Mamata Ne Fir Aapa Khoya, Samvaadadaata Par Baras Padeen

Mamata Ne Fir Aapa Khoya, Samvaadadaata Par Baras Padeen

Breaking »

Kolkata: Pashchim Bengal ki mukhyamantri mamata Bannerjee Budhvaar ko ek baar fir apna aapa kho baithi jab ek samvaadadaata ne unhein bataaya ki majadoor sanghon ki hadtaal ka raajya mein aanshik prabhaav pada hai. Mamata ne apna aapa kho diya aur kaha, ''Aap kis media samooh se hain? Aap kisi khaas media samooh se hain, isliye aap is tarah ke savaal poochh rahe hain. Krupaya jaakar un baajaaron ko dekhiye. '' samvaadadaata ne mamata se kaha tha ki dukaanein evam baajaar band the aur adhikaansh basein evam taxi sadkon se nadaarad the. Samvaadadaata ke jirah karne par mukhyamantri ne kaha, ''Kya aap yahaan apne dal ka vichaar bataane aae hain? Aap apni seema laangh rahe hain. '' unhonne kaha, ''Aap apne akhbaar ki neetiyon ke anusaar apne vichaar rakh sakte hain. Yah aapka vyavasaaya hai. '' unhonne kaha, ''Maakapaai channelon ke kai log yahaan aate hain. Lekin mainne kabhi unhein gardan pakad kar dhakiyaane ko naheen kaha. '' Haal hi mein mamata ne 'Maati utsav' ke dauraan ek photographer ko thappad maarane ki chetaavani di thi.


Kuriyan Ne Saansadon Ko Likha Patra, Kaha, Aarop Jhoothe Hain

Kuriyan Ne Saansadon Ko Likha Patra, Kaha, Aarop Jhoothe Hain

Breaking »

Nai Delhi: Sansad ka bajat satr shuroo hone ke theek pehle Rajyasabha ke upasabhaapati PJ kuriyan ne sadan ke sadasyon ko patra likhkar kaha hai ki 17 saal puraane sooryaanelli balaatkaar maamale mein police ki teen jaanch aur do nyaayik prakriyaaon mein unhein aaropamukt kar diya gaya hai. Peedita ne haal hi mein maang ki thi ki kuriyan ko is maamale mein aaropi banaaya jaae. Uske baad se hamle jhel rahe kuriyan ne apne patra mein ghatnaakram ke sambandh mein vistrut not sanlagn karte hue appeal ki hai ki ''Krupaya poori saamagri padhein aur apne vivek ka istemaal karein. '' Kerala ke varishth Congress neta ka Rajyasabha sadasyon tak pahunchane ka yah prayaas kaafi mahatva rakhata hai kyonki unhonne yah kadam bajat satr shuroo hone ke ek din pehle uthaaya hai. Aisi sambhaavana hai ki vipaksh is mudde ko utha sakta hai aur unke isteefe ki maang kar sakta hai. Patra ke saath sanlagn not ka sheershak ''Pro. PJ kuriyan ke baare mein sachchaai'' hai. Ismein kaha gaya hai ki varishth police adhikaariyon dvaara galat aaropon ki teen baar jaanch ki gayi. Do jaanch vaam morcha sarkaar ke kaaryakaal mein hui. Kerala uchch nyaayaalaya ne unhein aaropamukt kar diya aur 2007 mein uchchatam nyaayaalaya ne iski pushti ki. Unhonne apne patra mein kaha ki pro. Kuriyan apne ko nirdosh saabit karne ke liye aur kya kar sakte hain? Patra mein maakapa par aarop lagaaya gaya hai ki vah uchchatam nyaayaalaya ke ek haaliya faisale ko Kerala uchch nyaayaalaya dvaara unhein aaropamukt banaae jaane ke faisale se jodne ka prayaas karte hue dushprachaar kar rahi hai. Kuriyan ne kaha ki uchchatam nyaayaalaya ne haal hi mein Kerala uchch nyaayaalaya ke us faisale ko radd kar diya jismein mukhya sooryaanelli maamale mein 35 aaropiyon ko bari kar diya gaya tha. Unhonne kaha ki yah gaur kiya jaana chaahiye ki pro kuriyan is maamale mein aaropi naheen the. (input bhaasha se bhi)


Jagan Jaanch Maamale Mein 122 Karod Rupaye Ki Sampatti Jabt Karega Idi

Jagan Jaanch Maamale Mein 122 Karod Rupaye Ki Sampatti Jabt Karega Idi

Breaking »

Nai Delhi: Vaaiesaaar Congress pramukh jaganamohan Reddy aur unke sahayogiyon ke khilaaf dhanashodhan ki jaanch ke sambandh mein ek praadhikran dvaara pravartan nideshaalaya (idi) ki kurki ko Budhvaar ko manjoori milne ke baad idi 122 karod rupaye ki sampatti jabt karega. Dhanashodhan rokathaam kaanoon ke praadhikran ne aaj agency ke 51 karod aur 71 karod rupaye ke do alag-alag kurki aadeshon ko manjoori di jiske baad idi dvaara tatkaal jabti ka raasta saaf ho gaya hai. Is taaja ghatnaakram ka arth yah huaa ki in do maamalon mein shaamil paksh bikri, patte, kiraaya ya anya tarah se in sampattiyon ka laabh naheen utha paaenge. Idi ne Hyderabad mein vila aur apaartameinton ki bikri aur bhoomi hastaantaran mein kathit aniyamitataon ki jaanch ke sambandh mein pichhle saal dubai ki company emmaar proparteej, iske sanyukt upakram emmaar emajeeef aur anya ke maalikaana 71 karod rupaye ke bhookhand par kurki aadesh jaari kiye the. Agency ne 51 karod rupaye ki sampattiyon ko lekar kurki aadesh bhi jaari kiye the aur usane Messers janani infraastakchar private limited ki 13 ekad bhoomi, Messers jagati pablikeshans limited ke 14.50 karod rupaye ke saavadhi jama ko kurk kiya tha.


