Sooryanelli Gang-rape Maamala Kerala Vidhaanasabha Ki Kaaryavaahi Fir Sthagit

Sooryanelli Gang-rape Maamala Kerala Vidhaanasabha Ki Kaaryavaahi Fir Sthagit

Breaking »

Tiruvanantapuram: Sooryanelli saamoohik balaatkaar maamale mein Rajyasabha ke upasabhaapati PJ kuriyan ke khilaaf aaropon ki pun: Jaanch ki maang kar rahi mahila vidhaayakon ke khilaaf police ki kathit jyaadati ko lekar maakapa neet vipakshi LDF ke hangaame ke kaaran vidhaanasabha ki kaaryavaahi guruvaar ko din bhar ke liye sthagit kar di gayi. Mukhyamantri oman chaandi ne haalaanki ghoshana ki ki sarkaar maakapa vidhaayakon ies bijimol aur geeta gopi ke khilaaf Budhvaar ko police dvaara ki gayi kaarravaai ki nyaayik jaanch karaane ke liye taiyaar hai. Lekin vipaksh ke neta VS achyutaanandan ne 'Manamaani' karne vaale policekarmiyon ko tatkaal nilambit kiye jaane ki maang ki. Chaandi ne edeejeepi ki report aur ghatna ke video drushyon ko uddhrut karte hue kaha ki haalaanki police adhikaariyon ke khilaaf tatkaal kaarravaai karne ke liye kuchh naheen paaya gaya, lekin ghatna ki gambheerta ko dekhte hue sarkaar nyaayik jaanch ke liye taiyaar hai. Shoonyakaal mein teekhi bahas ke baad vipakshi sadasyon ne sarkaar ki baat ko naare lagaate hue khaarij kar diya aur mahila vidhaayakon ke saath aasan ke samaksh aa gaye. Chaar mahila vidhaayak vidhaanasabha adhyaksh ke aasan ke sameep pahunchakar 'Hamein nyaaya aur suraksha chaahiye' ke naare lagaane lageen. Vidhaanasabha adhyaksh ji Karthikeyan ne hangaame ki vajah se baithak poore din ke liye sthagit kar di.


UP Mein Cabinet Ka Vistaar, Daagi Chehara Bhi Shaamil

UP Mein Cabinet Ka Vistaar, Daagi Chehara Bhi Shaamil

Breaking »

Lucknow: Uttar pradesh ki Akhilesh Yadav sarkaar ne guruvaar ko apne pehle vistaar mein ek cabinet tatha 11 raajyamantriyon ko mantrimandal mein shaamil kiya. Shapath lene vaale mantriyon mein vinod Kumar urf pandit Singh bhi hain, jinse gonda ke mukhya chikitsaadhikaari (seeemao) ko dhamakaane ke aaropon ke kaaran isteefa le liya gaya tha. Raajyapaal beeel Joshi ne Rajbhavan ke mukhya sabhaagaar mein mukhyamantri Akhilesh Yadav, samaajavaadi party pramukh mulaayam Singh Yadav, svaasthya mantri Ahmad hasan tatha kuchh anya varishth mantriyon ki maujoodagi mein nae mantriyon ko pad aur gopaneeyata ki shapath dilaai. Is mantrimandal vistaar mein yuvaaon ko tarajeeh di gayi hai. Samaajavaadi party ke praanteeya pravakta tatha vidhaan parishad sadasya raajeindr chaudhari ko cabinet mantri, vijay Kumar mishr ko raajyamantri (svatantr prabhaar) tatha vinod Kumar urf pandit Singh, pavan paandeya, gaayatri prajaapati, manoj Kumar paandeya, vijay Kumar mishr, raamamoorti varma, vijay bahaadur paal, aalok Kumar shaakya, Ram sakal gurjar, sapa mahaasachiv Ramnaresh Agrawal ke bete nitin Agrawal tatha yogesh prataap Singh ko raajyamantri pad ki shapath dilaayi gayi.


Match Ke Dauraan Gaali-galauj, Haathaapaai Par Utare Praveen Kumar

Match Ke Dauraan Gaali-galauj, Haathaapaai Par Utare Praveen Kumar

Breaking »

