Malaala Yoosufajai Nobel Shaanti Puraskaar Ke Liye Naamaankit

Malaala Yoosufajai Nobel Shaanti Puraskaar Ke Liye Naamaankit

Breaking »

Oslo: Pakistan mein taalibaan ke hamle ki shikaar kishori malaala yoosufajai ko is saal ke Nobel shaanti puraskaar ke liye naamaankit kiya gaya hai. Naamit kiye jaane ki aakhiri taareekh 1 February thi. Is varsh ke puraskaaron ki ghoshana bhale hi October mein ki jaaegi, parantu yah charcha kaafi samay se joron par thi, kyonki iski deadline 1 February ko khatm hone ja rahi thi. 15-varsheeya malaala yoosufajai par ladkiyon ke liye shiksha ki khaatir muhim chhedne ke baad taalibaan bandookdhaariyon ne us par goliyaan daagi theen, jinse vah gambhir roop se ghaayal ho gayi thi. England mein lambe samay tak chale ilaaj ke baad ab vah behtar hai, parantu uske sir ka operation abhi kiya jaana baaki hai.


Rape Par Kade Kaanoonon Ko Lekar Adhyaadesh La Sakti Hai Sarkaar

Rape Par Kade Kaanoonon Ko Lekar Adhyaadesh La Sakti Hai Sarkaar

Breaking »

Nai Delhi: Mahilaaon ke khilaaf yaun hamlon ke maamalon mein kadi kaarravaai karne ke liye kaanoon mein sanshodhan karne ki Justice varma samiti ki sifaarishon par keindreeya cabinet aaj yah vichaar karega ki is baare mein adhyaadesh laaya jaae ya naheen. Adhyaadesh ke jariye yaun aparaadh ke maamalon mein kade kaid aur rape ke barbar maamalon mein taaumr kaid ka praavadhaan kiya ja sakta hai. Pradhaanamantri Manmohan Singh ne aashvaasan diya tha ki mahilaaon ke khilaaf yaun hamlon ke maamalon mein kadi kaarravaai karne ke liye kaanoon mein sanshodhan karne ki nyaayamoorti varma samiti ki sifaarishon ko unki sarkaar tatparata se aage badhaaegi. Nyaayamoorti varma ko likhe patra mein Manmohan Singh ne 30 din ke alp samay mein hi samiti ka kaarya poora kar lene ke liye unhein aur samiti ke do anya sadasyon nyaayamoorti laila seth aur solicitor general gopaal subrahmanyam ka dhanyavaad karte hue kaha tha ki samiti ne apni report 30 din ki alp samayaavadhi ke bheetar hi pesh kar di, jo saarvajanik bhalaai vaale kaarya ke prati aapki pratibaddhatata aur chinta ka parichaayak hai. Patra mein unhonne kaha tha, sarkaar ki or se, main aapko aashvaasan deta hoon ki samiti ki sifaarishon ko tatparata se aage badhaaya jaaega. Nyaayamoorti varma samiti ne balaatkaar aur hatya karne vaale aparaadhiyon ke liye 20 saal ke kaaraavaas aur saamoohik balaatkaar ke liye aajeevan kaaraavaas ka dand dene ki sifaarish ki hai, lekin usane mrutyudand ka sujhaav naheen diya. Sarkaar ko 23 January ko saunpi apni 630 prushtheeya sifaarishon mein aaparaadhik kaanoonon mein kai sanshodhan karne ke sujhaav diye hain. Ismein balaatkaar karne vaale policekarmiyon aur saarvajanik sevakon ko anya logon se adhik saja diye jaane ki sifaarish ki gayi hai.


Pakistan Mein Masjid Ke Paas Visfot, 12 Ki Maut

Pakistan Mein Masjid Ke Paas Visfot, 12 Ki Maut

Breaking »

Islamabad: Pakistan ke ashaant uttarapashchim kshetr mein ek masjid ke paas aaj ek jordaar bam visfot huaa, jismein 12 logon ki maut ho gayi jabki 20 anya ghaayal hain. Yah visfot us samay huaa jab log Khyber pakhtoonakhva praant ke haangoo kasbe mein pat baajaar mein maujood masjid se baahar aa rahe the. Shukravaar ki namaaj ke thodi der baad bam fata. Haangoo ke police pramukh miyaan mohammad Saeed ne samvaadadaataaon se kaha ki masjid ke paas IED lagaaya gaya tha. Unhonne kaha ki 12 logon ki maut hui hai, jabki 20 anya ghaayal hain. Kisi sangathan ne is hamle ki jimmedaari naheen li hai.


'Vishvaroopam Vivaad Kamal Hassan Aur Muslim Samoohon Ke Beech Baatcheet Aaj

'Vishvaroopam Vivaad Kamal Hassan Aur Muslim Samoohon Ke Beech Baatcheet Aaj

Breaking »

Chennai / Mumbai / nai Delhi: Kamal Hassan ki mega bajat ki film 'Vishvaroopam' deshbhar ke cinemagharon mein aaj pradarshit ho rahi hai, vaheen Hassan aaj sambhavat: Muslim samoohon se baatcheet kareinge, jinke virodh ke kaaran Tamil Nadu mein film par do hafte ke liye ban lagaaya gaya tha. Jayalalita sarkaar is baatcheet ko protsaahan day rahi hai aur aaj pehle daur ki baatcheet raajya ke gruhasachiv ki maujoodagi mein hogi. 'Vishvaroopam' par paabandi ko lekar uthe vivaad par mukhyamantri jayalalita ne guruvaar ko kaanoon−vyavastha ka havaala dete hue apne faisale ko sahi bataaya. Unhonne kaha ki 500 se jyaada cinemagharon par suraksha bandobast karna raajya sarkaar ke liye kaafi mushkil hai. Unhonne yah bhi kaha ki paabandi ke faisale ke peechhe koi raajaneeti naheen hai aur na hi unki kamal Hassan se dushmani hai. Jayalalita ne kaha ki kamal Hassan muslim sangathanon se baat karein aur vivaadaaspad scene hataaen, to film release ho sakti hai. Iske baad kamal Hassan ne NDTV se khaas baatcheet mein kaha ki vah apne muslim bhaaiyon se baatcheet kareinge aur ummeed jataai ki film ke drushyon mein can'T-chhaant ki jaroorat naheen padegi. Hassan ne jayalalita ko dhanyavaad dete hue kaha ki vah samajhte hain ki ab mukhyamantri ne sthiti ko samajh liya hai. Kamal Hassan ne Mumbai mein media se kaha ki haalaanki Budhvaar ko desh chhodne ki dhamaki unhonne gusse mein di thi, lekin yadi unki film ko lekar isi prakaar ke virodh hote rahe, to vah nishchit roop se desh chhod deinge. Is beech, vishvaroopam' aaj hindi mein bhi release ho rahi hai, jise lekar hindi market mein logon mein kaafi utsukata hai. Uttar pradesh mein bhi 'Vishvaroopam' release ho rahi hai. Kal UP ke mukhyamantri Akhilesh Yadav ne sanket diye the ki agar film mein kuchh bhi aapattijanak huaa, to film ki release roki ja sakti hai, lekin shukravaar ko sarkaar ne film ko bina dekhe release karne ka faisala kar liya. Khabar hai ki Bihar aur Jharkhand ke cinemagharon mein film ki 50 feesadi tak advance booking ho chuki hai. Film ke promotion ke liye Mumbai gaye kamal Hassan ne ummeed jataai ki film se jude vivaad khatm honge, vaheen, kamal Hassan ke saath Bollywood poori taakat se khada hai. Censor board ke adhyaksh rah chuke mashahoor abhineta anupam kher ne is par netaaon ki khabar li hai. Salman Khan ne bhi kamal Hassan ke samarthan ki appeal ki hai.


