Telangaana Virodh Andhra Pradesh Ke Vijyanagaram Mein Curfew

Telangaana Virodh Andhra Pradesh Ke Vijyanagaram Mein Curfew

Breaking »

Hyderabad: Andhra pradesh ke tateeya shahar vijyanagaram mein curfew ke baavajood ravivaar ko tanaav bana hua hai. Gaurtalab hai ki kendreeya mantrimandal ke raajya vibhaajan ke faisale ke baad hinsa bhadak gayi thi. Hinsa ko niyantrit karne ke liye police ne shanivaar ki raat anishchitkaaleen curfew laga diya tha. Shahar ke kuchh hisson mein curfew ka ullanghan karte hue ravivaar subah log sadkon par utar aae aur police karmiyon par patthar feinke. Police ne pradarshanakaariyon, khaastaur se kota ke chhote vyaapaariyon par par baitan chaarj lagaaya hai. Raajya mein Congress pramukh botsa satyanaaraayan ke ghar par atirikt police aur arddhasainik balon ki tainaati ki gayi. Raajya vibhaajan ko rokane mein vifalta ka aarop lagaate hue pradarshanakaariyon ne unki sanpattiyaan kshatigrast kar di thi. Satyanaaraayan ki anya sampattiyon aur parivaar ke sadasyon ki suraksha bhi badhaai gayi hai. Shanivaar ko lagaataar doosare din hinsa aur aagajani ke baad shahar mein curfew lagaaya gaya tha. Ek police adhikaari ne bataaya ki asaamaajik tatv hinsa aur lootpaat mein lipt the. Unhonne bataaya ki jab tak sthiti poori tarah niyantran mein naheen aa jaati, curfew jaari rahega. Police ne hinsa mein lipt darjanon logon ko giraftaar kiya hai.


Dheemi Over Gati Ko Lekar Rohit Par Jurmaana

Dheemi Over Gati Ko Lekar Rohit Par Jurmaana

Breaking »

Nai Delhi: Mumbai Indians team ke kaptaan rohit sharma par champions league-2013 semifinal mukaabale mein dheemi over gati ke liye jurmaana lagaaya gaya hai. Mumbai Indians aur Trinidad evam Tobago ke beech shanivaar ko Ferozshah Kotla stadium mein doosra semifinal match khela gaya, jismein mumbai ki jeet hui. Match ke ant mein mumbai Indians ko nirdhaarit samay mein ek over kam feinkane ka doshi paaya gaya. Rohit ki doosari galati thi, lihaaja un par 1500 dollar aur team ke pratyek sadasya par 750 dollar jurmaana lagaaya gaya. Ullekhaneeya hai ki mumbai Indians ne vishv ke sabse pratishthit cricket league ka vijeta hone ki apni saakh ke saath nyaaya karte hue league ke paanchavein sanskaran ke final mein jagah bana li hai. Ab mumbai Indians ravivaar ko Rajasthan Royals ke saath hone vaal khitaabi mukaabale ko jeetkar 2011 ka itihaas doharaana chaaheinge. Royals ne shukravaar ko Jaipur mein chennai super kings ko haraakar pehli baar final mein jagah banaai hai.


Anivaarya Matadaan Par Advani Ne Modi Ke Vichaaron Ka Kiya Samarthan

Anivaarya Matadaan Par Advani Ne Modi Ke Vichaaron Ka Kiya Samarthan

Breaking »

Nai Delhi: Anivaarya matadaan ke mudde par bhaajapa ke varishth neta Lal Krishna Advani aur Narendra Modi saath saath najar aae aur Gujarat ke mukhyamantri ko party ke pradhaanamantri pad ka ummeedavaar banaae jaane par kadvaahat ke baad Advani ne kaha ki 'Inmein se koi naheen' vikalp ke saath matadaan ko anivaarya banaaya jaana chaahiye. Advani ne apne taaja blog mein uchchatam nyaayaalaya ke us sujhaav ka svaagat kiya ki logon ko nakaaraatmak matadaan ka adhikaar hona chaahiye. Unhonne haalaanki iske saath kaha ki matadaan ke praavadhaan ko anivaarya banaaya jaana chaahiye. Advani ne kaha, 'Aaj jo sthiti hai, vah matadaata jo samvidhaan pradatt apna mat dene ke bahumoolya adhikaar ka bina kisi vaidh kaaran ke upayog naheen karta hai, anachaahe hi sabhi ummeedavaaron ke khilaaf nakaaraatmak vote deta hai. ' unhonne kaha, 'Isliye mera maanana hai ki nakaaraatmak vote arthapoorn hoga agar iske saath hi matadaan ko anivaarya bana diya jaae. '


Pichhle Saal Ki Tulana Mein Ab Behtar Khilaadi Hoon Saaniya

Pichhle Saal Ki Tulana Mein Ab Behtar Khilaadi Hoon Saaniya

Breaking »