Mumbai: Cricket ki pitch par gusse mein rahane ke liye badnaam bhaarateeya cricketer praveen Kumar ek nae vivaad mein fans gaye hain, aur unka career khatre mein aa gaya hai. Is baar praveen Kumar par khel ke dauraan gaali-galauj karne, haathaapaai karne, aur Umpire se badatameeji karne ke aarop lage hain, jinke baad unhein kaafi lambe samay tak team se baahar rakha ja sakta hai. Daraasal, BCCI ke corporate cup tournament ke dauraan ONGC aur inkam tax ki teemon ke beech khele gaye match ke ampaayaron ajeet S. Daataar aur Kamlesh sharma ne match referee dhananjaya ke. Singh ko patra likha, jiske baad referee ne BCCI ko praveen ki shikaayat karte hue khat likha. Patron ke mutaabik 4 February ko ONGC ki or se geindabaaji karte hue praveen Kumar maidaan mein vipakshi ballebaaj ajit aragal se haathaapaai karne par utaaroo ho gaye the, jiske chalte referee ne unhein code of kandakt ke ullanghan ka doshi bataate hue cricket khelne ke liye maanasik roop se unfit karaar diya hai. Patra ke anusaar, somvaar ko khele gaye match mein inkam tax team ki paari ke 48vein over mein yah ghatna hui, jab praveen aur ajit ke beech kuchh bahas ho gayi aur naubat haathaapaai tak utar I. Praveen par aarop hai ki unhonne ajit ko bhadde ishaare kiye aur un par haath chhodne ki bhi koshish ki. Ampaayaron ke patra mein saari ghatna ka vistaar se ullekh karte hue likha gaya hai, praveen ne us vakt kreej par maujood ajitesh aur ampaayaron ko gandi-gandi gaaliyaan Dean. Patra ke anusaar, pehle praveen ne chillaate hue ajitesh se kaha, "(gaali. . . ) too batting kar, ampaayaring mat kar. . . " iske baad jab praveen Kumar ko rokane ki koshish ki gayi to vah ampaayaron se bole, "Vo (gaali. . . ) batting kyon naheen karta. . . ' ampaayaron ke khat mein yah bhi jaankaari di gayi hai ki over ki pehli baul daalne ke baad hi praveen ballebaaj ke paas gaye aur use sir va chhaati se takkar maari. Is khat mein praveen Kumar par poori match fees ka jurmaana lagaane ki sifaarish karne ke saath-saath unhein chetaavani dene ke liye bhi kaha gaya hai. Ampaayaron ne yahaan tak likha hai ki praveen Kumar ko unki khud ki team ke saathi bhi pasand naheen karte. Khabaron ke mutaabik referee ne kaha hai ki praveen Kumar ki maanasik haalat filhaal cricket khelne ki naheen hai. Bataaya jaata hai ki BCCI is shikaayat ke baad praveen Kumar ko kadi saja day sakti hai. Praveen ne Bhaarat ke liye apna aakhiri match Asia cup mein March, 2012 mein khela tha, lekin agar ye aarop sahi paae gaye, to unhein lambe samay tak team India se baahar rahana pad sakta hai.


Bihar Mein Pati, Sasuraal Vaalon Ne Jinda Jalaaya Mahila Aur Teen Betiyon Ko

Bihar Mein Pati, Sasuraal Vaalon Ne Jinda Jalaaya Mahila Aur Teen Betiyon Ko

Breaking »

Hajipur / Patna: Bihar ki rajdhani Patna se sate vaishaali jile mein dil dahala dene waali ek ghatna saamane I hai. Yahaan chori ke aarop mein kathit taur par ek mahila aur usaki teen maasoom betiyon ko uske pati aur sasuraal ke anya logon ne milkar jinda jala diya. Teenon bachchiyon ki ghar par hi maut ho gayi, jabki peedit mahila ne Patna medical college hauspitl mein ilaaj ke dauraan dam toda. Vaishaali jile ke SP upeindr Kumar sinha ne bataaya ki jandaaha thaana kshetr ki is 28 saal ki mahila ne marne se pehle bataaya ki nanad ke gahane churaane ke aarop mein pehle uske pati, saas aur sasur ne jamkar peeta aur uske baad use (mahila ko) aur usaki teen betiyon ko kamre mein band kar un par mitti ka tel chhidak kar aag laga di. Ghar mein aag ki lapatein dekhkar raat ko hi padosiyon ne mahila ko baahar nikaala, lekin tab tak bachchiyon ki maut ho chuki thi. Mahila ki maut baad mein aspataal mein ho gayi.


Abhinetri Khushboo Ke Ghar Par Apni Hi Party Ke Kaaryakartaaon Ne Kiya Hamla

Abhinetri Khushboo Ke Ghar Par Apni Hi Party Ke Kaaryakartaaon Ne Kiya Hamla

Breaking »

Chennai: Tamil Nadu mein abhinetri se raajaneta bani khushboo ke ghar par unheen ki party DMK ke lagbhag 20 sadasyon ne hamla kiya, aur khidkiyon par pattharabaaji ki. Police ke mutaabik ye DMK kaaryakarta, khushboo dvaara ek tamil patrika ko haal hi mein diye gaye ek saakshaatkaar ke dauraan party ka naya pramukh chune jaane ki prakriya par tippani karne se naaraaj the, haalaanki party ne is aarop ka khandan kiya hai. Khushboo ne saakshaatkaar ke dauraan kaha tha ki party ke maujooda pramukh M Karunanidhi ke padatyaag karne ke baad unke putr MK staalin ko adhyaksh pad par sthaapit kar diya jaaega, jab DMK general kaaunsil ise manjoor kar degi. Daraasal, party adhyaksh pad ke liye staalin aur unke bade bhaai MK alaagiri, donon hi daud mein hain, aur donon ke samarthak aksar ek-doosare par kadi saarvajanik tippaniyaan karte bhi sunaai dete hain. Lekin pichhle maah maujooda adhyaksh karuneenidhi ne ek party samaaroh ke dauraan sanket diya tha ki unhonne staalin ko apna uttaraadhikaari chun liya hai, jiske baad kadi pratikriya mein unke doosare putr ne kaha tha, "DMK ko E math naheen hai, jahaan uttaraadhikaari seedhe niyukt kar diye jaate hon. . . "


