Yaun Utpeedn Maamala Court Ka Aadesh, Aar Ke Pachauri Par Tay Hon Aarop

Breaking »

Yaun Utpeedn Maamala Court Ka Aadesh, Aar Ke Pachauri Par Tay Hon Aarop

Nai Delhi Delhi ke saaket court ne shukravaar ko teri ke poorv pramukh aar ke pachauri ke khilaaf daayar maamale mein chhedchhaad ke aarop tay karne ka aadesh diya hai. Pachauri par sahakarmi dvaara yeh maamala darj karavaaya gaya tha. Is maamale ki agali sunavaai ab 20 October ko hogi. Haalaanki, court ne pachauri ko kuchh anya dhaaraaon se bari kar diya. Metropolitan magistrate chaaroo gupta ne bhaarateeya dand sanhita ki dhaara 354, dhaara 354 A (galat tareeke se chhoona aur ashleel tippani karne) aur dhaara 509 (ashleel sanket karne) ke tahat aarop tay karne ke aadesh diye hain. 2015 ko pachauri ke khilaaf case darj hua tha. Fir 21 March ko unhein agrim jamaanat mil gayi thi. Peedit ladki ne court ke order ke baad thodi raahat milne ki baat kahi. Unhonne kaha, 'Yeh aasaan naheen tha. Sachchaai saamane laane ke liye lamba sangharsh karna pada. ' Bata dein ki 13 February 2015 mein pachauri ki ek poorv saathi ne unapar yaun utpeedn ka aarop lagaaya tha. Iske baad February 2016 mein ek anya mahila ne aise hi aarop lagaae. Doosari mahila ke mutaabik, unke saath yeh sab 10 saal pehle hua tha. Mahila ne TERI ko unhein kaaryakaari upaadhyaksh niyukt karne ki aalochna bhi ki thi. Case darj hone ke baad pachauri ne IPCC ke pad se isteefa de diya tha. Haalaanki, TERI ki antarim committee dvaara jaanch mein doshi paae jaane ke baavajood vah is sanstha mein apne pad par bane rahe, jiski kaafi aalochna hui thi.

Yaun Utpeedn Maamala Court Ka Aadesh, Aar Ke Pachauri Par Tay Hon Aarop http://www.angrejinews.com/pic/223331