Mantri Ne Kaha, Aapada Mein Paanch Hajaar Logon Ke Marne Ki Aashanka

Mantri Ne Kaha, Aapada Mein Paanch Hajaar Logon Ke Marne Ki Aashanka

Breaking »

Deharaadoon: Uttaraakhand ke praakrutik aapada prabandhan mantri yashapaal aarya ne aashanka jataai ki is aapada mein kam se kam 5000 vyaktiyon ki mrutyu ho sakti hai jabki bachaavakarmiyon ne sadak aur havaai maarg se raajya mein vibhinn jagahon par fanse hue aur 12 hajaar logon ko nikaal liya. Baharahaal, ab bhi 10 hajaar log vahaan fanse hue hain jinhein surakshit sthaanon par le jaae jaane ki jaroorat hai. Baadh aur bhooskhalan ka kendra rahe kedaaranaath ghaati mein fanse sabhi logon ko baahar nikaal liya gaya hai. Ruk-rukakar jaari varsha ke beech chal rahe bachaav abhiyaan ke tahat 12 hajaar teerthayaatriyon aur paryatakon ko bachaaya gaya hai. Mausam vibhaag ki or se uttaraakhand mein shanivaar ko mausam kharaab rahane ki chetaavani diye jaane ke baad bachaav abhiyaan mein juti tamaam agencyon, thal sena, vaayusena, aaiteebeepi aur enadeeaaraef aadi ne badreenaath sahit teen ilaakon mein fanse 10 hajaar logon ko bachaane ke liye yuddhastar par bachaav kaarya shuroo kar diya hai. Kharaab mausam ke kaaran kuchh der ke liye havaai abhiyaanon ko bhi band karna pada. Aapadaagrast ilaakon ka sarvekshan karne ke baad jauleegraant havaaiadde par samvaadadaataaon se baatcheet karte hue mantri aarya ne kaha, 'Bade ilaake mein vishesh taur par kedaaranaath ghaati mein, bhaari tabaahi hui hai aur is haadase mein kam se kam paanch hajaar log maare gaye honge. ' raajya mein aadhikaarik taur par ab tak 680 logon ke marne ki pushti ki gayi hai. Haalaanki mukhyamantri vijay bahuguna ne kaha ki mrutakon ki sankhya 1000 ke aankade ko paar kar sakti hai. Aarya ne haalaanki kaha ki mrutakon ki sahi sahi sankhya to abhi naheen bataai ja sakti hai lekin aashanka hai ki kareeb 5000 logon ki mrutyu hui hai.


Uttaraakhand Mein Baarish Ke Tevar Dekh Reskyoo Mission Ki Straitiji Badli

Uttaraakhand Mein Baarish Ke Tevar Dekh Reskyoo Mission Ki Straitiji Badli

Breaking »

Nai Delhi/ deharaadoon . . Uttaraakhand mein ghumadte baadalon ne reskyoo abhiyaan par asar daalna shuroo kar diya hai. Sunday ko kharaab mausam ke kaaran rudraprayaag aur josheemath se logon ko helikauptaron se nikaalne ka kaam kuchh samay ke liye rokana pada. Deharaadoon se bhi kuchh vimaan logon ko lekar naheen ud paae. Mausam ke tevar aur teekhe hone ki aashanka hai, aise mein reskyoo mission ki straitiji thodi badal di gayi hai. Ab paidal raaste aur pulon ko banaane ka kaam tej kar diya gaya hai taaki kharaab mausam ke kaaran agar helikauptar ud na paaen, tab bhi logon ko sadak ke raaste surakshit jagahon tak laaya ja sake. Raahat par asamanjas tabaahi ke shikaar logon ko surakshit nikaalne mein kitna vakt lag sakta hai, koi bhi athauriti iska sahi javaab naheen day pa rahi hai. Sunday ko Delhi mein naishanal dijaastar management athauriti ne daava kiya ki baadh mein fanse sabhi logon ko somvaar tak nikaal liya jaaega. Vaayusena ke air commodore raajesh issar ne kaha ki ismein kam se kam ek hafta lag sakta hai. Vaheen, uttaraakhand ke CM vijay bahuguna ka kehna tha ki sabhi baadh peediton ko nikaalne mein 15 din se jyaada samay lag sakta hai kyonki sadkein buri tarah kshatigrast ho chuki hain aur helikauptaron ki apni limit hai. Haalaanki yah eyarafors ka helikauptar se ab tak ka sabse bada reskyoo abhiyaan hai. Vaayusena ke hi kareeb 30 helikauptar din-raat udaan bhar rahe hain. Dhandha huaa chaupat uttaraakhand mein I 'Himaalayan soonaami' ne pahaadon mein toorijm ka kaarobaar bhi chaupat kar diya hai. Bahut se paryatakon ne masoori, naineetaal jaise tamaam shaharon mein ghoomane ka program hi kainsal kar diya hai. Raajya mein toorijm 20-30 parset kam hone ki aashanka hai. Bhaari maatra mein booking kainsal hone se tour end traival agencyan bhi pareshaan ho gayi hain. Mumbai se aakar khud bachaaya pairants ko tabaahi mein pairants ke fansane ki khabar paakar Mumbai se aae sani ne khud pahaadon par chadhaai ki aur raamabaada aur gaureekund ke beech se pairants ko dhoondhakar bacha laae. Is kaam mein do doston ne bhi unki madad ki. Sabhi ne kai kilometer pahaadon ki khaak chhaani aur private chaupar haayar kiya, tab jaakar unke parijan sahi salaamat nikal paae. Airport par sani ko aise kai logon ne gher liya, jo aise profeshanal traikar ki talaash mein the, jo unke rishtedaaron ko dhoondh sake. Iske liye ve munhamaangi keemat dene ko taiyaar the.


