Plastic Ki Factory Mein Lagi Aag

Plastic Ki Factory Mein Lagi Aag

Breaking »

IANS . Kanpur : UP ke Kanpur shahar mein shukravaar ko ek plastic ki factory mein aag lag gayi. Is durghatana mein laakhon rupaye ke saamaan aur masheenein jal gain. Ghatna mein kisi ke hataahat hone ki khabar naheen hai. Bataaya ja raha hai ki shahar ke panaki audyogik kshetr ki plastic ki ek factory ke ek hisse mein shukravaar ki subah kareeb 7 baje aag lag gayi. Aag itni bhayaanak ho chuki thi ki use bujhaane ke liye damakal ki 13 gaadiyaan lagaani padeen. Mukhya agnishaman adhikaari shivdarash ne bataaya ki kareeb 4 ghante ki kadi mashakkat ke baad aag ko bujhaaya ja saka. Ghatna ke vakt factory mein kuchh hi majadoor the, jinhein surakshit baahar nikaal liya gaya. Agnishaman adhikaariyon ka kehna hai ki aag mein plastic ka saamaan aur kuchh masheenein jal gain. Vaastavik nuksaan ka aakalan kiya ja raha hai. Aag ke kaaranon ka filhaal pata naheen chal saka hai. Bijli ke short sharkit se bhi aag ka andesha jachaaya ja raha hai.


Judva Bahanon Ne Kiya Evarest Fateh

Judva Bahanon Ne Kiya Evarest Fateh

Breaking »

pramukh samvaadadaata . Chandigarh : Raajyapaal jagannaath pahaadiya ne mount evarest fateh karne waali judvaan bahanon kumaari nungshi malik aur kumaari taashi malik ko haardik badhaai di hai. Unhonne kaha ki Yeh garv ki baat hai ki soneepat ke gaanv aanvali ki in judvaan bahanon ne duniya ki sabse oonchi choti par chadhkar vishv rekaurd banaaya hai aur Haryana ka naam roshan kiya hai. Judvaan bahanon ne shukravaar ko apne pita Colonel (retired) veeranedr Singh malik aur maata anjoo malik ke saath yahaan raajyapaal se Haryana Rajbhavan mein bheint ki. Raajyapaal ne kaha ki in betiyaane ke hausala aur maanasik drudhta anya betiyon ke liye prerana ka srot hai. Judvaan bahanon kumaari nungshi malik aur kumaari taashi malik ne 19 May ko mount evarest par tiranga faharaaya tha. Isse pehle kabhi bhi judvaan bahanon ne mount evarest fateh naheen ki hai. Bahanon ne bataaya ki unka lakshya sansaar ke saaton mahaadveepon mein se har mahaadveep ki sabse choti ko fateh karna hai.


250 Karod Tak Ki Saalaana Ugaahi Karte Hain Maaovaadi Stadi

250 Karod Tak Ki Saalaana Ugaahi Karte Hain Maaovaadi Stadi

Breaking »

Nai Delhi. . Desh ke 203 jilon mein unka prabhaav hai. 90 jilon mein ve niyamit taur par logon aur policewaalon ki hatyaae karte hain aur 27 jilon mein unke shabd hi antim aadesh hain. Unhein ummeed hai ki san 2050 tak unke netrutv mein kraanti hogi aur ve Bhaarat sarkaar ko ukhaad fekeinge. Ab savaal uthata hai ki 'Kraanti ki mashaal' ko jalaae rakhane ke liye bhaarateeya communist party (maaovaadi) ko dhan roopi indhan kahaan se mil raha hai? Angreji akhbaar Hindustan taaims ke mutaabik, is masale par sarkaar ki or se karaai gayi ek stadi ki report saamane I hai. Gruh mantraalaya ko saunpi gayi is report mein kaha gaya hai ki maaovaadi vasooli ke racket se kareeb saalaana 140 se 250 karod rupaye ki ugaahi kar rahe hain. Ugaahi ke liye maaovaadi vyavasaayiyon, udyogon, thekedaaron, bhrasht sarkaari adhikaariyon aur raajaneetik netaaon ko nishaana bana rahe hain. Stadi ke mutaabik, maaovaadiyon ki aay ka mukhya srot maaining industry, sarkaari vikaas kaaryon par ugaahi aur teindoo patte ke thekedaaron se vasooli hai. Haalaanki, intelligence bureau ne March 2010 mein maaovaadiyon ki kamaai bahut jyaada bataai thi. Yeh rakam saalaana kareeb 1500 karod rupaye bataai gayi thi. Ek saal pehle Chhattisgarh ke poorv police mahaanideshak vishvaranjan ne anumaan lagaaya tha ki maaovaadiyon ka saalaana bajat kareeb do hajaar karod karod rupaye hai, jabki haal hi mein mukhyamantri raman Singh ne is aankade ko 1000 se 1200 karod rupaye ke beech bataaya tha. Ainti maaovaadi operation se jude ek senior sarkaari adhikaari ka kehna hai ki ye aankade kaafi badha-chadhaakar bataae ja rahe hain. Unka kehna hai ki vaastavik aankada 140 se 250 karod ke beech ho sakta hai. Instityoot for defence steedaj aind anailesis ke risrcharon ne maaovaadiyon ke arthatantr ki gutthi ko sulajhaane ki koshish ki hai. Bhaarateeya communist party (maaovaadi) ki keindreeya committee alag-alag staron par charcha ke baad poore desh mein saalaana ugaahi ka lakshya tay karti hai. Iske baad jonal committee bataati hai ki kis srot se kitni rakam jama ki ja sakti hai. Prachur khanan sanpada vaale Jharkhand se maaovaadiyon ki aay ka bada hissa aata hai. Police adhikaariyon ke mutaabik, maaovaadi is soobe ke apne prabhaav kshetr vaale ilaakon mein sarkaari vikaas kaarya karne vaale thekadaaron se saamaanya taur par 7% levi vasoolate hain. Udyogon aur maaining companiyon se bhi 7-10% levi vasoola jaata hai. Levi vasoolane ki Yeh vyavastha bahut hi pukhta hai aur iske liye maaovaadiyon ko saamane bhi naheen aana padta hai. Stadi mein kaha gaya hai ki saamaanya taur par ground meinbar ki jimmadaari hoti hai ki vah paise vasoole. Har star par rakam oopar bhejane se pehle usamein se kuchh rakam apne kharche ke liye rakh li jaati hai. Sarkaar maaovaadiyon ke kamaai tantr ki kamar todni chaahati hai. Delhi mein gruh mantraalaya ke adhikaariyon ka maanana hai ki maaovaadiyon ke liye kamaai ka jariya ban chuki eksataurshan industry par rok lagaana kathin chunauti hai. Yahi vajah hai ki June mein jab naksal prabhaavit raajyon ke mukhyamantriyon ki baithak hui thi, to usamein is masale ko lekar kaafi charcha hui thi. Instityoot for defence steedaj aind anailesis ke pi. Vi. Ramanna ka kehna hai ki maaovaadiyon ko ho rahi kamaai par poori tarah se rok naheen lagaai ja sakti hai, lekin ise kam jaroor kiya ja sakta hai. Yeh maaovaadi virodhi aikshan plaan mein kaafi sahaayak saabit hoga.


