Kaangresiyon Ke Liye Bhale Madhumakkhi Ka Chhatta Ho, Hamaare Liye Maan Hai Yah Desh Modi

Kaangresiyon Ke Liye Bhale Madhumakkhi Ka Chhatta Ho, Hamaare Liye Maan Hai Yah Desh Modi

Breaking »

Nai Delhi. . BJP ke 33vein sthaapana diwas ke mauke par Gujarat ke mukhyamantri Narendra Modi ne Congress upaadhyaksh Rahul Gandhi par seedhe hamla bola. Modi ne kaha ki CII ke sammelan mein Rahul Gandhi ke bhaashan se mujhe dhakka laga. Unhonne kaha yah desh Rahul Gandhi ke liye madhumakkhi ka chhatta ho sakta hai, hamaare liye maan hai. Gaurtalab hai ki Rahul Gandhi ne apne bhaashan mein kaha tha ki yah desh ek madhumakkhi ka chhatta hai. Iske pehle BJP ke raashtreeya adhyaksh Rajnath Singh ne kaha ki Modi desh ke sabse lokapriya neta hain. BJP ke 33vein sthaapana diwas par shanivaar ko Ahmedabad ke sardaar vallabh bhaai Patel stadium mein party adhyaksh Rajnath Singh ki maujoodagi mein Gujarat ke mukhyamantri Narendra Modi jamkar bole. Is kaaryakram mein Gujarat BJP ke kareeb ek lakh kaaryakarta aae the. Bhaashan ke dauraan Narendra Modi ne pehla nishaana Congress upaadhyaksh Rahul Gandhi par saadha. Unhonne kaha ki yah desh koi madhumakkhi ka chhatta naheen balki ham sabki maan hai aur maan ka dard koi beta hi jaan sakta hai. Unhonne atal bihaari Vajpayee ke shabdon ko yaad karte hue kaha ki is desh ka kankar-kankar shankar hai. Narendra Modi ne kaha ki desh Congress se tang aa chuki hai. Yah party kabhi naheen sudhar sakti. Bhaarateeya janta party ne sirf 33 saalon mein badi upalabdhi haasil ki hai. Shaayad hi duniya ki koi party ho jisne itne kam samay mein desh ki satta haasil ki hai. BJP ne na sirf satta haasil ki, balki ek sashakt raashtreeya party ke roop mein bhi ubhari hai. Unhonne kaha ki BJP ki itni badi kaamayaabi ke liye party kaaryakartaaon ka bahut bada yogadaan hai. Modi ne kaha ki BJP ne raajaneeti desh ke liye ki hai, kabhi bhi sirf satta haasil karne ke liye naheen. Modi ne kaha ki BJP logon ke kalyaan ke liye bani hai, jabki Congress satta ke liye kuchh bhi kar sakti hai. Vah virodhi paartiyon par keechad uchhaalati hai. Unhonne kaha ki jitna keechad uchhaaloge kamal utana hi khilega. Iske pehle BJP ke raashtreeya adhyashr Rajnath Singh ne kaha ki yah bahut hi durbhaagyapoorn hai ki Congress ke neta Narendra Modi ko yamaraaj kah rahe hain. Yamaraaj ka javaab 2014 mein desh ki janta degi. Saath hi unhonne kaha ki Narendra Modi desh ke sabse lokapriya neta hain.


Samay Se Pehle Chunaav Naheen Chidambaram

Samay Se Pehle Chunaav Naheen Chidambaram

Breaking »

Nai Delhi . . Vitt mantri pi. Chidambaram ne vakt se pehle Loksabha chunaav se inkaar karte hue kaha hai ki sarkaar 2013 ke liye apna aarthik ajeinda poora karegi aur fir chunaav mein utaregi. Patrakaaron se baatcheet mein unhonne kaha ki vakt se pehle chunaav naheen honge. Chunaav samay par yaani May 2014 mein hi honge. Jab unase yah poochha gaya ki aisi khabarein hain ki Congress kuchh mantriyon ko party ke kaam mein lagaane waali hai to Chidambaram ne kaha ki mainne pichhle 50 minute mein jo kaha, ve kya jald chunaavon ki or ishaara karte hain? Ham 2013-14 ke liye apna ajeinda poora kareinge aur fir May mein chunaav mein utareinge. Aarthik sudhaaron ka jikr karte hue vitt mantri ne kaha ki ham vipakshi dalon se is baare mein baat kar rahe hain. Hamein poori ummeed hai ki bajat session mein kuchh aham bilon ko paas karaane mein vipakshi dal hamaari madad kareinge, kyonki ve desh ke aarthik vikaas ke liye jaroori hain. Chidambaram se jab poochha gaya ki kya raajaneetik morche ko fatah karne ke liye udyog jagat ke manchon ka istemaal kiya ja raha hai, to unhonne kaha ki 'Aapko unase poochhana chaahiye kya ve khud ko raajaneetik dal mein badalne ki yojana bana rahe hain? Mujhe naheen maaloom. ' gaurtalab hai ki pradhaanamantri Manmohan Singh aur Congress upaadhyaksh Rahul Gandhi ne is hafte CII ki ek baithak ko sambodhit kiya tha. Gujarat ke mukhyamantri nareind Modi somvaar ko FICCI mein bhaashan dene vaale hain.


UP Mein Poorv Gram Pradhaan Ki Goli Maarkar Hatya

UP Mein Poorv Gram Pradhaan Ki Goli Maarkar Hatya

Breaking »

sultaanapur. . Uttar pradesh mein sultaanapur jile ke dostapur kshetr mein ek poorv gram pradhaan ki taabadtod goli maarkar hatya kar di gayi. Hatyaare usaki jabaan kaat le gaye. Police sootron ne bataaya ki malikpur nonara gaanv ke poorv pradhaan ramaashankar Yadav ka shav shanivaar ko Rampur gaanv ke paas mila. Use paanch goliyaan maari gayi theen aur usaki jeebh bhi kaat li gayi. Police ne agyaat logon ke khilaaf mukadama darj karke jaanch shuroo kar di hai. Hatya ke kaaranon ka pata naheen lag saka hai.