Ghane Kohare Ke Kaaran Delhi Havaai Adde Ko Band Karna Pada, Kai Udaanon Par Asar

Ghane Kohare Ke Kaaran Delhi Havaai Adde Ko Band Karna Pada, Kai Udaanon Par Asar

Breaking »

Nai Delhi: Delhi mein shukravaar subah ghana kohara chhaaya raha. Kohare ke kaaran indira Gandhi antararaashtreeya havaai adda par lagbhag 50 udaanon mein vilamb huaa, kyonki kohare ki vajah se drushyata ghatkar 50 meter ho gayi. Guruvaar raat se havaai adde par kohara dikhne laga tha aur subah kohara itna ghana ho gaya ki donon runway par drushyata 50 meter se kam ho gayi aur yahaan se udaanein band kar di gain. Jet Airways ki do udaanein - Abu Dhabi aur damaam se aur Lufthansa ki Munich se aane waali udaan ke, subah paanch bajkar 30 minute aur saat bajkar 30 minute ke beech, disha badal di gayi. Haalaanki udaanein radd naheen ki gain, lekin 50 udaanein baadhit raheen aur subah chhah baje koi udaan naheen ja paai, kyonki drushyata ghatkar 125 meter se kam ho gayi. Teesare runway par raat 1 baje kohara badhne laga, jiski vajah se adhikaariyon ko majabooran kam drushyata prakriya (LVP) laagoo karni padi. Mukhya runway par subah chaar bajkar 10 minute par LVP laagoo kiya gaya. Dakshini Delhi aur Noida se Delhi ko jodne vaale tol rod par kohara apekshaakrut jyaada tha. Outer ring rod par drushyata lagbhag shoonya ke kareeb pahunch gayi thi. Pichhle kuchh dinon se rajdhani mein subah ke vakt kohara chhaaya rahata hai, jabki din dhalte hi mausam saaf ho ja raha hai.


FIR Radd Karaane Ki Aasheesh Nandi Ki Arji Par Supreme Court Mein Aaj Sunavaai

FIR Radd Karaane Ki Aasheesh Nandi Ki Arji Par Supreme Court Mein Aaj Sunavaai

Breaking »

Nai Delhi: Daliton aur aadivaasiyon par vivaadit bayaan dene ke maamale mein ghire samaajashaastri aur lekhak aasheesh nandi ki yaachika par aaj Supreme court mein sunaavai hogi. Nandi ne apni yaachika mein kaha hai ki police ne unke khilaaf jo maamala darj kiya hai, use radd kiya jaae. Jaipur saahitya mahotsav mein ki gayi tippani ko lekar nandi ke khilaaf shanivaar ko maamala darj karaaya gaya tha. Aasheesh nandi ke vakeel ne court mein kaha tha ki aasheesh nandi ko giraftaar kiya ja sakta hai, isliye unki giraftaari par rok ki yaachika par sunavaai jald se jald ki jaae. Jaipur ke literature festival mein ek bayaan mein nandi par daliton ke apamaan ka aarop laga hai. Unke khilaaf daliton ke khilaaf aparaadh se judi dhaara ke saath-saath aaparaadhik dhaara 506 bhi lagaai gayi, jismein do saal tak ki adhiktam saja ka praavadhaan hai.


Dilleevaalon Ko Bijli Ka Jhatka, Teen Feesadi Tak Badheen Darein

Dilleevaalon Ko Bijli Ka Jhatka, Teen Feesadi Tak Badheen Darein

Breaking »

Nai Delhi: Delhi ke logon ko aaj se bijli ke liye apni jeb aur dheeli karni padegi, kyonki bijli niyaamak aayog yaani DERC ne bijli ki darein teen feesadi tak bada di hain. Companiyon ne pichhle saal October se December ke dauraan bijli khareedne ke liye jo jyaada keematein chukaain, usaki bharpaai ke liye ye shulk lagaaya gaya hai. DERC ke nae aadesh ke mutaabik 1 February se lekar 30 April tak upabhoktaaon ko bijli ki jyaada keemat deni hogi. BSES rajdhani power limited aur BSES yamuna power limited ke graahakon ke liye teen feesadi ki vruddhi hogi, jabki tata power delhi distribution limited ke upabhoktaaon ke liye liye dedh feesadi badhotri hogi. DERC ke sachiv jayashri raghuraman ne kaha ki yah badhotri teen maheene ke liye hai. Iske baad sameeksha ki jaaegi.