Mid De Mil Ko Lekar Dahashat Mein Hain Bachche

Mid De Mil Ko Lekar Dahashat Mein Hain Bachche

Breaking »

S . Haapud : Bihar mein mid de mil khaane se bachchon ki maut ke baad se jile ke schooli bachche dahashat mein hain. Bachche mid de mil khaane se inkaar kar rahe hain. Bata dein ki janapad ke adhikaansh schoolon mein mid de mil ka vitran private NGO ki or se kiya ja raha hai. Abhibhaavak samay-samay par mid de mil ghatiya hone ki shikaayat karte rahe hain. Vaheen, Bihar ke sarkaari schoolon mein mid de mil khaane se bachchon ki maut ke baad se yahaan ke bachchon mein dahashat hai. Vaheen, Bihar ki ghatna ko gambheerta se lete hue sthaaneeya adhikaariyon ne NGO ko nirdesh jaari kiya hai. Janapad khaadya evam suraksha nireekshak Krishna gopaal Yadav ne bataaya ki sarkaari schoolon mein bachchon ko diye jaane vaale mid de mil ke sainpal jaanch ke liye bhejein jaaenge. Namoone fail aane par NGO ke khilaaf kaarravaai ki jaaegi.


Tamil Nadu BJP Ke Mahaasachiv Vi Ramesh Ki Hatya

Tamil Nadu BJP Ke Mahaasachiv Vi Ramesh Ki Hatya

Breaking »

Salem, Tamil Nadu. . Bhaarateeya janta party ki Tamil Nadu ikaai ke mahaasachiv vi ramesh ki shukravaar raat unke ghar ke kanpaaund mein agyaat hamlaavaron ne hatya kar di. Police ne bataaya ki ghatna shukravaar raat 10 baje ke aas-paas ki hai. 52 varsheeya ramesh urf oditr ramesh par dhaaradaar hathiyaaron se hamla kiya gaya, jiske kaaran mauke par hi unki maut ho gayi. Unhonne bataaya ki hamlaavaron ki pehchaan karne aur hamle ke peechhe ke kaaran ka pata lagaane ke liye jaanch ki ja rahi hai. Ramesh Tamil Nadu mein party ke doosare aise varishth neta hain jinki pichhle nau maheenon mein hatya hui hai. Isse pehle October 2012 mein BJP ke raajya chikitsa ving ke sachiv Dr. Vi Arvind ki hatya kar di gayi thi.


Gujarat Mein Narendra Modi Ki Pol Kholegi Team Rahul

Gujarat Mein Narendra Modi Ki Pol Kholegi Team Rahul

Breaking »

Nai Delhi. . Mission 2014 ke liye BJP ki kainpen committee ke adhyaksh Narendra Modi ko unke hi pradesh mein gherane ke liye team Rahul ne poori taiyaari kar li hai. Congress ne Gujarat mein Modi ke khilaaf 'Pol-khol' abhiyaan chalaane ka faisala kiya hai. Jahaan Modi desh bhar mein Gujarat ke vikaas model ki taareef kar Congress par seedha vaar karte dikhaai dete hain, vaheen Congress bhi Modi ko bakhshane ke mood mein naheen hai. Agale teen maheenon mein aandolan kar Congress Yeh saabit karne ki koshish karegi ki Narendra Modi ke Gujarat model mein kai khaamiyaan hain. Congress ne Gujarat mein Modi ko gherane ki rananeeti taiyaar kar li hai. Congress mahaasachiv Rahul Gandhi ke saath meeting mein Modi ke khilaaf ful proof plaining ki gayi hai. Rahul se baithak ke baad Congress ne Gujarat mein agale teen maheene tak Modi ki vikaas yojanaaon ki pol kholne ka plaan taiyaar kiya hai. Gujarat mein Congress ke prabhaari mahaasachiv gurudaas kaamat ne kaha, 'Humne tay kiya hai ki Gujarat mein agale teen maheenon tak saare workers sadkon par utareinge aur Modi sarkaar ke khilaaf aandolan kareinge. Modi utane bade naheen jitna vah bataate hain. ' Congress vikaas ka dam bharne vaale Modi ke daavon ki hakeekat se janta ko roobaroo karaaegi. Party janta ko bataaegi ki Gujarat shiksha ke maamale mein kitna peechhe hai aur teechars ke kai pad khaali hain. Iske alaava Modi ke Gujarat mein kuposhan, baal mrutyu dar ka aankada, enaaaraechaem mein ghotaala aadi muddon par Congress Modi sarkaar ke khilaaf halla bolegi. Congress ne Gujarat mein dangon aur alpasankhyakon ki haalat ke saath-saath saanpradaayikta ke mudde par bhi Modi ko gherane ka man banaaya hai. Congress pravakta raaj babbar ne Narendra Modi par nishaana saadhate hue kaha ki vah 1993 ke baabari model aur 2002 ke godhara model ko desh bhar mein failaana chaahate hain, lekin ye naheen chalega. Social networking saaits ke jariye Narendra Modi ki imej chamakaane ki koshish ke beech Congress ne bhi isse nipatne ki taiyaari kar li hai. Modi se mukaabala karne ke liye har raajya ke das-das kaangresiyon ko do din ki IT training di jaaegi. Iske liye Modi ki tarj par hi Bengaluru se cyber eksaparts bulaae ja rahe hain. Congress mahaasachiv Rahul Gandhi bhi do din ki is training mein maujood raheinge. Congress ki poori kavaayad BJP aur Modi ki muhim ko dharaashaayi karne ki hai. Aise mein ab dekhna Yeh hai ki Congress aandolan aur pol-khol abhiyaan ke jariye mission Modi mein seindh laga paane mein kitna kaamayaab ho paati hai.


