Audyogik Utpaadan Aur Mudraasfeeti Aankadon Se Tay Hogi Baajaar Ki Disha

Audyogik Utpaadan Aur Mudraasfeeti Aankadon Se Tay Hogi Baajaar Ki Disha

Breaking »

Nai Delhi: Audyogik utpaadan aur mudraasfeeti jaise mahatvapoorn aarthik aankadon par najar rakhate hue niveshakon dvaara saptaah ke dauraan satarkata barte jaane ki ummeed hai. Iske alaava pramukh companiyon ke teesari timaahi kaaryaparinaam bhi baajaar ki disha tay karte raheinge. Saptaah ke dauraan ONGC, tata power, tata steel, tata motors aur bhaarateeya state bank jaisi pramukh companiyon ke timaahi parinaam aane ki sambhaavana hai. Iske alaava mangalvaar ko December ke audyogik utpaadan soochakaank (IIP) aankade tatha guruvaar ko thok moolya soochakaank (dablyoopeeaai) aankade par niveshakon ki najar hogi. Aaditya trading saulyooshans ke sansthaapak vikaas jain ne kaha, is saptaah bhaarateeya baajaar mein seemit ghat-badh ho sakti hai, kyonki agrim GDP anumaan mein anaapekshit giraavat ko dekhte hue niveshakon dvaara audyogik utpaadan soochakaank evam mudraasfeeti aankade aane se pehle satarkata barte jaane ki ummeed hai. Unhonne kaha ki February mein Nifty mein kareeb do pratishat ka takaneeki sudhaar huaa hai aur bajat satr se pehle aur munaafaavasooli gatividhiyaan dekhne ko mil sakti hain. Unhonne kaha ki nigmit companiyon ke kaaryaparinaam ke mausam mein stock vishesh mein utaar-chadhaav dekhne ko milega, lekin baajaar ki antanirhit dhaarana mein mandi ka rukh rahega. Baajaar visheshagyon ne kaha ki ek baar kaaryaparinaamon ka mausam samaapt ho jaae to baajaar aur niveshakon ki nigaah varsh 2013-14 ke keindreeya bajat se apekshit ummeedon par ja tikeingi. Bonanza portfolio ke varishth upaadhyaksh Rakesh Goyal ne kaha, kamjor GDP aankadon ne baajaar ki dhaarana mein mandi la di hai, haalaanki vaishvik baajaar se koi sakaaraatmak sanket sudhaar mein madadgaar ho sakte hain. Aane vaale satron mein Nifty aur soochakaank ke liye nikat bhavishya mein 5,900 ank ka star mahatvapoorn nirnaayak pahaloo saabit honge. Is ank se neeche baajaar mein aage aur bikvaali dekhne ko mil sakti hai. Seeenaaai research ke seeemadi kishor pi ostavaal ke anusaar, bajat pesh hone mein mushkil se do saptaah rah gaye hain. Jaisa ki kaha gaya tha ki 5,950 ka star todne ke baad baajaar ne ek baar fir se neeche mein 5,900 ke star ko bhi toda. Nifty somvaar ko 5,850 ank ke star ko bhi chhoo sakta hai. Agar somvaar ko baajaar 5,950 ke star ko laangh jaata hai, to yah ek baar fir se 6,020 ank ke star tak chadh sakta hai. CSO ke agrim anumaan ke anusaar desh ka aarthik vikaas dar varsh 2012-13 mein ghatkar dashak ke nimnatam star paanch pratishat rah sakta hai. Iska kaaran vinirmaan, krushi aur seva kshetron ka pradarshan kharaab hona hai. Keindreeya saankhyiki sangathan (CSO) ne pichhle saptaah kaha tha ki varsh 2011-12 mein vikaas dar 6.2 pratishat se ghatkar paanch pratishat rah jaaega, jo bhaarateeya reserve bank aur anya agencyon dvaara vyakt anumaanon se kaheen kam hai.


Kingfisher Karmachaariyon Se Mile Mallya, Bankon Ki Baithak Pakhavaade Bhar Mein

Kingfisher Karmachaariyon Se Mile Mallya, Bankon Ki Baithak Pakhavaade Bhar Mein

Breaking »

Mumbai: Sankatagrast vimaanan company Kingfisher airlines ki punaruddhaar yojana ke adhar mein latakane ke beech company ke pramukh rinadaata state bank ne kaha ki pakhavaade bhar mein bankon ki baithak hogi aur dhan vasooli ki bhaavi prakriya tay kareinge, jabki vimaanan company ke adhyaksh vijay Mallya ne apni yojana ke baare mein aashvast karne ke liye shanivaar ko karmachaariyon se mulaakaat ki. Bhaarateeya state bank ke adhyaksh prateep chaudhari ne kaha, bankon ki agale 15 din mein baithak hogi. Parismaapan ya bank jo bhi tay karte hain, us par tabhi sahamati banegi, jabki company ke paas vishvasaneeya yojana ho. Kingfisher ne pichhle saal January se SBI ke 1,600 karod rupae ke rin ka byaaj naheen chukaaya hai. Isse pehle, Mallya ne karmachaariyon se mulaakaat ki. Kingfisher karmachaariyon ne company ko band karne ki appeal karne ke liye nyaayaalaya jaane ki dhamaki di thi. Samjha jaata hai ki Mallya ne unase kaha ki vah bankon aur niyaamak DGCA se baat karne ki koshish kar rahe hain, taaki vimaanan company ko fir se shuroo kiya ja sake. Sootron ne bataaya ki haalaanki, Mallya ne karmachaariyon ki 10 maheene se bakaaya tanakhvaah ada karne ke sambandh mein kisi tarah ki pratibaddhata naheen jataai aur kaha ki vah company ka parichaalan dobaara shuroo karne ka bharsak prayaas kar rahe hain. Divaaliyaapan ke kaagaar par pahunch chuki Kingfisher ke vimaan pichhle saal October se hi khade hain aur tab se Mallya ki apne karmachaariyon ke saath yah pehli mulaakaat hai. Abhi tak karmachaariyon ki ashaanti evam anya mudde Kingfisher ke CEO sanjaya Agrawal sanbhaal rahe the. Sootron ne kaha ki malya DGCA aur 17 bankon ke samooh se anaapatti pramaan patra haasil karne ka prayaas kar rahe hain. In bankon ka Kingfisher par 7,000 karod rupaye bakaaya hai. Gaurtalab hai ki bankon ka samooh 12 February ko baithak kar raha hai, jismein vasooli ki kaarravaai par nirnaya kiye jaane ki sambhaavana hai. Bhaarateeya vimaanapattan praadhikran (eeaai) ne bhi kaha hai ki vah prabandhan ke khokhale vaadon par bharosa naheen karega aur DGCA dvaara company ko udaan ki anumati dene se pehle bakaae ka bhugataan kiya jaana chaahiye. Sootron ne kaha ki agar company ko greeshmakaaleen satr ke liye parichaalan bahaal karna hai, to use is maheene ke ant tak udaan ka license kisi bhi haalat mein haasil karna hoga.


