BCCI Mein Sab Kuchh Theek Naheen Supreme Court

BCCI Mein Sab Kuchh Theek Naheen Supreme Court

Breaking »

Nai Delhi: Desh ki sarvochch nyaayaalaya ne ek baar fir BCCI par karaara prahaar karte hue kaha hai ki BCCI mein sabkuchh theek naheen hai. Court ne kaha ki BCCI ke kaam mein kuchh gambhir khaami hai. Court ne filhaal shreenivaasan ke adhyaksh chune jaane par koi tippani naheen ki. Isse Yeh andaaja lagaaya ja raha hai ki vah BCCI ke adhyaksh bane raheinge. Lekin, court ne saaf kar diya hai ki shreenivaasan IPL sattebaazi ki jaanch se door raheinge. Is maamale mein ab agali sunavaai 7 October ko hogi.


Somadev Ne China Open Ke Liye Qualify Kiya

Somadev Ne China Open Ke Liye Qualify Kiya

Breaking »

Beijing: Bhaarat ke somadev Devburman ne oonchi ranking vaale Italy ke paaolo loreinji ko haraakar ATP China open ke ekal varg mein qualify kar liya hai. Vishv ranking mein 97vein number par kaabij somadev ne apne se 12 ranking oopar vaale pratidvandvi ko doosare kvaaleefaaing match mein 3-6, 7-6, 6-3 se haraaya. Pehle daur mein somadev ne duniya ke 60vein number ke khilaadi Robin haas ko 2-6, 6-4, 6-0 se haraaya tha. Mukhya draw mein pehle match mein unka saamana duniya ke 31vein number ke khilaadi farnaando vardaasko se hoga. Yadi vah use hara dete hain to unka agale daur mein duniya ke number ek khilaadi Serbia ke novaak jokovich se saamana ho sakta hai. Yugal varg mein Leander pace aur Canada ke Daniel nestar ko sheersh vareeyata mili hai. Ve pehle daur mein America ke jaan isaner aur saim kveri se kheleinge. Mahesh bhoopati aur sveedan ke Robert lindasted ko doosari vareeyata mili hai jo jokovich aur Switzerland ke staanislaas vaavarinka se kheleinge.


Australia Ke Khilaaf Team India Mein Yuvraj Singh Ki Vaapasi

Australia Ke Khilaaf Team India Mein Yuvraj Singh Ki Vaapasi

Breaking »

Nai Delhi: Varsh 2011 ke vishwacup ke hero rahe harfanmaula khilaadi Yuvraj Singh ki bhaarateeya team mein vaapasi ho gayi hai. Australia ke khilaaf hone waali ghareloo shrunkhala ke tventi-20 tatha teen ek-divseeya antararaashtreeya maichon ke liye ghoshit ki gayi team mein Yuvraj Singh ko shaamil kar liya gaya hai, jabki out of form chal rahe donon poorv salaami ballebaajon Virendra Sehwag aur Gautam gambhir ko team mein jagah naheen mili hai. Yuvraj Singh ne apna aakhiri ek-divseeya antararaashtreeya match January, 2013 mein England ke khilaaf dharmashaala (Himachal pradesh) mein khela tha. Uske baad kheli gain chaimpiyns trophy tatha jimbaabve shrunkhala ki team mein unhein naheen rakha gaya tha. Iske baad, France mein hue ek fitness kaaryakram ke baad Yuvraj Singh ne list-A cricket mein shaanadaar form ka pradarshan kiya, aur vest Indies 'A' ke khilaaf hue shrunkhala mein Bhaarat 'A' ki or se Yuvraj Singh ne sabse zyaada - teen maichon mein ek shatak, aur ek arddhashatak ki madad se 74.66 ki ausat se 224 run banaae. Iske alaava Yuvraj Singh ne India ki blue ki or se bhi chailenjar trophy mein arddhashatak thoka. Ab is team mein jimbaabve ke khilaaf team mein rahe dinesh kaartik, cheteshvar pujaara, ajinkya rahaane, mohit sharma aur paravej rasool ko jagah naheen mili hai, jabki jimbaabve ke khilaaf naheen khilaae gaye, lekin chaimpiyns trophy ke liye team mein rahe Umesh Yadav ko bhi shaamil naheen kiya gaya hai. Ghoshit ki gayi 15-sadasyeeya team is prakaar hai : Mahendra Singh Dhoni (kaptaan evam wicket-keeper), shikhar dhavan, rohit sharma, viraat Kohli, suresh raina, Ravindra jadeja, Ravichandran Ashwin, bhuvaneshvar Kumar, Ishaant sharma, vinaya Kumar, amit mishra, ambaati raayudoo, mohammad shaami tatha jayadev unaadakat.


Yaun Hamle Ke Maamale Mein Adaalat Ne Aasaaram Ki Nyaayik Hiraasat Badhaai

Yaun Hamle Ke Maamale Mein Adaalat Ne Aasaaram Ki Nyaayik Hiraasat Badhaai

Breaking »

Jodhpur: Naabaalig ladki par yaun hamle ke aarop Aasaaram ki police remand aaj khatm ho rahi hai aur aaj unhein seshans court mein pesh kiya gaya. Court ne Aasaaram ki nyaayik hiraasat ki avadhi aur badha di. Yeh hiraasat 11 October tak ke liye badha di gayi hai. Aasaaram ke saath unke gurukul ki vaardan shippi ko bhi adaalat mein pesh kiya jaaega. Idhar, Jodhpur mein hi Rajasthan High Court mein aaj Aasaaram ki zamaanat par bhi sunavaai hogi. Aasaaram ki taraf se mashahoor vakeel Ram Jethmalani pairavi kar rahe hain.