Modi Desh Ke Sabse Lokapriya Neta Rajnath

Modi Desh Ke Sabse Lokapriya Neta Rajnath

Breaking »

Nai Delhi. . Agale Loksabha chunaav mein BJP ne Narendra Modi ki bhoomika ke baare mein badhti atkalon ke beech party adhyaksh Rajnath Singh ne unki prashansa desh ke sabse lokapriya neta ke roop mein ki. Haalaanki, is baare mein apne patte naheen khole ki chunaav mein party kise pradhaanamantri pad ka ummeedavaar banaaegi. Rajnath ne ek private telivijn channel par kaha ki koi bhi vyakti is baat ko najarandaaj naheen kar sakta ki Modi abhi desh ke sabse lokapriya neta hain. Is baare mein 2 rai naheen hai. Iske saath hi unhonne kaha ki pradhaanamantri pad ke ummeedavaar par party ka keindreeya sansadeeya board faisala karta hai aur vahaan unki niji rai ka mahatva naheen hota. BJP adhyaksh ne CII sammelan mein Rahul Gandhi ke us bayaan par bhi chutaki li, jismein unhonne kaha tha ki ghode par savaar koi bhi ek vyakti satta mein aakar Bhaarat ki samasyaaon ka samaadhaan naheen nikaal sakta hai. Rajnath ne kaha ki agale chunaav mein BJP ka neta jo satta mein aaega, vah ghode par savaar naheen hoga. Vah jameen se juda neta hoga aur jisne 30 se 35 saalon tak paseena bahaaya hoga.


Raaja Bhaiya Aur Unke Bhaai Par Hatya Ki Saajish Ka Mukadama

Raaja Bhaiya Aur Unke Bhaai Par Hatya Ki Saajish Ka Mukadama

Breaking »

prataapagadh. . Uttar pradesh ke poorv khaadya mantri raghuraaj prataap Singh urf raaja bhaiya aur unke bhaai vidhaan parishd sadasya Akshay prataap Singh ke khilaaf hatya ki saajish rachane ka ek mukadama darj kiya gaya hai. Laalaganj ke police kshetraadhikaari di. Ke. Rai ne bataaya ki sangraamagadh thaana kshetr ke lakhapeda gaanv nivaasi BSP neta aur baabaaganj ke poorv blauk pramukh manoj shukl ke kareebi sahayogi divaakar tivaari ne saajish rachane ke aarop mein shukravaar der raat raaja bhaiya aur udaya prataap Singh ke khilaaf mukadama darj karaaya. Unhonne bataaya ki tivaari ki tahareer par chaar anya logon ke khilaaf balava, maarapeet aur jaan se maarane ki dhamaki dene ka mukadama bhi darj kiya gaya hai. Rai ne bataaya ki tivaari ka kehna hai ki shukravaar raat motorcycle se pahunche chaar logon ne uske ghar mein ghuskar uske rishtedaar pankaj ko peeta. Usaka kehna hai ki vaaradaat ke vakt vah ghar par naheen tha lekin usaka daava hai ki hamlaavaron ke nishaane par vah khud tha. Unhonne bataaya ki tivaari raaja bhaiya ke khilaaf apaharan ke ek mukadame mein gavaah hai. Usane tahareer mein aarop lagaaya hai ki raaja bhaiya aur Akshay prataap ke kehne par hi vah hamla kiya gaya hai. Police ne maamala darj kar jaanch shuroo kar di hai. Gaurtalab hai ki raaja bhaiya gat 02 April ko maare gaye kunda ke DSP jiya-ul-hak ki hatya ke maamale mein bhi katl ki saajish rachane ke aaropi hain. CBI us maamale ki jaanch kar rahi hai.


Taurchar Se Pareshaan Hokar Kiya Pati Ka Katl

Taurchar Se Pareshaan Hokar Kiya Pati Ka Katl

Breaking »

Raaurakela. . Udeesa ke raaurakela jile mein sharaab ki lat aur rojaana maar peet se pareshaan ek patni ne apne pati ki hatya kar di. Vaaradaat ke baad police ne aaropi mahila ko arest kar liya. Police ne bataaya ki mrutak ka naam prashaant naayak (29) hai. Vah berojagaar tha aur sharaab peekar roj apni patni ki pitaai karta tha. Usaki patni doola naayak ne sundaragadh ke timna basti mein shukravaar ko usaki hatya kar di. In donon ki ek beti bhi hai. Padosiyon ke mutaabik, prashaant aadatan sharaabi tha. Vah sharaab peene ke baad apni patni ko aksar maarta tha. Ghatna vaale din prashaant ne apni patni se jab jhagada karne ki koshish ki, to doola ne iska virodh kiya. Patni ko gusse mein dekhkar prashaant ne usaki takiye se saans ghontakar hatya karne ki koshish ki. Doola ne kisi tarah khud ko bachaaya aur kamre mein rakhi kulhaadi se usaki hatya kar di. Ghatna ke dauraan mauke par maujood prashaant ke pairants ne kuchh naheen kiya.


