Vivaah Bandhan Mein Bandhe Cheteshvar Pujaara

Cricket »

Vivaah Bandhan Mein Bandhe Cheteshvar Pujaara

Rajkot: Bhaarat ke madhyakram ke ballebaaj cheteshvar pujaara apni mahila mitr pooja paabari ke saath parinya sootr mein bandh gaye. Teen din tak chalne vaala vivaah samaaroh mangalvaar raat sangeet sandhya ke saath shuroo huaa. Shaadi ki rasmein shaam ko poori hui. Bruhaspativaar ko risepshan hoga. Pooja Gujarat ke jaamanagar jile ki rahane waali hain aur management mein graduate hai. Cheteshvar ke pita Arvind pujaara ne kaha, 'Poori bhaarateeya team aur BCCI adhikaariyon ko nyauta diya gaya hai. ' Pujaara ke saathiyon ka haalaanki risepshan mein pahunchana mushkil hai kyonki ve Australia ke khilaaf shrunkhala ki taiyaariyon mein jute hain. Pujaara shaadi ke kaaran hi Mumbai ke khilaaf Irani cup match mein naheen khele the. Vah board adhyaksh ekaadash ki taraf se bhi Australia ke khilaaf naheen khele the. Unhein apni patni ke saath samay bitaane ka adhik samay naheen milega kyonki vah 15 February ko bhaarateeya team se jud jaaenge. Pujaara ne ab tak Bhaarat ki taraf se nau test match mein 58 ki ausat se 761 run banaae hain.

Vivaah Bandhan Mein Bandhe Cheteshvar Pujaara http://www.angrejinews.com/pic/1778