'Rupaye Ki Tarah Gir Rahi Congress

'Rupaye Ki Tarah Gir Rahi Congress

Breaking »

pathaanakot . . Gujarat ke mukhyamantri Narendra Modi ne ravivaar ko ekabaar fir pradhaanamantri Manmohan Singh aur soniya Gandhi par hamla bola. Unhonne kaha ki desh ke do boss hain aur hamein pata naheen hai ki asli kaun hai. Modi ne BJP ki taraf se agale Loksabha chunaav ki kamaan sambhaalne ke baad pehli rally ko sambodhit karte hue ye baatein kaheen. Rupaye ki tarah hai Congress Modi ne dollar ke mukaabale rupaye ki girti vailyoo ke jariye Congress par hamla bola. Unhonne kaha ki Congress rupaye ke saath hod kar rahi hai ki kaun jyaada girta hai. Modi ne logon se appeal ki ki ve Congress se chhutakaara paaen. Unhonne kaha, unke (Congress) haathon mane aapka bhavishya sef naheen hai. Ham apne yuvaaon ke bhavishya ke saath khilvaad naheen kar sakte hain. Desh mein do boss hain aur hamein naheen pata ki inmein se asli kaun hain. Kaun desh chala raha hai, yah pata karna mushkil ho gaya hai. Kashmir ke jakhmon ko bhareinge Modi ne Kashmir ke haalaat par bhi apni baat rakhi. Unhonne kashmeeriyon ke jakhmon ko bharne aur raajya ke vikaas ke liye yuvaaon ko mukhyadhaara mein laane ki jaroorat bataai. Modi ne kaha ki Kashmiri yuva vikaas aur pragati karna chaahata hai aur vah ghaati ke yuva vikaas ka hissa banana chaahata hai. Bandook khoon baha sakti hai lekin kisi ka bhala naheen kar sakti. Atal bihaari Vajpayee ki taareef karte hue Modi ne kaha, Vajpayee ne Kashmir ka dil pyaar, muhabbat aur baatcheet ke jariye jeetne ki koshish ki thi. Agar vah 2004 mein satta mein aate to apni Kashmir neeti mein kaamayaab hote. Bhaarat nirmaan ki khilli Modi ne sarkaar ki taraf se chalaae ja rahe kainpen Bhaarat nirmaan ko bhi aade haath liya. Unhonne kaha ki ek TV vigyaapan mein desh ke aam naagrik ko yah kehte dikhaaya ja raha hai ki Bhaarat ke is nirmaan par hak hai mera. Vah vigyaapan ab 10 din se dikh naheen raha. Mainne kaha tha ki daraasal is desh ka aam aadmi kah raha hai, Bhaarat ke is nirmaan par shak hai mera. Lagta hai hamaari baat sunane ke baad sarkaar ko khud bhi is baat par shak ho gaya ki Bhaarat ka nirmaan ho bhi raha hai ya naheen. Isliye yah vigyaapan vaapas le liya gaya hai. Uttaraakhand ke saath hindustaanamodi ne kaha, main yahaan uttaraakhand se hokar aaya hoon. Vahaan I aapada ko mainne apni aankhon se dekha hai. Main is haadase mein maare gaye sabhi logon ke prati shraddhaanjali arpit karta hoon aur uttaraakhand ke nivaasiyon ko bharosa dilaata hoon ki mushkil ki is ghadi mein poora desh unke saath hai. Uttaraakhand ko is aapada se niptakar baahar aane mein koi kami naheen rahegi.


Delhi Mein Helikauptar Se Nigraani

Delhi Mein Helikauptar Se Nigraani

Breaking »

Nai Delhi . . Agar hom ministri ka plaan sire chadha to Delhi samet saat shaharon mein helikauptaron mein baithe commando kriminls ko dher karte najar aaenge. In kamaandoj ke paas atyaadhunik hathiyaaron ke alaava haai power camere, censor aur letest sarvilaans gaijets bhi honge. Ministri ka yah sef city project Delhi ke alaava Mumbai, Kolkata, chennai, Hyderabad, Bengaluru aur Ahmedabad ke liye banaaya gaya hai. Helikauptar ke alaava yooevi (drone) aur baloon se nigraani ka bhi prastaav hai.


Orissa Mein Chaar Maaovaadi Giraftaar, Visfotak Baraamad

Orissa Mein Chaar Maaovaadi Giraftaar, Visfotak Baraamad

Breaking »

Malakaanagiri (Orissa). . Orissa ke malakaanagiri jile mein kai aparaadhon mein shaamil chaar kattar maaovaadiyon ko giraftaar kiya gaya hai aur unase paanch visfotak baraamad kiye gaye hain. Malakaanagiri ke police adheekshak akhileshvar Singh ravivaar ko bataaya ki vishesh abhiyaan samooh (esaoji), jila swayamsevi bal (deeveeef) aur sthaaneeya police ke kaleemera ilaake ke tumukeemaarka evam kuroop ke jangalon mein sanyukt gahan abhiyaan mein shanivaar ko teen maaovaadiyon ko giraftaar kiya gaya. Unhonne kaha ki maaovaadiyon se poochhataachh mein unhonne ek aur vyakti ka naam bataaya jo unase juda huaa tha aur unhonne sveekaar kiya ki ilaake mein suraksha balon ko nishaana banaane ke liye kuchh tifin bam lagaae gaye hain. Unke sahayogi ko bhi ravivaar ko giraftaar kar liya gaya. Unki soochana ke aadhaar par police ke faureinsik dal ne jameen ke andar steel ke dibbe mein rakhakar gaade gaye paanch jinda bam aur unamein visfot karaane ke liye taar ke bandal ka pata lagaaya. Police adheekshak ne kaha ki visheshagyon ne safalataapoorvak bam ko nishkriya kar diya jisse ilaake mein badi durghatana tal gayi. Visfotakon ka vajan paanch se aath kilo ke beech hai. Chaaron giraftaar maaovaadiyon ki pehchaan tumukeemaarka gaanv ke paadiya paadiyaami, debendr madakaami, paandara sodi aur pataakunda gaanv ke rama maadhi ke roop mein hui hai.


Kedaaranaath Aapada Antyeshtiyon Mein Shavon Ki Jagah Rakhe Ja Rahe Aate Ke Putale

Kedaaranaath Aapada Antyeshtiyon Mein Shavon Ki Jagah Rakhe Ja Rahe Aate Ke Putale

Breaking »

Indore: Kedaaranaath dhaam mein kudarat ke bheeshan koharaam ke shikaar teerthayaatriyon ke shokaakul parijan apne sage-sanbandhiyon ke shav na mil paane ke chalte bhaari man se unka prateekaatmak antim sanskaar karne ko majaboor hain. Hinduon ke dhaarmik reeti-rivaaj poore karne ke liye is tarah ki antyeshtiyon mein teerthayaatriyon ki paarthiv shareer ki jagah aate ke putalon, vastron aur tasveeron ko agni ke havaale kiya ja raha hai. Sootron ne bataaya ki bhaajapa ke Indore mandal ke mahaamantri Bhagwan Singh (45), unki patni sugan baai (40) aur unke kareebi rishtedaar roopasinh (70) un abhaage teerthayaatriyon mein shaamil hain, jo kedaaranaath dhaam mein ativrushti ke baad I praakrutik aapada ke shikaar ho gaye. Sootron ke mutaabik ek hi kunabe ke teenon teerthayaatri najadeeki gaanv jhalaariya ke rahane vaale the. Ve ek niji traivals sanchaalak ki bas se uttaraakhand ki chaar dhaam yaatra par nikle jatthe mein shaamil the. Unhonne bataaya ki teenon teerthayaatriyon ke parijan ne unke shav na mil paane ki vajah se unki prateekaatmak antyeshti karne ka nirnaya kiya. Sootron ne bataaya ki teerthayaatriyon ke parijan ne do arthiyaan taiyaar keen. Ek arthi mein yah maankar aate ke do putale rakhe gaye ki ye Bhagwan Singh aur unki patni sugan baai ke shav hain. Doosari arthi mein bhi roopasinh ke shav ki jagah aate ka putala rakha gaya.