Angreji Ko Bura Bataaya To Rajnath Par Bhadki Congress

Angreji Ko Bura Bataaya To Rajnath Par Bhadki Congress

Breaking »

Nai Delhi. . Angreji ko lekar BJP adhyaksh Rajnath Singh ke bayaan par siyaasi ghamaasaan chhidta ja raha hai. Rajnath ne kaha tha ki angreji ne hamaare desh ko bahut nuksaan pahunchaaya hai. Hamalog apni bhaasha aur apni sanskruti ko bhoolate ja rahe hain aur ab shaayad hi koi hai jo sanskrut bolata ho. Isi bayaan ko lekar Congress ne Rajnath par palatavaar kiya hai. Soochana evam prasaaran mantri maneesh tivaari ne shukravaar ko is mudde par BJP adhyaksh par tanj kasate hue kaha ki vipakshi party ne khud bhi apna vijn daukyumeint un logon ko aautasors kiya hai jo keval angreji hi bolte hain. Tivaari ne Rajnath ko unke bayaan par gherate hue kaha, 'Mujhe kai baar apne mitron par hansi aati hai. Ek taraf unke vijn daukyumeint ka kaam un logon ko saunpa jaata hai jo angreji ke alaava anya koi bhaasha naheen bolte aur doosari taraf angreji ka virodh karte hain. Yeh madhyakaaleen maanasikta hai ya dikhaava. ' unhonne kaha ki bhaasha ko lekar vivaad paida karne ki Yeh koshish ya Yeh kehna ki ek bhaasha doosari se achhi ya buri hai, isse desh majaboot naheen hota aur ek jimmedaar raajaneetik dal se Yeh apeksha naheen ki jaati. BJP pravakta shaahanavaaj husain ne Congress par palatavaar karte hue kaha ki BJP ko apni bhaasha aur desh par garv hai. Unhonne kaha, 'Congress ko angreji aur usase bhi jyaada angrejiyt par naaj hai. Angrej apni viraasat Congress ko dekar chale gaye. Ham angreji par kuchh bol dein to usaka khandan England se naheen, balki Congress se aata hai. Ham kisi bhaasha ka virodh naheen karte, angrejiyt ki soch ke khilaaf hain. Congress maahaul banaati hai ki jise angreji naheen aati ve buddhoo hain. ' BJP pravakta mukhtaar Abbas nakavi ne Congress par hamla karte hue kaha ki ham angreji reedar aautasors karte hain, leedar naheen. Vaheen, BJP adhyaksh Rajnath Singh ne kaha, 'Angreji aur angrejiyt se parahej karna chaahiye. Ismein kuchh galat naheen hai. Congress ki aadat ho gayi hai raajaneeti karne ki. Ham ise gambheerta se naheen lete. ' udhar, CPI neta atul anjaan ne BJP par hamla bolte hue kaha ki maatrubhaasha ka sammaan kiya jaana chaahiye. Tamil, telugu ka bhi sammaan karna chaahiye, lekin is par raajaneeti naheen honi chaahiye. Angreji par savaal uthaana sankeern maanasikta hai. Ye log apne aapko asurakshit mahasoos kar rahe hain.


Pradhaanamantri Ne Maana 6.5 Feesadi Vikaas Dar Kathin

Pradhaanamantri Ne Maana 6.5 Feesadi Vikaas Dar Kathin

Breaking »

Nai Delhi: Pradhaanamantri Manmohan Singh ne shukravaar ko kaha ki sarkaar arthavyavastha mein teji laane ke liye koi bhi kor-kasar baaki naheen chhodegi. Iske saath hi unhonne kaha ki maujooda kaarobaari saal mein desh ki vikaas dar anumaanit 6.5 feesadi se kam rah sakti hai. Pradhaanamantri ne vipaksh par hamla bolte hue kaha, "Hamaare raajaneetik aalochak ek saal ke anubhav ki baat karte hain. Yeh tasveer television ke liye achhi ho sakti hai, lekin Yeh kaafi galat roop mein pesh ki gayi tasveer hai. " unhonne kaha, "(hamaari gathabandhan sarkaar ke paas) jo rikaard hain, us par koi bhi sarkaar garv kar sakti hai. " Yahaan audyogik sanstha, Assocham ki 92veen vaarshik aam baithak ko sambodhit karte hue Manmohan Singh ne kaha, "Jab sabkuchh achha chal raha ho, to sarkaar ko kam se kam hastakshep karne chaahiye. Agar sthitiyaan theek naheen chalti hain, jaisa ki abhi lag raha hai, to Yeh sarkaar ki jimmedaari hai ki vah aage badhkar is disha mein kadam uthaae. " unhonne kaha, "Ham har sambhav koshish kareinge ki aarthik teji ki vaapasi ho. Main aapamein se har ek se appeal karta hoon ki nakaaraatmak samvedna se prabhaavit na hon. " Pichhle kaarobaari saal mein desh ki aarthik vikaas dar paanch feesadi rahi, jo ek dashak ka nichla star hai. Unhonne kaha, "Main aisa koi anumaan pesh naheen karoonga ki 2013-14 mein vikaas dar kya rahegi. Antararaashtreeya mudra kosh ne haal mein 2013 ke liye sabhi deshon ke vikaas ke pehle jaari anumaan ko ghata diya hai, in deshon mein Bhaarat bhi shaamil hai. Humne bajat pesh karte samay 6.5 feesadi vikaas dar ka lakshya rakha tha. Lekin aisa lagta hai ki Yeh usase kam rahegi. " Pradhaanamantri ne kaha ki aarthik teji vaapas laane ke liye adhosanrachana khadi karne tatha nivesh laane ke liye sarkaar sabhi tarah ke kadam utha rahi hai. Unhonne ummeed jataai ki samuchit baarish ke kaaran krushi kshetr ka behtar pradarshan rahega aur gaanvon mein maang badhegi, jisse udyog ka pradarshan sudharega. Unhonne kaha, "Audyogik teji naheen lauti hai. Fir main khushi ke saath Yeh kehna chaahata hoon ki krushi behtar pradarshan karne ke liye taiyaar dikh raha hai. " unhonne kaha, "Mujhe lagta hai ki hamein aashaavaadi rahana chaahiye aur ham rah sakte hain. Hamaari arthavyavastha ki buniyaad majaboot hai. Ham vyaapak aarthik morche par santulan sthaapit karne ke liye sabhi tarah ke kadam utha rahe hain. " Sarkaar ke pradarshan ko pramukhata se pesh karte hue Singh ne kaha ki aath saalon (2004-05 se 2012-13) mein ausat vikaas dar 8.2 feesadi rahi. Yeh dar isse pehle ke aath saalon mein haasil 5.7 feesadi se kaafi achhi hai. Unhonne kaha ki 11veen yojana mein vaastavik vetan mein saalaana 6.8 feesadi pragati hui, jabki isse pehle ke 10 saalon mein Yeh dar 1.1 feesadi rahi. Unhonne kaha ki 2004-05 se 2011-12 ke beech gareebi rekha se neeche ki aabaadi do feesadi ki dar se ghati, jabki 2004-05 se pehle Yeh dar 0.75 feesad thi. Unhonne kaha, "Mere khayaal se Yeh ek rikaard hai, jis par kisi bhi sarkaar ko garv ho sakta hai. "


Kah Naheen Sakta, Modi Saampradaayik Hain Ya Naheen Anna

Kah Naheen Sakta, Modi Saampradaayik Hain Ya Naheen Anna

Breaking »

Nai Delhi: Gandhivadi saamaajik kaaryakarta anna hajaare ne kaha ki unhonne kabhi naheen kaha hai ki Gujarat ke mukhyamantri Narendra Modi saampradaayik naheen hain. Anna ne kaha, "Main Yeh naheen kaha ki Modi saampradaayik naheen hain. Mainne kaha ki main Yeh kah naheen sakta, kyonki mere paas koi saboot naheen hai. Mainne kabhi unki prashansa naheen ki hai. " Bujurg samaajasevi ne kaha, "Vah agale aam chunaav ke liye ek party (bhaarateeya janta party) ki aguvaai kar rahe hain jo saampradaayik hai, jo unhein saampradaayik bhi banaati hai. " Anna ne aage kaha ki desh ko Lokpal vidheyak ki jaroorat hai, saanpradaayikta ki naheen, kyonki Yeh samaaj ko baantegi.


