Voting Khatm Hote Hi 1.09 Rupaye Prati Liter Badhe Diesel Ke Daam

Breaking »

Voting Khatm Hote Hi 1.09 Rupaye Prati Liter Badhe Diesel Ke Daam

Nai Delhi: Loksabha chunaav ke liye matadaan samaapt hote hi tel companiyon ne diesel ke daam aaj aadhi raat se 1.09 rupaye prati liter badha diye. diesel ke daam mein har maheene ki jaane waali vruddhi 16veen Loksabha ke liye matadaan shuroo hone se kuchh pehle rok di gayi thi, lekin aaj antim charan ka matadaan poora hone ke saath hi ispar fir se amal shuroo kar diya gaya. saarvajanik kshetr ki tel companiyon ne aaj aadhi raat se diesel ke daam 1.09 rupaye prati liter badhaane ki ghoshana kar di. Is vruddhi mein alag alag raajyon mein lagne vaala moolyavardhit kar (vait) shaamil naheen hai. Isliye kul vruddhi raajyon mein alag alag hogi. Delhi mein diesel ke daam vait sahit 1.22 rupaye badhkar 56.71 rupaye liter ho jaaenge. Mumbai mein yeh 65.21 rupaye ho jaaenge. saarvajanik kshetr ki tel companiyon ko diesel ke daam mein is vruddhi ke baad bhi 5.71 rupaye prati liter ka nuksaan hoga. Haalaanki, petrol ke daam mein koi vruddhi naheen ki gayi hai. Petrol par tel companiyon ko 50 paise liter ka nuksaan ho raha hai. keindreeya mantrimandal ne isse pehle January 2013 mein ek nirnaya ke tahat tel companiyon ko har maheene diesel ke daam mein 40 se 50 paise ki halki vruddhi karte rahane ki anumati di thi. Yeh vruddhi tab tak ki jaani thi, jab tak ki diesel par hone vaala unka nuksaan samaapt naheen ho jaata. tel companiyon ne ek April aur ek May 2014 mein yeh vruddhi naheen ki. Chunaav ke dauraan is tarah ke nirnaya lene se parahej kiya gaya par aaj usaki kor kasar poori kar di. Isse pehle 14 baar mein tel companiyon ne deelaj ka bhaav mein kul 8.33 rupaye liter ki vruddhi ki thi.

Voting Khatm Hote Hi 1.09 Rupaye Prati Liter Badhe Diesel Ke Daam http://www.angrejinews.com/pic/50366