'Vishvaroopam Se Ban Hata, Magar Kamal Hassan Ki Mushkilein Barkaraar

Movies »

'Vishvaroopam Se Ban Hata, Magar Kamal Hassan Ki Mushkilein Barkaraar

Chennai: Madras High Court dvaara ban hataae jaane ke baavajood vishvaroopam ki mushkilein barkaraar hai. Ban hataae jaane ke faisale khilaaf Tamil Nadu sarkaar ki appeal par aaj Madras High Court sunavaai karegi. Isse poorv prakhyaat abhineta kamal Hassan ko badi raahat dete hue Madras High Court ne unki film 'Vishvaroopam' par lage pratibandh ko hataane ka aadesh diya tha. 'Vishvaroopam' par yeh pratibandh Tamil Nadu sarkaar ne lagaaya tha. Film mein kathit taur par muslim-virodhi saamagri hone ke kaaran ise pratibandhit kiya gaya tha. Is film ke nirmaan par kathit taur par 100 karod rupaye kharch kiye gaye hain. Sunavaai ke dauraan Tamil Nadu sarkaar ne is film ko diye gaye 'You. . A' pramaan-patra par savaal uthaae aur aarop lagaaya ki filmon ka pramaanan apne aap mein bahut bada ghotaala hai. Raajya sarkaar ne iski jaanch karaae jaane ki maang ki. Mahaadhivakta A Navnitkrishnan ne kaha ki 'Vishvaroopam' ka 'You. . A' pramaan-patra censor board ki or se jaari naheen kiya gaya tha, balki mahaj ek pareekshan samiti ki or se jaari kiya gaya, jise samvidhaan ke praavadhaanon ke tahat aisa karne ka adhikaar naheen hai. Is aarop ko khaarij karte hue atirikt solicitor general Wilson ne kaha ki uchit prakriya ke tahat hi pramaanan kiya gaya. Pramaanan ke liye aavedan censor board ke paas 4 October 2012 ko aaya. 8 October ko film dekhi gayi aur 10 October ko film se kuchh drushya kaatne ke liye notice bheje gaye, jin drushyon ko kaatne ke liye kaha gaya, unhein kaat diya gaya aur antim taur par film ko pramaan-patra jaari kiya gaya.

'Vishvaroopam Se Ban Hata, Magar Kamal Hassan Ki Mushkilein Barkaraar http://www.angrejinews.com/pic/524