Chaara Ghotaala Laaloo Yadav Samet 45 Aaropi Doshi Karaar, Jail Bheje Gaye Laaloo

Chaara Ghotaala Laaloo Yadav Samet 45 Aaropi Doshi Karaar, Jail Bheje Gaye Laaloo

Breaking »

Nai Delhi: Bihar ke poorv mukhyamantri aur aarajedi adhyaksh laaloo Yadav ko chaara ghotaale se jude ek maamale mein aaj CBI ki vishesh adaalat ne doshi karaar diya hai. Yeh maamala 1996 mein chaaibaasa ke sarkaari khazaane se 37 karod 70 lakh rupaye se bhi jyaada ki loot ka hai. Tab bina saplaai ke paison ka bhugataan kar diya gaya tha. Pichhle 17 saal se Yeh maamala chal raha tha. Is maamale mein saja ka ailaan 3 October ko hoga. Is maamale aaropi sabhi 45 logon ko court ne doshi karaar diya hai. Saat logon ko aaj hi teen saal tak ki saja suna di gayi jinmein do raajaneetijnya poorv BJP vidhaayak dhruv bhagat aur Bihar ke poorv mantri vidya saagar nishaad tatha ek aaiees adhikaari tatha chaar aapoortikrta shaamil hain. Bhagat aur nishaad ko teen-teen saal ki kaid ki saja sunaai gayi hai. In saat mein se kuchh ko jamaanat bhi de di gayi. Doshi karaar diye jaane ke baad court mein aaj se hi saja par bahas aarambh ho gayi hai. Court ne saaf kar diya hai ki 3 October ko video kaunfreinsing ke jariye sunaai jaaegi. Filhaal sabhi doshiyon ko nyaayik hiraasat mein le liya gaya aur aaj hi Ranchi ki birsa munda jail mein bhej diya gaya hai. Court se apni hi bulet proof gaadi mein laaloo prasaad Yadav, birsa munda jail gaye. Is ghotaale mein doshi paae jaane ke baad laaloo ki sansad sadasyata chali gayi aur unhein mili Z plas suraksha bhi vaapas le li gayi hai. Aur saath hi vah agala chunaav bhi naheen lad paaenge. Laaloo ko ab kam se kam teen aur jyaada se jyaada saat saal ki saja ho sakti hai. Is maamale mein aaj laaloo prasaad ke alaava poorv mukhyamantri jagannaath mishra, poorv mantri vidya saagar nishaad, saansad jagadeesh sharma aur poorv saansad RK raana samet kai retired aaiees adhikaariyon ke bhaagya ka bhi faisala ho gaya. Court sabhi ko doshi karaar diya hai. Faisale ke baad laaloo prasaad ke bete tejasvi Yadav ne kaha ki Yeh raajaneeti saajish hai jiska chunaav mein javaab diya jaaega. Iske alaava party ke neta raajaneeti prasaad ne kaha ki oopari adaalat mein jaane ka raasta khula hai. Court ke faisale ke baad BJP neta shaahanavaaj husain ne kaha ki party ne is maamale ko bahut jorashor se uthaaya tha. Bihar ki loot par aaj Yeh faisala svaagat yogya hai. Party neta Rajiv prataap roodi ne kaha ki Yeh ghotaala paanch hajaar karod se jyaada ka tha. Unka kehna hai ki Yeh Bihar ki janta ke saath nyaaya hai. Vaheen, jadayoo neta saabir Ali ka kehna hai ki ab janta ko Yeh yakeen ho jaaega ki is desh mein kaanoon ke saamane sabhi ek samaan hai. Koi bada aadmi kaanoon se bada naheen hota. Congress party ke neta Rashid alvi ka kehna hai ki Congress par Yeh aarop galat hai ki ordineins ke jariye laaloo ko bachaane ki koshish thi. Gaurtalab hai ki laaloo prasaad Yadav pehle bhi paanch baar jail ja chuke hain, lekin Yeh pehli baar hai ki laaloo prasaad doshi karaar diye jaane ke baad jail gaye hain.


YSR Congress Ka Congress, TDP Se AP Prastaav Par Hastaakshar Karne Ka Aagrah

YSR Congress Ka Congress, TDP Se AP Prastaav Par Hastaakshar Karne Ka Aagrah

Breaking »

Hyderabad: Vaaies jagan mohan Reddy neet vaaiesaaar Congress ne ravivaar ko Congress aur tedepa se appeal ki ki ve 'Akhand' Andhra pradesh ke liye 'Ek pankti ke prastaav' par hastaakshar karein taaki seemaandhr kshetr ke logon mein anishchitta samaapt ho aur unki bhaavanaaon shaant hon. Vidhaanasabha mein vaaiesaaar Congress party ki up-neta esaen Reddy ne ravivaar ko kaha, 'Vartamaan sankat ko ek raajaneetik hal ki jaroorat hai aur yadi sabhi paartiyon ke neta ekeekrut raajya ke samarthan mein ek pankti ke prastaav par hastaakshar kar dein to bantavaare ki prakriya ko roka ja sakta hai. ' Unhonne kaha, 'Pradesh Congress committee adhyaksh bots satyanaaraayan, tedepa adhyaksh N chandrabaaboo Naidu aur anya netaaon ko ek prastaav ke saath saamane aana chaahiye aur hamaare party adhyaksh vaai S jaganamohan Reddy us par sabse pehle hastaakshar kareinge. ' Is beech kadappa se praapt soochana ke anusaar vaaiesaaar Congress party ne vahaan ek kaaryayojana ghoshit ki hai jiske tahat Andhra pradesh ke bantavaare ke khilaaf aagaami maheene mein vibhinn aandolan kiye jaaenge. Poorv saansad evam vaaiesaaar Congress keindreeya committee ke sadasya emaveeem Reddy aur anya netaaon ne is baithak mein hissa liya.


