Afzal Ko Faansi Dene Ke Khilaaf Pradarshan

Afzal Ko Faansi Dene Ke Khilaaf Pradarshan

Breaking »

Nai Delhi: Sansad par hamle ke doshi Afzal guru ko faansi diye jaane ke virodh mein Delhi mein jantar-mantar par virodh pradarshan kiya gaya. In pradarshanakaariyon mein saamaajik kaaryakarta, jeenayoo evam kuchh anya vishvavidyaalayon ke chhaatr tatha kai saamaajik sangathanon ke kaaryakarta shaamil the. Roochika naamak pradarshanakaari ne kaha, 'Ham kisi ko bhi maut ki saja diye jaane ke khilaaf hain. Ham Afzal ko faansi diye jaane ka virodh karne ke liye jama hue hain. '


America Mein Barfeele Toofaan Ka Kahar, Hajaaron Gharon Ki Bijli Gul

America Mein Barfeele Toofaan Ka Kahar, Hajaaron Gharon Ki Bijli Gul

Breaking »

Boston: Barfeele toofaan ke kaaran poorvottar America mein 650,000 se jyaada gharon mein kadaake ki sardi mein bhi bijli gul ho gayi hai, hajaaron udaanein radd kar di gayi hain aur logon ko sadkon par naheen nikalne ki salaah di gayi hai. New York se Boston tak barf ki kai fut moti chaadar bichh chuki hai aur jan jeevan poori tarah ast-vyast ho gaya hai. National weather service (enadablyooen) ke mutaabik shanivaar subah tak barfeele toofaan ke kaaran ek vyakti ki maut ho chuki thi aur new England aur laang aailaind mein har jagah kareeb do feet barf ki moti parat jam gayi thi. Connecticut mein kai jagahon par 20 inch barf ki parat jama ho gayi. Pougahakeepsiye mein police ne bataaya ki barfabaari ke kaaran 18 varsheeya ek yuvati apne car par niyantran naheen rakh paai aur sadak ke kinaare tahal rahe 74 varsh ke ek bujurg ko takkar maar di. Bujurg ki aspataal mein ilaaj ke dauraan maut ho gayi. Samaachaar patra New York times ke mutaabik, bhaari barfabaari ke ek din baad paanch praanton -New York, mesaachusets, Connecticut, new haimpashaayar aur rode aailaind mein aapaat sthiti ki ghoshana kar di gayi hai. Toofaan shukravaar subah New York ke kuchh hisse se shuroo huaa tha. Toofaan ke kaaran poorvi tat tatha aantarik hisse mein kuchh 60 havaai addon par hajaaron udaanein radd huin tatha sarkaar ne vaahan chaalakon ko sadak par na aane ka nirdesh diya hai. Shaam dhalte-dhalte pramukh raajamaarg poori tarah soonasaan ho gaye aur barf tatha toofaan se ghira Boston ek bhutaha shahar mein tabdeel ho gaya. New York ke mayor Michael aar. Bloomberg ne logon ko gharon mein rahane ke liye kaha hai, tatha ghabaraakar jaroorat se adhik petrol khareedne se mana kiya hai aur unhonne kaha hai paryaapt maatra mein petrol upalabdh hai. Lekin October ke saindi toofaan ki yaad taaja rahane ke kaaran logon ne khoob petrol sangrah karne shuroo kiye aur kai store khaali ho gaye. Samaachaarapatr Boston heraald ke mutaabik mesaachusets mein 1,75,000 se adhik ghar aur kaarobaari pratishthaanon mein bijli gul hai. Toofaan ke shanivaar dopahar tak samaapt hone ki sambhaavana hai. Mesaachusets ke Governor deval paitrik ne vaahanon ke sadak par nikalne ko avaidh karaar diya aur kaha ki agale aadesh tak yahi vyavastha rahegi. Governor ke ek adhikaari ne kaha ki is kaanoon ka ullanghan karne vaale ko ek saal ki jail ya jurmaana ho sakta hai.


Afzal Ke Parivaar Ne Jail Adhikaariyon Se Aakhiri Rasm Ki Anumati Maangi

Afzal Ke Parivaar Ne Jail Adhikaariyon Se Aakhiri Rasm Ki Anumati Maangi

Breaking »

Nai Delhi: Delhi ki tihaad jail mein shanivaar ko faansi par latakaae gaye sansad par hamle ke doshi Afzal guru ke parivaar ne prashaasan se Afzal ki aakhiri rasm dhaarmik parampara ke anusaar poori karne ki anumati maangi hai. Adhikaariyon ke mutaabik Afzal ke shav ko jail parisar mein hi dafna diya gaya. Jail ki mahaanideshak vimla Mehra ko likhe patra mein Afzal ki patni tabassum ne kaha ki uske pati ki aakhiri rasm sammaanajanak tareeke se honi chaahiye. Patra ka masauda Afzal ke vakeel ND pancholi ne taiyaar kiya. Tabassum ke patra mein kaha gaya hai, agar aap hamein yah jaankaari day sakein ki parivaar ke sadasya kab 'Namaaj-A-janaaja' ada kar sakte hain, to ham aapke shukragujaar honge. Patra mein likha hai, ham naheen chaahate ki pehle se garamaae maahaul mein ise ek raajaneetik mudda banaaya jaae, lekin Bhaarat ke naagrik hone ke naate parivaar ke sadasyon ko jo hak hai, vo unhein ada karne diya jaae.


Tennis Ki Bagaavat Khatm, Indonesia Mukaabale Ke Liye Sabhi Khilaadi Upalabdh

Tennis Ki Bagaavat Khatm, Indonesia Mukaabale Ke Liye Sabhi Khilaadi Upalabdh

Breaking »

Nai Delhi: Tennis ka paanch hafte lamba sankat tab samaapt ho gaya jab sabhi 11 baagi khilaadiyon ne Indonesia ke khilaaf Davis cup mukaabale ke liye khud ko upalabdh rakha. Isse pehle shukravaar ko akhil bhaarateeya tennis mahaasangh (AITA) ne Davis cup mein khelne ke haalaat ke sandarbh mein sabhi aashvaasan khilaadiyon ko likhit mein diye the. AITA sootr ne kaha, 'Haan, khilaadiyon ne AITA ko patra likha hai aur khud ko Indonesia ke khilaaf April mein hone vaale mukaabale ke liye upalabdh rakha hai. ' Somadev Devburman ki aguaai mein khilaadiyon ne chennai open ne pehle raashtreeya mahaasangh ke samaksh maangon ki soochi rakhi thi. AITA ne inmein se adhikaansh maange maan li thi lekin khilaadiyon ne Korea ke khilaaf Davis cup mukaabale mein khelne se inkaar kar diya kyonki unhein likhit mein aashvaasan naheen mila tha. Shukravaar ko AITA ne likhit aashvaasan diye aur khilaadiyon ne ummeed ke mutaabik bagaavat samaapt kar di. AITA Davis cup inaami raashi mein khilaadiyon ka hissa badhaane, sahaayak staaf mein badlaav aur aayojan sthal tatha satah ki pasand mein unke saath salaah ko taiyaar ho gaya hai.


