Doosare One-day Mein England Ne New Zealand Ko Aath Wicket Se Haraaya

Doosare One-day Mein England Ne New Zealand Ko Aath Wicket Se Haraaya

Breaking »

Nepiyr: Alastair cook, jo root aur jonaathan traat ke ardhashatakon ki madad se England ne doosare ek-divseeya cricket match mein New Zealand ko aath wicket se hara diya. Iske saath hi shrunkhala filhaal 1-1 se baraabari par hai. New Zealand ke liye poorv kaptaan Ross Taylor ne 100 aur maujooda kaptaan breindan McCollum ne 74 run banaae. Mejabaan team pehle ballebaaji ke liye bheje jaane par 269 run par out ho gayi. England ke liye kaptaan cook ne 78 aur root ne naabaad 79 run banaae. Jonaathan traat bhi 65 run banaakar naabaad rahe. England ne 14 geind shesh rahate jeet ka lakshya haasil kar liya. Nirnaayak match shanivaar ko okalaind mein khela jaaega. Shrunkhala ke pehle match mein chaar run par out hue cook ne Ian bail (44) ke saath pehle wicket ke liye 89 aur jonaathan traat ke saath 60 run ki saajhedaari ki. Unhonne 68 geind mein ardhashatak poora kiya. Vah 32vein over mein out hue, jab England ka score do wicket par 149 run tha. Traat aur yuva jo root ne team ko aasaan jeet tak pahunchaaya. Root ne chhathe one-day mein teesara ardhashatak jamaate hue 56 geind mein 79 run banaae.


Bhagava Aatankvaad Par Maafi Maang Sakte Hain Gruhamantri Shinde Sootr

Bhagava Aatankvaad Par Maafi Maang Sakte Hain Gruhamantri Shinde Sootr

Breaking »

Nai Delhi: Bhagava aatankvaad par gruhamantri susheel Kumar shinde ke bayaan ko lekar BJP ke saath takaraav khatm ho sakta hai. Sootron ke mutaabik shinde is maamale par safaai day sakte hain. Isse pehle, bajat satr shuroo hone se ek din pehle BJP ne Budhvaar ko chetaavani di ki gruhamantri susheel Kumar shinde jab tak BJP par 'Hindu aatanki' shivir chalaane ke apne bayaan ko vaapas lekar maafi naheen maangate, sansad ki kaaryavaahi chal paana sambhav naheen hai. Sansad satr shuroo hone se pehle Loksabha adhyaksh dvaara bulaai jaane waali paaramparik sarvadaleeya baithak ke baad Sushma ne samvaadadaataaon se kaha, ham sansad ki kaaryavaahi suchaaroo roop se chalaane ke paksh mein hain. Lekin sadan achhe se chale, iske liye poorv shart yah hai ki shinde ne ham par jo aarop lagaae hain, pehle usaka niraakaran ho. Vipaksh ki neta ke anusaar unhonne meera Kumar se kaha ki shinde gruhamantri hone ke saath hi Loksabha mein sadan ke neta bhi hain. Mainne Loksabha adhyaksh se kaha ki shinde ne aarop lagaaya hai ki BJP aur raashtreeya swayamsevak sangh hindu aur bhagava aatanki prashikshan shivir chalaate hain. Agar aisa hai, to mukhya vipakshi dal BJP ke sadasya ke roop mein mera vipaksh ka neta rahana aur BJP sadasyon ka sadan mein aana uchit naheen rahega. At: Sadan ko suchaaroo roop se chalaane ke liye pehle is baat ka niraakaran kiya jaae. Unhonne kaha, agar ham aatanki shivir chalaate hain, to hamaare saath aatankiyon ka vyavahaar kiya jaae. Aise mein ham sansad ke sadasya kaise rah sakte hain? Udhar sansadeeya kaaryamantri Kamalnath ne ummeed jataai ki shinde maamale ka niraakaran aaj ya kal charcha ke jariye kar liya jaaega. (input agency se bhi)


Ummeed Hai Sansad Satr Laabhakaari Saabit Hoga PM

Ummeed Hai Sansad Satr Laabhakaari Saabit Hoga PM

Breaking »

Nai Delhi: Gruhamantri susheel Kumar shinde ki hindu aatank sambandhi tippani ke liye maafi maange jaane tak bajat satr ki kaaryavaahi mein baadha daalne ki BJP ki chetaavani ke beech pradhaanamantri Manmohan Singh ne kaha ki yah sabhi raajaneetik dalon ka kartavya hai ki ve sansad ki kaaryavaahi suchaaroo roop se chalne dein. Bajat satr shuroo hone se ek din pehle Loksabha adhyaksh meera Kumar dvaara bulaai gayi sarvadaleeya baithak ke baad Manmohan Singh ne samvaadadaataaon se kaha, sansad charcha aur bahas ka manch hai. Rachanaatmak aur laabhakar charchaaon se desh ke saamane khadi kai samasyaaon ke samaadhaan ki aam sahamati ka raasta banega. Shinde ke maafi maangane tak sansad ki kaaryavaahi thap karne ki mukhya vipakshi dal ki chetaavani ke baavajood pradhaanamantri ne kaha, mujhe ummeed hai ki yah satr laabhakaari saabit hoga. Unhonne kaha ki desh ke saamane kai aarthik chunautiyaan hain aur sabhi raajaneetik dal mil kar rachanaatmak charchaaon ke jariye unka samaadhaan khojane mein sahayog karein. Udhar, baithak ke baad Loksabha mein vipaksh ki neta Sushma Swaraj ne chetaavani di ki shinde jab tak BJP par 'Hindu aatanki' shivir chalaane ke apne aarop ko vaapas lekar maafi naheen maangate sansad ki kaaryavaahi chal paana sambhav naheen hai. Unhonne kaha, ham sansad ki kaaryavaahi suchaaroo roop se chalaane ke paksh mein hain. Lekin sadan achhe se chale, iske liye poorv shart yah hai ki shinde ne ham par jo aarop lagaae hain, pehle usaka niraakaran ho.