Nai Delhi: Sheersh bhaarateeya mahila tennis khilaadi saaniya mirja ne pratishthit WTA China open khitaab jeetkar 2013 satr khatm kiya aur unka maanana hai ki vah pichhle saal ki tulana mein ab behtar khilaadi hain. China open se mahila yugal khilaadiyon ko vijeta purush team ki tulana mein 500 se adhik ranking ank aur 1,26,420 dollar ki inaami raashi milti hai. Saaniya ka satr ka Yeh paanchavaan khitaab tha aur is dauraan unhein kai kaaranon se lagaataar jodeedaar badalne pade. Varsh 2012 mein saaniya ne do khitaab jeete the lekin vah teen anya mein up-vijeta rahi theen jismein China open bhi shaamil hai. Saaniya ne apna satr Zimbabwe ki kaara black ke saath lagaataar do khitaab jeetkar samaapt kiya. Vah Japan open mein kaara se judi theen aur pehle hi tournament mein donon traafi jeetne mein safal rahi theen. Saaniya ne Beijing se kaha, 'Mujhe lagta hai ki mainne har cheej mein sudhaar kiya hai. Meri fitness behtar ban gayi hai. Mainne net mein bhi khud mein kaafi sudhaar kiya hai. Meri service bhi pehle se sudhar gayi hai isliye ab main pichhle saal ki tulana mein kaheen behtar khilaadi hoon. '


Tendulkar Aur Dravid Virodhi Bankar Mile, Virodhi Bankar Honge Juda

Tendulkar Aur Dravid Virodhi Bankar Mile, Virodhi Bankar Honge Juda

Breaking »

Nai Delhi: Vah 10 October 1993 ka din tha jab pehli baar cricket ke do sitaare ek saath cricket ke maidaan par utare the. Sachin Tendulkar aur Rahul Dravid naam ke ye do shakhs tab aamne-saamane the. Sanyog dekhiye ki us anajaan si ghatna ke theek 20 saal baad ye donon mahaan ballebaaj ek doosare ke virodhi khemon mein khelkar juda ho rahe hain aur Yeh aitihaasik kshan hai. Tendulkar aur Dravid Bhaarat hi naheen vishv cricket ki do kivdantiyaan hain. In donon ka cricket ke maidaan par pehla milan Rajkot ke myoonisipl stadium mein 10 October 1993 ko hua tha. Daleep traafi ke is match mein Tendulkar pashchim kshetr aur Dravid dakshin kshetr ki taraf se khel rahe the. Tendulkar jab match ke pehle din shaam ko crease par utare to Dravid sambhavat: Kshetrarakshan ke apne sabse priya sthaan slip mein khade rahe honge. Dravid ko tab bhi Tendulkar ke wicket ki darkaar thi aur 20 saal baad unki yahi tamanna hai. In 20 varshon mein haalaanki duniya ne Tendulkar aur Dravid ko pratidvandvi kam aur saathi ke roop mein adhik dekha. Aakhir 146 test aur 245 ek-divseeya maichon mein unhonne ek doosare ka saath diya. Test maichon mein 6920 run ek doosare ke saath milkar jode. Kinheen do ballebaajon ke beech saajhedaari ka Yeh vishv record hai. Dravid ne Tendulkar ko test maichon mein 12586 run aur 40 shatak lagaate hue dekha. Doosari taraf Tendulkar bhi Dravid ke 11894 test ranon aur 34 shatakon ke gavaah rahe. In donon ne 50 test maichon mein jeet ka milkar jashn manaaya to 44 aise avsar bhi aae jab unhein ek doosare ke saath milkar haar ka gam bhulaana pada. Apne shuruaati varshon mein ek doosare ke pratidvandvi ke roop mein maidaan par utarane vaale Tendulkar aur Dravid pehli baar 28 December 1995 ko ek team mein khele. Tendulkar tab tak bada naam ho gaya tha aur unhein chaileinjar trophy ke liye Bhaarat-A team ka kaptaan banaaya gaya tha. Dravid ko unki team mein shaamil kiya gaya tha. Sanyog se saurav Ganguly bhi us team ka hissa the. Is match ke lagbhag teen maheene baad 3 April 1996 ko Sri Lanka ke khilaaf Singapore ke pedaang mein pehli baar Tendulkar aur Dravid ne ek saath bhaarateeya team ka pratinidhitv kiya. Iske dhaai maheene baad England ke khilaaf aitihaasik laards maidaan par ye donon diggaj test maichon mein bhi saathi ban gaye the. Ek-divseeya antararaashtreeya maichon mein bhi Tendulkar aur Dravid ki jugalabandi khoob dikhi. Donon ne milkar 98 van-de mein 4117 run ki saajhedaari ki. Inmein 11 shatakeeya saajhedaariyaan bhi shaamil hain. In donon ne New Zealand ke khilaaf 8 November 1999 ko Hyderabad mein doosare wicket ke liye 331 run jode the jo aaj bhi vishv record hai. Dravid ki maujoodagi mein Tendulkar ne van-de mein 9743 run or 28 shatak banaae. Is beech Tendulkar ne bhi Dravid ko 7858 van-de run aur 8 shatak tatha 63 arddhashatak lagaate hue dekha. In donon ne chir-pratidvandvi Pakistan ke khilaaf sarvaadhik 43 match khele. Ab champions league ti-20 ka final vah aakhiri match maana ja raha hai jismein Tendulkar aur Dravid ek saath maidaan par viraajamaan rahe. Sanyog dekhiye ki cricket ke is chhote praaroop mein in donon mahaan khilaadiyon ko kabhi ek doosare ka saathi banane ka mauka naheen mila. Ve ti-20 mein jab bhi ek saath maidaan par utare to ek doosare ke pratidvandvi hi rahe. Yeh bhi kam dilchasp naheen hai ki is baar champions league ki shuruaat in donon diggajon ki teemon ke mukaabale se hui aur samaapan bhi in donon ki teemein kar rahi hain. Tendulkar pichhle saal van-de aur is saal ke shuroo mein IPL se sannyaas le chuke hain. Tendulkar ab apna poora dhyaan test maichon par lagaana chaahate hain. Vah is saal November mein West Indies ke khilaaf 200vaan test match khelkar nai upalabdhi haasil kareinge. Antararaashtreeya cricket ko pehle hi alvida kah chuke Dravid bhi sambhavat: Ab aage pratispardhi cricket naheen kheleinge. Vah pehle hi iska sanket de chuke hain. Tendulkar aur Dravid bhale hi pratidvandvi ke taur par cricket ke maidaan par se ek doosare se vidaai le rahe hon, lekin 20 saal mein in ye donon keval 18 baar ek doosare ke aamne-saamane rahe.


