White House Ne Nishaanebaaji Karte Obama Ki Tasveerein Jaari Keen

Breaking »

White House Ne Nishaanebaaji Karte Obama Ki Tasveerein Jaari Keen

Washington: Pichhle saal December mein ek school mein hui goleebaari ke baad bandookon par pratibandh lagaane ki raashtrapati Barack Obama ki koshishon se bandook maalikon mein paida hui chintaaon ko door karne ke liye white house ne skeet nishaanebaaji karte hue Obama ki tasveerein jaari ki hain. Obama somvaar ko goleebaari par rok lagaane ke maksad se apni yojana ko lekar bandookon par pratibandh lagaane ke liye Congress se appeal kareinge. 14 December ko Connecticut ke Newtown shahar mein ek maanasik roop se vikshipt vyakti ne 20 bachchon aur chhah vayaskon ko goliyon se chhalni kar diya tha. Iske baad se raashtrapati ne apne doosare kaaryakaal ke agende mein assault raayafal aur adhik kshamata vaale kaartooson par rok lagaane ki koshishon ko mukhya jagah di hai. Lekin unke upaayon ko bandook companiyon ke lobby samoohon, raajanetaaon, aalochakon, bandook maalikon aadi ke virodh ka saamana karna pad raha hai. In logon ka kehna hai ki aisa karna yah samvaidhaanik adhikaaron ka ullanghan hoga. Haal ke dinon mein Obama ne aisa dikhaane ki koshish ki hai ki bandook par rok lagaane ki koshishon ke baavajood nishaanebaaji ke khel mein unki ruchi hai. White house ke flicker pej par Obama ki yah tasveerein dekhi ja sakti hain.

White House Ne Nishaanebaaji Karte Obama Ki Tasveerein Jaari Keen http://www.angrejinews.com/pic/990