Yojana Aayog Ke Sadasya 16 May Ko De Sakte Hain Isteefa

Breaking »

Yojana Aayog Ke Sadasya 16 May Ko De Sakte Hain Isteefa

Yojana aayog ke upaadhyaksh montek Singh Ahluwalia Yojana aayog ke upaadhyaksh montek Singh Ahluwalia Nai Delhi: yojana aayog ke sadasya 16 May ko apna isteefa de sakte hain. Is din hi Loksabha chunaav ke nateeje ghoshit hone hain. Sadasyon ke isteefa dene se nai sarkaar ke liye aayog ke punargathan ka raasta saaf hoga. ek sootr ne bataaya, sadasya is baat ko lekar ekamat hain ki vah agale saptaah hi apna isteefa saunp deinge. Poori sambhaavana hai ki aayog ke sadasya agale saptaah shukravaar ko apna isteefa saunp sakte hain. sootron ne bataaya ki aayog ke prashaasanik kaaryaalaya ne pehle hi sadasyon se kah diya hai ki chunaav parinaam ghoshit hone ke turant baad unhein apna aadhikaarik aavaas khaali kar dena chaahiye. Jo bhi apne sarkaari aavaas rakhana chaahate hain, unhein baajaar dar par kiraaya dena hoga. sootron ke anusaar kuchh sadasya nai sarkaar banane ke baad bhi apne sarkaari aavaas ko rakhana chaahate hain aur vah iske liye baajaar dar par kiraaya dene ko bhi taiyaar hain. Yeh poochhe jaane par ki kya aayog ke sadasya 16 May ko apna isteefa deinge? Aayog ke sadasya abhijeet sen ne kaha, is baare mein abhi koi faisala naheen kiya gaya hai. aayog ke sabhi sadasya pradhaanamantri ko apna isteefa saunpate hain. Pradhaanamantri aayog ka pramukh hota hai. Aayog ke upaadhyaksh montek Singh Ahluwalia ke alaava aayog ke poornakaalik sadasyon mein beeke chaturvedi, saumitr chaudhari, saida hameed, Narendra jaadhav, abhijeet sen, mihir shaah, ke. Kastooreerangan aur aran maayara shaamil hain.

Yojana Aayog Ke Sadasya 16 May Ko De Sakte Hain Isteefa http://www.angrejinews.com/pic/50074