Ansari Ki 'Araajak Tippani Par Bhadki BJP

Ansari Ki 'Araajak Tippani Par Bhadki BJP

Breaking »

nai Delhi. . Rajyasabha ki kaaryavaahi baar-baar baadhit hone se naaraaj sabhaapati haamid Ansari neaapa kho diya aur sadasyon ko araajak karaar de diya, isse sadan mein ajeebogareeb sthiti paida ho gayi. Gussaae Ansari ne savaal kiya ki kya sadasya sadan ko 'Avyavastha ka mahaasangh' banaana chaahate hain? Sabhaapati ki is tippani par kada virodh jataate hue BJP ne ise vaapas lene ki maang ki, jabki sarkaar ne ise sadan ki kaaryavaahi se nikaalne ko kaha. Ansari ne Yeh tippani sadan ki baithak shuroo hone ke kuchh hi samay baad ki. Us samay BJP ke sadasya Congress adhyaksh soniya Gandhi ke daamaad Robert vaadra se jude land deal maamale par naarebaaji kar rahe the. BJP sadasya Haryana mein hue bhoomi saudon mein kathit aniyamitata ki jaanch aur sarkaar se javaab maang rahe the. Congress ke kai sadasya bhi apne sthaanon par khade hokar BJP sadasyon ka virodh kar rahe the. Isi dauraan teedeepi sadasya alag telangaana raajya ke gathan ke faisale ke virodh mein 'Andhra pradesh bachaao, lokatantr bachaao' naara likhi hui shart pahanakar sadan mein aae the. Ansari ne naarebaaji kar rahe sadasyon se shaant hone aur sadan chalne dene ki appeal ki. Hangaama jaari rahane ke beech Ansari ne kaha, 'Niyam pustika ke pratyek niyam, pratyek shishtaachaar ka ullanghan kiya ja raha hai. Yadi sammaanit sadasya sadan ko avyavastha ka mahaasangh banaana chaahate hain, to Yeh alag baat hai. ' sabhaapati ne hangaama jaari rahane ke kaaran sadan ki kaaryavaahi dopahar 12 baje tak sthagit kar di. Sadan ki baithak fir shuroo hone par vipaksh ke neta arun jetali ne Ansari ki tippani par aprasannata jataate hue maang ki ki aasan ko ise vaapas lena chaahiye. Us samay Ansari aasan par naheen the aur upasabhaapati pi. J. Kuriyan sadan sanchaalit kar rahe the. Jetali ne poore sadan ke liye 'Avyavasthit' shabd ka prayog kiye jaane par aapatti jataate hue kaha ki is par punarvichaar kiya jaana chaahiye. Unhonne ise vaapas liye jaane ki bhi maang ki. BJP neta ne kaha ki kisi ek sadasya ko bhi 'Avyavasthit' kehna asansadeeya hai, jabki aasan ne poore sadan ko 'Avyavasthit' bataaya hai. Baharahaal, kuriyan ne kaha ki Ansari ne mahaj ek savaal kiya tha ki koi bhi sadasya Yeh naheen chaahata ki sadan 'Avyavastha ka mahaasangh' bane. Is par sansadeeya kaarya raajya mantri Rajiv shukla ne aasan se kaha ki vipaksh ke neta jis tippani ko hataane ki maang kar rahe hain, use hataaya jaae. BJP neta ravishankar prasaad ne kaha ki sabhi sadasya aasan ka kaafi sammaan karte hain aur Yeh behtar hoga ki sabhaapati ise sadan ki kaaryavaahi se hataane ke bajaay bina shart ise vaapas le lein.


Chaalees Saalon Mein Pehli Baar Tirumaala Jaane Waali Bason Ka Parichaalan Thama

Chaalees Saalon Mein Pehli Baar Tirumaala Jaane Waali Bason Ka Parichaalan Thama

Breaking »

Andhra pradesh/ tirupati: Chaalees saalon mein aisa pehli baar hua hai, jab tirumaala pahaadi par sthit prasiddh tirumaala tirupati mandir jaane waali bason ka parichaalan band kar diya gaya. Raajya mein bason ke chaalak aur parivhan karmachaari mangalvaar ko kendra ke Andhra pradesh vibhaajan ke faisale ke khilaaf anishchitkaaleen hadtaal mein shaamil ho gaye hain. Tirupati tirumaala Venkateshwar mandir ke liye har din chalne waali Andhra pradesh raajya sadak parivhan nigam (epeeesaaarateesi) ki 1,500 se jyaada basein mangalvaar ko bas adde par khadi raheen. Bason ke karmachaari seemaandhr mein sarkaari karmachaariyon dvaara jaari hadtaal mein shaamil ho gaye hain. Pichhle 38 saalon mein pehli baar aisa hua hai ki mandir jaane waali basein rok di gayi hain, jisse teerthayaatriyon ke liye samasya utpann ho gayi hai. Isse pehle bhi epeeesaaarateesi ne apni maangon ko lekar hadtaalein ki hain, lekin hadtaalon mein mandir jaane waali bason ko hamesha chhoot di jaati thi. Pahaadi mandir mein darshan ke liye har din 50,000 teerthayaatri epeeesaaarateesi ki bason se yaatra karte hain. Bason ki aavaajaahi ke kaaran vyast rahane waali ghaat sadak mangalvaar subah sunasaan najar I. Adhikaariyon ne bataaya ki sadak par ikka-dukka niji vaahan hi dikhaai de rahe the. Hadtaal par baithe parivhan karmachaariyon ne niji vaahanon ki aavaajaahi rokane ki dhamaki di hai. Vaheen kuchh teerthayaatri mannat poori karne ke liye pahaadi mandir ki paidal yaatra kar rahe hain. Tirupati aur tirumaala mandir ke beech ki doori lagbhag nau kilometer hai. Mandir ka kaam dekhne vaale tirumaala tirupati devasthaanam (teeteedi) ke kuchh karmachaari bhi pruthak telangaana gathan ka faisala vaapas lene ki maang ko lekar hadtaal mein shaamil ho gaye hain. Tirumaala tirupati mandir duniya ka sarvaadhik sampann hindu mandir hai, jahaan har din lagbhag 50,000 teerthayaatri darshan ke liye aate hain.


Bhaajapa Bana Rahi Hai Gair-bhaajapa Shaasit Raajyon Ko Nishaana Dangon Par Digvijya

Bhaajapa Bana Rahi Hai Gair-bhaajapa Shaasit Raajyon Ko Nishaana Dangon Par Digvijya

Breaking »