Paanch Maheene Ki Bachchi Ke Honth Aur Naak Chaba Gaya Baap

Paanch Maheene Ki Bachchi Ke Honth Aur Naak Chaba Gaya Baap

Breaking »

Jaipur: Bikaner mein jis paanch maheene ki baby ke haivaan pita ne usase honth aur naak chaba daale the us bachchi ka ilaaj ab Jaipur ke SMS aspataal mein hoga, jahaan Doctor plastic surgery dvaara bachche ka bigda hua chehara theek karne ki koshish kareinge. Lekin, is bachchi ki dard bhari kahaani ke peechhe bhi purush pradhaan samaaj hai. Bachche ki madad ke liye bachche ke pita ke gharwaalon ki or se koi bhi saamane naheen aaya hai. Ye log bechaari maan ko hi doshi bata rahe hain kyonki maan ne haivaan pita ko police ke hatthe chadha diya. Ab maan akele aur bebas hai. Jaipur mein do betiyon ko apne paas samete maan ka sangharsh abhi jaari hai. Bachchi ki maan ka naam santosh kanvar bataaya ja raha hai. Vah 14 saal ki thi jab usaki shaadi hui thi. Kaha ja raha hai ki aarambh se hi usaka pati use maarta-peetata tha. Santosh ne do bachche hone ke baad unke achhe bhavishya ke liye unhein apne pita ke ghar bhej diya. Do chhoti betiyon ke apne paas hi rakh liya. Sasuraal ke itne sahayog se bhi santosh ke pati ka man naheen bhara aur usane 26 January ki raat nashe ki haalat mein apni donon betiyon par hamla kar diya. Hamle mein haivaan pita ne teen saal ki beti ke peeth mein daant kaata aur paanch saal ki beti ke naak aur honth ko chaba daala. Pati ki is harkat ke khilaaf santosh ne himmat dikhaai aur police mein pati ke khilaaf rapat likhva di. Police ne kaarravaai karte hue pati ko giraftaar bhi kar liya. Isse naaraaj sasuraal vaalon ne santosh ko ghar se nikaal diya. Sasuraal vaalon ki berukhi ke baavajood santosh ab sarkaar ki madad se bachche ka ilaaj kara rahi hai. Is poori jaddojahad mein santosh ke pita abhi bhi usaka saath de rahe hain. Uske pita hanumaan Singh ka kehna hai ki ab beti ke sasuraal vaalon ka kehna hai ki pehle bete ko police se mukt karaao tab vah koi samjhauta kareinge. Ilaaj ke liye paise naheen hai, lekin sarkaar se kuchh madad kaam aa rahi hai. Is maamale mein baal adhikaar aayog ke adhyaksh deepak Kalra ka kehna hai ki ek to turant raahat di ja rahi hai. Bachchi ki surgery karavaai jaaegi aur baad mein poore parivaar ka dhyaan bhi rakha jaaega.


HIL Warriors Ki Teesari Jeet, Magicians Ki Aathaveen Haar

HIL Warriors Ki Teesari Jeet, Magicians Ki Aathaveen Haar

Breaking »

Mumbai: Lagta hai mumbai magicians team ki kismat usase roothi hi hui hai. Apne pichhle match mein shaanadaar jeet haasil karne waali magicians team ko guruvaar ko Mahendra hockey stadium mein khele gaye hero hockey India league (HIL) ke 21vein mukaabale mein ek baar fir haar ka saamana karna pada. Is baar use JP Punjab Warriors ne 3-1 se haraaya. Magicians ki yah aathaveen haar hai jabki nau mukaabalon se Warriors ne teesari jeet haasil ki hai. Australia ke diggaj Jamie Dwyer ke netrutv mein khel rahi Warriors team ke liye dharmaveer Singh ne saatavein, Robert Hammond ne 22vein aur malaak Singh ne 52vein minute mein gol kiya jabki magicians ke liye Johnny jasarotiya ne 47vein minute mein kiya. Usaka ekamaatr gol penalty corner par huaa. Warriors ka khaata bade aasaan tareeke se khula. Magicians ke defender ki susti ka faayda uthaakar dharmaveer ne ek defender se rebound hui geind ko flick karke goalpost mein daal diya. Iske baad 22vein minute mein Warriors ne magicians ke goalpost par ek jordaar hamla bola. Pehla prayaas vifal raha lekin usi minute mein Hammond ne daain or se aae ek cross ko deflect karke behad aasaan gol kiya. Warriors ki badhat 2-0 ki ho chuki thi. Isi score ke saath Warriors team break ke liye gayi. Break ke baad magicians ne apne khel mein teji laane ka prayaas kiya. 47vein minute mein use ek penalty corner mila. Star drag flicker sandeep Singh choonki maidaan par naheen the, lihaaja yah prayaas jasarotiya ne kiya aur vah safal bhi rahe. Jasarotiya ne geind ko goli ke shareer ke oopar se flick kar diya. Magicians ne score 1-2 kar liya tha. Warriors team ko shaayad mejabaan team ki yah safalta raas naheen I. Usane ab apna hamla tej kiya aur paanch minute ke bheetar score 3-1 kar liya. Is baar Warriors ke liye malaak Singh ne gol kiya. Malaak ne glen turner ke shot par yah gol kiya. Malaak ne teji se aa rahi geind ko di-area mein roka aur use goalpost ki or ravaana kar diya. Iske baad magicians ko baraabari karne ke teen mauke mile lekin vah unhein bhuna naheen sake. 55vein, 59vein aur 64vein minute mein penalty corner par sandeep gol naheen kar sake. 59vein minute mein magicians ke liye glen ne penalty corner haasil kiya tha. Warriors ne is jeet ke saath paanch teemon ki taalika mein teesare sthaan par khud ko majaboot kiya hai. Uske khaate mein ab 25 ank hain. Vah teesare sthaan par hai jabki Delhi waveriders team ne aath mukaabalon se 34 ank jutaae hain aur vah taalika mein pehle sthaan par hai. Ranchi rhinos (29) doosare, uttar pradesh wizards (17) chauthe aur magicians (12) paanchavein sthaan par hai.


