabha seat ka saat baar pratinidhitv kar chuke hain. Pichhle vidhaanasabha chunaav mein Congress ne unhein tikt dene se mana kar diya tha. Bhaajapa pravakta jagadeesh Bhavsar ne kaha, 'Vaaghela apne samarthakon ke saath bhaajapa mein shaamil ho gaye aur bhaajapa neta narahari ameen ne unka svaagat kiya. '


Aajam Bole, Tajmahal Giraate To Mujhe Sabse Aage Paate

Aajam Bole, Tajmahal Giraate To Mujhe Sabse Aage Paate

Breaking »

Mujaffaranagar: Desh-duniya ke log Tajmahal ko bhale hi pyaar ki anmol nishaani maanate hon lekin uttar pradesh ke nagar vikaas mantri aajam Khan ise mugal baadshah shaahajahaan dvaara mahbooba ki yaad mein sarkaari khajaane ka durupayog maanate hain. Aajam Khan ne vivaadaaspad baabari kaand ko yaad karte hue kaha, 'Agar masjid giraane ke bajaay logon ne Tajmahal giraaya hota to vah unamein sabse aage hote, kyonki shaahajahaan ne sarkaari khajaane ka durupayog karke apni mahbooba ke liye vah imaarat banvaai thi. ' Aajam ne maayaavati ke smaarakon ki or ishaara karte hue kaha, 'Shaahajahaan ko apni mahbooba ki yaad mein Tajmahal banaane ke liye sarkaari khajaane se bhaari-bharakam dhanaraashi ke durupayog ka adhikaar naheen tha. ' 'Berojgaari bhatta', 'Hamaari beti usaka kal', aur 'Padhein betiyaan-badhein betiyaan' yojana ke laabhaarthiyon ko check vitrit karte hue unhonne kaha ki basapa ne sarkaar khajaane ka khoob durupayog kiya.


Varun Gandhi Ki Mushkilein Badheen, Teen Ghante Rahe Hiraasat Mein

Varun Gandhi Ki Mushkilein Badheen, Teen Ghante Rahe Hiraasat Mein

Breaking »

Peeleebheet: Varun Gandhi ki mushkilein kam hone ka naam naheen le rahi hain. Jaanleva hamle ke ek maamale us samay vah kaanoon ke shikanje mein aa gaye jab peeleebheet ki CJM court ne unki jamaanat arji khaarij kar di aur unhein nyaayik hiraasat mein bhej diya. Aanan-faanan mein varun Gandhi ke vakeel ne jila evam satr nyaayadheesh ki court mein jamaanat arji daakhil ki tab jaakar unhein raahat mili. Is beech, unhein teen ghante hiraasat mein rahana pada. Jila judge ne unhein 15 din ki antarim jamaanat di hai aur ab unhein 13 February ko dobaara court mein aage ki jamaanat ke liye pesh hona padega. Gaurtalab hai ki 28 March 2009 ko varun Gandhi ne bhadkaaoo bhaashan maamale mein peeleebheet court mein surrender kiya tha jahaan unki jamaanat arji khaarij hone par peeleebheet jail bheja ja raha tha. Tabhi varun samarthakon ne jail parisar mein patharaav va firing ki thi. Police ka aarop tha ki unhonne bheed ko ukasaaya tha.


Delhi High Court Ne Diya Nursery Mein Daakhile Par Rok Ka Aadesh

Delhi High Court Ne Diya Nursery Mein Daakhile Par Rok Ka Aadesh

Breaking »

Nai Delhi: Delhi High Court ne Delhi ke sabhi private schoolon ko nirdesh diya hai ki ve tab tak apne apne schoolon mein nursery ke daakhile ki prakriya shuroo na karein jabatak ki is maamale mein koi antim faisala na aa jaae. Saal 2010 mein sarkaar ki taraf se daakhilon ko lekar jaari notification ki vaidhata ko lekar faisala aana hai. Court ne yah bhi aadesh diya ki school daakhile ko lekar khud ki neeti naheen bana sakte. Sarkaar ke notification mein kaha gaya tha ki school apne hisaab se guideline aur daakhila ka aadhaar tay kar sakte hain. Court ne pehle kaha tha ki kendra aur Delhi sarkaar private schoolon ko daakhile mein apne niyam banaane dene ke naam par RTI act ko khatm naheen kar sakti. Adaalat ne chetaavani di ki agar sarkaar 15 December 2010 ko directorate of education ke notification ko khaarij karne ki koshish karti hai to nursery mein daakhile ki prakriya radd kar di jaaegi.


Madras High Court 'Vishvaroopam Par Aaj Sunaaega Faisala

Madras High Court 'Vishvaroopam Par Aaj Sunaaega Faisala

Breaking »