Nai Delhi: Congress neta digvijya Singh ne dangon ke bhaajapa par nishaana saadha hai. Unhonne subah tweet kiya tha, Bihar mein do maheenon ke bheetar chhah saampradaayik dange, kishtavaad aur Rajasthan ke tonk mein saampradaayik hinsa. Mainne chetaavani di thi ki bhaajapa gair-bhaajapa shaasit raajyon ko nishaana bana sakti hai. Digvijya ke is tweet par BJP neta ravishankar prasaad ne kadi aapatti jataai hai. Prasaad ne kaha ki digvijya Singh gair-jimmedaaraana bayaan dene ke liye jaane jaate hain. Ummeed hai ki unki party Yeh saaf karegi ki kya Yeh party ki rai hai ya akele Singh ki. Iske saath hi digvijya Singh ne khaadya suraksha vidheyak ko apni party forum mein uthaane ki bajaae is mudde par seedha pradhaanamantri Manmohan Singh ko chitthi likhne ko lekar Gujarat ke mukhyamantri Narendra Modi par bhi prahaar kiya hai. Digvijya Singh ne maaikroblauging website twitter par likha, bhaajapa aur iske aaikan Bhaarat mein gareebon ko khaadya suraksha se vanchit rakhana chaahate hain, jo unka gareeb virodhi chehara ujaagar karta hai. Gareeb samarthak har kadam ka unhein virodh karna hai. Unhonne likha ki Modi ko bhaajapa sansadeeya dal par bharosa naheen hai ki vah khaadya suraksha vidheyak se jude muddon ko sahi dhang se utha sake aur isliye seedha pradhaanamantri ko chitthi likh di. Sushma ke khilaaf avishvaas? Singh ki Yeh tippani Modi dvaara pradhaanamantri ko chitthi likhe jaane ke ek din baad I hai. Modi ne is chitthi mein khaadya suraksha vidheyak par mukhyamantriyon ki baithak bulaane ki maang ki thi. Bhaajapa neta ravishankar prasaad ne Singh ki is tippani par teekhi pratikriya vyakt karte hue kaha ki unki party Congress mahaasachiv ki 'Nimn stareeya raajaneeti' ki aalochna karti hai. Prasaad ne kaha ki Modi ne is vidheyak mein sudhaar ke sujhaav diye the aur aise mein unka Yeh sujhaav behad svaagat yogya hai. (chitr parichay : Digvijya Singh ka file photo)


Ranjan Sodhi Ko Khel Ratn, Viraat Aur Sindhoo Ko Bhi Arjun Puraskaar

Ranjan Sodhi Ko Khel Ratn, Viraat Aur Sindhoo Ko Bhi Arjun Puraskaar

Breaking »

Nai Delhi: Ranjan sodhi ko Rajiv Gandhi khel ratn puraskaar diye jaane ke liye chayanit kiya gaya hai. Bhaarat sarkaar ne aaj khel ratn puraskaar diye jaane ki ghoshana ki hai. Ismein nishaanebaaj ranjan sodhi ko is puraskaar ke liye upayukt paaya gaya hai. Cricketer viraat Kohli aur nai baidamint star PV sindhoo ko arjun puraskaar ke liye chuna gaya hai. Arjun puraskaar paane vaalon mein chakraveloo (teerandaaji), Ranjit maaheshvari (ethaletiks), savita chahal (mukkebaazi), roopesh shaah (snooker aur biliyrds), Abhishek gupta (shataranj), gangadeep bhullar (golf), saba anjum (hockey), shooting Rajkumari raathaud (shooting), jyotsna chinppa (skvaish), neha raathi (kushti), anoop Kumar saroha (ethaletiks) ke naam bhi shaamil hain.


Michael Clark Ne Naheen Chhodi Hai Jeet Ki Ummeed

Michael Clark Ne Naheen Chhodi Hai Jeet Ki Ummeed

Breaking »

London: Ashes ganva chuke Australiaee team ke kaptaan Michael Clark ne sveekaar kiya hai ki unki team khel ke har vibhaag mein England ke aage doyam saabit hui hai, lekin iske baavajood usane jeet ki ummeed naheen chhodi hai. Paanch maichon ki shrunkhala mein mehmaan team 0-3 se peechhe chal rahi hai. Ek match draw raha hai aur antim match agale kuchh dinon mein London ke kiya oval maidaan par shuroo hone ja raha hai. Clark ne kaha hai ki vah Yeh match har haal mein jeetna chaahate hain, kyonki Yeh unke saathiyon ke liye maraham ka kaam karega. Clark ne chestar li street mein khele gaye chauthe test match mein mili 74 ranon ki karaari shikast ke baad kaha, mujhe Yeh sveekaar karne mein koi gurej naheen ki ham khel ke har vibhaag mein doyam saabit hue hain, lekin ham ashes ke liye apne desh mein dobaara aamne-saamane hone se pehle paanchavaan test har haal mein jeetna chaahate hain. Clark ne maana ki paanchavaan test unki team ke liye behad aham hai. Bakaul Clark, paanchavaan test hamaare liye aham hai. Hamein achha khelna hoga aur beete chaar maichon mein humne kai maukon par dikhaaya hai ki ham achha khel sakte hain. Hamaare andar achha khelne ki kshamata aur kaabiliyt hai. Ham agar achha khele to aaj bhi duniya ki kisi bhi team ko haraane ki kshamata rakhate hain.


Ogusta Helicopter Saude Par Seeeji Ki Report Pesh, Niyamon Ki Anadekhi Ki Baat Kahi

Ogusta Helicopter Saude Par Seeeji Ki Report Pesh, Niyamon Ki Anadekhi Ki Baat Kahi

Breaking »

Nai Delhi: Ogusta vestalaind heleekauptaron ki khareed ko lekar seeeji ki report Rajyasabha mein pesh kar di gayi hai. Is report mein is saude ki kai gadabadiyon ki or ishaara hai. Report ke mutaabik saude mein kaayadon ki anadekhi hui hai. Report kehti hai ki aisi kai misaalein dikhti hain, jab mantraapaya ne 2006 ke raksha khareed kaayadon ke baahar jaakar faisala kiya. 11 kaarobaariyon ko March 2002 mein diye gaye shuruaati prastaav ko pradhaanamantri daftar ke aitaraaj ke baad radd kar diya gaya. Iski vajah se ek veindar ki naubat I. Karaar par baatcheet karne waali committee ne benchmark laagat bahut jyaada tay ki. Karaar mein kai cheejein aspasht raheen. 10 saal se jyaada ki deri ki vajah se bhi nuksaan hua.


Tihra Shatak Lagaane Ka Achha Mauka Tha Ballebaaj Shikhar Dhavan

Tihra Shatak Lagaane Ka Achha Mauka Tha Ballebaaj Shikhar Dhavan

Breaking »

Preetoriya: Dakshin Africa-A team ke khilaaf somvaar ko 248 ranon ki aitihaasik paari khelne vaale Bhaarat-A team ke salaami ballebaaj shikhar dhavan ne kaha hai ki unhein is baat ka aabhaas tha ki unke paas tihra shatak lagaane ka mauka hai aur agar vah 44vein over mein out naheen hue hote to shaayad Yeh mukaam haasil kar lete. Dhavan ne pratham shreni cricket (ekadivseeya) mein doosari aur Bhaarat ke liye sabse badi paari kheli. Bhaarat ke liye sachin Tendulkar (naabaad 200) aur Virendra Sehwag (219) ne ek-divseeya maichon mein dohare shatak lagaae hain, lekin dhavan ne apni 150 geindon ki is paari ke maadhyam se pratham shreni cricket ke lihaaj se naya keertimaan sthaapit kiya. Dhavan ne match ke baad kaha, "Mujhe is record ke baare mein pata tha aur isse main bahut khush hoon. Main jab 44vein over mein out hua to mere dimaag mein aaya ki agar main poore 50 over wicket par rah jaata to 300 ranon ka aankada bhi paar kar sakta tha. Vaise mainne jo score kiya, usase behad khush hoon. " Dhavan ne apni paari mein 30 chauke aur saat chhakke lagaae. Ek-divseeya cricket mein sabse badi paari ka record Sehwag ke naam hai, lekin pratham shreni maichon mein sabse badi paari ka record County club sare ke khilaadi Eddy brown ke naam hai, jinhonne 2002 mein glemaurgan ke khilaaf 268 run banaae the. Iske baad dhavan ka naam darj ho chuka hai. Is kadi mein teesare kram par greem polaak hain, jinhonne 1974 mein istarn provins ke liye khelte hue East London mein border team ke khilaaf naabaad 222 run banaae the. Ek-divseeya maichon mein sachin aur Sehwag ki baraabari karne ki baat kabhi dimaag mein I? Yeh poochhe jaane par dhavan ne kaha, "Sachin aur Sehwag ki paariyaan meri paari se kai guna behtar hain kyonki donon ne antararaashtreeya cricket mein dohare shatak lagaae hain. 200 ranon ka aankada paar karte hi main samajh gaya tha ki ab mera naam in do diggajon ke saath jud chuka hai, jiske baare mein mainne sachmuch kabhi socha naheen tha. " Ullekhaneeya hai ki ek-divseeya (antararaashtreeya) aur pratham shreni cricket mein ab tak kul 12 ballebaajon ne 200 ya usase adhik ranon ki paariyaan kheli hain, aur inmein se teen Bhaarat ke hain. Antararaashtreeya cricket mein ab tak sirf do dohare shatak lage hain aur ye bhi bhaarateeyon-sachin aur Sehwag ke naam hain.


