Shivsena Ka Narendra Modi Par Vaar, Uttaraakhand Daure Par Uthaae Savaal

Shivsena Ka Narendra Modi Par Vaar, Uttaraakhand Daure Par Uthaae Savaal

Breaking »

Mumbai: NDA ke bheetar Gujarat ke mukhyamantri Narendra Modi ko lekar asantosh ek baar fir saamane aa gaya hai. Is baar shivsena ne Narendra Modi ko kathaghare mein khada kiya hai. Aaj 'Saamana' mein uddhav Thackeray ne Modi ke uttaraakhand daure par savaal uthaae hain. Uddhav Thackeray ne likha hai ki Modi ne sirf gujaraatiyon ki baat karke theek naheen kiya. Vah desh ke neta hain aur unhein sabki baat karni chaahiye. Shivsena ke mutaabik, Modi ka prachaar karne vaalon ko samajhna chaahiye ki raashtreeya aapada mein madad dharm hai, meharabaani naheen. Aise maukon par majahab naheen dekha jaata, kshetreeyata naheen dekhi jaati. Vaise, somvaar ko bhi shivsena ne Yeh savaal uthaaya tha ki NDA ko nae saathi kahaan se mileinge? 'Saamana' mein shivsena ne likha hai, Modi ab aap desh ke neta bane hain aur sirf gujaraatiyon ko bachaane ka daava karna sahi naheen. Aisa prachaar aapke liye haanikaarak hai. Aap se ab raashtreeya bhaavana se kaam karne ki ummeed hai. Raashtreeya aapada mein kaisa dharm, kaisa praantavaad, aaiteebeepi ne apne bachaav mein aisa koi bhedabhaav naheen kiya. Maharashtra ke mukhyamantri ne aisa bhedabhaav naheen kiya. Unhonne apne raajya ke logon ko bachaaya, saath hi auron ki bhi madad ki. Yeh hai, maraathi baana. Unhonne aage likha, Modi ka PR karne vaale ek baat samajh lein. Yeh bataana band karein ki Modi ne sirf gujaraatiyon ko bachaaya. Yeh Modi ki chhavi ke liye theek naheen. Isse Congress ko khud ki vifalta chhupaane ka mauka bevajah mil gaya. Modi ke PR karne vaale yaad rakhein ki raashtreeya aapada mein madad dharm hai, meharabaani naheen. Shivsena bhi apne tareeke se madad kar rahi hai, kyonki hamaara dil hindustaani hai.


Aatanki Hamle Ke Ek Din Baad PM, Soniya Pahunche Kashmir

Aatanki Hamle Ke Ek Din Baad PM, Soniya Pahunche Kashmir

Breaking »

Shreenagar: Pradhaanamantri Manmohan Singh ne yahaan kaha ki Bhaarat aatankvaad ke khilaaf drudhta se ekajut hai. Unhein unki ghrunit mansha mein kaamayaab naheen hone deinge. Kendra bijli ki kami ki samasya se nipatne ke liye Jammu-Kashmir sarkaar ko poora samarthan de raha hai. PM ne saath hi Yeh bhi kaha ki sarkaar leh mein saalabhar bijli ki aapoorti sunishchit karne ke liye 1629 karod rupaye ki laagat se shreenagar-leh bijli paareshan line ki yojana bana rahi hai. Kishtavaad mein aayojit rally mein soniya Gandhi ne shreenagar mein hue hamle ki ninda ki. Saath hi uttaraakhand mein I baadh mein maare gaye logon ko apni shraddhaanjali di. PM aur soniya Gandhi Kashmir mein kaajeegund aur Jammu ke banihaal ke beech rel seva ka shubhaaranbh kiya. Sardiyon mein bhaari barfabaari ki vajah se is ilaake ka sampark desh ke doosare hisson se kat jaata tha. Soniya ne kaha ki isse raajya mein payartan ko kaafi badaava milega.


Uttaraakhand Mein Sailaab Tej Baarish Bani Baadha, 6,500 Logon Ko Bachaana Chunauti

Uttaraakhand Mein Sailaab Tej Baarish Bani Baadha, 6,500 Logon Ko Bachaana Chunauti

Breaking »

Deharaadoon: Uttaraakhand ki traasadi ke baad tej baarish aur bhooskhalan se bachaav va raahatakaaryon mein baadha aa rahi hai. Ab tak kareeb 97 hajaar log alag−alag jagahon se surakshit sthaan pahunch chuke hain, jabki ab bhi 6500 log raajya mein alag−alag jagahon par fanse hue hain. Khabar aa rahi hai ki uttaraakhand mein mausam kuchh sudhara hai, jiski vajah se vaayusena ne raahatakaarya aarambh kar diya hai. Gaurtalab hai ki uttaraakhand ke kai hisson mein aaj tej baarish ho rahi hai. Mausam vibhaag ke mutaabik, agale teen din tak raajya mein mausam kaafi kharaab rahane ki aashanka hai aur bhaari baarish ho sakti hai. Deharaadoon mein bhi aaj subah se tej baarish ho rahi hai. Baarish ki vajah se raahat aur bachaavakaarya mein kaafi dikkat aa rahi hai. Baarish ki vajah se kedaaranaath mein jin shavon ka antim sanskaar kiya jaana tha, vah bhi naheen ho paaya hai. Is beech der raat aur subah ki baarish ki vajah se ek baar fir kai raaste band ho gaye hai. Somvaar ko baarish ne bachaav aur raahat ke kaam mein baadha daali, lekin iske baavajood harshil, dharaasoo, Rampur, karacham, puh aur saangala ilaake mein vaayusena ke heleekauptaron ne lagaataar udaanein bhareen. Vibhinn agencyon ne milkar alag−alag jagahon par fanse kareeb 3675 logon ko baahar nikaala Sena aaiteebeepi enadeeaaraef ne oonchaai waali jagahon se logon ko nikaalne ka kaam kiya, vaheen border rod organization ne tilvaara se roodraprayaag ke beech ki sadak raaste ko kholne ke liye kiya ja raha kaam jaari rakha. Iske alaava guptakaashi se tihri ka raasta ab khul chuka hai, vaheen beeesaenael ne kedaaranaath, dhaarachula, agastya muni aur Narayan baagar ke chaar mobile taavaron ko chhodakar sabhi taavaron ko theek kar diya hai. Uttaraakhand mein fanse hue logon ko nikaalne ke baad ab prashaasan ki najar shavon ke antim sanskaar par hai. Is kaam ke liye sabse jyaada prabhaavit hue kedaaranaath mein safaaikarmiyon ke saath ek medical team bheji gayi hai. Medical team shavon se DNA saimpal legi taaki shavon ki pehchaan mein kisi tarah ki dikkat na aae. Filhaal mausam saaf hone ka intajaar kiya ja raha hai. Ab chunauti sthaaneeya logon ko paani ke bajaay beemaariyon se bachaane aur ujad gaye aashiyaanon ko fir se basaane ki hai. Gaurtalab hai ki kedaaranaath baadal fatne aur achaanak I baadh se prabhaavit hua tha aur sailaab aane se vahaan kai shraddhaaluon ko apni jaan se haath dhona pada tha. laapata logon ki soochi.