Beete Saptaah Mein Share Baajaar Fisle, Upabhokta Tikaaoo Vastu Paanch Feesadi Neeche

Beete Saptaah Mein Share Baajaar Fisle, Upabhokta Tikaaoo Vastu Paanch Feesadi Neeche

Breaking »

Mumbai: Desh ke share baajaaron ke pramukh soochakaankon mein gat saptaah lagbhag 1.5 feesadi giraavat darj ki gayi. Is dauraan BSE ke midcap aur smallcap soochakaankon mein teen feesadi se adhik giraavat rahi aur upabhokta tikaaoo vastu soochakaank paanch feesadi se adhik ludhka. Mumbai stock exchange (BSE) ka 30 sheyaron par aadhaarit samvedi soochakaank Sensex gat saptaah 1.50 feesadi ya 296.42 ankon ki giraavat ke saath 19,484.77 par band huaa. National stock exchange (NSE) ka 50 sheyaron par aadhaarit samvedi soochakaank Nifty bhi is dauraan 1.59 feesadi ya 95.40 ankon ki giraavat ke saath 5,903.50 par band huaa. BSE ke midcap aur smallcap soochakaankon mein is dauraan teen feesadi se adhik giraavat rahi. Midcap 3.04 feesadi ya 211.49 ankon ki giraavat ke saath 6,756.01 par tatha smallcap soochakaank 3.72 feesadi ya 262.34 ankon ki giraavat ke saath 6,794.14 par band huaa. Aalochya avadhi mein Sensex ke saat sheyaron mein teji rahi. TCS (5.71 feesadi), HDFC (3.85 feesadi), san pharma (3.37 feesadi), HDFC bank (1.48 feesadi) aur Wipro (0.90 feesadi) mein sarvaadhik teji rahi. Sensex mein giraavat vaale sheyaron mein pramukh rahe starlight industries (9.56 feesadi), Cipla (7.92 feesadi), bhel (7.48 feesadi), ONGC (5.72 feesadi) aur NTPC (5.58 feesadi). BSE ke 13 mein se sirf do sector soochana praudyogiki (1.73 feesadi) aur praudyogiki (0.68 feesadi) mein teji rahi. Giraavat vaale sectoron mein pramukh rahe upabhokta tikaaoo vastu (5.16 feesadi), saarvajanik companiyaan (4.67 feesadi), dhaatu (4.35 feesadi), bijli (4.25 feesadi) aur tel evam gas (3.82 feesadi). Gat saptaah ke pramukh ghatnaakramon mein guruvaar ko keindreeya saankhyiki sangathan (CSO) ne maujooda kaarobaari saal ke liye agrim anumaan jaari kar kaha ki sakal ghareloo utpaad mein paanch feesadi vruddhi rahegi. 2011-12 mein yah vruddhi dar 6.2 feesadi thi. " Sarkaari anumaanon ke mutaabik is sust vikaas dar ka pramukh kaaran krushi, vinirmaan aur seva kshetr ka kharaab pradarshan hai. Yah vikaas dar pichhle ek dashak mein sabse kam hai. Isse pehle 2002-03 mein vikaas dar chaar feesadi rahi thi. Taaja aankadon ke mutaabik krushi aur sahaayak gatividhiyon ki vikaas dar 1.8 feesadi rahegi, jo 2011-12 mein 3.6 feesadi. Sarkaar aur bhaarateeya reserve bank ne maujooda kaarobaari saal mein vikaas dar kramash: 5.9 feesadi aur 5.5 feesadi rahane ka anumaan jataaya tha. Pradhaanamantri ke aarthik salaahakaar samiti ke adhyaksh si. Rangaraajan ne haalaanki aankadon par niraasha jataate hue kaha ki vaastavik aankada behtar rah sakta hai. Aankadon ke mutaabik krushi, vaaniki aur matsya kshetr ki vikaas dar 1.8 feesadi (pichhle kaarobaari saal mein 3.6 feesadi), vinirmaan kshetr ki vikaas dar 1.9 feesadi (pichhle kaarobaari saal mein 2.7 feesadi) aur gas evam jalaapoorti kshetr mein 4.9 feesadi (pichhle kaarobaari saal mein 6.5 feesadi) rah sakti hai. Khanan kshetr vikaas dar 0.4 feesadi (pichhle kaarobaari saal mein 0.6 feesadi giraavat) rahane ka anumaan hai. Vyaapaar, hotel, parivhan aur sanchaar jaise seva kshetr mein vikaas dar 5.2 feesadi rahane ka anumaan hai, jismein pichhle kaarobaari saal mein 7.00 feesadi vikaas dar rahi thi. Vitt, beema, real estate aur vyaavasaayik seva jaise kshetron mein vikaas dar 8.6 feesadi rahane ka anumaan hai, jismein pichhle kaarobaari saal mein vikaas dar 11.7 feesadi rahi thi. Ullekhaneeya hai ki maujooda kaarobaari saal ki pehli chhamaahi mein vikaas dar 5.4 feesadi rahi hai. Vaishvik arthavyavastha aur ghareloo star par neetigat avarodh ke kaaran haalaanki haal ki timaahi mein vikaas dar ghati hai. CSO ke aankadon ke mutaabik desh ki prati vyakti aay 31 March ko samaapt hone vaale maujooda kaarobaari saal mein pichhle kaarobaari saal ki tulana mein 2.9 feesadi badhkar 39,143 rupaye ho sakti hai. Pichhle kaarobaari varsh mein yah 38,037 rupaye thi. Keindreeya vitt mantri pi. Chidambaram ne guruvaar ko hi kaha ki vikaas mein teji laane ke liye sarkaar aur adhik kadam uthaaegi. Chidambaram ne CSO dvaara jaari aankadon par pratikriya dete hue kaha, "Vitt mantraalaya mein hamalog jo anumaan laga rahe the usase nishchit roop se CSO ki anumaanit vikaas dar kam hai. " Vitt mantri ne ek bayaan mein kaha, "Ham sthiti par najar rakhe hue hain, ham vikaas mein teji laane ke liye pehle bhi kadam uthaate rahe hain aur aage bhi uthaate raheinge. " Chidambaram ne kaha ki sarkaar ne aarthik sudhaar ke kai kadam uthaae hain aur vaastavik vikaas dar isse behtar rah sakti hai. Chidambaram ne bataaya ki yah poorvaanumaan November 2012 tak ke aankadon par aadhaarit hain. Iske baad pramukh soochakaankon mein kaafi sudhaar huaa hai.