Chhedchhaad Se Bachane Ke Liye Autorickshaw Se Koodi Ladki

Chhedchhaad Se Bachane Ke Liye Autorickshaw Se Koodi Ladki

Breaking »

Hyderabad: Hyderabad mein 22 varsheeya ek ladki us samay ghaayal ho gayi jab kathit taur par chhedchhaad se bachane ke liye vah autorickshaw se kood gayi. Police ke anusaar ladki ek share autorickshaw se ja rahi thi. Raaste mein ek sahayaatri ne uske saath chhedchhaad ka prayaas kiya. Saaibaraabaad police aayukt kaaryaalaya ke ek varishth police adhikaari ne bataaya ki ladki software engineer hai aur vah mangalvaar ki shaam kareeb saat bajkar 45 minute par share auto se ja rahi thi. Raaste mein teen chaar sahayaatri apne gantavya par utar gaye. Unhonne bataaya ki ladki ke paas baithe ek yaatri ne uske saath chhedchhaad ka prayaas kiya. Saath hi chaalak saamaanya sadak ke badle doosari disha mein auto le jaane laga. Adhikaari ne bataaya ki gadbadi ki aashanka ko dekhte hue ladki autorickshaw se kood gayi aur apne ek mitr ko iski jaankaari di. Mitr ne police ko iski soochana di. Ek raahageer ne bhi police ko khabar di aur use paas ke ek aspataal le gaya. Ladki ke sir mein chot I hai aur use ek kaurporet aspataal mein bharti karaaya gaya hai jahaan usaki haalat khatre se baahar hai. Police ne maamala darj kar liya hai aur aaropiyon ko pakadne ke liye prayaas tej kar diye hain.


Do Divseeya Deshavyaapi Hadtaal Shuroo, Union Neta Ki Hatya

Do Divseeya Deshavyaapi Hadtaal Shuroo, Union Neta Ki Hatya

Breaking »

Nai Delhi: Kendreeya trade union sanghon ke aahvaan par Budhvaar se shuroo hui do divseeya deshavyaapi hadtaal ka milaajula asar raha. Hadtaal se desh ke vibhinn hisson mein banking sevaaen thap raheen aur saarvajanik parivhan seva baadhit huin. Udhar, hinsa mein Haryana mein ek union neta ki maut ho gayi jabki Delhi se sate Noida mein chhitput hinsa mein anek kaarkhaana ikaaiyaan kshatigrast huin. Kerala, tripura aur Bihar hadtaal se sabse adhik prabhaavit raajyon mein shaamil rahe jahaan janajeevan buri tarah se prabhaavit huaa jabki Orissa aur Karnataka mein hinsa ki chhitput ghatnaaen saamane aain. Kai shaharon mein virodh March nikaale gaye. Samprag sarkaar evam kathit shramik virodhi neetiyon ke khilaaf 11 trade union sanghon ki or se aahoot hadtaal ka havaai udaanon aur rel sanchaalan par koi asar naheen pada. Raajya ki raajadhaaniyon se praapt khabaron mein bataaya gaya hai ki vitteeya sevaaen thap raheen aur bas yaatriyon ko mushkilon ka saamana karna pada. Haryana roadways workers union ke Ambala jila adhyaksh indar Singh bhadaana ne bataaya ki Haryana mein bas chaalak evam etak ke koshaadhyaksh Narendra Singh us samay maare gaye jab unhonne us bas ko rokane ka prayaas kiya jo ki hadtaal ke baavajood Ambala dipo se nikaali ja rahi thi. Bataaya ja raha hai ki unki kuchh logon ne chhoora ghonpakar hatya kar di. Noida phase do kshetr sthit hojari parisar mein shramik kaarkhaana maalikon se bhid gaye aur vaahanon ko aag laga di. Iske maddenajar prashaasan ne kshetr mein PAC ki tainaati kar di. Police ne bataaya ki shramik bhadak gaye aur audyogik sampattiyon ko nuksaan pahunchaaya. Police ne bataaya ki Noida ke audyogiki kshetr sector 82 se greater Noida se sate ilaakon tak mein shramikon ne ek car, bas aur ek damakal gaadi ko aag laga di. Ek udyogapati ne kaha, ''Log andar ghus aaye, lootpaat ki aur yahaan tak ki hamaare rajistar bhi faad diye. '' ek anya udyogapati ne bataaya ki hojari parisar mein pratyek imaarat ki khidkiyaan tod di gain aur kai vaahanon ko aag laga di gayi. Trinamool Congress shaasit pashchim Bengal mein janajeevan aanshik roop se prabhaavit huaa. Kolkata ke kai ilaakon mein dukaanein, baajaar aur vyaapaarik pratishthaan band rahe jabki sarkaar dvaara sanchaalit basein aur traumon ka badi sankhya mein sanchaalan huaa. Pashchim Bengal ki mukhyamantri mamata Bannerjee band ke khilaaf hain. Unhonne sarkaari karmachaariyon ko chetaavani di ki gairahaajir rahane vaalon ke khilaaf kaarravaai ki jaaegi. Unhonne daava kiya raajya sachivaalaya, raaitars bilding mein 100 pratishat upasthiti rahi. Raashtreeya rajdhani mein yaatriyon ko mushkilon ka saamana karna pada kyonki auto riksha aur taxi chaalakon ke ek varg ne hadtaal ke samarthan mein apne vaahan sadkon par naheen utaare. Bas sevaaen aanshik roop se prabhaavit hui kyonki Delhi parivhan nigam sahit kai bas unionon ne hadtaal ka samarthan kiya. Desh ke aarthik kendra mumbai mein banking aur beema kshetr ke karmachaariyon ne hadtaal mein shat-pratishat hissedaari ki jisse donon kshetron mein kaamkaaj thap raha.