Kaid Aankade Aane Se Pehle Sensex 142 Ank Toota

Kaid Aankade Aane Se Pehle Sensex 142 Ank Toota

Breaking »

Mumbai: Vaishvik baajaaron mein narami ke rukh ke beech chaaloo khaate ke ghaata sambandhi aankade jaari hone se pehle Mumbai share baajaar ka Sensex 142 ank ki giraavat ke saath khula. Tees sheyaron vaala Sensex 142.04 ank neeche 19,585.23 ank par khula. Pichhle satr mein Yeh 166.58 ank tootakar band hua tha. Isi tarah, national stock exchange ka Nifty bhi 38.40 ank neeche 5,794.80 ank par khula.


Dollar Ke Mukaabale Rupaya 40 Paise Kamjor

Dollar Ke Mukaabale Rupaya 40 Paise Kamjor

Breaking »

Mumbai: Tel aayaatakon ki or se dollar ki livaali kiye jaane se somvaar ko dollar ke mukaabale rupaya 40 paise kamjor hokar 62.91 prati dollar par khula. Thodi der baad 63 rupaye prati dollar par baajaar mein rupaya kaarobaar kar raha tha. Iske alaava, videsh mein dollar ki tulana mein Euro mein narami ke rukh aur sthaaneeya share baajaar ke giraavat ke saath khulne se bhi rupaya ki dhaarana prabhaavit hui. Is beech, Mumbai share baajaar ka Sensex 142.04 ank neeche 19,585.23 ank par khula. Dollar ki tulana mein rupaya pichhle satr mein 44 paise tootakar 62.51 prati dollar par band hua tha.


Mahaaraani Padmini Devi Ke Janmadin Samaaroh Mein Shaamil Hue Amitabh

Mahaaraani Padmini Devi Ke Janmadin Samaaroh Mein Shaamil Hue Amitabh

Breaking »

Jaipur: Abhineta Amitabh Bachchan ravivaar ko Jaipur ki mahaaraani padmini devi ke 70vein janmadin ke avsar par city pailes mein aayojit samaaroh mein shaamil hue. Police sootron ne bataaya ki Amitabh ek niji vimaan se aaj yahaan pahunche aur unke ravivaar raat yaheen rukane ki sambhaavana hai. Vah somvaar ki subah Jodhpur ke liye ravaana honge. Amitabh ke daure se media ko door rakha gaya hai. Padmini devi ka janm Himachal pradesh ke sirmaur mein hua tha. Vah sirmaur ke poorv mahaaraaja Rajendra prakaash aur mahaaraani indira devi ki beti hain. Padmini devi ki shaadi Jaipur raajagharaane ke raaja Brigadier (sevaanivrutt) bhavaani Singh se varsh 1966 mein hui thi. 2011 mein lambi beemaari ke baad Singh ka nidhan ho gaya.


Shareef Ne Sahayogiyon Se Bhaarateeyon Ko 'Dehaati Aurat Tippani Par Samajhaane Ko Kaha

Shareef Ne Sahayogiyon Se Bhaarateeyon Ko 'Dehaati Aurat Tippani Par Samajhaane Ko Kaha

Breaking »

New York: 'Dehaati aurat' tippani ke liye jimmedaar thaharaae ja rahe Pakistani pradhaanamantri navaaj shareef is maamale ko lekar pareshaan hain aur jaankaari ke anusaar unhonne pradhaanamantri Manmohan Singh ko ek sandesh bhejkar kaha hai ki unhonne unke liye kabhi bhi aisi bhaasha ka istemaal naheen kiya. Yahaan varishth Pakistani adhikaariyon ke anusaar shareef ko jaise hi is baat ki jaankaari hui hai kathit tippani ko lekar ek vivaad khada ho gaya hai to unhonne apne najadeeki sahayogiyon ko nirdesh diya hai ki ve jald se jald bhaarateeya adhikaariyon se sampark karein. Aisa samjha jaata hai ki shareef ne apne videsh sachiv jaleel Abbas jilaani ko Yeh jimmedaari saunpi ki vah Yeh Singh ko vaastavik sthiti ke baare mein sandesh dein ki unhonne unke liye kabhi bhi aisi bhaasha ka istemaal naheen kiya. Jilaani ne subah mein raashtreeya suraksha salaahakaar shivshankar Menon se sampark karke Pakistani sthiti samajhaayi. Sootron ke anusaar Menon ne jilaani se kaha ki unhonne aise bayaan ki pramaanikta ki pushti kar li hai aur unhein vaastavikta ki jaankaari hai. Aisa samjha jaata hai ki unhonne Menon se kaha ki pradhaanamantri ko bhi iske baare mein soochana de di gayi hai. Yeh Pakistani pratinidhimandal aur Pakistani pradhaanamantri shareef ke liye badi raahat ke roop mein saamane aaya. Isse pehle navaaj shareef dvaara aayojit subah ke naashte mein maujood ek Pakistani patrakaar ne is baat se inkaar kar diya ki shareef ne Singh ke liye 'Dehaati aurat' jaise kisi shabd ka istemaal kiya. Unhonne yadyapi kaha ki shareef isse khush naheen the ki Singh ne jab ameriki raashtrapati Barack Obama se Washington mein mulaakaat ki to unhonne Pakistan ke baare mein 'Shikaayat' ki. Pakistan ke aaj TV ke patrakaar abasaar aalam ne kaha, 'Unhonne kabhi aisa shabd naheen kaha. ' unhonne kaha ki shareef ne apni aprasannata ek dantakatha ka ullekh karte hue vyakt ki. Unhonne kaha, 'Yeh kahaani is tarah se hai ki ek kaaryakram ke baad sabhi log ek hall mein sote hain. Unamein se ek subah uthata hai aur duaa karte hue kehta hai Allah dekhiye main aapse duaa kar raha hoon jabki ye sabhi so rahe hain. Kuchh anya log use sun lete hain. Ve usase kehte hain ki tum hamaari shikaayat karne ki bajaay apni duaa par dhyaan kyon naheen lagaate. '