Chhote Niveshak Ko Aakarshit Karne Ko Gadbadi Rokein Share Baajaar Chidambaram

Chhote Niveshak Ko Aakarshit Karne Ko Gadbadi Rokein Share Baajaar Chidambaram

Breaking »

Mumbai: Vitt mantri pi. Chidambaram ne share baajaaron ko spasht sandesh dete hue kaha ki chhote niveshakon ko yadi poonji baajaar mein vaapas laana hai to unhein share saudon ko saral banaana hoga aur chori chhipe bhed jaankaar kiye jaane vaale kaarobaar par ankush lagaana hoga. Chidambaram ne kaha 'Yah jaroori hai ki ham share baajaar kaarobaar ke baare mein jo ek rahasya bana huaa hai use door karein. Hamein yah sunishchit karna hoga ki baajaar mein bhediya kaarobaar jaisi gadbadiyon ko rokana hoga. Tabhi badi sankhya mein chhote aur khudara niveshak share baajaar se judeinge. ' Vitt mantri yahaan nae stock exchange emaseeeks-esaeks ka udghaatan karne ke avsar par bol rahe the. Emaseeeks-esaeks naya share baajaar hai aur ismein somvaar se khareed-farokht shuroo hogi. National stock exchange yaani NSE aur Mumbai share baajaar yaani BSE ke baad emaseeeks-esaeks teesara pramukh share baajaar hoga. Vitt mantri ne sabhi share baajaaron ko saavdhaan karte hue kaha ki unhein is baat ka dhyaan rakhana chaahiye ki sabhi vitteeya utpaad saral hone chaahiye jisse ki saamaanya niveshak ko bhi unhein samajhne mein aasaani ho. Chidambaram ne is baat ko sveekaar kiya ki duniya ke doosare share baajaaron ki tarah bhaarateeya share baajaaron mein bhi gadbadi aur bura vyavahaar hota hai lekin unhonne is baat par khed bhi jataaya ki inmein se kuchh ko humne khoj nikaala lekin kisi ko bhi dandit naheen kar paae. Poonji baajaar niyaamak SEBI ko satark karte hue unhonne kaha ki niyaamak ko share kaarobaar mein saathagaanth karne vaalon se nipatne ke liye nae tareeke khojane ke maamale mein ek kadam aage hona chaahiye. Unhonne kaha 'Sachchaai yah hai ki varsh 2008 mein jo sankat huaa usase yah maana ja sakta hai ki nae tareekon aur khaamiyon ka laabh uthaane vaale vaastav mein niyaamak se ek kadam aage chal rahe the. America mein unka maanana hai ki niyaamak kaam ke prati aakhein moonde hue the. ' Vitt mantri ne kaha ki emaseeeks-esaeks yaani malti kamoditi exchange-stock exchange ke share baajaaron ki shreni mein aane se kshetr mein pratispardha badhegi.


Sooryanelli Maamale Mein Poorv Judge Ne Kaha, Naheen Huaa Tha Rape

Sooryanelli Maamale Mein Poorv Judge Ne Kaha, Naheen Huaa Tha Rape

Breaking »

Kochchi: Kerala uchch nyaayaalaya ke ek poorv nyaayaadheesh ne sooryanelli saamoohik balaatkaar maamale mein yah kehkar 35 aaropiyon ko bari karne ke apne faisale ka bachaav karke vivaad shuroo kar diya ki peedita ka baal veshyaavrutti mein istemaal kiya gaya tha aur uske saath balaatkaar naheen huaa tha. Rajyasabha ke upasabhaapati PJ kuriyan par is maamale mein kathit roop se shaamil hone ke aarop hain. Nyaayamoorti aar basant ko malayalam television channel par yah kehte hue dikhaaya gaya, 'Yah saabit karne ke paryaapt saboot the ki ladki ka istemaal baal veshyaavrutti mein kiya gaya jo ki balaatkaar naheen hai. ' nyaayamoorti basant us do nyaayaadheeshon waali peeth mein shaamil the jisne varsh 2005 mein is maamale ke aaropiyon ko bari kiya tha. Vivaad shuroo hone ke baad nyaayamoorti basant ne baad mein kaha ki unka bayaan chhupe camere ka istemaal karke rikaard kiya gaya. Nyaayamoorti basant ne kaha ki unhonne camere par television patrakaar se baat karne se inkaar kar diya tha lekin vahaan par koi chhupa camera tha. Unhonne kaha, 'Main usamein fans gaya. Mujhe pata hai ki mainne kya kaha hai. Main yahi kah sakta hoon ki faisale ko dekhiye. ' unhonne kaha ki vah keval faisale se uddhrut kar rahe the aur yah ek anaupachaarik baatcheet thi.


Afzal Ka Shav Parivaar Ko Saunpane Ki Maang Ko Lekar Malik Bhookh Hadtaal Par

Afzal Ka Shav Parivaar Ko Saunpane Ki Maang Ko Lekar Malik Bhookh Hadtaal Par

Breaking »

Islamabad: Bhaarat ke sansad bhavan par varsh 2001 mein hue hamle ke maamale mein doshi Afzal guru ki faansi ke baad uske shav ko uske parivaar ko saunpane ke liye bhaarateeya adhikaariyon par dabaav banaane ke liye jekeelaef pramukh yaaseen malik ne 24 ghanton ki bhookh hadtaal shuroo kar di hai. Afzal ko nai Delhi ki ek jail mein faansi dene ke baad vaheen dafna diya gaya. Afzal ki patni aur beti se milne ke liye ek niji daure par aae malik aur Jammu-Kashmir liberation frant (jekeelaef) aur jamaat-ud-daava ke sadasyon ne Islamabad ke beecho-beech sthit national press club ke baahar bhookh hadtaal shuroo ki. Jekeelaef ke varishth neta amaanulla Khan ne bhi virodh mein hissa liya. Malik ne kaha, 'Afzal guru ka shav uske parivaar ko saunpa jaana chaahiye, isi maang ko lekar 24 ghanton ki shaantipoorn bhookh hadtaal ki ja rahi hai. Parivaar ko usaki faansi ke sambandh mein jaankaari bhi nahi di gayi hai. ' Aisa maana ja raha hai ki Afzal ke parivaar ne adhikaariyon se aagrah kiya tha ki subah nai Delhi ke tihaad jail mein faansi dene ke baad Afzal ka antim sanskaar islaami tareeke se karne ki anumati dein. Malik ne kaha, 'Afzal raajaneeti ka shikaar huaa hai jo aagaami chunaav (Bhaarat mein agale varsh hone vaale Loksabha chunaav) ko dhyaan mein rakhakar kiya ja raha hai. ' unhonne kaha ki Afzal ko faansi dene jaisi ghatnaaen virodh ke ahinsak tareekon ko apna chuke Jammu-Kashmir ke yuvakon ko krodhit karega. Malik ne kaha ki vah kisi ke liye bhi faansi ki saja ka samarthan naheen karte hain. Unhonne kaha ki ham poori tarah se maut ki saja ke khilaaf hain. Ham kabhi bhi sarabajeet ya kisi aur ko faansi dene ki maang naheen kareinge.