Mahila Vishwacup England Ki Dakshin Africa Par Badi Jeet

Mahila Vishwacup England Ki Dakshin Africa Par Badi Jeet

Breaking »

Cuttack: Madhyam gati ki geindabaaj aanya shrubasobe ne apne career ki sarvashreshth geindabaaji ki, jisse England ne ICC mahila vishwacup ke super six match mein dakshin Africa ko 243 geind shesh rahate hue saat wicket se hara diya. Pichhle match mein Australia se do run se haarne vaale England ko final ki daud mein bane rahane ke liye bade antar se jeet ki darkaar thi aur vah ismein safal raha. Dakshin Africa ki team pehle ballebaaji ka nyota milne par 29.3 over mein 77 run par dher ho gayi. England ne keval 9.3 over mein teen wicket par 81 run banaakar super six mein apni pehli jeet darj ki. England ki is jeet ki naayika shrubasobe rahi, jinhonne 17 run dekar paanch wicket liye. Unhein denili vaat ka bhi achha sahayog mila. Vaat ne nau geind par saat run dekar teen wicket haasil kiye. Dakshin Africa ki chaar ballebaaj denavaan neekark (17), shameem ismaail (16), maarijen kaip (13) aur saandre fritj (10) hi dohare ank mein pahunch paai. England ki bhi 10 wicket se jeet darj karne ki ichha poori naheen ho paai, lekin eren brindal ne 16 geind par chhah chaukon ki madad se naabaad 28 aur Lydia greenway ne 19 geind par paanch chaukon ki madad se naabaad 25 run banaakar team ko 10 over ke andar jeet dila di.


Britain Mein Neelaam Hone Vaala Hai Mahaatma Gandhi Ka Durlabh Patra

Britain Mein Neelaam Hone Vaala Hai Mahaatma Gandhi Ka Durlabh Patra

Breaking »

London: Mahaatma Gandhi ki or se varsh 1943 mein british adhikaariyon ko likha gaya ek durlabh patra neelaami ke liye rakha gaya hai. Gandhiji ne is patra mein apni najarabandi par sarkaar ki or se ki ja rahi fijoolakharchi ke sambandh mein likha hai. Najarabandi ke dauraan Pune ke aaga Khan pailes se type kiye gaye is patra par mahaatma Gandhi ke hastaakshar hain. Shropashaayar ke ludalau mein 14 February ko hone waali is neelaami mein patra se 10,000-15,000 pound milne ki sambhaavana hai. Is patra mein Gandhiji ne british adhikaariyon ko kaaran bataate hue apne tatha apne kaaryakartaaon ki rihaai ki maang ki hai. 'Daily mel' ki khabar ke anusaar, visheshagya is patra ko vishv itihaas ka behad mahatvapoorn dastaavej maanate hain, kyonki yah Bhaarat ke liye svatantrata praapt karne vaale ke taur par Gandhi ko dikhaata hai. Is patra ki neelaami ka kaaryabhaar sanbhaal rahe neelaami ghar 'Mulauk' ke richrd Westwood-bruks ka kehna hai ki yah patra unhein mahaatma Gandhi ke saath svatantrata senaani rahe ek bhaarateeya vyakti se mila hai.


Soniya Gandhi Ne Svaasthya Kaaranon Se Tripura Daura Radd Kiya

Soniya Gandhi Ne Svaasthya Kaaranon Se Tripura Daura Radd Kiya

Breaking »

Agartala: Congress adhyaksh soniya Gandhi ne svaasthya kharaab hone ke kaaran apna tripura daura radd kar diya hai. Unhein ravivaar ko raajya mein do chunaavi sabhaaon ko sambodhit karna tha. Akhil bhaarateeya Congress samiti ke mahaasachiv luijino faleriyo ne bataaya ki 14 February ko hone vaale chunaav se pehle soniya ko Agartala aur kumaaraghaat mein janasabhaaon ko sambodhit karna tha, lekin unka svaasthya kharaab hone ke kaaran yah daura radd ho gaya hai. Isse pehle, pradhaanamantri Manmohan Singh ne bhi apni yaatra radd kar di thi. Unhein shanivaar ko ambaasa aur dhalaai jilon mein logon ko sambodhit karna tha. Tripura ke party prabhaari faleriyo ne bataaya ki Congress upaadhyaksh Rahul Gandhi somvaar ko party ummeedavaaron ke paksh mein prachaar ke liye raajya mein chaar janasabhaaon ko sambodhit kareinge. Rahul uttari tripura jile ke dharmanagar, khayarapur, sipaaheejaala jile ke sonamura aur dakshini tripura jile ke shaanteerabaajaar mein railiyon ko sambodhit kareinge. Faleriyo ne kaha ki vipakshi Congress 12 February ko ek janasabha karegi. Is rally ko Congress ke ek bade keindreeya neta sambodhit kareinge, lekin unka naam tay kiya jaana baaki hai.


Australia Series Ke Liye Team India Ka Ailaan, Gambhir Baahar, Harbhajan Ki Vaapasi

Australia Series Ke Liye Team India Ka Ailaan, Gambhir Baahar, Harbhajan Ki Vaapasi

Breaking »