Atyadhik Padhaai Bhi Kharaab Kar Sakti Hai Aapka Dimaag

Atyadhik Padhaai Bhi Kharaab Kar Sakti Hai Aapka Dimaag

Breaking »

New York: Ab tak aisa maana jaata raha hai ki kam shiksha ke kaaran kathinaai se aajeevika kama sakane vaale logon mein mastishk ki beemaari hone ka khatra jyaada rahata hai, lekin vaigyaaniko ne ek nae shodh ke baad paaya ki atyadhik shiksha ke kaaran bhi maanasik beemaari ka khatra ho sakta hai. Shodhakartaaon ka kehna hai ki shodh mein shaamil aise logon, jinki shiksha unki naukariyon ki apeksha kaheen adhik hai, mein maanasik tanaav jaisi beemaari hone ka khatra adhik paaya gaya. Yeh shodh 21 Europeeya deshon ke 16,600 naukareepesha logon ke beech kiya gaya. Shodh mein shaamil vyaktiyon ki aayu 25 se 60 ke beech thi. Vigyaan khabaron ki website 'Laaivasaains dot com' ne shodhakarta evam Belgium ke gheint vishvavidyaalaya ke samaajik vigyaan ke praachaarya peet breke ke havaale se kaha, atishikshit logon mein maanasik tanaav ka khatra adhik hone ka mukhya kaaran Yeh hai ki paribhaashaanusaar, unhein apni naukariyon se vaisi chunauti naheen milti jiske liye unhein seekhe gaye apne sabhi kaushalon ka istemaal karna pade. Shodhakartaaon ne shanivaar ko New York mein hui ameriki saamaajik samiti ki baithak mein apna shodhapatr prastut kiya. Shodhakartaaon ne shodh ke pratibhaagiyon se poochhe gaye prashnon ke javaab ke aadhaar par unke maanasik tanaav ka ankan kiya. Breke ne kaha ki ve apekshaakrut kam pratishthit naukariyon mein khud ko paate hain, tatha ve sahayog ke liye anuchit vyaktiyon par nirbhar rahate hain. Ve sahaayata pradaan karne mein saksham vyaktiyon ki bajaay doosare vyaktiyon se sahaayata maangate hain, jiske kaaran bhi unamein maanasik tanaav ka khatra badh jaata hai. Breke ka kehna hai ki yadi shiksha se milne vaale aarthik sanbal mein kami aati hai to iske kaaran bhi atishikshit logon ke maanasik svaasthya ko khatra ho sakta hai. Breke ke shodh se aae parinaamon ko maanein to aise logon ko jinhonne career ke shuroo mein apni shiksha se kamtar star ki naukri pai hai, to unhein kuchh hi varshon mein behtar naukri ke avsaron ki talaash karni chaahiye. Anyatha ve maanasik tanaav ka shikaar ho sakte hain.


Svatantrata Diwas Se Poorv Delhi Mein Haai Alert Jaari

Svatantrata Diwas Se Poorv Delhi Mein Haai Alert Jaari

Breaking »

Nai Delhi: Raashtreeya rajdhani Delhi mein svatantrata diwas ke poorv khufiya vibhaag ki chetaavani ke maddenajar haai alert jaari kiya gaya hai. Yahaan suraksha ke pukhta intajaam kiye gaye hain aur poore shahar mein jagah-jagah police ki naakebandi ki gayi hai. Atirikt police aayukt (yaataayaat) anil shukla ne bataaya, "Padosi raajyon se seema pravesh binduon ke jariye Delhi aane vaale niji aur vyavasaayik donon hi vaahanon ki vishesh jaanch ki jaaegi. " Unhonne bataaya ki laal kile ke chaaron or Delhi police aur commando ke alaava safed poshaak mein suraksha adhikaari aur chhipkar goleebaari karne vaale surakshaakarmiyon ko tainaat kiya jaaega. Suraksha balon ki kam se kam 80 tukadiyaan (lagbhag 6,000 policekarmi) laal kila aur iske aaspaas ke ilaake mein tainaat ki jaaengi. Unhonne kaha, "Delhi police ke saath chhipkar goleebaari karne vaale surakshaakarmi aur raashtreeya suraksha guard (enaesaji) ke commando bahu-stareeya suraksha prabandhon ke antargat laal kile ki suraksha kareinge. " Delhi police aur yaataayaat policekarmi vibhinn mahatvapoorn sthalon ki suraksha ke saath hi atisanvedanasheel sthaanon mein pravesh aur nikaas keindron par tainaat raheinge. Sabhi oonchi imaaraton, hotelon, atithi gruhon, pahaadganj, jaama masjid aur laal kile ke najadeeki ilaakon ke baajaaron aur restaurant mein police ke skainar lagaae jaaenge. Police ke mutaabik, is ilaake mein rikshevaale aur asthaai dukaan lagaane vaale logon ko sandigdh logon aur saamaanon par najar rakhane ke nirdesh diye gaye hain. Unhonne kaha, "Havaaiadde, railway station, metro stationon, bas addon, baajaaron, mall aur seemaavarti ilaakon mein gahan jaanch shuroo kar di gayi hai. " Kiraaedaaron, naukaron, atithi gruhon ke aagantukon, puraane scooter aur car ke deelaron, cyber kaife upabhoktaaon aur cycle vikretaaon ko satyaapit karne ke liye bhi gahan kaarya shuroo kar di gaya hai. Ek police sootr ne kaha, "Hamein 15 August se poorv aatanki hamle ke khatre se sambandhit khufiya vibhaag ki chitthi mili hai. " Delhi police ke ek varishth adhikaari ne kaha, "Sabhi padosi raajyon ko chetaavani jaari kar di gayi hai aur seema ke check poston, railway stationon, metro aur antararaajyeeya bas addon mein suraksha vyavastha majaboot kar di gayi hai. " Delhi police aayukt bheemasen bassi ne saat August ko suraksha se sambandhit mudde par padosi raajyon ke varishth police adhikaariyon ki baithak bulaai thi. Delhi police pravakta raajan bhagat ne IANS se kaha, "Is baithak ka uddeshya vibhinn aatanki sangathanon aur unki yojanaaon ki aatank se judi khufiya soochanaaen aur jaankaari saajha karna tha. "