'Kaurporet Kalchar Ke Khilaaf Hindustaani Svaabhimaan Ki Ladaai Hai 'Bulet Raaja

'Kaurporet Kalchar Ke Khilaaf Hindustaani Svaabhimaan Ki Ladaai Hai 'Bulet Raaja

Breaking »

Nai Delhi: November maheene ke ant mein release hone ja rahi film 'Bulet raaja' ke patakatha lekhak amaresh mishr ke anusaar Yeh film kaarporet companiyon ki ekaroopata paida karne jaisi tamaam sanskruti ke khilaaf theth bhaarateeya aatmasammaan, svaabhimaan aur paurush ke bagaavat ki kahaani hai. Amaresh mishr ne raashtreeya puraskaar vijeta film 'Paan Singh tomar' ke nirdeshak tigmaanshu Dhulia ke saath milkar film 'Bulet raaja' ki kahaani likhi hai. Tigmaanshu aur amaresh achhe dost bhi hain. Is film ka prastaav lekar vah tigmaanshu se pehli dafa 2006 mein mile the aur tab is film ka naam 'Din dahaade' rakha tha jise baad mein badalkar kar 'Bulet raaja' kiya gaya. Is film ka nirdeshan tigmaanshu Dhulia ne kiya hai. Film ki patakatha taiyaar karne ki prushthabhoomi ke baabat amaresh ne kaha, ''Film ki kahaani udaaravaadi aarthik neetiyon se mohabhang ke daur mein samaaj ke kuchh vargon dvaara aayaateet videshi sanskruti ke khilaaf hindi urdoo kshetr ke logon ke jajbe, gusse aur vikshobh ko darshaata hai. Film mein Yeh darshaaya gaya hai ki kaise film ke do charitra (saif Ali Khan aur Jimmy sheragil) is sanskruti ke khilaaf apne gusse ke ijahaar ke liye aparaadh ka raasta akhtiyaar kar lete hain. '' Lekhak, film sameekshak aur sakriya raajaneetik kaaryakarta amaresh ne kaha, ''Yeh vishuddh roop se mukhyadhaara ki film hai jiska dhaancha paashchaatya filmon ka hai. Ismein hinsa ka taaratamya hai jiski tulana ameriki film nirdeshak George Roy hil ki 'Buch kesedi end san dance kid' film se ki ja sakti hai. '' Unhonne kaha, ''Kaurporet kalchar mein apeksha ki jaati hai ki logon ke beech vyavahaar mein ekaroopata ho, unke kaam karne ke tareeke mein ekaroopata ho. Gaharaai mein jaakar dekhein to Yeh logon ko apne se hi begaana banaata hai. Ismein apeksha ki jaati hai ki braahman teeka na lagaae, musalmaan paanch vakt ki namaaj na padhe aur is sanskruti ki 'Madar country' (kendra) America hai. '' Amaresh ne kaha, 'Gaharaai mein jaakar dekhein to desh mein 1857 ka vidroh bhi us samay ke saamraajyavaadiyon dvaara bhaarateeya samaaj par thopi ja rahi sanskruti ke khilaaf tha. Kul milaakar is poori prushthabhoomi ko dhyaan mein rakhakar is film ko taiyaar kiya gaya hai jo apne svaroop mein to shuddh mukhyadhaara ki film hai, lekin apni vishyavastu mein kai gambhir pahaluon ko chhoote hue aage badhti hai. '


Mantri Shivpaal Yadav Ka Yeh Ravaiya Hai, Tab Adhikaariyon Ka Kya Hoga

Mantri Shivpaal Yadav Ka Yeh Ravaiya Hai, Tab Adhikaariyon Ka Kya Hoga

Breaking »