PM Ki Race Mein Fir Aaya Advani Ka Naam

PM Ki Race Mein Fir Aaya Advani Ka Naam

Breaking »

Nai Delhi. . Agale aam chunaav mein BJP ki or se pradhaanamantri pad ke liye Narendra Modi ki ummeedavaari ki charchaaon ke beech party sthaapana diwas ke mauke par Lal Krishna Advani ka naam bhi uchhal gaya. Ashok rod par party mukhyaalaya mein aayojit samaaroh mein Delhi ke pradesh adhyaksh vijay Goyal ne kaha ki 2014 mein Lal Krishna Advani ke netrutv mein hamaari sarkaar banegi. Jis samay Goyal ne yah baat kahi us samay manch par khud Lal Krishna aadaavaani aur party adhyaksh Rajnath Singh bhi manch par maujood the. In donon netaaon ne Goyal ke bayaan par koi pratikriya naheen di. Kaaryakram ke baad jab unke bayaan ke baare mein patrakaaron ne Goyal se savaal kiya to unhonne kaha ki mere kehne ka matlab yah tha ki Advani ji hamaare sheershasth neta hain aur unke maargadarshan mein chunaav ladeinge. Vijay Goyal ne kaha,'PM ka ummeedavaar ghoshit karne vaala main kaun hota hoon. Party adhyaksh Rajnath Singh kah chuke hain ki sansadeeya board ki meeting mein iska faisala hoga. Hamaari party mein kai achhe neta hain. Sahi samay par iska faisala ho jaaega. ' is mauke par Lal Krishna Advani ne kaha ki BJP ki sthaapana bhale hi aaj ke din 1980 mein hui thi, lekin is party ki raajaneeti yaatra janasangh ke jariye 1951 mein hi shuroo ho gayi thi. Unhonne kaha ki BJP saamaanya party naheen hai, yah saanskrutik aandolan ka hissa hai. BJP ke 33vein sthaapana diwas par ek kaaryakram Ahmedabad mein bhi hai. Is kaaryakram mein party adhyaksh Rajnath Singh aur Gujarat ke mukhyamantri Narendra Modi ke saarvajanik abhinandan ke liye Gujarat unit ne jordaar taiyaari ki hai. Rajnath Singh Ahmedabad ke sardaar vallabh bhaai Patel stadium mein party ke ek lakh kaaryakartaaon ko kendra mein BJP ki sarkaar banavaane ke liye sankalp dilaaenge. Narendra Modi ki PM pad ki daavedaari ki charcha ke beech is kaaryakram ko apne ghar mein unka shakti pradarshan bhi maana ja raha hai. Raajya ke netaaon ko ummeed hai ki samaaroh ke dauraan Rajnath PM pad ko lekar Modi ko ummeedavaari par koi saaf sanket day sakte hain.


Abdulla Ne Shreeraam Ka Bhajan Sunaaya, Gaanvavaalon Ko Fan Banaaya

Abdulla Ne Shreeraam Ka Bhajan Sunaaya, Gaanvavaalon Ko Fan Banaaya

Breaking »

Raipur. . Kashmir ke ex CM aur is samay keindreeya naveen tatha naveekaraneeya oorja mantri faaruk abdulla kai gunon ke maalik hain. Khaaskar gaane mein unhein mahaarat haasil hai. Shukravaar ko Chhattisgarh ke daure par shri abdulla ne shreeraam ka ek bhajan gaakar gaanvavaalon ko apna fan bana liya. Vah baaranavaapaara abhayaaranya kshetr mein sthit saur oorja gram ravaan aur mohada ke daure par the. . Vahaan badi sankhya mein maujood schooli bachchon aur graameenon ne unka svaagat kiya. Abdulla vahaan nanhein bachchon se kaafi ghul-mil gaye. Schooli bachchon se abdulla ne padhaai aur dincharya ke baare mein kai savaal bhi kiye aur unke maasoom javaabon se vah kaafi khush bhi hue. Vanagraam ravaan mein gaanvavaalon ne unase kaha ki television par humne aapko bhajan gaate dekha aur suna hai. Aaj ham aapse ek bhajan sunana chaahate hain. Graameenon ke aagrah par abdulla ne Bhagwan shreeraam ko samarpit bhajan sunaaya.


BJP Sthaapana Diwas Par Rajnath Ke Saamane Modi Ka Shakti Pradarshan

BJP Sthaapana Diwas Par Rajnath Ke Saamane Modi Ka Shakti Pradarshan

Breaking »

Ahmedabad. . BJP ke 33vein sthaapana diwas par shanivaar ko party adhyaksh Rajnath Singh aur Gujarat ke mukhyamantri Narendra Modi ke saarvajanik abhinandan ke liye Gujarat unit ne jordaar taiyaari ki hai. Rajnath Singh Ahmedabad ke sardaar vallabh bhaai Patel stadium mein party ke ek lakh kaaryakartaaon ko kendra mein BJP ki sarkaar banavaane ke liye sankalp dilaaenge. Narendra Modi ki PM pad ki daavedaari ki charcha ke beech is kaaryakram ko apne ghar mein unka shakti pradarshan bhi maana ja raha hai. Raajya ke netaaon ko ummeed hai ki samaaroh ke dauraan Rajnath PM pad ko lekar Modi ko ummeedavaari par koi saaf sanket day sakte hain. Is samaaroh mein party ke raashtreeya adhyaksh Rajnath Singh ka bhavya svaagat to hoga hi Gujarat sarkaar ke 101 din poore karne ka jashn bhi manega. Bhaarateeya janta yuva morcha ke 10 hajaar baaik savaar kaaryakarta Rajnath Singh ko airport se lekar samaaroh sthal tak pahuncheinge. Is dauraan sau se adhik jagahon par unka svaagat kiya jaaega. Stadium mein Rajnath Singh, Narendra Modi, haal mein mahaasachiv banaae gaye amit shaah aur pradesh adhyaksh banaae gaye aar. Si. Faladoo khuli jeep mein savaar hokar kaaryakartaaoॆ se mileinge. Is jeep ke aage aur peechhe yuva morcha ke baaik savaar 30-30 kaaryakarta chaleinge. Raajya sarkaar ki or se sammaan samaaroh mein suraksha ke chaak-chauband intajaam kiye gaye hain. Jauint police commissioner ke netrutv mein police ke dedh hajaar adhikaari aur javaan kaaryakram sthal par mustaid raheinge.