Jammu Ke 8 Jilon Mein Curfew Jaari, 11 Giraftaar

Jammu Ke 8 Jilon Mein Curfew Jaari, 11 Giraftaar

Breaking »

Nai Delhi: Jammu kshetr ke aath jilon mein mangalvaar ko bhi curfew jaari hai aur yahaan teen din se ruki hui vaarshik amaranaath yaatra fir shuroo ho gayi hai. Is beech kishtavaad mein hue saampradaayik sangharsh ke sambandh mein 11 logon ko giraftaar kiya gaya hai. Yeh jaankaari adhikaariyon ne di. Ek police adhikaari ne bataaya, "Amaranaath yaatra mangalvaar subah shuroo kar di gayi. Tadke 4.30 baje 225 teerthayaatriyon ko yahaan se ghaati jaane ki ijaajat di gayi. " Unhonne kaha, "Teerthayaatri chhah bason aur ek chhote vaahan se nikle. Unki salaamati ke liye suraksha ke paryaapt intajaam kiye gaye hain. " Jammu evam shreenagar raajamaarg par yaataayaat saamaanya naheen hua hai. Kishtavaad mein shukravaar ko hui hinsa ke baad pathaanakot-Jammu aur Jammu-shreenagar raajamaarg par yaataayaat thapp raha. Jammu ilaake ke aath jilon-Jammu, kathuaa, saanba, reesi, oodhamapur, raajauri, doda aur kishtavaad mein curfew laagoo hai. Subah laaudaspeekar lage police vaahanon se curfew ke jaari rahane ki ghoshana ki gayi aur logon ko gharon mein rahane ki hidaayat di gayi. Kishtavaad mein lagaataar paanchave din curfew jaari hai, jabki anya jilon mein mangalvaar ko curfew ke chaar din ho gaye hain. Raamaban aur punchh jilon mein curfew naheen lagaaya gaya hai. Doda jile mein jilaadhikaari ne kaha hai ki yahaan curfew naheen lagaaya gaya hai, lekin ehatiyaatan jile ke gandoh, thaatri, prem nagar, bhadaravaah ilaake mein curfew ghoshit hai. Adhikaariyon ne saanba jile mein somvaar shaam teen ghante ke liye curfew mein dhilaai di thi. Kathuaa ke mukhya shahar ko chhodkar shesh jagahon par somvaar shaam do ghante ke liye dheel di gayi thi. Reesi jile mein curfew mein teen ghante, oodhamapur mein subah do aur shaam mein teen ghante ke liye dhilaai di gayi thi. Ek prashaasanik adhikaari ne kaha, "Kishtavaad aur Jammu jile ke Raipur ilaake mein chhit-put ghatnaaon ke alaava sabhi jagah somvaar ko sthiti shaantipoorn rahi. " Police ne kishtavaad hinsa ke sambandh mein 11 logon ko giraftaar kiya hai. Inmein alagaavavaadi neta abdul kayoom mattoo bhi shaamil hain jin par logon ko hinsa ke liye ukasaane ka aarop hai. Is beech, mangalvaar ko lagaataar teesare din raajya mein mobile aur Internet sevaaen thapp hain. Adhikaariyon ka kehna hai ki mobile va Internet sevaaen afavaahein failane se rokane ke liye rok di gayi hain jabki peshevar logon, shikshakon, chhaatron aur patrakaaron ne iski aalochna karte hue kaha hai ki Yeh raajya ko ek aur paashaan yug ki taraf le ja raha hai.


Robert Vaadra Land Deal Maamale Mein Sansad Mein Hangaama

Robert Vaadra Land Deal Maamale Mein Sansad Mein Hangaama

Breaking »

Nai Delhi. . Congress prejideint soniya Gandhi ke daamaad Robert vaadra dvaara Haryana mein ki gayi land deal ke maamale par sansad ke donon sadanon mein jamkar hangaama hua. Sadan ki kaaryavaahi shuroo hote hi hangaama shuroo ho gaya, jis vajah se donon sadanon ko 12 baje tak sthagit kar diya gaya. BJP saansad yashavant sinha aur nishikaant dube ne Loksabha mein prashnakaal ko sthagit kar is mudde par charcha karaane ke liye notice diya tha. Sadan ki baithak shuroo hote hi BJP saansadon ne vaadra land deal ki jaanch ki maang karte hue naarebaaji shuroo kar di. Congress saansadon ne is baat ka virodh kiya aur poore sadan mein hangaama khada ho gaya. Bhaari shor-sharaabe ke beech sadan ki kaaryavaahi ko 12 baje tak sthagit kar diya gaya. Rajyasabha mein bhi aise hi haalaat bane aur sadan ki kaaryavaahi 12 baje tak sthagit kar di gayi. Pichhle saal October mein senior aaiees officer ashok khemaka ne UPA cheyaraparsan soniya Gandhi ke daamaad Robert vaadra aur deeelaef ke beech Gurgaon mein hui deal ka myooteshan kainsal kar diya tha. Iske 3 din baad hi Haryana sarkaar ne khemaka ka traansafar kar diya tha. Khemaka ne is saal May mein Haryana sarkaar ko is maamale mein apni report saunpi thi. Is report ke saamane aane ke baad se hi Congress vipaksh ke jordaar hamlon ke beech ghiri hui hai. Khemaka ne report mein kaha hai ki vaadra ne deeelaef ke saath jameen ki saudebaaji mein farji kaagajaaton ka sahaara liya hai. (padhein: Vaadra ne jameen deal mein farjeevaada kiya: Khemaka) somvaar ko Gurgaon se Congress saansad Rao indrajeet Singh ne bhi maang ki thi ki vaadra par lage aaropon ki jaanch honi chaahiye. Unka kehna hai ki maamala sirf Robert vaadra ka naheen hai, raajya sarkaar ne kai netaaon aur unke rishtedaaron ko faayda pahunchaaya hai. Is maamale ki jaanch honi chaahiye aur jo bhi doshi ho use saja milni chaahiye. ​aCongress ne Haryana ke shahari vikaas mantri Randeep surajevaala se kaha hai ki vah is mudde par uth rahe savaalon ka javaab dein.


Bhaarati Airtel Ke Suneel Mittal Ka Mehanataana 10 Pratishat Ghata

Bhaarati Airtel Ke Suneel Mittal Ka Mehanataana 10 Pratishat Ghata

Breaking »

Nai Delhi: Bhaarati Airtel ne apne Chairman suneel mittal ka sakal paarishramik 2012-13 mein lagbhag 10 pratishat ghataakar 22.55 karod rupaye kar diya, jo ki poorv vitt varsh mein 25 karod rupaye tha. Company ki shuddh aay mein pichhli lagaataar 14 timaahiyon se giraavat aa rahi hai. Haalaanki maujooda vitt varsh ki pehli timaahi mein company apni shuddh aay mein teji se giraavat ko kuchh had tak thaamane mein safal rahi. Company ka shuddh laabh 30 June 2013 ko samaapt timaahi mein 9.6 pratishat ghatkar 688.9 karod rupaye rah gaya. Company ki saalaana rapat ke anusaar, gopaal vittal ko naya kaaryakaari adhikaari niyukt kiya gaya tha, jinka sakal paarishramik vitt varsh 2013 ke aakhir mein 2.7 karod rupaye raha.