Kabul Raashtrapati Ke Mahal Par Hamla, Taliban Ne Li Jimmedaari

Kabul Raashtrapati Ke Mahal Par Hamla, Taliban Ne Li Jimmedaari

Breaking »

Kabul: Afghanistan ki rajdhani Kabul mein taalibaani aatankvaadiyon ne aaj raashtrapati bhavan aur raashtreeya CIA kaaryaalaya par hamla kiya. Aatankvaadiyon ne sthaaneeya samayaanusaar subah 6.30 baje Kabul ke uchch suraksha vaale ilaake mein visfot kiye aur goleebaari ki jo ek ghante tak jaari rahi. Is ilaake mein kai dootaavaas aur aadhikaarik imaaratein bhi hain. Police ne bataaya ki bhavan ke vishaal parisar ke ek pravesh dwaar par teen ya chaar hamlaavar aae aur visfotakon se ladi car ko chhodkar vahaan se bhaag gaye aur car mein visfot kar diya. Kabul police pramukh mohammad ayoob salaangi ne ghatnaasthal par maujood samvaadadaataaon ko bataaya ki sabhi aatankvaadi maare gaye hain aur is hamle mein koi surakshaakarmi ya naagrik naheen maara gaya. Unhonne isse adhik koi jaankaari naheen di. Raashtrapati haamid karajai raashtrapati bhavan mein aaj subah samvaadadaata sammelan aayojit karne vaale the aur patrakaaron ko vahaan aane ko kaha gaya tha. Bhavan ki or jaane waali sabhi sadkein sthaayi taur par band kar di gayi hai. Iske aaspaas kadi suraksha vyavastha ki gayi hai aur logon ko ilaake door rakha ja raha hai. Taliban ke pravakta jubihullaah mujaahid ne eefapi se kaha, hamlaavaron ke ek bade samooh ne CIA kaaryaalaya, bhavan aur niktavarti raksha mantraalaya ke kaaryaalaya ko nishaana banaaya.


Rahul Uttaraakhand Daure Par

Rahul Uttaraakhand Daure Par

Breaking »

vis . Nai Delhi : Tamaam aalochanaaon aur vivaadon ke baad Congress upaadhyaksh Rahul Gandhi uttaraakhand haadase ke ek hafte baad na sirf uttaraakhand ko lekar apne sarokaar darshaate najar aae, balki videsh se lautate hi vah uttaraakhand mein chal rahe raahat kaaryon ka jaayaja lene mande ko uttaraakhand ki yaatra par chale gaye. Haalaanki Rahul ki gairamaujoodagi ko lekar pehle hi aalochanaaon aur savaalon ko jhel rahi Congress ko somvaar ko ek baar fir baikafut par aana pada. Gujarat ke mukhyamantri Narendra Modi ki uttaraakhand yaatra ko lekar un par hamlaavar Congress Rahul ke uttaraakhand daure ka bachaav karti najar I. Congress pravakta Renuka chaudhari ne kaha ki Rahul Gandhi vahaan kisi VIP ki haisiyat se naheen, balki Congress ke upaadhyaksh ke haisiyat se gaye hain.


VIP Na Badhaaen Pareshaani Shinde

VIP Na Badhaaen Pareshaani Shinde

Breaking »

PTI . Nai Delhi : Gruh mantri susheel Kumar shinde ne VIP logon ko salaah di hai ki ve baarish se tabaah uttaraakhand ka daura na karein kyonki isse raahat aur bachaav abhiyaan mein kathinaaiyaan aati hain. Shinde ne kaha, ham sabhi VIP logon ko salaah dete hain ki ve uttaraakhand na jaaen. Sabhi agencyan raahat aur bachaav ke prayaason mein lagi hain. Aise dauron se unke kaam mein rukaavat aati hai. Gruh mantri ki yah salaah aise din I jab Congress ke upaadhyaksh Rahul Gandhi uttaraakhand ke daure par gaye the. Shinde ne kaha ki agar koi VIP is salaah ko naheen maanata to uske vimaan ko uttaraakhand mein utarane ki ijaajat naheen di jaaegi. Dhyaan ho ki uttaraakhand mein raahat aur bachaav kaaryon ka jaayaja lene ke liye VIP logon ka taanta lag gaya tha. Pradhaanamantri Manmohan Singh, UPA adhyaksh soniya Gandhi ne uttaraakhand ka havaai sarve kiya tha. Khud shinde, Gujarat ke mukhyamantri Narendra Modi, Haryana ke mukhyamantri bhoopindar Singh hudda, Rajasthan ke mukhyamantri ashok gahalot aur Maharashtra ke mukhyamantri pruthveeraaj chavhaan uttaraakhand ka daura kar raahat abhiyaan ki sameeksha kar chuke hain. Kai anya raajya sarkaaron ke pratinidhiyon ne bhi uttaraakhand ka daura kiya tha.