Saeed Ke Sir Ek Karod Dollar Ka Inaam Naheen America

Saeed Ke Sir Ek Karod Dollar Ka Inaam Naheen America

Breaking »

Washington: Varsh 2008 mein Mumbai mein aatankvaadi hamlon ki saajish rachane mein mahatvapoorn bhoomika nibhaane vaale lashkar-A-taiyaba ke sansthaapak haafij mohammad Saeed ke Pakistan mein bekhauf ghoomane ki khabaron par America ne kaha hai ki ek karod dollar ki puraskaar raashi uske khilaaf soochanaaen muhaiya karaane ke liye hai, na ki yah uske sir inaam rakha gaya hai. Videsh vibhaag ki pravakta Victoria nulaind ne kaha, "Jaisa ki humne us samay bhi kaha tha ki inaam nyaayik prastaavon ke liye hai, na ki uske sir par koi inaam hai. " Noolaind ne kaha, "Main kisi vistrut javaab ke saath saakshaatkaar ko mahima mandit naheen karne ja rahi hoon. " unhonne aage kaha, "Inaam aisi soochana ke liye hai, jisse usaki giraftaari sambhav ho sake aur adaalat mein use doshi thaharaaya ja sake. "


Afzal Guru Ko Faansi Ke Baad Mumbai Mein Alert

Afzal Guru Ko Faansi Ke Baad Mumbai Mein Alert

Breaking »

Mumbai: Sansad par hamle ke doshi Afzal guru ko tadke rajdhani Delhi mein faansi dene ke maddenajar mumbai police ne mumbai mahanagar mein alert jaari karke vyaapak suraksha kadam uthaae. Police ne bataaya ki gasht badhaae jaane ke baavajood shahar ke sabhi police thaanon ko alert par rahane ko kaha gaya hai. Police ne kaha, 'Up police aayukton ko apne apne kshetron mein maujood rahane ko kaha gaya hai. ' police ne bataaya ki samvedansheel aur alpasankhyak bahul ilaakon mein police ki maujoodagi badha di gayi hai. Iske saath hi tvarit pratikriya dal, danga niyantran ikaaiyon aur bam ka pata lagaane aur use nishkriya karne vaale daston ko alert par rakha gaya hai. Police ne bataaya ki railway stationon par suraksha jaanch badha di gayi hai. Varsh 2001 ke sansad hamla maamale mein doshi karaar diye gaye jaish-A-mohammad aatankvaadi Afzal guru ko subah tihaad jail mein faansi day di gayi. Raashtrapati Pranab mukharji ne paanch din pehle usaki daya yaachika khaarij kar di thi aur usaki faansi dene ki prakriya ko poori tarah se gupt rakha gaya.


Sansad Par Hamle Ke Doshi Afzal Guru Ko Faansi Ke Baad Jail Mein Hi Dafnaaya Gaya

Sansad Par Hamle Ke Doshi Afzal Guru Ko Faansi Ke Baad Jail Mein Hi Dafnaaya Gaya

Breaking »

Bhaarateeya sansad par varsh 2001 mein hue hamle mein apni bhoomika ke liye doshi karaar diye gaye Afzal guru ko aaj subah tihaad jail mein faansi de di gayi. Afzal guru ko tihaad mein jail number teen mein haai security ward mein rakha gaya tha aur isi ward se 10-20 meter ki doori par sthit faansi ghar mein use faansi di gayi. Gruh mantraalaya ke sootron ne bataaya ki Afzal ke shav ko jail ke niyamon ke tahat jail mein hi dafan kar diya gaya. Tihaad jail ke sheersh adhikaari ne bataaya ki Afzal subah saadhe saat baje faansi ke takht ki or tahalate hue badha aur kaafi shaant dikh raha tha. Ek poorv fal vyaapaari Afzal guru ko Delhi vishvavidyaalaya ke professor esaeaar gilaani aur shaukat husain ke saath maut ki saja sunaai gayi thi. Husain ki patni ko bari kar diya gaya tha. Gilaani ko haalaanki High Court ne 2003 mein bari kar diya tha, jabki Afzal guru aur shaukat husain ki saja ko barkaraar rakha gaya tha. Supreme court ne Afzal ki saja ko barkaraar rakha tha, jabki husain ke maamale mein 10 varsh jail ki saja sunaai gayi. Gruhamantri susheel Kumar shinde ne kaha ki Afzal guru ke maamale ko 2011 mein bheja gaya, jab nae raashtrapati bane aur ek nae gruhamantri ne padabhaar sambhaala. Raashtrapati ne file gruh mantraalaya ko bheja. Unhonne kaha, humne raashtrapati ko 21 January, 2013 ko file bheja tha aur 3 February ko raashtrapati ne daya yaachika khaarij kar di thi. Mainne 4 February ko hastaakshar kar diya aur faansi diye jaane ke liye vibhaag ko bhej diya. Unhonne kaha, niyat prakriya ka paalan kiya gaya aur iske baad yeh nirnaya kiya gaya ki 9 February ko 8 baje faansi di jaaegi. Afzal guru ko faansi par chadhaae jaane ke baad raashtreeya rajdhani mein suraksha vyavastha kadi kar di gayi hai, taaki koi apriya ghatna na ho. Police sootron ne bataaya ki sabhi police thaanon ko haai alert par rakha gaya hai. Unhonne kaha ki Delhi ke alpasankhyak bahul ilaakon mein atirikt police bal tainaat kiya gaya hai. Suraksha vyavastha sakht karne ke kadam ke tahat bheedbhaad vaale ilaakon, railway stationon aur bas terminalon mein gasht badha di gayi hai. Afzal guru ko faansi par latakaae jaane ka raajaneetik dalon ne svaagat kiya hai, vaheen BJP ne mrutyudand mein deri par savaal uthaaya hai. Congress aur BJP donon dalon ne kaha ki jaish-A-mohammad ke aatankvaadi Afzal guru ko faansi diye jaane se aatanki guton ko yeh sandesh jaaega ki Bhaarat aatank bardaasht naheen karega. Congress pravakta Rashid alvi ne kaha, kaanoon ne apna kaam kiya hai. Sansad hamle ke doshi ko faansi par latakaaya gaya. Congress ke ek anya pravakta sandeep Dixit ne kaha, kaanoon ne apna kaam kiya. Nyaaya kiya gaya hai. Afzal guru ko faansi mein deri par savaal uthaate hue BJP ne kaha ki yeh pehle hi ho jaana chaahiye tha, kyonki uchchatam nyaayaalaya ne 2005 mein hi mrutyudand par muhar laga diya tha. Party ke mukhya pravakta ravishankar prasaad ne kaha, bhaarateeya sansad par 12 saal pehle 2001 mein hamla hua tha. Yeh Bhaarat par hamla tha. Guru ko faansi dene mein itna vilamb kyon kiya gaya, jabki desh ki janta chaahati thi ki is jaghanya aparaadh ke doshi ko jald se jald faansi ke fande par latakaaya jaae. Gaurtalab hai ki 13 December, 2001 ko bhaari hathiyaaron se lais paanch aatankvaadi sansad parisar mein ghus gaye the aur andhaadhundh goleebaari kar nau logon ko maar daala tha. Marne vaalon mein Delhi police ke paanch karmi, keindreeya reserve police bal (CRPF) ki ek mahila karmachaari, sansad ke vaach end ward staaf ke do karmi aur ek maali shaamil tha. Hamle mein ghaayal ek patrakaar ki baad mein maut ho gayi thi. Paanchon aatankvaadiyon ko bhi maar giraaya gaya tha. Afzal ko hamle ke kuchh ghante ke bheetar hi raashtreeya rajdhani mein ek bas se giraftaar kar liya gaya tha.