Midde Meal Haadase Par Report Mangalvaar Ko

Midde Meal Haadase Par Report Mangalvaar Ko

Breaking »

PTI . Nai Delhi : Maanav sansaadhan vikaas mantraalaya (echaaaradi) chhapra midde meal haadase par agale mangalvaar tak report de sakta hai. Mantraalaya mein adishnal sekretari amarajeet Singh ne echaaaradi ministar M. M. Pallamaraajoo ko report saunpane se pehle masauda not taiyaar karna shuroo kar diya hai. Gaurtalab hai ki haadase ke baare mein jaankaari haasil karne ke liye Singh ko Bihar bheja gaya tha. Aisi bhi khabarein I theen ki is daure par unhonne peedit parivaaron ke sadasyon se mulaakaat ki thi. Sootron ne bataaya ki Singh chhapra mein hui ghatna aur uske baad madhubani mein hui usi tarah ki ghatna ko milaakar report taiyaar kareinge. Gaurtalab hai ki madhubani mein midde meal khaane ke baad takareeban 50 bachche beemaar pad gaye the. Sootron ne kaha ki Singh ne Tamil Nadu ki ghatna ke baare mein bhi byora maanga hai jahaan midde meal lene ke baad 100 se adhik ladkiyaan beemaar pad gayi theen. Sootron ne bataaya ki mantraalaya civil society se bhi sahamati lene ke liye unase sampark kar raha hai.


Jharkhand Ke Speaker Ne Diya Isteefa

Jharkhand Ke Speaker Ne Diya Isteefa

Breaking »

bhaasha . Ranchi : Jharkhand ke vidhaanasabha adhyaksh chandreshvar prasaad Singh ne shukravaar ko apne pad se isteefa de diya. Unhonne dopahar vidhaanasabha bhavan pahunchakar vidhaanasabha ke prabhaari sachiv susheel Kumar Singh ko apna isteefa saunpa. Iske baad vidhaanasabha ke adhikaariyon aur karmachaariyon ne unhein bhaavapoorn vidaai di. Isse pehle Singh ne guruvaar ko kaha tha ki apni antaraatma ki aavaaj par unhonne vidhaanasabha mein nai sarkaar ke vishvaas mat haasil karne tak pad par bane rahane ka faisala kiya tha.


Sanjeev Bhatt Ke Khilaaf FIR Darj

Sanjeev Bhatt Ke Khilaaf FIR Darj

Breaking »

PTI . Ahmedabad Gujarat ke nilambit IPS afsar sanjeev bhatt ke khilaaf ek FIR darj ki gayi hai. Bhatt par aarop hai ki unhonne apne ganamain ko thappad maara. Haalaanki, unhonne is aarop ko khaarij kiya hai. Bhatt ke ganamain jignesh Babulal Patel (32) ne ghatalodiya police thaane mein shikaayat darj karaai hai. Iske mutaabik, guruvaar raat sanjeev bhatt ne unhein ghar ke baahar bane shed mein bandhe kutte ko kholne ke liye kaha tha. Patel ne Yeh kehte hue inkaar kar diya ki unki duty sirf bhatt ki sikyooriti hai. Patel ke mutaabik, isse bhatt gusse mein aa gaye aur unhein thappad raseed kar diya. Police inspector pi. Di. Paramaar ke mutaabik, vah is maamale mein saboot juta rahe hain. Police commissioner ko likheinge bhatt bhatt ke mutaabik, mujhe guruvaar raat hi jaankaari mili ki Patel ne mere khilaaf shikaayat darj karaai hai. Patel ki haal mein hi tainaati hui thi aur vah yahaan naheen rahana chaahata tha. Bhatt ne Yeh bhi kaha ki vah is baabat police commissioner ko chitthi likheinge.


Bengal Panchaayat Chunaav Mein Teen Ki Maut, 74 Feesadi Matadaan

Bengal Panchaayat Chunaav Mein Teen Ki Maut, 74 Feesadi Matadaan

Breaking »