Bhaarat Band Parivhan, Banking Sevaaon Par Asar, Ambala Mein Ek Ki Maut

Bhaarat Band Parivhan, Banking Sevaaon Par Asar, Ambala Mein Ek Ki Maut

Breaking »

Nai Delhi: Apni maangon ke samarthan mein 11 trade unionon ki Budhvaar se do din ki raashtravyaapi hadtaal ka banking aur parivhan sevaaon par vyaapak asar dikh raha hai. Subah se hi is band ka vyaapak asar dekhne ko mil raha hai. Hadataal ka bura chehara bhi subah se hi dikhne laga hai. Ambala mein tadke ek trade union neta ki hatya kar di gayi. Eaaiteeyoosi mahaasachiv gurudaas daasagupta ne bataaya, ki eaaiteeyoosi union ke koshaadhyaksh Narendra Singh ki agyaat logon ne Ambala bas stand ke kareeb chaakoo ghopakar hatya kar di. Hadtaal ke baavajood ve log dipo se bas niklavaana chaahate the. Hatya ki ninda karte hue daasagupta ne kaha ki is tarah ke jaghanya hamle ke baad bhi hadtaal jaari rahegi. Nai Delhi railway station par kuchh hadataali auto driver apne ek saathi ko peetate hue najar aae. Yah auto driver kisi savaari ko lekar ja raha tha, jiske baad band samarthakon ne use roka aur uske saath maarapeet ki. Delhi aa rahe yaatriyon ko band se kaafi dikkaton ka saamana karna pad raha hai aur unhein station se apne gharon tak jaane ke liye vaahan naheen mil rahe hain. Jo auto ya taxi vaale savaari le jaane ko raaji bhi hote hain, ve anaap-shanaap paison ki maang kar rahe hain. Is baar sarkaar par hamla badhti mahangaai ke alaava dihaadi majadooron ki kharaab haalat aur peinshan jaisi maangon ko lekar hai. Iske alaava majadoor sangathan shram kaanoonon ki anadekhi ka bhi aarop laga rahe hain. In logon ka daava hai ki bank, beema, bijli aur maaining sector samet kai kshetron ke 10 karod se jyaada log do din ki is hadataal mein shaamil honge. Haalaanki pradhaanamantri ne majadoor sangathanon se hadataal vaapas lene ki appeal ki, lekin majadoor sangathanon ne ise naheen maana. Udhar, Congress bhi majadoor sangathanon ke aakraamak rukh se dabaav mein hai. Congress se judi trade union intak ke neta kah rahe hain ki agar janta ke saath khade naheen hue, to agale chunaavon mein iski keemat chukaani pad sakti hai. Sarkaar ne mangalvaar ko fir se trade unionon se hadtaal vaapas lene ki appeal ki. Udyog mandal Assocham ne kaha hai ki hadtaal se 15,000 karod se 20,000 karod rupaye ke sakal ghareloo utpaad (GDP) ka nuksaan ho sakta hai. Sarkaar ne reserve bank sahit sarkaari kshetr ke sabhi bank karmachaariyon se appeal ki hai ki ve hadtaal mein shaamil na hon. Sarkaar ka kehna hai ki bank karmiyon ki naukri ki suraksha aur suvidhaaon ko dekhte hue unke is hadtaal mein shaamil hone ki koi vajah naheen banti hai. Unionon ne apni 10 maangein pesh ki hain. Inmein mahangaai par niyantran ke liye tatkaal kadam uthaane ki jaroorat, shram kaanoonon ko kadaai se laagoo karna, asangathit kshetr ke shramikon ke liye saamaajik suraksha jaal, saarvajanik upakramon ka vinivesh band karna aur nyoonatam majadoori 10,000 rupaye maasik karna shaamil hain. Kerala mein Congress ki aguvaai waali yoodeeef sarkaar ne koi kaam naheen koi vetan naheen ki ghoshana ki hai. Pashchim Bengal ki Trinamool Congress sarkaar ne bhi sabhi karmachaariyon ka sakarular jaari kar kaaryaalaya mein upasthit hone ko kaha hai, anyatha unhein kaaran bataao notice jaari kiya jaaega. Maakapa-seetoo ki shram ikaai ne mukhyamantri mamata Bannerjee ki is dhamaki ko gair-kaanooni karaar diya hai. (input agencyon se bhi)


Maharashtra Teen Bachchiyon Ko Khaane Ka Laalach Dekar Kiya Rape, Fir Hatya

Maharashtra Teen Bachchiyon Ko Khaane Ka Laalach Dekar Kiya Rape, Fir Hatya

Breaking »

Mumbai: Maharashtra ke bhandaara jile mein insaaniyat ko sharmasaar karne vaala ek maamala saamane aaya hai. Yahaan ek kune mein teen bahanon ke shav mile hain. In teenon ki umr 11 saal se kam hai. Behad gareeb parivaar ki in teenon ladkiyon ki balaatkaar ke baad hatya kar di gayi. Aarop hai ki in teenon bahanon ko kuchh log khaana khilaane ka laalach dekar apne saath le gaye aur fir unke saath balaatkaar kiya. Police ne shuruaat mein is maamale ko durghatana ke baad hui maut ke roop mein darj kiya tha, lekin logon ke jabaradast virodh ke baad ladkiyon ka postmortem karaaya gaya, jismein rape ke baad hatya ki pushti hui. Police ne rape aur hatya ka maamala darj kar jaanch shuroo kar di hai.


Veerappan Ke Chaar Saathiyon Ki Yaachika Par Supreme Court Aaj Karega Sunavaai

Veerappan Ke Chaar Saathiyon Ki Yaachika Par Supreme Court Aaj Karega Sunavaai

Breaking »

Nai Delhi: Supreme court aaj chandan taskar veerappan ke chaar saathiyon ki faansi par rok ki yaachika par sunavaai karega. Isse pehle somvaar ko in chaaron ki faansi par court ne aaj tak ke liye rok laga di thi. Is maamale ki sunavaai cheef Justice altamas kabeer ki bench ne ki thi. Isse pehle veerappan ke in saathiyon ki faansi ki daya yaachika ko raashtrapati ne khaarij kar diya tha, jiske baad ye log Supreme court ke paas gaye the. Gananaprakaasham, simon entoniyppa, meesekar madaiya tatha bilaaveindran naam ke veerappan ke chaar saathiyon ko 1993 mein Karnataka ke polaar mein baaroodi surang ke visfot mein 22 policekarmiyon aur anya logon ki maut ke silsile mein faansi ki saja sunaai gayi thi. Daya yaachikaaen varsh 2004 mein daakhil ki gayi theen. Doshiyon ki daleel hai ki unki yaachika par nirnaya bahut deri se aaya hai. Isliye unhein faansi par naheen latakaaya jaana chaahiye.