Yaun Hamle Ke Maamale Mein Adaalat Mein Pesh Honge Aasaaram, Vaardan

Yaun Hamle Ke Maamale Mein Adaalat Mein Pesh Honge Aasaaram, Vaardan

Breaking »

Jodhpur: Naabaalig ladki par yaun hamle ke aarop Aasaaram ki police remand aaj khatm ho rahi hai aur aaj unhein seshans court mein pesh kiya jaaega. Aasaaram ke saath unke gurukul ki vaardan shippi ko bhi adaalat mein pesh kiya jaaega. Idhar, Jodhpur mein hi Rajasthan High Court mein aaj Aasaaram ki zamaanat par bhi sunavaai hogi. Aasaaram ki taraf se mashahoor vakeel Ram Jethmalani pairavi kar rahe hain.


Pak Ne Aatankvaad Par Naheen Diya Koi Spasht Bharosa, Kashmir Mudda Uthaaya

Pak Ne Aatankvaad Par Naheen Diya Koi Spasht Bharosa, Kashmir Mudda Uthaaya

Breaking »

New York: Pakistan ne aatankvaad par Bhaarat ki chintaaon ka samaadhaan karne ke liye ravivaar ko koi spasht bharosa naheen diya balki iske bajaay Kashmir mudda aur baloochistaan mein Bhaarat dvaara 'Baahari hastakshep' ka mudda utha diya. Pakistan ke videsh sachiv jaleel Abbas jilaani ne Pakistani pradhaanamantri navaaj shareef aur pradhaanamantri Manmohan Singh ke beech baithak ke baare mein samvaadadaataaon ko jaankaari dete hue kaha, 'Aatankvaad par charcha ki gayi. Ham aatankvaad par aapki chintaaon se avagat hain aur mera maanana hai ki bhaarateeya paksh bhi hamaari chintaaon se avagat hai. ' Jilaani ne kaha, 'Pradhaanamantri shareef ne bhi baloochistaan aur Pakistan ke anya hisson mein baahari hastakshep par jor diya. ' unhonne kaha, 'Mujhe is baat mein koi sandeh naheen ki aaj ki baithak mein Jammu Kashmir sahit sabhi muddon par charcha hui. ' Unhonne Kashmir ko ek 'Bahut mahatvapoorn mudda' bataate hue kaha ki iska samaadhaan hona chaahiye. Unhonne kaha, 'Humne donon netrutvon mein ek sauhaardapoorn dhang se ek samaan ichha dekhi. ' haafij Saeed aur jamaat ud daava par savaalon ka javaab dete hue jilaani koi pratibaddhata dene se bachate najar aae aur kaha ki jamaat ud daava aur haafij Saeed sahit aatankvaad ke mudde par charcha karne ke liye donon pakshon mein 'Ichha aur pratibaddhata' hai. Jilaani ne baithak ko 'Bahut sakaaraatmak aur rachaanaatmak' bataaya. Jilaani ke anusaar shareef ne baithak ke dauraan is baat par jor diya ki donon deshon ke paas shaantivaarta jaari rakhane ke alaava anya koi vikalp naheen hai. Unhonne kaha, 'Netaaon ne donon deshon ke beech behtar sambandh banaane ko lekar apni pratibaddhata jataayi. Baithak ke dauraan donon netaaon ne un sabhi muddon aur kaaranon par charcha kiya jo donon deshon ke sambandhon ki vartamaan sthiti ke liye jimmedaar hain. ' Bhaarat ne seemaapaar se aatankvaad jaari rahane aur mumbai aatankvaadi hamle ke shadyantrakarta haafij Saeed neet jamaat ud daava jaise sangathanon ko Pakistani sarkaar ki or se milne vaale samarthan ka mudda uthaaya. Aaropon ka javaab dete hue jilaani ne kaha ki jamaat ud daava dvaara sanchaalit vidyaalaya aur anya shaikshik sansthaanon ka kaamkaaj praanteeya sarkaar ne apne haath mein le liya hai. Aisa sanyukt raashtra suraksha parishad ke is sambandh mein jaari prastaav ka paalan karte hue Islamabad dvaara jaari nirdesh par kiya gaya. Unhonne daava kiya ki sanyukt raashtra ki nigraani team ne haal mein desh ka daura kiya tha aur usane apni report mein paaya hai ki Pakistan ne aise kuchh bhi naheen kiya hai jisse is sambandh mein sanyukt raashtra suraksha parishad ke prastaav ke ullanghan hota ho. Jilaani ne kaha ki sanyukt raashtra dal ne haal mein ek report mein suraksha parishad ke prastaav ke kriyaanvayan ko lekar poora santosh jataaya tha. Unhonne kaha, 'Shaantipoorn, satat aur nirbaadh baatcheet ka koi vikalp naheen hai. Hamein apne sabhi lambit muddon ke hal ke liye niyamit aadhaar par ek baatcheet honi chaahiye. ' Unhonne 'Aatankvaad ka kendra' sambandhi Singh ki haal ki tippani par kaha ki ise naheen uthaaya gaya. Jilaani ne kaha, 'Ise (aatankvaad ka kendra) baithak ke dauraan naheen uthaaya gaya. Aatankvaad par charcha hui lekin us pariprekshya mein naheen jiski aap baat kar rahe hain. ' Pakistani adhikaari ne kaha ki mumbai aatankvaadi hamle ki jaanch dheemi Pakistani nyaayik aayog ki Bhaarat yaatra mein vilanbh ke chalte hui hai. Unki haal ki yaatra ke baad ve report deinge aur prakriya mein teji aaegi.