Mumbai: Pichhle teen saal aur 46 paariyon se test maichon mein shatak lagaane mein naakaam rahe salaami ballebaaj Gautam gambhir ko Australia ke khilaaf pehle do maichon ke liye bhaarateeya team mein naheen chuna gaya, lekin of spinner Harbhajan Singh vaapasi karne mein safal rahe. Gambhir lambe samay se lagaataar mauke milne ke baavajood achha pradarshan naheen kar paae the aur sandeep Patil ki aguvaai waali chayan samiti ne baaen haath ke is ballebaaj ko baahar karne ka kada faisala kiya. Unki jagah Delhi ke baaen haath ke ek anya ballebaaj shikhar dhavan ko Mahendra Singh Dhoni ki aguvaai waali 15-sadasyeeya team mein shaamil kiya gaya hai. Zaheer Khan, Umesh Yadav aur Irfan pathaan ke chotil hone ke kaaran uttar pradesh ke yuva tej geindabaaj bhuvaneshvar Kumar ko ek-divseeya maichon mein achha pradarshan karne ka inaam diya gaya. Ishaant sharma tej geindabaaji vibhaag ki aguvaai kareinge, jismein ashok dinda bhi shaamil hain. Suresh raina shesh Bhaarat ki taraf se Ranji champion Mumbai ke khilaaf shatak jamaane ke baavajood vaapasi karne mein naakaam rahe. Is tarah se number chhah par Ravindra jadeja ya Ajinkya rahaane mein se kisi ek ko utaara jaaega. Gambhir ki anupasthiti mein Virendra Sehwag ke saath dhavan ya murali vijay mein se kisi ek ko paari ka aagaaj karne ka jimma saunpa jaaega. Madhyakram ki jimmedaari anubhavi sachin Tendulkar ke alaava yuva cheteshvar pujaara aur viraat Kohli par rahegi. Team mein saat ballebaaj, jadeja ke roop mein ek all-rounder, wicket-keeper ke taur par Dhoni, teen spinner aur teen tej geindabaaj rakhe gaye hain. Australia ke khilaaf hamesha achha pradarshan karne vaale Harbhajan ne pichhle saal England ke khilaaf Mumbai mein aakhir test match khela tha. Iske baad unhein chauthe match se team se baahar kar diya gaya tha. Harbhajan ne ab tak 99 test maichon mein 408 wicket liye hain. Of spinner Ravichandran Ashwin aur baaen haath ke spinner pragyaan ojha fir se spin vibhaag ki aguvaai kareinge. Australia ke khilaaf pehla test match 22 February se chennai mein aur doosra test match 2 March se Hyderabad mein khela jaaega. Is beech, chayanakartaaon ne gambhir ko vaapasi ka mauka bhi diya hai. Unhein Australia ke khilaaf 16 se 18 February ke beech Australia ke khilaaf chennai mein hone vaale abhyaas match ke liye Bhaarat 'A' team mein shaamil kiya gaya hai. Gambhir is match mein Bhaarat 'A' ki aguvaai kareinge. Team is prakaar hai - Mahendra Singh Dhoni (kaptaan), Virendra Sehwag, shikhar dhavan, cheteshvar pujaara, sachin Tendulkar, viraat Kohli, Ravindra jadeja, Harbhajan Singh, Ravichandran Ashwin, Ishaant sharma, ashok dinda, bhuvaneshvar Kumar, pragyaan ojha, Ajinkya rahaane aur murali vijay. Paanch maichon ki is shrunkhala ka pehla test match 22 se 26 February ke beech chennai mein khela jaaega. Delhi ke hisse ab chautha test match aaya hai. Yah match pehle chennai mein hona tha. Delhi aur chennai ke alaava doosra test match Hyderabad mein aur teesara test match Mohali mein khela jaaega. Delhi ke Ferozshah Kotla stadium hi donon deshon ke beech border-Gavaskar trophy ke tahat October 1996 mein pehla test match khela gaya tha. Kaaryakram is prakaar hai : Pehla test : 22-26 February, chennai Doosra test : 2-6 March, Hyderabad Teesara test : 14-18 March, Mohali Chautha test : 22-26 March, nai Delhi


Figr Naheen, Mahilaaon Ke Daanton Ki Khoobsoorti Par Marate Hain Mard

Figr Naheen, Mahilaaon Ke Daanton Ki Khoobsoorti Par Marate Hain Mard

Breaking »

London: Mahilaaon aur yuvatiyon ko is baat par gaur karna chaahiye ki mard khoobsoorat figr ki bajaay motiyon se chamakate daanton waali mahilaaon ki or adhik aakarshit hote hain. Ek nae shodh mein yeh baat saamane I hai ki purush kisi mahila mein pehli cheej jo dekhte hain, vah hain uske daant. Shodh mein yeh baat bhi saamane I hai ki kisi nai mahila mitr ki khoj mein lage purush ke maapadandon mein aakarshak daant pehli vareeyata par hote hain. Shodh mein bhaag lene vaale 58 feesadi logon ne kaha ki ve mahilaaon ke daanton ki or adhik dhyaan dete hain. Iske baad baaki cheejein aati hain. Isi prakaar, 71 feesadi mahilaaon ne kaha ki ve kisi purush mein jo pehli cheej dekhti hain, vah unke daant hote hain. 'Daily mel' mein yeh khabar prakaashit hui hai.


Censor Board Ne Diya 'Murder-3 Ko You-A Pramaan Patra

Censor Board Ne Diya 'Murder-3 Ko You-A Pramaan Patra

Breaking »

Mumbai: 'Murder' shrunkhala ki teesari film 'Murder-3' ko 'You-A' pramaan patra mil gaya hai. Film ke nirdeshak vishesh bhatt ne is film mein bold scene se jyaada kahaani par jor diya hai. 2004 mein I 'Murder' mein Imran Hashmi aur mallika sheraavat ne bhoomika nibhaai thi. Iske baad 'Murder-2' mein Imran ka saath diya tha Jacqueline Fernandez ne. 'Murder' aur 'Murder-2' ko kaamuk drushyon ki vajah se censor board dvaara 'A' sertifiket jaari kiya gaya tha. Vishesh bhatt ne bataaya, mujhe lagta hai ki bold vishay ka matlab sirf kaamuk drushya hi naheen hai. Bold vishay ka matlab usaki naatakeeyata aur usaki vishay vastu ko lekar hai. Unhonne yah bhi kaha ki vishesh film mein ham jo bana rahe hain, us par ham sharminda naheen hain.


America Mein Barfeele Toofaan Se 10 Ki Maut, Saat Lakh Gharon Mein Bijli Gul

America Mein Barfeele Toofaan Se 10 Ki Maut, Saat Lakh Gharon Mein Bijli Gul

Breaking »

New York: Uttar-poorvi America aur Canada mein aae bheeshan barfeele toofaan mein 10 log maare gaye hain. Kuchh ilaake teen teen fut barf mein dab gaye hain tatha saat lakh gharon mein bijli gul hai. Portalaind aur maayane mein record barfabaari hui, jahaan gharon ke baahar 32 inch tak barf ki moti chaadar jam gayi hai. Connecticut mein teen fut barf giri hai, jiske chalte jindagi poori tarah thahar gayi hai. Bheeshan barfabaari ke kaaran sadkein avarooddh ho gayi hain, havaai adde band hain, bijli aapoorti thap hai aur paanch lakh log bina bijli ke bhayankar thand mein rahane ko majaboor hain. Inmein se maisaachusets mein chaar lakh, rohad aayalaind mein ek lakh 86 hajaar tatha Connecticut mein kareeb 39 hajaar log bina bijli ke hain. Connecticut ke Governor denel pi meloya ke havaale se sthaaneeya media mein bataaya gaya hai ki is toofaan ne pichhle saare record tod diye hain. Unhonne bataaya ki ilaakon mein se barf hataane mein kai din ka samay lagega. Unhonne saath hi bataaya ki jin ilaakon mein bijli naheen hai, vahaan heeting center sthaapit kiye ja rahe hain. Flaaitaeveyar ke anusaar shanivaar ko 2200 udaanon ko radd kar diya gaya aur pichhle do dinon mein 5800 udaanon ko radd kar diya gaya hai. Aaj bhi kai udaanon ko radd kiye jaane ki aashanka hai. Boston ke logaan international airport tatha Connecticut ke braadale international airport ko band rakha gaya hai. Akele America mein toofaan ke kaaran ek 11-varsheeya bachche samet saat log maare gaye hain. Canada ke aantoriyo mein teen logon ki maut ho gayi.


