'Vishvaroopam Vivaad Kamal Hassan Aaj Naheen Jaaenge SC, Filhaal Kareinge Intajaar

Movies »

'Vishvaroopam Vivaad  Kamal Hassan Aaj Naheen Jaaenge SC, Filhaal Kareinge Intajaar

Nai Delhi: 'Vishvaroopam' par Madras High Court ki rok ke baad kamal Hassan aaj Supreme court naheen jaaenge aur filhaal vah intajaar karna chaahate hain. Is masale par kuchh filmkaar Tamil Nadu sarkaar se baat kareinge. Isse poorv Budhvaar ko kamal apni mega bajat film 'Vishvaroopam' mein se Quraan shareef se jude kuchh vivaadaaspad shabdon ko hataane par sahamat ho gaye the, lekin Madras High Court ki badi bench ne film par Tamil Nadu sarkaar dvaara lagaae gaye pratibandh ko barkaraar rakhane ka faisala sunaaya tha. 'Vishvaroopam' ko release karavaane ke liye kamal Hassan bharpoor koshish kar rahe hain. Unhonne Budhvaar ko kaha ki mere muslim bhaaiyon ne mujhse baat ki, aur humne maamala shaantipoorvak nipta liya hai. Ab mere aur muslim bhaaiyon ke beech koi matabhed naheen rah gaye hain. Unhonne yeh bhi kaha ki ab yeh raajya sarkaar ki jimmedaari hai ki vah sunishchit kare ki kisi ka bhi nuksaan na ho. Lekin iske baavajood 'Vishvaroopam' Tamil Nadu mein release naheen ki jaaegi, kyonki Madras High Court ki singal-judge bench dvaara mangalvaar ko diye gaye pratibandh hata dene ke faisale ko raajya sarkaar ki appeal par badi bench ne palat diya tha. Gaurtalab hai ki film par vivaad se aahat kamal Hassan ne din mein kaha tha ki agar unhein insaaf naheen mila to vah desh tak chhod sakte hain.

'Vishvaroopam Vivaad Kamal Hassan Aaj Naheen Jaaenge SC, Filhaal Kareinge Intajaar http://www.angrejinews.com/pic/660