Sona-chaandi Aur Gair-jaroori Vastuon Par Badhega Aayaat Shulk

Sona-chaandi Aur Gair-jaroori Vastuon Par Badhega Aayaat Shulk

Breaking »

Nai Delhi: Rupaye ki giraavat tatha chaaloo khaate ke ghaate ko niyantrit karne ke liye sona, chaandi tatha gair-jaroori vastuon par aayaat shulk badhna tay hai. Iske saath hi sarkaar ne kuchh upaayon ki aaj ghoshana ki, jismein videshon se udhaar lene ke niyamon ko aur saral banaana shaamil hai. In upaayon se chaaloo vitt varsh ke dauraan 11 arab dollar ki atirikt videshi mudra ki praapti ho sakti hai. Videshi mudra khaaton mein adhik jama poonji aakarshit karne ke liye sarkaar ne pravaasi videshi mudra khaate par byaaj dar ko udaar banaaya hai. Chaaloo khaate ke ghaate ko sakal ghareloo utpaad ka 3.7 pratishat yaani 70 arab dollar tak seemit rakhane ke uddeshya se kiye gaye in upaayon par donon sadanon mein bayaan diye jaane ke kuchh ghante baad samvaadadaata sammelan mein Chidambaram ne kaha ki in jinson par seema shulk badhaane sambandhi adhisoochana aaj sansad mein rakh di jaaegi. Unhonne aayaat shulk ke baare mein aankada dene se mana kar diya aur kaha ki sansad ka satr chal raha hai, aise mein vah sadan se baahar koi bayaan naheen deinge. Mantri ne samvaadadaataaon se kaha, chaaloo khaate ka ghaata samasya hai, lekin hamaare paas samaadhaan hai. Ham isse nipatne ke liye upaayon ko kriyaanvit kareinge aur ghabaraane ki koi jaroorat naheen hai. Unhonne kaha ki in upaayon se mudra ki vinimay dar mein utaar-chadhaav ko rokane tatha chaaloo khaate ke ghaate ko niyantrit karne mein madad milegi. Chidambaram ne kaha, raajakosheeya ghaate ki tarah chaaloo khaate ka ghaata bhi gambhir ban gaya hai. Agar ham chaaloo khaate ke ghaate (CAD) ko niyantrit kar sakte hain, mudra baajaar tatha rupaye ko lekar dhaarana mein ullekhaneeya sudhaar hoga. Poonji pravaah badhaane ke upaayon ke sandarbh mein Chidambaram ne kaha ki aaiaaraefasi, peeefasi tatha aaiaaiefaseeel ko buniyaadi dhaancha kshetr ke liye saamoohik roop se ardh sarkaari bond ke jariye 4 arab dollar jutaane ki manjoori hogi. Chidambaram ne kaha ki saarvajanik kshetr ki tel companiyon ko baahya vaanijyik udhaari (iseebi) ke jariye 4 arab dollar ke baraabar atirikt raashi jutaane ki anumati hogi. Unhonne kaha ki iseebi niyamon ko udaar banaane tatha pravaasi jama yojanaaon (enaaarai efaseeenaaar) se kramash: 2 arab dollar tatha ek arab dollar jutaaye jaane ki ummeed hai. Mantri ne chaaloo vitt varsh mein tel evam sone ke aayaat mein giraavat par santosh jataaya. Unhonne kaha, ham sone ke aayaat ke maamale mein 4 arab dollar tatha tel aayaat ke sandarbh mein 1.5 arab dollar ki bachat kar sakte hain. Unhonne kaha ki chaaloo vitt varsh mein sone ka aayaat ghatkar 850 tan rahane ka anumaan hai. Varsh 2012-13 mein Yeh 950 tan tha. Tel ke sandarbh mein Chidambaram ne kaha ki April-June 2013 ke dauraan khapat vruddhi ghatkar 0.7 pratishat rahi, jo pichhle saal ki isi avadhi mein 10.3 pratishat thi. Sarkaari sootron ne kaha ki sona tatha chaandi ke aayaat shulk mein vruddhi se taskari mein vruddhi ho sakti hai, lekin uske paas samasyaaon se nipatne ke liye paryaapt saadhan hain. Pravaasi baahya tatha videshi mudra pravaasi jama yojanaaon ko udaar banaaye jaane ke baare mein Chidambaram ne kaha ki in yojanaaon ke antargat hone vaala pravaah ko CRR (nakad aarakshit anupaat: Tatha esaelaaar (saanvidhik taralata anupaat) ki anivaaryata se chhoot praapt hogi. Chidambaram ne kaha ki efaseeenaaar khaaton mein teen saal ya usase adhik avadhi ki jamaaon par byaaj dar niyantran mukt hoga. Kul milaakar efaseeenaaar, enaaarai jama yojanaaon ko udaar banaae jaane se ham ek arab dollar praapt karne ki ummeed kar rahe hain.


Pehle Hi Kaha Tha Ki Dange Karva Sakti Hai BJP Digvijya Singh

Pehle Hi Kaha Tha Ki Dange Karva Sakti Hai BJP Digvijya Singh

Breaking »

Nai Delhi. . Congress mahaasachiv digvijya Singh ko kishtavaad mein jaari saampradaayik hinsa aur Bihar mein haal ke dinon mein hui hinsa ke peechhe BJP ka haath najar aa raha hai. Unhonne tweet kiya hai, 'Bihar mein 2 maheene mein 6 baar saampradaayik vaaradaat hui hain aur kishtavaad va tonk mein dange bhadke hain. Mainne pehle hi chetaavani di thi ki BJP gair-BJP shaasit pradeshon mein dange karva sakti hai. ' digvijya ne Narendra Modi bhi nishaana saadha. Unhonne kaha ki food security bill ke virodh se Yeh baat saaf ho jaati hai ki BJP gareeb virodhi party hai. BJP aur RSS ko aksar nishaane par rakhane vaale digvijya Singh ne aarop lagaaya hai ki pichhle dinon Bihar aur kishtavaad mein hui saampradaayik hinsa ke peechhe BJP ka haath hai. Gaurtalab hai ki kuchh din pehle digvijya ne kaha tha ki bhaarateeya janta party un raajyon mein dange kara sakti hai, jahaan par usaki sarkaar naheen hai. Ab unhonne apne is bayaan ko haal hi mein kishtavaad chal rahi hinsa aur pichhle dino Bihar mein hui ghatnaaon se joda hai. Digvijya ka kehna hai ki unhonne pehle hi is baat ki aashanka jaahir kar di thi ki BJP saampradaayik maahaul kharaab kar sakti hai. Unke is bayaan par pratikriya dete hue BJP neta giriraaj Singh ne kaha ki digvijya aise behooda bayaan ke liye jaane jaate hain. Kaanges aise bayaan dekar logon ka dh‍aayaan mahangaai aur bhrash‍aataachaar se hataana chaahati hai. Digvijya yaheen naheen ruke. Aisa ho sakta hai ki vah bolein aur Gujarat ke mukhyamantri Narendra Modi unke nishaane par na hon. Unhonne khaadya suraksha bill ke masale par Modi dvaara seedhe pradhaanamantri ko chitthi bheje jaane ko mudda banaate hue likha hai, 'Modi ko BJP paarlyaameintari party par bharosa naheen hai, khaadya suraksha bill par khud hi PM ko chitthi likh rahe hain. Sushma Swaraj par bharosa naheen hai? ' digvijya ne BJP aur Narendra Modi ko gareeb virodhi karaar dete hue tweet kiya, 'BJP aur iske 'Aaikan' naheen chaahate ki desh ke gareebon food sikyooriti mile. Unhonne dikha diya hai ki ve gareeb virodhi hain. Ve hamesha gareebon ki madadgaar neetiyon ki aalochna karte hain. ' 7 August ko pradhaanamantri Manmohan Singh ko bheje letar mein Modi ne kaha hai ki food sikyooriti vidheyak mein kai saari kamiyaan hain. Gujarat ke mukhyamantri Narendra Modi ne is maamale mein mukhyamantriyon ki baithak bulaane ka prastaav rakha hai. Modi ke mutaabik is mudde ka sambandh kendra aur raajya donon sarkaaron se hai. Letar mein likha hai, 'Kendra aur raajya sarkaaron ko di gayi jimmedaariyaan vyavahaarik naheen hain. Laabhaarthi banane ki paatrata tay karte vakt bhi buniyaadi cheejon ka khyaal naheen rakha gaya. Har raajya ke haalaat alag hain, aise mein sab jagah samaan niyam thopana sahi naheen. ' Modi ne likha hai ki sansad ki sthaayi samiti ne bhi Yeh sifaarish ki thi paatrata ka paimaana tay karne ke liye raajya sarkaaron se charcha ki jaani chaahiye.