Bhagava Aatankvaad Gruhamantri Shinde Ke Khilaaf BJP Ka Virodh-pradarshan

Bhagava Aatankvaad Gruhamantri Shinde Ke Khilaaf BJP Ka Virodh-pradarshan

Breaking »

Nai Delhi: 'Bhagava aatankvaad' se jude keindreeya gruhamantri susheel Kumar shinde ke bayaan ke khilaaf BJP virodh pradarshan kar rahi hai. Delhi mein jantar-mantar par badi sankhya mein BJP ke neta aur kaaryakarta party adhyaksh Rajnath Singh ke netrutv mein gruhamantri susheel Kumar shinde ke aavaas tak March karne ke liye ikattha hue hain. Haalaanki yahaan se thodi hi door par sthit paarliyaameint street par Delhi police ne bairiked laga diye hain. BJP ki rananeeti ke mutaabik, vah is pradarshan ko tab tak jaari rakhegi jab tak ki gruhamantri susheel Kumar shinde apne bayaan ke liye maafi naheen maangate. Is pradarshan ka faisala tab kiya gaya, jab BJP sansadeeya dal ki baithak mein bajat satr ke dauraan party ki rananeeti ka faisala kiya ja raha tha.


Deemaapur Railway Station Ke Paas Bam Visfot, Ek Ki Maut

Deemaapur Railway Station Ke Paas Bam Visfot, Ek Ki Maut

Breaking »

Kohima: Nagaalaind ke deemaapur railway station ke najadeek hue ek bam visfot mein Budhvaar subah ek vyakti ki maut ho gayi. Isi maah raajya mein chunaav hone hain. Police ne kaha ki pradeep thaapa motorcycle se subah kareeb aath baje station ke najadeek se gujar raha tha, tabhi sadak kinaare lagaae gaye bam mein visfot ho gaya, jisse usaki mauke par hi maut ho gayi. Police ghatna mein shaamil logon ka pata lagaane ka prayaas kar rahi hai. Poore ilaake ki gheraabandi kar di gayi hai.


America Ne Jaari Ki Apne Naagrikon Ko Aatanki Khatre Ki Chetaavani

America Ne Jaari Ki Apne Naagrikon Ko Aatanki Khatre Ki Chetaavani

Breaking »

Washington: America ne apne naagrikon ko dakshin Asia samet duniya bhar mein yaatra ke dauraan saavdhaan rahane ki chetaavani jaari karte hue kaha hai ki dakshin Asia mein al kaayada, taalibaan aur lashkar-A-taiyaba jaise sangathan unhein nuksaan pahuncha sakte hain. America ke videsh mantraalaya ne mangalvaar ko ek bayaan mein kaha, ameriki naagrikon ko uchch stareeya chaukasi banaae rakhane aur apni suraksha ke prati jaagrukta badhaane ke liye yaad dilaaya jaata hai. Haal hi mein mili soochana ke anusaar al kaayada aur uske sahayogi sangathan va anya aatanki sangathan Europe, Asia, Africa aur madhyapoorv samet kai kshetron mein ameriki hiton ke khilaaf aatanki hamle ki yojana bana rahe hain. Videsh mantraalaya ne kaha ki in hamlon mein aatmaghaati abhiyaan, hatyaaen, apaharan, vaahan apaharan aur bam visfot aadi tareeke apanaae ja sakte hain. Mantraalaya ne kaha ki kattarpanthi sarkaari aur niji donon hiton ko apna nishaana bana sakte hain aur iske liye ve paaramparik aur gairapaaranparik donon kism ke hathiyaaron ka istemaal kar sakte hain. Iske kuchh udaaharan uchch stareeya khel pratiyogitaaen, rihaayashi ilaake, business kaaryaalaya, hotel, club, restaurant, poojaaghar, school, saarvajanik ilaake aur anya paryatan sthal aadi ho sakte hain. Ye jagah America ke bheetar ya videsh mein ho sakti hain, jahaan ameriki naagrik badi sankhya mein jutate hon. Videsh mantraalaya ke anusaar, ameriki sarkaar ki videshi aatanki sangathanon ki soochi mein shaamil pashchim virodhi kuchh aatanki sangathan Bhaarat mein sakriya hain. Inmein harkat-ul-jihaad-A-islaami, hakal ul-mujaahiddeen, Indian mujaahiddeen, jaish-A-mohammad aur Pakistan ka lashkar-A-taiyaba shaamil hain. Bayaan mein kaha gaya hai ki aatankiyon ne Bhaarat mein aise saarvajanik sthalon ko lagaataar apna nishaana banaaya hai, jahaan pashchimi deshon ke nivaasiyon ka aana-jaana rahata hai. Inmein hotel, train, railway station, baajaar, cinema, masjid aur shahari ilaakon ke restaurant pramukh hain.


Khudara Niveshakon Ki Livaali Se Sensex Majaboot

Khudara Niveshakon Ki Livaali Se Sensex Majaboot

Breaking »

Mumbai: Asia ke anya baajaaron mein majaboot rukh ke beech sansthaagat aur khudara niveshakon ki satat livaali se Mumbai share baajaar ka Sensex aaj 106 ank se adhik ki teji ke saath khula. Yah lagaataar teesara satr hai jab baajaar mein teji darj ki gayi hai. Tees pramukh sheyaron par aadhaarit soochakaank shuruaati kaarobaar mein 106.70 ank ya 0.54 pratishat ki teji ke saath 19,742.42 ank par khula. National stock exchange ka Nifty bhi 31.30 ank ya 0.52 pratishat ki majabooti ke saath 5,971.0 ank par khula. Kaarobaariyon ke anusaar, Asia ke anya baajaaron mein majaboot rukh ke beech sansthaagat aur khudara niveshakon ki satat livaali se Mumbai share baajaar mein shuruaati teji darj ki gayi hai.


Cameron, Aamir Ne Delhi Ke Mahila Kaalej Mein Chhaatraaon Ke Saath Kiya Samvaad

Cameron, Aamir Ne Delhi Ke Mahila Kaalej Mein Chhaatraaon Ke Saath Kiya Samvaad

Breaking »

Nai Delhi: Britain ke pradhaanamantri David Cameron ne mangalvaar ko nai Delhi mein apne raajanayik kaaryabhaar se alag hatkar ek mahila kaalej mein chhaatraaon se mulaakaat ke dauraan apne aakarshak vyaktitv ka prabhaav chhoda jahaan unke saath Bollywood star Aamir Khan bhi unke saath maujood the. Madhya Delhi mein sthit jaanki devi smaarak kaalej ki teen sau chhaatraaon ko us samay vishvaas naheen huaa jab yah ghoshana hui ki Cameron aur Khan kuchh hi minute mein unase milne vaale hain. Kareeb chaar ghante tak intajaar karne waali chhaatraaon ko yah naheen pata tha ki kaalej mein unase milne aa rahe 'VVIP' Cameron hain aur 'Bade star' Aamir Khan hain. Yah kaaryakram antim samay tak gupt rakha gaya tha. Cameron aur Khan donon hi chahalakadami karte hue shaam chaar baje kaalej ke sabhaagaar mein aae aur chhaatraaon ke saath kareeb 45 minute tak mulaakaat aur samvaad kiya. Cameron ne neela soot pahana huaa tha aur Khan ne shart aur kaala blejar pahan rakha tha. Donon se hi mahilaaon ke prati bhedabhaav ko lekar kai savaal kiye gaye. Cameron aur Khan poore samvaad ke dauraan muskaraate rahe aur harek savaal ka javaab diya. Chhaatraaon ne Cameron aur Khan ke saath haath milaaya aur photo khinchavaae.