Sri Lanka Ke Khilaaf Sakht Kadam Uthaae Bhaarat Jayalalita

Sri Lanka Ke Khilaaf Sakht Kadam Uthaae Bhaarat Jayalalita

Breaking »

Chennai: Litte ke divangat pramukh vi prabhaakaran ke 12 saal ke putr baalachandran ki kathit nrushans hatya ke 'Amaanaveeya krutya' par shreelankaai sarkaar ko aade haath lete hue Tamil Nadu ki mukhyamantri jayalalita ne Budhvaar ko kaha ki Bhaarat ko Colombo ke khilaaf kade kadam uthaane chaahiye aur March maheene mein jineva mein hone ja rahi sanyukt raashtra maanavaadhikaar parishad (yooenaechaaarasi) ki baithak mein kathit maanavaadhikaar hanan par khaaskar Sri Lanka ke khilaaf laae jaane vaale prastaav ka use samarthan karna chaahiye. Samvaadadaataaon se baatcheet mein jayalalita ne ise ''Charam kroorata ka ek amaanaveeya krutya'' karaar dete hue kaha, ''Vah to ek bachcha tha jisne koi gunaah naheen kiya tha. Use suniyojit tareeke se maara gaya kyonki vah prabhaakaran ka putr tha. Yah aisi kai hatyaaon ka pramaan hai aur isse Sri Lanka ki maujooda sarkaar ki maanasikta ka pata chalta hai. '' Annaadramuk pramukh ne kaha ki aisi hatyaaon se hitlar ke shaasanakaal vaale naaji yug ke Germany ki yaad aati hai jahaan yahoodiyon ko sirf unki nasl ke liye maar daala jaata tha. Mukhyamantri ne kaha, ''Baalachandran ki hatya gambhir prakruti ka yuddh aparaadh hai jise maaf naheen kiya ja sakta. '' kathit maanavaadhikaar hanan ko lekar Colombo ke khilaaf sakht kaarravaai ki maang karte hue jaya ne kaha ki Bhaarat ko America env anya deshon se is mudde par baat karni chaahiye. Gaurtalab hai ki America agale maheene yooenaechaaarasi ki baithak mein Sri Lanka ke khilaaf prastaav laane ja raha hai. Jaya ne maang ki, ''Yuddh aparaadh ke sabhi doshiyon par antararaashtreeya nyaayaalaya mein mukadama chalana chaahiye. ''


Bajat Airlines Ke Beech Saste Mein Havaai Yaatra Karne Ki Hod Machi

Bajat Airlines Ke Beech Saste Mein Havaai Yaatra Karne Ki Hod Machi

Breaking »

Nai Delhi: Havaai kiraae ghataane ko lekar pratispardha Budhvaar ko aur tej ho gayi. Saarvajanik kshetr ki air India bhi is hod mein shaamil ho gayi hai. Jet Airways ne saal ke ant tak yaatra ke liye nyoonatam 2,250 rupaye mein 20 lakh seaton ki mangalvaar ko peshakash ki jiske baad sabhi bajat airlines indigo, spaaisajet aur goeyar is pratispardha mein kood gain. Air India ne aaj shaam ek vishesh kiraae ki peshakash ki jiske tahat ghareloo udaanon par ek taraf ke niyamit kiraae mein company 40 pratishat tak chhoot di degi. Delhi-Mumbai root par April ke madhya mein ek taraf ki yaatra ke liye economy class mein air India dvaara 3,201 rupaye, indigo dvaara 3,340 rupaye, jet Airways dvaara 3,350 rupaye aur spaaisajet dvaara 4,426 rupaye ke kiraae ki peshakash ki ja rahi hai. Vaheen, Delhi-chennai root par air India 3,701 rupaye, indigo 3,840 rupaye, jet Airways 3,850 rupaye, jet kanekt 4,008 rupaye aur spaaisajet 4,714 rupaye ke kiraae ki peshakash kar rahi hai. Isi tarah, Delhi-Kolkata root par air India 3,201 rupaye, indigo 3,241 rupaye, spaaisajet 4,662 rupaye aur jet kanekt 4,663 rupaye ke kiraae ki peshakash kar rahi hai. Ullekhaneeya hai ki kiraae ghataane ki hod pichhle maheene spaaisajet ne shuroo ki jismein usane seemit avadhi ke liye 2,013 rupaye mein 10 lakh seaton ki peshakash ki thi. Travel portal eksapeediya ke country head vikram malhi ne kaha ki kiraae ghatne se vimaanan companiyon ko apni seatein bharne mein madad milegi.


Veerappan Ke Chaar Saathiyon Ki Faansi Par Supreme Court Ne Filhaal Rok Lagaai

Veerappan Ke Chaar Saathiyon Ki Faansi Par Supreme Court Ne Filhaal Rok Lagaai

Breaking »

Nai Delhi: Supreme court ne chandan taskar veerappan ke chaar saathiyon ko raahat dete hue unki faansi par filhaal rok laga di hai. Supreme court ne kaha ki aisa hi ek maamala court ki doosari bench ke saamane lambit hai, isliye is par agale aadesh tak rok lagaai jaati hai. Mukhya nyaayaadheesh altamas kabeer ki adhyakshata waali peeth ne kaha ki vah maamale ko lambit rakh rahi hai, kyonki doosari peeth ne bhi is yaachika par sunavaai ki hai aur usane faisale ko surakshit rakha hai. Peeth ne kaha, hamaare vichaar mein is par kaaryavaahi tab tak sthagit ki jaati hai, jab tak doosari peeth is maamale mein apna faisala naheen suna deti, isliye ham maamale ki sunavaai chhah maheene ke liye sthagit karte hain, taaki doosari peeth doosare lambit maamale mein apna faisala suna sake. Isne kaha, parinaamasvaroop yaachikaakartaaon (veerappan ke sahayogiyon) ko faansi par latakaane se sambandhit 18 February ka antarim aadesh jaari rahega. Peeth mein nyaayamoorti AR dave aur Vikramjeet sen bhi shaamil hain. Peeth ne kaha ki yaachika sajaayaaftaaon ki maut ki saja ko aajeevan kaaraavaas mein badalne se sambandhit hai, jinhonne maut ki saja mein vilamb ke aadhaar par badlaav ki maang ki hai. Peeth ne kaha, humne jab sunavaai shuroo ki, to ismein yah mukhya savaal shaamil raha. Hamaare sanjnyaaan mein laaya gaya ki isi mudde par doosari rit yaachikaaon par do nyaayaadheeshon ki peeth sunavaai kar rahi hai, jismein varishth adhivakta raamajethamalaani aur teeaar andhyaarujina adaalat mitr hain. Veerappan ke bade bhaai ganaprakaash aur uske sahayogi simon, miseekar madaiya aur bilaavendran ko 1993 mein Karnataka ke palaar mein hue visfot ke silsile mein 2004 mein faansi ki saja sunaai gayi thi. Raashtrapati Pranab mukharji ne 13 February ko unki daya yaachika khaarij kar di thi. Vartamaan mein ve Karnataka ke belagaanv ki ek jail mein band hain. Mysore mein taada ki ek adaalat ne 2001 mein unhein aajeevan kaaraavaas ki saja sunaai thi, jise uchchatam nyaayaalaya ne badhaate hue maut ki saja kar di thi. Giroh ka saragana veerappan October, 2004 mein Tamil Nadu police ke saath muthabhed mein maara gaya tha. Uchchatam nyaayaalaya ne yah bhi kaha ki is mudde par doosari peeth dvaara rit yaachika par sunavaai mein 19 April, 2012 ko faisala surakshit rakh liya gaya tha. Peeth ne kaha ki atirikt soleeseetar general haren raaval ne soochit kiya hai ki devendar paal Singh bhullar aur emaen das ki rit yaachikaaon par vichaar karte hue doosari peeth ke paas isi tarah ke maamale mein vichaar karne ka avsar tha, jismein daya yaachika raashtrapati ke paas lambit thi. Pradhaan nyaayaadheesh ne kaha ki mudde par choonki doosari peeth ne sunavaai ki hai aur faisala surakshit rakha hai, isliye sambhaavana hai ki veerappan ke sahayogiyon ki yaachikaaon par sunavaai vahi peeth karegi. Isse pehle veerappan ke in saathiyon ki faansi ki daya yaachika ko raashtrapati ne khaarij kar diya tha, jiske baad ye log Supreme court ke paas gaye the. Gananaprakaasham, simon entoniyppa, meesekar madaiya tatha bilaaveindran naam ke veerappan ke chaar saathiyon ko 1993 mein Karnataka ke polaar mein baaroodi surang ke visfot mein 22 policekarmiyon aur anya logon ki maut ke silsile mein faansi ki saja sunaai gayi thi. Daya yaachikaaen varsh 2004 mein daakhil ki gayi theen. Doshiyon ki daleel hai ki unki yaachika par nirnaya bahut deri se aaya hai, isliye unhein faansi par naheen latakaaya jaana chaahiye. (input bhaasha se bhi)