Dal Jheel Mein Mila British Tourist Ka Shav, Rape Ka Shak

Dal Jheel Mein Mila British Tourist Ka Shav, Rape Ka Shak

Breaking »

Shreenagar. . Shreenagar ki dal jheel mein ek haausabot mein shanivaar ko 24 saal ki ek british mahila ka shav paaya gaya. Police ne bataaya ki saara Elizabeth naam ki is mahila ka shav subah ek shikaare mein uske kamre mein khoon se lathapath paaya gaya. Police ko hatya se pehle peedita ke saath balaatkaar kiye jaane ka sandeh hai, kyonki uske kapde fate hue the. Police ne bataaya ki haausabot mein rah rahe Netherland ke tourist devit richrd (43) ko ghaati se bhaagane ki koshish karte hue kaajeegund mein shreenagar-Jammu naishanal highway par giraftaar kiya gaya. Kaajeegund shreenagar se 75 kilometer ki doori par sthit hai. Sootron ne bataaya ki forensic lab ke eksaparts ka ek dal ghatnaasthal par pahunch gaya hai aur shav ko postmortem ke liye bhej diya gaya hai.


Karja Badhaakar Gujarat Ka Karj Utaara Modi Ne

Karja Badhaakar Gujarat Ka Karj Utaara Modi Ne

Breaking »

Ahmedabad. . Gujarat ke mukhyamantri Narendra Modi ko lagta hai ki vah Gujarat ki bahut seva kar chuke hain aur ab 'Bhaarat maata' ka karj utaarane ki baari hai. Iske liye vah jald se jald Delhi ki flight pakadna chaahate hain. Lekin hakeekat doosari hai. Modi ne pichhle 11 saalon mein Gujarat ko bhaari karj mein dubo diya hai. Modi ne 2001 mein jab pehli baar mukhyamantri ki kursi sambhaali, tab se ab tak tak Gujarat par karj ka bojh kai guna badh chuka hai. Gujarat par chadha karj 2001-02 mein 45,301 karod se kai guna badhkar 2013-14 mein 1.76 lakh karod tak pahunchane ka anumaan hai. 31 March 2012 tak Gujarat par kul karj 1,38,978 karod tha. Haalaanki Gujarat ke mukaabale pashchim Bengal aur uttar pradesh karj ke bojh tale jyaada dabe hue hain. Pashchim Bengal par 1,92,100 karod, to UP par 1,58,400 karod ka karj hai. Lekin yahaan khaas baat yah hai ki ye donon raajya khud ko 'Aadarsh raajya' ki tarah prachaarit naheen karte hain. Modi agar Delhi kooch karte hain, to har gujaraati ke sir par vah karj ka bhaari bojh chhod jaaenge. Gujarat ki poori aabaadi agar 6 karod maan li jaae, to har shakhs ke sir par kareeb 23,163 hajaar ka karj hoga. Blog padhein: Main hoon peeemarogi, mera karj utaravaao. . . Gujarat sarkaar karj par 34.50 karod pratidin ke hisaab se bhaari-bharakam byaaj chuka rahi hai. Gujarat sarkaar ke bajat anumaanon ke mutaabik is hisaab se 2015-16 tak raajya par karj badhkar 2,07,695 karod ho jaaega. Khaas baat yah hai ki yah tab hai jab Gujarat mein petrol par adhitm vait hai au Gujarat un kuchh gine-chune raajyon mein se hai jo urvarakon par bhi vait vasoolata hai.


Deebeeti Ke Tahat LPG Silindar Par Cash Traansafar May Se Shuroo

Deebeeti Ke Tahat LPG Silindar Par Cash Traansafar May Se Shuroo

Breaking »

nai Delhi. . LPG silindar par milne waali subsidy deebeeti skeem ke tahat upabhoktaaon ke khaate mein May maheene se hi traansafar ki jaaegi. Sarkaar ne shukravaar ko yah faisala le liya. Haalaanki pradhaanamantri Manmohan Singh ne ise lekar hui baithak mein yah sveekaar kiya ki daayarekt benifits traansafar subsidy skeem mein kuchh kathinaaiyaan aa rahi hain. Unhonne sujhaav diya ki koshishon ke jariye yah sunishchit kiya jaana chaahiye ki skeem asafal na hone paae. Deebeeti par raashtreeya samiti ki baithak mein yojana ki pragati ki sameeksha karte hue pradhaanamantri Manmohan Singh ne kaha, 'January mein daayarekt benifits traansafar skeem shuroo hone ke baad humne kuchh doori tay ki hai. Is avadhi mein humne kai jaroori muddon ko sulajhaaya hai. Main iski pragati se utsaahit hoon aur iske bhavishya ko lekar aashaavaan hoon. ' gaurtalab hai ki is saal January mein sarkaar ke is mahatvaakaankshi kaaryakram ko pehle charan mein 43 jilon mein shuroo kiya gaya tha. Is kaaryakram ka vistaar 15 May tak 20 aur jilon mein kiya jaaega. Ismein charanbaddh tareeke se LPG subsidy ko shaamil kiya jaaega. Desh mein kul LPG graahakaane ki sankhya 14 karod hai. LPG ko iske daayare mein laane ke baad subsidy ki raashi seedhe upabhokta ke bank khaate mein sthaanaantarit ki jaaegi. Subsidy seedhe khaate mein jaane se silindar sirf ek daam par bikeinge. Upabhokta ko saal mein 4000 rupaye mileinge aur ek silindar unhein baajaar bhaav par khareedna hoga.