Tamil Nadu Mein Aakhirkaar Release Hui 'Vishvaroopam', Prashansakon Ka Jashn

Tamil Nadu Mein Aakhirkaar Release Hui 'Vishvaroopam', Prashansakon Ka Jashn

Breaking »

Chennai: Pakhavaade bhar tak chale tamaashe ke baad kamal Hassan ki bahucharchit tamil film 'Vishvaroopam' ko guruvaar ko Tamil Nadu ke cinemagharon mein release kar diya gaya hai, jisse prashansakon mein jabaradast utsaah hai. Kuchh cinemagharon mein film ko subah chhah baje hi pradarshit kar diya. Film release hone ke baad kamal Hassan ke prashansakon ne subah se hi cinemagharon ka rukh kar liya aur aatishbaaji ke saath film ki release ka jashn manaaya. Kuchh utsaahi logon ne to 58-varsheeya abhineta ke kataaauton par doodh tak chadhaaya. Ek cinemaghar ke maalik ne kaha, ham logon ki pratikriya se kaafi khush hain aur somvaar tak saare sho book ho gaye hain. Kamal ne is film mein kamaal kar diya hai. Udhar, kamal Hassan ke prashansakon ka kehna hai ki takaneeki roop se yah film itni aadhunik hai ki Hollywood ki kisi bhi film ka mukaabala kar sakti hai. Ek prashansak ne kaha, yah kisi Hollywood film ki tarah hai. Kamal Hassan ko salaam. Vah bhaarateeya cinema ko ek nai oonchaai par le gaye hain. Poorv nirdhaarit kaaryakram ke anusaar, yah film 25 January ko release honi thi, lekin film ke kuchh drushyon ko samudaaya ki bhaavanaaon ko aahat karne vaala karaar dete hue kuchh muslim sangathanon ke virodh ke chalte Tamil Nadu sarkaar ne do saptaah ke liye film par pratibandh laga diya tha. Film nirmaataaon dvaara kuchh drushyon ko hataane par raaji hone ke baad film ko manjoori di gayi. Karnataka aur Kerala mein yah film bina kisi vivaad ke release ho gayi thi.


Aam Janta Ki Keemat Par VIP Suraksha Ko Lekar Supreme Court Ke Teekhe Savaal

Aam Janta Ki Keemat Par VIP Suraksha Ko Lekar Supreme Court Ke Teekhe Savaal

Breaking »

Nai Delhi: Supreme court ne aaj raajya sarkaaron se do dinon ke bheetar is baat ka halafnaama dene ko kaha hai ki VIP suraksha par kitne surakshaakarmi tainaat kiye gaye hain. Aisa naheen karne par raajyon ke gruh sachiv ko court mein pesh hona padega. Isse pehle, VVIP aur gaadiyon ki laalabatti ke maamale mein Supreme court ne raajyon se is baare mein halafnaama dene ko kaha tha, lekin bahut kam raajyon se javaab milne ke baad court ne yah chetaavani jaari ki hai. Is maamale mein court ke salaahakaar ki bhoomika nibha rahe varishth vakeel hareesh saalve ne kaha ki VVIP suraksha ke naam par karodon rupaye kharch kiye ja rahe hain aur agar iska istemaal mahilaaon ki suraksha ke liye hota aur police surprise checking jaise kadam uthaati, to Delhi gang-rape jaisi bhayaanak ghatna taali ja sakti thi. Supreme court ne kaha ki Delhi ki mukhyamantri bhi maanati hai ki rajdhani mein mahilaaen surakshit naheen hain. Court ne kaha ki desh ke raashtrapati, uparaashtrapati, pradhaanamantri, Loksabha adhyaksh aur aise doosare padon ke liye suraksha dene ki vajah ham samajhte hain, lekin judgeon ko suraksha dene ka kya matlab hai. Jo log satta mein naheen hain ya fir jinke khilaaf maamale lambit hon, unhein suraksha kyon di gayi hai. Supreme court ne Delhi sarkaar ko kai muddon par halafnaama dene ko kaha hai. Court ne poochha hai ki samvaidhaanik padon par baithe kitne logon ki suraksha khatra hai. Maamale ki sunavaai ab 14 February ko hogi.


