Voting Khatm Hote Hi Twitter Par Narendra Modi Ka Chunaav Vishleshan

India »

Voting Khatm Hote Hi Twitter Par Narendra Modi Ka Chunaav Vishleshan

File photo File photo Nai Delhi: Loksabha chunaav ke nauvein aur aakhiri charan ka matadaan samaapt hone ke kuchh hi minute baad bhaajapa ke pradhaanamantri pad ke ummeedavaar Narendra Modi ne aaj shaam tweet sandeshon ke maadhyam se matadaataaon, chunaav aayog aur social media ka aabhaar vyakt kiya. Modi ne shaam kareeb 6: 30 baje twitter par post kiya, 'Bhaarat ne matadaan kiya. 2014 ke Loksabha chunaavon ke safalataapoorvak poora hone par Bhaarat ki janta ko badhaai. ' matadaan ke antim charanon mein chunaav aayog ki ninda karne vaale Modi aaj shaam aayog ki taareef karte hue dikhaai diye. Unhonne kaha, 'Main poore chunaav ke dauraan chunaav aayog aur sabhi nirvaachan adhikaariyon aur surakshaakarmiyon ke satat prayaason ke liye badhaai deta hoon. ' unhonne matadaataaon ke badi sankhya mein umadne ke sandarbh mein kaha, '2014 ke chunaavon ki sabse jyaada aanandit karne waali baat hai badha hua matadaan pratishat. Chilchilaati garmi aur baarish ko dhata bataate hue logon ne badi sankhya mein matadaan kiya. ' Modi ne apne agale tweet mein Congress par nishaana saadhate hue kaha, 'Saamaanya taur par sattaaroodh party chunaav ka agenda tay karti hai, lekin is baar ke prachaar abhiyaan mein sattaaroodh party na to sakriya rahi aur na hi utsaahit rahi, vah pratikriya deti rahi. ' unhonne apne samarthakon ko sandesh diya ki unka agenda hamesha vikaas aur sushaasan tha.

Voting Khatm Hote Hi Twitter Par Narendra Modi Ka Chunaav Vishleshan http://www.angrejinews.com/pic/50368