Vyakti Ne Patni Aur Teen Betiyon Ki Hatya Kar Faansi Lagaai

Breaking »

Vyakti Ne Patni Aur Teen Betiyon Ki Hatya Kar Faansi Lagaai

Allahabad Uttar pradesh ke Allahabad mein ek vyakti ne somvaar ko kathit taur par apni patni aur teen betiyon ki hatya karne ke baad khud ko faansi laga li. Civil lines thaana ke kshetraadhikaari ne bataaya ki yeh ghatna somvaar dopahar ki hai. Bataaya ja raha hai ki dhoomanaganj thaana kshetr sthit peepal gaanv mein manoj Kushwaha urf bhulloo (35 varsheeya) ke makaan ka darvaaja din mein 12 baje se band tha. Padosiyon ne kuchh gadbad ki aashanka hone par shaam saadhe aath baje police ko is baare mein soochit kiya. Iske baad manoj ke makaan ka darvaaja toda gaya. Darvaaja todne par manoj ki patni Shweta ki laash frij mein, badi beti (aath varsheeya) preeti ki laash aalamaari mein, chhoti beti (chhah varsheeya) shivaani ki laash ataichi mein aur sabse chhoti beti (teen varsheeya) shreya ki laash jameen par padi mili. Iske alaava manoj Kushwaha faansi par lataka paaya gaya. Police ne in shavon ko kabje mein lekar postmortem ke liye bhej diya hai aur is sambandh mein aage jaanch ki ja rahi hai.

Vyakti Ne Patni Aur Teen Betiyon Ki Hatya Kar Faansi Lagaai http://www.angrejinews.com/pic/219274