Kedaaranaath Mein Aadi Shankaraachaarya Ka Mandir Kshatigrast

Kedaaranaath Mein Aadi Shankaraachaarya Ka Mandir Kshatigrast

Breaking »

Kaancheepuram (Tamil Nadu). . Uttaraakhand ke kedaaranaath mein kaanchi shankar math dvaara nirmit aadi shankar ka ek chhota mandir baadh ke kahar ka shikaar ban gaya. Iska punarnirmaan sthiti saamaanya hone par karaaya jaaega. Shankaraachaarya jayendr sarasvati ne ravivaar ko yah jaankaari di. Unhonne bataaya ki mandir ka nirmaan san 1983 mein huaa tha. Yah ek chhota mandir tha jahaan kaanchi math se laae gaye patthar ki ek moorti ko sthaapit kiya gaya tha. Unhonne kaha ki sadak ko saaf karne aur jagahon ko basaane mein kareeb do varsh lag sakte hain. Uske baad hi kaanchi math mandir ka dubaara nirmaan karaaya jaaega. Shankaraachaarya ne kaha ki aapada raahat ke liye kendra aur uttaraakhand sarkaar ne jo sanyukt kosh banaaya hai usamein math ne 20 lakh rupaye ka daan diya hai. Saath hi raajya mein prabhaavit logon ke liye math khaadyaann, kapde aur dava bhi bhej raha hai.


Do Boss Chala Rahe Hain Desh Ko, Pata Naheen Unamein Vaastavik Kaun Hai Modi

Do Boss Chala Rahe Hain Desh Ko, Pata Naheen Unamein Vaastavik Kaun Hai Modi

Breaking »

Pathaanakot: Ek tarah se varsh 2014 ke chunaav ke liye bhaarateeya janta party ke abhiyaan ki shuruaat karte hue Gujarat ke mukhyamantri Narendra Modi ne kaha ki desh mein do boss hai aur ham naheen jaante ki inmein vaastavik kaun hai. Unka ishaara Congress adhyaksh soniya Gandhi aur pradhaanamantri Manmohan Singh ki or tha. Is maah ke praarambh mein bhaajapa ki prachaar abhiyaan samiti ke adhyaksh banaae jaane ke baad apni pehli janasabha ko sambodhit karte hue Modi ne logon se Congress ki aguvaai waali samprag sarkaar se mukti paane ka aahvaan kiya. Unhonne kaha ki desh samprag ko ab aur satta mein bardaasht naheen kar sakta. Unhonne Jammu-Kashmir Punjab seema par sthit is shahar mein sankalp rally mein kaha, 'Aapka bhavishya uske haathon mein surakshit naheen hai. Ham apne yuvakon ke bhavishya ke saath khilvaad naheen kar sakte. ' Is sankalp rally ka aayojan janasangh ke sansthaapak shyaama prasaad mukharji ki 60veen punyatithi ke avsar aayojit ki gayi thi.


Bhaarat, America Kar Sakte Hain Majaboot Bhavishya Ka Nirmaan Kairi

Bhaarat, America Kar Sakte Hain Majaboot Bhavishya Ka Nirmaan Kairi

Breaking »

Nai Delhi: Ameriki videsh mantri John kairi ne kaha ki Bhaarat aur America majaboot evam sunahara bhavishya bana sakte hain kyonki donon deshon mein teen badi chunautiyon - arthavyavastha, suraksha evam jalavaayu parivartan se nibatne ki kshamata hai. Kairi ne kaha ki vishv ke sabse bade lokatantr evam vishv ke sabse puraane lokatantr ko saath milkar jyaada kuchh karna chaahiye aur unki ekta is aham yug mein mahaj kisi ko daraane, kisi kshetr ya anya deshon ko dhakiyaane ke liye naheen honi chaahiye balki majaboot evam achhe bhavishya ke nirmaan ke liye hona chaahiye. Unhonne kaha ki vah hindi ke is muhaavare mein khoob vishvaas karte hain ki ek aur ek gyaarah hote hain. Donon desh milkar apne samay ki badi chunautayon se takaraane ki ki sthiti mein honge. Is saal ke praarambh mein videsh mantri ka prabhaar sambhaalne vaale kairi ne kaha ki bhaarateeyon evam amerikiyon mein navonmesh ke prati lagaav hai aur hamein is parampara ka dohan karna chaahiye.


Uttaraakhand Mausam Bani Baadha, Mrutakon Ki Sankhya 1000 Paar Hone Ka Andesha

Uttaraakhand Mausam Bani Baadha, Mrutakon Ki Sankhya 1000 Paar Hone Ka Andesha

Breaking »