Mujaffaranagar: Uttar pradesh ke mujaffaranagar mein hue dangon ko ek maheene se jyaada ho chuka hai, lekin in dangon mein apanon ko khone vaale parivaaron ka gussa abhi bhi shaant naheen hua hai. Shanivaar ko shivpaal Yadav ki aguvaai mein pradesh ke das mantri danga peediton se milne ke liye malikpur gaanv pahunche. Yahi vah gaanv hai jahaan se dangon ki shuruaat hui thi. Is dauraan shivpaal Yadav ko dange mein maare gaye gaurav aur sachin ke parijanon ke gusse ka shikaar hona pada. Donon pakshon ke beech baatcheet us samay talkh ho gayi, jab parivaar ne is maamale mein CBI jaanch karaane ki maang ki. Is maang par shivpaal Yadav ne parivaar se ulte savaal kar diya ki jo madad sarkaar se unhein mil rahi hai kya vah CBI se unhein mil paaegi. Isse maahaul aur garm ho gaya aur shivpaal Yadav ne vahaan se jaane mein hi bhalaai samajhi. Das mantriyon ka Yeh dal ilaake mein do din ke daure par hai.


Somaaliya, Libya Mein Aatankiyon Ke Thikaanon Par Ameriki Seal Ne Kiya Hamla

Somaaliya, Libya Mein Aatankiyon Ke Thikaanon Par Ameriki Seal Ne Kiya Hamla

Breaking »

Washington: Ameriki nausena ke seal ne somaaliya mein al kaayada aur al shabaab ke thikaanon par hamla karne ke saath hi Libya mein ki gayi ek alag sainya kaarravaai mein ek sheersh aatankvaadi ko pakad liya hai. Pentagon ke ek varishth adhikaari ne shanivaar tadke anjaam diye gaye. Is atigopaneeya abhiyaan ki pushti karte hue aaj bataaya ki is hamle ka lakshya al shabaab ke sheersh aatanki neta ko pakadna tha. Is hamle ki pushti ke alaava aadhikaarik taur par iska jyaada vivran naheen diya gaya hai. Doosari taraf Libya ki rajdhani tripoli mein ameriki seal ke ek alag abhiyaan mein najeeh abdul hamad al rakai urf anas al libi ko hiraasat mein le liya gaya hai. New York mein hue bam dhamaakon mein kathit bhoomika ke liye vaanchhit najeeh par FBI ne 50 lakh ameriki dollar ke inaam ki ghoshana kar rakhi thi.


Delhi Ke Shaastri Park Ilaake Ke Ek Park Mein Utara Chhota Vimaan

Delhi Ke Shaastri Park Ilaake Ke Ek Park Mein Utara Chhota Vimaan

Breaking »

Nai Delhi: Delhi ke park mein ek chhote plane ki imarajeinsi lainding ki gayi hai. Yeh deedeee ka park shaastri park ilaake mein hai. Bataaya ja raha hai ki donon pilot surakshit hain. Soochana ke anusaar Yeh plane gaajiybaad sthit hindan eyarabes se uda tha. Vistrut khabar ka intajaar hai. . .


Laaloo Jail Mein Raabadi Ne Bulaai Aarajedi Ki Baithak

Laaloo Jail Mein Raabadi Ne Bulaai Aarajedi Ki Baithak

Breaking »

Patna: Bihar ke poorv mukhyamantri aur aarajedi ke adhyaksh laaloo prasaad Yadav ke chaara ghotaale mein jail jaane ke baad ravivaar ko unki patni raabadi devi ne apne ghar par aarajedi ki meeting bulaai hai. Bataaya ja raha hai ki is baithak mein party ki aage ki rananeeti tay ki jaaegi. Isse pehle media se baat karte hue raabadi devi ne kaha ki vah aur unke bete tejasvi aur tej prataap party ko laaloo ki gair-maujoodagi mein chalaaenge. Chaara ghotaale mein laaloo Yadav ko paanch saal ki saza hui hai, jiske baad se laaloo aur aarajedi ke raajaneetik bhavishya ko lekar savaal uth rahe hain. NDTV India se raabadi devi ne kaha tha ki laaloo jail se hi party ka netrutv kareinge. Unhonne Yeh bhi kaha ki vah janta ki adaalat mein jaaengi aur janta hi unka insaaf karegi. Vaheen, bataaya ja raha hai ki raghuvansh prasaad Singh is baithak mein hissa naheen le rahe hain. Sootron ki maanein to party ke kai neta party mein parivaaravaad se naaraaz hain.


Narendra Modi Par Darj Hua Dhaarmik Bhaavana Aahat Karne Ka Maamala

Narendra Modi Par Darj Hua Dhaarmik Bhaavana Aahat Karne Ka Maamala

Breaking »

Nai Delhi: BJP ke PM pad ke ummeedavaar Narendra Modi ke devaalaya se pehle shauchaalaya ko praathamikta dene vaale bayaan par ab siyaasi galiyaaron se lekar sadakon tak virodh ho raha hai. Varanasi mein Modi ke khilaaf dhaarmik bhaavanaaon ko thes pahunchaane ka maamala darj karaaya gaya hai. Yaachikaakarta ka kehna hai ki Modi ne galat bayaan diya hai jisse unki bhaavanaaon ko thes pahunchi hai. Ab is maamale ki sunavaai 21 October ho hogi.


