Voting Samaapt Hote Hi Diesel Ka Daam Badha

Business »

Voting Samaapt Hote Hi Diesel Ka Daam Badha

Nai Delhi Loksabha chunaav ke liye voting samaapt hote hi tel companiyon ne diesel ke daam somvaar aadhi raat se 1.09 rupaye prati liter badha diye. Diesel ke daam mein har maheene ki jaane waali vruddhi 16veen Loksabha ke liye voting shuroo hone se kuchh pehle rok di gayi thi, lekin antim charan ki voting samaapt hone ke saath hi is par fir se amal shuroo kar diya gaya. Ismein raajyon mein lagne vaale tax shaamil naheen hain. Sarkaari tel companiyon ne aadhi raat se diesel ke daam 1.09 rupaye prati liter badhaane ki ghoshana kar di. Is badhotri mein alag-alag raajyon mein lagne vaala vait shaamil naheen hai, isaliye kul vruddhi raajyon mein alag-alag hogi. Delhi mein diesel ke daam vait sahit 1.22 rupaye badhkar 56.71 rupaye liter ho jaaenge. Mumbai mein yeh 65.21 rupaye ho jaaenge. Tel companiyon ko diesel ke daam mein is vruddhi ke baad bhi 5.71 rupaye prati liter ka nuksaan hoga. Petrol ke daam mein koi vruddhi naheen ki gayi hai. Petrol par tel companiyon ko 50 paise liter ka nuksaan ho raha hai. Keindreeya mantrimandal ne isse pehle January 2013 mein ek nirnaya ke tahat tel companiyon ko har maheene diesel ke daam mein 40 se 50 paise ki halki vruddhi karte rahane ki anumati di thi. Yeh vruddhi tab tak ki jaani thi jab tak ki diesel par hone vaala unka nuksaan samaapt naheen ho jaata. Tel companiyon ne ek April aur ek May 2014 mein yeh vruddhi naheen ki. Chunaav ke dauraan is tarah ke nirnaya lene se parahej kiya gaya par aaj usaki kasar poori kar di. Isse pehle 14 baar mein tel companiyon ne deelaj ka bhaav mein kul 8.33 rupaye liter ki vruddhi ki thi.

Voting Samaapt Hote Hi Diesel Ka Daam Badha http://www.angrejinews.com/pic/50367