Deharaadoon: Choonki kharaab mausam, varsha aur kaale baadal ne uttaraakhand mein chal rahe raahat kaaryo mein baadha paida kar di hai, mukhyamantri vijay bahuguna ne ravivaar ko sveekaar kiya ki baadh mein ghire logon ko poori tarah nikaalne ke kaam mein aur ek pakhavaada lag sakta hai. Unhonne aashanka jaahir ki ki raajya mein ab tak sabse badi vipda mein maare gaye logon ki sankhya 1000 ke paar ja sakti hai. Uttaraakhand ke adhikaansh hisse mein aakaash baadalon se dhaka huaa hai aur mausam vibhaag ne agale do dinon mein bhaari varsha ki bhavishyavaani ki hai. Vidhvans ka shikaar bane ilaakon mein fanse logon ke saamane daraavani chunauti bani hui hain. Ravivaar ko haalaanki bhaari baarish ne bhaarateeya vaayusena ke vimaanon ko dhaarasoo havaaipatti par utarane mein baadha bani, sena aur Bhaarat Tibet seema police jangalon aur kshetr ke sudooravarti ilaakon mein fanse logon ko nikaalne mein kaamayaab rahi. Raahat evam bachaav kaaryo ki nigraani kar rahe bahuguna ne kaha ki aapada se maare gaye logon ki sankhya 1000 ke paar ja sakti hai. Unhonne kaha, "Abhi tak traasadi ke sabhi pahaloo ujaagar naheen hue hain aur poori sankhya ka pata tabhi chal sakega jab raahat dal ke log pichhle saptaah bhaari varsha ke baad tabaahi ka shikaar hue ilaakon tak pahuncheinge. " unhonne yah bhi kaha ki raahat dal ko prabhaaviton ko nikaalne mein ek pakhavaade ka samay aur lagega kyonki prabhaavit ilaakon tak jaane waali sadkein buri tarah kshatigrast ho gayi hain. Unhonne kaha, "Yah atyant daarun hai ki is praakrutik aapada mein asankhya log maare gaye hain. Uttaraakhand ko fir se khada hone mein lamba samay lagega. Agale do varsho tak kedaaranaath yaatra naheen ho sakegi. " Mukhyamantri ne kaha ki kedaaranaath ke sameep baadal fatne ke baad anginat makaan dhvast ho gaye, jabki pahaad ke malabe ne kai ilaakon mein sthaaneeya logon aur teerthayaatriyon ko dafan kar diya. Pahaad se deharaadoon pahunch rahi soochana ke aadhaar par uttaraakhand police niyantran kaksh ne bhi kaha hai ki mrutakon ka aankada 1000 se kaheen jyaada ho sakta hai. Uttaraakhand ki party prabhaari Congress mahaasachiv Ambika soni ne kaha ki kedaaranaath ke sameep ke ilaake ko fir se nirmit karne ke prayaas kiye jaaenge. Adhikrut aankade mein abhi tak maare gaye logon ki sankhya 550 bataai gayi hai jabki 20,000 se jyaada logon ko nikaala ja chuka hai. Raahat abhiyaan ki aguaai kar rahe sena ki madhya kamaan ke commander in cheef le. Jan. Anil chait ne IANS ko bataaya ki pahaad ke antim chhod tak mein fanse har ek vyakti ko sena bachaaegi. Is traasadi ko apne jeevan ki atyant bheeshan aapada bataate hue unhonne kaha ki kareeb maaunten diveejan aur medical kor ke 8500 javaan raahat evam bachaav abhiyaan mein tainaat hain. laapata logon ki soochi.


Beeesaenael Ne Antim Mobile Lokeshan Ka Pata Lagaane Ko Shuroo Ki Helpline

Beeesaenael Ne Antim Mobile Lokeshan Ka Pata Lagaane Ko Shuroo Ki Helpline

Breaking »

Nai Delhi: Sarkaari doorasanchaar company beeesaenael ne helpline number 1503 aur 09412024365 shuroo kiya hai taaki log baadh prabhaavit uttaraakhand mein apne rishtedaaron aur mitron ke mobile phone ka antim lokeshan pata laga sakein. Beeesaenael ke seeemadi aar ke upaadhyaaya ne kaha, 'Beeesaenael ne uttaraakhand mein antim mobile lokeshan ka pata lagaane ke liye helpline shuroo kiya hai. Yah number hai 1503 aur 09412024365. ' vibhinn agencyon ke abhiyaan mein prashaasan ke sarvashreshth prayaas karne ke baavajood kareeb 22 hajaar log ab bhi gat shanivaar ko maanasooni baarish ke baad I baadh aur bhooskhalan ke baad prabhaavit ilaakon mein fanse hue hain. Niji kshetr ki doorasanchaar company Airtel ne apne un graahakon ke liye muft aapaat elart seva shuroo ki hai, jinhonne prabhaavit jilon mein vijitr lokeshan rajistar (veeelaaar) mein apna panjeekaran karaaya hai. Airtel ne kaha ki vyavastha peediton ko bhaarateeya sena ki aapaat helpline tol free number ke baare mein soochit karne ke liye ki gayi hai. Usane kaha ki sabhi sarkaari, sena, arddhasainik bal helpline ke number keseeaai (ki kastamar infaurmeshan) SMS ke jariye pradaan kiye ja rahe hain. Praakrutik aapada mein badi sankhya mein doorasanchaar tower prabhaavit hue hain. Beeesaenael ne shanivaar ko kaha tha ki vah teen din ke bheetar uttaraakhand mein mahatvapoorn sthaanon par mobile taavaron ka kaam karna bahaal karegi.


Uttaraakhand Traasadi Jaari Hai Hausale Se Museebaton Ka Mukaabala

Uttaraakhand Traasadi Jaari Hai Hausale Se Museebaton Ka Mukaabala

Breaking »