Isharat Jahaan Muthabhed IPS Peepi Pande Ne Kiya Surrender

Isharat Jahaan Muthabhed IPS Peepi Pande Ne Kiya Surrender

Breaking »

Nai Delhi: Isharat jahaan ke kathit farji muthabhed maamale mein IPS adhikaari peepi Pande ne Ahmedabad mein CBI ki adaalat mein surrender kar diya hai. Isse pehle Supreme court ne peepi Pande ki agrim jamaanat yaachika somvaar ko khaarij kar di thi. Pande ne giraftaari se bachane ke liye agrim jamaanat yaachika daayar ki thi. Isharat aur uske teen saathi 15 June 2004 ko police muthabhed mein maare gaye the. Us vakt peepi Pande Ahmedabad ke joint commissioner aur crime branch ke pramukh the.


Vishvaas Bahaali Ke Liye Bhaarat-Pak Ko Kadam Uthaate Rahane Ki Jaroorat America

Vishvaas Bahaali Ke Liye Bhaarat-Pak Ko Kadam Uthaate Rahane Ki Jaroorat America

Breaking »

Washington: Niyantran rekha par hinsa ki taaja ghatna ke baare mein chinta jataate hue America ne aaj kaha ki Bhaarat aur Pakistan ko aapasi vishvaas ko majaboot karne aur aapasi sambandh mein sudhaar laane ke liye kadam uthaate rahane ki jaroorat hai. Videshamantraalaya ki pravakta meri haarf ne kaha, hamein in khabaron ki jaankaari hai aur ham kisi bhi kism ki hinsa ko lekar chintit hain. Ham ummeed karte hain ki Bhaarat aur Pakistan ne apne dwipaksheeya sambandhon ko sudhaarane ke liye jo kadam haal hi mein uthaae hain, unhein ve jaari rakheinge. Unhonne kaha ki Kashmir par Bhaarat aur Pakistan ke beech baatcheet ki pragati, lakshya aur usaki prakruti unheen donon deshon ko tay karni hai. Unhonne kaha, ye charchaaen unheen donon deshon ki sarkaaron ke beech hoti hain aur is par faisala karne ke liye vahi ek sahi sthaan hai. Meri ne is baat par jor diya ki Kashmir aur charamapanth do alag vishay hain. Haarf ne kaha, mujhe lagta hai ham yahaan do alag-alag vishyon ki baat kar rahe hain. Main Kashmir aur us kshetr mein hamaari chinta ka vishay bane charamapanth mein antar rakhana chaahoongi. Kashmir par hamaari sthiti naheen badli hai aur mujhe is par aur kuchh naheen kehna hai.


Chaara Ghotaala Laaloo Yadav Ke Maamale Mein Judge Naheen Badalega

Chaara Ghotaala Laaloo Yadav Ke Maamale Mein Judge Naheen Badalega

Breaking »

Nai Delhi: Sarvochch nyaayaalaya ne mangalvaar ko raashtreeya janta dal (raajad) ke adhyaksh laaloo prasaad ki vah yaachika khaarij kar di, jismein unhonne Bihar mein hue chaara ghotaale mein apne khilaaf sunavaai kisi anya nyaayaalaya mein sthaanaantarit karne ki maang ki thi. Nyaayaalaya ke is faisale se laaloo ko karaara jhatka laga hai. Sarvochch nyaayaalaya ke pradhaan nyaayaadheesh, nyaayamoorti pi satashivm ki adhyakshata waali peeth ne nichli adaalat ko yathaasanbhav jald se jald maamale ki sunavaai poori karne ka nirdesh diya. Iske saath hi nyaayaalaya ne abhiyojan paksh ko apni bahas poori karne ke liye atirikt paanch din aur aaropiyon ko apna paksh rakhane ke liye 10 din ka samay diya. Nyaayaalaya ne kaha ki nichli adaalat, sarvochch nyaayaalaya aur Ranchi uchch nyaayaalaya ne jo kuchh kaha hai usase prabhaavit hue bagair apna faisala sunaaegi. Nyaayaalaya ne Yeh bhi kaha ki laaloo prasaad jis nyaayaadheesh ko badalne ki maang kar rahe hain, vah 2011 se hi maamale ki sunavaai kar rahe hain. Laaloo prasaad ne poorvaagrah se grast sunavaai hone ka aarop lagaate hue kaha tha ki nichli adaalat ke nyaayaadheesh ki bahan ki shaadi unke raajaneetik pratidvandvi Bihar ke mantri PK shaahi se hui hai. Unhonne maamale ki sunavaai kar rahe nyaayaadheesh ko badalne ki maang ki thi, jise sarvochch nyaayaalaya ne khaarij kar diya. Bihar mein karodon rupae ka chaara ghotaala 1996 mein saamane aaya tha. November 2000 mein Jharkhand ke alag hone ke dauraan 61 mein se 54 maamale Jharkhand sthaanaantarit kar diye gaye the. Kendreeya jaanch bureau ki alag-alag vishesh adaalatein 43 se jyaada maamalon par faisala suna chuki hain. (input IANS se bhi)


Baajaar Mein Livaali Ka Rukh, Sensex Mein Maamooli Teji

Baajaar Mein Livaali Ka Rukh, Sensex Mein Maamooli Teji

Breaking »

Mumbai: Asiaee baajaaron mein teji ke rukh ke beech koshon evam khudara niveshakon ki chuninda sheyaron mein livaali se Mumbai share baajaar ka Sensex 51 ank ki badhat ke saath khula. Tees sheyaron vaala Sensex 51.64 ank oopar 18,998.62 ank par khula. Baajaar mein IT, realty aur bijli companiyon ke sheyaron mein livaali ka rukh darj kiya gaya. Pichhle do satron mein Sensex 282.10 ank majaboot hua hai. Isi tarah, national stock exchange ka Nifty bhi 6.25 ank ki maamooli badhat lekar 5,618.65 ank par khula.