Gang-rape Peedita Se Badasalooki Ke Aarop Mein Uttam Nagar Esaechao Nilambit

Gang-rape Peedita Se Badasalooki Ke Aarop Mein Uttam Nagar Esaechao Nilambit

Breaking »

Nai Delhi: Delhi mein 13 saal ki ladki ka aarop hai ki jab vah saamoohik balaatkaar ki shikaayat lekar uttam nagar thaane pahunchi, to esaechao ne peedit se hi badasalooki ki. Esaechao ko suspend kar diya gaya hai. Lekin, jab bayaan darj karaaya ja raha tha us vakt ladki ke saath maujood do NGO kaaryakartaaon ka kehna hai ki unke saamane koi badasalooki naheen hui thi. Maamale ki jaanch ho rahi hai.


Modi Ek Achhe Prashaasak, Lekin BJP Ko Secular Banaane Ki Jaroorat Jagan

Modi Ek Achhe Prashaasak, Lekin BJP Ko Secular Banaane Ki Jaroorat Jagan

Breaking »

Jagan mohan Reddy ka file photo Jagan mohan Reddy ka file photo Ahmedabad: Andhra pradesh ke vibhaajan ke khilaaf 72 ghante ke anashan par baithe vaaiesaaar Congress ke jagan mohan Reddy ka kehna hai ki unhein ummeed hai ki BJP ke PM pad ke ummeedavaar Narendra Modi party ke secular tamaga dene mein kaamayaab honge. Reddy ne kaha ki aap kise ke saath aise bhedabhaav kaise kar sakte hain ki aap fala ilaake mein paida hue hain. Is tarah asuraksha aantarik aatankvaad ko badhaava deti hain. Badlaav ki aavashyakta hai aur Narendra Modi ko BJP ko badalna chaahiye. NDTV se baat karte hue jagan mohan Reddy ne kaha ki Yeh vivaad se pare hai ki Narendra Modi ke achhe prashaasak hain. Isse pehle Reddy ne Congress par jordaar hamla bola tha. Unhonne aarop lagaaya ki Congress party ek shakhs ko pradhaanamantri banaane ke liye raajya ka bantavaara karne par utaaroo hai. Gaurtalab hai ki keindreeya cabinet ne ek faisale ke tahat Yeh nirnaya liya hai ki Andhra pradesh ke kuchh jilon ko milaakar telangaana raajya ka gathan kiya jaae.


Telangaana Virodh Jagan Ke Anashan Ka Aaj Doosra Din

Telangaana Virodh Jagan Ke Anashan Ka Aaj Doosra Din

Breaking »

Hyderabad: Alag telangaana raajya ke virodh kar rahe vaaiesaaar Congress ke pramukh jagan mohan raiddi ke anashan ka aaj doosra din hai. Andhra mein tanaavapoorn haalaat ke liye jaganamohan ne Congress adhyaksh soniya Gandhi ko zimmedaar thaharaaya aur unapar aarop lagaaya ki vah Rahul Gandhi ko pradhaanamantri banaane ke liye janta ki bhaavanaaon ke saath khilvaad kar rahi hain. Jagan ne Yeh bhi kaha ki unki party telangaana par cabinet ke faisale ko Supreme court mein chunauti degi. Vaheen, Andhra mein jagah−jagah telangaana ke virodh mein pradarshan jaari hai. Vishaakhaapattanam aur vijyanagar mein logon ne rallyan nikaaleen aur jagah-jagah jaam lagaakar pradarshan kiya. Telangaana ke virodh mein anashan par baithe jagan mohan ne Congress par aarop lagaaya hai ki Rahul Gandhi ko pradhaanamantri banaane ke liye Andhra Pradesh ka bantavaara kiya gaya hai. Vaheen Andhra mein jagah−jagah telangaana ke virodh mein pradarshan jaari hai. Vaheen, Congress neta digvijya Singh ne tweet kiya hai aur kaha ki chandra babu aur jagan ne jis tarah palati maari hai, usase hairaan hoon. Donon ne likhit mein telangaana ko samarthan diya tha. Aashcharyajanak raajaneetik avasaravaad.


Aasaaram Aur Unke Bete Par Soorat Mein Yaun Utpeedn Ke Nae Aarop Lage

Aasaaram Aur Unke Bete Par Soorat Mein Yaun Utpeedn Ke Nae Aarop Lage

Breaking »

Soorat: Pehle se yaun hamle ke aarop mein jail mein band Aasaaram ki mushkilein aur badhati dikhaai de rahi hain. Is baar Aasaaram ke saath−saath unke bete Narayan saain bhi lapete mein aate dikhaai de rahe hain. Daraasal soorat ki do bahanon ne Aasaaram aur unke bete par yaun shoshan ka aarop lagaaya hai. Badi bahan ne Aasaaram par Ahmedabad ke aashram mein yaun shoshan ka aarop lagaaya hai, jabki chhoti bahan ne soorat ke aashram mein Narayan saain par aise hi aarop lagaae hain. Donon hi maamale 2002 se 2004 ke beech ke hain. Police ne pehle donon hi shikaayat soorat mein darj ki hai. Uske baad Aasaaram ka case Ahmedabad traansafar kiya jaaega. Jabki Narayan ke case ki jaanch soorat mein hi hogi.