Doshi Paae Jaane Par Saarvajanik Jeevan Chhod Doonga Bhaaskar Jaadhav

Doshi Paae Jaane Par Saarvajanik Jeevan Chhod Doonga Bhaaskar Jaadhav

Breaking »

Mumbai: Apne bachchon ki bhavya shaadiyon ko lekar aayakar vibhaag ke jaanch ke ghere mein aae Maharashtra ke shahari vikaasamantri bhaaskar jaadhav ne mangalvaar ko kaha ki agar vah doshi paae gaye to saarvajanik jeevan chhod deinge. Ratnaagiri jile ke chiploon ke raakaampa vidhaayak ne kaha, ''Mainne kuchh bhi galat naheen kiya hai. Agar main doshi paaya gaya to na keval mantri pad se isteefa day doonga balki saarvajanik jeevan bhi chhod doonga. '' unhonne kaha ki unhonne shaadi ke liye khaanapaan ka anubandh Rakesh shaah naam ke vyakti ko diya tha jiska sinchaai pariyojanaaon se kuchh lena-dena naheen hai, jiske aarop kuchh logon ne lagaae hain. Shaadi par hue kharch teen parivaaron - unka apna parivaar, unki bahu ka parivaar aur unke daamaad ke parivaar ne vahan kiya. Jaadhav ne kaha ki unhonne shaadi ke liye 15,000 logon ko aamantrit kiya tha lekin isse kahi jyaada log shaamil hue. Unhonne kaha, ''Mera jeevan ek khuli kitaab hai aur main apne sansadeeya kshetr ki janta ke saath apne parivaar ki khushiyaan manaana chaahata hoon kyonki main aaj jo bhi hoon unheen ki badaulat hoon. '' unhonne kaha ki raakaampa pramukh sharad Pawar ko shaadi mein hue kharch ko lekar unki aalochna karne ka adhikaar hai. Jaadhav ne kaha, ''Mainne jo anajaane mein kiya vah Pawar ke siddhaanton ke anuroop naheen tha aur mainne iske liye maafi maangi hai. '' Aayakar vibhaag ki talaashi ko lekar unhonne kaha ki media ne shaadi ke samaaroh ko haal ke dinon mein sabse kharcheeli shaadi bataaya tha jise lekar ho sakta hai ki aayakar vibhaag ne aisa kiya, lekin 'Sachchaai saamane aaegi. ' jaadhav ne kaha ki unhein naheen lagta ki vah raajaneetik saajish ka shikaar bane hain. Unhonne kaha, ''Main itna chhota raajaneetik kaaryakarta hoon ki koi mere khilaaf saajish kyon karega. Sabhi raajaneta mere bachchon ko apna aasheervaad dene aae the. '' aayakar vibhaag ke ek dal ne mantri ke hotel aur chiploon evam karaad sthit unke gharon ki kal talaashi li aur unka bayaan darj kiya. Aayakar vibhaag 13 February ko chiploon mein jaadhav ke bete aur beti ki bhavya shaadi mein hue bhaari kharch ke baare mein soochanaaen juta raha hai. Raakanpa ne kaha ki aise samay mein jab Maharashtra sookhe aur paani ki kami ka saamana kar raha hai, dhoomadhaam se hui donon shaadiyaan 'Sahi naheen' hain. Raakaampa pramukh aur keindreeya krushi mantri sharad Pawar ne bhi ise lekar naaraajagi jaahir karte hue kaha tha ki jab unhonne television par shaadi ke footage dekhe to unhein raat bhar neend naheen aayi.


Maharashtra Mein Balaatkaar Ke Baad Teen Bahanon Ki Hatya

Maharashtra Mein Balaatkaar Ke Baad Teen Bahanon Ki Hatya

Breaking »

Nagpur: Maharashtra ke bhandaara jile mein teen bahanon ke saath kathit balaatkaar aur unki hatya hone ka ek maamala prakaash mein aaya hai. Police ne mangalvaar ko bataaya ki yah maamala jile ke muravaadi gaanv ki hai. In sabhi ladkiyon ki umr 11 saal se kam hai aur ye teenon 14 February se laapata theen. Unhein gaanv ke ek kuen mein 16 February ko paaya gaya aur unke parivaar ke sadasyon ne is silsile mein agale din ek shikaayat darj karaai. Police ne bataaya ki unhonne shurooaat mein ise durghatanaavash hui maut ke maamale ke roop mein darj kiya tha par kal hue postmortem mein yaun shoshan aur hatya ki pushti hui. Unhonne bataaya ki agyaat logon ke khilaaf IPC ki vibhinn dhaaraaon ke tahat ek maamala darj kiya gaya hai. Is beech, raakaampa ke varishth neta evam keindreeya mantri prafull Patel ne is ghatna ki aaj gahan jaanch karaae jaane aur tvarit adaalat mein mukadama chalaae jaane ki maang ki.


Sri Lanka Ne Prabhaakaran Ke Bete Ki Maut Par Bani Documentary Ko Kiya Khaarij

Sri Lanka Ne Prabhaakaran Ke Bete Ki Maut Par Bani Documentary Ko Kiya Khaarij

Breaking »

Colombo: Sri Lanka sarkaar ne ek british khabariya channel ki librashen taaigars of tamil ilam (litte) ke pramukh velupillai prabhaakaran ke 12 saal ke bete ki suniyojit hatya sanbandhi ek documentary ko jhoothi, arddhasatya aur atkalon ke vividh roop karaar dete hue khaarij kar diya hai. Channel-4 ki 'No vaur jon-the kiling Fields of Sri Lanka' naamak daakyoomeintri March mein jineva mein sanyukt raashtra maanavaadhikaar parishad (yooenaechaaarasi) ke agale satr mein dikhaai jaaegi. In tasveeron se tamil taaigars vidrohiyon ke khilaaf antim charan ke abhiyaan ke dauraan Sri Lanka ke sashastr bal ke bartaav par fir savaal paida ho gaya. Saath hi, yah sanyukt raashtra maanavaadhikaar parishad mein ek gambhir prastaav se do-do haath karne ki sarkaar ki koshish par doosra jhatka hai. Ek photo mein baalachandran prabhaakaran ek bankar mein Sri Lanka ke sainikon ki hiraasat mein jinda najar aa raha hai, kuchh hi ghante baad ki tasveer mein vah mara pada hai aur usaki chhaati goliyon se chhalni ki gayi hai. Ise jhooth karaar dete hue sena ke pravakta Brigadier roovaan vaanigaasooriya ne kaha ki sabse rochak baat to yah hai ki jab yoonaenaechaaarasi ki baithak sameep aati hai tab aisi baatein saamane aa jaati hain aur uske baad sab thanda pad jaata hai.