Trade Unionon Ki Hadtaal Se 20,000 Karod Ke Nuksaan Ki Aashanka

Trade Unionon Ki Hadtaal Se 20,000 Karod Ke Nuksaan Ki Aashanka

Breaking »

Nai Delhi: Vaanijya evam udyog mandal Assocham ne kaha hai ki trade unionon ki do din ki aam hadtaal se aarthik gatividhiyon par asar padega aur 15,000 se 20,000 karod rupaye ke sakal ghareloo utpaad (GDP) ka nuksaan hoga. Assocham ka kehna hai ki pehle se hi narami se joojh rahi desh ki arthavyavastha hadtaal se aur kamjor hogi. Chaaloo vittavarsh ke dauraan aarthik vruddhi ki dar pichhle ek dashak mein sabse kam (5 pratishat) rah jaane ka anumaan hai. Pichhle varsh aarthik vruddhi 6.2 pratishat rahi thi. Assocham adhyaksh Rajkumar dhoot ne kaha hai ki mahangaai ki chinta sabhi ko hai aur shramik sangathanon ki hadtaal se vastuon ki aapoorti gadbadaane se mahangaai aur badh sakti hai. Dhoot ne kaha ki deshavyaapi is hadtaal se banking, beema aur transport jaise seva kshetr par jyaada asar padega, saath hi audyogik utpaadan bhi prabhaavit hoga. Yahaan tak ki sabjiyon ki aavaajaahi prabhaavit hone se krushi kshetr par bhi asar hoga. Fal evam sabjiyaan yadi turant gantavya tak naheen pahunchati hain, to inke kharaab hone ka jokhim rahata hai. Hadtaal se GDP mein hone vaale nuksaan ka anumaan dainik GDP mein 30 se 40 pratishat nuksaan ke aadhaar par lagaaya gaya hai. Keindreeya saankhyiki sangathan (CSO) ke agrim anumaan ke anusaar chaaloo vittavarsh ke dauraan desh ka sakal ghareloo utpaad (GDP) 95 lakh karod rupaye rahane ka anumaan hai. Is hisaab se dainik GDP 26,000 karod rupaye aur do din mein 52,000 karod rupaye baithati hai. Aise mein hadtaal se yadi 30 se 40 pratishat dainik kaarobaar ka nuksaan hota hai, to do din ki hadtaal se kul milaakar 15,000 se 20,000 karod rupaye GDP ka nuksaan hoga.


Bhaarat, Britain Ke Udyog Mandalon Ne Kiya Karaar

Bhaarat, Britain Ke Udyog Mandalon Ne Kiya Karaar

Breaking »

Nai Delhi: Bhaarat aur Britain ke udyog mandalon ne svaasthya aur shiksha ke kshetron mein gathabandhan karne ke liye do samjhauton par dastakhat kiye. In samjhauton ka uddeshya donon deshon mein svaasthya aur shiksha ke kshetron mein sudhaar laana hai. CII aur association of kaulejes, Bhaarat ne Britain ke efai kaalejon ke saath saajheedaari sthaapit karne ke uddeshya se ek samjhaute par hastaakshar kiya, jisse shiksha, prashikshan aur kaushal vikaas par sarvottam drushtikon apnaaya ja sake. CII ke mahaanideshak chandrajeet Bannerjee ne kaha, Britain ke pradhaanamantri David Cameron ki is aitihaasik Bhaarat yaatra ke dauraan CII aur eosi India ke beech kiye gaye is samjhaute ka ham svaagat karte hain. Isi beech, CII dvaara pravartit helthakeyar sector skil kaaunsil aur Bhaarat mein agrani svaasthya seva pradaataaon ne Britain sthit skils for helth ke saath ek anya samjhaute par hastaakshar kiya.


'Shoot Out Eight Vadaala Mein Babali Badmaash Baneingi Priyanka Chopra

'Shoot Out Eight Vadaala Mein Babali Badmaash Baneingi Priyanka Chopra

Breaking »

Mumbai: Abhinetri Priyanka Chopra sanjaya gupta ki nai film 'Shoot-out t vadaala' ke ek gaane par prastuti deingi. Sanjaya gupta ne twitter par likha, Priyanka Chopra hamaare jabaradast hit gaane 'Babali badmaash hai' par parafaurm kareingi. Yah gaana anu malik ne banaaya hai. Yah film 1 May ko release ho rahi hai aur ismein John Abraham, anil Kapoor, kangana raanaaut, sonoo sood, manoj baajapeyi aur tushaar Kapoor hain. Yah film vaastavik gang aur police ke beech muthabhed par aadhaarit hai, jismein maafiya Don maanya surve maara gaya tha. Ye muthabhed mumbai mein 1 November 1982 mein hui thi.