Afzal Guru Ki Faansi Par Umar Abdulla Ne Uthaae Savaal

Afzal Guru Ki Faansi Par Umar Abdulla Ne Uthaae Savaal

Breaking »

Shreenagar: Jammu-Kashmir ke mukhyamantri umar abdulla ne sansad par hamle ke doshi Afzal guru ki faansi par savaal uthaae hain. Unhonne kaha hai ki kaanooni prakriya ka sahi tarah paalan naheen kiya gaya. NDTV se khaas baatcheet mein unhonne kaha ki is faansi se Kashmiri logon ki yah dhaarana aur badegi ki unhein insaaf naheen milta. Umar abdulla ne kaha ki is baat par bhi savaal utheinge ki jin logon ko pradhaanamantri aur mukhyamantri ko maarane ke liye maut ki saja sunaai ja chuki hai, Afzal guru ko unase pehle faansi par kyon lataka diya gaya. Umar ne yah bhi kaha ki Afzal guru ke parivaar vaalon ko maut se pehle usase milne naheen dena amaanaveeya hai. Afzal guru ko faansi diye jaane ke baad Jammu−Kashmir ke kai jilon mein shanivaar se hi curfew jaari hai. Kai shaharon mein suraksha ke kade intajaam hain. Shreenagar ki sadakon par shanivaar se hi sannaata pasara hai. Sadakon par sirf suraksha bal aur police ke javaan gasht laga rahe hain. Curfew ki vajah se yahaan ke logon ko khaasi pareshaani ka saamana karna pad raha hai.


Mahila Vishwacup Sri Lanka Ko Karaari Maat Dekar Australia Final Mein

Mahila Vishwacup Sri Lanka Ko Karaari Maat Dekar Australia Final Mein

Breaking »

Mumbai: Paanch baar ke champion Australia ne prabhaavashaali geindabaaji aur salaami ballebaaj rashel hens ke naabaad 71 run ki madad se Sri Lanka ko nau wicket se karaari shikast dekar aathaveen baar ICC mahila vishwacup ke final mein jagah sunishchit ki. Pehle ballebaaji ka nyota milne par Sri Lanka ki paari ladkhada gayi. Ek samay usaka score chaar wicket par 41 run tha aur aakhir mein usaki poori team 45.2 over mein 131 run par dher ho gayi. Usaki taraf se one-down ballebaaj deepika rasaangika ne sarvaadhik 43 run banaae. Australia ki taraf se of spinner ereen osaborn ne 10 over mein nau run dekar teen wicket liye. Australia ko hens aur meg laining (37) ne pehle wicket ke liye 55 run jodkar achhi shuruaat dilaai. Hens ne 61 geindon par nau chaukon aur do chhakkon ki madad se naabaad 71 run banaae, jisse Australia 22.2 over mein ek wicket 132 run banaakar super six mein lagaataar doosari jeet darj karne mein safal raha. Australia ki yah lagaataar doosari jeet hai. Usane isse pehle England ko do run ke kareebi antar se haraaya tha. Usaka agala match 13 February ko dakshin Africa se hoga. Sri Lanka supersix mein lagaataar doosari haar se final ki daud se lagbhag baahar ho gaya hai. Hens aur laining ne shuroo se hi Sri Lanka ke kamjor aakraman ke khilaaf karaare shot jamaae. Laining ne shreepaali veeraakodi par chhakka jadne ke baad agali geind par slip mein catch thama diya, lekin hens ne ek chhor sambhaale rakha.


Asiaee Championship Ki Taiyaari Mein Jute Susheel Kumar

Asiaee Championship Ki Taiyaari Mein Jute Susheel Kumar

Breaking »

Nai Delhi: Olympic mein lagaataar do padak jeetne vaale pehle bhaarateeya pahalavaan susheel Kumar kandhe ki chot se ubarakar Asiaee championship ki taiyaari mein jut gaye hain aur unhonne April mein hone waali is championship ke liye training shuroo kar di hai. Beijing olympic mein kaansya ke baad London olympic mein rajat padak jeetkar Bhaarat ki or se itihaas rachane vaale susheel ne ek kaaryakram mein kaha, kandhe ki chot ab theek hai aur mainne Asiaee championship ki taiyaari ke liye training shuroo kar di hai. Asiaee championship 18 se 27 April ko nai Delhi ke KD jaadhav stadium mein aayojit ki jaaegi. Susheel ne kandhe ki chot ke baare mein kaha, yah chot mujhe London olympic se pehle se hi pareshaan kar rahi thi, lekin olympic ke samay mein yah thodi theek thi. Tab main ek kilo vajan bhi naheen utha sakta tha. Lekin doctoron ne iska upachaar kar tab mujhe raahat di thi. Mere guruji satapaal ne salaah di ki ab isse ubarane ke baad hi tournament kheloon, taaki main achhi tarah vaapasi kar sakoon. Susheel ne kaha, guruji ne kaha ki theek hokar hi main apna sarvashreshth kar paaoonga. Isi kaaran main America mein hue tournament mein bhi naheen ja saka tha. Unhonne kaha, fir aage vishv championship bhi hai, isliye main jaldabaaji bhi naheen karna chaahata tha. Yah poochhane par ki kya vah training ke liye videsh jaaenge, to susheel ne kaha, yah to bhaarateeya kushti mahaasangh aur saai par nirbhar karta hai. Agar ve hamaare liye videshon mein training aayojit karavaaenge, to ham nishchit roop se jaaenge.