Pakistan Chunaav Aayog Ke Punargathan Ke Liye Kaadari Gaye Supreme Court

Pakistan Chunaav Aayog Ke Punargathan Ke Liye Kaadari Gaye Supreme Court

Breaking »

Islamabad: Pakistan mein chunaav sudhaar ko lekar haal mein rally ki aguvaai karne vaale prabhaavashaali maulavi taahir-ul-kaadari chunaav aayog ke punargathan ke liye Supreme court pahunch gaye. Is mudde par yaachika daayar karne ke baad samvaadadaataaon se baatcheet mein kaadari ne kaha ki unka yah rukh samvaidhaanik praavadhaanon par aadhaarit hai, jiske tahat chunaav aayog ka punargathan ho sakta hai. Unhonne kaha ki samvidhaan ke mutaabik is chunaavi panel mein paanch sadasya honge aur sadasyon ki niyukti ke pehle sansad mein is par vichaar hona jaroori hai. Pakistan avaami tahareek party ke pramukh kaadari ne haaliya saakshaatkaar mein daava kiya ki chunaav aayog ke sadasyon ki niyukti mein paaradarshita naheen barati gayi.


Mumbai Mein Airport Ke Paas Nirmaanaadheen Pul Dhaha, Teen Ki Maut

Mumbai Mein Airport Ke Paas Nirmaanaadheen Pul Dhaha, Teen Ki Maut

Breaking »

Mumbai: Mumbai mein antararaashtreeya havaai adde ke paas nirmaanaadheen pul ka ek hissa dhah jaane se teen logon ki maut ho gayi aur saat anya ghaayal ho gaye. Police ne pul bana rahi company ke engineer, karmachaari aur thekedaar ke khilaaf maamala darj kiya hai. Pul ke dhahe malabe ko mauke se hata liya gaya hai. Ghatnaasthal par bachaav kaarya ke liye agnishaman vibhaag ke aath daston aur chaar ambulance ko bheja gaya tha. Adhikaariyon ne kaha ki malabe mein fanse adhikaansh log majadoor the. Ghaayalon ko koopar hauspitl aur VN Desai hauspitl mein bharti karaaya gaya hai.


Bengal Ke Aspataal Mein Ek Din Mein 103 Mahilaaon Ki Nasabandi, Jaanch Ke Aadesh

Bengal Ke Aspataal Mein Ek Din Mein 103 Mahilaaon Ki Nasabandi, Jaanch Ke Aadesh

Breaking »

Maalada: Pashchim Bengal ke maalada jile ke ek sarkaari aspataal mein khule aasmaan ke neeche mahilaaon ki nasabandi karne ki vajah se kai mahilaaen beemaar ho gayi hain. Maalada ke maanik chauk mein sarkaari blauk aspataal mein ek hi din mein 103 mahilaaon ki nasanbadi ki gayi, jabki aspataal mein sirf 60 bistar hain. Inmein se 30 mahilaaon ke liye aur 30 purushon ke liye hain. Aspataal mein saare niyamon ko taak par rakhakar khule maidaan mein bhi operation kiye gaye. Is dauraan mahilaaen ghanton dhoop mein raheen, jisse kareeb ek darjan mahilaaen beemaar pad gayi hain. Is maamale ki jaanch ke liye do-sadasyeeya committee banaai gayi hai, jo aaj ghatnaasthal ka daura karegi.


Kashmiri Ladkiyon Ke Band Ko Online Dhamaki Dene Vaale Teen Aaropi Giraftaar

Kashmiri Ladkiyon Ke Band Ko Online Dhamaki Dene Vaale Teen Aaropi Giraftaar

Breaking »

Shreenagar: Kashmir mein ladkiyon ke rock band 'Paragaash' ko online apashabd kehne aur dhamaki dene ke aarop mein ek aur yuvak ko giraftaar kiya gaya hai. Police ne batamaaloo ke esadi colony nivaasi ishaad Ahmad chaara ko Budhvaar raat giraftaar kiya. Use pakadne ke liye alag alag sthaanon par chhaape maare gaye the. Police ke sootron ne bataaya ki isse pehle dakshin Kashmir ke bijbaheda nivaasi taarik Khan ko aur madhya Kashmir ke ganderabaal se Rameez shaah ko Budhvaar der shaam giraftaar kiya gaya tha. Jammu-Kashmir police ke mahaanideshak ashok prasaad ne un ilaakon ki gasht badhaane ke aadesh diye hain, jahaan teen ladkiyon ke is band ki do ladkiyaan rahati hain. Adhikaariyon ne bataaya ki band ke Facebook pej par aae kul 900 post mein se 26 upayogakarta ke post aapattijanak bhaasha vaale paae gaye. In 26 users ke Internet protokaul edres ka pata lagaaya gaya. Unhonne bataaya ki praathamiki darj karne mein teen din ka vilamb isliye huaa, kyonki Kashmiri ladkiyon ke band 'Paragaash' ke Facebook pej par badi sankhya mein aae post ki jaanch karne me samay laga. Dhamakiyon ke kaaran is band ki ladkiyon ne gaana chhod diya hai. Band ki ek sadasya ne kaha ki unhonne band ke liye na gaane ka faisala isliye kiya, kyonki ve log Kashmir ke grand mufti ke aadesh ka sammaan karti hain, jinhein lagta hai ki islaam mein gaane ki anumati naheen hai. Is ladki ne kaha, ham mufti saahab ka sammaan karte hain, jinhonne kaha hai ki yah (gaayan) haraam hai. Ham Kashmir ki janta ke vichaaron ka bhi sammaan karte hain, iseeliye humne ise chhod diya. Unhonne spasht kiya ki online dhamakiyaan milne ki vajah se band ko vightit naheen kiya gaya hai. Deejeepi ne sabhi keindreeya agencyon se anurodh kiya hai ki vah girls band ko online apashabd karne vaale logon ko pakadne mein sahayog karein.