Bhaarat Band Mamata Bannerjee Ne Kaha, Kaam Naheen To Vetan Naheen

Bhaarat Band Mamata Bannerjee Ne Kaha, Kaam Naheen To Vetan Naheen

Breaking »

Kolkata: Keindreeya shramik sangathanon dvaara bulaai gayi do divseeya hadtaal ka pashchim Bengal mein kam asar dikhaai diya aur raajya mein haalaat saamaanya tatha shaantipoorn dikhaai diye. Kolkata mein adhikaansh baajaar aur dukaanein khule dikhaai diye. Niji bason aur taiksiyon ki sankhya kam thi, lekin raajya parihvan ki basein sadkon par badi sankhya mein chal raheen theen. Police sootron ke anusaar poorvi railway ke haasanaabaad aur daayamand sekshan mein kuchh adchanon ko chhodkar haavada tatha siyaaladeh mandalon mein train sevaaen saamaanya hain. Netaaji subhaash chandra Bose antararaashtreeya havaai adde par vimaanon ki aavaajaahi bhi saamaanya hai. Kolkata police aayukt surajeet karapurakaayasth ne subah sadkon par suraksha ka jaayaja liya aur haalaat ko poori tarah saamaanya bataaya. Pashchim Bengal sarkaar ne karmachaariyon ko chetaavani di hai ki hadtaal ke dauraan gair-maujood naheen rahein. Mukhyamantri mamata Bannerjee ne kaha ki unka prashaasan sunishchit karega ki janajeevan saamaanya rahe aur raajya mein kisi tarah ka band naheen ho. Shramik sangathanon ki do din ki hadtaal ko jabaran prabhaavi banaane par sakht chetaavani ke baad pashchim Bengal ki mukhyamantri mamata Bannerjee ne kaha hai ki raajya mein do din dukaanon ke band rahane par kadam uthaae jaaenge. Pashchim Bengal forum of tredars esosiyeshans ke mahaasachiv raveendranaath kolaya ne kaha ki mukhyamantri ne sarkaar dvaara gathit kaaryabal ki baithak mein kaha ki agar agale do din mein dukaanein band raheen, to prashaasanik kadam uthaae jaaenge. Kolaya baithak mein maujood the. Unhonne kaha ki mukhyamantri ne nirdesh diya ki hadtaal ke dauraan police sabhi baajaaron mein gasht karegi, taaki sthiti saamaanya bani rahe. Mamata ne kaha ki hadtaal samarthakon dvaara todfod kiye jaane ya dukaanon ko nishaana banaae jaane par unki sarkaar muaavaja degi. Mukhyamantri ne kaha tha ki raajya mein koi band naheen hoga aur prashaasan sunishchit karega ki janajeevan saamaanya rahe.


Cameron Ne Kaha, Jaliyaanvaala Baag Kaand British Itihaas Ki Ek Sharmanaak Ghatna

Cameron Ne Kaha, Jaliyaanvaala Baag Kaand British Itihaas Ki Ek Sharmanaak Ghatna

Breaking »

Amrutasar: Britain ke pradhaanamantri David Cameron svarn mandir mein maatha tekane ke baad jaliyaanvaala baag pahunche, jahaan unhonne kaha ki yah narasanhaar Britain ke itihaas mein ek sharmanaak ghatna hai. Unhonne kaha ki is narasanhaar ko naheen bhoolana chaahiye. Cameron ne jaliyaanvaala smaarak aagantuk rajistar mein likha, "Britain ke itihaas mein yah behad sharmanaak ghatna hai. Vinstan charchil ne is ghatna ko us samay behad bhayaavah ghatna sahi hi kaha tha. Is traasadi ko hamein kabhi naheen bhoolana chaahiye, tatha hamein sunishchit karna chaahiye ki England hamesha shaantipoorn pradarshanon ke paksh mein khada rahe. " Cameron jaliyaanvaala smaarak par aane vaale pehle british pradhaanamantri hain, lekin unhonne is traasadi ke liye kisi tarah ki maafi naheen maangi. Isse pehle, british pradhaanamantri Cameron ne jaliyaanvaala baag smaarak par jaakar shraddhaanjali arpit ki. Gaurtalab hai ki british raaj mein 1919 mein general daayar ke aadesh par jaliyaanvaala baag mein saikadon logon ko goliyon se bhoon diya gaya tha. Isse pehle, David Cameron ne svarn mandir mein mattha teka, jahaan unhein saropa bheint kiya gaya. Cameron ne kadi suraksha ke beech subah 10 bajkar 25 minute par mattha teka. Gahre rang ka soot aur taai pahane Cameron ne sir ko neele kapde se dhak rakha tha. Guruvaani ke beech Cameron ne kuchhek shraddhaaluon se sankshipt baatcheet bhi ki. 1997 mein mahaaraani Elizabeth dviteeya aur unke pati evam Duke of edinbarg prince Phillip ne pavitra shahar ka daura kiya tha. Mandir ke bheetar Cameron ke saath Punjab ke mukhyamantri prakaash Singh baadal, shiromani gurudvaara prabandhak committee (esajeepeesi) ke adhyaksh avataar Singh makkad tatha anya log the. Isse pehle, shri guru raamadaas ji antararaashtreeya havaai adde par baadal ne Cameron ki agavaani ki. British pradhaanamantri subah kareeb nau bajkar 50 minute par svarn mandir pahunche aur kareeb ek ghanta vahaan gujaara. Mattha tekane se pehle Britain ke neta ko sikhon ki sheersh dhaarmik ikaai esajeepeesi ke padaadhikaariyon ne mandir mein ghumaaya aur shri guru raamadaas langar hall bhi dikhaaya. (input agencyon se bhi)


Bhaarat Band Mumbai Mein Banking, Beema, Vyaavasaayik Pratishthaan Band

Bhaarat Band Mumbai Mein Banking, Beema, Vyaavasaayik Pratishthaan Band

Breaking »