Chaara Ghotaala Laaloo Prasaad Yadav Samet Sabhi 45 Aaropi Doshi Karaar

Chaara Ghotaala Laaloo Prasaad Yadav Samet Sabhi 45 Aaropi Doshi Karaar

Breaking »

Nai Delhi: Bihar ke poorv mukhyamantri aur aarajedi adhyaksh laaloo Yadav ko chaara ghotaale se jude ek maamale mein aaj CBI ki vishesh adaalat ne doshi karaar diya hai. Yeh maamala 1996 mein chaaibaasa ke sarkaari khazaane se 37 karod 70 lakh rupaye se bhi jyaada ki loot ka hai. Tab bina saplaai ke paison ka bhugataan kar diya gaya tha. Pichhle 17 saal se Yeh maamala chal raha tha. Is maamale mein saja ka ailaan 3 October ko hoga. Is maamale aaropi sabhi 45 logon ko court ne doshi karaar diya hai. Saat logon ko aaj hi teen saal tak ki saja suna di gayi jinmein do raajaneetijnya poorv BJP vidhaayak dhruv bhagat aur Bihar ke poorv mantri vidya saagar nishaad tatha ek aaiees adhikaari tatha chaar aapoortikrta shaamil hain. Bhagat aur nishaad ko teen-teen saal ki kaid ki saja sunaai gayi hai. In saat mein se kuchh ko jamaanat bhi de di gayi. Doshi kara diye jaane ke baad court mein aaj se hi saja par bahas aarambh ho gayi hai. Court ne saaf kar diya hai ki 3 October ko video kaunfreinsing ke jariye sunaai jaaegi. Filhaal sabhi doshiyon ko nyaayik hiraasat mein le liya gaya aur aaj hi Ranchi ki birsa munda jail mein bhej diya gaya hai. Court se apni hi bulet proof gaadi mein laaloo prasaad Yadav, birsa munda jail gaye. Laaloo ko ab kam se kam teen aur jyaada se jyaada saat saal ki saja ho sakti hai. Laaloo ke liye chinta ki vajah haal hi mein aaya Supreme court ka faisala hai jiske tahat ab vah sansad ki sadasyata ke liye ayogya ho gaye hain aur saath hi vah agala chunaav bhi naheen lad paaenge. Is maamale mein aaj laaloo prasaad ke alaava poorv mukhyamantri jagannaath mishra, poorv mantri vidya saagar nishaad, saansad jagadeesh sharma aur poorv saansad RK raana samet kai retired aaiees adhikaariyon ke bhaagya ka bhi faisala ho gaya. Court sabhi ko doshi karaar diya hai. Faisale ke baad laaloo prasaad ke bete ne kaha ki Yeh raajaneeti saajish hai jiska chunaav mein javaab diya jaaega. Iske alaava party ke neta raajaneeti prasaad ne kaha ki oopari adaalat mein jaane ka raasta khula hai. Court ke faisale ke baad BJP neta shaahanavaaj husain ne kaha ki party ne is maamale ko bahut jorashor se uthaaya tha. Bihar ki loot par aaj Yeh faisala svaagat yogya hai. Party neta Rajiv prataap roodi ne kaha ki Yeh ghotaala paanch hajaar karod se jyaada ka tha. Unka kehna hai ki Yeh Bihar ki janta ke saath nyaaya hai. Vaheen, jadayoo neta saabir Ali ka kehna hai ki ab janta ko Yeh yakeen ho jaaega ki is desh mein kaanoon ke saamane sabhi ek samaan hai. Koi bada aadmi kaanoon se bada naheen hota. Congress party ke neta Rashid alvi ka kehna hai ki Congress par Yeh aarop galat hai ki ordineins ke jariye laaloo ko bachaane ki koshish thi. Gaurtalab hai ki laaloo prasaad Yadav pehle bhi paanch baar jail ja chuke hain, lekin Yeh pehli baar hai ki laaloo prasaad doshi karaar diye jaane ke baad jail gaye hain.


100 Seaton Par Simat Jaaegi Congress Raamadev

100 Seaton Par Simat Jaaegi Congress Raamadev

Breaking »

PTI, Chicago yogaguru Baba raamadev ne kaha hai ki Narendra Modi ki aguaai mein BJP ko aagaami Loksabha chunaav mein jeet haasil hogi. Yeh lagbhag 100 feesadi tay hai ki Modi jeeteinge. Unhonne kaha ki Congress ko jahaan 100 seatein mileingi vaheen BJP aur iske gathabandhan ko 250 se 300 ke beech seatein haasil hongi. Bhaarateeya raajaneeti mein nae itihaas ka janm hoga. Haal hi mein London ke heethro airport par hui lambi poochh-taachh par Baba ne kaha ki sarkaar ne mujhe fansaane ke liye Yeh sab kiya tha. Raamadev ravivaar ko America ke ilinois mein svaami vivekaanand diwas par hui ek rally mein shaamil hue. Isi dauraan unhonne ye baatein kaheen.


Mumbai Bilding Haadase Mein Marne Vaale 61 Hue

Mumbai Bilding Haadase Mein Marne Vaale 61 Hue

Breaking »