Misr Mein Ahamadeenejaad Ki Or Uchhaale Gaye Joote

Misr Mein Ahamadeenejaad Ki Or Uchhaale Gaye Joote

Breaking »

Kaahira: Misr ke aitihaasik daure par pahunche Mehmood ahamadeenejaad ki or joote uchhaal diye gaye, haalaanki vah baal baal bach gaye. Samaachaar agency anaadoloo ne is ghatna se juda ek video post kiya hai. Is video mein dikhaaya gaya hai ki kaahira ke al husaina masjid ke nikat kal ahamadeenejaad apne samarthakon se mil rahe the. Iske tatkaal baad vahaan maujood logon mein se ek vyakti unki or joota feink diya. Ek aur vyakti ne ahamadeenejaad ki or joote feink diye. Joote feinkane vaalon mein se ek vyakti ne chillaate hue kaha, 'Tumane hamaare bhaaiyon ko maara hai. ' Abhiyojan kaaryaalaya ka kehna hai ki ghatna mein shaamil chaaron log salafi the. In par 75-75 dollar ka jurmaana lagaakar chhod diya gaya.


Ganna Shodh Sansthaan Upaadhyaksh Ka Sting Karaane Vaale Police Adheekshak Hataae Gaye

Ganna Shodh Sansthaan Upaadhyaksh Ka Sting Karaane Vaale Police Adheekshak Hataae Gaye

Breaking »

Lucknow: Uttar pradesh sarkaar ne ganna shodh sansthaan ke upaadhyaksh KC paandeya ke kathit roop se pashu taskaron ke paksh mein kaam karne sambandhit sting operation karaane vaale gonda ke police adheekshak ko hata diya. Aadhikaarik sootron ne bataaya ki gonda ke police adheekshak navaneet raana ko hataakar police mahaanideshak kaaryaalaya se sambaddh kar diya gaya hai. Unke sthaan par Agra mein tainaat rahe Rajendra prasaad Singh Yadav ko gonda ka police adheekshak banaaya gaya hai. Haalaanki, pehle Gorakhpur mein tainaat seebeeseeaaidi ke police adheekshak hari Narayan Singh ko gonda ka naya police kaptaan banaaya gaya tha lekin shaam ko sarkaar ne vah aadesh nirast karte hue Yadav ko tainaati day di. Haalaanki sarkaar ne raana ko hataae jaane ka kaaran spasht naheen kiya hai. Gaurtalab hai ki raana ne gat 30 December ko gonda sthit apne sarkaari aavaas par ek sting operation kiya tha jiske fauran baad kukhyaat pashu taskar mohammad maajid ke saathi aashutosh paandeya tatha unase saudebaaji karne gaye teen anya logon ko giraftaar kar liya gaya tha. Sting operation mein dikhaaya gaya hai ki aashutosh ne raana ke mobile phone par KC paandeya se baat karaai thi. Is dauraan police adheekshak ko pashu taskaron ki madad karne ke liye rishvat ki peshakash ki gayi thi. Ganna shodh sansthaan ke upaadhyaksh KC paandeya ko raajyamantri ka darja praapt hai.


Delhi Gang-rape Maamala Peedita Ke Mitr Se Hui Jirah

Delhi Gang-rape Maamala Peedita Ke Mitr Se Hui Jirah

Breaking »