Mumbai: Mahangaai, nijeekaran, theka pratha ke virodh mein vibhinn sangathanon ki or se aahoot do divseeya raashtravyaapi band ke pehle din Budhvaar ko Mumbai mein sabhi bank, beema companiyaan tatha vyaavasaayik pratishthaan band rahe. Akhil bhaarateeya bank karmachaari sangh ke upaadhyaksh vi. Utaagi ne kaha, banking evam vitteeya kshetr na keval Mumbai aur Maharashtra mein balki poore desh mein poori tarah band hain. Utaagi ne kaha ki raashtreeyakrut, niji, videshi, kshetreeya, graameen tatha sahakaari sahit sabhi bankon ne band mein hissa liya hai. Sadkon par haalaanki auto riksha, basein va anya vaahan niyamit roop se chalte dikhe, par logon ki aavaajaahi kam rahi. Adhiktar shaikshanik sansthaan bhi khule rahe, lekin chhaatron ki upasthiti kam rahi. Is beech, shivsena adhyaksh uddhav Thackeray ne Maharashtra mein 21 February se hone ja rahi 10veen ki pareeksha mein shaamil hone vaale chhaatron ko aashvast kiya hai ki band se unhein kisi tarah ki pareshaani naheen hogi. Udhar, bruhanamunbai nagarapaalika ne kisi bhi aapaatasthiti se nipatne ke liye aapaatkaaleen seva ko poori tarah satark kiya gaya hai. Band mein bhaarateeya majadoor sangh, bhaarateeya vyaapaar sangh Congress, akhil bhaarateeya vyaapaar sangh, hind majadoor sabha, keindreeya bhaarateeya vyaapaar sangh, akhil bhaarateeya ekeekrut vyaapaar sangh kendra tatha anya keindreeya va raajya sangathanon ne hissa liya.


Sharmanaak Haar Ke Baad PCB Ne Khilaadiyon Se Parivaar Ko Vaapas Bhejane Ko Kaha

Sharmanaak Haar Ke Baad PCB Ne Khilaadiyon Se Parivaar Ko Vaapas Bhejane Ko Kaha

Breaking »

Karachi: Dakshin Africa mein test shrunkhala mein sharmanaak haar ke baad Pakistan cricket board ne apne khilaadiyon se kaha hai ki ve apne parivaaron ko vaapas bhej dein. Daily express ki report ke anusaar, PCB ne nirdesh diya hai ki jin saat se aath khilaadiyon ke parijan dakshin Africa mein hain, ve 26 February tak laut aaen. Board ne khilaadiyon aur coach dev vaatamor ko apne parivaar saath le jaane ki anumati di thi. Report mein kaha gaya ki do test mein sharmanaak haar ke baad board ka maanana hai ki parivaar ke hone se khilaadiyon ka dhyaan bant raha hai. Ismein yah bhi kaha gaya ki vaatamor ki patni kuchh din pehle laut chuki hai aur khilaadiyon ko bhi kah diya gaya hai ki apne parivaar ko jaldi vaapas bhej dein.


Chhedkhaani Karne Vaalon Ko Sabak Sikhaane Waali Ladki Par Case Darj

Chhedkhaani Karne Vaalon Ko Sabak Sikhaane Waali Ladki Par Case Darj

Breaking »

Tiruvanantapuram: Haal hi mein chhedkhaani karne vaalon par laat-ghoose chalaakar sukhiryon mein I college star ki ek chhaatra pareshaani mein fans gayi hai aur tiruvanantapuram police ne yahaan ki adaalat ke aadesh par uske khilaaf maamala darj kiya hai. Shahar ke ek college mein antim varsh ki chhaatra amruta 14 February ko shanghamugham tat par 'Van biliyn raaijing' kaaryakram mein hissa lene ke baad ghar laut rahi thi. Raaste mein jab kuchh manachalon ne use pareshaan karna chaaha, to vah unase bahut bahaaduri se nibti. Usaki bahaaduri ki khabar media mein aane ke baad logon ne phone kar evam chitthiyaan bhejkar use badhaai di. Is ghatna ke baad police ne chhedchhaad karne vaale do vyaktiyon ke khilaaf maamala darj kiya. Lekin unamein se ek ne yah aarop lagaate hue sthaaneeya adaalat mein shikaayat darj ki ki ladki ne use peeta aur usaki car rok di. Adaalat ne police ko maamala darj karne aur ghatna ki jaanch karne ka nirdesh diya tha. Is beech, raajya mahila aayog ki adhyaksh KC rosaakutti aur vibhinn mahila sangathanon ki netaaon ne amruta ke khilaaf kaarravaai ki aalochna ki hai.


Pistoriys Ne Kaha, Garlafreind Ko Maarane Ka Koi Iraada Naheen Tha

Pistoriys Ne Kaha, Garlafreind Ko Maarane Ka Koi Iraada Naheen Tha

Breaking »

Pritoriya: Dakshin Africa ke mashahoor dhaavak oscar pistoriys ne jor dete hue kaha ki unka apni garlafreind ko maarane ka koi iraada naheen tha. Un par valentine de ke din apni model garlafreind par poorv niyojit hatya ka aarop lagaaya gaya ki unhonne taalaaband bathroom ke darvaaje se lagaataar goli chalaai. 26-varsheeya athlete ka halafnaama pritoriya mein adaalat ki sunavaai ke dauraan padha gaya. 14 February ko hui hatya ke baad yah unki pehli saarvajanik tippani hai, jismein unhonne kaha, apni garlafreind reeva steenakainp ko maarane ka mera koi iraada naheen tha. Olympian aur pairaalinpiyn 'Blade ranar' jamaanat par sunavaai ke liye adaalat mein pesh hue. Magistrate desamand Nair ne sanket diya ki pistoriys ko jamaanat par riha naheen kiya jaaega aur unhein poorv niyojit hatya ka aarop ka saamana karna pad sakta hai. Lekin pistoriys ne kaha ki unhonne bathroom ke darvaaje par goli chalaai, jahaan usaki 29-varsheeya premika chhupi thi, kyonki vah kaafi dara huaa tha ki koi vyakti khuli hui khidki se unke ghar mein ghus aaya hai. Pistoriys ne apne halafanaame mein kaha, mainne bathroom ke darvaaje par goli chalaai aur chillaaya. Unhonne kaha, ham ek-doosare se bahut pyaar karte the aur bahut khush the. Abhiyojan paksh ke vakeel geri neel ne pritoriya magistrate court se kaha ki pistoriys ne hathiyaar uthaaya, apne blade pahane aur saat meter tak chala aur iske baad usane taalaaband bathroom ke darvaaje se chaar shot lagaae aur dari hui reeva ko teen baar goli maari aur buri tarah ghaayal kar diya. Vakeel ne kaha, vah kaheen naheen ja sakti thi. Pistoriys ne bina hathiyaar se lais maasoom mahila ko maar diya. Vakeel ne kaha ki reeva Budhvaar ki shaam ko bag lekar pistoriys ke ghar pahunchi thi aur unhonne is athlete ke use ghusapaithiya samajhne ke daave ko galat bataaya. Adaalat mein tab sunavaai chal rahi thi, tab reeva ka unke shahar port Elizabeth mein antim sanskaar kiya gaya. Pistoriys ke bachaav mein vakeelon ki team ne poorv niyojit hatya ke daave ko khaarij kar diya. Unke vakeel bairi raaks ne kaha, ham kehte hain ki yah hatya bhi naheen hai. Ek saakshaatkaar mein reeva ki maan ne usaki maut ko bhayaanak bataaya. Reeva ke ek rishtedaar ne kaha ki unhein 'Blade ranar' se koi shikva naheen hai par reeva ki maut ke kaaran spasht hon.