Bhaarat Mein Jiski Bhi Sarkaar Bane, Uske Saath Kareinge Kaam America

Bhaarat Mein Jiski Bhi Sarkaar Bane, Uske Saath Kareinge Kaam America

Breaking »

Sanyukt raashtra: Obama sarkaar ne aaj kaha ki Bhaarat mein agale saal ke aam chunaavon mein jo bhi vijayi hoga, America uske saath kaam karega. Ameriki videsh mantraalaya ki pravakta meri haarf ne kaha, ameriki videsh vibhaag aur ameriki sarkaar ke taur par ham kisi ka paksh naheen lete. Unhonne kaha ki chunaav ke nateejon mein jo bhi vijayi hoga ham uske saath kaam kareinge.


Bina Business School Training Ke Kamaae Hajaaron Karod Vaadra Par BJP Ka Nishaana

Bina Business School Training Ke Kamaae Hajaaron Karod Vaadra Par BJP Ka Nishaana

Breaking »

Nai Delhi: Robert vaadra ke bhoomi saudon ki jaanch ki maang kar rahe saansad aaj Loksabha aur Rajyasabha mein jamkar hangaama kar rahe hain. Donon sadanon mein hangaamein ke kaaran kaamkaaj thap hai. BJP ke varishth neta aur saansad yashavant sinha ne Loksabha mein bina kisi ka naam liye kaha ki desh mein tamaam business school aise hain, jahaan par paisa kamaane aur munaafa banaane ke gur sikhaae jaate hain, lekin hamaare desh mein oonche padon par baithe logon se juda ek aadmi aisa bhi hai jisne bina business school gaye hi hajaaron karod kamaane ki kala seekhi hai. Isi ke chalte Loksabha ki kaaryavaahi ko pehle 12 baje tak ke liye aur fir 2 baje tak ke liye sthagit karna pada. Vaheen Rajyasabha ki kaaryavaahi ko 12 baje tak ke liye sthagit kiya gaya. Filhaal Rajyasabha mein kaaryavaahi jaari hai. Udhar, BJP saansadon ke hangaamein ke beech Rajyasabha ke sabhaapati haamid Ansari ne vaadra maamale par charcha karavaane se inkaar kar diya. Unhonne naaraajagi jataate hue kaha ki Rajyasabha mein kisi kaanoon par amal naheen ho raha. Har kaanoon ko toda ja raha hai. Sadan araajak tatvon ko sangh ho gaya hai. Kuchh sadasya sansad mein aaj kishtavaad aur navaada hinsa ko lekar bhi hangaama kar rahe hain. Ullekhaneeya hai ki somvaar ko Haryana ke Congressi ke neta Rao indrajeet Singh ne Gurgaon jameen khareed vivaad mein raajya sarkaar ko jimmedaar thaharaaya hai. Unka kehna hai ki maamala Robert vaadra ka naheen hai, raajya sarkaar ne kai netaaon ko aur unke rishtedaaron ko faayda pahunchaaya hai. Is maamale ki jaanch honi chaahiye aur jo bhi doshi ho use saja milni chaahiye.


Saboot Ke Saath Samarthak Bole, Narendra Modi Ne Obama Ke Naare Ki Nakal Naheen Ki

Saboot Ke Saath Samarthak Bole, Narendra Modi Ne Obama Ke Naare Ki Nakal Naheen Ki

Breaking »

Nai Delhi: Hyderabad ki rally mein ravivaar ko Gujarat ke mukhyamantri Narendra Modi par jaise ameriki raashtrapati Barack Obama ke naare ki nakal karne ka aarop laga vaise hi unke samarthakon ne 2004 mein Narendra Modi ke bhaashan ke ansh Youtube par daale jahaan Narendra Modi poorv pradhaanamantri atal bihaari Vajpayee ki maujoodagi mein is prakaar ka naara laga rahe hain. Youtube par 'Aaisaportanaamo' naam ke user ne Yeh video upload karte hue bataaya hai ki 2004 mein vibrant Gujarat ke kaaryakram mein naara lagaaya tha 'Gujarat kain aur gujaraatees vil'. Is video mein tatkaaleen pradhaanamantri atal bihaari vaajapei bhi manch saajha karte hue dikhaai de rahe hain. Gaurtalab hai ki Hyderabad mein LB stadium mein khachaakhach bhari bheed ko sambodhit karte hue logon se apne saath naara lagaane ki appeal ki thi, Yeh naara tha 'Yas vi kain, Yeh vi vil doo'. Apne is naare mein Narendra Modi logon se Congress mukt Bhaarat banaane ki baat kah rahe the.


'Dostaana 2 Ki Shooting November Se Abhishek Bachchan

'Dostaana 2 Ki Shooting November Se Abhishek Bachchan

Breaking »

Nai Delhi: Abhineta Abhishek Bachchan ko 'Dostaana-2' ki shooting shuroo hone ka besabri se intajaar hai. Unhonne bataaya ki sambhaavana hai ki is yojana par November mein kaam shuroo ho jaae. 37 varsheeya junior bi ne ek saakshaatkaar mein kaha, film ke shuroo hone ko lekar ham bhi bahut lamba intajaar kar chuke hain. Humne abhi tak shooting shuroo naheen ki. Ham is varsh shooting kareinge. . Sambhavat: November mein. 'Dostaana 2' varsh 2008 mein I safal film 'Dostaana' ka sequel hogi. Ismein Abhishek aur John Abraham apne badle rol mein dikheinge jabki Priyanka Chopra ki bajaay is baar naayika ke roop mein Katrina kaif ko liya gaya hai. Karan jauhar dvaara prastut 'Dostaana 2' ka nirdeshan tarun manasukhaani kareinge.


Pak Ne Fir Kiya Yuddhaviraam Ka Ullanghan, Ruk-rukakar Firing Jaari

Pak Ne Fir Kiya Yuddhaviraam Ka Ullanghan, Ruk-rukakar Firing Jaari

Breaking »

Shreenagar: Pakistan ki or se bhaarateeya seema mein beete teen dinon se ruk-rukakar firing jaari hai. Taaja maamala bhaarateeya seema ke BSF ke post raamagadh sector ka hai. Yahaan Pakistani reinjars ne taabad-tod firing ki hai, jiska Bhaarat ki or se BSF ne bhi javaab diya hai. Pak ki or se seema par fir se ek baar seejafaayar ka ullanghan kiya gaya hai. Somvaar ko Pak ki or se kai baar bhaarateeya chaukiyon ko nishaana banaakar firing ki gayi. Punchh sector ke salotri aur meindhar sector mein Pak sena ki or se ki gayi goleebaari mein mortar aur goliyon ke khol rihaaishi ilaakon mein bhi ja gire. Pak ki or se baar-baar ki ja rahi firing ke baad seema par bani chaukiyon ki suraksha bada di gayi hai. Pakistan ki or se pichhle teen dinon mein kai baar seejafaayar ka ullanghan kiya gaya hai. Is ghatna ke baad se donon deshon ke beech tanaav ka maahaul hai aur vipaksh ne sarkaar se Pak ko munhatod javaab dene ki baat kahi hai. Sena ke tamaam varishth adhikaari lagaataar haalaat par najar banaae hue hain. Saath hi rakshaamantri ne bhi sena ke haalaat ko dekhte hue uchit kadam uthaane ke aadesh diye hain.


