Yogi Aadityanaath Ki Raatri Chaupaal, Gaanv Vaalon Se Jaana Sarkaari Yojanaaon Ka Sach

Breaking »

Yogi Aadityanaath Ki Raatri Chaupaal, Gaanv Vaalon Se Jaana Sarkaari Yojanaaon Ka Sach

Prataapagadh Kandhai madhupur gaanv mein somvaar ko lagi CM yogi aadityanaath ki pehli raatri chaupaal mein unhonne khud pehli baar sarkaari yojanaaon ki hakeekat parakhi. Unhonne haath uthavaakar mahilaaon se poochha ki gaanv mein kitne logon ko shauchaalaya mile hain? To mahaj ek-do haath hi uthe. Yahi haal pradhaanamantri aavaas yojana ka bhi tha. Yogi ne DM, seedeeo, deepeeaarao samet sabhi afsaron ko manch par bulaakar kataar lagavaai aur janta ke saamane ek-ek yojana ka hisaab poochha. Jal nigam ke ek afsar ne haindapanp aur pipe line saplaai ke aankade bataane mein gadbadi ki to vaheen dapat diya. Bole- main subah peyajal yojana ka haal khud check karoonga. Door baithe logon ko bulaaya kareeb Gaanv vaalon ko yogi ke manch se kaafi door baithaaya gaya tha. Unke saamane chaupaal ka manch bana tha aur log door se haath hilaakar kuchh kehne ki koshish kar rahe the, vah unki baat samajh naheen pa rahe the. Yogi ne is par naaraajagi jaahir ki, bole- inse itni door se kaise baat ho paaegi? Unhonne ishaara kiya to prashaasan ne mahilaaon ko bulaakar manch ke theek saamane bane 'Di' mein baitha diya. Mahilaaon ne ek-ek kar apni-apni samasyaaen bataain. Kareeb 10 hajaar ki aabaadi vaale gaanv kandhai madhupur mein 24 majare hain. Yahaan chaupaal mein jyaadaatar isi gaanv ke log the par kuchh door daraaj se bhi apni shikaayatein lekar aae the. 'Bhrasht afsaron ki sampatti jabt hogi' Yogi ke saamane deepeeaarao ne pradhaanamantri graameen aavaas yojana ka haal bataana shuroo kiya, usi vakt log aarop lagaane lage ki aavaas ke liye 20-20 hajaar rupaye lete hain. Is par yogi ne afsaron se saaf kaha ki vah yojanaaon ka poora sijra jaancheinge, jo bhi afsar bhrashtaachaar karta milega, usaki sampatti jabt hogi. Unhonne afsaron se mangalvaar se camp lagaakar yojanaaon ki fir se soochi banaane aur use sabko baantane ko kaha. Dalit ke ghar khaaya khaana Yogi ne der raat dalit dayaaraam saroj ke ghar khaana bhi khaaya. Dayaaraam ka ghar mitti se leepa gaya tha. Beech mein deepak lagaakar vandanavaar lagaae gaye the. Yogi ne yahaan roti, bhindi, taroi ki sabji khaai.

Yogi Aadityanaath Ki Raatri Chaupaal, Gaanv Vaalon Se Jaana Sarkaari Yojanaaon Ka Sach http://www.angrejinews.com/pic/202254