Teesari Timaahi Mein Reliance Life Ka Munaafa Chaar Guna Huaa

Teesari Timaahi Mein Reliance Life Ka Munaafa Chaar Guna Huaa

Breaking »

Nai Delhi: Niji kshetr ki pramukh beema company Reliance life inshyoreins ka December mein samaapt teesari timaahi ka shuddh laabh chaar guna hokar 40 karod rupaye par pahunch gaya hai. Company ke utpaad portfolio aur vitran aadhaar mein sudhaar se usaka shuddh laabh badha hai. Isse pichhle vittavarsh ki samaan timaahi mein company ka shuddh laabh 10 karod rupaye raha tha. Timaahi ke dauraan Reliance life ka kul premium 930 karod rupaye raha. Vaheen 31 December, 2012 ko samaapt timaahi mein company ke prabandhan ke tahat parisampattiyaan 17 feesadi badhkar 19,366 karod rupaye par pahunch gain. Reliance life inshyoreins ke mukhya kaaryakaari unoop raau ne kaha, hamaari paulisiyon ki sankhya ab badhi hai. . . Hamein vishvaas hai ki bhavishya mein hamaara laabh aur badhega. Company ka 80 pratishat kaarobaar paramparaagat paulisiyon aur baaki 20 pratishat unit linkd paulisiyon par aadhaarit hai. Pichhle chhah maah mein kapanni ne teen vaikalpik vitran vyavasthaaen shuroo ki hai. Inmein face too face, life plaaja aur career agent ki vyavastha shaamil hai. Company ne bikri badhaane ke liye 5,000 se adhik logon ko vitran network mein joda hai.


'Zardari Ke Khilaaf Bhrashtaachaar Ke Maamale Naheen Kholeinge Swiss Adhikaari

'Zardari Ke Khilaaf Bhrashtaachaar Ke Maamale Naheen Kholeinge Swiss Adhikaari

Breaking »

Islamabad: Pakistan ke kaanoon mantri Faruk naaik ne kaha hai ki Switzerland ke adhikaari Supreme court ke ek aadesh ke tahat desh ke raashtrapati Asif Ali Zardari ke khilaaf bhrashtaachaar ke maamale naheen khol sakte. TV channelon ne naaik ke havaale se kaha ki Switzerland ke adhikaariyon ne is saptaah Pakistan sarkaar ko bheje ek patra mein apni sthiti bataai hai. Pakistani soochana mantri evam Zardari ke najadeeki sahayogi kamar jamaan kaira ne kaha ki Switzerland ke adhikaariyon ke is nirnaya ne Pakistan sarkaar ki or se apanaae gaye rukh ka samarthan kiya hai. Pakistan sarkaar ne Supreme court ke dabaav mein gat varsh November mein Switzerland ke adhikaariyon ko patra bhejkar bhrashtaachaar ke maamalon ko fir se kholne ka aagrah kiya tha. Haalaanki patra mein yah bhi spasht kiya gaya tha ki maamalon ko is shart ke saath khola ja sakta hai ki raashtrapati ko samvidhaan aur Pakistani evam antararaashtreeya kaanoonon ke tahat chhoot praapt hai. Bhrashtaachaar ke maamalon ko lekar Switzerland ke adhikaariyon se sampark karne ko lekar sarkaar aur Supreme court ke beech gatirodh ki keemat poorv pradhaanamantri Yusuf raja gilaani ko gat varsh apna pad ganvaakar chukaani padi thi.


Afzal Guru Ko Faansi Kashmir Ghaati Mein Doosare Din Bhi Curfew

Afzal Guru Ko Faansi Kashmir Ghaati Mein Doosare Din Bhi Curfew

Breaking »

Shreenagar: Sansad par hamle ke doshi mohammad Afzal guru ko shanivaar ko Delhi ke tihaad jail mein faansi diye jaane ke baad Kashmir mein ravivaar ko doosare din bhi curfew jaari hai. Aadhikaarik sootron ne bataaya ki ghaati mein ravivaar subah logon ki gatividhiyon par pratibandh sakht kar diya gaya, kyonki shanivaar ko curfew ke kai ullanghan hue the. Afzal guru ko shanivaar ko faansi ke fande se latakaae jaane ke baad samoochi ghaati mein pradarshanakaariyon aur kaanoon pravartan agencyon ke beech sangharsh mein 23 policekarmiyon sahit kam se kam 36 log ghaayal ho gaye the. Sootron ne bataaya ki kaanoon-vyavastha ki sthiti kaayam rakhane ke liye ghaati ke sabhi samvedansheel sthaanon par policekarmiyon aur CRPF karmi ki bhaari sankhya mein tainaati ki gayi hai. Unhonne bataaya ki shanivaar ko jin sthaanon par pradarshan hue the, vahaan suraksha balon ki sankhya badha di gayi hai. Sootron ne bataaya ki ghaati mein aaj hinsa ki koi taaja ghatna naheen hui hai. Baharahaal, ehatiyaati kadam ke tahat aaj doosare din bhi mobile Internet seva band rahi tatha samaachaar channelon ka prasaaran bhi kebal TV oparetar naheen kar rahe hain. Vaheen, curfew ke chalte aaj dukaanon tak akhbaar naheen pahunch paae. Shanivaar ko Jammu-Kashmir ke mukhyamantri umar abdulla subah Jammu se shreenagar pahunche aur Afzal ko faansi diye jaane se kuchh hi der pehle unhonne ek uchchastareeya baithak mein kaanoon-vyavastha ka jaayaja liya. Jaise hi Afzal ki faansi ki khabar faili, mukhyamantri ne raajya ki janta se shaanti kaayam rakhane ka anurodh kiya. Jammu-Kashmir police aur ardhasainik balon ke javaanon ki tainaati tadke 4 baje se shuroo ho gayi thi. Police mahaanideshak ashok prasaad ne is sambandh mein mukhyamantri ke saath yojana banaai thi aur sabhi 10 jilon mein subah 5 baje tak poori tarah balon ko tainaat kar diya gaya. Hurriyat ke naramapanthi dhade ne chaar din ke shok ki ghoshana ki hai. Sopor mein jaahageer, uttar Kashmir ke baaraamoola-uri raajamaarg par puraana baaraamoola aur khaanapura mein tatha dakshin Kashmir ke loar munda mein curfew ki paabandiyon ka ullanghan karne ka prayaas kiya gaya.