PTI, Mumbai shukravaar ko Mumbai ke majhagaanv mein hue bilding haadase mein marne vaalon ki taadaad badhkar 61 ho gayi hai. Beeemasi ke mutaabik bachaav abhiyaan lagbhag khatm hone ko hai. 5 manjila imaarat beeemasi ki hi thi aur daukayaard rod railway station ke paas sthit thi. Marne vaalon mein maraathi akhbaar saakaal ke patrakaar yogesh Pawar (29) aur unke pita bhi the. Ye log isi bilding mein rahate the. Mahaamiya dekoretars ke maalik ashok Mehta ko giraftaar kar liya gaya hai. Aarop hai ki vah is bilding ke ground flor par sthit kiraaye ke apne office-kam-veyarahaaus mein renoveshan ka kaam avaidh tareeke se karva rahe the. Aisa shak hai ki renoveshan se jude kaam ke chakkar mein hi bilding giri thi. Ghaayalon ko sarkaari J J aspataal aur Nair aspataal mein bharti kiya gaya hai. Kren aur doosari bhaari machinery ko malaba saaf karne ke kaam mein lagaaya gaya hai. 30 saal puraani is bilding mein 21 parivaar rahate the. Ise si-2 kaitigri mein rakha gaya tha, jiska matlab tha ki ise jaldi se jaldi ripeyaring ki jaroorat hai. Mukhyamantri pruthveeraaj chavhaan ne doshiyon ke khilaaf sakht kaarravaai ka bharosa diya hai, vaheen beeemasi ne do jaanch kamitiyaan bhi banaai hain aur aisi hi sthiti waali baaki bildingon ke audit ke bhi aadesh diye hain. Beeemasi ne pratyek mrutak ke parivaar ko 2 lakh rupaye madad ka ailaan kiya hai.


Mumbai Ke Paas Helikauptar Crash, 5 Ki Maut

Mumbai Ke Paas Helikauptar Crash, 5 Ki Maut

Breaking »

PTI, Mumbai Mumbai ke paas thaane graameen ilaake mein haai teinshan waali bijli ki taaron ki chapet mein aane se ravivaar ko ek private helikauptar crash ho gaya jisse paanch logon ki maut ho gayi. Thaane graameen ke police adheekshak anil kunbhare ne bataaya ki helikauptar mein savaar koi bhi vyakti haadase mein jinda naheen bacha hai aur paanchon ki maut ho gayi hai. Mrutakon ki pehchaan abhi naheen ho pai hai. Police ne bataaya ki Yeh haadasa thaane ke murabaad taaluka mein tokaavaade gaanv ke paas subah kareeb 7 bajkar 50 minute par hua. Air traffic control ke sootron ne bataaya ki private oparetar United heli chaartars ka Yeh helikauptar ravivaar subah yahaan ke juhoo havaai adde se Aurangabad jaane ke liye ravaana hua tha, jahaan se use Nagpur jaana tha. Unhonne bataaya ki padosi thaane jile ke ek graameen ilaake mein bijli ki taaron ki chapet mein aane ke kaaran vah durghatanaagrast hua. DGCA ke adhikaariyon ne bataaya ki durghatana ke kaaranon ki jaanch ke liye naagar vimaanan mahaanideshaalaya ki ek team mauke par bheji gayi hai.


Modi Se Mulaakaat Karne Vaala JDU Vidhaayak Party Se Suspend

Modi Se Mulaakaat Karne Vaala JDU Vidhaayak Party Se Suspend

Breaking »

IANS, Patna janta dal (United) ke vidhaayak chhedi paasavaan ko Gujarat ke mukhyamantri aur BJP ke PM pad ke ummeedavaar Narendra Modi se Ahmedabad mein mulaakaat karna mahanga pada. Party ne is mulaakaat ko gambheerta se lete hue unhein 6 saal ke liye party se suspend kar diya hai. JDU ke Bihar pradesh adhyaksh vashishth Narayan Singh ne kaha ki paasavaan ka Modi se milna party line ke khilaaf hai, is kaaran party ke raashtreeya adhyaksh sharad Yadav ne unhein 6 varsh ke liye party se nilambit kar diya hai. Unhonne kaha, 'Unke is mulakaat ki jaankaari unhonne raashtreeya adhyaksh ko shanivaar shaam di thi, jiske baad unhonne der raat unhein party se nilambit kar diya. ' bata dein ki mohaniya kshetr ke vidhaayak paasavaan ne shanivaar ko Ahmedabad jaakar Modi se mulaakaat ki hai. Is dauraan unhonne Modi ki taareef ki thi. Gaurtalab hai ki paasavaan Bihar ke aise chauthe neta hain, jinhonne Modi se Ahmedabad jaakar mulaakaat ki hai. Iske pehle Bihar JDU saansad jayanaaraayan nishaad, poorv mantri dasai chaudhari aur aarajedi ke adhyaksh laaloo prasaad ke saale aur Congressi neta saadhu Yadav Modi se Gujarat mein mil chuke hain. Ismein chaudhari ne BJP ki sadasyata bhi le li hai, jabki saadhu ko Congress party ne nishkaasit kar diya hai.


Ab Rajnath Singh Honge BJP Ilekshan Kainpen Committee Ke Cheef

Ab Rajnath Singh Honge BJP Ilekshan Kainpen Committee Ke Cheef

Breaking »