Nai Delhi: Delhi mein pichhle saal December mein chalti bas mein barbar saamoohik balaatkaar maamale ke ekamaatr chashmadeed gavaah aur peedita ke 28 varsheeya mitr se tvarit adaalat mein bachaav paksh ne jirah kiya. Software engineer yuvak mangalvaar ko bhi adaalat mein pesh huaa tha. Is maamale mein paanch aaropiyon ke khilaaf adaalat ke band kamre mein ho rahi sunavaai mein. Yah yuvak mangalvaar ko abhiyojan paksh ki or se gavaah ke roop mein pesh huaa tha. Aaropiyon ne apne khilaaf balaatkaar evam hatya sahit vibhinn aaropon ko sveekaar naheen kiya hai. Peedita ke mitr ko atirikt satr nyaayaadheesh yogesh khanna ke samaksh wheelchair mein laaya gaya. 16 December 2012 ki is jaghanya ghatna mein vah ghaayal ho gaya tha. Usase bruhaspivaar ko bhi jirah ki jaaegi. Media kaaryavaahi ke byaure ki khabar naheen day sakti kyonki adaalat ne bhaarateeya dand sanhita ke praavadhaanon ke tahat is par rok laga rakhi hai. Peedita ke mitr ke alaava teen aur logon ko Budhvaar ko gavaahi deni thi lekin samay ki kami ke kaaran unki gavaahi naheen ho saki.


Mumbai Havaai Adde Par Roke Gaye Gaayak Meeka, Baad Mein Riha

Mumbai Havaai Adde Par Roke Gaye Gaayak Meeka, Baad Mein Riha

Breaking »

Mumbai: Bollywood gaayak meeka Singh ko kathit taur par seema se jyaada bhaarateeya aur videshi mudra rakhane ke maamale mein Mumbai ke antararaashtreeya havaai adde par roka gaya. Baad mein unhein jamaanat par riha kar diya gaya. Meeka shaam kareeb saadhe saat baje bainkauk se ek niji company ke vimaan se utare jiske baad seemaashulk vibhaag ke adhikaariyon ne unhein roka. Seemaashulk vibhaag ke varishth adhikaari ne bataaya ki jaanch ke dauraan mika ke paas se 12,000 dollar aur teen lakh rupaye nakad mile. Unhonne bataaya ki mika poochhataachh ke dauraan koi santoshajanak uttar naheen day sake. Unka bayaan darj kiya ja raha hai.


VHP Ne Paas Kiya Ram Mandir Ka Prastaav

VHP Ne Paas Kiya Ram Mandir Ka Prastaav

Breaking »

Allahabad: VHP keindreeya maagadarshak mandal ne Ram mandir nirmaan ke liye ek prastaav paas kiya hai. Is prastaav mein sarkaar se mandir nirmaan ka raasta saaf karne ke liye sansad ke monsoon satr mein kaanoon paas karne ki maang ki hai. Idhar, hindutv ke mudde par BJP, vishv hindu parishad ke saath kadamataal karne ko taiyaar dikh rahi hai. BJP ke adhyaksh Rajnath Singh ne Budhvaar ko na sirf sangam mein dubaki lagaai, balki Ram mandir aur Narendra Modi ko pradhaanamantri pad ki ummeedavaari par prastaav paas karaane ki taiyaari kar rahe vishv hindu parishad aur santon ke saamane haajari bhi lagaane ja rahe hain.


Car Aane Mein Hui Der Se Surakshaakarmiyon Par Cheekheen Mamata

Car Aane Mein Hui Der Se Surakshaakarmiyon Par Cheekheen Mamata

Breaking »

Kolkata: Pashchim Bengal ki mukhyamantri mamata Bannerjee Kolkata pustak mele mein apni car aane mein hui der ke baad aapa kho baithi aur apne surakshaakarmiyon par cheekhane lageen. Bataaya gaya hai ki unhonne apne surakshaakarmiyon se kaha, 'Tum logon par maar padni chaahiye. . . Aap ko maarana chaahiye. . . . ' Mele mein gain mamata mukhya dwaar par car aane mein der hone ke baad apne surakshaakarmiyon se gussa ho gain aur logon ke saamane hi unapar cheekhane lageen. Mele ke aayojanakarta pablishrs end book selars gild ke ek adhikaari ne bataaya ki yah ghatna gate number ek par hui. Poorv mein bhi vah pradhaanamantri ki pitaai sambandhit ek vivaadit bayaan day chuki hain.


Mumbai Mein Nirmaanaadheen Flyover Ka Ek Hissa Gira

Mumbai Mein Nirmaanaadheen Flyover Ka Ek Hissa Gira

Breaking »

Mumbai: Mumbai ke marol ilaake mein havaai adde ke paas ban rahe flyover ke ek hisse ke girne ki khabar hai. Haadase mein ek vyakti ghaayal ho gaya hai. Mauke par damakal ki 12 gaadiyaan pahunch gayi hain. Raahat aur bachaav ka kaam jaari hai. Haadase ke kaaranon ka abhi pata naheen chala hai.