Joo Se Faraar Baagh Ek Maheene Baad Lauta

Joo Se Faraar Baagh Ek Maheene Baad Lauta

Breaking »

PTI . Bhuvaneshvar : Nandanakaanan chidiyaaghar se gaayab ek nar baagh kareeb ek maheena baad yahaan laut aaya hai. Isse Orissa sarkaar ke adhikaari bhi raahat ki saans le rahe hain. Yah baagh is joo mein ghus aaya tha magar baad mein 18 feet oonchi baad ko laanghakar yahaan se bhaag gaya tha. Principle cheef kanjarvetar of faurest J. Di. Sharma ke mutaabik, yah royal Bengal tiger joo laut chuka hai aur ab us par CCTV ki madad se najar rakhi ja rahi hai. Saath hi use special ghere mein rakha gaya hai.


Kaabul Raashtrapati Ke Mahal Par Hamla, Taalibaan Ne Li Jimmedaari

Kaabul Raashtrapati Ke Mahal Par Hamla, Taalibaan Ne Li Jimmedaari

Breaking »

Kaabul: Afagaanistaan mein raashtrapati haamid karajai ke mahal par taalibaan ne hamla kar diya hai. Mahal ke baahar se 10 se jyaada dhamaake sunaai diye hain. Iske alaava lagaataar firing ki aavaaj bhi sunaai day rahi hai. Bhaarateeya samayaanusaar, yah hamla 7.30 baje huaa. Taalibaan ne is hamle ki jimmedaari li hai. Bataaya ja raha hai ki yah suniyojit fidaayin hamla hai. Aisi khabarein aa rahi hain ki raashtrapati ke mahal ke paas 20 reporter bhi fanse hue hain. Bataaya ja raha hai ki taalibaaniyon ne is hamle mein raashtrapati ke mahal aur paas ke raksha mantraalaya ko nishaana banaaya hai. Abhi tak raashtrapati karajai ki koi khabar naheen mil paai hai. Yah hamla aise vakt huaa hai jab raashtrapati haamid karajai ne America ke taalibaan ko lekar naram rukh ko lekar shaanti vaarta mein hissa lene se inkaar kar diya.


Baarish, Bhooskhalan Aur Baadal Fatne Se Uttaraakhand Mein Badhi Museebat

Baarish, Bhooskhalan Aur Baadal Fatne Se Uttaraakhand Mein Badhi Museebat

Breaking »

Nai Delhi/deharaadoon. . Uttaraakhand ke kai jagahon par baarish, bhooskhalan aur baadal fatne se raahat aur bachaav kaarya prabhaavit huaa hai. Yahaan fanse kareeb 10 hajaar logon mein keval 1,000 logon ko baahar nikaala ja saka hai. Mausam vibhaag ke bhaari baarish ke poorvaanumaan ke beech fanse logon ko baahar nikaalne mein teen din aur lag sakte hain. Taaja baarish, bhooskhalan aur baadal fatne ke kaaran vibhinn agencyon ko raahat-bachaav abhiyaan chalaane mein kaafi chunautiyon ka saamana karna pad raha hai. Badreenaath mein oonchaai par fanse 5,000 logon mein se keval 164 ko nikaala gaya aur unhein chhah seaton vaale kuchh vimaanon ki madad se josheemath pahunchaaya gaya. Mukhya sachiv subhaash Kumar ne deharaadoon mein samvaadadaataaon se kaha, 'Baarish hone ke kaaran raahat kaarya prabhaavit hue hain aur chamoli jile aur gangotri ghaati samet anya sthaanon se kareeb 1,000 teerthayaatriyon ko hi nikaala ja saka. Badreenaath se 164 teerthayaatriyon ko nikaala gaya jabki harsil, maneri aur bhatavaari se 830 logon ko nikaala gaya. ' kharaab mausam ke kaaran logon ko surakshit nikaalne ke kaam mein lage jyaadaatar bade helikauptar khade kar diye gaye hain. Chamoli jile mein badreenaath, pandukeshvar aur lambaagar mein chhote helikauptar se 164 logon ko nikaala gaya hai. Chamoli aur paudi jile se mili report ke mutaabik, oonchaai vaale ilaake mein baarish ke kaaran helikauptar se abhiyaan mein rukaavat I hai. Rajdhani deharaadoon mein baarish hui hai. Rudraprayaag aur badreenaath highway par taaja bhooskhalan ke kaaran raaste mein rukaavat aa gayi hai. Baarish aur bhooskhalan ke alaava paudi ke paithaani kasba ke mulaan gaanv mein baadal fatne se kai makaan dhvast ho gaye, lekin jaanmaal ke nuksaan ke baare mein abhi tatkaal pata naheen chal saka hai. Delhi mein Bhaarat-Tibet seema police (aaiteebeepi) ke mahaanideshak Ajay chadhdha ne kaha ki kedaaranaath se jyaadaatar logon ko nikaal liya gaya hai jabki badreenaath, gangotri aur yamunotri mein kuchh log fanse hue hain jinhein dheere dheere baahar nikaala ja raha hai. Unhonne kaha ki helikauptaron ke udaan bharne ke saath hi bachaav abhiyaan fir se shuroo kiya jaaega. Vaheen, mausam vibhaag ne kaha ki uttaraakhand mein agale 72 ghanton mein ek-do sthaanon par bhaari baarish (kareeb 25 seinteemeetar tak) ho sakti hai. Badreenaath aur iske aas paas ke kshetron mein fanse shraddhaaluon ko nikaalne ke liye sahastradhaara helipaid se ab tak ek bhi helikauptar udaan naheen bhar paaya hai. Guptakaashi aur gochar mein bhi yahi sthiti hai, jahaan ruk-ruk kar ho rahi baarish aur poore kshetr mein dhundh ki samasya bani hui hai. Delhi mein gruhamantri susheel Kumar shinde ne kaha ki malaba hataae jaane ke baad baadh prabhaavit uttaraakhand mein marne vaalon ki sankhya ek hajaar ke aankade ko paar kar sakti hai.


