Vishv Cup Team Mein Shaamil Ho Sakte Hain Pant, Shankar, Rahaane Prasaad

Cricket »

Vishv Cup Team Mein Shaamil Ho Sakte Hain Pant, Shankar, Rahaane Prasaad

Mumbai Bhaarateeya chayan samiti ke Chairman emaesake prasaad ka kehna hai ki rishabh pant, vijay shankar aur ajinkya rahaane vishv cup ke liye chuni jaane waali bhaarateeya team ka hissa ho sakte hain. ICC cricket vishv cup is varsh England aur vels mein hona hai aur Bhaarat ko khitaab ka prabal daavedaar maana ja raha hai. Prasaad ne maana ki pant ke behatareen pradarshan ne chayanakartaaon ki mushkilein badha di hain aur vijay ki ballebaaji ne vishv cup ke liye chuni jaane waali team ko ek naya aayaam diya hai. 'Cricinfo' ne prasaad ke havaale se bataaya, 'Nishchit roop se pant race mein hain. Unhonne chayanakartaaon ki mushkilein badha di hain, jo ki ek achhi cheej hai. Pichhle ek saal mein khel ke sabhi faurmet mein pant ka pradarshan damadaar raha hai. Hamein mahasoos hua ki unhein paripakva hone ki jaroorat hai, isliye humne unhein India-A ki har sambhav series mein shaamil kiya. ' pant ne 2018 mein vest Indies ke khilaaf keval teen one-day match khele, lekin test cricket aur India-A ki or se kiye gaye shaanadaar pradarshan ke liye chayanakartaaon ne unki saraahana ki. Vishv cup ke liye pant ko bhaarateeya team mein bataur ballebaaj bhi shaamil kiya ja sakta hai kyonki Mahendra Singh Dhoni aur dinesh kaartik ke roop mein chayanakaartaaon ke paas wicket-keeper ka vikalp pehle se hi maujood hai. Doosari or, harfanmaula khilaadi shankar ne new jeelaind ke khilaaf hui ti-20 series mein viraat Kohli ki gair maujoodagi mein number 3 par behatareen pradarshan karte hue team mein apni upayogita bhi saabit ki hai. Prasaad ne kaha, 'Jitne bhi mauke mile usamein vijay shankar ne yeh darshaaya hai ki unke paas is star par khelne ki kshamata hai. Ham pichhle do varshon se India-A ke vibhinn dauron ke jariye behtar khilaadi banaane ka prayaas kar rahe hain lekin hamein yeh dekhna hoga ki vah team mein kis tarah fit baitheinge. ' rahaane par prasaad ne kaha, 'Ghareloo cricket mein unhonne shaanadaar pradarshan kiya hai. Vah vishv cup ke liye chuni jaane waali team mein shaamil ho sakte hain. '

Vishv Cup Team Mein Shaamil Ho Sakte Hain Pant, Shankar, Rahaane Prasaad http://www.angrejinews.com/pic/254067