Vishvaroopam Jayalalita Ne Di Tivaari Ko Jaankaari Jutaane Ki Naseehat

Breaking »

Vishvaroopam  Jayalalita Ne Di Tivaari Ko Jaankaari Jutaane Ki Naseehat

Chennai: Tamil Nadu ki mukhyamantri jayalalita ne guruvaar ko soochana evam prasaaran mantri ko naseehat di ki unhein cinematography kaanoon par tippani karne se pehle saari jaankaari juta leni chaahiye thi. Jayalalita ne kaha, ''Main shri maneesh tivaari ko javaab naheen dena chaahati. Mujhe lagta hai unhein kaafi jaankaari jutaani padegi. Mujhe lagta hai ki unhonne Tamil Nadu cinema niyman kaanoon 1955 ke baare mein naheen suna hai. '' Unhonne tivaari ke sujhaav ke baare mein samvaadadaataaon dvaara poochhe gaye savaalon ke javaab mein baat kahi. Tivaari ne sujhaav diya tha ki cinematography kaanoon ki sameeksha kiye jaane jaroorat hai taaki abhineta nirdeshak kamal Hassan ki film vishvaroopam par pratibandh lagaane ke Tamil Nadu sarkaar ke faisale ki prushthabhoomi mein censor board ke nirnaya ko laagoo kiya ja sake. Jayalalita ne kaha, ''Mujhe lagta hai ki unhein uchchatam nyaayaalaya ke faisale ke baare mein maaloom naheen hai. Tamil Nadu sarkaar dvaara ''Dem 999'' par lagaae gaye pratibandh ko chunauti di gayi thi. Yaachika ko uchchatam nyaayaalaya ne khaarij kar diya aur hamaare nirnaya ko sahi thaharaaya gaya. '' Tivaari ne Budhvaar ko kaha tha ki raajyon ko film ki screening ke maamale mein censor board ke nirnaya ko laagoo karna chaahiye.

Vishvaroopam Jayalalita Ne Di Tivaari Ko Jaankaari Jutaane Ki Naseehat http://www.angrejinews.com/pic/729