Kedaaranaath Ki Ghanti Se 9 Ghante Lataka Raha, Tairate Shavon Par The Paanv

Kedaaranaath Ki Ghanti Se 9 Ghante Lataka Raha, Tairate Shavon Par The Paanv

Breaking »

Deharaadoon. . Tihri ke vijeindr Singh negi un hajaaron logon mein se ek hain, jo uttaraakhand mein bheeshan baadh ke us bhayaavah manjar ko shaayad jindagi bhar bhula naheen paaenge. Vijeindr apni jaan bachaane ke liye kedaaranaath mandir ki ghanti se nau ghante tak latake rahe. Itna hi naheen, unhonne gardan tak gahre paani mein tairate shavon par khade hokar jaise-taise apni jaan bachaai. 36 saal ke negi ke rishtedaar aur Delhi ke toorijm oparetar ganga Singh bhandaari ne kaha, 'Baadh ke dauraan vah subah saat baje se shaam chaar baje tak mandir ki ghanti se latake rahe. Baileins banaane ke liye vah paani mein bahate shavon ke oopar khade rahe. Paani ki tej dhaar se unke kapde fat gaye, lekin jinda rahane ki ummeed mein vah jaise-taise khade rahe. ' bhandaari ne kaha, 'Negi mandir ke paas bane teen manjila hotel ki chhat se paani mein koode aur uske baad unhonne mandir mein sharan li. Negi ke haathon mein bade-bade chhaale pad gaye hain. Nau ghanton tak ghanti se latake rahane ke kaaran jab negi ki pakad dheeli padaऩae lagi, to usane santulan banaane ke liye paani mein bah rahe shavon ka sahaara liya. ' vijeindr Singh negi ke rishtedaar ne kaha, 'Unke kapadon ke cheethade ho gaye the. Aise mein unhonne apne lagbhag nagn shareer ko dhakane ke liye aaspaas pade shavon ke kapde utaare. Paani ka leval kam ho jaane ke baad vah jungle mein do dinon tak pade rahe. Baad mein sena ke helikauptar ne unhein bachaaya. ' bhandaari ne kaha, 'Negi ko jeevit dekhkar unke parijan ke aansoo tham naheen rahe the. Unke chhote-chhote bachche hain. Bhagwan ki krupa se vah maut ke munh se baahar nikal aae.


Aatanki Hamle Ke Beech PM, Soniya Aaj Jaaenge Kashmir

Aatanki Hamle Ke Beech PM, Soniya Aaj Jaaenge Kashmir

Breaking »

Nai Delhi. . Kashmir mein hue aatanki hamle ki ninda karte hue pradhaanamantri Manmohan Singh ne kaha ki aise kaayarataapoorn kaarya raajya mein shaanti kaayam karne mein suraksha balon ke prayaason ko naheen diga sakte. Mangalvaar se raajya ke daure par jaane vaale Singh ne is hamle mein shaheed sena ke javaanon ko shraddhaanjali di aur shok prakat kiya. Iske saath hi pradhaanamantri ne ghaayalon ke jald svasth hone ki kaamna ki. Peeemao ki or se jaari bayaan ke anusaar, pradhaanamantri ne Kashmir mein hamle ki ninda ki hai. Singh ne kaha, 'Yah kaayarataapoorn hamla Kashmir ghaati mein suraksha aur vyavastha kaayam karne mein jute suraksha balon ko naheen diga sakta hai. ' gaurtalab hai ki shreenagar ke baahari bhaag mein haidarapura mein sena ke kaafile par aatanki hamle mein sena ke aath javaan shaheed hue aur 19 anya ghaayal ho gaye. Pradhaanamantri Manmohan Singh aur UPA adhyaksh soniya Gandhi do dinon ke daure par mangalvaar ko Jammu Kashmir jaaenge.


ICC Ranking Jadeja, Dhavan Ne Lagaai Lambi Chhalaang

ICC Ranking Jadeja, Dhavan Ne Lagaai Lambi Chhalaang

Breaking »

Birmingham: ICC champions trophy ke final mein England ko haraakar khitaab jeetne waali bhaarateeya team ke harfanmaula khilaadi Ravindra jadeja aur tournament mein do shatak lagaane vaale shikhar dhavan ne behatareen pradarshan ki badaulat ICC dvaara somvaar ko jaari ekadivseeya maichon ki taaja ranking mein bhi harfanmaula pradarshan kiya. Jadeja ne jabardast chhalaang lagaate hue ICC ki sheersh geindabaajon ki soochi mein apne career ka sarvochch teesara sthaan haasil kiya. Champions trophy ke final mein jadeja ne ballebaaji karte hue pehle naabaad 33 run banaae tatha geindabaaji karte hue 24 run dekar do wicket bhi chatakaae. Unke harfanmaula pradarshan ke liye jadeja ke final match mein plear of the match chuna gaya tatha tournament mein sarvaadhik 12 wicket lene ke liye unhein golden baul trophy bhi pradaan ki gayi. ICC ki ekadivseeya ballebaaji ranking mein bhi jadeja teen sthaanon ki chhalaang lagaate hue 52vein sthaan par pahunch gaye. Unke harfanmaula pradarshan ke kaaran unhein ekadivseeya mein ICC ki harfanmaula khilaadiyon ki soochi mein bhi ek sthaan ka uchhaal mila hai tatha vah teesare sthaan par pahunch gaye hain. Jadeja ke alaava Ravichandran Ashwin bhi chhah sthaanon ki chhalaang lagaate hue geindabaajon ki soochi mein sheersh das khilaadiyon mein vaapasi ki aur naunva sthaan haasil kiya. Tournament mein sarvaadhik 363 run banaane vaale shikhar dhavan ne bhi 21 sthaanon ki chhalaang lagaate hue ballebaajon ki soochi mein 29vaan sthaan haasil kiya.