Kolkata: Pashchim Bengal panchaayat chunaav ke teesare charan mein shukravaar ko matadaan ke dauraan hui hinsa mein ek kishor sahit teen logon ki maut ho gayi. Is charan mein 70 se 74 feesadi tak matadaan hua. Dakshin 24 paragana jile mein hui hinsa mein do logon ki maut hone ki khabar hai, jabki uttari 24 paragana mein ek vyakti ki maut ho gayi. Raajya nirvaachan aayog ke ek adhikaari ne bataaya ki shaam paanch baje tak uttari 24 paragana mein 74.45 pratishat, haavada mein 70.25 pratishat tatha dakshini 24 paragana mein 70 pratishat matadaan hua. Uttari 24 paragana ke amadaanga blauk ke bodaai mein matadaan ke liye kataar mein khade logon par bam feinka gaya, jismein maark‚Äćaasavaadi communist party (maakapa) ke ek samarthak madarabaksh malik ki maut ho gayi. Dakshini 24 paragana ke ushthi thaanaantargat lakshmeekaantapur gaanv mein hui hinsa ke dauraan Trinamool Congress ke ek kaaryakarta sanat Roy ki maut ho gayi. Isi jile ke ghutaari shareef mein ek kishor ka shav baraamad hua. Sattaaroodh Trinamool Congress ne 'Poori tarah svatantr evam nishpaksh' matadaan hone ka daava kiya aur hinsa ke liye vipaksh ko jimmedaar thaharaaya. Trinamool mahaasachiv mukul Roy ne kaha, "2003 aur 2008 mein panchaayat chunaav ke dauraan badi sankhya mein log hinsa ke shikaar hue the. " Udhar, vipakshi dalon ne Trinamool par chunaav mein dhaandhali aur boothon par kabja karne ke aarop lagaae. Kathit dhaandhali ke virodh mein maakapa kaaryakartaaon ne uttari 24 paragana mein kai jagah rel roki aur sadak jaam kar di. Unhein keindreeya arddhasainik balon aur raajya ki sashastr police ne khaded diya. Maakapa polit bureau ke sadasya evam vipaksh ke neta sooryakaant mishr ne kaha ki matadaan ke dauraan keindreeya balon ke javaan kaheen dikhaai naheen diye. Unhonne kaha, "Raajya sarkaar ne lokatantr ke viruddh yuddh ghoshit kiya tha. Lagta hai, usaka yuddh shuroo ho chuka hai, uske aatank ke baavajood logon ne matadaan kiya. " Raajya nirvaachan aayog ke ek adhikaari ne haalaanki hinsa ke liye poori tarah raajya sarkaar ko jimmedaar thaharaaya. Teesare charan ke tahat uttari 24 paragana, dakshini 24 paragana aur haavada jilon mein gram parishdon ke kareeb 13,000 pratinidhiyon ka nirvaachan hona hai. Haavada jile mein udayanaaraayanapur ke ek matadaan kendra par bam feinka gaya. Uttari 24 paragana jile ke bilkaanda mein maark‚Äćaasavaadi communist party (maakapa) ke ek chunaav agent ko buri tarah peeta gaya, jiske baad unhein aspataal le jaaya gaya. Police ka daava hai ki hinsa ki koi badi vaaradaat naheen hui hai. Atirikt police mahaanideshak bani brat Basu ne kaha, "Chhoti ghatnaaen hui hain. " Maakapa ne Trinamool Congress par hinsa bhadkaane ka aarop lagaate hue uttari 24 paragana jile mein Dunlop evam naihati mein sadak jaam kar diya aur shyaamanagar railway station band kar diya. Trinamool ne haalaanki maakapa ke aaropon se inkaar kiya hai. Teesare charan ke matadaan ke liye kareeb ek karod matadaataaon ne 12,656 matadaan keindron par apne mataadhikaar ka istemaal kiya. Chunaav maidaan mein 37,500 se adhik ummeedavaar hain. Mukhya mukaabala Trinamool Congress tatha vipakshi vaam morche ke beech hai. Chunaav ke liye suraksha ke kade intajaam kiye gaye hain. 50,000 surakshaakarmiyon ki tainaati ki gayi hai, jinmein raajya police ke javaanon ke saath-saath keindreeya suraksha bal bhi hain. Pehle do charan ke tahat 11 July aur 15 July ko matadaan hue the. Agale charan ka matadaan 22 July aur 25 July ko hoga, jabki mataganana 29 July ko hogi.


Ashes 264 Ranon Ki Badhat Ke Saath England Majaboot

Ashes 264 Ranon Ki Badhat Ke Saath England Majaboot

Breaking »

London: England cricket team ne laurds maidaan par Australia ke saath jaari ashes-2013 ke doosare test match ke doosare din shukravaar ka khel khatm hone tak apni doosari paari mein saste mein shuruaati teen wicket ganva diye lekin iske baavajood usaka palada bhaari hai. England ne 264 ranon ki badhat ke saath din ki samaapti ki. England ne din ki samaapti tak teen wicket ke nuksaan par 31 run banaae hain. Joy root 18 aur naaitavauchamain tim bresnan khaata khole bagair naabaad laute. England ne pehli paari ki tarah doosari paari mein bhi apne teen wicket saste mein ganva diye. Mahaj 30 run ke kul yog par hi kaptaan Alistair cook (8), jonaathan traut (5) aur kevin Peterson (5) pavilion laut gaye. Teenon wicket Peter sidl ne liye. England ne apni pehli paari mein 361 run banaane ke baad greem svaan (44/5) ke netrutv mein apne geindabaajon ke shaanadaar pradarshan ke dam par Australia ki pehli paari maatr 128 ranon par seemit kar di. Is tarah mejabaan team ko pehli paari ki tulana mein 233 ranon ki badhat mili. Aisa laga ki England ka sheersh kram par pehli paari ki naakaami ko bhulaakar doosari paari mein achhi shuruaat karega lekin sidl ne 22 ke kul yog par cook aur fir isi yog par traut ko out karke apni team ko match mein vaapasi karaane ki bharpoor koshish ki. Peterson ka wicket 30 run ke kul yog par gira. Isse pehle, svaan aur bresnan ne apni sadhi hui geindabaaji ke dam par Australia ki pehli paari 128 ranon par samet di. Shane Watson ne sabse adhik 30 run banaae. Watson ka wicket 42 run ke kul yog par gira aur iske baad 86 ranon ke kul yog par baaki ke nau ballebaaj pavilion laut gaye. Kaptaan Michael Clark ne 28 run banaae. England ne pehle din ki samaapti tak saat wicket par 289 run banaae. Uske teen ballebaajon ne ummeed se ulat pradarshan karte hue score ko 361 ranon tak pahuncha diya. Reyaan hairis ne 72 run dekar 5 wicket liye. Doosare din ke pehle satr mein hairis ne bresnan ko saat aur Anderson ko 12 ranon ke niji yog par out kiya aur teesari baar paari mein paanch wicket jhatakane ka kaarnaama kiya. Laards mein unhonne pehle dafe Yeh kaarnaama kiya hai. Antim wicket ke taur par stuart braud (33) pavilion laute. Greem svaan 28 ranon par naabaad laute. Svaan aur braud ne antim wicket ke liye 40 geindon par 48 ranon ki saajhedaari nibhaai. Paari ke 101vein over ki pehli geind par James petinsan dvaara wicket ke peechhe catch hone se pehle braud ne 29 geindon par paanch chauke aur ek chhakka lagaaya. Svaan ne apni 26 geindon ki paari mein paanch chauke lagaae.


Railway Ghoos Kaand Bhedabhaav Karne Par Adaalat Ne Ki CBI Ki Khinchaai

Railway Ghoos Kaand Bhedabhaav Karne Par Adaalat Ne Ki CBI Ki Khinchaai

Breaking »

Nai Delhi: Ek adaalat ne rel rishvat maamale mein aaropiyon ko giraftaar karne mein bhedabhaav ke liye CBI ki khinchaai karte hue kaha ki Yeh 'Afasosajanak' hai. Pad ke liye 10 karod rupaye ki rishvat sambandhi maamale ke aaropiyon mein poorv rel mantri PK bansal ka bhaanja bhi shaamil hai. Adaalat ne is baat par aapatti jataai ki 10 mein se do aaropiyon ko giraftaar naheen kiya gaya hai jabki unke khilaaf aaropapatr daakhil kiye ja chuke hain. CBI nideshak is maamale ki jaanch ki nigraani kar rahe hain. Adaalat ne aaropiyon seevi venugopaal aur emavi murali Krishna ki jamaanat yaachikaaon ko khaarij karte Yeh tippani ki. CBI ne unke khilaaf aaropapatr daakhil kiye hain lekin maamale ki jaanch ke dauraan unhein giraftaar naheen kiya gaya. Adaalat ne CBI ki is daleel se asahamati jataai ki samay ki kami ya seemit sansaadhanon ke kaaran vah giraftaari naheen kar saki. Adaalat ne kaha ki Yeh afasosajanak hai kyonki CBI ke nideshak khud hi is maamale ki jaanch ki nigraani kar rahe hain. Vishesh CBI nyaayaadheesh svarn kaant sharma ne kaha ki ismein koi sandeh naheen ki CBI samay se aaropapatr daakhil karne mein kaamayaab rahi lekin iska Yeh matlab naheen hai ki ve aaropi logon ke beech bhedabhaav kareinge.