Baatcheet Ataki, Ladaakoo Vimaan Milne Mein Deri Hogi

Baatcheet Ataki, Ladaakoo Vimaan Milne Mein Deri Hogi

Breaking »

vishesh pratinidhi. Nai Delhi vaayusena ke liye ladaakoo vimaan rafel ke license utpaadan par samjhaute ko lekar yahaan raksha mantraalaya aur rafel banaane waali dasaalt company ke beech koi antim faisala naheen ho paaya. Fraanseesi company dasaalt ke adhikaariyon ne kaha hai ki ye masale kaafi jatil hain, isliye baatcheet lambi chalegi. Sootron ke mutaabik, mukhya vivaad is baat ko lekar hai ki Hindustan eronautiks dvaara license utpaadan kiye gaye rafel vimaanon ki kvauliti ki guaranty kaun lega. Dasaalt ke mutaabik choonki ye vimaan Bhaarat mein asembal honge isliye iski jimmedaari hail ko hi leni hogi. Gaurtalab hai ki ab vaayusena ke liye 126 ladaakoo vimaan ka samjhauta karne mein deri hogi, lekin yahaan raksha sootron ne kaha hai ki baatcheet patari se naheen utari hai. Pehle raksha mantraalaya ne ummeed jaahir ki thi ki sauda July tak sampann ho jaaega, lekin ab maana ja raha hai ki samjhauta is saal ke ant tak hi ho paaega. Yah sauda 15 se 20 arab dollar ke beech ka ho sakta hai. Dasaalt company ke pratinidhiyon ne kaha ki shuroo mein 18 rafel vimaanon ki saplaai aur Bhaarat mein baaki 108 vimaanon ke license utpaadan ko lekar alag samjhauta karna hoga. License utpaadan ke liye dasaalt apni bhoomika keval utpaadan kit aur kalapurjon ki saplaai tak hi seemit rakhana chaahata hai, jabki Bhaarat ka kehna hai ki fraanseesi company ko utpaadan ki bhi jimmedaari leni hogi. Ullekhaneeya hai ki 126 ladaakoo vimaanon ke tanedar mein kaha gaya tha ki 108 ladaakoo vimaanon ka utpaadan Hindustan eronautiks dvaara kiya jaaega. Lekin iske saajha utpaadan mein dasaalt dvaara haath kheenchne se vivaad paida huaa hai. Dasaalt ne rafel ka utpaadan karne mein hail ki kshamata par bhi savaal uthaae hain.


Dharmapaal Ko Ambala Jail Laaya Gaya

Dharmapaal Ko Ambala Jail Laaya Gaya

Breaking »

enabeeti news . Ambala 5 logon ki hatya ke doshi dharmapaal ko jab daya yaachika khaarij hone ke baad derashaam Rohtak se Ambala central jail laaya gaya to jail ke darvaaje par pahunchate hi vah rone laga. Jaankaari mili hai ki use 15 taareekh ko faansi di ja sakti hai. Kandam kothari mein bheja gaya sootr bataate hain ki dharmapaal ko jail mane bani ek kandam kothari mein rakha gaya hai. Yah kothari aisi hoti hai ki jismein na to koi vyakti aaraam se khada ho sakta hai aur na hi usamein aaraam se let sakta hai. Is kothari ke chaaron taraf se suraksha vyavastha kadi kar di gayi hai. Rape va 5 logon ki hatya ka doshi hai ullekhaneeya hai ki 1991 mane soneepat ke dharmapaal par gaanv ki ek yuvati ne rape ka iljaam lagaaya tha aur us maamale mein use 10 saal ki saja ho gayi thi. Saja ke dauraan, vah jab pairol par aaya to usane yuvati ke parivaar ke 5 logon ko maar diya tha. Is hatyaakaand mein use faansi ki saja sunaai gair thi. Ambala jail mein antim baar 1989 ko gulaab Singh ko faansi di gayi thi. Is samay yahaan koi jallaad bhi naheen hai aise mein kisi doosare raajya se jallaad ko bulaaya jaaega.


Mahila Se Eesaaai Ne Ki Chhedchhaad

Mahila Se Eesaaai Ne Ki Chhedchhaad

Breaking »

enabeeti news . Kurukshetr : Karanaal mein ek eesaaai ke mahila se chhedchhaad karne ka maamala saamane aaya hai. Mahila ke pati ke saamane hi chhedchhaad ki gayi. Logon ne usaki jamkar pitaai ki aur police ke havaale kar diya. Maamala shahar ke bas adde ka hai. Ek mahila apne pati ke saath Haryana roadways ki bas se utari thi. Mahila ke saath sharaab ke nashe mein dhut ek vyakti ne chhedchhaad shuroo kar di. Mahila ne iska virodh kiya to vah mahila se badtameeji karne laga. Mahila ne chappalon se sharaabi ki jamkar dhunaai kar di. Is beech, bas driver aur parichaalak ne sharaabi ko daboch liya aur use bas adda chauki mein le gaye. Usane police ko bataaya ki usaka naam Virendra hai aur vah Haryana police mein eesaaai hai. Mahila ki shikaayat par police ne vibhinn dhaaraaon ke tahat mukadama darj karke guruvaar shaam ko use adaalat mein pesh kiya. Court mein aaropi ne maafi maangi, lekin adaalat ne use do din ke liye jail bhej diya.


Punjabi Film 'Saadda Hak Par Bavaal, Punjab, Delhi Aur Hariyaan Mein Ban

Punjabi Film 'Saadda Hak Par Bavaal, Punjab, Delhi Aur Hariyaan Mein Ban

Breaking »