Clark Ne Kaha, Bhaarat Se Khaufajada Naheen Hai Australia

Clark Ne Kaha, Bhaarat Se Khaufajada Naheen Hai Australia

Breaking »

Chennai: Australiaee kaptaan Michael Clark ne mangalvaar ko spin geindabaaji ko apni kamjori maanane se inkaar kiya aur kaha ki shukravaar se shuroo hone waali chaar test maichon ki series mein unke khilaadi Bhaarat ke spinron se khaufajada naheen hain. Australia ke abhyaas satr ke baad samvaadadaata sammelan mein Clark ne kaha ki unke paas aisi team hai jo Bhaarat mein jeet darj kar sakti hai. Clark ne kaha, ''Hamein jin khilaadiyon ke khilaaf khelna hai ham vaastav mein unase khaufajada naheen hain. Ham jis geind ka bhi saamana kareinge hamein us par safalta haasil karni hogi. Hamaari team bahut achhi hai aur hamaare paas spin geindabaaji, ballebaaji aur kshetrarakshan mein dher saare vikalp hain. '' Unhonne kaha, ''Mujhe naheen lagta ki hamein is par adhik dena chaahiye ki Bhaarat kaise khelega aur kis tarah ki paristhitiyaan unhein raas aaengi. Bhaarateeya paristhitiyon mein pitch puraani hone ke saath geind spin karti hai aur saathi usase vaireeeshan aur uchhaal milti hai. Main samajhta hoon ki rivers swing bhi behad mahatvapoorn hogi. Lekin jaise mainne kaha tha ki ham Bhaarat mein achha pradarshan karne ka maadda rakhate hain. '' Clark ne bhaarateeya of spinner Harbhajan Singh ki is tippani ko khaas tavajjo naheen di ki Bhaarat haal ke kharaab pradarshanon ko peechhe chhodkar is series mein 4-0 se jeet darj karega. Unhonne kaha, ''Australia mein apne pradarshan se hamaara aatmavishvaas badha hai aur humne duniya ki number ek team dakshin Africa ke khilaaf achha pradarshan kiya tha. Humne haal ki test series mein Sri Lanka ko haraaya tha. Khilaadi aatmavishvaas se bhare hain aur chunauti ke liye taiyaar hain. '' Harbhajan ki tippani par Clark ne kaha, ''Usaki team mein vaapasi dekhkar achha laga. Vah shaanadaar khilaadi aur kabhi haar naheen maanane vaala cricketer hai. Use kisi bhi pratidvandvi visheshakar Australia ke khilaaf chunauti pasand hai. Main samajhta hoon ki vah bahut achha geindabaaj hai aur hamein yah sunishchit karne ke liye achha khelna hoga ki vah series mein jyaada prabhaav naheen daale. '' Unhonne kaha, ''Jahaan tak series ke parinaam ki baat hai to main abhi pehle test match par dhyaan day raha hoon aur ek baar mein ek match par dhyaan dena chaahoonga. '' Abhyaas maichon mein apne ballebaajon ke spinron ke saamane naakaami ke baare mein Clark ne kaha ki dheemi gati ke geindabaajon ko adhik wicket isliye mile kyonki unhonne adhik over kiye. Unhonne kaha, ''Aakhirkaar koi geindabaaj aapko out karega. Yadi koi adhik over karega to use adhik wicket bhi mileinge. Spinron ne adhik over kiye aur isliye unhein adhik wicket mile. Iske alaava test maichon mein abhyaas maichon ki tulana mein paristhitiyaan bhinn hongi. '' Clark ne kaha, ''Lekin yah aisa vibhaag hai jismein hamein sudhaar jaari rakhana hoga. Bhaarat ke khilaaf chaaron test maichon mein hamein kaafi spin ka saamana karna hoga. Hamaare khilaadiyon ne bahut achhi taiyaariyaan ki hai. '' unhonne is baat ko bhi asveekaar kar diya ki Ricky ponting aur Michael hasi ki anupasthiti mein unki team ko bhaarateeya paristhitiyon mein sangharsh karna pad sakta hai. Clark ne kaha, ''Ismein sandeh naheen ki yah chunauti hai lekin main naheen samajhta ki Ricky aur hasi ke yahaan naheen hone se yah chunauti badi ban gayi hai. Yah team ke senior khilaadiyon ke liye achha mauka hai. Hamaare khilaadiyon ne bahut achhi taiyaari ki. Main shat pratishat fit hoon aur main series mein run banaane aur aage badhkar netrutv karne ke liye taiyaar hoon. '' England ke khilaaf run banaane ke liye sangharsh karne vaale sachin Tendulkar ke baare mein poochhane par Clark ne kaha, ''Sachin ne haal mein shatak lagaaya tha isliye mujhe lagta hai ki vah shaanadaar firm mein hain. Bhaarat ke liye vah bahut bada khilaadi hai aur ham unhein jald se jald out karne ki koshish kareinge kyonki vah jaanta hai ki kaise dheron run aur bade shatak banaae jaate hain. ''


Assocham Ka Majadoor Sanghon Se Hadtaal Vaapal Lene Ka Anurodh

Assocham Ka Majadoor Sanghon Se Hadtaal Vaapal Lene Ka Anurodh

Breaking »

Bhuvaneshvar: Kaarobaari sangh associated chaimbars of Commerce end industry of India (Assocham) ne mangalvaar ko majadoor sanghon se anurodh kiya ki ve 20 aur 21 February ki hadtaal vaapas le lein, kyonki isse arthavyavastha ko 15 hajaar se 20 hajaar karod rupaye ka nuksaan hoga. Assocham ne kaha ki usane nuksaan ka yah anumaan do dinon tak desh ke sakal ghareloo utpaad mein prati din 30 se 40 feesadi ksharan ke aadhaar par lagaaya hai. Assocham ke bayaan mein kaha gaya, "Hadtaal ka nuksaan kam se kam 30 se 40 feesadi ya 15 hajaar se 20 hajaar karod rupaye ka hoga. " Assocham ke adhyaksh Rajkumar dhoot ne kaha, "Susti se gujar rahi bhaarateeya arthavyavastha mushkil se iska saamana kar sakti hai. Sachchaai yah hai ki aavashyak vastuon ki aapoorti prabhaavit hone se mulya vruddhi ki sthiti aur gambheer ho jaaegi. " Dhoot ne kaha, "Hadtaal ki prakruti aur paanch keindreeya sanghon ki sahabhaagita ke kaaran iska prabhaav banking, vitteeya seva, paryatan, parivhan, jaise seva kshetron par pad sakta hai, jo arthavyavastha mein mahati yogadaan karte hain. " Majadoor sanghon ne moolya vruddhi, mahangaai aur berojgaari ke khilaaf 20 aur 21 February ko deshavyaapi hadtaal ki ghoshana ki hai.