'Paragaash Par Aapattijanak Tippani Karne Ke Maamale Mein Do Giraftaar

'Paragaash Par Aapattijanak Tippani Karne Ke Maamale Mein Do Giraftaar

Breaking »

Shreenagar: Kashmir mein poori tarah se ladkiyon ke band 'Paragaash' ke khilaaf mufti-A-aajam ke fatwe ke baad band ki ladkiyon ko Facebook par dhamaki aur gaaliyaan dene ke maamale mein police ne do yuvakon ko giraftaar kiya. Gaurtalab hai ki in haalaat se pareshaan hokar ladakiyon ne gaayaki chhodne aur band ko band karne ka faisala kar liya. Adhikaariyon ne bataaya ki police ne band ke panne par I 900 tippaniyon mein se 26 apamaanajanak tippani karne vaale computeron ke aaipi edres ka pata lagaane ki prakriya shuroo kar di hai. Unhonne bataaya ki praathamiki darj karne mein teen din ki der paragaash ke panne par badi sankhya mein maujood tippaniyon ke kaaran hui. Is maamale mein raajabaag police thaane mein IT kaanoon ki dhaara 66e aur aarapeesi ki dhaara 506 ke tahat maamala darj kiya gaya hai.


Solomon Mein Bhookamp Ke Jabaradast Jhatke, Sunaami Ki Laharein Utheen

Solomon Mein Bhookamp Ke Jabaradast Jhatke, Sunaami Ki Laharein Utheen

Breaking »

Honiaara: Solomon dweep samooh mein Budhvaar ko richter paimaane par 8.0 ki teevrata vaala bhookamp aaya, jisse kai gaanvon ke tabaah ho jaane ki aashanka hai. Bhookamp se prashaant tat par vinaashakaari sunaami I hai. Prashaant sunaami kendra ne bataaya hai ki solomon ke kuchh hisson mein chhoti sunaami I hai aur iska prabhaav havaai dweep tak mahasoos kiya gaya hai. New Zealand mein chaukasi rakhi ja rahi hai, lekin nigraani karne vaalon ne bataaya ki Australia mein koi khatra naheen hai. Ameriki bhoogarbh sarvekshan vibhaag ne kaha hai ki yah bhookamp jeeemati samayaanusaar raat ek bajkar 12 minute par solomon mein Santa krooj dweep samooh ke najadeek aaya. Yahaan par pichhle kai dinon se bhookamp ke jhatke mahasoos kiye ja rahe the.


Sensex Mein 20 Ankon Ki Giraavat

Sensex Mein 20 Ankon Ki Giraavat

Breaking »

Mumbai: Desh ke share baajaaron mein Budhvaar ko milaajula rukh raha. Pramukh soochakaank Sensex 20.10 ankon ki giraavat ke saath 19,639.72 par aur Nifty 2.30 ankon ki teji ke saath 5,959.20 par band huaa. Mumbai stock exchange (BSE) ka 30 sheyaron par aadhaarit samvedi soochakaank Sensex 77.95 ankon ki teji ke saath 19,737.77 par khula aur 20.10 ankon yaani 0.10 feesadi ki giraavat ke saath 19,639.72 par band huaa. Din ke kaarobaar mein Sensex ne 19,767.25 ke oopari aur 19,611.27 ke nichle star ko chhuaa. National stock exchange (NSE) ka 50 sheyaron par aadhaarit samvedi soochakaank Nifty 31.15 ankon ki teji ke saath 5,988.05 par khula aur 2.30 ankon yaani 0.04 feesadi ki teji ke saath 5,959.20 par band huaa. Din ke kaarobaar mein Nifty ne 5,990.90 ke oopari aur 5,953.15 ke nichle star ko chhuaa. BSE ke midcap aur smallcap soochakaankon mein teji darj ki gayi. Midcap soochakaank 1.60 ankon ki teji ke saath 6,865.30 par aur smallcap 16.79 ankon ki teji ke saath 6,952.46 par band huaa. BSE ke 13 mein se 7 sectoron mein teji darj ki gayi. Realty (0.78 feesadi), soochana praudyogiki (0.62 feesadi), praudyogiki (0.60 feesadi), tej khapat upabhokta vastuen (0.32 feesadi) aur dhaatu (0.29 feesadi) mein sarvaadhik teji darj ki gayi.


Baap Ki Haivaaniyt Ki Shikaar Bikaner Ki Maasoom Bachchi Ne Toda Dam

Baap Ki Haivaaniyt Ki Shikaar Bikaner Ki Maasoom Bachchi Ne Toda Dam

Breaking »

Jaipur: Bikaner mein jis paanch maheene ki bachchi ke honth aur naak uske baap ne sharaab ke nashe mein chaba daale the, usaki maut ho gayi hai. Jaipur ke sarkaari aspataal mein 1 February ko uske chehare ki pehle daur ki plastic surgery ki gayi thi aur agale maheene usaki doosari surgery ki jaani thi. Rajasthan baal adhikaar aayog ke adhyaksh deepak Kalra ne bataaya ki bachchi ko saans lene mein takaleef hone lagi thi aur use ventilator par rakha gaya tha, lekin tamaam koshishon ke baavajood Doctor use bacha naheen sake. Police ke mutaabik ab bachchi ke baap par hatya ka aarop bhi darj kiya jaaega. Baal aayog ne kaha hai ki vah bachchi ke parivaar ko madad jaari rakhega aur aaropi pita ko kadi se kadi saja dilaane ki koshish karega. NDTV ke darshak mahila aur usaki betiyon ko aarthik madad dene ki peshakash pehle hi kar chuke hain. Bikaner ke kai logon ne bhi bachchi ke naam par trast ki sthaapana ki hai. Gaurtalab hai ki 26 January ki raat mein bachchi ke baap ne us par hamla kar diya tha aur uske honth aur naak ke kuchh hisse chaba daale the. Bachchi ki maan ki shikaayat par us shakhs ko giraftaar kar liya gaya tha. Isse naaraaj hokar sasuraal vaalon ne ukt mahila ko hi ghar se nikaal diya tha, jiske baad mahila apni do betiyon ke saath apne 70 saal ke pita ke ghar aa gayi thi.