Deharaadoon: Uttaraakhand ke aapada prabhaavit kshetron mein jindagiyon ko bachaane mein bhaarateeya sashastr balon ke javaan ji-jaan lagaae hue hain, magar durgam pahaadi ilaakon mein raahat abhiyaan chalaane mein unhein bahut kathinaaiyon se gujarana pad raha hai. Apni suraksha ki chinta ko pare rakhate hue, indhan aapoorti ke dabaav ko jhelate hue bhaarateeya sashastr balon ke javaan jinmein se kuchh ne mount evarest par bhi fatah ki hai, uttaraakhand ke aapada prabhaavit kshetron mein jindagiyon ko bachaane mein samay ke saath hod lagaae hue hain. Unke liye uddeshya ki anivaaryata aur aapada mein jeevit bach gaye logon ki aankhon mein ummeed ki lau prerana ka kaam kar raha hai. Shanivaar ki shaam tak kareeb 70,000 logon ko nikaala gaya tha. Kareeb 20,000 log abhi bhi laapata hain. Himaalayi sunaami ki chapet mein aakar marne vaalon ka adhikrut aankada shanivaar tak 557 tha, lekin aapada se maare gaye logon ki sankhya badhne ki aashanka hai. Bhaarateeya sena, bhaarateeya vaayusena, Bhaarat Tibet seema police (aaiteebeepi), seema suraksha sangathan (beeaarao) aur raashtreeya aapada kaarravaai bal (enadeeaaraef) ke karmi badreenaath aur kedaaranaath kshetr aur raajya ke anya oonchaai vaale kshetron mein baadal fatne ke baad I baadh ke kaaran fanse teerthayaatriyon ko bachaane ke jeetod prayaas mein jute hain. Vaayusena ne havaai indhan setu ki bejod vyavastha ki hai, aaiteebeepi ne apni evarest pavartaarohiyon ko tainaat kiya hai aur enadeeaaraef jeevit bache logon aur prabhaaviton ki talaash ke liye maanav rahit vimaan ka istemaal karne ki yojana bana raha hai. Vibhinn agencyon ke adhikaariyon ne kaha ki pahaadi raajya mein raahat kaaryon ke dauraan ve log kathin chunautiyon ka saamana kar rahe hain aur sankat mein fanse logon ko ubaarane ki yukti nikaal rahe hain. Vaayusena ke ek adhikaari ne kaha ki pahaad ke khatarnaak katanon aur kharaab mausami paristhiti mein pilot raahat abhiyaan ko anjaam day rahe hain. Vaayusena ke ek adhikaari ne kaha, "Piloton ke udaan ke ghante ko lekar kade niyam hain, lekin ham niyam pustika ka kadaai se paalan naheen kar rahe hain. Ham jyaada se jyaada raahat kaarya anjaam dene mein jute hain. " operation raahat ke tahat shanivaar dopahar tak vaayusena ke heleekauptaron ne 768 udaanein bhari theen. Adhikaari ne kaha ki jeevit bach gaye logon ki ummeed unhein prayaas jaari rakhane ke liye prerit kar rahi hai. Kharaab mausam ke baavajood haal hi mein shaamil si-130je super harakyoolas vimaan rajdhani deharaadoon se 155 kilometer door dhaarasoo mein shanivaar ko utara. Yahaan 1300 meter ka lainding ground hai. Vaayusena ki pravakta priya Joshi ne kaha, "Is vimaan ne ek rikt bovasar mein 8000 liter indhan bhara. Pehle yah emaaai 26 helicopter se air lift kiya gaya tha. Dhaarasoo mein atirikt indhan muhaiya hone ke baad raahat abhiyaan ne gati pakad li. " unhonne bataaya ki vimaan mein istemaal hone vaale indhan ki kami ke kaaran abhiyaan seemit hai. Doosra si-130je vimaan ne aur indhan dhaarasoo pahunchaaya. Aaiteebeepi ne mount evarest par fatah karne vaale apne sadasyon ki team bheji hai. Aaiteebeepi ke pramukh Ajay chaddha ne IANS ko bataaya, "Hamaare paas ek vishesh dal hai jisne mount evarest fatah kiya tha. Unke paas vishesh upakaran hain. Ve raahat abhiyaan mein jute hain. " Aaiteebeepi ke ek anya adhikaari ne bataaya ki cheen seema par kartavya nibhaane ke baad jo karmi aaraam kar rahe the unhein bhi abhiyaan mein utaara gaya hai. Unhonne kaha, "Uttaraakhand mein padasth karmi vahaan ki chattaani banaavat se bhalibhaanti parichit hain. " Adhikaari ne kaha, "Bhojan ke abhaav mein kamjor ho gaye teerthayaatriyon ko hamaare karmiyon ne apni apni paravaah na kar peeth par dhoya hai. "


Kya Aparaadh Kiya Hai Modi Ne Jo Jad(you) Ne Naata Toda Rajnath

Kya Aparaadh Kiya Hai Modi Ne Jo Jad(you) Ne Naata Toda Rajnath

Breaking »

Patna: Bhaajapa ke raashtreeya adhyaksh Rajnath Singh ne jad(you) par hamla bolte hue kaha ki Gujarat ke mukhyamantri Narendra Modi ne kya aparaadh kiya hai, jisse jad(you) ne raajag se naata tod liya. Jad(you) ke bhaajapa se sambandh todne ke baad Bihar pehli baar aae Rajnath Singh ne usapar hamla bolte hue kaha ki Gujarat ke mukhyamantri Narendra Modi ne kya aparaadh kiya hai jisse jad(you) ne raajag se naata tod liya. Jad(you) ke aarop ko khaarij karte hue Rajnath ne kaha ki 2002 se lekar May 2013 tak Modi ke saath koi samasya naheen thi, lekin achaanak aisa kya ho gaya ki jad(you) ke netrutv ne 17 saal puraane achhe sambandh ko tod liya. Unhonne kaha ki bhaajapa ne Modi ko keval chunaav prachaar abhiyaan samiti ka pramukh banaaya tha ki na ki pradhaanamantri ka ummeedavaar aise mein jad(you) doosari party ke androoni maamalon par nishkarsh nikaalkar usane raajag se baahar jaane ko chuna. Rajnath ne kaha ki sabhi raajaneetik dal apne baare mein nirnaya lene ko svatantr hain. Modi ki lokapriyta aur vote dilaane ki kshamata ko dekhte hue unki party ne bhi unhein chunaav prachaar samiti ka pramukh banaaya aur aisa karke kya galat kiya.


Keaarake Ne Kiya Dalit Jaatiyon Par Ghatiya Kaumeint

Keaarake Ne Kiya Dalit Jaatiyon Par Ghatiya Kaumeint

Breaking »

Nai Delhi . . Aiktar, pradyoosar aur daayarekter se film sameekshak bane kamaal aar Khan yaani keaarake ghatiya kaumeint ke jariye vivaad khada karne ke liye jaane jaane lage hain. Taaja maamale mein unhonne uttar pradesh ki kuchh dalit jaatiyon par aapattijanak kaumeint kar diya hai. Keaarake riailiti sho big boss mein bhi shaamil ho chuke hain. Yah kaumeint unhonne kiya hai us vidiyo mein jismein vah isi hafte release hui film 'Raanjhana' ki sameeksha karte hue dikhte hai. Keaarake ne apne twitter account mein is vidiyo ka link share kiya hai. Film ki sameeksha ke dauraan keaarake kai maukon par dhanush ki shakl par aapattijanak kaumeint karte hain. Usi ke sahaare vah jaativaadi kaumeint bhi karte hain. Vah kehte hain ki aisi shakl vaala aadmi khaas jaati mein naheen ho sakta. Isi rau mein vah kuchh khaas jaatiyon ke naam lekar aise kaumeint karte hain jo ham yahaan chhaapana uchit naheen samajhte. Magar choonki keaarake ne twitter account par seyar karte hue ise saarvajanik kar diya hai, isliye paathakon ke jaanane ke adhikaar ka sammaan karte hue ham usaka link yahaan day rahe hain. Jo paathak chaahein, is link par jaakar yah poora vidiyo dekh sakte hain.