Delhi Bijli Ke Daam Mein Teen Feesadi Tak Ka Ijaafa

Delhi Bijli Ke Daam Mein Teen Feesadi Tak Ka Ijaafa

Breaking »

Nai Delhi: Dilleevaasiyon ko shukravaar se bijli ke liye apni jeb aur dheeli karni padegi kyonki Delhi bijli niyaamak aayog (DERC) ne vitran companiyon ke bijli khareed moolya ko samaayojit karne ke liye bijli ki dar teen feesadi tak badha di hai. BSES rajdhani power limited evam BSES yamuna power limited ke graahakon ke liye teen feesadi ki vruddhi hogi jabki tata power delhi distribution limited ke upabhoktaaon ke liye liye dedh feesadi badhotri hogi. DERC ke sachiv jayashri raghuraman ne kaha, ''Humne BYPL aur BRPL upabhoktaaon ke liye bijli dar teen feesadi badha di hai. TPDDL upabhoktaaon ke liye dedh feesadi ki badhotri ki gayi hai. '' nai darein kal se laagoo ho jaaengi. Yah teen maheene ke liye hongi. Iske baad sameeksha ki jaaegi. (input bhaasha se bhi)


Vikaas Dar Mein Sanshodhan, Ghatkar 6.2 Feesadi

Vikaas Dar Mein Sanshodhan, Ghatkar 6.2 Feesadi

Breaking »

Nai Delhi: Sarkaar ne guruvaar ko 2011-12 ke liye desh ki vikaas dar mein nakaaraatmak sanshodhan kar ise 6.2 feesadi kar diya, jise pehle 6.5 feesadi rakha gaya tha. Keindreeya saankhyiki kaaryaalaya (CSO) dvaara jaari aankadon ke mutaabik desh ka sakal ghareloo utpaadan 2011-12 ke liye (2004-05) ke sthir moolya ki factor laagat par 52,43,582 karod rupaye moolyaankit kiya gaya hai, jo 2010-11 ke liye moolyaankit 49,37,006 karod rupaye se 6.2 feesadi adhik hai. 2010-11 mein 9.3 feesadi vikaas dar darj ki gayi thi. Aalochya kaarobaari varsh ke liye yah pehla sanshodhit anumaan hai. Pehle CSO ne 6.5 feesadi vikaas dar ka anumaan jaahir kiya tha. Mudra moolya par 2011-12 ka sakal ghareloo utpaadan 83,53,495 karod rupaye moolyaankit kiya gaya hai, jo 2010-11 ke 72,66,967 karod rupaye se 15 feesadi adhik hai. 2010-11 mein is aadhaar par 19 feesadi vikaas dar rahi thi. CSO ne kaha, "Vitteeya, beema, real estate, kaarobaari seva, parivhan, bhandaaran aur sanchaar, bijli, gas aur jalaapoorti aur vyaapaar, hotel tatha restaurant mein vikaas ke kaaran 2011-12 mein GDP vikaas dar 6.2 feesadi darj ki gayi. " Sthir moolya ke aadhaar par krushi, vaaniki, matsya paalan jaise praathamik kshetron mein 7.9 feesadi vikaas dar rahi.


Gusse Mein Kah Di Desh Chhodne Ki Baat Hassan

Gusse Mein Kah Di Desh Chhodne Ki Baat Hassan

Breaking »

Mumbai: Apni mega bajat film 'Vishvaroopam' par pratibandh se aahat abhineta kamal Hassan ne guruvaar ko kaha ki ve pratibandh se aahat hain aur unhonne gusse mein desh chhodne ki baat kah di thi. Unhonne kaha ki is mudde par ve akele naheen hain aur aaj jo bhi hain vah apne prashansakon ke dam par hain. Madras uchch nyaayaalaya dvaara 'Vishvaroopam' par dobaara pratibandh lagaae jaane ke baad film pradarshan ke liye desh mein dharmanirpeksh raajya ki talaash karne aur iske abhaav mein divangat chitrakaar MF husain ki tarah desh chhod dene ka bayaan dene ke theek ek din baad dakshin bhaarateeya cinema ke star kamal Hassan ne is mudde par samarthan dene vaalon ka shukriya ada kiya. TV channelon ko diye gaye saakshaatkaar mein unhonne kaha ki vishvaroopam se kisi ki bhaavana ko thes naheen pahunchati. Unhonne kaha ki virodh ka kaaran dharm naheen hai, kyonki muslim sangathanon ne bhi unki is film ka samarthan kiya hai. Vivaad ko akaaran karaar date hue abhineta ne kaha, "Vivaadon se kisi ka faayda naheen hone vaala. " Is mudde par samarthan dene vaalon ka shukriya ada karte hue kamal ne kaha, "Is mudde par main akela naheen hoon. Bahut se logon ne saath diya hai. Samarthan dene vaale ka main shukriya ada karta hoon. " Gaurtalab hai ki 95 karod rupaye ki laagat se bani 'Vishvaroopam' ko Tamil Nadu mein sarkaar ne pradarshan ki ijaajat naheen di jisse film release naheen ho paai. Sarkaar ne kuchh muslim sangathanon ki aapatti ke kaaran yah kadam uthaaya hai. Muslim sangathanon ka aarop hai ki ismein samudaaya ko galat najariye se pesh kiya gaya hai.


Bhaarat Ka Cheen Se Kaha, Baandh Se Hamein Na Ho Koi Nuksaan

Bhaarat Ka Cheen Se Kaha, Baandh Se Hamein Na Ho Koi Nuksaan

Breaking »

Nai Delhi: Bhaarat ne guruvaar ko cheen se yeh sunishchit karne ka aagrah kiya ki brahmaputr nadi par baandh banaane ki usaki yojana se nadi ke nichle hisse vaale deshon ke hiton ko aanch naheen aae. Brahmaputr nadi par cheen dvaara jalavidyut ke liye teen baandh banaane ki yojana ke baare mein poochhe jaane par videsh mantraalaya ke pravakta ne kaha ki nadi par hone vaale vikaas kaaryon par Bhaarat poori satarkata se nigaah rakhe hue hai aur apne vichaaron aur apni chintaaon se cheen ko avagat kara diya hai. Pravakta ne kaha, "Nadi ke nichle ilaake ke desh ke roop mein nadi jal upayog ke sthaapit mahatvapoorn adhikaar ke tahat Bhaarat apne vichaaron aur chintaaon se cheen ke janavaadi ganaraajya ke sarvochch star sahit cheeni adhikaariyon ko avagat kara chuka hai. " Pravakta ne aage kaha, "Bhaarat ne cheen se yeh sunishchat karne ke liye kaha hai ki oopari hisse ki kisi gatividhi ke kaaran nadi ke nichle hisse ke deshon ka hit prabhaavit naheen hone paae. " Brahmaputr ka udgam Tibet svaayattashaasi kshetr mein hai aur yeh nadi Bhaarat se hokar bahti hai. Isse pehle ek kaaryakram mein patrakaaron dvaara poochhe gaye savaal ke javaab mein pravakta ne kaha tha ki sarkaar ko abhi cheen ki baandh banaane ki yojana ke baare mein koi byora naheen mila hai aur is par poori tarah se vichaar karne ke baad hi koi rai di jaaegi. Unhonne kaha tha, "Ham is par poori tarah vichaar karne ke baad hi koi rai banaaenge. " Budhvaar ko I ek media rapat ke mutaabik cheen ki sarkaari parishad ne 2015 ke oorja kaaryakram ke tahat baandhon ke prastaav ko hari jhandi de di hai.