Bihar Mein Railway Patari Se Teen Yuvakon Ke Shav Baraamad

Bihar Mein Railway Patari Se Teen Yuvakon Ke Shav Baraamad

Breaking »

Munger: Bihar mein munger jile ke jamaalapur-dasharathapur relakhand par police ne Budhvaar subah teen yuvakon ka shav baraamad kiya hai. Yuvakon ke shav par goli ke nishaan hain. Police adhikaari ke anusaar, dasharathapur railway kebin ke paas railway patari par teen yuvakon ka shav paaya gaya hai. Police ko sandeh hai ki teenon yuvakon ki hatya kisi anya sthaan par kar shav yahaan laakar feink diya gaya. Ek police adhikaari ke mutaabik, shavon ki pehchaan ab tak naheen ho paai hai. Police ne shavon ko kabje mein kar antyapareekshan ke liye bhej diya hai. Mrutakon ki umr 25 se 30 varsh ke beech bataai ja rahi hai. Police poore maamale ki chhaanabeen kar rahi hai.


Bhaarat Band Ke Dauraan Noida Mein Faiktariyon, Gaadiyon Mein Todfod, 14 Giraftaar

Bhaarat Band Ke Dauraan Noida Mein Faiktariyon, Gaadiyon Mein Todfod, 14 Giraftaar

Breaking »

Noida: Trade unionon ki do din ki raashtravyaapi hadtaal ke pehle din Delhi se sate Noida mein pradarshan kar rahe logon ne hangaama shuroo kar diya aur in logon ne yahaan kai faiktariyon mein todafod ki aur kai gaadiyon ko bhi kshatigrast kar diya. Aagajani aur tod-fod mein kathit roop se shaamil 14 logon ko police ne giraftaar kiya hai. Bataaya ja raha hai ki ugr pradarshanakaariyon ne pehle faiktariyon mein todafod shuroo ki, jiske baad police ne inhein kaaboo karne ke liye laatheechaarj kiya. Is laatheechaarj mein ek vyakti behosh ho gaya, jiske baad gussaae pradarshanakaariyon ne gaadiyon ko aag laga di. Iske baad aag par kaaboo karne ke liye pahunchi fire briged ko bhi in logon ne naheen bakhsha aur todafod jaari rakhi. Paanch bason samet 40 gaadiyon mein todfod ki gayi, jabki hinsa mein 12 log jakhmi ho gaye. Inmein paanch policekarmi hain. Vaheen UP police ne is ghatna ko dekhte hue band ki doosare din khaas chaukasi baratne ki taiyaari shuroo kar di hai. Kaarkhaanon ko is todfod se kaafi nuksaan pahuncha hai.


Bhaarateeya State Bank Ne Cheen Mein Doosari Shaakha Kholi

Bhaarateeya State Bank Ne Cheen Mein Doosari Shaakha Kholi

Breaking »

Beijing: Bhaarat ke sabse bade vaanijyik bank bhaarateeya state bank (SBI) ne cheen mein apni doosari shaakha khol di. Samaachaar agency sinhuaa ke mutaabik, nai shaakha mangalvaar ko uttari bandargaah shahar tiyaanajin mein kholi gayi. Is shaakha mein karj, vyaapaarik faaineinsing aur remiteins jaisi seva pradaan ki jaaegi. Bhaarateeya state bank ne cheen mein pehli shaakha 2006 mein Shanghai mein kholi thi aur 2010 mein cheen sarkaar se sthaaneeya renaminbi mudra mein kaarobaar karne ka adhikaar liya tha. 'Banker' patrika ne July 2012 mein duniya ke 1,000 sabse achhe bankon ki ek soochi mein bhaarateeya state bank ko 60vaan sthaan diya tha. Bhaarat sarkaar ki bank mein 61.58 feesadi hissedaari hai.


Delhi Ki Rohini Court Mein Kaidi Ko Goli Maari

Delhi Ki Rohini Court Mein Kaidi Ko Goli Maari

Breaking »

Nai Delhi: Delhi ki rohini court mein kuchh agyaat hamlaavaron ne ek kaidi par goli chala di. Naveen naam ke is ghaayal kaidi ko aspataal mein bharti karaaya gaya, jahaan usaki maut ho gayi. Iske saath hi ek goli constable ke pair par bhi lagi hai. Gaurtalab hai ki naveen Delhi ke narela ilaake ka kukhyaat aparaadhi tha aur us par hatya ka maamala chal raha tha. Police ke mutaabik, yah narela ke do guton ke beech chal rahi gaingavaar ka nateeja hai.