Chennai: Film nirmaata aur abhineta kamal Hassan ki mega-budget waali film 'Vishvaroopam' ke release ke baare mein kautoohal abhi tak door naheen ho paaya, kyonki Madras High Court ne is baare mein apna faisala aaj tak ke liye taal diya. Film ka muslim samoohon ne virodh kiya, jiske baad Tamil Nadu sarkaar ne iske pradarshan par rok laga di. Kamal Hassan ne is pratibandh par savaal uthaae hain. Adaalat ki kaaryavaahi shuroo hone par kamal Hassan ke vakeel ne yaachika daakhil kar pratibandh ko chunauti di aur mukhya maamale ke saath sunavaai ki maang ki. Yah pratibandh jila collector ne aaparaadhik dand sanhita ki dhaara 144 ke tahat raajya bhar mein lagaaya hai. Maamale ko aaj tak sthagit karte hue nyaayamoorti ke Venkatraman ne sujhaav diya ki yaachikaakarta sarkaar ke saath is mudde ke ek 'Sveekaarya' samaadhaan ke liye harsambhav sambhaavnaaen tatole. Nyaayamoorti ke Venkatraman ne shanivaar ko vishvaroopam dekhi thi. Unhonne yaachikaakarta ko salaah di ki vah 'Desh mein kaanoon vyavastha ki sthiti. . . Desh ki ekta ko dhyaan mein rakhe kyonki iski (film ki) vajah se samudaayon ke beech koi vaimanasya naheen hona chaahiye. Yah mool vichaar hai. Adaalat ke baahar yaachikaakarta ke vakeel PS Raman ne kaha, humne jila collector ke aadesh ko chunauti di hai aur mukhya yaachika ke saath maamale ki sunavaai ki maang ki hai. 'Sadbhaavapoorn' samaadhaan ki adaalat ki salaah par Raman ne kaha, adaalat ne keval yah tippani ki hai ki kamal Hassan choonki shahar laut gaye hain to vah samjhaute ki koshish kar sakte hain. Yah adaalat ka aadesh naheen hai. Aapko ise adaalat ka aadesh naheen samajhna chaahiye. Raman ne kaha, 'Hamein (jila collectoron ke) saat-aath aadesh mile hain. Ham keval unhein chunauti day rahe hain. Shesh ke milne ke baad ham unako chunauti day sakte hain. Aisa hi ham alag se Puducherry mein bhi karne ja rahe hain. Film ki pirated deeveedi ki release sambandhi khabaron ke baare mein poochhane par unhonne kaha, humne adaalat mein is baare mein kuchh naheen kaha hai. Keval aapko (media ko) kehna chaahiye ki pirated deeveedi kisi ko na mile. Kamal Hassan ke bhaai chandra Hassan ne adaalat ke baahar samvaadadaataaon se kaha ki saptaahaant ki chhuttiyon ke dauraan huaa nuksaan kareeb 30 se 80 karod rupaye ka ho sakta hai. 'Ham naheen jaante ki cinema-hall upalabdh honge ya naheen. . Ham yah bhi naheen jaante ki kya saptaah ke beech mein cinema-hall ise pradarshit karna chaaheinge ya agale saptaah tak theatre upalabdh ho paaenge. Kya pratibandh abhivyakti ki svatantrata par rok hai. Is par chandra Hassan ne kaha, yah kaanoon ka maamala hai aur iski vyaakhya karne ke liye nyaayaadheesh hain. Yah poochhe jaane par ki kya film kisi bhi tarah muslimon ki bhaavanaaon ko aahat naheen karti, chandra Hassan ne kaha, yahaan tak ki film nirmaan ke dauraan bhi ham is baat ko lekar aashvast the ki isse kisi bhi samudaaya ki bhaavanaaen aahat naheen hongi. Unase poochha gaya ki kya muslim samudaaya jin drushyon ko aapattijanak maanega, unhein ve hataayeinge, is par chandra Hassan ka javaab tha, pehli baat yah hai ki main aise kisi drushya ke baare mein kalpana naheen kar sakta, jise ve aapattijanak maaneinge. Doosari baat yah hai ki aise drushyon ko kaatna ya na kaatna nirdeshak ka visheshaadhikaar hai to fir yah faisala kamal Hassan ka hoga, nirmaata ka naheen.


Delhi Gang-rape Peedita Ke Parijanon Ne Sabhi Aaropiyon Ke Liye Faansi Ki Maang Ki

Delhi Gang-rape Peedita Ke Parijanon Ne Sabhi Aaropiyon Ke Liye Faansi Ki Maang Ki

Breaking »

Nai Delhi: Delhi gang-rape ke chhathe aaropi ko naabaalig thaharaane ke kishor nyaaya board ke faisale ko saamoohik balaatkaar ki shikaar ladki ke parijan nyaayaalaya mein chunauti deinge. Ladki ke pita ne kaha ki chhatha aaropi naabaalig hai, yah maankar usaki saja kam naheen honi chaahiye. Unhonne kaha ki saare aaropiyon ko faansi ki saja honi chaahiye. Ladki ke bhaai ne kishor nyaaya board ka faisala aane ke baad kaha ki faisala durbhaagyapoorn hai. Parivaar ke log is maamale mein vidhivettaaon se baatcheet kareinge tatha ise saksham nyaayaalaya mein chunauti deinge. Parijan is baat ke liye hargij taiyaar naheen hai ki naabaalig gunaahagaar ko faansi se kam saja mile. Bhaai ne doharaaya ki naabaalig aaropi ko bhi faansi ki hi saja mile, iske liye kendra sarkaar ko jald se jald kaanoon mein badlaav karna chaahiye. Vah kehte hain ki parivaar ke log kabhi bhi raaji naheen honge ki ghatna ko anjaam dene mein sabse aham bhoomika nibhaane vaale naabaalig aaropi ko mahaj teen varsh ki hi saja ho. Ladki ke bhaai ne kaha ki nyaayaalaya ne school ke abhilekh par faisala diya hai, jabki usaka medical pareekshan karaaya jaana chaahiye tha. Medical pareekshan huaa hota to sach saamane aa gaya hota. Unhonne yah bhi aashanka jataai ki school ke abhilekh mein janmatithi ankit karne mein farjeevaada ka sahaara liya ja sakta hai.