BJP Ne Afzal Guru Ki Faansi Ka Svaagat Kiya

BJP Ne Afzal Guru Ki Faansi Ka Svaagat Kiya

Breaking »

Nai Delhi: Bhaarateeya janta party (BJP) ne sansad par hamle ke doshi Afzal guru ko shanivaar subah faansi day diye jaane ka svaagat karte hue ise ek sahi kadam thaharaaya. BJP pravakta Rajiv prataap roodi ne kaha, ham is kadam ka svaagat karte hain. Yadyapi ismein deri hui, lekin yah sahi kadam hai. Vipaksh aur poora desh Afzal ko faansi diye jaane ke baare mein baat kar raha tha. Unhonne kaha, poore desh ko iska intajaar tha. Raashtrapati Pranab mukharji dvaara sansad par hamle ke doshi Afzal ki daya yaachika khaarij kar diye jaane par use shanivaar subah faansi day di gayi. Gruhasachiv RK Singh ne patrakaaron se kaha, Afzal ko subah aath baje faansi day di gayi. Afzal ko sarvochch nyaayaalaya ne 2004 mein faansi ki saja sunaai thi. Use October, 2006 mein faansi di jaani thi, lekin usaki patni dvaara daya yaachika daayar kiye jaane ke baad is par rok laga di gayi thi. 13 December, 2001 ko paanch hathiyaarband Pakistani aatankvaadi sansad parisar mein ghus aae the aur uske baad unhonne goleebaari shuroo kar di thi. Is ghatna mein nau logon ki jaan chali gayi thi. Is goleebaari mein sabhi aatankvaadi bhi maare gaye the.


Afzal Ko Faansi Narendra Modi Ne Kaha, Der Aae, Durust Aae

Afzal Ko Faansi Narendra Modi Ne Kaha, Der Aae, Durust Aae

Breaking »

Nai Delhi: Sansad par hamle ke doshi karaar Afzal guru ko faansi diye jaane ke faisale ka Gujarat ke mukhyamantri Narendra Modi ne svaagat kiya hai. Delhi sthit tihaad jail mein aaj Afzal ko faansi diye jaane ki kendra sarkaar ki ghoshana ke baad Modi ne twitter par likha, der aae, durust aae. Saal 2001 mein sansad par hue hamle ke doshi mohammad Afzal guru ko gopaneeya abhiyaan ke tahat Delhi ke tihaad jail mein subah aath baje faansi day di gayi. 43-varsheeya guru ki daya yaachika kuchh din pehle raashtrapati Pranab mukharji ne khaarij kar di thi, jise 2002 mein vishesh adaalat ne maut ki saja sunaai thi aur 2004 mein uchchatam nyaayaalaya ne is saja ko barkaraar rakha tha. Mumbai par aatanki hamle mein ekamaatr jeevit aatanki Ajmal kasaab ko faansi diye jaane ke baad mukhya vipakshi party BJP ne Afzal guru ko faansi diye jaane ki maang tej kar di thi.


Faansi Se Pehle Afzal Ne Namaaj Ada Ki Thi Tihaad Jail Adhikaari

Faansi Se Pehle Afzal Ne Namaaj Ada Ki Thi Tihaad Jail Adhikaari

Breaking »

Nai Delhi: Sansad par hamle ke doshi jaish-A-mohammad ke aatankvaadi Afzal guru ko shanivaar subah jab faansi par latakaane ke liye le jaaya ja raha tha, us samay uske chehare par pashchaataap ka koi bhaav naheen tha. Afzal ki faansi ki poori taiyaari se vaakif tihaad jail ke varishth adhikaariyon ne bataaya, antim kshanon ke dauraan vah behad shaant aur sthir tha. Uske chehare par pachhataave ka koi bhaav naheen dikh raha tha. Tihaad jail ke ek varishth adhikaari ne bataaya, antim kshanon mein vah kaafi shaant aur sthir tha. Vah kaafi sthirchitt dikh raha tha. Adhikaari ne bataaya ki Afzal ko jail number 3 mein rakha gaya tha. Use shukravaar shaam hi faansi ke baare mein soochit kar diya gaya tha. Uske baad vah kuchh bechain dikh raha tha. 43-varsheeya Afzal guru ko subah 8 baje jail number teen mein gopaneeya dhang se faansi day di gayi. Faansi ke dauraan ek magistrate, ek Doctor aur jail ke varishth adhikaari maujood the. Ek anya adhikaari ne bataaya ki guru ko subah kareeb 5 baje jagaaya gaya aur chai di gayi. Guru ne jagane ke turant baad namaaj ada ki. Use saadhe saat baje faansi ke takhte ki or le jaaya gaya. Yah poochhe jaane par ki kya antim kshanon mein use koi pachhataava tha, jail mahaanideshak vimla Mehra ne kaha, vah khush aur svasth tha. Yah aapke savaal ka javaab hai. Guru ko faansi ke takhte ki or le jaane ke poorv ek Doctor ne uske svaasthya ka pareekshan kiya. Mehra ne kaha ki faansi mein saamaanya prakriya ka paalan kiya gaya. Jail ke ek anya adhikaari ne bataaya ki faansi ke baad uske shav ko jail parisar mein hi dhaarmik rivaajon ka paalan karte hue dafna diya gaya. Jail adhikaariyon ne usaki aakhiri ichha ya uske aakhiri shabd aadi ke baare mein koi jaankaari dene se inkaar kar diya. Poorv fal vyavasaayi guru ko sansad par hamla karne vaale aatankvaadiyon ko panaah dene aur shadayantr rachane ka doshi thaharaaya gaya tha. Ek vishesh adaalat ne use 2002 mein faansi ki saja di thi, jise baad mein uchchatam nyaayaalaya ne 2005 mein sahi thaharaaya tha. Raashtrapati Pranab mukharji ne pichhle dinon guru ki daya yaachika ko naamanjoor kar diya tha. Guru ke sopor mein rah rahe parivaar ko sarkaar ke faisale ke baare mein soochit kar diya gaya tha ki usaki daya yaachika ko khaarij kar diya gaya hai.