vishesh samvaadadaata, nai Delhi Narendra Modi ko PM pad ka ummeedavaar banaae jaane ke baad ab BJP adhyaksh Rajnath Singh party ki kainpen committee ke mukhiya honge. Pehle Yeh jimmedaari Modi ko saunpi gayi thi, lekin unhonne aupachaarik taur par is pad se isteefa de diya. Haalaanki Rajnath party adhyaksh bhi hain, isliye maana ja raha hai ki unki aguvaai mein kainpen ke liye ek aur committee bhi banaai ja sakti hai. Rajnath Singh ko kainpen committee ka pramukh banaane ka faisala ravivaar shaam BJP ki sansadeeya board ki baithak mein liya gaya. Baithak mein Lal Krishna Advani ke alaava Rajnath Singh, Modi, Sushma Swaraj, arun jetali, vainkeya Naidu, murali manohar Joshi, raamalaal aadi maujood the. Baithak ke baad BJP mahaasachiv anant Kumar ne bataaya ki ab Rajnath committee ke mukhiya honge. Party sootron ka kehna hai ki Rajnath Singh ko Yeh jimmedaari saunpane ka ek maksad Yeh bhi hog ki is baar chunaav ke vakt Rajnath aur Modi ke alaava koi aur power center naheen hoga. Isse bina vajah se shuroo hone vaale vivaadon ki gunjaaish bhi kam hogi. Gaurtalab hai ki pichhle Loksabha chunaav ke vakt Yeh jimmedaari jetali ke paas thi jabki 2004 mein Yeh jimmedaari pramod mahaajan ke kandhon par thi. In donon hi chunaav mein BJP ko haar ka saamana karna pada tha. Shaayad yahi vajah hai ki charcha mein naam hone ke baavajood jetali ki bajaay board ne Rajnath Singh par vishvaas kiya. Party sootron ka kehna hai ki choonki adhyaksh ke pad ki vajah se Rajnath Singh chunaav mein vyast honge, aise mein ho sakta hai ki Rajnath Singh ki adhyakshata mein ek uchchastareeya committee ka gathan kar diya jaae. Vaise isse pehle Modi ko jab kainpen committee ka mukhiya banaaya gaya tha, us vakt hi party netaaon ki kai up kamitiyaan banaai gayi theen taaki kainpen ke kaamkaaj ko sahi tareeke se chalaaya ja sake.


Australia Seereez Ke Liye Team Ka Chayan Aaj

Australia Seereez Ke Liye Team Ka Chayan Aaj

Breaking »

File photo. File photo. Nai Delhi: Australia ke khilaaf one-day seereez aur ek ti-20 mukaabale ke liye aaj team India ka salekshan hona hai. Jinbaabve ke daure par team India ne apni yuva team ko mauka diya tha. Kaptaan Dhoni sahit kai senior khilaadiyon ne aaraam kiya tha lekin ummeed hai ki chayanakarta sabhi aham khilaadiyon ki team banaaenge. . . Yaani Dhoni bataur kaptaan team mein aaraam ke baad laut aaenge. Itna hi naheen, rohit sharma, shikhar dhavan, viraat Kohli, suresh raina, Ashwin jadeja aur bhuvaneshvar Kumar ka chuna jaana tay hai. Ghareloo cricket mein shaanadaar pradarshan karne vaale Yuvraj Singh ki team India mein vaapasi honi tay hai. Yuvi jyaada fit aur form mein nazar aa rahe hain, vaheen, Gautam gambhir aur veerendr ka chuna jaana kaafi mushkil nazar aa raha hai kyon ki inka balla ghareloo mukaabale mein kuchh khaas kamaal naheen kar paaya hai.


Shareef Ne Manmohan Ko Naheen Kaha Tha 'Dehaati Aurat

Shareef Ne Manmohan Ko Naheen Kaha Tha 'Dehaati Aurat

Breaking »

New York: Bhaarat aur Pakistan ke pradhaanamantriyon ki baithak ke pehle ek vivaad is baat ko lekar khada ho gaya tha ki navaaz shareef ne kuchh patrakaaron ko chai par bulaaya tha aur baatcheet mein unase kaha tha ki Manmohan Singh to us 'Dehaati aurat' ki tarah hain jo Obama ke paas Pakistan ki shikaayat karne pahunch gaye the. Vivaad ki vajah tha jeeo TV ke kaaryakaari sampaadak haamid meer ka vah bayaan jismein unhonne Yeh baat kahi thi. Lekin, baad mein haamid meer ne ise galat bata diya. Vaheen, Pakistan ke videsh sachiv ne NDTV se baatcheet mein kaha hai ki haamid khud is baat se inkaar kar chuke hain ki aisa kuchh kaha gaya tha. Unhonne apni sthiti spasht kar di hai.


Chaara Ghotaala Maamale Mein Aaega Laaloo Yadav Par Faisala

Chaara Ghotaala Maamale Mein Aaega Laaloo Yadav Par Faisala

Breaking »

Nai Delhi: Laaloo Yadav ke liye somvaar ka din behad aham hai kyonki chaara ghotaale ke ek maamale mein unapar faisala sunaaya jaana hai. Haalaanki, isi maamale mein laaloo Yadav ke alaava Bihar ke poorv mukhyamantri jagannaath mishra sahit kai mantri aur adhikaari aaropi hain. Jo dhaaraaen laaloo Yadav par lagaai gayi hain, unamein unhein kam se kam teen saal aur adhiktam saat saal tak ki saza ho sakti hai.


Majagaanv Imaarat Dhahane Ke Baad Beeemasi Ne Kiye Saat Engineer Nilambit

Majagaanv Imaarat Dhahane Ke Baad Beeemasi Ne Kiye Saat Engineer Nilambit

Breaking »

Mumbai: Vruhanmunbai mahaanagarapaalika (beeemasi) ne gat shukravaar ko majagaanv mein ek rihaaishi imaarat ke dhahane ke baad is ghatna ke silsile mein saat injeeniyron ko nilambit kar diya. Ek adhikaari ne bataaya ki nilambit injeeniyron mein kaaryakaari abhiyanta emaen Patel, sahaayak abhiyanta MK redekar, sahaayak abhiyanta aaien ele, sahaayak abhiyanta enaes ghaadage, sahaayak abhiyanta Rahul jaadhav, up adheekshak (baajaar) deesi chavhaan aur nireekshak jamaal kaaji shaamil hain. Mahaanagarapaalika ne saath hi 18 doosare adhikaariyon ke khilaaf jaanch karaane se juda prastaav laane ka faisala kiya hai.