Avaidh Jameen Par Bani Lagzari Imaarat Mein School Hua Shuroo

Avaidh Jameen Par Bani Lagzari Imaarat Mein School Hua Shuroo

Breaking »

Pune: Pune ki 22 manzila lagzari imaarat mein gareeb bachchon ki padhaai shuroo ho gayi hai. 14 saal lage lekin Yeh behad khaas din aa hi gaya. 1999 mein jab shivsena ke manohar Joshi Maharashtra ke mukhyamantri the to unke daamaad par is 22 manjila lagzari imaarat ko school ke liye aarakshit zameen par banaane ka aarop laga tha. Saal 2011 mein Supreme court ke faisale ka nateeja Yeh raha ki imaarat school ko mil gayi aur guruvaar ko ismein pehli class bhi hui.


Sachin Ka Anokha Record, Bane 50 Hazaar Run Banaane Vaale Pehle Asiaee

Sachin Ka Anokha Record, Bane 50 Hazaar Run Banaane Vaale Pehle Asiaee

Breaking »

File photo. File photo. Nai Delhi: Sachin ke naam kai record hain aur Trinidad aur taubego ke saath chainpiyans league ke semifinal mein Delhi mein unhonne ek naya record apne naam kiya. 31 geind par 35 run banaane ke kram mein sachin ne cricket ke teenon faurmet ko milaakar yaani test, one-day aur tee20 cricket mein kul milaakar apne 50 hazaar run poore kar liye. Aisa karne vaale vah pehle Asiaee khilaadi hain. Sachin ne dven smith ke saath milkar Mumbai ki paari ki shuruaat ki aur 35 run ki paari mein do chauke aur do shaanadaar chhakke bhi lagaae. Vaheen, sachin ki team Mumbai final mein pahunch gayi hai.


Do Maheene Se Saudi Jail Mein Band Hain 40 Bhaarateeya Mazadoor

Do Maheene Se Saudi Jail Mein Band Hain 40 Bhaarateeya Mazadoor

Breaking »

Nai Delhi: Saudi arab mein kaam karne vaale 40 bhaarateeya mazadoor beete do maheene se makka ki jail mein band hain. Bataaya ja raha hai ki ek construction company mein kaam karte hue ek bhaarateeya mazadoor ki maut ho gayi thi aur jab bhaarateeya mazadooron ne muaavaze ki maang ki to hinsa failaane ke aarop ke tahat 40 mazadooron ko giraftaar kar liya gaya. Ab yahaan in majadooron ke gharavaale inhein riha karaane ke liye sarkaar se guhaar laga rahe hain.


'Big Boss 7 Se Bedakhal Huin Anita Advani

'Big Boss 7 Se Bedakhal Huin Anita Advani

Breaking »

Nai Delhi: Khud ko divangat abhineta raajesh khanna ki liv-in paartanar bataane waali anita Advani big boss ke ghar se bedakhal hone waali teesari hasti ban gain. Anita ne kaha ki big boss ke ghar mein teen hafte tak rahane ka unka tajurba achha raha par unhein vakt se pehle baahar kar diya gaya. Big boss ke ghar se bedakhal hone ke baad anita ne kaha, 'Itne kam samay mein mera tajurba achha raha par mera maanana hai ki main kuchh aur din tak vahaan rah sakti thi. Mujhe lagta hai ki main isliye baahar ho gayi kyonki main big boss ke ghar ke andar ki raajaneeti aur vahaan ke khel mein shaamil naheen ho saki. '


Gurgaon Call Center Mein Maarapeet, Do Mare

Gurgaon Call Center Mein Maarapeet, Do Mare

Breaking »

Gurgaon: Haryana ke Gurgaon mein udyog vihaar call center mein shanivaar ko hui maarapeet mein do vyaktiyon ko maut ho gayi evam do anya ghaayal ho gaye. Police ne Yeh jaankaari di. Call center ke ek kaaryakaari adhikaari suneel Kumar apne bete ke janm par saathi karmachaariyon ko party ke liye nimantran dene aae the, lekin unke saathi karmachaari mukesh ne unapar hamla kar diya. Mukesh aur uske saathiyon dvaara dhaaradaar hathiyaar se kiye gaye hamle mein suneel ke chachere bhaai 30 varsheeya deveindar aur ek medical reeprejeintetiv 32 varsheeya Ram avataar ki maut ho gayi. Suneel aur ek anya vyakti sanjaya ko gambhir chotein I hain. Donon ki sthiti naajuk bataai ja rahi hai. Ek police adhikaari ne bataaya, "Hamlaavar faraar hain. Humne kuchh logon se poochh-taachh ki hai. Call center aur uske agal bagal ki companiyon mein lage CCTV footage ko khangaala ja raha hai. "


Rahul 'Koi Doosra Shabd Upayog Kar Sakte The Sheela Dixit

Rahul 'Koi Doosra Shabd Upayog Kar Sakte The Sheela Dixit

Breaking »