Pratispardha Aayog Ne BCCI Par 52 Karod Ka Jurmaana Thoka

Pratispardha Aayog Ne BCCI Par 52 Karod Ka Jurmaana Thoka

Breaking »

Nai Delhi: Pratispardha aayog ne shukravaar ko kaha ki usane bhaarateeya cricket board ko pratispardhaarodhi gatividhiyon mein sanlipt paaya hai aur iske liye us par 52.24 karod rupaye ka jurmaana lagaaya hai. Bhaarateeya pratispardha aayog ne paaya ki BCCI ne apne varchasv ka durupayog kiya. Usane BCCI ko bhavishya mein is tarah ki gatividhiyon se door rahane ke nirdesh diye. Seeseeaai ne apne aadesh mein kaha, BCCI ki harkat gambhir hai aur jurmaana bhi usi ke anuroop lagaaya jaana jaroori tha. Is vyaapaar niyaamak ne BCCI par 52.24 karod rupaye ka jurmaana lagaaya hai. BCCI ke khilaaf Delhi ke surindar Singh barmi ne November, 2010 mein shikaayat darj karaayi thi. Unke aarop BCCI dvaara aayojit IPL aur peshevar cricket league tournament ke sambandh mein the. Shikaayatakarta ne team ke maalikaana hak ke liye freinchaaiji adhikaar, league ki coverage ke liye media adhikaar aur praayojan adhikaar dene mein aniyamitataon ke aarop bhi lagaae the. Niyaamak ne kaha, vaastav mein baajaar mein koi anya pratispardhi naheen hai aur BCCI ki poore baajaar par ekachhatr raaj karne ki rananeeti ke kaaran koi anya ubhar bhi naheen pa raha hai. Ismein kaha gaya hai ki BCCI ki anya pratispardhiyon ko baahar rakhane aur apne rutabe ka istemaal vaastavik niyaamak sanstha ke roop mein karne ke kaaran kai anya ko pratispardhi league shuroo karne se rok diya hai.


Ishaant Sharma Ne Kaha, Main Chotil Naheen Hoon

Ishaant Sharma Ne Kaha, Main Chotil Naheen Hoon

Breaking »

Nai Delhi: Tej geindabaaj Ishaant sharma ne in khabaron ka khandan kiya hai ki vah chotil hain aur baaen takhane mein dard ke kaaran visheshagya chikitsak ki salaah lene ke liye Melbourne gaye hain. Ishaant ne apne twitter pej par likha, main keval apne inasol (joote ka andar ka talava) banaane ke liye ja raha hoon. Main chotil naheen hoon. Main apni training kar raha hoon. Unhonne iske baad ek anya tweet mein yahi baat doharaai aur afavaahon se bachane ki salaah di. Ishaant ne likha hai, fir se main pushti karna chaahata hoon ki main chotil naheen hoon. Inasol ke liye Australia ja raha hoon. Afavaahon se bachein. Isse pehle khabaron mein kaha gaya tha Ishaant ke baaen takhane mein dard hai aur vah visheshagya chikitsak ki salaah lene ke liye Melbourne ja rahe hain. Yah tej geindabaaj Bhaarat ke 2011 ke England daure mein chotil ho gaya tha aur unhonne March, 2012 mein operation karavaaya tha. Vah August tak cricket se door rahe aur unhonne December mein England ke khilaaf test series mein vaapasi ki thi.


Badi Series Se Pehle Match Abhyaas Hamesha Achha Hota Hai Sachin

Badi Series Se Pehle Match Abhyaas Hamesha Achha Hota Hai Sachin

Breaking »

Mumbai: Australia ke khilaaf test shrunkhala se pehle shatak jamaane vaale senior ballebaaj sachin Tendulkar ne kaha ki Irani cup match mein kheli gayi is paari se unhein jaroori match abhyaas mil gaya hai. Tendulkar ne chauthe din ke khel ki shuruaat se pehle kaha, Australia ke khilaaf hamein badi shrunkhala khelani hai. Har koi usaki taiyaari mein juta hai. Badi shrunkhala se pehle match abhyaas milna hamesha achha hota hai. Tendulkar ne shesh Bhaarat ekaadash ke khilaaf Ranji champion Mumbai ke liye shaanadaar shatak jamaaya. Bhaarat aur Australia ke beech chaar test maichon ki shrunkhala 22 February se chennai mein shuroo hogi. Apni paari ke baare mein Tendulkar ne kaha ki pitch ke anukool khud ko dhaalane mein unhein vakt laga. Unhonne kaha, is tarah ki pitch par uchhaal aur raftaar ko samajhne mein vakt lagta hai. Mujhe bhi laga. Doosari hi geind par mainne chauka maara, lekin shuroo mein geind balle par naheen aa rahi thi, lihaaja mainne apna samay liya. Unhonne yah bhi kaha ki unhonne apni shaili mein maamooli badlaav kiya hai.


Afzal Ki Daya Yaachika Thukaraae Jaane Ke Baad Sarkaar Ne Teji Se Kaam Kiya

Afzal Ki Daya Yaachika Thukaraae Jaane Ke Baad Sarkaar Ne Teji Se Kaam Kiya

Breaking »