Bihar Mein Police Ki Goli Se Paanch Mare, Jaanch Ke Aadesh

Bihar Mein Police Ki Goli Se Paanch Mare, Jaanch Ke Aadesh

Breaking »

Bagaha: Bihar ke bagaha mein somvaar ko police aur naagrikon ke beech hui jhadap mein police dvaara chalaai gayi goli mein paanch graameenon ki maut ho gayi jabki nau policekarmi sahit kareeb 20 log ghaayal bataae ja rahe hain. Inmein aath se jyaada logon ki haalat chintaajanak bataai ja rahi hai. Idhar, mukhyamantri neeteesh Kumar ne maamale ki uchchastareeya jaanch ke aadesh diye hain. Raajya ke upper police mahaanideshak (mukhyaalaya) SK Bhardwaj ne bataaya ki daradari gaanv ke rahane vaala yuvak chandreshvar pichhle nau June se laapata hai. Graameenon ka aarop hai ki police iski khoj naheen kar rahi hai. Isi dauraan police kataharava gaanv mein chandreshvar maamale ki jaanch karne gayi thi ki aakroshit graameenon ne police ko gher liya aur police par pattharabaaji praarambh karne lagi. Police ne pehle halka bal prayog kiya parantu graameen peechhe hatne ko taiyaar naheen the. Unhonne bataaya ki bheed hinsak roop lene lage thi. Vivsh hokar police ko aatmarakshaarth goli chalaani padi. Is goleebaari paanch graameenon ki maut ho gayi jabki saat policekarmi sahit kareeb 20 log ghaayal hain. Ghatnaasthal par bhaari police bal ki tainaati kar di gayi hai. Kshetr mein tanaav vyaapt hai parantu sthiti niyantran mein bataai ja rahi hai. Apusht khabaron ke mutaabik mrutakon ki sankhya saat bataai ja rahi hai. Idhar, mukhyamantri ne is poore maamale mein upper police mahaanideshak (mukhyaalaya) SK Bhardwaj aur kaara (jail) mahaanireekshak aanand kishor ko jaanch ke aadesh diye hain tatha 24 ghante ke bheetar poori sthiti ki jaanch report dene ka nirdesh diya hai.


Kolaget Poorv Koyala Sachiv Se Poochhataachh

Kolaget Poorv Koyala Sachiv Se Poochhataachh

Breaking »

nai Delhi. . Koyala ghotaala maamale mein CBI ne poorv koyala sachiv H. Si. Gupta se somvaar ko poochhataachh ki. Gupta se unke 2006 se 2009 ke kaaryakaal ke dauraan kuchh khaas companiyon ko alaut kiye gaye kol blauks ke baare mein savaal kiye gaye. Bata dein ki you. Pi. Kaidar ke 1971 baich ke aaiees afsar gupta kai maukon par kol blauk alaut karne waali screening committee ki adhyakshata bhi kar chuke hain. CBI is hafte Congress saansad naveen jindal aur poorv koyala raajyamantri di. Narayan Rao se bhi poochhataachh kar sakti hai.


'Apni Marji Se Bachaav Kaarya Ki Ijaajat Naheen

'Apni Marji Se Bachaav Kaarya Ki Ijaajat Naheen

Breaking »

deharaadoon. . Uttaraakhand sarkaar raajya mein I aapada mein fanse apne logon ko nikaalne ke liye raajyon ko apne star par bachaav kaarya shuroo karne ki ijaajat naheen degi. Sarkaar ki or se yah bayaan aise vakt aaya hai jab uttaraakhand gaye Gujarat ke mukhyamantri Narendra Modi ne daava kiya tha ki unhonne 15,000 logon ko bachaaya hai. Ek senior adhikaari ne bataaya ki kuchh raajya sarkaaron ne apne raajya ke logon ko bachaane ke liye alag se raahat kaarya chalaae hain, jiske baad se kanafyoojan paida huaa hai. Par ab se raahat aur bachaav ke kaam ke liye samanvit koshish ki jaaegi aur ise ek hi jariye se anjaam diya jaaega. In bachaav kaaryon ko uttaraakhand sarkaar maunitr karegi. Raajya sarkaar ne saaf kiya hai ki agar koi sarkaar helikauptar ya parivhan ka koi doosra saadhan bhejana chaahati hai to use pehle uttaraakhand sarkaar ke paas bhejana hoga. Raajya sarkaar us raajya ke logon ki madad karne ka poora prayaas karegi. Gaurtalab hai ki beete veekaend par uttaraakhand gaye Modi ne daava kiya tha ki unhonne do chaartard vimaanon aur baaki transport ke saadhanon ki madad se 15,000 logon ki jaan bachaai hai. Yah raahat operation Modi ki nigraani mein anjaam diya gaya tha. Haalaanki keindreeya soochana evam prasaaran mantri maneesh tivaari ne ise traasadi par raajaneeti karne waali harkat bataaya aur kaha ki 15,000 logon ko bachaane ka daava jhootha hai. Modi 'Rainbo' banana chaahate hain.


