World Biofuel Day PM Modi Ne Sunaai Kisaan Aur Chaayavaale Ke Aadhunik Idea Ki Kahaani

Breaking »

World Biofuel Day PM Modi Ne Sunaai Kisaan Aur Chaayavaale Ke Aadhunik Idea Ki Kahaani

Nai Delhi World baayofyool de par ek kaaryakram ke dauraan shukravaar ko pradhaanamantri Narendra Modi ne ek kisaan aur ek chaayavaale ki aadhunik takaneek ka jikr kiya. Unhonne bataaya ki kuchh saal pehle ki baat hai, vah us samay Gujarat ke mukhyamantri the. Ek din unka kaafila gujar raha tha. Aage ek skootaravaala traiktar ka bada tube lekar ja raha tha. Peechhe chal rahi gaadiyon ke driver dar rahe the ki kaheen takara na jaaen. Pradhaanamantri ne kaha ki main bhi hairaan tha ki yeh aise kaise le ja raha hai. Unhonne kaha, 'Koi bhi samajhdaar vyakti tube khaali kar deta aur aage jaakar hava bhar leta. Mainne use rokavaaya. Skootaravaale se poochha ki bhaai kya kar rahe ho. Gir jaaoge, chot lag jaaegi. Usane bataaya ki vah apne khet ja raha hai. ' Pradhaanamantri ne kaha, 'Mainne usase poochha ki khet mein ye bhara hua tube kyon le ja rahe ho? Usane bataaya ki mere ghar mein kichn ka jo kooda-kachada niklata hai vah, aur mere paas do pashu hain, uske gobar ka istemaal vah gas ke plant mein karta hai. Usane bataaya ki vah us gas ko tube mein bharta hai aur use lekar khet mein jaata hai. Khet mein usi se vah paani ka panp chalaata tha. ' Modi ne aage kaha ki aap kalpana keejiye ki hamaare desh ka kisaan kitna saamarthyavaan hai. Chaayavaale ka bhi jikr, hans pade log Is dauraan unhonne ek chaayavaale ka bhi jikr kiya. PM ne kaha, 'Mainne akhbaar mein padha tha ki ek chhote se nagar mein naale ke paas koi chai bechata tha. ' Modi ne kaha ki jab chai banaane ki baat aati hai to mera dhyaan thoda jaldi jaata hai. Is par kaaryakram mein maujood sabhi log taaliyaan bajaate hue hans pade. Us chaayavaale ko pata chala ki gande naale se gas bhi niklati hai. Isse durgandh aati thi to usane ek bartan ko ulta karke chhed karke pipe daal di aur jo gatar se gas niklati thi use pipe ke jariye chai ke thele se jod diya. Iske baad vah isi gas se chai banaane laga. Bataaya, nai oorja ka mantra Is dauraan pradhaanamantri ne kaha ki baayofyool sirf vigyaan naheen hai balki vah mantra hai jo 21veen sadi ke Bhaarat ko nai oorja dene wala hai. Baayofyool yaani fasalon se nikla indhan ya koode-kachare se nikla indhan. Pradhaanamantri ne kaha, 'Ye gaanv se lekar shahar tak ke jeevan ko badalne wala hai. Aam ke aam, guthali ke daam ki jo puraani kahaavat hai, usaka ye aadhunik roop hai. ' Ithenaul se bache 4 hajaar karod Unhonne kaha ki ganne se ithenaul banaane ki yojana par atal ji ki sarkaar ke dauraan kaam shuroo hua tha lekin beete ek dashak mein is par gambheerta se prayaas naheen hue. Jab 2014 mein kendra mein NDA ki sarkaar bani to rodamaip taiyaar kiya gaya aur ithenaul ko milaane ka program shuroo kiya gaya. Unhonne kaha ki ithenaul ne na sirf kisaanon ko laabh pahunchaaya hai, balki desh ka paisa bhi bachaaya hai. Ithenaul ko petrol ke saath miks karne se pichhle varsh desh ko lagbhag 4 hajaar karod rupaye ke baraabar ki videshi mudra ki bachat hui hai. PM ne kaha ki lakshya yeh hai ki agale chaar varsh mein ye bachat kareeb 12 hajaar karod rupaye tak pahunche. Unhonne kaha ki baayofyool ka istemaal kisaanon ki aamdani badhaaega, rojagaar ke nae avsar paida karega, desh ka dhan bachaaega aur paryaavaran ke liye bhi varadaan saabit hoga. PM ne kaha ki desh ke liye yeh hamaare us vyaapak vijn ka hissa hai, jahaan svachhata, svaasthya aur gaanv-gareeb-kisaan ke samruddhi ka raasta aur majaboot hoga. Pradhaanamantri mein bataaya ki baayomaas ko baayofyool mein badalne ke liye sarkaar bade star par nivesh kar rahi hai. Deshbhar mein 12 aadhunik rifaainari banaane ki yojana hai. Rifaainari ke sanchaalan se lekar saplaai chen tak, lagbhag dedh lakh naujavaanon ko rojagaar ke nae avsar upalabdh honge. Unhonne kaha ki aaj gobaradhan, vanadhan aur janadhan se gareebon, kisaanon, aadivaasiyon ke jeevan mein vyaapak badlaav ke prayaas ho rahe hain. Na sirf fasal balki pashu ke gobar ka, khet ke avashesh ka, koode-kachare ke uchit upayog ke liye kaam ho raha hai.

World Biofuel Day PM Modi Ne Sunaai Kisaan Aur Chaayavaale Ke Aadhunik Idea Ki Kahaani http://www.angrejinews.com/pic/217866