Nai Delhi: Raashtrapati Pranab mukharji dvaara daya yaachika khaarij kiye jaane ke mahaj paanch din baad hi sansad par hamle ke doshi Afzal guru ko tihaad jail mein faansi day di gayi. Gruhamantri susheel Kumar shinde ne kaha, raashtrapati ne 3 February ko Afzal guru ki daya yaachika khaarij kar di thi aur iske baad mainne 4 February ko manjoori di aur ek nyaayik adhikaari dvaara taareekh aur samay ki pushti ki gayi. Use (Afzal ko) aaj subah 8 baje faansi di gayi. Shinde ne kaha ki Afzal guru ki daya yaachika ko naamanjoor karne ki sifaarish pehle 2011 mein gruh mantraalaya ne ki thi. Pichhle saal Pranab mukharji ke raashtrapati banane par unhonne sabhi lambit daya yaachikaaen punarvichaar ke liye mujhe bhejeen, jab mainne August, 2012 mein gruh mantraalaya ka prabhaar sambhaala. Unhonne kaha ki nae raashtrapati ne sabhi daya yaachikaaen punarvichaar ke liye bheji theen. Mainne file ka satarkata se adhyayan kiya aur 21 January ko raashtrapati se sifaarish ki ki guru ki yaachika naamanjoor kar di jaae. Vimla Mehra (mahaanideshak jail) ne bataaya ki Afzal ki sehat theek thi aur use magistrate, Doctor tatha jail ke anya adhikaariyon ke samaksh faansi di gayi. Vah subah jaldi uth gaya tha aur use aam dinon ki tarah bhojan diya gaya. Tihaad jail ke ek varishth adhikaari ne bataaya ki Afzal ko subah saadhe saat baje faansi ke takhte par le jaaya gaya aur us samay vah behad shaant aur sthir chitt lag raha tha. Unhonne bataaya ki Afzal ko faansi ke turant baad jail number 3 ke sameep dafna diya gaya. Keindreeya gruhasachiv RK Singh ne bataaya ki uttari Kashmir ke sopor mein rah rahe Afzal ke parijanon ko sarkaar ke is faisale ke baare mein bata diya gaya tha ki usaki daya yaachika khaarij kar di gayi hai.


Khatm Hone Ki Kagaar Par Hai Al Kaayada Obama

Khatm Hone Ki Kagaar Par Hai Al Kaayada Obama

Breaking »

Washington: Ameriki raashtrapati Barack Obama ne kaha hai ki al kaayada khatm hone ke raaste par hai aur yah unke prashaasan ke aatanki guton ke khilaaf kathor kaarravaai ke kaaran huaa. Ameriki rakshaamantri Leon peneta ke vidaai samaaroh ke dauraan Obama ne kaha, humne al kaayada ko haar ki kagaar par la diya hai aur usase jude samoohon ke khilaaf bhi lagaataar kaarravaai kar rahe hain. Obama ne CIA nideshak aur fir baad mein rakshaamantri ke taur par peneta ki bhoomika ki saraahana karte hue kaha ki al kaayada aur usase sambaddh sahayogiyon ke khilaaf kaarravaai mein unhonne mahatvapoorn bhoomika nibhaai. Obama ne peneta ki prashansa mein kaha, al kaayada ke khilaaf CIA ki jis tarah aapne aguvaai ki, use yaad rakha jaaega. Laden ka khaatma huaa. Iraq mein yuddh samaapt huaa aur Afghanistan mein yuddh khatm hone ke baad hamaare sainik ghar vaapas aa rahe hain.


Umar Ne Ki Aman Ki Appeal, Kai Ilaakon Mein Kebal Aur Internet Band

Umar Ne Ki Aman Ki Appeal, Kai Ilaakon Mein Kebal Aur Internet Band

Breaking »

Shreenagar: Jammu-Kashmir ke mukhyamantri umar abdulla ne shanivaar ko kaha ki keindreeya gruhamantri susheelakumaar shinde ne shukravaar raat raajya sarkaar ko sansad hamle ke doshi Afzal guru ko faansi diye jaane ke sambandh mein soochit kiya tha. Umar ne logon se raajya mein shaanti vyavastha banaae rakhane ki appeal ki. Umar ne samvaadadaataaon se kaha, keindreeya gruhamantri ne shukravaar raat kareeb aath baje mujhe phone kiya tha aur mujhe Afzal guru ko faansi diye jaane ke kendra sarkaar ke nirnaya se avagat karaaya tha. Kashmir ghaati ke sopor se taalluk rakhane vaale Afzal ko shanivaar subah aath baje faansi di gayi. Use Delhi ki tihaad jail mein usaki bairak se kuchh meter ki doori par faansi di gayi. Vah is jail mein 2001 se band tha. Umar ne kaha ki kendra sarkaar ne raajya sarkaar se faansi ke baad ki sthitiyon se nipatne ke liye yojanaabaddh dhang se kaam karne ke liye kaha tha. Unhonne kaha, main samajhta hoon ki is nirnaya ko lekar thodi naaraajagi hai aur kuchh log in sthitiyon ka faayda uthaane ki koshish kareinge. Main sanyam baratne ka aagrah karta hoon. Umar ne kaha, main Jammu-Kashmir ke logon se aagrah karta hoon ki ve kisi bhi tarah ke hinsak virodh ka sahaara na lein. Main media se bhi appeal karta hoon ki vah pukhta jaanch ke baad khabarein day aur afavaahon ko jagah na day. Mukhyamantri ne kaha ki raajya ke pratyek jile mein kaanoon-vyavastha banaae rakhane ke liye sabhi aavashyak kadam uthaae gaye hain. Ab tak sena ki madad naheen li gayi hai. Is beech, raajya mein kebal network aur Internet seva ko band kar diya hai.


Beema Companiyaan Ab 15 Pratishat Tak Ikviti Nivesh Kar Sakeingi

Beema Companiyaan Ab 15 Pratishat Tak Ikviti Nivesh Kar Sakeingi

Breaking »

Nai Delhi: Beema niyaamak irada ne nivesh seema badhaane ki anumati day di. Beema companiyaan ab kisi company mein 15 pratishat tak ikviti nivesh kar sakeingi. Yah seema filhaal 10 pratishat hai. Irada ne yah kadam aise samay mein utha,ya jab vitt mantraalaya pramukh beema company elaaaisi dvaara adhiktam ikviti nivesh seema ko badhaakar 30 pratishat tak karne par jor day raha hai. Irada ne shukravaar ko ek bayaan jaari karke kaha, beema companiyaan ab kisi company vishesh ki ikviti mein 12 pratishat ya 15 pratishat tak nivesh kar sakeingi. Yah adhiktam seema is samay 10 pratishat hai. Iske anusaar beema companiyon ke prabandh adheen koshon ke badhte aakaar ko dekhte hue yah kadam uthaaya gaya hai.


Google Ke Chairman Dhaai Arab Dollar Moolya Ke Share Becheinge

Google Ke Chairman Dhaai Arab Dollar Moolya Ke Share Becheinge

Breaking »

Washington: Google ke Chairman erik smid ne apne 'A'' shreni ke 32 lakh share bechne ki yojana banaai hai. Maujooda keemat par inka moolya dhaai arab dollar tak hoga. Google ne pratibhooti evam vinimay aayog ko bheji soochana mein yah jaankaari di hai. Jin sheyaron ki bikri ki ja rahi hai, vah Google Chairman ki company mein 'A' aur 'Bi' shreni ke kul 76 lakh sheyaron ka 42 pratishat tak hain. Unki company mein 2.3 pratishat hissedaari hai, lekin unhein 8.2 pratishat tak mataadhikaar mila hai. Pratibhooti aayog ko bheji gayi jaankaari mein kaha gaya hai ki yah bikri smid ki company mein vyaktigat sheyaron ke vividheekaran aur nakadi ki deerghakaalik rananeeti ka hissa hai aur yah poorv tay yojana ke tahat kiya ja raha hai. Is ghoshana ke baad Google ke share moolya shukravaar ko 1.5 pratishat badhkar ab tak ke nae record star 785.37 dollar par pahunch gaye. Isse smid dvaara beche jaane vaale sheyaron ka moolya 2.51 arab dollar tak pahunch jaaega.