Nai Delhi. . Punjab ke mukhyamantri prakaash Singh baadal ne punjabi film 'Saadda hak' ko ban karne ke faisale ka samarthan karte hue kaha ki sarkaar ki pehli jimmedaari pradesh mein kaanoon-vyavastha banaae rakhana hai. Gaurtalab hai ki film 'Saadda hak' khaalistaan movement par bani hai. Is film ke baare mein kaha ja raha hai ki ismein khaalistaan aandolan ka samarthan hai aur isse jude netaaon ko hero ki tarah dikhaaya gaya hai. Mukhyamantri baadal ne kaha,'Meri pehli praathamikta hai pradesh mein shaanti aur saampradaayik sadbhaavana kaayam rakhana' ham shaanti aur saampradaayik sadbhabhaavana ki shart par kisi film ko release karne ki anumati naheen day sakte. Main naheen chaahata ki is film se pradesh ki shaanti bhang ho. Baadal ne yah baat akaali samarthak aur jatthedaar gurucharan Singh tohara ki 9veen punyatithi par shraddhaanjali arpit karne ke baad Patiala mein kahi. Yah film shukravaar ko release hone waali thi. Guruvaar raat ko hi sarkaar ne ban kar diya tha. Shaanti aur saampradaayik sadbhaavana par khatre ko dekhte hue Delhi aur Haryana sarkaar ne bhi film ko ban kar diya. Film'Saadda hak' Punjab mein 1980-90 mein jaari khaalistaan aandolan par aadhaarit hai. Film mein ek khaas samudaaya par kathit roop se pulisiya daman aur uske amaanaveeya ravaiye ko chitrit kiya gaya hai. Gaurtalab hai ki is dauraan Punjab mein chaaron taraf ashaanti aur hinsa ka maahaul tha. Sikh alagaavavaadi neta alag se sikhon ke liye desh ki maang kar rahe the. Ise rokane ke liye police par ghor atyaachaar ke aarop lage the. Police hiraasat mein hatya aur taurchar ke sangeen aarop lage. Is beech Punjab mein kattarpanthi dal khaalasa ne Punjab sarkaar ke faisale ki aalochna ki hai aur ek baar fir se vichaar karne ki maang ki hai. Dal khaalasa ke cheef H. S. Dhaami ne akaali ke netrutv waali sarkaar par abhivyakti ki svatantrata ko kuchalane ka aarop lagaaya hai. Unhonne kaha ki Punjab sarkaar ne byoorokresi ke dabaav mein aakar yah faisala kiya hai. Saadda hak' ke prachaar ke liye you-tube par jaari huaa vidiyo gambhir vivaadon mein aa gaya tha. Is vidiyo mein sikhon ke 10vein guru guru govind Singh ji aur shaheed bhagat Singh ke saath aatankvaadi jaranail Singh bhindaraavaale aur balavant Singh raajoaana ko dikhaaya gaya hai. Geet 'Baagi' mein vidrohiyon ko mahimaamandit kiya gaya hai, vaheen is film ke nirmaataaon ne daleel di ki gaana sirf vidrohiyon ke baare mein baat karta hai, lekin unki ek-doosare se tulana naheen karta, aur na hi unhein ek-doosare se jodta hai. Film ke nirmaata kulajindar siddhoo ne kaha, 'Guru govind Singh ji apne samay mein vidrohi the, lekin agar ham aaj ke samay ki baat karein to raajoaana bhi vidrohi hai. Yah jaiji bi ka gaaya huaa gaana hai, jo film ko promote karne ke liye taiyaar kiya gaya hai aur ham jaiji bi se sahamat hain. Hamaara kehna hai ki sikh samudaaya mein guruon ke vakt se lekar aaj tak vidrohi hue hain. Jab bhi unhein lagta hai, vyavastha mein kuchh khaami hai, ve vyavastha ke khilaaf chale jaate hain aur iseeliye baagi kahalaate hain. ' gaurtalab hai ki balavant Singh raajoaana 1995 mein Punjab ke tatkaaleen mukhyamantri beant Singh ki hatya ke aarop mein faansi ki saja pa chuka hai. Filhaal vah Patiala jail mein hai. Jaranail Singh bhindaraavaale vidrohi neta tha, jo 1984 mein amrutasar ke svarn mandir mein apne hathiyaarband samarthakon ke saath chhip gaya tha aur bhaarateeya sena se tab tak ladta raha, jab tak maara naheen gaya. Yah film pehle bhi censor board mein ataki thi, jise esajeepeesi ke anurodh ke baad paas kiya gaya tha.


Shaheed Hemraj Ki Patni Se 'Fauji Ne 10 Lakh Thage

Shaheed Hemraj Ki Patni Se 'Fauji Ne 10 Lakh Thage

Breaking »

Mathura. . Pakistani sainikon ki barbarata se shaheed hue Hemraj ke parivaar ki taraf madad ke haath badhaane ke bajaay ek yuvak ne unki patni se muaavaje mein mili rakam hi thag li. Fauji vardeedhaari yah yuvak dharmavati se 10 lakh rupaye lekar rafoochakkar ho gaya. Is ghatna se sann Hemraj ke parivaaravaalon ne police mein shikaayat darj karaai hai. Yuvak ka abhi tak pata naheen chala hai. Shaheed Hemraj ki patni dharmavati ne police ko bataaya ki shukravaar subah ek fauji vardeedhaari yuvak unke gaanv aaya tha. Usane bataaya ki usaka naam amit hai aur vah army hedakvaurtar se aaya hai. Usane dharmavati se kaha ki abhi tak bachchi ke naam efadi naheen banvaai gayi aur isse tax bharna padega. Usane bank mein jama paise ki efadi karaane aur baaki paison ko doosare bank mein jama karaane ki salaah di. Dharmavati aur parivaar ke baaki log amit ke jhaanse mein aa gaye. Dharmavati ne bataaya ki iske baad vah amit, chachiya sasur gajeindr Singh ke saath chhaata state bank pahunch gain. Vahaan beti ke naam se efadi banvaai gayi aur das lakh rupaye doosare bank mein jama karavaane ke liye nikaal liye gaye. Rupayon se bhara bag amit ne apne paas rakh liya. Dharmavati fauji ki baaik par chhaata se gaanv ki or chal di. Doosari baaik par gajeindr Singh va Hemraj ke chachere bhaai Bhagwan Singh aa rahe the. Raaste mein amit ne petrol bharvaane ke bahaane dharmavati ko baaik se utaara aur iske baad vah raffoochakkar ho gaya. Iske baad hi dharmavati aur peechhe aa rahe rishtedaaron ko poora maajara samajh mein aaya. Unhonne turant police ko khabar ki. SSP pradeep Kumar ne is maamale mein case darj karne ka aadesh diye hain. Police yuvak ki talaash mein juti hui hai. Gaurtalab hai ki Hemraj ke parivaar vaalon se do baar pehle bhi thagi ki koshish ho chuki thi.