Poorv Sainya Adhikaari Ne Kargil Yuddh Ke Liye Musharraf Ko Bataaya Jimmedaar

Poorv Sainya Adhikaari Ne Kargil Yuddh Ke Liye Musharraf Ko Bataaya Jimmedaar

Breaking »

Islamabad: Kargil prakaran ko lekar Pakistan ke ek sevaanivrutt general ki or se kiye gaye khulaason ke baad ab mukhya vipakshi dal PML-N ne Bhaarat ke saath 1999 mein hue is sangharsh ki nyaayik jaanch ki maang ki hai. Yah maang us vakt ki gayi hai jab sevaanivrutt general Shahid ajeej ne yah khulaasa kiya hai ki Kargil sangharsh mein Pakistan ke sainik shaamil the aur iske sootradhaar tatkaaleen sena pramukh Parvez musharraf the. PML-N ke varishth neta chaudhari nisaar Ali Khan ne kaha, ''Musharraf ke ek nikat sahayogi ki or se kiye gaye khulaason ke maddenajar Kargil prakaran ki jaanch ke liye ek nyaayik aayog ka gathan karna chaahiye. '' Unhonne kaha, ''Kargil mein Pakistan ke 500 se adhik sainik evam adhikaari maare gaye, lekin ab tak koi jaanch naheen hui. '' Khan ne kaha ki Bhaarat ne Kargil prakaran ki varshon pehle jaanch kara li aur jaanch report saarvajanik bhi kar di. Kargil prakaran ke samay Pakistan mein PML-N ke netrutv waali sarkaar thi aur iske neta navaaj shareef pradhaanamantri the. Lieutenant general (sevaanivrutt) Shahid ajeej Kargil prakaran ke samay ISI ki vishleshan shaakha ke pramukh the. Unhonne apne sena ke dinon ko lekar kitaab lagi hai. Ajeej ne apni pustak mein daava kiya hai ki shuruaat mein Kargil abhiyaan ke baare mein musharraf aur teen anya sheersh sainya adhikaariyon ko jaankaari thi. Unhonne kaha ki Kargil abhiyaan ko lekar shuruaati daur mein sena ke bade-bade adhikaari anbhigya the. Haal hi mein diye gaye saakshaatkaar mein ajeej ne kaha, ''Kargil ek naakaami thi kyonki iska maksad aur nateeja hamein apne logon evam desh se chhipaana pada. Iska koi maksad naheen tha aur koi yojana bhi naheen thi. Aaj tak yah naheen pata chala ki Kargil mein kitne Pakistani sainik maare gaye. ''


. . . Tab Ham 300 Vargameel Bhaarateeya Ilaaka Kabja Lete Musharraf

. . . Tab Ham 300 Vargameel Bhaarateeya Ilaaka Kabja Lete Musharraf

Breaking »

Islamabad: Pakistan ke poorv raashtrapati Parvez musharraf ne 1999 ke Kargil abhiyaan ko 'Sainya drushti se badi safalta' karaar dete hue kaha hai ki agar tatkaaleen pradhaanamantri navaaj shareef ameriki daure par naheen jaate to Pakistani sena Bhaarat ke 300 vargameel kshetr ko apne kabje mein kar leti. Musharraf ne Kargil mein shuroo kiye gaye sainya abhiyaan ka bachaav kiya. Isse pehle lieutenant general (sevaanivrutt) Shahid ajeej ne khulaasa kiya tha ki Kargil ke abhiyaan ke mukhya sootradhaar Parvez musharraf hi the. Ajeej ki or se yah bhi daava kiya gaya ki musharraf ne is abhiyaan ke baare mein sheersh sainya adhikaariyon ko andhere mein rakha tha. Is par musharraf ne kaha, ''Iske baare mein sabhi ko bataana jaroori naheen tha. '' unhonne daava kiya ki ajeej 'Asantulit vyaktitv' hain aur is adhikaari ne in aaropon ke jariye unka charitra hanan kiya hai. Musharraf ne kaha, ''Ham Kargil yuddh haar gaye to sirf navaaj shareef ki vajah se. Yah yuddh sainya drushti se badi safalta thi. Agar shareef America ka daura naheen karte to ham Bhaarat ki 300 vargameel jameen par jeet darj kar lete. ''


IPL Neelaami Se Fir Baahar Pakistani Cricketer

IPL Neelaami Se Fir Baahar Pakistani Cricketer

Breaking »

Nai Delhi: Pehle satr ke baad Indian Premier league se baahar hue Pakistani cricketeron ko April-May mein hone vaale chhathe satr ke liye khilaadiyon ki neelaami ki soochi se baahar rakha gaya hai. Ravivaar ko 101 khilaadiyon ki neelaami hogi, jismein Pakistan ka koi cricketer shaamil naheen hai. Bhaarat aur Pakistan ke beech dwipaksheeya cricket sambandhon ki bahaali December mein hi hui hai. IPL mein sirf 2008 mein hue pehle satr mein Pakistani khilaadi shaamil the. Pakistan cricket board unhein IPL mein shaamil karne ki lambe samay se maang kar raha hai, lekin is saal to aisa naheen ho saka . Iska is maheene ki shuruaat mein niyantran rekha par bhaarateeya javaanon ki nrushans hatya se upaje tanaav se koi sarokaar naheen hai. Pakistani khilaadiyon ko baahar rakhane ki kavaayad December mein hi shuroo ho gayi thi. BCCI ne haalaanki sanket diya tha ki unhein neelaami ka hissa banaaya jaaega. IPL ke ek aala adhikaari ne kaha, teemon ke baare mein faisala freinchaaiji ko karna hai. Freinchaaiji ne kaafi paisa lagaaya hai aur ve Pakistani cricketeron ko lekar koi jokhim naheen uthaana chaahate. Haal hi mein Pakistani hockey khilaadiyon ko hockey India league ka ek bhi match khele bagair vaapas lautana pada tha. Isi tarah yahaan vishv cup khelne I Pakistani mahila cricket team ka base Mumbai se hataakar Cuttack kar diya gaya.