Raman Singh August Mein Bahaal Kareinge Vikaas Yaatra

Raman Singh August Mein Bahaal Kareinge Vikaas Yaatra

Breaking »

Raayagadh. . Chhattisgarh ke mukhyamantri raman Singh 17 August se apni vikaas yaatra bahaal kareinge jise Congress netaaon ke kaafile par beeti 25 May ko hue naksali hamle ki prushthabhoomi mein rok diya gaya tha. Bhaajapa ke pravakta shivratan sharma ne ravivaar ko PTI ko bataaya ki mukhyamantri apni yaatra fir 17 August ko Raipur jile ke araang kasbe se shuroo kareinge jiska samaapan saat September ko uttari Chhattisgarh ke anbikaapur mein hoga. Unhonne aage bataaya ki iske alaava unke cabinet mantri evam sansadeeya sachiv 1-10 July ke dauraan apne-apne kshetron mein yaatra kareinge. Is charan mein raman Singh 52 vidhaanasabha kshetron se gujareinge evam 65 janasabhaaen kareinge. Pehle Singh ne is saal ke ant mein hone vaale vidhaanasabha chunaav se pehle apni sarkaar ki upalabdhiyon ke prachaar prasaar ke liye May mein aadivaasi bastar ke dantevaada se yaatra shuroo ki thi. Lekin 25 May ko Congress ke ek kaafile par naksali hamle mein kai pramukh Congressi netaaon ke maare jaane evam ghaayal hone ke baad yah yaatra asthaai roop se rok di gayi thi.


Kerala Mein 72 Feesadi Atirikt Varsha

Kerala Mein 72 Feesadi Atirikt Varsha

Breaking »

Tiruvanantapuram. . Kerala mein ek June ko maunasoon aane ke baad se vahaan 72 feesadi jyaada baarish darj hui. Bhaarateeya mausam vigyaan vibhaag ke mutaabik 19 June tak raajya mein 665 mimi baarish hui jabki is dauraan saamaanya varsha 386 mimi hoti hai. Sootron ne bataaya ki raajya ke sabhi hisson mein bina lambe antaraal ke achhi baarish hui aur idukki jile mein 93 feesadi adhik baarish darj ki gayi. Sabhi 14 jilon mein uttar Kerala ke kannoor mein sarvaadhik baarish hui aur vahaan 114 feesadi adhik baarish darj ki gayi. Pichhle varsh dakshin pashchim monsoon ke dauraan raajya mein 24 feesadi kam baarish hui aur uttar-poorv monsoon ke dauraan 35 feesadi kam baarish hui.


Kashmir Ka Vishesh Darja Samaapt Ho Advani

Kashmir Ka Vishesh Darja Samaapt Ho Advani

Breaking »

Nai Delhi: Bhaarateeya janta party (bhaajapa) ke varishth neta Lal Krishna Advani ne ravivaar ko kaha ki yadi raajya ke liye alag aur desh ke liye alag kaanoon ke bajaay poore desh ke liye ek hi kaanoon chaahiye to Jammu evam Kashmir mein samvidhaan ki dhaara 370 ke tahat diya gaya vishesh darja samaapt karna hoga. Advani ne poorvavarti janasangh ke sansthaapak shyaama prasaad mukharji ki 60veen punyatithi ke avsar par apne blog par likha hai, "Desh us din ka intajaar kar raha hai, jab samvidhaan ki dhaara 370 samaapt kar di jaaegi aur do samvidhaan ek ho jaaenge. " Shyaama prasaad ne Kashmir ko vishesh darja ke saath-saath ise apna dhvaj va pradhaanamantri dene ke bhaarateeya raashtreeya Congress ke faisale ka virodh kiya tha. Jammu evam Kashmir police ki hiraasat mein 23 June, 1953 ko sandehaaspad paristhitiyon mein shyaama prasaad ki hui maut ka jikr karte hue Advani ne 'Raashtreeya ekeekaran ke liye shahaadat dene vaala svatantr Bhaarat ka pehla shaheed' sheershak se apne blog mein likha ki Jammu evam Kashmir mein pravesh ke liye paramit vyavastha ki samaapti ke atirikt do pradhaanamantriyon ka ek hona, do sarvochch nyaayaalayon ka ek hona, do nirvaachan praadhikranon ka ek hona, do mukhya ankekshanon ka ek hona. . Sab Dr. Shyaama prasaad ke balidaan se sambhav huaa. Advani ne Kanpur mein bhaarateeya janasangh ke pehle satr ko bhi yaad kiya, jahaan shyaama prasaad ne 'Ek desh mein do pradhaan, do nishaan, do vidhaan naheen chaleinge' ka naara diya tha. Shyaama prasaad ki shahaadat ka jikr karte hue Advani ne likha, "Is vakt tak na to sarvochch nyaayaalaya, na nirvaachan aayog aur na hi niyantrak evam mahaalekha pareekshak ko Jammu evam Kashmir par koi adhikaar tha. " unhonne likha, "Tab tak raajya ke mukhyamantri ko pradhaanamantri aur raajya ke pramukh ko sadar-A-riyaasat kaha jaata tha. Na to raashtrapati aur na hi pradhaanamantri ko Jammu evam Kashmir par koi adhikaar tha. " Advani ne likha ki shyaama prasaad ki shahaadat se parivartan aaya. Jammu evam Kashmir mein pradhaanamantri ka pad mukhyamantri ka ho gaya aur sadar-A-riyaasat ka pad raajyapaal ka ho gaya. Saath hi desh ke pradhaanamantri aur raashtrapati ka adhikaar bhi raajya tak pahunch gaya.


Maut Ke Munh Se Lauti Ek Mahila Ki Daastaan Bhayaanak Raatein Jo Kaate Na Kati

Maut Ke Munh Se Lauti Ek Mahila Ki Daastaan Bhayaanak Raatein Jo Kaate Na Kati

Breaking »

Nasik: 'Bahut joron ki baarish ho rahi thi. . . Baadh ka paani apni raah mein aane waali har cheej ko baha le gaya tha. . . Kya to sadkein aur kya pul. . . Lekin iske baavajood hamein andaaja naheen tha ki kudarat is kadar kahar barapaaegi. ' Uttaraakhand ki khoobsoorat vaadiyon, thandi havaaon aur daiveeya shaanti ke beech prakruti ke vinaashakaari taandav ki gavaah bani ek mahila ne kedaaranaath yaatra se lautakar jo daastaan bayaan ki vah kisi ke bhi rongate khade kar dene ke liye kaafi hai. Taaumr kedaaranaath yaatra ke is khauf ke saath jeene ja rahi aarateeo kaaloni ki nivaasi priya baagul ne shanivaar ko amrutasar express se lautane ke baad bataaya, 'Humne teen din ek bas mein baithe rahakar biskit khaate hue gujaare. Mobile fonon se kaheen kisi se sampark naheen ho raha tha. ' apni daastaan bayaan karte-karte beech beech mein sihr uthane waali baagul ne bataaya ki bas mein fanse yaatriyon ko sthaaneeya prashaasan ne sahaayata muhaiya karaai. Unhonne bas ke yaatriyon ke saath teen raatein bas mein gujaareen. In bhayaanak raaton mein bhaari baarish aur baadh ne ek raat bhi kisi yaatri ko palak jhapakaane ki anumati naheen di. Vah bataati hain ki kisi ko bhi jinda lautane ki aas naheen bachi thi aur sab Bhagwan se us du: Svapn ke khatm hone ki praarthana kar rahe the. Usane shikaayati lahaje mein kaha, 'Hamein behad oonche daamon par paani ki botal khareedani padi. Vahaan ke log sahayog karne ko taiyaar naheen the. '