IPL Viraat Kohli Bane Royal Challengers Bangalore Ke Kaptaan

IPL Viraat Kohli Bane Royal Challengers Bangalore Ke Kaptaan

Breaking »

Bengaluru: IPL freinchaaiji royal Challengers Bangalore ne Indian Premier league (IPL) ke chhathe satr ke liye viraat Kohli ko kaptaan niyukt kiya hai. Kohli New Zealand ke Daniel vitori ki jagah leinge. IPL ke chhathe satr ke liye aaraseebi ne kai achhe harafanamaulaaon ko team mein jagah di hai. Team ke maalik vijay Mallya ne ek vigyapti mein kaha, hamein viraat ko kaptaan banaakar bahut khushi ho rahi hai. Seekhane, netrutv karne aur misaal pesh karne ki usaki bhookh kaabile taareef hai. IPL ke itihaas mein sarvaadhik run banaane vaale viraat 11vein ballebaaj hain, jinhonne 119.28 ke strike rate se 1639 run banaae. Viraat ne kaha, aaraseebi ka kaptaan bankar bahut khush hoon. Main maalikon ko is bharose ke liye dhanyavaad deta hoon. Mujhe is chunauti ka intajaar hai aur main team ko nai oonchaaiyon tak le jaane ki koshish karoonga.


Cheen Mein Bhookamp, Aath Log Ghaayal

Cheen Mein Bhookamp, Aath Log Ghaayal

Breaking »

Beijing: Cheen ke dakshin-pashchim sichuyaan aur yunnaan praanton ke seemaavarti ilaakon mein aae bhookamp ke jhatke se aath log jakhmi ho gaye. Praanteeya sarkaar ne kaha ki mangalvaar subah das bajkar 46 minute par aae 4.9 teevrata vaale bhookamp ka kendra chhah kilometer ki gaharaai mein tha aur ismein yunnaan ke kviyaajiya ilaake mein 72 ghar gir gaye evam 949 anya kshatigrast ho gaye. Sarkaari shinhuaa samvaad samiti ne khabar di hai ki ghaayalon mein do ki haalat gambhir hain aur unhein sthaaneeya aspataalon mein bharti karaaya gaya hai.


Saste Kiraaye Ki Hod Badhi, Sarkaar Ne Kaha, Dakhal Naheen Deinge

Saste Kiraaye Ki Hod Badhi, Sarkaar Ne Kaha, Dakhal Naheen Deinge

Breaking »

Nai Delhi: Air India ne sanket diya ki vah havaai yaatriyon ko aakarshit karne ke liye kiraaye mein kami karne ki hod mein shaamil ho sakti hai. Jet Airways ki saal ke ant tak 2,250 rupaye mein 20 lakh seatein upalabdh karaane ki peshakash ke baad anya pramukh niji vimaanan companiyaan kiraaye kam karne ki hod mein shaamil ho gayi hain. Haalaanki sarkaar ko is baat ki ummeed naheen thi ki kiraaye mein kami vimaanan niyaamak DGCA dvaara tay nyoonatam kiraaya star se bhi neeche chala jaaega. Air India ke adhyaksh evam prabandh nideshak rohit nandan ne kaha, ham sthiti par najar rakh rahe hain. Jaisi sthiti hogi air India uske hisaab se kadam uthaaegi. Bajat airline spaaisajet, goeyar aur indigo kiraaya ghataane ki hod mein shaamil ho gayi hain. Ve jet Airways dvaara mangalvaar ko havaai kiraaya ghataane ki ghoshana ke baad se kam kiraaye ki peshakash kar rahi hain. Jet Airways ne is saal ke ant tak ghareloo havaai yaatra ke liye kam kiraae par 20 lakh seatein upalabdh karaane ki peshakash ki hai. Yah poochhane par ki kya galaakaat pratispardha se Bhaarat mein pehle se vitteeya sankat se ghiri companiyon ki kathinaai aur naheen badhegi to naagar vimaanan mantri ajit Singh ne kaha, ham havaai kiraaye ka niyman naheen karte. Ham ek prakoshth bana rahe, jo kiraaya daron ki nigraani karega lekin nigraani, kiraaye ke niyman se alag hai. Airline udyog ke sootron ne jet ki pahal par kaha, yah pahal jet-etihaad saude se dhyaan hataane ki koshish ho sakti hai, kyonki us saude mein kuchh samasya ho gayi hai. Saath hi kiraaye mein kami ka uddeshya pichhle kuchh dinon mein company ke ludhke share mein teji laana bhi ho sakta hai. Is pahal ke jariye unhonne kaha ki jet pratidvandvi companiyon ke yaatriyon ko aakarshit karne aur kareeb 400 karod rupaye ki nakadi jutaana chaahata hai.


Pakistan Ka Sheersh Taalibaani Commander Afghanistan Mein Pakada Gaya

Pakistan Ka Sheersh Taalibaani Commander Afghanistan Mein Pakada Gaya

Breaking »

Islamabad: Pakistan ka varishth taalibaan commander maulavi fakeer mohammad ko Afghanistan ki khufiya agencyon ne Pakistan ke saath lagte seemaavarti ilaake se giraftaar kiya hai. 'Don' akhbaar ne Pakistan ke suraksha adhikaariyon ke havaale se khabar di hai ki Afghanistan mein mohammad ki giraftaari ki khabar sahi lagti hai. Afghanistan se mili khabaron mein kaha gaya hai ki Afghanistan ki khufiya agencyon ne mohammad ko giraftaar kiya hai, jo tahareek-A-taalibaan Pakistan ke pramukh hakeemulla mahasood ka 2011 tak naayab raha. Uske chaar sahayogi bhi giraftaar kiye gaye hain. Naangaraahaar praant se Pakistan mein pravesh karne ka prayaas karte vakt inhein giraftaar kiya gaya. Ek anaam Pakistani suraksha adhikaari ne kaha, yah badi khabar hai. Ham aashvast hain ki usaki giraftaari ki soochana sahi hai, lekin jab tak Afghanistan ke adhikaari pushti naheen karte tab tak ham saarvajanik roop se kuchh naheen kah sakte. Adhikaari ne daava kiya Ki khabaron mein Pakistan ke tark ki pushti hui hai ki maulavi fakeer aur anya bhaag gaye hain aur Afghanistan mein sharan liye hue hain. Unhonne ummeed jataai ki Afghanistan mein chhipe anya Pakistani aatankvaadi commander ko bhi giraftaar kiya jaaega. Mohammad ke shahar baajaur kabaayali ilaake ke ek adhikaari ne kaha ki bhagode aatankvaadi ko poorvi Afghanistan ke basaaval se tab giraftaar kiya gaya, jab vah Pakistan ke khabar agency mein pravesh karne ka prayaas kar raha tha.