Maharashtra 65 Lakh Ki Rishvat Lete Range Haath Pakada Gaya Hawaldaar

Maharashtra 65 Lakh Ki Rishvat Lete Range Haath Pakada Gaya Hawaldaar

Breaking »

Jalgaon: Maharashtra mein Jalgaon jile ke chaaleesagaanv police thaane mein tainaat hawaldaar vipin tivaari ko 65 lakh rupaye ki rishvat lete hue anti corruption bureau ne range haath giraftaar kiya hai aur sthaaneeya adaalat ne use 1 February tak ke liye police remand par saunp diya hai. Daraasal, samruddh Bhaarat naamak ek company ke khilaaf kisi gaanv vaale ne dhokhaaghadi ke aarop mein police mein shikaayat darj karavaai thi, jiski jaanch ke liye vipin tivaari ko bheja gaya tha. Company ke adhikaariyon ne uske baad anti corruption bureau mein shikaayat darj karaai ki hawaldaar vipin tivaari ne unase ek karod rupaye ki ghoos maangi hai. Bureau ne iske baad jaal bichhaaya aur hawaldaar ko 65 lakh rupaye ki pehli kist lete hue range haath pakad liya. Is maamale mein is pahaloo ki bhi jaanch ki ja rahi hai ki uske alaava police vibhaag ke kaun-kaun adhikaari ismein shaamil hain aur isi kaaran filhaal thaane ke inspector ka tabaadala mukhyaalaya mein kar diya gaya hai. Sootron se pata chala hai ki hawaldaar vipin tivaari ke paas lagbhag 2.5 karod rupaye ki sampatti hai, isliye is baat ki bhi jaanch ho rahi hai ki aakhir ek hawaldaar ke paas itni badi rakam kahaan se I.


Vishvaroopam Jayalalita Ne Di Tivaari Ko Jaankaari Jutaane Ki Naseehat

Vishvaroopam Jayalalita Ne Di Tivaari Ko Jaankaari Jutaane Ki Naseehat

Breaking »

Chennai: Tamil Nadu ki mukhyamantri jayalalita ne guruvaar ko soochana evam prasaaran mantri ko naseehat di ki unhein cinematography kaanoon par tippani karne se pehle saari jaankaari juta leni chaahiye thi. Jayalalita ne kaha, ''Main shri maneesh tivaari ko javaab naheen dena chaahati. Mujhe lagta hai unhein kaafi jaankaari jutaani padegi. Mujhe lagta hai ki unhonne Tamil Nadu cinema niyman kaanoon 1955 ke baare mein naheen suna hai. '' Unhonne tivaari ke sujhaav ke baare mein samvaadadaataaon dvaara poochhe gaye savaalon ke javaab mein baat kahi. Tivaari ne sujhaav diya tha ki cinematography kaanoon ki sameeksha kiye jaane jaroorat hai taaki abhineta nirdeshak kamal Hassan ki film vishvaroopam par pratibandh lagaane ke Tamil Nadu sarkaar ke faisale ki prushthabhoomi mein censor board ke nirnaya ko laagoo kiya ja sake. Jayalalita ne kaha, ''Mujhe lagta hai ki unhein uchchatam nyaayaalaya ke faisale ke baare mein maaloom naheen hai. Tamil Nadu sarkaar dvaara ''Dem 999'' par lagaae gaye pratibandh ko chunauti di gayi thi. Yaachika ko uchchatam nyaayaalaya ne khaarij kar diya aur hamaare nirnaya ko sahi thaharaaya gaya. '' Tivaari ne Budhvaar ko kaha tha ki raajyon ko film ki screening ke maamale mein censor board ke nirnaya ko laagoo karna chaahiye.


'Murder 3 Se Kismat Chamakaana Chaahate Hain Randeep

'Murder 3 Se Kismat Chamakaana Chaahate Hain Randeep

Breaking »

Mumbai: Bollywood abhineta Randeep hudda ka kehna hai ki film 'Murder 3' ko lekar un par koi dabaav naheen hai lekin vah aasha karte hain ki is film se unki kismat chamak jaaegi. 36 varsheeya hudda ne ek mulaakaat mein kaha, "Meri kismat achhi hai ki film ka naam 'Murder 3' hai kyonki iske pehle do sanskaran bahut safal saabit hue hain. Main chaahoonga ki isse meri bhi kismat chamak jaae. Iske alaava mujhe isse na to jyaada ummeed hai aur na mujh par koi dabaav hai. Vishesh bhatt ne iska naam 'Murder 3' rakha hai aur dabaav un par hai. Mainne apna kaam kar diya hai. ' 'Murder 3' 2004 mein pradarshit hui film 'Murder' ka teesara sanskaran hai. Pehle sanskaran mein mallika saharaavat aur Imran Hashmi ne abhinay kiya tha iske doosare sanskaran mein mallika ki jagah Jacqueline Fernandez thi aur iske teesare sanskaran mein iske kalaakaar ko poori tarah badal diya gaya hai. Mukesh bhatt ke bete vishesh nirdeshit teesare sanskaran mein aditi Rao Hydari aur saara lauren hain. Yah film 15 February ko pradarshit hogi.


Lokpal Vidheyak Mein Sanshodhan Cabinet Se Manjoor

Lokpal Vidheyak Mein Sanshodhan Cabinet Se Manjoor

Breaking »

Nai Delhi: Lokpal vidheyak mein Rajyasabha ki pravar samiti dvaara sujhaae gaye sanshodhanon ko cabinet ne guruvaar ko manjoori day di. Keindreeya kaanoonamantri ashvini Kumar ne kaha, "Mujhe yah bataate hue khushi ho rahi hai ki cabinet ne sanshodhanon par anumodan ki muhar laga di. Pravar samiti ki sifaarishein vyaapak roop mein sveekaar kar li gayi hain. " Gaurtalab hai ki yah vidheyak Loksabha mein paarit ho chuka hai aur Rajyasabha mein vichaaraadheen hai. Is vidheyak ko uchch sadan ki pravar samiti ko bhej diya gaya tha, jisne kai sanshodhanon ke sujhaav diye. Is vidheyak ko paarit karaane ke liye ab Rajyasabha mein laaya jaaega. Is saptaah ki shuruaat mein sanyukt pragatisheel gathabandhan (samprag) ki adhyaksh soniya Gandhi ne saamaajik kaaryakarta anna hajaare ko patra likhkar bharosa dilaaya tha ki sansad ke bajat satr mein Lokpal vidheyak ko paarit karaaya jaaega. Jaankaar sootron ke mutaabik, sarkaar raajyon mein lokaayukton se itar Lokpal ka pad srujit karne ko raaji ho gayi hai, magar samiti ke is prastaav se sahamat naheen hai ki keindreeya jaanch bureau (CBI) ke nideshak ki niyukti ka adhikaar Lokpal ko diya jaae. Vidheyak mein yah bhi prastaavit hai ki bhrashtaachaar ke maamalon ke tvarit niptaare ke liye CBI ki ek abhiyojan ikaai gathit ki jaae. Sootron ne aage bataaya ki sarkaar pravar samiti ke is sujhaav se sahamat naheen hai ki ek adhikaari jab Lokpal ki jaanch ka saamana kar raha ho, us dauraan praarambhik jaanch naheen chalni chaahiye.