Mahakumbh Mauni Amaavasya Par Teen Karod Shraddhaaluon Ki Dubaki Lagaane Ki Sambhaavana

Mahakumbh Mauni Amaavasya Par Teen Karod Shraddhaaluon Ki Dubaki Lagaane Ki Sambhaavana

Breaking »

Allahabad: Mauni amaavasya ke avsar par ravivaar ko laakhon shraddhaaluon ne Mahakumbh mein sangam mein pavitra snaan kiya. Vibhinn akhaadon ke saadhuon ne bhi doosra shaahi snaan kiya. Adhikaariyon ke mutaabik, sooryodaya ke baad se dopahar tak 20 lakh se jyaada logon ne sangam mein dubaki lagaai aur antim aankada teen karod tak hone ki ummeed jataai ja rahi hai. Pavitra mauni amaavasya ke kaaran shanivaar raat se hi shraddhaaluon ka ganga ke ghaaton par jutana shuroo ho gaya. 12 saal mein ek baar aane vaale Mahakumbh mein mauni amaavasya par sabse jyaada bheed umadne ki sambhaavana jataai ja rahi hai aur prashaasan ne is saal kareeb teen karod logon ke pahunchane ke liye intajaam kiye hain. Suraksha vyavastha ke sakht intajaam kiye gaye hain aur aaiteebeepi, CRPF, BSF aur raif jaise ardhasainik balon ke 15,000 se jyaada javaanon ko tainaat kiya gaya hai. Iske alaava, uttar pradesh police aur iski praanteeya sashastr ikaai aur aatankavaadarodhi shaakha bhi kadi najar rakhe hue hain. Din ka khaas aakarshan akhaadon ka shaahi snaan hai, jiski shuruaat aadi shankaraachaarya ne ki thi. Ismein yamuna aur pauraanik sarasvati nadi ke sangam mein snaan ke liye akhaadon ke bhavya juloos nikalte hain.


Mahakumbh Mein Shaayad Naheen Jaaenge Narendra Modi

Mahakumbh Mein Shaayad Naheen Jaaenge Narendra Modi

Breaking »

Ahmedabad: Gujarat ke mukhyamantri Narendra Modi sambhavat: Suraksha kaaranon se 12 February ko Allahabad mein Mahakumbh mein shaayad naheen jaaenge. Isse pehle, sootron ne sanket diya tha ki Modi 12 February ko Allahabad jaaenge aur vahaan ganga mein dubaki lagaaenge. Unhonne kaha, ab mukhyamantri ki Allahabad yaatra par savaaliya nishaan hai. Aisa lagta hai ki yah punarvichaar suraksha kaaranon se hai.


HIL Wizards Ko Haraakar Rhinos Final Mein

HIL Wizards Ko Haraakar Rhinos Final Mein

Breaking »

Ranchi: New Zealand ke star khilaadi nick Wilson aur mandeep Singh ke do-do shaanadaar goalon ki madad se Ranchi rhinos ne shanivaar ko astro turf stadium mein khele gaye pehle semifinal mein uttar pradesh wizards ko 4-2 se haraakar hero hockey India league (HIL) ke final mein jagah bana li hai. Final mein rhinos ka saamana Delhi waveriders aur JP Punjab Warriors ke beech hone vaale doosare semifinal ke vijeta se hoga. Yah match shanivaar raat aath baje se isi maidaan par khela jaaega. Wizards ke liye nitin thimaiyya ne 15vein aur 54vein minute mein gol kiya jabki rhinos ke liye mandeep Singh ne chauthe tatha 65vein aur nick Wilson ne 30vein tatha 63vein minute mein gol daage. Mandeep ne badi chaalaaki se match ka khaata khola. Is khilaadi ne goli ki taraf badhaai gayi ek geind ko us tak pahunchane se pehle hi apne kabje mein kar liya. Goli ki susti ke kaaran wizards ko kaafi nuksaan uthaana pada kyonki mandeep ne bina koi galati kiye apni team ko 1-0 se aage kar diya. Wizards ne haalaanki 11 minute ke baad hi iska javaab diya. Haulaind ke diggaj aur tournament ke sabse anubhavi khilaadi teun day nuijar ne thimaiyya ke liye ek aasaan mauka taiyaar kiya, jis par gol karke thimaiyya ne sthaaneeya darshakon ko hataprabh kar diya. Stadium mein chaaron or sannaata pasar gaya. Rhinos ne apne ghareloo darshakon ki niraasha ko bhaanpate hue hamla tej kar diya. Iska faayda use 30vein minute mein mila. Rhinos ke khilaadiyon ne sammilit prayaas ke dam par ek gol kiya lekin wizards ne is par refaral ki maang ki. Umpire aaravi raghu prasaad ke is faisale par anguli uthi lekin teesare Umpire ne raghunaath ke faisale ko sahi thaharaaya aur rhinos ko ek gol se aage kar diya. Rhinos ke liye yah gol nick Wilson ne kiya. Wizards ke khilaadi is faisale se niraash aur hairaan jaroor the lekin unhonne haar naheen maani thi. Chauthe quarter ka khel shuroo hone ke saath hi thimaiyya ne ek baar fir kamaal kiya aur ek kareebi rebound ke saath apni team ko 2-2 ki baraabari par la diya. Stadium mein ek baar fir sannaata pasar gaya. Jo darshak samajh rahe the ki khel khatm hone se 16 minute pehle hue is gol ki madad se ab wizards aage ki ladaai jeet sakte hain ve kaafi niraash the lekin rhinos ne unki soch ko ulata saabit karte hue 63vein minute mein ek shaanadaar gol ke jariye fir se badhat kaayam kar li. Yah gol Wilson ne akele dam par kiya. Midfeeld se akele geind lekar di-area tak pahunche Wilson ne ek behatareen graaundar ke jariye gol ko anjaam diya. Stadium ek baar fir naaron se goonj utha. Mejabaan team ke samarthak ek baar fir khushi se galabahiyaan karte najar aane lage. Apne prashansakon ki khushi aur hausalaaafajaai ke beech rhinos ne 65vein minute mein ek aur jordaar hamla kiya. Mandeep ko ek lamba scoop mila, jise rokakar ve di-area mein pahunch gaye. Iske baad unhonne goli ke sir ke oopar se geind ko scoop karke apni team ko 4-2 se aage kar diya. Iske baad mandeep vaheen letakar apni safalta ka jashn manaane lage. Yah mandeep ka 10vaan gol hai. Darshakon ki khushi dekhne laayak thi.


