Yeeshu Se Milne Ki Chaahat Mein Mahila Ne Car Mein Lagaai Aag

Breaking »

Yeeshu Se Milne Ki Chaahat Mein Mahila Ne Car Mein Lagaai Aag

Houston America ke Houston mein teen bachchon ki ek maan ne yeeshu se milne ki chaahat mein us car mein aag laga li jismein vah baithi hui thi. Us vakt car mein uske bachche bhi maujood the. Mahila ko hiraasat mein liya ja chuka hai. Pratyakshadarshiyon ne bataaya ki mahila ne car mein tab aag laga di jab vah apne teen bachchon ke saath uske bheetar baithi thi. Houston police ki pravakta jodi silva ne bataaya ki mahila ravivaar shaam car dhulaai ke liye gayi thi jab usane engine ko lagaataar chalaana shuroo kar diya aur is had tak chalaaya ki usamein aag lag gayi. Logon ne jab use aisa karte dekha to mahila ki teen bachchiyon ko bacha liya jinki aayu 9,11 aur 13 varsh hai. Pratyakshadarshiyon ne jaanchakartaaon ko bataaya ki mahila kah rahi thi , 'Ham yeeshu se milne ja rahe hain. ' fir mahila vahaan se bachchon ko lekar nikal gayi lekin baad mein hairis County ke depyuti constable ne use hiraasat mein le liya.

Yeeshu Se Milne Ki Chaahat Mein Mahila Ne Car Mein Lagaai Aag http://www.angrejinews.com/pic/202246