Champions Trophy Baarish Ruki, 24 Overon Ka Hoga Match

Champions Trophy Baarish Ruki, 24 Overon Ka Hoga Match

Breaking »

Birmingham: Lagaataar ho rahi baarish ke kaaran ICC champions trophy ka Bhaarat aur England ke beech mukaabala paanch ghante se bhi adhik vilamb se shuroo huaa. Sthaaneeya samayaanusaar apaharan lagbhag 2.20 baje baarish rukane ke baad ampaayaron ne apaharan 3.00 baje pitch ka muaayana kiya. Match ko sanshodhit karke 24-24 overon ka kar diya gaya hai. Isse pehle, ICC chainpiyans trophy ke final mukaabale mein England ne toss jeetkar Bhaarat ko pehle ballebaaji ka nyota diya. Bhaarateeya team mein koi badlaav naheen kiya gaya. Pichhle kuchh hafton mein maidaan ke baahar ke bure daur ko peechhe chhodte hue behatareen form mein chal raha Bhaarat mejabaan England ko haraakar 50 over ke cricket mein lagaataar doosra bada khitaab jeetne ke iraade se utarega. Mahendra Singh Dhoni ki aguvaai mein gat vishv champion Bhaarat ne antim baar aayojit ho rahi chainpiyans trophy mein apne sabhi chaaron match aasaani se jeetkar final mein pravesh kiya hai. Doosari taraf England ki team 50 over ke praaroop mein pehla bada antararaashtreeya khitaab jeetne ke lakshya ke saath maidaan par utari hai. Colombo mein 2002 mein Sri Lanka ke saath chainpiyans trophy ka up vijeta raha Bhaarat gat vishv champion aur ICC ranking mein duniya ki number ek team hai. Pichhle do dashak mein vishwacup aur chainpiyans trophy ke final mein shikast jhelne waali England ki team Bhaarat ke khilaaf ghareloo haalaat ka faayda uthaane ki koshish karegi. Bhaarat ka final ka safar jahaan aasaan raha, vaheen England ne aham maichon mein apne pradarshan mein sudhaar karke khitaabi mukaabale mein jagah banaai.


Aag Mein Motorcycle Shoroom Huaa Svaaha

Aag Mein Motorcycle Shoroom Huaa Svaaha

Breaking »

Bikaner. . Shahar ke myoojiym circle par ravivaar ko lagi aag mein motor saaikilon aur auto kalapurjon ka shoroom jalakar svaaha ho gaya. Shoroom ke maalik suneel Kumar ne yahaan samvaadadaataaon ko bataaya ki aag mein motarasaaikilein, andar ka furniture, office ka saamaan, computer, auto kalapurje sahit laakhon rupaye ka nuksaan huaa hai. Sab kuchh poori tarah se nasht ho gaya hai. Adhikaariyon ne bataaya ki aag ko bujhaane mein agnishaman karmiyon ko do ghante ka samay lag gaya. Sandeh hai ki yah aag short sarkit ke kaaran lagi hai. Unhonne kaha ki shoroom mein yah haadasa hone par koi bhi upasthit naheen tha. Isliye yahi ganeemat hai ki kisi ki jaan ko khatra naheen huaa. Maamale mein jaanch jaari hai.


Chhattisgarh Mein Vajrapaat Se Chaar Bachchon Ki Maut

Chhattisgarh Mein Vajrapaat Se Chaar Bachchon Ki Maut

Breaking »

Raayagadh. . Chhattisgarh mein raayagadh jile ke vibhinn sthaanon par vajrapaat hone se chaar bachchon ki maut ho gayi jabki ek anya ghaayal ho gaya. Marne vaale chaar bachchon mein teen ek hi parivaar ke sadasya hain. Raayagadh ke police adheekshak Rahul bhagat ne ravivaar ko yahaan bataaya ki yahaan se kareeb 25 kilometer door navaapaara naadeli gaanv mein shanivaar shaam vajrapaat hone se teen bachchon ki maut ho gayi. In bachchon ki pehchaan bharat laal (10), karan (7) evam sangeeta (8) ke roop mein hui hai. Bharat aur karan sage bhaai the jabki sangeeta unka rishtedaar thi. Ye bachche gaanv ke baahar khel rahe the. Bhagat ne bataaya ki isi ghatna mein ek anya bachcha ghaayal ho gaya aur use raayagadh jila aspataal mein bharti karaaya gaya hai. Ek alag durghatana mein isi jile ke gindul gaanv mein vajrapaat hone se 15 varsheeya gaureeshankar raathiya ki maut ho gayi. Vah taalaab ke sameep khel raha tha.


Cheen Mein Toofaan Ke Chalte Havaai Adde Par 8,000 Yaatri Fanse

Cheen Mein Toofaan Ke Chalte Havaai Adde Par 8,000 Yaatri Fanse

Breaking »

Beijing: Dakshin cheen ke hainaan dveepeeya praant mein bebinka toofaan ki vajah se 147 udaanein baadhit ho gayi hain jisse yahaan ek havaaiadde par 8,000 se adhik yaatri fans gaye hain. Samaachaar agency 'Shinhuaa' ke mutaabik, saanya shahar ke feeniks antararaashtreeya havaai adde ke ek adhikaari ne bataaya ki shanivaar raat 10 baje tak 110 udaanein radd ki gain aur 37 udaanein deri se sanchaalit ki gain, jis kaaran 8,200 yaatri prabhaavit hue. 6,400 yaatriyon ko sthaaneeya hotelon mein thaharaaya gaya hai. Mausam vibhaag ke adhikaariyon ne bataaya ki is saal ka pehla toofaan bebinka hainaan praant ke kvin ghai shahar mein subah 11.10 baje pahuncha. Toofaan ke kaaran kshetr ki rel aur jahaajaraani seva rok di gayi.