NCR Mein Pipe Ke Jariye Milne Waali Gas Mahangi

NCR Mein Pipe Ke Jariye Milne Waali Gas Mahangi

Breaking »

Nai Delhi: Delhi aur raashtreeya rajdhani kshetr Noida, Ghaziabad mein gharon mein seedhe pipe ke jariye pahunchane waali gas mahangi kar di gayi hai. In kshetron ke 3.7 lakh parivaaron ko ab pipe gas ke liye dedh se chaar rupaye prati ghanameetar tak adhik chukaana hoga. CNG aur pipe ke jariye gharon mein praakrutik gas pahunchaane waali company indraprasth gas limited ne Delhi mein pipe gas ka daam pratyek do maheene mein 30 ghanameetar tak ki khapat par dedh rupaye badhaakar 23.50 rupaye prati ghanameetar kar diye hain jabki 30 ghanameetar se adhik khapat par bhi itni hi vruddhi kar ise 35.50 rupaye prati ghanameetar kar diya gaya hai. Company ke anusaar Noida, greater Noida aur Ghaziabad mein vait athva anya kar alag hone ki vajah se daam pratyek do maheene mein 30 ghanameetar tak ki khapat ke liye 25 rupaye prati ghanameetar kar diye gaye hain. Pehle yah 23.50 rupaye ghanameetar par the. Isi prakaar 30 ghanameetar se adhik ki khapat hone par ab in kshetr ke ghareloo upabhoktaaon ko 34 rupaye ki bajaay 38 rupaye prati ghanameetar ki dar se bhugataan karna hoga. Company ka kehna hai ki pichhli baar usane September 2011 mein daam mein sanshodhan kiya tha tab se rupaye ki vinimay dar mein kaafi badlaav huaa hai aur laagat badhi hai. Isliye daam badhaae gaye hain.


HIL Warriors Ko Hara Waveriders Final Mein, Rhinos Se Hogi Bhidant

HIL Warriors Ko Hara Waveriders Final Mein, Rhinos Se Hogi Bhidant

Breaking »

Ranchi: Hero hockey India league (HIL) ke pehle sanskaran ka final Delhi waveriders aur Ranchi rhinos teemon ke beech khela jaaega. Waveriders ne shanivaar ko astro turf stadium mein khele gaye doosare semifinal match mein JP Punjab Warriors ko 3-1 se haraaya. Pehle semifinal mein rhinos ne uttar pradesh wizards ko 4-2 se maat di thi. League star par 12 mein se sirf ek match ganvaane waali waveriders team ke liye Andres meer bail ne 13vein, rupindar paal Singh ne 33vein aur nauris jons ne 68vein minute mein gol kiye jabki Warriors ke liye kaptaan Jamie Dwyer ne 34vein minute mein gol kiya. Rupindar ne apni team ke liye shaanadaar kaam karte hue 13vein minute mein haasil penalty corner par ek you-turn khela, jis par bail ne badi teji se pratikriya karte hue gol kar diya. Iske baad rupindar ne 33vein minute mein khud gol karne ka shreya haasil kiya. 32vein minute mein haasil penalty corner par rupindar ne chaarjar dvaara diflekt ki gayi geind ko teji se Warriors ke goalpost ke daaen kinaare par daal diya. Abhi waveriders ka doosra gol hue ek minute bhi naheen beeta tha ki Warriors ke kaptaan Dwyer ne teji se pratikriya karte hue baikahaindar ke jariye ek behad tej gati ka gol kiya. Score 1-2 ho chuka tha. Iske baad donon teemon ke beech jordaar pratispardha dekhi gayi. Dwyer ki kaptaani mein Warriors ne behad stareeya khel dikhaaya lekin vah sardaar Singh ki kaptaani mein pehle hi match se asaradaar khel dikhaane waali waveriders ki chunauti ke aage naheen tik saki. Waveriders ne is pratispardha mein khud ko avval saabit karte hue apna teesara gol 68vein minute mein kiya. Raub Hammond aur sardaar Singh ne midfeeld mein shaanadaar moov banaaya aur geind ko nauris ko paas kar diya. Nauris ne Warriors ke goalkeeper jaap Stockman ko akele paakar gol karne se naheen chooke. Us samay Warriors ke defenderon ka kaheen pata naheen tha. Isse pehle, rhinos ne New Zealand ke star khilaadi nick Wilson aur mandeep Singh ke do-do shaanadaar goalon ki madad se pehle semifinal mein wizards ko 4-2 se haraaya tha. Wizards ke liye nitin thimaiyya ne 15vein aur 54vein minute mein gol kiya jabki rhinos ke liye mandeep Singh ne chauthe tatha 65vein aur nick Wilson ne 30vein tatha 63vein minute mein gol daage. Khitaabi mukaabala ravivaar ko raat aath baje se Ranchi mein hi khela jaaega jabki teesare aur chauthe sthaan ke liye hone vaale mukaabale mein wizards aur Warriors ki bhidant hogi. Yah match shaam paanch baje se khela jaaega.


Fal Kaarobaar Mein Commission Agent Ka Kaam Karta Tha Afzal

Fal Kaarobaar Mein Commission Agent Ka Kaam Karta Tha Afzal

Breaking »

Nai Delhi: Sansad par hamle ka doshi Afzal guru Delhi vishvavidyaalaya se raajaneeti vigyaan mein snaatak tha aur varsh 2001 mein jis vakt use sansad par hamle ke maamale mein giraftaar kiya gaya tha, tab vah fal kaarobaar mein commission agent ke taur par kaam kar raha tha. Uttar Kashmir ke sopor ka nivaasi Afzal transport aur lakdi ka vyavasaaya karne vaale habeebulla guru ka beta tha. Pita ki maut ke samay Afzal bahut chhota tha. Afzal ko subah aath baje faansi di gayi aur tihaad jail parisar mein dafnaaya gaya. Is poori kaarravaai ko gupt rakha gaya. Afzal ne 1988 mein apna naam emabeebeees ki padhaai ke liye Jhelum valley medical college mein likhaaya tha lekin padhaai poori naheen kar paaya. Delhi mein vah apne rishte ke bhaai shaukat guru ke saath rahata tha. Shaukat ne sikh dharm ki afashaan navajyot se shaadi ki thi jisne baad mein islaam apna liya tha. Afzal ki patni tabassum ne apne pati ke liye tatkaaleen raashtrapati epeeje abdul kalaam se daya ki appeal ki thi. Vah ab apne ikalaute bete gaalib ke saath ghaati mein rahati hai. Afzal kuchh dinon ke liye Jammu Kashmir liberation frant (jekeelaef) mein bhi sakriya raha. Use jaanane vaale logon ke mutaabik padhaai ke maamale mein Afzal aage rahata tha aur anya itar gatividhiyon mein bhi sakriya rahata tha.