Champions League Skauchars Par Jeet Ke Saath Royals Semifinal Mein

Champions League Skauchars Par Jeet Ke Saath Royals Semifinal Mein

Breaking »

Jaipur: Rajasthan Royals team ne lagaataar teesari jeet ke saath champions league-2013 ke semifinal mein jagah bana li hai. Usane savaai Mansingh stadium mein ravivaar ko khele gaye group-A mukaabale mein Perth skauchars ko nau wicket se paraajit kiya. Skauchars khitaabi daud se baahar ho gaye hain. Rahul Dravid ki preranaadaayi netrutv mein Royals ke geindabaajon ne umda pradarshan karte hue skauchars ko 120 ranon par seemit kar diya aur fir is team ne Dravid (0) ka wicket ganvaakar 16.3 overon mein 21 geindein shesh rahate jeet haasil kar li. Ajinkya rahaane 62 aur sanjoo Samson 50 ranon par naabaad laute. Rahaane ne apni 53 geindon ki umda paari mein paanch chauke aur ek chhakka lagaaya tatha Samson ne 42 geindon par paanch chauke aur do chhakke jade. In donon ne 120 ranon ki saajhedaari ki. Royals ki Yeh lagaataar teesari jeet hai. Isse pehle, Royals ne toss jeetkar skauchars ko pehle ballebaaji ke liye nimantrit kiya. Royals ke geindabaajon ne Dravid ke faisale ko sahi thaharaate hue skauchars ke ballebaajon ko baandh diya. Nateeja hua ki lagaataar antaraal par wicket girte rahane ke kaaran skaurch ne sabhi wicket bhi ganva diye aur 120 run hi bana saki. Skauchars ki taraf se Adam vogs (27) ne sarvaadhik ranon ki paari kheli. Royals ke geindabaajon ka shikanja is kadar skauchars par kasa raha ki vogs ke alaava koi bhi ballebaaj 20 run ke niji yog ke aankade ko bhi paar naheen kar saka. Skauchars ka aakhiri wicket paari ki aakhiri geind par gira. Royals ki taraf se kevon koopan ne chaar aur James Faulkner tatha praveen taanbe ne do-do wicket chatakaae. Rajasthan ne ab tak apne teenon match jeete hain. Uske khaat mein 12 ank hain. Doosari or, skauchars ne bhi teen match khele hain lekin do mein use haar mili hai aur usaka ek match baarish ke kaaran naheen ho saka tha. Is match se skauchars ko do ank mile the aur inheen ankon ke saath vah taalika mein paanchavein kram par hai.


Desh Ko Gumaraah Kar Rahe Hain Modi Congress

Desh Ko Gumaraah Kar Rahe Hain Modi Congress

Breaking »

bhaasha. . Nai Delhi Congress ne Gujarat ke CM aur BJP ke PM post ke kaindidet Narendra Modi ke is aarop ko khaarij kar diya hai ki Rahul Gandhi ne 'Janapratinidhiyon par laae gaye adhyaadesh' par hamla bol kar pradhaanamantri pad ki garima ko kam kiya hai. Delhi mein ek rally mein diye Modi ke bhaashan par pratikriya jaahir karte hue Congress neta rashid alvi ne kaha ki Rahul Gandhi ne PM ke naam ka jikr tak naheen kiya. Unhonne sirf adhyaadesh ke baare mein apne vichaar jaahir kiye. Unhonne sarkaar se ise vaapas lene ko bhi naheen kaha. Alvi ne aarop lagaaya ki vah Modi hi hain, jo yahaan us vakt pradhaanamantri Manmohan Singh ki apni tippaniyon se ninda kar rahe hain, jab vah deshahit mein vibhinn raashtraadhyakshon se New York mein mulaakaat kar rahe hain. Alvi ke mutaabik, Modi apne raajya ko najaraandaaj kar rahe hain, jo baadh ke khatre ka saamana kar raha hai. Alvi ne kaha,'Gujarat ke logon ko Modi ki raajya mein jaroorat hai. Yeh durbhaagyapoorn hai ki vah apne hi logon ko najaraandaaj kar rahe hain, jinhonne unhein mukhyamantri banaaya aur vah Delhi mein bhi raashtra ko gumaraah kar rahe hain. ' bata dein ki Modi ne ravivaar ko Rahul par hamla bolte hue un par pradhaanamantri pad ki garima kam karne ka aarop lagaaya aur janta se Yeh faisala karne ko kaha ki kya desh samvidhaan ke tahat chalega ya 'Yuvraj' ki marji se chalega.


Desh Se Maafi Maangein Rahul Chauhaan

Desh Se Maafi Maangein Rahul Chauhaan

Breaking »

PTI. . Bhopal Congress upaadhyaksh Rahul Gandhi par hamla bolte hue madhya pradesh ke CM shivraaj Singh chauhaan ne ravivaar ko kaha ki Rahul ko desh se maafi maangani chaahiye kyonki unhonne adhyaadesh ko lekar PM office ka apamaan kiya hai. Saansadon, vidhaayakon ko bachaane vaale is adhyaadesh ke khilaaf Rahul ke kameint peeemao ki pratishtha ke khilaaf hain aur desh ke aatmasammaan par chot hain. Aise mein unhein janta se maafi maangani chaahiye. Janaaasheervaad yaatra par jaate hue Singh ne Yeh baat kahi. Unhonne Yeh bhi kaha ki PM Manmohan Singh aur unki cabinet ke khilaaf unheen ki party ke senior neta ne aavaaj uthaai hai, aise mein poore mantrimandal ko hi turant isteefa de dena chaahiye. Rahul ka aise samay PM ke khilaaf bayaan dena jab vah desh se baahar aham charchaaon mein hissa le rahe hon, desh ki imej ko duniya ki najaron mein giraata hai. Manmohan Singh par bhi nishaana saadhate hue unhonne kaha ki desh ne aisa asahaaya pradhaanamantri pehle kabhi naheen dekha. Beshak das saal pehle hi Yeh jaahir ho gaya tha ki asli PM Manmohan naheen hain magar Yeh ab aur bhi saaf ho gaya hai ki asli power center 10 Janpath (soniya Gandhi ka aavaas) hai.