Obama Ki Aavrajan Yojana Par Ghamaasaan

Obama Ki Aavrajan Yojana Par Ghamaasaan

Breaking »

Washington: Jahaan ek or America mein nivaas kar rahe 1.1 karod avaidh aapravaasiyon ko naagarikta pradaan karne ki raashtrapati Barack Obama ki yojana leek hone ke baad toofaan khada ho gaya hai, vaheen white house ne ise mahaj ek khaanaapoorti ki yojana bataaya hai. In avaidh pravaasiyon mein lagbhag 250,000 bhaarateeya bhi hai. Enabeesi news ne white house ke ek adhikaari ke havaale se kaha hai, "Dvidleeya prakiya ki khataai mein padne aur vidheyak pesh na ho paane ki sthiti mein prashaasan aage badhne ke liye taiyaar rahega. " unhonne aage kaha, "Lekin hamaara dhyaan Congress ki prakiya ko vareeyata dene par rahega. " Leek ki ghatna par kuchh media panditon ka kehna hai ki yah Republican par dabaav banaane ke liye unke saamane "Chaara" feinka gaya tha, taaki obaam apne man ka kar sakein. Kuchh anya logon ne kaha ki yah "Aath ke giroh" (gang of eight) ke kaam ko kathin bana dega. Is tathaakathit giroh mein is masale ka hal dhoondhane ke liye democrat aur Republican ke chaar-chaar pratinidhi shaamil hain. Obama ki yojana ke mutaabik bina dastaavej ke rah rahe aapravaasiyon ko sthaayi nivaas ke liye aath varshon ka safar tay karna hoga. Is dauraan unhein aaparaadhik prushthabhoomi ki jaanch se gujarana hoga. Kar dene ke alaava angreji seekhani hogi. Iske baad unhein "Vaidh sambhaavit aapravaasi" veesa haasil karni hogi. Boston heraald ka kehna hai, "Raajaneetik panditon aur sudhaar ke vakaalat karne vaalon ne ise laitin-ameriki matadaataaon ka samarthan apne paksh mein banaae rakhane vaala ek kadam bataaya hai. " Vaheen vauyas of America ka mat hai ki white house se prastaav ke leek hone se aapravaasan sudhaar ki raah kathin ho jaaegi. Seeenaen ne aapravaasan bahas ko "Bade daav ka raajaneetik khel" kaha hai. Florida se pratinidhisbha mein poorv Republican sadasya koni maik ne Obama ke yojana ko ripbliknon ko daraane ka khel kaha hai. Unke mutaabik raashtrapati raajaneetik laabh ke liye mudde ko jinda rakhana chaahate hain.


Ladaakoo Vimaan Sukhoi Durghatanaagrast, Pilot Surakshit

Ladaakoo Vimaan Sukhoi Durghatanaagrast, Pilot Surakshit

Breaking »

Jaipur: Rajasthan ke jaisalamer jile ke chaandana range mein mangalvaar ko ek ladaakoo vimaan sukhoi 30 durghatanaagrast ho gaya. Is haadase mein vimaan ke donon pilot surakshit bach gaye. Raksha pravakta ne bataaya ki sukhoi 30 us samay durghatanaagrast huaa jab aagaami dinon hone vaale 'Aayaran fist' ke abhyaas ke dauraan huaa. Unhonne bataaya ki sukhoi ke donon pilot surakshit bach gaye. Pravakta ke anusaar haadase ke kaaranon ki jaanch (court of inkvaari) ke aadesh day diye gaye hai.


Sharad Yadav Ne Bataaya Mahila Patrakaar Ko 'Khoobsoorat

Sharad Yadav Ne Bataaya Mahila Patrakaar Ko 'Khoobsoorat

Breaking »

Bhopal: Raajag sanyojak evam janta dal (yu) adhyaksh sharad Yadav ne mangalvaar ko Bhopal ki ek mahila patrakaar ko us samay 'Khoobsoorat' bata diya, jab usane unase poochha ki Bihar evam Madhya Pradesh mein kaun behtar pradesh hai. Pradesh jad (yu) kaaryaalaya par baatcheet ke dauraan is mahila patrakaar ne Yadav se poochha ki Bihar evam Madhya Pradesh mein se unhein kaun sa pradesh behtar lagta hai. Is par unhonne tapaak se kaha, ''Bihar aur Madhya Pradesh hi kyon poora desh behad khoobsoorat hai aur aap bhi khoobsoorat hain''. Unke is javaab par vahaan maujood saare patrakaar evam party kaaryakartaaon ki hansi foot padi, jinmein khud prashnakarta mahila patrakaar bhi shaamil thi.


Shreelankaai Sena Ne Prabhaakaran Ke Bete Ki Nirdayata Se Ki Thi Hatya Report

Shreelankaai Sena Ne Prabhaakaran Ke Bete Ki Nirdayata Se Ki Thi Hatya Report

Breaking »