Badreenaath Se 2500 Logon Ko Bachaaya Gaya Aaiteebeepi

Badreenaath Se 2500 Logon Ko Bachaaya Gaya Aaiteebeepi

Breaking »

Nai Delhi: Uttaraakhand ke baadh prabhaavit badreenaath se ravivaar ko 2500 se adhik logon ko surakshit sthaanon par pahunchaaya gaya hai. Bhaarat-Tibet seema police (aaiteebeepi) ke pravakta deepak Kumar Pande ne kaha ki sabhi logon ko josheemath laaya gaya hai. Unhonne kaha, lagbhag 500 log abhi bhi jungle chatti ilaake mein fanse hue hain, aur ham unhein bachaane ke liye havaai chaukasi kara rahe hain. Aaiteebeepi ne bachaav kaarya tej karne ke liye badreenaath se hanumaan chatti tak sadak banaaya hai. Pande ne kaha, pehle hamein logon ko paidal hi badreenaath se hanumaan chatti laana pada tha, lekin ab jab sadak ban gayi hai, to ham unhein vaahan se la rahe hain.


Uttaraakhand Bachaav Abhiyaan Par Padne Lagi Mausam Ki Maar

Uttaraakhand Bachaav Abhiyaan Par Padne Lagi Mausam Ki Maar

Breaking »

Deharaadoon. . Uttaraakhand mein I praakrutik aapada mein abhi bhi 22 hajaar log fanse hain aur jiska dar tha vahi ho raha hai. Uttaraakhand mein mausam dheere-dheere badalne laga hai. Mausam vibhaag ne uttaraakhand ke oopari ilaakon mein aaj se bhaari baarish ki aashanka jaahir ki hai. Vibhaag ke mutaabik kedaaranaath, badreenaath, yamunotri, gangotri mein 30 June tak lagaataar baarish ho sakti hai. Ravivaar ko kharaab mausam ke kaaran kai baar reskyoo operation rokana pada. Deharaadoon mein subah mausam mein kai baar karavatein badaleen aur halki baarish hui. Uttaraakhand ke rudraprayaag, chamoli, uttarakaashi mein abhi bhi kareeb 22 hajaar teerthayaatri fanse hue hain. Kharaab mausam ke kaaran harasil, gauchar, badreenaath mein fanse logon tak helikauptar udaan naheen bhar paae. Dopahar baad fir mausam khulne se operation shuroo huaa. Is beech praakrutik aapada mein marne vaalon ki taadaad hajaar paar karne ki aashanka hai. Uttaraakhand ke mukhyamantri vijay bahuguna ne iski pushti ki. Naishanal dijaastar rispauns fors (NDRF) aur air fors ke sootron ka kehna hai ki kedaaranaath ko aaj saaf kar diya jaaega. Sootron ke mutaabik kedaaraghaati mein abhi bhi 500 se jyaad shav faile hone ki aashanka hai. Maana ja raha hai ki unamein se adhiktar ki maut bhookh aur beemaari se hui hai. Adhiktar shav jangalachatti aur raamabaada ghaati mein faile hain. Aashanka jaahir ki ja rahi hai jaan bachaane ke liye jangalon mein bhaage kai log bhi aapada ke shikaar ho sakte hain. Badreenaath mein fanse hue hain 10 hajaar log: Reskyoo operation mein abhi tak 73,000 logon ko bacha liya gaya hai. Abhi bhi 22 hajaar log alag-alag jagahon par fanse hue hain. Akele badreenaath mein abhi bhi 10 hajaar se jyaada log fanse hain. Vaayusena ka dhyaan ab badreenaath par hai. Vahaan se logon ko helikauptar se nikaala ja raha hai. Vaayusena ne ravivaar ko reskyoo operation mein apne teen C-130J vimaan bhi utaar diye. Ek plane ravivaar subah reskyoo mission par nikla, to do vaayusena ki raipid aikshan medical team aur uske upakaranon ke saath prabhaavit ilaakon mein ravaana honge. Kabhi bhi badal sakta hai mausam ka mijaaj: Mausam vibhaag ne aane vaale dinon mein baarish ki bhavishyavaani ki hai. Bachaav kaam mein lagi sena isse pareshaan hai. Agar aisa hota hai to poora bachaav kaarya thap pad jaaega.


Bhagwat Ne Hi Manaaya Tha Advani Ko RSS

Bhagwat Ne Hi Manaaya Tha Advani Ko RSS

Breaking »

nai Delhi. . Raashtreeya swayamsevak sangh ne yah baat sveekaar kar li hai ki isteefa vaapas lene ke liye Advani ko sangh pramukh mohan Bhagwat ne manaaya tha. Sangh ke mutaabik BJP ke senior leedar Lal Krishna Advani ke isteefe ki kya vajah rahi thi, yah vahi bata sakte hain lekin unke achaanak aisa karne se sangh pramukh sahit sabko dhakka laga tha. Sangh ke mukhapatr paanchajanya mein chhape is aartikl mein likha gaya hai ki vajah jo bhi rahi ho, Advani ke aisa karne se sangh pramukh samet sabhi ko dhakka laga hai. RSS ke akhil bhaarateeya prachaar pramukh Manmohan vaidya ne is lekh mein yah baat bhi sveekaar ki hai ki isteefe ke baad sangh parivaar mein paida hue sankat ko sulajhaane ke liye sangh pramukh aur Advani ke beech mein samvaad huaa tha. Lekh mein kaha gaya hai, 'Pehle Advani ji ne phone kiya ya Bhagwat ji ne, aise prashnon ka koi matlab naheen hai. Praathamikta yah thi ki BJP mein jo sankat khada huaa hai, use door kiya jaae. ' vaidya ne kaha hai, 'Lal Krishna Advani ke isteefe ki sahi vajah to vahi bata sakeinge. Unhonne apne isteefe mein party se kuchh ummeedein jaahir ki hain, jo ki sahi hain. Magar achaanak se unka isteefa aane se sabhi ko dhakka laga. Sangh ke sarasanghachaalak ko bhi unke is tarah se isteefa dene se dhakka laga hoga. ' Bhagwat dvaara Advani se baat karke unase isteefa vaapas dilvaane ko sahi bataat hue vaidya ne likha hai, 'Advani ji jaise bujurg, anubhavi aur senior neta ko party mein rahana chaahiye. Isi baat ko dhyaan mein rakhate hue sangh pramukh ne Advani ji se baat karni chaahi hogi. Ismein galat kya hai? ' Bhagwat dvaara Advani ko manaane ko BJP mein hastakshep bataane aur RSS ko khulkar raajaneeti karne ka aamantran dene jaise bayaanon ko khaarij karte hue vaidya ne kaha,'Sangh ke liye aise upadesh maayane naheen rakhate. Sangh chaahe to use raajaneeti mein utarane se koi naheen rok sakta, lekin use raajaneeti ke bajaae desh jyaada mahatvapoorn lagta hai. '