Maujooda Lokpal Vidheyak Se Naheen Rukega Bhrashtaachaar Kejriwal

Maujooda Lokpal Vidheyak Se Naheen Rukega Bhrashtaachaar Kejriwal

Breaking »

Nai Delhi: Aam aadmi party (aap) ke neta Arvind Kejriwal ne guruvaar ko majaboot Lokpal vidheyak naheen laane ke liye kendra sarkaar ki aalochna ki aur jor dete hue kaha ki is prastaavit kaanoon se bhrashtaachaar naheen rukega. Unhonne kaha, "Aapko aisa Lokpal kyon chaahiye? Jo agency bhrashtaachaar ko rokegi naheen, balki badhaaegi aur mantriyon ko bachaaegi, us par kya baat ki jaae. " Kejriwal ne kaha, "Sirf Lokpal shabd ka istemaal kar dene mein hamaari koi ruchi naheen hai. Aap naam kuchh bhi rakh sakte hain. Is vidheyak ke maadhyam se sarkaar ne desh ke logon ki rai ka samarthan naheen kiya hai. Bhrashtaachaar mukt shaasan dena sarkaar ka samvaidhaanik daayitv hai. " Yah kehte hue ki desh ke log bhrashtaachaar aur moolya vruddhi se pareshaan hain, unhon kaha, "Kuchh log kehte hain ki is mudde par jo pahal ki gayi hai usase ve khush hain, lekin sarkaar ne kya hamaare vichaaron ka samarthan kiya hai? " Kejriwal ne kaha ki vah jaanana chaahate hain ki sanyukt pragatisheel gathabandhan (samprag) sarkaar kaanoon ko majaboot banaane ke liye is mein badlaav kyon naheen kar sakti. Unhonne kaha, "Badlaav aur sanshodhan kyon naheen ho sakta? Iska matlab hai ki sarkaar sochati hai ki yadi agar sakht kaanoon paarit ho jaata hai to sarkaar mein shaamil sabhi log jail chale jaaenge. " Kejriwal ne kaha, "Yadi majaboot Lokpal aa gaya to cabinet mein shaamil jin mantriyon ne aaj vidheyak mein sanshodhanon ko manjoori di hai, ve jail mein honge. " Gaurtalab hai ki Lokpal vidheyak mein sanshodhan ke liye Rajyasabha ki pravar samiti dvaara diye gaye sujhaavon ko cabinet ne guruvaar ko manjoori day di hai. Yah vidheyak Loksabha mein paarit ho chuka hai aur Rajyasabha mein vichaaraadheen hai. Is vidheyak ko uchch sadan ki pravar samiti ko bhej diya gaya tha, jisne kai sanshodhanon ke sujhaav diye. Is vidheyak ko paarit karaane ke liye ab Rajyasabha mein laaya jaaega.


'Vishvaroopam Ab Supreme Court Naheen Jaaenge Hassan, CM Ka Diya Dhanyavaad

'Vishvaroopam Ab Supreme Court Naheen Jaaenge Hassan, CM Ka Diya Dhanyavaad

Breaking »

Chennai: Kamal Hassan ki mega bajat ki film 'Vishvaroopam' ke hindi roopaantaran ke pradarshan se ek din pehle kamal Hassan ne Tamil Nadu ki mukhyamantri J jayalalita ko yah bataane ke liye dhanyavaad diya ki aakhir is film par 15 dinon ka pratibandh kyon lagaaya gaya hai. Udhar 'Vishvaroopam' par pratibandh ko lekar guruvaar ko raajaneetik kheme mein bayaanbaaji ne jor pakad liya vaheen Tamil Nadu sarkaar filmkaaron ke nishaane par rahi. Is beech abhineta kamal Hassan ne kaha hai ki unhein maamala sulajh jaane ki poori ummeed hai isliye ve sarvochch nyaayaalaya jaane se pehle intajaar kareinge. Dakshin bhaarateeya filmon ke star kamal Hassan ne Mumbai mein media se kaha ki haalaanki Budhvaar ko desh chhodne ki dhamaki unhonne gusse mein di thi, lekin yadi unki film ko lekar isi prakaar ke pradarshan aur hue to ve nishchit roop se desh chhod deinge. Is beech kamal Hassan ke bhaai chandra Hassan ke saath-saath tamil film nirmaata ameer sultaan ne chennai mein muslim netaaon se mulaakaat ki. Ek din pehle kamal Hassan ne apni film se un drushyon ko nikalne par sahamati jataai thi jise lekar kuchh muslim samoohon ne aapatti jataai hai. Virodh karne vaalon ka kehna hai ki ismein samudaaya ka chehara kharaab roshani mein pesh kiya gaya hai. Udhar, jayalalita ne kaha hai ki 'Vishvaroopam' par pratibandh hinsaatmak pradarshan ke dar se lagaaya gaya hai na ki kamal Hassan se kisi dushmani ki vajah se. Jayalalita ke is bayaan ke baad 95 karod rupaye ki laagat se bani is film ke tamil mein release hone ke aasaar dhoomil ho gaye hain. Is beech chandra Hassan ne bhi patrakaaron ko bataaya, "Jahaan tak hamein maaloom hai, kaanoon vyavastha ko banaae rakhane ke liye film par pratibandh lagaaya gaya. Hamein naheen lagta iske peechhe koi raajaneetik vajah hogi. " Udhar film ko lekar Tamil Nadu ke do chirparichit raajaneetik pratidvandviyon ke beech guruvaar ko aarop pratyaarop ka daur chalta raha. Dravid munetr kadgam (DMK) ke adhyaksh M Karunanidhi ne Budhvaar ko kaha ki kya Tamil Nadu sarkaar ne film 'Vishvaroopam' par sirf isliye pratibandh lagaaya ki abhineta ne dhoti pahanane vaale pradhaanamantri ka samarthan kiya hai. Kamal Hassan ke saath jayalalita ki puraani dushmani ka daava karte hue Karunanidhi ne aarop lagaaya ki ek samay jayalalita ne unke khilaaf MG Ramchandran ko patra likha tha. Unke is aarop se tilmilaai jayalalita ne unke khilaaf mukadama thokane ki dhamaki di, lekin Karunanidhi ne kaha ki unke paas pakke saboot hain aur samay par ve use ujaagar kar deinge. Karunanidhi ne party kaaryakartaaon ko likhe ek patra mein kaha ki kuchh logon ka maanana hai ki abhineta kamal Hassan aur unki film Tamil Nadu sarkaar ki naaraajagi ka kaaran bani kyonki ek kitaab ke launch par vittamantri pi Chidambaram ka havaala dete hue unhonne bayaan diya tha ki desh ka pradhaanamantri koi dhoti pahanane vaala vyakti hona chaahiye. Is beech film nirmaata-nirdeshak mahesh bhatt ka maanana hai ki abhineta aur nirdeshak kamal Hassan sarkaari aatankvaad ke shikaar hue hain. Mahesh ne kaha, "Kya ham aise desh mein rah rahe hain jahaan kaanoon vyavastha naam ki koi cheej naheen hai? Yah savaal film vaalon ko hi naheen balki Bhaarat ke logon ko bhi poochhana chaahiye. " Unhonne kaha, "Aisa desh jahaan aapko abhivyakti ki aajaadi ho, censor board ka pramaanapatr ho, uchch nyaayaalaya ho aur tab bhi agar unhein jagah-jagah jaakar yaachana karni pade to fir in sabka ka kya matlab rah jaata hai. " Udhar kamal Hassan ne kaha ki unhein unki film 'Vishvaroopam' ke sandarbh mein sakaaraatmak faisala aane ki ummeed hai isliye vah filhaal sarvochch nyaayaalaya ka darvaaja naheen khatkhataaenge. Hassan ne kaha, "Mujhe Tamil Nadu sarkaar ke saath abhi bhi samjhauta hone ki ummeed hai. Filhaal main sarvochch nyaayaalaya jaane se pehle intajaar karoonga. "