File photo. File photo. Nai Delhi: Delhi ki mukhyamantri sheela Dixit ne kaha ki daagi saansadon se jude adhyaadesh ki aalochna karte hue Rahul Gandhi 'Koi doosra shabd' istemaal kar sakte the. Sheela Dixit ne ek kaaryakram ke dauraan Yeh baat kahi jab unase Yeh poochha gaya tha ki Rahul Gandhi dvaara adhyaadesh ko bakavaas bataaya gaya tha. Unhonne kaha, 'Aap kah sakte hain ki doosare shabdon ka upayog kiya ja sakta tha lekin unhonne jo bhaav vyakt kiye, vah ham sabhi mahasoos kar rahe the. ' Rahul Gandhi dvaara adhyaadesh par sarkaar ki aalochna ke baad Budhvaar ko keindreeya mantrimandal ko daagi saansadon par vivaadaspad adhyaadesh aur isse jude vidheyak ko vaapas lena pada tha.


Bhaarat Se Bangladesh Ko Bijli Niryaat Shuroo, PM Ne Bataaya 'Aitihaasik Kshan

Bhaarat Se Bangladesh Ko Bijli Niryaat Shuroo, PM Ne Bataaya 'Aitihaasik Kshan

Breaking »

File photo. File photo. Nai Delhi: Bhaarat tatha Bangladesh ne aapas ki do bijli pariyojanaaon ki shuruaat ke saath urja kshetr mein sahayog ka naya adhyaaya shuroo kiya. Pradhaanamantri Manmohan Singh ne is kadam ko donon deshon ki bhaageedaari mein ek 'Aitihaasik kshan' karaar diya hai. Singh tatha Bangladesh ki pradhaanamantri shekh haseena ne ek video kaanfreinsing ke jariye milkar pashchim Bengal se Bangladesh ko 500 megawatt bijli aapoorti ke liye bijli paareshan line ka udghaatan tatha Bangladesh mein 1320 megawatt ki taapeeya bijli pariyojana ka shilaanyaas kiya. Maitri taap bijli pariyojana ka vikaas Bangladesh-India freindaship power company kar rahi hai jo NTPC tatha Bangladesh power development board ka sanyukt uprakam hai. Pariyojanaaon ka udghaatan karte hue Singh ne kaha ki Yeh ek 'Aitihaasik kshan' hai jabki ham hamaare donon deshon ke beech sampannta ke liye nai bhaageedaari ki or badh rahe hain. Singh ne kaha ki Bhaarat va Bangladesh ke bhaagya 'Ek doosare se jude hain. ' unhonne kaha, aaj uthaae ja rahe is kadam se Bhaarat va Bangladesh ke beech dosti aur majaboot hogi aur hamaare dwipaksheeya sambandhon mein naya aayaam judega.


Champions League Badi Jeet Ke Saath Mumbai Indians Final Mein

Champions League Badi Jeet Ke Saath Mumbai Indians Final Mein

Breaking »

Nai Delhi: Indian Premier league (IPL) champion mumbai Indians ne vishv ke sabse pratishthit cricket league ka vijeta hone ki apni saakh ke saath nyaaya karte hue shanivaar ko Trinidad evam Tobago ko chhah wicket se haraakar champions league ke paanchavein sanskaran ke final mein jagah bana li hai. Ab mumbai Indians ravivaar ko Rajasthan Royals ke saath hone vaal khitaabi mukaabale ko jeetkar 2011 ka itihaas doharaana chaaheinge. Royals ne shukravaar ko Jaipur mein chennai super kings ko haraakar pehli baar final mein jagah banaai hai. Ferozshah Kotla stadium mein shanivaar ko khele gaye league ke doosare semifinal mukaabale mein Trinidad ne mumbai Indians team ke saamane 154 ranon ka lakshya rakha, jise usane dven smith (56) aur sachin Tendulkar (35) ke beech pehle wicket ke liye hui 90 ranon ki shaanadaar saajhedaari ki badaulat haasil kar liya. Trinidad ne chhah ranon ke bheetar mumbai ke teen wicket jhatakakar match mein vaapasi karne ki koshish ki lekin kaptaan rohit sharma (25) aur dinesh kaartik (naabaad 33) ne unhein niraash kiya aur apni team ko jeet se 16 run kareeb lekar aae. Iske baad kaartik ne keeran Pollard (naabaad 2) ke saath apni team ko 19.1 overon mein lakshya tak pahuncha diya. Trinidad ki or se suneel naren ne 17 run dekar teen wicket liye. Vah 11 wicketon ke saath 'Golden baul' puraskaar ki daud mein sabse aage nikal chuke hain. Royals ke praveen taambe ke naam nau wicket hain. Smith ne apni 38 geindon ki paari mein saat chauke aur do chhakke lagaae jabki sachin ne 31 geindon par do chauke aur do chhakke lagaae. Sachin ka wicket 90 aur Ambati raayadoo (0) ka wicket 91 ranon ke kul yog par gira. Smith 96 ke kul yog par chalte bane. Rohit ka wicket 138 ke kul yog par gira. Rohit aur kaartik ne 42 run jode. Rohit ki 22 geindon ki paari mein ek chauka aur do chhakke shaamil hain. Doosari or, pichhle kuchh maichon se naakaam chal rahe kaartik ne 21 geindon ki tej paari mein teen chauke aur do chhakke jade. Isse pehle, toss haarne ke baad Trinidad ne ballebaaji karte hue nirdhaarit 20 overon mein paanch wicket par 153 run banaae. Evin levis ne sabse adhik 62 ranon ka yogadaan diya. Yaanik otali ne naabaad 41 run jode. Yaanik ki is paari mein 30 geindon par do chauke aur do chhakke shaamil hain. Trinidad ki shuruaat achhi naheen rahi. Maatr 14 ke kul yog par uske star salaami ballebaaj leindal simans (0) out ho gaye. Simans ko Harbhajan Singh ne out kiya. Iske baad haalaanki daaren Bravo (14) aur levis ne doosare wicket ke liye 48 run jode. Bravo 61 ke kul yog par pragyaan ojha ki geind par dinesh kaartik dvaara shaanadaar tareeke se stamp kiye gaye. Levis ka wicket 93 ke kul yog par gira. Levis ne 46 geindon ki paari mein chhah chauke aur chaar chhakke lagaae. Unhein keeran Pollard ne apni hi geind par aasaani se lapak liya. Levis aur yaanik ne teesare wicket ke liye upayogi 32 run jode. Iske baad yaanik ne dinesh raamadeen (9) ke saath chauthe wicket ke liye 18 run jode. Raamadeen ko Michelle jaanasan ne bold kiya. Yeh wicket 111 run ke kul yog par gira. Kaptaan ke out hone ke baad yaanik aur nikolas pooran (15) ne shaanadaar andaaj mein khelte hue paanchavein wicket ke liye 22 geindon par 37 run jode. Is saajhedaari ne Trinidad ko 150 ke kareeb pahunchaaya. Pooran ne 14 geindon par ek chhakka lagaaya. Mumbai ne kul chhah geindabaaj aajmaae. Inmein se rishi dhavan ko chhodkar baaki sabko ek-ek wicket mile. Wicket lene vaalon mein koltar naail, jaanasan, Pollard, ojha aur Harbhajan shaamil hain.