Afzal Ki Faansi Ke Peechhe Koi Raajaneetik Vajah Naheen Sarkaar

Afzal Ki Faansi Ke Peechhe Koi Raajaneetik Vajah Naheen Sarkaar

Breaking »

Chennai: Sarkaar ne sansad par hamle ke doshi Afzal guru ko faansi par chadhaane ke peechhe raajaneetik ya chunaavi kaaran hone ki baat ko sire se khaarij karte hue kaha ki yah nirnaya nyaaya aur raashtreeya suraksha ko dhyaan mein rakhate hue uthaaya gaya. Soochana evam prasaaran mantri maneesh tivaari ne samvaadadaataaon se kaha, media ke ek varg mein aisa aabhaas diya ja raha hai ki yah nirnaya chunaavi kaaranon se prabhaavit hai. Isse adhik galat aur kuchh naheen ho sakta hai. Aantarik suraksha ke baare mein sarkaar ke nirnaya raajaneetik kaaranon se prabhavit naheen hote hain. Sansad par hamle ko kaayaraana krutya karaar dete hue unhonne kaha ki nirdhaarit nyaayik prakriya ka paalan kiya gaya, jahaan jaanch prakriya ki parinti abhiyog prakriya ke roop mein hui aur nichle star se uchchatam nyaayaalaya tak teen staron par nyaayik jaanch parakh ke baad doshi karaar diya gaya. Soochana evam prasaaran mantri ne kaha, is maamale mein kuchh aaropiyon ko bari kiya gaya, jabki kuchh doshi paae gaye. Antat: Yah nyaayapoorn tha. Yah nyaaya aur raashtreeya suraksha ko dhyaan mein rakhane vaala hai.


Australia Ke Khilaaf Harbhajan, Shreesant Ki Test Team Mein Vaapasi Sambhav

Australia Ke Khilaaf Harbhajan, Shreesant Ki Test Team Mein Vaapasi Sambhav

Breaking »

Mumbai: Pichhle dedh saal se test cricket mein bhaarateeya team ke pramukh khilaadiyon ka lagaataar kharaab form chinta ka sabab bana huaa hai, lihaaja Australia ke khilaaf aagaami series ke liye ravivaar ko team chunana chayanakartaaon ke liye aasaan kaam naheen hoga. Pichhli teen shrunkhalaaen haarne ke baad samiti ke liye chunauti vijayi team sanyojan chunane ki hai. Aise mein Harbhajan Singh, suresh raina aur shreesant jaise khilaadiyon ki test team mein vaapasi par vichaar kiya ja sakta hai. England aur Australia se unki sarjameen par haarne vaale Bhaarat ne vest Indies aur New Zealand jaisi kamjor teemon par jeet darj ki. England ke khilaaf haalaanki apni sarjameen par 1-2 se mili haar ke baad senior khilaadiyon ke form ko lekar chinta paida ho gayi hai. Inmein Virendra Sehwag aur Gautam gambhir shaamil hain. Vaise prabhaavi vikalp ke abhaav mein chayanakarta donon ko barkaraar rakh sakte hain. Khaaskar chennai mein 22 February se hone vaale pehle test ke liye. Sehwag ka test record behatareen raha hai, jinhonne England ke khilaaf pehle test mein shatak bhi banaaya tha. Vaheen gambhir ka pichhli 16 paariyon mein sarvochch test score 93 raha hai, jo 25 maheene pehle unhonne dakshin Africa ke khilaaf banaaya tha. Donon milkar Bhaarat ko achhi shuruaat naheen day sake hain. England ke khilaaf reserve salaami ballebaaj murali vijay ko ek bhi match khelne ka mauka naheen mila. Unhonne Mumbai ke khilaaf Irani cup match mein shesh Bhaarat ke liye shatak jamaakar form jaahir kar diya. Chayanakartaaon ko yadi koi aur vikalp chaahiye to anubhavi vaseem jaafar hain, jo apne career mein paanch test shatak laga chuke hain. Unhonne aakhiri test 2008 mein dakshin Africa ke khilaaf khela tha. Ghareloo cricket mein bhi unhonne kaafi run banaae hain. Irani cup mein shesh Bhaarat ke khilaaf Mumbai ke liye unhonne 80 run ki paari kheli. Mumbai ke liye khel rahe sachin Tendulkar ka 140 run banaakar form mein lautana bhi chayanakartaaon ke liye raahat ka sabab raha hoga. Cheteshvar pujaara aur viraat Kohli ka chayan tay hai. Madhyakram ke daavedaaron mein raina, ajinkya rahaane, rohit sharma, manoj tivaari aur Yuvraj Singh bhi hain. New Zealand ke khilaaf do test maichon ki shrunkhala mein kharaab pradarshan ke baad raina ko baahar kar diya gaya. Unhonne bhi Irani cup mein shesh Bhaarat ke liye shatak jadkar apna daava majaboot kiya hai. Rahaane ne bhi Mumbai ke khilaaf 83 run banaae, lekin baaki teen kuchh naheen kar sake. Rohit ne apna wicket gair-jimmedaaraana dhang se ganva diya. Yuvraj ka to team mein chayan hi naheen huaa. England ke khilaaf Nagpur mein aakhiri test ke liye team se unhein baahar karke Ravindra jadeja ko shaamil kiya gaya tha.


'Race-2 Saal Ki Pehli Safalatam Film

'Race-2 Saal Ki Pehli Safalatam Film

Breaking »

Mumbai: Abbas-mastaan ki film 'Race-2' 100 karod rupaye ka aankada paar karne waali is saal ki pehli film ban gayi hai. Film ne ab tak 100.45 karod rupaye ki kamaai kar li hai. 60 karod bajat se bani film 'Race-2' beete 25 January ko pradarshit hui thi. Do saptaah mein hi film ne box office par 100 karod, 45 lakh rupaye ki kamaai ki hai. India theatrical distribution studio dijni UTV ke nideshak gaurav varma ne kaha, hamein is baat ki khushi hai ki 'Race-2' box office par kamaai kar rahi hai. Hamein film par poora bharosa tha aur hamein bahut khushi hai ki darshakon ko yah pasand I hai. Film mein saif Ali Khan, John Abraham, deepika Padukon, Jacqueline Fernandez, anil Kapoor aur ameesha Patel ne mukhya bhoomika nibhaai hai.