Yogi Aadityanaath Ke Kai Mantriyon Ke Pradarshan Se Raashtreeya Swayamsevak Sangh Khush Naheen

Breaking »

Yogi Aadityanaath Ke Kai Mantriyon Ke Pradarshan Se Raashtreeya Swayamsevak Sangh Khush Naheen

Lucknow Yogi aadityanaath sarkaar ke kai mantriyon ke pradarshan se sangh khush naheen hai. Khaaskar jameeni star par sangh ke paas kuchh mantriyon ko chhodkar adhiktar ki chhavi aur kaaryapranaali ko lekar feedabaik theek naheen hain. Sangh ne is chinta se BJP aur sarkaar ke logon ko bhi avagat karva diya hai. SP-BSP gathabandhan se upaji chintaaon ke beech sangh ne samarasata abhiyaan par jor dene ko kaha hai. Haalaanki yeh bhi taakeed ki gayi hai ki ismein kisi bhi varg ki upeksha ka sandesh na jaae. Sangh ke poorvi kshetr ke padaadhikaariyon ki baithak Budhvaar ko vishv samvaad kendra par hui. Baithak ki aguaai sangh ke sah sarakaaryavaah dattaatreya hosabale ne ki. Poorvi kshetr ke prachaarak anil ke saath kshetreeya team, chaaron praanton ke padaadhikaari aur aanushaangik sangathanon ke padaadhikaari aur BJP ke pradesh sangathan mahaamantri suneel bansal baithak mein shaamil the. Pradesh adhyaksh Mahendra naath paandeya bhi kuchh der ke liye vishv samvaad kendra pahunche the. Apekshit kriyaanvayan ka abhaav Baithak mein sangh ki gatividhiyon ki sameeksha ke saath sarkaar ke kaam-kaaj par bhi charcha hui. Kai padaadhikaariyon ne bataaya ki kuchh mantri apne vibhaag ke kaam-kaaj ko lekar sanjeeda naheen hain. Yojanaaon ka laabh aam tak pahunchane mein samasyaaen aa rahi hain. Maamala sanjnyaaan mein laane par bhi khaas pragati naheen ho rahi hain. Sangathan ki reeti-neeti se parichit kuchh mantriyon ki bhoomika bhi aashvaasan tak seemit hai. Samanvaya ke abhaav mein gutbaaji bhi panap rahi hai. Iska nuksaan sarkaar aur sangathan donon ko chhavi par ho raha hai. Samarasata par jor lekin samanvaya ke saath Sangh ke sheersh padaadhikaariyon ne samarasata abhiyaan ko aur badhaane par jor diya. SP-BSP gathabandhan ke baad hue jaateeya ubhaar se nipatna bhaajapa ke liye vaise bhi ek chunauti hai. Sootron ki maanein to sangh ne yeh bhi kaha ki samarasata abhiyaan aage badhe, lekin saath mein samanvaya bhi rahe. Abhiyaanon mein kaheen bhi kisi varg ko upeksha ka sandesh na jaae. Varg ke maanak honge kade Satta mein badhti bhaageedaari ke saath sangh se jude hone ka daava karne vaale 'Svayansevakon' ki baadh-si aa gayi hai. Is kaaran sangh ke prashikshan vargon mein kai aise chehare bhi hissa ban rahe hain, jo niyamit taur par na shaakhaaon ka hissa hain aur na hi sangh mein koi daayitv hai. Baithak mein spasht nirdesh diye gaye ki varg mein vaheen log shaamil hon jo shaakhaaon mein niyamit bhaageedaar hon. Iske liye naamon ki vidhivt sameeksha karne ko kaha gaya hai.

Yogi Aadityanaath Ke Kai Mantriyon Ke Pradarshan Se Raashtreeya Swayamsevak Sangh Khush Naheen http://www.angrejinews.com/pic/202528