Mumbai Seeriyl Bam Dhamaake 11 Doshiyon Ki Umrakaid Barkaraar

Mumbai Seeriyl Bam Dhamaake 11 Doshiyon Ki Umrakaid Barkaraar

Breaking »

Mumbai: Mumbai mein 1998 mein hue seeriyl bam dhamaakon ke maamale mein doshi karaar diye gaye ek Pakistani naagrik sahit 11 logon ko nichli adaalat dvaara sunaai gayi umrakaid ki saja ko Mumbai uchch nyaayaalaya ne barkaraar rakha hai. Nyaayamoorti PV haradaas aur nyaayamoorti revati dere ki khandapeeth ne nichli adaalat ke aadesh ko barkaraar rakha. Abhiyojan paksh ke mutaabik, Pakistan ki khufiya agency ISI ke ishaare par December 1997 mein in dhamaakon ki saajish rachi gayi thi. Saal 1998 mein 23 January aur 27 February ke beech viraar station ke paas, kanjooramaarg station, goregaanv aur Malad ke beech rel ki patariyon par, saantaakrooj railway station ke paas aur kaandivli railway station ke plaitafairm number do par bam dhamaake hue the. In dhamaakon mein chaar log maare gaye the jabki 30 jakhmi ho gaye the. Atirikt lok abhiyojak jayesh yaajnyaik ne uchch nyaayaalaya mein daleel di ki paanchon dhamaakon mein ek hi tarah ke visfotak istemaal kiye gaye aur ye sabhi dhamaake ek hi saajish ka hissa the. Nichli adaalat ne 29 June 2004 ko Pakistani naagrik jaaved gulaam husain ke alaava aafataab Saeed, asagar kaadar shekh, kaadir mohammad shafi, khaalid Ansari, shabeer basheer chavhaan, jafar shekh, mohammad chauhaan, Ashfaq shekh, faarukh Yusuf shekh aur aafataab shekh ko is maamale mein doshi karaar dete hue umrakaid ki saja sunaai thi. Ek anya Pakistani naagrik ko sabooton ke abhaav mein bari kar diya gaya tha aur baad mein use Pakistan bhej diya gaya.


Mission 2014 BJP Ne Banaain 20 Samitiyaan

Mission 2014 BJP Ne Banaain 20 Samitiyaan

Breaking »

Nai Delhi. . Tamaam matabhedon ke beech ghanton maathaapachchi ke baad BJP sansadeeya board ne party ki chunaav samiti ka ailaan shukravaar ki shaam kar diya. Chunaav samiti ke pramukh Narendra Modi honge. Samiti mein murali manohar Joshi, nitin gadkari, arun jetali, Sushma Swaraj, anant Kumar, thaavarachand gahalot, raamalaal, shivraaj Singh chauhaan, raman Singh aur manohar paarrikr honge. Iske saath hi anya samitiyon ki bhi ghoshana ki gayi. BJP ne is mauke par ek booth aur 10 yooth ka naara diya. Mission 2014 ko dhyaan mein rakhate mein hue BJP ne shukravaar ko chunaavi abhiyaan ko dhaaradaar banaane vaale senaapatiyon ke naam ka ailaan kar diya. Naam ailaan karne se pehle sansadeeya board ko lambi maathaapachchi karni padi. Ismein matabhed ki khabarein bhi aa rahi theen aur kaha ja raha tha ki iska ailaan tal sakta hai. Lekin, in tamaam atkalon par shukravaar ki shaam viraam lag gaya. Delhi mein press conference ka aayojan kar BJP ke senior neta anant Kumar ne 20 pramukh samitiyon ka ailaan kar diya. Anant Kumar ne kaha ki ghoshana patra samiti ke pramukh murali manohar Joshi honge. Jasavant Singh, yashavant sinha, prem Kumar dhoomal, satyapaal, bandaaroo dattaatreya, mahesh chandra sharma, shanamukh Nathan iske sadasya honge. Iske alaava vijn daukyumeint taiyaar karne ka jimma nitin gadkari par hoga. Unhein pro. Hari babu sahayog deinge. Hari babu Andhra pradesh ke rahane vaale hain. Iske pehle Gujarat ke mukhyamantri Narendra Modi ki maujoodagi mein hui sansadeeya board ki baithak mein Lal Krishna Advani ke alaava party adhyaksh Rajnath Singh, Sushma Swaraj, arun jetali, Dr. Murali manohar Joshi, nitin gadkari, raamalaal, anant Kumar sahit tamaam bade neta shaamil hue the. Anya pramukh samitiyaan: - print aur electronic media kainpen ka kaam Sushma Swaraj, arun jetali, amit shaah aur sudhaanshu trivedi dekheinge. Social networking ka kaam peeyoosh Goyal dekheinge. Goyal BJP ke koshaadhyaksh bhi hain. Vishesh sampark samiti ke pramukh honge nitin gadkari. Doctor si. Pi. Thaakur, Dr. J. Ke. Jain, mrudula sinha, kalaraaj mishra, kiran maaheshvari bataur sadasya honge. Nae voteron ko jodne ka kaam amit shaah dekheinge. Navajot Singh siddhoo, pooja mahaajan aur triveindr raavat unka sahayog kareinge. Naurth-East vishesh abhiyaan ka kaam S. S. Ahluwalia dekheinge. Taapir gaanv, padmanaabh aachaarya aur kiran rijiju is kaam mein Ahluwalia ka sahayog kareinge. Iske saath hi anant Kumar ne kaha ki nitin gadkari Delhi vidhaanasabha ka kaam dekheinge.