Bahaaduri Ke Liye Padak Se Naavaaja Gaya Kutta

Bahaaduri Ke Liye Padak Se Naavaaja Gaya Kutta

Breaking »

Moscow: Roos mein dakshini saaiberiya ke ek bujurg police kutte ko bahaaduri, samarpan aur peshevararaana andaaj mein kaam karne ke liye padak se navaaja gaya. Samaachaar agency RIA novosti ne aadhikaariyon ke havaale se khabar di hai ki jaasmeen naamak kutte ko udaaharaneeya evam nishthaapoorn tareeke se apna daayitv nibhaane ke liye sammaanit kiya gaya. Roos ke ashaant uttari kaakeshas kshetr mein jaasmeen ne behtar kaarya kiya tha. Jaasmeen ke liye taiyaar kiye gaye prashastiptr mein kaha gaya hai ki is jantu ne darjanon insaanon ki jaan bachaai aur utkrusht seva rikaard kaayam rakhate hue 10 varsho tak anvarat seva ke baad is varsh January mein sevaanivrutti praapt ki. Prashastiptr ke anusaar, "Varsh 2012 mein uttari kaakeshas kshetr ke ek kasbe mein aatankvaadiyon ke khilaaf chalaae gaye vishesh abhiyaan ke dauraan jaasmeen ne sadak kinaare chhipaakar rakhe gaye ek shaktishaali bam ko dhoodh nikaala tha. "


Shaheedon Ke Parijan Padak Vaapas Lene Ko Taiyaar

Shaheedon Ke Parijan Padak Vaapas Lene Ko Taiyaar

Breaking »

Nai Delhi/Jaipur: Sansad par hamle ke doshi Afzal guru ko faansi dene mein hui deri ke kaaran padak lautaane vaale shaheed javaanon ke parijanon ne kaha ki nyaaya hone ke baad ve padak lene ko taiyaar hain. Shaheedon ke parijanon ne bhaavuk hote hue kaha ki ve vyaktigat roop se raashtrapati Pranab mukharji se milkar unhein Afzal ki daya yaachika khaarij karne ke liye dhanyavaad deinge jiske chalte shanivaar subah use faansi di gayi aur 11 saal ka intajaar khatm huaa. 13 December ko sansad bhavan ki suraksha mein duty par tainaat maatabar Singh negi ke putr Gautam ne Afzal ko faansi diye jaane par kaha, 'Der aae durust aae. ' Gautam negi ne kaha, 'Sarkaar ka yah achha faisala hai aur yah kadam un aatankvaadi sangathanon ko kada sandesh bhejega jo Bhaarat mein samasya paida karne ki soch rahe hain. ' Parijanon ne kaha ki ve sarkaar dvaara shaheed javaanon ke sammaan mein diye gaye bahaaduri padakon ko sveekaar kar leinge jo unhonne 2006 mein nyaaya mein deri ke virodh svaroop lauta diye the. 13 December, 2001 ko aatankvaadiyon ke saath goleebaari mein shahaadat dene vaale Rajyasabha ke sahaayak suraksha adhikaari JP Yadav ki patni prem aur maan simli devi ne kaha ki TV se sansad par hamle ke doshi mohammad Afzal guru ko faansi dene ki khabar se man ko tasalli pahunchi aur khushi hui. Prem ne kaha, 'Aaj ka din mere aur mere parivaar ke liye khushiyaan lekar aaya hai kyonki sansad par hamle ke doshi Afzal guru ko der se hi sahi lekin faansi day di gayi. '


Afzal Ko Faansi Dene Ke Khilaaf Pradarshan

Afzal Ko Faansi Dene Ke Khilaaf Pradarshan

Breaking »

Nai Delhi: Sansad par hamle ke doshi Afzal guru ko faansi diye jaane ke virodh mein Delhi mein jantar-mantar par virodh pradarshan kiya gaya. In pradarshanakaariyon mein saamaajik kaaryakarta, jeenayoo evam kuchh anya vishvavidyaalayon ke chhaatr tatha kai saamaajik sangathanon ke kaaryakarta shaamil the. Roochika naamak pradarshanakaari ne kaha, 'Ham kisi ko bhi maut ki saja diye jaane ke khilaaf hain. Ham Afzal ko faansi diye jaane ka virodh karne ke liye jama hue hain. '


America Mein Barfeele Toofaan Ka Kahar, Hajaaron Gharon Ki Bijli Gul

America Mein Barfeele Toofaan Ka Kahar, Hajaaron Gharon Ki Bijli Gul

Breaking »

Boston: Barfeele toofaan ke kaaran poorvottar America mein 650,000 se jyaada gharon mein kadaake ki sardi mein bhi bijli gul ho gayi hai, hajaaron udaanein radd kar di gayi hain aur logon ko sadkon par naheen nikalne ki salaah di gayi hai. New York se Boston tak barf ki kai fut moti chaadar bichh chuki hai aur jan jeevan poori tarah ast-vyast ho gaya hai. National weather service (enadablyooen) ke mutaabik shanivaar subah tak barfeele toofaan ke kaaran ek vyakti ki maut ho chuki thi aur new England aur laang aailaind mein har jagah kareeb do feet barf ki moti parat jam gayi thi. Connecticut mein kai jagahon par 20 inch barf ki parat jama ho gayi. Pougahakeepsiye mein police ne bataaya ki barfabaari ke kaaran 18 varsheeya ek yuvati apne car par niyantran naheen rakh paai aur sadak ke kinaare tahal rahe 74 varsh ke ek bujurg ko takkar maar di. Bujurg ki aspataal mein ilaaj ke dauraan maut ho gayi. Samaachaar patra New York times ke mutaabik, bhaari barfabaari ke ek din baad paanch praanton -New York, mesaachusets, Connecticut, new haimpashaayar aur rode aailaind mein aapaat sthiti ki ghoshana kar di gayi hai. Toofaan shukravaar subah New York ke kuchh hisse se shuroo huaa tha. Toofaan ke kaaran poorvi tat tatha aantarik hisse mein kuchh 60 havaai addon par hajaaron udaanein radd huin tatha sarkaar ne vaahan chaalakon ko sadak par na aane ka nirdesh diya hai. Shaam dhalte-dhalte pramukh raajamaarg poori tarah soonasaan ho gaye aur barf tatha toofaan se ghira Boston ek bhutaha shahar mein tabdeel ho gaya. New York ke mayor Michael aar. Bloomberg ne logon ko gharon mein rahane ke liye kaha hai, tatha ghabaraakar jaroorat se adhik petrol khareedne se mana kiya hai aur unhonne kaha hai paryaapt maatra mein petrol upalabdh hai. Lekin October ke saindi toofaan ki yaad taaja rahane ke kaaran logon ne khoob petrol sangrah karne shuroo kiye aur kai store khaali ho gaye. Samaachaarapatr Boston heraald ke mutaabik mesaachusets mein 1,75,000 se adhik ghar aur kaarobaari pratishthaanon mein bijli gul hai. Toofaan ke shanivaar dopahar tak samaapt hone ki sambhaavana hai. Mesaachusets ke Governor deval paitrik ne vaahanon ke sadak par nikalne ko avaidh karaar diya aur kaha ki agale aadesh tak yahi vyavastha rahegi. Governor ke ek adhikaari ne kaha ki is kaanoon ka ullanghan karne vaale ko ek saal ki jail ya jurmaana ho sakta hai.