Supreme Court Ne Mamata Sarkaar Ki Arji Khaarij Ki

Supreme Court Ne Mamata Sarkaar Ki Arji Khaarij Ki

Breaking »

nai Delhi. . Supreme court ne us yaachika ko khaarij kar diya hai, jismein vest Bengal sarkaar ne Kolkata haai court ke faisale ko chunauti di thi. Gaurtalab hai ki Kolkata haai court ne Trinamool Congress ke varkar ki kastodiyl death ke maamale mein CBI jaanch ka aadesh diya tha. Is faisale ke khilaaf vest Bengal sarkaar Supreme court pahunch gayi thi. Supreme court ke Justice A. Ke. Patanaayak aur Justice ranjan gogoi ne vest Bengal sarkaar ki arji khaarij kar di. Kolkata haai court ne 13 May ko is maamale mein CBI jaanch ka aadesh diya tha. Adaalat ne seeaaidi ko nirdesh diya tha ki vah maamale ki chhaanabeen CBI ke havaale kare. Seeaaidi ko tamaam dastaavej CBI ko saunpane ka nirdesh bhi diya gaya tha. Gaurtalab hai ki nasiruddeen kaaji Trinamool Congress ka sthaaneeya neta tha, jiski thaane mein maut ho gayi thi. Use hugali jile mein 18 January ko chhote veekal ke rajistreshan pepar se sambandhit ek maamale mein giraftaar kiya gaya tha. Uske dost ne aarop lagaaya tha ki use der raat police ne bulaaya aur kaha ki nasiruddeen ko le jaae, usaki tabeeyat theek naheen hai. Kaaji ko aspataal le jaaya gaya aur doctoron ne use mrut ghoshit kar diya. Is ghatna ke baad vahaan kaafi pradarshan huaa aur raajya sarkaar ne maamale ki chhaanabeen seeaaidi ke havaale kar di.


Shreenagar Hamla Aatankvaadiyon Ne Pehle Motarasaaikal Chheeni Thi

Shreenagar Hamla Aatankvaadiyon Ne Pehle Motarasaaikal Chheeni Thi

Breaking »

Shreenagar. . Sena ke kaafile par ghaatak hamla kar aath sainikon ki hatya karne vaale aatankvaadiyon ne hamla karne ke liye do chhaatron se unki motarasaaikal chheeni thi. Sootron ne bataaya ki firn pahane aatankvaadiyon ne baagat ilaake mein do chhaatron se motarasaaikal chheeni thi. Ye chhaatr tuition padhne ke liye ja rahe the. Aatankvaadiyon motarasaaikal par savaar ho kar haidarapura ki taraf gaye jahaan unhonne sainya kaafile par hamla kiya. Unhonne bataaya ki donon aatankvaadiyon ne shreenagar baaraamoola raajamaarg par ek private hauspitl ke nikat sena ke vaahan ko rukane ka ishaara kiya. Javaan ne yah soch kar apni gaadi rok di ki donon vyaktiyon ko madad chaahiye. Sootron ne bataaya ki jaise hi sena ki gaadi ruki, donon logon ne jaade mein pahane jaane vaale dheele-dhaale kapade firn ke andar se assault raaifalein nikaal leen aur gaadi ke agale aur pichhle hisse par andhaadhundh goliyaan chalaani shuroo kar di. Isse gaadi ko adhiktam nuksaan pahuncha. Sootron ne bataaya ki iske baad aatankvaadi motarasaaikal lekar vahaan se bhaag nikle. Unhonne ek aantarik sampark sadak ka istemaal kiya aur baarajulla pahunche jahaan ek car unka intajaar kar rahi thi. Donon us car se faraar ho gaye.


Bharti Ghotaale Mein Sena Ke Javaan Sahit Adhikaari Giraftaar

Bharti Ghotaale Mein Sena Ke Javaan Sahit Adhikaari Giraftaar

Breaking »

Pune. . CBI ne ek sainyakarmi ke saath hi ek anya adhikaari ko kathit roop se us vyakti se rishvat maangane aur sveekaar karne ke liye giraftaar kiya hai jiska putr bharti pareeksha mein sammilit huaa tha. CBI adhikaariyon ne somvaar ko bataaya ki Pune mein kirki sthit Bombay injiniyring group center mein tainaat sena naayak sachin kadam ko shikaayatakarta se 10 hajaar rupae ka aanshik bhugataan sveekaar karne ke liye giraftaar kiya hai. CBI ne ek bayaan mein kaha ki shikaayatakarta se sena ke javaan ke pad ke liye chayanit uske putr ke naam se call letar jaari karne ke liye dedh lakh rupae ki rishvat sveekaar karne ke liye sachin kadam ke khilaaf ek maamala darj kiya gaya hai. Bayaan mein yah bhi kaha gaya hai ki aaropi se poochhataachh ke dauraan yah prakaash mein aaya ki is maamale mein ek anya adhikaari bhi shaamil hai. Iske baad donon aaropiyon ke aavaason par chhaape maare gaye jahaan se dastaavej baraamad kiye gaye hain.


Snovaden Ko Lekar Kairi Ne Roos Aur Cheen Ko Chetaaya

Snovaden Ko Lekar Kairi Ne Roos Aur Cheen Ko Chetaaya

Breaking »