Nai Delhi: Shreelankaai sarkaar ne UK ke channel-4 dvaara lagaae gaye aaropon ko 'Kroor' karaar diya hai. Channel ne aarop lagaaya tha ki shreelankaai sena ne elateeteei pramukh prabhaakaran ke 12 varsheeya bachche ko May 2009 mein us samay goli maar di jab sena ke ek camp mein use kuchh khaate hue dekha. Channel ka aarop hai ki use dekhte hi sena ne usaki khaate hue tasveer utaari aur fir use goliyon se bhoon daala. Channel ka yah bhi daava hai ki bachche ko kaafi kareeb se goli maari gayi aur uske baad fir usaki tasveer utaari gayi. Pichhle varsh channel-4 ne goliyon se bhooni gayi bachche ki tasveer ko ek documentary mein release kiya tha. Yah tasveer 'No vaur jon : The kiling Fields of Sri Lanka' film ka hissa hai. Is film ko sanyukt raashtra maanavaadhikaar sangh ke sadasyon ki agale maah hone waali baithak mein screen kiya jaaega. NDTV se baat karte hue Delhi mein shreelankaai uchchaayog ke adhikaari ne kaha ki shreelankaai sena ne kabhi bhi aam naagrikon ko nishaana naheen banaaya. Unka kehna hai ki nai tasveerein maanavaadhikaar sangathan ki baithak se theek pehle jaari kar shreelankaai logon ko sharminda karne ka prayaas hai. Angreji akhbaar 'The hindu' mein channel-4 ke nideshak kaillam maikre ne likha ki nai tasveer ek mahatvapoorn tasveer hai, kyonki vah saabit karna chaahate hain ki baalaachandran (prabhaakaran ka beta) goleebaari ya yuddh mein naheen maara gaya tha. Use sochi-samajhi rananeeti ke tahat maara gaya tha. Gaurtalab hai ki pichhle varsh sanyukt raashtra ki maanavaadhikaar ikaai ne jeneva mein ek prastaav paarit kar Sri Lanka se yah appeal ki thi ki vah apni sena ke adhikaariyon ke khilaaf kaarravaai kare aur jimmedaari tay kare, jo elateeteei se yuddh samaapt hone ke baad bhi yuddh-aparaadh ke doshi hain. Maanavaadhikaar sangathan ke is prastaav ka Bhaarat ne bhi samarthan kiya tha. Kaha ja raha tha ki UPA mein sarkaar ka samarthan kar rahi DMK ke dabaav mein sarkaar ne yah kadam uthaaya tha. Mangalvaar ko bhi DMK pramukh Karunanidhi ne Bhaarat sarkaar se appeal ki hai ki vah sanyukt raashtra maanavaadhikaar sangathan ke hone vaale adhiveshan mein Sri Lanka ke khilaaf ameriki prastaav ka samarthan kare. DMK pravakta illaanagovan ne kaha ki yah tasveer ek anya saboot hai, jo yah bataati hai ki shreelankaai raashtrapati raajapakshe ek yuddh-aparaadhi hain.


Helicopter Sauda Pehle Din Bhaarateeya Jaanch Dal Ko Naheen Mili Khaas Kaamayaabi

Helicopter Sauda Pehle Din Bhaarateeya Jaanch Dal Ko Naheen Mili Khaas Kaamayaabi

Breaking »

Milan: VVIP helicopter saude mein kathit dalaali ke aarop ke baad jaanch ke liye bhaarateeya dal Italy ke Milan mein pahunch gaya hai. Mangalvaar ki subah sabse pehle team ke sadasyon ne bhaarateeya dootaavaas ke adhikaari ke saath apne hotel mein mulaakaat ki aur is baat par charcha ki ki kis tarah se is maamale se jude kaagajaaton ko haasil kiya ja sakta hai. Kareeb 4000 karod rupaye ka yah VVIP helicopter sauda us samay prakaash mein jab Italy mein company ke CEO ko gusepe orsi ko giraftaar kar liya gaya. Aarop laga ki company ne yah sauda haasil karne ke liye karodon rupaye ki rishvat dalaali ke roop mein di hai. Is maamale ke saamane aate hi Bhaarat mein bhi raajaneetik halachal shuroo ho gayi aur Bhaarat sarkaar ko CBI jaanch ka aadesh dena pada. Italy ki is company finmaikenika ne varsh 2010 mein Bhaarat se 12 VVIP heleekauptaron ka sauda kiya tha. Ogastaavestalaind finmaikenika ki helicopter banaane waali company London se apna kaam karti hai. Italy ka kehna hai ki ogastaavestalaind ne 350 karod rupaye ki rishvat dekar yah sauda haasil kiya. Bhaarateeya jaanch dal ka netrutv kar rahe raksha mantraalaya ke adhikaari arun bahal ne mangalvaar ko media se baat naheen ki. Sootr bata rahe hai ki jaanch dal is maamale mein sthaaneeya vakeelon se sampark kar raasta talaash rahe hain. Filhaal abhi tak sthaaneeya adhikaariyon se bhaarateeya dal ko koi khaas madad naheen mili hai. Baat dein ki 13 February ko bhaarateeya dootaavaas ke adhikaariyon ne sthaaneeya adaalat ko ek patra bhejkar finmaikenika ke CEO ki giraftaari ke sambandh mein vistrut jaankaari maangi thi jise court ne dene se inkaar kar diya tha. Court ne maamale mein gopaneeya kaanoon ka havaala diya tha. Ab maamale mein mukhya abhiyojan yoojeniyo fusko ne bhi isi kaanoon ko aadhaar banaakar bhaarateeya jaanch dal se milne se mana kar diya hai. Ab kaha ja raha hai ki jaanch dal ke adhikaari Budhvaar ko judge looka laibiyaanka se mulaakaat kareinge aur apni appeal doharaaenge. Abhi yah kah paana mushkil hai ki Bhaarat ko is maamale mein koi khaas madad mil paaegi. Udhar, CBI adhikaariyon ke liye agale 48 ghanton mein aagastaavestalaind aur finmaikenika ke adhikaariyon se mulaakaat kaafi aham hai. Court ke sootron ka kehna hai ki vah maamale ke kaagajaat sirf sambandhit pakshon ko hi upalabdh kara sakte hain.


Yoojeesi Ke 78 Web Pejon Ko Blauk Karne Ke Khilaaf Appeal Karegi Deti

Yoojeesi Ke 78 Web Pejon Ko Blauk Karne Ke Khilaaf Appeal Karegi Deti

Breaking »

Nai Delhi: Kendra sarkaar ke electronic aur IT vibhaag (deti) ne gvaaliyr ki ek adaalat ke aadesh ke khilaaf appeal karne ka nirnaya liya hai jiske tahat yoojeesi ke 78 web pejon blauk kar diya gaya tha. Is maamale mein keindreeya mantri Kapil sibbal ne kaha ki court ne aadesh se pehle sarkaar ko sunavaai ka mauka naheen diya. Isliye deti ko kaha gaya hai ki vah is aadesh ke khilaaf appeal kare. Bata dein ki vishvavidyaalaya anudaan aayog (yoojeesi) ki web pej un 78 website linkon mein se ek hai jinhein gvaaliyr ki ek adaalat ke aadesh ke baad Internet par blauk kar diya gaya tha. Prabandhan guru arindam chaudhari ki aguvaai vaale Indian Institute of planning management (aaiaaipeeem) ke ek saajhedaar ne adaalat mein shikaayat ki thi blauk ki gayi websiton ne sansthaan ko badnaam karne waali saamagri prakaashit ki thi. Electronics evam soochana praudyogiki vibhaag ne adaalat ke aadesh ke baad yoojeesi sahit 78 web pejon ko blauk kar diya. Blauk ki gayi web pejon ki soochi mein kai aisi news vebasaaitein bhi hain jinhonne aaiaaipeeem ke baare mein khabarein prakaashit ki theen. Yoojeesi adhyaksh ved prakaash ne kaha tha, ''Koi kaarravaai karne se pehle ham apne vakeelon se baat kareinge. '' yoojeesi ne saarvajanik notice jaari kar chhaatron ko aagaah kiya tha ki vah aaiaaipeeem ko maanyata naheen deta aur use digriyaan dene ka adhikaar naheen hai.