Badminton Ranking Saina Doosare Kram Par Barkaraar

Badminton Ranking Saina Doosare Kram Par Barkaraar

Breaking »

Nai Delhi: London olympic mein kaansya padak jeetne waali desh ki sarvochch vareeyata praapt mahila badminton khilaadi Saina Nehwal ne vishv badminton mahaasangh (BWF) ke vishv vareeyata kram mein doosra sthaan barkaraar rakha hai. Purush ekal mein Bhaarat ke paaroopalli kashyap ne bhi apne career mein ab tak ka sabse ooncha nauvaan kram banaae rakha hai. Kashyap London olympic mein quarter final tak pahunche the. Mahila varg mein Hyderabad ki PV sindhu ne 16vaan kram banaae rakha hai.


America Mein Niji Kshetr Ki Naukri Mein Vruddhi Ka Rujhaan

America Mein Niji Kshetr Ki Naukri Mein Vruddhi Ka Rujhaan

Breaking »

Washington: America mein niji kshetr mein January mein February ke mukaabale nai naukariyon ki sankhya badhi. Automatic data processing (ADP) aur Moody'S analytics dvaara sanyukt roop se Budhvaar ko jaari pramukh audyogik report 'National employment report' ke mutaabik America mein niji companyon ki naukariyon ki sankhya mausami samaayojit aadhaar par January mein 1,92,000 badhi, jabki February mein ismein 1,85,000 ki vruddhi hui thi. Report ke havaale se samaachaar agency sinhuaa ne kaha ki rojagaar vruddhi mein mukhya yogadaan chhote aur majhole udyamon ka raha, jinki naukariyon ki sankhya aalochya maheene mein 1,94,000 badhi, jabki isi avadhi mein badi companyon mein 2,000 naukriyaan ghati. Kshetravaar tareeke se yadi dekha jaae to seva kshetr mein 1,77,000 nai naukri paida hui. Vastuon ka utpaadan karne vaale kshetron mein 15,000 nai naukriyaan paida huin, jismein sarvaadhik vruddhi nirmaan kshetr mein hui. Moody'S analytics ke mukhya arthashaastri mark jaandi ne kaha, "Naukariyon ka baajaar dheeme-dheeme sahi, lekin lagaataar behtar ho raha hai. Nirmaan mein teji aa rahi hai aur yah vinirmaan mein giraavat ki tulana mein adhik prabhaavi hai. "


Raakaampa Jald Se Jald Pruthak Telangaana Raajya Ka Gathan Chaahata Hai Sharad Pawar

Raakaampa Jald Se Jald Pruthak Telangaana Raajya Ka Gathan Chaahata Hai Sharad Pawar

Breaking »

Nai Delhi: Alag telangaana raajya ke gathan ki jordaar vakaalat karte hue raakaampa pramukh sharad Pawar ne guruvaar ko pradhaanamantri Manmohan Singh se kaha ki is maamale mein vilamb madadgaar naheen hoga. Raakaampa pramukh ne aaj kaha ki unhonne pradhaanamantri ke samaksh is mudde ko uthaaya. Raakaampa samprag ka pehla ghatak dal hai jisne telangaana par sheegra faisale ka khule taur par samarthan kiya hai aur is sambandh mein sheegra samprag ki baithak hone ki ummeed kar raha hai. Samvaadadaataaon se baatcheet mein Pawar ne jor diya ki Congress ''Aam taur par telangaana samarthak' hai. Pawar ne kaha, ''Savaal (alag raajya ka gathan) samay ki baat hai. Ham yathaasheeghr telangaana ka gathan chaahate hain. Ismein vilamb hamaare liye madadgaar naheen hoga. '' keindreeya krushi mantri ne kaha ki unki party lambe samay se alag telangaana raajya ka samarthak hai aur usane kuchh saal pehle TRS pramukh ke chandrashekhar Rao ke saath rally bhi ki thi. Pawar ne kaha ki agar Vidarbh kshetr bhi ek alag raajya ban jaata hai to raakaampa ko koi aapatti naheen hai. Unhonne kaha, ''Ham raah mein naheen aaenge. ''