Pati Kar Raha Tha Rape, Patni Bana Rahi Thi MMS

Pati Kar Raha Tha Rape, Patni Bana Rahi Thi MMS

Breaking »

Pune. . Pune mein ek chaunkaane vaala maamala saamane aaya hai. 28 saal ki ek talaakashuda teacher ne apne poorv bauyafreind par sanasaneekhej aarop lagaae hain. Uske mutaabaki, uske ex bauyafreind ne shaadeeshuda hone ke baavajood pyaar ka naatak kiya aur jabaran ghar mein ghuskar rape kiya. Is dauraan usaki patni bhi maujood thi. Uske haath mein pistol thi aur usane rape ki poori ghatna ko apne mobile mein rekaurd kar liya. Mahila ki shikaayat par police ne maamala darj kar liya hai, lekin is maamale mein ab tak kisi ki giraftaari naheen hui hai. Is khabar ka khulaasa angreji akhbaar DNA ne kiya hai. Police ke mutaabik, mahila mool roop se dhule jile ki rahane waali hai. Vah talaakashuda hai aur 11 saal ka usaka ek beta bhi hai. Vah Pune mein rah rahi hai. Dhule mein hi usaki mulaakaat ek kauman freind ke maadhyam se manoj naamak shakhs se hui thi. Iske baad donon dost ban gaye aur baad mein Yeh dosti pyaar mein badal gayi. Manoj ne shaadi ka jhaansa diya aur is dauraan donon ne kai baar sex kiye. Jab use pata chala ki manoj shaadeeshuda hai to usane sambandh tod liye. Police ke mutaabik, 5 May 2013 ko manoj ek mahila ke saath uske ghar pahuncha. Usane us mahila ko apni patni bataaya. Usaki patni pistol liye hui thi aur usane apne pati ko kaha ki vah uske saamane hi mahila ki ijjat loote. Peedita ne aarop lagaae hain ki is dauraan uske shareer ko kai jagahon par sigret daaga gaya. Rape ke is poore vaakaye ko poorv bauyafreind ki patni ne mobile mein rekaurd kiya. Rape karne ke baad unhonne dhamakaaya ki agar usane police se iski shikaayat ki to ve uske 10 saal ke bachche ko maar deinge. Police ke mutaabik, mahila ki shikaayat ke baad case darj kar liya gaya hai aur police ki ek team manoj aur usaki patni ko giraftaar karne ke liye dhule ravaana ho gayi hai.


Orissa Mid De Meal Mein Mila Bichhoo, 39 Bachche Beemaar Pade

Orissa Mid De Meal Mein Mila Bichhoo, 39 Bachche Beemaar Pade

Breaking »

Dheinkaanal: Bihar mein 'Mid de mil' khaane se 23 bachchon ki maut hone ke baad ab Orissa mein dheinkaanal jile ke ek school mein bhojan karne par kam se kam 39 bachche beemaar pad gaye. Unke khaane mein ek mrut bichhoo paaya gaya. Adhikaariyon ne bataaya ki dheinkaanal ilaake ke siyaariya tailaashaahi sthit upper primary school ki paanchaveen kaksha ki chhaatra lateeka behara (11) ne bhojan ke dauraan parosi gayi aaloo soya ki curry mein kathit taur par bichhoo paaya. Dheinkaanal blauk eksateinshan adhikaari dhananjaya mahaapaatr ne bataaya ki jald hi bachchon ne bechaini mahasoos hone aur ulti hone ki shikaayat ki. Unhein yahaan sthit jila mukhyaalaya aspataal le jaaya gaya. Unamein se 36 ko praathamik upachaar ke baad aspataal se chhutti de di gayi jabki do ladkiyon sahit teen bachchon ka ilaaj chal raha hai.


Bihar Mein Mid-de Meal Haadase Par Sarkaari Report Mangalvaar Tak

Bihar Mein Mid-de Meal Haadase Par Sarkaari Report Mangalvaar Tak

Breaking »

Nai Delhi: Bihar mein mid de meal haadase par maanav sansaadhan vikaas mantraalaya ke aagaami mangalvaar tak report saunpane ki ummeed hai. Us haadase mein 23 bachchon ki jaan gayi thi. Mantraalaya mein atirikt sachiv amarajeet Singh ne maanav sansaadhan vikaas mantri M M pallam raajoo ko report saunpane se pehle masauda not taiyaar karna shuroo kar diya hai. Singh ko haadase ke baare mein jaankaari haasil karne ke liye Bihar bheja gaya tha. Aisa bataaya jaata hai ki is dauraan unhonne peedit parivaaron ke sadasyon se mulaakaat ki thi. Sootron ne bataaya ki Singh saaran mein hui ghatna aur Bihar ke hi madhubani mein hui usi tarah ki ghatna ko milaakar report taiyaar kareinge. Madhubani mein mid-de meal yojana ke tahat khaana khaakar ek sarkaari madhya vidyaalaya ke takareeban 50 bachche beemaar pad gaye the. Unhonne bataaya ki Singh ne Tamil Nadu ki ghatna ke baare mein bhi vivran maanga hai, jahaan kathit taur par mid-de meal khaane ke baad 100 se adhik ladkiyaan beemaar pad gayi theen. Report prastut kiye jaane ke samay hi ummeed ki jaati hai ki sarkaar aupachaarik taur par ek nai samiti ka gathan karne ki ghoshana karegi. Vah samiti mid-de meal kaaryakram ke kaaryaanvayan ki sameeksha karegi aur is baat ki nigraani karegi ki achhi gunavatta vaala khaana parosa jaae aur svaasthyakar maanadandon ko sunishchit kiya jaae. Sootron ne bataaya ki mantraalaya samaaj samoohon ki sahamati lene ke liye unase sampark kar raha hai. Raajoo ne daava kiya tha ki mantraalaya ne yojana ko laagoo karne mein kamiyon ke baare mein Bihar ke 12 jilon ko satark kiya tha. Is aarop ka neeteesh Kumar sarkaar ne khandan kiya tha.


Modi Ki Aguvaai Mein Beejapi Ne Banaai 2014 Ke Liye Team

Modi Ki Aguvaai Mein Beejapi Ne Banaai 2014 Ke Liye Team

Breaking »

Nai Delhi: Bhaajapa ne aagaami Loksabha chunaavon ke liye prachaar ke vibhinn pahaluon par dhyaan kendrit karne ke liye 20 samitiyon ka gathan kiya hai. Narendra Modi ki team mein murali manohar Joshi, Sushma Swaraj aur arun jetali samet BJP ke kai senior neta shaamil hain. Saath hi teenon mukhyamantri shivraaj Singh chauhaan, raman Singh aur manohar parikkar ko bhi 2014 ki team mein jagah di gayi hai. Khaas baat Yeh hai ki BJP ne ek booth 10 yooth ki rananeeti banaai hai. Laal Krishna Advani aur atal bihaari Vajpayee maargadarshak ki bhoomika mein raheinge. Kaanoon committee mein satapaal jain, bhoopeindr Yadav aur pinki Yadav ko shaamil kiya gaya hai. Transport committee mein mukhtaar Abbas naqavi aur anil jain raheinge. Prachaar saamagri committee mein balaveer punj, prabhaat jha aur vinaya sahastrabuddhe raheinge. Social media committee ka jimma peeyoosh Goyal ko tatha UPA par chargesheet committee mein ravishankar prasaad, gopeenaath munde, nirmala seetaaraman aur meenaakshi lekhi ko shaamil kiya gaya hai. Buddhijeevi jodo committee mein Rajiv prataap roodi aur prakaash jaavadekar shaamil hain. Nae votar committee mein amit shaah, navajot Singh siddhoo, triveindr raavat aur poonam mahaajan ko rakha gaya hai. Pablisiti committee mein Sushma Swaraj, arun jetali, sundhaashu trivedi aur amit shaah raheinge. Poorvottar committee mein esaes aahaluvaaliya, taapir gaao aur kirn rijoojoo hain. Booth data committee mein Rajiv prataap roodi, sudha Yadav aur renoo Kushwaha ko shaamil kiya gaya hai. Jan abhiyaan committee nitin gadakari aur vainkeya Naidu ke havaale hain.