Kumbh Pahunche Rajnath Ne Lagaai Dubaki, Hindutv Mudde Par Aage Badhne Ki Taiyaari

Kumbh Pahunche Rajnath Ne Lagaai Dubaki, Hindutv Mudde Par Aage Badhne Ki Taiyaari

Breaking »

Allahabad / nai Delhi: Hindutv ke mudde par BJP, vishv hindu parishad ke saath kadamataal karne ko taiyaar dikh rahi hai. BJP ke adhyaksh Rajnath Singh ne Budhvaar ko na sirf sangam mein dubaki lagaai, balki Ram mandir aur Narendra Modi ko pradhaanamantri pad ki ummeedavaari par prastaav paas karaane ki taiyaari kar rahe vishv hindu parishad aur santon ke saamane haajari bhi lagaane ja rahe hain. Narendra Modi ko lekar Kumbh mein kaafi halachal hai. Haalaanki Rajnath Singh ne sangam mein dubaki lagaane ke baad patrakaaron se kaha ki party ne pradhaanamantri pad ke ummeedavaar ko lekar abhi faisala naheen liya hai aur unhonne kal ki tarah doharaaya ki pradhaanamantri pad ke ummeedavaar ka faisala BJP sansadeeya board ki baithak mein hoga. Udhar, vihip ki aaj ek aham baithak hone ja rahi hai, jismein ayodhya ke Ram mandir ko lekar prastaav ko antim roop diya ja sakta hai. Is prastaav par dharm sansad mein saadhu-sant muhar lagaaenge. Maana ja raha hai ki is baithak mein sant samaaj Narendra Modi ko pradhaanamantri pad ka ummeedavaar ghoshit karne ki maang ko lekar bhi prastaav paas kar sakte hain. Haalaanki BJP ne santon se kaha hai ki vivaad se bachane ke liye ve aise kisi prastaav ko paas na karein. Narendra Modi khud 12 February ko Kumbh mein dubaki lagaane aaenge.


Chairiti Ke Liye Andaragaarameint Daan Kiye Kaaramain Ilektra Ne

Chairiti Ke Liye Andaragaarameint Daan Kiye Kaaramain Ilektra Ne

Breaking »

London: Dilkash model aur abhinetri kaaramain ilektra ne apne ant: Vastron (under gaarameints) sahit kai poshaakein chairiti ke liye daan kar di hain. Daily star online ki khabaron ke mutaabik, 40-varsheeya poorv plebauya sundari ne under gaarameints ke alaava apne ivaning gaauns, kot aur joote 'Klojets for kaujej' naamak sangathan ko daan kar diye hain, taaki in kapadon ko neelaam kar loss Angeles (California, America) mein kutton ke liye kaam karne waali sanstha 'Haaunds of hope' ke liye dhan jutaaya ja sake. 'Haaunds of hope' ke nideshak sheli maik ne kaha hai ki nirdosh jaanvaron ki jaan bachaane ki khaatir kaaramain ilektra dvaara diye gaye sahayog ke liye ham log kaafi aabhaari hain.


Punjab Aatanki Balavant Raajoaana Ko Aaradeeeks Taskari Mein 10 Saal Ki Saja

Punjab Aatanki Balavant Raajoaana Ko Aaradeeeks Taskari Mein 10 Saal Ki Saja

Breaking »

Chandigarh: Patiala ki adaalat ne Punjab ke poorv mukhyamantri beant Singh ki hatya mein shaamil rahe babbar khaalasa ke aatankvaadi balavant Singh raajoaana ko 10 saal ki saja sunaai hai. 1995 mein raajoaana ke paas se bhaari maatra mein aaradeeeks jabt kiya gaya tha, jiski court mein sunavaai chal rahi thi. Beant Singh ki hatya ke maamale mein raajoaana ko pehle hi faansi ki saja sunaai ja chuki hai. Use pichhle saal 31 March ko faansi di jaani thi, lekin 28 March ko gruh mantraalaya ne shiromani gurudvaara prabandhak committee ki or se daayar ki gayi daya yaachika ke baad usaki faansi ko sthagit kar diya tha.