Pak Naagrikon Ke Liye 'Visa On Araaival Shuroo

Pak Naagrikon Ke Liye 'Visa On Araaival Shuroo

Breaking »

Nai Delhi . . Pakistan ke senior siteejans ke liye Bhaarat mein visa on araaival suvidha ki shuruaat 1 April se ho gayi hai. Gaurtalab hai ki LOC par tanaav badhne ke baad Bhaarat ne is suvidha ko taal diya tha. Yah suvidha 15 January se shuroo honi thi, lekin do bhaarateeya javaanon ki Pakistani sena dvaara hatya aur unamein se ek javaan ka sir dhad se alag karne ki ghatna ke chalte iski shuruaat naheen ho paai thi. Gruh mantraalaya ke ek adhikaari ne bataaya ki ataari inteegreted check post par Pakistan ke varishth naagrikon ke liye aagaman par visa ki suvidha shuroo ki ja chuki hai. Unhonne kaha ki group toorijm visa suvidha ko shuroo karne ke baare mein abhi koi faisala naheen kiya gaya hai.


Hathiyaar Aur Visfotakon Ke Saath Teen Giraftaar

Hathiyaar Aur Visfotakon Ke Saath Teen Giraftaar

Breaking »

shreenagar. . Madhya Kashmir ke badgaam jile mein shukravaar ko teen logon ko hathiyaar aur visfotakon ke saath giraftaar kiya gaya hai. Police ne bataaya ki badgaam se kareeb 30 kilometer door khaag ilaake ke ek gaanv mein teen logon basheer Ahmad vaani, abdul raheem daar aur Ali mohammad Khan ko giraftaar kiya gaya. Police aur raashtreeya rifles ki sanyukt talaashi team ne unhein giraftaar kiya. Giraftaar kiye gaye logon se singal bor ki do bandookein, 18 kaaratoos, teen mobile phone, rifle saaf karne waali ek chhad, rifle saaf karne vaale 50 ML tel ke saath saath ek gas silindar bhi baraamad kiya gaya. Police pravakta ke anusaar maamala darj kar liya gaya hai aur jaanch jaari hai.


Mareens Ke Khilaaf Darj Huaa Murder Case

Mareens Ke Khilaaf Darj Huaa Murder Case

Breaking »

Nai Delhi . . Italy ke jin do mareens par bhaarateeya machhuaaron ki hatya ka aarop hai, raashtreeya jaanch agency (NIA) ne unke khilaaf murder ka case darj kiya hai. Agency ne shukravaar ko special NIA court mein is baabat FIR daakhil ki. FIR mein NIA ne donon mareens maiseemiliyaano laator aur salvaator giron ke khilaaf IPC ki dhaara 302 (hatya), 307 (hatya ki koshish), 427 (nuksaan pahunchaane) ke tahat maamala darj kiya hai. Agency ne mareens ke khilaaf sapreshan of analauful ekts ageinst sefti of maireetaaim nevigeshan aur kauntinental shelf act, 2002 ke tahat bhi maamala darj kiya hai. Iske tahat maut ki saja bhi ho sakti hai. NIA ne aarop lagaaya hai ki donon machhuaaron ki maut mareens ki taraf se ki gayi goleebaari se hui. Gaurtalab hai ki gruh mantraalaya ne Supreme court ke ek faisale ke baad is maamale ko NIA ko saunpa tha.


'Desh Mein Laagoo Samvidhaan Par Amal Naheen

'Desh Mein Laagoo Samvidhaan Par Amal Naheen

Breaking »

kaithal. . Anna hajaare ka shukravaar ko kaithal mein svaagat kiya gaya. Shahar ke college ground mein anna ne ek janasabha ko sambodhit kiya. Unke saath poorv thal sena adhyaksh general vi. Ke. Singh aur soofi gilaani bhi the. Hajaare ne kaha ki aaj desh mein jantantra naheen hai aur ham sab ne ekajut hokar desh mein jantantra laana hai. Unhonne kaha ki 26 January 1950 ko laagoo samvidhaan amal mein naheen laaya gaya. Unhonne kaha ki jantantra janta ke liye aur janta ke dvaara hona chaahiye lekin aaj party, neta aur adhikaari ka jantantra hai. Isliye desh mein jantantra laane ki jaroorat hai. Hajaare ne kaha ki unhonne aaj tak koi pad ya padak naheen liya. Unke jeevan ka lakshya janta ki seva karna hai. Unhonne logon ka aahvaan kiya ki desh se bhrashtaachaar mitaane ke liye ekajut ho jaaen.


Karnataka Chunaavon Mein Glaimar Ka Tadka

Karnataka Chunaavon Mein Glaimar Ka Tadka

Breaking »