Cheen Open Mirja-black Ki Jodi Ne Jeeta Mahila Yugal Khitaab

Cheen Open Mirja-black Ki Jodi Ne Jeeta Mahila Yugal Khitaab

Breaking »

Beijing: Saaniya mirja aur unki Zimbabwe ki jodeedaar kaara black ki jodi ne shanivaar ko cheen open tennis tournament ka mahila yugal khitaab jeet liya hai. Mirja-black ki jodi ne khitaabi mukaabale mein vera dyooshevina aur aaraantja paara saintonja ki jodi ko maat dekar khitaab par kabja kiya. Aathaveen vareeyata praapt mirja-black ki jodi ne khitaabi mukaabale mein apni roosi-speni pratidvandvi jodi ko seedhe seton mein 6-2, 6-2 se maat di. Yeh mukaabala ek ghanta chhah minute tak chala. Mirja-black ki jodi ne semifinal mukaabale mein sheersh vareeya raubarta vinsi aur saara Irani ko maat dekar khitaabi mukaabale mein pravesh kiya tha. Yeh saaniya ka maujooda satr ka paanchavaan aur kul 19vaan khitaab hai.


SEBI Ne Saral Videshi Nivesh Niyamon Ko Di Manjoori

SEBI Ne Saral Videshi Nivesh Niyamon Ko Di Manjoori

Breaking »

Mumbai: Bhaarateeya pratibhooti aur vinimay board (SEBI) ke board sadasyon ki shanivaar ko hui baithak mein SEBI (videshi portfolio niveshak) adhiniyam-2013 ke masaude ko manjoori de di. SEBI ki aadhikaarik website par shanivaar ko jaari ek vaktavya ke anusaar, SEBI (videshi sansthaagat niveshak) adhiniyam-1995 ke praavadhaanon, arhataapraapt videshi niveshakon (kyooefaaaies) ki rooparekha aur nivesh maargo ki tarkasangatata evam videshi niveshakon ke portfolio ki nigraani samiti ki sifaarishon ko dhyaan mein rakhakar SEBI adhiniyam-2013 ko taiyaar kiya gaya hai. Desh mein vartamaan record chaaloo khaata ghaate ko kam karne ke uddeshya se videshi nivesh ko aakarshit karne ke liye videshi niveshakon ki panjeekaran prakriya ko saral banaane ke liye SEBI ne videshi nivesh ke in nae saral niyamon ko manjoori di hai. SEBI adhiniyam-2013 ke antargat vartamaan videshi sansthaagat niveshakon (FII), up khaaton evam kyooefaaaies ko ek nai niveshak shreni (efapeeaai) ke mishrit varg mein shaamil kiya jaaega. In efapeeaai niveshakon ko teen mein se kisi ek shreni mein panjeekaran karaana hoga. In nae niyamon ki ghoshana isse pehle SEBI ki June mein hui baithak mein ki gayi thi. SEBI ne in nae niyamon ko videshi niveshakon dvaara ghareloo sampattiyon ko khareedne par lagaae gaye pratibandhon ko hataane evam dastaavejeekaran ko saral banaane ke uddeshya se manjoori di hai.