'Vishvaroopam Kamal Hassan Ne Kaha, Insaaf Ke Liye Lad Raha Hoon, Shaanti Banaae Rakhein

India »

'Vishvaroopam  Kamal Hassan Ne Kaha, Insaaf Ke Liye Lad Raha Hoon, Shaanti Banaae Rakhein

Chennai: Apni mega bajat film 'Vishvaroopam' ko lekar jaari vivaad par aahat nirdeshak-abhineta kamal Hassan ne aaj kaha hai ki unke dil mein insaaf milne ki ummeed ab bhi kaayam hai, lekin agar ab is desh mein unhein koi dharmanirpeksh jagah naheen mil pai, to vah desh chhodne ke liye bhi taiyaar hain. Subah diye is bayaan ke baad jab court ne unhein raahat naheen mili tab shaam ko kamal Hassan ne apne samarthakon se appeal ki ki vah nyaaya ke liye lad rahe hain aur samarthak shaanti banaae rakhein. Bata dein ki aaj do judgeon ki bench ne bhi film par ban barkaraar rakha hai. Ab kaha ja raha hai ki kamal Hassan High Court ki badi bench ke aadesh ke khilaaf Supreme court mein appeal karegi. Gaurtalab hai ki subah bhaavuk svar mein diye gaye vaktavya mein kamal Hassan ne kaha ki adaalat se unhein nyaaya milne ki aasha hai, lekin Tamil Nadu sarkaar unhein raajya se bhagaana chaahati hai. Unhonne yeh bhi kaha ki vah sirf ek kalaakaar hain, aur vah jahaan bhi jaaenge, unki kala hamesha unke saath rahegi. Unhonne kaha ki unhein naheen maaloom ki yeh khel kaun khel raha hai aur ab unhein is vivaad ke baad mahasoos ho raha hai ki Tamil Nadu sarkaar unhein yahaan naheen rahane dena chaahati hai, isliye unhein rahane ke liye ek dharmanirpeksh jagah ki jaroorat hai. Unhonne behad aahat svar mein kaha ki yadi unhein aisi jagah Bhaarat mein naheen milti hai, to vah videsh chale jaaenge. Vaise unhonne kaha ki Tamil Nadu ko chhodkar Kashmir se Kerala tak vah aisi jagah dhoondheinge, parantu agar kisi bhi raajya mein unhein sharan naheen milti to vah kisi na kisi dharmanirpeksh desh ko talaash leinge. Unhonne kaha ki makabool fida husain (mashahoor painter MF husain) ko bhi aisa karna pada tha, aur ab Hassan bhi aisa hi karega. Kamal Hassan ne saaf kiya ki yadi desh chhodne ki naubat aati hai, to bhi vah apne logon (prashansakon) se naaraaj naheen hain aur tamil mein hi filmein banaate raheinge. Unhonne kaha ki main sirf ek kalaakaar hoon aur kisi bhi dharm ko dosh naheen de raha hoon. Mujhe ummeed hai ki mere prashansak shaanti banaae rakheinge, jinmein bahut-se muslim bhi shaamil hain. Mainne muslimon ko apni film iseeliye dikhaai thi, kyonki ve mere bhaai hain. Hassan ne kaha, mainne is film ke liye apni saari jaayadaad girvi rakh di hai aur release mein deri ke kaaran apna ghar bhi ganva chuka hoon. Kamal ke mutaabik film ki kahaani Afghanistan par aadhaarit hai, isliye vah hairaan hain ki bhaarateeya muslimon ko kis cheej ne aahat kiya aur is baat se bhi unhein aashcharya hota hai ki sirf ek film poore desh ki ekta ko kaise bigaad sakti hai.

'Vishvaroopam Kamal Hassan Ne Kaha, Insaaf Ke Liye Lad Raha Hoon, Shaanti Banaae Rakhein http://www.angrejinews.com/pic/627