Trade Unionon Ki Do Din Ki Hadtaal Aaj Se, Banking Sevaaen Hongi Prabhaavit

Trade Unionon Ki Do Din Ki Hadtaal Aaj Se, Banking Sevaaen Hongi Prabhaavit

Breaking »

Nai Delhi: Apni maangon ke samarthan mein 11 trade unionon ki Budhvaar se do din ki raashtravyaapi aam hadtaal se kuchh raajyon mein banking aur parivhan sevaaon ke ladkhadaane ki aashanka hai. Beema kshetr bhi hadtaal se prabhaavit ho sakta hai. Sarkaar ne mangalvaar ko fir se trade unionon se hadtaal vaapas lene ki appeal ki. Udyog mandal Assocham ne hadtaal se 15,000 karod se 20,000 karod rupaye ke sakal ghareloo utpaad (GDP) ka nuksaan ho sakta hai. Sarkaar ne reserve bank sahit sarkaari kshetr ke sabhi bank karmachaariyon se appeal ki hai ki ve hadtaal mein shaamil na hon. Sarkaar ka kehna hai ki bank karmiyon ki naukri ki suraksha aur suvidhaaon ko dekhte hue unke is hadtaal mein shaamil hone ki koi vajah naheen banti hai. Kendra sarkaar ki aarthik tatha shram neetiyon ke khilaaf aahoot is hadtaal se Kerala aur tripura jaise raajyon mein aam janajeevan prabhaavit ho sakta hai, kyonki parivhan aur banking sahit vibhinn kshetron ke karmachaariyon ne hadtaal mein shaamil hone ki ghoshana ki hai. Assocham ke adhyaksh Rajkumar dhoot ne Kolkata mein bayaan mein kaha ki hadtaal se pashchim Bengal, Kerala, Maharashtra, Gujarat, Tamil Nadu, Delhi, Haryana, Karnataka aur uttar pradesh ke kuchh hisson par asar padne ki aashanka hai. Vaam unionon ke alaava is hadtaal mein Congress samarthit intak tatha bhaajapa samarthit BMS ne bhi shaamil hone ki ghoshana ki hai. Unionon ne apni das maangein pesh ki hain. Inmein mahangaai par niyantran ke liye tatkaal kadam uthaane ki jaroorat, shram kaanoonon ko kadaai se laagoo karna, asangathit kshetr ke shramikon ke liye saamaajik suraksha jaal, saarvajanik upakramon ka vinivesh band karna aur nyoonatam majadoori 10,000 rupaye maasik karna shaamil hain. Kerala mein Congress ki aguvaai waali yoodeeef sarkaar ne koi kaam naheen koi vetan naheen ki ghoshana ki hai. Vaam samarthit seva aur shikshak unionein bhi hadtaal mein shaamil ho rahi hain. Pashchim Bengal ki Trinamool Congress sarkaar ne bhi sabhi karmachaariyon ka sakarular jaari kar kaaryaalaya mein upasthit hone ko kaha hai, anyatha unhein kaaran bataao notice jaari kiya jaaega. Maakapa-seetoo ki shram ikaai ne mukhyamantri mamata Bannerjee ki is dhamaki ko gair-kaanooni karaar diya hai. Usane kaha hai ki yadi raajya sarkaar ne jabaran sarkaari karmachaariyon ko hadtaal mein shaamil hone se roka to raajya ke mukhya sachiv sanjaya mitra ke khilaaf maamala daayar kiya jaaega.


'Kaai Po Che Gajab Ki Film Hai Hritik

'Kaai Po Che Gajab Ki Film Hai Hritik

Breaking »

Mumbai: Nirdeshak Abhishek Kapoor ke mitr aur film abhineta Hritik roshan ne unki film 'Kaai po che' dekhi aur iski taareef kiye bina naheen rah sake. 40 varsheeya Hritik ne somvaar ko yahaan film ke pratham pradarshan ke mauke par kaha, "Yah gajab ki film hai. Main aasha karta hoon ki yah film achha pradarshan kare, kyonki aisi filmon ko chalana hi chaahiye. Kalaakaaron ne kamaal ka kaam kiya hai unka abhinay dil chhoo leta hai. " Unhonne kaha, "Kalaakaar ismein bahut achhe lage hain aur lagta hi naheen ki yah unki pehli film hai. Mujhe is film, Abhishek aur poori team par garv hai. Mujhe lagta hai ki iske kalaakaar bahut aage jaaenge. ' 'Kaai po che' 22 February ko pradarshit ho rahi hai. Ismein sushaant Singh rajput, amit saadh aur raaj Kumar Yadav hain.


Gujarat Se Badatar Hain Maharashtra Ke Musalmaan Madani

Gujarat Se Badatar Hain Maharashtra Ke Musalmaan Madani

Breaking »

Nai Delhi: Muslim sanstha jameeyat ulema A hind ke mahaasachiv Mehmood madani ne haal hi Gujarat ke musalmaanon mein badlaav ki baat kahi thi. Iske baad tamaam logon ne bayaan ke anek matlab nikaale aur raajaneeti garma gayi. Mangalvaar ko madani ne NDTV ke kaaryakram mein aakar saaf kaha ki Gujarat mein sthiti badli hai lekin behtar naheen hai. Unhone kaha ki mainne kabhi bhi Narendra Modi ki taareef naheen ki. Unka kehna hai ki meri baat ko tod-marod kar pesh kiya ja raha hai. Gujarat dangon ke baad tamaam sansthaanon, logon ne Modi ka virodh kiya, main unamein se ek tha. Madani ne ek baar fir Gujarat ke vikaas ki baat kahi, lekin unhonne kaha ki vikaas ho magar nyaaya na ho to sab bekaar hai. Aise mein vikaas doosare-teesare darje ki baat ho jaata hai. Madani ne kaha ki Gujarat se jyaada Maharashtra mein musalmaanon ki sthiti kharaab hai. Unka kehna hai ki Maharashtra ki jailon mein Gujarat se jyaada nirdosh musalmaan kaidi hain. Unhonne kaha ki musalmaanon ki soch mein badlaav aa raha hai. Unka kehna hai ki is poore bayaan ko dangon ke pariprekshya se na dekha jaae. Unhonne kaha ki Gujarat ke musalmaanon ke paas jyaada vikalp naheen hai. Aakhir vah kinka saath dein. Anya dal bhi doodh ke dhule naheen hain.