PTI. . Bengaluru Karnataka mein agale 5 May se hone vaale assembly chunaavon ke maddenajar Congressi pratyaashi saans rokakar kaindidets ki list aane ka intajaar kar rahe hain. Chunaav se jude tamaam tarah ke kayaason ke beech ek cheej abhi se pakki ho gayi hai. Yah hai aam taur par boring lagne vaale in chunaavon mein paartiyon ki or se glaimar ka tadka lagaane ki koshish. Aiktres bataur kaindidet: Poorv BJP mantri bi. Shreemaaloo ki party beeesaaar Congress mein shukravaar ko bataur kaindidet 2 kannad aiktres shaamil ki gain. Ye hain-pooja aur rakshita prem. Pooja ne sabse pehle poorv PM devagauda ki party jedeees jauin ki thi. Kuchh din ke liye bi. S. Yedayurappa ki party Karnataka janta paksh ka daaman thaamane ke baad ab unhonne beeesaaar Congress ka rukh kiya hai. Udhar, leeding aiktres rah chukeen rakshita director prem se shaadi ke baad filhaal homamekar ki bhoomika nibha rahi hain. Congress bhi naheen hai peechhe: Congress ilekshan committee se judeen kannad aiktres ramya aur bhaavana in chunaavon mein voteron ko lubhaane ki koshish kareingi. Party ne kainpening ke liye aiktar darshan ko bhi joda hai. Iske alaava, vetaran aiktar anbareesh bhi Congress ke tikt ke liye sambhaavit daavedaar hain. Party Andhra pradesh se sate ilaakon mein prachaar ke liye keindeeya toorijm ministar aur telagoo super star chiranjeevi k i bhi madad legi. In ilaakon mein telagoo bolne vaale voteron ki khaasi taadaad hai.


Ab Narendra Modi Ko Congress Ne Bataaya Yamaraaj

Ab Narendra Modi Ko Congress Ne Bataaya Yamaraaj

Breaking »

Nai Delhi . . Aam chunaav ka ailaan bhale na huaa ho, lekin desh ka raajaneetik maahaul teji se chunaavi hota dikhne laga hai. Jahaan BJP Rahul aur soniya Gandhi ke khilaaf tippani ka koi mauka naheen chhod rahi, vaheen Congress bhi Modi ke khilaaf kadi se kadi tippani karne mein koi hichk naheen dikha rahi. Taaja kaumeint mein Congress pravakta ne Modi ko paroksh roop se yamaraaj karaar diya. Congress pravakta Rashid alvi shukravaar ko Rahul Gandhi ke CII mein diye gaye bhaashan se jude patrakaaron ke savaalon ke javaab day rahe the. Jab unase poochha gaya ki Rahul ne guruvaar ko diye apne bhaashan mein paroksh roop se Modi par kaumeint kiya tha. Iska unhonne khandan kiya. Unhonne kaha ki Rahul to ghode par savaar vyakti ka jikr karte hue kah rahe the ki aisa koi maseeha aaega aur saara kuchh theek kar dega, yah ummeed uchit naheen. Congress pravakta ne muskuraate hue kaha, 'Agar unka matlab Modi se hota to vah ghode ki baat naheen karte, tab to vah bhainse ki baat karte. ' gaurtalab hai ki hindu mithkon ke mutaabik bhainsa yamaraaj ki savaari maani jaati hai jo maut ke devata maane jaate hain. Isse pehle bhi Congress Modi ko maut ka saudaagar bata chuki hai.


Gorakha Aur Naga Rejimeint Aavaara Jaanvaron Ki Samasya Hal Kar Sakti Hai

Gorakha Aur Naga Rejimeint Aavaara Jaanvaron Ki Samasya Hal Kar Sakti Hai

Breaking »

Shimla. . Himachal pradesh ke poorv mantri aur BJP emaelae ravindar Singh ravi ne bandaron aur aavaara kutton se nibatne ke liye anokha sujhaav diya hai. Unhonne kaha ki raajya mein samay-samay par naga aur gorakha rejimeint tainaat ki jaani chaahiye. Aavaara jaanvaron ki samasya par vidhaanasabha mein ek prastaav pesh karte hue BJP emaelae ne kaha, 'Agar raajya mein samay-samay par sainik chhaavaniyon mein gorakha rejimeint ya naga rejimeint tainaat ki jaati hai, to bandaron ki sankhya ghatne lagegi. ' poorv sinchaai evam janasvaasthya mantri ne kaha ki daraasal jis kshetr se ye rejimeints taalluk rakhati hain, vahaan ke vyanjanon mein in jaanvaron ka maans bhi shaamil hota hai. Ravindar ravi ne kaha ki paalamapur ke paas holta mein 3 saal tak ek rejimeint tainaat ki gayi thi, jisse vahaan bandaron ki sankhya kaafi ghat gayi thi.


Bihar Mein Aag Lagne Se 11 Ki Maut

Bihar Mein Aag Lagne Se 11 Ki Maut

Breaking »

Patna. . Bihar mein tej pachhuaa hava ke kaaran agalagi ki alag-alag ghatnaaon mein shukravaar ko munger, pashchim chanpaaran, Patna, samasteepur sahit anya jilon mein 11 logon ki maut ho gayi. Aag se 2,000 se adhik ghar jalakar raakh ho gaye. In ghatnaaon mein karodon rupaye ki sampatti ka nuksaan hone ka anumaan hai. Aadhikaarik sootron ne bataaya ki pashchim chanpaaran jile ke chanapatiya thaana antargat misrauli gaanv mein choolhe se nikli chingaari se faili aag ke kaaran 200 ghar jalakar raakh ho gaye. Is haadase mein ek hi parivaar ke 4 logon ki maut ho gayi. Patna ke gardaneebaag ilaake mein short sarkit ke baad tadke ek kachche ghar mein agalagi mein ek hi parivaar ke 5 logon ki maut ho gayi. Samasteepur mein saraayaranjan prakhand mein chakava gaanv mein 30 kachche ghar jalakar raakh ho gaye, aur 45 saal ki mahila pramila devi aur 8 saal ke ramesh Kumar ki maut ho gayi. Sabse adhik agalagi ke kaaran nuksaan munger aur begoosaraaya jile ki seema par sthit bahaaduranagar gaanv mein huaa jahaan diyaara kshetr mein 1000 se adhik ghar jalakar raakh ho gaye. Dedh kilometer daayare mein faili hajaaron ekad mein lagi gehoon ki fasal nasht ho gayi. Yahaan 4 log jhulas gaye. Soobe mein bah rahi pachhuaa havaaon ne chingaari se faili aag ko vikraal bana diya jisse bhaari nuksaan huaa hai.