Sthiti Se Shaantipoorvak Niptein Bhaarat Aur Pakistan Baan Ki Moon

Sthiti Se Shaantipoorvak Niptein Bhaarat Aur Pakistan Baan Ki Moon

Breaking »

Sanyukt raashtra: Sanyukt raashtra ke mahaasachiv baan ki moon ne Bhaarat aur Pakistan donon deshon se apne matabhedon ka shaantipoorvak hal karne ke liye kaha hai. Baan is saptaah Pakistan ki yaatra kar rahe hain, jahaan vah desh ke svatantrata diwas samaaroh mein bhaag leinge aur sheersh netrutv se mulaakaat kareinge. Sanra mahaasachiv ke up-pravakta eduaadare Dale buethe ne kaha, mahaasachiv donon hi pakshon se is vivaad ka shaantipoorn hal khojane ke liye kah rahe hain. Eduaadare ne kaha ki Islamabad mein mahaasachiv raashtrapati aur pradhaanamantri samet kai varishth adhikaariyon se mileinge. Vah raashtreeya aapada prabandhan praadhikran ke pramukh ke saath charcha bhi kareinge aur raashtreeya aapada sankat mein kami laane ke liye usaki or se kiye ja rahe prayaason ki jaankaari leinge. Unhonne kaha ki mahaasachiv sabhi ke liye gunavattaapoorn shiksha ke prasaar aur protsaahan par charcha ke liye Islamabad mein chhaatron se mileinge. Sanyukt raashtra ke pravakta ne bataaya ki baan Pakistan ke svatantrata diwas samaaroh mein bhi shaamil honge. Vah antararaashtreeya shaanti aur sthaayitv kendra ka udghaatan kareinge. Vah sanyukt raashtra ki shaanti prakriyaaon mein yogadaan dene mein Pakistan ki bhoomika par bhi charcha kareinge.


2002 Mein Narendra Modi Ki Bhoomika Par Umar Ki Jaankaari Tathyaatmak Naheen BJP

2002 Mein Narendra Modi Ki Bhoomika Par Umar Ki Jaankaari Tathyaatmak Naheen BJP

Breaking »

Nai Delhi: Kishtavaad hinsa par Jammu-Kashmir ke mukhyamantri umar abdulla ke BJP par kataaksh ke javaab mein BJP ne umar ko tathyon mein sudhaar ka sujhaav dete hue kaha ki Gujarat ke 2002 ke dangon ke maamale mein Narendra Modi ki bhoomika ke baare mein unki jaankaari galat tathyon par aadhaarit hai. Party pravakta nirmala seetaaraman ne apne tweet mein kaha hai ki 28 February 2002 ko Gujarat mein dange bhadke aur 1 March ko sena tainaat ho chuki thi. Saath hi unhonne bataaya ki 28 February ko dangon ke turant baad hi usi din sena ko tainaat jaane ke liye aagrah kiya gaya tha. Unhonne umar abdulla ke us bayaan ki 2002 mein Modi ko kuchh din lag gaye the sena ko tainaat karne mein, kaha ki 28 February ke baad 1 March hi aata hai aur beech mein ek bhi din naheen hai. Gaurtalab haiki kishtavaad hinsa ki goonj somvaar ko sansad mein bhi sunaai di thi aur bhaarateeya janta party (BJP) ne apne varishth neta arun jetali ko ravivaar ko kishtavaad jaane se roke jaane ko lekar Jammu-Kashmir sarkaar ki aalochna ki aur hinsa ko lekar umar abdulla sarkaar par nishaana saadha tha. Ullekhaneeya hai ki is hinsa ke maamale mein do policewaalon sahit 11 logon ki giraftaari ki gayi hai aur chhah jilon mein curfew lagaaya gaya hai. Vaheen, is maamale ko lekar aarop lagaae jaane ke baad Jammu-Kashmir ke gruh raajyamantri sajjaad kichloo ne apne pad se isteefa de diya. BJP ne aarop lagaaya tha ki kichloo ne kishtavaad hinsa ko badhaava di. Haalaanki kichloo ne BJP ke aaropon ko niraadhaar bataaya. Kichloo ke isteefe ke baad Jammu-Kashmir ke mukhyamantri umar abdulla ne tweet kiya tha. . . Kya BJP 2002 yaad karegi. . . Kya jetali sansad ko Yeh bataane ka kasht kareinge ki 2002 mein kya Gujarat ke gruhamantri ya gruh raajya mantri ne isteefa dene ki peshakash bhi ki thi ya naheen. . . BJP aisa naheen kar sakti, kyonki unke PM banane ke ummeedavaar ne kai dinon tak sena ko bulaane ka intajaar kiya tha aur ab tak maafi naheen maangi hai. Kishtavaad hinsa ke maamale par Rajyasabha mein vipaksh ke neta arun jetali ne kaha, Yeh kaafi gambhir maamala hai. Vahaan saamudaayik rishte kaafi sauhaardapoorn the. Pichhle kuchh dinon mein kishtavaad mein raashtravirodhi gatividhiyaan badheen. Unhonne kaha ki asahaaya log madad ki guhaar laga rahe the aur police mookadarshak bani rahi. Jila prashaasan ne bhi koi kadam naheen uthaaya. Saikadon dukaanon mein aag laga di gayi, gharon mein todfod ki gayi aur log jakhmi hue. Jetali ne kaha ki sena bulaane mein jaanboojhkar deri ki gayi aur haalaat ko bigadne diya gaya. Unhonne kaha ki Jammu-Kashmir raajya kisi ek parivaar ki jaageer naheen hai. Yeh Bhaarat ka abhinn ang hai aur aapko tay karna hoga ki yahaan kaise shaasan chalaaya jaana hai. Jetali ne kaha ki kishtavaad mein mishrit samudaaya rahate hain aur unke beech aapasi bhaaichaara ka itihaas raha hai. Lekin Eid ke din kishtavaad mein log pradarshan ke roop mein jut gaye aur chuninda logon ko nishaana banaaya gaya. In ghatnaaon ke baare mein pradhaanamantri ko bhi soochit kiya gaya. Unhonne raajya sarkaar dvaara aaspaas ke kshetr mein media sahit kisi ko bhi pravesh ki ijaajat naheen dene ke nirnaya ka virodh karte hue kaha ki kya ham is tarah ki shuturamurg waali neeti apna kar soochanaaon ko chhipa sakte hain. Unhein kishtavaad jaane ki ijaajat naheen diye jaane ka jikr karte hue unhonne kaha, mere saath jo hua, vah gaun baat hai, lekin kya sabhi ke saath Yeh hona chaahiye. Unhonne mukhyamantri umar abdulla aur unke parivaar par kataaksh karte hue kaha, Jammu-Kashmir kisi parivaar ki sampatti naheen hai. Jetali ne kaha ki kya BJP shaasit raajyon mein kabhi aisa hua hai. Unhonne kaha ki is maamale mein media bhi dohare maapdand apna raha hai. Vipaksh ke neta ne poore maamale ki jaanch karaae jaane ki maang karte hue mrutakon evam ghaayalon ko muaavaja dilaane aur doshiyon ko saja dilaane ki maang ki. Unhonne is baat par hairat jataai ki is maamale mein abhi tak koi giraftaari kyon naheen hui. Is beech, gruh raajyamantri aarapeeen Singh ne bataaya ki kendra ne Jammu-Kashmir sarkaar se kishtavaad mein hui jhadap ke baare mein report maangi hai. Vaheen, Jammu-Kashmir ke mukhyamantri umar abdulla ne kishtavaad jhadap ki nyaayik jaanch ke aadesh diye hain. Umar ne ghoshana ki ki uchch nyaayalaya ke sevaanivrutt nyaayaadheesh is jaanch ka netrutv kareinge aur samay seema ke andar jaanch poori hogi.