Yahaan Rahane Vaale Har Vyakti Ka Hai Singapore Pradhaanamantri Loong

Breaking »

Yahaan Rahane Vaale Har Vyakti Ka Hai Singapore  Pradhaanamantri Loong

Singapore: Singapore ke pradhaanamantri li scene loong ne kaha hai ki is desh ka naata yahaan rahane vaale har vyakti se juda hai, chaahe vah yahaan ka sthaayi nivaasi ho ya vah yahaan rojagaar ke liye aaya ho. Yeh desh ek aisa vishesh sthal bhi hai jahaan vividh samoohon ke beech vaarshik mahotsavon ka aayojan kiya jaata hai. shanivaar raat bhaarateeya navavarsh ke upalakshya mein aayojit ek saamudaayik samaaroh ko sambodhit karte hue li ne kaha, 'Singapore ke naagrik, yahaan aane vaale nae log, yahaan ke sthaayi nivaasi, yahaan rojagaar ke liye aae log, sabhi ek bade Singapore parivaar ki tarah yahaan apna yogadaan dete hain. Isliye hamaara maanana hai ki yeh ek vishesh jagah hai jo ham sabhi se sambandh rakhati hai aur yahaan khushnuma samaaroh milkar manaae jaate hain. ' laal kurta pahane li apne nirvaachan kshetr mein sthit saamudaayik club mein lagbhag 600 logon ke saath samaaroh mein shareek hue. Iske alaava unhonne vahaan ki saanskrutik pradarshani mein tanjaavur chitrakaari par bhi apna haath aajamaaya. Saath hi unhonne bhaarateeya nartakon ke shaastreeya nrutya ka bhi aanand uthaaya. li ne kaha ki yeh samaaroh 'Ekta mein laya' ki abhivyakti hai. Bade paimaane par yahaan logon ne ek bade Singapore parivaar ki tarah bhaag liya hai. bhaarateeya navavarsh ki tithi 14 April hai, lekin kuchh samudaaya Bhaarat ke vibhinn hisson mein aayojit samaarohon ke anusaar ise vibhinn tithiyon par manaate hain.

Yahaan Rahane Vaale Har Vyakti Ka Hai Singapore Pradhaanamantri Loong http://www.angrejinews.com/pic/49511