Mid De Meal Traasadi Giraft Se Baahar Hai Principle, Ek Barkhaast

Mid De Meal Traasadi Giraft Se Baahar Hai Principle, Ek Barkhaast

Breaking »

Chhapra: Bihar ke chhapra ke jis school mein madhyaahan bhojan khaane se 23 bachchon ne dam tod diya usaki principle aur kiraana dukaan chalaane vaala usaka pati ab bhi police ki giraft se baahar hai. Maamale mein ek vyakti ko giraftaar kiya hai. Police ne principle aur uske pati ka pata lagaane ke liye unke rishtedaaron se bhi sampark kiya hai. Saaran jile ke police adheekshak (SP) sujeet Kumar ne bataaya, 'Police chhaapemaari kar rahi hai aur principle meena devi evam kiraana dukaan chalaane vaale unke pati arjun rai ke rishtedaaron se bhi sampark kiya gaya hai par unki giraftaari ab tak naheen ho pai hai. ' SP ne kaha ki meena devi ke ghar par bhi policekarmi tainaat kiye gaye hain. Mangalvaar ko school mein diye gaye madhyaahn bhojan ko khaane se hui 23 bachchon ki maut ke maamale mein principle ke khilaaf praathamiki bhi darj ki gayi thi. Maare gaye bachchon mein se jyaadaatar 10 saal se kam ki umr ke the. Ghatna ke baad se hi principle aur usaka pati faraar hai. Principle ke pati arjun rai ke kiraane ki dukaan se hi khaana banaane mein istemaal kiya gaya tel khareeda gaya tha. Jile ke masharakh prakhand ke dharmasati gandaaman gaanv mein sthit principle ke makaan mein taala lataka hai. Is beech, saaran ke jila magistrate abhijeet sinha ne kaha ki is maamale mein kisi taaja maut ki koi soochana naheen hai. Sinha ne kaha ki schoolon mein chhaatron ko pehle ki tarah madhyaahn bhojan diya ja raha hai par jyaadaatar schoolon mein bachche dar se vah khaana naheen kha rahe.


Anna Bole, 'Main Kaise Kah Sakta Hoon Ki Modi Saampradaayik Naheen Hain?

Anna Bole, 'Main Kaise Kah Sakta Hoon Ki Modi Saampradaayik Naheen Hain?

Breaking »

Nai Delhi . . Varishth samaajasevi anna hajaare ne Narendra Modi par hamla bolte hue kaha hai ki unhonne kabhi saanpradaayikta par Modi ko clean chit naheen di. Unhonne kaha ki media ne unke bayaan ko galat roop mein chhaapa. Shukravaar ko yahaan mediakarmiyon se baatcheet karte hue anna ne kaha, main kaise kah sakta hoon ki Modi saampradaayik naheen hain? Vah saampradaayik hain. Unhonne kabhi godhara kaand ki ninda naheen ki. Padhein blaug: Ab Modi ka ghada laao gaurtalab hai ki guruvaar ko Indore mein anna ne kaha tha ki Modi ki saanpradaayikta ka koi saboot abhi tak unke saamane naheen aaya hai. Unke is bayaan ko media ne is tarah chhaapa ki vah Modi ko saampradaayik naheen maanate. Unhonne Yeh bhi kaha tha ki vah kisi party ke samarthak naheen hain. Na to Congress sahi raah par hai aur na BJP. Padhein: Indore mein Modi par kya kaha tha anna ne.


2ji Ghotaalaa Anil, Tina Ambani Samet 13 CBI Ke Gavaah

2ji Ghotaalaa Anil, Tina Ambani Samet 13 CBI Ke Gavaah

Breaking »

Nai Delhi. . 2G spectrum ghotaala case mein anil Ambani, patni Tina Ambani ke saath bataur gavaah pesh honge. Anil, Tina samet 13 log abhiyojan paksh ki taraf se case mein gavaah baneinge. Delhi ki Patiala house court ne shukravaar ko Yeh faisala sunaaya. Vaheen, bachaav paksh ke vakeel ne kaha ki vah court ke faisale ko chunauti deinge. Anil Ambani, anil dheeroobhaai Ambani group ke Chairman hain. Reliance ki telikaum company, Reliance telikaum limited ke teen senior egjekyutivs ko kathit taur par bina ijaajat license ke liye doosari company svaun telikaum ka istemaal karne ke aarop mein giraftaar kiya gaya tha. CBI tooji ghotaale ki jaanch kar pata laga rahi hai ki kya mobile network license aisi companiyon ko diya gaya jo iske yogya naheen theen? License ka aavantan poorv telikaum mantri A raaja ke shaasanakaal 2008 mein hua. Isse pehle, hafte ki shuruaat mein CBI ne court mein kaha tha ki Ambani bataur gavaah apni company ke egjekyutivs Gautam doshi, sureindr pipaara aur hari Nair ke faisalon ki jaankaari de sakeinge. Yeh teenon hi bail par riha hain.


Goa Ke School Mein Mid-de Meal Khaane Se 20 Chhaatr Beemaar

Goa Ke School Mein Mid-de Meal Khaane Se 20 Chhaatr Beemaar

Breaking »

Panaji: Goa mein shukravaar ko panaji ke nikat ek school mein mid-de meal khaane ke baad kareeb 20 chhaatr beemaar ho gaye. Is maheene Goa mein Yeh is tarah ki doosari ghatna hai. Goa sarkaar ne panaji se kareeb 40 kilometer door usagaao gaanv mein seint Joseph haai school ke chhaatron ke samuchit ilaaj aur sthiti ka jaayaja lene ke liye ek team vahaan bheji hai. Shiksha vibhaag ke sootron ke mutaabik, chhaatron ne khaana khaane ke baad chakkar aane ki baat kahi. Ise spasht taur par food pvaaijaning ka maamala bataaya gaya. Bachchon ko ponda shahar mein sarkaar sanchaalit ek aspataal mein refar kiya gaya hai. Shiksha vibhaag ke nideshak anil Pawar ne kaha ki sthiti ka jaayaja lene ke liye adhikaariyon ki ek team vahaan bheji gayi hai. Unhonne kaha, team ki taraf se report milne ke baad hi anya vivran mil paaenge. Shiksha vibhaag ke ek varishth adhikaari ne kaha, Yeh spasht taur par food pvaaijaning ka maamala hai. Isse pehle kaanaakona taaluka mein ek school mein mid-de meal khaane ke baad 80 chhaatr beemaar pad gaye the.