Nai Delhi: America ki raashtreeya suraksha agency ke liye soochana praudyogiki thekedaar ke roop mein kaam karne ke dauraan sarkaar ki khufiya nigraani kaaryakram ko chori se haasil kar media mein jaari karne ke aaropi edavaard snovaden ko lekar ameriki videsh mantri John keri ne roos aur cheen ko saavdhaan kiya hai. Bhaarat ki yaatra par keri ne kaha ki haang kaang se bhagode snovaden ko pratyarpan prayaas se bachane mein yadi roos aur cheen ne madad ki hai to yah niraashaajanak hoga. Unhonne kaha hai ki is tarah ke kadam ki nishchit pratikriya hogi. Snovaden ravivaar ko Hongkong se Moscow bhaag nikle. Maana ja raha hai ki ve vahaan se kyooba jaaenge, lekin ikvaador ke videsh mantri ne kaha hai ki ve abhi bhi roos mein hain. Viytanaam ki yaatra ke dauraan rikaadare paatino ne kaha ki ikvaador ne roos ki sarkaar ke saath sammanit aur raajanayik sambandh ka paalan kiya hai isliye Moscow is maamale mein jaroorat mahasoos hone par apne kaanoon aur raajaneeti aur antararaashtreeya kaanoon va niyam ke mutaabik faisala le sakta hai. Yah poochhe jaane par ki snovaden ki maujooda sthiti ke baare mein unhein jaankaari hai, unhonne uttar taal diya. Paatino ne is baat ki pushti ki ki ikvaador snoden ki sharan dene ki appeal par vichaar kiya hai aur unhonne ameriki bhagode ka raashtrapati raafel korreaa ko likha gaya patra padhkar sunaaya. Patra mein snovaden ne America aur uske agenton dvaara prataadit kiye jaane ke khatre ka ullekh kiya hai. Snovaden ke aagrah par vichaar karne ke faisale ka bachaav karte hue paatino ne kaha ki unka desh maanavaadhikaar ko anya kisi bhi hit ke mukaabale jyaada ahamiyt deta hai. Snovaden (30) par America mein sarkaari sampatti ki chori karne, raashtreeya raksha soochana ka anidhikrut khulaasa karne aur vargeekrut khufiya samvaad ko jaanboojhkar saarvajanik karne ka aarop hai. Haang kaang ke adhikaariyon ne kaha ki snovaden apni ichha se chale gaye aur America ka pratyarpan sambandhi dastaavej adhoora hai isliye unhein rokane ka koi vaidhaanik kaaran naheen tha. BBC ke mutaabik, Hongkong mein unke vakeel alabart ho ne bataaya ki ek sarkaari adhikaari ne snovaden ko chale jaane ke liye kaha. Ho ne kaha ki unka maanana hai ki adhikaari ne Beijing sarkaar ke ishaare par kaam kiya hai.


Yaun Sambandh Maamale Me Barluskoni Ko Saat Varsh Ki Saja

Yaun Sambandh Maamale Me Barluskoni Ko Saat Varsh Ki Saja

Breaking »

Rom: Italy ki ek adaalat ne desh ke poorv pradhaanamantri silviyo barluskoni ko yaun sambandh banaane ke liye naabaalig yaunakarmi ko bhugataan karne ke maamale mein doshi thaharaate hue saat varsh ki saja sunaai. Adaalat ne iske saath barluskoni ko satta ka durupayog karne ka doshi thaharaate hue unhein saarvajanik pad grahan karne se bhi pratibandhit kar diya. Nyaayaadheeshon ne barluskoni ko abhiyojakon dvaara kiye gaye anurodh se adhik saja sunaai. Abhiyojakon ne 76 varsheeya barluskoni ko chhah varsh ki saja diye jaane ki maang ki thi. Barluskoni ke vakeel nikkolo gedini ne saja sunaae jaane ke baad kaha ki yah saja 'Poori tarah se nyaaya viruddh hai. Nyaayaadheeshon ne abhiyojakon ke anurodh se adhik saja sunaai. ' is dauraan adaalat kaksh mein maujood pradarshanakaariyon ke ek chhote samooh ne faisale ka svaagat kiya aur raashtreeya geet bhi gaaya. Barluskoni ko saja sunaae jaane ke saath hi unke khilaaf gat do varsh se jaari sunavaai samaapt ho gayi. Saja tab tak nilambit rahegi jabki sabhi apeelon ka niptaara naheen ho jaata. Is prakriya mein kai varsh ka samay lagne ki sambhaavana hai. Barluskoni ki aayu ko dekhte hue aisi sambhaavana kam hi hai ki vah kabhi jail ki kothari dekh paaenge kyonki Italy mein 70 varsh se adhik aayu ke logon ke liye saja ke dishaanirdesh udaar hain.


Pehle Hi Daur Mein Wimbledon Se Baahar Hue Raafel Nadal

Pehle Hi Daur Mein Wimbledon Se Baahar Hue Raafel Nadal

Breaking »

London: Baarah grand slam khitaab jeet chuke diggaj tennis khilaadi raafel Nadal 135vein vishv ranking vaale Belgium ke khilaadi Steve daarsis se haarakar pratishthit vinmbaladan pratiyogita ke pehle daur mein hi baahar ho gaye. Daarsis ne paanchaveen vareeyata praapt Spanish champion ko 7-6 (7-4), 7-6 (10-8), 6-4 se haraakar sanasani macha di. Nadal pehli baar pehle hi daur mein haarakar kisi grandslam pratiyogita se baahar hue hain. Daarsis ka agala mukaabala Poland ke lukaasj kubot se hoga.


Sabhi Ko Bacha Lene Tak Udte Raheinge Helicopter Vaayusena Pramukh

Sabhi Ko Bacha Lene Tak Udte Raheinge Helicopter Vaayusena Pramukh

Breaking »

Nai Delhi: Bhaarateeya vaayusena ke pramukh enaeke brown ne somvaar ko aashvast kiya ki uttaraakhand ke baadhgrast ilaakon mein abhi bhi fanse hue logon ko nikaalne ke liye unke javaan tab tak helicopter udaate raheinge jab tak ki fanse hue pratyek vyakti ko nikaal naheen liya jaata. Braauni ne fanse hue aise logon ko apna sandesh pahunchaaya jinhein havaai maarg se hi nikaala ja sakta hai. Brown ne apne sandesh mein kaha, "Hamaare helicopter ke pankhe tab tak naheen band honge jab tak ki ham aapamein se har ek ko naheen nikaal lete. " Ek aadhikaarik vigyapti mein kaha gaya ki vaayusena ne raahat abhiyaan ke liye 45 helicopter tainaat kiye hain. Vigyapti mein kaha gaya hai ki 17 June tak 10,731 logon ko havaai maarg dvaara nikaala ja chuka hai, jiske ke liye 1,163 udaanein bhari gain tatha 1,84,262 kilogram raahat saamagri evam anya jaroori saamaan giraae gaye.


