West Indies Daure Se England Karega 'Mahatvapoorn Saal Ka Aagaaj

Cricket »

West Indies Daure Se England Karega 'Mahatvapoorn Saal Ka Aagaaj

London, 12 January (eefapi) England pichhle kuchh varshon ke apne cricket ke sabse mahatvapoorn saal ki shurooaat West Indies daure se karega jahaan team ko teen test aur paanch ekadivseeya maichon ki shrrunkhala khelani hai. yeh saal England ke liye kaafi mahatvapoorn hai kyonki ve ekadivseeya vishwacup ke saath ashes ki mejabaani kareinge. Team ab tak ek baar bhi ekadivseeya vishv cup ka khitaab jeetne mein safal naheen rahi hai. England evam vels cricket board (iseebi) ke mukhya kaaryakaari adhikaari taam hairisn bhi maanate hain ki England cricket ke liye yeh 'Peedhi mein ek baar' jaisa mauka hai. West Indies daure ki shurooaat agale saptaah West Indies board ekaadash ke khilaaf baarabados mein abhyaas match se hogi. Jo root ki aguvaai waali test team ICC ranking mein doosare paayadaan par hai to vahi eon morgan ke netrutv waali ekadivseeya team sheersh par hai. West Indies ki team test ranking mein aathavein jabki ekadivseeya ranking mein nauvein sthaan par hai. test mein England ki team shaanadaar laya mein hai jisne Sri Lanka mein shrrunkhala jeetne ke saath apne ghar mein Bhaarat ko 4-1 se mat di thi. team haalaanki West Indies mein 1968 ke baad sirf ek baar test shrrunkhala mein jeet haasil kar saki hai. Michael vaan ki kaptaani mein team ne 2004 mein 3-0 se shrrunkhala apne naam ki thi. eefapi aanand sudheerasudheer.

West Indies Daure Se England Karega 'Mahatvapoorn Saal Ka Aagaaj http://www.angrejinews.com/pic/247296