Vitt Aayog Ne Punjab Ke 31 Hajaar Karod Rupaye Ke Bakaaya Khaadya Rin Ke Niptaan Ke Liye Samiti Gathit Ki

Business »

Vitt Aayog Ne Punjab Ke 31 Hajaar Karod Rupaye Ke Bakaaya Khaadya Rin Ke Niptaan Ke Liye Samiti Gathit Ki

Chandigarh, 11 February (bhaasha) vitt aayog ne Punjab sarkaar ke 31 hajaar karod rupaye ke khaadya rin bakaaya ki jaanch tatha iske niptaan ke liye samiti ghoshit ki hai. yeh bakaaya maujooda sarkaar ko viraasat mein pichhli sarkaar se mila hai. 15vein vitt aayog ke Chairman N. Ke. Singh ne somvaar ko samiti gathit karne ki soochana jaari karne ki manjoori di. Punjab sarkaar ne ek aadhikaarik bayaan mein iski jaankaari di. Punjab ke mukhyamantri amarindar Singh ne is kadam ka svaagat karte hue 30,584 karod rupaye ke bakaaya karj ka sheegra samaadhaan hone ki ummeed jaahir ki. is samiti ki adhyakshata 15vein vitt aayog tatha neeti aayog ke sadasya ramesh chand kareinge. Unhein chhah saptaah ke bheetar report dene ko kaha gaya hai. vitt aayog ne Punjab yaatra ke dauraan 31 hajaar karod rupaye ke bakaaya rin ka samaadhaan karne ke liye samiti gathit karne ki ghoshana 30 January ko thi. Aayog ki raajya ki haaliya yaatra ke dauraan mukhyamantri ne viraasat mein mile karj ki gambheerta ka mudda uthaaya tha.

Vitt Aayog Ne Punjab Ke 31 Hajaar Karod Rupaye Ke Bakaaya Khaadya Rin Ke Niptaan Ke Liye Samiti Gathit Ki http://www.angrejinews.com/pic/254139