Wimbledon-2013 Federer Aur Azarenka Jeete, Irani Ki Haar

Wimbledon-2013 Federer Aur Azarenka Jeete, Irani Ki Haar

Breaking »

London: Apne career ke liye 18vein grand slam khitaab ke liye prayaasarat Switzerland ke dhurandhar star Roger Federer aur Belarus ki Victoria Azarenka ne saal ke teesare grand slam Wimbledon mein jeet ke saath shuruaat ki hai. Mahila varg mein paanchaveen vareeya Italy ki saara Irani ko chaunkaane waali haar mili hai. Federer ne tournament ke pehle din somvaar ko ekal varg ke pehle daur mein romaaniya ke Victor haaneskoo ko 6-3, 6-2, 6-0 se haraaya. Doosari or, mahila ekal ke pehle daur mein Portugal ki Monica puig ne Irani ko seedhe seton mein 6-3, 6-2 se haraakar bhaari ulatafer kiya. Azarenka ne tournament ki doosari vareeya khilaadi ke taur par khelte hue Portugal ki Maria koelar ko 6-1, 6-2 se haraaya. Mahila ekal mein hi Serbia ki 12veen vareeya Anna ivaanovik ne bhi pehli baadha paar kar li hai. Ivaanovik ne France ki varjiniya raajaano ko 7-6, 6-0 se haraaya. Ameriki vaaniya King ko mahila varg ke pehle hi daur mein haar mili. Vaaniya ko tournament ki 29veen vareeya fraanseesi khilaadi A. Kaarnet ne 4-6, 6-3, 6-1 se haraaya.


Delhi NCR Mein CNG Do Rupaye Mahangi

Delhi NCR Mein CNG Do Rupaye Mahangi

Breaking »

Nai Delhi: Raashtreeya rajdhani mein CNG ki keematein do rupaye prati kilo badha di gayi. Dollar ke mukaabale rupaye mein giraavat ke chalte January ke baad gas moolya mein yah doosari vruddhi hai. Iske alaava pipe ke jariye aapoorti ki jaane waali gas, peeenaji, rasoi gas ke daam bhi madhyaraatri se ek rupaye prati ikaai badha diye gaye hain. Delhi mein vaahanon ke liye CNG ki keemat madhya raatri se 41.90 rupaye prati kigra hogi jo filhaal 39.90 rupaye hai. Padosi kshetr Noida, greater Noida aur Ghaziabad mein CNG ki darein 2.25 rupaye badhaakar 47.35 rupaye prati kigra ki gayi hain. Indraprasth gas limited (IGL) ne ek bayaan mein kaha, 'Delhi ke gharon mein peeenaji ka upabhokta moolya do maheenon mein 30 maanak ghan meter tak khapat ke liye sanshodhit kar 23.50 rupaye se badhaakar 24.50 rupaye prati maanak ghan meter kar diya gaya hai. Do maheene mein 30 maanak ghan meter se adhik ki khapat ke liye Delhi mein laagoo hone waali dar 40.50 rupaye prati maanak ghan meter hogi.


Shreenagar Mein Sena Par Hamla, 8 Javaan Shaheed

Shreenagar Mein Sena Par Hamla, 8 Javaan Shaheed

Breaking »

Shreenagar. . Ek taraf uttaraakhand mein bachaav evam raahat ke kaam mein lage sena ke javaanon ke jajbe ko dekhkar poora desh unhein salaam kar raha hain, vaheen doosari taraf Jammu-Kashmir mein aatankvaadiyon ne sena ke kaafile par ghaat lagaakar hamla kar diya hai. Shreenagar ke paas kiye gaye is hamle mein ab tak 8 javaanon ke shaheed hone ki khabar hai. Kai javaan ghaayal hain. Aatankvaadi sangathan hijbul mujaahideen ne hamle ki jimmedaari li hai. Pradhaanamantri Manmohan Singh aur soniya Gandhi ke Jammu-Kashmir daure se ek din pehle kiye gaye is bade hamle mein aatankvaadiyon ne shreenagar ke baahari ilaake mein haidarapura baaipaas par sena ke kaafile par goliyaan chalaain, jismein 8 javaan shaheed ho gaye. Police ke mutaabik, classic aspataal ke paas ki sadak ki donon or se kaafile par goliyaan chalaai gain. Hamla karne ke baad aatankvaadi mauke se faraar ho gaye. Ek motarasaaikal (shaayad hamle ke baad aatankvaadiyon ne istemaal kiya ho) baraamad ki gayi hai. Police ne kaha ki sena ke javaanon ne hamle ke turant baad ilaake ko gher liya aur hamle mein shaamil dahashatagardon ki giraftaari ke liye bade paimaane par talaashi abhiyaan shuroo kiya hai. Gaurtalab hai ki yah hamla aise samay mein huaa hai jab 2 din pehle hi hijbul mujaahideen ke aatankvaadiyon ne shreenagar shahar ke mein 2 policekarmiyon ko goliyon se bhoon diya tha. Hamle ke baad Delhi mein pradhaanamantri kaaryaalaya ke sootron ne kaha ki Manmohan Singh ke kaaryakram mein kisi tarah ka badlaav naheen kiya gaya hai. UPA ki adhyaksh soniya Gandhi ke saath pradhaanamantri mangalvaar ko Jammu-Kashmir ke 2 divseeya daure par jaane vaale hain. Apne daure ke dauraan vah seema se sate raajya ke jilon ke liye package ka ailaan kareinge. Manmohan Singh aur soniya Gandhi Kashmir mein kaajeegund tatha Jammu kshetr ke banihaal ke beech ek relakhand par train seva ki bhi shuruaat kareinge. Is train seva se kisi bhi mausam mein ghaati tak jaaya ja sakega.